ରାୟଗଡା

ଜିଆରଏସଙ୍କ ବଦଳି ପୁନଃ ବିଚାର କରା ନ ଗଲେ ଦିଆଯିବ ପ୍ରତୀକ ଧାରଣା

ନବରଙ୍ଗପୁର,୧୪।୬(ବି.ପ୍ର.)- ଗ୍ରାମ ରୋଜଗାର ସେବକ(ଜିଆରଏସ)ମାନଙ୍କ ବଦଳି ନେଇ ଜିଲା ସଂଘ ଓ ଭାରତୀୟ ମଜଦୁର ସଂଘ ସଭାପତି ପରମେଶ୍ୱର ବିଷୋୟୀ ଜିଲାପାଳଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି । ଅଭିଯୋଗର ପୁନଃ ବିଚାର କରା ନ ଗଲେ ଆନ୍ଦୋଳନ କରାଯିବ ବୋଲି ଜଣାଇଛନ୍ତି । ୬ ତାରିଖରେ ଜିଲାର ୩୦ ଜଣ ଜିଆରଏସଙ୍କୁ ବଦଳି ହୋଇଛି ।

 ୨୫ ହିତାଧିକାରୀଙ୍କୁ ଗ୍ୟାସ ସିଲିଣ୍ଡର ବଣ୍ଟନ

୨୫ ହିତାଧିକାରୀଙ୍କୁ ଗ୍ୟାସ ସିଲିଣ୍ଡର ବଣ୍ଟନ

ଡାବୁଗାଁ/ପାପଡାହାଣ୍ଡି,୧୪।୬ (ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ ବନାଞ୍ଚଳର ଜଟାବାଲ ସେକସନ ଅଧୀନ ଟଇଲାଗୁଡା ଗ୍ରାମରେ ନବରଙ୍ଗପୁର ବନଖଣ୍ଡ ତରଫରୁ ଆମ ଜଙ୍ଗଲ ଯୋଜନା ଆନୁକୁଲ୍ୟରେ ଉଜ୍ଜ୍ୱଳା ଯୋଜନା ମାଧ୍ୟମରେ ଏଲପିଜି ଗ୍ୟାସ ବନ ସୁରକ୍ଷା ସମିତି ହିତାଧିକାରୀଙ୍କୁ ବଣ୍ଟନ କରାଯାଇଛି । ଏଥିରେ ମୁଖ୍ୟ ଅତିଥି ଭାବେ ନବରଙ୍ଗପୁର ବନଖଣ୍ଡ ଅଧିକାରୀ ରଞ୍ଜିତ କୁମାର ନାୟକ ଯୋଗ ଦେଇ ହିତାଧିକାରୀ ମାନଙ୍କୁ ଗ୍ୟାସ ବଣ୍ଟନ କରିଥିଲେ ।

ବାହ୍ୟ ମଳମୁକ୍ତ ଗାଁ ନାଗ୍ରାଡଙ୍ଗରୀ

ବାହ୍ୟ ମଳମୁକ୍ତ ଗାଁ ନାଗ୍ରାଡଙ୍ଗରୀ

ଉମରକୋଟ,୧୪।୬(ଡି.ଏନ.ଏ)-ନବରଙ୍ଗପୁର ଜିଲା ଉମରକୋଟ ବ୍ଲକ ଅନ୍ତର୍ଗତ ନାଗ୍ରାଡଙ୍ଗରୀ ଗାଁକୁ ବାହ୍ୟ ମଳମୁକ୍ତ ଗାଁ ଭାବେ ଘୋଷଣା କରାଯାଇଛି। ଉମରକୋଟ ପଞ୍ଚାୟତ ସମିତି ଓ ରାଜ୍ୟ ଜଳ ଯୋଗାଣ ଏବଂ ସ୍ବଚ୍ଛତା ମିଶନ ପକ୍ଷରୁ ଉକ୍ତ ଗ୍ରାମରେ ଆୟୋଜିତ ଏକ ସଭାରେ ସମ୍ପୂର୍ଣ୍ଣ ବାହ୍ୟ ମଳମୁକ୍ତ ଆଦର୍ଶ ଗ୍ରାମ ଭାବେ ବିବେଚିତ କରାଯାଇ ପୁରସ୍କୃତ କରାଯାଇଛି। ଏଥିରେ ଉମରକୋଟ ବିଡିଓ ତରଣୀ ସୁନା ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ପଞ୍ଚାୟତ ସମିତି ଅଧ୍ୟକ୍ଷ ଲାଇବାନ ଭକ୍ତ, ମୁଖ୍ୟବକ୍ତା ମନ୍ତ୍ରୀଙ୍କ ପ୍ରତିନିଧି କାଜମ ମଦାନୀ ଏବଂ ଜଳଯୋଗାଣ ଓ ସ୍ବଚ୍ଛତା ମିଶନ କନିଷ୍ଠ ଯନ୍ତ୍ରୀ ଯୋଗ ଦେଇ ବାହାରେ ମଳତ୍ୟାଗ ନ କରିବାକୁ ସଚେତନ କରିଥିଲେ।

