ବ୍ରହ୍ମପୁର

ଡ଼େଙ୍ଗୁ  ସଚେତନତା କର୍ମଶାଳା

ଡ଼େଙ୍ଗୁ ସଚେତନତା କର୍ମଶାଳା

ଶେରଗଡ଼,୧୮।୫(ଡି.ଏନ୍‌.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକ ସଭାଗୃହରେ ଶୁକ୍ରବାର ଡେଙ୍ଗୁ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି। ଉକ୍ତ କର୍ମଶାଳାରେ ବ୍ଲକ ଅଧ୍ୟକ୍ଷା ସାରସ ସ୍ବାଇଁ, ଉପାଧ୍ୟକ୍ଷ ବିଶ୍ୱନାଥ ସ୍ବାଇଁ, ବିଡିଓ ପ୍ରମୁଖ ଯୋଗଦେଇ ବ୍ଲକର ୨୨ଟି ପଞ୍ଚାୟତର ଗ୍ରାମ ମାନଙ୍କରେ ଡେଙ୍ଗୁ ରୋଗର ପ୍ରତିକାର ସମ୍ପର୍କରେ ସମସ୍ତଙ୍କୁ ସଚେତନ କରିବା ପାଇଁ କହିଥିଲେ।

 ବିଦ୍ୟୁତ୍‌ ଆଘାତରେ ରାଜମିସ୍ତ୍ରିଙ୍କ ମୃତ୍ୟୁ

ବିଦ୍ୟୁତ୍‌ ଆଘାତରେ ରାଜମିସ୍ତ୍ରିଙ୍କ ମୃତ୍ୟୁ

ହିଞ୍ଜିଳିକାଟୁ,୧୮ା୫(ଡି.ଏନ୍‌.ଏ.): ଗଞ୍ଜାମ ଜିଲା ହିଞ୍ଜିଳି ଥାନା ଖଣ୍ଡରା ଗ୍ରାମରେ ଏକ ଗୃହ ନିର୍ମାଣ ବେଳେ ଶୁକ୍ରବାର ବିଦ୍ୟୁତ୍‌ ଆଘାତରେ ଜଣେ ରାଜମିସ୍ତ୍ରିଙ୍କ ମୃତ୍ୟୁ ଘଟିଛି। ସେ ହେଲେ ଦିଗପହଣ୍ଡି ଥାନା ବନ୍ଥପଲୀ ଗ୍ରାମର କାଳିଆ ପାତ୍ର। ଖଣ୍ଡରା ଗ୍ରାମରେ ଏକ ନିର୍ମାଣଧୀନ ଗୃହରେ କାଳିଆ ରାଜମିସ୍ତ୍ରି ଭାବେ କାମ କରୁଥିଲେ।

ଦାରିଙ୍ଗବାଡ଼ିରେ କାଳବୈଶାଖୀ ପ୍ରଭାବ: ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ଦାରିଙ୍ଗବାଡ଼ି, ୧୮।୫(ଡି.ଏନ.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଗୁରୁବାର ସନ୍ଧ୍ୟାରେ କାଳବୈଶାଖୀ ଯୋଗୁ ପବନବହିବା ସହ କୁଆପଥର ବର୍ଷା ହୋଇଥିଲା। ଏହାର ପ୍ରଭାବରେ ବିଭିନ୍ନ ସ୍ଥାନରେ ଗଛ ଡାଳ ଭାଙ୍ଗି ବିଦ୍ୟୁତ୍‌ ସଂଯୋଗ ବିଭ୍ରାଟ ହୋଇଛି। ବ୍ଲକ ଅଞ୍ଚଳର ପର୍ତ୍ତମାହା ସମେତ ବୁଡାଗୁଡ଼ା, ତିଲୋରୀ, ଗ୍ରୀନବାଡ଼ି, ସିଆଙ୍ଗବାଲି, ଭ୍ରମରବାଡ଼ି, ଆଦି ଅଞ୍ଚଳରେ ଏହାର ପ୍ରଭାବ ଅଧିକ ରହିଥିଲା।

କୁକୁଡ଼ା ଫାର୍ମ କର୍ମଚାରୀଙ୍କ ଆତ୍ମହତ୍ୟା

କୁକୁଡ଼ା ଫାର୍ମ କର୍ମଚାରୀଙ୍କ ଆତ୍ମହତ୍ୟା

ଭଞ୍ଜନଗର,୧୮।୫(ଡି.ଏନ.ଏ.): ଗଞ୍ଜାମ ଜିଲା ଭଞ୍ଜନଗର ସରକାରୀ କୁକୁଡ଼ା ଫାର୍ମର ଜଣେ କର୍ମଚାରୀ ଗୁରୁବାର ରାତିରେ ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି। ସେ ହେଲେ ଭଞ୍ଜନଗର ଥାନା ବାହାଡ଼ାପଦର ସନ୍ୟାସି ନାୟକ।

ଅଗ୍ନିକାଣ୍ଡରେ ୫ ବଖରା ଜଳିଗଲା

ଭଞ୍ଜନଗର,୧୮।୫(ଡି.ଏନ.ଏ.): ଗଞ୍ଜାମ ଜିଲା ଭଞ୍ଜନଗର ସହର ଶଙ୍ଖସାହିରେ ଗୁରୁବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୩ ପରିବାରଙ୍କ ୫ବଖରା ଘର ପୋଡ଼ିଯାଇଛି। ଅଗ୍ନିକାଣ୍ଡର କାରର ଜଣାପଡ଼ିନାହିଁ।

