Dharitri News

ବ୍ରହ୍ମପୁର

ବାଲିପଦର ମହୋତ୍ସବ ଉଦ୍‌ଯାପିତ

ବାଲିପଦର ମହୋତ୍ସବ ଉଦ୍‌ଯାପିତ

ବୁଗୁଡ଼ା,୯।୧(ଡି.ଏନ.ଏ.)- ବୁଗୁଡ଼ା ବ୍ଲକ ଅନ୍ତର୍ଗତ ବାଲିପଦରଠାରେ ରବିବାର ଠାରୁ ଆରମ୍ଭ ହୋଇଥିବା ବାଲିପଦର ମହୋତ୍ସବ ମଙ୍ଗଳବାର ସନ୍ଧ୍ୟାରେ ଉଦ୍‌ଯାପିତ ହୋଇଯାଇଛି। କବି କଳ୍ପତରୁ ଦାସଙ୍କ ନାମରେ ନାମିତ ମହୋତ୍ସବର ସାଂସ୍କୃତିକ ସନ୍ଧ୍ୟାକୁ ବିଧାୟକ ଶ୍ରୀକାନ୍ତ ସାହୁ ମୁଖ୍ୟଅତିଥି ଭାବେ ଯୋଗଦେଇ ଉଦ୍‌ଘାଟନ କରିଥିଲେ। ଉଦ୍‌ଯାପନୀ ମହୋତ୍ସବରେ ଇଂ. ଲକ୍ଷ୍ମୀ ପ୍ରସାଦ ନାୟକ ସଭାପତିତ୍ୱ କରିଥିଲେ।

ବ୍ୟାଙ୍କରୁ ଲୁଟ ଉଦ୍ୟମ ବିଫଳ

ବ୍ୟାଙ୍କରୁ ଲୁଟ ଉଦ୍ୟମ ବିଫଳ

ବେଗୁନିଆପଡ଼ା,୯।୧(ଡି.ଏନ.ଏ.)- ଗଞ୍ଜାମ ଜିଲା ବେଗୁନିଆପଡ଼ା ଫାଣ୍ଡି ଅନ୍ତର୍ଗତ କଞ୍ଚଣାସ୍ଥିତ ଇଣ୍ଡିଆନ ବ୍ୟାଙ୍କରେ ସୋମବାର ବିଳମ୍ବିତ ରାତିରେ ଲୁଟ ଉଦ୍ୟମ ହୋଇଛି। ଲୁଟେରାମାନେ ବ୍ୟାଙ୍କ ମୁଖ୍ୟଦ୍ୱାରର ତିନୋଟି ତାଲାକୁ କାଟିବା ସହ ଷ୍ଟ୍ରଙ୍ଗ୍‌ ରୁମର ତାଲା କାଟି ଦେଇଥିଲେ। ତେବେ ଟଙ୍କା କିମ୍ବା ସୁନା ଚୋରି କରିପାରିନାହାନ୍ତି। ମଙ୍ଗଳବାର ଭୋର ପ୍ରାୟ ୪ଟାରେ ବ୍ୟାଙ୍କ ନିକଟରେ ଥିବା ପୋଖରୀକୁ କିଛି ମହିଳା ଗାଧୋଇ ଯିବାବେଳେ ବ୍ୟାଙ୍କର ସାଇରନ ବାଜୁଥିବା ଶୁଣି ଗ୍ରାମ ନିକଟରେ ଥିବା ଚା’ ଦୋକାନୀଙ୍କୁ ଜଣାଇଥିଲେ। ସେ ଘଟଣା ସମ୍ପର୍କରେ କଞ୍ଚଣା ଗ୍ରାମର ବ୍ୟାଙ୍କ କର୍ମଚାରୀ ଶ୍ରୀନିବାସ ଘୋଷ ଓ ଶୁଶିଲ କୁମାର ସାହୁଙ୍କୁ ଜଣାଇଥିଲେ।

ବିଲକୁ ଖସିଲା ବସ

ବିଲକୁ ଖସିଲା ବସ

ମୋହନା,୯।୧(ଡି.ଏନ.ଏ.)- ମୋହନା ବ୍ଲକ ଅଡବା ଥାନା ଅନ୍ତର୍ଗତ ମାଣ୍ଡିମରା ପଞ୍ଚାୟତ ବାଚିପଙ୍କା ଗ୍ରାମ ନିକଟରେ ରାୟଗଡାରୁ ବ୍ରହ୍ମପୁର ଅଭିମୁଖେ ଯାଉଥିବା ସାଇସୁଦ୍ଧା (ନଂ.ଓଆର୦୭ ଟି-୯୧୮୧) ଏକ ଯାତ୍ରୀବାହି ବସ୍‌ ଭାରସାମ୍ୟ ହରାଇ ବିଲ ମଧ୍ୟକୁ ଖସି ପଡିଛି। ଗାଡିରେ ଥିବା ଯାତ୍ରୀମାନଙ୍କର କୌଣସି କ୍ଷୟକ୍ଷତି ହୋଇନାହିଁ।

