ବ୍ରହ୍ମପୁର

ମୋ ବୁଥ୍‌ ସବୁଠୁ ମଜଭୁତ

ମୋ ବୁଥ୍‌ ସବୁଠୁ ମଜଭୁତ

ବାଲିଗୁଡ଼ା, ୧୩.୯(ଡି.ଏନ୍‌.ଏ.): କନ୍ଧମାଳ ଜିଲା ବାଲିଗୁଡ଼ା ନିକଟସ୍ଥ ମହାଶିଙ୍ଗି ପଞ୍ଚାୟତଠାରେ ଭାଜପା ପକ୍ଷରୁ ”ମୋ ବୁଥ୍‌ ସବୁଠୁ ମଜଭୁତ୍‌“ କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଯାଇଛି। 

ରାଇକିଆ ବ୍ଲକର ବିଭିନ୍ନ ସ୍ଥାନରେ ଗଣେଶ ପୂଜା

ରାଇକିଆ ବ୍ଲକର ବିଭିନ୍ନ ସ୍ଥାନରେ ଗଣେଶ ପୂଜା

ରାଇକିଆ,୧୩।୯(ଡି.ଏନ୍‌.ଏ.): କନ୍ଧମାଳ ଜିଲା ରାଇକିଆ ବ୍ଲକର ବିଭିନ୍ନ ଅଞ୍ଚଳରେ ଗଣେଶ ପୂଜା ଧୁମ୍‌ଧାମରେ ପାଳନ କରାଯାଇଛି।

ଦାରିଙ୍ଗବାଡ଼ି ଅଞ୍ଚଳରେ ଗଣେଶ ପୂଜା

ଦାରିଙ୍ଗବାଡ଼ି ଅଞ୍ଚଳରେ ଗଣେଶ ପୂଜା

ଦାରିଙ୍ଗବାଡ଼ି,୧୩।୯(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକର ବିଭିନ୍ନ ଅଞ୍ଚଳର ଶିକ୍ଷା ଅନୁଷ୍ଠାନ ଗୁଡିକରେ  ଗୁରୁବାର ଗଣେଶ ପୂଜା ବହୁ ଆଡ଼ମ୍ବରରେ ପାଳିତ ହୋଇଯାଇଛି।

ମୃତ ଅଣ୍ଡିରା କୃଷ୍ଣସାର ଉଦ୍ଧାର

ମୃତ ଅଣ୍ଡିରା କୃଷ୍ଣସାର ଉଦ୍ଧାର

ଆସିକା,୧୩।୯(ଡି.ଏନ୍‌.ଏ.)-ଆସିକା ବନାଞ୍ଚଳର ଭେଟନଈ ନିକଟସ୍ଥ ଜଗତି ପଡିଆରୁ ବୁଧବାର ଅପରାହ୍ନରେ ଗୋଟିଏ ଅଣ୍ଡିରା କୃଷ୍ଣସାର ମୃଗର ମୃତଦେହ ଉଦ୍ଧାର କରାଯାଇଛି । ୩ ଫୁଟ ଲମ୍ବ ଅଢେଇ ଫୁଟ ଉଚ୍ଚତା ଏହି କୃଷ୍ଣସାରର ବୟସ ୮/୯ ବର୍ଷ ହେବ ବୋଲି ଅନୁମାନ କରାଯାଇଛି ।

ଗଞ୍ଜାମ ଜିଲାରେ ଇଭିଏମ୍‌ ଯାଞ୍ଚ ଆରମ୍ଭ

ଗଞ୍ଜାମ ଜିଲାରେ ଇଭିଏମ୍‌ ଯାଞ୍ଚ ଆରମ୍ଭ

ଛତ୍ରପୁର/ଗଞ୍ଜାମ,୧୩।୯(ଡି.ଏନ.ଏ.)- ସାଧାରଣ ନିର୍ବାଚନ ପାଇଁ ପ୍ରସ୍ତୁତି ଚାଲିଛି। ପୂର୍ବରୁ ବୁଥ୍‌ ଗଠନ ହୋଇଥିବା ବେଳେ ଭୋଟର ତାଲିକା ସଂଶୋଧନ କରାଯାଉଛି। ଅନ୍ୟପକ୍ଷରେ  ବୁଧବାର ଗଞ୍ଜାମ ଜିଲା ଛତ୍ରପୁରରେ ଇଭିଏମ୍‌ ଯାଞ୍ଚ ଆରମ୍ଭ ହୋଇଛି। ପୂର୍ବାହ୍ନରେ ଦକ୍ଷିଣାଞ୍ଚଳ ଆରଡିସି

ଜେଲରେ ହୋଇଥିଲା ବାବୁଙ୍କ ଫେରାର ଯୋଜନା

ଜେଲରେ ହୋଇଥିଲା ବାବୁଙ୍କ ଫେରାର ଯୋଜନା

ଭଞ୍ଜନଗର,୧୩।୯(ଡି.ଏନ.ଏ)- ଭଞ୍ଜନଗର ସ୍ବତନ୍ତ୍ର ଉପକାରାଗାରରୁ ମଙ୍ଗଳବାର ବିଚାରାଧୀନ ବନ୍ଦୀ ବାବୁ ନାୟକ ଫେରାର ଘଟଣାକୁ ୨ଦିନ ବିତିଯାଇଥିଲେ ମଧ୍ୟ ପୋଲିସ ତାଙ୍କର ପତ୍ତା ପାଉନାହିଁ। ବାବୁଙ୍କ ଫେରାର ଯୋଜନା ଜେଲରେ ହିଁ ହୋଇଥିଲା।

