ରାୟଗଡା

୮୬୫ କେଜି ଗଞ୍ଜେଇ ଜବତ: ଏପିଆର କନଷ୍ଟେବଳ ସମେତ ୨  ଗିରଫ

୮୬୫ କେଜି ଗଞ୍ଜେଇ ଜବତ: ଏପିଆର କନଷ୍ଟେବଳ ସମେତ ୨ ଗିରଫ

କୋରାପୁଟ,୧୩।୭(ସ୍ବ.ପ୍ର)- ଶୁକ୍ରବାର ଅପରାହ୍ନରେ କୋରାପୁଟ ଜିଲା ଲକ୍ଷ୍ମୀପୁର ଥାନା ପୋଲିସ ଦ୍ୱାରା ଏକ ଗଞ୍ଜେଇ ଭର୍ତ୍ତୀ ଟ୍ରକ ଜବତ କରାଯାଇଛି। ସେଥିରୁ ୮ କୁଇଣ୍ଟାଲ ୬୫ କେଜି ଗଞ୍ଜେଇ ଜବତ କରାଯାଇଛ। ଏଥିରେ ସଂପୃକ୍ତ ଜଣେ ଏପିଆର କନେଷ୍ଟବଳ ସମେତ ୨ ଜଣ ଗିରଫ ହୋଇଛନ୍ତି। ସେମାନେ ହେଲେ ଏପିଆର କନଷ୍ଟେବଳ ଭାବେ କାଯର୍‌ୟରତ ଭଗବାନ ଖୀଲ (୩୦) ଓ ଗାଡି ଡ୍ରାଇଭର ଉତ୍ତରପ୍ରଦେଶର ଓରାସି ଜିଲାର ରୁଷତମପୁର ଅଞ୍ଚଂଳର ଦିଲୀପ ରାଇଘରି (୩୫) ।

ବିଲ୍ଡ କାଗଜକଳ କର୍ତ୍ତୃପକ୍ଷଙ୍କ ଚରମପତ୍ରକୁ ବିରୋଧ

କାର୍ଯ୍ୟ ବନ୍ଦ କଲେ ଶ୍ରମିକ, କର୍ମଚାରୀ ଜୟପୁର, ୧୩।୭(ଡି.ଏନ.ଏ )- କୋରାପୁଟ ଜିଲା ଜୟପୁର ନିକଟସ୍ଥ ଗାଗନାପୁରସ୍ଥିତ ବିଲ୍‌ଟ କାଗଜକଳ କର୍ତ୍ତୃପକ୍ଷଙ୍କ ପକ୍ଷରୁ ମିଲର ଉପତ୍ାଦନ ବନ୍ଦ କରିବା ନେଇ ଚରମପତ୍ର ଗୁରବାର ବିଜ୍ଞପ୍ତି ମାଧ୍ୟମରେ କାରଖାନା ମୁଖ୍ୟଫାଟକ ନିକଟରେ ଟଙ୍ଗାଯାଇଥିଲା । ଏଥିସହିତ ଶ୍ରମିକ ଓ କର୍ମଚାରୀ ସଂଘ, ଜିଲାପାଳ, ଏସ.ପି, ବିଧାୟକ, ପୂର୍ବତନ ମନ୍ତ୍ରୀ, ଉପଶ୍ରମ କମିଶନର ଏବଂ ଅନ୍ୟାନ୍ୟ ଅଧିକାରୀଙ୍କୁ ଲିଖିତ ଭାବେ ପ୍ରେରଣ କରାଯାଇଛି । ତେଣୁ ପରିଚାଳନା କର୍ତ୍ତୃପକ୍ଷଙ୍କ ସହାୟତା କରା ନ ଗଲେ କାରଖାନାର ଉପତ୍ାଦନ ବନ୍ଦ କରାଯିବ ବୋଲି ଚରମପତ୍ର ମାଧ୍ୟମରେ ଚେତାବନୀ ଦିଆଯାଇଛି । ଏହାକୁ ନେଇ ଶ୍ରମିକ ଏବଂ କର୍ମଚାରୀମାନଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା ।

୧୩ ତାରିଖ ସୁଦ୍ଧା ଜିଲାରେ ୨୩୮୫.୬୬ ମିମି ବର୍ଷା

୧୩ ତାରିଖ ସୁଦ୍ଧା ଜିଲାରେ ୨୩୮୫.୬୬ ମିମି ବର୍ଷା

କୋରାପୁଟ,୧୩।୭(ସ୍ବ.ପ୍ର)-ଚଳିତ ମାସ ୧୩ ତାରିଖ ସୁଦ୍ଧା କୋରାପୁଟ ଜିଲାରେ ୨୩୮୫.୬୬ ମିଲିମିଟର ବର୍ଷା ହୋଇଥିବା ରେକର୍ଡ କରାଯାଇଛି। ସେଥିରୁ ଜିଲାର ଲମତାପୁଟ ବ୍ଲକରେ ସର୍ବାଧିକ ୩୧୪.୩ ମିମି ବର୍ଷା ଓ ବନ୍ଧୁଗାଁ ବ୍ଲକରେ ସର୍ବନିମ୍ନ ୩୫.୭ ମିମି ବର୍ଷା ହୋଇଥିବା ଜିଲା ଜରୁରୀ ବିଭାଗ ପକ୍ଷରୁ ଜଣାଯାଇଛି । ସେହିପରି ଏହି ସମୟସୀମା ମଧ୍ୟରେ ଜିଲାର ବୈପାରୀଗୁଡା ବ୍ଲକରେ ୨୯୪ ମିମି ବର୍ଷା ହୋଇଥିବାବେଳେ ନନ୍ଦପୁର ବ୍ଲକରେ ୨୬୩.୬ ମିମି, ସେମିଳିଗୁଡା ବ୍ଲକରେ ୨୪୦ ମିମି, ଜୟପୁରରେ ୨୨୨.୫ ମିମି, କୋଟପାଡରେ ୨୧୨.୬ ମିମି, କୁନ୍ଦ୍ରାରେ ୧୭୭.୬ ମିମି, ଦଶମନ୍ତପୁରରେ ୧୭୫.୬ ମିମି ବର୍ଷା ହୋଇଛି ।

