ବ୍ରହ୍ମପୁର

ଶାଳଗଣ୍ଡି କାଟି ନେବା ଅଭିଯୋଗରେ ୨ କୋର୍ଟ ଚାଲାଣ

ଶାଳଗଣ୍ଡି କାଟି ନେବା ଅଭିଯୋଗରେ ୨ କୋର୍ଟ ଚାଲାଣ

ଶଙ୍କରାଖୋଲ,୧୮।୩ (ଡି.ଏନ୍‌.ଏ.)-ଟିକାବାଲି ବନାଞ୍ଚଳ ଅଧୀନ ଲାଇନପଡା ସଂରକ୍ଷିତ ଜଙ୍ଗଲରୁ ଶାଳଗଣ୍ଡି କାଟି ନେବା ଅଭିଯୋଗରେ ୨ ଜଣଙ୍କୁ ରବିବାର ଗିରଫ କରାଯାଇଛି। ସେମାନେ ହେଲେ କୁସୁମେଣ୍ଡି ପଞ୍ଚାୟତ ମାଲିକ ଗଁାର ସାନୁଜ ମୂଖୀ ଓ ଅଜିତ ମଲିକ। ଶନିବାର ସାନୁଜ ଓ ଅଜିତ ଶାଳଗଛ କାଟି ନେଇଥିବାବେଳେ ଖବର ପାଇ ବନାଞ୍ଚଳ ଅଧିକାରୀ ବୈରାଗୀ ଚରଣ ବେହେରାଙ୍କ ନେତୃତ୍ୱରେ ବନକର୍ମଚାରୀ ଚଢାଉ କରିଥିଲେ। ଶାଳଗଣ୍ଡି ସମେତ କୁରାଢୀ ଜବତ କରି ଉଭୟଙ୍କୁ ଗିରଫ କରିଥିଲେ। ଏନେଇ ଟିକାବାଲି ବନାଞ୍ଚଳ କାର୍ଯ୍ୟାଳୟରେ ନଂ.୩୧୫/୧୭-୧୮ରେ ଏକ ମାମଲା ରୁଜୁ ହୋଇଛି।

ବାଇକ୍‌ ଦୁର୍ଘଟଣାରେ  ଜଣେ ମୃତ, ୨ ଗୁରୁତର

ବାଇକ୍‌ ଦୁର୍ଘଟଣାରେ ଜଣେ ମୃତ, ୨ ଗୁରୁତର

ଭଞ୍ଜନଗର,୧୮।୩(ଡି.ଏନ.ଏ.)- ଭଞ୍ଜନଗର-ବେଲଗୁଣ୍ଠା ମୁଖ୍ୟ ରାସ୍ତାର ଜାମପଲ୍ଲୀ ମନ୍ଦିର ନିକଟ ପ୍ରେରଣା ପୀଠଠାରେ ରବିବାର ଅପରାହ୍ନରେ ଏକ ବାଇକ୍‌ ଦୁର୍ଘଟଣାଗ୍ରସ୍ତ ହେବାରୁ ଜଣଙ୍କର ମୃତ୍ୟୁ ଘଯିଥିବା ବେଳେ ୨ ଗୁରୁତର ଆହତ ହୋଇଛନ୍ତି । ମୃତକ ହେଲେ ମିଟୁ ସାହୁ। ଗୁରୁତର ଆହତ ମୁନା ବାଡ଼ତ୍ୟା ବ୍ରହ୍ମପୁରରେ ଓ ପପୁ ପ୍ରଧାନ ଭଞ୍ଜନଗର ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ମୃତାହତମାନେ ରତଙ୍ଗ ଗ୍ରାମର ବୋଲି ଜଣାପଡିଛି। ଭଞ୍ଜନଗରରେ ଏକ ଶୁଦ୍ଧିକ୍ରିୟାରେ ଯୋଗଦେଇ ବାଇକ୍‌ରେ ଫେରୁଥିବା ବେଳେ ବାଇକ ଦୁର୍ଘଟଣାଗ୍ରସ୍ତ ହୋଇଥିଲା। ଫଳରେ ଗୁରୁତର ୩ ଆରୋହୀଙ୍କୁ ପ୍ରଥମେ ଭଞ୍ଜନଗର ନିଆଯାଇଥିଲା। ସେଠାରୁ ମିଟୁ ଓ ମୁନାଙ୍କୁ ବ୍ରହ୍ମପୁର ବଡ ମେଡିକାଲକୁ ପଠାଇଥିବା ବେଳେ ମିଟୁଙ୍କୁ ମୃତ୍ୟୁ ଘଟିଛି।

