ରାୟଗଡା

ରାୟଗଡାରେ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ: ୬ଟି ବ୍ଲକ୍‌ ଶିକ୍ଷାଧିକାରୀ ପଦବୀ ଖାଲି

ରାୟଗଡା ଅଫିସ୍‌, ୨୫ା୫- ରାୟଗଡା ଜିଲାର ୧୧ଟି ବ୍ଲକ୍‌ ମଧ୍ୟରୁ ୬ଟି ବ୍ଲକ୍‌ରେ ବ୍ଲକ୍‌ ଶିକ୍ଷାଧିକାରୀ ପଦବୀ ଖାଲିପଡିଛି ା ଫଳରେ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି ା କୋଲନରା ଓ ବିଷମକଟକ, ଗୁଣପୁର ଓ ରାମନାଗୁଡା, ପଦ୍ମପୁର ଓ ଗୁଡାରୀ, ମୁନିଗୁଡା ଓ ଚନ୍ଦ୍ରପୁର ଏପରି ୨ଟି ବ୍ଲକ୍‌ ନିମନ୍ତେ ଜଣେ ଲେଖାଏଁ ବ୍ଲକ୍‌ ଶିକ୍ଷାଧିକାରୀ ଦାୟିତ୍ୱ ତୁଲାଉଛନ୍ତି ା ଜିଲା ଅତିରିକ୍ତ ଶିକ୍ଷାଧିକାରୀ ନିଜ ଜିଲା କାର୍ଯ୍ୟାଳୟ ଦାୟିତ୍ୱ ସହ ରାୟଗଡା ଓ କଲ୍ୟାଣସିଂହପୁର ବ୍ଲକ୍‌ ଏପରି ୩ଟି ଦାୟିତ୍ୱରେ ଅଛନ୍ତି ା ଫଳରେ ନାମକୁ ମାତ୍ର ଶିକ୍ଷା ବ୍ୟବସ୍ଥା ଚାଲିଛି ା ଶିକ୍ଷକମାନଙ୍କ ଦରମା, ବାର୍ଷିକ ଇନ୍‌କ୍ରିମେଣ୍ଟ, ଛୁଟି ମଞ୍ଜୁରୀ, ବାର୍ଷିକ ଗ୍ରେଡେସନ୍‌, ଆର୍‌ଏସିପି ଭଳି ଗୁରୁତ୍ୱପୂର୍ଣ୍ଣ କାର୍ଯ୍ୟ ହୋଇପାରୁନାହିଁ ା ଶିକ୍ଷକମାନେ କାର୍ଯ୍ୟାଳୟକୁ ଦୌଡି ଦୌଡି ବ୍ଲକ୍‌ ଶିକ୍ଷାଧିକାରୀଙ୍କ ସାକ୍ଷାତ ନ ପାଇ ଫେରି ଯାଉଛନ୍ତି ା କେତେ ଜଣ ବ୍ଲକ୍‌ ଶିକ୍ଷାଧିକାରୀ କାର୍ଯ୍ୟ ଚାପ ଯୋଗୁ ଶିକ୍ଷକଙ୍କ ପ୍ରାପ୍ୟ ପ୍ରଦାନରେ ଅସମର୍ଥତା ପ୍ରକାଶ କରୁଛନ୍ତି ା ବିଦ୍ୟାଳୟ ପରିଦର୍ଶନ ଏକ ପ୍ରହସନ ପାଲଟିଯାଇଛି ା

ଦୀର୍ଘଦିନ ହେଲା ସ୍କୁଲ ଆସୁନାହାନ୍ତି ୪ର୍ଥ ଶ୍ରେଣୀ କର୍ମଚାରୀ:କାର୍ଯ୍ୟାନୁଷ୍ଠାନ ପାଇଁ ଚେତାବନୀ ଦେଲା ଶିକ୍ଷା ବିଭାଗ

ପାରଳାଖେମୁଣ୍ଡି,୨୫।୫(ସ୍ବ.ପ୍ର.)-ଗଜପତି ଜିଲା କାଶୀନଗର ବ୍ଲକ ଅନ୍ତର୍ଗତ ଖାରଡା ବି.ଏମ୍‌. ଉଚ୍ଚ ବିଦ୍ୟାଳୟର ୪ର୍ଥ ଶେଣୀ କର୍ମଚାରୀ ଲକ୍ଷ୍ମୀ ସେଠୀ ପାବନୀ ବିନା ଅନୁମତିରେ ଦୀର୍ଘଦିନ ହେବ ସ୍କୁଲରେ ଅନୁପସ୍ଥିତ ରହିଥିବା ଅଭିଯୋଗ ହୋଇଛି। ଏ ନେଇ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ଚେତାଇ ଦିଆଯାଇଛି। ସୂଚନା ଅନୁଯାୟୀ,ଲକ୍ଷ୍ମୀ ସେଠୀ ପାବନୀ ଗତ ୨୮.୭.୨୦୧୪ ଠାରୁ ବର୍ତ୍ତମାନ ପର୍ଯ୍ୟନ୍ତ ବିଭାଗୀୟ ଉଚ୍ଚ ଅଧିକାରୀଙ୍କ ବିନା ଅନୁମତିରେ ବିଦ୍ୟାଳୟରେ ଅନୁପସ୍ଥିତ ରହିଛନ୍ତି। ବିଦ୍ୟାଳୟର ପ୍ରଧାନ ଶିକ୍ଷକଙ୍କ କାର୍ଯ୍ୟାଳୟ ପକ୍ଷରୁ ଗତ ୪.୫.୨୦୧୫ରେ ତାଙ୍କୁ ଚାକିରୀରେ ଯୋଗ ଦେବା ଲାଗି ସ୍ବାସ୍ଥ୍ୟଗତ ପ୍ରମାଣପତ୍ର ଓ ପ୍ରତଶ୍ରୁତି ପତ୍ର ଇତ୍ୟାଦି ଦାଖଲ କରିବା ପାଇଁ ପତ୍ର ପ୍ରେରଣ କରାଯାଇଥିଲା। ମାତ୍ର ଅଦ୍ୟାବଧି ଉକ୍ତ ପତ୍ରର କୌଣସି ଜବାବ ମିଳିନାହିଁ କିମ୍ବା ସେ ବିଦ୍ୟାଳୟକୁ ଆସି ଉଚ୍ଚ ଅଧିକାରୀଙ୍କୁ ଦେଖାକରିନାହାନ୍ତି ା ତେଣୁ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ତାଙ୍କୁ ୭ଦିନ ମଧ୍ୟରେ ଆବଶ୍ୟକ ପ୍ରମାଣପତ୍ର ସହ ଅନୁପସ୍ଥିତିର କାରଣ ଜଣାଇବାକୁ କୁହାଯାଇଛି ା ଯଦି ୭ଦିନ ମଧ୍ୟରେ ସେ ପ୍ରମାଣପତ୍ର ସହ ସ୍କୁଲରେ ଯୋଗ ନ ଦିଅନ୍ତି ତାହାଲେ ତାଙ୍କ ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ପାଇଁ ନିଷ୍ପତ୍ତି ନିଆଯିବ ବୋଲି ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି। ତେବେ ଦୀର୍ଘଦିନ ଧରି ଏହି କର୍ମଚାରୀଙ୍କ ଅନୁପସ୍ଥିତିର କାରଣ ବୁଝାପଡୁନାହିଁ ା

