ବ୍ରହ୍ମପୁର

ସ୍ତ୍ରୀ କଲେ ସ୍ବାମୀଙ୍କ ଚକ୍ଷୁଦାନ

ବ୍ରହ୍ମପୁର ଅଫିସ୍‌,୧୭।୧- ବଡ଼ପୁଅ ଜନ୍ମରୁ ଦୃଷ୍ଟିହୀନ। ଜଣେ ଦୃଷ୍ଟିହୀନ ପୁଅର ଯନତ୍ ନେବାରେ ମା’ ବାପା ଅନେକ ଦୁଃଖକଷ୍ଟ ସହିଥିଲେ। ତଥାପି ଲାଳନପାଳନରେ କୌଣସି ଅବହେଳା କରି ନ ଥିଲେ। ଚାହୁଁଥିଲେ, ଯେଉଁ କଷ୍ଟ ତାଙ୍କ ପୁଅ ପାଉଛନ୍ତି, ସେଭଳି କଷ୍ଟ ଆଉ କେହି ନ ପାଆନ୍ତୁ। ସେଥିପାଇଁ ସ୍ବାମୀଙ୍କ ମୃତ୍ୟୁ ପରେ ତାଙ୍କ ଚକ୍ଷୁଦାନ କରିଦେଲେ ସ୍ତ୍ରୀ।ଆନ୍ଧ୍ରପ୍ରଦେଶର ଇଚ୍ଛାପୁର ନିକଟସ୍ଥ ଇଦୁପୁରମ ଗ୍ରାମର ଏନ୍‌. ଧର୍ମା ରାଜୁଙ୍କ ବୁଧବାର ସକାଳ ପ୍ରାୟ ୬ଟାରେ ମୃତ୍ୟୁ ଘଟିଥିଲା।

ବିଏମ୍‌ସିରେ ପ୍ରଥମ ପର୍ଯ୍ୟାୟ ସର୍ଭେ ଆରମ୍ଭ, ତଥ୍ୟ ସଂଗ୍ରହ କଲେ ଦଳ

ବିଏମ୍‌ସିରେ ପ୍ରଥମ ପର୍ଯ୍ୟାୟ ସର୍ଭେ ଆରମ୍ଭ, ତଥ୍ୟ ସଂଗ୍ରହ କଲେ ଦଳ

ବ୍ରହ୍ମପୁର ଅଫିସ,୧୭ା୧- ସହରାଞ୍ଚଳ ବିକାଶ ମନ୍ତ୍ରଣାଳୟ ପକ୍ଷରୁ ସ୍ବଚ୍ଛ ଭାରତ ମିଶନ ଅଭିଯାନରେ ସ୍ବଚ୍ଛ ସର୍ବେକ୍ଷଣ-୨୦୧୮ ସର୍ଭେ ଜାନୁୟାରୀ ୪ରୁ ସମଗ୍ର ଦେଶରେ ଆରମ୍ଭ ହୋଇଥିବାବେଳେ ବୁଧବାରଠାରୁ ବ୍ରହ୍ମପୁର ମହାନଗର ନିଗମ(ବିଏମ୍‌ସି)ରେ ଏହି ସର୍ବେକ୍ଷଣ ପାଇଁ ପ୍ରଥମ ପର୍ଯ୍ୟାୟ ସର୍ଭେ ଆରମ୍ଭ ହୋଇଯାଇଛି। ଦିଲ୍ଲୀର କାର୍ବି ବେସରକାରୀ ସ୍ବେଚ୍ଛାସେବୀ ସଂସ୍ଥା(ଏନଜିଓ)ର ଏକ ଦୁଇ ଜଣିଆ ପ୍ରତିନିଧି ଦଳ ବିଶ୍ୱନାଥ ରଣା ଓ ରବୀନ୍ଦ୍ର ଜେନା ବିଏମ୍‌ସି କାର୍ଯ୍ୟାଳୟରେ ପହଞ୍ଚି ସର୍ଭେ କରିଥିଲେ। ଦୁଇଦିନ ଧରି ସେମାନେ ବିଏମ୍‌ସିର ସ୍ବଚ୍ଛତା ତଥା ପରିମଳ ସମ୍ପର୍କିତ ସମସ୍ତ ତଥ୍ୟ ସଂଗ୍ରହ କରିବେ। ତେବେ ପ୍ରତିନିଧି ଦଳ ପକ୍ଷରୁ ମିଳିଥିବା ସୂଚନା ଅନୁଯାୟୀ, ସର୍ବେକ୍ଷଣର ପ୍ରଥମ ଦିନରେ ସହରରୁ ବାହାରୁଥିବା ଆବର୍ଜନା ସଂଗ୍ରହ ନେଇ ସର୍ବେକ୍ଷଣରେ ରହିଥିବା ବିଭିନ୍ନ ପ୍ରଶ୍ନର ତଥ୍ୟକୁ ଦଳ ସଂଗ୍ରହ କରିଛି।

