ବ୍ରହ୍ମପୁର

ମାଙ୍କଡ଼କୁ କାବୁ କଲେ ଗ୍ରାମବାସୀ

ମାଙ୍କଡ଼କୁ କାବୁ କଲେ ଗ୍ରାମବାସୀ

ହିଞ୍ଜିଳିକାଟୁ,୬।୯(ଡି.ଏନ୍‌.ଏ.)- ହିଞ୍ଜିଳିକାଟୁ ବ୍ଲକ ସରଧାପୁର ଓ କଞ୍ଚୁରୁ ଗ୍ରାମରେ ଆତଙ୍କ ସୃଷ୍ଟି କରୁଥିବା ଏକ ମାଙ୍କଡ଼କୁ ଗ୍ରାମବାସୀ ଗୁରୁବାର କାବୁ କରିଛନ୍ତି। ପ୍ରାୟ ୧ ମାସ ମଧ୍ୟରେ ଉକ୍ତ ମାଙ୍କଡ ଆକ୍ରମଣରେ ଉଭୟ ଗ୍ରାମର ବହୁ ଲୋକ ଖଣ୍ଡିଆଖାବରା ହେଇଥିଲେ। ତାକୁ କାବୁ କରିବା ପାଇଁ ଗ୍ରାମର ବାସିନ୍ଦାଙ୍କ ସହ ବନ ବିଭାଗ କର୍ମଚାରୀ ଉଦ୍ୟମ ଚଳାଇଥିଲେ। ଅପରାହ୍ନରେ ଉକ୍ତ ମାଙ୍କଡ଼କୁ ସରଧାପୁର ଗ୍ରାମବାସୀ କାବୁ କରି ହିଞ୍ଜିଳିକାଟୁ ବନ ବିଭାଗକୁ ଗ୍ରାମବାସୀ ହସ୍ତାନ୍ତର କରିଥିବା ବିଡ଼ିଓ ପ୍ରସନ୍ନ କୁମାର ପାତ୍ର କହିଛନ୍ତି।

ଦୃଷ୍ଟିହୀନା ସ୍ତ୍ରୀ ହତ୍ୟା ମାମଲା: ସ୍ବାମୀଙ୍କୁ ଆଜୀବନ କାରାଦଣ୍ଡ

ଦୃଷ୍ଟିହୀନା ସ୍ତ୍ରୀ ହତ୍ୟା ମାମଲା: ସ୍ବାମୀଙ୍କୁ ଆଜୀବନ କାରାଦଣ୍ଡ

ବାଲିଗୁଡା,୬।୯(ଡି.ଏନ୍‌.ଏ.): ଦୃଷ୍ଟିହୀନା ସ୍ତ୍ରୀଙ୍କୁ ହତ୍ୟା ମାମଲାର ବିଚାର କରି  ବୁଧବାର ବାଲିଗୁଡା ଅତିରିକ୍ତ ଜିଲା ଦୌରାଜଜ୍‌ ଅରବିନ୍ଦ ପଟ୍ଟନାୟକ  ଅଭିଯୁକ୍ତ ସ୍ବାମୀ ପ୍ରକାଶ ଚନ୍ଦ୍ର ଦଳବେହେରାଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି।

ଉଦ୍ଭିଦ ବିଜ୍ଞାନ ବିଭାଗ ପାଠଚକ୍ର

ଭଞ୍ଜନଗର,୬।୯(ଡି.ଏନ.ଏ)-ଭଞ୍ଜନଗର କବିସମ୍ରାଟ ଉପେନ୍ଦ୍ର ଭଞ୍ଜ କଲେଜ ଉଦ୍ଭିଦ ବିଜ୍ଞାନ ବିଭାଗର ଏକ ପାଠଚକ୍ର ଗୁରୁବାର ଅନୁଷ୍ଠିତ ହୋଇଯାଇଛି । ଏଥିରେ କଲେଜ ଅଧ୍ୟକ୍ଷ ଡ. ନୀଳାଞ୍ଚଳ ମୁନି ସଭାପତିତ୍ୱ କରି ପାଠଚକ୍ର ଦ୍ୱାରା ଛାତ୍ରୀଛାତ୍ରଙ୍କ ଜ୍ଞାନର ବିକାଶ ଘଟୁଛି ବୋଲି କହିଥିଲେ । ବିଭାଗୀୟ ମୁଖ୍ୟ ଅଧ୍ୟାପିକା ସୁନିତାରାଣୀ ଖଣ୍ଡୁଆଳ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ ।