ଫୁଲବାଣୀରେ ଡିଜିପି:ମାଓବାଦୀ ସମସ୍ୟା ଉପରେ କଲେ ଆଲୋଚନା

ଫୁଲବାଣୀରେ ଡିଜିପି:ମାଓବାଦୀ ସମସ୍ୟା ଉପରେ କଲେ ଆଲୋଚନା

ଫୁଲବାଣୀ ଅଫିସ, ୧୮।୫:କନ୍ଧମାଳ ଜିଲା ଖଜୁରିପଡା ବ୍ଲକ ଅଞ୍ଚଳରେ ଗତ ୧୩ ତାରିଖରେ ପୋଲିସ ଗୁଳିରେ ୫ ମାଓବାଦୀଙ୍କ ମୃତ୍ୟୁ ଘଟଣା ପରେ ମାଓବାଦୀ ଜନୀତ ସମସ୍ୟା ଉପରେ ଗୁରୁବାର ଡିଜିପି ଡ. ଆର.ପି. ଶର୍ମା ଫୁଲବାଣୀରେ ସମୀକ୍ଷା କରିଛନ୍ତି । ମାଓବାଦୀଙ୍କୁ ଯବାନମାନେ ମାରିଥିବାରୁ ଡିଜିପି ପ୍ରଥମେ ସେମାନଙ୍କୁ ପ୍ରଶଂସା କରିଥିଲେ । ଭବିଷ୍ୟତରେ ଏଭଳି କାର୍ଯ୍ୟକୁ ତ୍ୱରାନ୍ବିତ କରିବା ପାଇଁ ସେ ପରାମର୍ଶ ଦେବା ସହିତ ଯବାନମାନଙ୍କୁ ପୁରସ୍କାର ଅର୍ଥ ରାଶି ପ୍ରଦାନ କରିଥିଲେ। ଆଗାମୀ ରଣନୀତି ନେଇ କନ୍ଧମାଳ ଏସ୍‌ପି ପ୍ରତୀକ ପ୍ରତୀକ ସିଂଙ୍କ ସହ ଆଲୋଚନା କରିଥିଲେ। ମାଓବାଦୀମାନେ ହିଂସା ଛାଡ଼ି ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ଡିଜିପି ଆହ୍ବାନ ଦେଇଥିଲେ। ବୈଠକରେ ଗୋଇନ୍ଦା ନିର୍ଦ୍ଦେଶକ ସନୀଲ ରାୟ, ଗୋଇନ୍ଦା ଆଇଜି ଆର.କେ.ଶର୍ମା, ଅତିରିକ୍ତ ଡ଼ିଜି ଅପରେସନ ଆର.ପି. କୋଚ୍ଚେ, ଦକ୍ଷିଣାଞ୍ଚଳ ଡିଆଇଜି ଆଶିଷ ସିଂଙ୍କ ସମେତ ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।

ଗଞ୍ଜାମ  ଜିଲା: ଜିଏସ୍‌ଟି ଠକୁଛନ୍ତି ୧୮କେବୁଲ ଟିଭି ସଂସ୍ଥା

ଗଞ୍ଜାମ ଜିଲା: ଜିଏସ୍‌ଟି ଠକୁଛନ୍ତି ୧୮କେବୁଲ ଟିଭି ସଂସ୍ଥା

ଛତ୍ରପୁର,୧୮।୫(ଡି.ଏନ.ଏ.):ଗଞ୍ଜାମ ଜିଲାରେ ଥିବା କେବୁଲ ଟିଭି ସଂସ୍ଥାଗୁଡିକ ଟିକସ (ବର୍ତ୍ତମାନ ଜିଏସଟି) ଫାଙ୍କୁଥିବା ଜଣାପଡିଛି। ଫଳରେ ଭାରତ ସରକାରଙ୍କ ଅଧୀନ ସୂଚନା ଓ ପ୍ରସାରଣ ମନ୍ତ୍ରଣାଳୟ ବ୍ୟାପକ କ୍ଷତି ସହୁଛି। ସିଧାସଳଖ ମନ୍ତ୍ରଣାଳୟର ଆକାଉଣ୍ଟରେ କେବୁଲ ଟିଭି ସଂସ୍ଥା ଟିକସ ଜମା କରିବା କଥା। ମାତ୍ର ଗଞ୍ଜାମ ଜିଲାର ଗୋଟିଏ ବି କେବୁଲ ଟିଭି ସଂସ୍ଥା ଏଣ୍ଟରଟେନ୍‌ମେଣ୍ଟ ଟିକସ ପୈଠ କରୁନାହାନ୍ତି। ଭାରତ ସରକାରଙ୍କ ଅଧୀନ ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ଏ ସମ୍ପର୍କରେ ଚିଠି ଆସିବା ପରେ ରାଜ୍ୟ ସରକାର ଓ ଜିଲା ପ୍ରଶାସନ ପକ୍ଷରୁ ତପତ୍ରତା ପ୍ରକାଶ ପାଇଛି। ଏପରିକି କେବୁଲ ଟିଭି ସଂସ୍ଥାଗୁଡିକ କମ୍‌ ଗ୍ରାହକ ବୋଲି ଦର୍ଶାଇ ଠକୁଛନ୍ତି। ଏଥିସହ ସେଟ୍‌ ଟପ୍‌ ବକ୍ସର ସ୍ମାର୍ଟକାର୍ଡ ଗ୍ରାହକମାନଙ୍କୁ ସଂସ୍ଥାଗୁଡିକ ଦେଉନାହାନ୍ତି। ଯାହାଫଳରେ କି ସଂସ୍ଥାଗୁଡିକୁ ଠକିବାରେ ସୁବିଧା ହେଉଛି। ଗ୍ରାହକମାନଙ୍କୁ ଦିଆଯାଇଥିବା ସେଟ୍‌ ଟପ୍‌ ବକ୍ସ ମେଶିନର ନଂ. ଆଧାର କାର୍ଡ ନଂ. ସହ ସଂଯୋଗ କରି ରେଜିଷ୍ଟ୍ରେଶନ କରିବା କଥା।