ପୂର୍ବତନ ମେୟରଙ୍କ ଗାଡ଼ି ଉପରକୁ ଗୁଳିମାଡ଼ ଘଟଣା,୧୦ ଅଟକ, ଚାଲିଛି ପଚରାଉଚରା

ବ୍ରହ୍ମପୁର ଅଫିସ,୧୭।୧- ବ୍ରହ୍ମପୁର ମହାନଗର ନିଗମ (ବିଏମ୍‌ସି)ର ପୂର୍ବତନ ମେୟର ତଥା ଭାଜପା ନେତା ଶିବଶଙ୍କର ଦାସ ଓରଫ ପିଣ୍ଟୁଙ୍କ ଗାଡ଼ି ଉପରକୁ ଗୁରୁବାର ହୋଇଥିବା ଗୁଳି ମାଡ ଘଟଣାର ତଦନ୍ତ କରୁଛି ପୋଲିସ। ସନ୍ଦେହରେ ବଡବଜାର ଥାନା ପୋଲିସ ମଙ୍ଗଳବାର ରାତିରେ ୧୦ଜଣଙ୍କୁ ଥାନାରେ ଅଟକ ରଖି ପଚରା ଉଚରା କରୁଛି। ଅଧିକ ପଚରା ଉଚରା ପାଇଁ ବୁଧବାର ସେମାନଙ୍କୁ ସହର ବାହାରକୁ ନିଆଯାଇଥିବା ବିଶେଷ ସୂତ୍ରରୁ ସୂଚନା ମିଳିଛି।

ଡକାୟତି ଯୋଜନା ପଣ୍ଡ, ୫ ଗିରଫ

ଡକାୟତି ଯୋଜନା ପଣ୍ଡ, ୫ ଗିରଫ

ବ୍ରହ୍ମପୁର ଅଫିସ,୧୭।୧- ସ୍ଥାନୀୟ ସୁରଜ ବିହାର ଚତୁର୍ଥ ଗଳିରେ ମଙ୍ଗଳବାର ରାତିରେ କିଛି ଯୁବକ ଡକାୟତି ପାଇଁ ଯୋଜନା କରୁଥିବା ଖବର ପାଇ ଟାଉନ ଥାନାଧିକାରୀ ନୀହାର ରଞ୍ଜନ ପ୍ରଧାନ ସଦଳବଳ ସେଠାରେ ଚଢାଉ କରିଥିଲା।

ଦୁଇ ଗୋଷ୍ଠୀ ମଧ୍ୟରେ ମାର୍‌ପିଟ୍‌:୮ ଗିରଫ

ବ୍ରହ୍ମପୁର ଅଫିସ,୧୭।୧: କମାପଲ୍ଲୀ ଓଭରବ୍ରିଜ ନିକଟସ୍ଥ ପୂର୍ତ୍ତ ଡାକବଙ୍ଗଳା ପାଖରେ ମଙ୍ଗଳବାର ଦୁଇ ଗୋଷ୍ଠୀ ମଧ୍ୟରେ ଛକାପଞ୍ଝା ପରେ ମାର୍‌ପିଟ୍‌ ହେଉଥିବା ଖବର ପାଇ ବୈଦ୍ୟନାଥପୁର ଥାନା ପୋଲିସ ସେଠାରେ ଚଢାଉ କରିଥିଲା। ଚଢାଉ ବେଳେ ସେଠାରୁ ଉଭୟ ଗୋଷ୍ଠୀରୁ ୮ ଜଣଙ୍କୁ ଗିରଫ କରାଯାଇଛି।