ଆକ୍ରମଣ ମାମଲା : ଅଭିଯୁକ୍ତ ପୋଷ୍ଟମାଷ୍ଟର ଫେରାର

ଆକ୍ରମଣ ମାମଲା : ଅଭିଯୁକ୍ତ ପୋଷ୍ଟମାଷ୍ଟର ଫେରାର

ଦିଗପହଣ୍ଡି,୬।୯(ଡି.ଏନ.ଏ.)-ଦିଗପହଣ୍ଡି ବ୍ଲକ ଗୌଡ଼ଗାଁରେ ଘରଡିହ ସୀମା ଚିହ୍ନଟକୁ ମଙ୍ଗଳବାର ଗ୍ରାମ ପୋଷ୍ଟମାଷ୍ଟରଙ୍କ ମାଡ଼ରେ ସଚ୍ଚିଦାନନ୍ଦ ଶତପଥୀଙ୍କ ୩ ଦାନ୍ତ ଭାଙ୍ଗି ଯାଇଥିବା କେ.ନୂଆଗାଁ ଥାନାରେ ଏତଲା ହୋଇଛି। ଥାନା ଆଇଆଇସି ସୁଜିତ କୁମାର ନାୟକ ଏତଲାକୁ ଭିତ୍ତିକରି ନଂ.୧୦୬/୧୮ରେ ଏକ ମାମଲା ରୁଜୁ କରିଛନ୍ତି।

ଶିକ୍ଷକ ବଦଳି ବାତିଲ ଦାବିରେ ଅଭିଭାବକଙ୍କ ଧାରଣା

ଶିକ୍ଷକ ବଦଳି ବାତିଲ ଦାବିରେ ଅଭିଭାବକଙ୍କ ଧାରଣା

ସୋରଡା,୬।୯(ଡି.ଏନ୍‌.ଏ.)- ସୋରଡା ଆଦର୍ଶ ବିଦ୍ୟାଳୟର ଇଂଲିଶ ଶିକ୍ଷକ ବିଦ୍ୟାଧର ମହାରଣାଙ୍କ ବଦଳି ଆଦେଶ ବାତିଲ ଦାବିରେ ଅଭିଭାବକମାନେ ଗତ ୪ ତାରିଖରେ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀଙ୍କୁ ଜଣାଇଥିଲେ। ଏନେଇ କୌଣସି ସୁଫଳ ନ ମିଳିବାରୁ ଗୁରୁବାର ଅଭିଭାବକମାନେ ବିଦ୍ୟାଳୟ ଫାଟକ ସମ୍ମୁଖରେ ଧାରଣାରେ ବସିଛନ୍ତି। ଫଳରେ ଛାତ୍ରୀଛାତ୍ରମାନେ ବିଦ୍ୟାଳୟକୁ ଆସି ଫେରି ଯାଇଛନ୍ତି।

ସୁନାଇଟା ଦେବାକୁ କହି ୭ ଲକ୍ଷ ଟଙ୍କା ଠକେଇ

ସୁନାଇଟା ଦେବାକୁ କହି ୭ ଲକ୍ଷ ଟଙ୍କା ଠକେଇ

ଆର.ଉଦୟଗିରି,୬।୯(ଡି.ଏନ.ଏ.)- ଗଜପତି ଜିଲା ଆର.ଉଦୟଗିରି ଥାନା ଅଞ୍ଚଳରେ ସୁନାଇଟା ଦେବାକୁ କହି ୭ ଲକ୍ଷ ଟଙ୍କା ଠକେଇ ଅଭିଯୋଗରେ ପୋଲିସ ୩ଜଣଙ୍କୁ ଗିରଫ କରିଛି। ସେମାନେ ହେଲେ ଟିକାମାଳ ଗ୍ରାମର ପ୍ରବୋଧ ପ୍ରଧାନ, ତାବରଡ଼ା ଗ୍ରାମର ଲୁହେର ସିଂ ଏବଂ ଲୁବୁରୁସିଂ ଗ୍ରାମର ରବି ରଇତ। ସେମାନଙ୍କ ଠାରୁ ପୋଲିସ ୨ ଲକ୍ଷ ଟଙ୍କା, ଗୋଟିଏ  ମୋବାଇଲ ଫୋନ ଓ ସୁନା ଇଟା ଜବତ କରିଥିଲା। ମାତ୍ର ଯାଞ୍ଚ ପରେ ଏହା ପିତ୍ତଳ ଇଟା ଓ ଉପରେ ସୁନାର ଝାଳ ଦିଆଯାଇଥିବା ଜଣାପଡିଛି।

