ବ୍ରହ୍ମପୁର
ଗଛ ପଡ଼ି ୨ ଗୁରୁତର,ଗାଡ଼ି ଚଳାଚଳ ବାଧାପ୍ରାପ୍ତ
ରାଇକିଆ,୧୨।୭(ଡ଼ି.ଏନ.ଏ)-କନ୍ଧମାଳ ଜିଲା ରାଇକିଆ ଷ୍ଟେଟ ବ୍ୟାଙ୍କ ଛକ ନିକଟରେ ଏକ ଗଛ ଉପୁଡ଼ି ରାସ୍ତା ଉପରେ ପଡ଼ିବା ଫଳରେ ୨ ଜଣ ଗୁରୁତର ହୋଇଛନ୍ତି। ଦାର୍ଘବର୍ଷ ହେଲା ମୁଖ୍ୟ ରାସ୍ତା କଡ଼ରେ ଥିବା ଏକ ପୁରୁଣା କୃଷ୍ଣଚୂଡ଼ା ଗଛ ହଠାତ ଭାଙ୍ଗି ରାସ୍ତା ଉପରେ ପଡିବାରୁ ଆରୋହୀ ଗୁରୁତର ହୋଇଥିଲେ।
ସ୍କୁଟର ସହ ମଦ ଜବତ : ଜଣେ ଗିରଫ
ଆସିକା,୧୨।୭(ଡି.ଏନ୍.ଏ.): ଆସିକା ଥାନା କୋଟିନଡା ଫାଣ୍ଡି ଅନ୍ତର୍ଗତ ତରାସିଙ୍ଗି ଗ୍ରାମ ନିକଟରୁ ପୋଲିସ ମଙ୍ଗଳବାର ରାତିରେ ଏକ ସ୍କୁଟରରେ ଚାଲାଣ ହେଉଥିବା ୧୦୦ ଲିଟର ମଦ ଜବତ କରିଛି। ଏହି ମାମଲାରେ ତରାସିଙ୍ଗି ଗ୍ରାମର ଅଜିତ କୁମାର ସାହୁଙ୍କୁ ଗିରଫ କରାଯାଇଛି ।
ଓଡ଼ିଶା ଛାଡ଼ି ଆନ୍ଧ୍ରମୁହାଁ ତେଲୁଗୁ ଛାତ୍ରୀଛାତ୍ର
ପାତ୍ରପୁର,୧୨।୭(ଡି.ଏନ୍.ଏ.)- ଶିକ୍ଷା ବ୍ୟବସ୍ଥାରେ ସଂସ୍କାର ଓ ମାନ ବୃଦ୍ଧିପାଇଁ ସରକାର ବିଭିନ୍ନ ଯୋଜନା ପ୍ରସ୍ତୁତ କରିଛନ୍ତି। ଛାତ୍ରୀଛାତ୍ରଙ୍କୁ ବିଦ୍ୟାଳୟ ପ୍ରତି ଆକୃଷ୍ଟ କରିବାକୁ ମଧ୍ୟାହ୍ନଭୋଜନ, ମାଗଣାରେ ପୋଷାକ, ବହିପତ୍ର ଆଦି ଯୋଗାଇ ଦେଉଛନ୍ତି।
ନବନିର୍ମିତ ଅଙ୍ଗନୱାଡି କୋଠା ପାଲଟିଛି ଅସାମାଜିକଙ୍କ ଆଡ୍ଡାସ୍ଥଳୀ
ଗଞ୍ଜାମ,୧୨।୭(ଡି.ଏନ.ଏ.)-ଗଞ୍ଜାମ ଏନ୍ଏସି ୱାର୍ଡ ନଂ.୫ ହରିଜନସାହିରେ ଅଙ୍ଗନୱାଡ଼ି କେନ୍ଦ୍ର ନିର୍ମାଣ ସରିଛି। ମାତ୍ର ଏହା କାର୍ଯ୍ୟକାରୀ ହୋଇ ନ ଥିବାରୁ ଅସାମାଜିକ ବ୍ୟକ୍ତିଙ୍କ ଆଡ୍ଡାସ୍ଥଳୀ ପାଲଟିଛି। ମାର୍କେଟ ଅଞ୍ଚଳଠାରୁ କୋଠାଟି ଭିତରକୁ ଥିବାରୁ ଦିନ ରାତି ଏଠାରେ ଅସାମାଜିକ ଯୁବକ ମାନେ ନିଶାସେବନ କରୁଥିବା ସାହିବାସିନ୍ଦା ଅଭିଯୋଗ କରିଛନ୍ତି।
୫ ବର୍ଷ ପରେ ତାଲା ଖୋଲିଲା, ପଞ୍ଚାୟତ ଗୋଦାମରୁ ବାହାରିଲା ଖତ ଚାଉଳ