ଶିଶୁ ଶ୍ରମିକ ନୀରୋଧ  ସଚେତନତା କାର୍ଯ୍ୟକ୍ରମ

ଶିଶୁ ଶ୍ରମିକ ନୀରୋଧ ସଚେତନତା କାର୍ଯ୍ୟକ୍ରମ

ଉମରକୋଟ,୧୪।୬(ଡି.ଏନ.ଏ)-ଶିଶୁ ଶ୍ରମିକ ନୀରୋଧ ସଚେତନତା କାର୍ଯ୍ୟକ୍ରମ ଉମରକୋଟ ତାଲୁକ ଆଇନ ସେବା ପ୍ରାଧିକରଣ ପକ୍ଷରୁ ସ୍ଥାନୀୟ ବିବେକାନନ୍ଦ ଇନଷ୍ଟିଚ୍ୟୁଟ ଅଫ ଭୋକେସନାଲ ଏଜୁକେଶନଠାରେ ଅନୁଷ୍ଠିତ ହୋଇଯାଇଛି। ଉମରକୋଟ ପ୍ରଥମ ଶ୍ରେଣୀ ବିଚାରପତି ବିଭୂତି ଭୂଷଣ ନାୟକ ଯୋଗ ଦେଇ ଶିଶୁ ଶ୍ରମିକ ଆଇନ ବିଷୟରେ ଅବଗତ କରାଇଥିଲେ। ଉମରକୋଟ ଏସଡିପିଓ ହେମନ୍ତ କୁମାର ପାଢୀ ଯୋଗ ଦେଇ ଶିଶୁ ମାନଙ୍କୁ ବିଭିନ୍ନ ହୋଟେଲ, ଦୋକାନମାନଙ୍କୁ ନିୟୋଜିତ କରିବା ଫଳରେ ଶିକ୍ଷା ଅଧିକାରରୁ ସେମାନେ ବଞ୍ଚିତ ହେଉଛନ୍ତି। ଏହା ଏକ ଅପରାଧ ବୋଲି କହିଥିଲେ।

ପଞ୍ଚାୟତ ଅଫିସ୍‌ ନିର୍ମାଣକୁ ବିରୋଧ: ଜିଲାପାଳଙ୍କ ଦ୍ୱାରସ୍ଥ ହେଲେ ଗ୍ରାମବାସୀ

ପଞ୍ଚାୟତ ଅଫିସ୍‌ ନିର୍ମାଣକୁ ବିରୋଧ: ଜିଲାପାଳଙ୍କ ଦ୍ୱାରସ୍ଥ ହେଲେ ଗ୍ରାମବାସୀ

ପାରଳାଖେମୁଣ୍ଡି,୧୪।୬(ସ୍ବ.ପ୍ର.): ଗଜପତି ଜିଲା ରାୟଗଡ ବ୍ଳକ ଆମେଡା ପଞ୍ଚାୟତର ଆମେଡା ଗ୍ରାମବାସୀ ସେହି ଗାଁରେ ପଞ୍ଚାୟତ କାର୍ଯ୍ୟାଳୟକୁ ବିରୋଧ କରି ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ଏ ନେଇ ସେମାନେ ଜିଲାପାଳଙ୍କ ଅନୁପସ୍ଥିତିରେ ଉପଜିଲାପାଳଙ୍କୁ ଏକ ପତ୍ର ଦେଇଛନ୍ତି। ଘଟଣାରୁ ପ୍ରକାଶ ଯେ, ଜଲାଙ୍ଗ ପଞ୍ଚାୟତର ୮ଗାଁ ଓ ଡମ୍ବାଳ ପଞ୍ଚାୟତର ୬ଟି ଗାଁକୁ ମିଶାଇ ଆମେଡା ପଞ୍ଚାୟତ ଗଠନ କରାଯାଇଛି।

ରାସ୍ତା, ଡ୍ରେନ୍‌ ନିର୍ମାଣ ପାଇଁ ଶିଳାନ୍ୟାସ

ରାସ୍ତା, ଡ୍ରେନ୍‌ ନିର୍ମାଣ ପାଇଁ ଶିଳାନ୍ୟାସ

ପାରଳାଖେମୁଣ୍ଡି,୧୪।୬(ସ୍ବ.ପ୍ର.): ଗଜପତି ଜିଲା ପାରଳାଖେମୁଣ୍ଡି ପୌରପରିଷଦ ପକ୍ଷରୁ ବିଭିନ୍ନ କାର୍ଯ୍ୟ ପାଇଁ ଶିଳାନ୍ୟାସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ୨ନମ୍ବର ୱାର୍ଡର ଜାଡିମ୍ମା ସାହିରେ ୭ଲକ୍ଷ ଟଙ୍କା ବ୍ୟୟ ଅଟକଳରେ ରାସ୍ତା ଓ ଡ୍ରେନ୍‌ କାମ ପାଇଁ ଶିଳାନ୍ୟାସ ହୋଇଛି। ସେହିପରି ଛାମୁଟିଆ ସାହି ପଛ ପାର୍ଶ୍ୱରେ ଏକ ରୋଡ ଓ ଡ୍ରେନ କାର୍ଯ୍ୟ ପାଇଁ ୧୦ଲକ୍ଷ ଟଙ୍କା ବ୍ୟୟ ଅଟକଳରେ ଶିଳାନ୍ୟାସ କରାଯାଇଛି।

