ରାୟଗଡା

ଅନ୍ତ ହଲଓ୍ବାଙ୍କୁ ବ୍ରେନ ଟ୍ୟୁମର: ଚିକିତ୍ସାରେ ଅର୍ଥ ସାଜିଛି ବାଧକ

ଅନ୍ତ ହଲଓ୍ବାଙ୍କୁ ବ୍ରେନ ଟ୍ୟୁମର: ଚିକିତ୍ସାରେ ଅର୍ଥ ସାଜିଛି ବାଧକ

ଟିକିରି,୨୦।୮ (ଡି.ଏନ୍‌.ଏ.)

ରାୟଗଡ଼ା ଜିଲା କାଶୀପୁର ବ୍ଲକ ସଙ୍କରଡା ପଞ୍ଚାୟତ ପଞ୍ଚାଳି ଗ୍ରାମର ଅନ୍ତ ହଲଓ୍ବା (୪୫) । ତାଙ୍କର ପରିବାର କହିଲେ ସ୍ତ୍ରୀ ଭେଦବତୀ , ପୁଅ ଭୁକୁଲୁ, ଓ ଗୋଟିଏ ଝିଅ ପୁସିଆ । ଅନ୍ତ ହଲଓ୍ବା ଲୋକଙ୍କ ଜମିରେ କାମ କରି ଯାହା ରୋଜଗାର କରନ୍ତି ସେଥିରେ ଚଳେ ତାଙ୍କର ତେଲଲୁଣ ସଂସାର । ୪ ମାସ ହେଲା ଅନ୍ତ ହଲଓ୍ବା ବ୍ରେନ୍‌ ଟ୍ୟୁମରରେ ଆକ୍ରାନ୍ତ। ତାଙ୍କର ହାତଗୋଡ଼ ଠିକ୍‌ ଭାବେ କାମ କରୁ ନାହିଁ। ଏମିତି କି କଥା ମଧ୍ୟ କହି ପାରୁନାହାନ୍ତି। ଅନ୍ତ ହଲଓ୍ବାଙ୍କ ରୋଜଗାର ବନ୍ଦ ହୋଇଯାଇଥିବାରୁ ପରିବାର ଲୋକେ ଅସୁବିଧାରେ ସମ୍ମୁଖୀନ ହେଉଛନ୍ତି ।

ଇନ୍ଦ୍ରାବତୀ ଜଳଭଣ୍ଡାରର ବନ୍ଦ ହେଲା ୨ ଗେଟ୍‌

ଇନ୍ଦ୍ରାବତୀ ଜଳଭଣ୍ଡାରର ବନ୍ଦ ହେଲା ୨ ଗେଟ୍‌


ତେନ୍ତୁଳିଖୁଣ୍ଟି,୨୦।୮(ଡି.ଏନ.ଏ)

ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ ଇନ୍ଦ୍ରାବତୀ ଜଳଭଣ୍ଡାରର ୨ଟି ଗେଟ ରବିବାର ବନ୍ଦ କରାଯାଇଛି। ଆଉ ୩ଟି ଗେଟ ଖୋଲାଯାଇ ପାଣି ନିଷ୍କାସିତ ହେଉଛି।  ଶନିବାର ୫ଟି ଗେଟ ଖୋଲା ଯାଇଥିଲା। ବତ୍ତର୍ମାନ ଦେଓପାଲିଠାରେ ୨ଟି ଗେଟ ଓ ମୁରାନ ଠାରେ ଗୋଟିଏ ଗେଟ ଖୋଲା ରହିଛି। ବର୍ତ୍ତମାନ ଜଳଭଣ୍ଡାରର ଜଳପତ୍ତନ ୬୩୯.୯୪ ମିଟର ରହିଛି। ଜଳଭଣ୍ଡାର ମଧ୍ୟକୁ  ପ୍ରତି ସେକେଣ୍ଡରେ ୭୫.୯୫ ଘନମିଟର ଜଳ ପ୍ରବେଶ କରୁଥିବା ବେଳେ ୫୫୭.୨୮ ଘନ ମିଟର ଜଳ ନିଷ୍କାସିତ ହେଉଛି।

ହାଡ଼ିଗୁଡ଼ା ମୁଖ୍ୟ ରାସ୍ତା ଶୋଚନୀୟ

ହାଡ଼ିଗୁଡ଼ା ମୁଖ୍ୟ ରାସ୍ତା ଶୋଚନୀୟ

ଟିକିରି,୨୦।୮

ରାୟଗଡ଼ା ଜିଲା କାଶୀପୁର ବ୍ଲକ ହାଡ଼ିଗୁଡ଼ା ପଞ୍ଚାୟତ ସଦର ମୁଖ୍ୟ ରାସ୍ତା ଶୋଚନୀୟ ହୋଇପଡ଼ିଛି । ବର୍ଷା ଦିନେ ଏହି ରାସ୍ତାରେ ଯିବାଆସିବା କରିବା କଷ୍ଟକର । ନିକଟରେ ଉତ୍କଳ ଆଲୁମିନା କମ୍ପାନୀ ରହିଛି । ଦୀର୍ଘ ବର୍ଷ ହେଲାଣି ଏହି ରାସ୍ତାକୁ କମ୍ପାନୀ   ନା ଜିଲା ପ୍ରଶାସନ କେହି ମରାମତି କରିବାକୁ ଆଗ୍ରହ ପ୍ରକାଶ କରୁନାହାନ୍ତି । ଯାହା ଦ୍ୱାରା ହାଡ଼ିଗୁଡ଼ା ପଞ୍ଚାୟତର ହଜାର ହଜାର ଲୋକଯିବା ଆସିବା କରିବାରେ ଅସୁବିଧା ଭୋଗୁଛନ୍ତି।

