ରାୟଗଡା

ବନ୍ଧୁକ ସହ ୨ ଗିରଫ

ପାରଳାଖେମୁଣ୍ଡି, ୫।୪ (ସ୍ବ.ପ୍ର.) - ଗଜପତି ଜିଲା ମୋହନା ପୋଲିସ  ମୋହନା ଥାନା ଅନ୍ତର୍ଗତ ହିଚାଗଣ୍ଡି ଗ୍ରାମ ନିକଟସ୍ଥ ଜଙ୍ଗଲ ଅଞ୍ଚଳରୁ ବନ୍ଧୁକ ସହ ୨ ଜଣଙ୍କୁ ଗିରଫ କରିଛି । ସେମାନେ ହେଲେ ବେଡ଼ିଙ୍ଗି ଗ୍ରାମର ରବି ମଲ୍ଲିକ ଓ ହରିରାଜ ମଲ୍ଲିକ । ସେମାନଙ୍କଠାରୁ ଦୁଇଟି ବନ୍ଧୁକ ସହ କିଛି ଗନ୍‌ ପାଉଡର ଜବତ କରାଯାଇଛି ।

ପ୍ରବେଶିକା ପରୀକ୍ଷା ଦେବାକୁ ଯିବା ସମୟରେ ଘାଟିରେ ଓଲଟିଲା ଅଟୋ: ୪ଗୁରୁତର, ୩ ଆହତ

ପ୍ରବେଶିକା ପରୀକ୍ଷା ଦେବାକୁ ଯିବା ସମୟରେ ଘାଟିରେ ଓଲଟିଲା ଅଟୋ: ୪ଗୁରୁତର, ୩ ଆହତ

ଝରିଗାଁ,୫।୪(ସ୍ବ.ପ୍ର.): ନବରଙ୍ଗପୁର ଜିଲା ଚନ୍ଦାହାଣ୍ଡି ଘାଟିରେ ଶୁକ୍ରବାର ସକାଳେ ଏକ ଅଟୋ ଦୁର୍ଘଟଣାଗ୍ରସ୍ତ ହୋଇଛି।  ଭାରସାମ୍ୟ ହରାଇ ଅଟୋଟି ଓଲଟି ଯିବାରୁ ଏଥିରେ ୭ ଜଣ ଆହତ ହୋଇଛନ୍ତି।

ଟ୍ରେନ୍‌ ଧକ୍କାରେ ଛାତ୍ରୀଙ୍କ ଜୀବନ ଗଲା

ଟ୍ରେନ୍‌ ଧକ୍କାରେ ଛାତ୍ରୀଙ୍କ ଜୀବନ ଗଲା

ଭୁନିଗୁଡ଼ା,୫।୪(ଡି.ଏନ୍‌.ଏ.): ରାୟଗଡ଼ା ଜିଲା ମୁନିଗୁଡ଼ା ରେଳ ଷ୍ଟେଶନ ନିକଟସ୍ଥ ପାତ୍ରଗୁଡ଼ାଠାରେ ଗୁରୁବାର  ପୂର୍ବାହ୍ନରେ ଏକ ଅଭାବନୀୟ ଘଟଣା ଘଟିଛି। ସ୍କୁଲ ଯିବା ସମୟରେ ଜଣେ ୧୦ ଶ୍ରେଣୀ ଛାତ୍ରୀଙ୍କୁ ଏକ ମାଲ ବୋଝେଇ ଟ୍ରେନ୍‌ ଧକ୍କା ଦେବା ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି। 

ଆଜି କାଲିମେଳା ଆସୁଛନ୍ତି ମୁଖ୍ୟମନ୍ତ୍ରୀ 

ଆଜି କାଲିମେଳା ଆସୁଛନ୍ତି ମୁଖ୍ୟମନ୍ତ୍ରୀ 

କାଲିମେଳା,୫ା୪(ଡି.ଏନ.ଏ)- ପ୍ରଥମ ପର୍ଯ୍ୟାୟ ନିର୍ବାଚନକୁ ଆଉ ଅଳ୍ପ ଦିନ ରହିଛି। ମାଲକାନଗିରି ନିର୍ବାଚନୀ ମଣ୍ଡଳୀ ଅଧୀନରେ ଥିବା କାଲିମେଳା ଅଞ୍ଚଳରେ ବିଭିନ୍ନ ରାଜନୈତିକ ଦଳ ପକ୍ଷରୁ ପ୍ରଚାରକୁ ଜୋରଦାର କରାଯାଇଛି। 

