ରାୟଗଡା

୨୨ ଗାଡ଼ିରୁ ଜରିମାନା ଆଦାୟ

୨୨ ଗାଡ଼ିରୁ ଜରିମାନା ଆଦାୟ

କାଶୀନଗର,୪।୧(ଡି.ଏନ.ଏ.): ଗଜପତି ଜିଲା କାଶୀନଗର ବ୍ଲକ କଇଠପଦର ଗ୍ରାମ ନିକଟରେ  ପୋଲିସ ପକ୍ଷରୁ ଯାନବାହନ ଯାଞ୍ଚ କରାଯାଇଥିଲା। ଥାନାଧିକାରୀ ଆନନ୍ଦ ଚନ୍ଦ୍ର ପାତ୍ରଙ୍କ ନିର୍ଦ୍ଦେଶ କ୍ରମେ ସେକେଣ୍ଡ ଅଫିସର ରଞ୍ଜିତ କୁମାର ମୁନି, ଏସ୍‌ଆଇ ଲକ୍ଷ୍ମୀନାରାୟଣ ବେହେରା ସଦଳବଳ ଉପସ୍ଥିତ ରହି ବିଭିନ୍ନ ଗାଡ଼ି ଯାଞ୍ଚ କରିଥିଲେ।

ଖୋଲୁନି କାର୍ଯ୍ୟାଳୟ, ଆସୁନାହାନ୍ତି ଅଧିକାରୀ

ଖୋଲୁନି କାର୍ଯ୍ୟାଳୟ, ଆସୁନାହାନ୍ତି ଅଧିକାରୀ

ଡାବୁଗାଁ,୩।୧(ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ-ପାପଡାହାଣ୍ଡି ରାଜ୍ୟ ରାଜପଥ- ୩୯ର ମହେନ୍ଦ୍ରୀ ଛକ ଠାରୁ ବାରିଗୁଡା ଛକ ମଧ୍ୟରେ ପ୍ରାୟ ୨କିମି ହେବ ରାସ୍ତା ଫାଟି ନଷ୍ଟ ହୋଇଯାଇଥିଲା । ଗତ ସେପ୍ଟେମ୍ବର ମାସରେ ଉକ୍ତ ସ୍ଥାନକୁ ଡାବୁଗାଁ ପୂର୍ତ୍ତ ବିଭାଗ ପକ୍ଷରୁ ମରାମତି କରାଯାଇଥିଲା ।

 ମଧ୍ୟାହ୍ନ ଭୋଜନରେ ବିଷାକ୍ତ ଖାଦ୍ୟ ଘଟଣା:  କ୍ଷତିପୂରଣକୁ ନେଇ ମୁଖ୍ୟ ଶାସନ ସଚିବଙ୍କୁ ମାନବାଧିକାର କମିଶନଙ୍କ ନୋଟିସ

ମଧ୍ୟାହ୍ନ ଭୋଜନରେ ବିଷାକ୍ତ ଖାଦ୍ୟ ଘଟଣା: କ୍ଷତିପୂରଣକୁ ନେଇ ମୁଖ୍ୟ ଶାସନ ସଚିବଙ୍କୁ ମାନବାଧିକାର କମିଶନଙ୍କ ନୋଟିସ

ନବରଙ୍ଗପୁର,୪।୧(ବି.ପ୍ର.)-ନବରଙ୍ଗପୁର ଆଶିଷ ଭବନ ପ୍ରକଳ୍ପ ପ୍ରାଥମିକ ବିଦ୍ୟାଳୟରେ  ଛାତ୍ରୀଛାତ୍ରଙ୍କୁ ବିଷାକ୍ତ ଖାଦ୍ୟ ଦେବା ମାମଲାରେ ଜାତୀୟ ମାନବାଧିକାର କମିଶନ ରାଜ୍ୟ ମୁଖ୍ୟ ଶାସନ ସଚିବଙ୍କୁ  ନୋଟିସ ଜାରି କରିଛନ୍ତି। ୨୦୧୪ ଜୁଲାଇ ୫ ତାରିଖରେ  ଉକ୍ତ ବିଦ୍ୟାଳୟର ଛାତ୍ରୀ ଜରିନା ହରିଜନ ସମେତ  ୬ ଛାତ୍ରୀଛାତ୍ର ବିଷାକ୍ତ ମଧ୍ୟାହ୍ନ ଭୋଜନ ଖାଇ ଅସୁସ୍ଥ ହୋଇଥିଲେ । 

