ରାୟଗଡା

ଲଜ୍‌ରୁ ଝୁଲନ୍ତା ମୃତଦେହ ଉଦ୍ଧାର

ନବରଙ୍ଗପୁର,୨୫।୩(ବି.ପ୍ର.)-ନବରଙ୍ଗପୁର ଜିଲାର ଏକ ଲଜରୁ ଜଣେ ଯୁବକଙ୍କ ମୃତଦେହ ପୋଲିସ ରବିବାର ଉଦ୍ଧାର କରିଛି । ମୃତ ଯୁବକ ଜଣକ ହେଲେ ଅବନୀ ଭୋଇ। ତାଙ୍କ ଘର କଳାହାଣ୍ଡି ଜିଲା ଗୁଲାମୁଣ୍ଡା ଥାନା ଅଧୀନ ଫୁଣ୍ଡା ଗାଁରେ । ଲଜ୍‌ ମାଲିକଙ୍କ ସୂଚନା ଅନୁଯାୟୀ ଅବନୀ ଏକ ବାଇକ (ନଂ.ଓଡି୮ଏଫ-୦୨୯୨)ରେ ଶନିବାର ମଧ୍ୟାହ୍ନରେ ଲଜ୍‌କୁ ଆସି ରୁମ ନଂ ୨୧୦ କୁ ବୁକ୍‌ କରି ରହିଥିଲେ। ରବିବାର ସକାଳେ ଲଜ୍‌ର ସର୍ଭିସ୍‌ ବୟ ରୁମ୍‌ ସଫା କରିବାକୁ କବାଟ ବାଡେଇଥିଲେ ମଧ୍ୟ ସେ ଖୋଲି ନଥିଲେ । ପରେ ପୋଲିସକୁ ଖବର ଦିଆଯାଇଥିଲା। ଯୁବକଙ୍କ ପରିଚୟ ମିଳିବା ପରେ ପୋଲିସ ତାଙ୍କ ପରିବାର ଲୋକଙ୍କୁ ଖବର ଦେଇଥିଲା । ପରିବାର ଲୋକ ପହଞ୍ଚିବା ପରେ ନବରଙ୍ଗପୁର ଥାନା ଅଧିକାରୀ ତାରିକ ଅହମ୍ମଦ ଓ ଏଏସଆଇ ଅଶୋକ ପାଳ ପହଞ୍ଚି କବାଟ ଖୋଲିଥିଲେ। ବେକରେ ଏକ ଗାମୁଛା ବାନ୍ଧି ଫ୍ୟାନରେ ଅବନୀ ଝୁଲୁଥିବା ବେଳେ କାନରେ ମୋବାଇଲ ହେଡ ଫୋନ ଲାଗିଥିଲା। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ସଦର ମହକୁମା ଡାକ୍ତରଖାନା ପଠାଇଥିଲା। ପ୍ରେମଜନିତ କାରଣରୁ ଅବନୀ ଆତ୍ମହତ୍ୟା କରିଛନ୍ତି ବୋଲି ସନ୍ଦେହ କରାଯାଉଛି।

ଲକ୍ଷାଧିକ ଟଙ୍କାର କାଠ ଜବତ: କାରବାରରେ ଯବାନଙ୍କ ସମ୍ପୃକ୍ତି

କୋରାପୁଟ,୨୫।୩(ସ୍ବ.ପ୍ର.): କୋରାପୁଟ ବନ ବିଭାଗ ପକ୍ଷରୁ ଶନିବାର ଓ ରବିବାର କୋରାପୁଟ ବ୍ଲକର କୋଲାବ ଅଞ୍ଚଳର ୩ଟି ଜାଗାରେ ଚଢାଉ କରାଯାଇ ଲକ୍ଷାଧିକ ଟଙ୍କାର ବହୁ ମୂଲ୍ୟବାନ କାଠ ଓ ସାମଗ୍ରୀ ଜବତ କରାଯାଇଛି ।

