ରାୟଗଡା

ଜିଲା ଚୁକ୍ତିଭିତ୍ତିକ ଶିକ୍ଷକ ସଂଘ ବୈଠକ

 

ମାଲକାନଗିରି, ୨୭।୮(ଡି.ଏନ.ଏ.) :   
ମାଲକାନଗିରି ଜିଲା ସଦର ମହକୁମା  ବାଳିକା ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ଜିଲା ଚୁକ୍ତିଭିତ୍ତିକ ଶିକ୍ଷକ ସଂଘର ଏକ ବୈଠକ ସଭାପତି ରଶ୍ମିରନ ଜେନାଙ୍କ ଅଧ୍ୟକ୍ଷତାରେ  ଅନୁଷ୍ଠିତ ହୋଇଯାଇଛି । ରାଜ୍ୟ ସରକାର  ଚୁକ୍ତିଭିତ୍ତିକ ଶିକ୍ଷକମାନଙ୍କୁ  ଅବହେଳା କରୁଥିବା ସଂଘ ଅଭିଯୋଗ କରିଥିଲା । 

ଏନ୍‌. ସନ୍ତୋଷ ପାଇବେ ବିଜୁ ପଟ୍ଟନାୟକ ସାହସିକତା ସମ୍ମାନ

ବୈପାରୀଗୁଡ଼ା,୨୭।୮(ଡି.ଏନ୍‌.ଏ.): ସ୍ଥାନୀୟ ଯୁବ ସ୍ବେଚ୍ଛାସେବୀ ଏନ୍‌. ସନ୍ତୋଷ କୁମାରଙ୍କୁ ଚଳିତ ବର୍ଷ ପାଇଁ ବିଜୁ ପଟ୍ଟନାୟକ ସାହସିକତା ସମ୍ମାନ ମିଳିବ। ଏ ସଂକ୍ରାନ୍ତରେ ରାଜ୍ୟ କ୍ରୀଡ଼ା ଓ ଯୁବ ସେବା ବିଭାଗ ପକ୍ଷରୁ ସୂଚନା ମିଳିଛି । ଚଳିତ ମାସ ୨୯ ତାରିଖରେ ଭୁବନେଶ୍ୱରଠାରେ ଆୟୋଜିତ ଏକ ସ୍ବତନ୍ତ୍ର ସମାବେଶରେ ମୁଖ୍ୟମନ୍ତ୍ରୀଙ୍କଠାରୁ ମାନପତ୍ର ଓ ୨୫ ହଜାର ଟଙ୍କା ପୁରସ୍କାର ରାଶି ସେ ଗ୍ରହଣ କରିବେ । 

ମାଥାଲପୁଟ ମାର୍କେଟରେ ବାରମ୍ବାର ଚୋରି

ମାଥାଲପୁଟ ମାର୍କେଟରେ ବାରମ୍ବାର ଚୋରି

ଦାମନଯୋଡ଼ି,୨୭।୮(ଡି.ଏନ୍‌.ଏ.)

କୋରାପୁଟ ଜିଲା ଦାମନଯୋଡି ଆଦର୍ଶ ଥାନା ଅଧୀନ ମାଥାଲପୁଟ ଅଞ୍ଚଳରେ ଚୋରି, ଡକାୟତି ଦିନକୁ ଦିନ ବୃଦ୍ଧି ପାଉଥିବା ବେଳେ ପୋଲିସର ପାରିବାପଣିଆ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ପ୍ରମାଣ ଥାଇ ମଧ୍ୟ ପୋଲିସ ଚୋରକୁ ଧରି ଛାଡି ଦେଉଛି। ଏଥିପାଇଁ ଦୁର୍ବୃତ୍ତମାନେ ନିର୍ଭୟରେ ଦୋକାନଗୁଡ଼ିକରୁ ଲୁଟତରାଜ୍‌ ଜାରି ରଖିଛନ୍ତି ବୋଲି ଅଭିଯୋଗ ହୋଇଛି।