୬ ବଖରା ଜଳିଗଲା

ମୋହନା,୯।୧(ଡି.ଏନ.ଏ.)- ମୋହନା ବ୍ଲକ ଅନ୍ତର୍ଗତ ବଡସିନ୍ଧବା ପଞ୍ଚାୟତର ଡୁଣ୍ଡୁରୁମୁ ଗ୍ରାମରେ ସୋମବାର ରାତି ପ୍ରାୟ ୧୦ଟା ୪୦ରେ ଅଗ୍ନିକାଣ୍ଡ ଘଟି ୩ ପରିବାରର ୬ ବଖରା ପୋଡି ପାଉଁଶ ହୋଇଯାଇଛି। ବିପନ୍ନମାନେ ହେଲେ ଶ୍ରୀରାମ ମାଝୀ, ବଗା ମାଝୀ ଓ କାଲା ମାଝୀ। ଶୀତ ଦାଉରୁ ରକ୍ଷା ପାଇବାକୁ ଘର ସମ୍ମୁଖରେ ନିଅଁା ଜାଳୁଥିବାବେଳେ ଝୁଲ ଉଡି ଚାଳ ଛପର ଉପରେ ପଡିବାରୁ ଏପରି ଅଗ୍ନିକାଣ୍ଡ ଘଟିଛି। ମୋହନା ଦମକଳ ବାହିନୀ ପହଞ୍ଚତ୍ ନିଅଁାକୁ ଆୟତ୍ତ କରିଥିଲେ। ନିଅଁାକୁ ଆୟତ୍ତ କରାଯିବା ପରେ କିଛି ସାମଗ୍ରୀ ଉଦ୍ଧାର କରାଯାଇଥିଲା। ମୋହନା ତହସିଲଦାର ସୀମାଞ୍ଚଳ ମଣ୍ଡଳ ବୁଧବାର କ୍ଷତିଗ୍ରସ୍ତ ପରିବାରଙ୍କୁ ଓଡିଶା ରିଲିଫ କୋର୍ଡ ଅନୁସାରେ ସମସ୍ତ ସୁବିଧା ଯୋଗାଇ ଦିଆଯିବ ବୋଲି କହିଛନ୍ତି। ବିପନ୍ନମାନଙ୍କୁ ଶୀତବସ୍ତ୍ର ସହ ଘର ଯୋଗାଇ ଦେବାକୁ ସାଧାରଣରେ ଦାବି ହେଉଛି।

ରେଲୱେ ଚାକିରି ନଁ।ରେ କୋଟିଏରୁ ଊର୍ଦ୍ଧ୍ୱ ଟଙ୍କା ଠକେଇ ଅଭିଯୋଗ

ରେଲୱେ ଚାକିରି ନଁ।ରେ କୋଟିଏରୁ ଊର୍ଦ୍ଧ୍ୱ ଟଙ୍କା ଠକେଇ ଅଭିଯୋଗ

ବ୍ରହ୍ମପୁର ଅଫିସ,୮।୧-ରେଲୱ୍ବେରେ ଚାକିରି ମିଳିବ। ଏଥିପାଇଁ ପ୍ରଥମେ ସମସ୍ତଙ୍କୁ କିଛି ଖର୍ଚ୍ଚ କରିବାକୁ ପଡିବ। ତେବେ ଯାଇ ଗ୍ରୁପ ଡି’ ବିଭାଗରେ ଚାକିରି ମିଳିପାରିବ। ମାସିକ ୩୦ ହଜାର ଲେଖାଏଁ ଦରମା ଦିଆଯିବ। ଏହିଭଳି ନାନା ମିଛ ସ୍ବପ୍ନ ଦେଖାଇଥିଲେ କିଛି ଯୁବକଙ୍କୁ। ଏଥିରେ ପ୍ରଲୋଭିତ ହୋଇ କନ୍ଧମାଳ, ଗଜପତି, ଗଞ୍ଜାମ ଜିଲାର ବହୁ ଯୁବକ ଲକ୍ଷ ଲକ୍ଷ ଟଙ୍କା ଦେଇଥିଲେ। ହେଲେ ସେମାନଙ୍କୁ ଚାକିରି ମିଳି ନ ଥିଲା। ସେମାନେ ଠକାମିର ଶିକାର ହୋଇଥିବା ପରବର୍ତ୍ତୀ ସମୟରେ ଜଣାପଡିଥିଲା। ଘଟଣା ସମ୍ପର୍କରେ ଠକାମିର ଶିକାର ହୋଇଥିବା କନ୍ଧମାଳ ଜିଲା ସାରଙ୍ଗଗଡ ଥାନା ଅଞ୍ଚଳର ଜିତେନ୍ଦ୍ର ପୃଷ୍ଟି ଓ ଜିତୁ ପୃଷ୍ଟିଙ୍କ ସମେତ ଅନେକ ଯୁବକ ବୈଦ୍ୟନାଥପୁର ଥାନାରେ ଅଭିଯୋଗ କରିଛନ୍ତି।