୬ମାସ ହେଲା ଅନ୍ଧାରରେ ଦଳେଇଗୁଡାବାସୀ

ନବରଙ୍ଗପୁର,୨୫ା୫(ବି.ପ୍ର.)- ଛଅ ମାସ ହେଲା ଅନ୍ଧାରରେ ରହିଛନ୍ତି ନବରଙ୍ଗପୁର ଜିଲା ନନ୍ଦାହାଣ୍ଡି ବ୍ଲକର ଦଳେଗୁଡା ଗ୍ରାମବାସୀ ା ୨ ମାସ ହେବ ନୂଆ ଟ୍ରାନ୍ସଫର୍ମର ବସିଛି ା ହେଲେ ବିଦ୍ୟୁତ ସଂଯୋଗ କରାଯାଉନି ା ବାରମ୍ବାର ଅଭିଯୋଗ କଲେ ମଧ୍ୟ ବିଦ୍ୟୁତ ସଂଯୋଗ କରାଯାଉନି ବୋଲି ଗ୍ରାମବାସୀ କହିଛନ୍ତି ା ବିଦ୍ୟୁତ ସଂଯୋଗ ପାଇଁ ଗୁରୁବାର ଦଳେଗୁଡାର ଗ୍ରାମବାସୀ ନବରଙ୍ଗପୁର ସାଉଥକୋ ନିର୍ବାହୀଯନ୍ତ୍ରୀଙ୍କ ଦ୍ୱାରସ୍ଥ ହୋଇଛନ୍ତି ା ସେମାନେ ଅଭିଯୋଗ କରିଛନ୍ତିି ଯେ, ଦଳେଇଗୁଡାର ଅମାନାତ୍ୟ ସାହିରେ ଦୀର୍ଘ ୬ମାସ ତଳେ ଟ୍ରାନ୍ସଫର୍ମର ଚୋରି ହୋଇଯାଇଥିଲା ା ୨ ମାସ ତଳେ ନୂଆ ଟ୍ରାନ୍ସଫର୍ମର ବସାଯାଇଛି ା ବିଦ୍ୟୁତ ସଂଯୋଗ ନଥିବାରୁ ଅମାନାତ୍ୟ ସାହି ପୂରା ଅନ୍ଧାରରେ ରହିଛି ା ଗାଁ ଅନ୍ଧାରରେ ଥିବା ଯୋଗୁ ଗାଁରେ ଭାଲୁ ପଶି ଆସୁଛି ା ଗାଁ ଲୋକ ଭୟଭୀତ ରହୁଛନ୍ତି ା ଏହା ସହ ଅସହ୍ୟ ଗରମ ଓ ଗୁଳିଗୁଳି ଯୋଗୁ ଗ୍ରାମବାସୀ ନାହିଁନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି ା ଆସନ୍ତା ୭ ଦିନ ମଧ୍ୟରେ ସାହିକୁ ବିଦ୍ୟୁତ ସଂଯୋଗ କରା ନଗଲେ ସାଉଥ ଅଫିସକୁ ଘେରାଉ କରିବୁ ବୋଲି ଗଣେଶ ତ୍ରିପାଠୀଙ୍କ ନେତୃତ୍ୱରେ ହିର ହରିଜନ, କୃପା ଗୌଡ, ବୈଶାଖୁ ଅମାନାତ୍ୟ ପ୍ରମୁଖ ଚେତାବନୀ ଦେଇ ଫେରିଛନ୍ତି।

୩୦୦ ବର୍ଷର ପରମ୍ପରା ଜଗନ୍ନାଥ ସାଗର

୩୦୦ ବର୍ଷର ପରମ୍ପରା ଜଗନ୍ନାଥ ସାଗର

ଜୟପୁର,୨୫ା୫(ନି.ପ୍ର.): ତିନିଶହ ବର୍ଷର ପରମ୍ପରା ଧରି ରଖିଛି କୋରାପୁଟ ଜିଲା ଜୟପୁର ସ୍ଥିତ ଐତିହାସିକ ଜଗନ୍ନାଥ ସାଗର। ଏହାର ପୁନରୁଦ୍ଧାର ପାଇଁ ପ୍ରାୟ ୧୧ କୋଟି ଟଙ୍କା ଖର୍ଚ୍ଚ କରାଯିବ। ରାଜ୍ୟ ସରକାର ବୁଧବାର ଜୟପୁର ପୌର ପରିଷଦକୁ ଏଭଳି ବ୍ୟୟ ଅଟକଳ ସହ ପ୍ରସ୍ତାବ ଦେଇଛନ୍ତି ା ରାଜ୍ୟ ସହରାଞ୍ଚଳ ଭିତ୍ତିଭୂମି ବିକାଶ ପାଣ୍ଠିରୁ ସାଗରର ଉନ୍ନତି ପାଇଁ ୧୦ କୋଟି ୫୬ ଲକ୍ଷ ୫୬ ହଜାର ଟଙ୍କାର ଏକ ବ୍ୟୟ ଅଟକଳ ପ୍ରସ୍ତୁତ କରାଯାଇଛି ା ଅଟକଳର ୧୦ ଭାଗ ଅର୍ଥ ପୌର ପରିଷଦ ବହନ କରିବ। ୪୫ ପ୍ରତିଶତ ଋଣ ମାଧ୍ୟମରେ ଆସିବା ସହ ପୌର ପରିଷଦ ଏହାକୁ ପରିଶୋଧ କରିବ। ଅବଶିଷ୍ଟ ୪୫ ପ୍ରତିଶତ ଅର୍ଥ ରାଜ୍ୟ ସରକାର ଅନୁଦାନ ଆକାରରେ ଯୋଗାଇଦେବେ ା ରାଜ୍ୟ ସରକାରଙ୍କ ଏହି ପ୍ରସ୍ତାବକୁ ନେଇ ପୌର ପରିଷଦରେ ଆଲୋଚନା ଚାଲିଛି ା ପ୍ରସ୍ତାବ ଗୃହୀତ ହେଲେ ଏହି ଅର୍ଥ ସାଗରର ରକ୍ଷଣାବେକ୍ଷଣ ଓ ସୌନ୍ଦର୍ଯ୍ୟକରଣରେ ବିନିଯୋଗ ହେବ। ସାଗର ମାଧ୍ୟମରେ ଯେଉଁ ରାଜସ୍ବ ଆସିବ, ସେଥିରେ ଋଣ ପରିଶୋଧ କରାଯିବ ବୋଲି ଜଣାପଡ଼ିଛି।

