ରାୟଗଡା

ଜିଆର୍‌ଏସ୍‌ଙ୍କ ବଦଳି ନହେଲେ ରାଜରାସ୍ତାକୁ ଓହ୍ଲାଇବେ ୧୧ ଗାଁର ବାସିନ୍ଦା

ଜିଆର୍‌ଏସ୍‌ଙ୍କ ବଦଳି ନହେଲେ ରାଜରାସ୍ତାକୁ ଓହ୍ଲାଇବେ ୧୧ ଗାଁର ବାସିନ୍ଦା

ସେମିଳିଗୁଡ଼ା,୫।୭(ସ୍ବ.ପ୍ର.): ସେମିଳିଗୁଡ଼ା ବ୍ଲକ ସୋରିଷପଦର ପଞ୍ଚାୟତ କାର୍ଯ୍ୟାଳୟ ଆଗରେ ସ୍ଥାନୀୟ ଜିଆର୍‌ଏସ୍‌ଙ୍କୁ ବଦଳି କରିବା ପାଇଁ ଦାବି ରଖିଛନ୍ତି ୧୧ଟି ଗାଁର ବାସିନ୍ଦା। ବଦଳି ନହେଲେ ରାଜରାସ୍ତାକୁ ଓହ୍ଲାଇବେ ବୋଲି ପାଖଜଲା ସରପଞ୍ଚ ଲକ୍ଷ୍ମଣ ପାଢ଼ି କହିଛନ୍ତି। ବାରମ୍ବାର ଦାବି ହେଲେ ମଧ୍ୟ ଜିଲା ପ୍ରଶାସନ ନିରବ ରହିବାର କାରଣ କ’ଣ ବୋଲି ସେ ପ୍ରଶ୍ନ କରିଛନ୍ତି।

୭ ବର୍ଷରେ ଧରିଲେଣି ୭୦୦ ସାପ ଓମ୍‌ପ୍ରକାଶ

୭ ବର୍ଷରେ ଧରିଲେଣି ୭୦୦ ସାପ ଓମ୍‌ପ୍ରକାଶ

ସେମିଳିଗୁଡ଼ା,୫।୭(ସ୍ବ.ପ୍ର.): ଓମ୍‌ ପ୍ରକାଶ ସାହୁ ।ବୟସ ୩୫ ବର୍ଷ । ଘର କୋରାପୁଟ ଜିଲା ସେମିଳିଗୁଡା ପଞ୍ଚାୟତର ପରଜା ପୁଙ୍ଗାରରେ। ସେ ସାପ ବଶକାରୀ ମନ୍ତ୍ର ଜାଣନ୍ତି ନାହିଁ କି ପୁଙ୍ଗି ବି ତାଙ୍କ ହାତରେ ନ ଥାଏ । ସାପ ଧରିବା ବାଡ଼ି କେବେ ସେ ବ୍ୟବହାର କରନ୍ତି ନାହିଁ ।

କୁନ୍ଦୁରାରେ ଆବାସ ଯୋଜନା ବାଟବଣା

କୁନ୍ଦୁରାରେ ଆବାସ ଯୋଜନା ବାଟବଣା

କୁନ୍ଦୁରା,୫।୭(ଡି.ଏନ୍‌.ଏ.): ଗରିବ, ଭୂମିହୀନ ଏବଂ ଜମିହରାଙ୍କୁ ଥଇଥାନ କରିବା ପାଇଁ ସରକାରୀ ଆବାସ ଯୋଜନା କୁନ୍ଦୁରା ବ୍ଲକର ୧୬ଟି ପଞ୍ଚାୟତରେ କିପରି କାର୍ଯ୍ୟକାରୀ ହେଉଛି, ତାହା ଏବେ ଜଳଜଳ ହୋଇ ଜଣାପଡୁଛି । ଅଧିକାଂଶ ଆବାସ ଯୋଜନାରେ ବ୍ୟାପକ ହେର୍‌ଫେର ହେଉଥିବା ଅଭିଯୋଗ ହୋଇଛି ।

ଜୟପୁର ବନାଞ୍ଚଳ: ଚାରା ରୋପଣ ଟାର୍ଗେଟ୍‌ ୬.୧୪ ଲକ୍ଷ

ଜୟପୁର ବନାଞ୍ଚଳ: ଚାରା ରୋପଣ ଟାର୍ଗେଟ୍‌ ୬.୧୪ ଲକ୍ଷ

ଜୟପୁର,୫।୭(ଡି.ଏନ୍‌.ଏ.): ୨୦୧୮-୧୯ ପାଇଁ ଜୟପୁର ବନାଞ୍ଚଳରେ ୭୫୩ ହେକ୍ଟର ଜଙ୍ଗଲ ଜମିରେ ୬ ଲକ୍ଷ ୧୪ ହଜାର ଚାରା ରୋପଣ ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି । ବନ ମହୋତ୍ସବ ସପ୍ତାହର ଅନ୍ତିମ ଦିନ ୭ ତାରିଖରେ ହିଁ କେବଳ ୫୫.୬୨୫ ହେକ୍ଟର ଜମିରେ ୩୨୦୦ ଚାରା ଲଗାଯିବ।