ଭଞ୍ଜନଗର,୧୨।୭(ଡି.ଏନ.ଏ.)--ବେଲଗୁଣ୍ଠା ବ୍ଲକ ତନରଡ଼ା ପଞ୍ଚାୟତର ଏକ ଗୋଦାମ ଗୃହର ଚାବିକୁ ଜଣେ ପୂର୍ବତନ କର୍ମଚାରୀ ୫ବର୍ଷ ପରେ ବତ୍ତର୍ର୍ମାନର କର୍ମଚାରୀଙ୍କୁ ହସ୍ତାନ୍ତର କରିଥିଲେ। ବୁଧବାର ଉକ୍ତ ଗୃହରୁ ତାଲା ଖୋଲାଯାଇଥିଲା। ସେଥିରୁ ପ୍ରାୟ ୨୦ କୁଇଣ୍ଟାଲ ଖତ ଚାଉଳ ବାହାରିଛି।
ସୁଶାନ୍ତଙ୍କୁ ମାରିବା ପାଇଁ ହୋଇଥିଲା ଯୋଜନା
ବ୍ରହ୍ମପୁର ଅଫିସ,୧୨।୭- ଲାଞ୍ଜିପଲ୍ଲୀ ଦୁର୍ଗାମଣ୍ଡପ ଛକ ତଥା ରେଳ ଷ୍ଟେଶନର ପଛ ପାର୍ଶ୍ୱ ନିକଟରେ ରବିବାର ଘଟିଥିବା ଏକ ଚଳନ୍ତା କାର ଉପରକୁ ବୋମା ମାଡ଼ ଘଟଣାର ପର୍ଦ୍ଦାଫାଶ କରିଛି ପୋଲିସ। ଚିକେନ ରବି ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ସୁଶାନ୍ତ ବିଷୋୟୀଙ୍କୁ ହତ୍ୟା କରିବା ପାଇଁ ଯୋଜନା ହୋଇଥିଲା।
ଛପା ହେଲା ଆଇନ ବ୍ରେଲ୍ ବହି
ବ୍ରହ୍ମପୁର ଅଫିସ୍,୧୨।୭: ଓଡ଼ିଶାରେ କିଛିବର୍ଷ ହେଲା ଦୃଷ୍ଟିହୀନ ଛାତ୍ରୀଛାତ୍ରମାନେ ପ୍ରତିଯୋଗିତାମୂଳକ ପରୀକ୍ଷାଗୁଡ଼ିକରେ କୃତକାର୍ଯ୍ୟ ହେଉଛନ୍ତି। ସାଧାରଣ ଛାତ୍ରୀ ଛାତ୍ରଙ୍କ ଭଳି ସେମାନେ ମଧ୍ୟ ପ୍ରଶାସନିକ ସେବାରେ କ୍ୟାରିୟର ଗଢ଼ିବା ପାଇଁ ଆଗକୁ ଆସିଲେଣି।
ସିଏସ୍ଆର : ୨୯ ପ୍ରକଳ୍ପର ତାଲିକା ଦେଲା ପ୍ରଶାସନ
ଛତ୍ରପୁର,୧୨।୭(ଡି.ଏନ.ଏ.) ଗଞ୍ଜାମ ଜିଲାରେ ଥିବା ଶିଳ୍ପ ଓ କାରଖାନାମାନଙ୍କ ପକ୍ଷରୁ ସିଏସଆର୍ (କର୍ପୋରେଟ୍ ସୋସିଆଲ ରେସପନ୍ସବିଲିଟି)ରେ କ’ଣସବୁ ଜନସାଧାରଣଙ୍କ ପାଇଁ କରାଯାଉଛି ସେସମ୍ପର୍କରେ ପ୍ରଶାସନ ନିକଟରେ ତଥ୍ୟ ନାହିଁ। ବୁଧବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ଏ ନେଇ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା।
ଭଞ୍ଜନଗର କୋର୍ଟରେ ହାଜର ହେଲେ ସବ୍ୟସାଚୀ