ଗଞ୍ଜାମରେ ୩୦ ପ୍ରତିଶତ ବାଲ୍ୟ ବିବାହ

ଗଞ୍ଜାମରେ ୩୦ ପ୍ରତିଶତ ବାଲ୍ୟ ବିବାହ

ବ୍ରହ୍ମପୁର ଅଫିସ୍‌,୧୩।୯-ଭାରତୀୟ ସମାଜରେ ବାଲ୍ୟ ବିବାହ ଏକ ସାମାଜିକ ବ୍ୟାଧିରେ ପରିଣତ ହୋଇଛି। ବାଲ୍ୟ ବିବାହକୁ ରୋକିବା ପାଇଁ ଦୀର୍ଘ ୯୦ବର୍ଷ ହେଲା ଆଇନ ପ୍ରଣୟନ ହୋଇଛି। ତଥାପି ଏହି ବିବାହକୁ ରୋକାଯାଇ ପାରୁନି। ସାମାଜିକସ୍ତରରେ ବ୍ୟାପକ ସଚେତନତା ଦ୍ୱାରା ହିଁ ବାଲ୍ୟ ବିବାହକୁ ରୋକଯାଇପାରିବ। 

ସତ୍ୟଙ୍କ କାଗଜ, କାଠରେ ଗଣେଶ କଳାକୃତି

ସତ୍ୟଙ୍କ କାଗଜ, କାଠରେ ଗଣେଶ କଳାକୃତି

ବ୍ରହ୍ମପୁର ଅଫିସ,୧୩।୯- ପୂର୍ବରୁ କାଠ, ସାବୁନ, ଚକ୍‌ରେ ବହୁ କଳାକୃତି କରି ବହୁବାର ବିଶ୍ୱ ରେକର୍ଡ ସୃଷ୍ଟି କରିଥିବା ସତ୍ୟନାରାୟଣ ମହାରଣା ପୁଣି ଆଉ ଏକ ବିଶ୍ୱ ରେକର୍ଡ ସୃଷ୍ଟି କରିବାକୁ ଯାଉଛନ୍ତି । ଏଥର ସାବୁନ, ଚକ ନୁହେଁ ଖବର କାଗଜରେ ତିଆରି କରିଛନ୍ତି ବିଶ୍ୱର ସବୁଠୁ କ୍ଷୁଦ୍ର ଗଣେଶ ମୂର୍ତ୍ତି । 

ଜନହିତକର କାର୍ଯ୍ୟ କଲେ ପୁରସ୍କୃତ ହେବେ ତହସିଲଦାର

ଜନହିତକର କାର୍ଯ୍ୟ କଲେ ପୁରସ୍କୃତ ହେବେ ତହସିଲଦାର

ଛତ୍ରପୁର,୧୩।୯(ଡି.ଏନ.ଏ): -ଗଞ୍ଜାମ ଜିଲା ରାଜସ୍ବ ସମୀକ୍ଷା ବୈଠକ ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ବୁଧବାର ଅନୁଷ୍ଠିତ ହୋଇଯାଇଛି। ଏଥିରେ ଜିଲାପାଳ ବିଜୟ ଅମୃତା କୁଲାଙ୍ଗେ ଅଧ୍ୟକ୍ଷତା କରିଥିଲେ। ରାଜସ୍ବ କର୍ମଚାରୀ ବିଶେଷକରି ତହସିଲଦାରମାନଙ୍କୁ ମାଜିଷ୍ଟ୍ରେଟ୍‌ 

ଜାଗ୍ରତ କନ୍ଧମାଳର ଅଭିଯାନ ଆରମ୍ଭ

ଜାଗ୍ରତ କନ୍ଧମାଳର ଅଭିଯାନ ଆରମ୍ଭ

ଫୁଲବାଣୀ ଅଫିସ, ୧୨।୯-କନ୍ଧମାଳ ଜିଲାର ବିଭିନ୍ନ ସମସ୍ୟା, ଓବିସି, ଏସ୍‌ସି ଏବଂ ଏସ୍‌ଟି ସଂଖ୍ୟା ଲଘୁଙ୍କ ସାମ୍ବିଧାନିକ ଅଧିକାର, ବେକାରୀ ସମସ୍ୟାର ସମାଧାନ, ମେଡିକାଲ କଲେଜ ସ୍ଥାପନ, ନିଶାମୁକ୍ତ ଜିଲା ଆଦି ସମସ୍ୟାକୁ ନେଇ ବୁଧବାର ଜାଗ୍ରତ କନ୍ଧମାଳର ଅଭିଯାନ ଆରମ୍ଭ ହୋଇଛି ା ସ୍ଥାନୀୟ ପ୍ରେସ୍‌ କ୍ଲବ ପରିସରରେ ଏହି ଅଭିଯାନର ଆରମ୍ଭ ହୋଇଥିବା ବେଳେ ସଙ୍ଗଠନ କାର୍ଯ୍ୟକର୍ତ୍ତାଙ୍କ ନାମ ଘୋଷଣା କରାଯାଇଛି।