ଲଗାଣ ବର୍ଷାରେ ୧୧ ଘର ଭାଙ୍ଗିଲା

ଲଗାଣ ବର୍ଷାରେ ୧୧ ଘର ଭାଙ୍ଗିଲା

ଦଶମନ୍ତପୁର,୨୭।୮(ଡି.ଏନ୍‌.ଏ.): ଲଗାଣ ବର୍ଷାରେ ଦଶମନ୍ତପୁର ବ୍ଲକର ୩ ପଞ୍ଚାୟତରେ ୧୧ ଘର ଭାଙ୍ଗିଯାଇଛି। ଏହି ବ୍ଲକ୍‌ ଅଧୀନ ଚିକାମ୍ବୋ ଗ୍ରାମପଞ୍ଚାୟତ ବୋନାସିଲ ଗ୍ରାମର ଡମୁ ମୁଦୁଲିଙ୍କ କାନ୍ଥ ଭାଙ୍ଗିବା ସହ ଘର ଫାଟି ଆଁ କରିଛି। ଭୟରେ ଗ୍ରାମର ଅନ୍ୟଜଣଙ୍କ ଘରେ ସେ  ରହୁଛନ୍ତି। ସେହିପରି ଦଶମନ୍ତପୁର ଗ୍ରାମପଞ୍ଚାୟତ ତଳ ଗୌଡକଣ୍ଟାର ଇନ୍ଦ୍ର ଗୌଡ଼ଙ୍କ କ୍ଷୟକ୍ଷତି ଘଟିଥିବାବେଳେ  ନନ୍ଦିଗଁା ଗ୍ରାମପଞ୍ଚାୟତ ବାଗ୍ରୀବେଡ଼ାର ତୀର ଭୋତ୍ରା,  ମଧୁଟାକ୍ରୀ,  ଜଳନ୍ଧର ଟାକ୍ରୀ, ସଦା ମୁଦୁଲି, ଦୁଲ ମୁଦୁଲି ପ୍ରମୁଖଙ୍କ କାହାର ଘର ଭାଙ୍ଗିଛି ତ ଆଉ କାହାର ଛପର ଉଡ଼ିଯାଇଛି। 

ଦାବି ପୂରଣ ନହେଲେ ଧାରଣା ଦେବେ ଲ୍ୟାମ୍ପସ କର୍ମଚାରୀ

ଜୟପୁର,୨୭।୮(ନି.ପ୍ର.): ଅବିଭକ୍ତ କୋରାପୁଟ ଜିଲା ଲ୍ୟାମ୍ପ କର୍ମଚାରୀଙ୍କ ସମସ୍ୟା ଓ ୭ ଦଫା ଦାବି ଅଗଷ୍ଟ ୩୧ ସୁଦ୍ଧା ପୂରଣ ନହେଲେ ୭ ତାରିଖରେ ଜୟପୁର ଉପନିବନ୍ଧକ କାର୍ଯ୍ୟାଳୟ ଜୟପୁର  ଓ ୧୨ରେ ଉପନିବନ୍ଧକ କାର୍ଯ୍ୟାଳୟ ଆଗରେ ଧାରଣା ଓ ବିକ୍ଷୋଭ ଦିଆଯିବ ବୋଲି ସଂଘ ସଭାପତି ରମାକାନ୍ତ ରାଉଳ ଓ ସାଧାରଣ ସମ୍ପାଦକ ସୁଶାନ୍ତ ଖରା ଚେତାବନୀ ଦେଇଛନ୍ତି। ଏନେଇ ସଂଘ ପକ୍ଷରୁ ଉପନିବନ୍ଧକ, ସମବାୟ ବିଭାଗ ଜୟପୁର ଓ ରାୟଗଡ଼ାକୁ ପତ୍ର ମାଧ୍ୟମରେ ଦାବିପତ୍ର ଦିଆଯାଇଛି

ତ୍ରିଲୋଚନ ଜେନା ଜିଲା ଯୁବ ବିଜେଡି ଉପସଭାପତି

ବୈପାରୀଗୁଡ଼ା,୨୭।୮(ଡି.ଏନ୍‌.ଏ.): ବୈପାରୀରୀଗୁଡ଼ା ବ୍ଲକ ଉପାଧ୍ୟକ୍ଷ ତଥା ଯୁବ ବିଜେଡି ନେତା ତ୍ରିଲୋଚନ ଜେନା କୋରାପୁଟ ଜିଲା ବିଜୁ ଯୁବ ଜନତା ଦଳର ଉପସଭାପତି ଭାବେ ମନୋନୀତ ହୋଇଛନ୍ତି।

ହାଲ୍‌ ଏମ୍‌ଡିଙ୍କୁ ବିଦାୟ ସମ୍ବର୍ଦ୍ଧନା

ହାଲ୍‌ ଏମ୍‌ଡିଙ୍କୁ ବିଦାୟ ସମ୍ବର୍ଦ୍ଧନା

ସୁନାବେଡ଼ା,୨୭।୮(ଡି.ଏନ୍‌.ଏ): 