ଭାଙ୍ଗିଲା ବାଲିବଗଡ଼ ରେଲୱେ ଫାଟକ

ଭାଙ୍ଗିଲା ବାଲିବଗଡ଼ ରେଲୱେ ଫାଟକ

ଛତ୍ରପୁର,୧୮।୫(ଡି.ଏନ.ଏ.):ଛତ୍ରପୁର ମୁଖ୍ୟ ଷ୍ଟେଶନ ନିକଟରେ ରହିଛି ବାଲିବଗଡ ରେଲୱେ ଲେଭଲ କ୍ରସିଂ ଫାଟକ। ଏହି ଫାଟକଟି ଗୁରୁବାର ଭାଙ୍ଗିଯାଇଥିଲା। ଫଳରେ ଏହି ଫାଟକ ଦେଇ ଯିବା ଆସିବା ବାଧାପ୍ରାପ୍ତ ହୋଇଥିଲା। କେତେକ ୨ ଚକିଆ ଯାନ ଭାଙ୍ଗିଯାଇଥିବା ଫାଟକରେ ଗଳି କି ଯାଉଥିବା ଦେଖିବାକୁ ମିଳିଥିଲା। ଏହି କାରଣରୁ ୪ ଚକିଆ ଯାନର ଯାତାୟାତ ସମ୍ପୂର୍ଣ୍ଣ ରୂପେ ବନ୍ଦ ରହିଥିଲା। ଫଳରେ ଲୋକେ ଗାଡି ନେଇ ସେଠାରୁ ଫେରିବାକୁ ପଡୁଥିଲା ଏବଂ କୋର୍ଟ ଷ୍ଟେଶନ ଦେଇ ୩ କିମି ଅଧିକା ଅତିକ୍ରାନ୍ତ କରି ଲୋକେ ନିଜ ଗନ୍ତବ୍ୟ ସ୍ଥଳକୁ ଯାଉଥିଲେ। ପରେ ଏହି ଫାଟକର ମରାମତି କରାଯାଇଥିଲା। ପୂର୍ବରୁ ମଧ୍ୟ କୋର୍ଟ ଷ୍ଟେଶନ ଲେଭଲ କ୍ରସିଂ ଫାଟକ ମଧ୍ୟ ଭାଙ୍ଗିଯାଇଥିଲା। ଫଳରେ ଯାତାୟାତରେ ବାଧା ଉପୁଜିଥିବା ନଜିର ରହିଛି।

କେଏଟିଏସ୍‌ ଆୟୁର୍ବେଦ ମହାବିଦ୍ୟାଳୟ:ଅଧ୍ୟାପକ ଅଭାବକୁ ନେଇ ଆୟୁଷ ଟିମ୍‌ କ୍ଷୁବ୍ଧ

ବ୍ରହ୍ମପୁର ଅଫିସ, ୧୮।୫:ବ୍ରହ୍ମପୁର ଉପକଣ୍ଠ ଆଙ୍କୁଶପୁର କବିରାଜ ଅନନ୍ତ ତ୍ରିପାଠୀ ଶର୍ମା (କେଏଟିଏସ) ଆୟୁର୍ବେଦ ମହାବିଦ୍ୟାଳୟର ଭିତ୍ତିଭୂମି ଯାଞ୍ଚ ପାଇଁ ଭାରତ ସରକାରଙ୍କ ଆୟୁଷ ମନ୍ତ୍ରଣାଳୟ ପକ୍ଷରୁ ଏକ ଦୁଇଜଣିଆ ଟିମ୍‌ ବୁଧବାର ମହାବିଦ୍ୟାଳୟ ଗସ୍ତରେ ଆସିଥିଲେ। ଗୁରୁବାର ପ୍ରଫେସର ଡା. ଅତୁଲ ବ୍ରାସ୍ନେ ଓ ପ୍ରଫେସର ଡା. ବିଦୁଷୀ ତ୍ୟାଗୀଙ୍କୁ ନେଇ ଗଠିତ ଏହି ଟିମ୍‌ ୨୦୧୮-୧୯ ଶିକ୍ଷାବର୍ଷରେ ନାମଲେଖା ସକାଶେ ଆବଶ୍ୟକ ଭିତ୍ତିଭୂମିର ଯାଞ୍ଚ କରି ଫେରିଛନ୍ତି।