ଶାଗମାଛ ଦରରେ ଆନ୍ଧ୍ରକୁ ଯାଉଛି ଓଡ଼ିଶା କପା

ଶାଗମାଛ ଦରରେ ଆନ୍ଧ୍ରକୁ ଯାଉଛି ଓଡ଼ିଶା କପା

ପାରଳାଖେମୁଣ୍ଡି, ୪।୧(ସ୍ବ.ପ୍ର.)- ଗତ ତିତ୍‌ଲି ବାତ୍ୟାରେ କପା ଖେତ ଉଜୁଡ଼ି ଯାଇଥିଲା। ବାତ୍ୟାରୁ ଯେଉଁ କିଛି ଫସଲ ବର୍ତ୍ତିଯାଇଥିଲା ତାହାକୁ ଏବେ ଅମଳ କରିଛି ଚାଷୀ।

ଦେଶୀ ଡଙ୍ଗା ଦୁର୍ଘଟଣା: ୬ ବର୍ଷରେ ଗଲାଣି ୧୬ ଜୀବନ

ମାଲକାନଗିରି, ୪।୧(ଡି.ଏନ୍‌.ଏ.)-ମାଲକାନଗିରି ଜିଲାର ଅଧିକାଂଶ ଅଞ୍ଚଳର ଲୋକ ଏବେବି ଯାତାୟତ ପାଇଁ  ଦେଶୀ ଡଙ୍ଗା ଉପରେ ନିର୍ଭର କରୁଛନ୍ତି।

ବିଦ୍ୟୁତ ସଂସ୍ପର୍ଶରେ ଆସି ଟେକ୍ନିସିଆନଙ୍କ ମୃତ୍ୟୁ

ବିଦ୍ୟୁତ ସଂସ୍ପର୍ଶରେ ଆସି ଟେକ୍ନିସିଆନଙ୍କ ମୃତ୍ୟୁ

ପାରଳାଖେମୁଣ୍ଡି, ୩ା୧(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡି ସହରସ୍ଥ ସିଙ୍କିସାହିର ଜଣେ ଟେକ୍ନିସିଆନ ଗୁରୁବାର ବିଦ୍ୟୁତ ସଂସ୍ପର୍ଶରେ ଆସି ପ୍ରାଣ ହରାଇଛନ୍ତି। ସେ ହେଲେ ସିଙ୍କିସାହିସ୍ଥିତ ହନୁମାନ କମ୍ପ୍ୟୁଟର ସର୍ଭିସ ସେଣ୍ଟରର ମାଲିକ ଜି. ଅଶୋକ କୁମାର(୨୭)।

ସୀମାନ୍ତରେ ମାଓବାଦୀ ହିଂସା: ରାସ୍ତା କାମକୁ ବିରୋଧ କରି ପୋଡ଼ିଲେ ଡ୍ରୋଜର

ସୀମାନ୍ତରେ ମାଓବାଦୀ ହିଂସା: ରାସ୍ତା କାମକୁ ବିରୋଧ କରି ପୋଡ଼ିଲେ ଡ୍ରୋଜର

ମାଲକାନଗିରି, ୩।୧(ଡି.ଏନ୍‌.ଏ.): ସୀମାନ୍ତ ଛତିଶଗଡ଼ ସୁକୁମା ଜିଲାରେ ମାଓବାଦୀମାନେ ରାସ୍ତା କାମକୁ ବିରୋଧ କରି ଗୁରୁବାର ଏକ ଡ୍ରୋଜର ପୋଡି ଦେଇଛନ୍ତି। ଖବରପାଇ ପୋଲିସ ଘଟଣାସ୍ଥଳରେ ସେଠାରେ ପହଞ୍ଚି କୋମ୍ବିଂ ଅପରେଶନ ଜୋରଦାର ଚଳାଇଥିବା ସୂଚନା ମିଳିଛି। ପ୍ରକାଶ ଯେ, ସୁକ୍‌ମା ଜିଲାର ଦରମାନଠାରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ରାସ୍ତା କାମ ଚାଲିଥିଲା। ଗୁରୁବାର ସକାଳୁ ପ୍ରାୟ ୧୫ରୁ ୨୦ ମାଓବାଦୀ ସେଠାରେ ପହଞ୍ଚି  ରାସ୍ତା କାମରେ ନିୟୋଜିତ  ଏକ ଡ୍ରୋଜରକୁ ଜାଳି ଦେଇଥିଲେ। 