ହାଟରେ ପ୍ରଚାର କଲେ ବିଭିନ୍ନ ଦଳର ପ୍ରାର୍ଥୀ: ବେକାରୀ ସମସ୍ୟା ସବୁ ଦଳର ମୁଖ୍ୟ ପ୍ରସଙ୍ଗ

ହାଟରେ ପ୍ରଚାର କଲେ ବିଭିନ୍ନ ଦଳର ପ୍ରାର୍ଥୀ: ବେକାରୀ ସମସ୍ୟା ସବୁ ଦଳର ମୁଖ୍ୟ ପ୍ରସଙ୍ଗ

ଦଶମନ୍ତପୁର,୪।୪(ଡି.ଏନ୍‌.ଏ.): କୋରାପୁଟ ଜିଲା ଦଶମନ୍ତପୁର ବ୍ଲକ ଡୁମ୍ବାଗୁଡ଼ା  ପଞ୍ଚାୟତର ଗୁରୁବାର ସାପ୍ତାହିକ ହାଟରେ ବିଭିନ୍ନ ଦଳର ବିଧାୟକ ପ୍ରାର୍ଥୀ ନିର୍ବାଚନୀ ପ୍ରଚାର କରିଛନ୍ତି। ସମସ୍ତ ପ୍ରାର୍ଥୀ ଲକ୍ଷ୍ମୀପୁର ନିର୍ବାଚନମଣ୍ଡଳୀର ଯୁବ ଭୋଟରଙ୍କୁ ଆକୃଷ୍ଟ କରିବାକୁ ବିଭିନ୍ନ ପ୍ରତିଶ୍ରୁତି ଦେଇଛନ୍ତି। ଅଞ୍ଚଳର ବେକାରୀ ସମସ୍ୟା ଦୂର କରିବା ସମସ୍ତ ପ୍ରାର୍ଥୀ ମୁଖ୍ୟ ପ୍ରସଙ୍ଗ କରିଛନ୍ତି। 

୨ ଗାଡିରୁ ଦେଢ଼ଲକ୍ଷ ଜବତ କଲା ଫ୍ଲାଇଂ ସ୍କ୍ବାଡ୍‌

୨ ଗାଡିରୁ ଦେଢ଼ଲକ୍ଷ ଜବତ କଲା ଫ୍ଲାଇଂ ସ୍କ୍ବାଡ୍‌

ପାରଳାଖେମୁଣ୍ଡି, ୪।୪ (ସ୍ବ.ପ୍ର.): ପାରଳାଖେମୁଣ୍ଡି ସହର ଉପକଣ୍ଠ ରାଣୀପେଣ୍ଠ ଛକରେ ଗୁରୁବାର ନିର୍ବାଚନ ଫ୍ଲାଇଂ ସ୍କ୍ବାଡ୍‌ ଦୁଇଟି ଗାଡିରୁ ୧ଲକ୍ଷ ୫୦ ହଜାର ଟଙ୍କା ଜବତ କରିଛନ୍ତି। ଟଙ୍କା ନେଇ ଯାଉଥିବା କାଶୀନଗର ବ୍ଲକ ଖାଣ୍ଡବା ସରପଞ୍ଚ ଜଗନ୍ନାଥ ଦୋରା, ପ୍ରସନ୍ନ ପାତ୍ର, ରାମକ୍ରିଷ୍ଣା ରାଓଙ୍କୁ ପାରଳାଖେମୁଣ୍ଡି ଥାନାରେ ଅଟକ ରଖାଯାଇ ପଚରାଉଚରା କରାଯାଉଛି। ଟଙ୍କା କୋଉଠୁ ଆସିଲା, ଏବଂ କେଉଁ ଆଡ଼େ ଯାଉଥିଲା ଏହାର କୌଣସି ସୂଚନା ମିଳିନାହିଁ। 

ଟ୍ରକ୍‌ ଧକ୍କାରେ ଯୁବକ ମୃତ

ଟ୍ରକ୍‌ ଧକ୍କାରେ ଯୁବକ ମୃତ

ରାୟଗଡା ଅଫିସ୍‌, ୪।୪- ରାୟଗଡା ସହରର ୩୨୬ନମ୍ବର ଜାତୀୟ ରାଜପଥର ନେହେରୁନଗର ଛକଠାରେ ଗୁରୁବାର ଏକ ଟ୍ରକ ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଛି । ସେ ହେଲେ ସହର କସ୍ତୁରିନଗରର ଭାସ୍କର ନାୟକ(୨୫)।   ସକାଳେ  ଭାସ୍କର ଏବଂ ତାଙ୍କ ମା’ ଅରୁଣା  ଷ୍ଟେଶନ୍‌କୁ ଚାଲି ଚାଲି ଯାଉଥିଲେ । ନେହେରୁନଗର ଛକଠାରେ ରାଜପଥ ପାରି ହେଉଥିବାବେଳେ ଆନ୍ଧ୍ରପ୍ରଦେଶରୁ ରାୟପୁର ଯାଉଥିବା ଟ୍ରକ୍‌ (ନମ୍ବର ଓଡି.୧୭.ଇ-୦୪୪୪) ଭାସ୍କରଙ୍କ ଉପରେ ଚଡ଼ିଯାଇଥିଲା । ଫଳରେ ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। 