ଭିଜିଲାନ୍ସ ଜାଲରେ ତହସିଲ କିରାଣି

ଭିଜିଲାନ୍ସ ଜାଲରେ ତହସିଲ କିରାଣି

ବୁଗୁଡ଼ା,୮।୧(ଡି.ଏନ.ଏ.)-ଗଞ୍ଜାମ ଜିଲା ବୁଗୁଡ଼ା ତହସିଲ କାର୍ଯ୍ୟାଳୟର କିରାଣି ଦିଲୀପ ମଲ୍ଲିକ ଭିଜିଲାନ୍ସ ଜାଲରେ ପଡ଼ିଛନ୍ତି। ଘର ପଟ୍ଟା ମ୍ୟୁଟେଶନ ପାଇଁ ଜଣେ ବ୍ୟକ୍ତିଙ୍କଠାରୁ ୬ ହଜାର ଟଙ୍କା ଲାଞ୍ଚ ନେଉଥିବା ବେଳେ ସୋମବାର ସନ୍ଧ୍ୟା ପ୍ରାୟ ସାଢ଼େ ୫ଟାରେ ବ୍ରହ୍ମପୁର ଭିଜିଲାନ୍ସ କର୍ମଚାରୀମାନେ ତାଙ୍କୁ କାବୁ କରିଛନ୍ତି। ଦିଲୀପଙ୍କୁ ଗିରଫ କରାଯାଇ ଅଧିକ ପଚରାଉଚୁରା ନିମନ୍ତେ ବ୍ରହ୍ମପୁର ଭିଜିଲାନ୍ସ କାର୍ଯ୍ୟାଳୟକୁ ନିଆଯାଇଛି। ଏ ନେଇ ନଂ.୧/୧୮ରେ ଏକ ମାମଲା ରୁଜୁ ହୋଇଛି।

ବୀମା କମ୍ପାନୀ ଲକର ଭାଙ୍ଗି ଲୁଟ୍‌

ବୀମା କମ୍ପାନୀ ଲକର ଭାଙ୍ଗି ଲୁଟ୍‌

ବ୍ରହ୍ମପୁର ଅଫିସ,୮।୧-ରବିବାର ମଧ୍ୟରାତ୍ରିରେ ସ୍ଥାନୀୟ ସୁବାରାଓ ଛକସ୍ଥିତ ଜେନେନା ରୋଡ ସମ୍ମୁଖ ଚର୍ଚ୍ଚିକା ମାର୍କେଟ କମ୍ପ୍ଲେକ୍ସ ଉପର ମହଲାରେ ଥିବା ଏକ ନ୍ୟାଶନାଲ ଇନ୍‌ସ୍ୟୁରାନ୍ସ କମ୍ପାନୀର ଲକର ଭାଙ୍ଗି କୌଣସି ଦୁର୍ବୃତ୍ତ ୬୦ ହଜାରରୁ ଊର୍ଦ୍ଧ୍ୱ ଟଙ୍କା ଲୁଟି ନେଇଛନ୍ତି। ଏ ନେଇ ଥାନାରେ ଲିଖିତ ଅଭିଯୋଗ କରାଯାଇଛି।

ସିପିଆଇ(ଏମ୍‌) ରାଜ୍ୟ ସମ୍ମିଳନୀ: ‘ସଂକଟରେ ସ୍ବାଧୀନତା,ସମ୍ବିଧାନ’

ସିପିଆଇ(ଏମ୍‌) ରାଜ୍ୟ ସମ୍ମିଳନୀ: ‘ସଂକଟରେ ସ୍ବାଧୀନତା,ସମ୍ବିଧାନ’