ବିଏମ୍‌ସିର ସାଧାରଣ ପରିଷଦ ବୈଠକ:କାର୍ଯ୍ୟକାରୀ ହେବ ସହରାଞ୍ଚଳ ନୂଆ ଆବାସ ଯୋଜନା

ବିଏମ୍‌ସିର ସାଧାରଣ ପରିଷଦ ବୈଠକ:କାର୍ଯ୍ୟକାରୀ ହେବ ସହରାଞ୍ଚଳ ନୂଆ ଆବାସ ଯୋଜନା

ବ୍ରହ୍ମପୁର ଅଫିସ,୧୮।୫:ବିଏମ୍‌ସି (ବ୍ରହ୍ମପୁର ମହାନଗର ନିଗମ)ର ସାଧାରଣ ପରିଷଦ ବୈଠକ ଗୁରୁବାର ଅନୁଷ୍ଠିତ ହୋଇଯାଇଛି। ରେଶମ ନଗରୀରେ ନୂଆ ଆବାସ ଯୋଜନା କାର୍ଯ୍ୟକାରୀ ହେବ ବୋଲି ନିଷ୍ପତ୍ତି ନିଆଯାଇଛି। ପ୍ରଧାନମନ୍ତ୍ରୀ ଆବାସ ଯୋଜନାରେ ହେବାକୁ ଥିବା ଏହି ନୂଆ କାର୍ଯ୍ୟକ୍ରମରେ ବାସହୀନଙ୍କୁ ଚିହ୍ନଟ ପାଇଁ ଖୁବ୍‌ଶୀଘ୍ର ସର୍ଭେ ଆରମ୍ଭ ହେବ ଏବଂ ଭଡ଼ାଘରେ ରହୁଥିବା ପରିବାରଙ୍କୁ ମଧ୍ୟ ଯୋଜନାରେ ସାମିଲ କରାଯିବ। ତେବେ ଘର ଭଡ଼ାରେ ଦେଇଥିବା ମାଲିକଙ୍କଠାରୁ ରେଣ୍ଟ ଏଗ୍ରିମେଣ୍ଟ ପ୍ରମାଣପତ୍ର, ଆଧାରକାର୍ଡ, ଭୋଟର ପରିଚୟପତ୍ର ଏବଂ ମହାନଗରରେ ଘର କିମ୍ବା ଜମି ନ ଥିବାର ସତ୍ୟପାଠ ଦାଖଲ କରିବାକୁ ପଡ଼ିବ। ୩୦ ବର୍ଗଫୁଟରେ ବାସଗୃହ ନିର୍ମାଣ କରାଯିବ ଏବଂ ବ୍ୟୟ ଅଟକଳର ୩୫% ଅର୍ଥ ହିତାଧିକାରୀ ବହନ କରିବାର ବ୍ୟବସ୍ଥା ରହିଛି। ସର୍ଭେ କାର୍ଯ୍ୟ ଏକ ଘରୋଇ ସଂସ୍ଥାକୁ ନ୍ୟସ୍ତ କରାଯାଇଛି ବୋଲି କମିଶନର ଚକ୍ରବର୍ତ୍ତୀ ସିଂ ରାଠୋର ବୈଠକରେ ସୂଚନା ଦେଇଥିଲେ। ସମ୍ପୃକ୍ତ ସଂସ୍ଥା ପ୍ରକଳ୍ପର ଚିତ୍ର (ପ୍ରେଜେଣ୍ଟେଶନ) ପ୍ରଦର୍ଶିତ କରି ଉପସ୍ଥିତ କର୍ପୋରେଟରଙ୍କୁ ଦେଖାଇଥିଲେ।

ବ୍ଲକସ୍ତରୀୟ ସାମାଜିକ ସମୀକ୍ଷା ଜନଶୁଣାଣି

ବ୍ଲକସ୍ତରୀୟ ସାମାଜିକ ସମୀକ୍ଷା ଜନଶୁଣାଣି

ଖଲ୍ଲିକୋଟ,୧୭ା୫(ଡି.ଏନ୍‌.ଏ.)- ଖଲ୍ଲିକୋଟ ମର୍ଦ୍ଦରାଜ କଲ୍ୟାଣ ମଣ୍ଡପ ପରିସରରେ ଗୁରୁବାର ବ୍ଲକସ୍ତରୀୟ ସାମାଜିକ ସମୀକ୍ଷା ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ବିଡିଓ ଦାୟିତ୍ୱରେ ଥିବା ଖଲ୍ଲିକୋଟ ତହସିଲଦାର ସରୋଜ କୁମାର ବେହେରାଙ୍କ ପୌରୋହିତ୍ୟରେ ଅନୁଷ୍ଠିତ ବୈଠକରେ ଜିଲା ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ବିଜୟ ଅମୃତା କୁଲାଙ୍ଗେ ମୁଖ୍ୟ ଅତିଥି, ବ୍ଲକ ଅଧ୍ୟକ୍ଷା ମୀନାକ୍ଷୀ ସାହୁ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ। ବ୍ଲକ ଉପାଧ୍ୟକ୍ଷ ପ୍ରକାଶ ପାତ୍ର, ଏବିଡିଓ ଗଗନ ବିହାରୀ ପଟ୍ଟନାୟକ, ଡିଏସ୍‌ଓ ବିଜୟ ମଲାଣ, ବିଏସ୍‌ଓ ରଶ୍ମିତା ସାହୁ ପ୍ରମୁଖ ମଞ୍ଚାସୀନ ଥିଲେ। ବ୍ଲକର ୨୯ ପଞ୍ଚାୟତରେ ଏମ୍‌ଜିଏନ୍‌ଆର୍‌ଇଜିଏସ୍‌ରେ ୨୦୧୭-୧୮ ଆର୍ଥିକ ବର୍ଷର ବ୍ୟୟ ବିବରଣୀ ଏବିଡିଓ ପଟ୍ଟନାୟକ ଉପସ୍ଥାପନ କରିଥିଲେ। ଚରାରୋପଣ, ଗାଈଗୁହାଳ ନିର୍ମାଣ ଆଦି ଉନ୍ନୟନ କାର୍ଯ୍ୟର ବ୍ୟୟ ଅଟକଳ ସମ୍ପର୍କରେ ଆଲେଚନା ହୋଇଥିଲା।