ଟ୍ରାଫିକ ସଚେତନତା ବାଇକ୍‌ ଶୋଭାଯାତ୍ରା

ଟ୍ରାଫିକ ସଚେତନତା ବାଇକ୍‌ ଶୋଭାଯାତ୍ରା

ବ୍ରହ୍ମପୁର ଅଫିସ, ୧୮।୩: ଗଞ୍ଜାମ ଜିଲା ମହାବିଦ୍ୟାଳୟ ତରଫରୁ ଟ୍ରାଫିକ ସଚେତନତା ବାଇକ୍‌ ଶୋଭାଯାତ୍ରା ରବିବାର ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟ ପରିସରରୁ ଆରମ୍ଭ ହୋଇଥିବା ଏହି ଶୋଭଯାତ୍ରାକୁ ଟ୍ରାଫିକ ଆଇଆଇସି ସୁମନ୍ତ କିଷାନ ଉଦ୍‌ଘାଟନ କରିଥିଲେ। ସେଠାରୁ ଛାତ୍ରୀଛାତ୍ରମାନେ ଶୋଭାଯାତ୍ରାରେ ସହର ପରିକ୍ରମା କରିବା ପରେ ଟ୍ରାଫିକ ଥାନାଠାରେ ପହଞ୍ଚିଥିଲେ। ରାସ୍ତାରେ ଟ୍ରାଫିକ ସଚେତନତା ଲିଫ୍‌ଲେଟ ବଣ୍ଟନ କରାଯାଇଥିଲା।

ରାଷ୍ଟ୍ରୀୟ ନବବର୍ଷ ପାଳିତ

ରାଷ୍ଟ୍ରୀୟ ନବବର୍ଷ ପାଳିତ

ଦାରିଙ୍ଗବାଡି,୧୮।୩(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡି ଶିବ ମନ୍ଦିର ପ୍ରାଙ୍ଗଣରେ ରବିବାର ରାଷ୍ଟ୍ରୀୟ ନବବର୍ଷ ପାଳନ କରାଯାଇଛି।

୪୦ ଘଣ୍ଟା ମଧ୍ୟରେ ଗୋଟିଏ ପରିବାରର ୩ ମୃତ: ଜାମପଲ୍ଲୀ ଗ୍ରାମବାସୀ ଆତଙ୍କିତ

୪୦ ଘଣ୍ଟା ମଧ୍ୟରେ ଗୋଟିଏ ପରିବାରର ୩ ମୃତ: ଜାମପଲ୍ଲୀ ଗ୍ରାମବାସୀ ଆତଙ୍କିତ

ଭଞ୍ଜନଗର, ୧୮।୩(ଡି.ଏନ.ଏ.): ଗଞ୍ଜାମ ଜିଲା ଭଞ୍ଜନଗର ନିକଟସ୍ଥ ଜାମପଲ୍ଲୀରେ ୪୦ ଘଣ୍ଟା ମଧ୍ୟରେ ଗୋଟିଏ ପରିବାରର ୩ଜଣଙ୍କ ମୃତ୍ୟୁ ଘଟିଛି। ଏହାକୁ ନେଇ ଗ୍ରାମରେ ଆତଙ୍କ ଖେଳିଯାଇଛି। ମୃତକମାନେ ହେଲେ ସଞ୍ଜୟ ଆଳତିଆଙ୍କ ସ୍ତ୍ରୀ ଦେବକୀ, ପୁଅ ହିମାଂଶୁ ଓ ୬ ମାସର ଝିଅ। ସମସ୍ତଙ୍କର ପେଟ ଓ ଶରୀରର ଅନ୍ୟ ଭାଗରେ ଯନ୍ତ୍ରଣା ଅନୁଭୂତ ହୋଇଥିଲେ ହେଁ ମୃତ୍ୟୁର ପ୍ରକୃତ କାରଣ ଜଣାପଡିନାହିଁ।