କାମରେ ଲାଗୁନି ଜେନେରେଟର: ହନ୍ତସନ୍ତ ହେଉଛନ୍ତି ରୋଗୀ

କାମରେ ଲାଗୁନି ଜେନେରେଟର: ହନ୍ତସନ୍ତ ହେଉଛନ୍ତି ରୋଗୀ

ରାୟଗଡା ଅଫିସ୍‌, ୨୦।୮

ରାୟଗଡ଼ା ଜିଲା ମୁଖ୍ୟ ଚିକିତ୍ସାଳୟର ନୂତନ ୫ ତାଲା ବିଶିଷ୍ଟ କୋଠା ୩୫ କୋଟି ଟଙ୍କା ବ୍ୟୟରେ ନିର୍ମାଣ ହୋଇଛି। ରୋଗୀଙ୍କ ସୁବିଧା ନିମନ୍ତେ ଉକ୍ତ କୋଠା ଉଦ୍‌ଘାଟନର ଦୀର୍ଘ ୨ବର୍ଷ ପରେ ଅର୍ଥାତ୍‌ ୧ମାସ ପୂର୍ବେ ୨ଟି ଜେନେରେଟର ଚିକିତ୍ସାଳୟ ପାଇଁ କିଣାଗଲା । ୨୪ଲକ୍ଷ ଟଙ୍କା ବ୍ୟୟରେ ୧୨୫ ୱାଟ ବିଶିଷ୍ଟ ୨ଟି ଜେନେରେଟର କିଣାଯାଇଥିଲା । ହେଲେ ସେଗୁଡିକ ବ୍ୟବହାର କରା ନ ଯାଇ ପକାଇ ରଖାଯାଇଛି ।  କୌଣସି ଗୋଟିଏ ମଧ୍ୟ ଜେନେରେଟର କାର୍ଯ୍ୟରେ ଲାଗୁନାହିଁ। 

ଦୁଇ ଦିନିଆ ରାଜଯୋଗ ଶିବିର

ଦୁଇ ଦିନିଆ ରାଜଯୋଗ ଶିବିର

ରାୟଗଡା ଅଫିସ୍‌, ୨୦।୮:  ସ୍ଥାନୀୟ କୃଷ୍ଣଚନ୍ଦ୍ର ନଗର ଭବନ ଠାରେ ବ୍ରହ୍ମା କୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ରାୟଗଡା ତରଫରୁ ଏକ ଜିଲାସ୍ତରୀୟ ରାଜଯୋଗ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ ପ୍ରଶିକ୍ଷଣ ଦେବାପାଇଁ ବ୍ରହ୍ମା କୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟର ଅନ୍ତଃରାଷ୍ଟ୍ରୀୟ କାର୍ଯ୍ୟାଳୟ ମାଉଣ୍ଟଆବୁରୁ ବରିଷ୍ଠ ରାଜଯୋଗ ଶିକ୍ଷକ ରାଜଯୋଗୀ ବ୍ରହ୍ମାକୁମାର ଭଗବାନ ଭରି ଆସିଛନ୍ତି । ସ୍ବପରିବର୍ତ୍ତନ ଦ୍ୱାରା ବିଶ୍ୱରେ ପରିବର୍ତ୍ତନ ଆଣି କିଭଳି ଭାବେ ସମାଜରେ ସୁଖ ଶାନ୍ତି ଆସିପାରିବ ତାହା ଶିକ୍ଷା ଦେଉଛନ୍ତି ।

ଛାତ୍ରୀଛାତ୍ରଙ୍କୁ ମିଳୁନି ପାଠ୍ୟପୁସ୍ତକ

ଛାତ୍ରୀଛାତ୍ରଙ୍କୁ ମିଳୁନି ପାଠ୍ୟପୁସ୍ତକ

କୋଷାଗୁମୁଡା,୧୯।୮(ଡି.ଏନ.ଏ): ନବରଙ୍ଗପୁର ଜିଲା କୋଷାଗୁମୁଡା ବ୍ଲକରେ ଥିବା ଉଚ୍ଚ ବିଦ୍ୟାଳୟର ଛାତ୍ରୀଛାତ୍ରଙ୍କୁ ପାଠ୍ୟ ପୁସ୍ତକ ମିଳି ଥିବାରୁ ପାଠ ପଢା ବ୍ୟାହତ ହେଉଛି। ଏହାକୁ ନେଇ  ଛାତ୍ରୀଛାତ୍ର ଓ ଅଭିଭାବକଙ୍କ ମଧ୍ୟରେ ଅସନ୍ତୋଷ ଦେଖା ଦେଇଥିଲା। ପାଠ୍ୟବର୍ଷର ୩ ମାସ ବିତି ଯାଇଥିଲେ ମଧ୍ୟ ଏ ପର୍ଯ୍ୟନ୍ତ ପିଲାମାନଙ୍କୁ ବହି ଯୋଗାଇ ଦିଆଯାଉ ନାହିଁ। 

ଉତ୍ତରପ୍ରଦେଶରୁ ନବରଙ୍ଗପୁର ପହଞ୍ଚିଲା ଇଭିଏମ

ଉତ୍ତରପ୍ରଦେଶରୁ ନବରଙ୍ଗପୁର ପହଞ୍ଚିଲା ଇଭିଏମ

ନବରଙ୍ଗପୁର,୨୦।୮(ବି.ପ୍ର.)