ବିଧାନସଭାସ୍ତରୀୟ ନିର୍ବାଚନ ସଂକ୍ରାନ୍ତ ବୈଠକ

ବିଧାନସଭାସ୍ତରୀୟ ନିର୍ବାଚନ ସଂକ୍ରାନ୍ତ ବୈଠକ

ଜୟପୁର, ୪।୭(ନି.ପ୍ର): କୋରାପୁଟ ଜିଲା ଜୟପୁର ଆଇଟିଡିଏ ସମ୍ମିଳନୀ କକ୍ଷରେ ବୁଧବାର ବିଧାନସଭାସ୍ତରୀୟ ନିର୍ବାଚନ ସଂକ୍ରାନ୍ତ ବୈଠକ ଅନୁଷ୍ଠିତ ହୋଇଯାଇଛି। ଉପଖଣ୍ଡ ନିର୍ବାଚନ ଅଧିକାରୀ ତଥା ଜୟପୁର ଉପଜିଲାପାଳ ଲୋକନାଥ ଦଳବେହେରାଙ୍କ ଆହ୍ବାନରେ ଆୟୋଜିତ ଏହି ବୈଠକରେ ଜୟପୁର ଓ କୋଟପାଡ ନିର୍ବାଚନମଣ୍ଡଳୀ ଅଧୀନ ବିଭିନ୍ନ ରାଜନୈତିକ ଦଳର କର୍ମକର୍ତ୍ତାମାନେ ଯୋଗଦେଇ ନିଜ ନିଜ ମତ ଉପସ୍ଥାପନ କରିଥିଲେ। ନିର୍ବାଚନ କମିଶନଙ୍କ ନୂତନ ନିର୍ଦ୍ଦେଶନାମା ଅନୁଯାୟୀ ସବନିମ୍ନ ଗୋଟିଏ ବୁଥରେ ୩ଶହ ଭୋଟର ରହିବା ନିତାନ୍ତ ଆବଶ୍ୟକ।

୭ ଦଫା ଦାବି ନେଇ ରାଜସ୍ବ କ୍ଷେତ୍ର ଅଧିକାରୀଙ୍କ ଶୋଭାଯାତ୍ରା

୭ ଦଫା ଦାବି ନେଇ ରାଜସ୍ବ କ୍ଷେତ୍ର ଅଧିକାରୀଙ୍କ ଶୋଭାଯାତ୍ରା

ମାଲକାନଗିରି, ୪।୭(ଡି.ଏନ.ଏ)- ମାଲକାନଗିରି ଜିଲା ସଦର ମହକୁମାଠାରେ ବୁଧବାର ଜିଲା ରାଜସ୍ବ କ୍ଷେତ୍ର ଅଧିକାରୀ ସଂଘ ପକ୍ଷରୁ ବିଭିନ୍ନ ଦାବି ନେଇ ଏକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ସଂଘର ଜିଲା ସଭାପତି ରାମକୃଷ୍ଣ ପଟ୍ଟନାୟକଙ୍କ ନେତୃତ୍ୱରେ ଶତାଧିକ ସଦସ୍ୟା ଓ ସଦସ୍ୟ ସ୍ଥାନୀୟ ବସଷ୍ଟାଣ୍ଡଠାରୁ ଏକ ଶୋଭାଯାତ୍ରାରେ ବାହାରି ନଗର ପରିକ୍ରମା କରି ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ। ସେଠାରେ ଅତିରିକ୍ତ ଜିଲାପାଳ ରଘୁମଣି ଗମାଙ୍ଗଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ୭ଦଫା ସମ୍ବଳିତ ଦାବିପତ୍ର ପ୍ରଦାନ କରିଥିଲେ।

ସରକାରୀ ବସ୍‌ରୁ ଗଞ୍ଜେଇ ଜବତ: ୨ ଆନ୍ତଃରାଜ୍ୟ ଚାଲାଣକାରୀଙ୍କ ସମେତ ୩ ଗିରଫ

ସରକାରୀ ବସ୍‌ରୁ ଗଞ୍ଜେଇ ଜବତ: ୨ ଆନ୍ତଃରାଜ୍ୟ ଚାଲାଣକାରୀଙ୍କ ସମେତ ୩ ଗିରଫ

ମାଲକାନଗିରି, ୪।୭(ଡି.ଏନ.ଏ): ମାଲକାନଗିରି ଜିଲା ସଦର ଥାନା ଅନ୍ତର୍ଗତ ସୀମାଗୁଡ଼ି ନିକଟରେ ବୁଧବାର ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ଏକ ସରକାରୀ ବସରୁ ଚୋରା ଚାଲାଣ ବେଳେ ୨୦ କିଲୋ ୬ଶହ ଗ୍ରାମ ଗଞ୍ଜେଇ ଜବତ କରାଯିବା ସହ ଏଥିରେ ସଂପୃକ୍ତ ୨ଜଣ ଆନ୍ତଃରାଜ୍ୟ ଚାଲାଣକାରୀଙ୍କ ସମେତ ୩ ଜଣଙ୍କୁ ଗିରଫ କରାଯାଇଛି। ଅବକାରୀ ଅଧୀକ୍ଷକ ଅଶୋକ କୁମାର ସେଠଙ୍କ ନିର୍ଦ୍ଦେଶ କ୍ରମେ ବିଭାଗୀୟ କର୍ମଚାରୀମାନେ ସଦଳବଳେ ସୀମାଗୁଡ଼ି ନିକଟରେ ସରକାରୀ ବସକୁ ଅଟକାଇ ଗଞ୍ଜେଇ ଚୋରା ଚାଲାଣ କରୁଥିବା ୨ଜଣଙ୍କୁ ଗିରଫ କରିଥିଲେ।