ବିଦ୍ୟୁତ ସ୍ପର୍ଶରେ ନାବାଳକ ମୃତ

ବିଦ୍ୟୁତ ସ୍ପର୍ଶରେ ନାବାଳକ ମୃତ

ପଟ୍ଟାଙ୍ଗି,୨୫।୩(ଡି.ଏନ୍‌.ଏ.) ପଟ୍ଟାଙ୍ଗି ଥାନା ମାଳିପୁଟ ପଞ୍ଚାୟତରେ ଜଣେ ନାବାଳକ ରବିବାର ବିଦ୍ୟୁତ ସଂସ୍ପର୍ଶରେ ଆସି ପ୍ରାଣ ହରାଇଛି। ତାଙ୍କୁ ସ୍ବାସ୍ଥ୍ୟକେନ୍ଦ୍ର ନେବା ପରେ ସେଠାରେ କେହି ଡାକ୍ତର ନଥିବା ଓ ବିଳମ୍ବରେ ଆସି ପହଞ୍ଚତ୍ବା ଘଟଣାରେ ଚାପା ଉତ୍ତେଜନା ପ୍ରକାଶ ପାଇଥିଲା।

ନିୟମଗିରିରେ ବ୍ୟାପିଲା ଜ୍ୱର, ବାନ୍ତି: ୩୦ରୁ ଊର୍ଦ୍ଧ୍ୱ ଡ଼ଙ୍ଗରିଆ ଆକ୍ରାନ୍ତ

ନିୟମଗିରିରେ ବ୍ୟାପିଲା ଜ୍ୱର, ବାନ୍ତି: ୩୦ରୁ ଊର୍ଦ୍ଧ୍ୱ ଡ଼ଙ୍ଗରିଆ ଆକ୍ରାନ୍ତ

କଲ୍ୟାଣସିଂହପୁର, ୨୫।୩(ଡି.ଏନ୍‌.ଏ)- ରାୟଗଡା ଜିଲା କଲ୍ୟାଣସିଂହପୁର ବ୍ଲକ୍‌ ପାର୍ସାଲି ପଞ୍ଚାୟତ ନିୟମଗିରି ପାହାଡ ଉପରେ ଥିବା ଡଙ୍ଗାମାଟି, ଲାଖପଦର, ପଟାଙ୍ଗପଦର ୩ ଟି ଗାଁରେ ଜ୍ୱର ଓ ବାନ୍ତି ବ୍ୟାପିଛି । ୪ ଦିନ ମଧ୍ୟରେ ପ୍ରାୟ ୩୦ରୁ ଊର୍ଦ୍ଧ୍ୱ ଡ଼ଙ୍ଗରିଆ ଆକ୍ରାନ୍ତ ହୋଇଛନ୍ତି । ବର୍ତ୍ତମାନ ପର୍ଯ୍ୟନ୍ତ ସ୍ବାସ୍ଥ୍ୟ ଅଧିକାରୀଙ୍କ ଦେଖା ମିଳିନାହିଁ । ଏହି ଗଁ।କୁ ଭଲ ରାସ୍ତାଖଣ୍ଡିଏ ନ ଥିବାରୁ ଠିକ୍‌ ସମୟରେ ସ୍ବାସ୍ଥ୍ୟ ବିଭାଗ ପହଞ୍ଚତ୍ ପାରୁନାହିଁ । ତୁରନ୍ତ ଏ ଦିଗରେ ସ୍ବାସ୍ଥ୍ୟ ବିଭାଗ ଓ ଜିଲା ପ୍ରଶାସନ ଦୃଷ୍ଟି ଦେବାକୁ ଦାବି ହୋଇଛି ।

ହାଲ୍‌ ଆଲୋଚନା ନ କଲେ ଆନ୍ଦୋଳନ ତେଜିବ

ହାଲ୍‌ ଆଲୋଚନା ନ କଲେ ଆନ୍ଦୋଳନ ତେଜିବ

ସେମିଳିଗୁଡ଼ା,୨୫।୩(ସ୍ବ.ପ୍ର.) ସେମିଳିଗୁଡ଼ା ବ୍ଲକ ଗୋପବନ୍ଧୁନଗର ସ୍ଥିତ ଶହୀଦ ଲକ୍ଷ୍ମଣ ନାୟକ କ୍ଲବରେ ଶନିବାର ବିସ୍ଥାପିତ ସଂଘ ଓ କୋରାପୁଟିଆ ଜନ ସୁରକ୍ଷା ସଂଘର ମିଳିତ ଖବରଦାତା ସମ୍ମିଳନୀ ଆୟୋଜିତ ହୋଇଛି। ହାଲ୍‌ ବିସ୍ଥାପିତଙ୍କ ଥଇଥାନ ପାଇଁ ଦୀର୍ଘଦିନ ହେଲା ଲଢ଼େଇ ଚାଲିଛି। କିନ୍ତୁ ଦୁଃଖର ବିଷୟ ଗତ ୨୦ ତାରିଖରେ ସୁନାବେଡ଼ା ହାଲ୍‌ ଚାକିରି ପାଇଁ କୋରାପୁଟିଆ ବିକାଶ ପରିଷଦକୁ ନେଇ ଯେଉଁ ହାଲ ପରିଚାଳନା କର୍ତ୍ତୃପକ୍ଷ ଚୁକ୍ତିନାମା କରିଛନ୍ତି, ବିସ୍ଥାପିତ ମହାସଂଘ ଏହାର ବିରୋଧ କରିବା ସହ କେତୋଟି ଦାବି ଉପସ୍ଥାପନ କରୁଛି।