ଅଣ ହସ୍ତାନ୍ତରଯୋଗ୍ୟ ଜମିର ରେଜିଷ୍ଟ୍ରେସନ ଉପରେ କଟକଣା ପ୍ରତ୍ୟାହାର ଦାବି

ଜୟପୁର,୨୫ା୫(ଡି.ଏନ୍‌.ଏ.): କୋରାପୁଟ ଜିଲା ଜୟପୁରସ୍ଥିତ ଜିଲା ସବ ରେଜିଷ୍ଟ୍ରାର କାର୍ଯ୍ୟାଳୟ ପକ୍ଷରୁ ଏହା ଅଧୀନରେ ଆସୁଥିବା ସମସ୍ତ ‘ହସ୍ତାନ୍ତର ଯୋଗ୍ୟ ନଥିବା’ ଜମିର କିଣାବିକା, ବନ୍ଧକ ଓ ଦାନ ସର୍ମ୍ପକିତ ରେଜିଷ୍ଟ୍ରେସନ ଉପରେ କଟକଣା ଜାରି ହୋଇଛି। ଏନେଇ ସାଧାରଣରେ ଅସନ୍ତୋଷ ଦେଖାଦେଇଛି ା ସବ୍‌ରେଜିଷ୍ଟ୍ରାରଙ୍କ ଏପରି ନିଷ୍ପତ୍ତିକୁ ବିରୋଧ କରିଛି ଜିଲା ଆଇନଜୀବୀ ସଂଘ। ୩ ଦିନ ଭିତରେ ଏହା ପ୍ରତ୍ୟାହାର ନକଲେ ସଂଘ ଧାରଣା ଦେବ ବୋଲି ଚେତାବନୀ ଦେଇଛି। ଗୁରୁବାର ଏନେଇ ଏକ ଦାବିପତ୍ର ଜିଲା ସବ୍‌ରେଜିଷ୍ଟ୍ରାରଙ୍କୁ ଦିଆଯିବା ସହ ଏହାର ନକଲ ଜିଲାପାଳ ଓ ଏଡିଏମ୍‌ଙ୍କୁ ମଧ୍ୟ ପଠାଯାଇଛି।

ବ୍ଲକସ୍ତରୀୟ ମୋ ସ୍କୁଲ ଅଭିଯାନ ସଂକ୍ରାନ୍ତ ବୈଠକ

ବ୍ଲକସ୍ତରୀୟ ମୋ ସ୍କୁଲ ଅଭିଯାନ ସଂକ୍ରାନ୍ତ ବୈଠକ

କାଶୀନଗର,୨୪। ୫(ଡି.ଏନ.ଏ)- ଗଜପତି ଜିଲା କାଶୀନଗର ବ୍ଲକ କାର୍ଯ୍ୟାଳୟ ସଭାଗୃହରେ ଗୁରୁବାର ମୋ ସ୍କୁଲ ଅଭିଯାନ ସଂକ୍ରାନ୍ତ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଗୋଷ୍ଠୀ ଶିକ୍ଷାଧିକାରୀ ଲକ୍ଷ୍ମଣ ମାଝି ଅଧ୍ୟକ୍ଷତା କରିଥିଲେ। ମୁଖ୍ୟ ଅତିଥି ଭାବେ ଜିଲା ଶିଶୁ ସୁରକ୍ଷା ଅଧିକାରୀ ଅଜୟ ତ୍ରିପାଠୀ ଯୋଗଦେଇଥିଲେ। ସମ୍ମାନିତ ଅତିଥି ଭାବେ ବିଡିଓ ସୁଧିର କୁମାର ସିଂ, ବ୍ଲକ ଅଧ୍ୟକ୍ଷ ଚିତ୍ରି ସୀମାଦ୍ରି, ସିଡିପିଓ କନକଲତା ପୂଜାରୀ ମଞ୍ଚାସୀନ ଥିଲେ। ଏହି ବୈଠକରେ ସ୍କୁଲର ଉନ୍ନତି, ଗୁଣାତ୍ମକ ଶିକ୍ଷାଦାନ, ଶିକ୍ଷାର ବିକାଶ ସମ୍ପର୍କରେ ଆଲୋଚନା କରାଯାଇଥିଲା।

ଚିତ୍ରକୋଣ୍ଡା ଥାନା ପକ୍ଷରୁ ସହର ସଫେଇ

ଚିତ୍ରକୋଣ୍ଡା ଥାନା ପକ୍ଷରୁ ସହର ସଫେଇ

ମାଲକାନଗିରି,୨୪।୫(ସ୍ବ.ପ୍ର)- ମାଲକାନଗିରି ଜିଲା ଚିତ୍ରକୋଣ୍ଡା ଥାନା ପକ୍ଷରୁ ସ୍ବଚ୍ଛ ଭାରତ ଅଭିଯାନରେ ଅଟୋ ଚାଳକ ସଂଘ ଓ ଖଲାସି ସଂଘ ସହଯୋଗରେ ବୁଧବାର ମାଲକାନଗିରି ସହର ସଫେଇ କରାଯାଇଥିଲା। ଏହି କାର୍ଯ୍ୟକ୍ରମରେ ଥାନା ଆଇଆଇସି ଅଜୟ ସ୍ବାଇଁ, ଏସ୍‌ଆଇ ଶେଷଦେବ ବେହେରା, ଅଟୋ ସଂଘ ସଭାପତି ବାବୁଲା ପାଙ୍ଗି, ଜଗନ୍ନାଥ ନାଗ, ଖଲାସି ସଂଘ ସଭାପତି ଧନ ଖୋସଲାଙ୍କ ସମେତ ଅଞ୍ଚଳର ଶତାଧିକ ଯୁବକ ସାମିଲ ହୋଇଥିଲେ। ସହରର ଆମ୍ବେଦକର ଛକଠାରୁ ଆରମ୍ଭ କରି ବସ୍‌ଷ୍ଟାଣ୍ଡ ଓ ବଜାର ସଫେଇ କରିଥିଲେ।

