ବ୍ରହ୍ମପୁର

ଜାତୀୟସ୍ତର ବିଚ ଭଲିବଲ୍‌ ପ୍ରତିଯୋଗିତାରେ ଭ୍ରମରବାଡ଼ିର ଜନଜାତି  ଛାତ୍ର

ଜାତୀୟସ୍ତର ବିଚ ଭଲିବଲ୍‌ ପ୍ରତିଯୋଗିତାରେ ଭ୍ରମରବାଡ଼ିର ଜନଜାତି ଛାତ୍ର

ଦାରିଙ୍ଗବାଡ଼ି,୨୬।୯(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ମାହାଡ଼ାଗାଣ୍ଡା ଗ୍ରାମର ଜଣେ ଦଶମ ଶ୍ରେଣୀର ଜନଜାତି ଛାତ୍ର ଜାତୀୟସ୍ତରୀୟ ବିଚ ଭଲିବଲ୍‌ ପ୍ରତିଯୋଗିତାରେ ଅଂଶଗ୍ରହଣ ପାଇଁ ମନୋନୀତ ହୋଇଛନ୍ତି । 

ବ୍ଲକ ସ୍ତରୀୟ ଖୁସି ତାଲିମ ଶିବିର

ବ୍ଲକ ସ୍ତରୀୟ ଖୁସି ତାଲିମ ଶିବିର

ଶେରଗଡ଼,୨୬।୯(ଡି.ଏନ୍‌.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକ ଅନ୍ତର୍ଗତ ନାଥେଶ୍ୱର ଉଚ୍ଚ ବିଦ୍ୟାଳୟ ଧନନ୍ତରଠାରେ ବୁଧବାର ବ୍ଲକସ୍ତରୀୟ ଖୁସି ତାଲିମ ଶିବିର ଅନୁଷ୍ଠିତ ହୋଇଯାଇଛି। ଏହାକୁ ବିଦ୍ୟାଳୟର ପ୍ରଧାନଶିକ୍ଷକ ନବୀନ ଚନ୍ଦ୍ର ପାଢ଼ୀ ଦୀପ ପ୍ରଜ୍ୱଳନ କରି ଶୁଭାରମ୍ଭ କରିଥିଲେ। 

କୃମିନାଶକ ଔଷଧ ସେବନର ଶୁଭାରମ୍ଭ

କୃମିନାଶକ ଔଷଧ ସେବନର ଶୁଭାରମ୍ଭ

ଶେରଗଡ଼,୨୬।୯(ଡି.ଏନ୍‌.ଏ.): ଗଞ୍ଜାମ ଜିଲା ଶେରଗଡ଼ସ୍ଥିତ ସ୍ବାମୀ ବିବେକାନନ୍ଦ ବିଦ୍ୟା ମନ୍ଦିରରେ ବୁଧବାର ଶେରଗଡ଼ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପକ୍ଷରୁ କୃମିନାଶକ ଔଷଧ ସେବନର ଶୁଭାରମ୍ଭ କରାଯାଇଛି। 

୪ ଛାତ୍ରଙ୍କୁ ମାଡ଼ ଘଟଣା: ସ୍କୁଲ ଫାଟକରେ ତାଲା ପକାଇ ବିକ୍ଷୋଭ

୪ ଛାତ୍ରଙ୍କୁ ମାଡ଼ ଘଟଣା: ସ୍କୁଲ ଫାଟକରେ ତାଲା ପକାଇ ବିକ୍ଷୋଭ

ବ୍ରହ୍ମପୁର ଅଫିସ,୨୬।୯: ଗଞ୍ଜାମ ଜିଲା ବ୍ରହ୍ମପୁର ଖଲ୍ଲିକୋଟ କନିଷ୍ଠ ଉଚ୍ଚ ମାଧ୍ୟମିକ ବିଦ୍ୟାଳୟର ୪ଛାତ୍ରଙ୍କୁ ମାଡ଼ ମାରିବା ଘଟଣାକୁ ନେଇ ବୁଧବାର ଉତ୍ତେଜନା ଦେଖା ଦେଇଛି। ମାଡ଼ ଖାଇଥିବା ଛାତ୍ରମାନେ ସ୍କୁଲ ଫାଟକରେ ତାଲା ପକାଇ ବିକ୍ଷୋଭ ପ୍ରଦର୍ଶନ କରିଛନ୍ତି। 

ପୋଲିସ ଏବଂ ବିଡିଓଙ୍କୁ ଦୁର୍ବ୍ୟବହାର ଘଟଣା: ଜଣେ ଗିରଫ

ପୋଲିସ ଏବଂ ବିଡିଓଙ୍କୁ ଦୁର୍ବ୍ୟବହାର ଘଟଣା: ଜଣେ ଗିରଫ

ଦାରିଙ୍ଗବାଡ଼ି/ବ୍ରାହ୍ମଣୀଗାଁ,୨୬।୯(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ି  ବ୍ଲକ ବ୍ରାହ୍ମଣୀଗାଁ ଥାନା ଅଞ୍ଚଳରେ ପୋଲିସ ଓ ବିଡିଓଙ୍କୁ ଦୁର୍ବ୍ୟବହାର କରିବା ଏବଂ ରାସ୍ତାରେ ଟାୟାର ଜାଳି ବିକ୍ଷୋଭ ପ୍ରଦର୍ଶନ କରିବା ଘଟଣାରେ ବ୍ରାହ୍ମଣୀଗାଁ ପୋଲିସ ଜଣକୁ ମଙ୍ଗଳବାର ବିଳମ୍ବିତ ରାତିରେ ଗିରଫ କରିଛି।