୭ରେ ମୁଖ୍ୟମନ୍ତ୍ରୀଙ୍କ ଭିଡିଓ କନଫରେନ୍ସିଂ

୭ରେ ମୁଖ୍ୟମନ୍ତ୍ରୀଙ୍କ ଭିଡିଓ କନଫରେନ୍ସିଂ

ପଟ୍ଟାଙ୍ଗି,୪।୭(ଡି.ଏନ୍‌.ଏ.): ପଟ୍ଟାଙ୍ଗି କାର୍ଯ୍ୟାଳୟର ଏଫଆଇସି ସଭାଗୃହରେ ବିଡିଓ କରୁଣାକର ପ୍ରଧାନଙ୍କ ଆହ୍ବାନ କ୍ରମେ ‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ଆସନ୍ତା ୭ରେ ସ୍ଥାନୀୟ ମିନି ଷ୍ଟାଡିୟମରେ ହେବାକୁ ଥିବା ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଭିଡିଓ କନଫରେନ୍ସିଂରେ ଲୋକ ପ୍ରତିନିଧି ଓ ସାଧାରଣ ଲୋକଙ୍କ ସହ ଭାବ ବିନିମୟ କରିବେ।

ବିହନ ନ ମିଳିଲେ ରାସ୍ତାକୁ ଓହ୍ଲାଇବେ ଚାଷୀ

ବିହନ ନ ମିଳିଲେ ରାସ୍ତାକୁ ଓହ୍ଲାଇବେ ଚାଷୀ

ମାଥିଲି , ୪।୭(ଡି.ଏନ୍‌.ଏ.): ଆସିଛି ବିହନ ବୁଣିବା ସମୟ । କିଛି ଦିନର ଲଗାଣ ବର୍ଷାରେ ଜମିରେ ବିହନ ବୁଣିବାକୁ ଚାଷୀ ଅଣ୍ଟା ଭିଡୁଛନ୍ତି । ଏହି ସମୟରେ ସ୍ଥାନୀୟ ଲ୍ୟାମ୍ପସରେ ବିହନ ନ ମିଳିବା ଚାଷୀଙ୍କ ପାଇଁ ମୁଣ୍ତବ୍ୟଥାର କାରଣ ପାଲଟିଛି। ଦିନ ଗଡି ଚାଲୁଥିବାବେଳେ ଚାଷୀଙ୍କ ପାଇଁ ସରକାରଙ୍କ ତରଫରୁ ଲ୍ୟାମ୍ପସ ମାଧ୍ୟମରେ ଯୋଗାଇ ଦିଆଯାଉଥିବା ମୁଖ୍ୟ ୧୦୦୧ ବିହନ ନ ମିଳିବାରୁ ଏବେ ଚିନ୍ତାରେ ।

ବିଭିନ୍ନ ସ୍ଥାନରେ କୃଷକ କଲ୍ୟାଣ ଅଭିଯାନ

ବିଭିନ୍ନ ସ୍ଥାନରେ କୃଷକ କଲ୍ୟାଣ ଅଭିଯାନ

ମାଥିଲି, ୪।୭(ଡି.ଏନ୍‌.ଏ.): ମାଲକାନଗିରି ଜିଲା ମାଥିଲି ବ୍ଲକର ବିଭିନ୍ନ ସ୍ଥାନରେ କୃଷକ କଲ୍ୟାଣ ଅଭିଯାନ ଅନୁଷ୍ଠିତ ହୋଇଯାଇଛି। ମାଲକାନଗିରି କୃଷି ବୈଜ୍ଞାନିକଙ୍କ ଆନୁକୂଲ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଜଳ ବିବନ୍ଧନ ସଂସ୍ଥା ବୈଜ୍ଞାନିକ ରୁନୁରାଣୀ ସେଟ୍ଟୀ, ଡକ୍ଟର କେ.ଜି ମଣ୍ତଳ, ବୈଜ୍ଞାନିକ ଏନ୍‌. ମଣିକୁନ୍ଦନ, ଡକ୍ଟର ମୌସୁମୀ ରାଣୀ ଚୌଧୁରୀ, ମାଲକାନଗିରି କୃଷି ବୈଜ୍ଞାନିକ ଅନୁଜ କୁମାର ରାଏ, ଉପ କୃଷି ନିର୍ଦ୍ଦେଶକ ପ୍ରଦୀପ କୁମାର ଦେ, ଜିଲା କୃଷି ଅଧିକାରୀ କୈଳାସ ଚନ୍ଦ୍ର ସ୍ବାଇଁ, କୃଷି ବିଜ୍ଞାନ କେନ୍ଦ୍ର ମୃତ୍ତିକା ରସାୟନ ଅଧିକାରୀ ରାହୁଲ ଦେବ ବେହେରା, ସହକାରୀ କୃଷି ଉଦ୍ୟାନ ଅଧିକାରୀ ଅଶୋକ କୁମାର ପ୍ରମୁଖ ଯୋଗ ଦେଇଥିଲେ।