ହିନ୍ଦୁସ୍ତାନ ଏରୋନଟିକ୍ସ ଲିଃ.(ହାଲ୍‌) ଏମ୍‌ଡି ଏବଂ ଚେୟାରମ୍ୟାନ୍‌ ସୁବର୍ଣ୍ଣା ରାଜୁ ଅଗଷ୍ଟ ମାସରେ ପଦବୀରୁ ଅବସର ନେବେ। ସେ ବାଙ୍ଗାଲୋରରୁ କୋରାପୁଟ ବିଭାଗକୁ ପରିଦର୍ଶନରେ ଆସିଥିଲେ।   ସ୍ଥାନୀୟ ଭଞ୍ଜ ମଣ୍ଡପରେ ତାଙ୍କୁ ବିଦାୟ ସମ୍ବର୍ଦ୍ଧନା ଦିଆଯିବା ପାଇଁ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏଠାରେ ହାଲର କର୍ମଚାରୀମାନେ ଉପସ୍ଥିତ ରହି ସୁବର୍ଣ୍ଣାଙ୍କୁ ବିଦାୟ ସମ୍ବର୍ଦ୍ଧନା ଦେଇଥିଲେ।

ଅପହଞ୍ଚ ପିଣ୍ଡାପଦର: ପାହାଡ଼ି ରାସ୍ତାରେ ଅଟକିଛି ବିକାଶ

ଅପହଞ୍ଚ ପିଣ୍ଡାପଦର: ପାହାଡ଼ି ରାସ୍ତାରେ ଅଟକିଛି ବିକାଶ

କୋରାପୁଟ,୨୭ା୮(ସ୍ବ.ପ୍ର.): ଗୋଟିଏ ଗାଁକୁ ଏଣୁତେଣୁ ଲମ୍ବିଯାଇଛି ୭ କିମିର ପାହାଡ଼ ରାସ୍ତା। ଏ ରାସ୍ତା ସେଠିକାର ଲୋକଙ୍କୁ କେବଳ ଦହଗଞ୍ଜ କରୁନି, ବରଂ ଗାଁର ସାମଗ୍ରିକ ବିକାଶ ବାଟରେ ବି ପ୍ରତିବନ୍ଧକ ହୋଇ ରହିଛି। ସରକାରୀ ସୁବିଧା ଯେଉଁଠି ସହଜ ସୁଲଭ ଭାବେ ପହଞ୍ଚତ୍ପାରୁନି, ସେଭଳି ଅପହଞ୍ଚ ଗାଁଟିର ନାମ ପିଣ୍ଡାପଦର।

ମାଛକୁଣ୍ଡର ୪, କୋଲାବ ଡ୍ୟାମ୍‌ର ଗୋଟିଏ ଗେଟ୍‌ ଖୋଲିଲା

ମାଛକୁଣ୍ଡର ୪, କୋଲାବ ଡ୍ୟାମ୍‌ର ଗୋଟିଏ ଗେଟ୍‌ ଖୋଲିଲା

କୋରାପୁଟ/ଅନକାଡେଲି/କୋଲାବନଗର,୨୭।୮(ସ୍ବ.ପ୍ର./ଡି.ଏନ୍‌.ଏ.): କୋରାପୁଟ ଜିଲାରେ ବର୍ତ୍ତମାନ ପ୍ରବଳ ବର୍ଷା ଜାରି ରହିଥିବାବେଳେ  ମାଛକୁଣ୍ଡ ଜଳବିଦ୍ୟୁତ ପ୍ରକଳ୍ପର ଡି ଡ୍ୟାମରେ ଜଳସ୍ତର ୨୭୮୯ ଫୁଟକୁ  ବୃଦ୍ଧି ପାଇଛି। ଫଳରେ ରବିବାର ସକାଳ