ପ୍ରଧାନମନ୍ତ୍ରୀଙ୍କୁ ଚିଠି ପଠାଇଲା ଜୀବିକା ସୁରକ୍ଷା ମଞ୍ଚ

ପ୍ରଧାନମନ୍ତ୍ରୀଙ୍କୁ ଚିଠି ପଠାଇଲା ଜୀବିକା ସୁରକ୍ଷା ମଞ୍ଚ

ରାଇକିଆ,୧୨।୯(ଡ଼ି.ଏନ.ଏ): ରାଇକିଆ ବ୍ଲକର ଜୀବିକା ସୁରକ୍ଷା ମଞ୍ଚ ତରଫରୁ ଶ୍ରମିକ ମଜୁରୀ ବଢାଇବା ନିମନ୍ତେ ପ୍ରଧାନମନ୍ତ୍ରୀଙ୍କୁ ପୋଷ୍ଟକାର୍ଡ଼ ମାଧ୍ୟମରେ ଚିଠି ପଠାଯାଇଛି। କେନ୍ଦ୍ର ସରକାରଙ୍କ ବିଭିନ୍ନ ଯୋଜନାରେ ଶ୍ରମିକମାନଙ୍କୁ ସର୍ବନିମ୍ନ ମଜୁରି ପ୍ରାପ୍ୟ ଦିନକୁ ୧୮୨ ଟଙ୍କା ପ୍ରଦାନ କରାଯାଉଛି । ଅନ୍ୟପକ୍ଷରେ ରାଜ୍ୟ ସରକାର ବିଭିନ୍ନ ଯୋଜନାରେ କାର୍ଯ୍ୟରତ ଶ୍ରମିକମାନଙ୍କ ନିମନ୍ତେ ୨୨୪ ଟଙ୍କା ସର୍ବନିମ୍ନ ମଜୁରି କରିଛନ୍ତି। ଏଥିଯୋଗଁୁ ଏମଜିଏନଆର୍‌ଇଜିଏସରେ କାର୍ଯ୍ୟ କରୁଥିବା ଶ୍ରମିକମାନେ ଦୈନିକ ୪୨ ଟଙ୍କା କ୍ଷତି ସହୁଛନ୍ତି।  ଏହାକୁ ଦୃଷ୍ଟିରେ ରଖି ଜୀବିକା ସୁରକ୍ଷା ମଞ୍ଚ ତରଫରୁ ପୋଷ୍ଟକାର୍ଡ଼ ଅଭିଯାନ ମାଧ୍ୟମରେ ତୁରନ୍ତ ପ୍ରାପ୍ୟ ବଢ଼ାଇବାକୁ ଦାବି କରାଯାଇଛି ା ବିଭିନ୍ନ ପଞ୍ଚାୟତର ଶ୍ରମିକମାନେ ଏକାଠି ହୋଇ ପ୍ରଧାନମନ୍ତ୍ରୀଙ୍କୁ ଚିଠି ପଠାଇଛନ୍ତି। ମଞ୍ଚର ସଦସ୍ୟା ପ୍ରମୋଦା ନାୟକ, ଶାନ୍ତିଲତା ନାୟକ, ସୁକେଶିନୀ ନାୟକ ପ୍ରମୁଖ ଏହି ଅଭିଯାନର ନେତୃତ୍ୱ ନେଇଥିଲେ।

ବିଭିନ୍ନ ଦାବିରେ ଓଡ଼ିଶା ପାଇପ ଜଳ କର୍ମଚାରୀ ସଂଘର ବିକ୍ଷୋଭ: ଦାବି ପୂରଣ ନ ହେଲେ ସମୂହ ଛୁଟିରେ ଯିବାକୁ ଚେତାବନୀ

ବିଭିନ୍ନ ଦାବିରେ ଓଡ଼ିଶା ପାଇପ ଜଳ କର୍ମଚାରୀ ସଂଘର ବିକ୍ଷୋଭ: ଦାବି ପୂରଣ ନ ହେଲେ ସମୂହ ଛୁଟିରେ ଯିବାକୁ ଚେତାବନୀ

ବ୍ରହ୍ମପୁର ଅଫିସ,୧୨।୯: ଜଳ ଯୋଗାଣରେ ନିୟୋଜିତ କର୍ମଚାରୀଙ୍କ ବିଭିନ୍ନ ସମସ୍ୟା ନେଇ  ଓଡ଼ିଶା ପାଇପ ଜଳ କର୍ମଚାରୀ ସଂଘ ପକ୍ଷରୁ ବୁଧବାର ବିକ୍ଷୋଭ ପ୍ରଦର୍ଶନ କରାଯାଇଛି।

ଦାରିଙ୍ଗବାଡ଼ିରେ ମୋମୋ ଆତଙ୍କ: ବାରମ୍ବାର ଫୋନକଲ୍‌କୁ ନେଇ ଭୟରେ ସହକାରୀ ଶିକ୍ଷକ, ଥାନାରେ ଫେରାଦ

ଦାରିଙ୍ଗବାଡ଼ିରେ ମୋମୋ ଆତଙ୍କ: ବାରମ୍ବାର ଫୋନକଲ୍‌କୁ ନେଇ ଭୟରେ ସହକାରୀ ଶିକ୍ଷକ, ଥାନାରେ ଫେରାଦ