ପୋଲକାଶୁଣୀ ଯାତ୍ରା ୯ମ ଦିନରେ  ମାନସିକଧାରୀଙ୍କ ବେଶ ପଟୁଆର

ପୋଲକାଶୁଣୀ ଯାତ୍ରା ୯ମ ଦିନରେ ମାନସିକଧାରୀଙ୍କ ବେଶ ପଟୁଆର

ଆସିକା,୧୭ା୫(ଡି.ଏନ୍‌.ଏ.): ଆସିକା ଓଡିଆ ସାହିରେ ବିଜେ ମା’ ପୋଲକାଶୁଣୀ ଠାକୁରାଣୀଙ୍କ ତ୍ରୟବାର୍ଷିକ ଯାତ୍ରା ଶୁକ୍ରବାର ସରିବ। ବୁଧବାର ପ୍ରାୟ ୫୦ ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିବା ବେଳେ ଗୁରୁବାର ଯାତ୍ରାର ନବମ ଦିନରେ ତାହାଠାରୁ ଅଧିକ ଶ୍ରଦ୍ଧାଳୁ ସମାଗମ ହେଉଥିବା ଅନୁମାନ କରାଯାଉଛି। ଅସ୍ଥାୟୀ ମଣ୍ଡପଓ ଯଜ୍ଞ ମଣ୍ଡପରେ ବିଧିମୁତାବକ କାର୍ଯ୍ୟ ଚାଲିଛି। ବିଭିନ୍ନ ଜୋନରୁ ଶ୍ରଦ୍ଧାଳୁ ମହିଳାମାନେ ପଣାପାଣି ଓ ଗଜା ମୁଆଁ ସହ ନଗର ପରିକ୍ରମା ପୂର୍ବକ ପୂଜା ମଣ୍ଡପ ନିକଟକୁ ଆସି ଠାକୁରାଣୀଙ୍କୁ ସମର୍ପଣ କରୁଛନ୍ତି। ଗୁରୁବାର ଯାତ୍ରା ପରିସରଭୁକ୍ତ ଅଞ୍ଚଳର ତୋଟା ସାହି, ରେଡିକା ସାହି, ତୁଳାବିଣୀ ସାହି, ଜୋକବନ୍ଧ ସାହି, ନିରଞ୍ଜନ ନଗର, ସୁବର୍ଣ୍ଣପେଟା ସାହି, ହାଟପଦା, ଅର୍ବାନ ବ୍ୟାଙ୍କ ରୋଡ ଓ କାଳିମୁଖୀ ସାହି ଅଞ୍ଚଳର ମହିଳାମାନେ ପୃଥକ ଭାବେ ପଣାପାଣି ପଟୁଆର କରିଥିଲେ ।

ବୁଦୁଲିରେ ହାତୀ ଆତଙ୍କ

ଭଞ୍ଜନଗର,୧୭।୫(ଡି.ଏନ.ଏ)-ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ମୁଜାଗଡ଼ ରେଞ୍ଜ ବୁଦୁଲି ଗ୍ରାମରେ ୩ ଦିନ ହେବ ଗୋଟିଏ ଦନ୍ତା ହାତୀ ଆତଙ୍କ ସୃଷ୍ଟି କରୁଛି। ସନ୍ଧ୍ୟା ହେଲେ ହାତୀଟି ସୋରାଦେବୀ ଜଙ୍ଗଲରୁ ବାହାରି ପରିବା ଫସଲ ନଷ୍ଟ କରିବା ସହ ଆମ୍ବ, ପଣସ, କଦଳୀ ଖାଇ ଗ୍ରାମ ନିକଟରେ ଘୁରି ବୁଲୁଛି । ଫଳରେ ଗ୍ରାମବାସୀ ଆତଙ୍କିତ ଅବସ୍ଥାରେ ରହୁଛନ୍ତି। ବନବିଭାଗ କର୍ମଚାରୀ ସନ୍ଧ୍ୟାହେଲେ ହାତୀ ଘଉଡ଼ାଇବା ପାଇଁ ଚେଷ୍ଟା କରୁଛନ୍ତି।