ଆଗାମୀ ସାଧାରଣ ନିର୍ବାଚନ ପାଇଁ ନିର୍ବାଚନ କମିଶନଙ୍କ ନିର୍ଦ୍ଦେଶ କ୍ରମେ ନବରଙ୍ଗପୁର ଜିଲାକୁ ଉତ୍ତର ପ୍ରଦେଶର ୩ଟି ସ୍ଥାନରୁ ବାଲାଟ ୟୁନିଟ ଇଭିଏମ ୨୪୭୦ ଟି ଏବଂ  କଣ୍ଟ୍ରୋଲ ୟୁନିଟ ଇଭିଏମ ୨୪୬୬ଟି ସୁରକ୍ଷା ବଳୟରେ ଆସି ପହଞ୍ଚିଛି । ନବରଙ୍ଗପୁର ନିୟନ୍ତ୍ରୀତ ବଜାର କମିଟି ଗୋଦାମଗୃହ ଏଗୁଡିକ ସୁରକ୍ଷିତ ଭାବେ ରଖା ଯାଇଛି । ଉମରକୋଟ ତହସିଲଦାର ଧର୍ମରାଜ ମାଝୀ ଓ ରାଇଘର ତହସିଲଦାର ହଳଧର ଶବର ଗରଖପୁର, ମୁର୍ଦ୍ଦଶାବାଦ, ସମ୍ବଲ ଜିଲାରୁ ଇଭିଏମ ଗୁଡିକ କିଭଳି ସୁରକ୍ଷିତ ସହ ପହଞ୍ଚିବ ସେହି ଦାୟିତ୍ୱରେ ପ୍ରଶାସନ ପକ୍ଷରୁ ପଠାଯାଇଥିଲା ।

ସ୍ବାଧୀନତାର ସ୍ବାଦ ବାରିନାହାନ୍ତି ଦଲସରଗି ଗ୍ରାମବାସୀ:ଗାଁରେ ଆଜି ଯାଏଁ ଉଡିନି ଜାତୀୟ ପତାକା

ସ୍ବାଧୀନତାର ସ୍ବାଦ ବାରିନାହାନ୍ତି ଦଲସରଗି ଗ୍ରାମବାସୀ:ଗାଁରେ ଆଜି ଯାଏଁ ଉଡିନି ଜାତୀୟ ପତାକା

ଉମରକୋଟ, ୨୦।୮(ଡି.ଏନ.ଏ)
ସାରା ଭାରତ ବର୍ଷରେ ସ୍ବାଧୀନତା ଦିବସ ବହୁ ଆଡମ୍ବରରେ ପାଳନ କରାଯାଇଥାଏ। ଉତ୍ସବମୁଖର ହୋଇ ଉଠିଥାଏ ପଲ୍ଲୀରୁ ସହର ପର୍ଯ୍ୟନ୍ତ। କିନ୍ତୁ ଏଭଳି ଏକ ଗାଁ ଅଛି ଯେଉଁଠି ଲୋକେ ଆଜିଯାଏଁ ଜାଣି ନାହାନ୍ତି ସ୍ବାଧୀନତା ଦିବସ କଣ। ଏପରିକି ଉକ୍ତ ଗାଁରେ ଆଜିଯାଏଁ ଜାତୀୟ ପତାକା ଉଡି ନାହିଁ। ଏହିପରି ଏକ ଗ୍ରାମ ହେଉଛି  ନବରଙ୍ଗପୁର ଜିଲା ଉମରକୋଟ ବ୍ଲକର ଚହରା ପଞ୍ଚାୟତର ଦଲସରଗୀ ଗାଁ। ନବରଙ୍ଗପୁର ଜିଲା ବିଭିନ୍ନ ପ୍ରାନ୍ତରୁ ଆସିଥିବା ଆଦିବାସୀ ସଂପ୍ରଦାୟର ପ୍ରାୟ ୩୦ଟି ପରିବାରର ପ୍ରାୟ ୨୦୦ଜଣ ଏହି ଗ୍ରାମରେ ବସବାସ କରନ୍ତି । 

ମରାମତିରେ ମାଓବାଦୀ ସାଜିଛନ୍ତି ବାଧକ

ମାଲକାନଗିରି, ୨୦।୮(ଡି.ଏନ.ଏ) 
 
ମାଲକାନଗିରି ଜିଲାରେ ପୁଣି ମାଓବାଦୀମାନେ ବିକାଶ କାର୍ଯ୍ୟରେ ବାଧକ ସାଜିଛନ୍ତି ।  ମାଥିଲି ପଞ୍ଚାୟତ ଅନ୍ତର୍ଗତ ଟେମୁରୁପାଲ ନିକଟରେ ମାଓବାଦୀମାନେ ଗତ ୧୪ ତାରିଖରେ ରାସ୍ତା ଖୋଳି ସମ୍ପୂର୍ଣ୍ଣ ଭାବେ ନଷ୍ଟ କରି ଦେଇଥିଲେ। ଶନିବାର ଏହି ରାସ୍ତାର ପୁନରୁଦ୍ଧାର ଲାଗି ଯାଇଥିବା ଯନ୍ତ୍ରୀ ଓ ଠିକାଦାରଙ୍କୁ ପରୋକ୍ଷ ଭାବେ କାର୍ଯ୍ୟ ବନ୍ଦ କରିବାକୁ ଧମକ ଚମକ ଦେଇଥିଲେ। ଫଳରେ ଅଧାରୁ ଯନ୍ତ୍ରୀ ଓ ଠିକାଦାର କାମ ବନ୍ଦ କରି ଚାଲି ଆସିଥିଲେ। ଏଥିଯୋଗୁ ଟେମୁରୁପାଲି ପଞ୍ଚାୟତକୁ ଯୋଗାଯୋଗ ସମ୍ପର୍ଣ୍ଣ ବିଚ୍ଛିନ୍ନ ହୋଇଯାଇଛି । ପ୍ରାୟ ୩ ହଜାରରୁ ଊର୍ଦ୍ଧ୍ୱ ଜନସାଧାରଣଙ୍କ ଯାତାୟାତ ଠପ୍‌ ହୋଇଯାଇଛି । ତେବେ ମାଓବାଦୀମାନେ ପୂର୍ବରୁ ଏହି ରାସ୍ତା କାମକୁ ବିରୋଧ କରି ଠିକା କ୍ୟାମ୍ପରେ ଆକ୍ରମଣ, ଗାଡି ଜଳାପୋଡା କରିଥିଲେ ।

