ରାୟଗଡା

ବାଇକ ରାଲି, ଘରକୁ ଘର ବୁଲି ପ୍ରାର୍ଥୀଙ୍କ ପ୍ରଚାର

ତେନ୍ତୁଳିଖୁଣ୍ଟି,୮।୪(ଡି.ଏନ.ଏ)-ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକରେ ସୋମବାର  କଂଗ୍ରେସ, ଭାଜପା ଓ ବିଜେଡି ପକ୍ଷରୁ ପ୍ରଚାର ଜୋରଦାର କରାଯାଇଛି। ତେନ୍ତୁଳିଖୁଣ୍ଟି ବ୍ଲକର ପୂଜାରିଗୁଡାଠାରୁ ଡାଇକ ପର୍ଯ୍ୟନ୍ତ ରାଜ୍ୟ କାଜୁ ବୋର୍ଡ ଅଧ୍ୟକ୍ଷ ଅଧ୍ୟକ୍ଷ ମୁନା ଖାଁ ବିଜେଡିର ନବରଙ୍ଗପୁର ବିଧାୟକ ପ୍ରାର୍ଥୀ ସଦାଶିବ ପ୍ରଧାନୀ ଓ ଏମପି ପ୍ରାର୍ଥୀ ରମେଶ ମାଝିଙ୍କ ପାଇଁ  ବାଇକ ରାଲିରେ ପ୍ରଚାର କରିଥିଲେ। ସେହିପରି ଭାଜପା ପ୍ରାର୍ଥୀ ଗୌରୀ ଶଙ୍କର ମାଝି  ବାଇକ ରାଲିରେ ରୋଡ ଶୋ କରି ଭୋଟ ଭିକ୍ଷା କରିଥିଲେ।   କଂଗ୍ରେସ କର୍ମୀମାନେ ଘରକୁ ଘର ବୁଲି ନବରଙ୍ଗପୁର ବିଧାୟକ ପ୍ରାର୍ଥୀ ପ୍ରଦୀପ  ମାଝି ଓ ସଦନ ନାୟକଙ୍କ ପାଇଁ ଭୋଟ ଭିକ୍ଷା କରିଥିଲେ। 

ଦଳ ବିରୋଧୀ କାର୍ଯ୍ୟ ପାଇଁ ଜିଲା କଂଗ୍ରେସର ୧୯ ନେତା ବହିଷ୍କୃତ

ଦଳ ବିରୋଧୀ କାର୍ଯ୍ୟ ପାଇଁ ଜିଲା କଂଗ୍ରେସର ୧୯ ନେତା ବହିଷ୍କୃତ

ପାରଳାଖେମୁଣ୍ଡି, ୮ା୪ (ସ୍ବ.ପ୍ର.) -ଚଳିତ ନିର୍ବାଚନରେ ଦଳ ବିରୋଧୀ କାର୍ଯ୍ୟରେ ଲିପ୍ତ ଥିବା ଜିଲା କଂଗ୍ରେସର  ୧୯ଜଣ ନେତାଙ୍କୁ ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକ ଦଳରୁ ବହିଷ୍କୃତ କରିଛନ୍ତି। ନିଖିଳ ଭାରତ କଂଗ୍ରେସ କମିଟି ସାଧାରଣ ସମ୍ପାଦକ ତଥା ପ୍ରଭାରୀ ଜିତେନ୍ଦ୍ର ସିଂ ଏବଂ ଅନ୍ୟତମ ପ୍ରଭାରୀ ପି.ଏସ୍‌.ସିଂଦେଓଙ୍କ ଅନୁମୋଦନକ୍ରମେ ଏହି ପଦକ୍ଷେପ ନିଆଯାଇଥିବା ଜଣାପଡିଛି। ବହିଷ୍କୃତ ହୋଇଥିବା ନେତାମାନେ ହେଲେ ଡ.ତିରୁପତି ପାଣିଗ୍ରାହୀ, ପୂର୍ବତନ ଜିଲା ସଭାପତି ଏସ୍‌.ଗଜପତି ରାଓ, ବର୍ତ୍ତମାନର କାର୍ଯ୍ୟକାରୀ ଜିଲା ସଭାପତି ଜି.ତିରୁପତି ରାଓ, ଅଖିଳ କୁମାର ପାତ୍ର, କୃଷ୍ଣଚନ୍ଦ୍ର ଦୋରା, ଏସ୍‌.ବାଲାରାଜୁ, ଜିଲା ପରିଷଦ ସଭ୍ୟ ହିମାଂଶୁ ଲିମ୍ମା, ଗୁଞ୍ଜୁ ଗମାଙ୍ଗ, ଏମ୍‌.କ୍ରିଷ୍ଣା ରାଓ, କୃଷ୍ଣଚନ୍ଦ୍ର ବେହେରାଙ୍କ ସମେତ ଅନ୍ୟମାନେ ରହିଛନ୍ତି। 

ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି: ୩୦ ଯାଏଁ କୋର୍ଟ ବର୍ଜନ କରିବେ ଓକିଲ

ଜୟପୁର,୮।୪(ନି.ପ୍ର.): ଅବିଭକ୍ତ କୋରାପୁଟ ଜିଲାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି ନେଇ ଆନ୍ଦୋଳନ ଜୋରସୋର ଚାଲିଛି। ଓକିଲଙ୍କ କୋର୍ଟ ବର୍ଜନ ଆନ୍ଦୋଳନ ଡିସେମ୍ବର ୪ରୁ ଆରମ୍ଭ ହୋଇଥିବା ବେଳେ ୫ ମାସ ହେବ ଓକିଲମାନେ କୋର୍ଟ ବର୍ଜନ କରୁଛନ୍ତି। ଏନେଇ ବାର୍‌ ଆସୋସିଏସନ ସଭାଗୃହରେ ରବିବାର ଓକିଲ ସଂଘ ପକ୍ଷରୁ ଏକ ବୈଠକ ହୋଇଥିଲା । ଏପ୍ରିଲ ୩୦ ଯାଏ କୋର୍ଟ ବର୍ଜନ କରିବା ପାଇଁ ନିଷ୍ପତ୍ତି ହୋଇଛି।

ଭୋଟ ବର୍ଜନ କରିବେ ୪ ପଞ୍ଚାୟତବାସୀ

ଭୋଟ ବର୍ଜନ କରିବେ ୪ ପଞ୍ଚାୟତବାସୀ

କୋରାପୁଟ,୮।୪(ସ୍ବ.ପ୍ର.): ସ୍ଥାନୀୟ ଅଞ୍ଚଳରେ ଥିବା ବିଭିନ୍ନ ସମସ୍ୟାର ସ୍ଥାୟୀ ସମାଧାନ  ଦାବି କରିଛନ୍ତି ଦଶମନ୍ତପୁର ବ୍ଲକର ନନ୍ଦିଗାଁ, ଆଡମଣ୍ଡା ମାଲକାନଗିରି, ପାଇକ ଫୁଲବେଡ଼ା ଓ ଲୁଲା ପଞ୍ଚାୟତର ଗ୍ରାମବାସୀ।   ସ୍ଥାୟୀ ସମାଧାନ ପାଇଁ ଜିଲା ପ୍ରଶାସନ ଲିଖିତ ପ୍ରତିଶ୍ରୁତି ନ ଦେଲେ ୧୧ରେ ହେବାକୁ ଥିବା ଭୋଟ୍‌ ଗ୍ରହଣ ବର୍ଜନ କରାଯିବ ବୋଲି ସେମାନେ ଏନେଇ ପ୍ରଶାସନକୁ ପତ୍ର ମାଧ୍ୟମରେ ଚେତାବନୀ ଦେଇଛନ୍ତି।