କିନ୍ନରଙ୍କୁ ସମାଜର ମୁଖ୍ୟସ୍ରୋତରେ ସାମିଲ ଦାବି

କିନ୍ନରଙ୍କୁ ସମାଜର ମୁଖ୍ୟସ୍ରୋତରେ ସାମିଲ ଦାବି

ବ୍ରହ୍ମପୁର ଅଫିସ,୧୭।୧- ଭଗବାନଙ୍କ ସୃଷ୍ଟିରେ ସମସ୍ତେ ସମାନ। ସେ ପୁରୁଷ ହୁଅନ୍ତୁ, ମହିଳା ଅବା ତୃତୀୟ ଲିଙ୍ଗ(କିନ୍ନର)। ତେବେ ସେମାନଙ୍କ ଅଧିକାର, ସୁରକ୍ଷା ତଥା ସରକାରୀ ସୁବିଧା ସୁଯୋଗ ସେମାନଙ୍କୁ ଯୋଗାଇ ଦିଆଯିବା ସହିତ ସମାଜର ମୁଖ୍ୟସ୍ରୋତରେ ସାମିଲ କରାଯାଇପାରିବ। ଏଥିପାଇଁ ଲୋକଙ୍କ ମନରେ ଥିବା ଧାରଣାକୁ ପରିବର୍ତ୍ତନ କରିବାକୁ ପଡିବ ବୋଲି ଗଞ୍ଜାମ ଜିଲା ଆଇନ ସେବା ପ୍ରାଧିକରଣ (ଡିଏଲଏସଏ) ପକ୍ଷରୁ କୁହାଯାଇଛି।

ଅବହେଳିତ ବାଲି ଲୋକନାଥ ପୀଠ

ଅବହେଳିତ ବାଲି ଲୋକନାଥ ପୀଠ

ଗଞ୍ଜାମ,୧୭।୧(ଡି.ଏନ.ଏ.)- ଗଞ୍ଜାମ ବ୍ଲକ କାଇଁଚପୁର ପଞ୍ଚାୟତର ମାଳୀ ଜଗନ୍ନାଥପୁର ଠାରେ ପ୍ରସିଦ୍ଧ ବାଲି ଲୋକନାଥ ପୀଠ ଅବସ୍ଥିତ। ଗ୍ରାମର ବୟୋଜ୍ୟୋଷ୍ଠ ବ୍ୟକ୍ତିଙ୍କ କହିବା ଅନୁସାରେ ଏହି ମନ୍ଦିର ପ୍ରାୟ ଦେଢ ହଜାର ବର୍ଷ ପୁରୁଣା। ଋଷିକୁଲ୍ୟା ନଦୀ ଠାରୁ ୧୫୦ ମିଟର ପୂର୍ବ ଏବଂ ପଶ୍ଚିମରେ ଝାଉଁ ଜଙ୍ଗଲ ମଧ୍ୟରେ ଏହି ଶୈବପୀଠ ଥିବା ହେତୁ ବର୍ଷସାରା ପର୍ଯ୍ୟଟକଙ୍କ ଭିଡ଼ ଜମିଥାଏ। ବିଶେଷକରି କାର୍ତ୍ତିକମାସର ପ୍ରତି ସୋମବାର, ଶିବରାତ୍ରୀ ଏବଂ କାର୍ତ୍ତିକ ପୂର୍ଣ୍ଣିମା ଦିନ ଏଠାରେ ଯାତ୍ରା ଅନୁଷ୍ଠିତ ହେଉଥିବା ମନ୍ଦିର ପୂଜକ ଦିବାକର ତ୍ରିପାଠୀ ସୂଚନା ଦେଇଛନ୍ତି।