ଜଳୁଛି ଜଙ୍ଗଲ

କୋଲାବନଗର,୨୫।୩(ଡି.ଏନ୍‌.ଏ.): କୋରାପୁଟ ସଦର ଅନ୍ତର୍ଗତ ଦେବୀଘାଟ, ପେଟା ଓ ବଡ଼କେରେଙ୍ଗା ପଞ୍ଚାୟତକୁ ଚାରିପାଖରୁ ଘେରି ରହିଛି ପାହାଡ଼ ଓ ଘଞ୍ଚ ଜଙ୍ଗଲ । ଆଦିବାସୀ ଇଲାକାରେ ବର୍ତ୍ତମାନ ପାରମ୍ପରିକ ଚଇତି ପର୍ବ ଆରମ୍ଭ ହୋଇଛି। ପର୍ବ ଉପଲକ୍ଷେ ବେଣ୍ଟ ପରମ୍ପରାରେ ସଚେତନତା ଅଭାବରୁ ଲୋକେ ଜଙ୍ଗଲରେ ନିଆଁ ଲଗାଇ ଦେଉଛନ୍ତି । ୪ ଦିନ ହେଲା ଅଞ୍ଚଳର ବିଭିନ୍ନ ପାହାଡ଼ ଜଙ୍ଗଲରେ ନାଁ ଲଗାଯିବା ଫଳରେ ଜଙ୍ଗଲ ଜନ୍ତୁ ଗାଁ ମୁହାଁ ହେଉଛନ୍ତି । ସନ୍ଧ୍ୟାରୁ ରାତିଯାଏଁ ବିଭିନ୍ନ ଜଙ୍ଗଲ ହୁ ହୁ ହୋଇ ଜଳୁଛି ।

ଚଇତି ପରବର ମାଆ ବେଣ୍ଟଯାତ୍ରା

ଚଇତି ପରବର ମାଆ ବେଣ୍ଟଯାତ୍ରା

ମାଥିଲି, ୨୫।୩ (ଡି.ଏନ.ଏ.) ଚଇତି ପରବ କଥା ପଡିଲେ ଆଖି ଆଗରେ ଭାସିଉଠେ ସପଲ, ହାଣ୍ତିଆ, ଲାନ୍ଦା, ମହୁଲ ଓ ଧାଙ୍ଗଡାଧାଙ୍ଗଡି ନାଚ। ଭୋଜିଭାତର ଆସର। ବର୍ଷକୁ ଥରେ ହେଉଥିବା ଏହି ପରବ ଆଦିବାସୀ ଜନଜୀବନର ପରମ୍ପରା ସହ ନିବିଡ ଭାବେ ଜଡିତ । ମାଲକାନଗିରି ଜିଲା ମାଥିଲି ବ୍ଲକ ଅଞ୍ଚଳରେ ଶୁକ୍ରବାରଠାରୁ ଆରମ୍ଭ ହୋଇଛି ଚଇତି ପରବର ମାଆବେଣ୍ଟ ଯାତ୍ରା। ଆଦିବାସୀ ଗ୍ରାମ ଦେବୀ ଠାକୁରାଣୀଠାରେ ପୂଜାପାଠ , ବଳିଭୋଗ ସହ ଢେମସା ନୃତ୍ୟ ଅଞ୍ଚଳରେ ସ୍ବତନ୍ତ୍ର ବାତାବଣ ସୃଷ୍ଟି କରିଥିଲା । ଚଳିତ ବର୍ଷ ବ୍ଲକ ସଦରର ଆଖପାଖ ଗ୍ରାମରେ ପ୍ରଥମ ପର୍ଯ୍ୟାୟ ଚଇତି ପରବ ବ୍ଲକ ସଦର, ମୁଣ୍ତାଗୁଡା ଓ ପଲାରିପଦରରେ ଶନିବାର ହୋଇଛି। ସାରେ ଅନୁଷ୍ଠିତ ମାଆବେଣ୍ଟ ଯାତ୍ରାରେ କେତେକ ଗ୍ରାମରେ ଏହା ଆୟୋଜିତ ହୋଇଥିଲା ।