ଛାତ୍ରୀଛାତ୍ରଙ୍କୁ ଚଷମା ବଣ୍ଟନ

ଛାତ୍ରୀଛାତ୍ରଙ୍କୁ ଚଷମା ବଣ୍ଟନ

ଡାବୁଗାଁ,୧୩।୭,(ଡ଼ି.ଏନ.ଏ)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦର ମହକୁମାସ୍ଥିତ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟ।ଳୟ ପରିସରରେ ସ୍ବଳ୍ପଦୃଷ୍ଟି ବାଧିତ ଛାତ୍ରୀଛାତ୍ରମାନଙ୍କୁ ଚଷମା ବଣ୍ଟନ କାର୍ଯ୍ୟକ୍ରମ ଶୁକ୍ରବାର ଅନୁଷ୍ଠିତ ହୋଇଯାଇଛି । ଏଥିରେ ଡାବୁଗାଁ ବ୍ଲକ ଅଧ୍ୟକ୍ଷ ବଂଶୀଧର ମାଝି ମୁଖ୍ୟ ଅତିଥି ଭାବେ ଯୋଗ ଦେଇ ଛାତ୍ରୀଛାତ୍ରମାନଙ୍କୁ ଚଷମା ବଣ୍ଟନ କରିଥିଲେ। ବ୍ଲକ ଅଧୀନ ବିଭିନ୍ନ ବିଦ୍ୟାଳୟରୁ ମୋଟ ୩୫ ଜଣ ଛାତ୍ରୀଛାତ୍ର ଙ୍କୁ ଚଷମା ପ୍ରଦାନ କରାଯାଇଛି ।

ବୃକ୍ଷରୋପଣ କାର୍ଯ୍ୟକ୍ରମ

ବୃକ୍ଷରୋପଣ କାର୍ଯ୍ୟକ୍ରମ

ସେମିଳିଗୁଡ଼ା,୧୩।୭(ସ୍ବ.ପ୍ର)-କୋରାପୁଟ ଜିଲା ନନ୍ଦପୁର ବାଲ୍‌ଡ଼ା ରେଞ୍ଚର ଇତାବାରି ଗ୍ରାମରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବାଲଡ଼ା ରେଞ୍ଜର ଆନନ୍ଦ କ୍ରିସାଣିଙ୍କ ନେତୃତ୍ୱରେ ଗୋଟିଏ ଦିନରେ ୧୦ ହଜାର ଚାରା ରୋପଣ କରାଯାଇଥିଲା । ଏଥିରେ ସ୍ଥାନୀୟ ସରପଞ୍ଚ, ଶିକ୍ଷକଶିକ୍ଷୟିତ୍ରୀ ଛାତ୍ରୀଛାତ୍ର ଉପସ୍ଥିତ ଥିଲେ ।

ଚାଷୀମାନଙ୍କୁ ସୁବିଧା ଯୋଗାଇବା ନେଇ ଆଲୋଚନା

ଚାଷୀମାନଙ୍କୁ ସୁବିଧା ଯୋଗାଇବା ନେଇ ଆଲୋଚନା

କଲ୍ୟାଣସିଂହପୁର,୧୩।୭(ଡ଼ି.ଏନ.ଏ)-ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ବୁଡ଼ାଗୁଡ଼ା ପଞ୍ଚାୟତର ଆରଏମସି ଗୃହ ପରିସରରେ ସମବାୟ ବିଭାଗ ତରଫରୁ ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଚାଷୀମାନଙ୍କ ବିଭିନ୍ନ ସୁବିଧା ଯୋଗାଇବା ସହ ଋଣ, ବିହନ, ଚାଷୀବିମା, ବୋନସ, ସରକାରଙ୍କ ବିଭିନ୍ନ ଯୋଜନାରେ ଚାଷୀମାନଙ୍କୁ ସାମିଲ କରିବା ନେଇ ଆଲୋଚନା ହୋଇଥିଲା ।