ବାରମ୍ବାର ଟ୍ରେନ୍‌ ବିଳମ୍ବ ନେଇ ଯାତ୍ରୀ ଅସନ୍ତୋଷ

ବାରମ୍ବାର ଟ୍ରେନ୍‌ ବିଳମ୍ବ ନେଇ ଯାତ୍ରୀ ଅସନ୍ତୋଷ

ପାରଳାଖେମୁଣ୍ଡି, ୪।୪ (ସ୍ବ.ପ୍ର.)- ଗଜପତି ଜିଲା ସଦର ମହକୁମା ପାରଳାଖେମୁଣ୍ଡି ରେଳ ଷ୍ଟେଶନରେ ବାରମ୍ବାର ଟ୍ରେନ ବିଳମ୍ବରେ ପହଞ୍ଚତ୍ବା ଯୋଗୁ ଯାତ୍ରୀମାନେ ଅସନ୍ତୋଷ ପ୍ରକାଶ କରିଛନ୍ତି। ପୁରୀ-ଗୁଣୁପୁର-ପଲାସା ପାସେଞ୍ଜର ଟ୍ରେନ  ବାରମ୍ବାର ବିଳମ୍ବରେ ଆସୁଥିବା ଯାତ୍ରୀମାନେ ଅଭିଯୋଗ କରିଛନ୍ତି। 

ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ଅଭିଯୋଗ

ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ଅଭିଯୋଗ

ଗୋବିନ୍ଦପାଲି,୪।୪(ଡି.ଏନ.ଏ.)-ମାଲକାନଗିରି ଜିଲା ଖଇରପୁଟ ବ୍ଲକର ବଡଡୁରାଲ ପଞ୍ଚାୟତ ଅନ୍ତର୍ଗତ ସନୁଗୁଡା ଗ୍ରାମରେ ଶିକ୍ଷା ବ୍ୟବସ୍ଥା ଦିଗହରା ହୋଇପଡିଛି । ସରକାରଙ୍କ ଶିକ୍ଷା ଅଧିକାର ଆଇନ ଏଠାରେ ପ୍ରହସନ ପାଲଟିଛି। ଏହା ଏକ ଅପହଞ୍ଚ ତଥା ଦୁର୍ଗମ ଅଞ୍ଚଳର ବିଦ୍ୟାଳୟ ହୋଇଥିବାରୁ ଏହାକୁ ଅଣଦେଖା କରାଯାଉଥିବା ଗ୍ରାମବାସୀ ଅଭିଯୋଗ କରିଛନ୍ତି ।

ଚୋରା ଚାଲାଣ ବେଳେ ମହୁଲ ଜବତ, ଜଣେ ଗିରଫ

ଚୋରା ଚାଲାଣ ବେଳେ ମହୁଲ ଜବତ, ଜଣେ ଗିରଫ

ମାଲକାନଗିରି ,୪।୪(ଡି.ଏନ୍‌.ଏ.)-ମାଲକାନଗିରି ଜିଲା ଅବକାରୀ ଅଧୀକ୍ଷକଙ୍କ ନିର୍ଦ୍ଦେଶରେ   ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଏକ ମହୁଲ ବୋଝେଇ ପିକ୍‌ଅପ୍‌  ଭ୍ୟାନ ଜବତ କରାଯାଇଛି। ଏଥିରେ ସମ୍ପୃକ୍ତ  ଜଣକୁ ଗିରଫ କରି କୋର୍ଟଚାଲାଣ କରାଯାଇଛି । 