ଟିକିରିରେ ଭାଜପାର ବୈଠକ

ଟିକିରି ,୨୪।୫ - ରାୟଗଡା ଜିଲା କାଶିପୁର ବ୍ଲକ ଟିକିରି ପଞ୍ଚାୟତ ଉଷାପଡାଠାରେ ଭାଜପାର ଏକ ବୈଠକ ଅନୁଷ୍ଠିତ ହୋଇଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ୨୬ ତାରିଖରେ ଓଡ଼ିଶା ଆସିବେ । ସେ କଟକ ବାଲିଯାତ୍ରା ପଡିଆରେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମରେ କାଶୀପୁର ବ୍ଲକରୁ ୧ ହଜାରରୁ ଊର୍ଦ୍ଧ୍ୱ କର୍ମୀ ଯୋଗ ଦେବା ନେଇ ବୈଠକରେ ନିଷ୍ପତ୍ତି ହୋଇଥିଲା ।

ଖରାଛୁଟିରେ ୫ ପଞ୍ଚାୟତର ପିଲାଙ୍କୁ ପଢାଉଛନ୍ତି ଜନଜାତି ଯୁବକ

ଖରାଛୁଟିରେ ୫ ପଞ୍ଚାୟତର ପିଲାଙ୍କୁ ପଢାଉଛନ୍ତି ଜନଜାତି ଯୁବକ

ମାଲକାନଗିରି, ୨୪।୫(ଡି.ଏନ.ଏ)- ଚଳିତ ବର୍ଷ ଗ୍ରୀଷ୍ମ ପ୍ରଭାବ ଯୋଗଁୁ ରାଜ୍ୟ ସରକାର ନିର୍ଦ୍ଦିଷ୍ଟ ସମୟର ପ୍ରାୟ ୧୦ଦିନ ପୂର୍ବରୁ ବିଦ୍ୟାଳୟଗୁଡ଼ିକୁ ଛୁଟି ଘୋଷଣା କରିଥିଲେ। ଫଳରେ ମାଲକାନଗିରି ଜିଲାର ବିଭିନ୍ନ ବିଦ୍ୟାଳୟ ଏବଂ ଛାତ୍ରାବାସରେ ରହି ପଢୁଥିବା ଅନୁସୂଚିତ ଜନଜାତିର ଛାତ୍ରୀଛାତ୍ରମାନେ ନିଜ ଗ୍ରାମକୁ ଛୁଟିରେ ଚାଲିଯାଇଥିଲେ ା ଗ୍ରାମ ପରିବେଶରେ ମଜ୍ଜି ଯାଇ ପତ୍ର ତୋଳିବା, ଚଢ଼େଇ ଶିକାର କରିବା, ବାଟି ଖେଳିବା ଏବଂ ବିଭିନ୍ନ ଜଳାଶ୍ରୟରେ ଘଣ୍ଟା ଘଣ୍ଟା ଧରି ଜଳକ୍ରୀଡ଼ାରେ ସମୟ ବିତାଇଥିଲେ। ଛୁଟି ସମୟରେ ସେମାନେ ପ୍ରାୟତଃ ପାଠପଢା ଭୁଲିଯାଆନ୍ତି। କିନ୍ତୁ ସେହି ସମୟରେ ସହରାଞ୍ଚଳରେ ଅଭିଭାବକମାନେ ନିଜ ପିଲାମାନଙ୍କୁ ଆଗାମୀ ଶ୍ରେଣୀ ପାଠ୍ୟକ୍ରମ ପାଇଁ ଘରେ ପଢ଼ାଇବା ସହ ଟ୍ୟୁସନ ମଧ୍ୟ କରିଥାନ୍ତି। ଏଥିଯୋଗୁ ସହରାଞ୍ଚଳର ପିଲାମାନେ ଶ୍ରେଣୀରେ ଭଲ ପାଠ ପଢ଼ିବା ସହ ମେଧାବୀ ହୋଇପାରିଥାନ୍ତି।

ରାଜୀବ ଗାନ୍ଧୀ ପ୍ରତିଭା ସମ୍ମାନ ବିଜେତାଙ୍କୁ ସମ୍ବର୍ଦ୍ଧିତ

ରାଜୀବ ଗାନ୍ଧୀ ପ୍ରତିଭା ସମ୍ମାନ ବିଜେତାଙ୍କୁ ସମ୍ବର୍ଦ୍ଧିତ

ମାଲକାନଗିରି,୨୪।୫(ସ୍ବ.ପ୍ର)-ସ୍ଥାନୀୟ ମାଲକାନଗିରି ସଦର ମହକୁମାରେ ଥିବା ମାଲକାନଗିରି ମହାବିଦ୍ୟାଳୟର ଯୁବ ରେଡ଼କ୍ରସର ସ୍ବେଚ୍ଛାସେବୀ ସଙ୍ଗୀତା ଦାସ ଚଳିତ ବର୍ଷର ରାଜିବ ଗାନ୍ଧୀ ପ୍ରତିଭା ସମ୍ମାନ ପାଇଛନ୍ତି । ଭୁବନେଶ୍ୱରର ସୂଚନା ଭବନଠାରେ ମୁଖ୍ୟ ଅତିଥି ନିରଞ୍ଜନ ପଟ୍ଟନାୟକ ଏହି ସମ୍ମାନ ପ୍ରଦାନ କରିଛନ୍ତି । ଏହି ଅବସରରେ ମାଲକାନଗିରି ମହାବଦ୍ୟାଳୟ ଭାରପ୍ରାପ୍ତ ଅଧ୍ୟକ୍ଷ ଡ଼ଃ.ରଞ୍ଜନ କୁମାର ସ୍ବାଇଁ ତାଙ୍କୁ ସମ୍ବର୍ଦ୍ଧିତ କରିଛନ୍ତି । ସେ ଏହି ସମ୍ମାନ ପାଇଥିବାରୁ କଲେଜର ସମସ୍ତ ଅଧ୍ୟାପିକା ଅଧ୍ୟାପକ,ଛାତ୍ରୀଛାତ୍ର ତାଙ୍କୁ ଶୁଭେଚ୍ଛା ଜଣାଇଛନ୍ତି ।