ଗଞ୍ଜେଇ ଚାଲାଣ ଅଭିଯୋଗରେ ଜଣେ ଗିରଫ: ୩୫ କେଜି ଗଞ୍ଜେଇ ଜବତ

ଗଞ୍ଜେଇ ଚାଲାଣ ଅଭିଯୋଗରେ ଜଣେ ଗିରଫ: ୩୫ କେଜି ଗଞ୍ଜେଇ ଜବତ

ବାଲିଗୁଡ଼ା,୬।୯(ଡି.ଏନ୍‌.ଏ): ଗଞ୍ଜାମ ଜିଲା ବାଲିଗୁଡ଼ା ପୋଲିସ ଗଞ୍ଜେଇ ଚାଲାଣ ସମୟରେ ଚଢ଼ାଉ କରି ୩୫ କେଜି ଗଞ୍ଜେଇ ସହ କାର ଜବତ କରି ଡ୍ରାଇଭରକୁ ଗିରଫ କରିଛି।

ଭିଜିଲାନ୍ସ ଜାଲରେ ସୋରଡ଼ା ବ୍ଲକ ଜିପିଟିଏ

ଭିଜିଲାନ୍ସ ଜାଲରେ ସୋରଡ଼ା ବ୍ଲକ ଜିପିଟିଏ

ସୋରଡ଼ା,୬।୯(ଡି.ଏନ୍‌.ଏ): ଲାଞ୍ଚ ନେବା ଅଭିଯୋଗରେ ଭିଜିଲାନ୍ସ ହାତରେ ଗୁରୁବାର ଧରାପଡ଼ିଛନ୍ତି ଗଞ୍ଜାମ ଜିଲା ସୋରଡ଼ା ବ୍ଲକ ଜିପିଟିଏ ଅନିଲ କୁମାର ବେହେରା। 

ଘରକୁ ଫେରିବ ଲୋମଶ ଶିଶୁ କାହ୍ନା

ଘରକୁ ଫେରିବ ଲୋମଶ ଶିଶୁ କାହ୍ନା

ବ୍ରହ୍ମପୁର ଅଫିସ, ୬।୯ : ଘରକୁ ଫେରିବ ଲୋମଶ ଶିଶୁ କାହ୍ନା ନାଇକ। ୬ ବର୍ଷର ଏହି ଶିଶୁଟିର ଜନ୍ମ ପରେ ଦେହସାରା ଲୋମ ଭର୍ତ୍ତି ହୋଇଯାଇଥିଲା। ଏନେଇ ବିଭିନ୍ନ ଗଣମାଧ୍ୟମରେ ଖବର ପ୍ରସାରିତ ହେବାପରେ ଶିଶୁଟିକୁ ଗତ ଜୁଲାଇ ୧୮ ତାରିଖରେ ଏମ୍‌କେସିଜି ଡାକ୍ତରଖାନାରେ ଭର୍ତ୍ତି କରାଯାଇଥିଲା। 

ଦାରିଙ୍ଗବାଡ଼ିରେ ଲଗାଣବର୍ଷା: ଶୀତ ଲହରି ଅବ୍ୟାହତ

ଦାରିଙ୍ଗବାଡ଼ିରେ ଲଗାଣବର୍ଷା: ଶୀତ ଲହରି ଅବ୍ୟାହତ

ଦାରିଙ୍ଗବାଡ଼ି,୬।୯ (ଡି.ଏନ୍‌.ଏ.):  କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ବୁଧବାର ଅପରାହ୍ନଠାରୁ ବର୍ଷା ଲାଗି ରହିଥିବା ବେଳେ କୋହଲା ପାଗ ଏହି ଅଞ୍ଚଳକୁ ବେହାଲ କରିଦେଇଛି। 