ବ୍ରହ୍ମପୁର ଅଫିସ୍‌,୮।୧-ଦେଶରେ ସାମ୍ପ୍ରଦାୟିକ ଶକ୍ତିଗୁଡ଼ିକର ଅଭିବୃଦ୍ଧି ଘଟିଛି। ଯାହାର ଫଳ ସ୍ବରୂପ କେଉଁଠି ଜାତି ତ କେଉଁଠି ଧର୍ମକୁ ନେଇ ଲଢ଼େଇ ଚାଲିଛି। ଯେଉଁମାନେ ଏକତା ଏବଂ ଧର୍ମନିରପେକ୍ଷତା କଥା କହୁଛନ୍ତି, ସେମାନଙ୍କୁ ହତ୍ୟା କରାଯାଉଛି। ଅଭିବ୍ୟକ୍ତି ସ୍ବାଧୀନତା ପ୍ରତି ସଂକଟ ଦେଖାଦେଇଛି। ଭାରତୀୟ ସମ୍ବିଧାନର ମୂଳ ହେଉଛି ଏକତା ଏବଂ ଧର୍ମନିରପେକ୍ଷତା। କିନ୍ତୁ ସମ୍ବିଧାନକୁ ବଦଳାଇଦେବା ପାଇଁ ମଧ୍ୟ ଷଡ଼ଯନ୍ତ୍ର ଚାଲିଛି। ସଂପ୍ରତି ଦେଶରେ ସ୍ବାଧୀନତା ଏବଂ ସମ୍ବିଧାନ ପ୍ରତି ଘୋର ସଂକଟ ସୃଷ୍ଟି ହୋଇଛି ବୋଲି ଆଲୋଚକମାନେ ମତବ୍ୟକ୍ତ କରିଛନ୍ତି। ସିପିଆଇ(ଏମ୍‌)ର ୨୧ତମ ରାଜ୍ୟ ସମ୍ମିଳନୀର ସୋମବାର ଥିଲା ଦ୍ୱିତୀୟ ଦିବସ। ଏହି ଅବସରରେ ସନ୍ଧ୍ୟାରେ ଶହୀଦ ଲକ୍ଷ୍ମଣ ନାୟକ କମ୍ୟୁନିଟି ହଲ୍‌ଠାରେ ‘ଜାତୀୟ ଜୀବନରେ ସଂକଟ ଏବଂ ଭବିଷ୍ୟତ’ ଶୀର୍ଷକରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ଏଥିରେ ଭାଜପା ବିରୋଧୀ କୁହାଯାଉଥିବା କଂଗ୍ରେସ, ବିଜେଡ଼ି, ସିପିଆଇ, ସିପିଆଇ(ଏମ୍‌)ର ବରିଷ୍ଠ ନେତାମାନେ ଭାଗନେଇଥିଲେ। ଭାଜପା ଏବଂ ପ୍ରଧାନମନ୍ତ୍ରୀଙ୍କୁ କଟୁ ସମାଲୋଚନା କରାଯାଇଥିଲା।

ରାଶନ କାର୍ଡ ଦାବି : ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଘେରାଉ

ରାଶନ କାର୍ଡ ଦାବି : ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଘେରାଉ

ଖଲ୍ଲିକୋଟ,୮।୧(ଡି.ଏନ.ଏ.)-ଖଲ୍ଲିକୋଟ ବ୍ଲକ କୌରାଶି ପଞ୍ଚାୟତରେ ରାଶନ କାର୍ଡ ପାଇବା ଦାବିରେ ଶତାଧିକ ମହିଳା ସୋମବାର ଧରଣା ଦେବାସହ ନିର୍ବାହୀ ଅଧିକାରୀଙ୍କୁ ୮ ଘଣ୍ଟା ଘେରାଉକରି ଅଟକ ରଖିଥିଲୋ

ଦେଶୀ ମଦ ଭାଟିରେ ଚଢାଉ, ୨ ଗିରଫ

ଦେଶୀ ମଦ ଭାଟିରେ ଚଢାଉ, ୨ ଗିରଫ

ଫୁଲବାଣୀ ଅଫିସ/ଫିରିଙ୍ଗିଆ, ୮।୧- କନ୍ଧମାଳ ଜିଲା ଫିରିଙ୍ଗିଆ ଥାନା ଅନ୍ତର୍ଗତ ଗୁରୁପଡା ପାହାଡ ପାଖରେ ପୋଲିସ ଚଢାଉ କରିଛି । ସେଠାରେ ଥିବା ଏକ ଦେଶୀ ମଦଭାଟି ନଷ୍ଟ କରିବା ସହ ୨୦ ଲିଟର ଦେଶୀ ମଦ, ୬୦ପ୍ଲାଷ୍ଟିକ ଜାରରେ ଥିବା ୧୨୦୦ଲିଟର ମହୁଆ ପୋଚ ଜବତ କରିଛି । ଏହି ଘଟଣାରେ ୨ ଜଣଙ୍କୁ ଗିରଫ କରାଯାଇଛି ।

କୁଇ ସମାଜ ସମନ୍ବୟ ସମିତିର ପ୍ରତିବାଦ ଶୋଭାଯାତ୍ରା

କୁଇ ସମାଜ ସମନ୍ବୟ ସମିତିର ପ୍ରତିବାଦ ଶୋଭାଯାତ୍ରା

ରାଇକିଆ,୮।୧(ଡ଼ି.ଏନ.ଏ.)- କନ୍ଧମାଳ ଜିଲା ରାଇକିଆରେ ସୋମବାର କୁଇ ସମାଜ ସମନ୍ବୟ ସମିତି ତରଫରୁ ପୋଲିସ ପ୍ରଶାସନ ଅନ୍ୟାୟ କରୁ ଥିବା ଅଭିଯୋଗରେ ଏକ ପ୍ରତିବାଦ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି ।

ଟାକରିଆ ବ୍ରହ୍ମପୁର ସ୍କୁଲର ବାର୍ଷିକୋତ୍ସବ

ଟାକରିଆ ବ୍ରହ୍ମପୁର ସ୍କୁଲର ବାର୍ଷିକୋତ୍ସବ

ଛତ୍ରପୁର,୮।୧(ଡି.ଏନ.ଏ)-ଛତ୍ରପୁର ବ୍ଲକ କଣମଣା ପଞ୍ଚାୟତ ଅଧୀନ ଟାକରିଆ ବ୍ରହ୍ମପୁରସ୍ଥିତ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ୭୫ତମ ବାର୍ଷିକୋତ୍ସବ ସୋମବାର ଅନୁଷ୍ଠିତ ହୋଇଯାଇଛି ।