ଦାରିଙ୍ଗବାଡ଼ି,୧୨।୯(ଡି.ଏନ୍‌.ଏ.): ବ୍ଳୁ ହ୍ବେଲ ଗେମ୍‌ ପରେ ଏବେ ସାରା ଦେଶରେ ଅନଲାଇନ ଗେମ୍‌ ମୋମୋକୁ ନେଇ ସମସ୍ତେ ଚିନ୍ତାରେ ପଡ଼ିଯାଇଛନ୍ତି। ଏବେ ଏହି ମୋମୋ ଅନଲାଇନ ଗେମ୍‌ କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଆତଙ୍କ ଖେଳାଇଛି। ଉକ୍ତ ଥାନା ଅଞ୍ଚଳ କିରିକୁଟି ପଞ୍ଚାୟତ ଅଞ୍ଚଳରେ ଜନୈକ ସହକାରୀ ଶିକ୍ଷକଙ୍କ ଫୋନକୁ ମଙ୍ଗଳବାରଠାରୁ ଏହି କଲ୍‌ ବାରମ୍ବାର ଆସୁଥିବା ଜଣାପଡ଼ିଛି।

ଶାହା ହୋଇଛନ୍ତି ଠିକା ଅଧ୍ୟାପକ

ଶାହା ହୋଇଛନ୍ତି ଠିକା ଅଧ୍ୟାପକ

ବ୍ରହ୍ମପୁର ଅଫିସ୍‌,୧୨ା୯- ଗଞ୍ଜାମ ଜିଲାର ଅନ୍ୟତମ ପ୍ରମୁଖ ଶିକ୍ଷାନୁଷ୍ଠାନ ହେଉଛି ବ୍ରହ୍ମପୁର ବିନାୟକ ଆଚାର୍ଯ୍ୟ ମହାବିଦ୍ୟାଳୟ । ଯେଉଁ ମହାବିଦ୍ୟାଳୟରୁ ଏକଦା ମେଧାବୀ ଛାତ୍ରୀଛାତ୍ର ବାହାରୁଥିଲେ, ସେହି ମହାବିଦ୍ୟାଳୟରେ ଏବେ ଶିକ୍ଷା ବ୍ୟବସ୍ଥା ଭୁଶୁଡ଼ି ପଡ଼ିଛି । ପାଠ ପଢ଼ାଇବା ପାଇଁ ଆବଶ୍ୟକ ଅଧ୍ୟାପକ ନାହାନ୍ତି। ୫୦ଜଣ ନିୟମିତ ଅଧ୍ୟାପକଙ୍କର ଆବଶ୍ୟକତା ଥିବା ବେଳେ ମାତ୍ର ୨୦ଜଣ ଅଛନ୍ତି। ବଳକା ସବୁ ଠିକା ଅଧ୍ୟାପକ ା ସମାଲୋଚନାରୁ ବର୍ତ୍ତିବା ପାଇଁ ରାଜ୍ୟ ସରକାର ଠିକାରେ ଅଧ୍ୟାପକଙ୍କୁ ନିଯୁକ୍ତି ଦେଇଛନ୍ତି। କିନ୍ତୁ ନିୟମିତ ବ୍ୟବଧାନରେ ଏହି ଠିକା ଅଧ୍ୟାପକମାନେ ବଦଳୁ ଥିବା ଯୋଗୁ ପାଠ ପଢ଼ା  ବ୍ୟାହତ ହେବାରେ ଲାଗିଛି। ଗତ କିଛିବର୍ଷ ହେଲା ଛାତ୍ରୀଛାତ୍ରଙ୍କ ପରୀକ୍ଷା ଫଳ ନିମ୍ନମାନର ରହିଛି ।

ପରିମଳ, ଟ୍ରାଫିକ ସମସ୍ୟା ଉପରେ ଗୁରୁତ୍ୱ

ପରିମଳ, ଟ୍ରାଫିକ ସମସ୍ୟା ଉପରେ ଗୁରୁତ୍ୱ

ବ୍ରହ୍ମପୁର ଅଫିସ,୧୨ା୯-ବ୍ରହ୍ମପୁର ମହାନଗର ନିଗମ ସାଧାରଣ ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଗତ ୩୧ତାରିଖ ସ୍ବାୟତ୍ତଶାସନ ଦିବସ ଅବସରରେ ଭିତ୍ତିପ୍ରସ୍ତର ସ୍ଥାପନ କରାଯାଇଥିବା ଦୁଇଟି ପ୍ରକଳ୍ପ ଉପରେ ବୈଠକରେ ଆଲୋଚନା ହୋଇଥିଲା।  ସ୍ବାୟତ୍ତଶାସନ ଦିବସରେ ଭତ୍ତିପ୍ରସ୍ତର ସ୍ଥାପନ କରାଯାଇଥିବା ଅଣ୍ଡରଗ୍ରାଉଣ୍ଡ ଡଷ୍ଟବିନ ସ୍ଥାପନ ନେଇ ପଥ ପରିସ୍କାର ହୋଇଛି। ଏନେଇ ନିର୍ଦ୍ଧାରିତ ହୋଇଥିବା ୭ ସ୍ଥାନରେ ଏହି ଡଷ୍ଟବିନ ସ୍ଥାପନ କରାଯିବ। ନଭେମ୍ବର ୧୪ ମଧ୍ୟରେ ସମସ୍ତ ସ୍ଥାନରେ ଡଷ୍ଟବିନ ସ୍ଥାପନ କାର୍ଯ୍ୟ ଶେଷ ହେବ। ପ୍ରତି ଡଷ୍ଟବିନର ଧାରଣ କ୍ଷମତା ୨.୫ କ୍ୟୁବିକମିଟର ରହିବ। ଏଥିପାଇଁ ୩.୫ ଲକ୍ଷ ଟଙ୍କା ଖର୍ଚ୍ଚ ଅଟକଳ ହୋଇଛି। ଏହାବ୍ୟତୀତ ସହରରେ ଟ୍ରାଫିକ ସମସ୍ୟା ସୁଧାରିବା ଦିଗରେ ବିଏମ୍‌ସି ପକ୍ଷରୁ ଇଣ୍ଟିଗ୍ରେଟେଡ ଟ୍ରାଫିକ ବ୍ୟବସ୍ଥା ଆରମ୍ଭ ହେବ।