ସ୍କୁଟି ସହ ମଦ ଜବତ, ଅଭିଯୁକ୍ତ ଗିରଫ

ଆସିକା,୧୭ା୫ (ଡି.ଏନ୍‌.ଏ): ଆସିକା ପଲ୍ଲୀ ଛକ ନିକଟରୁ ବୁଧବାର ରାତିରେ ପୋଲିସ ୧୫ ଲିଟର ଚୋରା ମଦ ଓ ସ୍କୁଟି ଜବତ କରିବା ସହ ଜଣଙ୍କୁ ଗିରଫ କରିଛି। ସେ ହେଲେ ପୁଡୁଗେଶ୍ୱର ପଲ୍ଲୀର ଆଶିଷ ଖଣ୍ଡୁଆଳ। ଆଶିଷ ସ୍କୁଟିରେ ମଦ ଚାଲାଣ କରୁଥିବା ବେଳେ ବେଳେ ପୋଲିସ ହାବୁଡ଼ରେ ପଡ଼ିଥିଲେ। ତାଙ୍କ ବିରୋଧରେ ଆସିକା ଥାନାରେ ନଂ.୧୫୯/୧୮ରେ ମାମଲା ରୁଜୁ କରାଯାଇ ଗୁରୁବାର ଅପରାହ୍ନରେ କୋର୍ଟ ଚାଲାଣ କରାଯାଇଛି।

ଯୁବତୀଙ୍କୁ କମେଣ୍ଟମାରି ୨ ଗିରଫ

ଯୁବତୀଙ୍କୁ କମେଣ୍ଟମାରି ୨ ଗିରଫ

ଆସିକା,୧୭ା୫ (ଡି.ଏନ୍‌.ଏ.): ଆସିକା ହରିହର ହାଇସ୍କୁଲ ନିକଟରେ ବୁଧବାର ରାତିରେ ଜଣେ ଯୁବତୀଙ୍କୁ କମେଣ୍ଟ ମାରିବା ଅଭିଯୋଗରେ ପୋଲିସ ୨ ଯୁବକଙ୍କୁ ଗିରଫ କରିଛି। ସେମାନେ ହେଲେ ପୁଡୁଗେଶ୍ୱରପଲ୍ଲୀର ସିଦ୍ଧାନ୍ତ ବାରିକ ଓ ଅନନ୍ତ ସ୍ବାଇଁ । ଆସିକାରେ ଚାଲିଥିବା ମା’ ପୋଲକାଶୁଣୀଙ୍କ ଯାତ୍ରା ଦେଖିବାକୁ ଆସିଥିବା ଯୁବତୀଙ୍କୁ ଅଭିଯୁକ୍ତଦ୍ୱୟ କମେଣ୍ଟ ମାରିଥିବା ନେଇ ଥାନାରେ ଅଭିଯୋଗ ହୋଇଥିଲା । ଏ ନେଇ ନଂ.୧୫୮/୧୮ରେ ମାମଲା ରୁଜୁ କରାଯାଇଛି। ଗୁରୁବାର ଅଭିଯୁକ୍ତଦ୍ୱୟଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସନ୍ତୋଷ କୁମାର ଜେନା କହିଛନ୍ତି।

ଦାବି ଶୁଣୁନାହାନ୍ତି କମ୍ପାନୀ କର୍ତ୍ତୃପକ୍ଷ ଆନ୍ଦୋଳନ କରିବ ଶ୍ରମିକ ୟୁନିଅନ

ଦାବି ଶୁଣୁନାହାନ୍ତି କମ୍ପାନୀ କର୍ତ୍ତୃପକ୍ଷ ଆନ୍ଦୋଳନ କରିବ ଶ୍ରମିକ ୟୁନିଅନ

ଗଞ୍ଜାମ,୧୭ା୫(ଡି.ଏନ.ଏ.)-ଗଞ୍ଜାମ ସହରରେ ଥିବା ଗ୍ରାସୀମ ଇଣ୍ଡଷ୍ଟ୍ରିଜର ସମସ୍ୟା ପିଛା ଛାଡ଼ୁନି । ଦିନକୁ ଦିନ ଶ୍ରମିକ ଆନ୍ଦୋଳନ ତୀବ୍ର ହେବାରେ ଲାଗିଛି । କମ୍ପାନୀରେ ଦୀର୍ଘ ବର୍ଷ ହେବ ଠିକା ଶ୍ରମିକଙ୍କ ନ୍ୟାଯ୍ୟ ଦାବି ଏବଂ ମୌଳିକ ସମସ୍ୟା ପ୍ରତି କମ୍ପାନୀ ଦୃଷ୍ଟି ଦେଉ ନ ଥିବା ଅଭିଯୋଗ ହୋଇଛି। ଶ୍ରମିକ ସଂଗଠନ ଉପଦେଷ୍ଟା କୈଳାସ ପଲାଇଙ୍କ ନେତୃତ୍ୱରେ ଏପ୍ରିଲ ମାସରେ ୯ ଦଫା ଦାବିପତ୍ର କମ୍ପାନୀ କର୍ତ୍ତୃପକ୍ଷଙ୍କୁ ପ୍ରଦାନ କରାଯାଇଥିଲା। ଦାବିପତ୍ର ପ୍ରଦାନର ଏକ ମାସରୁ ଊର୍ଦ୍ଧ୍ୱ ବିତି ଯାଇଥିଲେ ମଧ୍ୟ ଶ୍ରମିକମାନଙ୍କ ସହ ଆଲୋଚନା କରିନାହାନ୍ତି ଗ୍ରାସୀମ କମ୍ପାନୀ କର୍ତ୍ତୃପକ୍ଷ ।