ସରକାରୀ ବସ୍‌, ଘରୋଇ ବସ୍‌ ଚଳାଚଳକୁ ନେଇ ଗଣ୍ଡଗୋଳ

ସରକାରୀ ବସ୍‌, ଘରୋଇ ବସ୍‌ ଚଳାଚଳକୁ ନେଇ ଗଣ୍ଡଗୋଳ

ଦାରିଙ୍ଗବାଡ଼ି,୮।୧(ଡି.ଏନ.ଏ.)-ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ସରକାରୀ ବସ୍‌ର ଅଭାବ ଦେଖାଯାଇଛି । ସେପଟେ କେତେକ ଘରୋଇ ବସ୍‌ ସରକାରୀ ବସ୍‌କୁ ବିରୋଧ କରିଆସୁଥିବା ବେଳେ ସୋମବାର ୫୯ନଂ.ଜାତୀୟ ରାଜପଥରେ ଘରୋଇ ବସ୍‌ ଏକ ସରକାରୀ ବସ୍‌କୁ ପ୍ରାୟ ୧୩ କିମି ରାସ୍ତା ନ ଛାଡ଼ିବାରୁ ଉତ୍ତେଜନା ହୋଇଥିଲା । ଏଭଳି ଘଟଣାଟି ହୋଇଥିଲା ଯେ ଯାତ୍ରୀ ଓ ସିମନବାଡ଼ି ଗ୍ରାମବାସୀ ମିଶି ଉକ୍ତ ଘରୋଇବସ୍‌କୁ ଅଟକାଇ ଏହାର ପ୍ରତିବାଦ କରିଥିଲେ ।

ଆବାସ କାର୍ଯ୍ୟାଦେଶ ମିଳିନି; କାର୍ଯ୍ୟନିର୍ବାହୀ ଅଧିକାରୀଙ୍କୁ ଘେରାଉ

ଆବାସ କାର୍ଯ୍ୟାଦେଶ ମିଳିନି; କାର୍ଯ୍ୟନିର୍ବାହୀ ଅଧିକାରୀଙ୍କୁ ଘେରାଉ

ଗଞ୍ଜାମ,୮।୧(ଡି.ଏନ.ଏ.)-ଗଞ୍ଜାମ ଏନଏସିରେ ପ୍ରଧାନମନ୍ତ୍ରୀ ଆବାସ ଯୋଜନା ଦିଗହରା ହୋଇପଡ଼ିଥିବା ଅଭିଯୋଗ ହୋଇଛି। ଗୃହ ନିର୍ମାଣ ଲାଗି କାର୍ଯ୍ୟାଦେଶ ପ୍ରଦାନରେ ବିଳମ୍ବ ଯୋଗୁ ୮ ନଂ ଓ୍ବାର୍ଡର କେତେଜଣ ମହିଳା କାର୍ଯ୍ୟନିର୍ବାହୀ ଅଧିକାରୀ ସତ୍ୟ ନାରାୟଣ ପ୍ରତିହାରୀଙ୍କୁ ଘେରାଉ କରିଥିଲେ।

ଆବାସ କାର୍ଯ୍ୟାଦେଶ ମିଳିନି; କାର୍ଯ୍ୟନିର୍ବାହୀ ଅଧିକାରୀଙ୍କୁ ଘେରାଉ

ଗଞ୍ଜାମ,୮।୧(ଡି.ଏନ.ଏ.)-ଗଞ୍ଜାମ ଏନଏସିରେ ପ୍ରଧାନମନ୍ତ୍ରୀ ଆବାସ ଯୋଜନା ଦିଗହରା ହୋଇପଡ଼ିଥିବା ଅଭିଯୋଗ ହୋଇଛି। ଗୃହ ନିର୍ମାଣ ଲାଗି କାର୍ଯ୍ୟାଦେଶ ପ୍ରଦାନରେ ବିଳମ୍ବ ଯୋଗୁ ୮ ନଂ ଓ୍ବାର୍ଡର କେତେଜଣ ମହିଳା କାର୍ଯ୍ୟନିର୍ବାହୀ ଅଧିକାରୀ ସତ୍ୟ ନାରାୟଣ ପ୍ରତିହାରୀଙ୍କୁ ଘେରାଉ କରିଥିଲେ।

ରାସ୍ତା ପ୍ରଶସ୍ତୀକରଣ ଲାଗି ଜବରଦଖଲ ଉଚ୍ଛେଦ

ରାସ୍ତା ପ୍ରଶସ୍ତୀକରଣ ଲାଗି ଜବରଦଖଲ ଉଚ୍ଛେଦ

କୋଦଳା,୮।୧- କୋଦଳା ଥାନା ମଠସରସିଂ ଦେଇ ଯାଇଥିବା ୩୦ନଂ. ରାଜ୍ୟ ରାଜପଥର ପ୍ରଶସ୍ତୀକରଣ ନିମନ୍ତେ ସୋମବାର ଜବରଦଖଲ ଉଚ୍ଛେଦ କରାଯାଇଛି। ଏହି ରାସ୍ତାର ଉଭୟ ପାର୍ଶ୍ୱରେ ଲୋକେ ଜବରଦଖଲ କରି ଘର ଓ ଦୋକାନ କରିଥିଲେ।