ସେମିଳିଗୁଡ଼ା ଉପଡ଼ାକ  ଘର ସମ୍ମୁଖରେ ଧାରଣା

ସେମିଳିଗୁଡ଼ା ଉପଡ଼ାକ ଘର ସମ୍ମୁଖରେ ଧାରଣା

ସେମିଳିଗୁଡ଼ା,୨୪।୫(ସ୍ବ.ପ୍ର)- କୋରାପୁଟ ଜିଲା ସେମିଳିଗୁଡ଼ା ବ୍ଲକ ଅଫିସ ନିକଟସ୍ଥ ଉପଡ଼ାକଘର ସମ୍ମୁଖରେ ଅଖିଳ ଭାରତ ଡ଼ାକସେବା ସଂଘ ଏବଂ ଜାତୀୟ ଗ୍ରାମୀଣ ଡ଼ାକସେବା ସଂଘ ପକ୍ଷରୁ ଧାରଣା ଦିଆଯାଇଛି । ସରକାରଙ୍କ ୭ମ ବେତନ କମିଶନ ଲାଗୁ କରିବା, ସ୍ଥାୟୀ ନିଯୁକ୍ତି କରିବା ଆଦି ଦାବି ନେଇ ଏହି ଧାରଣା ଦିଆଯାଇଛି । ଉକ୍ତ ଦାବି ପୂରଣ ନ ହେବା ପର୍ଯ୍ୟନ୍ତ ଡ଼ାକସେବା ବନ୍ଦ ରହିବ ବୋଲି କର୍ମଚାରୀମାନେ ପ୍ରକାଶ କରିଛନ୍ତି ।

ଶୁକ୍ରବାର ହେବ ମାଗଣା ସ୍ବାସ୍ଥ୍ୟ ସେବା ଶିବିର

ମାଲକାନଗିରି,୨୪।୫(ଡି.ଏନ.ଏ)- ମାଲକାନଗିରି ଜିଲା ସଦର ମହକୁମା ଭାରତୀୟ ଷ୍ଟେଟ ବ୍ୟାଙ୍କ ମୁଖ୍ୟ ଶାଖା ତରଫରୁ ପେନସନ ଭୋଗୀ କର୍ମଚାରୀମାନଙ୍କ ନିମନ୍ତେ ମାଗଣାରେ ଏକ ସ୍ବାସ୍ଥ୍ୟ ସେବା ଶିବିର ଓ ଋଣ ମେଳା ଶୁକ୍ରବାର ଅନୁଷ୍ଠିତ ହେବ। ଅବସର ପ୍ରାପ୍ତ ସରକାରୀ କର୍ମଚାରୀମାନେ ସେମାନଙ୍କ ପେନସନ ଟଙ୍କାରେ ପରିବାର ଚଳାଇଥାନ୍ତି । ବ୍ୟାଙ୍କ ତରଫରୁ ପ୍ରତିମାସରେ ଅବସରପ୍ରାପ୍ତ କର୍ମଚାରୀମାନଙ୍କୁ ପେନସନ ପାଇବା ପାଇଁ ସବୁପ୍ରକାର ବ୍ୟବସ୍ଥା କରାଯାଇଛି । ଏହି ବରିଷ୍ଠ ନାଗରିକମାନଙ୍କର ସ୍ବାସ୍ଥ୍ୟବସ୍ଥା ତଦାରଖ କରିବା ଶୁକ୍ରବାର ସ୍ବାସ୍ଥ୍ୟ ପରୀକ୍ଷା କରାଯିବ ବୋଲି ମୁଖ୍ୟ ପରିଚାଳକ ନିହାରରଞ୍ଜନ ମହାନ୍ତି ପ୍ରକାଶ କରିଛନ୍ତି ।

ଭାଜପାରେ ସାମିଲ ହେଲେ ୧୧ ଯୁବକ

ଭାଜପାରେ ସାମିଲ ହେଲେ ୧୧ ଯୁବକ

ଚନ୍ଦାହାଣ୍ଡି,୨୪।୫(ଡ଼ି.ଏନ.ଏ)-ନବରଙ୍ଗପୁର ଜିଲା ଝରିଗାଁ ବ୍ଲକର ଷୋରିଷଭଟା ଏବଂ ବାଣୁଆଗୁଡ଼ା ଗ୍ରାମର ୧୧ ଜଣ ଯୁବକ ଜିଲା ଭାଜପା ସଭାପତି ଗୋବିନ୍ଦ କୁମାର ଜୈନଙ୍କ ଚନ୍ଦାହାଣ୍ଡି ବାସଭବନରେ ଆସି ବିଧିବଦ୍ଧ ଭାବେ ଭାଜପାରେ ସାମିଲ ହୋଇଛନ୍ତି । ସେମାନେ ହେଲେ କ୍ଷିରୋଦ କୁମାର ଷଡ଼ଙ୍ଗୀ, ଦେବାଶିଷ ପାଣିଗ୍ରାହୀ, ନିଶିକାନ୍ତ ସାହୁ, ବଂଶୀଧର ଗୌଡ଼, କମଳଲୋଚନ ମାଝି, ଗଣପତି ମାଝି, ଲାଇବାନ ଗୌଡ଼, ପଦ୍ମଲାମ ଗୌଡ଼, ଲମ୍ବୁଧର ମାଝି, ଲଖି ଗୌଡ଼, କୃଷ୍ଣଚନ୍ଦ୍ର ଗୌଡ଼ । ସେମାନେ ସମନ୍ତେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଦର୍ଶରେ ଅନୁପ୍ରାଣିତ ହୋଇ ଦଳରେ ସାମିଲ ହୋଇଥିବା ପ୍ରକାଶ କରିଛନ୍ତି ।

ଭୋଇପଡ଼ାବାସୀଙ୍କ ଦୂର ହେବ ସମସ୍ୟା

ଭୋଇପଡ଼ାବାସୀଙ୍କ ଦୂର ହେବ ସମସ୍ୟା

ଚନ୍ଦାହାଣ୍ଡି,୨୪।୫(ଡ଼ି.ଏନ.ଏ)-ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକ ମୋହରା ପଞ୍ଚାୟତ ଅନ୍ତର୍ଗତ ଗୁଜାରୀଗୁଡ଼ା ଗ୍ରାମର ଭୋଇପଡ଼ାରେ ଅନୁସୂଚିତ ଜାତି,ଜନଜାତି, ପଛୁଆବର୍ଗ ସଂଖ୍ୟାଲଘୁ ବିକାଶ ମନ୍ତ୍ରୀ ରମେଶଚନ୍ଦ୍ର ମାଝି ଗୁରୁବାର ହଠାତ୍‌ ପହଞ୍ଚତ୍ଥିଲେ । ସେଠାରେ ଭୋଇପଡ଼ାବାସୀଙ୍କ ବିଭିନ୍ନ ସମସ୍ୟା ସମ୍ପର୍କରେ ପଚାରି ବୁଝିଥିଲେ ା ପରେ ସମସ୍ତ ସମସ୍ୟା ଖୁବ୍‌ ଶୀଘ୍ର ଦୂର ହେବ ବୋଲି ପ୍ରତିଶ୍ରୁତି ଦେଇଥିଲେ । ଗ୍ରାମର ବିଭିନ୍ନ ସମସ୍ୟା ନେଇ ପୂର୍ବରୁ ଭୋଇପଡ଼ାବାସୀ ମନ୍ତ୍ରୀ ମାଝିଙ୍କୁ ଅବଗତ କରାଇଥିଲେ । ଭୋଇପଡ଼ାରେ ନଳକୂପଟିଏ ନ ଥିଲା ।