ମାଲକାନଗିରିରେ ଆରମ୍ଭ ହେଲା ପକ୍ଷୀଗଣନା : ସତୀଗୁଡା, ମାଥିଲି ଜଳଭଣ୍ଡାରରେ ୩୫୯୯  ପକ୍ଷୀ

ମାଲକାନଗିରିରେ ଆରମ୍ଭ ହେଲା ପକ୍ଷୀଗଣନା : ସତୀଗୁଡା, ମାଥିଲି ଜଳଭଣ୍ଡାରରେ ୩୫୯୯ ପକ୍ଷୀ

ମାଲକାନଗିରି, ୩।୧(ଡି.ଏନ୍‌.ଏ.): ମାଲକାନଗିରି ବନାଞ୍ଚଳର ତାଲିମପ୍ରାପ୍ତ କର୍ମଚାରୀମାନେ ଗୁରୁବାର  ସତୀଗୁଡା ଜଳଭଣ୍ଡାରରେ ପକ୍ଷୀ ଗଣନା କରିଛନ୍ତି। ଜଳଭଣ୍ଡାରରେ ଚଳିତବର୍ଷ ଅଦ୍ୟାବଧି ୨୧୧୭ ବିଭିନ୍ନ ପ୍ରଜାତିର ପକ୍ଷୀ ରହିଥିବା ଗଣନାରୁ ସ୍ପଷ୍ଟ ହୋଇଛି। ଗୁରୁବାର ସକାଳ ୬ଟାରେ ସତୀଗୁଡା ଜଳଭଣ୍ଡାରରେ ବନାଞ୍ଚଳ  ଅଧିକାରୀ ବାସୁଦେବ ନାୟକଙ୍କ ନେତୃତ୍ୱରେ ଚାରୋଟି ଦଳରେ କର୍ମଚାରୀମାନେ ଏହି ଗଣନା କରିଥିଲେ। 

ହିର୍ଲି ପାହାଡକୁ ପର୍ଯ୍ୟଟନର ମାନ୍ୟତା ପାଇଁ ପ୍ରୟାସ

ହିର୍ଲି ପାହାଡକୁ ପର୍ଯ୍ୟଟନର ମାନ୍ୟତା ପାଇଁ ପ୍ରୟାସ

ନବରଙ୍ଗପୁର,୩।୧(ବ.ପ୍ର.)- ସ୍ଥାନୀୟ ହିର୍ଲି ପାହାଡକୁ ପର୍ଯ୍ୟଟନ ସ୍ଥଳର ମାନ୍ୟତା ପାଇଁ ପ୍ରଶାସନ ପକ୍ଷରୁ ଯେଉଁ ଉଦ୍ୟମ କରାଯାଇଥିଲା ତାହା ସଫଳ ହେବାକୁ ଯାଉଛି । ସରକାରଙ୍କ ପକ୍ଷରୁ ଆସିଥିବା କୋଟିଏ ଟଙ୍କା ଅନୁଦାନରେ ଅନେକ କାର୍ଯ୍ୟ ସମ୍ପୂର୍ଣ୍ଣ ହୋଇଛି । ପର୍ଯ୍ୟଟକ ଯେମିତି ଆକୃଷ୍ଟ ହେବେ ସେଥିପାଇଁ ଜିଲାପାଳ ଅଜିତ କୁମାର ମିଶ୍ର ଉନ୍ନୟନ କାର୍ଯ୍ୟର ତଦାରଖ କରିବା ସହ ଅଧିକାରୀ ଓ ବୈଷୟୀକ କର୍ମଚାରୀଙ୍କ ସହ ଆଲୋଚନା କରିଛନ୍ତିି । ଅତିରିକ୍ତ ଜିଲାପାଳ ପରିକ୍ଷିତ ସେଠୀ, ଡିଏଫଓ ରଞ୍ଜିତ କୁମାର ମଲ୍ଲିକ, ଜଳବିଭାଜିକା ପ୍ରକଳ୍ପ ନିର୍ଦ୍ଦେଶକ ପ୍ରଦୀପ ନାୟକ, ରାସ୍ତା ଓ ଗୃହ ନିର୍ମାଣ ବିଭାଗ ସହକାରୀ ଯନ୍ତ୍ରୀ ବିଶ୍ୱଜିତ ମାରାଣ୍ଡି ପ୍ରମୁଖ  ଉନ୍ନୟନ କାର୍ଯ୍ୟ ଗୁଡିକ ଦେଖିବା ସହ କେଉଁ ସ୍ଥାନରେ କ’ଣ ସବୁ କାର୍ଯ୍ୟ କରାଯିବ ତାହା ଆଲୋଚନା କରିଥିଲେ । 