ଦାରିଙ୍ଗବାଡ଼ି ନବରାତ୍ର ପୂଜାରମ୍ଭ

ଦାରିଙ୍ଗବାଡ଼ି ନବରାତ୍ର ପୂଜାରମ୍ଭ

ଦାରିଙ୍ଗବାଡ଼ି, ୧୮।୩(ଡି.ଏନ୍‌.ଏ.): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ମା’ ପାଟଖଣ୍ଡାଙ୍କ ପୀଠରେ ରବିବାରଠାରୁ ନବରାତ୍ର ପୂଜାରମ୍ଭ ହୋଇଛି। ଏହି ଅବସରରେ ସକାଳ ସାଢ଼େ ୯ଟାରେ ଅଞ୍ଚଳର ଶତାଧିକ ମହିଳାଙ୍କ ସମେତ ଗ୍ରାମବାସୀ ଶ୍ରୀମନ୍ଦିର ପ୍ରାଙ୍ଗଣରେ ଥିବା ପୋଖରୀରୁ ୧୦୮ ଜଳପୂର୍ଣ୍ଣ କଳସ ଧରି ଶୋଭାଯାତ୍ରାରେ ବାହାରିଥିଲେ।

ବସ୍‌ ଧକ୍କାରେ ବିଶ୍ୱବିଦ୍ୟାଳୟ ସେକ୍ସନ ଅଫିସର ମୃତ

ବସ୍‌ ଧକ୍କାରେ ବିଶ୍ୱବିଦ୍ୟାଳୟ ସେକ୍ସନ ଅଫିସର ମୃତ

ବ୍ରହ୍ମପୁର ଅଫିସ,୧୭ା୩: ବ୍ରହ୍ମପୁର ବିଶ୍ୱବିଦ୍ୟାଳୟ ନିକଟ ମୋନାର୍ଚ୍ଚ ଛକଠାରେ ଶନିବାର ଅପରାହ୍ନରେ ବସ୍‌ ଧକ୍କାରେ ବିଶ୍ୱବିଦ୍ୟାଳୟର ଡିଇସିର ସେକ୍ସନ ଅଫିସରଙ୍କ ମୃତ୍ୟୁ ଘଟିଥିବା ବେଳେ ଜଣେ ସ୍କୁଲ ଛାତ୍ରୀ ଆହତ ହୋଇଛନ୍ତି। ମୃତ ସେକ୍ସନ ଅଫିସର ଜଣକ ହେଲେ କୃଷ୍ଣଚନ୍ଦ୍ର ବେହେରା(୫୨)। ଆହତ ଛାତ୍ରୀ ସନ୍ତୋଷିନୀ ଗୌଡଙ୍କୁ ବ୍ରହ୍ମପୁର ବଡ ମେଡିକାଲ୍‌ରେ ଭର୍ତ୍ତି କରାଯାଇଛି। ପ୍ରକାଶ ଯେ, କୃଷ୍ଣଚନ୍ଦ୍ର ସାଇକେଲ ମରାମତି କରିବା ଲାଗି ମୋନାର୍ଚ୍ଚ ଛକସ୍ଥିତ ଏକ ସାଇକେଲ ଦୋକାନକୁ ଯାଇଥିଲେ।

ଖାଉଟୀ ସାମଗ୍ରୀ ହଡପ ଘଟଣାରେ ନିର୍ବାହୀ ଅଧିକାରୀ ଗିରଫ

ଧରାକୋଟ୧୭।୩(ଡି.ଏନ.ଏ.)- ସାଧାରଣ ବଣ୍ଟନ ବ୍ୟବସ୍ଥାରେ ଯୋଗାଇ ଦିଆଯାଉଥିବା ଗହମ ଓ ଚାଉଳ ହରିଲୁଟ୍‌ ଘଟଣାରେ ଜାହାଡା ନିର୍ବାହୀ ଅଧିକାରୀ ସୁଦର୍ଶନ ବେହେରାଙ୍କୁ ପୋଲିସ ଶୁକ୍ରବାର ବିଳମ୍ବିତ ରାତିରେ ଗିରଫ କରି ଶନିବାର କୋର୍ଟ ଚାଲାଣ କରିଛି।