ମୋ ବିଦ୍ୟାଳୟ ଅଭିଯାନର ପ୍ରାରମ୍ଭିକ ବୈଠକ

ମୁନିଗୁଡ଼ା,୨୪।୫(ଡ଼ି.ଏନ.ଏ)-ରାୟଗଡ଼ା ଜିଲା ମୁନିଗୁଡ଼ା ସରକାରୀ ଉଚ୍ଚ ଇଂରାଜୀ ବିଦ୍ୟାଳୟ ପରିସରରେ ଗୋଷ୍ଠୀ ଶିକ୍ଷାଧିକାରୀ ବେଣୁଧର ଜାଲିଙ୍କ ଅଧ୍ୟକ୍ଷତାରେ ମୋ ବିଦ୍ୟାଳୟ ଅଭିଯାନର ପ୍ରାରମ୍ଭିକ ବୈଠକ ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ପ୍ରଧାନ ଶିକ୍ଷକ କରୁଣାକର ସାମଲଙ୍କ ସଂଯୋଜନାରେ ଆୟୋଜିତ ବୈଠକରେ ପୁରାତନ ଛାତ୍ରୀଛାତ୍ରମାନେ ଅଂଶଗ୍ରହଣ କରି ନିଜ ନିଜର ମତ ପ୍ରକାଶ କରିଥିଲେ । ଗୋଷ୍ଠୀ ଶିକ୍ଷାଧିକାରୀ ଜାଲି ବିଦ୍ୟାଳୟର ଭିତ୍ତିଭୂମି ବିକାଶରେ ପୁରାତନ ଛାତ୍ରୀଛାତ୍ର ଏବଂ ସରକାରଙ୍କ ସହଭାଗୀ ଭୂମିକା, କମିଟି ଗଠନ, ଜମାଖାତା ଖୋଲିବା ତଥା ଆୟବ୍ୟୟ ପ୍ରକ୍ରିୟା ସମ୍ପର୍କରେ ସମସ୍ତଙ୍କୁ ଅବଗତ କରାଇଥିଲେ । ପୁରାତନ ଛାତ୍ରୀଛାତ୍ରଙ୍କ ସହ ଯୋଗସୂତ୍ର ରକ୍ଷା କରି ପରବର୍ତ୍ତୀ ବୈଠକ ଆହ୍ବାନ କରାଯିବାକୁ ନିଷ୍ପତ୍ତି ହୋଇଥିଲା ।

ମୋ ସ୍କୁଲ ଅଭିଯାନ ନେଇ ବୈଠକ

ମୋ ସ୍କୁଲ ଅଭିଯାନ ନେଇ ବୈଠକ

ବିଷମକଟକ,୨୪।୫(ଡ଼ି.ଏନ.ଏ)- ବିଷମକଟକ ବ୍ଲକର ନୋଡାଲ ସ୍କୁଲରେ ଗତ ବୁଧବାର ମୋ ସ୍କୁଲ ଅଭିଯାନ ନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବ୍ଲକ ଶିକ୍ଷା ଅଧିକାରୀ ଜୟଚନ୍ଦ୍ର ପାଠୀଙ୍କ ନେତୃତ୍ୱରେ ପରିଷଦ ଗଠନ ନେଇ ପଞ୍ଜୀକରଣ କାର୍ଯ୍ୟକ୍ରମର ଖସଡା ପ୍ରସ୍ତୁତି ହୋଇଥିଲା । ଆଗାମୀ ଦିନରେ ଏହାର ପ୍ରଚାର ଓ ପ୍ରସାର ଜରିଆରେ ବିଦ୍ୟାଳୟରେ ସର୍ବାଙ୍ଗୀନ ଉନ୍ନତୀକରଣ ନେଇ ଆଲୋଚନା ହୋଇଥିଲା । ଏହି ବୈଠକରେ ଭାରପ୍ରାପ୍ତ ପ୍ରଧାନଶିକ୍ଷକ ଶ୍ରୀନିବାସ ପଟ୍ଟନାୟକଙ୍କ ସମେତ ଶିକ୍ଷୟିତ୍ରୀଶିକ୍ଷକ,କର୍ମଚାରି ଏବଂ ସଭ୍ୟ ବୃନ୍ଦ ଉପସ୍ଥିତ ଥିଲେ ।

ବନବିଭାଗ ଡ଼ିପୋରେ ନିଆଁ ଲଗାଇଲେ ମାଓବାଦୀ

ମାଲକାନଗିରି,୨୪।୫(ସ୍ବ.ପ୍ର)-ଛତିଶଗଡ଼ ସରକାରଙ୍କ ବିକାଶଯାତ୍ରା ଓ ମହାରାଷ୍ଟ ଗଡ଼ଚେରଲ ଏନକାଉଣ୍ଟର ପ୍ରତିବାଦରେ ମାଓବାଦୀମାନେ ବିଭିନ୍ନ ସ୍ଥାନରେ ହିଂସାକାଣ୍ଡ ଭିଆଇବାରେ ଲାଗିଛନ୍ତି । ବୁଧବାର ରାତିରେ ୧୦ ଜଣ ମାଓବାଦୀ କାଙ୍କେର ଜିଲା ଦୁଗୁକୈଦଲ ଥାନା ପୈଡ଼େ ଗ୍ରାମରେ ଥିବା ମୋବାଇଲ ଟାଓ୍ବାରକୁ ବିସ୍ଫୋରଣରେ ଉଡ଼ାଇଛନ୍ତି ।