ଆଧ୍ୟାତ୍ମିକତା ବଦଳାଇଦେଲା ଯୁବକଙ୍କ ବୃତ୍ତି

ଆଧ୍ୟାତ୍ମିକତା ବଦଳାଇଦେଲା ଯୁବକଙ୍କ ବୃତ୍ତି

ବୈପାରୀଗୁଡ଼ା,୨୭ା୮(ଡି.ଏନ୍‌.ଏ.): ଆଧ୍ୟାତ୍ମିକ ଚେତନା ଦିନେ ରତ୍ନାକରଙ୍କୁ ବାଲ୍ମିକୀ, ଚଣ୍ଡାଶୋକଙ୍କୁ ଧର୍ମାଶୋକରେ ପରିଣତ କରିଲା । ଜୀବେ ଦୟା, ଅହିଂସା ପରମ ଧର୍ମ ଭଳି ମହତ୍‌ ବାକ୍ୟ ପ୍ରତି ପ୍ରଭାବିତ ହୋଇଛନ୍ତି ଜଣେ ଗାଉଁଲି ଆଦିବାସୀ ଯୁବକ। 

ଏନ୍‌. ସନ୍ତୋଷ ପାଇବେ ବିଜୁ ପଟ୍ଟନାୟକ ସାହସିକତା ସମ୍ମାନ

ଏନ୍‌. ସନ୍ତୋଷ ପାଇବେ ବିଜୁ ପଟ୍ଟନାୟକ ସାହସିକତା ସମ୍ମାନ

ବୈପାରୀଗୁଡ଼ା,୨୭।୮(ଡି.ଏନ୍‌.ଏ.): ସ୍ଥାନୀୟ ଯୁବ ସ୍ବେଚ୍ଛାସେବୀ ଏନ୍‌. ସନ୍ତୋଷ କୁମାରଙ୍କୁ ଚଳିତ ବର୍ଷ ପାଇଁ ବିଜୁ ପଟ୍ଟନାୟକ ସାହସିକତା ସମ୍ମାନ ମିଳିବ। ଏ ସଂକ୍ରାନ୍ତରେ ରାଜ୍ୟ କ୍ରୀଡ଼ା ଓ ଯୁବ ସେବା ବିଭାଗ ପକ୍ଷରୁ ସୂଚନା ମିଳିଛି ।

ଅଜଣା ମହିଳାଙ୍କ ମୃତଦେହ ଉଦ୍ଧାର

ଅଜଣା ମହିଳାଙ୍କ ମୃତଦେହ ଉଦ୍ଧାର

କାଶୀନଗର, ୨୬।୮(ଡି.ଏନ୍‌.ଏ.)-ଗଜପତି ଜିଲା କାଶୀନଗର ବଂଶଧାରା ନଦୀ ତଟରେ ଜଣେ ଅଚିହ୍ନା ମହିଳଙ୍କ ମୃତଦେହ ସ୍ଥାନୀୟ ପୋଲିସ ଉଦ୍ଧାର କରିଛି। ନବୀ ବାଲି ଉପରେ ମହିଳାଙ୍କ ମୃତଦେହ ପଡିଥିବା ପୋଲିସ ଖବର ପାଇ ସେଠାରେ ପହଞ୍ଚି ତାହାକୁ ଉଦ୍ଧାର କରିଥିଲା। ବ୍ୟବଚ୍ଛେଦ ପାଇଁ ମୃତଦେହକୁ ପାରଳାଖେମୁଣ୍ଡି ସ୍ବାସ୍ଥ୍ୟକେନ୍ଦ୍ରକୁ ପଠାଯିବ ବୋଲି ଥାନାଧିକାରୀ ଆନନ୍ଦ ଚନ୍ଦ୍ର ପାତ୍ର କହିଛନ୍ତି।