ବାଇକ୍‌ ଦୁର୍ଘଟଣାରେ ଜଣେ ମୃତ

ବାଇକ୍‌ ଦୁର୍ଘଟଣାରେ ଜଣେ ମୃତ

ଡାବୁଗାଁ, ୩।୧(ଡ଼ି.ଏନ.ଏ)- ନବରଙ୍ଗପୁର ଜିଲା ଡାବୁଗାଁ ଥାନାର ସିଂଶାରୀ ଫାଣ୍ଡି ଅଧୀନ କାରାଗାଁ ଛକ ନିକଟରେ ବାଇକ୍‌ ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଛି । ସେ ହେଲେ ବକଡାବେଡା ପଞ୍ଚାୟତ ଅଧୀନ କୁମାବନ୍ଧ ଗ୍ରାମର ଡମ୍ବରୁ ଭତ୍ରା (୩୨) । ଗତ ୧ ତାରିଖ  ସାରେ ସେ ଡୁରକିଗୁଡା ଗ୍ରାମରୁ ବାଇକ୍‌(ଓଡି ୨୪ ସି ୬୫୩୫) ଯୋଗେ ଘରକୁ ଫେରୁଥିଲେ ।

ବରଫ ଆସ୍ତରଣ ପଡ଼ି ୮୦ ଏକର ରବି ଫସଲ ନଷ୍ଟ

ବରଫ ଆସ୍ତରଣ ପଡ଼ି ୮୦ ଏକର ରବି ଫସଲ ନଷ୍ଟ

ସେମିଳିଗୁଡ଼ା,୩।୧(ସ୍ବ.ପ୍ର.)- ସେମିଳିଗୁଡ଼ା ବ୍ଲକ୍‌ ଅଲିଗାଁ ଗ୍ରାମରେ ବରଫ ଆସ୍ତରଣ ପଡ଼ି ଫୁଲ ଧରିଥିବା ରବି ଫସଲ ନଷ୍ଟ ହୋଇଛି। ପ୍ରାୟ ୮୦ ଏକରରେ ହୋଇଥିବା ବାଇଗଣ, ଆଳୁ, ଟମାଟୋ, ବିନ୍ସ ଗଛପତ୍ର ଏବଂ ଫୁଲରେ ବରଫ ଆସ୍ତରଣ ପଡ଼ି ଝାଉଁଳା ପରି ରୋଗ ହୋଇଛି। ଏନେଇ ଚାଷୀମାନେ ଚିନ୍ତାରେ ପଡ଼ିଛନ୍ତି। ଖରା ପଡ଼ିଲେ ଗଛଗୁଡ଼ିକ ଝାଉଁଳିବା ସହିତ ଅନେକ ମରି ଯାଉଥିବା ଦେଖିବାକୁ ମିଳୁଛି। 

ମିଳୁନି ପ୍ରମାଣପତ୍ର: ଡ଼ାକ୍ତର ନ ଥିବାରୁ ଫେରିଲେ ୫୦୦ ଦିବ୍ୟାଙ୍ଗ

ମିଳୁନି ପ୍ରମାଣପତ୍ର: ଡ଼ାକ୍ତର ନ ଥିବାରୁ ଫେରିଲେ ୫୦୦ ଦିବ୍ୟାଙ୍ଗ

ରାୟଗଡା ଅଫିସ୍‌, ୩।୧- ଉଭୟ କେନ୍ଦ୍ର ଓ ରାଜ୍ୟ ସରକାର ଦିବ୍ୟାଙ୍ଗଙ୍କ ପାଇଁ ସର୍ବଦା ବିକାଶର କଥା କହୁଛନ୍ତି । ରାଜ୍ୟ ସରକାର ଏଥିପାଇଁ ଏକ ସ୍ବତନ୍ତ୍ର ବିଭାଗ ମଧ୍ୟ ଖୋଲିଛନ୍ତି । ହେଲେ ସରକାରୀ ବାବୁ ଓ ନେତାଙ୍କ କଥା ସହ କ୍ଷେତ୍ରର କାର୍ଯ୍ୟ ସମ୍ପୂର୍ଣ୍ଣ ଭିନ୍ନ । ଯାହାର ଉଦାହରଣ ଦେଖିବାକୁ ମିଳିଛି ରାୟଗଡା ଜିଲାରେ । ଏହି ଜିଲାର ୨୩୦୦ ଜଣ ଦିବ୍ୟାଙ୍ଗଙ୍କୁ ସେମାନଙ୍କ  ପ୍ରମାଣପତ୍ର ମିଳିପାରୁନାହିଁ । ପ୍ରମାଣପତ୍ର ପ୍ରଦାନର ବିଶେଷଜ୍ଞ ଡାକ୍ତର ପଦବୀ ଖାଲି ପଡିଥିବାରୁ ସମସ୍ୟା ଭୋଗୁଛନ୍ତି ଦିବ୍ୟାଙ୍ଗମାନେ। ଆଉ ବୁଧବାର ପରୀକ୍ଷା ପାଇଁ ଆସି ଦୀର୍ଘ ସମୟ ଅପେକ୍ଷା କରିବା ପରେ ୫୦୦  ଦିବ୍ୟାଙ୍ଗ  ନିରାଶ ହୋଇ ଫେରିଛନ୍ତି । 