ଚିତ୍ରକୋଣ୍ଡାରେ ଖୋଲିବ ୫ ନୂଆ ଅଙ୍ଗନଓ୍ବାଡି କେନ୍ଦ୍ର

ଚିତ୍ରକୋଣ୍ଡା,୮।୪(ଡି.ଏନ.ଏ.): ମାଲକାନଗିରି ଜିଲା ଚିତ୍ରକୋଣ୍ଡା ପଞ୍ଚାୟତ ସମିତି ଅର୍ନ୍ତଗତ ଚିତ୍ରକୋଣ୍ଡା ସହରରେ ୫ହଜାରରୁ ଊର୍ଦ୍ଧ୍ୱ ପରିବାର ବସବାସ କରନ୍ତି। ଏହି ପରିବାରଗୁଡିକରେ ୫ଶହରୁ ଊର୍ଦ୍ଧ୍ୱ ଛୋଟ ପିଲା ଥିଲେ। ଉକ୍ତ ଅଞ୍ଚଳରେ ଗୋଟିଏ ମାତ୍ର ଅଙ୍ଗନଓ୍ବାଡି କେନ୍ଦ୍ର ରହିଛି। ମାଲକାନଗିରି ଜିଲା ପ୍ରଶାସନ ସମେତ  ମହିଳା ଓ ଶିଶୁ ବିଭାଗଏବେ  ଚିତ୍ରକୋଣ୍ଡା ସହରରେ ପୁନର୍ବାର ସର୍ଭେ କରି ଆଉ ୫ଟି ସ୍ଥାନରେ ନୂଆ ଅଙ୍ଗନଓ୍ବାଡି କେନ୍ଦ୍ର ଖୋଲିବାକୁ ନିଷ୍ପତ୍ତି ହୋଇଛି।ସେହି ସ୍ଥାନଗୁଡିକ ହେଲା ମାର୍କେଟ ଭିତରେ ଗୋଟିଏ, କଲୋନୀ ଭିତରେ ଗୋଟିଏ, ଇଟା ଭାଟି ଲାଇନରେ ଗୋଟିଏ, ଗଉଡସାହିରେ ଗୋଟିଏ ଏବଂ  ବ୍ୟାଙ୍କ ଲାଇନରେ ଗୋଟିଏ ଲେଖାଏ କେନ୍ଦ୍ର ଖୋଲିବ।

ମାଲକାନଗିରି ନିର୍ବାଚନ ମଣ୍ଡଳୀରେ ହେବ ତ୍ରିମୁଖୀ ଲଢେଇ

ମାଲକାନଗିରି ନିର୍ବାଚନ ମଣ୍ଡଳୀରେ ହେବ ତ୍ରିମୁଖୀ ଲଢେଇ

ମାଲକାନଗିରି,୮ା୪ (ଡି.ଏନ୍‌.ଏ.)  ମାଲକାନଗିରି ଜିଲାର ମାଲକାନଗିରି ନିର୍ବାଚନ ମଣ୍ଡଳୀରେ ଭୋଟରଙ୍କୁ ଆକୃଷ୍ଟ କରିବା ପାଇଁ  ତିନି ପ୍ରମୁଖ ଦଳ ବିଜେଡି,ଭାଜପା ଓ କଂଗ୍ରେସ ସେମାନଙ୍କ ପ୍ରଚାରକୁ ଜୋରଦାର କରିଛନ୍ତି। ଗ୍ରାମାଞ୍ଚଳରୁ ଆରମ୍ଭ କରି ସହର ପର୍ଯ୍ୟନ୍ତ ଡାକବାଜି ଯନ୍ତ୍ରରେ ଦିନରାତି ପ୍ରଚାର ଚାଲିଛି।

ସହରର  ମୁଖ୍ୟ ଛକରେ କୁଢ଼କୁଢ଼ ଅଳିଆ

ସହରର ମୁଖ୍ୟ ଛକରେ କୁଢ଼କୁଢ଼ ଅଳିଆ

ପାରଳାଖେମୁଣ୍ଡି,୮।୪ (ସ୍ବ.ପ୍ର.) ପାରଳାଖେମୁଣ୍ଡି ରାଜପ୍ରସାଦ ଛକ କଲର୍ଭଟ ନିକଟରେ କୁଢ କୁଢ ଅଳିଆ ଗଦା ହୋଇଛି। ଏହା ଏକ ଜନଗହଳିପୂର୍ଣ୍ଣ ଛକ ହୋଇଥିବାବେଳେ ଏଠାରେ ପାଣି ବୋତଲ, ପାଣି ପାଉଚ, ଜରି ଆଦି ପଡୁଥିବାରୁ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଉଛି। 

ରାଇଘରରେ ମାଓବାଦୀ ବ୍ୟାନର: ଭୋଟ ବର୍ଜନ କରିବାକୁ ଚେତାବନୀ

ରାଇଘରରେ ମାଓବାଦୀ ବ୍ୟାନର: ଭୋଟ ବର୍ଜନ କରିବାକୁ ଚେତାବନୀ

ରାଇଘର, ୭।୪(ଡି.ଏନ୍‌.ଏ.)-ନବରଙ୍ଗପୁର ଜିଲା ରାଇଘର ବ୍ଲକ କୁନ୍ଦେଇ ଥାନାଠାରୁ ମାତ୍ର ଶହେ ମିଟର ଦୂରରେ ମାଓବାଦୀମାନେ ଏକ ବ୍ୟାନର ମାରି ପୋଲିସକୁ ଚାଲେଞ୍ଜ କରିଛନ୍ତି।  ଆଗାମୀ ନିର୍ବାଚନ ବର୍ଜନ କରିବାକୁ ଉକ୍ତ ବ୍ୟାନରରେ ଉଲ୍ଲେଖ ରହିଛି। ଏଥି ସହିତ ଏହି ରାଇଘର ଅଞ୍ଚଳର ବିଭିନ୍ନ ସ୍ଥାନରେ ଏଭଳି ବ୍ୟାନର ଓ ପୋଷ୍ଟର ମରାଯାଇଛି। 