ଭଞ୍ଜନଗର,୧୧।୭(ଡି.ଏନ.ଏ)-ମାଓବାଦୀ ନେତା ସବ୍ୟସାଚୀ ପଣ୍ଡାଙ୍କୁ ପୋଲିସ ବୁଧବାର କଡ଼ା ସୁରକ୍ଷା ମଧ୍ୟରେ ବ୍ରହ୍ମପୁର ଜେଲରୁ ଆଣି ଭଞ୍ଜନଗର ଏଡ଼ିଜେ କୋର୍ଟରେ ହାଜର କରିଥିଲା। ବଡ଼ଗଡ଼ ଥାନା ଅଞ୍ଚଳର ଏକ ମାମଲାରେ ଜଣେ କନେଷ୍ଟବଳ ଓ ଜଣେ ସାଧାରଣ ବ୍ୟକ୍ତି ସାକ୍ଷ୍ୟ ପ୍ରଦାନ କରିଛନ୍ତି।
ମହିଳାଙ୍କ ସନ୍ଦେହଜନକ ମୃତ୍ୟୁ, ସ୍ବାମୀ ଅଟକ
ହିଞ୍ଜିଳିକାଟୁ,୧୧।୭(ଡ଼ି.ଏନ୍.ଏ)- ହିଞ୍ଜିଳି ଥାନା ବ୍ରାହ୍ମଣଛାଇ ଗ୍ରାମର ଜଣେ ମହିଳାଙ୍କର ମଙ୍ଗଳବାର ସନ୍ଦେହଜନକ ଭାବେ ମୃତ୍ୟୁ ଘଟିଛି। ସେ ହେଲେ ଅଳି ପ୍ରଧାନ। ଭଉଣୀଙ୍କୁ ଶାଶୁ ଘର ଲୋକେ ଷଡ଼ଯନ୍ତ୍ର କରି ହତ୍ୟା କରିଥିବା ଅଳିଙ୍କ ଭାଇ ଶ୍ରୀକାନ୍ତ ଦଳେଇ ହିଞ୍ଜିଳି ଥାନାରେ ଅଭିଯୋଗ କରିଛନ୍ତି। ପୋଲିସ ଯୌତୁକଜନିତ ହତ୍ୟା ମାମଲା (ନଂ.୧୫୫/୧୮) ରୁଜୁ କରିଛି।
କଂଗ୍ରେସର କର୍ମୀ ସମ୍ମିଳନୀ: ଦଳକୁ ମଜବୁତ୍ କରିବାକୁ ନେଲେ ଶପଥ
ଭଞ୍ଜନଗର,୧୧।୭(ଡି.ଏନ.ଏ.)-ଦୀର୍ଘଦିନର ବ୍ୟବଧାନ ପରେ ଭଞ୍ଜନଗର ନିର୍ବାଚନମଣ୍ଡଳୀ କଂଗ୍ରେସ ପକ୍ଷରୁ କର୍ମୀ ସମ୍ମିଳନୀ ଭଞ୍ଜ ସାହିତ୍ୟ ପରିଷଦରେ ଅନୁଷ୍ଠିତ ହୋଇଯାଇଛି । ଏଥିରେ ଭଞ୍ଜନଗର ବ୍ଲକ କଂଗ୍ରେସ ସଭାପତି ଅଯୋଧ୍ୟାନାଥ ମହାପାତ୍ର ଅଧ୍ୟକ୍ଷତା କରିଥିଲେ।
ସମବାୟ ଦ୍ୱାରଦେଶରେ କାର୍ଯ୍ୟକ୍ରମରେ କୃଷକ ସମାବେଶ
ବୁଗୁଡ଼ା,୧୧।୭(ଡି.ଏନ.ଏ.)- ବୁଗୁଡ଼ା ବ୍ଲକ ଗୋଳାବନ୍ଧ ଭାରତ ନିର୍ମାଣ ରାଜୀବ ଗାନ୍ଧୀ ସେବାକେନ୍ଦ୍ରରେ ଗୋଳାବନ୍ଧ ସେବା ସମବାୟ ସମିତି ପକ୍ଷରୁ ସମବାୟ ଆପଣଙ୍କ ଦ୍ୱାରଦେଶରେ କାର୍ଯ୍ୟକ୍ରମରେ ଏକ କୃଷକ ସମାବେଶ ଅନୁଷ୍ଠିତ ହୋଇଯାଇଛି।
ବଳଦେବ ସ୍ବାମୀ ବରିଷ୍ଠ ନାଗରିକ ଟ୍ରଷ୍ଟର ବୈଠକ
ବୁଗୁଡ଼ା,୧୧।୭(ଡି.ଏନ.ଏ.)- ବୁଗୁଡ଼ା ବଳଦେବ ସ୍ବାମୀ ବରିଷ୍ଠ ନାଗରିକ ଟ୍ରଷ୍ଟର ଏକ ବୈଠକ ସ୍ଥାନୀୟ କାରଗିଲ୍ ଶହୀଦ ସ୍ମୃତି ଭବନ ଠାରେ ଅନୁଷ୍ଠିତ ହୋଇଥିଲା। ଏଥିରେ କୈଳାସ ଚନ୍ଦ୍ର ମିଶ୍ର ସଭାପତିତ୍ୱ କରିଥିଲେ।