ଦୁର୍ଘଟଣାରେ ଯୁବତୀ ମୃତ

ଦୁର୍ଘଟଣାରେ ଯୁବତୀ ମୃତ

ଜୟପୁର,୩।୧(ଡି.ଏନ୍‌.ଏ.): ଜୟପୁର-ବୋରିଗୁମ୍ମା ରାସ୍ତା ୨୬ ନମ୍ବର ଜାତୀୟ ରାଜପଥ ଉମୁରି ସ୍ଥିତ ଭାରତୀୟ ଖାଦ୍ୟ ନିଗମ ନିକଟରେ ଅଜଣା ଗାଡ଼ି ଧକ୍କାରେ ଜଣେ ଯୁବତୀଙ୍କ ମୃତ୍ୟୁ ହୋଇଛି। ମୃତକ ହେଉଛନ୍ତି ଉମୁରି ଗ୍ରାମର ପ୍ରତିମା ହରିଜନ (୩୦)। ସେ ସ୍ବାମୀ ପରିତ୍ୟକ୍ତା ଥିବାବେଳେ ତାଙ୍କର ମାନସିକ ଅସୁସ୍ଥତା ରହିଥିବା ଜଣାପଡ଼ିଛି। ତେଣୁ ସେ ଗାଁ ଆଖପାଖରେ ବୁଲାବୁଲି କରୁଥିଲେ।   କୌଣସି ଅଜଣା ଗାଡ଼ି ତାଙ୍କୁ ଧକ୍କା ଦେଇଥିଲା। ଗ୍ରାମବାସୀ ଘଟଣାସ୍ଥଳରେ ପହଞ୍ଚତ୍ କ୍ଷତିପୂରଣ ଦାବି ନେଇ  ଜାତୀୟ ରାଜପଥ ଅବୋରଧ କରିଥିଲେ।

ପାନୀୟଜଳ ଯୋଗାଣରେ ଅବ୍ୟବସ୍ଥା : ପ୍ରଶାସନର ଦ୍ୱାରସ୍ଥ ହେଲେ ୨ ଓ୍ବାର୍ଡ ବାସିନ୍ଦା

ପାନୀୟଜଳ ଯୋଗାଣରେ ଅବ୍ୟବସ୍ଥା : ପ୍ରଶାସନର ଦ୍ୱାରସ୍ଥ ହେଲେ ୨ ଓ୍ବାର୍ଡ ବାସିନ୍ଦା

ପାରଳାଖେମୁଣ୍ଡି, ୩।୧(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡି ପୌରାଞ୍ଚଳ ଅଧୀନ ୧ନମ୍ବର ୱାର୍ଡର ରେଲିପାପୁଡୁ ସାହି ଏବଂ ୧୨ନମ୍ବର ୱାର୍ଡର କଣ୍ଡରାସାହିରେ ପାନୀୟଜଳ ଯୋଗାଣରେ ଅବ୍ୟବସ୍ଥା ଅଭିଯୋଗ ନେଇ ଓ୍ବାର୍ଡବାସିନ୍ଦା ଏକାଠି  ହୋଇ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। 

ପାଉଁଶ ହୋଇଗଲା ୮ ଗଦା ଧାନ

ପାଉଁଶ ହୋଇଗଲା ୮ ଗଦା ଧାନ

ସେମିଳିଗୁଡ଼ା,୩।୧(ସ୍ବ.ପ୍ର.)- ସେମିଳିଗୁଡ଼ା ବ୍ଲକ୍‌ ପାଖଜଲା ପଞ୍ଚାୟତ ଅଲିଗଁା ଗ୍ରାମରେ ୮ଟି ଧାନ ଗଦାରେ ନିଆଁଲାଗି ପୋଡ଼ିଯାଇଛି। ସ୍ଥାନୀୟ ସରପଞ୍ଚ ଖବର ପାଇ ସେମିଳିଗୁଡ଼ା ଅଗ୍ନିଶମ ବିଭାଗରେ ସୂଚନା ଦେଇଥିଲେ। ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ପରେ ସେମିଳିଗୁଡ଼ା ତହସିଲଦାରଙ୍କ ନିର୍ଦ୍ଦେଶକ୍ରମେ  ଆର୍‌ଆଇ ଘଟଣାର ଅନୁଧ୍ୟାନ କରି କ୍ଷୟକ୍ଷତି ଆକଳନ କରିଛନ୍ତି। ବର୍ଷକର ଫସଲ ପାଉଶଁ ହୋଇଯାଇଥିବାରୁ ଚାଷୀମାନେ ମୁଣ୍ଡରେ ହାତ ଦେଇଛନ୍ତି।