ଛାତରୁ ପଡି ମହିଳା ଗୁରୁତର

ଦିଗପହଣ୍ଡି,୧୨ା୯(ଡି.ଏନ.ଏ.) -ଦିଗପହଣ୍ଡି ବ୍ଲକ ବଡଡୁମ୍ବୁଳା ପଞ୍ଚାୟତ ସୁମନ୍ତପୁର ଗ୍ରାମରେ ଜଣେ ମହିଳ ଛାତରୁ ଖସି ଗୁରୁତର ଆହତ ହୋଇଛନ୍ତି। ସେ ହେଲେ ଝିଲି ପ୍ରଧାନ। ମଙ୍ଗଳବାର ମଧ୍ୟାହ୍ନ ପ୍ରାୟ ୧୨ଟାରେ ଲୁଗା ଶୁଖାଇବା ପାଇଁ ଘର ଛାତକୁ ଯାଇଥିବା ବେଳେ ଅସାବଧାନତା କାରଣରୁ ତଳକୁ ଖସି ପଡ଼ିଥିଲେ। ତାଙ୍କର ୨ଟି ହାତ ଭାଙ୍ଗି ଯାଇଥିବା ବେଳେ ମୁଣ୍ଡରେ ଗଭୀର ଆଘାତ ଲାଗିଛି। ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ବ୍ରହ୍ମପୁର  ବଡ଼ ମେଡିକାଲକୁ ସ୍ଥାନାନ୍ତର  କରାଯାଇଛି।

ଅପରାଧ ସମୀକ୍ଷା କଲେ ଗଞ୍ଜାମ ଏସ୍‌ପି

ଅପରାଧ ସମୀକ୍ଷା କଲେ ଗଞ୍ଜାମ ଏସ୍‌ପି

ଛତ୍ରପୁର,୧୨ା୯(ଡି.ଏନ.ଏ): -ଗଞ୍ଜାମ ପୋଲିସ ଜିଲା ଅପରାଧ ସମୀକ୍ଷା ବୈଠକ ମଙ୍ଗଳବାର ସ୍ଥାନୀୟ ଏସ୍‌ପିଙ୍କ ସମ୍ମିଳନୀ ଗୃହରେ ଅନୁଷ୍ଠିତ ହୋଇଥିଲା। ଏଥିରେ ଏସ୍‌ପି ବ୍ରିଜେଶ କୁମାର ରଏ ଅଧ୍ୟକ୍ଷତା କରି  ଛତ୍ରପୁର ଓ ପୁରୁଷୋତ୍ତମପୁର ଉପଖଣ୍ଡ ଅଧୀନ ଥାନାଗୁଡିକର ଅପରାଧ ସମୀକ୍ଷା କରିଥିଲେ। ଥାନାୱାରୀ ବିଭିନ୍ନ ଅପରାଧ ଉପରେ ଆଲୋଚନା ହୋଇଥିଲା। ଅପରାଧ ଘଟିଲେ ଅଭିଯୁକ୍ତଙ୍କୁ ତୁରନ୍ତ ଗିରଫ କରିବା, ପୁରୁଣା ଅପରାଧିଙ୍କ ଉପରେ ନଜର ରଖିବା, ଅସାମାଜିକ ବ୍ୟକ୍ତିଙ୍କୁ ଚିହ୍ନଟ କରିବାକୁ ଏସ୍‌ପି ନିର୍ଦ୍ଦେଶ ଦେଇଛନ୍ତି। ଗଣେଶ ପୂଜା, ଦୁର୍ଗା ପୂଜା, ଗଜଲକ୍ଷ୍ମୀ ପୂଜା  ଓ କାଳୀପୂଜା  ବେଳେ ବିଭିନ୍ନ ସ୍ଥାନରେ ଜୁଆ ଖେଳ ହୋଇଥାଏା ଆଗକୁ ଏସବୁ ପୂଜା ଥିବାରୁ ଏହା ଉପରେ ନଜର ରଖି ଚଢାଉ କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏସପି କହିଥିଲେ।

ନିର୍ମାଣ କାର୍ଯ୍ୟ ନିମ୍ନମାନର ହେଲେ ଅଧିକାରୀ ଦାୟୀ

ଛତ୍ରପୁର,୧୧ା୯(ଡି.ଏନ.ଏ.)- ଗଞ୍ଜାମ ଜିଲା ଡୁଡା (ଜିଲା ସହରାଞ୍ଚଳ ଉନ୍ନୟନ ସଂସ୍ଥା)ର ଏକ ସମୀକ୍ଷା ବୈଠକ ମଙ୍ଗଳବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ଅନୁଷ୍ଠିତ ହୋଇଯାଇଛି। ଏଥିରେ ଜିଲାପାଳ ବିଜୟ ଅମୃତା କୁଲାଙ୍ଗେ ଅଧ୍ୟକ୍ଷତା କରିଥିଲେ। ସହରାଞ୍ଚଳରେ ହେଉଥିବା ବିଭିନ୍ନ ନିର୍ମାଣ କାର୍ଯ୍ୟ ନିମ୍ନମାନର ହେଲେ ସମ୍ପୃକ୍ତ ଅଧିକାରୀଙ୍କୁ ଦାୟୀ କରାଯିବ। ନିର୍ମିତ ଗୃହ ଯଦି ଜନସାଧାରଣଙ୍କ ବ୍ୟବହାର ଉପଯୋଗୀ ନ ହେଲା ତେବେ ତାହା ସରକାରୀ ଅର୍ଥର ଦୁରୂପଯୋଗ ବୋଲି ଧରାଯିବ। ଏହି ଅର୍ଥ ସମ୍ପୃକ୍ତ ଅଧିକାରୀଙ୍କ ଦରମାରୁ ଆଦାୟ କରାଯିବ। 