କୁନ୍ଦୁଲି ମାମଲା: ୧୭ରେ ତୃତୀୟ ପର୍ଯ୍ୟାୟ ସାକ୍ଷ୍ୟ ଗ୍ରହଣ

କୁନ୍ଦୁଲି ମାମଲା: ୧୭ରେ ତୃତୀୟ ପର୍ଯ୍ୟାୟ ସାକ୍ଷ୍ୟ ଗ୍ରହଣ

ଜୟପୁର,୧୪।୬(ନି.ପ୍ର): କୁନ୍ଦୁଲି ଗଣବଳାତ୍କାର ଓ ଆତ୍ମହତ୍ୟା ମାମଲାର ତୃତୀୟ ପର୍ଯ୍ୟାୟ ସାକ୍ଷ୍ୟ ଗ୍ରହଣ ତଦନ୍ତ କମିଶନଙ୍କଠାରେ ଆସନ୍ତା ୧୭ ତାରିଖରେ ଅନୁଷ୍ଠିତ ହେବ। ଜୟପୁର ଜିଲା କୋର୍ଟ ପରିସରରେ ବିଚାର ବିଭାଗୀୟ କମିଶନ ବିଦ୍ୟୁତ କୁମାର ମିଶ୍ର ଙ୍କ ନିକଟରେ ଉକ୍ତଦିନ ୫ ଅଧିକାରୀଙ୍କୁ ସାକ୍ଷ୍ୟ ଦେବା ପାଇଁ ନୋଟିସ ଜାରି କରିଛନ୍ତି। ସେମାନେ ହେଲେ ଡାକ୍ତର ସଧିପା ଦାସ, ଡାକ୍ତର ଆକାଂକ୍ଷା ତ୍ରିପାଠୀ, ଡିଏସପି କିଶୋର ଚନ୍ଦ୍ର ଦାସ, ଶିଶୁ ସୁରକ୍ଷା ଅଧିକାରୀ ରାଜଶ୍ରୀ ଦାସ ଓ ଲାଇଫ ଲାଇନର ସୁଜାତା ନାଇଡୁ।

ବିଶ୍ୱ ରକ୍ତଦାତା ଦିବସ ପାଳିତ

ବିଶ୍ୱ ରକ୍ତଦାତା ଦିବସ ପାଳିତ

ମାଲକାନଗିରି,୧୪।୬(ଡି.ଏନ.ଏ): ମାଲକାନଗିରି ଜିଲା ସଦର ମହକୁମାସ୍ଥିତ ଦୀନ ଦୟାଲ ଉପାଧ୍ୟାୟ ଗ୍ରାମୀଣ କୌଶଳ ବିକାଶ ତାଲିମ କେନ୍ଦ୍ରଠାରେ ବିଶ୍ୱ ରକ୍ତଦାତା ଦିବସ ପାଳିତ ହୋଇଯାଇଛି। ମାଲକାନଗିରି ମହାବିଦ୍ୟାଳୟର ଯୁବ ରେଡକ୍ରସ ପକ୍ଷରୁ ଆୟୋଜିତ ଉତ୍ସବରେ ଯୁବ ରେଡକ୍ରସର ସମ୍ପାଦକ ଡଃ.ରଞ୍ଜନ କୁମାର ସ୍ବାଇଁ ଅଧ୍ୟକ୍ଷତା କରିଥିଲେ।

ବିଶ୍ୱ ରକ୍ତଦାତା ଦିବସରେ ବାହାରିଲା ଶୋଭାଯାତ୍ରା

ବିଶ୍ୱ ରକ୍ତଦାତା ଦିବସରେ ବାହାରିଲା ଶୋଭାଯାତ୍ରା

ସେମିଳିଗୁଡ଼ା,୧୪।୬(ସ୍ବ.ପ୍ର): କୋରାପୁଟ ଜିଲା ସେମିଳିଗୁଡ଼ାରେ ବିଶ୍ୱ ରକ୍ତଦାତା ଦିବସ ପାଳିତ ହୋଇଯାଇଛି । ଏଥିରେ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ମୁଖ୍ୟଅତିଥି,ସିଡ଼ିଏମଓ ଲଳିତମୋହନ ରଥ, ଆଇଏମଏ ସେକ୍ରେଟାରୀ ମୁକ୍ତିକାନ୍ତ ଖଟୁଆ, ଡ଼କ୍ତର ରତିକାନ୍ତ ଖଟୁଆ, ସତ୍ୟସାଇ ସେବା ସମିତି ଜିଲା ସଭାପତି ଅରୁଣ କୁମାର ପାତ୍ର ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ବସଷ୍ଟାଣ୍ଡଠାରୁ ଏକ ଶୋଭାଯାତ୍ରା ବାହାରି ବ୍ଲକ ନିକଟସ୍ଥ ସତ୍ୟସାଇ ମନ୍ଦିର ନିକଟରେ ପହଞ୍ଚତ୍ଥିଲା । ଏହି ଶୋଭାଯାତ୍ରାରେ ୩୦୦ରୁ ଊର୍ଦ୍ଧ୍ୱ ପୁରୁଷ ଓ ମହିଳା ସାମିଲ ହୋଇଥିଲେ । ସେଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା ।

ବିଲରୁ ମିଳିଲା ନିଖୋଜ ନାବାଳିକାଙ୍କ ମୃତଦେହ: ବଳାତ୍କାର ପରେ ହତ୍ୟା ସନ୍ଦେହ

ବିଲରୁ ମିଳିଲା ନିଖୋଜ ନାବାଳିକାଙ୍କ ମୃତଦେହ: ବଳାତ୍କାର ପରେ ହତ୍ୟା ସନ୍ଦେହ

ମାଲକାନଗିରି,୧୪।୬(ଡି.ଏନ୍‌.ଏ.): ମାଲକାନଗିରି ଜିଲା ବେଜଙ୍ଗିବଡ଼ା ଗ୍ରମରୁ ନିଖୋଜ ଥିବା ଜନୈକା ନାବାଳିକାଙ୍କ ମୃତଦେହ ଗୁରୁବାର ସକାଳେ ପୋଲିସ ନିକଟସ୍ଥ ବିଲରୁ ଉଦ୍ଧାର କରିଛି। ପାରିପାର୍ଶ୍ୱିକ ପରିସ୍ଥିତିରୁ ତାଙ୍କୁ ପ୍ରଥମେ ବଳାତ୍କାର କରାଯାଇ ପରେ ହତ୍ୟା କରାଯାଇଥିବା ସନ୍ଦେହ କରାଯାଉଛି।