ବାର୍ଷିକୋତ୍ସବ ଅନୁମତି ଦାବିରେ ରାସ୍ତାରୋକୋ

ବାର୍ଷିକୋତ୍ସବ ଅନୁମତି ଦାବିରେ ରାସ୍ତାରୋକୋ

ଭଞ୍ଜନଗର,୧୭।୩(ଡି.ଏନ.ଏ.)- ଭଞ୍ଜନଗର କବିସମ୍ରାଟ ଉପେନ୍ଦ୍ର ଭଞ୍ଜ କଲେଜ ଛାତ୍ର ସଂସଦ ବାର୍ଷିକ ଉତ୍ସବ ପାଇଁ ଅନୁମତି ଦେବା ଦାବି ନେଇ ଛାତ୍ରମାନେ ଶନିବାର କଲେଜ ମୁଖ୍ୟ ଫାଟକ ସମ୍ମୁଖରେ ଟାୟାର ଜାଳି ରାସ୍ତାରୋକୋ କରିଥିଲେ। ଫଳରେ କିଛି ସମୟ ପାଇଁ ଭଞ୍ଜନଗର-ଫୁଲବାଣୀ ମୁଖ୍ୟ ରାସ୍ତା ବନ୍ଦ ଥିଲା। ଖବର ପାଇ ଏସ୍‌ଆଇ ସୁନୀଲ ପ୍ରଧାନ ପ୍ରମୁଖ ଫୋର୍ସ ସହ ଘଟଣାସ୍ଥଳରେ ପହଞ୍ଚତ୍ ଆନ୍ଦୋଳନ ସ୍ଥଳରୁ କିଛି ଛାତ୍ର ନେତାଙ୍କୁ ଥାନାକୁ ନେଇଯାଇଥିଲେ। ଏହାପରେ ଯାନବାହନ ଚଳାଚଳ ସ୍ବାଭାବିକ ହୋଇଥିଲା।

ବେଆଇନ ମଦ ଦୋକାନ ଉପରେ ଚଢାଉ

ବେଆଇନ ମଦ ଦୋକାନ ଉପରେ ଚଢାଉ

ଚିକିଟି,୧୭।୩(ଡି.ଏନ.ଏ.)- ଶନିବାର ମଧ୍ୟାହ୍ନ ପ୍ରାୟ ୧୨ଟାରେ କେ.ନୂଆଗାଁ ଥାନା ଧାନଘର ଛକରେ ଚୋରାରେ ମଦ ବିକ୍ରି କରୁଥିବା ଦୁଇଟି ପାନଦୋକାନ ଉପରେ ଚଢାଉ କରି ଶତାଧିକ ଦେଶୀ ଓ ବିଦେଶୀ ମଦ ବୋତଲ ଜବତ କରାଯାଇଛି।

ଦୁର୍ଘଟଣାରେ ଜଣେ ମୃତ

ଦୁର୍ଘଟଣାରେ ଜଣେ ମୃତ

କନିଷି,୧୭।୩(ଡି.ଏନ.ଏ.)- ଗୋଳନ୍ଥରା ଥାନା ଦାସପୁର ଗ୍ରାମ ଛକରେ ଶନିବାର ପୂର୍ବାହ୍ନରେ ବାଇକକୁ ଟ୍ରାକ୍ଟର ଧକ୍କା ଦେବାରୁ ଜଣେ ଛାତ୍ରଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଛାତ୍ର ଗୁରୁତର ହୋଇଛନ୍ତି।

ଭାଲୁ ଆକ୍ରମଣରେ ଜଣେ ଗୁରୁତର

କବିସୂର୍ଯ୍ୟନଗର,୧୭।୩- କବିସୂର୍ଯ୍ୟନଗର ପାଇକଯମୁନା ଗ୍ରାମର କାଳିଆ ଖଟେଇ ଭାଲୁ ଆକ୍ରମଣରେ ଗୁରୁତର ଆହତ ହୋଇଛନ୍ତି। ଶୁକ୍ରବାର ବିଳମ୍ବିତ ରାତିରେ ସେ ସାଇକେଲରେ ଗଁ।କୁ ଫେରୁଥିବାବେଳେ ଭାଲୁ ଆକ୍ରମଣ କରିଥିଲା। ଗୁରୁତର ଅବସ୍ଥାରେ ଗଁାରେ ପହଞ୍ଚତ୍ବାରୁ ତାଙ୍କୁ ପ୍ରଥମେ କବିସୂର୍ଯ୍ୟନଗର ମେଡିକାଲରେ ଭର୍ତ୍ତି କରାଯାଇଥିଲା। ପରେ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି।