ବୃଦ୍ଧାଶ୍ରମରେ ପୋଷାକ ବଣ୍ଟନ

ବୃଦ୍ଧାଶ୍ରମରେ ପୋଷାକ ବଣ୍ଟନ

ମାଲକାନଗିରି,୧୩।୭(ସ୍ବ.ପ୍ର) ମାଲକାନଗିରି ଜିଲା ସଦର ମହକୁମାସ୍ଥିତ ସେତୁ ବୃଦ୍ଧାଶ୍ରମରେ ଅନ୍ତେବାସୀଙ୍କୁ ପୋଷାକ,ଖାଦ୍ୟ, ମିଷ୍ଠାନ ବଣ୍ଟନ କରାଯାଇଛି। ବୃଦ୍ଧାଶ୍ରମ ସମ୍ପାଦକ ବିପଦ ଭଞ୍ଜନ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସଭାରେ ମୁଖ୍ୟ ଅତିଥିଭାବେ ଜିଲା ସମାଜିକ ସୁରକ୍ଷା ଅଧିକାରୀ ରାଧମଣୀ ଦଳାଇ, ସମ୍ମାନିତ ଅତିଥିଭାବେ ପଦ୍ମ ରଞ୍ଜନ ଦାଶ ଉପସ୍ଥିତ ଥିଲେ। ଅତିଥିମାନେ ୪୦ଜଣ ଅନ୍ତେବାସୀଙ୍କ ସୁବିଧା ଅସୁବିଧା କଥା ପଚାରି ବୁଝିଥିଲେ। କାର୍ଯ୍ୟକ୍ରମକୁ ବୃଦ୍ଧାଶ୍ରମର ପ୍ରତିମା ମହାପାତ୍ର, ସଙ୍ଗୀତା ବାଘ ପରିଚାଳନା କରିଥିଲେ।

ମାଗଣା ଇ-ରିକସା ସେବା ଆରମ୍ଭ

ମାଗଣା ଇ-ରିକସା ସେବା ଆରମ୍ଭ

କୋରାପୁଟ,୧୩।୭(ସ୍ବ.ପ୍ର.) ବରିଷ୍ଠ ନାଗରିକଙ୍କ ପାଇଁ ଖୁସି ଖବର। କୋରାପୁଟ ଜିଲା ପୋଲିସ ପକ୍ଷରୁ କେ.ବି.କେ ଜିଲାରେ ବରିଷ୍ଠ ନାଗରିକଙ୍କ ପାଇଁ ନିଶୁଳ୍କ ଇ-ରିକସା ସେବା ଆରମ୍ଭ ହୋଇଛି। ସ୍ଥାନୀୟ ଡିଆରଡିଏ ସଦ୍‌ଭାବନା ସଭାଗୃହରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କୋରାପୁଟ ଏମ୍‌ପି ଝିନ ହିକକା ଯୋଗଦେଇ ଅଟୋ ଚଳାଇ ଏହି ସେବାକୁ ଉଦ୍‌ଘାଟନ କରିଛନ୍ତି। ଏହି ସେବା ଦ୍ୱାରା ବରିଷ୍ଠ ନାଗରିକମାନେ ସହରର ଷ୍ଟେସନ, ଜିଲାପାଳଙ୍କ କାର୍ଯ୍ୟାଳୟ, ବ୍ୟାଙ୍କ, ବସଷ୍ଟାଣ୍ଡ ସମେତ ବିଭିନ୍ନ କାର୍ଯ୍ୟାଳୟକୁ ସହଜରେ ଯାଇପାରିବେ। ଏହି ସେବାରେ ଏବେ ୨ଟି ଅଟୋ ଲାଗିଛି। ସାମିଲ କରାଯାଇଛି। ଆଗକୁ ସହରରେ ଆହୁରି ଅଧିକ ଇ-ରିକସା ବ୍ୟବସ୍ଥା କରାଯିବ ଏବଂ ଭିନ୍ନକ୍ଷମମାନେ ମଧ୍ୟ ଏହି ସେବାର ସୁଫଳ ପାଇପାରିବେ ବୋଲି ଏମ୍‌ପି ହିକକା ସୂଚନା ଦେଇଛନ୍ତି।

ଗାୟତ୍ରୀ ଦେବୀ ଜିଲା ଶିଶୁ କଲ୍ୟାଣ କମିଟି ଅଧ୍ୟକ୍ଷା

ଗାୟତ୍ରୀ ଦେବୀ ଜିଲା ଶିଶୁ କଲ୍ୟାଣ କମିଟି ଅଧ୍ୟକ୍ଷା

ଜୟପୁର,୧୩।୭(ଡି.ଏନ୍‌.ଏ.): କୋରାପୁଟ ଜିଲା ଶିଶୁ କଲ୍ୟାଣର ନୂତନ କମିଟି ଗଠନ କରାଯାଇଛି । ଏନେଇ ରାଜ୍ୟ ମହିଳା ଓ ଶିଶୁ ବିକାଶ ବିଭାଗ ଏବଂ ମିଶନ ଶକ୍ତି ପକ୍ଷରୁ ବିଜ୍ଞପ୍ତି ପ୍ରକାଶ ପାଇଥିଲା। ସେହି କ୍ରମରେ ଜିଲା କମିଟିର ଅଧ୍ୟକ୍ଷା ଭାବେ ଜୟପୁର ଏସ୍‌ଡିଜେଏମ କୋର୍ଟର ଆଇନଜୀବୀ ଡ. ବି. ଗାୟତ୍ରୀ ଦେବୀଙ୍କୁ ନିଯୁକ୍ତି ଦିଆଯାଇଛି ।

ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲା ରାଜସ୍ବ ଅମଲାସଂଘ

କୋରାପୁଟ,୧୩।୭(ସ୍ବ.ପ୍ର.): ରାଜସ୍ବ ଅମଲା ସଂଘର ଦୀର୍ଘ ଦିନର ଦାବି କ୍ୟାଡର ପୁନର୍ଗଠନ ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଥିବାରୁ ସଂଘର ଜିଲା ଶାଖା ପକ୍ଷରୁ ତାଙ୍କୁ କୃତଜ୍ଞତା ଜ୍ଞାପନ କରାଯାଇଛି । କୋରାପୁଟ ଜିଲା ରାଜସ୍ବ ଅମଲା ସଂଘର ସଭାପତି କାହ୍ନୁଚରଣ ନାୟକ, ସଂପାଦକ ନିତ୍ୟାନନ୍ଦ ଭତ୍ରାଙ୍କ ସମେତ ସମସ୍ତ କର୍ମକର୍ତ୍ତା ଦୀର୍ଘ ଦିନ ପରେ ଏହି ଦାବି ନେଇ ମୁଖ୍ୟମନ୍ତ୍ରୀ ଅନୁମୋଦନ ଦେଇଥିବାରୁ ତାଙ୍କୁ ସାଧୁବାଦ ଜଣାଇଛନ୍ତି।

କମ୍ପାନି କର୍ତ୍ତୃପକ୍ଷ ଦେଲେ ଚେତାବନୀ:ସହଯୋଗ କର, ନଚେତ ମିଲ୍‌ ବନ୍ଦ

ଜୟପୁର,୧୩।୭(ନି.ପ୍ର.) ଜୟପୁର ନିକଟସ୍ଥ ବି.ଜି.ପି.ପି.ଏଲ୍‌ (ସେବା)ବିଲ୍ଟ କର୍ମଚାରୀଙ୍କ ଆମରଣ ଅନଶନ ଶୁକ୍ରବାର ୪ର୍ଥ ଦିନରେ ପହଞ୍ଚତ୍ଛି। କମ୍ପାନି କର୍ତ୍ତୃପକ୍ଷ ଆନ୍ଦୋଳନକାରୀଙ୍କ ସହ କିଛି ଆଲୋଚନା ନକରି ନୋଟିସ ଜାରି କରିଛନ୍ତି । ନୋଟିସରେ ଚେତାବନୀ ଦିଆଯାଇଛି ଯେ, କର୍ମଚାରୀମାନେ ସହଯୋଗ କରନ୍ତୁ; ନଚେତ ମିଲ ବନ୍ଦ ହେବ।

ଉତ୍କର୍ଷତା ପାଇଁ ପୁରସ୍କୃତ ହେଲା ‘ପ୍ରଗତି’

ଉତ୍କର୍ଷତା ପାଇଁ ପୁରସ୍କୃତ ହେଲା ‘ପ୍ରଗତି’

କୋରାପୁଟ,୧୩।୭(ସ୍ବ.ପ୍ର.) ପ୍ରଗତି କୋରାପୁଟ ମହିଳା କିଶାନ ଗୋଷ୍ଠୀ ରାଜ୍ୟସ୍ତରରେ ସମ୍ମାନିତ ହୋଇଥିବା ଅନୁଷ୍ଠାନର ସଂପାଦକ ପ୍ରଭାକର ଅଧିକାରୀ ପ୍ରକାଶ କରିଛନ୍ତି। ଭୁବନେଶ୍ୱରସ୍ଥିତ ସ୍ବସ୍ତି ହୋଟେଲରେ ଆୟୋଜିତ ୩୭ତମ ପ୍ରତିଷ୍ଠା ଦିବସ କାର୍ଯ୍ୟକ୍ରମରେ କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ଗ୍ୟାସ ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ କୋରାପୁଟ ବ୍ଲକ ମହାଦେଇପୁଟ ଗ୍ରାମର ମା’ ତାରିଣୀ ସ୍ବୟଂ ସହାୟକ ଗୋଷ୍ଠୀର ସଭାପତି ପାର୍ବତୀ ମାଛ ଓ ସଂପାଦିକା ରାଧିକା ମସ୍ତିଙ୍କୁ ପୁରସ୍କୃତ କରାଯାଇଛି।