୧୭ ଛାତ୍ରୀଛାତ୍ର ଦେଇପାରିଲେନି ପ୍ରବେଶିକା ପରୀକ୍ଷା

କୋରୁକାଣ୍ଡୋ , ୭।୪(ଡି.ଏନ.ଏ)ମାଲକାନଗିରି ଜିଲ୍ଲା କରୁକୋଣ୍ଡା ବ୍ଲକ ଶିକ୍ଷା ଅଧିକାରୀ ଙ୍କ ଅଧିନରେ ଥିବା ତାରଲାକୋଟା ସରକାରୀ ଉଚ୍ଚ ବିଦ୍ୟାଳୟ ର ଅନୁସୂଚିତ ଜାତି ଓ ଜନଜାତି ର ୧୭ ଛାତ୍ରୀଛାତ୍ରଙ୍କ ଭବିଷ୍ୟତ ସହ ଖେଳାଯାଇଛି। ନବୋଦୟ ବିଦ୍ୟାଳୟରେ ଷଷ୍ଠରୁ ଦ୍ୱାଦଶ ପର୍ଯ୍ୟନ୍ତ ଶିକ୍ଷାଦାନ ଲାଗି ସମସ୍ତ ଖର୍ଚ୍ଚ ଭାରତ ସରକାର  ବହନ କରିଥାନ୍ତି। ନବୋଦୟ ବିଦ୍ୟାଳୟରେ ନାମଲେଖା ପାଇଁ ଏକ ପ୍ରବେଶିକା ପରୀକ୍ଷା ହୋଇଥାଏ।  ଏହି ବର୍ଷ  ପ୍ରବେଶିକା ପରୀକ୍ଷା ଗତ ୫ା୪ା୦୧୯ ରେ ହୋଇଥିଲା। ଏହି ପ୍ରବେଶିକା ପରୀକ୍ଷା ନିମନ୍ତେ ଆବେଦନପତ୍ର ଅନ୍‌ ଲାଇନରେ ପୂରଣ କରିବାକୁ ପଡ଼ିଥାଏ। ମାତ୍ର ତାରଲାକୋଟା ସରକାରୀ ଉଚ୍ଚ ବିଦ୍ୟାଳୟ ର ୧୭ ଜଣ ଛାତ୍ରୀଛାତ୍ର ଆବେଦନ କରିବା ଲାଗି ସମସ୍ତ କାଗଜପତ୍ର ସ୍କୁଲ କର୍ତ୍ତୃପକ୍ଷଙ୍କୁ ଦେଇଥିଲେ। ସ୍କୁଲ କର୍ତ୍ତୃପକ୍ଷ ବିଦ୍ୟାଳୟର ସିଆସିସିଙ୍କ ମାଧ୍ୟମରେ ବ୍ଲକ ଶିକ୍ଷା ଅଧିକାରୀ ଙ୍କ ନିକଟକୁ  ଆବେଦନପତ୍ର ପୂରଣ ନିମନ୍ତେ ପଠାଇଥିଲେ। ମାତ୍ର ଏହି ୧୭ ଜଣ ଛାତ୍ରୀଛାତ୍ର ଙ୍କ ଆଡମିଟ୍‌ କାର୍ଡ ଆସି ନ ଥିଲା। ଫଳରେ ଛାତ୍ରୀଛାତ୍ରମାନେ ନବୋଦୟ ପ୍ରବେଶିକା ପରୀକ୍ଷାରୁ ବଞ୍ଚତ୍ତ ହୋଇଥିଲେ।