ଜମିପଟ୍ଟା ବଣ୍ଟନ ମେଳା
ବୁଗୁଡ଼ା,୧୧।୭(ଡି.ଏନ.ଏ.)- ବୁଗୁଡ଼ା ବିଜ୍ଞାପିତ ଅଞ୍ଚଳ ପରିଷଦ ସ୍ତରୀୟ ଜମିପଟ୍ଟା ବଣ୍ଟନ ମେଳା ମଙ୍ଗଳବାର ନିକଟସ୍ଥ ମାଳିଝୋଳା ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି। ତହସିଲ ପ୍ରଶାସନ ପକ୍ଷରୁ ଆୟୋଜିତ ଏହି ମେଳାରେ ତହସିଲଦାର ସଂଗ୍ରାମ କେଶରୀ ଜେନା ସଭାପତିତ୍ୱ କରିଥିଲେ।
ଅଲାରିଗଡ଼ ଜଗନ୍ନାଥ ମନ୍ଦିର ରଥଯାତ୍ରାର କାର୍ଯ୍ୟସୂଚୀ ଚୁଡ଼ାନ୍ତ
ଶେରଗଡ଼,୧୧।୭(ଡି.ଏନ୍.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକ ଅନ୍ତର୍ଗତ ଅଲାରିଗଡ଼ରେ ପ୍ରଥମ ଥର ପାଇଁ ରଥଯାତ୍ରା ହେବ। ଏଥିନିମନ୍ତେ ଅଲାରିଗଡ଼ଠାରେ ବୁଧବାର ଏକ ବୈଠକ ବସି କାର୍ଯ୍ୟସୂଚି ଚୁଡ଼ାନ୍ତ କରାଯାଛି।
ଚୁଡ଼ାନ୍ତ ପର୍ଯ୍ୟାୟରେ ରଥକାମ: ପ୍ରଶାସନ ପକ୍ଷରୁ ବଡ଼ଦାଣ୍ଡର ତଦନ୍ତ
ଶେରଗଡ଼,୧୧।୭(ଡି.ଏନ୍.ଏ.): ଗଞ୍ଜାମ ଜିଲା ଶେରଗଡ଼ର ଚଳିତ ବର୍ଷ ରଥଯାତ୍ରା ପାଇଁ ବୁଧବାର ସୁଦ୍ଧା ପ୍ରସ୍ତୁତି ଚୁଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। ରଥକାମ ଦିନକ ମଧ୍ୟରେ ସମାପନ କରିବା ପାଇଁ ରାଜଶ୍ରୀ ମହାରଣା ଓ ରାମହରି ମହାରଣାଙ୍କ ନେତୃତ୍ୱରେ୧୫ଜଣିଆ ମହାରଣା ଦଳ ରଥ ନିର୍ମାଣରେ ଲାଗିଛନ୍ତି। ୧୩ରେ ନେତ୍ର ଉତ୍ସବ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି।
ଲାଞ୍ଜିପଲ୍ଲୀରେ ଆତଙ୍କ ଖେଳାଇବା ଘଟଣାରେ ୬ ଗିରଫ
ବ୍ରହ୍ମପୁର ଅଫିସ,୧୧ା୭-ରବିବାର ବୈଦ୍ୟନାଥପୁର ଥାନା ଅନ୍ତର୍ଗତ ଲାଞ୍ଜିପଲ୍ଲୀ ଦୁର୍ଗା ମଣ୍ଡପ ନିକଟରେ ବୋମାମାଡ଼ ଘଟଣା ପରେ କିଛି ଯୁବକ ଖଣ୍ଡା, କଟୁରି ଆଦି ମାରଣାସ୍ତ୍ର ଧରି ଆତଙ୍କ ଚଳାଇଥିଲେ। ଏ ସମ୍ବନ୍ଧରେ ଖବର ପାଇ ପୋଲିସ ସେଠାରେ ଚଢାଉ କରିଥିଲା। ହେଲେ ପୋଲିସକୁ ଦେଖି ସେମାନେ ପଳାଇଥିଲେ। ପୋଲିସ ଘଟଣାର ତଦନ୍ତ ଜାରି ରଖିଥିଲା। ଆତଙ୍କ ସୃଷ୍ଟି କରୁଥିବା ୬ ଜଣଙ୍କୁ ପୋଲିସ ମଙ୍ଗଳବାର ଗିରଫ କରିଛି। ସେମାନେ ହେଲେ ରାଧାକ୍ରିଷ୍ଣ ସାହୁ, ଦୀପକ ନାଏକ, ଶିବ କୁମାର ଘଣ୍ଟ, ଗୋବିନ୍ଦ ନାଏକ, ପ୍ରତୀକ କୁମାର ଦଳେଇ ଓ ରାମ କୃଷ୍ଣ ଜେନା ବୋଲି ଥାନାଧିକାରୀ ଜୟ କୁମାର ପଟ୍ଟନାୟକ ସୂଚନା ଦେଇଛନ୍ତି ା
ବ୍ରହ୍ମପୁର ବିଶ୍ୱବିଦ୍ୟାଳୟ: ଖୋଲିବ ବି. ଫାର୍ମା, ବି. ଲିବ୍ ପାଠ୍ୟକ୍ରମ
ବ୍ରହ୍ମପୁର ଅଫିସ,୧୧ା୭-ବ୍ରହ୍ମପୁର ବିଶ୍ୱବିଦ୍ୟାଳୟରେ ଚଳିତ ଶିକ୍ଷା ବର୍ଷ ୨୦୧୮-୧୯ରେ ବି. ଫାର୍ମା(ବାଚେଲର ଅଫ ଫାର୍ମାସୀ), ବି. ଲିବ(ବାଚେଲର ଅଫ ଲାଇବ୍ରେରିୟାନ ସାଇନ୍ସ) ପାଠ୍ୟକ୍ରମ ଆରମ୍ଭ କରିବାକୁ ଯୋଜନା ହୋଇଛି। ଏଥିପାଇଁ ଆବଶ୍ୟକ ଭିତ୍ତିଭୂମି ଯାଞ୍ଚ ଲାଗି ତିନିଜଣିଆ ପ୍ରତିନିଧି ଦଳ ମଙ୍ଗଳବାର ବିଶ୍ୱବିଦ୍ୟାଳୟରେ ପହଞ୍ଚତ୍ଥିଲେ। ରାୟପୁର ପଣ୍ଡିତ ରବିଶଙ୍କର ଶୁକ୍ଳା ବିଶ୍ୱବିଦ୍ୟାଳୟର ପ୍ରଫେସର ଡ. ଦୀପେନ୍ଦ୍ର ସିଂ ଓ ପ୍ରଫେସର ଡ. ସୁପର୍ଣ୍ଣା ସେନ ଗୁପ୍ତା, ମହୁଡା ଫାର୍ମାସୀ କଲେଜ ଅଧ୍ୟାପକ ଡ. ଦେବାଶିଷ ଦାଶଙ୍କୁ ନେଇ ଗଠିତ ଏହି ତିନିଜଣିଆ ପ୍ରତିନିଧି ଦଳ ବିଶ୍ୱବିଦ୍ୟାଳୟରେ ପହଞ୍ଚି ଆବଶ୍ୟକ ଭିତ୍ତିଭୂମିର ଯାଞ୍ଚ କରିଛନ୍ତି। ପ୍ରଥମେ ବିଶ୍ୱବିଦ୍ୟାଳୟର ରାସାୟନିକ ବିଭାଗର ରାସାୟନିକ ପରୀକ୍ଷାଗାର ଓ ଶ୍ରେଣୀଗୃହ ବୁଲି ଦେଖିଥିଲେ।
ଦକ୍ଷିଣାଞ୍ଚଳ ଆର୍ଡିସିଙ୍କ ଗୋପାଳପୁର ଏନ୍ଏସି ଗସ୍ତ
ବ୍ରହ୍ମପୁର ଅଫିସ,୧୧ା୭- ବ୍ରହ୍ମପୁର ଦକ୍ଷିଣାଞ୍ଚଳ ରାଜସ୍ବ କମିଶନର(ଆରଡିସି) ଟି. ଆଓ ମଙ୍ଗଳବାର ଅଚାନକ ଗୋପାଳପୁର ବିଜ୍ଞାପିତ ଅଞ୍ଚଳ ପରିଷଦ(ଏନ୍ଏସି) ଗସ୍ତ କରିଛନ୍ତି। ପ୍ରଥମେ ସେ ଏନ୍ଏସି କାର୍ଯ୍ୟାଳୟରେ ପହଞ୍ଚତ୍ ଗୋପାଳପୁର ଅଞ୍ଚଳର ବିକାଶ ସମ୍ପର୍କରେ ନିର୍ବାହୀ ଅଧିକାରୀ ଉମାଶଙ୍କର ସେଠୀଙ୍କ ସହ ଆଲୋଚନା କରିଥିଲେ। ଏନ୍ଏସି କାଉନସିଲ ବୈଠକ, ବଜେଟ ପ୍ରସ୍ତୁତି ଓ ଅନୁଦାନ ଟଙ୍କା ସଦୁପଯୋଗ ନେଇ ସେ ସମୀକ୍ଷା କରିଥିଲେ। ଉନ୍ନତି ଯୋଜନାରେ ମିଳିଥିବା ଅନୁଦାନ ଟଙ୍କାରେ ଚାଲିଥିବା ବିଭିନ୍ନ ନିର୍ମାଣ କାର୍ଯ୍ୟ ଓ ଏଲ୍ଇଡି ଲାଇଟ ଯୋଜନାର ଅଗ୍ରଗତି ନେଇ ଆଲୋଚନା କରିବା ସହିତ ଗୋପାଳପୁର ଅଞ୍ଚଳକୁ ବାହ୍ୟ ମଳମୁକ୍ତ ଅଞ୍ଚଳରେ ପରିଣତ କରିବା ପାଇଁ ପ୍ରତ୍ୟେକ ୱାର୍ଡରେ ଟଏଲେଟ ସହ ସେପ୍ଟିକ ଟ୍ୟାଙ୍କ ନିର୍ମାଣ କରିବା ଏବଂ ଶୌଚାଳୟ ବ୍ୟବହାର ଉପରେ ଅଧିକ ଧ୍ୟାନ ଦେବାକୁ କହିଥିଲେ।
ଟ୍ରାକ୍ଟର ଧକ୍କାରେ ବାଇକ୍ ଆରୋହୀ ମୃତ
ଗଞ୍ଜାମ,୧୧ା୭(ଡି.ଏନ.ଏ.)- ରମ୍ଭା ଥାନା ଅନ୍ତର୍ଗତ ମିଞ୍ଚତ୍ନିପାଟଣା ଛକରେ ମଙ୍ଗଳବାର ଏକ ଟ୍ରାକ୍ଟର ବାଇକ୍କୁ ଧକ୍କା ଦେବା ଫଳରେ ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିିଛି। ମୃତ ବ୍ୟକ୍ତି ଜଣକ ହେଲେ ସୁବଳୟା ଗ୍ରାମର ଲଳିତେନ୍ଦୁ ନାୟକ (୪୨)। ରମ୍ଭା ପୋଲିସ ଘଟଣାସ୍ଥଳରେ ପହଞ୍ଚତ୍ ଟ୍ରାକ୍ଟର (ନଂ ଓଡି୦୭ଭି୩୦୨୪) ଓ ବାଇକ୍କୁ ଜବତ କରିବା ସହ ମୃତଦେହ ବ୍ୟବଚ୍ଛେଦ ପାଇଁ ଛତ୍ରପୁର ପଠାଇଥିଲା।
ମୃତ, ବିବାହିତଙ୍କ ଚାଉଳ, ଗହମ ହଡ଼ପ
ଦିଗପହଣ୍ଡି,୧୧ା୭(ଡି.ଏନ.ଏ.)-ଦିଗପହଣ୍ଡି ବ୍ଲକ କଇଠଡ଼ା ପଞ୍ଚାୟତରେ ଜାତୀୟ ଖାଦ୍ୟ ସୁରକ୍ଷା ଆଇନର ଖୋଲା ଉଲ୍ଲଂଘନ କରାଯାଇଥିବା ଅଭିଯୋଗ ହୋଇଛି। ମୃତବ୍ୟକ୍ତି ଓ ବିବାହ ପରେ ଶାଶୁଘରେ ରହୁଥିବା ବହୁ ସଂଖ୍ୟକ ହିତାଧିକାରୀଙ୍କ ଚାଉଳ ଓ ଗହମକୁ ଚଞ୍ଚକତା କରାଯାଇ ହଡ଼ପ କରାଯାଇଥିବା ଚାଞ୍ଚଲ୍ୟକର ତଥ୍ୟ ପଦାକୁ ଆସିଛି। ପଞ୍ଚାୟତ ଅଧୀନ ଗୁଣ୍ଠପଡ଼ା ଗ୍ରାମର ଏ. ମାମି ପାତ୍ର ଖାଉଟି କାର୍ଡ ନଂ ୭୫୮, ଇ. କୁରି ପାତ୍ର କାର୍ଡ ନଂ ୭୦୯, ଜି. ବାସନ୍ତୀ ବକ୍ସି କାର୍ଡ ନଂ ୬୯୯, ଓଡ଼ାସିଙ୍ଗି ଗ୍ରାମର ଏସ୍. କାନ୍ତାମା ରେଡ୍ଡୀ କାର୍ଡ ନଂ ୧୯୯୦, ଏସ. ପୁନି ରେଡ୍ଡୀ କାର୍ଡ ନଂ ୧୭୨୭, ଭାନୁ ରେଡ୍ଡୀ କାର୍ଡ ନଂ ୧୮୬୫, କଲ୍ୟାଣପୁର ଗ୍ରାମର ସୁଲଭ ଗୌଡ଼ କାର୍ଡ ନଂ ୨୩୪, ଝରି ଗୌଡ଼ କାର୍ଡ ନଂ ୧୮୮, ସଂଯୁକ୍ତା ଗୌଡ଼ କାର୍ଡ ନଂ ୬୩୫, କଇଠଡ଼ା ଗ୍ରାମର ଜି. କାମା ରେଡ୍ଡୀ କାର୍ଡ ନଂ ୫୬୫, କେ. ଲକ୍ଷ୍ମୀ କାର୍ଡ ନଂ. ୩୯୧, ଜି. କସ୍ତୁରୀ ରେଡ୍ଡୀ କାର୍ଡ ନଂ ୪୪୧, ଜି. ଜାନକୀ କାର୍ଡ ନଂ ୪୬୫, ଏସ. ଲକ୍ଷ୍ମୀ ରେଡ୍ଡୀ କାର୍ଡ ନଂ ୩୬୮ ପ୍ରଭୃତି ମୃତ ଓ ବିବାହିତଙ୍କ ନଁାରେ ଚାଉଳ ଓ ଗହମ ନିୟମିତ ଉଠାଣ କରାଯାଇ ସେସବୁ ଲୁଟ୍ କରାଯାଉଥିବା ନେଇ ଜିଲା ପରିଷଦ ସଦସ୍ୟ ରାଜେନ୍ଦ୍ର ଦୋରା, ସେବା ସମବାୟ ସମିତି ସଭାପତି ଏ. ବୁଦ୍ଧିଆ ପାତ୍ର, ଜାଗିଲି ସେଠୀ, କୃଷ୍ଣ ପ୍ରଧାନ, ଦେବହରି ଗୌଡ଼, ସୀମାଞ୍ଚଳ ରେଡ୍ଡୀ ଓ ଜଗନ୍ନାଥ ପାତ୍ର ପ୍ରମୁଖ ସୋମବାର ବିଡିଓ ଅନୀଲ କୁମାର ପଟ୍ଟନାୟକଙ୍କୁ ଲିଖିତ ଭାବେ ଜଣାଇଛନ୍ତି।
ଅବକାରୀ ଚଢ଼ାଉ: ଜଣେ ଗିରଫ, ମହୁଲି ମଦ ଜବତ
ଜଗନ୍ନାଥପ୍ରସାଦ,୧୧ା୭: ଜଗନ୍ନାଥପ୍ରସାଦ ଥାନା ଲୁଣିଗୁଣ୍ଡି ଗ୍ରାମରେ ମଙ୍ଗଳବାର ପୋଲିସ ଚଢ଼ାଉ କରି ମହୁଲି ମଦ ବିକ୍ରି କରିବା ଅଭିଯୋଗରେ ଲୁଣିଗୁଣ୍ଡି ଗ୍ରାମର ରଞ୍ଜନ ପ୍ରଧାନଙ୍କୁ ଗିରଫ କରିବା ସହ ତାଙ୍କଠାରୁ ୯୦ଲିଟର ମହୁଲି ମଦ ଜବତ କରିଛି। ଜଗନ୍ନାଥପ୍ରସାଦ ଆଇଆଇସି ଅନିରୁଦ୍ଧ ମୁଦୁଲି, ଏଏସ୍ଆଇ ଶିଶିର କୁମାର ପ୍ରଧାନ ମଙ୍ଗଳବାର ପୂର୍ବାହ୍ନ ପ୍ରାୟ ୧୦ଟାରେ ଲୁଣିଗୁଣ୍ଡି ଗ୍ରାମରେ ଚଢ଼ାଉ କରିଥିଲେ। ଏନେଇ ଅଭିଯୁକ୍ତଙ୍କ ନାମରେ ଜଗନ୍ନାଥପ୍ରସାଦ ଥାନାରେ ନଂ ୧୧୨/୧୮ରେ ଏକ ମାମଲା ରୁଜୁ ହେବା ସହ ରଞ୍ଜନଙ୍କୁ ଭଞ୍ଜନଗର କୋର୍ଟଚାଲାଣ କରାଯାଇଥିବା ତଦନ୍ତକାରୀ ଅଫିସର ଏଏସ୍ଆଇ ଶିଶିର କୁମାର ପ୍ରଧାନ ସୂଚନା ଦେଇଛନ୍ତି।
ସବର୍ଣ୍ଣ-ଅସବର୍ଣ୍ଣ ଗୋଷ୍ଠୀ ମଧ୍ୟରେ ବିବାଦ