ଆଇନସେବା ପ୍ରାଧିକରଣ ପକ୍ଷରୁ ସଚେତନତା ଶିବିର

ଆଇନସେବା ପ୍ରାଧିକରଣ ପକ୍ଷରୁ ସଚେତନତା ଶିବିର

ଉମରକୋଟ,୨୬।୮(ଡି.ଏନ୍‌.ଏ.)-
ନବରଙ୍ଗପୁର ଜିଲା  ଉମରକୋଟ ବ୍ଲକ ଅନ୍ତର୍ଗତ ପୂଜାରୀଭରଣ୍ଡି ଗ୍ରାମରେ ଉମରକୋଟ ତାଲୁକ୍‌ ଆଇନ ସେବା ପ୍ରାଧିକରଣ ତରଫରୁ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ସ୍ବେଚ୍ଛାସେବୀ ସଂଗଠନ ସେବାସଦନ ଆନୁକୂଲ୍ୟରେ ଏହି ଆଇନ ସେବା ସଚେତନତା ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ତାଲୁକ୍‌ ଆଇନସେବା ପ୍ରାଧିକରଣର ଚେୟାରମ୍ୟାନ ତଥା ସବ୍‌ଜଜ ସ୍ମୃତିଲେଖା ବାରିକ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ବିଚାରପତି ବିଭୂତି ଭୂଷଣ ନାୟକ, ଓକିଲ ଶ୍ରୀନବାସ ପଟ୍ଟନାୟକ, ରାମ ନାୟକ, ସେବାସଦନ ସ୍ବେଚ୍ଛାସେବୀ ସଙ୍ଗଠନର ରାଜ୍ୟ ସମ୍ପାଦକ ସଞ୍ଜୀବ କୁମାର ସୁବୁଧି , ସଙ୍ଗଠନର ଉପଦେଷ୍ଟା କୃଷ୍ଣଚନ୍ଦ୍ର ଶତପଥୀ, ସରପଞ୍ଚ ଜଳନ୍ଧର ଗଣ୍ଡ ଓ  ବିଡିଓ ତରଣୀ ସୁନା ଯୋଗ ଦେଇଥିଲେ ।

ଡାବୁଗାଁରେ ରାଖୀ ପୂର୍ଣ୍ଣିମା

ଡାବୁଗାଁରେ ରାଖୀ ପୂର୍ଣ୍ଣିମା

ଡାବୁଗାଁ,୨୬।୮ (ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକର ବିଭିନ୍ନ ଗ୍ରାମରେ ରବିବାର ରାଖୀ ପୂର୍ଣ୍ଣିମା ଧୂମଧାମରେ ପାଳିତ ହୋଇଯାଇଛି । ରବିବାର ବର୍ଷା ସତ୍ତ୍ୱେ ଡାବୁଗାଁ ବଜାରରେ ଥିବା ରାଖୀ ଓ ମିଠା ଦୋକାନ ଗୁଡିକରେ ଗହଳି ଲାଗିରହିଥିବା ଦେଖିବାକୁ ମିଳିଥିଲା । ଏହି ଅବସରରେ ଡାବୁଗାଁ ବ୍ଲକ ଅଧୀନ ଜିଲା ଅନୁସୂଚିତ ଜାତି ଓ ଜନଜାତି ବିଭାଗ ଦ୍ୱାରା ପରିଚାଳିତ ଡାବୁଗାଁ ସରକାରୀ ବାଳିକା ଉଚ୍ଚ ବିଦ୍ୟାଳୟର ଅନ୍ତେବାସୀମାନେ ବାଦ ପଡିନାହାନ୍ତି । 

ପଞ୍ଚାୟତ ସମିତି ମହାବିଦ୍ୟାଳୟର ସ୍ବାଗତ ସମ୍ବର୍ଦ୍ଧନା ଉତ୍ସବ

ପଞ୍ଚାୟତ ସମିତି ମହାବିଦ୍ୟାଳୟର ସ୍ବାଗତ ସମ୍ବର୍ଦ୍ଧନା ଉତ୍ସବ

ରାଇଘର, ୨୬ା୮(ଡି.ଏନ୍‌.ଏ.)
ରାଇଘର ବ୍ଲକରେ ଥିବା  ପଞ୍ଚାୟତସମିତି ମହାବିଦ୍ୟାଳୟଠାରେ ପ୍ରଥମ ବର୍ଷର କଳା ଓ ବାଣିଜ୍ୟ ଛାତ୍ରୀଛାତ୍ରମାନଙ୍କ ସ୍ବାଗତ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଛି। ୨ୟ ବର୍ଷର ଛାତ୍ରୀଛାତ୍ରମାନଙ୍କ ଦ୍ୱାରା ଏହା ଆୟୋଜନ କରାଯାଇଥିଲା। ଏଥିରେ ଅଧ୍ୟାପକ ରମେଶ ଚନ୍ଦ୍ର ପଟ୍ଟନାୟକ ସଭାପତିତ୍ୱ କରିଥିଲେ।

