ରାୟଗଡା

ଚନ୍ଦ୍ରପୁରରେ ବ୍ଲକସ୍ତରୀୟ କୃଷକ ଦିବସ

ଚନ୍ଦ୍ରପୁରରେ ବ୍ଲକସ୍ତରୀୟ କୃଷକ ଦିବସ

ଚନ୍ଦ୍ରପୁର, ୧୮।୪ (ଡି.ଏନ୍‌.ଏ.)- ରାୟଗଡ଼ା ଜିଲା ଚନ୍ଦ୍ରପୁର ବ୍ଲକ ଡାଙ୍ଗସୋରଡ଼ା ପଞ୍ଚାୟତ ଅଧୀନ ଯୁଗାପଦର ଗ୍ରାମରେ ବୁଧବାର ବ୍ଲକସ୍ତରୀୟ କୃଷକ ଦିବସ ପାଳିତ ହୋଇଛି। ଅଗ୍ରଣୀ ଚାଷୀ ଜଗନ୍ନାଥ ଶବରଙ୍କ ଜମିରେ ପୂଜା ଓ ଅଖିମୁଠି ଅନୁକୂଳ ପୂର୍ବକ କାର୍ଯ୍ୟକ୍ରମ ଆରମ୍ଭ କରାଯାଇଥିଲା। ପରେ ଗ୍ରାମର ଧାନଖଳା ପରିସରରେ ଏକ ସଭାର ଆୟୋଜନ କରାଯାଇଥିଲା।

୨୫ରେ ଆଦିବାସୀ ମାନ୍ୟତା ଦାବିରେ ମହାମେଳି: ଆହ୍ବାନ ଦେଲା ଜିଲା ବନବାସୀ ବିକାଶ ସଂଘ

୨୫ରେ ଆଦିବାସୀ ମାନ୍ୟତା ଦାବିରେ ମହାମେଳି: ଆହ୍ବାନ ଦେଲା ଜିଲା ବନବାସୀ ବିକାଶ ସଂଘ

ବୈପାରୀଗୁଡ଼ା,୧୮।୪(ଡି.ଏନ୍‌.ଏ.):ବିବାଦୀୟ କୋଟିଆ ପ୍ରସଙ୍ଗ ଉଠିବା ପରେ ସେଠାକାର ବାସିନ୍ଦାଙ୍କୁ ଆଦିବାସୀ ମାନ୍ୟତା ଦେଇ ଆନ୍ଧ୍ର ନିଜ ଆଡ଼କୁ ଟାଣୁଥିବା ଜଣାପଡ଼ିଥିଲା। ଏହାର ଠିକ୍‌ ପରେ କୋରାପୁଟ ଜିଲାରେ ଅବହେଳିତ ହୋଇ ରହିଥିବା କେତେକ ସଂପ୍ରଦାୟ ଆଦିବାସୀ ମାନ୍ୟତା ଦାବି କରିଛନ୍ତି। ସେମାନଙ୍କ ଦାବି ତେଜିବାରେ ଲାଗିଛି। ଏହି କ୍ରମରେ ଆସନ୍ତା ୨୫ ତାରିଖ କୋରାପୁଟରେ ଏକ ମହାମେଳି ପାଇଁ ଜିଲା ବନବାସୀ ବିକାଶ ସଂଘ ପକ୍ଷରୁ ଡାକରା ଦିଆଯାଇଛି ।

ଶିରିଡି ସାଇବାବାଙ୍କ ମନ୍ଦିର ପ୍ରତିଷ୍ଠା ଉତ୍ସବ

ଶିରିଡି ସାଇବାବାଙ୍କ ମନ୍ଦିର ପ୍ରତିଷ୍ଠା ଉତ୍ସବ

ସୁନାବେଡା,୧୮ା୪-ଶିରିଡି ସାଇବାବାଙ୍କ ମନ୍ଦିରର ୪ର୍ଥ ବାର୍ଷିକୋତ୍ସବ ବୁଧବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ଜୟମା’ ତାରିଣୀ ଅନୁଷ୍ଠାନ ପକ୍ଷରୁ ଏକ କଳସ ଶୋଭାଯାତ୍ରା ଅନୁଷ୍ଠିତ ହୋଇଛି।

ଗ୍ୟାସ ସିଲିଣ୍ଡର ଚୋରି

ଗ୍ୟାସ ସିଲିଣ୍ଡର ଚୋରି

ସେମିଳିଗୁଡା,୧୮।୪(ସ୍ବ.ପ୍ର.)-କୋରାପୁଟ ଜିଲା ସେମିଳିଗୁଡା ଗଣେଶ ନଗର ଟି. ହେମନ୍ତଙ୍କଘରୁ ଚୋରମାନେ ୩ଟି ଗ୍ୟାସ ସିଲିଣ୍ଡର ଚୋରି କରି ନେଉଥିବା ବେଳେ ପୋଲିସ ହାତରେ ଧରାପଡିଛନ୍ତି। ହେମନ୍ତଙ୍କ ଘରେ କେହି ନ ଥିବା ସୁଯୋଗ ନେଇ ଚୋରମାନେ କାନ୍ଥ ପାଚେରି ଡେଇଁ ତାଲା ଭାଙ୍ଗି ଘରେ ପଶିଥିଲେ।