ଉପଡାକଘରୁ ଜମାକାରୀଙ୍କ ଟଙ୍କା ହଡପ

ପାରଳାଖେମୁଣ୍ଡି,୧୪।୬(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡି ସହରର ଖଞ୍ଜାସାହିସ୍ଥିତ ହସ୍‌ପିଟାଲ ଶାଖା ଉପଡାକଘରୁ ଜମାକାରୀମାନଙ୍କ ଲକ୍ଷାଧିକ ଟଙ୍କା ହଡ଼ପ କରିନିଆଯାଇଥିବା ଅଭିଯୋଗ ହୋଇଛି।

ଡାବୁଗାଁ ଭୈରବ ମହାବିଦ୍ୟାଳୟ:ଯୁକ୍ତ ୨ ବିଜ୍ଞାନ ବିଭାଗ ଖୋଲିବା ଦୋଛକିରେ

ନବରଙ୍ଗପୁର,୧୪।୬(ବି.ପ୍ର.)-ନବରଙ୍ଗପୁର ଜିଲା ଡାବୁଗାଁ ଭୈରବ ମହାବିଦ୍ୟାଳୟ ସ୍ଥାପନ ହେବାର ୩୦ ବର୍ଷ ବିତି ଗଲାଣି। ମହାବିଦ୍ୟାଳୟରେ କଳା ଓ ବାଣିଜ୍ୟ ବିଭାଗ ଓ ଯୁକ୍ତ ତିନି ବିଭାଗ ରହିଛି। ଯୁକ୍ତ ୨ ବିଜ୍ଞାନ ବିଭାଗ ଖୋଲାଯିବାକୁ ସ୍ଥାନୀୟ ଜନସାଧାରଣ ଦୀର୍ଘ ବର୍ଷ ହେଲା ଦାବି କରି ଆସୁଛନ୍ତି।

ଡ୍ରେନେଜ ବ୍ୟବସ୍ଥା ବିପର୍ଯ୍ୟସ୍ତ

ଡ୍ରେନେଜ ବ୍ୟବସ୍ଥା ବିପର୍ଯ୍ୟସ୍ତ

ପାରଳାଖେମୁଣ୍ଡି,୧୪ା୬(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡି ପୌରାଞ୍ଚଳରେ ଡ୍ରେନେଜ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଛି। ପୌରପରିଷଦ କାର୍ଯ୍ୟାଳୟ ସମ୍ମୁଖ ଡ୍ରେନ ନିୟମିତ ଦୀର୍ଘଧିନ ହେଲା ସଫେଇ ହୋଇନଥିବାରୁ ପୋତିହୋଇ ପଡିଲାଣି। ଜୋର୍‌ ବର୍ଷା ହେଲେ ଡ୍ରେନ ପାଣି ରାସ୍ତା ଉପରକୁ ଚାଲି ଆସୁଛି।

ବାଡି ପ୍ରକଳ୍ପ ଆଣିଛି ଆଦିବାସୀଙ୍କ ଆର୍ଥତ୍କ ଉନ୍ନତି

ବାଡି ପ୍ରକଳ୍ପ ଆଣିଛି ଆଦିବାସୀଙ୍କ ଆର୍ଥତ୍କ ଉନ୍ନତି

ମାଲକାନଗିରି,୧୪।୬ (ଡି.ଏନ.ଏ.)-ମାଲକାନଗିରି ଜିଲାରେ ଆଦିବାସୀମାନେ ଫଳ ଚାଷ କରି ନିଜର ଆର୍ଥତ୍କ ସ୍ଥିତି ସଦୃଢ କରିଥିବା ଜଣାପଡିଛି। ଜିଲାର କୋରୁକୋଣ୍ଡା ବ୍ଲକ ଚଲାଣଗୁଡା ଏବଂ ତଣ୍ଡିକି ପଞ୍ଚାୟତରେ ୫୦ରୁ ଉର୍ଦ୍ଧ ଆଦିବାସୀ ନାବାର୍ଡ ସହାୟତାରେ ବାଡି ପକଳ୍ପ ଯୋଜନାରେ ସାମିଲ ହୋଇ ୨୦୦୭ରେ ନିଜ ନିଜ ଜମିରେ କଲିମି ଆମ୍ବ ଏବଂ କାଜୁ ଗଛ ରୋପଣ କରିଥିଲେ ।

ନୂତନ ଜିଲା ବିଜେଡି ସଦସ୍ୟଙ୍କୁ ସ୍ବାଗତ

ନୂତନ ଜିଲା ବିଜେଡି ସଦସ୍ୟଙ୍କୁ ସ୍ବାଗତ

ମୁନିଗୁଡା, ୧୩।୬(ଡି.ଏନ୍‌.ଏ.)- ରାୟଗଡ଼ା ଜିଲା ମୁନିଗୁଡା ନୂତନ କମ୍ୟୁନିଟି ହଲରେ ଜିଲା ବିଜୁ ଜନତା ଦଳ ସମ୍ପାଦକ ପୂର୍ଣ୍ଣଚନ୍ଦ୍ର ଗୌଡଙ୍କ ସଭାପତିତ୍ୱରେ ଏକ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। ଜିଲା ବିଜୁ ଜନତା ଦଳ ଉପ ସଭାପତି ଜଗନ୍ନାାଥ ଆଚାରୀ, ସମ୍ପାଦକ ଶେଖ ଆର୍ସାଦ ଓ ବିଷମକଟକ ନିର୍ବାଚନ ମଣ୍ଡଳୀ ଆହାହକ ଭାବେ ରତନ ଲାଲ