ବର୍ଷେ ହେଲା ଅଧାପନ୍ତରିଆ ଡ୍ରେନ୍‌ କାମ

ବର୍ଷେ ହେଲା ଅଧାପନ୍ତରିଆ ଡ୍ରେନ୍‌ କାମ

ଖଇରପୁଟ,୨୪।୫(ଡି.ଏନ.ଏ.) ରାସ୍ତା କାର୍ଯ୍ୟ ସମ୍ପୂର୍ଣ୍ଣ କରି ଚାଲିଗଲା କମ୍ପାନୀ। କିନ୍ତୁ ଅଧାପନ୍ତରିଆ ଅବସ୍ଥାରେ ଛାଡିଗଲା ରାସ୍ତାର ଉଭୟ ପାର୍ଶ୍ୱରେ ଥିବା ଡ୍ରେନ ନିର୍ମାଣ କାମ। ନିୟମ ମୁତାବକ ଗ୍ରାମର ଉଭୟ ପାର୍ଶ୍ୱରେ ଡ୍ରେନ ନିର୍ମାଣର ଦାୟିତ୍ୱ କମ୍ପାନୀର ଥିବା ବେଳେ ଅଧିକାଂଶ ଜାଗାରେ ଅଧାପନ୍ତରିଆ ଅବସ୍ଥାରେ ଡ୍ରେନ କାମ ପଡ଼ିରହିଛି। ମାଲକାନଗିରି ଜିଲା ଖଇରପୁଟ ବ୍ଲକ ସଦରମହକୁମାସ୍ଥିତ ବଜାରରେ ଏଭଳି ଘଟଣା ନଜରକୁ ଅସିଛି। ପ୍ରାୟ ଦେଢବର୍ଷ ହେବ ମୁଖ୍ୟରାସ୍ତା କାମ ସରିଥିବାବେଳେ ରାସ୍ତାର ଗୋଟିଏ ପାର୍ଶ୍ୱରେ ଡ୍ରେନ ନିର୍ମାଣ ସମ୍ପୂର୍ଣ୍ଣ ହୋଇପାରିନାହିଁ।ଏବେ କାଳବୈଶାଖୀ ବର୍ଷାରେ ଡ୍ରେନ ପାଣି ରାସ୍ତାକୁ ବୋହିଆସି ଦୋକାନ ଭିତରକୁ ପଶିଯାଉଛି। ଆଗାମୀ ବର୍ଷାଋତୁରେ ସ୍ଥିତି ଯେ କଣ ହେବ ତାହା ସହଜେ ଅନୁମାନ କରିହେଉଥିବ। ଖଇରପୁଟ ବଜାର ଉପରେ ଡ୍ରେନ ନିର୍ମାଣ ପାଇଁ ପ୍ରାୟ ୨୦୦ ମିଟର ପର୍ଯ୍ୟନ୍ତ ଖାଲ ଖୋଳାଯାଇଥିବା ବେଳେ ପୁରା ୨୦୦ ମିଟର ଡ୍ରେନ କାର୍ଯ୍ୟ ସଂପୂର୍ଣ୍ଣ ନ ହୋଇ ମଝିରେ କେବଳ ଗାତ ରହିଛି।

୮ ଦିନ ହେଲା ବିଏସ୍‌ଏନ୍‌ଏଲ୍‌ ସେବା ଠପ୍‌

୮ ଦିନ ହେଲା ବିଏସ୍‌ଏନ୍‌ଏଲ୍‌ ସେବା ଠପ୍‌

ଝରିଗାଁ,୨୪।୫(ସ୍ବ.ପ୍ର): ନବରଙ୍ଗପୁର ଜିଲା ଝରିଗାଁ ବ୍ଲକ ସଦର ମହକୁମାରେ ପ୍ରାୟ ୮ ଦିନ ହେଲା ବିଏସ୍‌ଏନ୍‌ଏଲ୍‌ ସେବା ଠପ୍‌ ହୋଇଯାଇଛି। ଯାହା ଫଳରେ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି। ଅନ୍ୟପକ୍ଷରେ ବିଭାଗ ତରଫରୁ ଏହାର ସମାଧାନ ନେଇ କୌଣସି ପଦକ୍ଷେପ ନିଆଯାଉ ନ ଥିବା ହିତାଧିକାରୀମାନେ ଅଭିଯୋଗ କରିଛନ୍ତିି। ବିଏସ୍‌ଏନ୍‌ଏଲ୍‌ ବ୍ରଡବ୍ୟାଣ୍ଡ ସେବା ନଥିବା ଫଳରେ ବ୍ୟାଙ୍କ ମାନଙ୍କରେ ଗ୍ରାହକଙ୍କୁ ସେବା ଯୋଗାଇବାରେ ଅସୁବିଧା ହେଉଛି । ସେହିପରି ତହସିଲ କାର୍ଯ୍ୟାଳୟକୁ ଆସୁଥିବା ବହୁ ଛାତ୍ରୀଛାତ୍ରମାନେ ଉଚ୍ଚ ଶିକ୍ଷା ସକାଶେ ଆବଶ୍ୟକ ପଡୁଥିବା ବାସିନ୍ଦା ପ୍ରମାଣପତ୍ର, ଜାତିଗତ ପ୍ରମାଣପତ୍ର, ଆୟ ପ୍ରମାଣପତ୍ର ସକାଶେ ଆବେଦନ କରିଥିଲେ ମଧ୍ୟ ବିଏସ୍‌ଏନ୍‌ଏଲ୍‌ ସେବା ଠପ୍‌ ରହିଥିବା ଯୋଗୁ ତାହା ଠିକ୍‌ ସମୟରେ ପାଇବାରୁ ବଞ୍ଚିତ ରହୁଛନ୍ତି।

ଚିତ୍ରକୋଣ୍ଡାରେ ‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ

ଚିତ୍ରକୋଣ୍ଡାରେ ‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ

ମାଲକାନଗିରି/କୋରୁକୋଣ୍ଡା, ୨୪।୫(ଡି.ଏନ.ଏ) ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକ ସଦର ମହକୁମାସ୍ଥିତ ଶିବ ମନ୍ଦିର ପ୍ରାଙ୍ଗଣରେ ଚିତ୍ରକୋଣ୍ଡା ନିର୍ବାଚନ ମଣ୍ଡଳୀ ବିଜେଡି ପକ୍ଷରୁ ଆମ ଗାଁ ଆମ ବିକାଶ, ଆମ ସହର ଆମ ଉନ୍ନତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଚିତ୍ରକୋଣ୍ଡା ବିଧାୟକ ଡମ୍ବରୁ ଶିଶା ଅଧ୍ୟକ୍ଷତା କରିଥିଲେ। ଜିଲା ପର୍ଯ୍ୟବେକ୍ଷକ ରାଜେନ୍ଦ୍ର ଆଚାର୍ଯ୍ୟ, ସ୍ବତନ୍ତ୍ର ଆଦିବାସୀ ବିକାଶ ପରିଷଦ ଅଧ୍ୟକ୍ଷ ଆଡମା ରାୱା, ପ୍ରକାଶ ମହାନ୍ତି, ଶୁକ୍ରା ମୁଦୁଲି, ହରିମୋହନ ଖିଲ, ବବିନ୍ଦ୍ର ପାଢ଼ୀ, ଅନିଲ ଅଗ୍ରୱାଲ, ଚନ୍ଦ୍ରମା ବିଶୋୟୀଙ୍କ ସହ ୧୮ଟି ଗ୍ରାମପଞ୍ଚାୟତର ୭୦୦ରୁ ଊର୍ଦ୍ଧ୍ୱ ମହିଳା ପୁରୁଷ ଉପସ୍ଥିତ ଥିଲେ।