ଖଟିଆରେ ବୁହା ହେଲେ ଗର୍ଭବତୀ, ବାଟରେ ପ୍ରସବ

ଖଟିଆରେ ବୁହା ହେଲେ ଗର୍ଭବତୀ, ବାଟରେ ପ୍ରସବ


ଝରିଗାଁ,୨୬।୮(ସ୍ବ.ପ୍ର)- ନବରଙ୍ଗପୁର ଜିଲା ଝରିଗାଁ ବ୍ଲକରେ ପୁଣି ରାସ୍ତା ଖରାପ ଯୋଗୁଁ ଗାଁକୁ ପହଁଞ୍ଚି ପାରିଲାନି ଆମ୍ବୁଲାନ୍ସ। ଶେଷରେ ପରିବାର ଲୋକେ ବର୍ଷା ରାତିରେ ଖଟିଆରେ ପ୍ରାୟ ୩ କି.ମି ଗଭର୍ବତୀଙ୍କୁ ବୋହି ଆଣିଥିଲେ। ଏହି ସମୟରେ  ଖଟିଆରେ ଗର୍ଭବତୀ ଜଣକ ଅସୁରକ୍ଷିତ ଅବସ୍ଥାରେ ଶିଶୁ ପୁତ୍ର ଜନ୍ମ ଦେଇଥିଲେ। ଏହା ପରେ ପରିବାର ଲୋକ  ପ୍ରସୂତୀଙ୍କୁ ଆମ୍ବୁଲାନ୍ସ ନିକଟକୁ ଆଣିଥିଲେ। ଆମ୍ବୁଲାନ୍ସରେ ମା’ ଓ ଶିଶୁପୁତ୍ରକୁ ଅଣାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। 

  ଜିଲାରେ ମୌଳିକ ସୁବିଧା ଅପହଞ୍ଚ : କଂଗ୍ରେସ

ଜିଲାରେ ମୌଳିକ ସୁବିଧା ଅପହଞ୍ଚ : କଂଗ୍ରେସ

ନବରଙ୍ଗପୁର, ୨୬।୮(ବି.ପ୍ର.)

ନବରଙ୍ଗପୁର ଜିଲାରେ ଲୋକଙ୍କ ନିକଟରେ ମୌଳିକ ସୁବିଧା ଏଯାଏ ପହଁଞ୍ଚି ପାରି ନାହିଁ । ଯେଉଁଠି ରାସ୍ତା ନାହିଁ ସେଠାରେ ବିକାଶ ଅସମ୍ଭବ । ଶିକ୍ଷା, ସ୍ବାସ୍ଥ୍ୟ ଓ ଖାଦ୍ୟ ସୁରକ୍ଷା ଯୋଜନା ସମ୍ପୂର୍ଣ୍ଣ ଅପହଞ୍ଚ ବୋଲି କଂଗ୍ରେସ ଭବନ ଠାରେ ଆହୁତ ଖବରଦାତା ସମ୍ମିଳନୀରେ ଜିଲା କଂଗ୍ରେସ ସଭାପତି ମୁନା ତ୍ରିପାଠୀ, ଡାବୁଗାଁ ବିଧାୟକ ତଥା ରାଜ୍ୟ କଂଗ୍ରେସ ଆଦିବାସୀ ସେଲ ସଭାପତି ଭୂଜବଳ ମାଝୀ,  ପୂର୍ବତନ ଏମପି ପ୍ରଦୀପ ମାଝୀ ପ୍ରମୂଖ କହିଛନ୍ତି ।  

ରକ୍ଷାବନ୍ଧନ କାର୍ଯ୍ୟକ୍ରମ

ରକ୍ଷାବନ୍ଧନ କାର୍ଯ୍ୟକ୍ରମ

ଗୁଣପୁର,୨୬।୮(ଡି.ଏନ.ଏ): 
ରବିବାର ରକ୍ଷା ବନ୍ଧନ ଉତ୍ସବ ପାଳନ ହେବ।  ରବିବାର ଛୁଟି ରହିଥିବାରୁ ଶନିବାର ବ୍ରହ୍ମାକୁମାରୀ ଅନୁଷ୍ଠାନ ପକ୍ଷରୁ  ଗୁଣପୁର କୋର୍ଟ ପରିସରରେ ଶନିବାର ରକ୍ଷା ବନ୍ଧନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।  ବ୍ରହ୍ମାକୁମାରୀ ଅନୁଷ୍ଠାନର  ଭଉଣୀମାନେ କୋର୍ଟର ସମସ୍ତ ଜଜ୍‌, କର୍ମଚାରୀ ଏବଂ ଓକିଲ ସଂଘ ସଭାପତି ବ୍ରହ୍ମାନନ୍ଦ ପଟ୍ଟନାୟକଙ୍କ ସମେତ ଅନ୍ୟାନ୍ୟ ଆଇନଜୀବୀମାନଙ୍କୁ ରାଖୀ ବାନ୍ଧି ମିଠା ଖୁଆଇ ଥିଲେ । 