ପଦ୍ମଶ୍ରୀ କମଳା ପୂଜାରୀଙ୍କୁ ଆର୍ଥତ୍କ ସହାୟତା

ପଦ୍ମଶ୍ରୀ କମଳା ପୂଜାରୀଙ୍କୁ ଆର୍ଥତ୍କ ସହାୟତା

 ଜୟପୁର,୪।୪(ଡି.ଏନ୍‌.ଏ.): ପଦ୍ମଶ୍ରୀ କମଳା ପୂଜାରୀଙ୍କୁ ଜୟପୁର ଲରୀ ମାଲିକ ମହାସଂଘ ପକ୍ଷରୁ ୧୦ ହଜାର ଟଙ୍କାର ଆର୍ଥିକ ସହାୟତା ଏବଂ ଶାଢ଼ି ଦିଆଯାଇଛି । ମହାସଂଘର କାର୍ଯ୍ୟାଳୟରେ ସଂଘର ସଭାପତି ଏ. ବୀରଭଦ୍ରା ରାଓ, ଉପସଭାପତି ପି.ଏନ୍‌. ମୂର୍ତ୍ତି, ସାଧାରଣ ସଂପାଦକ ପି. ଶିବ ପ୍ରସାଦ, ଯୁଗ୍ମ ସଂପାଦକ ଏନ୍‌. ଲକ୍ଷ୍ମୀନାରାୟଣ ଏବଂ ଅନ୍ୟ ସଦସ୍ୟଙ୍କ ଉପସ୍ଥିତିରେ ସମ୍ମାନିତ କରାଯାଇଥିଲା। 

ନିର୍ବାଚନ ପ୍ରଚାର ସମୟରେ ଦୁଇ ଗୋଷ୍ଠୀ ମଧ୍ୟରେ ପାଟିତୁଣ୍ଡ

ଝରିଗାଁ,୪।୪(ସ୍ବ.ପ୍ର)- ଚଳିତ ବିଧାନସଭା ନିର୍ବାଚନ ପ୍ରଚାର ସମୟରେ ନବରଙ୍ଗପୁର ଜିଲା ଝରିଗାଁ ବ୍ଲକ କଲେଗାଁ ଗ୍ରାମରେ ଦୁଇ ଗୋଷ୍ଠୀ ମଧ୍ୟରେ ସଭା ସ୍ଥଳିରେ ପାଟିତୁଣ୍ଡ ହୋଇଥିଲା। ଏହାର  ଦିନକ ପରେ ଦୁଇ ଯୁବକଙ୍କୁ ନିସ୍ତୁକ ମାଡ ମରାଯାଇଥିବା ନେଇ ଝରିଗାଁ ଥାନାରେ ଅଭିଯୋଗ ହୋଇଛି।

ବିଷାକ୍ତ ସାପ କାମୁଡ଼ାରେ ନାବାଳକଙ୍କ ଜୀବନ ଗଲା

ବିଷାକ୍ତ ସାପ କାମୁଡ଼ାରେ ନାବାଳକଙ୍କ ଜୀବନ ଗଲା

ଝରିଗାଁ, ୪।୪(ସ୍ବ.ପ୍ର.)- ନବରଙ୍ଗପୁର ଜିଲା ଝରିଗାଁ ବ୍ଲକ ଇଚ୍ଛାପୁର ପଞ୍ଚାୟତ ଢେପଗୁଡ଼ା ଗ୍ରାମରେ ବୁଧବାର ବିଳମ୍ବିତ ରାତିରେ ବିଷାକ୍ତ ସାପ କାମୁଡାରେ ଜଣେ ନାବାଳକଙ୍କ ମୃତ୍ୟୁ ଘଟିଛି। ସେ ହେଲେ ସଞ୍ଜୁ ସାନ୍ତାଙ୍କ ପୁଅ ରବିନ୍ଦ୍ର ସାନ୍ତା(୧୪)। 

୨ମାସ ହେଲା ୩ ଦାଦନ ଶ୍ରମିକ ନିଖୋଜ:  ଫେରିବା ବାଟକୁ ଚାହିଁ ରହିଛନ୍ତି ପରିବାର

୨ମାସ ହେଲା ୩ ଦାଦନ ଶ୍ରମିକ ନିଖୋଜ: ଫେରିବା ବାଟକୁ ଚାହିଁ ରହିଛନ୍ତି ପରିବାର

ଜେକେପୁର, ୪।୪(ଡି.ଏନ୍‌.ଏ)-  ଟଙ୍କା ରୋଜଗାର କରି ଋଣ ଶୁଝିବା ଆଶାରେ ଆନ୍ଧ୍ରପ୍ରଦେଶକୁ ଦାଦନ ଖଟିବାକୁ ଯାଇ ଘରକୁ ଫେରିନାହାନ୍ତି ରାୟଗଡ଼ା ଜିଲା କୋଲନରା ବ୍ଲକର ୩ଜଣ ଶ୍ରମିକ।  ସେମାନଙ୍କ ଫେରିବା ବାଟକୁ ଅନାଇ ଅନାଇ ଚିନ୍ତାରେ ଲୁହ ଗଡାଉଛନ୍ତି ପରିବାର ଲୋକେ।  