୨୫ତମ ଘଣ୍ଟଯାତ୍ରା

୨୫ତମ ଘଣ୍ଟଯାତ୍ରା

ବ୍ରହ୍ମପୁର ଅଫିସ, ୮।୧: ବ୍ରହ୍ମପୁର ବଡ଼ ମେଡିକାଲରେ ରୋଗୀସେବାରେ ଉନ୍ନତି ଏବଂ ଅନ୍ୟାନ୍ୟ ସମସ୍ୟାର ସମାଧାନ ଆଦି ଦାବି ନେଇ ମାନବ ଅଧିକାର ସୁରକ୍ଷା ମଞ୍ଚ ତରଫରୁ ଆୟୋଜିତ ଘଣ୍ଟଯାତ୍ରା ସୋମବାର ୨୫ ତମରେ ପହଞ୍ଚିଛି।

ନାଟକ କହିଲା ଗଁ।ର କାହାଣୀ

ନାଟକ କହିଲା ଗଁ।ର କାହାଣୀ

ବ୍ରହ୍ମପୁର ଅଫିସ, ୭।୧- ଗାଁ ମନୁଷ୍ୟ ସ୍ମୃତିର ପାଉଁଶ ଗଦାରେ ଜଳୁଥିବା ଏକ ନିଆଁଟିଏ। ଯାହା ମନୁଷ୍ୟକୁ ସହରୀ ସଭ୍ୟତାଠାରୁ ଗାଁର ସଭ୍ୟତା ଓ ପ୍ରକୃତି ଆଡକୁ ଆକର୍ଷିତ କରିଥାଏ। ଗାଁରେ ବିତାଇଥିବା ପିଲାଦିନ, ପରମ୍ପରା ଭାଇଚାରାକୁ ମନେପକାଇ ମନୁଷ୍ୟ ଗଁାଠାରୁ ଯେତେ ଦୂରକୁ ଗଲେ ମଧ୍ୟ ଗାଁରେ ପହଞ୍ଚିବା ପରେ ହିଁ ପ୍ରକୃତ ଆନନ୍ଦକୁ ଉପଲବ୍ଧି କରିଥାଏ। କିନ୍ତୁ ଏବେ ଶିଳ୍ପାୟନ ଓ ରାଜନୀତିର ଗୋଟି ଚାଳନା ଗଁାରୁ ସେହି ଆନନ୍ଦକୁ ଉଭେଇ ନେଉଛି।

ମୋଦି ଶାସନରେ ସାମ୍ପ୍ରଦାୟିକତା ବୃଦ୍ଧିପାଇଛି : ୟେଚୁରୀ

ମୋଦି ଶାସନରେ ସାମ୍ପ୍ରଦାୟିକତା ବୃଦ୍ଧିପାଇଛି : ୟେଚୁରୀ

ବ୍ରହ୍ମପୁର ଅଫିସ,୭ା୧-ଭାଜପା ନେତୃତ୍ୱାଧୀନ କେନ୍ଦ୍ରର ଏନଡିଏ ସରକାର ଶାସନରେ ଦେଶରେ ସାମ୍ପ୍ରଦାୟିକ ଶକ୍ତି ବୃଦ୍ଧି ପାଇବାରେ ଲାଗିଛି। ଉଗ୍ର ଧର୍ମାନ୍ଧ ନୀତି ଯୋଗୁ ଭାରତ ଭଳି ଏକ ଗଣତାନ୍ତ୍ରିକ ରାଷ୍ଟ୍ରର ଧର୍ମ ନିରପେକ୍ଷତା ପ୍ରତି ବିପଦ ମାଡ଼ି ଆସୁଛି। ଗୈରିକ ଗୋଷ୍ଠୀ ଦ୍ୱାରା ବିଭିନ୍ନ ସ୍ଥାନରେ ସାମ୍ପ୍ରଦାୟିକ ଦଙ୍ଗା ବଢ଼ି ଚାଲିଛି। ଏହାକୁ ରୋକିବା ନିମନ୍ତେ ଗଣତନ୍ତ୍ର ଓ ଧର୍ମ ନିରପେକ୍ଷତାରେ ବିଶ୍ୱାସ କରୁଥିବା ଏବଂ ସମଭାବାପନ୍ନ ରାଜନୈତିକ ଦଳ ଗୁଡ଼ିକ ଏକାଠି ହେବାର ଜରୁରୀ ହୋଇପଡ଼ିଛି। ଏହା କହିଛନ୍ତି ମାର୍କସବାଦୀ କମ୍ୟୁନିଷ୍ଟ ପାର୍ଟି (ସିପିଏମ)ର ସର୍ବ ଭାରତୀୟ ସାଧାରଣ ସମ୍ପାଦକ ସୀତାରାମ ୟେଚୁରୀ। ଏଥିପାଇଁ ସିପିଏମ୍‌ ସମେତ ବାମପନ୍ଥୀ ଦଳ ପକ୍ଷରୁ ପ୍ରୟାସ ଅବ୍ୟାହତ ରହିଥିବା ସେ ସୂଚନା ଦେଇଛନ୍ତି। ଏକ ବିଂଶତମ ୩ ଦିନିଆ ଓଡ଼ିଶା ରାଜ୍ୟ ସମ୍ମିଳନୀ ରବିବାର ବ୍ରହ୍ମପୁରରେ ଉଦ୍‌ଘାଟିତ ହୋଇଯାଇଛି। ଏହାକୁ ୟେଚୁରୀ ଉଦ୍‌ଘାଟନ କରିଥିଲେ।