କୁନି ଝିଅକୁ କର୍କଟ, ଚିନ୍ତାରେ ମା’ ବାପା

କୁନି ଝିଅକୁ କର୍କଟ, ଚିନ୍ତାରେ ମା’ ବାପା

ମାଲକାନଗିରି, ୧୩।୬(ସ୍ବ.ପ୍ର.) ମାଲକାନଗିରି ଜିଲା କାଲିମେଳା ଏମଭି-୭୯ ନିକଟ ନୂଆଗୁଡା ଗ୍ରାମର ୧୨ବର୍ଷର କୁନି ଝିଅ ଶ୍ରୁତିଙ୍କୁ ହୋଇଛି ରକ୍ତ କର୍କଟ। ଯେଉଁ ବୟସରେ ସାଙ୍ଗମାନଙ୍କ ସହ ହସଖୁସି ଖେଳକୁଦରେ ସମୟ କାଟୁଥାନ୍ତେ ତାହା ତାଙ୍କ ପାଇଁ ହୋଇଛି ଅପହଞ୍ଚ। ପାଠ ପଢିବାକୁ ଇଚ୍ଛା ଥିଲେ ମଧ୍ୟ ଡୋରି ବାନ୍ଧିବାକୁ ପଡିଛି। ଉଚ୍ଚ ଚିକିତ୍ସାରେ ଅର୍ଥ ସାଜିଛି ବାଧକ। ବାପା ରତ ତଟିମ ଓ ମା’ ଉଆସି ଝିଅ ଶ୍ରୁତିଙ୍କ ଏପରି ଅବସ୍ଥା ଦେଖି ଭାଙ୍ଗିପଡିଛନ୍ତି। ଜିଲା ଚିକିତ୍ସାଳୟଠାରୁ ଆରମ୍ଭ କରି ତେଲେଙ୍ଗାନା ଆନ୍ଧ୍ର ପ୍ରଦେଶର ବିଭିନ୍ନ ଜାଗାରେ ଡାକ୍ତରଙ୍କୁ ଦେଖାଇଛନ୍ତି। ହେଲେ କିଛି ସୁଫଳ ମିଳିନାହିଁ। ଝିଅର ଚିକିତ୍ସା ପାଇଁ ଦିନ ମଜୁରିଆ ରତ ଯାହା ଯୁଆଡେ ଥିଲା ସବୁ ବିକିଭାଙ୍ଗି ଋଣକରଜ କରି ସାରି ଦେଲେଣି। ଦେଢବର୍ଷ ତଳେ ଦ୍ୱିତୀୟ ଶ୍ରେଣୀରେ ପଢୁଥିବା ବେଳେ ଶ୍ରୁତିଙ୍କ ଦେହ ଖରାପ ହୋଇଥିଲା । ବାପା ସ୍ଥାନୀୟ ସ୍ବାସ୍ଥ୍ୟକେନ୍ଦ୍ରରେ ଦେଖାଇବା ପରେ ମାଲକାନଗିରି ନେଇଥିଲେ। ପରେ ଆନ୍ଧ୍ର ପ୍ରଦେଶର ଭଦ୍ରାଚଳମକୁ ନେଇଥିଲେ । ସେହିଠାରେ ଝିଅକୁ ରକ୍ତ କର୍କଟ ହୋଇଥିବା ଜଣାପଡିଥିଲା।

୩ ପଞ୍ଚାୟତ ଟେଲିଫୋନ ସେବାରୁ ବଞ୍ଚିତ

ମାଲକାନଗିରି,୧୩।୬(ଡି.ଏନ.ଏ.) ମାଲକାନଗିରି ଜିଲା ସୀମାନ୍ତ ଛତିଶଗଡ଼କୁ ଲାଗିଥିବା ମାଓବାଦୀ ପ୍ରବଣ ଅଞ୍ଚଳର ୩ଟି ପଞ୍ଚାୟତର ୨ ହଜାରରୁ ଊର୍ଦ୍ଧ୍ୱ ପରିବାର ଟେଲିଫୋନ ସେବାରୁ ବଞ୍ଚତ୍ତ ହୋଇ ରହିଛନ୍ତି। ଏନେଇ ମାଟେରୁ ସରପଞ୍ଚ ଯୋଗୀ ମାଢ଼ୀ, ନିଲିଗୁଡ଼ା ସରପଞ୍ଚ ବୁଦ୍ରା ମାଡ଼କାମୀ ଏବଂ ମାଟାପାକା ସରପଞ୍ଚ ବିନାୟକ ମାଡ଼କାମୀ ସୂଚନା ଦେଇ କହିଛନ୍ତି ଯେ, ମାଲକାନଗିରି ଜିଲା ପଡ଼ିଆ ବ୍ଲକର ମାଟେରୁ, ନିଲିଗୁଡ଼ା ଏବଂ ମାଲକାନଗିରି ବ୍ଲକର ମାଟାପାକା ପଞ୍ଚାୟତରେ ଏପରି ଅବ୍ୟବସ୍ଥା ଜାରି ରହିଛି। କେନ୍ଦ୍ର ସରକାର ଦୂର ସଞ୍ଚାର ବିଭାଗ ପ୍ରତି ଗ୍ରାମକୁ ଟେଲିଫୋନ ସେବା ଯୋଗାଇ ଦେବା ପାଇଁ ବଡ଼ବଡ଼ କମ୍ପାନୀମାନଙ୍କୁ ଦାୟିତ୍ୱ ଦେଇଛି। ଏହି କମ୍ପାନୀଗୁଡିକ ଜିଲାର ଉପରୋକ୍ତ ୩ ପଞ୍ଚାୟତକୁ ଟେଲିଫୋନ ସେବା ଯୋଗାଇବାରେ ଗୁରୁତ୍ୱ ଦେଉନାହାନ୍ତି।