ଆସିକାସ୍ଥିତ ବାଲଜି ସୁତାକଳ ପୁନରୁଦ୍ଧାର ଦାବି

ଆସିକାସ୍ଥିତ ବାଲଜି ସୁତାକଳ ପୁନରୁଦ୍ଧାର ଦାବି

ବ୍ରହ୍ମପୁର ଅଫିସ,୨୬।୯: ଗଞ୍ଜାମ ଜିଲା ଆସିକାସ୍ଥିତ ବାଲଜି ସୁତାକଳ ୨୦୧୩ ଫାଇଲିନ ବାତ୍ୟାରେ ଭାଙ୍ଗି ଯାଇଥିଲା। ଏହାର ପୁନରୁଦ୍ଧାର ନେଇ ବହୁବାର ଦାବି ହୋଇଥିଲେ ମଧ୍ୟ ଏଥିପ୍ରତି ରାଜ୍ୟ ସରକାର ଅବହେଳା କରିଛନ୍ତି। 

ପରୀକ୍ଷା ଫଳରେ ତ୍ରୁଟି ନେଇ ବିକ୍ଷୋଭ

ପରୀକ୍ଷା ଫଳରେ ତ୍ରୁଟି ନେଇ ବିକ୍ଷୋଭ

ବ୍ରହ୍ମପୁର ଅଫିସ,୨୬।୯: ବିନାୟକ ଆଚାର୍ଯ୍ୟ ମହାବିଦ୍ୟାଳୟର ଛାତ୍ରୀଛାତ୍ରମାନେ ତୃତୀୟ ସେମିଷ୍ଟର ପରୀକ୍ଷାର ଉତ୍ତର ଖାତା ଦେଖାରେ ତ୍ରୁଟି ହୋଇଥିବା ଅଭିଯୋଗ ହୋଇଥିଲା। 

୨୮ରେ ଗଞ୍ଜାମର ବ୍ୟବସାୟ ପ୍ରତିଷ୍ଠାନ ବନ୍ଦ

୨୮ରେ ଗଞ୍ଜାମର ବ୍ୟବସାୟ ପ୍ରତିଷ୍ଠାନ ବନ୍ଦ

ବ୍ରହ୍ମପୁର ଅଫିସ,୨୬।୯: ଭାରତୀୟ ଖୁଚୁରା ବ୍ୟବସାୟରେ ବିଦେଶୀ ପୁଞ୍ଜି ବିନିଯୋଗକୁ ଦେଶର ବ୍ୟବସାୟୀମାନେ ବିରୋଧ କରୁଛନ୍ତି। କନ୍‌ଫିଡେରେଶନ ଅଫ୍‌ ଅଲ୍‌ ଇଣ୍ଡିଆ ଟ୍ରେଡର୍ସ(ସିଏଆଇଟି) ଆହ୍ବାନରେ ଆସନ୍ତା ୨୮ତାରିଖରେ ସାରା ଦେଶରେ ବ୍ୟବସାୟୀକ ପ୍ରତିଷ୍ଠାନଗୁଡିକ ବନ୍ଦ ରହିବ। 

ମୁଁ ହିରୋ ମୁଁ ଓଡ଼ିଶା ରଥକୁ ଭଞ୍ଜନଗରରେ ସ୍ବାଗତ

ମୁଁ ହିରୋ ମୁଁ ଓଡ଼ିଶା ରଥକୁ ଭଞ୍ଜନଗରରେ ସ୍ବାଗତ

ଭଞ୍ଜନଗର,୨୬।୯(ଡି.ଏନ୍‌.ଏ.): ଗଞ୍ଜାମ ଜିଲା ଭଞ୍ଜନଗରରେ ବୁଧବାର ରାଜ୍ୟ ସରକାରଙ୍କ ଦ୍ୱାରା ଆରମ୍ଭ ହୋଇଥିବା ‘ମୁଁ ହିରୋ ମୁଁ ଓଡ଼ିଶା’ ରଥକୁ ସ୍ବାଗତ କରାଯାଇଛି। ଜଗନ୍ନାଥ ପ୍ରସାଦରୁ ରଥ ବାହାରି ସ୍ଥାନୀୟ ଆର୍‌ଏମ୍‌ସି କାର୍ଯ୍ୟାଳୟରେ ପହଞ୍ଚିବା ପରେ ବ୍ଲକ ଉପାଧ୍ୟକ୍ଷ ଜିତେନ୍ଦ୍ର କେଶରୀ ଆରୁଖ ପତାକା ହଲାଇ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ। 