ଦିଗପହଣ୍ଡି,୧୧ା୭(ଡି.ଏନ.ଏ.): ଦିଗପହଣ୍ଡି ବ୍ଲକ ସହଦେବ ଟିକରପଡ଼ା ପଞ୍ଚାୟତ ଜୁଆଣପଲ୍ଲୀ ଗ୍ରାମ ଚାଞ୍ଚଡ଼ା ପୋଖରୀ ତୁଠ ନିର୍ମାଣକୁ କେନ୍ଦ୍ରକରି ଗ୍ରାମର ସବର୍ଣ୍ଣ-ଅସବର୍ଣ୍ଣ ଦୁଇ ଗୋଷ୍ଠୀ ମଧ୍ୟରେ ଛକାପଞ୍ଝା ଲାଗି ରହିଛି। ପୋଖରୀ ପାହାଚ ନିର୍ମାଣକୁ କେନ୍ଦ୍ରକରି ସବର୍ଣ୍ଣ ଗୋଷ୍ଠୀଙ୍କ ପକ୍ଷରୁ ବିରୋଧ କରାଯାଉଛି। ଏନେଇ ଉଭୟ ଗୋଷ୍ଠୀ ମଧ୍ୟରେ ବାଦ ବିବାଦରୁ ପରିସ୍ଥିତି ଉତ୍ତେଜନାପୂର୍ଣ୍ଣ ରହିଛି। ମଙ୍ଗଳବାର ଗ୍ରାମର ଅସବର୍ଣ୍ଣ ଗୋଷ୍ଠୀଙ୍କ ପକ୍ଷରୁ ଗଞ୍ଜାମ ଜିଲାପାଳ, ଦିଗପହଣ୍ଡି ତହସିଲଦାର, ବିଡିଓ, ବ୍ରହ୍ମପୁର ଉପଜିଲାପାଳଙ୍କ ସମେତ ପାଟପୁର ଥାନା ଅଧିକାରୀଙ୍କୁ ଦସ୍ତଖତ ସମ୍ବଳିତ ଦାବିପତ୍ର ପ୍ରଦାନ କରାଯାଇଛି। ଗ୍ରାମର ନଳକୂପ ପାଣିକୁ ବ୍ୟବହାର ନିମନ୍ତେ ଅସବର୍ଣ୍ଣ ଲୋକଙ୍କୁ ବାରଣ କରାଯାଉଛି। ଚାଞ୍ଚଡ଼ା ପୋଖରୀ ପାଣି ବ୍ୟବହାର କଲେ ଅସବର୍ଣ୍ଣ ଲୋକଙ୍କୁ ଗ୍ରାମରୁ ବାସନ୍ଦ କରାଯିବ ବୋଲି ସବର୍ଣ୍ଣ ଗୋଷ୍ଠୀର ଲୋକ ଫତୱା ଜାରି କରିଛନ୍ତି।
ଜଙ୍ଗଲରେ ଜବରଦଖଲ ଉଦ୍ୟମ, ୬ ଗିରଫ
ଭଞ୍ଜନଗର,୧୧।୭(ଡି.ଏନ.ଏ.): ମୁଜାଗଡ଼ ରେଞ୍ଜ ରମ୍ଭା ସେକ୍ସନର ଗସମା ଗ୍ରାମ ନିକଟରେ ଥିବା ସଂରକ୍ଷିତ ଜଙ୍ଗଲକୁ ମଙ୍ଗଳବାର କିଛି ଲୋକ ଜବରଦଖଲ ଉଦ୍ୟମ କରିଥିଲେ। ଖବରପାଇ ବନ ବିଭାଗ କର୍ମଚାରୀ ସେଠାରେ ପହଞ୍ଚି ୬ଜଣଙ୍କୁ ଗିରଫ କରିଛନ୍ତି। ସେମାନେ ହେଲେ ଗସମାର ରବୀନ୍ଦ୍ର ମଳିକ, ସୁରେଶନ ମଳିକ, ଲକ୍ଷ୍ମଣ କଁଆର, ବିଶିମାଲା ଗ୍ରାମର କରୁଣାକର ପ୍ରଧାନ, ମୁଣ୍ଡାଗଁାର ଯାଦବ ପ୍ରଧାନ ଓ କୁନ୍ଦାସାହିର ରାଜୀବ ମଲିକ। ଏଥିସହ ଜଙ୍ଗଲ ସଫେଇରେ ବ୍ୟବହୃତ ହେଉଥିବା ୬ଟି ଟାଙ୍ଗିଆକୁ ଜବତ କରାଯାଇଛି। ଅଭିଯୁକ୍ତମାନଙ୍କୁ ଭଞ୍ଜନଗର କୋର୍ଟକୁ ଚାଲାଣ କରାଯାଇଛି। ପ୍ରକାଶ ଯେ, କିଛି ଲୋକ ମଙ୍ଗଳବାର ସଂରକ୍ଷିତ ଜଙ୍ଗଲକୁ ସଫେଇ କରି ବସତି ସ୍ଥାପନ କରିବା ପାଇଁ ଯୋଜନା କରିଥିଲେ।