ଚୋରା କାଠ ଜବତ ,୩ ଗିରଫ

ଡାବୁଗାଁ,୨୪।୩(ଡି.ଏନ.ଏ.)-ନବରଙ୍ଗପୁର ଜିଲା ଡାବୁଗାଁ ବନାଞ୍ଚଳର ମଇଦଳପୁର ସେକସନ ଅଧୀନ ମଇଦଳପୁର ପ୍ରସ୍ତାବିତ ସଂରକ୍ଷିତ ଜଙ୍ଗଲ ମଧ୍ୟରେ ଗଛ କଟା ହେଉଥିବା ଖବର ପାଇ ବନ ବିଭାଗ ଚଢାଉ କରି ୧୬୦ ଟି ବହ୍ଳା ଜବତ କରିବା ସହ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।

ଜାଲ ନୋଟ କାରବାରରେ ମହିଳାଙ୍କୁ ୩ ବର୍ଷ ଜେଲ

ନବରଙ୍ଗପୁର,୨୪।୩(ବି.ପ୍ର.)- ନବରଙ୍ଗପୁର ସିଜେଏମ ରାଜକିଶୋର ମହାପାତ୍ର ଏକ ଜାଲ ନୋଟ କାରବାର ମାମଲାର ବିଚାର କରି ଅଭିଯୁକ୍ତ ଚିତାଇ ହରିଜନଙ୍କୁ ୩ ବର୍ଷ ଜେଲ ଦଣ୍ଡରେ ଦଣ୍ଡିତ କରିଛନ୍ତି ।

ଟ୍ରକ୍‌କୁ ଓଭରଟେକ୍‌ ବେଳେ ଦୁର୍ଘଟଣା: ବାଇକ୍‌ ଆରୋହୀଙ୍କ ଜୀବନ ଗଲା

ଟ୍ରକ୍‌କୁ ଓଭରଟେକ୍‌ ବେଳେ ଦୁର୍ଘଟଣା: ବାଇକ୍‌ ଆରୋହୀଙ୍କ ଜୀବନ ଗଲା

ପାରଳାଖେମୁଣ୍ଡି, ୨୪।୩(ସ୍ବ.ପ୍ର.)- ଗଜପତି ଜିଲା ପାରଳାଖେମୁଣ୍ଡି ସହରର ନଟରାଜ ସିନେମା ହଲ ମୁଖ୍ୟ ରାସ୍ତାରେ ଶନିବାର ଗୋଟିଏ ଟ୍ରକକୁ ବାଇକ୍‌ ଓଭରଟେକ କରୁଥିବା ବେଳେ ଦୁର୍ଘଟଣା ଘଟିଛି। ଟ୍ରକ ଚକା ତଳେ ପଡ଼ି ଚାପିହୋଇ ବାଇକ୍‌ ଆରୋହୀଙ୍କ ମୃତ୍ୟୁ ଘଟିଛି । ମୃତକ ହେଲେ ପାରଳାଖେମୁଣ୍ଡି ସହର ଓଡ଼ିଆ ପାରଳା ସାହି ବାସିନ୍ଦା ଆନନ୍ଦ କୁମାର ବେହେରା (୪୮)।