ଜବରଦଖଲ ଉଚ୍ଛେଦକୁ  ନେଇ ଉତ୍ତେଜନା

ଜବରଦଖଲ ଉଚ୍ଛେଦକୁ ନେଇ ଉତ୍ତେଜନା

ଭଞ୍ଜନଗର,୨୬।୯(ଡି.ଏନ.ଏ.)- ଭଞ୍ଜନଗର ସହରର ବିଭିନ୍ନ  ଅଞ୍ଚଳରେ ମଙ୍ଗଳବାର ଜବରଦଖଲ ଉଚ୍ଛେଦ ହୋଇଛି। ଜବରଦଖଲ ଉଚ୍ଛେଦ  ବେଳେ କେତେକ ସ୍ଥାନରେ ଉତ୍ତେଜନା ପ୍ରକାଶ ପାଇଥିଲା। ନାହାତୋଟାସାହିର ଲୋକେ ସାହି ଭିତରେ ରାସ୍ତା ଅବରୋଧ କରିଥିଲେ। ଫଳରେ ଭଞ୍ଜନଗର-ଗାମୁଣ୍ଡି ରାସ୍ତା ବନ୍ଦ ରହିଥିଲା। ଗାମୁଣ୍ଡି ଯାଉଥିବା ଲୋକେ ଅନ୍ୟ ରାସ୍ତାରେ ଯାତୟାତ କରିଥିଲେ। ପୋଲିସ ଓ ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ ପାଇଁ ଚେଷ୍ଟା ଚଳାଇଛନ୍ତି।   ରାସ୍ତା ପ୍ରଶସ୍ତୀକରଣ ପାଇଁ ମଙ୍ଗଳବାର ବେଲଗୁଣ୍ଠା ରୋଡ଼, ନାହାତୋଟାସାହି ଆଦି ଅଞ୍ଚଳରେ ଜବରଦଖଲ ଉଚ୍ଛେଦ ହୋଇଥିଲା। ନାହାତୋଟାସାହିର ଏ.ଭୀମା ରାଓଙ୍କ ସମେତ  ଅନ୍ୟ କେତେଜଣଙ୍କୁ ନୋଟିସ  ନ ଦେଇ ଜବରଦଖଲ ଉଚ୍ଛେଦ କରାଯାଇଥିବା ଅଭିଯୋଗ ହୋଇଛି।

ଜାତୀୟ ରାଜପଥ ଟ୍ରକ୍‌ ପାର୍କିଂ ଉପରେ କଟକଣା

ଜାତୀୟ ରାଜପଥ ଟ୍ରକ୍‌ ପାର୍କିଂ ଉପରେ କଟକଣା

ଛତ୍ରପୁର,୨୬ା୯(ଡି.ଏନ.ଏ)- ରାସ୍ତାର ଯେ କୌଣସି ସ୍ଥାନରେ ଭାରିଯାନ ବିଶେଷକରି ମାଲବାହୀ ଟ୍ରକ ପାର୍କିଂ  ଯୋଗୁ ଅନେକ ସମୟରେ ଦୁର୍ଘଟଣା ଘଟୁଛି। ୧୬ ନଂ. ଜାତୀୟ ରାଜପଥରେ ଏହି ସମସ୍ୟା ଅଧିକ ଥିବାରୁ ଏହା ଉପରେ କଟକଣା ଲଗାଯିବ। ମଙ୍ଗଳବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ଜିଲା ସଡକ ସୁରକ୍ଷା କମିଟି ବୈଠକରେ ଅଧ୍ୟକ୍ଷତା କରି ରାଜ୍ୟ ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ଶାସନ ସଚିବ ଜି. ଶ୍ରୀନିବାସ ଏହି ନିର୍ଦ୍ଦେଶ ଦେଇଛନ୍ତି। ୧୫ ଦିନ ମଧ୍ୟରେ ପଦକ୍ଷେପ ନେଇ ତ୍ୱରାନ୍ବିତ କରିବାକୁ କୁହାଯାଇଛି। ଜାତୀୟ ରାଜପଥରେ ସାଇନେଜ୍‌ ବ୍ୟବସ୍ଥା ହେବ। ଦୁର୍ଘଟଣା ପ୍ରବଣ ସ୍ଥାନଗୁଡିକରେ ସଚେତନତା ଫଳକ ଲାଗିବ। ବସ ଛାତରେ ଯାତ୍ରୀ ପରିବହନ କରାଗଲେ ଏହାର ମାଲିକ ଦାୟୀ ରହିବେ। ଏଥିପାଇଁ ବିଭିନ୍ନ କଲେଜରେ ସଚେତନତା କାର୍ଯ୍ୟକ୍ରମ କରିବାକୁ କୁହାଯାଇଛି। ଦୁର୍ଘଟଣାରେ ଆହତ ବ୍ୟକ୍ତିଙ୍କୁ କିପରି ହସ୍ପିଟାଲ ନିଆଯିବ ତା’ର ବିଜ୍ଞାନ ସମ୍ମତ ବ୍ୟବସ୍ଥା ବିଷୟରେ ବିଦ୍ୟାଳୟଗୁଡିକରେ ଛାତ୍ରୀଛାତ୍ରଙ୍କୁ ଅବଗତ କରାଯିବ।