କୃଷକ ସଚେତନତା ଶିବିର

ବୁଗୁଡ଼ା,୧୭।୫(ଡି.ଏନ.ଏ.)-ବୁଗୁଡ଼ା ବ୍ଲକ କଳମ୍ବ ପଞ୍ଚାୟତ ଡ଼େହୁକା ଗ୍ରାମରେ ଗୁରୁବାର କୃଷକ ସଚେତନତା ଶିବିର ସପ୍ତରଙ୍ଗ ଅନୁଷ୍ଠିତ ହୋଇଯାଇଛି। ଉକ୍ତ ଶିବିରରେ ବୁଗୁଡ଼ା ବିଡିଓ ସଞ୍ଜୀବରାଜ ସେନାପତି ସଭାପତିତ୍ୱ କରିଥିଲେ।

ପାରିଗଡ଼ ପଞ୍ଚାୟତରେ ତାଲା:ସରପଞ୍ଚଙ୍କ ବିରୋଧରେ ଅଭିଯୋଗ କଲେ ଲୋକେ

ବାଲିଗୁଡ଼ା,୧୭।୫(ଡି.ଏନ.ଏ.)-କନ୍ଧମାଳ ଜିଲା କୋଟଗଡ଼ ବ୍ଲକ ପାରିଗଡ଼ ପଞ୍ଚାୟତ ୧୧ ୱାର୍ଡକୁ ନେଇ ଗଠିତ ା ସରପଞ୍ଚ ଜଗା ପ୍ରଧାନ ଗତ ପଞ୍ଚାୟତ ନିର୍ବାଚନରେ ଜାଲ୍‌ ଜାତିଗତ ପ୍ରମାଣପତ୍ର ଦେଇ ନିର୍ବାଚନ ଲଢି ବେଆଇନଭାବେ ପଦ ହାତେଇଥିବା ଅଭିଯୋଗ କରିଛନ୍ତି ା

କ୍ରିକେଟ ଟୁର୍ନାମେଣ୍ଟ ଉଦ୍‌ଘାଟିତ

କ୍ରିକେଟ ଟୁର୍ନାମେଣ୍ଟ ଉଦ୍‌ଘାଟିତ

ଶେରଗଡ,୧୭।୫(ଡି.ଏନ.ଏ.): ଶେରଗଡସ୍ଥିତ ମହାତ୍ମା ଗାନ୍ଧୀ ହାଇସ୍କୁଲ ଖେଳ ପଡିଆରେ ଗୁରୁବାର ସୁପର ଏକାଦଶ କ୍ରିକେଟ ଟୁର୍ନାମେଣ୍ଟ ଉଦଘାଟିତ ହୋଇଛି। ଟୁର୍ନାମେଣ୍ଟ ଉଦ୍‌ଘାଟନ ବେଳେ ବିଡିଓ ସୁରଞ୍ଜନ କୁମାର ସାହୁ, ତହସିଲଦାର ସମ୍ବିତ କୁମାର ଗଡନାୟକ, ଥାନାଧିକାରୀ ବିଶ୍ୱରଞ୍ଜନ ନାୟକ, ବରିଷ୍ଠ ବିଜେଡି ନେତା ହୃଷୀକେଶ ପାଢୀ, ଦୁର୍ଗାମାଧବ ବିଷୋୟୀ ପ୍ରମୁଖ ଉପସ୍ଥିତ ଥିଲେ।

 ଶ୍ରୀରାମଚରିତ ମାନସ ପାରାୟଣ

ଶ୍ରୀରାମଚରିତ ମାନସ ପାରାୟଣ

ଖଲ୍ଲିକୋଟ,୧୭।୫(ଡି.ଏନ୍‌.ଏ.)- ଖଲ୍ଲିକୋଟସ୍ଥିତ ବରାଳ ବାଲୁଙ୍କେଶ୍ୱର ମହାଦେବଙ୍କ ମନ୍ଦିର ପରିସରରେ ଗୁରୁବାରଠାରୁ ଶ୍ରୀରାମଚରିତ ମାନସ ପାରାୟଣ ଆରମ୍ଭ ହୋଇଛି। ଏହା ୯ ଦିନ ବ୍ୟାପୀ ଚାଲିବ।

ଦକ୍ଷିଣ ଓଡ଼ିଶାର ୩ ଲକ୍ଷ ଘରେ ବିଜୁଳି ନାହିଁ

ଦକ୍ଷିଣ ଓଡ଼ିଶାର ୩ ଲକ୍ଷ ଘରେ ବିଜୁଳି ନାହିଁ

ବ୍ରହ୍ମପୁର ଅଫିସ୍‌,୧୭।୫- ଧାର୍ଯ୍ୟ ସମୟ ପୂର୍ବରୁ ଦେଶର ସବୁ ଗାଁରେ ବିଦ୍ୟୁତ୍‌ ପହଞ୍ଚତ୍ ସାରିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଘୋଷଣା କରିବା ପରେ ଏହାକୁ ନେଇ ସାରା ଦେଶରେ ଚର୍ଚ୍ଚା ଚାଲିଛି। ସ୍ବାଧୀନତାର ସାତ ଦଶନ୍ଧି ପରେ ମଧ୍ୟ ଦେଶର ଅନେକ ଗ୍ରାମରେ ବିଦ୍ୟୁତ୍‌ ପହଞ୍ଚତ୍ ନ ଥିବା ବେଳେ ମୋଦିଙ୍କ ଘୋଷଣା ମିଛ ତଥ୍ୟ ବୋଲି ସମାଲୋଚନା କରାଯାଉଛି। ମୋଦୀଙ୍କ ଘୋଷଣା ଏବଂ ବାସ୍ତବତା ଭିତରେ ଦକ୍ଷିଣ ଓଡ଼ିଶାର ସାଂଘାତିକ ଚିତ୍ର ସାମ୍ନାକୁ ଆସିଛି। ମିଳିଥିବା ତଥ୍ୟ ଅନୁଯାୟୀ, ଦକ୍ଷିଣ ଓଡ଼ିଶାର ୮ଟି ଜିଲାରେ ୩ ଲକ୍ଷ ୪ ହଜାର ୪୩୫ଟି ଘରେ ବିଦ୍ୟୁତ୍‌ ଆଲୁଅ ନାହିଁ। ଅନ୍ଧାରରେ ଲୋକମାନେ ବସବାସ କରୁଛନ୍ତି।