ତାରିଣୀ ମନ୍ଦିର ପ୍ରତିଷ୍ଠା ଉତ୍ସବ

ତାରିଣୀ ମନ୍ଦିର ପ୍ରତିଷ୍ଠା ଉତ୍ସବ

ଦାମନଯୋଡି, ୧୮।୪(ସ୍ବ.ପ୍ର.)-ଦାମନଯୋଡିସ୍ଥିତ ସିଦ୍ଧେଶ୍ୱର ମନ୍ଦିରଳ ପରିସରରେ ଥିବା ତାରିଣୀ ମନ୍ଦିରର ବାର୍ଷିକୋତ୍ସବ ବୁଧବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ନିକଟସ୍ଥ କେରାଣ୍ଡି ନଦୀରୁ ମହିଳାଙ୍କ କଳସ ଶୋଭାଯାତ୍ରା,ମଙ୍ଗଳାରୋପଣ, ଘଟପୂଜା, ଷୋଡଶ ଉପଚାର ପୂଜା, ଚଣ୍ଡୀପାଠ ଆଦି କରାଯାଇଥିଲା। ମନ୍ଦିର କମିଟି ପକ୍ଷରୁ, ବ୍ୟବସାୟୀ ସଂଘ ପକ୍ଷରୁ କାର୍ଯ୍ୟକ୍ରମ ପରିଚାଳନା କରାଯାଇଥିଲା।

୮ଘଣ୍ଟା ପରେ ବିଚ୍ଛିନ୍ନାଞ୍ଚଳରୁ ଉଦ୍ଧାର ହେଲେ ୧୦ ସରକାରୀ କର୍ମଚାରୀ

୮ଘଣ୍ଟା ପରେ ବିଚ୍ଛିନ୍ନାଞ୍ଚଳରୁ ଉଦ୍ଧାର ହେଲେ ୧୦ ସରକାରୀ କର୍ମଚାରୀ

ମାଲକାନଗିରି, ୧୮ା୪୮(ଡି.ଏନ୍‌.ଏ): ମାଲକାନଗିରି ଜିଲା ଚିତ୍ରକୋଣ୍ଡା ଜଳଭଣ୍ଡାରରେ ବୋଟ୍‌ ଅଚଳ ହୋଇପଡ଼ିବାରୁ ଏକ ଟାପ ମଧ୍ୟରେ ୧୦ ଜଣ ସରକାରୀ କର୍ମଚାରୀ ୮ଘଣ୍ଟା ଫଶିି ରହିବା ପରେ ଜିଲା ପ୍ରଶାସନ ଓ ବିଏସଏଫ ଯବାନଙ୍କ ସହାୟତାରେ ବୁଧବାର ସେମାନଙ୍କୁ ଉଦ୍ଧାର କରାଯାଇଛି।

ଶିକ୍ଷୟିତ୍ରୀଙ୍କଠାରୁ ସୁନା ଅଳଙ୍କାର ଲୁଟ

ଶିକ୍ଷୟିତ୍ରୀଙ୍କଠାରୁ ସୁନା ଅଳଙ୍କାର ଲୁଟ

ନବରଙ୍ଗପୁର,୧୮।୪(ବି.ପ୍ର.): ଜିଲାର ନନ୍ଦାହାଣ୍ଡି ବ୍ଲକ ୟୁଜିୟୁପି ସ୍କୁଲର ଶିକ୍ଷୟିତ୍ରୀ ଶୈଳବାଳା ଦାଶଙ୍କଠାରୁ ବୁଧବାର ସକାଳେ ସୁନା ଅଳଙ୍କାର ଲୁଟ ହୋଇଛି।

ମଦ ଦୋକାନକୁ ବିରୋଧ

ମଦ ଦୋକାନକୁ ବିରୋଧ

ମାଲକାନଗିରି,୧୮।୪(ସ୍ବ.ପ୍ର.)-ମାଲକାନଗିରି ଜିଲା କୋରକୋଣ୍ଡା ସଦର ମହକୁମାସ୍ଥିତ ମଦ ଦୋକାନକୁ ସ୍ଥାନୀୟ ଏଏସଜି ଗ୍ରୁପ୍‌ ଓ ଯୁବକ ସଂଘ ପକ୍ଷରୁ ବୁଧବାର ବିରୋଧ କରାଯାଇଛି। ଏନେଇ ସରପଞ୍ଚ ବଂଶୀଧର ମୁଦୁଲିଙ୍କୁ ଅବଗତ କରାଯାଇଛି।