ସ୍ବାସ୍ଥ୍ୟ ସଚେତନତା ଶୋଭାଯାତ୍ରା

ସ୍ବାସ୍ଥ୍ୟ ସଚେତନତା ଶୋଭାଯାତ୍ରା

ମାଥିଲି ,୪।୭ (ଡି.ଏନ.ଏ): ମାଲକାନଗିରି ଜିଲା ମାଥିଲି ବ୍ଲକ ଅଧୀନ ଉଦୁଲିବେଡା ପଞ୍ଚାୟତ ଏବଂ ସ୍ବାସ୍ଥ୍ୟ ବିଭାଗ ପକ୍ଷରୁ ଏକ ସ୍ବାସ୍ଥ୍ୟ ସମ୍ପର୍କିତ ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଉଦୁଲିବେଡା ପିଇଓ ଅଶୋକ ମହାରଣାଙ୍କ ତତ୍ତ୍ବାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ମ୍ୟାଲେରିଆ, ଡାଇରିଆ, ଡେଙ୍ଗୁ ଏବଂ ଜଣ୍ତିସ ରୋଗ ସମ୍ପର୍କରେ ସଚେତନ କରାଯାଇଥିଲା।

ବୁଥସ୍ତରୀୟ କମିଟି ଗଠନ ନେଇ ଆଲୋଚନା

ବୁଥସ୍ତରୀୟ କମିଟି ଗଠନ ନେଇ ଆଲୋଚନା

ରାୟଗଡ଼ (ଗଜପତି), ୪।୭(ଡି.ଏନ.ଏ): ଗଜପତି ଜିଲା ରାୟଗଡ଼ ବ୍ଳକ ସଦରସ୍ଥ ହାଟପଦାଠାରେ କଂଗ୍ରେସ ପକ୍ଷରୁ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଏଥିରେ ବ୍ଳକ କଂଗ୍ରେସ କମିଟି ସଭାପତି ମୃର୍ଷୃତା ମଣ୍ଡଳ ସଭାପତିତ୍ୱ କରିଥିଲେ। ଜିଲା କଂଗ୍ରେସ ସଭାପତି ବିଭୂତି ପାତ୍ର ଏବଂ କାର୍ଯ୍ୟକାରୀ ସଭାପତି ଗାବରା ତିରୁପତି ରାଓଙ୍କୁ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ବିଜେଡିର କୁଶାସନ ଏବଂ କେନ୍ଦ୍ରରେ ଭାଜପାର ଏକଚାଟିଆ ନୀତି ବିରୋଧରେ ସ୍ବର ଉତ୍ତୋଳନ କରିବାକୁ କଂଗ୍ରେସ କର୍ମୀମାନଙ୍କୁ ସଭାପତି ଓ କାର୍ଯ୍ୟକାରୀ ସଭାପତି ଆହ୍ବାନ ଦେଇଥିଲେ।

ଶିବିରରେ ୧୯ ୟୁନିଟ ରକ୍ତ ସଂଗ୍ରହ

ଶିବିରରେ ୧୯ ୟୁନିଟ ରକ୍ତ ସଂଗ୍ରହ

ମାଲକାନଗିରି,୪।୭(ଡି.ଏନ.ଏ): ମାଲକାନଗିରି ଜିଲା ସଦର ମହକୁମାଠାରେ ମଙ୍ଗଳବାର ମାଗଣା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ମୋଟ ୧୯ ୟୁନିଟ ରକ୍ତ ସଂଗ୍ରହ କରାଯାଇଥିଲା। ଏହି କାର୍ଯ୍ୟକ୍ରମରେ ତାଲିମ କେନ୍ଦ୍ର ପରିଚାଳକ ଅଜିତ କୁମାର ପାଣିଗ୍ରାହୀ ଅଧ୍ୟକ୍ଷତା କରିଥିଲେ।

ମଝିଘରିଆଣୀ ମନ୍ଦିର ଯିବା ରାସ୍ତା ଶୋଚନୀୟ

ମଝିଘରିଆଣୀ ମନ୍ଦିର ଯିବା ରାସ୍ତା ଶୋଚନୀୟ

ରାୟଗଡା ଅଫିସ୍‌, ୪।୭: ରାୟଗଡା ସହରର ପ୍ରସିଦ୍ଧ ଅଧିଷ୍ଠାତ୍ରୀ ଦେବୀ ମା’ ମଝିଘରିଆଣୀଙ୍କ ମନ୍ଦିରଠାରୁ ୧୦୦ ମିଟର ଦୂର ତଥା ଡିଏଫ୍‌ଓ କାର୍ଯ୍ୟାଳୟ ଛକଠାରୁ ମା’ ମଝିଘରିଆଣୀ ମନ୍ଦିର ଯିବା ମୁଖ୍ୟରାସ୍ତା ଶୋଚନୀୟ ହୋଇପଡ଼ିଛି । ଉକ୍ତ ରାସ୍ତାରେ ବଡ ବଡ ଖାଲଖମା ସୃଷ୍ଟି ହୋଇଛି । ଫଳରେ ବର୍ଷାଜଳ ଜମା ହୋଇ କାଦୁଅରେ ଭରପୂର ରହିଛି । ଏହି ରାସ୍ତାଦେଇ ପ୍ରତିଦିନ ରାୟଗଡା ସହର ସମେତ ଆଖପାଖ ଅଞ୍ଚଳରୁ ଲୋକମାନେ ମଝିଘରିଆଣୀଙ୍କ ମନ୍ଦିର ଆସିଥାନ୍ତି। ଏଥିସହିତ ବିଭିନ୍ନ କାର୍ଯ୍ୟରେ ଏହି ରାସ୍ତାଦେଇ ଯାତାୟାତ କରିଥାନ୍ତି। ରାସ୍ତାର ଅବସ୍ଥା ଶୋଚନୀୟ ଥିବାରୁ ସହରବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି ।