ଦରଦାମ୍‌ ନିୟନ୍ତ୍ରଣରେ ରହୁନି ଅଙ୍କୁଶ

ଦରଦାମ୍‌ ନିୟନ୍ତ୍ରଣରେ ରହୁନି ଅଙ୍କୁଶ

ରାୟଗଡା ଅଫିସ୍‌, ୧୩।୬ ରାୟଗଡା ସହରର ବିଭିନ୍ନ ଦୋକାନରେ ଦରଦାମ ନିୟନ୍ତ୍ରଣରେ ଅଙ୍କୁଶ ରହୁନାହିଁ। ହରରେ ପରିବା, ମାଛ,ମାଂସ ଦର ଏବେ ଆକାଶଛୁଆଁ ହୋଇଛି । ଫଳରେ ସହରବାସୀ ଦୁର୍ଦ୍ଦଶା ଭୋଗୁଛନ୍ତି ା ଏଥିପ୍ରତି ପୌର ପରିଷଦ ଦୃଷ୍ଟି ଦେଉ ନ ଥିବା ଅଭିଯୋଗ ହୋଇଛି।

ଆକର୍ଷିତ ହେବ ମୁନିଗୁଡା ବନବିହାର

ମୁନିଗୁଡା,୧୩।୬(ଡି.ଏନ୍‌.ଏ.) ରାୟଗଡ଼ା ଜିଲା ମୁନିଗୁଡା ସହରର ଉପାନ୍ତରେ ଏକଦା ସ୍ଥାନୀୟ ଅଞ୍ଚଳର ଶୈଳନିବାସ ରୂପେ ପରିଚିତ ଥିବା ବନ ବିଭାଗର ଡାକବଙ୍ଗଳା ବନ ବିହାର ଏବେ ଆକର୍ଷଣ ହେବ । ଉକ୍ତ ବନ ବିହାରକୁ ପରିଦର୍ଶନରେ ଆସି କୋରାପୁଟ ଆଞ୍ଚଳିକ ମୁଖ୍ୟ ବନସଂରକ୍ଷକ ପି.କେ. ମଲିକ ଏବଂ ରାୟଗଡ଼ ବନଖଣ୍ଡ ଅଧିକାରୀ ଦେବାର୍ଚ୍ଚନ ବେହେରା ଏହା କହିଛନ୍ତି । ଏହାର ପୁନରୁଦ୍ଧାର ପାଇଁ ତୁରନ୍ତ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଥିବା ବନାଞ୍ଚଳ ଅଧିକାରୀ ଅନିଲ କୁମାର ରାୟ ପ୍ରକାଶ କରିଛନ୍ତି। ବନବିହାରର ଭୌଗଳିକ ଅବସ୍ଥିତି ଏବଂ ପ୍ରାକୃତିକ ପରିବେଶକୁ ଉପଯୁକ୍ତ ପରିଚାଳନା କରାଗଲେ ସକାଳ ଓ ସନ୍ଧ୍ୟା ସମୟରେ ପଥଚାରୀ, ପର୍ଯ୍ୟଟକଙ୍କୁ ଆକୃଷ୍ଟ କରିବ ବୋଲି ସାଧାରଣରେ ଆଶା କରାଯାଉଛି। ଗତ କିଛିବର୍ଷ ଧରି ରକ୍ଷଣାବେକ୍ଷଣ ଅଭାବରୁ ଏହା ପଡ଼ି ରହିଥିଲା ।

ବେଆଇନ ଗାଡ଼ି ଚଳାଚଳ ବେଳେ ଯାଞ୍ଚ: ଗୋଟିଏ ଦିନରେ ୫୦ ମାମଲା

କୋରାପୁଟ,୧୩।୬(ସ୍ବ.ପ୍ର.) କୋରାପୁଟ ସଦରଥାନା ପକ୍ଷରୁ କୋରାପୁଟ-ଜୟପୁର ଜାତୀୟ ରାଜପଥର ଘାଟଗୁମର ଛକ ନିକଟରେ ବେଆଇନ ଗାଡ଼ି ଚଳାଚଳ ନେଇ ତଲାସି କରାଯାଇଛି। ଏଥିରେ ୫୦ଟି ମାମଲା ରୁଜୁ କରାଯାଇ ଥିବାବେଳେ ସେମାନଙ୍କଠାରୁ ୧୨ ହଜାର ୫୦୦ ଟଙ୍କା ଜୋରିମାନା ଆଦାୟ କରାଯାଇଛି। କୋରାପୁଟ ସଦର ଥାନା ଅଧିକାରୀ ସନ୍ତୋଷୀ ଓରାମଙ୍କ ନିର୍ଦ୍ଦେଶ କ୍ରମେ ପୋଲିସ ଅଧିକାରୀ ରୁଦ୍ର ମାଝିଙ୍କ ନେତୃତ୍ୱରେ କୋରାପୁଟ-ଜୟପୁର ୨୬ ନମ୍ବର ଜାତୀୟ ରାଜପଥର ଘାଟଗୁମର ଛକ ନିକଟରେ ଗାଡ଼ି ମୋଟର ତଲାସି କରାଯାଇଥିଲା । ଏହି ସମୟରେ ବେଆଇନ ଗାଡ଼ି ଚଳାଚଳ, ହେଲମେଟ୍‌ ତଲାସି, ଲାଇସେନ୍ସ ଯାଞ୍ଚ କରାଯାଇ ୫୦ଟି ମାମଲା ରୁଜୁ କରାଯାଇଛି। ସେମାନଙ୍କଠାରୁ ଜରିମାନା ବାବଦରେ ୧୨ ହଜାର ୫୦୦ ଟଙ୍କା ଆଦାୟ କରାଯାଇଥିବା ସଦର ଥାନା ପକ୍ଷରୁ ଜଣାଯାଇଛି ।