ଶୀତରେ କମ୍ପୁଛି ମାଲକାନଗିରି

ଶୀତରେ କମ୍ପୁଛି ମାଲକାନଗିରି

ମାଲକାନଗିରି,୩।୧ (ଡି.ଏନ୍‌.ଏ.)- ଗତ କିଛିଦିନ ହେଲା ମାଲକାନଗିରି ଜିଲା ଘନ କୁହୁଡି ଓ ପ୍ରବଳ ଥଣ୍ଡାରେ କମ୍ପୁଛି । ଶୀତ ଲହରି ଯୋଗୁ ଜନବୀଜନ ଅତିଷ୍ଠ ହୋଇପଡିଛି। ଭୀଷଣ ଥଣ୍ଡା ସହ ପୂର୍ବାହ୍ନ ସାଢେ ୧୦ଟା ପର୍ଯ୍ୟନ୍ତ ଘନକୁହୁଡିର ପ୍ରଭାବ ଦେଖିବାକୁ ମିଳୁଛି।  କୁହୁଡି  ଯୋଗୁ ରାସ୍ତାଘାଟ ସବୁ ଝାପସା ଦେଖାଯାଉଛି। ଫଳରେ ଗାଡିମୋଟର ଯାତାୟାତରେ ଅସୁବିଧା ହେଉଛି। କୁହୁଡି ହେତୁ ରାସ୍ତାଘାଟ ଶୂନଶାନ ରହୁଥିବା ବେଳେ ଦୋକାନ ବଜାର ପୂର୍ବାହ୍ନ ୧୧ଟା ପରେ ଖୋଲୁଛି। 

୩ ଦିନ ପରେ ମାଲ୍ୟବନ୍ତ ମହୋତ୍ସବ: ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପଡିଛି ସିମେଣ୍ଟ ପ୍ଲେଟ୍‌

୩ ଦିନ ପରେ ମାଲ୍ୟବନ୍ତ ମହୋତ୍ସବ: ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପଡିଛି ସିମେଣ୍ଟ ପ୍ଲେଟ୍‌

ମାଲକାନଗିରି,୩।୧ (ଡି.ଏନ୍‌.ଏ.)- ମାଲକାନଗିରି ଜିଲାରେ ଲୋକ ମହୋତ୍ସବ ମାଲ୍ୟବନ୍ତର ଶୁଭାରମ୍ଭ ପାଇଁ ଆଉ  ୪ ଦିନ ରହିଛି।  ଆସନ୍ତା ୬ରେ ଜିଲାସ୍ତରୀୟ ମହୋତ୍ସବ ପାଇଁ ପବିତ୍ର ଗୁରୁପ୍ରିୟା ନଦୀରୁ ଜଳ ଆଣି କଳସଯାତ୍ରୀମାନେ ଦୀର୍ଘ ୭୦ କିଲୋମିଟର ଅତିକ୍ରମ କରି ମାଲକାନଗିରି, ଡି.ଏନ୍‌.କେ. ଖେଳ ପଡିଆରେ ପହଞ୍ଚିବେ । 

ବିଡିଓଙ୍କୁ ଧମକ ଦେଇ  ଯୁବ ଠିକାଦାର ଗିରଫ

ବିଡିଓଙ୍କୁ ଧମକ ଦେଇ ଯୁବ ଠିକାଦାର ଗିରଫ

ନବରଙ୍ଗପୁର,୨।୧(ବି.ପ୍ର.)-ନବରଙ୍ଗପୁର ଜିଲା ଉମରକୋଟ ବିଡିଓଙ୍କୁ ଧମକ ଦେବା ଅଭିଯୋଗରେ ପୋଲିସ ଉମରକୋଟର ଯୁବ ଠିକାଦାର ସଂଜୀବ ସୁବୁଦ୍ଧିଙ୍କୁ ବୁଧବାର ଗିରଫ କରି କୋର୍ଟ ଚାଲାଣ କରିଛି।