ମହିଳାଙ୍କ ସନ୍ଦେହଜନକ ମୃତ୍ୟୁ, ସ୍ବାସ୍ଥ୍ୟକେନ୍ଦ୍ରରୁ ମୃତଦେହ ଜବତ

ଦିଗପହଣ୍ଡି,୨୬ା୯(ଡି.ଏନ.ଏ.)- ଦିଗପହଣ୍ଡି ବ୍ଲକ ନିମଖଣ୍ଡିପେଣ୍ଠ ଗ୍ରାମର ଜଣେ ମହିଳାଙ୍କ ସନ୍ଦେହଜନକ ମୃତ୍ୟୁ ଘଟିଛି। ସେ ହେଲେ ଡି. ହରିକୃଷ୍ଣ ପାତ୍ରଙ୍କ ସ୍ତ୍ରୀ ଡି. ଲକ୍ଷ୍ମୀ ପାତ୍ର (୨୬)।  ପନାଡ଼ ଗ୍ରାମର ବିଜୟ ପାତ୍ରଙ୍କ କନ୍ୟା ଲକ୍ଷ୍ମୀ ୭ ବର୍ଷ ପୂର୍ବେ ହରିକୃଷ୍ଣଙ୍କୁ ବିବାହ କରିଥିଲେ। ତାଙ୍କ ସ୍ବାମୀ ମୁମ୍ବାଇରେ କାମ କରୁଥିବା ବେଳେ ଲକ୍ଷ୍ମୀ ଘରେ ଏକା ରହୁଥିଲେ। ତାଙ୍କର ୬ ବର୍ଷର ଏକ କନ୍ୟା ସନ୍ତାନ ଓ ୫ ମାସର ପୁଅ ଅଛନ୍ତି। ମଙ୍ଗଳବାର ପୂର୍ବାହ୍ନ ପ୍ରାୟ ୧୧ଟାରେ ବିଜୟ ଜାଳେଣି କାଠ ନେଇ ଲକ୍ଷ୍ମୀଙ୍କ ଘରେ ପହଞ୍ଚତ୍ଥିଲେ। ଲକ୍ଷ୍ମୀ ଘର ଚଟାଣରେ ପଡ଼ି ଛଟପଟ ହେଉଥିବା ଦେଖିଥିଲେ। ଚେତାଶୂନ୍ୟ ଅବସ୍ଥାରେ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ହୋଇଛି। ଏନେଇ ନଂ. ୭/୧୮ରେ ଏକ ଅପମୃତ୍ୟୁ ମାମଲା ରୁଜୁ କରି ମୃତ ଦେହ ଜବତ ସହ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ଼ ଡାକ୍ତରଖାନାକୁ ପଠାଯାଇଛି। ସମ୍ପର୍କୀୟଙ୍କ ସହାୟତାରେ ଏକ ଅଟୋ ଯୋଗେ ତାଙ୍କୁ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ ବୋଲି ପୋଲିିସ କହିିଛି।

ଟିଫିନ, ବ୍ୟାଗ ଧରି ବଜାରକୁ ଯିବାକୁ ପରାମର୍ଶ

ଟିଫିନ, ବ୍ୟାଗ ଧରି ବଜାରକୁ ଯିବାକୁ ପରାମର୍ଶ

ବ୍ରହ୍ମପୁର ଅଫିସ, ୨୬ା୯- ଆର୍ଯ୍ୟଭଟ୍ଟ ଫାଉଣ୍ଡେଶନ ଓ ଫୋରମ ଫର ଗଞ୍ଜାମ  ଆନୁକୂଲ୍ୟରେ ପ୍ଲାଷ୍ଟିକ ଓ ପଲିଥିନ ବର୍ଜନ ପାଇଁ ଚାଲିଥିବା ସଚେତନତା   ଅଭିଯାନ ସୋମବାର ତୃତୀୟ ଦିନରେ ପହଞ୍ଚିଛି ା ଏହି ଅବସରରେ  ସ୍ଥାନୀୟ ଗିରିଜା ଛକଠାରୁ ଏକ ସଚେତନତା ଶୋଭାଯାତ୍ରା ବାହାରି ସତ୍ୟନାରାୟଣ ଟେମ୍ପଲ ରୋଡ, ଗିରି ମାର୍କେଟ, ଗିରି ମାର୍କେଟ ପରିବା ବଜାର, ହନୁମାନ ବଜାର ପରିକ୍ରମା କରି ପଲିଥିନ ଓ ପ୍ଲାଷ୍ଟକ ବର୍ଜନ କରିବା ନେଇ ଲୋକଙ୍କୁ ସଚେତନ କରିଥିଲେ। ଅନୁଷ୍ଠାନ  ସଦସ୍ୟମାନେ ସମସ୍ତ ବ୍ୟବସାୟୀଙ୍କୁ  ପରିବେଶ ସୁରକ୍ଷା ପାଇଁ ପ୍ଲାଷ୍ଟିକ ଓ ପଲିଥିନ ବର୍ଜନ କରିବାକୁ ଅନୁରୋଧ କରିଥିଲେ ା

ଏନ୍‌ଡିପିଏସ୍‌, ଅବକାରୀ ଆଇନ କର୍ମଶାଳା

ଏନ୍‌ଡିପିଏସ୍‌, ଅବକାରୀ ଆଇନ କର୍ମଶାଳା

ବ୍ରହ୍ମପୁର ଅଫିସ୍‌,୨୬ା୯-ସ୍ଥାନୀୟ ରାଜସ୍ବ ଡାକବଙ୍ଗଳାରେ ମଙ୍ଗଳବାର ଏନ୍‌ଡିପିଏସ୍‌ ଆକ୍ଟ ଏବଂ ଓଡ଼ିଶା ଅବକାରୀ ଆଇନ୍‌ ସମ୍ପର୍କିତ ଏକ ଦିନିକିଆ କର୍ମଶାଳା ଅନୁଷ୍ଠିତ ହୋଇଯାଇଛି। ଏହାକୁ ବ୍ରହ୍ମପୁର ଉପଜିଲାପାଳ ଦିଗନ୍ତ ରାଉତରାୟ ଉଦ୍‌ଘାଟନ କରିଥିଲେ। ନାର୍କୋଟିକ୍‌ କଣ୍ଟ୍ରୋଲ୍‌ ଷ୍ଟୋର୍‌ ଅଧୀକ୍ଷକ ପ୍ରଣିତ ଶର୍ମା, ଅବକାରୀ ଉପଆୟୁକ୍ତ ଉତ୍ତମ କୁମାର ମେହେର, ପିପି ଅଜିତ କୁମାର ପଟ୍ଟନାୟକ, ତହସିଲଦାର୍‌ ଅମିୟ ପାଢୀ, ଅବକାରୀ ଅଧୀକ୍ଷକ ଗଞ୍ଜାମ ରାମଚନ୍ଦ୍ର ମିଶ୍ର, ଅବକାରୀ ଅଧୀକ୍ଷକ ବ୍ରହ୍ମପୁର ଦକ୍ଷିଣାଞ୍ଚଳ ରାଜେନ୍ଦ୍ର ଭତ୍ରା ପ୍ରମୁଖ ଯୋଗଦେଇଥିଲେ ।