ମୁକୁନ୍ଦପୁରରେ ମିଳିମିଳା ଆତଙ୍କ

ମୁକୁନ୍ଦପୁରରେ ମିଳିମିଳା ଆତଙ୍କ

ପାତ୍ରପୁର, ୧୭।୧ (ଡି.ଏନ୍‌.ଏ.)- ପାତ୍ରପର ବ୍ଲକ ଖାରିଆଗୁଡ଼ା ପଞ୍ଚାୟତର ମୁକୁନ୍ଦପୁର ଗ୍ରାମରେ ମିଳିମିଳାରେ ଗତ ଦଶଦିନରେ ପ୍ରାୟ ୨୦ରୁ ଉର୍ଦ୍ଧ ଶିଶୁ ଆକ୍ରାନ୍ତ ହୋଇଛନ୍ତି। ଏଭଳି ସ୍ଥଳେ କୌଣସି ବିକଳ୍ପ ନଥାଇ ଝଡ଼ାଫୁଙ୍କାର ଆଶ୍ରୟ ନେଇଛନ୍ତି ଆକ୍ରାନ୍ତଙ୍କ ପରିବାର। ଆକ୍ରାନ୍ତମାନେ ହେଲେ ଗ୍ରାମର ଓମ୍‌ ବାଡ଼ିତ୍ୟା(୪), ମାମିନି ବାଡ଼ତ୍ୟା(୨), ରୁଦ୍ର କୁଣ୍ଡ(୧), ଲିଖା କୁଣ୍ଡ(୩), ବିଷ୍ଣୁ କୁଣ୍ଡ(୧୬), ଲିଜା କୁଣ୍ଡ(୫), ପୁଜା କୁଣ୍ଡ(୭), ନାରାୟଣ ସାହୁ(୫) ପ୍ରମୁଖ। ଏନେଇ ଗ୍ରାମରେ ଆତଙ୍କ ଖେଳି ଯାଇଥିବାବେଳେ ସମ୍ପୃକ୍ତ ପରିବାର ଏବେ ଚେରମୂଳି ଓ ଝଡ଼ାଫୁଙ୍କାର ଆଶ୍ରୟ ନେଇଛନ୍ତି।

 ମୋରମ ଚାଲାଣ: ୩ଟ୍ରାକ୍ଟର ସହ ଜେସିବି ମେଶିନ ଜବତ

ମୋରମ ଚାଲାଣ: ୩ଟ୍ରାକ୍ଟର ସହ ଜେସିବି ମେଶିନ ଜବତ

ପାଟପୁର,୧୭।୧(ଡି.ଏନ.ଏ.)-ସାନଖେମୁଣ୍ଡି ତହସିଲ ନୂଆଗଡ଼ ପାହାଡ଼ରୁ ବେଆଇନ ଭାବେ ମୋରମ ଚାଲାଣ ହେଉଥିବା ବେଳେ ବୁଧବାର ତହସିଲଦାର ପ୍ରଜ୍ଞାଶ୍ରୀ ପ୍ରିୟମ୍ବଦା ଘଟଣାସ୍ଥଳରେ ପହଞ୍ଚତ୍ ୩ଟି ମୋରମ ବୋଝେଇ ଟ୍ରାକ୍ଟର ସହ ମୋରମ ଖନନ କରୁଥିବା ଜେସିବି ମେଶିନକୁ ଜବତ କରିଛନ୍ତି । ଜବତ ଟ୍ରାକ୍ଟର ଓ ଜେସିବିକୁ ତହସିଲରେ ରଖାଯାଇଛି । ଖବର ଲେଖା ହେବା ସୁଦ୍ଧା କୌଣସି ଜରିମାନା ଆଦାୟ ହୋଇ ନ ଥିବା ଜଣାପଡ଼ିଛି ।