କଲମିକରଣ ତାଲିମ ନେଲେ ଯୁବକ

କଲମିକରଣ ତାଲିମ ନେଲେ ଯୁବକ

ଜୟପୁର,୧୩।୭(ନି.ପ୍ର.) ଜୟପୁର ସ୍ଥିତ ଏମ୍‌ଏସ୍‌ ସ୍ବାମୀନାଥନ ଗବେଷଣା ପ୍ରତିଷ୍ଠାନରେ ଆବାସିକ କଲମିକରଣ ତାଲିମ ଶିବିର ଅନୁଷ୍ଠିତ ହୋଇଛି । ୯ରୁ ୧୧ ତାରିଖ ପର୍ଯ୍ୟନ୍ତ ଚାଲିଥିବା ଏହି ଶିବିରକୁ ଭାରପ୍ରାପ୍ତ ନିର୍ଦ୍ଦେଶକ ଡଃ ଏସ୍‌. ମାଲାରବନ, ପ୍ରକଳ୍ପ ସଂଯୋଜକ ପ୍ରଶାନ୍ତ ପରିଡ଼ା ଶୁଭାରମ୍ଭ କରିଥିଲେ। କାର୍ଯ୍ୟକ୍ରମରେ ଆମ୍ବ, ପିଜୁଳି, ଡାଳିମ୍ବ, ଚନ୍ଦନ, ସପେଟା, ଗୋଲାପ, ଗେଣ୍ଡୁର କଲମିିକରଣ କରାଯିବା ପ୍ରକ୍ରିୟା ଓ ଏହାରି ମାଧ୍ୟମରେ ସ୍ବାବଲମ୍ବୀ ହେବା ପାଇଁ ତାଲିମ ଦିଆଯାଇଥିଲା। ଶିବିରରେ କୋରାପୁଟ, ଜୟପୁର, ବୈପାରୀଗୁଡ଼ା ଓ କୁନ୍ଦୁରା ବ୍ଲକରୁ ୨୫ ଜଣ ଯୁବ ପ୍ରଶିକ୍ଷାର୍ଥୀ ତାଲିମ ନେଇଥିଲେ। ଏଥିରେ ପ୍ରଶିକ୍ଷକ ଭାବେ ବୈଷୟିକ ଉଦ୍ୟାନବିତ୍‌ ସୁଦର୍ଶନ ଭଞ୍ଜଦେଓ ଏବଂ ବୈଜ୍ଞାନିକ ଡଃ କାର୍ତ୍ତିକ ଚରଣ ଲେଙ୍କା ପ୍ରଶିକ୍ଷାର୍ଥୀଙ୍କୁ ଉଭୟ ତତ୍ତ୍ୱଭିତ୍ତିକ ଓ ବ୍ୟାବହାରିକ ପ୍ରଣାଳୀର ପ୍ରଶିକ୍ଷଣ ଦେଇଥିଲେ ।

ଛାତ୍ରୀଛାତ୍ର ନିୟନ୍ତ୍ରଣ କରିବେ ଟ୍ରାଫିକ

କୋରାପୁଟ,୧୩।୭(ଡି.ଏନ୍‌.ଏ.) କୋରାପୁଟ ଜିଲାରେ ବଢୁଥିବା ଟ୍ରାଫିକ୍‌ ପରିସ୍ଥିତିକୁ ଏଣିକି ନିୟନ୍ତ୍ରଣ କରିବେ କଲେଜ୍‌ ଛାତ୍ରୀଛାତ୍ର। ଦ୍ୱୈତନଗରୀ କଟକ ଓ ଭୁବନେଶ୍ୱରେ ଷ୍ଟୁଡେଣ୍ଟ ଟ୍ରାଫିକ୍‌ ଭଲ୍ୟୁଣ୍ଟିୟର ଯୋଜନା ପୋଲିସ ପାଇଁ ସହାୟକ ହୋଇଛି। ଏବେ କୋରାପୁଟ ଜିଲା ସମେତ ରାଜ୍ୟର ୫ଟି ସ୍ଥାନରେ ଛାତ୍ରୀଛାତ୍ରଙ୍କୁ ଟ୍ରାଫିକ୍‌ ନିୟନ୍ତ୍ରଣ କ୍ଷେତ୍ରରେ ନିୟୋଜିତ କରାଯିବା ପାଇଁ ପୋଲିସ ଡିଜି ଡକ୍ଟର ରାଜେନ୍ଦ୍ର ଶର୍ମା ସୂଚନା ଦେବା ପରେ ସ୍ଥାନୀୟ ଅଞ୍ଚଳରେ ଏହାକୁ ସ୍ବାଗତ କରାଯାଇଛି ।

୨୪ରେ ଜିଲା ଆଇନଜୀବୀ ସଂଘ ନିର୍ବାଚନ

ନବରଙ୍ଗପୁର,୧୩।୭ (ଡି.ଏନ.ଏ)- ନବରଙ୍ଗପୁର ଜିଲା ଆଇନଜୀବୀ ସଂଘ ପକ୍ଷରୁ ନିର୍ବାଚନ ବିଜ୍ଞପ୍ତି ପ୍ରକାଶ ପାଇଛି । ଆସନ୍ତା ୨୪ ତାରିଖରେ ନିର୍ବାଚନ ଅନୁଷ୍ଠିତ ହେବ ା ୧୭ ଓ ୧୮ରେ ମନୋନୟନପତ୍ର ଦାଖଲ, ୧୯ରେ ମନୋନୟନପତ୍ର ଯାଞ୍ଚ, ୨୦ରେ ମନୋନୟନ ପତ୍ର ପ୍ରତ୍ୟାହାର, ୨୧ରେ ଚୁଡାନ୍ତ ପ୍ରାର୍ଥୀ ତାଲିକା ପ୍ରକାଶନ, ୨୪ରେ ନିର୍ବାଚନ ଓ ଭୋଟ ଗଣନା ହେବ । ୨୫ତାରିଖରେ ନିର୍ବାଚନ ଫଳାଫଳ ଘୋଷଣା ଓ ଶପଥପାଠ ଗ୍ରହଣ ରହିଥିବା ସଂଘର ସମ୍ପାଦକ ରାମ ପ୍ରସାଦ ପାତ୍ର ସୂଚନା ଦେଇଛନ୍ତି।