ଗଞ୍ଜାମ ଜିଲା ବିଜେଡିର ୫ ନୂଆ କର୍ମକର୍ତ୍ତା

ଗଞ୍ଜାମ ଜିଲା ବିଜେଡିର ୫ ନୂଆ କର୍ମକର୍ତ୍ତା

ବ୍ରହ୍ମପୁର ଅଫିସ,୨୬ା୯- ଗଞ୍ଜାମ ଜିଲା କଂଗ୍ରେସରୁ ଗତ ଏପ୍ରିଲ ମାସରେ ଇସ୍ତଫା ଦେଇଥିବା ୫ କର୍ମକର୍ତ୍ତାଙ୍କୁ ଦଳ ସଂଗଠନରେ ଥଇଥାନ କରିଛି ବିଜେଡି। ମଙ୍ଗଳବାର ବ୍ରହ୍ମପୁରରେ ଅନୁଷ୍ଠିତ ବିଜୁ ଜନତା ଦଳ ପକ୍ଷରୁ ଖବରଦାତା ସମ୍ମିଳନୀରେ ସେମାନଙ୍କ ନାମ ଘୋଷଣା କରାଯାଇଛି। ଗଞ୍ଜାମ ଜିଲା ବିଜେଡି ସଭାପତି ତଥା ଗୋପାଳପୁର ବିଧାୟକ ଡ଼. ପ୍ରଦୀପ କୁମାର ପାଣିଗ୍ରାହୀ ସୁପାରିସ କରିଥିବା ନୂଆ କର୍ମକର୍ତ୍ତାଙ୍କ ତାଲିକା ରାଜ୍ୟ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଥିବା ସୂଚନା ଦିଆଯାଇଛି। ଜିଲା ବିଜେଡି ସାଧାରଣ ସମ୍ପାଦକ ସୁବାସ ଚନ୍ଦ୍ର ବେହେରା ଓ ଉପସଭାପତି ଉମା ଚରଣ ନାୟକ ପ୍ରକାଶ କରିଥିବା ନୂଆ କର୍ତ୍ତାଙ୍କ ମଧ୍ୟରେ ପୂର୍ବତନ ବ୍ରହ୍ମପୁର ନଗର କଂଗ୍ରେସ ସଭାପତି ସଞ୍ଜିତ କୁମାର ପାଣିଗ୍ରାହୀ  ଓ  ଗତ ବିଧାନସଭା ନିର୍ବାଚନରେ ଛତ୍ରପୁର ଆସନରୁ ପରାଜିତ କଂଗ୍ରେସ ପ୍ରାର୍ଥୀ ବନମାଳୀ ସେଠୀ ଜିଲା ବିଜେଡି ଉପସଭାପତି ହୋଇଛନ୍ତି। 

୪ ମାସ ପରେ ଖୋଲିଲା ମନ୍ଦିର କାର୍ଯ୍ୟାଳୟ

୪ ମାସ ପରେ ଖୋଲିଲା ମନ୍ଦିର କାର୍ଯ୍ୟାଳୟ

ବ୍ରହ୍ମପୁର ଅଫିସ୍‌,୨୬ା୯- ବ୍ରହ୍ମପୁର ଗେଟ୍‌ ବଜାର ଛକସ୍ଥିତ ମା’ କୁଠାରୀ ମନ୍ଦିର କାର୍ଯ୍ୟାଳୟ ସମେତ ହୁଣ୍ଡି, ଅତିଥି ଗୃହ ଏବଂ କଲ୍ୟାଣମଣ୍ଡପ ଚାରି ମାସ ପରେ ଖୋଲିଛି ା ସୋମବାର ଦେବୋତ୍ତର ବିଭାଗ ବ୍ରହ୍ମପୁର ଡିଭିଜନର ଅତିରିକ୍ତ ସହକାରୀ କମିଶନ ଶୋଭନ କାନୁନ୍‌ଗୋ ଏବଂ ଜିଲା ପ୍ରଶାସନ ତଥା ବ୍ରହ୍ମପୁର ଉପଜିଲାପାଳଙ୍କ କାର୍ଯ୍ୟାଳୟରେ କାର୍ଯ୍ୟରତ ବରିଷ୍ଠ ଅଧିକାରୀ ପି.କେ.ମହାରଣାଙ୍କ ଉପସ୍ଥିତିରେ ମନ୍ଦିର କାର୍ଯ୍ୟାଳୟ ସିଲ୍‌ ଖୋଲାଯାଇ ପରିଚାଳନା ଟ୍ରଷ୍ଟିଙ୍କୁ ଚାବି ହସ୍ତାନ୍ତର କରାଯାଇଛି ା ପ୍ରକାଶଯେ, ମଇ ୧୦ ତାରିଖରେ ରାଜ୍ୟ ଦେବୋତ୍ତର କମିଶନର ବିରା ପ୍ରସାଦ ଦତ୍ତ କୁଠାରୀ ମନ୍ଦିରକୁ ଅଚାନକ ଗସ୍ତରେ ଆସି ସେବାୟତମାନେ ପରିଚାଳନା ଟ୍ରଷ୍ଟିଙ୍କୁ ବେଖାତିର କରୁଥିବା ଦେଖିବାକୁ ପାଇଥିଲେ ା ପରେ ମନ୍ଦିରର କାର୍ଯ୍ୟାଳୟ, ହୁଣ୍ଡି, ଅତିଥିଗୃହ ଏବଂ କଲ୍ୟାଣ ମଣ୍ଡପ ସିଲ୍‌ କରିଦେଇଥିଲେ।