ଡେଙ୍ଗୁ ନିୟନ୍ତ୍ରଣ ନେଇ ଅତିରିକ୍ତ ଜିଲାପାଳଙ୍କୁ ଦାବିପତ୍ର

ଡେଙ୍ଗୁ ନିୟନ୍ତ୍ରଣ ନେଇ ଅତିରିକ୍ତ ଜିଲାପାଳଙ୍କୁ ଦାବିପତ୍ର

ରାୟଗଡା ଅଫିସ୍‌, ୪।୭: ରାୟଗଡ଼ା ଜିଲାରେ ଡ଼େଙ୍ଗୁ ରୋଗୀଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଛି । ଏହାକୁ ନିୟନ୍ତ୍ରଣ କରିବା ନେଇ ରାୟଗଡା ଜିଲା କଂଗ୍ରେସ ପକ୍ଷରୁ ଏକ ଦାବିପତ୍ର ଜିଲାପାଳଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲାପାଳ ସୁଧାକର ଶବରଙ୍କୁ ପ୍ରଦାନ କରାଯାଇଛି । କମିଟି ସଭାପତି ଦୁର୍ଗାପ୍ରସାଦ ପଣ୍ଡାଙ୍କ ନେତୃତ୍ୱରେ ଶତାଧିକ କର୍ମୀ ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚତ୍ ଏହି ଦାବିପତ୍ର ପ୍ରଦାନ କରିଥିଲେ ।

୯ ଦଫା ଦାବି ନେଇ ବିଡିଓଙ୍କୁ ସ୍ମାରକପତ୍ର

୯ ଦଫା ଦାବି ନେଇ ବିଡିଓଙ୍କୁ ସ୍ମାରକପତ୍ର

ରାମନାଗୁଡା,୪।୭(ଡି.ଏନ୍‌.ଏ.): ୯ ଦଫା ଦାବି ନେଇ ରାୟଗଡ଼ା ଜିଲା ରାମନାଗୁଡା ବ୍ଲକର ୧୨ ସରପଞ୍ଚ ବିଡ଼ିଓ ସୁଧାକର ରଇତଙ୍କୁ ଏକ ସ୍ମାରକପତ୍ର ପ୍ରଦାନ କରିଛନ୍ତି। ଆମ ଗଁା ଆମ ବିକାଶ ଯୋଜନାର କାର୍ଯ୍ୟଗୁଡିକ ସରପଞ୍ଚମାନଙ୍କ ଦ୍ୱାରା ନିର୍ଦ୍ଧାରିତ କରାଯିବା କାମକୁ କାର୍ଯ୍ୟକାରୀ, ପ୍ରଧାନମନ୍ତ୍ରୀ ଆବାସ ଯୋଜନା ଏବଂ ଅନ୍ୟାନ୍ୟ ଉନ୍ନୟନ କାର୍ଯ୍ୟଗୁଡିକ ନିମନ୍ତେ ଯେଉଁ ରାଜସ୍ବ ସଂଗ୍ରହ ହେଉଛି ତାକୁ ଉଚ୍ଛେଦ, ଏମଜିଏନଆରଇଜିଏସ ଯୋଜନା ଟଙ୍କା ଶୀଘ୍ର ପ୍ରଦାନ, ବିଜୁ ପକ୍କାଘର ବଣ୍ଟନରେ ସ୍ବଚ୍ଛତା ଅବଲମ୍ବନ ତଥା ସରପଞ୍ଚଙ୍କୁ ସମ୍ପୂର୍ଣ୍ଣ ଅଧିକାର, ରାଜ୍ୟ ଅର୍ଥ କମିଶନ ତଥା କେନ୍ଦ୍ର ଅର୍ଥ କମିଶନ ପାଇଁ ଆସିଥିବା ଅନୁଦାନ ବିଭାଗୀୟ ଦ୍ୱାରା କରାଯାଉ, ଭିଏଲଏଲ୍‌ଙ୍କୁ ଉଚ୍ଛେଦ, ୬୦ ବର୍ଷରୁ ଊର୍ଦ୍ଧ୍ୱ ବୃଦ୍ଧାବୃଦ୍ଧଙ୍କୁ ଭତ୍ତା ପ୍ରଦାନ, ସ୍ବଚ୍ଛ ଭାରତ ମିଶନ ଦ୍ୱାରା ନିର୍ମିତ ପାଇଖାନା ପାଣି ଅଭାବରୁ ବ୍ୟବହାର ହୋଇପାରୁନି ଏଣୁ ତୁରନ୍ତ ପ୍ରତିଗ୍ରାମକୁ ପାଣିର ବ୍ୟବସ୍ଥା କରାଯାଉ ଆଦି ଦାବି କରିଛନ୍ତି ।