ଯୁବକଙ୍କୁ ହତ୍ୟା ଘଟଣା,ମନ୍ଦିର ଠିକାକାମ ମୁଖ୍ୟ କାରଣ

ଯୁବକଙ୍କୁ ହତ୍ୟା ଘଟଣା,ମନ୍ଦିର ଠିକାକାମ ମୁଖ୍ୟ କାରଣ

କବିସୂର୍ଯ୍ୟନଗର,୧୭।୩- କବିସୂର୍ଯ୍ୟନଗର ଥାନା ଏସ.ନୂଆଗାଁରେ ଶୁକ୍ରବାର ରାତିରେ ପୀତବାସ ମଳିକଙ୍କୁ କେତେକ ଦୁର୍ବୃତ୍ତ ଧାରୁଆ ଅସ୍ତ୍ରରେ ହାଣି ହତ୍ୟା କରିଥିଲେ। କବିସୂର୍ଯ୍ୟନଗର ପୋଲିସ ଘଟଣାସ୍ଥଳରେ ପହଞ୍ଚତ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଚଳାଇଥିଲା। ଶନିବାର ୩ଜଣିଆ ପୋଲିସ ଟିମ୍‌ ବିଭିନ୍ନ ସ୍ଥାନରେ ଚଢାଉ କରି ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।

କାଠ ବୋଝେଇ ଗାଡି ଜବତ, ଡ୍ରାଇଭର ଫେରାର

କାଠ ବୋଝେଇ ଗାଡି ଜବତ, ଡ୍ରାଇଭର ଫେରାର

ବାଲିଗୁଡା,୧୭।୩ (ଡି.ଏନ୍‌.ଏ.)- କନ୍ଧମାଳ ଜିଲା ବାଲିଗୁଡା ବନଖଣ୍ଡ ଅନ୍ତର୍ଗତ ଖମନଖୋଲ ନିକଟରୁ ପିଆଶାଳ ପଟ୍ଟା ବୋଝେଇ ଏକ ବୋଲେରୋ ପିକ୍‌ଅପ ଭ୍ୟାନକୁ ଶୁକ୍ରବାର ବାଲିଗୁଡା ବନବିଭାଗ ଜବତ କରିଛି।

ଦଣ୍ଡନାଚରେ ଅଶ୍ଳୀଳ ନୃତ୍ୟ ହେଲେ କାର୍ଯ୍ୟାନୁଷ୍ଠାନ

ଦଣ୍ଡନାଚରେ ଅଶ୍ଳୀଳ ନୃତ୍ୟ ହେଲେ କାର୍ଯ୍ୟାନୁଷ୍ଠାନ

ଭଞ୍ଜନଗର,୧୭।୩(ଡି.ଏନ୍‌.ଏ.): ଭଞ୍ଜନଗର ଆମ ପୋଲିସ ସମିତି ବୈଠକ ଶୁକ୍ରବାର ରାତିରେ ସ୍ଥାନୀୟ ଅଫିସର୍ସ କ୍ଲବ ପରିସରରେ ଅନୁଷ୍ଠିତ ହୋଇଯାଇଛି। ଚୈତ୍ର ମାସରେ ଅନୁଷ୍ଠିତ ହେଉଥିବା ଗଞ୍ଜାମ ଜିଲାର ପ୍ରସିଦ୍ଧ ଆଧ୍ୟାତ୍ମିକ ଦଣ୍ଡନାଚରେ ଅଶ୍ଳୀଳ ନୃତ୍ୟକୁ ନେଇ ବିଗତ ବର୍ଷରେ ବହୁ ବିବାଦ ହୋଇଛି।