ଆଦର୍ଶ ବିଦ୍ୟାଳୟ ସମସ୍ୟା ନେଇ ଆଲୋଚନା କଲେ ଜିଲାପାଳ

ଆଦର୍ଶ ବିଦ୍ୟାଳୟ ସମସ୍ୟା ନେଇ ଆଲୋଚନା କଲେ ଜିଲାପାଳ

ଗୋପାଳପୁର,୨୬ା୯- ରଙ୍ଗେଇଲୁଣ୍ଡା ବ୍ଲକ କରାପଲ୍ଲୀସ୍ଥିତ ଆଦର୍ଶ ବିଦ୍ୟାଳୟ ମଙ୍ଗଳବାର ସନ୍ଧ୍ୟାରେ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ  ପରିଦର୍ଶନ କରିଛନ୍ତି। ଏନେଇ ବିଦ୍ୟାଳୟ ପରିଚାଳନା କମିଟି ଓ ବିଭିନ୍ନ ବିଭାଗୀୟ ଅଧିକାରୀ ସହ ଏକ ବୈଠକ ଅନୁଷ୍ଠିତ ହୋଇଯାଇଛି। ସନ୍ଧ୍ୟା ପ୍ରାୟ ୭ଟାରେ ଜିଲାପାଳ କୁଲାଙ୍ଗେ ନବ ନିର୍ମିତ ଛାତ୍ରୀନିବାସ  ବୁଲି ଦେଖିବା ସହ ପାନୀୟ ଜଳ, ଛାତ୍ରୀଛାତ୍ରଙ୍କ ଖାଇବା, ରହିବା ବ୍ୟବସ୍ଥା ସମ୍ପର୍କରେ ପଚାରି ବୁଝିବା ସହିତ ବିଦ୍ୟାଳୟ ପରିଚାଳନା କମିଟି ଓ ବିଭିନ୍ନ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଥିଲେ। ବିଦ୍ୟାଳୟର ଶିକ୍ଷକ ଅଭାବ ସମାଧାନ ସହ ବିଦ୍ୟାଳୟ ଖେଳ ପଡ଼ିଆ, ଅର୍ଦ୍ଧନିର୍ମିତ ପାଚେରି, ଅନ୍ୟାନ୍ୟ ସମସ୍ୟାର ସମାଧାନ ଖୁବଶୀଘ୍ର କରାଯିବ, ଛାତ୍ରୀଛାତ୍ରଙ୍କ ପାଠପଢ଼ା ଶୈଳୀ ସରଳୀକରଣ କରିବା, ବିଦ୍ୟାଳୟ ହତାରେ ଚାରାରୋପଣ ଓ ପରିଷ୍କାର ପରିଚ୍ଛନ୍ନ କରିବାକୁ ନିର୍ଦ୍ଦେଶ ଦେଇଥିଲେ।

ଏନ୍‌ଏସି ଅଫିସ ଆଗରେ ଭାଜପାର ବିକ୍ଷୋଭ

ଏନ୍‌ଏସି ଅଫିସ ଆଗରେ ଭାଜପାର ବିକ୍ଷୋଭ

ଦିଗପହଣ୍ଡି,୨୬ା୯(ଡି.ଏନ.ଏ.)- ଦିଗପହଣ୍ଡି ଏନ୍‌ଏସିରେ ପରିମଳ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି। ବିଦ୍ୟୁତ ଯନ୍ତ୍ରାଂଶ ଓ ଏଲ୍‌ଇଡି ଲାଇଟ କ୍ରୟରେ ଲକ୍ଷାଧିକ ଟଙ୍କା ବାଟମାରଣା କରାଯାଇଛି। ଅନେକ ରାସ୍ତା ଓ ଡ୍ରେନ ନିର୍ମାଣ ଅଧାପନ୍ତରିଆ ଅବସ୍ଥାରେ ପଡ଼ି ରହିଛି।   ଆମ ସହର ଆମ ଉନ୍ନତି ଯୋଜନାରେ ବ୍ୟାପକ ଅନିୟମିତତା କରାଯାଇଛି। ଅଧିକାଂଶ ସାହି ବସ୍ତିରେ ଷ୍ଟ୍ରିଟ ଲାଇଟ ଜଳୁ ନାହିଁ। ଏହା ପ୍ରତିବାଦରେ ମଙ୍ଗଳବାର ସ୍ଥାନୀୟ ଭାଜପା ନଗର କମିଟି ପକ୍ଷରୁ ଏନଏସି କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ସହ ଦୁର୍ନୀତିର ଭିଜିଲାନ୍ସ ତଦନ୍ତ ପାଇଁ ଏନଏସି କାର୍ଯ୍ୟନିର୍ବାହୀ ଅଧିକାରୀ ପ୍ରଫୁଲ ଚନ୍ଦ୍ର ଡ଼ାକୁଆଙ୍କୁ ୧୦ ଦଫା ସମ୍ବଳିତ ସ୍ମାରକପତ୍ର ପ୍ରଦାନ କରାଯାଇଛି। 