ପର୍ଯ୍ୟଟନସ୍ଥଳୀକୁ ସବୁଜ ସୁନ୍ଦର କରିବାକୁ  ପ୍ରୟାସ

ପର୍ଯ୍ୟଟନସ୍ଥଳୀକୁ ସବୁଜ ସୁନ୍ଦର କରିବାକୁ ପ୍ରୟାସ

କୋଲାବନଗର,୪।୭(ଡି.ଏନ୍‌.ଏ.): କୋରାପୁଟ ସଦର ଅନ୍ତର୍ଗତ ଅପରକୋଲାବ ଯୋଜନାର ମୁଖ୍ୟ କାର୍ଯ୍ୟ ନିର୍ବାହୀ ଖଣ୍ଡର ନିର୍ବାହୀ ଯନ୍ତ୍ରୀ ସଞ୍ଜୀବ ଜ୍ଞାନ ଭତରାଙ୍କ ବୃକ୍ଷ ରୋପଣର ଏକ ଅଭିନବ ପ୍ରୟାସ ଦେଖିବାକୁ ମିଳିଛି । ସକାଳ ୧୦ଟା ୩୦ ମିନିଟ ସମୟରେ ଇଂ ଭତରାଙ୍କ ଆନୁକୂଲ୍ୟରେ ତାଙ୍କ କାର୍ଯ୍ୟାଳୟର ସମସ୍ତ କର୍ମଚାରୀଙ୍କ ସହଯୋଗରେ ଡ୍ୟାମ୍‌ ପର୍ଯ୍ୟଟନସ୍ଥଳୀରେ ୩୦୦ଟି ଆମ୍ବ ଚାରା ରୋପଣ କରିଛନ୍ତି।

ସରପଞ୍ଚଙ୍କ ନାଁରେ ଅନାସ୍ଥା ପ୍ରସ୍ତାବ: ଉପଜିଲାପାଳଙ୍କୁ ଦାବି ଜଣାଇଲେ ଓ୍ବାର୍ଡମେମ୍ବର

ସରପଞ୍ଚଙ୍କ ନାଁରେ ଅନାସ୍ଥା ପ୍ରସ୍ତାବ: ଉପଜିଲାପାଳଙ୍କୁ ଦାବି ଜଣାଇଲେ ଓ୍ବାର୍ଡମେମ୍ବର

କୋରାପୁଟ,୪।୭(ସ୍ବ.ପ୍ର/ଡି.ଏନ୍‌.ଏ ): ଦଶମନ୍ତପୁର ବ୍ଲକ ଆଡମଣ୍ଡା ମାଲକାନଗିରି ପଞ୍ଚାୟତ ଜିଲାରେ ଏବେ ଚର୍ଚ୍ଚିତ ହୋଇ ରହିଛି। ନିକଟରେ ସ୍ଥାନୀୟ ସରପଞ୍ଚଙ୍କ ସ୍ବାମୀ ବାସୁଦେବ କୁଲଦିପ ପିଡିଏସ୍‌ ଚାଉଳ ହଡ଼ପ କରିଥିଲେ। ଆଉ ଏବେ ଖୋଦ୍‌ ସରପଞ୍ଚ ନିୟତି ଗିରେନ ପଞ୍ଚାୟତରେ ବିଭିନ୍ନ ବେଆଇନ କାର୍ଯ୍ୟ କରୁଥିବା ନେଇ ଅସନ୍ତୋଷ ତେଜିଛି। ପଞ୍ଚାୟତର ସମସ୍ତ ୱାର୍ଡ଼ମେମ୍ବର ସରପଞ୍ଚଙ୍କ ବିରୋଧରେ ଅନାସ୍ଥା ପ୍ରସ୍ତାବ ନେଇ କୋରାପୁଟ ଉପଜିଲାପାଳ ଲଳିତ କଅଁରଙ୍କ ଦ୍ୱାରସ୍ଥ ହୋଇଛନ୍ତି।

ଜିଆର୍‌ଏସ୍‌ଙ୍କ ବଦଳି ଦାବି ଜୋର ଧରିଲା

ଜିଆର୍‌ଏସ୍‌ଙ୍କ ବଦଳି ଦାବି ଜୋର ଧରିଲା

ସେମିଳିଗୁଡା,୪।୭(ସ୍ବ.ପ୍ର): କୋରାପୁଟ ଜିଲା ସେମିଳିଗୁଡା ବ୍ଲକ ସୋରିଷପଦର ଗ୍ରାମପଞ୍ଚାୟତରେ କାର୍ଯ୍ୟରତ ଗ୍ରାମ ରୋଜଗାର ସେବକ(ଜିଆରଏସ୍‌)ଙ୍କ ବଦଳି ଦାବି ଜୋର ଧରିଛି । ଏ ନେଇ ଦୁଇ ମାସ ତଳେ ପଞ୍ଚାୟତ ସମିତି ଅଧ୍ୟକ୍ଷ ଦିନେଶ ଖରା ଜିଲାପାଳ ଏବଂ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ପତ୍ର ଦେଇଥିଲେ । କିନ୍ତୁ ଏଥିରେ କୌଣସି ପଦକ୍ଷେପ ନିଆଯାଇ ନ ଥିବା ଅଧ୍ୟକ୍ଷ କହିଛନ୍ତି ।