ମୁଖ୍ୟମନ୍ତ୍ରୀଙ୍କ ଗୁଣପୁର ଗସ୍ତ

ମୁଖ୍ୟମନ୍ତ୍ରୀଙ୍କ ଗୁଣପୁର ଗସ୍ତ

ଗୁଣପୁର,୭ା୪(ଡି.ଏନ୍‌.ଏ.): ମଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ଗୁଣପୁର ଗସ୍ତରେ ଆସିଛନ୍ତି। ଏଠାରେ ପହଞ୍ଚିବା ପରେ ଏକ ବିଶାଳ ମୋଟରସାଇକେଲ ଶୋଭାଯାତ୍ରାରେ ସଭାପଡିଆକୁ ଆସିଥିଲେ। 

ଯୁବତୀଙ୍କ ସହ ଭିଡିଓ ଭାଇରାଲ ଘଟଣା: ନବରଙ୍ଗପୁରରେ ବିଜେଡିର ପ୍ରତିବାଦ,  ପ୍ରଦୀପ ମାଝୀଙ୍କ କୁଶପୁତ୍ତଳିକା ଦାହ

ଯୁବତୀଙ୍କ ସହ ଭିଡିଓ ଭାଇରାଲ ଘଟଣା: ନବରଙ୍ଗପୁରରେ ବିଜେଡିର ପ୍ରତିବାଦ, ପ୍ରଦୀପ ମାଝୀଙ୍କ କୁଶପୁତ୍ତଳିକା ଦାହ

ଝରିଗାଁ,୭।୪(ସ୍ବ.ପ୍ର.)- ନବରଙ୍ଗପୁର ପୂର୍ବତନ ଏମ୍‌ପି ତଥା ନବରଙ୍ଗପୁର ଲୋକସଭା ପ୍ରାର୍ଥୀ ପ୍ରଦୀପ ମାଝୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାର ତିନି ପରେ ନବରଙ୍ଗପୁର ଜିଲା ଝରିଗାଁ ବ୍ଲକରେ ବିଜେଡି ତରଫରୁ ବିକ୍ଷୋଭ ଶୋଭାଯାତ୍ରା କରାଯାଇଛି। 

ସରକାରୀ ଯୋଜନାରୁ ବଞ୍ଚିତ: ଭୋଟ ବର୍ଜନ କରିବେ ଗ୍ରାମବାସୀ

ସରକାରୀ ଯୋଜନାରୁ ବଞ୍ଚିତ: ଭୋଟ ବର୍ଜନ କରିବେ ଗ୍ରାମବାସୀ

ପାପଡାହାଣ୍ଡି, ୭।୪ (ଡି.ଏନ.ଏ )-ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ପାତ୍ରୀ  ପଞ୍ଚାୟତ ବାମଣ ମୁଣ୍ଡାଗୁଡ଼ା ଗ୍ରାମବାସୀ ସରକାରୀ ଯୋଜନାରୁ ବଞ୍ଚିତ ହେଉଥିବାରୁ ଭୋଟ ବର୍ଜନ କରିବେ ବୋଲି ନିଷ୍ପତ୍ତି ନେଇଛନ୍ତି। 

ଝରିଗାଁ ଥାନା ପରିସରରେ ମହୁମାଛି ଆତଙ୍କ, ୧୫ ଯବାନ ଗୁରୁତର

ଝରିଗାଁ ଥାନା ପରିସରରେ ମହୁମାଛି ଆତଙ୍କ, ୧୫ ଯବାନ ଗୁରୁତର

ଝରିଗାଁ,୬।୪(ସ୍ବ.ପ୍ର)-ନବରଙ୍ଗପୁର ଜିଲା ଝରିଗାଁ ଥାନା ପରିସରରେ ମହୁ ମାଛି ଆକ୍ରମଣରେ ୧୫ ଜଣ ଆହାତ ହୋଇଛନ୍ତି। ସେମାନଙ୍କୁ ଚିକିତ୍ସା ପାଇଁ  ଝରିଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ଶନିବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଝରିଗାଁକୁ ନିର୍ବାଚନ ଗସ୍ତରେ ଆସି ଫେରିଛନ୍ତି। କୋରାପୁଟରୁ ମୁଖ୍ୟମନ୍ତ୍ରୀଙ୍କ ସୁରକ୍ଷା ସକାଶେ ଆସିଥିବା ଯବାନମାନେ ଥାନା ପରିସରରେ ରହିଥିଲେ। ଏହି ସମୟରେ ମହୁମାଛି ଆକ୍ରମଣରେ ସେମାନେ ଆହତ ହୋଇଥିଲେ।