ପିତାଙ୍କ ଅତ୍ୟାଚାରରେ ୩ ଝିଅ ଘର ଛାଡ଼ିଲେ

ପାରଳାଖେମୁଣ୍ଡି,୧୩।୬(ସ୍ବ.ପ୍ର.) ମଦ୍ୟପ ପିତାଙ୍କ ଅତ୍ୟାଚାରରେ ଅତିଷ୍ଠ ହୋଇ ଘର ଛାଡ଼ିଥିବା ୩ ନାବାଳିକା ଝିଅଙ୍କୁ ଗଜପତି ଜିଲା ଶିଶୁ କଲ୍ୟାଣ ସମିତି ପକ୍ଷରୁ ଥଇଥାନ କରାଯାଇଛି ା ଘଟଣାରୁ ପ୍ରକାଶ ଯେ, ଗଜପତି ଜିଲା କାଶୀନଗର ବ୍ଲକ ଅନ୍ତର୍ଗତ ଖାଣ୍ଡବା ଅଞ୍ଚଳର ୧୬ବର୍ଷ, ୧୩ ଓ ୬ବର୍ଷ ବୟସର ୩ଜଣ ନାବାଳିକା ଭଉଣୀଙ୍କ ମଧ୍ୟରୁ ବଡ ୨ଜଣ ବିଦ୍ୟାଳୟରେ ପାଠ ପଢୁଥିଲେ। ମାତ୍ର ତାଙ୍କ ପିତା ମଦ୍ୟପ ହୋଇଥିବାରୁ ସେମାନଙ୍କୁ ପାଠ ପଢିବାକୁ ବାରଣ କରି ଘର କାର୍ଯ୍ୟରେ ଲଗାଉଥିଲେ ା ମା’ ଛେଉଣ୍ଡ ଏହି ପିଲାମାନେ ଅସହାୟ ମନେ କରି ଶେଷରେ ପାଠ ପଢିବା ସହ ସୁରକ୍ଷିତ ଭାବେ ରହିବା ନିମନ୍ତେ କାଶୀନଗରସ୍ଥ ପ୍ରଭା ଚାଇଲ୍ଡ ଲାଇନର ସହାୟତା ଲୋଡିଥିଲେ ା ପ୍ରଭା ଚାଇଲ୍ଡ ଲାଇନ କର୍ମକର୍ତ୍ତା ଏହି ୩ ପିଲାଙ୍କୁ ପାରଳାଖେମୁଣ୍ଡିସ୍ଥିତ ଜିଲା ଶିଶୁ କଲ୍ୟାଣ ସମିତି କାର୍ଯ୍ୟାଳୟରେ ହାଜର କରାଇ ଥିଲେ।

ଜିଲା କଂଗ୍ରେସରେ ବିଦ୍ରୋହର ସ୍ବର, ବସିଲା ପ୍ରତିବାଦ ବୈଠକ

ରାମନାଗୁଡ଼ା,୧୩।୬(ଡ଼ି.ଏନ.ଏ) ରାୟଗଡ଼ା ଜିଲା ରାମନାଗୁଡ଼ା ବ୍ଲକ ଡ଼ାଙ୍ଗୁଡ଼ବାଡ଼ିଠାରେ ଜିଲା କଂଗ୍ରେସ ବିରୋଧରେ ଏକ ଗୋଷ୍ଠୀ ପ୍ରତିବାଦ ବୈଠକ କରିଥିଲେ । ଦୀର୍ଘ ୧୦ ବର୍ଷ ଧରି ଜିଲା କଂଗ୍ରେସ ସଭାପତି ରୂପେ ଦୁର୍ଗା ପ୍ରସାଦ ପଣ୍ଡା କାର୍ଯ୍ୟ କରୁଥିଲେ ମଧ୍ୟ ତାଙ୍କୁ ପରିବର୍ତ୍ତନ କରିବାକୁ ଏହି ବିରୋଧୀ ଗୋଷ୍ଠୀ ଦାବି କରିଛନ୍ତି । ଏ ସମ୍ପର୍କରେ ଏହି ବିରୋଧୀ ଗୋଷ୍ଠୀ ରାଜ୍ୟ ସଭାପତି ଏବଂ ରାଜ୍ୟ ପ୍ରଭାରୀଙ୍କ ସହିତ ଆଲୋଚନା କରିଥିଲେ ମଧ୍ୟ କୌଣସି ସୁଫଳ ମିଳି ନ ଥିବା ଅଭିଯୋଗ କରିଛନ୍ତି। ଏଥିସହିତ ପୂର୍ବତନ ମନ୍ତ୍ରୀ, ପୂର୍ବତନ ଜିଲା ପରିଷଦ ଅଧ୍ୟକ୍ଷ, ବ୍ଲକ ଚେୟାରମ୍ୟାନ ଏକଜୁଟ ହୋଇ ଜିଲା କମିଟି ତଥା ସଭାପତିଙ୍କୁ ପରିବର୍ତ୍ତନ କରିବାକୁ ଆହ୍ବାନ ମଧ୍ୟ ଦେଇଥିଲେ।