ମାଥିଲି: ବ୍ଲକସ୍ତରୀୟ ଅକ୍ଷୟ ତୃତୀୟା ଦିବସ ପାଳିତ

ମାଥିଲି: ବ୍ଲକସ୍ତରୀୟ ଅକ୍ଷୟ ତୃତୀୟା ଦିବସ ପାଳିତ

ମାଥିଲି, ୧୮।୪(ଡି.ଏନ.ଏ.): ମାଲକାନଗିରି ଜିଲା ମାଥିଲି ବ୍ଲକ ସଦର ସ୍ଥିତ ସରକାରୀ କୃଷି ଫାର୍ମ ପରିସରରେ ବୁଧବାର ବ୍ଲକସ୍ତରୀୟ ଅକ୍ଷିମୁଠି ଦିବସ ତଥା ଅକ୍ଷୟ ତୃତୀୟା ପାଳିତ ହୋଇଯାଇଛି। କୃଷି ସୂଚନା ଓ ପରାମର୍ଶ କେନ୍ଦ୍ରର ଅଧ୍ୟକ୍ଷ କାନାମରାଜୁ ନାୟକଙ୍କ ତତ୍ତ୍ବାବଧାନରେ ଅକ୍ଷିମୁଠି ଅନୁକୂଳ କରାଯାଇଥିଲା।

ମାଲକାନଗିରିରେ ୩ ଭଉଣୀ ଜୀବନ୍ତଦଗ୍ଧ

ମାଲକାନଗିରିରେ ୩ ଭଉଣୀ ଜୀବନ୍ତଦଗ୍ଧ

ମାଲକାନଗିରି,୧୮।୪(ଡି.ଏନ୍‌.ଏ.): ମାଲକାନଗିରି ସଦର ମହକୁମା ଜଗନ୍ନାଥ ସାହିରେ ବୁଧବାର ଏକ ଅଭାବନୀୟ ଘଟଣା ଘଟିଛି। ବାପାଙ୍କ ମୃତ୍ୟୁର ୧୨ ଦିନ ନ ପୂରୁଣୁ ଅଗ୍ନିକାଣ୍ଡରେ ୩ ଭଉଣୀ ଜୀବନ୍ତଦଗ୍ଧ ହୋଇଥିବା ଜଣାପଡିଛି। ସେମାନେ ହେଲେ କେ.ମେନକା(୪୦), କେ.ମଙ୍ଗା(୩୦), କେ.ରେଣୁକା(୧୬)।

ବୁଡି ଯାଉଛି କୁମ୍ଭାରଙ୍କ କୌଳିକ ବୃତ୍ତି

ବୁଡି ଯାଉଛି କୁମ୍ଭାରଙ୍କ କୌଳିକ ବୃତ୍ତି

ମାଲକାନଗିରି, ୧୮।୪ (ସ୍ବ.ପ୍ର.)- ଗଁ।ଠାରୁ ସହର ଯାଏ ଆଉ କାହା ଘରେ ଦିଶୁନାହିଁ ମାଟିର ପାତ୍ର। କୁମ୍ଭାର ଗଁ। ଗଁ। ବୁଲି ଆଉ ବିକୁ ନାହିଁ ମାଟି କଳସ, ଦୀପ, ହାଣ୍ଡି। ସିଲଭର, ଷ୍ଟିଲ୍‌, ପତ୍ତଳ କଂସାର ଜିନିଷ ଏବେ ଘରେ ଘରେ। ଫ୍ରିଜ୍‌ ପାଣି ପିଇବା ପରେ ଆଉ କଳସକୁ କିଏ ପଚାରେ। ଏଭଳି ପ୍ରକାରେ ମାଲକାନଗିରି ଜିଲାର କୁମ୍ଭାର ପରିବାରମାନେ କୌଳିକ ବୃତ୍ତି ଛାଡି କୁଲି ବୃତ୍ତି କରିବାକୁ ଗଲେଣି। ଆଦିବାସୀ ଅଧ୍ୟୁଷିତ ଏହି ଜିଲା ଶିଳ୍ପବିହୀନ। ରୋଜଗାର କହିଲେ କୁଲି ବୃତ୍ତି ଛଡା କିଛିନାହିଁ। ଏମିତି ଜିଲାରେ କିଛି ପରିବାର ଅଛନ୍ତି ମାଲକାନଗିରିରେ ୭ ଘର, କାଲିମେଳାରେ ୧୦ ଘର, କୋରକୋଣ୍ଡା ବ୍ଳକର କେନ୍ଦୁଗୁଡାରେ ୫ ଘର, ଚିତ୍ରକୋଣ୍ଡାରେ ୭ ଘର, ସବୁଠାରୁ ଅଧିକା ଖଇରପୁଟରେ ୬୦ ଘର। ଜିଲାରେ ହଜାରରୁ ଊର୍ଦ୍ଧ୍ୱ କୁମ୍ଭାର ପରିବାର ଥିବାବେଳେ ବର୍ତ୍ତମାନ ହାତଗଣତି କିଛି ପରିବାର ଏହି ବେଉସା କରୁଛନ୍ତି।