ଯୁବ କଂଗ୍ରେସ କର୍ମୀଙ୍କୁ ଏସ୍‌ଡିପିଓଙ୍କ ମାଡ ଅଭିଯୋଗ: ପ୍ରତିବାଦରେ ଥାନା ଘେରାଉ

ଯୁବ କଂଗ୍ରେସ କର୍ମୀଙ୍କୁ ଏସ୍‌ଡିପିଓଙ୍କ ମାଡ ଅଭିଯୋଗ: ପ୍ରତିବାଦରେ ଥାନା ଘେରାଉ

ମାଲକାନଗିରି,୩ା୪ (ଡି.ଏନ୍‌.ଏ.)-ମାଲକାନଗିରି ଜିଲା କଂଗ୍ରେସ କମିଟିର ନବରଙ୍ଗପୁର ଯୁବ ସଂସଦୀୟ ମଣ୍ଡଳୀର ସମ୍ପାଦକଙ୍କୁ ବୁଧବାର ଏସ୍‌ଡିପିଓ ମାଡ ମାରିଥିବା ନେଇ ଥାନାରେ ଅଭିଯୋଗ ହୋଇଛି। ଏହାର ପ୍ରତିବାଦରେ ଦଳ ପକ୍ଷରୁ ଥାନା ଘେରାଉ କରାଯାଇଥିଲା।  ମାଲକାନଗିରି ସଦର ବ୍ଲକ ଅନ୍ତର୍ଗତ ମାର୍କାପାଲ୍ଲିଠାରେ କଂଗ୍ରେସର ଏକ ନିର୍ବାଚନୀ ପ୍ରଚାରରେ ଛତିଶଗଡ ମନ୍ତ୍ରୀ ଲାଖମା କବାସୀ ଯୋଗ ଦେଇଥିଲେ। ଏଠାରେ ମନ୍ତ୍ରୀ ସଭା ସାରି ଫେରୁଥିବା ସମୟରେ କୌଣସି କାରଣରୁ କଂଗ୍ରେସର ନବରଙ୍ଗପୁର ଯୁବ ସଂସଦୀୟ ମଣ୍ଡଳୀର ସମ୍ପାଦକ ରବି ରାଜେଶଙ୍କୁ ମାଲକାନଗିରି ଏସ୍‌ଡିପିଓ ହୃଷିକେଶ ଟି. କିଲାରି ଚାପୁଡା ମାରିଥିବା ଅଭିଯୋଗ ହୋଇଛି। ଉତ୍ତ୍ୟକ୍ତ କଂଗ୍ରେସ କର୍ମୀମାନେ ମାଲକାନଗିରି ଥାନା ଘେରାଉ କରିବା ସହ ଟାୟାର ଜାଳି ରାସ୍ତା ଅବରୋଧ କରିଥିଲେ। 

ଅଜଣାଗାଡି ଧକ୍କାରେ ଯୁବକଙ୍କ ମୃତ୍ୟୁ

ଅଜଣାଗାଡି ଧକ୍କାରେ ଯୁବକଙ୍କ ମୃତ୍ୟୁ

ନବରଙ୍ଗପୁର,୩ା୪(ବି.ପ୍ର.)- ନବରଙ୍ଗପୁର ଜିଲା ଚିକିଲି ନଦୀ ନିକଟରେ ଅଜଣାଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତ ଯୁବକ ଜଣକ ହେଲେ ପାପଡାହାଣ୍ଡି ବ୍ଲକ ଡକରାଗୁଡା ଗାଁର ସନପତ ମାଝୀଙ୍କ ପୁଅ ମଦନ ମାଝୀ(୩୫)। ସେ  ମଙ୍ଗଳବାର ବାଲିଯାତ୍ରା ଦେଖି ପଖନାଗୁଡାରେ ଥିବା ଭଉଣୀ ଘରକୁ ଯାଉଥିଲେ। ଚିକିଲି ନଦୀ ନିକଟରେ ଏକ ଅଜଣାଗାଡି ତାଙ୍କୁ ଧକ୍କା ଦେଇଥିଲା। ନଦୀ ପୋଲ ନିକଟସ୍ଥ ମକା କ୍ଷେତ ଭିତରେ ମଦନ ପଡିଥିଲେ । ଘଟଣାସ୍ଥଳରେ ତାଙ୍କର  ମୃତ୍ୟୁ ଘଟିଥିଲା। 