ପାଠପଢା ବଦଳରେ ପରିବାର ଚିନ୍ତା

ପାଠପଢା ବଦଳରେ ପରିବାର ଚିନ୍ତା

ମାଥିଲି, ୨୦।୮ (ଡି.ଏନ.ଏ)
 
ମୁଣ୍ତ ଉପରେ ପରିବାର ପ୍ରତିପୋଷଣ ଚିନ୍ତା। ଉପାନ୍ତ ଗାଁରେ କାମଧନ୍ଦା ମିଳେ ନାହିଁ ।  ବାଧ୍ୟ ହୋଇ ବଞ୍ଚିବାକୁ ସଦରକୁ କାମ କରିବାକୁ ଆସିବାକୁ ପଡେ । ଯେତେବେଳେ ପେଟ ପାଟଣା କଥାପଡେ ସେତେବେଳେ ବୟସକୁ ଦେଖାଯାଏ ନାହିଁ ବୋଲି ଦୃଢୋକ୍ତି ପ୍ରକାଶ କରିଛନ୍ତି ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ବାରା ଗ୍ରାମର କେତେକ ଶିଶୁ । କିଛି ଦିନ ତଳେ ମାଥିଲି ଅଞ୍ଚଳରେ ଚାଷ କାମ କରିବାକୁ ଏହି ଶିଶୁମାନେ ଘରୁ ବାହାରି ଆସିଥିଲେ । ଆଖପାଖ ଗ୍ରାମରେ ଦୈନିକ ୧୨୦ ଟଙ୍କା ପାରିଶ୍ରମିକରେ ଚାଷ କାର୍ଯ୍ୟ କରିଥିଲେ ।

ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ କାର୍ଡ ବଣ୍ଟନ

ଚିତ୍ରକୋଣ୍ଡା,୨୦।୮: ମାଲକାନଗିରି ଜିଲା ଚିତ୍ରକୋଣ୍ଡା ପଞ୍ଚାୟତ ସମିତି ପକ୍ଷରୁ  ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ହିତାଧିକାରୀଙ୍କୁ ସ୍ବାସ୍ଥ୍ୟବୀମା କାର୍ଡ ବଣ୍ଟନ କରାଯାଇଛି। ଅତିରିକ୍ତ ବିଡ଼ିଓ ଫାଲଗୁନି ମାଝି କାର୍ଯ୍ୟକ୍ରମକୁ ଉଦ୍‌ଘାଟନ କରି ୧୬ ଜଣ ହିତାଧିକାରୀଙ୍କୁ  ଏହି କାର୍ଡ ପ୍ରଦାନ କରିଥିଲେ। ପିଇଓ ଧୀରାଜ କୁମାର ଖଣ୍ଡାଗିର, ମଙ୍ଗଳ ସମ୍ପ୍ରସାରଣ ଅଧିକାରୀ ଚିତ୍ତରଞ୍ଜନ ବେହେରା ଉପସ୍ଥିତ ଥିଲେ।

ସେମିଳିଗୁଡ଼ାରେ ସର୍ବାଧିକ ବର୍ଷା ରେକର୍ଡ

ସେମିଳିଗୁଡ଼ାରେ ସର୍ବାଧିକ ବର୍ଷା ରେକର୍ଡ

କୋରାପୁଟ,୨୦।୮(ସ୍ବ.ପ୍ର.): କୋରାପୁଟ ଜିଲାରେ ରବିବାର ସମୁଦାୟ ୩୮୨.୮ ମିମି ବର୍ଷା ହୋଇଛି । ସେଥିମଧ୍ୟରୁ କୋରାପୁଟ ବ୍ଲକରେ ୬୭ ମିମି ବର୍ଷା ହୋଇଥିବାବେଳେ ଲମତାପୁଟ ବ୍ଲକରେ ୧୮.୨ ମିମି, ପଟ୍ଟାଙ୍ଗି ବ୍ଲକରେ ୨୮ ମିମି, ନନ୍ଦପୁର ବ୍ଲକରେ ସର୍ବାଧିକ ୪୬.୬ ମିମି, ଦଶମନ୍ତପୁର ବ୍ଲକରେ ୨୧ ମିମି, ନାରାୟଣପାଟଣାରେ ୧ ମିମି, ଲକ୍ଷ୍ମୀପୁର ବ୍ଲକରେ ୧୫ ମିମି, ସେମିଳିଗୁଡ଼ା ବ୍ଲକରେ ୯୦ ମିମି, ଜୟପୁରରେ ୨୬ ମିମି, କୋଟପାଡ଼ରେ ୪ ମିମି, କୁନ୍ଦୁରା ବ୍ଲକରେ ୨୮ ମିମି, ବୋରିଗୁମ୍ମା ବ୍ଲକରେ ୧ ମିମି ବର୍ଷା, ବୈପାରୀଗୁଡ଼ା ବ୍ଲକରେ ୩୨ ମିମି ବର୍ଷା ହୋଇଛି। ବନ୍ଧୁଗାଁ ବ୍ଲକରେ ଆଦୌ ବର୍ଷା ହୋଇନଥିବା ଜିଲା ଜରୁରୀ ବିଭାଗ ଅଧିକାରୀ ଦେବବ୍ରତ କରାଟି ସୂଚନା ଦେଇଛନ୍ତି।