ନିର୍ବାଚନ ପୂର୍ବରୁ  ପୋଲିସର ଫ୍ଲାଗ୍‌ମାର୍ଚ୍ଚ

ନିର୍ବାଚନ ପୂର୍ବରୁ ପୋଲିସର ଫ୍ଲାଗ୍‌ମାର୍ଚ୍ଚ

ଶେରଗଡ,୧୭।୧(ଡି.ଏନ୍‌.ଏ.)- ଶେରଗଡ ବ୍ଲକର ୩ପଞ୍ଚାୟତରେ ୧୯ ତାରିଖରେ ନିର୍ବାଚନ ହେବ। ବ୍ରାହ୍ମଣଛାଇ ପଞ୍ଚାୟତରେ ବୁଧବାର ପୋଲିସ ପ୍ରଶାସନ ପକ୍ଷରୁ ଫ୍ଲାଗ୍‌ମାର୍ଚ୍ଚ କରାଯାଇଛି। ଆସିକା ଉପଖଣ୍ଡ ପୋଲିସ ଅଧିକାରୀ ସୁବାସ ଚନ୍ଦ୍ର ପଣ୍ଡା, ଶେରଗଡ ତହସିଲଦାର ସମ୍ବିତ କୁମାର ଗଡନାୟକ, ହିଞ୍ଜିଳି ଥାନା ଅଧିକାରୀ ପ୍ରଶାନ୍ତ କୁମାର ସାହୁ, ଏସ୍‌ଆଇ ଦିପ୍ତି ବେହେରା, ଏଏସ୍‌ଆଇ ରଞ୍ଜନ ବିଷୋୟୀ, ଗୋଲକ ପଲେଇ, ରାଘବ ପରିଡାଙ୍କ ସମେତ ଦୁଇ ପ୍ଲାଟୁନ ଫୋର୍ସ ଗ୍ରାମରେ ଫ୍ଲାଗମାର୍ଚ୍ଚ କରିଥିଲେ। ବ୍ରାହ୍ମଣଛାଇରେ ୧୯ ତାରିଖରେ ସରପଞ୍ଚ, ସମିତିସଭ୍ୟ, ଜିଲା ପରିଷଦ ଓ ୧୨ ଟି ଓାର୍ଡର ଓ୍ବାର୍ଡସଭ୍ୟ ପାଇଁ ନିର୍ବାଚନ ହେବ। ଗତ ନିର୍ବାଚନରେ ରାଜନୈତିକ ହିଂସାକାଣ୍ଡ ଘଟି ଜଣେ ସରପଞ୍ଚ ପ୍ରାର୍ଥୀଙ୍କ ମୃତ୍ୟୁପରେ ଏଠାରେ ନିର୍ବାଚନ ବନ୍ଦ ରହିଥିଲା।

ବ୍ଲକ କର୍ମଚାରୀ କହି ସୁନା ଅଳଙ୍କାର ଠକେଇ

ଦିଗପହଣ୍ଡି/ଭୀଷ୍ମଗିରି,୧୭।୧(ଡି.ଏନ.ଏ.)- ନିଜକୁ ଦିଗପହଣ୍ଡି ବ୍ଲକର କର୍ମଚାରୀ କହି ଜଣେ ଅଚିହ୍ନା ବ୍ୟକ୍ତି ସୁନା ଅଳଙ୍କାର ଠକି ନେଇଛନ୍ତି। ଏଭଳି ଅଭିଯୋଗ ଆସିଛି ଦିଗପହଣ୍ଡି ବ୍ଲକ ସହଦେବ ଟିକରପଡ଼ା ପଞ୍ଚାୟତ ଫାର୍ସିବନ୍ଧ ଗ୍ରାମରୁ। ବୁଧବାର ମଧ୍ୟାହ୍ନ ପ୍ରାୟ ୧୨ଟାରେ ଜଣେ ଅଚିହ୍ନାବ୍ୟକ୍ତି ଏକ ବାଇକରେ ପହଞ୍ଚତ୍ଥିଲେ ଫାର୍ସିବନ୍ଧ ଗ୍ରାମରେ। ପୂର୍ବରୁ ହୋଇଥିବା ଭିନ୍ନକ୍ଷମ ସାମର୍ଥ୍ୟ ଶିବିରରେ ଚିହ୍ନଟ ହୋଇଥିବା ଦିବ୍ୟାଙ୍ଗ ଶିଶୁ ଓ ମାତା ପିତାଙ୍କ ତାଲିକା ଧରି ଗ୍ରାମବାସୀଙ୍କୁ ବିଭିନ୍ନ ବିଷୟରେ ପଚାରିଥିଲେ।