ପିଲା ଲଗାଉଛନ୍ତି ଦଳୀୟ ପତାକା: ସୋସିଆଲ ମିଡିଆରେ ଭିଡିଓ ଭାଇରାଲ

ପିଲା ଲଗାଉଛନ୍ତି ଦଳୀୟ ପତାକା: ସୋସିଆଲ ମିଡିଆରେ ଭିଡିଓ ଭାଇରାଲ

ଗୁଣପୁର,୩।୪(ଡି.ଏନ୍‌.ଏ.)-ରାୟଗଡ଼ା ଜିଲା ଗୁଣପୁର ଅଞ୍ଚଳରେ କେତେ ଜଣ ଛୋଟ ଛୋଟ ପିଲା ଏକ ନିର୍ଦ୍ଦିଷ୍ଟ ଦଳର ପତାକା ଲଗାଉଥିବା ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଛି। ସହରର ଗୋଟିଏ ଅଞ୍ଚଳରେ କିଛି ପିଲା ଗୋଟିଏ ନିର୍ଦ୍ଦିଷ୍ଟ ରାଜନୈତିକ ଦଳର ପତକାକୁ ଠେଲା ଗାଡ଼ିରେ ନେଇ ସେଗୁଡିକୁ ସାହି ସାହି ବୁଲି ଟାଙ୍ଗିଥିଲେ। ତେବେ ପିଲାମାନଙ୍କୁ କିଏ ଏଭଳି କାମରେ ଲଗାଇଛି  ସେ ସମ୍ପର୍କରେ କିଛି ଜଣାପଡି ନାହିଁ। ପିଲାଙ୍କୁ ଏପରି କାଯର୍ର୍‌ୟରେ ଲଗାଇବା ନେଇ ସାଧାରଣରେ ନାପସନ୍ଦ କରାଯାଇଛି। 

ପୁରୁଷଙ୍କ ତୁଳନାରେ ମହିଳା ଭୋଟର ଅଧିକ

ପୁରୁଷଙ୍କ ତୁଳନାରେ ମହିଳା ଭୋଟର ଅଧିକ

ଜୟପୁର,୩।୪(ଡି.ଏନ୍‌.ଏ.): କୋରାପୁଟ ଜିଲାରେ ପୁରୁଷଙ୍କ ଅପେକ୍ଷା ମହିଳା ମତଦାତାଙ୍କ ସଂଖ୍ୟା ଅଧିକ ରହିଛି। ମହିଳା ମତଦାତାଙ୍କ ସଂଖ୍ୟା ପୁରୁଷଙ୍କଠାରୁ ୩୦ ହଜାର ୨୫୩ ଅଧିକ ରହିଛି। ଜିଲାରେ ୫ଟି ବିଧାନସଭା ନିର୍ବାଚନ ମଣ୍ଡଳୀ ରହିଛି । ସେଥିମଧ୍ୟରୁ ଲକ୍ଷ୍ମୀପୁର, କୋଟପାଡ଼, ପଟ୍ଟାଙ୍ଗି ଅନୁସୂଚିତ ଜନଜାତି ଓ କୋରାପୁଟ ଅନୁସୂଚିତ ଜାତିଙ୍କ ପାଇଁ ସଂରକ୍ଷିତ । କେବଳ ଜୟପୁର ବିଧାନସଭା ନିର୍ବାଚନ ମଣ୍ଡଳୀ ଅସଂରକ୍ଷିତ ରହିଛି। 

ଗ୍ରୀଷ୍ମପ୍ରବାହରେ ଅତିଷ୍ଠ ହେଲେଣି ଜିଲାବାସୀ

ଗ୍ରୀଷ୍ମପ୍ରବାହରେ ଅତିଷ୍ଠ ହେଲେଣି ଜିଲାବାସୀ

ମାଲକାନଗିରି,୩।୪ (ଡି.ଏନ.ଏ.): ମାଲକାନଗିରି ଜିଲାରେ ପ୍ରବଳ ଗ୍ରୀଷ୍ମ ପ୍ରବାହ ଯୋଗୁ ସାଧାରଣ ଲୋକେ ଅତିଷ୍ଠ ହୋଇପଡିଲେଣି। ସେମାନେ ନାହିଁି ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି।   ମଙ୍ଗଳବାର ମାଲକାନଗିରି ଜିଲାରେ ୪୩ ଡିଗ୍ରୀ ତାପମାତ୍ରା ରହିଥିଲା। ଦିନ ୧୧ଟା ପରେ ଘରୁ ବାହାରି ହେଉନାହିଁ। ରାସ୍ତାଘାଟ ଶୂନଶାନ ହୋଇପଡୁଛି। ବର୍ତ୍ତମାନ  ସାଧାରଣ ନିର୍ବାଚନ ପାଇଁ ଦଳୀୟ   ପ୍ରାର୍ଥୀମାନେ ଦିନବେଳା ସେମାନଙ୍କ ପ୍ରଚାର କରିପାରୁ ନାହାନ୍ତି। ଯେ କୌଣସି  ନିର୍ବାଚନୀ ସଭାକୁ  ଖରା ହେତୁ  ଲୋକମାନେ ଆସୁ ନ ଥିବାରୁ ରାତିରେ  ନିର୍ବାଚନ ପ୍ରଚାରକୁ ବିଭିନ୍ନ ଦଳ  ଆପଣାଇଛନ୍ତି। 