କଂଗ୍ରେସର ଜୋନସ୍ତରୀୟ କର୍ମୀ ସମ୍ମିଳନୀ

କଂଗ୍ରେସର ଜୋନସ୍ତରୀୟ କର୍ମୀ ସମ୍ମିଳନୀ

ଦଶମନ୍ତପୁର,୪।୭(ଡି.ଏନ.ଏ.): କୋରାପୁଟ ଜିଲା ଦଶମନ୍ତପୁର ବ୍ଲକସ୍ଥିତ ସାଇରାମ କଲ୍ୟାଣ ମଣ୍ଡପଠାରେ ଜୋନସ୍ତରୀୟ କଂଗ୍ରେସ କମିଟି ବୈଠକ ଅନୁଷ୍ଠିତ ହୋଇଛି। କର୍ମୀମାନେ ଦଳ ପତାକା ଘର ଛାତରେ ଉଡାଇବାକୁ ଆହ୍ବାନ ଦିଆଯାଇଛି । ସଭାରେ ମୁଖ୍ୟଅତିଥି ଭାବେ ବିଧାୟକ କୈଳାସ ଚନ୍ଦ୍ର କୁଲେସିକା, ବିଧାୟକଙ୍କ ପ୍ରତିନିଧି ତଥା ଜିଲା କାର୍ଯ୍ୟକାରୀ ସଭାପତି ରୂପକ ତୁରୁକ ଯୋଗ ଦେଇଥିବାବେଳେ ସମ୍ମାନିତ ଅତିଥି ଭାବେ କୋରାପୁଟର ଯୁବ କଂଗ୍ରେସ ସଭାପତି ପ୍ରମୋଦ ନାଗ, ଲକ୍ଷ୍ମୀପୁର ବ୍ଲକର ଉପାଧ୍ୟକ୍ଷ ଧର୍ମେନ୍ଦ୍ର ବିଡିକା, ଜୋନ-୨ର ସଭାପତି ଲୋଚନ ବିଶୋଇ, ପିସିସି ସଭ୍ୟ ପ୍ରମୋଦ କିଶୋର ଖରା, ରାଜେନ୍ଦ୍ର ହୁଇକା ଉପସ୍ଥିତ ଥିଲେ।

‘ଆଦିରାଣୀ’ ପଲ୍ଲବୀଙ୍କୁ ନିଜ ମାଟିରେ ସମ୍ବର୍ଦ୍ଧନା

‘ଆଦିରାଣୀ’ ପଲ୍ଲବୀଙ୍କୁ ନିଜ ମାଟିରେ ସମ୍ବର୍ଦ୍ଧନା

ବୈପାରୀଗୁଡ଼ା, ୪।୭(ଡି.ଏନ୍‌.ଏ.): ବୈପାରୀଗୁଡ଼ା ବ୍ଲକ ଗୁପ୍ତେଶ୍ୱର ପଞ୍ଚାୟତ ନିପଟ ଦୁରୁଆ ଆଦିବାସୀ ବସତି ଗଁା ଶିରିବେଢା । ସେହି ଗ୍ରାମର ଝିଅ ପଲ୍ଲବୀ ଦୁରୁଆ ନିକଟରେ ଭୁବନେଶ୍ୱରଠାରେ କଳିଙ୍ଗ ଗୌରବ ପକ୍ଷରୁ ଜାତୀୟ ସ୍ତରରେ ଆଦିବାସୀ ତରୁଣୀଙ୍କୁ ନେଇ ଆୟୋଜିତ ପ୍ରତିଯୋଗିତାରେ ‘ଆଦିରାଣୀ’ ସମ୍ମାନ ପାଇଛନ୍ତି। ସେ ଫେରିବା ପରେ ସ୍ଥାନୀୟ ଦୁରୁଆ ସମାଜ ତାଙ୍କୁ ବିପୁଳ ସମ୍ବର୍ଦ୍ଧନା ଦେଇଛି।

ନାଲ୍‌କୋର ତ୍ରିପାକ୍ଷିକ ବୈଠକ: ପାଇ ୨୩୫ ଜମିହରା ପରିବାର ଆଶ୍ୱସ୍ତ

ନାଲ୍‌କୋର ତ୍ରିପାକ୍ଷିକ ବୈଠକ: ପାଇ ୨୩୫ ଜମିହରା ପରିବାର ଆଶ୍ୱସ୍ତ

କୋରାପୁଟ,୪।୭(ସ୍ବ.ପ୍ର.): କୋରାପୁଟ ଜିଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ନାଲକୋ ଦାମନଯୋଡିର ତ୍ରିପାକ୍ଷିକ ବୈଠକ ଅନୁଷ୍ଠିତ ହୋଇଛି। ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ନାଲକୋ ଏଲଏପି, ଏସଏପି ସଂଘର ୫ ଦଫା ଦାବି ଉପରେ ଆଲୋଚନା କରାଯାଇଥିଲା । ଆଲୋଚନା ପରେ ପ୍ରତିଶ୍ରୁତି ପାଇ ୨୩୫ ଜମିହରା ପରିବାର ଆଶ୍ୱସ୍ତ ହୋଇଛନ୍ତି।