ପଥର ବୋଝେଇ ଟ୍ରାକ୍ଟର ଜବତ, ଜଣେ ଗିରଫ

ପଥର ବୋଝେଇ ଟ୍ରାକ୍ଟର ଜବତ, ଜଣେ ଗିରଫ

ଜଗନ୍ନାଥପ୍ରସାଦ, ୭।୧- ଜଗନ୍ନାଥପ୍ରସାଦ ବନାଞ୍ଚଳ ଅଧିକାରୀ ରବୀନ୍ଦ୍ର କୁମାର କରଙ୍କ ନିର୍ଦ୍ଦେଶକ୍ରମେ ରବିବାର ସକାଳେ କୁରୁତାଇ ବିଟ୍‌ ହାଉସ ଅଧୀନ ସଂରକ୍ଷିତ ଜଙ୍ଗଲ କମ୍ପାର୍ଟମେଣ୍ଟ ନଂ-୧୦ରେ ଅତର୍କିତ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ପଥର ବୋଝେଇ ଟ୍ରାକ୍ଟର (ନଂ. ଓଡି୦୭ସି-୫୧୫୬)କୁ ଜବତ କରାଯାଇ ଚାଳକଙ୍କୁ ଗିରଫ କରାଯାଇଛି। ବନାଞ୍ଚଳ ଅଧିକାରୀ କର କହିଛନ୍ତି, ସଂରକ୍ଷିତ ଜଙ୍ଗଲରୁ ରବିବାର ସକାଳେ ଟ୍ରାକ୍ଟରରେ କିଛି ଲୋକ ପଥର ବୋଝେଇ କରି ବାହାରିବା ସମୟରେ ହଜପଲ୍ଲୀ ଘାଇ ନିକଟରେ ବନପାଳ ରାମେଶ୍ୱରୀ ସାହୁ ଓ ବନରକ୍ଷୀ ଶରତ କୁମାର ମହାନ୍ତି ଚଢ଼ାଉ କରିଥିଲେ। ଟ୍ରାକ୍ଟରରେ ବସିଥିବା ଦୁଇ ଶ୍ରମିକ ଖସି ପଳାଇଥିବାବେଳେ ଚାଳକ ଭଗବାନପୁରର ଶଙ୍କର ନାୟକଙ୍କୁ କାବୁ କରିଥିଲେ। ଏ ନେଇ ନଂ.ଓଆର ୩୬୩/୧୭-୧୮ରେ ମାମଲା ରୁଜୁ କରି ଶଙ୍କରଙ୍କୁ ଗିରଫ କରାଯାଇଥିବା ବନାଞ୍ଚଳ ଅଧିକାରୀ କର ସୂଚନା ଦେଇଛନ୍ତି।

ବିନା ଆବେଦନରେ କ୍ରେଡିଟ୍‌ କାର୍ଡ, ଆକାଉଣ୍ଟରୁ ୩୦ ହଜାର ଗାଏବ

ଭଞ୍ଜନଗର,୭।୧(ଡି.ଏନ.ଏ)- ଭଞ୍ଜନଗର ବ୍ଲକ ଦୋମୁହାଣୀର ଶିକ୍ଷକ ଦେବୀପ୍ରସାଦ ଦାସ ଷ୍ଟେଟ ବ୍ୟାଙ୍କ ଶାଖାରେ କ୍ରେଡିିଟ୍‌ କାର୍ଡ଼ ପାଇଁ ଆବେଦନ କରି ନ ଥିଲେ। ହେଲେ ଡିସେମ୍ବର ମାସରେ ତାଙ୍କ ନାମରେ ଏକ କ୍ରେଡିଟ୍‌ ଆସିଥିଲା। ୪ ତାରିଖରେ ତାଙ୍କ କ୍ରେଡ଼ିଟ୍‌ କାର୍ଡ଼ ଆକାଉଣ୍ଟରୁ ୩୦ ହଜାର ଟଙ୍କା ଗାଏବ ହୋଇଛି। ଏ ନେଇ ସେ ଶନିବାର ବ୍ୟାଙ୍କ ଏବଂ ଥାନାରେ ଅଭିଯୋଗ କରିଥିଲେ।