ବିଡିଓଙ୍କ ବଦଳି ଦାବିରେ ଆନ୍ଦୋଳନ

ବିଡିଓଙ୍କ ବଦଳି ଦାବିରେ ଆନ୍ଦୋଳନ

ଆର.ଉଦୟଗିରି,୧୨ା୯(ଡି.ଏନ.ଏ.) - ଗଜପତି ଜିଲା ନୂଆଗଡ଼ ବିଡିଓଙ୍କୁ ବଦଳି ଦାବିରେ ମଙ୍ଗଳବାର ଭାଜପା ପକ୍ଷରୁ ଆନ୍ଦୋଳନ ସହ ରାଲି ଅନୁଷ୍ଠିତ ହୋଇଯାଇଛି। ନୂଆଗଡ଼ ଗ୍ରାମର ଶିଶୁ ମନ୍ଦିର ଠାରୁ ଭାଜପାର ଶତାଧିକ କର୍ମୀ ରାଲିରେ ବିଭିନ୍ନ ସ୍ଲୋଗାନ୍‌ ଦେଇ ଗ୍ରାମ ପରିକ୍ରମା କରିବା ସହ ଗ୍ରାମରେ ଏକ ପଥପ୍ରାନ୍ତ ସଭା ଅନୁଷ୍ଠିତ ହୋଇଥିଲା। ପରେ ଏହି ରାଲି ବ୍ଲକ କାର୍ଯ୍ୟାଳୟ ସମ୍ମୁଖରେ ପହଞ୍ଚତ୍ଥିଲା। ଏଥିରେ ଯୋଗଦେଇଥିବା ନେତାମାନେ ବ୍ଲକରେ ବିଭିନ୍ନ ଦୁର୍ନୀତି ଓ ପିସି କାରବାର ବେଧଡକ ଚାଲିଥିବା ନେଇ ବକ୍ତବ୍ୟ ରଖିଥିଲେ। ତେଣୁ ତୁରନ୍ତ ଏଠାରୁ ବିଡିଓଙ୍କୁ ବଦଳି କରାଯାଉ ବୋଲି ଦାବି କରିଥିଲେ। 

ମୋହନାରୁ ୭ ଶିଶୁ ଶ୍ରମିକ ଉଦ୍ଧାର

ମୋହନା,୧୨ା୯(ଡି.ଏନ୍‌.ଏ.): ମୋହନା ପୋଲିସ ଓ ଚାଇଲ୍ଡ ଲାଇନର ମିଳିତ ଉଦ୍ୟମରେ ମୋହନା ଓ ଚନ୍ଦ୍ରଗିରି ଅଞ୍ଚଳର ବିଭିନ୍ନ ସ୍ଥାନରେ ଚଢାଉ କରି ୭ ଶିଶୁ ଶ୍ରମିକଙ୍କୁ ଉଦ୍ଧାର କରାଯାଇଛି। ମୋହନା ଥାନାଧିକାରୀ ପ୍ରଶାନ୍ତ କୁମାର ବେହେରା, ଚାଇଲ୍ଡ ଲାଇନ ନିର୍ଦ୍ଧେଶକ ଦୁର୍ଯ୍ୟୋଧନ କରଡା ସଦଳବଳ ଚଢାଉ କରି ଗଞ୍ଜାମ ଜିଲାର ୪ ଜଣ ଶିଶୁ ଶ୍ରମିକ, ମୋହନାର ଅଞ୍ଚଳର ୨ ଜଣ ଶିଶୁଙ୍କୁ ଉଦ୍ଧାର କରିଥିଲେ। ସମସ୍ତ ୭ ଜଣ ଶିଶୁ ଶ୍ରମିକଙ୍କୁ ଚାଇଲ୍ଡ ଲାଇନକୁ ମୋହନା ପୋଲିସ ହସ୍ତାନ୍ତର କରିବା ପରେ ସମସ୍ତଙ୍କୁ କାର୍ଯ୍ୟାଳୟରେ ରାତିରେ ରଖି ସକାଳୁ ଶିଶୁ ମଙ୍ଗଳ ସମିତି ପାରଳାଖେମୁଣ୍ଡିକୁ ହସ୍ତାନ୍ତର କରାଯାଇଥିବା କାର୍ଯ୍ୟାଳୟ ସୂତ୍ରରୁ ପ୍ରକାଶ।