ପରିବେଶ ସୁରକ୍ଷାରେ ବୃକ୍ଷର ରହିଛି ମହତ୍ୱ ଅବଦାନ

ପରିବେଶ ସୁରକ୍ଷାରେ ବୃକ୍ଷର ରହିଛି ମହତ୍ୱ ଅବଦାନ

ଚନ୍ଦାହାଣ୍ଡି,୧୩।୬(ଡି.ଏନ.ଏ)- ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ଦେଓବନ୍ଧ ବନଦୁର୍ଗା ହାଇସ୍କୁଲରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପ୍ରଧାନଶିକ୍ଷକ ରଞ୍ଜନ କୁମାର ନାୟକଙ୍କ ପୌରହିତ୍ୟରେ ଅନୁଷ୍ଠିତ ବୃକ୍ଷରୋପଣ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ କେନ୍ଦୁପତ୍ର ବିଭାଗ ରେଞ୍ଜର ଜଗନ୍ନାଥ ଶତପଥି, ସମ୍ମାନୀତ ଅତିଥି କେନ୍ଦୁପତ୍ର ଫରେଷ୍ଟର ସଂଜିତ କୁମାର ଯୋଶୀ ଯୋଗ ଦେଇ ବିଦ୍ୟାଳୟ ପରିସରରେ ଔଷଧୀୟ ବୃକ୍ଷ ରୋପଣ କରିଥିଲେ।

ବାଳିକା ଉଚ୍ଚ ବିଦ୍ୟାଳୟରେ ଚାରାରୋପଣ

ବାଳିକା ଉଚ୍ଚ ବିଦ୍ୟାଳୟରେ ଚାରାରୋପଣ

ଡାବୁଗାଁ,୧୩॥୭ (ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଜିଲା ଅନୁସୂଚିତ ଜାତି ଓ ଜନଜାତି ବିଭାଗ ଦ୍ୱାରା ପରିଚାଳିତ ଡାବୁଗାଁ ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ଛାତ୍ରୀମାନଙ୍କ ଦ୍ୱାରା ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଗଙ୍ଗଶିଉଳି, ନିମ୍ବ, ଚମ୍ପା, ଜାମୁକୋଳି , ପିଜୁଳି , ଆତ, ଦେବଦାରୁ, ଅମୃତଭଣ୍ଡା ଚାରା ରୋପଣ କରାଯାଇଥିଲା। ମୋଟ ୨୦୦ ବୃକ୍ଷ ରୋପଣ କରଯାଇଥିଲା ।

ବୁଥ ସ୍ତରୀୟ ଅଧିକାରୀଙ୍କ ବୈଠକ

ଡାବୁଗାଁ,୧୩।୭ (ଡି.ଏନ.ଏ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷ ଠାରେ ବୁଥ ସ୍ତରୀୟ ଅଧିକାରୀମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ବୁଥସ୍ତରୀୟ ଅଧିକାରୀମାନେ ପ୍ରତ୍ୟେକ ଘରକୁ ଘର ବୁଲି ତଥ୍ୟ ସଂଗ୍ରହ କରି ୬ନଂ, ୭ନଂ ଓ ୮ନଂ ଫର୍ମ ପୂରଣ କରିବେ । ଅଧିକାରୀମାନେ ଭୋଟର ତାଲିକାରେ ନୂତନ ଭୋଟରଙ୍କ ନାମ ପଞ୍ଜୀକରଣ, ମୃତ ବ୍ୟକ୍ତିର ନାମ ବାଦ ଦେବା, ଯେଉଁ ବ୍ୟକ୍ତି ଗ୍ରାମରୁ ଅନ୍ୟ ଗ୍ରାମକୁ ସ୍ଥାନାନ୍ତରଣ ହୋଇଛନ୍ତି ତାଙ୍କ ନାମ ତାଲିକାରୁ ବାଦ ଦେବା ଓ ଭୋଟର ତାଲିକାରେ ତ୍ରୁଟି ଥିଲେ ତାହା ସଂଶୋଧନ କରାଯିବା କାର୍ଯ୍ୟର ଅଗ୍ରଗତି ଉପରେ ଆଲୋଚନା ହୋଇଥିଲା ।