ଟ୍ରକ୍‌-କାର୍‌ ମୁହଁ।ମୁହିଁ ଧକ୍କା,୩ ମୃତ

ଟ୍ରକ୍‌-କାର୍‌ ମୁହଁ।ମୁହିଁ ଧକ୍କା,୩ ମୃତ

ରାୟଗଡା ଅଫିସ୍‌, ୨୪।୩- ରାୟଗଡା ବ୍ଲକ୍‌ ପିତାମହଲ ଗ୍ରାମ ନିକଟ ମୁଖ୍ୟରାସ୍ତାରେ ଶନିବାର ସକାଳେ ଏକ ଟ୍ରକ୍‌ ଓ କାର୍‌ ମୁହଁ।ମୁହିଁ ଧକ୍କା ହୋଇଛି । ଫଳରେ ୩ ଜଣଙ୍କ ମୃତ୍ୟୁ ହୋଇଛି । ସେମାନେ ହେଲେ ସୁବ୍ରମଣ୍ୟମ୍‌, ଶ୍ରୀନିବାସ ରାଓ । ଅନ୍ୟଜଣଙ୍କ ନାମ ଜଣାପଡିନାହିଁ । ଦୁର୍ଘଟଣା ପରେ ରାସ୍ତା ଜାମ ହେବାରୁ ବହୁ ଗାଡ଼ି ରାସ୍ତାର ଦୁଇପାର୍ଶ୍ୱରେ ଅଟକି ରହିଥିଲା ।

ଭ୍ୟାନ ଧକ୍କାରେ ୨ ମୃତ

କୋଟପାଡ,୨୪।୩(ଡି.ଏନ.ଏ.)- କୋରାପୁଟ ଜିଲା କୋଟପାଡ ବ୍ଲକ ଜୟପୁରକୁ ସଂଯୋଗ କରୁଥିବା ପୂର୍ତ୍ତ ବିଭାଗ ରାସ୍ତାର ଘୁମୁର ଛକଠାରେ ଶନିବାର ରାତି ୧୦ଟାରେ ଏକ ସଡ଼କ ଦୁର୍ଘଟଣାରେ ୨ ଜଣ ଯୁବକଙ୍କ ମୃତ୍ୟୁ ହୋଇଛି।

ଗଞ୍ଜେଇ ଚାଲାଣକାରୀଙ୍କୁ ୫ ବର୍ଷ ସଶ୍ରମ ଜେଲ୍‌

ଜୟପୁର,୨୪।୩(ଡି.ଏନ୍‌.ଏ.)-ଜୟପୁରସ୍ଥିତ ଜିଲା ଦୌରାଜଜ୍‌ଙ୍କ କୋର୍ଟରେ ଶନିବାର ଗଞ୍ଜେଇ ଚାଲାଣ ମାମଲାର ରାୟ ପ୍ରକାଶ ପାଇଛି । ଏଥିରେ ଜଣେ ଅଭିଯୁକ୍ତଙ୍କୁ ୫ବର୍ଷ ସଶ୍ରମ କାରାଦଣ୍ଡ ଓ ୫୦ ହଜାର ଟଙ୍କା ଜୋରିମାନା ଦଣ୍ଡ ମିଳିଛି।

ଏନ୍‌କାଉଣ୍ଟରରେ କ୍ୟାଡର ମାଓବାଦୀ ନିହତ

ଏନ୍‌କାଉଣ୍ଟରରେ କ୍ୟାଡର ମାଓବାଦୀ ନିହତ

ମାଲକାନଗିରି, ୨୪।୩(ଡି.ଏନ୍‌.ଏ.): ମାଲକାନଗିରି ଜିଲା ମାଥିଲି ବ୍ଲକ ଅଧୀନ ତୁଳସୀ ପାହାଡ଼ରେ ଶନିବାର ମାଓବାଦୀ ଶିବିର ଉପରେ ଚଢ଼ାଉ କରିଛି ଡିଭିଏଫ୍‌। ଚଢ଼ାଉ ବେଳେ ମାଓବାଦୀ ଓ ନିରାପତ୍ତା ବାହିନୀ ମଧ୍ୟରେ ହୋଇଥିବା ଗୁଳି ବିନିମୟରେ ଲାଲବାହିନୀର ଜଣେ କ୍ୟାଡର ନେତା ନିହତ ହୋଇଥିବା ସୂଚନା ମିଳିଛି।