ଚଳିତ ବର୍ଷାରେ କ୍ଷତିଗ୍ରସ୍ତ ହୋଇଛି ୩୯୨୬ ହେକ୍ଟର ଚାଷଜମି

ଚଳିତ ବର୍ଷାରେ କ୍ଷତିଗ୍ରସ୍ତ ହୋଇଛି ୩୯୨୬ ହେକ୍ଟର ଚାଷଜମି

କୋରାପୁଟ,୨୦।୮(ସ୍ବ.ପ୍ର.)

କୋରାପୁଟ ଜିଲାରେ ଚଳିତ ବର୍ଷାରେ ୧୨ଟି ବ୍ଲକର ୩୯୨୬ ହେକ୍ଟର ଚାଷ ଜମି କ୍ଷତିଗ୍ରସ୍ତ ହୋଇଥିବା ଜିଲା ଜରୁରୀ ବିଭାଗ ପକ୍ଷରୁ ଜଣାପଡ଼ିଛି। ଜିଲାର ୧୪ଟି ବ୍ଲକ ମଧ୍ୟରୁ କୋରାପୁଟ, ସେମିଳିଗୁଡ଼ା, ଜୟପୁର, ଲକ୍ଷ୍ମୀପୁର, ପଟ୍ଟାଙ୍ଗି, ନନ୍ଦପୁର, ଲମତାପୁଟ, ଦଶମନ୍ତପୁର, କୁନ୍ଦୁରା, ବୈପାରୀଗୁଡ଼ା, କୋଟପାଡ଼, ବୋରିଗୁମ୍ମା ଭଳି ୧୨ଟି ବ୍ଲକର ୧୬୫ଟି ପଞ୍ଚାୟତ ଅନ୍ତର୍ଗତ ୭୨୨ଟି ଗ୍ରାମର ୩୯୨୬ ହେକ୍ଟର ଚାଷଜମି କ୍ଷତିଗ୍ରସ୍ତ ହୋଇଥିବା ପ୍ରାରମ୍ଭିକ ଭାବେ ଜଣାପଡ଼ିଛି। 

ଛାତ୍ରୀଙ୍କୁ ପାଠ ପଢ଼ାଇଲେ ଚିତ୍ରକୋଣ୍ଡା ବିଧାୟକ

ଛାତ୍ରୀଙ୍କୁ ପାଠ ପଢ଼ାଇଲେ ଚିତ୍ରକୋଣ୍ଡା ବିଧାୟକ

ମାଥିଲି,୨୦।୮(ଡି.ଏନ୍‌.ଏ.): ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ବଳଦିଆଗୁଡ଼ା ଅନୁସୂଚିତ ଜାତି ଏବଂ ଜନଜାତି ବିଭାଗ ବାଳିକା ବିଦ୍ୟାଳୟରେ ସୋମବାର ଚିତ୍ରକୋଣ୍ତା ବିଧାୟକ ଡମ୍ବରୁ ଶିଶା ଛାତ୍ରୀଙ୍କୁ ପାଠ ପଢାଇଛନ୍ତି । ଏଥିସହ ସେ ଛାତ୍ରୀମାନଙ୍କ ସମସ୍ୟା ପଚାରି ବୁଝିବା ସହ ଭଲ ପାଠ ପଢ଼ିବାକୁ ପରାମର୍ଶ ଦେଇଥିଲେ। 

ମାଥିଲି ବ୍ଲକ ଅଞ୍ଚଳରେ ବନ୍ୟା: ପାଙ୍ଗାମା, କିଆଙ୍ଗ ବ୍ରିଜ ଉପରେ ବନ୍ୟାଜଳ, ୬ ପଞ୍ଚାୟତକୁ ଯୋଗାଯୋଗ ବିଚ୍ଛିନ୍ନ

ମାଥିଲି ବ୍ଲକ ଅଞ୍ଚଳରେ ବନ୍ୟା: ପାଙ୍ଗାମା, କିଆଙ୍ଗ ବ୍ରିଜ ଉପରେ ବନ୍ୟାଜଳ, ୬ ପଞ୍ଚାୟତକୁ ଯୋଗାଯୋଗ ବିଚ୍ଛିନ୍ନ

ମାଥିଲି, ୨୦।୮(ଡି.ଏନ.ଏ.): ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ମାଓବାଦୀପ୍ରବଣ ତଥା ଦୁର୍ଗମ ଅଞ୍ଚଳରେ ବନ୍ୟାର କରାଳ ରୂପ ଦେଖିବାକୁ ମିଳିଛି। ପ୍ରବଳ ବର୍ଷାରେ ବ୍ଲକର ୬ ପଞ୍ଚାୟତ ବାହ୍ୟ ଜଗତରୁ ବିଚ୍ଛିନ୍ନ ହୋଇପଡିଛି।