ବୃକ୍ଷରୋପଣ କାର୍ଯ୍ୟକ୍ରମ

ବୃକ୍ଷରୋପଣ କାର୍ଯ୍ୟକ୍ରମ

ଗୁଣପୁର,୨୬।୮(ଡି.ଏନ୍‌.ଏ)

ରାୟଗଡା ଜିଲା ଗୁଣପୁର ସରକାରୀ ଉଚ୍ଚ ବାଳିକା ବିଦ୍ୟାଳୟରେ ଶନିବାର ବୃକ୍ଷରୋପଣ ଏବଂ ସ୍ବଚ୍ଛଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସ୍କୁଲର ଏନସିସି କ୍ୟାଡେଟ୍‌ ଓ ଅନ୍ୟ ଛାତ୍ରୀମାନେ ଶୋଭାଯାତ୍ରାରେ ବାହାରି ସ୍ବଚ୍ଛତା ଏବଂ ବୃକ୍ଷରୋପଣ ଉପରେ ସଚେତନତାର ବାର୍ତ୍ତା ବାଣ୍ଟି ଥିଲେ ।

କଲ୍ୟାଣସିଂହପୁର,୨୬।୮(ଡ଼ି.ଏନ୍‌.ଏ)

କଲ୍ୟାଣସିଂହପୁର,୨୬।୮(ଡ଼ି.ଏନ୍‌.ଏ)

କଲ୍ୟାଣସିଂହପୁର ବ୍ଲକ ଶିକରପାଇ  ପଞ୍ଚାୟତ ଅଧୀନ ଜାମୁଗୁଡ଼ାଠାରେ ବ୍ଳକସ୍ତରୀୟ ଜଳବାୟୁ ପରିବର୍ତ୍ତନ ସାକ୍ଷରତା ଅଭିଯାନ କାର୍ଯ୍ୟକ୍ରମ ଶନିବାର ଅନୁଷ୍ଠିତ ହୋଇଯାଇଛି । ଏଥିରେ ସ୍ଥାନୀୟ ରେଞ୍ଜର ପ୍ରଫୁଲ୍ଲ କୁମାର ନାୟକ ମୁଖ୍ୟଅତିଥି ଭାବେ ଯୋଗ ଦେଇ ସ୍ବୟଂ ସହାୟିକା ଗୋଷ୍ଠୀର ସଦସ୍ୟ,କୃଷକ କ୍ଲବର ସଭ୍ୟମାନଙ୍କୁ ବିଭିନ୍ନ ଚାରା ବଣ୍ଟନ କରିଥିଲେ ।

ଦୂର ହେଲା ଅଙ୍ଗନଓ୍ବାଡ଼ି କେନ୍ଦ୍ର ସମସ୍ୟା

ଦୂର ହେଲା ଅଙ୍ଗନଓ୍ବାଡ଼ି କେନ୍ଦ୍ର ସମସ୍ୟା

ଚନ୍ଦ୍ରପୁର,୨୬।୮(ଡ଼ି.ଏନ୍‌.ଏ)

ରାୟଗଡ଼ା ଜିଲା ଚନ୍ଦ୍ରପୁର ବ୍ଲକର ଡ଼ାଙ୍ଗସୋରଡ଼ାବାସୀଙ୍କ ଦୀର୍ଘଦିନର ଦାବି ପୂରଣ ହୋଇଛି । ଗ୍ରାମରେ ଥିବା ଅଙ୍ଗନଓ୍ବାଡ଼ି କେନ୍ଦ୍ରର ନବକଳେବର କରାଯାଇଛି । କେନ୍ଦ୍ରର ସ୍ବତନ୍ତ୍ର ଭାବେ ରୋଷେଇଗୃହ ନିର୍ମାଣ, ନଳକୂପ ମରାମତି, ଲୁହା ତାରରେ ପାଚେରି,ସୂଚନା ଫଳକ ଲଗାଇବା, ପିଲାମାନଙ୍କ ପାଇଁ ଦୋଳି ଆଦି ଆନୁଷଙ୍ଗିକ ବ୍ୟବସ୍ଥା କରାଯାଇଛି । ବର୍ତ୍ତମାନ ପ୍ରତ୍ୟେକ ଦିନ ସମସ୍ତ ଶିଶୁ ଆଗ୍ରହର ସହ କେନ୍ଦ୍ରକୁ ଆସୁଥିବା ଗ୍ରାମବାସୀ ପ୍ରକାଶ କରିଛନ୍ତି । 