ନିଆରା ପ୍ରଥା: ରାସ୍ତା ବନ୍ଦକରି ‘ଇନାମ ପାଜର’ ମାଗନ୍ତି ମହିଳା

ନିଆରା ପ୍ରଥା: ରାସ୍ତା ବନ୍ଦକରି ‘ଇନାମ ପାଜର’ ମାଗନ୍ତି ମହିଳା

ଗୋବିନ୍ଦପାଲି,୨୪ା୩: ମାଲକାନଗିରି ଜିଲାରେ ଆରମ୍ଭ ହୋଇଛି ଚଇତି ପରବ। ଖଇରପୁଟ ବ୍ଲକ ଗୋବିନ୍ଦପାଲି ଗ୍ରାମରେ ଏହି ଉପଲକ୍ଷେ ‘ଇନାମ ପାଜର’ ନାମରେ ଏକ ସ୍ବତନ୍ତ୍ର ପ୍ରଥା ରହିଛି। ଗ୍ରାମର ମହିଳା, ଯୁବତୀ ଓ ଛୋଟ ପିଲାମାନେ ମାଲକାନଗିରି-ବାଲିମେଳା ଓ ଜୟପୁରକୁ ସଂଯୋଗ କରୁଥିବା ଗୋବିନ୍ଦପାଲିର ମୁଖ୍ୟରାସ୍ତାର ଦୁଇପାଖରେ ଠିଆହୋଇ ଗାଡ଼ି ଚାଳକଙ୍କଠାରୁ ଟଙ୍କା ଆଦାୟ କରିଥାନ୍ତି।

ଅଣପଞ୍ଜୀକୃତ ଛାତ୍ରାବାସରୁ ୩୬ ଶିଶୁ ଉଦ୍ଧାର

ପାରଳାଖେମୁଣ୍ଡି, ୨୩।୩(ସ୍ବ.ପ୍ର.)- ଗଜପତି ଜିଲା ଶିଶୁ କଲ୍ୟାଣ ସମିତି ପକ୍ଷରୁ ରାୟଗଡ ବ୍ଲକ ଅଧୀନ କୁମୁଳସିଂ ପଞ୍ଚୟତର ପଦାସାହି ଗାଁସ୍ଥିତ ଏକ ଅଣପଞ୍ଜୀକୃତ ଛାତ୍ରାବାସରୁ ଶୁକ୍ରବାର ୩୬ଜଣ ଶିଶୁଙ୍କୁ ଉଦ୍ଧାର କରାଯାଇଛି । ଏମାନଙ୍କ ମଧ୍ୟରୁ କିଛି ଶିଶୁଙ୍କୁ ସେମାନଙ୍କ ଅଭିଭାବକଙ୍କୁ ହସ୍ତାନ୍ତର କରାଯାଇଥିବା ବେଳେ ପରିବାରର ଆର୍ଥତ୍କ ଅବସ୍ଥା ଖରାପ ଥିବା ଶିଶୁଙ୍କୁ ଜିଲା ଶିଶୁ କଲ୍ୟାଣ ସମିତି ପକ୍ଷରୁ ଥଇଥାନ କରାଯିବ ବୋଲି ସମିତିର ଅଧ୍ୟକ୍ଷ ବିନୋଦ ଚନ୍ଦ୍ର ଜେନା କହିଛନ୍ତି ।

ଦେହରେ ନିଆଁ ଲଗାଇ ଯୁବକଙ୍କ ଆତ୍ମହତ୍ୟା

ଦେହରେ ନିଆଁ ଲଗାଇ ଯୁବକଙ୍କ ଆତ୍ମହତ୍ୟା

କାଶୀନଗର, ୨୩।୩(ଡି.ଏନ.ଏ)- ଗଜପତି ଜିଲା କାଶୀନଗର ବ୍ଲକ ହାଡୁବାଙ୍ଗି ଗ୍ରାମର ଜଣେ ଯୁବକ ଶୁକ୍ରବାର ଦେହରେ ନିଆଁ ଲଗାଇ ଆତ୍ମହତ୍ୟା କରିଛନ୍ତି। ତାଙ୍କ ନାମ ଗଣପତି ବେହେରା(୨୭)। ସେ ବିବାହିତ ଓ ତାଙ୍କର ଦୁଇଟି ସନ୍ତାନ ରହିଛନ୍ତି। ବିକୃତ ମସ୍ତିଷ୍କ କାରଣରୁ ଗଣପତି ଏଭଳି କାଣ୍ଡ କରିଥିବା କୁହାଯାଉଛି।