ଅଙ୍ଗନଓ୍ବାଡି କେନ୍ଦ୍ରରେ ତାଲା: ବାରଣ୍ଡାରେ ପିଲାଙ୍କୁ ଦିଆଯାଉଛି ପ୍ରାକ ଶିକ୍ଷା

ଅଙ୍ଗନଓ୍ବାଡି କେନ୍ଦ୍ରରେ ତାଲା: ବାରଣ୍ଡାରେ ପିଲାଙ୍କୁ ଦିଆଯାଉଛି ପ୍ରାକ ଶିକ୍ଷା

ନନ୍ଦାହାଣ୍ଡି,୧୩।୭(ଡି.ଏନ.ଏ.)-ନବରଙ୍ଗପୁର ଜିଲା ନନ୍ଦାହାଣ୍ଡି ବ୍ଲକ ସିନ୍ଧିଗୁଡା ପଞ୍ଚାୟତସ୍ଥିତ ସିନ୍ଧିଗୁଡା- ତୁରୁଞ୍ଜିଆଗୁଡା ଅଙ୍ଗନଓ୍ବାଡି କେନ୍ଦ୍ର ଦୀର୍ଘ ୫ ବର୍ଷ ହେଲା ବିପଦସଙ୍କୁଳ ଅବସ୍ଥାରେ ରହିଛି। ବିପଦପୂର୍ଣ୍ଣ ଗୃହ ଯୋଗୁ ପ୍ରଶାସନ ଏହି କେନ୍ଦ୍ରରେ ତାଲା ପକାଇ ଦାୟିତ୍ୱ ସାରି ଦେଇଛନ୍ତି। ବର୍ତ୍ତମାନ ପିଲାମାନେ ବିପଦ ସଙ୍କୁଳ ଗୃହର ବାରଣ୍ଡାରେ ବସି ପାଠ ପଢୁଛନ୍ତି। ଫଳରେ କେତେବେଳେ ଦୁର୍ଘଟଣା ଘଟିବାର ଆଶଙ୍କା ରହୁଛି। ଏହି କେନ୍ଦ୍ରରୁ ମୋଟ ୫୩ ଜଣ ସେବା ପାଉଛନ୍ତି। ସେମାନଙ୍କ ମଧ୍ୟରେ ୨୬ ଜଣ ପ୍ରିସ୍କୁଲରେ ପଢ଼ୁଥିବା ଛାତ୍ରୀଛାତ୍ର, ୭ ମାସରୁ ୩ ବର୍ଷ ମଧ୍ୟରେ ୧୮ ଶିଶୁ , ୩ ଗର୍ଭବତୀ, ୬ ଜଣ ପ୍ରସୂତି ରହିଛନ୍ତି।

ଅଙ୍ଗନଓ୍ବାଡି କେନ୍ଦ୍ରରେ ତାଲା: ବାରଣ୍ଡାରେ ପିଲାଙ୍କୁ ଦିଆଯାଉଛି ପ୍ରାକ ଶିକ୍ଷା

ନନ୍ଦାହାଣ୍ଡି,୧୩।୭(ଡି.ଏନ.ଏ.)-ନବରଙ୍ଗପୁର ଜିଲା ନନ୍ଦାହାଣ୍ଡି ବ୍ଲକ ସିନ୍ଧିଗୁଡା ପଞ୍ଚାୟତସ୍ଥିତ ସିନ୍ଧିଗୁଡା- ତୁରୁଞ୍ଜିଆଗୁଡା ଅଙ୍ଗନଓ୍ବାଡି କେନ୍ଦ୍ର ଦୀର୍ଘ ୫ ବର୍ଷ ହେଲା ବିପଦସଙ୍କୁଳ ଅବସ୍ଥାରେ ରହିଛି। ବିପଦପୂର୍ଣ୍ଣ ଗୃହ ଯୋଗୁ ପ୍ରଶାସନ ଏହି କେନ୍ଦ୍ରରେ ତାଲା ପକାଇ ଦାୟିତ୍ୱ ସାରି ଦେଇଛନ୍ତି। ବର୍ତ୍ତମାନ ପିଲାମାନେ ବିପଦ ସଙ୍କୁଳ ଗୃହର ବାରଣ୍ଡାରେ ବସି ପାଠ ପଢୁଛନ୍ତି। ଫଳରେ କେତେବେଳେ ଦୁର୍ଘଟଣା ଘଟିବାର ଆଶଙ୍କା ରହୁଛି। ଏହି କେନ୍ଦ୍ରରୁ ମୋଟ ୫୩ ଜଣ ସେବା ପାଉଛନ୍ତି। ସେମାନଙ୍କ ମଧ୍ୟରେ ୨୬ ଜଣ ପ୍ରିସ୍କୁଲରେ ପଢ଼ୁଥିବା ଛାତ୍ରୀଛାତ୍ର, ୭ ମାସରୁ ୩ ବର୍ଷ ମଧ୍ୟରେ ୧୮ ଶିଶୁ , ୩ ଗର୍ଭବତୀ, ୬ ଜଣ ପ୍ରସୂତି ରହିଛନ୍ତି।

୩୩ ହିତାଧିକାରୀଙ୍କୁ ଗ୍ୟାସ ବଣ୍ଟନ

୩୩ ହିତାଧିକାରୀଙ୍କୁ ଗ୍ୟାସ ବଣ୍ଟନ

ବାଲିମେଳା, ୧୩।୭(ଡି.ଏନ୍‌.ଏ.)- ମାଲକାନଗିରି ଜିଲା କୁଡୁମୁଲୁଗୁମ୍ମା ବ୍ଲକ ପାଇକନ୍‌ମାଲା ପଞ୍ଚାୟତ ସଦର ଗ୍ରାମରେ ୩୩ ପରିବାରକୁ ଉଜ୍ଜ୍ୱଳା ଯୋଜନାରେ ଗ୍ୟାସ ବଣ୍ଟନ କରାଯାଇଛି। ପାଇକନ୍‌ମାଲା ଗ୍ରାମରେ ଏହି ଉପଲକ୍ଷେ ଅନୁଷ୍ଠିତ ଏକ ସଭାରେ ଓଏମ୍‌ସି ଅଧିକାରୀ ସ୍ଥିତପ୍ରଜ୍ଞା ଦାଶ ଉପସ୍ଥିତ ରହି ହିତାଧିକାରୀଙ୍କୁ ଗ୍ୟାସ ପ୍ରଦାନ କରିଥିଲେ। ପଞ୍ଚାନନ ପାତ୍ର, ଓ୍ବାର୍ଡ ମେମ୍ବର ବିଭଳ ଖିଲ, ସରପଞ୍ଚ ଭାଗୀରଥି ମୁଦୁଲି, ନାଏବ ସରପଞ୍ଚ ମେନକା ଶିଶା, ଯୋଗାଣ ସହାୟକ ଗୋପୀନାଥ ପୂଜାରୀ ଓ ଆଶା କର୍ମୀ ପ୍ରଭାତି ମୁଦୁଲି ଉପସ୍ଥିତ ଥିଲେ।