ମୁଖ୍ୟ ବନସଂରକ୍ଷକଙ୍କ ପ୍ରସ୍ତାବିତ ଚୂନପଥର ଖଣି ଅଞ୍ଚଳ ଗସ୍ତ: ୪୮ ଘଣ୍ଟା ପରେ ଦ୍ୱିତୀୟ ପଲ୍ଲିସଭା

ମୁଖ୍ୟ ବନସଂରକ୍ଷକଙ୍କ ପ୍ରସ୍ତାବିତ ଚୂନପଥର ଖଣି ଅଞ୍ଚଳ ଗସ୍ତ: ୪୮ ଘଣ୍ଟା ପରେ ଦ୍ୱିତୀୟ ପଲ୍ଲିସଭା

ମାଲକାନଗିରି, ୧୩।୬(ଡି.ଏନ.ଏ) ମାଲକାନଗିରି ଜିଲାରେ କୋତାମେଟାରୁ, ନନ୍ଦିବେଡ଼ା, ମାଟାପାକା ଗ୍ରାମ ସହ ପଡ଼ିଆ-କାଲିମେଳା ବ୍ଲକ ମଧ୍ୟରେ ଥିବା ୫ଟି ପଞ୍ଚାୟତର ଅଧିକାଂଶ ଗ୍ରାମାଞ୍ଚଳରେ ୩ ହଜାରରୁ ଊର୍ଦ୍ଧ୍ୱ ଏକର ଚାଷଜମି ଏବଂ ଜଙ୍ଗଲରେ ହେବାକୁ ଥିବା ପ୍ରସ୍ତାବିତ ଚୂନପଥର ଖଣି ପାଇଁ ପୁଣି ପଲ୍ଲିସଭା ହୋଇଛି। ଏଥିରେ ମୁଖ୍ୟ ବନ ସଂରକ୍ଷକ (ଚିଫ୍‌ କଞ୍ଜରଭେଟର ଅଫ ଫରେଷ୍ଟ) ପ୍ରଫୁଲ କୁମାର ମଲ୍ଲିକ ଯୋଗ ଦେଇଥିଲେ। ଆଦିବାସୀମାନେ ସ୍ପଷ୍ଟଭାବେ ଦର୍ଶାଇଛନ୍ତି ଯେ, ଆମେ ଆମର ଜଳ, ଜଙ୍ଗଲ ଓ ଜମି ଛାଡିପାରିବୁ ନାହିଁ। ଅବିିଭକ୍ତ କୋରାପୁଟ ଜିଲାରେ ବିଭିନ୍ନ ଖଣି ଏବଂ ପ୍ରକଳ୍ପ ପାଇଁ ଆଦିବାସୀମାନଙ୍କୁ ବିସ୍ଥାପିତ କରାଯାଇଥିଲେ ମଧ୍ୟ ବର୍ଷ ବର୍ଷ ଧରି ସେମାନଙ୍କୁ ଉପଯୁକ୍ତ ଥଇଥାନ କରାଯାଇନାହିଁ।

୨୩୯ ପ୍ରକଳ୍ପ ମଞ୍ଜୁର କଲେ ମୁଖ୍ୟମନ୍ତ୍ରୀ

୨୩୯ ପ୍ରକଳ୍ପ ମଞ୍ଜୁର କଲେ ମୁଖ୍ୟମନ୍ତ୍ରୀ

ମାଥିଲି , ୧୩।୬ (ଡି.ଏନ.ଏ) ମାଲକାନଗିରି ଜିଲା ମାଥିଲି ବ୍ଲକ ସଦର ଖେଳପଡିଆଠାରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଡିଓ ଆଶିଷ କୁମାର ଭୋଇଙ୍କ ତତ୍ତ୍ବାବଧାନରେ ଏହି କାର୍ଯ୍ୟକ୍ରମରେ ଭିଡିଓ କନ୍‌ଫରେନ୍ସିଂ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୩୯ଟି ପ୍ରକଳ୍ପକୁ ମଞ୍ଜୁୁର କରିଥିଲେ । ପ୍ରକଳ୍ପ ପାଇଁ ୪ କୋଟି ୨୭ ଲକ୍ଷ ଟଙ୍କାର ଅନୁଦାନ ମଞ୍ଜୁର ହୋଇଛି। ବ୍ଳକର ୨୦ଟି ପଞ୍ଚାୟତର ସମସ୍ତ ଗ୍ରାମରେ ଏହି ପ୍ରକଳ୍ପଗୁଡିକ କାର୍ଯ୍ୟକାରୀ କରାଯିବ । ଲଘୁଚାପ ବର୍ଷା ସତ୍ତ୍ବ ବିଭିନ୍ନ ପଞ୍ଚାୟତରୁ ୫ହଜାରରୁ ଊଦ୍ଧର୍‌ବ ଲୋକେ ଏଥିରେ ସାମିଲ ହୋଇଥିଲେ।