ପଲ୍‌ସ ପୋଲିଓ ଅଭିଯାନ

ପଲ୍‌ସ ପୋଲିଓ ଅଭିଯାନ

ଧରାକୋଟ,୧୭।୫(ଡି.ଏନ୍‌.ଏ.)-ଧରାକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ସଭାଗୃହରେ ଭାରପ୍ରାପ୍ତ ଚିକିତ୍ସା ଅଧିକାରୀ ଏମ.ଭି.କେ. ଅଶୋକଙ୍କ ଦ୍ୱାରା ପଲ୍‌ସ ପୋଲିଓ ଅଭିଯାନର ଶୁଭାରମ୍ଭ ହୋଇଛି। ବ୍ଲକରେ ଜନ୍ମରୁ ୫ବର୍ଷ ପର୍ଯ୍ୟନ୍ତ ବୟସର ମୋଟ ୧୧,୫୧୨ ଶିଶୁଙ୍କୁ ପୋଲିଓ ବୁନ୍ଦା ଦିଆଯିବା ଲକ୍ଷ୍ୟ ରଖାଯାଇଛି। ବ୍ଲକସ୍ତରରେ ୪ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର, ୫୨ଟି ବୁଥ ସହ ୨ଟି ଭ୍ରାମ୍ୟମାଣ ୟୁନିଟ ଦ୍ୱାରା ଏହି କାର୍ଯ୍ୟକ୍ରମ ଜାରି ରହିଛି।

ଗୋଷ୍ଠୀ ସଂଘର୍ଷରେ ୧୧ ଆହତ, ଖଇରାପଙ୍କ ଗାଁରେ ଚାପା ଉତ୍ତେଜନା

ଦିଗପହଣ୍ଡି, ୧୭।୫ (ଡି.ଏନ.ଏ.)- ଦିଗପହଣ୍ଡି ବ୍ଲକ ବମକେଇ ପଞ୍ଚାୟତ ଖଇରପଙ୍କ ଗ୍ରାମରେ ଗୋଷ୍ଠୀ ସଂଘର୍ଷ ଘଟିଛି। ଏହି ସଂଘର୍ଷରେ ଉଭୟ ଗୋଷ୍ଠୀର ମୋଟ ୧୧ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ରହିଛି। ଗ୍ରାମର ମା’ ବୁଢୀ ଠାକୁରାଣୀ ଯାତ୍ରା ଉଦ୍‌ଯାପନୀ ଉତ୍ସବରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମ ଅଗଣା ମଝିରେ ଶାଗୁଣା ବସା ଅପେରାର ନିର୍ଦ୍ଦେଶକ କୁଣିଆଗାଁର ରବିକାଶ କୁମାର ବ୍ରହ୍ମାଙ୍କୁ ବୁଧବାର ରାତିରେ ସମ୍ବର୍ଦ୍ଧିତ କରାଯାଇଥିଲା। ଗ୍ରାମର ନିର୍ଦ୍ଦିଷ୍ଟ ଗୋଷ୍ଠୀର ଯୁବକମାନେ ବାଣ ଫୁଟାଇ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରିଥିଲେ। ଶୋଭାଯାତ୍ରାରେ ଅପର ଗୋଷ୍ଠୀ ଜଣେ ଯୁବକଙ୍କୁ ନାଚିବା ପାଇଁ ବାଧ୍ୟ କରାଯାଇଥିଲା।

ଚୋରା ରନ୍ଧା ଦେଶୀ ମଦ ଜବତ: ଜଣେ ଗିରଫ

ଚୋରା ରନ୍ଧା ଦେଶୀ ମଦ ଜବତ: ଜଣେ ଗିରଫ

ଦିଗପହଣ୍ଡି,୧୭।୫(ଡି.ଏନ୍‌.ଏ.): ଗଞ୍ଜାମ ଜିଲା କେ.ନୂଆଗାଁ ପୋଲିସ ଗୁରୁବାର ସକାଳେ ଓଳପୁର ଗ୍ରାମରେ ଚଢ଼ାଉ କରି ମଦବିକ୍ରେତା ସମ୍ବାରୁ ସାହୁଙ୍କୁ ଗିରଫ କରିଛି। ସମ୍ବାରୁଙ୍କ ନିକଟରୁ ପୋଲିସ ୧୦ ଲିଟର ଚୋରା ରନ୍ଧା ଦେଶୀ ମଦ ଜବତ କରିଛି। ଏ ନେଇ ଥାନାରେ ଏକ ମାମଲା (ନଂ-୫୭/୧୮) ଅନୁଯାୟୀ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଚିକିଟି ପୋଲିସ ଫାଣ୍ଡି ଅଧିକାରୀ ରାମକୃଷ୍ଣ ଦାସ ଜଣାଇଛନ୍ତି।