ଲାୟନ୍ସ କ୍ଲବର ଗଭର୍ନିଂ ବଡି ଗଠିତ

ଲାୟନ୍ସ କ୍ଲବର ଗଭର୍ନିଂ ବଡି ଗଠିତ

ସୋରଡ଼ା,୬ା୯(ଡି.ଏନ୍‌.ଏ.): ଲାୟନ୍ସ କ୍ଲବ ସୋରଡ଼ାର ୩୩ତମ ସ୍ଥାପନ ଦିବସ ମଙ୍ଗଳବାର କ୍ଲବ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ଗଞ୍ଜାମ ଜିଲା ଗଭର୍ନର ବିଶ୍ୱନାଥ ମହାନ୍ତି ମୁଖ୍ୟ ଅତିଥି, ଡେପୁଟି ଗଭର୍ନର ଡ. ପ୍ରଦୀପ କୁମାର ପଣ୍ଡା ସ୍ଥାପନା ଅଧିକାରୀ ଭାବେ ଯୋଗ ଦେଇଥିଲେ।

ଶିକ୍ଷା ବିଭାଗ ଦେଲା ୧୭ଲକ୍ଷ ୨୬ହଜାର ଟଙ୍କା

ଶିକ୍ଷା ବିଭାଗ ଦେଲା ୧୭ଲକ୍ଷ ୨୬ହଜାର ଟଙ୍କା

ବ୍ରହ୍ମପୁରଅଫିସ୍‌/ ଛତ୍ରପୁର,(ଡି.ଏନ.ଏ.),୬ା୯-ଗଞ୍ଜାମ ଜିଲାର ସମସ୍ତ ସରକାରୀ ବିଦ୍ୟାଳୟର ଶିକ୍ଷୟିତ୍ରୀ ଶିକ୍ଷକ ଓ ଶିକ୍ଷା ବିଭାଗ କର୍ମଚାରୀମାନେ ଜିଲା ଶିକ୍ଷା ଅଧିକାରୀ ଡ. ସନାତନ ପଣ୍ଡା ଏବଂ ଜିଲା ପ୍ରକଳ୍ପ ସଂଯୋଜକ ଦେବବ୍ରତ ସାହୁଙ୍କ ଆହ୍ବାନ କ୍ରମେ କେରଳରେ ଘଟିଯାଇଥିବା

ଗଞ୍ଜାମରେ ପରିକ୍ରମା କରିବ ଏଆଇଟିୟୁସିର ଯାଥା

ଗଞ୍ଜାମରେ ପରିକ୍ରମା କରିବ ଏଆଇଟିୟୁସିର ଯାଥା

ବ୍ରହ୍ମପୁର ଅଫିସ,୬ା୯-କେନ୍ଦ୍ର ଓ ରାଜ୍ୟ ସରକାରଙ୍କ ଶ୍ରମିକ୍‌ମାରଣ ନୀତି ବିରୋଧରେ ଏଆଇଟିୟୁସି (ଅଖିଳ ଭାରତୀୟ ଟ୍ରେଡ ୟୁନିୟନ କଂଗ୍ରେସ) ଗଞ୍ଜାମ ଜିଲାରେ ଚଳିତ ମାସ ୭ରୁ ୧୩ ତାରିଖ ପର୍ଯ୍ୟନ୍ତ ଶ୍ରମିକ ବଞ୍ଚାଅ ଯାଥା ପରିକ୍ରମା କରିବ । 

ଗ୍ରାମ କମିଟିକୁ ଠାକୁର ଜମି ମାଲିକାନାସ୍ବତ୍ୱ ଦାବି

ଗ୍ରାମ କମିଟିକୁ ଠାକୁର ଜମି ମାଲିକାନାସ୍ବତ୍ୱ ଦାବି

ଫୁଲବାଣୀ ଅଫିସ, ୬ା୯-ଫୁଲବାଣୀ ସହର ଜିରିଙ୍ଗପଡା ଗ୍ରାମରେ ଲକ୍ଷ୍ମୀ ନୃସିଂହନାଥ ମନ୍ଦିର ରହିଛି। ଏହି ମନ୍ଦିର ସମ୍ମୁଖ ପଡିଆକୁ ଜଣେ ବ୍ୟକ୍ତି ଜବର ଦଖଲ କରିବା ସହ ରାଜସ୍ବ କାର୍ଯ୍ୟାଳୟରେ ଆପତ୍ତି ଅଭିଯୋଗ କରିଛନ୍ତି। ଜବରଦଖଲ ଯୋଗୁ ଠାକୁରଙ୍କ ଯାତ୍ରା, ପର୍ବପର୍ବାଣୀ