ଯୋଗାଣ ବିଭାଗରେ ଅନିୟମିତତା ଅଭିଯୋଗ

ଜୟପୁର,୧୮।୪(ଡି.ଏନ୍‌.ଏ.):କୋରାପୁଟ ଜିଲା ଯୋଗାଣ ବିଭାଗରେ ବିଭିନ୍ନ ପ୍ରକାର ଅନିୟମିତତା ହେଉଥିବା ଅଭିଯୋଗ ହେଉଛି। କେତେକ ମିଲର୍ସ ଓ ଯୋଗାଣ ଅଧିକାରୀଙ୍କ ଭିତିରିଆ ସଲାସୁତରା ଯୋଗୁଁ ଏହିପରି ଅନିୟମିତତା ବିନା ଭୟ ଓ ବାଧାରେ ଚାଲିଛି । ଫଳରେ ଅନ୍ୟ ମିଲର୍ସ ଓ ବିଭାଗୀୟ କାର୍ଯ୍ୟ ସହ ଜଡ଼ିତ ପିଡିଏସ୍‌ ଯୋଜନାରେ ସଂଶ୍ଲିଷ୍ଟ ବ୍ୟବସାୟୀ ହନ୍ତସନ୍ତ ହେଉଛନ୍ତି । ଏହିପରି ଅନିୟମିତତା ଓ ଲାଞ୍ଚ କାରବାର ନେଇ ଗତ ମାର୍ଚ୍ଚ ୧୩ରେ ତତ୍କାଳୀନ ଜିଲା ଯୋଗାଣ ଅଧିକାରୀ ଭିଜିଲାନ୍ସ ହାତରେ ଧରାପଡିଥିଲେ । ନିୟମ ଅନୁଯାୟୀ, ଚାଷୀଙ୍କ ଅମଳ ଧାନ ପ୍ୟାକ୍ସ ମାଧ୍ୟମରେ ସରକାର କିଣିବା ପରେ ଚାଉଳ ଉପତ୍।ଦନ କରିବା ପାଇଁ ତାହାକୁ ଖାଦ୍ୟ ନିଗମ ପକ୍ଷରୁ ଜିଲାର ସମସ୍ତ ଆବେଦନକାରୀ ମିଲମାନଙ୍କୁ ଦିଆଯାଇଥାଏ ।

ପୋଖରୀରେ ବୁଡ଼ିଯାଇ ମା’ ସମେତ ୨ ପୁଅଙ୍କ ମୃତ୍ୟୁ

ପାରଳାଖେମୁଣ୍ଡି,୧୭।୪(ସ୍ବ.ପ୍ର.)- ଗଜପତି ଜିଲା ଗୋଷାଣି ବ୍ଲକ ଅନ୍ତର୍ଗତ ଗାରାବନ୍ଧ ଗ୍ରାମରେ ମଙ୍ଗଳବାର ରାତିରେ ଏକ ଅଘଟଣ ଘଟିଛି। ଗ୍ରାମ ନିକଟ ପୋଖରୀରେ ବୁଡ଼ିଯାଇ ମା’ ସମେତ ଦୁଇ ଶିଶୁପୁତ୍ର ପ୍ରାଣ ହରାଇଛନ୍ତି। ମୃତକ ହେଲେ ବାଣିଶ୍ରୀ ସାହୁକାର (୪୨), ତାଙ୍କ ଦୁଇ ପୁଅ ଶୁଭମ (୧୨) ଏବଂ ଓମ୍‌ (୧୦)। ସୂଚନା ଅନୁଯାୟୀ, ରାତି ପ୍ରାୟ ୯ଟାରେ ଶୌଚ ପାଇଁ ଦୁଇ ପିଲାଙ୍କୁ ଧରି ବାଣିଶ୍ରୀ ଯାଇଥିଲେ। ଗାଁ ପାଖ ପୋଖରୀରେ ଶୌଚ ହେବା ବେଳେ ଜଣେ ପିଲାର ଗୋଡ଼ ଖସି ଯିବାରୁ ସେ ପାଣିରେ ପଡ଼ିଯାଇଥିଲା। ତାଙ୍କୁ ଉଦ୍ଧାର କରିବାକୁ ମା’ ବାଣିଶ୍ରୀ ଯାଇ ବୁଡ଼ିଯାଇଥିଲେ। ଏହି ସମୟରେ ତାଙ୍କ ଅଜାଣତରେ ଅନ୍ୟ ପୁଅଟି ପୋଖରୀ ଭିତରେ ପଶିଯାଇଥିଲା। କେହି କାହାରିକୁ ଉଦ୍ଧାର କରି ନ ପାରିବାରୁ ତିନିହେଁ ପୋଖରୀରେ ବୁଡ଼ିଯାଇଥିଲେ।

ଫି’ ନ ଦେବାରୁ ଛାତ୍ରୀଙ୍କୁ  ତଡ଼ିଦେଲେ ଶିକ୍ଷୟିତ୍ରୀ

ଫି’ ନ ଦେବାରୁ ଛାତ୍ରୀଙ୍କୁ ତଡ଼ିଦେଲେ ଶିକ୍ଷୟିତ୍ରୀ

ଜେକେପୁର/ରାୟଗଡା ଅଫିସ୍‌, ୧୭।୪(ଡି.ଏନ୍‌.ଏ) ପ୍ରାଥମିକ ଶିକ୍ଷା ପ୍ରତି ପିଲାଙ୍କୁ ଆକୃଷ୍ଟ କରିବା ପାଇଁ ସରକାର ବିଭିନ୍ନ ଯୋଜନା ପ୍ରଣୟନ କରି କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ପିଲାଙ୍କୁ ପ୍ରଥମରୁ ଅଷ୍ଟମ ଶ୍ରେଣୀ ଯାଏଁ ମାଗଣା ଓ ବାଧ୍ୟତାମୂଳକ ଶିକ୍ଷା ପ୍ରଦାନ ଲାଗି କଡାକଡି ନିୟମ କରାଯାଇଛି । ହେଲେ ଚାନ୍ଦିଲି ପଞ୍ଚାୟତ ଜେକେପୁରଠାରେ ଥିବା ଲକ୍ଷ୍ମୀପତ ସିଂଘାଣିଆ ବିଦ୍ୟାଳୟରେ ଶିକ୍ଷାଧିକାର ନିୟମକୁ ଖୋଲାଖୋଲି ଉଲ୍ଲଂଘନ କରାଯାଇ ଛାତ୍ରୀଛାତ୍ରଙ୍କଠାରୁ ହଜାର ହଜାର ଟଙ୍କା ଫି ଆଦାୟ କରାଯାଉଛି। ଏପରିକି ଷଷ୍ଠ ଶ୍ରେଣୀ ପାଇଁ ଉର୍ଦ୍ଦିଷ୍ଟ ୧୧୬୦ଟଙ୍କା ପୈଠ ନ କରିବାରୁ ପ୍ରଧାନଶିକ୍ଷକଙ୍କ ନିର୍ଦ୍ଦେଶରେ ଶିକ୍ଷୟିତ୍ରୀ ଜଣେ ଛାତ୍ରୀଙ୍କୁ ଶ୍ରେଣୀ ଗୃହରୁ ତଡିଦେବା ଭଳି ଘଟଣା ପଦାକୁ ଆସିଛି । ଏନେଇ ମଙ୍ଗଳବାର ଉକ୍ତ ଛାତ୍ରୀଙ୍କ ପରିବାର ତରଫରୁ ଜିଲା ଶିକ୍ଷାଧିକାରୀଙ୍କୁ ଭେଟି ଘଟଣା ସମ୍ପର୍କରେ ଜଣାଇବା ସହ ଏକ ଅଭିଯୋଗପତ୍ର ପ୍ରଦାନ କରାଯାଇଛି । ତୁରନ୍ତ ଛାତ୍ରୀଙ୍କ ନାମ ଲେଖାଯିବା ସହ ଘଟଣାର ତଦନ୍ତ କରାଯିବ ବୋଲି ଜିଲା ଶିକ୍ଷାଧିକାରୀ ପ୍ରତିଶ୍ରୁତି ଦେଇଛନ୍ତି ।

ସଫେଇ ଆଳରେ ୧୧ ଭରି ସୁନା ଲୁଟି ନେଲେ ଦୁର୍ବୃତ୍ତ

ଜେକେପୁର, ୧୭।୪(ଡି.ଏନ୍‌.ଏ) ମାତ୍ର ୨ଦିନ ତଳେ ଗୁଣପୁରର ଜଣେ ଷ୍ଟାଫ୍‌ ନର୍ସ ବିଜୟିନୀ ସାମଲଙ୍କଠାରୁ ସଫେଇ ଆଳରେ ୩ଭରି ସୁନା ଠକି ନେବା ଘଟଣା ଲୋକଙ୍କ ମନରୁ ନ ଲିଭୁଣୁ ଚାନ୍ଦିଲି ପଞ୍ଚାୟତ ଜେକେପୁରଠାରେ ସମାନ ଢ଼ଙ୍ଗରେ ଦୁର୍ବୃତ୍ତମାନେ ୧୧ଭରି ସୁନା ଗହଣା ଲୁଟି ନେବାଭଳି ଘଟଣା ପଦାକୁ ଆସିଛି । ମଙ୍ଗଳବାର ମଧ୍ୟାହ୍ନ ପ୍ରାୟ ୧୨ଟା ବେଳେ ଜେକେପୁର କାଳିଦାସ ସାହିରେ ରହୁଥିବା କେ.ବିଶ୍ୱେଶ୍ୱର ରାଓଙ୍କ ଘରକୁ ୨ଜଣ ଅଚିହ୍ନା ଯୁବକ ଆସି ପିତ୍ତଳ ବାସନ ସଫା କରିବାକୁ କହିଥିଲେ । ତାଙ୍କ ସ୍ତ୍ରୀ ପିତ୍ତଳ ବାସନ ଆଣି ଦେଇଥିଲେ। ପରେ ଯୁବକଦ୍ୱୟ ସୁନାଗହଣା ସଫା କରିବାକୁ କହିଥିଲେ । ସେ ରୋଷେଇ ଘରେ ହଳଦୀ ପାଣି ଗରମ କରିବା ସମୟରେ ଯୁବକଦ୍ୱୟ ସୁନାଗହଣା ଧରି ଚମ୍ପଟ ମାରିଥିଲେ ।