ବେଆଇନ ବିସ୍ଫୋରଣ, ତହସିଲ ଅଫିସ ସମ୍ମୁଖରେ ବିକ୍ଷୋଭ

ବେଆଇନ ବିସ୍ଫୋରଣ, ତହସିଲ ଅଫିସ ସମ୍ମୁଖରେ ବିକ୍ଷୋଭ

ଦିଗପହଣ୍ଡି,୨୬ା୯(ଡି.ଏନ.ଏ.)- ଦିଗପହଣ୍ଡି ବ୍ଲକ ଜକର ଗ୍ରାମ ସଂଲଗ୍ନ ହଗୁରୀ ପାହାଡ଼ରେ ବେଆଇନ ବିସ୍ଫୋରଣ ପ୍ରତିବାଦରେ ଗ୍ରାମବାସୀ ତହସିଲ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଦଳମତ ନିର୍ବିଶେଷରେ ଗ୍ରାମର ଶତାଧିକ ଲୋକେ ସୋମବାର ଅପରାହ୍ନରେ ତହସିଲଦାର ଅଦ୍ୱୈତ କୁମାର ସ୍ବାଇଁଙ୍କୁ ଦସ୍ତଖତ ସମ୍ବଳିତ ସ୍ମାରକପତ୍ର ପ୍ରଦାନ କରିଛନ୍ତି। ଗ୍ରାମ ନିକଟ ପାହାଡ଼ରେ ଥିବା ପଥର ଖାଦାନ ଲିଜ୍‌ ବାତିଲ ପାଇଁ ସ୍ମାରକପତ୍ରରେ ଉଲ୍ଲେଖ ରହିଛି। ପାହାଡ଼ ନିକଟରେ ଜନବସତି ଗଢ଼ି ଉଠିଥିବା ବେଳେ କେତେକ ବ୍ୟକ୍ତି ଡିନାମାଇଟ ଡିଟୋନେଟର ବ୍ୟବହୃତ କରି  ବିସ୍ଫୋରଣ କରୁଥିବାରୁ ଗ୍ରାମରେ ଉତ୍ତେଜନା ଲାଗି ରହିଛି। 

ଧନେଇ ନଦୀରେ ଭାସିଯାଇ ବୃଦ୍ଧଙ୍କ ମୃତ୍ୟୁ

କବିସୂର୍ଯ୍ୟନଗର,୨୬ା୯: କବିସୂର୍ଯ୍ୟନଗର ଥାନା ସୁନାରୀଝୋଳା ଗ୍ରାମର ଜଣେ ବୃଦ୍ଧ ଧନେଇ ନଦୀରେ ଭାସିଯାଇ ମୃତ୍ୟୁବରଣ କରିଥିବା ଜଣାପଡ଼ିଛି। ସେ ହେଲେ ଗନ୍ତା ସ୍ବାଇଁ (୭୨)। ଗନ୍ତା ନଦୀ ଆରପଟ ଜେନା ଭୂୟାଁ ମନ୍ଦିରରେ ପୂଜା ଭୋଜି ଖାଇବାକୁ ଯିବା ପାଇଁ ନଦୀ ପାର ହେଉଥିବା ବେଳେ ସ୍ରୋତରେ ଭାସି ଯାଇଥିଲେ। ଗ୍ରାମବାସୀ ଅପରାହ୍ନ ୩ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଖୋଜାଖୋଜି କରିଥିଲେ ମଧ୍ୟ ତାଙ୍କର ଖୋଜଖବର ମିଳିନାହିଁ। ଛତ୍ରପୁର ଓଡ୍ରାଫ୍‌ ଟିମକୁ ଜଣାଇବା ସହ ପୋଲିସ, ଆରଆଇ ଓ ତହସିଲଦାରଙ୍କୁ ଗ୍ରାମବାସୀ ଏନେଇ ଅବଗତ କରିଥିଲେ। ସନ୍ଧ୍ୟା ୬ଟା ପରେ ଭେଟସିଂ ନିକଟ ଟଙ୍କାଛାଇ ଠାରେ ସୁନାରିଝୋଳା ଗ୍ରାମବାସୀ ମୃତଦେହକୁ ନଦୀରୁ ଉଦ୍ଧାର କରିଥିଲେ। ପୋଲିସ ଘଟଣାସ୍ଥଳରେ ପହଞ୍ଚତ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ଆଇଆଇସି ବୀଭତ୍ସ ପ୍ରଧାନ କହିଛନ୍ତି। ଘଟଣାସ୍ଥଳରେ ତହସିଲଦାର, ଆରଆଇ ପହଞ୍ଚତ୍ଛନ୍ତି।