ବ୍ଲକ କୃଷକ ପରାମର୍ଶ କମିଟି ବୈଠକ

ବ୍ଲକ କୃଷକ ପରାମର୍ଶ କମିଟି ବୈଠକ

ଡାବୁଗାଁ, ୨୬।୮ (ଡି.ଏନ.ଏ.)- 
ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା କୃଷି ସୂଚନା ଓ ପରାମର୍ଶ କେନ୍ଦ୍ର ଠାରେ ବ୍ଲକ କୃଷକ ପରାମର୍ଶ କମିଟିର ବୈଠକ ଆତ୍ମା ସଭାପତି ରତ୍ନାକର ମାଝୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି।  ଏଥିରେ କୃଷି , ପ୍ରାଣୀପାଳନ, ମତ୍ସ୍ୟ ଚାଷ, ଫଳ ଓ ପନିପରିବା ଚାଷ ସମ୍ବନ୍ଧରେ ଆଲୋଚନା ହୋଇଥିଲା ।  ଉନ୍ନତ ପ୍ରଣାଳୀରେ ଅଦିନିଆ ପନିପରିବା ଚାଷ, ସରକାରୀ ଯୋଜନା ଉପରେ ବିଭାଗୀୟ ଅଧିକାରୀମାନେ ଆଲୋଚନା କରିଥିଲେ ।

ସୀପାହୀ ନିଯୁକ୍ତି ପାଇଁ ବିଏସଏଫ ପକ୍ଷରୁ ସଚେତନତା

ସୀପାହୀ ନିଯୁକ୍ତି ପାଇଁ ବିଏସଏଫ ପକ୍ଷରୁ ସଚେତନତା

ନବରଙ୍ଗପୁର,୨୬।୮(ବି.ପ୍ର.)- ନବରଙ୍ଗପୁର ଜିଲା ନନ୍ଦାହାଣ୍ଡି ବ୍ଲକ ମାଝିଗୁଡା ବ୍ଲକ ଠାରେ ୧୫ ବିଏସଏଫ ବାଟାଲିୟାନ ପକ୍ଷରୁ କନଷ୍ଟେବଳ(ସୀପାହୀ) ନିଯୁକ୍ତି ପାଇଁ ସଚେତନତା କରାଯାଇଛି । ଅଧିକରୁ ଅଧିକ୧୦ମ ଶ୍ରେଣୀ ପାସ ଯୁବକ, ଯୁବତୀ କିଭଳି ଆବେଦନ କରିବେ ସେ ନେଇ ସହଯୋଗ କରାଯିବ ବୋଲି କମାଣ୍ଡାଣ୍ଟ ଗୌରଭ ସିଂ ଜଣାଇଛନ୍ତି । ସେପ୍ଟେମ୍ବର ୧୭ ତାରିଖ  ଆବେଦନର ଶେଷ  ଦିନ ରହିଛି ।

ଆଇନ ସଚେତନତା ଶିବିର

ଆଇନ ସଚେତନତା ଶିବିର


ନବରଙ୍ଗପୁର, ୨୬।୮(ବି.ପ୍ର.)-
ନବରଙ୍ଗପୁର ଜିଲା ଆଇନ ସେବା ପ୍ରାଧିକରଣ ପକ୍ଷରୁ ସ୍ଥାନୀୟ ସବ୍‌ ଜେଲରେ ଏକ ଆଇନ ସଚେତନତା ଶିବିର ଅନୁଷ୍ଠିତ ହୋଇଛି। ପ୍ରାଧିକରଣର ସମ୍ପାଦକ ପ୍ରସନ୍ନ କୁମାର ବେହେରା ମୁଖ୍ୟ ଅତିଥି ଭାବେ ଯୋଗଦେଇ  କିଭଳି ମାଗଣା  ଆଇନ ସେବାର ଲାଭ ନେଇହେବ  ସେ ନେଇ ଆଲୋଚନା କରିଥିଲେ। ସମ୍ମାନିତ ଅତିଥିଭାବେ ଡିସିପିଓ ସୁରେଶ କୁମାର ପଟ୍ଟନାୟକ  ଯୋଗଦେଇ କିଶୋର ଆଇନ ସମ୍ପର୍କରେ ସୂଚନା ଦେଇଥିଲେ।