ଜାମିନ ଖାରଜ ପରେ ଜେଲ୍‌ ହାଜତ ଗଲେ ଠିକାଦାର

ଜୟପୁର,୨୩।୩ (ଡି.ଏନ୍‌.ଏ.): ମିଳିତ ଠିକାଦାର ସଂଘର ଅବିଭକ୍ତ କୋରାପୁଟ ଜିଲା ସଭାପତି କାଳୀପ୍ରସାଦ ମିଶ୍ରଙ୍କୁ ଗିରଫ କରିବା ପାଇଁ ବାହାର ରାଜ୍ୟର ଏକ ଠିକାସଂସ୍ଥା ପ୍ରଶାସନ ଓ ପୋଲିସ ଉପରେ ଚାପ ସୃଷ୍ଟି କରୁଛି। ଏଭଳି ଅଭିଯୋଗ କରିଛନ୍ତି ସଂଘ ସଂପାଦକ ସୁବାସ ପାଢ଼ୀ। ଠିକାଦାର ମିଶ୍ରଙ୍କ ଜାମିନ ଆବେଦନ ଶୁକ୍ରବାର ଏସ୍‌ଡିଜେଏମ କୋର୍ଟରେ ଖାରଜ ହେବା ପରେ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି

ଗ୍ୟାସ୍‌ ସିଲିଣ୍ଡର ମରାମତି ବେଳେ ଅଘଟଣ: ନିଆଁ ଲାଗି ୪ ଆହତ

ଗ୍ୟାସ୍‌ ସିଲିଣ୍ଡର ମରାମତି ବେଳେ ଅଘଟଣ: ନିଆଁ ଲାଗି ୪ ଆହତ

କୋରାପୁଟ,୨୩।୩(ସ୍ବ.ପ୍ର.): କୋରାପୁଟ ସହରର ପୂଜାରୀପୁଟ ଅଞ୍ଚଳରେ ଶୁକ୍ରବାର ଜଣଙ୍କ ଘରେ ଗ୍ୟାସ ସିଲିଣ୍ଡର ମରାମତି କରୁଥିବା ବେଳେ ନିଅଁ। ଲାଗି ମେକାନିକ ସହ ୪ ଜଣ ଆହତ ହୋଇଛନ୍ତି। ସେମାନଙ୍କୁ କୋରାପୁଟ ମେଡିକାଲରେ ଭର୍ତ୍ତି କରାଯାଇଛି।

ଜୟପୁର ମେଡିକାଲରେ ଅବ୍ୟବସ୍ଥା ଦେଖି ବିଗିଡ଼ିଲେ ଜିଲାପାଳ

ଜୟପୁର ମେଡିକାଲରେ ଅବ୍ୟବସ୍ଥା ଦେଖି ବିଗିଡ଼ିଲେ ଜିଲାପାଳ

ଜୟପୁର,୨୩।୩(ଡି.ଏନ୍‌.ଏ.): ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଶୁକ୍ରବାର ଜୟପୁର ଉପଖଣ୍ଡ ଚିକିତ୍ସାଳୟ ଗସ୍ତକରିବା ବେଳେ ସେଠାରେ ବିଭିନ୍ନ ଅବ୍ୟବସ୍ଥା ଦେଖି କ୍ଷୁବ୍ଧ ହୋଇଛନ୍ତି। ଡାକ୍ତର ବିଳମ୍ବରେ ଆସିବା, ପରିମଳ ଓ ଅନ୍ୟ ଅବ୍ୟବସ୍ଥା ତାଙ୍କୁ ଅସନ୍ତୁଷ୍ଟ କରିଛି। ପୂର୍ବାହ୍ନ ସାଢ଼େ ୧୦ଟାରେ ଜିଲାପାଳ ଚକ୍ରବର୍ତ୍ତୀ ଉପଖଣ୍ଡ ଚିକିତ୍ସାଳୟରେ ହଠାତ୍‌ ପହଞ୍ଚତ୍ଥିଲେ ।

୪ ନାବାଳକ ଉଦ୍ଧାର

୪ ନାବାଳକ ଉଦ୍ଧାର

ମାଲକାନଗିରି, ୨୩।୩(ଡି.ଏନ୍‌.ଏ.): କାଲିମେଳା ଗ୍ରାମ ପଞ୍ଚାୟତରୁ ୪ଜଣ ନାବାଳକଙ୍କୁ ଶୁକ୍ରବାର କାଲିମେଳା ଚାଇଲ୍ଡ ଲାଇନ୍‌ ଉଦ୍ଧାର କରିଛି।