ନାବାଳିକାଙ୍କୁ ଗଣବଳାତ୍କାର, ଜଣେ ଅଟକ

ନାବାଳିକାଙ୍କୁ ଗଣବଳାତ୍କାର, ଜଣେ ଅଟକ

ଜଗନ୍ନାଥପ୍ରସାଦ,୧୬।୩- ଗଞ୍ଜାମ ଜିଲା ଜଗନ୍ନାଥପ୍ରସାଦ ଥାନା ଅଞ୍ଚଳରେ ଜଣେ ନାବାଳିକାଙ୍କୁ ଶୁକ୍ରବାର ଗଣବଳାତ୍କାର କରାଯାଇଥିବା ଅଭିଯୋଗ ହୋଇଛି। ନାବାଳିକା ଜଣକ ପୂର୍ବାହ୍ନ ପ୍ରାୟ ସାଢେ ୧୦ଟାରେ ନିକଟସ୍ଥ କାଜୁ ଜଙ୍ଗଲକୁ ଶୌଚ ପାଇଁ ଯାଇଥିଲେ। ଏହି ସମୟରେ ୩ ଯୁବକ ତାଙ୍କୁ ବଳାତ୍କାର କରିଥିବା ନାବାଳିକାଙ୍କ ମା’ ଥାନାରେ ଅଭିଯୋଗ କରିଛନ୍ତି। ଏହି ଘଟଣାରେ ପୋଲିସ ଜଣେ ଯୁବକଙ୍କୁ ଅଟକ ରଖି ପଚରାଉଚରା ଚଳାଇଛି। ଅନ୍ୟ ୨ଜଣ ଫେରାର ଅଛନ୍ତି। ଭଞ୍ଜନଗର ଏସ୍‌ଡିପିଓ ଉକତ୍ଳ କେଶରୀ ଦାଶ ଥାନାରେ ପହଞ୍ଚତ୍ ଅଟକ ଯୁବକଙ୍କୁ ଜେରା କରିଥିଲେ। ଶନିବାର ନାବାଳିକାଙ୍କ ଡାକ୍ତରୀ ମାଇନା କରାଯିବ ବୋଲି ଥାନାଧିକାରୀ ଅନିରୁଦ୍ଧ ମୁଦୁଲି କହିଛନ୍ତି।

ଗାଡ଼ି ଅଟକାଇ ଲୁଟ ଯୋଜନା ପଣ୍ଡ, ୬ ଗିରଫ

ଗାଡ଼ି ଅଟକାଇ ଲୁଟ ଯୋଜନା ପଣ୍ଡ, ୬ ଗିରଫ

ବାଲିପଡ଼ା,୧୬।୩- ବାଲିପଡ଼ା ନିକଟସ୍ଥ ରାସ୍ତାରେ ଗାଡ଼ି ଅଟକାଇ ଲୁଟ ଯୋଜନା କରୁଥିବା ୬ ଜଣଙ୍କୁ ଗୁରୁବାର ମଧ୍ୟରାତିରେ ପୋଲିସ ଗିରଫ କରିଛି। ସେମାନେ ହେଲେ ବ୍ରହ୍ମପୁର ହରିଡ଼ାଖଣ୍ଡିର ଶିବ ପଟ୍ଟନାୟକ, ଏନ. ମହେଶ ରେଡ୍ଡୀ, ବିଭୁ ବିଷୋୟୀ, ସୁଶାନ୍ତ ମଲ୍ଲିକ, ବେନ୍ଦାଳିଆ ଗ୍ରାମର କାହ୍ନୁ ପଢ଼ିଆରୀ ଏବଂ ଲାଠି ଗ୍ରାମର ସୁନୀଲ ଦଳେଇ। ସେମାନଙ୍କଠାରୁ ଦୁଇଟି ବାଇକ୍‌, ୨ ବୋମା, ୩ ଖଣ୍ଡା ଓ ଲୁହାରଡ଼ ଜବତ କରାଯାଇଥିବା ସଦର ଥାନାଧିକାରୀ ଶିବ ଶଙ୍କର ମହାପାତ୍ର ସୂଚନା ଦେଇଛନ୍ତି। ଅଭିଯୁକ୍ତମାନଙ୍କଠାରୁ ସୁନାଚେନ କିଣିବା ଅଭିଯୋଗରେ ବ୍ରହ୍ମପୁର ବଡ଼ ବଜାରର କେ. ମଲିକଜାନୁ ମଧ୍ୟ ଗିରଫ ହୋଇଛନ୍ତି।

ଡକାୟତି ଯୋଜନା ପଣ୍ଡ: ୪ ଗିରଫ

ଡକାୟତି ଯୋଜନା ପଣ୍ଡ: ୪ ଗିରଫ

ବ୍ରହ୍ମପୁର ଅଫିସ ୧୬।୩-ଗୁରୁବାର ବିଳମ୍ବିତ ରାତିରେ ବଡବଜାର ଥାନା ଅଞ୍ଚଳ ଆଇନାବନ୍ଧ ହୁଡା ଠାରେ ବିଳମ୍ବିତ ରାତିରେ କିଛି ଯୁବକ ବସି ଡକାୟତି ପାଇଁ ଯୋଜନା କରୁଥିବା ଖବର ପାଇ ପୋଲିସ ସେଠାରେ ଚଢାଉ କରିଥିଲା। ଚଢାଉ ବେଳେ ସେଠାରୁ ୪ଜଣଙ୍କୁ ଗିରଫ କରାଯିବା ସହିତ ଗୋଟିଏ ଖଣ୍ଡା ଓ ୨ଟି ଅଫୁଟା ବୋମା ଜବତ କରାଯାଇଛି।