ଦିନରେ ଜଳୁଛି ଷ୍ଟ୍ରିଟ୍‌ ଲାଇଟ୍‌

ବାଲିଗୁଡ଼ା,୧୨ା୯(ଡି.ଏନ୍‌.ଏ.)-ବାଲିଗୁଡ଼ା ସଦର ମହକୁମାର ବିଭିନ୍ନ ୱାର୍ଡରେ ଷ୍ଟ୍ରିଟ ଲାଇଟ୍‌ ଗୁଡ଼ିକ ଦିନରାତି ଜଳୁଛି। ବାଲିଗୁଡ଼ା ଏନ୍‌ଏସିର ଖଜୁରିନାଳ, ଡୁମୁଡ଼ିସାହି, ବଡ଼ଗଁା, ଭଗାମୁଣ୍ଡା, ଡହଲପଡ଼ି ଭଳି ବିଭିନ୍ନ ଓ୍ବାର୍ଡରେ ଏଭଳି ଘଟଣା ଦେଖିବାକୁ ମିଳୁଛି। ନୂଆରେ ଲଗାଯାଇଥିବା ଏଲଇଡି. ଲାଇଟ୍‌ ଗୁଡ଼ିକ ଦିନରାତି ଜଳୁଥିବାରୁ ଅଯଥା ବିଦ୍ୟୁତ୍‌ ଅପଚୟ ହେଉଥିବା ଜନସାଧାରଣ କହିଛନ୍ତି। ବିଭାଗୀୟ ଯନ୍ତ୍ରୀ ହରିହର ଦତ୍ତ କହିଛନ୍ତି ସେ କହିଥିଲେ ତାହା ଆମ ଅଗୋଚରରେ ଅଛି, ଏହି ଷ୍ଟ୍ରିଟ୍‌ ଲାଇଟ୍‌ ଗୁଡ଼ିକର ଦାୟିତ୍ୱ ଏନ୍‌ଏସି କର୍ତ୍ତୃପକ୍ଷ ନେଇଛନ୍ତି, ସେମାନଙ୍କୁ ଅବଗତ କରି ସମାଧାନ କରାଯିବ। ଏନ୍‌ଏସି ନିର୍ବାହୀ ଅଧିକାରୀ ଜୟଦେବ ଷଡଙ୍ଗୀଙ୍କୁ ପଚାରିବାରୁ ପ୍ରତ୍ୟକ ଷ୍ଟ୍ରିଟ ଲାଇଟ୍‌ ଖୁଣ୍ଟରେ ଟାଇମର ମେସିନ୍‌ ଲଗାଯିବ ତା’ପରେ ଏହି ସମସ୍ୟାର ସମାଧାନ ହୋଇଯିବ।

ମୃତଦେହ ରଖି ତହସିଲ ଆଗରେ ଧାରଣା

ମୃତଦେହ ରଖି ତହସିଲ ଆଗରେ ଧାରଣା

ଦିଗପହଣ୍ଡି,୧୨ା୯(ଡି.ଏନ.ଏ.)-ଦିଗପହଣ୍ଡି ବ୍ଲକ କରପଡ଼ା ପଞ୍ଚାୟତ ହାତିଆଡ଼ି ଗ୍ରାମର ଚାଷୀ ରାମଚନ୍ଦ୍ର ପ୍ରଧାନ ଋଣଭାର ସହିନପାରି ଆତ୍ମହତ୍ୟା କରିଥିବା ଅଭିଯୋଗ ହୋଇଛି। କୀଟନାଶକ ଔଷଧ ଖାଇଦେବା ପରେ ସେ ଗୁରୁତର ହୋଇପଡ଼ିଥିଲେ। ମଙ୍ଗଳବାର ଚିକିତ୍ସାଧିନ ଅବସ୍ଥାରେ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ରାମଚନ୍ଦ୍ରଙ୍କ ମୃତ୍ୟୁ ଘଟିଥିଲା। ବୈଦ୍ୟନାଥପୁର ଥାନାରେ ଏନେଇ ନଂ.୪୫୨/୧୮ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇ ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା।