ସଫେଇ କର୍ମଚାରୀଙ୍କ ବିକ୍ଷୋଭ

ସଫେଇ କର୍ମଚାରୀଙ୍କ ବିକ୍ଷୋଭ

ହିଞ୍ଜିଳିକାଟୁ,୬ା୯(ଡ଼ି.ଏନ୍‌.ଏ)-ହିଞ୍ଜିଳିକାଟୁ ପୌରାଞ୍ଚଳରେ ଦୈନିକ ଶ୍ରମିକ ଭାବେ ନିୟୋଜିତ ସଫେଇ କର୍ମଚାରୀମାନେ ବୁଧବାର ବିଭିନ୍ନ ଦାବି ନେଇ ବିକ୍ଷୋଭ ପ୍ରଦର୍ଶନ କରିଥିଲେ। ସେମାନେ ଆରଏମସି ପରିସରରୁ ରାଲିରେ ବାହାରି ସହର ପରିକ୍ରମା କରିବା ପରେ ପାୈର ପରିଷଦ କାର୍ଯ୍ୟାଳୟ 

ଅସହାୟ କାଣ୍ଡୁଲୁ ସରକାରୀ ଯୋଜନାରୁ ବଞ୍ଚିତ

ଅସହାୟ କାଣ୍ଡୁଲୁ ସରକାରୀ ଯୋଜନାରୁ ବଞ୍ଚିତ

ଫିରିଙ୍ଗିଆ, ୬ା୯- ଫିରିଙ୍ଗିଆ ବ୍ଲକ ବନ୍ଧଗଡ ପଞ୍ଚାୟତର ତେଜାମାହା ଗ୍ରାମର କାଣ୍ଡୁଲୁ ଅମାତ । ବୟସ ୬୦ ଟପିଲାଣି । ପାଖରେ କେହି ନାହାନ୍ତି। ଗୋଟିଏ ଝିଅ ଏବଂ ପୁଅ ବହୁ ବର୍ଷ ଆଗରୁ ଆରପାରିକୁ ଚାଲି ଯାଇଛନ୍ତି।୫/୬ ବର୍ଷ ପୂର୍ବେ ସ୍ତ୍ରୀ ମଧ୍ୟ ଆରପାରିରେ ।

ଗୁରୁଦିବସରେ ପ୍ଲାଷ୍ଟିକ୍‌ ବର୍ଜନ ନିଷ୍ପତ୍ତି , ସାମ୍ବାଦିକତା ଓ ଗଣ ଯୋଗାଯୋଗ ବିଭାଗ ଛାତ୍ରୀଛାତ୍ର ସାମିଲ

ଗୁରୁଦିବସରେ ପ୍ଲାଷ୍ଟିକ୍‌ ବର୍ଜନ ନିଷ୍ପତ୍ତି , ସାମ୍ବାଦିକତା ଓ ଗଣ ଯୋଗାଯୋଗ ବିଭାଗ ଛାତ୍ରୀଛାତ୍ର ସାମିଲ

ଭଞ୍ଜନଗର,୬।୯(ଡି.ଏନ.ଏ)- ସମଗ୍ର ଦେଶରେ ଗୁରୁଦିବସ ପାଳନ ହେଉଥିବା ବେଳେ ଭଞ୍ଜନଗର କବିସମ୍ରାଟ ଉପେନ୍ଦ୍ର ଭଞ୍ଜ କଲେଜ ସାମ୍ବାଦିକତା ଓ ଗଣ ଯୋଗାଯୋଗ ବିଭାଗ ଛାତ୍ରୀଛାତ୍ର ନିଆରା ଢ଼ଙ୍ଗରେ ଏହାକୁ ପାଳନ କରିଛନ୍ତି।

ପ୍ରାକୃତିକ ବିପର୍ଯ୍ୟୟ ମୁକାବିଲା ନେଇ ମକ୍‌ଡ୍ରିଲ

ପ୍ରାକୃତିକ ବିପର୍ଯ୍ୟୟ ମୁକାବିଲା ନେଇ ମକ୍‌ଡ୍ରିଲ

ଗୋପାଳପୁର,୫।୯- ସୁନାମୀ, ବାତ୍ୟା ଭଳି ପ୍ରାକୃତିକ ଦୁର୍ବିପାକର ମୁକାବିଲା ପାଇଁ ଓସଡମା ଓ ଜିଲା ପ୍ରଶାସନ ପକ୍ଷରୁ ଜିଲାସ୍ତରୀୟ ମକ୍‌ଡ୍ରିଲ କାର୍ଯ୍ୟକ୍ରମ ବୁଧବାର ଅନୁଷ୍ଠିତ ହୋଇଯାଇଛି।

ଟାକରିଆ ବ୍ରହ୍ମପୁରରେ ମୋ’ ସ୍କୁଲ ଶ୍ରେଷ୍ଠ ସ୍କୁଲ କାର୍ଯ୍ୟକ୍ରମ

ଟାକରିଆ ବ୍ରହ୍ମପୁରରେ ମୋ’ ସ୍କୁଲ ଶ୍ରେଷ୍ଠ ସ୍କୁଲ କାର୍ଯ୍ୟକ୍ରମ

ଛତ୍ରପୁର,୫ା୯(ଡି.ଏନ.ଏ)-ଛତ୍ରପୁର ବ୍ଲକ କଣମଣା ପଞ୍ଚାୟତ ଟାକରିଆ ବ୍ରହ୍ମପୁର ଉଚ୍ଚ ପ୍ରାଥମିକ ବିଦ୍ୟାଳୟରେ ମୋ ସ୍କୁଲ ଶ୍ରେଷ୍ଠ ସ୍କୁଲ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  ଏଥିରେ ପରିଚାଳନା କମିଟିର ସଭାପତି ବି. ସିମାଦ୍ରୀ ଅଧ୍ୟକ୍ଷତା କରିଥିଲେ ।  

ସୁନାମୀ ମୁକାବିଲା ମକ୍‌ଡ୍ରିଲ, ସଚେତନତା କାର୍ଯ୍ୟକ୍ରମ

ସୁନାମୀ ମୁକାବିଲା ମକ୍‌ଡ୍ରିଲ, ସଚେତନତା କାର୍ଯ୍ୟକ୍ରମ

ଛତ୍ରପୁର,୫ା୯(ଡି.ଏନ.ଏ)-ସୁନାମୀ ମୁକାବିଲା ପାଇଁ ବୁଧବାର ସମୁଦ୍ର ନିକଟବର୍ତ୍ତୀ  ଗଞ୍ଜାମ ଜିଲାର ଗାଁଗୁଡିକରେ ଥିବା ବାତ୍ୟା ଆଶ୍ରୟସ୍ଥଳୀରେ ମକଡ୍ରିଲ୍‌ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।

ବ୍ଲକରେ ଦୁର୍ନୀତି : ଭାଜପା ଅଭିଯୋଗକୁ ଖଣ୍ଡନ କଲା ବିଜେଡି

ବ୍ଲକରେ ଦୁର୍ନୀତି : ଭାଜପା ଅଭିଯୋଗକୁ ଖଣ୍ଡନ କଲା ବିଜେଡି

ବୁଗୁଡ଼ା,୫ା୯(ଡି.ଏନ.ଏ.)-ବୁଗୁଡ଼ା ବ୍ଲକରେ ଦୁର୍ନୀତି ଚାଲିଥିବା ଓ ଥାନା ଅଧିକାରୀ ପକ୍ଷପାତିତା କରୁଥିବା ନେଇ ବିଜେଡି ବିରୋଧରେ ଭାଜପା ପକ୍ଷରୁ  ମଙ୍ଗଳବାର ପୁର୍ତ୍ତ ବିଭାଗ ଡାକ ବଙ୍ଗଳାରେ ଆହୁତ ଖବରଦାତା ସମ୍ମିଳନୀରେ ଅଭିଯୋଗ କରାଯାଇଥିଲା।