୨୦୧୮-୧୯ ଆର୍ଥତ୍କ ବର୍ଷ: ଚାଷୀଙ୍କୁ ମିଳିବ ୧୩୩ କୋଟି ଋଣ

୨୦୧୮-୧୯ ଆର୍ଥତ୍କ ବର୍ଷ: ଚାଷୀଙ୍କୁ ମିଳିବ ୧୩୩ କୋଟି ଋଣ

କୋରାପୁଟ,୧୭।୪(ସ୍ବ.ପ୍ର.): ଚଳିତ ୨୦୧୮-୧୯ ଆର୍ଥତ୍କ ବର୍ଷ ପାଇଁ କୋରାପୁଟ ଜିଲାର କୃଷକଙ୍କୁ ରାଜ୍ୟ ସରକାର ୧୩୩ କୋଟି ଟଙ୍କାର କୃଷିଋଣ ଦେବା ପାଇଁ ଲକ୍ଷ୍ୟ ରଖିଯାଇଛି। ମଙ୍ଗଳବାର ସ୍ଥାନୀୟ ଟାଉନ ହଲରେ କୃଷି ସମ୍ପର୍କିତ ସମୀକ୍ଷା ବୈଠକରେ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଏହି ସୂଚନା ଦେଇଛନ୍ତି। ଏ ଦିଗରେ ସହଯୋଗ କରିବା ପାଇଁ ଜିଲାର ବିଭିନ୍ନ ବ୍ୟାଙ୍କ, ଲ୍ୟାମ୍ପ, କୃଷି ବିଭାଗ, ଗ୍ରାମାଞ୍ଚଳ କୃଷି ଅଧିକାରୀଙ୍କୁ କୁହାଯାଇଛି।

ଶୋଭାଯାତ୍ରାରେ ଗଲେ, ଧାରଣା ଦେଲେ ଗାଁ ସାଥୀ

ଶୋଭାଯାତ୍ରାରେ ଗଲେ, ଧାରଣା ଦେଲେ ଗାଁ ସାଥୀ

କୋରାପୁଟ,୧୭।୪(ଡି.ଏନ୍‌.ଏ.): ମହାତ୍ମା ଗାନ୍ଧି ଜାତୀୟ ନିଶ୍ଚିତ କର୍ମ ନିଯୁକ୍ତି ଯୋଜନା କାର୍ଯ୍ୟକାରିତାରେ ଗାଁ ସାଥୀଙ୍କ ପ୍ରମୁଖ ଭୂମିକା ରହିଛି। ମଙ୍ଗଳବାର ସେମାନେ ମାସିକ ସର୍ବନିମ୍ନ ଭତ୍ତା ୬ ହଜାର ଟଙ୍କା ଓ ସ୍ଥାୟୀ ନିଯୁକ୍ତି ସମେତ ୯ଟି ଦାବି ନେଇ ଶୋଭାଯାତ୍ରାରେ ବାହାରିବା ସହ ଜିଲାପାଳ ଅଫିସ ଆଗରେ ଧାରଣା ଦେଇଛନ୍ତି।

ପାଣି ସମସ୍ୟା ନେଇ ଜଳ ଯୋଗାଣ ଯନ୍ତ୍ରୀଙ୍କୁ ଭେଟିଲା ଭାଜପା

ପାଣି ସମସ୍ୟା ନେଇ ଜଳ ଯୋଗାଣ ଯନ୍ତ୍ରୀଙ୍କୁ ଭେଟିଲା ଭାଜପା

ଜୟପୁର,୧୭।୪(ନି.ପ୍ର.): ଜୟପୁର ଭାଜପା ସଭାପତି ଅମରଲାଲ ଆହୁଜାଙ୍କ ନେତ୍‌ତ୍ୱରେ ଏକ ଟିମ ଜଳ ଯୋଗାଣ ସହକାରୀ ଯନ୍ତ୍ରୀଙ୍କୁ ସାକ୍ଷାତ କରିଛନ୍ତି । ଆଲୋଚନା ସମୟରେ ସହରର ମହିଳାମାନେ ଜୟପୁର ସହରରେ ପାନୀୟ ଜଳ ପାଇବାରୁ ବଞ୍ଚତ୍ତ ହେଉଥିବା ନେଇ ଅଭିଯୋଗ ଜଣାଇଥିଲେ।

୭୨ ପ୍ରହର ଅଖଣ୍ଡ ନାମଯଜ୍ଞରେ ପ୍ରତିଷ୍ଠା ହେଲା ୨୭ ବିଗ୍ରହ

ଜୟପୁର,୧୭।୪(ନି.ପ୍ର.): ଜୟପୁର ବ୍ଲକ ଫାମ୍ପୁଣି ଗ୍ରାମ ସ୍ଥିତ ସବ ମଙ୍ଗଳା ମନ୍ଦିରରେ ପାର୍ଶ୍ୱଦେବତା ପ୍ରତିଷ୍ଠା ଉଦ୍ଦେଶ୍ୟରେ ୭୨ ପ୍ରହର ଅଖଣ୍ଡ ନାମ ଯଜ୍ଞ ଅନୁଷ୍ଠିତ ହୋଇଛି। ଏହି ଅବସରରେ ମନ୍ଦିରରେ ୨୭ଟି ବିଗ୍ରହ ସ୍ଥାପନ, ୧୦୮ ମହନ୍ତଙ୍କ ଦ୍ୱାରା ୧୦୮୦ ଥର ହୁନମାନ ଚାଳିଶାର ସ୍ବତନ୍ତ୍ର ପଠନ, ୬୪ ମହନ୍ତଙ୍କ ଦ୍ୱାରା ହରିହର ଭେଟ କରାଯାଇଥିଲା ।

ଆଧୁନିକ ଓଡ଼ିଶା ଗଠନରେ ଉଲ୍ଲେଖନୀୟ ଅବଦାନ ଦେଇଥିଲେ ବିଜୁବାବୁ

ଆଧୁନିକ ଓଡ଼ିଶା ଗଠନରେ ଉଲ୍ଲେଖନୀୟ ଅବଦାନ ଦେଇଥିଲେ ବିଜୁବାବୁ

କୋରାପୁଟ,୧୭।୪(ସ୍ବ.ପ୍ର.): ମଙ୍ଗଳବାର କୋରାପୁଟରେ ମହାନାୟକ ବିଜୁ ପଟ୍ଟନାୟକଙ୍କ ୨୧ତମ ଶ୍ରାଦ୍ଧ ବାର୍ଷିକୀ ପାଳିତ ହୋଇଛି । ଜିଲା ବିଜୁ ଜନତା ଦଳ ପକ୍ଷରୁ ସ୍ଥାନୀୟ ବିଜୁ ପଟ୍ଟନାୟକ ପାର୍କଠାରେ ଆୟୋଜିତ କାର୍ଯ୍ୟକ୍ରମରେ ଜିଲା ପରିଷଦ ଅଧ୍ୟକ୍ଷ ପ୍ରଭୁ ଜାନି, ପୂର୍ବତନ ବିଧାୟକ ଗୁପ୍ତ ପ୍ରସାଦ ଦାସ ଅତିଥି ଭାବେ ଯୋଗଦେଇ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ ।

ନବୋଦୟ କେନ୍ଦ୍ରୀୟ ବିଦ୍ୟାଳୟ ପରିଦର୍ଶନ କଲେ ପ୍ରାଥମିକ ବିଦ୍ୟାଳୟ ଛାତ୍ରୀଛାତ୍ର

ନବୋଦୟ କେନ୍ଦ୍ରୀୟ ବିଦ୍ୟାଳୟ ପରିଦର୍ଶନ କଲେ ପ୍ରାଥମିକ ବିଦ୍ୟାଳୟ ଛାତ୍ରୀଛାତ୍ର

ମାଲକାନଗିରି, ୧୭।୪(ଡି.ଏନ୍‌.ଏ.): ବିଭିନ୍ନ ସରକାରୀ ପ୍ରାଥମିକ ବିଦ୍ୟାଳୟରେ ଅଧ୍ୟୟନ କରୁଥିବା ପ୍ରଥମରୁ ପଞ୍ଚମ ଶ୍ରେଣୀ ଛାତ୍ରୀଛାତ୍ରମାନଙ୍କର ଶିକ୍ଷା, ସୁସ୍ଥ ପରିବେଶ, ସୁଷମ ଖାଦ୍ୟ, ପୋଷାକ ଓ ଆଚରଣ ଉଚ୍ଚାରଣର ଉନ୍ନତି ଲକ୍ଷ୍ୟ ନେଇ ମାଲକାନଗିରି ଜିଲା ଶିକ୍ଷା ବିଭାଗ ପକ୍ଷରୁ ପଦକ୍ଷେପ ନିଆଯାଇଛି। ମଙ୍ଗଳବାର ଶିକ୍ଷା ବିଭାଗ ପକ୍ଷରୁ ଅନୁସୂଚିତ ଜାତି ଜନଜାତି ଛାତ୍ରୀଛାତ୍ରଙ୍କ ସହ ପ୍ରାୟ ୩୦୦ରୁ ଊର୍ଦ୍ଧ୍ୱ ସାଧାରଣ ବର୍ଗର ଛାତ୍ରୀଛାତ୍ରଙ୍କୁ ଜବାହର ନବୋଦୟ କେନ୍ଦ୍ରୀୟ ବିଦ୍ୟାଳୟ ପରିଦର୍ଶନରେ ନିଆଯାଇଥିଲା।

ବିଜୁବାବୁଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଆହ୍ବାନ

ବିଜୁବାବୁଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଆହ୍ବାନ

ମାଥିଲି , ୧୭।୪ (ଡି.ଏନ.ଏ): ପ୍ରବାଦ ପୁରୁଷ ସ୍ବର୍ଗତ ବିଜୁ ପଟ୍ଟନାୟକ ଥିଲେ ଓଡିଶାର ମାର୍ଗଦର୍ଶକ। ନିଃସ୍ବାର୍ଥପର କାମ କରି ବିଜୁ ବାବୁ ସମସ୍ତଙ୍କ ପାଇଁ ପ୍ରେରଣା ପାଲଟିଥିଲେ। ଲୋକ ସେବା ଓ ପରୋପକାରିତା ତାଙ୍କର ଶ୍ରେଷ୍ଠ ଦିଗଦର୍ଶନ ଥିଲା। ତାଙ୍କ ଆଦର୍ଶରେ ଅନୁପ୍ରାଣିତ ହୋଇ ଗ୍ରାମାଞ୍ଚଳର ଉନ୍ନତି ଧାରାରେ ସହଭାଗିତା ହେବା ଦରକାର। ମାଲକାନଗିରି ଜିଲା ମାଥିଲି ବ୍ଲକ ସଦର ସ୍ଥିତ ଡାକବଙ୍ଗଳାଠାରେ ମଙ୍ଗଳବାର ବିଜେଡି ତରଫରୁ ଆୟୋଜିତ ବିଜୁ ବାବୁଙ୍କ ୨୧ ତମ ଶ୍ରାଦ୍ଧ ଦିବସ ପାଳନ ପରିପ୍ରେକ୍ଷୀରେ ଏପରି ମତ ପ୍ରକାଶ ପାଇଛି ।

୨୧ତମ ତିରୋଧାନ ଦିବସରେ ବିଜୁବାବୁଙ୍କ ସ୍ମୃତିଚାରଣ

୨୧ତମ ତିରୋଧାନ ଦିବସରେ ବିଜୁବାବୁଙ୍କ ସ୍ମୃତିଚାରଣ

ଗୁଣପୁର, ୧୭।୪(ଡି.ଏନ୍‌.ଏ.): ରାୟଗଡା ଜିଲା ଗୁଣପୁର ବିଜେଡି ପକ୍ଷରୁ ମଙ୍ଗଳବାର ପ୍ରବାଦ ପୁରୁଷ ତଥା ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ବିଜୁ ପଟ୍ଟନାୟକଙ୍କ ୨୧ତମ ତିରୋଧାନ ଦିବସ ପାଳିତ ହୋଇଯାଇଛି।

ମାଲକାନଗିରି ବିଜେଡି ତରଫରୁ ବିଜୁବାବୁଙ୍କ ଶ୍ରାଦ୍ଧ ଦିବସ ପାଳିତ: ଜିଲାର ଉନ୍ନତି ପାଇଁ କର୍ମୀ ନେଲେ ଶପଥ

ମାଲକାନଗିରି ବିଜେଡି ତରଫରୁ ବିଜୁବାବୁଙ୍କ ଶ୍ରାଦ୍ଧ ଦିବସ ପାଳିତ: ଜିଲାର ଉନ୍ନତି ପାଇଁ କର୍ମୀ ନେଲେ ଶପଥ

ମାଲକାନଗିରି,୧୭।୪(ଡି.ଏନ୍‌.ଏ.): ମାଲକାନଗିରି ଜିଲା ସଦର ମହକୁମା ପୌର ପରିଷଦ ସମ୍ମିଳନୀ କକ୍ଷରେ ମଙ୍ଗଳବାର ଜିଲା ବିଜୁ ଜନତା ଦଳ(ବିଜେଡି) ତରଫରୁ ସ୍ବର୍ଗତ ବିଜୁ ପଟ୍ଟନାୟକଙ୍କ ୨୧ତମ ଶ୍ରାଦ୍ଧ ଦିବସ ପାଳିତ ହୋଇଯାଇଛି।