ଘାଟିରାସ୍ତାରେ ନିମ୍ନମାନର କାମ

ଘାଟିରାସ୍ତାରେ ନିମ୍ନମାନର କାମ

କୋଲାବନଗର,୩।୪(ଡି.ଏନ୍‌.ଏ.): କୋରାପୁଟ ସଦର ବ୍ଲକ ଅନ୍ତର୍ଗତ ୨୬ ନମ୍ବର ଜାତୀୟ ରାଜପଥକୁ ସଂଯୋଗ କରୁଥିବା ଆର.ଡି. ରୋଡ ସ୍ଥାନୀୟ ହନୁମାନ ମନ୍ଦିରରୁ ଗଞ୍ଜେଇପଦର ମଧ୍ୟରେ ବିପର୍ଯ୍ୟସ୍ତ ହୋଇପଡ଼ିଛି। ଏଥିପାଇଁ ଅନେକ ଥର ମନ୍ତ୍ରୀଙ୍କଠାରୁ ଆରମ୍ଭ କରି ଜିଲା ପ୍ରଶାସନ ତଥା ବିଭାଗୀୟ କର୍ମଚାରୀଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ୫ ବର୍ଷ ହେଲା କିଛି ଫଳ ହେଉନାହିଁ। ସୌଭାଗ୍ୟବଶତଃ ୧୫ ଦିନ ହେଲା ବାଲିପଦରଗୁଡ଼ା ଘାଟିରୁ ବନ୍ଧ ଅଞ୍ଚଳ ଉପକଣ୍ଠ ପର୍ଯ୍ୟନ୍ତ ୩ କି.ମି. ଘାଟି ରାସ୍ତାରେ ଠିକାଦାର ପିଚୁ ପକାଉଥିବା ଦେଖିବାକୁ ମିଳୁଛି। ପିଚୁ କାମ ଅତି ନିମ୍ନମାନର ହେଉଥିବା ଗଞ୍ଜେଇପଦର ଗ୍ରାମର ଯୁବକଙ୍କ ମଧ୍ୟରେ ଚଣ୍ଡାଳ ଟାକ୍ରୀ, ଧନ ସଗରିଆ, ଘାସି ହନ୍ତାଳ, ସହଦେବ ସଗରିଆ, ନାରାୟଣ ଖିଲ ଅଭିଯୋଗ କରିଛନ୍ତି। 

ଉପଜିଲାପାଳଙ୍କ କାର୍ଯ୍ୟାଳୟ ପାର୍ଶ୍ୱରେ କୁଢ଼କୁଢ଼ ରନ୍ଧାଖାଦ୍ୟ  :ପୂର୍ତ୍ତିଗନ୍ଧମୟ ପରିବେଶରେ ଲୋକେ ଅତିଷ୍ଠ

ଉପଜିଲାପାଳଙ୍କ କାର୍ଯ୍ୟାଳୟ ପାର୍ଶ୍ୱରେ କୁଢ଼କୁଢ଼ ରନ୍ଧାଖାଦ୍ୟ :ପୂର୍ତ୍ତିଗନ୍ଧମୟ ପରିବେଶରେ ଲୋକେ ଅତିଷ୍ଠ

ପାରଳାଖେମୁଣ୍ଡି,୩।୪ (ସ୍ବ.ପ୍ର.): ପାରଳାଖେମୁଣ୍ଡିସ୍ଥିତ ଉପଜିଲାପାଳ ତଥା ନିର୍ବାଚନ ରିଟର୍ନିଂ ଅଧିକାରୀଙ୍କ କାର୍ଯ୍ୟାଳୟ ପାର୍ଶ୍ୱସ୍ଥ  ଏକ ନାଳରେ କୁଢ କୁଢ ରନ୍ଧାଖାଦ୍ୟ ଫୋପଡା ହେଉଛି। ଏସବୁ ଜମି ରହିବା ପଳରେ ସେଠାରେ ପୂତ୍ତିଗନ୍ଧମୟ ପରିବେଶ ସୃଷ୍ଟି ହେଉଛି। ଫଳରେ ଅଫିସକୁ ଆସୁଥିବା ଓ ଉକ୍ତ ରାସ୍ତା ଦେଇ ଯାଉଥିବା ଲୋକେ ଅତିଷ୍ଠ ହୋଇ ପଡୁଛନ୍ତି।  