କୋଣ୍ଡାଗାଁରୁ ୭ଶହ କେଜି ଗଞ୍ଜେଇ ଜବତ, ୨ ଗିରଫ

କୋଣ୍ଡାଗାଁରୁ ୭ଶହ କେଜି ଗଞ୍ଜେଇ ଜବତ, ୨ ଗିରଫ

ମାଲକାନଗିରି, ୨୩।୩(ଡି.ଏନ୍‌.ଏ.): ମାଲକାନଗିରି ସୀମାନ୍ତ ଛତିଶଗଡ କୋଣ୍ଡାଗାଁରୁ ପୋଲିସ ଶୁକ୍ରବାର ୭ଶହ କିଗ୍ରା ଗଞ୍ଜେଇ ଜବତ କରିଛି। ଏଥିସହ ଘଟଣାରେ ସମ୍ପୃକ୍ତ ୨ଜଣଙ୍କୁ ଗିରଫ କରିଛି।

ଟ୍ରକ୍‌-କାର ମୁହାଁମୁହିଁ: ୧ ମୃତ, ୫ ଗୁରୁତର

ଟ୍ରକ୍‌-କାର ମୁହାଁମୁହିଁ: ୧ ମୃତ, ୫ ଗୁରୁତର

ସେମିଳିଗୁଡ଼ା,୨୩।୩(ସ୍ବ.ପ୍ର.): କୋରାପୁଟ ଜିଲା ସେମିଳିଗୁଡା ବ୍ଲକ ଦଳେଇଗୁଡା ପଞ୍ଚାୟତ ମାଳିଡୋଳି ଆମ୍ବ ବ୍ରିଜ୍‌ ନିକଟରେ ଶୁକ୍ରବାର ଟ୍ରକ ଓ କାର ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ୬ ଆହତ ହୋଇଛନ୍ତି। ମୃତକ ହେଲେ ଶ୍ରୀଲତା(୫୨)।

କେ. ସୀତାପୁର ଗୁଳିକାଣ୍ଡର ପର୍ଦ୍ଦାଫାଶ: ପ୍ରତିଶୋଧ ନେବାକୁ ଯୋଜନା ରଚିଥିଲେ ପ୍ରତିପକ୍ଷ

ପାରଳାଖେମୁଣ୍ଡି/କାଶୀନଗର, ୨୨।୩(ସ୍ବ.ପ୍ର./ଡି.ଏନ.ଏ)- ଗଜପତି ଜିଲା କାଶୀନଗର ଥାନା ଅଧୀନ କେ.ସୀତାପୁର ଛକରେ ଗତ ୪ ତାରିଖରେ ଘଟିଥିବା ଗୁଳିକାଣ୍ଡର ପର୍ଦ୍ଦାଫାଶ କରିଛି ପୋଲିସ। ପୂର୍ବ ଶତ୍ରୁତାକୁ କେନ୍ଦ୍ରକରି ହୋଇଥିବା ହତ୍ୟାର ପ୍ରତିଶୋଧ ନେବାକୁ ପ୍ରତିପକ୍ଷ ଗୋଷ୍ଠୀ ଯୋଜନା ରଚି ଏହି କାଣ୍ଡ ଭିଆଇଥିବା ତଦନ୍ତରୁ ଜଣାପଡ଼ିଛି। ଉକ୍ତ ମାମଲାରେ ୬ଜଣଙ୍କୁ ଗିରଫ କରାଯାଇଛି। ସେମାନେ ହେଲେ ଆନ୍ଧ୍ରପ୍ରଦେଶର ସୁପାରିକିଲର ବି.ଅଶୋକ କୁମାର, ପାଲକା ସୋମାୟା, ମଧ୍ୟସ୍ଥ ନୀଳକଣ୍ଠ ଗୌଡ, ସୁବାସ ଗୌଡ, ବ୍ରହ୍ମଜ୍ଞାନୀ ଗୌଡ ଓ ପତିତପାବନ ଗୌଡ। ଏମାନଙ୍କ ନିକଟରୁ ୩ଟି ବନ୍ଧୁକ, ୬ଟି ମୋବାଇଲ ଫୋନ ଓ ନଗଦ ୭୦ହଜାର ଟଙ୍କା ଜବତ ହୋଇଛି ା ଗୁରୁବାର ପାରଳାଖେମୁଣ୍ଡି ଥାନା ପରିସରରେ ଆୟୋଜିତ ଖବରଦାତା ସମ୍ମିଳନୀରେ ଏସ୍‌ଡିପିଓ ଠାକୁର ପ୍ରସାଦ ପାତ୍ର ଏହି ସୂଚନା ଦେଇଛନ୍ତି।