ବିଜୁ ଯୁବ ବାହିନୀର କର୍ମଶାଳା

ଖଇରପୁଟ, ୨୪।୫ (ଡି.ଏନ୍‌.ଏ.) ମାଲକାନଗିରି ଜିଲା ଖଇରପୁଟ ବ୍ଲକର ରାସବେଡା ଗ୍ରାମରେ ‘ବିଜୁ ଯୁବ ବାହିନୀ’ ପକ୍ଷରୁ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ଏଥିରେ ଜିଲା ଯୁବ ସଂଯୋଜକ ବିନାଶ ମିଶ୍ର, ସୋସିଆଲ କ୍ୟାମ୍ପେନିଂ ଏଣ୍ଡ ମୋବିଲାଇଜେଶନ୍‌ର ପ୍ରୋଜେକ୍ଟ ଅଫିସର ଦେବ ସୋଡି, ଖେଳ ଓ ସାଂସ୍କୃତିକ ବିଭାଗର ପ୍ରୋଜେକ୍ଟ ଅଫିସର ଜୟନ୍ତୀ ବୁର୍ଦ୍ଦା ଏବଂ ବ୍ଲକ ଯୁବ ସଂଯୋଜକ କାମରାଜ ଦେଶିଆ ନାୟକ ଯୋଗଦେଇଥିଲେ। ଏହି କର୍ମଶାଳାରେ ଯୁବକମାନେ ବିଭିନ୍ନ ସମାଜସେବା, କ୍ରୀଡ଼ାରେ ସାମିଲ ହେବା, ନୂତନ ପ୍ରତିଭା ସୃଷ୍ଟି, ବିଭିନ୍ନ କ୍ଷେତ୍ରରେ ଆଗ୍ରହୀ ଥିବା ଯୁବକଙ୍କୁ ସୁଯୋଗ ଦେବା ଆଦି ସମ୍ପର୍କରେ ଆଲୋଚନା ହୋଇଥିଲା।

ଜିଲାପାଳଙ୍କ କାର୍ଯ୍ୟାଳୟ ପାଚେରିରେ ଅଶ୍ଳୀଳ ପୋଷ୍ଟରମରାକୁ ନେଇ ଚର୍ଚ୍ଚା

ଜିଲାପାଳଙ୍କ କାର୍ଯ୍ୟାଳୟ ପାଚେରିରେ ଅଶ୍ଳୀଳ ପୋଷ୍ଟରମରାକୁ ନେଇ ଚର୍ଚ୍ଚା

ମାଲକାନଗିରି,୨୪।୫(ଡି.ଏନ୍‌.ଏ.): ମାଲକାନଗିରି ଜିଲା ସଦର ମହକୁମା ମୁଖ୍ୟ ରାସ୍ତା କଡ଼ରେ ଥିବା ଜିଲାପାଳଙ୍କ କାର୍ଯ୍ୟାଳୟ ପାଚେରିରେ ଏକ ଅଶ୍ଳୀଳ ସିନେମା ପୋଷ୍ଟର ମରାଯାଇଥିବା ଦେଖିବାକୁ ମିଳିଛ। ପ୍ରତିଦିନ ଜିଲାପାଳଙ୍କ କାର୍ଯ୍ୟାଳୟକୁ ଆସୁଥିବା ଜନସାଧାରଣ, ମୁଖ୍ୟରାସ୍ତାରେ ଯାତାୟାତ କରୁଥିବା ବିଦ୍ୟାଳୟ ଏବଂ ମହାବିଦ୍ୟାଳୟର ଛାତ୍ରୀଛାତ୍ରମାନେ ଉକ୍ତ ପୋଷ୍ଟରକୁ ଦେଖି ବିଭିନ୍ନ ଆଲୋଚନା କରୁଛନ୍ତି।

ମାଲକାନଗିରି ଏସ୍‌ପିଙ୍କ ନିକଟରେ ମହିଳା ମାଓବାଦୀଙ୍କ ଆତ୍ମସମର୍ପଣ

ମାଲକାନଗିରି ଏସ୍‌ପିଙ୍କ ନିକଟରେ ମହିଳା ମାଓବାଦୀଙ୍କ ଆତ୍ମସମର୍ପଣ

ମାଲକାନଗିରି,୨୪।୫(ଡି.ଏନ୍‌.ଏ): ମାଲକାନଗିରି ଏସ.ପି ଜଗମୋହନ ମୀନାଙ୍କ ନିକଟରେ ଗୁରୁବାର ଜଣେ କୁଖ୍ୟାତ ମହିଳା ମାଓବାଦୀ ଆତ୍ମସମର୍ପଣ କରିଛନ୍ତି। ସେ ହେଲେ କାଲିମେଳା ଥାନା ଅନ୍ତର୍ଗତ ପପୁଲୁର ପଞ୍ଚାୟତ ଏରାବେଟି ଗ୍ରାମର କେ.ଲକ୍ଷ୍ମୀ ଓରଫ ଶ୍ୱେତା ଓରଫ କୁମାରୀ।

ମାଓବାଦୀଙ୍କ ମାଇନ୍‌ ବିସ୍ଫୋରଣ: ଯବାନ ସହିଦ

ମାଓବାଦୀଙ୍କ ମାଇନ୍‌ ବିସ୍ଫୋରଣ: ଯବାନ ସହିଦ

ମାଲକାନଗିରି,୨୪।୫(ସ୍ବ.ପ୍ର.): ଓଡ଼ିଶା ସୀମାନ୍ତ ଛତିଶଗଡ ରାଜ୍ୟର ସୁକମା ଜିଲାସ୍ଥିତ ତେମେଲଓ୍ବାଡାଠାରେ ଗୁରୁବାର ସକାଳେ ମାଓବାଦୀଙ୍କ ଲାଣ୍ଡମାଇନ୍‌ ବିସ୍ଫୋରଣରେ ଜଣେ ଯବାନ ସହିଦ ହୋଇଛନ୍ତି।