ମୌଳିକ ଶିକ୍ଷାରୁ ବଞ୍ଚିତ ହେଉଛନ୍ତି ଛାତ୍ରୀଛାତ୍ର

ମୌଳିକ ଶିକ୍ଷାରୁ ବଞ୍ଚିତ ହେଉଛନ୍ତି ଛାତ୍ରୀଛାତ୍ର

ନବରଙ୍ଗପୁର,୪।୭(ବି.ପ୍ର.): ଶିକ୍ଷା ନାଁରେ ଅଜସ୍ର ଟଙ୍କା ଖର୍ଚ୍ଚ ହେଉଛି । ତଥାପି ଭିତ୍ତିଭୂମି ଉନ୍ନତୀକରଣ ହୋଇ ପାରୁ ନାହିଁ। କେଉଁଠି ପାଠ୍ୟକ୍ରମ ଅନୁଯାଇ ଶିକ୍ଷକ ନାହାଁନ୍ତି ତ ଆଉ କେଉଁଠି ଛାତ୍ରୀଛାତ୍ର ଅନୁପାତରେ ଶ୍ରେଣୀ ଗୃହର ଅଭାବ । ବିପର୍ଯ୍ୟସ୍ତ ହୋଇ ପଡୁଛି ଶିକ୍ଷାବ୍ୟବସ୍ଥା । ସ୍କୁଲ ଗୁଡିକ ମନିଟରିଂ ପାଇଁ ଆପ ମଧ୍ୟ କରାଯାଇଛି । ସିଆରସିସି,ଏବିଇଓ,ବ୍ଳକ ଶିକ୍ଷା ଅଧିକାରୀ ପ୍ରମୁଖ ମାଳ ମାଳ ଅଧିକାରୀ ରହିଛନ୍ତି । ବିଦ୍ୟାଳୟ ପରିବେଶ ଓ ଶିକ୍ଷା ବ୍ୟବସ୍ଥା କିଭଳି ଚାଲିଛି ତାହାର ରିପୋର୍ଟ ଜିଲା କାର୍ଯ୍ୟାଳୟକୁ ଜଣାଇବେ । ଆବଶ୍ୟକ ଅନୁଯାୟୀ ଏହାର ଉନ୍ନତୀକରଣ ପାଇଁ ପ୍ଳାନିଂ ମଧ୍ୟ କରାଯିବ । ତେବେ ଅଧିକାରୀମାନଙ୍କ ତଦାରଖର ଅଭାବ ଏବଂ ସଠିକ ରିପୋର୍ଟ ଜିଲାକୁ ଆସୁନଥିବାରୁ ଶିକ୍ଷାବ୍ୟବସ୍ଥା ଭୁଶୁଡି ପଡୁଛି। ଏଥିପ୍ରତି କାହାର ନିଘା ନାହିଁ । ନବରଙ୍ଗପୁର ଜିଲାରେ ଶିକ୍ଷା ବ୍ୟବସ୍ଥା ଏପରି ଯୋଗୁ ପାଠ ପଢା ପ୍ରତି ପିଲାଙ୍କ ଆଗ୍ରହ କମିଯାଉଛି।

ବ୍ଲକ କଂଗ୍ରେସ ବୈଠକ: ୩ ଜିଲା ପରିଷଦ ଜୋନ ପାଇଁ ସଭାପତି ଚୟନ

ବ୍ଲକ କଂଗ୍ରେସ ବୈଠକ: ୩ ଜିଲା ପରିଷଦ ଜୋନ ପାଇଁ ସଭାପତି ଚୟନ

କୋଷାଗୁମୁଡା,୪।୭(ଡି.ଏନ.ଏ.)-ନବରଙ୍ଗପୁର ଜିଲା କୋଷାଗୁମୁଡା ବ୍ଲକ ସନ୍ତୋଷପୁର ନର୍ସରୀଠାରେ ବ୍ଲକ କଂଗ୍ରେସ କମିଟିର ବୈଠକ ଅନୁଷ୍ଠିତ ହୋଇଥିଲା। ଜିଲା କଂଗ୍ରେସ ଅନୁମୋଦିତକ୍ରମେ ୩ଟି ଜିଲା ପରିଷଦ ଜୋନ ପାଇଁ ୩ ଜଣ ସଭାପତି ଚୟନ କରାଯାଇଥିଲା। କୋଷାଗୁମୁଡା ଜୋନ ପାଇଁ ଭୁବନେଶ୍ୱର ନାୟକ,କୋଡିଙ୍ଗା ଜୋନର ସଞ୍ଜିବ କୁମାର ବିଶୋୟୀ ଏବଂ କୋଟାଗାଁ ଜୋନର ଚିତ୍ତରଞ୍ଜନ ଗୌଡଙ୍କୁ ମନୋନୀତ କରାଯାଇଥିଲା।