ଟ୍ରାକ୍ଟର ଚଢ଼ିଗଲା, ଯୁବକ ମୃତ:  ପାରିପାର୍ଶ୍ୱିକ ସ୍ଥିତିରୁ ହତ୍ୟା ସନ୍ଦେହ

ଟ୍ରାକ୍ଟର ଚଢ଼ିଗଲା, ଯୁବକ ମୃତ: ପାରିପାର୍ଶ୍ୱିକ ସ୍ଥିତିରୁ ହତ୍ୟା ସନ୍ଦେହ

ଜୟପୁର,୨ା୧(ନି.ପ୍ର./ଡି.ଏନ୍‌.ଏ.): ଜୟପୁର ସଦର ଥାନା ଅନ୍ତର୍ଗତ ବାୟାଗୁଡ଼ା ଗ୍ରାମରେ ଟ୍ରାକ୍ଟର ଚାପାରେ ଜଣେ ଯୁବକଙ୍କ ମୃତ୍ୟୁ ହୋଇଛି। ସେ ହେଲେ ଅନ୍ତା ଗ୍ରାମର ଲଛମନ କୁଳଦିପ (୩୦)।  ଘରେ ତାଙ୍କର ଛୋଟ ୨ ଝିଅ ଓ ୨ ପୁଅ ଅଛନ୍ତି। ଗ୍ରାମବାସୀ ଓ ପରିବାର ଲୋକେ କ୍ଷତିପୂରଣ ଦାବି ନେଇ ମୃତଦେହ ଉଠାଇବାକୁ ଦେଇ ନଥିଲେ। ଏନେଇ ଚାପା ଉତ୍ତେଜନା ଲାଗି ରହିଛି।

ପ୍ରବଳ ଥଣ୍ଡା ସାଙ୍ଗକୁ ତୁଷାରପାତ

ପ୍ରବଳ ଥଣ୍ଡା ସାଙ୍ଗକୁ ତୁଷାରପାତ

ସେମିଳିଗୁଡ଼ା,୨।୧(ସ୍ବ.ପ୍ର.): ସେମିଳିଗୁଡ଼ା ବ୍ଲକ କୁନ୍ଦୁଲି, ସୋରିଷପଦର, ମାରିମର୍ଲା, ଖୁଡ଼ି ଓ ରେଙ୍ଗା ପଞ୍ଚାୟତରେ ତାପମାତ୍ରା ଖସିବା ପରେ ବରଫ ପଡ଼ିଛି। ସେହିପରି ବ୍ଲକର ଦାମନଯୋଡ଼ି, ଚାରାଙ୍ଗୁଲ ଭଳି ପଞ୍ଚାୟତରେ ଥଣ୍ଡାର ପ୍ରକୋପ ଅନୁଭବ ହେଉଛି। ପାରଦ ୫ ଡିଗ୍ରୀ ତଳେ ରହୁଥିବା ବେଳେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି। ଅଞ୍ଚଳରେ ଗତ ୨୦ ବର୍ଷ ଭିତରେ ପାରଦ ସର୍ବାଧିକ ତଳକୁ ଖସିଥିବା କୁହାଯାଉଛି।

କାର୍ଯ୍ୟରେ ଅବହେଳା ଅଭିଯୋଗ: କାଶୀନଗର ବ୍ଲକ ଶିକ୍ଷାଧିକାରୀ ନିଲମ୍ବିତ

କାର୍ଯ୍ୟରେ ଅବହେଳା ଅଭିଯୋଗ: କାଶୀନଗର ବ୍ଲକ ଶିକ୍ଷାଧିକାରୀ ନିଲମ୍ବିତ

ପାରଳାଖେମୁଣ୍ଡି, ୨।୧(ସ୍ବ.ପ୍ର.): ଗଜପତି ଜିଲା କାଶୀନଗର ବ୍ଲକ ଶିକ୍ଷାଧିକାରୀ ଲକ୍ଷ୍ମଣ ମାଝୀଙ୍କୁ କାର୍ଯ୍ୟରେ ଅବହେଳା ଓ ଦୀଘଦିନ ଧରି ଅନୁପସ୍ଥିତ ଅଭିଯୋଗରେ ନିଲମ୍ବିତ କରାଯାଇଛି । ମାଝୀଙ୍କ ନାମରେ ଦୀର୍ଘଦିନ ହେବ ବିଭିନ୍ନ ଅଭିଯୋଗ ହୋଇଆସୁଥିଲା । ସେ କେତେଜଣ ଶିକ୍ଷକ ଏବଂ ଅବସରକାଳୀନ ଶିକ୍ଷକଙ୍କ ଦରମା ଓ ପେନ୍‌ସନ୍‌କୁ ନେଇ ଅର୍ଥ କାରବାର କରିଥିବା ଏବଂ ଦୀର୍ଘ ଦୁଇମାସରୁ ଊର୍ଦ୍ଧ୍ୱ ହେଲା କାର୍ଯ୍ୟାଳୟରେ ଅନୁପସ୍ଥିତ ରହିଥିବା ନେଇ ଜିଲା ଶିକ୍ଷାଧିକାରୀଙ୍କ ନିକଟରେ ଅଭିଯୋଗ ହୋଇଥିଲା। ଏ ସଂକ୍ରାନ୍ତରେ ଅତିରିକ୍ତ ଜିଲା ଶିକ୍ଷାଧିକାରୀ ମନୋରଞ୍ଜନ ଦଳେଇ ତଦନ୍ତ କରି ଜିଲା ଶିକ୍ଷାଧିକାରୀଙ୍କୁ ରିପୋର୍ଟ ଦେଇଥିଲେ। ଜିଲା ଶିକ୍ଷାଧିକାରୀଙ୍କ ରିପୋର୍ଟ ଭିତ୍ତିରେ ଶିକ୍ଷା ବିଭାଗ ପକ୍ଷରୁ  ମାଝିଙ୍କୁ କାର୍ଯ୍ୟରୁ ନିଲମ୍ବନ କରାଯାଇଥିବା ସୂଚନା ମିଳିଛି।