ଯୁକ୍ତ ୨ ପରୀକ୍ଷା: ୧୯ ଏମ୍‌ପି

ବ୍ରହ୍ମପୁର ଅଫିସ୍‌,୧୬।୩-ଯୁକ୍ତ ୨ ପରୀକ୍ଷାରେ ଶୁକ୍ରବାର ବିଜ୍ଞାନ ବିଭାଗର ରସାୟନ ବିଜ୍ଞାନ ଓ ବାଣିଜ୍ୟ ବିଭାଗର ବିଏମ୍‌ଏସ୍‌ ବିଷୟରେ ପରୀକ୍ଷା ହୋଇଥିଲା। ଏଥିରେ କପି କରି ୧୯ ପରୀକ୍ଷାର୍ଥୀ ମାଲ୍‌ପ୍ରାକ୍ଟିସ୍‌ (ଏମ୍‌ପି)ହୋଇଛନ୍ତି। ସେମାନେ ହେଲେ ଗଞ୍ଜାମ ଜିଲାର ଭଞ୍ଜନଗର ସାବିତ୍ରୀ ଜୁନିୟର୍‌ ମହିଳା ମହାବିଦ୍ୟାଳୟ ପରୀକ୍ଷା କେନ୍ଦ୍ରରେ

ତୁରୁମୁରେ ଜବରଦଖଲ ଉଚ୍ଛେଦ

ତୁରୁମୁରେ ଜବରଦଖଲ ଉଚ୍ଛେଦ

ଭଞ୍ଜନଗର,୧୬।୩(ଡ଼ି.ଏନ.ଏ)- ଭଞ୍ଜନଗର ଥାନା ଅନ୍ତର୍ଗତ ତୁରୁମୁରେ ଶୁକ୍ରବାର ଜବରଦଖଲ ଉଚ୍ଛେଦ ହୋଇଛି। ଉଚ୍ଛେଦ ପୂର୍ବରୁ ପୋଲିସ ମୁତୟନ ହୋଇଥିବାରୁ ସେଭଳି କୌଣସି ବିଶୃଙ୍ଖଳା ସୃଷ୍ଟି ହୋଇପାରି ନ ଥିଲା। ପ୍ରଥମ ଦିନରେ ପ୍ରାୟ ୨୦ଟି ଘର ଭଙ୍ଗାଯାଇଛି। ଗ୍ରାମର କିଛି ଲୋକ ମୁଖ୍ୟ ସଡ଼କକୁ ଜବରଦଖଲ କରି ରଖିଥିବା ଯୋଗୁ ଟ୍ରାଫିକ ସମସ୍ୟା ସୃଷ୍ଟି ହେଉଛି ।

ଯୁବକଙ୍କୁ ହାଣି ହତ୍ୟା

ଯୁବକଙ୍କୁ ହାଣି ହତ୍ୟା

କବିସୂର୍ଯ୍ୟନଗର,୧୬।୩: ଶୁକ୍ରବାର ରାତି ପ୍ରାୟ ସାଢେ ୧୦ଟାରେ କବିସୂର୍ଯ୍ୟନଗର ଥାନା ଏସ୍‌.ନୂଆଗଁାରେ କେତେକ ଦୁର୍ବୃତ୍ତ ଜଣେ ଯୁବକଙ୍କୁ ମାରଣାସ୍ତ୍ରରେ ହାଣି ହତ୍ୟା କରିଛନ୍ତି। ସେ ହେଲେ ଉକ୍ତ ଗ୍ରାମର ପୀତବାସ ମଳିକ(୪୦)। ମନ୍ଦିର ପୋଖରୀ ନିକଟରେ ଥିବା ନୂଆ ଘରୁ ଗାଁ ଭିତରେ ଥିବା ପୁରୁଣା ଘରକୁ ବାଇକ୍‌ରେ ପୀତବାସ ଯାଉଥିବାବେଳେ କିଛି ଦୁର୍ବୃତ୍ତ ପୋଖରୀ ନିକଟରେ ତାଙ୍କୁ ଆକ୍ରମଣ କରିଥିଲେ। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି। ତେବେ ହତ୍ୟାକାଣ୍ଡର ପ୍ରକୃତ କାରଣ ଜଣାପଡିନାହିଁ। ପୋଲିସ ପହଞ୍ଚତ୍ ଶବ ଜବତ କରି ବ୍ୟବଚ୍ଛେଦ ପାଇଁ ଆସିକା ମେଡିକାଲ୍‌କୁ ପଠାଇବା ସହିତ ତଦନ୍ତ ଚଳାଇଛି।