ରେଳ ପ୍ଲାଟଫର୍ମ, ରେଳ ଚିତ୍ର ମାଧ୍ୟମରେ ହେବ ଆଇଟିଆଇ କ୍ଲାସ୍‌

ରେଳ ପ୍ଲାଟଫର୍ମ, ରେଳ ଚିତ୍ର ମାଧ୍ୟମରେ ହେବ ଆଇଟିଆଇ କ୍ଲାସ୍‌

ବ୍ରହ୍ମପୁର ଅଫିସ,୧୨ା୯-ଏଣିକି ରେଳ ପ୍ଲାଟଫର୍ମ, ରେଳ ମଧ୍ୟରେ ପାଠପଢା ହେବ। ଛାତ୍ରୀଛାତ୍ରଙ୍କୁ ଏଭଳି ଅନୁଭବ କରାଇବା ନେଇ ବ୍ରହ୍ମପୁର ଆଇଟିଆଇର କ୍ଲାସ୍‌ରୁମଗୁଡିକର କାନ୍ଥରେ ସମ୍ପୂର୍ଣ୍ଣ ଟ୍ରେନର ପେଣ୍ଟ କରାଯାଇଛି। ଗ୍ରାମାଞ୍ଚଳ ପିଲାଙ୍କୁ ଆଇଟିଆଇ ପାଠ୍ୟକ୍ରମ ପ୍ରତି ଆକର୍ଷିତ କରିବା ଓ ପାଠପଢା ପାଇଁ ଏକ ଅନୁକୂଳ ପରିବେଶ ସୃଷ୍ଟି କରିବା ଉଦ୍ଦେଶ୍ୟ ନେଇ ବ୍ରହ୍ମପୁର ସରକାରୀ ଶିଳ୍ପାନୁଷ୍ଠାନ ପକ୍ଷରୁ ଏହି ଅଭିନବ ପ୍ରୟାସ ଆରମ୍ଭ କରାଯାଇଛି। ଗ୍ରାମାଞ୍ଚଳ ତଥା ଆଭ୍ୟନ୍ତରୀଣ ଅଞ୍ଚଳରୁ ଅଧ୍ୟୟନ ପାଇଁ ଆସିଥିବା ଛାତ୍ରୀଛାତ୍ରଙ୍କୁ ରେଳରେ ବସିବାର ଅନୁଭବ କରାଇବାକୁ ଆଇଟିଆଇରେ ଥିବା ସମସ୍ତ କ୍ଲାସରୁମ୍‌ କାନ୍ଥକୁ ରେଳ ବଗିଭାବେ  ଚିତ୍ରିତ କରାଯାଇଥିବା ବେଳେ କ୍ଲାସରୁମ ଯାତାୟାତ ପଥକୁ  ରେଳପ୍ଲାଟଫର୍ମରେ ପରିଣତ କରାଯାଇଛି। ପ୍ରଥମ ପର୍ଯ୍ୟାୟରେ ୧୦ କ୍ଲାସରୁମ ଥିବା ଏକ ଫ୍ଲୋରକୁ ରେଳ ପ୍ଲାଟଫର୍ମ ଆକୃତିର ପେଣ୍ଟ କରାଯାଇଛି। ଅନୁଷ୍ଠାନରେ ଅଧ୍ୟୟନରତ ଫିଟର ଟ୍ରେଡର ଛାତ୍ରୀଛାତ୍ରମାନେ ସପ୍ତାହେ ପରିଶ୍ରମ କରି କ୍ଲାସରୁମଗୁଡିକର କାନ୍ଥରେ ଏହି ପେଣ୍ଟ କରିଛନ୍ତି।

ମିଳିଲେ ୩୮୦ଶିଶୁ ଶ୍ରମିକ

ମିଳିଲେ ୩୮୦ଶିଶୁ ଶ୍ରମିକ

ବ୍ରହ୍ମପୁର ଅଫିସ/ଛତ୍ରପୁର - (ଡି.ଏନ୍‌.ଏ.), ୧୨ା୯-ଶିଶୁ ଶ୍ରମିକ, ବାଲ୍ୟ ବିବାହ, ନାବାଳିକା ନିର୍ଯାତନା ଆଦି ରୋକିବା ପାଇଁ ସରକାରଙ୍କ ପକ୍ଷରୁ ବହୁ ପଦକ୍ଷେପ ହାତକୁ ନିଆଯାଇଛି। ସେଥି ମଧ୍ୟରୁ ଅପରେସନ୍‌ ପରୀ ଅନ୍ୟତମ। ବିଭିନ୍ନ କ୍ଷେତ୍ରରେ କାର୍ଯ୍ୟରତ ଶିଶୁ ଶ୍ରମିକଙ୍କୁ ଉଦ୍ଧାର କରାଯିବା ଏବଂ ସେମାନଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ କରାଯିବ। ସେହିପରି ପରିବାର ବର୍ଗଙ୍କୁ ହସ୍ତାନ୍ତର କରାଯିବା ସହ ସଚେତନତା ସୃଷ୍ଟି କରିବା ହେଉଛି ଏହାର ମୂଳ ଲଖ୍ୟ। ପୂର୍ବରୁ ଅପରେସନ୍‌ ଷ୍ମାଇଲ୍‌ ନାମରେ ଏହି କାର୍ଯ୍ୟକ୍ରମ ସମସ୍ତ ଥାନା ଅଞ୍ଚଳରେ ଚାଲୁ ରହିଥିଲା। ବିଶେଷ କରି ନିଖୋଜ ଶିଶୁଙ୍କୁ ଉଦ୍ଧାର କରି ସେମାନଙ୍କୁ ସିଡବ୍ଲ୍ୟୁସି (ଶିଶୁ ମଙ୍ଗଳ କମିଟି)କୁ ହସ୍ତାନ୍ତର କରିବା ନେଇ ଗୁରୁତ୍ୱାରୋପ ଦିଆଯାଉଥିବା ଜଣାପଡିଛି। ଆବଶ୍ୟକ ପଡିଲେ ଏସଂକ୍ରାନ୍ତରେ ମକଦ୍ଦମା ରୁଜୁ ହେବା ପାଇଁ ନିର୍ଦ୍ଦେଶ ରହିଛି। ଏହି କାର୍ଯ୍ୟକ୍ରମ ସାରା ରାଜ୍ୟରେ ୧ ସେପ୍ଟେମ୍ବରରୁ ଆରମ୍ଭ ହୋଇଥିବା ବେଳେ ୧୫ ତାରିଖରେ ଶେଷ ହେବ ବୋଲି ଜଣାଯାଇଛି। ରାଜ୍ୟ ଗୋଇନ୍ଦା ବିଭାଗ ପକ୍ଷରୁ ପ୍ରାପ୍ତ ସୂଚନା ମୁତାବକ ରାଜ୍ୟରେ ସର୍ବାଧିକ ଗଞ୍ଜାମ ଏବଂ ବ୍ରହ୍ମପୁର ପୋଲିସ ଜିଲାରେ ଶିଶୁ ଶ୍ରମିକ ଉଦ୍ଧାର ହୋଇଥିବା ବେଳେ ଏ ସଂକ୍ରାନ୍ତରେ କେବଳ ଗୋଟିଏ ମାମଲା ରୁଜୁ ହୋଇଥିବା ଜଣାପଡିଛି।