ବାଇକ୍‌ ଦୁର୍ଘଟଣାରେ ଯୁବକ ମୃତ

ବାଇକ୍‌ ଦୁର୍ଘଟଣାରେ ଯୁବକ ମୃତ

ବୈପାରୀଗୁଡ଼ା,୨।୧(ଡି.ଏନ୍‌.ଏ.): ବୈପାରୀଗୁଡ଼ା ସଦରରୁ ୮ କିମି ଦୂର ମାଲକାନଗିରି ରାସ୍ତାର ଟାପାଯୋଡ଼ିରେ  ବାଇକ୍‌ ଦୁର୍ଘଟଣା ଘଟିଛି। ଏଥିରେ ଜଣେ ଆରୋହୀଙ୍କ ମୃତ୍ୟୁ ହୋଇଛି। ସେ ହେଲେ ଜୟପୁର ବାରିଣିପୁଟ ଗ୍ରାମର ସୀମାଞ୍ଚଳ ମହାନ୍ତି (୨୯)।

ଚାଷୀଙ୍କୁ ଟାଣିପାରୁନି କୃଷି ବଜାର

ଚାଷୀଙ୍କୁ ଟାଣିପାରୁନି କୃଷି ବଜାର

ପଟ୍ଟାଙ୍ଗି,୨।୧(ଡି.ଏନ୍‌.ଏ.)- ପଟ୍ଟାଙ୍ଗି ବ୍ଲକ ମାଳିପୁଟ ପଞ୍ଚାୟତ କୁନ୍ଦୁଲି ହାଟପଦାରେ ରାଷ୍ଟ୍ରୀୟ କୃଷି ବିକାଶ ଯୋଜନା ମାଧ୍ୟମରେ ଚାଷୀଙ୍କ ପାଇଁ ନିର୍ମିତ ହୋଇଥିବା ନିୟନ୍ତ୍ରିତ ବଜାର ବା ଜାତୀୟ କୃଷି ବଜାରକୁ ଚାଷୀ ବ୍ୟବହାର କରିବାକୁ ଆଗ୍ରହ ଦେଖାଉ ନାହାନ୍ତି। ଏହାକୁ ନେଇ ଅନେକ ପ୍ରଶ୍ନ ଉଠିଛି। 

ପ୍ରଶାସନ ଦୃଷ୍ଟି ଆଢୁଆଳରେ ଏଙ୍ଗାରସିଂ ଗାଁ:  ଏଯାଏ ବାତ୍ୟା ବିପନ୍ନ ସଳଖି ପାରିନାହାନ୍ତି ଅଣ୍ଟା

ପ୍ରଶାସନ ଦୃଷ୍ଟି ଆଢୁଆଳରେ ଏଙ୍ଗାରସିଂ ଗାଁ: ଏଯାଏ ବାତ୍ୟା ବିପନ୍ନ ସଳଖି ପାରିନାହାନ୍ତି ଅଣ୍ଟା

ପାରଳାଖେମୁଣ୍ଡି, ୨।୧(ସ୍ବ.ପ୍ର.)-ଗଜପତି ଜିଲା ରାୟଗଡ ବ୍ଲକର ପାହାଡ ଓ ଜଙ୍ଗଲଘେରା ଆଦିବାସୀ ଅଧ୍ୟୁଷିତ ଏଙ୍ଗାରସିଂ ଗ୍ରାମ ଏବେ ବି ପ୍ରଶାସନର ଦୃଷ୍ଟି ଆଢୁଆଳରେ ରହିଛି। ଫଳରେ ଗ୍ରାମବାସୀ ଶିକ୍ଷା, ସ୍ବାସ୍ଥ୍ୟ, ପାନୀୟ ଜଳ, ବିଦ୍ୟୁତ ଆଦି ମୌଳିକ ସୁବିଧାରୁ ବଞ୍ଚିତ ଅଛନ୍ତି। ନାନା ସମସ୍ୟା ଭିତରେ ସେମାନେ ଦିନ କାଟୁଛନ୍ତି।