ଆମ୍ବଖାଲିଆ ଘାଟିର ବୁଲାଣି ରାସ୍ତାରେ ଓଲଟିଲା ଅଟୋ, ୩ ଗୁରୁତର

ଆମ୍ବଖାଲିଆ ଘାଟିର ବୁଲାଣି ରାସ୍ତାରେ ଓଲଟିଲା ଅଟୋ, ୩ ଗୁରୁତର

ଦାରିଙ୍ଗବାଡି, ୧୬।୩(ଡି.ଏନ.ଏ): କନ୍ଧମାଳ ଜିଲା ଦାରିଙ୍ଗବାଡି ଥାନା ଆମ୍ବଖାଲିଆ ଘାଟିରେ ଥିବା ବୁଲାଣି ରାସ୍ତାରେ ଶୁକ୍ରବାର ମଧ୍ୟାହ୍ନରେ ଏକ ଅଟୋ ଦୁର୍ଘଟଣାଗ୍ରସ୍ତ ହୋଇଛି। ଫଳରେ ଏଥିରେ ଯାଉଥିବା ମକପାଟା ଗ୍ରାମର ୧୨ଜଣ ଯାତ୍ରୀ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩ଜଣ ଗୁରୁତର ଆହତ ହୋଇଥିବା ସ୍ବାସ୍ଥ୍ୟକେନ୍ଦ୍ର ପକ୍ଷରୁ ଜଣାପଡିଛି।

ଏନ୍‌ସିସି ନାଭାଲ ଓ୍ବିଙ୍ଗର ବୈଠକ

ଏନ୍‌ସିସି ନାଭାଲ ଓ୍ବିଙ୍ଗର ବୈଠକ

ଭଞ୍ଜନଗର, ୧୬।୩(ଡି.ଏନ.ଏ): ଭଞ୍ଜନଗର କେ.ଏସ.ୟୁ.ବି କଲେଜର ଏନସିସି ନାଭାଲ ଓ୍ବିଙ୍ଗ ପକ୍ଷରୁ କଲେଜ ପରିସରରେ ଶୁକ୍ରବାର ଏକ ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ କଲେଜ ଅଧ୍ୟକ୍ଷ ଡ.ନୀଳାଞ୍ଚଳ ମୁନି ସଭାପତିତ୍ୱ କରିଥିଲେ।

ଲଙ୍କାଗୁଣ୍ଡ ଫିଙ୍ଗି ମା’ କୋଳରୁ ଶିଶୁପୁତ୍ରକୁ ଅପହରଣ ଘଟଣା: ଅଭିଯୁକ୍ତ ଗିରଫ

ଲଙ୍କାଗୁଣ୍ଡ ଫିଙ୍ଗି ମା’ କୋଳରୁ ଶିଶୁପୁତ୍ରକୁ ଅପହରଣ ଘଟଣା: ଅଭିଯୁକ୍ତ ଗିରଫ

ଚନ୍ଦ୍ରଗିରି,୧୬।୩(ଡି.ଏନ.ଏ.): ଗଜପତି ଜିଲା ରା.ଉଦୟଗିରି ଥାନା ଖ୍ରୀଷ୍ଟପୁର ଗ୍ରାମର ବିପିଇପି ବିଦ୍ୟାଳୟର ପାଚିକାଙ୍କ ୩ ବର୍ଷର ଶିଶୁପୁତ୍ରଙ୍କୁ ଅପହରଣ ମାମଲାରେ ପୋଲିସ ଅଭିଯୁକ୍ତଙ୍କ ସହ ଶିଶୁପୁତ୍ରଙ୍କୁ ଉଦ୍ଧାର କରିଛି। ଶୁକ୍ରବାର ଗଜପତି ଏସପି ଅମୂଲ୍ୟ କୁମାର ଦାସ ଏକ ଖବରଦାତା ସମ୍ମିଳନୀରେ ଏହି ସୂଚନା ଦେଇଛନ୍ତି।