ଇଏସ୍‌ଆଇ ହସ୍‌ପିଟାଲରେ ବିପର୍ଯ୍ୟସ୍ତ ସ୍ବାସ୍ଥ୍ୟସେବା:  ଉପଜିଲାପାଳଙ୍କୁ ସ୍ମାରକପତ୍ର

ଇଏସ୍‌ଆଇ ହସ୍‌ପିଟାଲରେ ବିପର୍ଯ୍ୟସ୍ତ ସ୍ବାସ୍ଥ୍ୟସେବା: ଉପଜିଲାପାଳଙ୍କୁ ସ୍ମାରକପତ୍ର

ଜେକେପୁର, ୬।୪(ଡି.ଏନ୍‌.ଏ)-ରାୟଗଡା ଜିଲା ଚାନ୍ଦିଲି ପଞ୍ଚାୟତ ଜେକେପୁର ଇଏସ୍‌ଆଇ ହସ୍‌ପିଟାଲରେ ବିଭିନ୍ନ ସମସ୍ୟା ନେଇ ଜେକେ କାଗଜକଳ ଠିକା ଶ୍ରମିକ ସଂଘ ତରଫରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ରାୟଗଡା ଉପଜିଲାପାଳଙ୍କୁ ପ୍ରଦାନ କରାଯାଇଛି ।

କୋଇଲା ବୋଝେଇ ଟ୍ରେନ୍‌ରେ ନିଆଁ

କୋଇଲା ବୋଝେଇ ଟ୍ରେନ୍‌ରେ ନିଆଁ

ମୁନିଗୁଡା, ୬।୪(ଡି.ଏନ୍‌.ଏ.): ରାୟଗଡ଼ା ଜିଲା ମୁନିଗୁଡ଼ା ରେଳ ଷ୍ଟେଶନରେ ଛିଡ଼ାହୋଇଥିବା ଏକ କୋଇଲା ବୋଝେଇ ଟ୍ରେନର ୪ଟି ବଗିରେ ଶନିବାର ନିଆଁ ଲାଗିଯାଇଛି। 

ନେତାଜୀ ସୁବାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତିଙ୍କୁ ଭାଙ୍ଗିଲେ ଦୁର୍ବୃତ୍ତ: ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଦାବି

ନେତାଜୀ ସୁବାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତିଙ୍କୁ ଭାଙ୍ଗିଲେ ଦୁର୍ବୃତ୍ତ: ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଦାବି

କୋରାପୁଟ, ୬।୪(ସ୍ବ.ପ୍ର): କୋରାପୁଟ ଗୁଣ୍ଡିଚା ଛକ ଠାରେ ଥିବା ନେତାଜୀ ସୁବାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତିକୁ କୌଣସି ଦୁର୍ବୁତ୍ତ ଭାଙ୍ଗି ଦେଇଛନ୍ତି। 

ନିର୍ବାଚନୀ ଇସ୍ୟୁ: ଜଙ୍ଗଲ ଜମି ପଟ୍ଟା ହିତାଧିକାରୀଙ୍କୁ ପଟ୍ଟା ମିଳିଛି, ଜମି ଚିହ୍ନଟ ହୋଇନି

ନବରଙ୍ଗପୁର,୬।୪(ବି.ପ୍ର.)-ଆଇନ ଅନୁଯାୟୀ ଓ ରାଜନୈତିକ ଉଦ୍ଦେଶ୍ୟ ରଖି ନବରଙ୍ଗପୁର ଜିଲାରେ ହିତାଧିକାରୀଙ୍କୁ ସ୍ବତ୍ତାଧିକାର ପଟ୍ଟା ଖଣ୍ଡିଏ ଲେଖାଏଁ ଯୋଗାଇ ଦିଆଯାଇଛି ା ଏଥିରୁ ହିତାଧିକାରୀଙ୍କୁ ଅନ୍ୟ କିଛି ସରକାରୀ ସୁବିଧା ଯୁଯୋଗ ମିଳିପାରୁ ନାହିଁ ା ଜନତାଙ୍କ ମୌଳିକ ସମସ୍ୟାକୁ ଗୁରୁତ୍ୱ ନ ଦେଇ ନେତା ଗୋଟିଏ ପରେ ଗୋଟିଏ ନିର୍ବାଚନ ବୈତରଣୀ ପାର ହେଉଛନ୍ତି।  ଚଳିତ ନିର୍ବାଚନରେ ହିତାଧିକାରୀ ଏହାର ସଠିକ ଜବାବ ଦେବାକୁ ଅପେକ୍ଷା କରିଛନ୍ତି ା 