ଧର୍ମ ପ୍ରଚାରକୁ ନେଇ ଗୋଷ୍ଠୀ ସଂଘର୍ଷ

ପାତ୍ରପୁର, ୭।୧ (ଡି.ଏନ୍‌.ଏ.)- ପାତ୍ରପୁର ବ୍ଲକ ବୁରାତାଲ ପଞ୍ଚାୟତ ପାହାଡ ଉପରେ ଥିବା ଗୁଡିପଦର ଗ୍ରାମରେ ଧର୍ମ ପ୍ରଚାରକୁ ନେଇ ରବିବାର ସନ୍ଧ୍ୟାରେ ଗୋଷ୍ଠୀ ସଂଘର୍ଷ ଘଟିଛି। ଏଥିରେ ଗ୍ରାମର ଜଣେ ମହିଳାଙ୍କ ସମେତ ୪ ଜଣ ଆହତ ହୋଇଛନ୍ତି। ସେମାନେ ହେଲେ ଦେବରାଜ ବେହେରା, ଖଲ୍ଲି ଶବର, ଲକ୍ଷ୍ମୀ ଶବର, ରାମଚନ୍ଦ୍ର ଶବର। ଅନ୍ୟ ଗ୍ରାମର ଜଣେ ମହିଳାଙ୍କ ସମେତ ୪ ଜଣ ବ୍ୟକ୍ତି ରବିବାର ସନ୍ଧ୍ୟାରେ ଗୁଡିପଦର ଗ୍ରାମରେ ଜଣେ ବ୍ୟକ୍ତିଙ୍କ ଘରେ ବସି ଧର୍ମ ଉପେ ଏହାର ପ୍ରତିବାଦ କରିଥିଲେ। ଫଳରେ ଉଭୟଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ଖବର ଲେଖା ହେବା ସୁଦ୍ଧା ଥାନାରେ କୌଣସି ଅଭିଯୋଗ ହୋଇନାହିଁ।

ଅଡବାରେ ଜବରଦଖଲ ଉଚ୍ଛେଦ

ଅଡବାରେ ଜବରଦଖଲ ଉଚ୍ଛେଦ

ମୋହନା,୭।୧(ଡି.ଏନ.ଏ.)-ସ୍ଥାନୀୟ ବ୍ଲକ ଅନ୍ତର୍ଗତ ଅଡବା-ପାଣିଗଣ୍ଡା ଜିଲା ସଡକ ୬୦ (ଏ)ରେ ଥିବା ଅଡବା ଛକ ଠାରୁ ବ୍ରାହ୍ମଣିଗାଁ ଯିବା ରାସ୍ତାର ଉଭୟ ପାର୍ଶ୍ୱ ଦୀର୍ଘବର୍ଷ ହେଲା ଜବରଦଖଲରେ ଥିଲା। ଉଭୟ ପାଖରେ ବହୁ ଦୋକାନ ଗଢି ଉଠିଥିଲା। ପ୍ରଶାସନ ତରଫରୁ ରବିବାର ଜବରଦଖଲ ଉଚ୍ଛେଦ ହୋଇଛି। ତିନିମାସ ପୂର୍ବରୁ ଏନେଇ ଜବର ଦଖଲକାରୀଙ୍କୁ ନୋଟିସ ହୋଇଥିଲା।

ପୃଥକ ଦୁର୍ଘଟଣାରେ ଜଣେ ମୃତ, ୪ ଆହତ

ପୃଥକ ଦୁର୍ଘଟଣାରେ ଜଣେ ମୃତ, ୪ ଆହତ

ବାଲିପଡ଼ା,୭।୧ (ଡି.ଏନ୍‌.ଏ.)- ରବିବାର ସନ୍ଧ୍ୟା ପ୍ରାୟ ସାଢେ ୭ଟାରେ ସଦରଥାନା ଅନ୍ତର୍ଗତ ବାଇଗଣବାଡି ଛକରେ ଦୁଇ ବାଇକ ମଧ୍ୟରେ ଧକ୍କା ହୋଇ ଜଣେ ମୃତ୍ୟୁବରଣ କରିଥିବାବେଳେ ଅନ୍ୟଜଣେ ଗୁରୁତର ଆହତ ହୋଇଛନ୍ତି। ମୃତକ ଜଣକ ହେଲେ ଗୁଣ୍ଠବନ୍ଧ ଗ୍ରାମର ଦଣ୍ଡପାଣି ରାଉତ (୨୩) ଓ ଗୁରୁତରଙ୍କ ପରିଚୟ ମିଳିପାରିନାହିଁ। ଘଟଣାସ୍ଥଳରେ ସଦର ଥାନାଧିକାରୀ ଶିବ ଶଙ୍କର ମହାପାତ୍ର ପହଞ୍ଚତ୍ ଦୁଇ ଆହତଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲକୁ ପଠାଇଥିଲେ। ସେଠାରେ ଡାକ୍ତର ଦଣ୍ଡପାଣିଙ୍କୁ ମୃତ ଘୋଷଣା କରିଥିଲେ।