ପିସିସି ସମ୍ପାଦକ ହେଲେ ତ୍ରିପତି ଗୁରୁ

ପିସିସି ସମ୍ପାଦକ ହେଲେ ତ୍ରିପତି ଗୁରୁ

କୁନ୍ଦୁରା,୨୦।୮(ଡି.ଏନ୍‌.ଏ.): କୁନ୍ଦୁରା ସଦର ପଞ୍ଚାୟତ ଅନ୍ତର୍ଗତ କୁଡୁମପଦର ଗ୍ରାମର ତ୍ରିପତି ଗୁରୁଙ୍କୁ ପ୍ରଦେଶ କଂଗ୍ରେସ କମିଟିରେ ସ୍ଥାନ ମିଳିଛି। ସେ ସମ୍ପାଦକ ମନୋନୀତ ହେବା ପରେ ରବିବାର କୁନ୍ଦୁରା ସ୍ଥିତ କଂଗ୍ରେସ ଭବନରେ ଏନେଇ ଶୁଭେଚ୍ଛୁ ପହଞ୍ଚତ୍ଥିଲା।

ଚାନ୍ଦିଲି ପଞ୍ଚାୟତରେ ପରିମଳ ବ୍ୟବସ୍ଥା ବିପର୍ଯ୍ୟସ୍ତ, ବ୍ୟାପୁଛି ଡେଙ୍ଗୁ

ଚାନ୍ଦିଲି ପଞ୍ଚାୟତରେ ପରିମଳ ବ୍ୟବସ୍ଥା ବିପର୍ଯ୍ୟସ୍ତ, ବ୍ୟାପୁଛି ଡେଙ୍ଗୁ

ଜେକେପୁର,୨୦।୮(ଡି.ଏନ୍‌.ଏ)- ରାୟଗଡା ଜିଲା ଚାନ୍ଦିଲି ପଞ୍ଚାୟତରେ ପରିମଳ ବ୍ୟବସ୍ଥା ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଛି । ମାସ ମାସ ଧରି ପଞ୍ଚାୟତର ବିଭିନ୍ନ ଓ୍ବାର୍ଡରେ ଥିବା ନାଳ ନର୍ଦ୍ଦମା ସଫା କରାଯାଉନାହିଁ । ରାସ୍ତାଘାଟରେ କୁଢ଼ କୁଢ଼ ଆବର୍ଜନା ପଡି ରହବାରୁ ପୂର୍ତ୍ତି ଗନ୍ଧମୟ ପରିବେଶ ସୃଷ୍ଟି ହୋଇଛି । 

କୁନ୍ଦୁଲି ଘଟଣା :  ସେପ୍ଟେମ୍ବର  ୨୫ ସୁଦ୍ଧା କମିଶନ  ଗୃହ ବିଭାଗକୁ ଦେବେ ତଦନ୍ତ ରିପୋର୍ଟ

କୁନ୍ଦୁଲି ଘଟଣା : ସେପ୍ଟେମ୍ବର ୨୫ ସୁଦ୍ଧା କମିଶନ ଗୃହ ବିଭାଗକୁ ଦେବେ ତଦନ୍ତ ରିପୋର୍ଟ

ଜୟପୁର ୧୯।୮(ନି ପ୍ର)- କୁନ୍ଦୁଲି ମାମଲାର  ଶେଷ ପଯ୍ୟାୟ ସାକ୍ଷ୍ୟ ଗ୍ରହଣ ରବିବାର ଶେଷ ହୋଇଛି  ।   ଜୟପୁର ଜିଲା କୋର୍ଟ ପରିସରରେ କମିଶନ  ବିଦ୍ୟୁତ କୁମାର ମିଶ୍ରଙ୍କ ନିକଟରେ ଡାକ୍ତର ପ୍ରଭାତ କୁମାର ପାଢୀ  ପକ୍ଷ ରଖିଥିଲେ। କୁନ୍ଦୁଲି ପୀଡିତା କଟକ ସ୍ଥିତ ଏସସିବି ମେଡିକାଲ କଲେଜରେ ୧୯।୧।୧୮ ତାରିଖରୁ ୨୭।୭।୧୮ ପର୍ଯ୍ୟନ୍ତ ଚିକିତ୍ସିତ ହେଉଥିଲେ । ତାଙ୍କର ଅଧିକା ଚିକିତ୍ସା ଆବଶ୍ୟକତା ରହିଥିଲା । କିନ୍ତୁ ପୀଡିତାଙ୍କ  ମା’ତାଙ୍କ ଝିଅକୁ ମାନସିକ ବିଭାଗ କି  ଅନ୍ୟ କୌଣସି ବିଭାଗରେ ଚିକିତ୍ସା କରିବାକୁ   ମନା କରିଥିଲେ ।

ଟୀକାକରଣ ଯୋଗୁ  ଶିଶୁପୁତ୍ରର  ମୃତ୍ୟୁ ଅଭିଯୋଗ: ତଦନ୍ତ ପାଇଁ ଗାଁରେ ପହଞ୍ଚିଲେ ଡାକ୍ତର

ଟୀକାକରଣ ଯୋଗୁ ଶିଶୁପୁତ୍ରର ମୃତ୍ୟୁ ଅଭିଯୋଗ: ତଦନ୍ତ ପାଇଁ ଗାଁରେ ପହଞ୍ଚିଲେ ଡାକ୍ତର

ଝରିଗାଁ, ୧୯।୮(ସ୍ବ.ପ୍ର)- ନବରଙ୍ଗପୁର ଜିଲା ଝରିଗାଁ ବ୍ଲକ ତେଲନଦୀ ପଞ୍ଚାୟତ ହିରାବାଇ ଗ୍ରାମରେ ଜଣେ  ୭ ମାସର ଶିଶୁର ରବିବାର  ମୃତ୍ୟୁ ଘଟିଛି। ତେବେ ଶିଶୁଟି ଟୀକା ନେବା ପରେ ଅସୁସ୍ଥ ହୋଇ ମୃତ୍ୟୁ ଘଟିଥିବା ପରିବାର ଲୋକ ଅଭିଯୋଗ କରିଛନ୍ତି। ଘଟଣାର ତଦନ୍ତ ପାଇଁ ଗାଁରେ ଡାକ୍ତର ପହଞ୍ଚିଛନ୍ତି। 