ଜମି ବିବାଦ: ସାନଭାଇକୁ ହତ୍ୟା କରି ୩ ଭାଇ ଅଟକ

ନବରଙ୍ଗପୁର,୫।୪(ବି.ପ୍ର)- ନବରଙ୍ଗପୁର ଜିଲା କୋଷାଗୁମୁଡା ବ୍ଲକ ଅଧିନ ବି. ଗୁମଣ୍ଡଳି ଗାଁରେ  ଜମିଜମା ବିବାଦକୁ ନେଇ ସାନଭାଇକୁ ହତ୍ୟା କରିବା ଅଭିଯୋଗରେ ପୋଲିସ ୩ ଜଣଙ୍କୁ ଅଟକ ରଖିଛି। ମୃତକ ଜଣକ ହେଲେ ପଦ୍ମନ ନାୟକ। ଏହି ଘଟଣାରେ ପଦ୍ମନଙ୍କ ୩ ଭାଇ ପ୍ରେମନାଥ ନାୟକ(୪୫), ଶ୍ରୀଧର ନାୟକ(୪୩) ଓ ଶ୍ୟାମସୁନ୍ଦର ନାୟକ (୪୦) ଙ୍କୁ ପୋଲିସ ଅଟକ ରଖିଛି।

ଜଙ୍ଗଲରେ ପୋତା ଯାଇଥିବା ବିସ୍ଫୋରକ ସାମଗ୍ରୀ ଜବତ

ପାରଳାଖେମୁଣ୍ଡି, ୫।୪ (ସ୍ବ.ପ୍ର.) - ମୋହନା ଥାନା ଅନ୍ତର୍ଗତ ମଳାସପଦର ଗ୍ରାମ  ଭାଲିଆଗୁଡା ଜଙ୍ଗଲରେ ପୋତାଯାଇଥିବା ଏକ ବନ୍ଧୁକକୁ ପୋଲିସ ଶୁକ୍ରବାର ଜବତ କରିଛି ।  ଏଥିସହ ୫.୫୬ ଏମ୍‌ଏମ୍‌ର ୪୪ ଟି ଜୀବନ୍ତ ଗୁଳ,୧୩ ଟି ୭.୬୨ଏମ୍‌ଏମ୍‌ର ଏସ୍‌.ଏଲ୍‌.ଆର୍‌. , ୨୯ଟି ଏକେ୪୭ର ଗୁଳିଗୋଳା ଜବତ କରାଯାଇଛି। 

ବନ୍ଧୁକ ସହ ୨ ଗିରଫ

ପାରଳାଖେମୁଣ୍ଡି, ୫।୪ (ସ୍ବ.ପ୍ର.) - ଗଜପତି ଜିଲା ମୋହନା ପୋଲିସ  ମୋହନା ଥାନା ଅନ୍ତର୍ଗତ ହିଚାଗଣ୍ଡି ଗ୍ରାମ ନିକଟସ୍ଥ ଜଙ୍ଗଲ ଅଞ୍ଚଳରୁ ବନ୍ଧୁକ ସହ ୨ ଜଣଙ୍କୁ ଗିରଫ କରିଛି । ସେମାନେ ହେଲେ ବେଡ଼ିଙ୍ଗି ଗ୍ରାମର ରବି ମଲ୍ଲିକ ଓ ହରିରାଜ ମଲ୍ଲିକ । ସେମାନଙ୍କଠାରୁ ଦୁଇଟି ବନ୍ଧୁକ ସହ କିଛି ଗନ୍‌ ପାଉଡର ଜବତ କରାଯାଇଛି ।

ପ୍ରବେଶିକା ପରୀକ୍ଷା ଦେବାକୁ ଯିବା ସମୟରେ ଘାଟିରେ ଓଲଟିଲା ଅଟୋ: ୪ଗୁରୁତର, ୩ ଆହତ

ପ୍ରବେଶିକା ପରୀକ୍ଷା ଦେବାକୁ ଯିବା ସମୟରେ ଘାଟିରେ ଓଲଟିଲା ଅଟୋ: ୪ଗୁରୁତର, ୩ ଆହତ

ଝରିଗାଁ,୫।୪(ସ୍ବ.ପ୍ର.): ନବରଙ୍ଗପୁର ଜିଲା ଚନ୍ଦାହାଣ୍ଡି ଘାଟିରେ ଶୁକ୍ରବାର ସକାଳେ ଏକ ଅଟୋ ଦୁର୍ଘଟଣାଗ୍ରସ୍ତ ହୋଇଛି।  ଭାରସାମ୍ୟ ହରାଇ ଅଟୋଟି ଓଲଟି ଯିବାରୁ ଏଥିରେ ୭ ଜଣ ଆହତ ହୋଇଛନ୍ତି।