ରାସ୍ତାକଡ଼ରେ  ଇଟାଭାଟି: ଧୂଆଁ, ପ୍ରଦୂଷଣ ବଳୟରେ ପାରଳାଖେମୁଣ୍ଡି ସହର

ରାସ୍ତାକଡ଼ରେ ଇଟାଭାଟି: ଧୂଆଁ, ପ୍ରଦୂଷଣ ବଳୟରେ ପାରଳାଖେମୁଣ୍ଡି ସହର

ପାରଳାଖେମୁଣ୍ଡି, ୩।୪ (ସ୍ବ.ପ୍ର.): ପାରଳାଖେମୁଣ୍ଡି ଉପକଣ୍ଠ ରାଣୀପେଣ୍ଠ-ଗୁମ୍ମା ରାସ୍ତାରେ ଇଟାଭାଟିମାନ ଗଢିଉଠିଛି।  ଏହି ଇଟାଭାଟିରୁ  ଅନବରତ ଧୂଆଁ ବାହାରୁଥିବାରୁ ଏଥିଯୋଗୁ ପରିବେଶ ପ୍ରଦୂଷଣ ହେଉଛି। ଏଥିରେ ପାରଳାଖେମୁଣ୍ଡି ଭଳି ଏକ ପ୍ରାକୃତିକ ଅଞ୍ଚଳର ଶୋଭାରାଜି ନଷ୍ଟ ହେଉଛି।  ରାସ୍ତାରୁ ମାତ୍ର କିଛି ମିଟର ଦୂରରେ ଏହି ଇଟାଭାଟିଗୁଡିକ ଗଢି ଉଠିଥିବାବେଳେ ପ୍ରଶାସନ ଏଥିପ୍ରତି ଦୃଷ୍ଟି ଦେଉନାହିଁ।  ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଦାବି ହୋଇଛି।

ମୋହନା ନିର୍ବାଚନମଣ୍ଡଳୀ: ଏଥର ବିଜେଡି-କଂଗ୍ରେସ ଟକ୍କର  

ପାରଳାଖେମୁଣ୍ଡି, ୨।୪ (ସ୍ବ.ପ୍ର.)- ଗଜପତି ଜିଲା ମୋହନା ନିର୍ବାଚନମଣ୍ଡଳୀର ଭାଜପା ନେତା ତଥା ପୂର୍ବତନ ବିଧାୟକ ଭରତ ପାଇକ ସୋମବାର ନବୀନ ନିବାସରେ ବିଜେଡିରେ ମିଶିଛନ୍ତି। 

୩ ଛାତ୍ରୀଙ୍କୁ ଅପହରଣ

୩ ଛାତ୍ରୀଙ୍କୁ ଅପହରଣ

ଜୟପୁର,୨ା୪(ନି.ପ୍ର.): ଜୟପୁର ସଦର ଥାନା ଅନ୍ତର୍ଗତ ଓସିସି କଲୋନିରୁ ୩ ଜଣ ନାବାଳିକାଙ୍କୁ ଅପରହଣ କରାଯାଇଛି। ଏନେଇ ଥାନାରେ ଏତଲା ହୋଇଛି। ଗତ ୨୮ ତାରିଖରୁ ଏହି ୩ ଜଣ ନାବାଳିକାଙ୍କୁ ପରିବାର ଲୋକେ ବହୁ ଖୋଜାଖୋଜି କରିବା ପରେ ମଧ୍ୟ ସେମାନଙ୍କର କିଛି ଖୋଜ ଖବର ମିଳି ନଥିଲା। ଏହାପରେ ଗତ ୩୦ ତାରିଖ ଅପହୃତ ନାବାଳିକାଙ୍କ ପରିବାର ଲୋକେ ଜୟପୁର ସଦର ଥାନାରେ ଲିଖିତ ଏତଲା ଦେଇଛନ୍ତି। ନାବାଳିକାଙ୍କ ମଧ୍ୟରୁ ୨ ଜଣ ବିକ୍ରମଦେବ କଲେଜର ଯୁକ୍ତଦୁଇର ଛାତ୍ରୀ ଥିବା ବେଳେ ଅନ୍ୟ ଜଣେ ପାଠ ପଢୁ ନଥିବା ଜଣାପଡ଼ିଛି।