ବିଜୁ ପକ୍କାଘର କାର୍ଯ୍ୟାଦେଶ ବଣ୍ଟନ

ବିଜୁ ପକ୍କାଘର କାର୍ଯ୍ୟାଦେଶ ବଣ୍ଟନ

ଶେରଗଡ,୨୫।୯(ଡି.ଏନ୍‌.ଏ.)- ଶେରଗଡ ବ୍ଲକ ସଭାଗୃହରେ ମଙ୍ଗଳବାର ବିଜୁ ପକ୍କାଘର କାର୍ଯ୍ୟଦେଶ ବଣ୍ଟନ କରାଯାଇଛି। ବ୍ଲକ ଅଧକ୍ଷା ସାରସ ସ୍ବାଇଁ, ବିଡିଓ ସୁରଞ୍ଜନ କୁମାର ସାହୁ, ଅତିରିକ୍ତ କାର୍ଯ୍ୟକ୍ରମ ଅଧିକାରୀ ବିଷ୍ଣୁ ପ୍ରସାଦ ପଣ୍ଡା, ସହକାରୀ ଯନ୍ତ୍ରୀ ମହିନ୍ଦ୍ର କୁମାର ଷଡଙ୍ଗୀ ଓ କେତେଜଣ ସରପଞ୍ଚଙ୍କ ଉପସ୍ଥିତିରେ ୩୪ ଜଣ ହିତଧିକାରୀଙ୍କୁ ବିଜୁ ପକ୍କାଘର କାର୍ଯ୍ୟଦେଶ ବଣ୍ଟନ କରାଯାଇଛି । ମୋଟ ୮୦ଟି ବିଜୁ ପକ୍କାଘର ପାଇଁ ଧାର୍ଯ୍ୟ ଲକ୍ଷ୍ୟ ଥିବା ବେଳେ ପ୍ରଥମ ପର୍ଯ୍ୟାୟରେ ୪୬ ଟି କାର୍ଯ୍ୟଦେଶ ବଣ୍ଟନ ହୋଇଥିବା ବ୍ଲକ ସୂତ୍ରରୁ ପ୍ରକାଶ।

ନାବାଳିକାଙ୍କୁ ଅଶ୍ଳିଳଇଙ୍ଗିତ, ମା’ଙ୍କୁ ଧମକ ଅଭିଯୋଗ: ୨ ଗିରଫ

ନାବାଳିକାଙ୍କୁ ଅଶ୍ଳିଳଇଙ୍ଗିତ, ମା’ଙ୍କୁ ଧମକ ଅଭିଯୋଗ: ୨ ଗିରଫ

ଶେରଗଡ,୨୫।୯(ଡି.ଏନ୍‌.ଏ.)- ଶେରଗଡ ଥାନା ଅଞ୍ଚଳର ଜଣେ ନାବାଳିକାଙ୍କୁ ଅଶ୍ଳିଳ ଇଙ୍ଗିତ ଓ ତାଙ୍କ ମା’ ଏନେଇ ପ୍ରତିବାଦ କରିବାରୁ ତାଙ୍କୁ ଧମକ ଦେବା ନେଇ ଶେରଗଡ ଥାନାରେ ଅଭିଯୋଗ ହୋଇଛି। ଏନେଇ ନଂ.୮୪/୧୮ରେ ମାମଲା ରୁଜୁ କରି ପୋଲିସ ୨ ଜଣଙ୍କୁ ଗିରଫ କରିଛି।

କଣ୍ଟାପୀଢା ଯାତ୍ରା: ରାମଦୋଳି, ମୀନାବଜାରରେ ଭିଡ

କଣ୍ଟାପୀଢା ଯାତ୍ରା: ରାମଦୋଳି, ମୀନାବଜାରରେ ଭିଡ

ସୋରଡା,୨୫।୯(ଡି.ଏନ୍‌.ଏ.)- କଣ୍ଟାପୀଢା ଯାତ୍ରାର ୪ର୍ଥ ଦିବସରେ ରାମଦୋଳି, ମୀନା ବଜାରରେ ଭିଡ ଜମୁଥିବାବେଳେ ତୋରଣ ମୁଖ୍ୟ ଆକର୍ଷଣ ପାଲଟିଛି। ଶଶିଭୂଷଣ ପଡିଆରେ ରାମଦୋଳି ୨ଟା, ମୀନାବଜାର ୨ ଦଳ ପଡିଛି, ବ୍ରେକ୍‌ ଡ୍ୟାନ୍ସ ଓ ଶିଶୁ ଟ୍ରେନ୍‌ରେ ପିଲାଙ୍କ ଭିଡ ଜମୁଛି। ସନ୍ଧ୍ୟା ଆଳତୀ ସମୟରେ ମା’ଙ୍କ ସୁନାବେଶ ଦେଖିବାକୁ ମହିଳାଙ୍କ ଭିଡକୁ ଦୃଷ୍ଟିରେ ରଖି ବ୍ୟାପକ ପୋଲିସ ସହରସାରା ମୁତୟନ ହୋଇଛି। ଆସିକା ଏସ୍‌ଡିପିଓ ସୁବାସ ପଣ୍ଡା ଅଞ୍ଚଳ ପରିଦର୍ଶନ କରି ଫେରିଛନ୍ତି। ବଡଦାଣ୍ଡରେ ନିର୍ମିତ ୭୦ ଫୁଟର ତୋରଣ ମୁଖ୍ୟ ଆକର୍ଷଣ ପାଲଟିଛି। ୨୮ ତାରିଖରୁ ମହୋତ୍ସବ ଆରମ୍ଭ ହେବାକୁ ଥିବାବେଳେ ରଥପଦାଠାରେ ଅସ୍ଥାୟୀ ମଣ୍ଡପ ନିର୍ମାଣ ସରିଛି।

ଜାତୀୟ ପୁଷ୍ଟି ସପ୍ତାହ ପାଳିତ

ଜାତୀୟ ପୁଷ୍ଟି ସପ୍ତାହ ପାଳିତ

ବ୍ରହ୍ମପୁର ଅଫିସ,୨୫।୯: ବ୍ରହ୍ମପୁର ମହାନଗର ନିଗମ ବିଜୁପୁର ଅଙ୍ଗନଓ୍ବାଡି ସେକ୍ଟର ପକ୍ଷରୁ ଜାତୀୟ ପୁଷ୍ଟି ସପ୍ତାହ ମଙ୍ଗଳବାର ପାଳିତ ହୋଇଯାଇଛି।