ସଫେଇ କର୍ମଚାରୀଙ୍କ ବିକ୍ଷୋଭ

ସଫେଇ କର୍ମଚାରୀଙ୍କ ବିକ୍ଷୋଭ

ହିଞ୍ଜିଳିକାଟୁ,୫ା୯(ଡ଼ି.ଏନ୍‌.ଏ) : ହିଞ୍ଜିଳିକାଟୁ ପୌରାଞ୍ଚଳରେ ଦୈନିକ ଶ୍ରମିକ ଭାବେ ନିୟୋଜିତ ସଫେଇ କର୍ମଚାରୀମାନେ ବୁଧବାର ବିଭିନ୍ନ ଦାବି ନେଇ ବିକ୍ଷୋଭ ପ୍ରଦର୍ଶନ କରିଥିଲେ। ସେମାନେ ଆରଏମସି ପରିସରରୁ ରାଲିରେ ବାହାରି ସହର ପରିକ୍ରମା କରିବା ପରେ ପାୈର ପରିଷଦ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ। 

ଚନ୍ଦ୍ରଗିରିର ବିଭିନ୍ନ ଶିକ୍ଷାନୁଷ୍ଠାନରେ ଗୁରୁଦିବସ

ଚନ୍ଦ୍ରଗିରିର ବିଭିନ୍ନ ଶିକ୍ଷାନୁଷ୍ଠାନରେ ଗୁରୁଦିବସ

ଚନ୍ଦ୍ରଗିରି,୫।୯(ଡି.ଏନ୍‌.ଏ.)- ମୋହନା ବ୍ଲକ ଚନ୍ଦ୍ରଗିରି ଅଞ୍ଚଳର ବିଭିନ୍ନ ଶିକ୍ଷାନୁଷ୍ଠାନରେ ଗୁରୁଦିବସ ପାଳିତ ହୋଇଯାଇଛି। ଚନ୍ଦ୍ରଗିରି ସରକାରୀ ବାଳକ ଉଚ୍ଚ ବିଦ୍ୟାଳୟ, ବାଳିକା ଉଚ୍ଚ ବିଦ୍ୟାଳୟ,ନୋଡାଲ୍‌ ଉଚ୍ଚ ପ୍ରାଥମିକ ବିଦ୍ୟାଳୟ, ଏକଲବ୍ୟ ଆଦର୍ଶ ବିଦ୍ୟାଳୟ, ସରକାରୀ ପ୍ରାଥମିକ ବିଦ୍ୟାଳୟ, ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ଲିଟିଲ ଆଞ୍ଜେଲ୍‌ସ ମଡର୍ଣ୍ଣ ସ୍କୁଲ ଆଦି ବିଭିନ୍ନ ଶିକ୍ଷାନୁଷ୍ଠାନରେ ଗୁରୁ ଦିବସ ପାଳିତ ହୋଇଛି। ଡ. ସର୍ବପଲ୍ଲୀ ରାଧାକ୍ରିଷ୍ଣନ୍‌ଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ ପରେ ଶିକ୍ଷୟିତ୍ରୀ ଓ ଶିକ୍ଷକମାନଙ୍କୁ ଛାତ୍ରୀଛାତ୍ରମାନେ ପୂଜାର୍ଚ୍ଚନା କରିଥିଲେ।

ଗୁରୁଦିବସରେ କଳାବ୍ୟାଚ ପରିଧାନ

ଗୁରୁଦିବସରେ କଳାବ୍ୟାଚ ପରିଧାନ

ଜି.ଉଦୟଗିରି ୫।୯(ଡି.ଏନ୍‌.ଏ.): କନ୍ଧମାଳ ଜିଲା ଜି.ଉଦୟଗିରି ଇନ୍ଦିରା ପ୍ରିୟଦର୍ଶିନୀ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟରେ ବୁଧବାର ଗୁରୁଦିବସ ଅବସରରେ ଅଧ୍ୟାପିକା, ଅଧ୍ୟାପକ ଓ କର୍ମଚାରୀମାନେ କଳାବ୍ୟାଚ ପିନ୍ଧି ପ୍ରତିବାଦ କରିଛନ୍ତି।