୨୨ ଏକର ଇଡ୍‌କୋ ଜମି ଜବରଦଖଲ ଅଭିଯୋଗ

ପାରଳାଖେମୁଣ୍ଡି,୧୩।୭(ସ୍ବ.ପ୍ର.)- ଗଜପତି ଜିଲା ପାରଳାଖେମୁଣ୍ଡି ସହରରେ ଥିବା ୨୨ ଏକର ଇଡ୍‌କୋ ଜମିକୁ ବେଆଇନ ଭାବେ ଜବରଦଖଲ କରାଯାଇଥିବା ସମତା କ୍ରାନ୍ତି ଦଳ ଅଭିଯୋଗ ଆଣିଛି । ଏହି ଜବରଦଖଲକୁ ଦଳ ପକ୍ଷରୁ ବିରୋଧ କରାଯାଇଛି। ତୁରନ୍ତ କାର୍ଯ୍ୟାନୁଷ୍ଠାନ ନିଆନଗଲେ ଦଳ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦିଆଯାଇଛି।

ଗ୍ରାମ ସ୍ବରୋଜଗାର ଅଭିଯାନ କାର୍ଯ୍ୟକ୍ରମ

ପାରଳାଖେମୁଣ୍ଡି,୧୩।୭(ସ୍ବ.ପ୍ର.)-କାନାରା ବ୍ୟାଙ୍କ କାର୍ଯ୍ୟନିର୍ବାହୀ ଅଧିକାରୀ ପି.ଭି. ଭାରତୀ ଗଜପତି ଜିଲା ଗସ୍ତରେ ଆସି ଗ୍ରାମ ସ୍ବରୋଜଗାର ଅଭିଯାନ କାର୍ଯ୍ୟକ୍ରମରେ ଶତ ପ୍ରତିଶତ ଲକ୍ଷ୍ୟ ଧାର୍ଯ୍ୟ ପୂରଣ କରିବାକୁ ପରାମର୍ଶ ଦେଇଛନ୍ତି। ଭାରତୀ ପ୍ରଥମେ ପାରଳାଖେମୁଣ୍ଡି ବ୍ଲକର ବାଘଶଳା ଗ୍ରାମସ୍ଥିତ ରାଧାକାନ୍ତ ମଠରେ ଆୟୋଜିତ ମେଗା କ୍ୟାମ୍ପରେ ଯୋଗଦେଇ ପ୍ରଧାନମନ୍ତ୍ରୀ ଜନଧନ ଯୋଜନା, ପ୍ରଧାନମନ୍ତ୍ରୀ ସୁରକ୍ଷା ବୀମା, ପ୍ରଧାନମନ୍ତ୍ରୀ ଜୀବନ ଜ୍ୟୋତି ଯୋଜନା ସମ୍ପର୍କରେ ବୁଝାଇ ଥିଲେ ।

ଘରଡିହ ପ୍ରଦାନ ଦାବିରେ ଧାରଣା

ଘରଡିହ ପ୍ରଦାନ ଦାବିରେ ଧାରଣା

ପାରଳାଖେମୁଣ୍ଡି,୧୩।୭(ସ୍ବ.ପ୍ର.)-ଗଜପତି ଜିଲାର ସହରାଞ୍ଚଳ ବସ୍ତିବାସିନ୍ଦାଙ୍କୁ ଘର ଡିହ ପ୍ରଦାନ ଓ ଗ୍ରାମାଞ୍ଚଳରେ ବସୁନ୍ଧରା ଯୋଜନା କାର୍ଯ୍ୟକାରୀ କରିବା ଦାବି ନେଇ ସିପିଆଇ ଏବଂ ଭାରତୀୟ କ୍ଷେତ ମଜଦୁର ୟୁନିଅନ ପକ୍ଷରୁ ମିଳିତ ଭାବେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଥିଲା। ଏ ନେଇ ସିପିଆଇ ଜିଲା ସଭାପତି ଜନ୍ନା ସୁଭାଷ ଚନ୍ଦ୍ର ରାଓଙ୍କ ନେତୃତ୍ୱରେ ଜିଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି । ପ୍ରଥମେ ସହରର ଫାୟାର ଷ୍ଟେଶନ ଛକଠାରୁ ଶତାଧିକ କର୍ମୀ ଏକ ଶୋଭାଯାତ୍ରାରେ ବାହାରି ପ୍ରଶାସନ ବିରୋଧୀ ସ୍ଲୋଗାନ ଦେଇ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲେ। ସେଠାରେ ବିକ୍ଷୋଭ ପ୍ରଦର୍ଶନ କରିବା ପରେ ଗଜପତି ଜିଲାବାସୀ ଓ ପାରଳାଖେମୁଣ୍ଡି ସହରର ବସ୍ତିବାସିନ୍ଦା ଗୃହହୀନ ଲୋକଙ୍କୁ ବାସଗୃହ ଯୋଗାଇବା ଦାବିରେ ଧାରଣା ଦେଇଥିଲେ।