ଦିବ୍ୟାଙ୍ଗ ଛାତ୍ରୀଙ୍କୁ ମିଳିଲା ନୂଆ ରାହା

ଦିବ୍ୟାଙ୍ଗ ଛାତ୍ରୀଙ୍କୁ ମିଳିଲା ନୂଆ ରାହା

ନବରଙ୍ଗପୁର,୧୯।୮(ବି.ପ୍ର.)-ଦୈନନ୍ଦିନ କାର୍ଯ୍ୟରେ ଦିବ୍ୟାଙ୍ଗ ବିଭିନ୍ନ ସମସ୍ୟାର ସମ୍ମୁଖୀନ ହୋଇଥାନ୍ତି। ସେମାନେ କିଭଳି ସାଧାରଣ ଲୋକଙ୍କ ସହ ସମକକ୍ଷ ହୋଇ ପାରିବେ  ସେନେଇ ସରକାରଙ୍କ ପକ୍ଷରୁ ବିଭିନ୍ନ ସହାୟତା ଯୋଗାଇ ଦିଆଯାଉଛି । ସେଥିମଧ୍ୟରୁ ଛାତ୍ରୀଛାତ୍ରଙ୍କ ପାଇଁ ଥିବା ଅନ୍ତର୍ନିବେଶୀ ଶିକ୍ଷା ଅନ୍ୟତମ। ଏହି ଶିକ୍ଷା ମାଧ୍ୟମରେ ନବରଙ୍ଗପୁରର ଦିବ୍ୟାଙ୍ଗ ଛାତ୍ରୀ ଏମ. ଶ୍ରୀୟାଙ୍କ ଅସ୍ତ୍ରୋପଚାର ପରେ ସାଧାରଣ ସହପାଠୀଙ୍କ ସହ ସମକକ୍ଷ ହୋଇପାରିଛି। ତାଙ୍କୁ ମିଳିଥିଲା ଏକ ନୂଆ ରାହା। ଅସ୍ତ୍ରୋପଚାର ପରେ ଦିବ୍ୟାଙ୍ଗ ଶ୍ରୀୟା ପାଠ ପଢା କ୍ଷେତ୍ରରେ ସଫଳତା ପାଇଥିବାରୁ ଆସନ୍ତା ଡିସେମ୍ବର ୩ ତାରିଖ ଅନ୍ତର୍ଜାତୀୟ ଭିନ୍ନକ୍ଷମ ଦିବସରେ ତାଙ୍କୁ ସମ୍ମାନିତ କରାଯିବ। 

ସୁରକ୍ଷା ନଁ।ରେ ସଫା ହେଉଛି ଜଙ୍ଗଲ

ସୁରକ୍ଷା ନଁ।ରେ ସଫା ହେଉଛି ଜଙ୍ଗଲ

ମାଥିଲି,୧୯ । ୮ (ଡି.ଏନ.ଏ)

ସୁରକ୍ଷା ନଁ।ରେ ସଫା ହେଉଛି ଜଙ୍ଗଲ। ବିଭାଗୀୟ ଅଧିକାରୀଙ୍କ ନିର୍ଦ୍ଦେଶରେ ବେଧଡକ ଭାବେ ଚାଲିଛି ଜଙ୍ଗଲ କଟା। ବାଡ ଖାଉଛି ଫସଲ ନ୍ୟାୟରେ ବିଭାଗର ଏପରି ଚଞ୍ଚକତା ଏବେ ପଦାରେ ପଡିଛି । ଜଙ୍ଗଲକୁ ସୁରକ୍ଷା ଦେବା ପାଇଁ ଶପଥ କରି ନିୟୋଜିତ ରହୁଥିବା ଅଧିକାରୀମାନେ ଖୋଲୁଛନ୍ତି ବିନାଶର ରାସ୍ତା। ମାଲକାନଗିରି ଜିଲା ମାଥିଲି ବନାଞ୍ଚଳ ଅଧୀନରେ ଏପରି ଘଟଣା ଏବେ ପଦାକୁ ଆସିଛି। ଗୋବିନ୍ଦପାଲି ବନ ବିଭାଗ ଅଧୀନ ସପ୍ତଧାରା ଟାଓ୍ବାର ଲାଇନ ଅଞ୍ଚଳରୁ ବେଆଇନ ଭାବେ କଟାଯାଉଛି କାଠ ।