ଟ୍ରେନ୍‌ ଧକ୍କାରେ ଛାତ୍ରୀଙ୍କ ଜୀବନ ଗଲା

ଟ୍ରେନ୍‌ ଧକ୍କାରେ ଛାତ୍ରୀଙ୍କ ଜୀବନ ଗଲା

ଭୁନିଗୁଡ଼ା,୫।୪(ଡି.ଏନ୍‌.ଏ.): ରାୟଗଡ଼ା ଜିଲା ମୁନିଗୁଡ଼ା ରେଳ ଷ୍ଟେଶନ ନିକଟସ୍ଥ ପାତ୍ରଗୁଡ଼ାଠାରେ ଗୁରୁବାର  ପୂର୍ବାହ୍ନରେ ଏକ ଅଭାବନୀୟ ଘଟଣା ଘଟିଛି। ସ୍କୁଲ ଯିବା ସମୟରେ ଜଣେ ୧୦ ଶ୍ରେଣୀ ଛାତ୍ରୀଙ୍କୁ ଏକ ମାଲ ବୋଝେଇ ଟ୍ରେନ୍‌ ଧକ୍କା ଦେବା ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି। 

ଆଜି କାଲିମେଳା ଆସୁଛନ୍ତି ମୁଖ୍ୟମନ୍ତ୍ରୀ 

ଆଜି କାଲିମେଳା ଆସୁଛନ୍ତି ମୁଖ୍ୟମନ୍ତ୍ରୀ 

କାଲିମେଳା,୫ା୪(ଡି.ଏନ.ଏ)- ପ୍ରଥମ ପର୍ଯ୍ୟାୟ ନିର୍ବାଚନକୁ ଆଉ ଅଳ୍ପ ଦିନ ରହିଛି। ମାଲକାନଗିରି ନିର୍ବାଚନୀ ମଣ୍ଡଳୀ ଅଧୀନରେ ଥିବା କାଲିମେଳା ଅଞ୍ଚଳରେ ବିଭିନ୍ନ ରାଜନୈତିକ ଦଳ ପକ୍ଷରୁ ପ୍ରଚାରକୁ ଜୋରଦାର କରାଯାଇଛି। 

ହାଟରେ ପ୍ରଚାର କଲେ ବିଭିନ୍ନ ଦଳର ପ୍ରାର୍ଥୀ: ବେକାରୀ ସମସ୍ୟା ସବୁ ଦଳର ମୁଖ୍ୟ ପ୍ରସଙ୍ଗ

ହାଟରେ ପ୍ରଚାର କଲେ ବିଭିନ୍ନ ଦଳର ପ୍ରାର୍ଥୀ: ବେକାରୀ ସମସ୍ୟା ସବୁ ଦଳର ମୁଖ୍ୟ ପ୍ରସଙ୍ଗ

ଦଶମନ୍ତପୁର,୪।୪(ଡି.ଏନ୍‌.ଏ.): କୋରାପୁଟ ଜିଲା ଦଶମନ୍ତପୁର ବ୍ଲକ ଡୁମ୍ବାଗୁଡ଼ା  ପଞ୍ଚାୟତର ଗୁରୁବାର ସାପ୍ତାହିକ ହାଟରେ ବିଭିନ୍ନ ଦଳର ବିଧାୟକ ପ୍ରାର୍ଥୀ ନିର୍ବାଚନୀ ପ୍ରଚାର କରିଛନ୍ତି। ସମସ୍ତ ପ୍ରାର୍ଥୀ ଲକ୍ଷ୍ମୀପୁର ନିର୍ବାଚନମଣ୍ଡଳୀର ଯୁବ ଭୋଟରଙ୍କୁ ଆକୃଷ୍ଟ କରିବାକୁ ବିଭିନ୍ନ ପ୍ରତିଶ୍ରୁତି ଦେଇଛନ୍ତି। ଅଞ୍ଚଳର ବେକାରୀ ସମସ୍ୟା ଦୂର କରିବା ସମସ୍ତ ପ୍ରାର୍ଥୀ ମୁଖ୍ୟ ପ୍ରସଙ୍ଗ କରିଛନ୍ତି।