ଶିଶୁ ଯୌନ ନିର୍ଯାତନା ରୋକିବା ନେଇ ସଚେତନତ।

ଶିଶୁ ଯୌନ ନିର୍ଯାତନା ରୋକିବା ନେଇ ସଚେତନତ।

ପାରଳାଖେମୁଣ୍ଡି, ୧୯ । ୮(ସ୍ବ.ପ୍ର.)
ଗଜପତି ଜିଲା ଗୁମ୍ମା ବ୍ଲକ ଅନ୍ତର୍ଗତ କେ.ସି.ପୁରସ୍ଥିତ ବାଳିକା ମାଧ୍ୟମିକ ଉଚ୍ଚ ବିଦ୍ୟାଳୟ ପରିସରରେ ପ୍ରଭା ଚାଇଲ୍ଡ ଲାଇନ ପକ୍ଷରୁ ଶିଶୁ ଯୌନ ନିର୍ଯାତନା ରୋକିବା ସଂକ୍ରାନ୍ତ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  ଏଥିରେ ମୁଖ୍ୟ ଅତିଥି ଭାବେ ଜିଲା ଶିଶୁ ସୁରକ୍ଷା ଅଧିକାରୀ ଅରୁଣ କୁମାର ତ୍ରିପାଠୀ ଯୋଗଦେଇ ଶିଶୁମାନଙ୍କ ଯୌନ ନିର୍ଯାତନାକୁ ନେଇ ରହିଥିବା ଆଇନ ତଥା ମେଜମପାକ୍ସୋ ଆକ୍ଟ ବିଷୟରେ କହିଥିଲେ।

୫ ଖଣ୍ଡ ଗାଁ ପାଇଁ ବାଧକ ବଡ଼ନାଳ

୫ ଖଣ୍ଡ ଗାଁ ପାଇଁ ବାଧକ ବଡ଼ନାଳ

ପଟ୍ଟାଙ୍ଗି,୧୯ । ୮(ଡି.ଏନ୍‌.ଏ.)

କିଛିଦିନ ଧରି ଲାଗି ରହିଥିବା ବର୍ଷାରେ ଭୀଷଣ ଭାବେ ପ୍ରଭାବିତ ହୋଇଛି ପଟ୍ଟାଙ୍ଗି ବ୍ଲକ ସମ୍ବାଇ ପଞ୍ଚାୟତର ୫ ଖଣ୍ଡ ଗାଁ। ଉପରକ୍ତ ପଞ୍ଚାୟତକୁ ଯାଇଥିବା ଆରଡି ରାସ୍ତାଠାରୁ ଟବାନାୟକଗୁଡ଼ା, ଝାଙ୍ଗରଗୁଡ଼ା, ମଶାଣିଗୁଡ଼ା, କିଟିବାଡ଼ି ଓ ମଣ୍ଡଳଗୁଡ଼ାକୁ ଏହି ବର୍ଷାରେ ଯାତାୟାତ ବ୍ୟାହତ ହେଉଛି। ଏପରିକି ବାହ୍ୟ ଜଗତରୁ ବିଚ୍ଛିନ୍ନ ହୋଇ ରହୁଛି ଏହି ୫ ଖଣ୍ଡ ଗାଁ। ଗ୍ରାମରେ କେହି ଗୁରୁତର ଅସୁସ୍ଥ ହେଲେ କିମ୍ବା ଗର୍ଭବତୀଙ୍କୁ ସ୍ବାସ୍ଥ୍ୟକେନ୍ଦ୍ର ନେବାକୁ ହେଲେ ବାଟରେ ପ୍ରତିବନ୍ଧକ ସାଜେ ଏହି ବଡ଼ନାଳ। ଏହି ନାଳରେ ବର୍ଷାପାଣି ଭରିଗଲେ ଝାଙ୍ଗରଗୁଡା ଓ ଟବାନାୟକଗୁଡ଼ାରେ ଥିବା ପ୍ରାଥମିକ ବିଦ୍ୟାଳୟ ଓ ଅଙ୍ଗନଓ୍ବାଡ଼ି କେନ୍ଦ୍ରକୁ ଯାଇହୁଏ ନାହିଁ। ଏହି ସମସ୍ୟା ନେଇ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କିଛି ଫଳ ମିଳୁନାହିଁ ବୋଲି ରାଜକୁମାର କାଡାମ, ତ୍ରିନାଥ କାଡାମ ଅଭିଯୋଗ କରିଛନ୍ତି। 

ଲଗାଣ ବର୍ଷା:ରାୟଗଡା ଜିଲାରେ ଭାଙ୍ଗିଛି ୨୫୪ ଘର

ଲଗାଣ ବର୍ଷା:ରାୟଗଡା ଜିଲାରେ ଭାଙ୍ଗିଛି ୨୫୪ ଘର

ରାୟଗଡା ଅଫିସ୍‌, ୧୯।୮- ଗତ ୧୪ ଓ ୧୫ତାରିଖ ୨ଦିନଧରି ହୋଇଥିବା ଲଗାଣ ବର୍ଷାରେ ରାୟଗଡା ଜିଲାରେ ଅନେକ କ୍ଷତି ଘଟିଛି । ବିଭିନ୍ନ ରାସ୍ତାଘାଟ ନଷ୍ଟ ହୋଇଥିବା ବେଳେ ଅନେକ ଗରିବ ଲୋକଙ୍କ ଘର ଭାଙ୍ଗିଯାଇଛି । ସମଗ୍ର ଜିଲାର ୧୧ଟି ବ୍ଲକ୍‌ ମଧ୍ୟରୁ ୧୦ଟି ବ୍ଲକ୍‌ରେ ୨୫୪ଟି ଘର ଭାଙ୍ଗିଥିବା ଜଣାପଡିଛି । କେବଳ ରାମନାଗୁଡା ବ୍ଲକ୍‌ରୁ କୌଣସି ଅଭିଯୋଗ ପହଞ୍ଚତ୍ ନ ଥିବା ଜିଲା ଜରୁରୀକାଳୀନ କାର୍ଯ୍ୟାଳୟ ସୂତ୍ରରୁ ଜଣାପଡିଛି । କଲ୍ୟାଣସିଂହପୁର ବ୍ଲକ୍‌ରେ ସର୍ବାଧିକ ଘର ଭାଙ୍ଗିଛି ।