ଟ୍ରେନ୍‌ ଧକ୍କାରେ ଯୁବକ ଗୁରୁତର

ବେଗୁନିଆପଡା,୧୭।୧ (ଡି.ଏନ୍‌.ଏ.)- ହରିଦ୍ୱାର କାମ କରିବାକୁ ଯାଇଥିବା ଜଣେ ଯୁବକ ଝାନ୍‌ସୀ ଷ୍ଟେଶନରେ ଟ୍ରେନ୍‌ରୁ ଖସିପଡି ଗୁରୁତର ହୋଇଥିଲେ। ଫେସ୍‌ବୁକ୍‌ରୁ ତଥ୍ୟ ପାଇ ତାଙ୍କୁ କାମ କରିବାକୁ ନେଇଥିବା ଠିକାଦାର ଉଦ୍ଧାର କରିଛନ୍ତି। କୋଦଳା ଥାନା ଚନ୍ଦନପୁର ପଞ୍ଚାୟତ ମୁଣ୍ଡୁଳାର ବଇଁଶି ବେହେରାଙ୍କ ୩ ପୁଅ ହାମିଶି, ଧୋବା ଓ ଗୁରା ଜଣେ ଠିକାଦାରଙ୍କ ସହ କାମ କରିବାକୁ ୫ ଦିନ ତଳେ ହରିଦ୍ୱାର ଯାଇଥିଲେ।

ସ୍ବାସ୍ଥ୍ୟ ମିଶନ ପରିଚାଳକଙ୍କ ଆନ୍ଦୋଳନ

ସ୍ବାସ୍ଥ୍ୟ ମିଶନ ପରିଚାଳକଙ୍କ ଆନ୍ଦୋଳନ

ବ୍ରହ୍ମପୁର ଅଫିସ,୧୭।୧- ଗଞ୍ଜାମ ଜିଲା ମୁଖ୍ୟ ଚିକିସତ୍ାଧିକାରୀଙ୍କ କାର୍ଯ୍ୟାଳୟ ଓ ସମସ୍ତ ବ୍ଲକ କାର୍ଯ୍ୟାଳୟରେ ଜାତୀୟ ସ୍ବାସ୍ଥ୍ୟ ମିଶନ ଅଧୀନରେ କାର୍ଯ୍ୟରତ ପରିଚାଳକମାନେ ବିଭିନ୍ନ ଦାବି ନେଇ ଆନ୍ଦୋଳନକୁ ଓହ୍ଲାଇବେ। ଓଡିଶା ସ୍ବାସ୍ଥ୍ୟ ସଂଘ ପକ୍ଷରୁ ଆନ୍ଦୋଳନ ଡାକରାରେ ସାମିଲ୍‌ ହେବାକୁ ସେମାନେ ନିଷ୍ପତ୍ତି ନେଇଛନ୍ତି। ସଂଘ ତରଫରୁ ଦୁଇଟି ଦାବି ଯଥା ସପ୍ତମ ବେତନ କମିଶନ୍‌ଙ୍କ ସୁପାରିସ କ୍ରମେ ନିୟମିତ ହାରରେ ଦରମା ଦେବା ଏବଂ ଠିକା ପରିଚାଳକ କର୍ମଚାରୀଙ୍କ ପାଇଁ ସ୍ବତନ୍ତ୍ର ସରକାରୀ କ୍ୟାଡର୍‌ ବ୍ୟବସ୍ଥା ସୃଷ୍ଟି କରି ନିୟମିତ କରିବା ଦାବିରେ ଏହି ଆନ୍ଦୋଳନ ଡାକରା ଦିଆଯାଇଛି।

ପୂର୍ବ ଶତ୍ରୁତାରୁ ଯୁବକଙ୍କୁ ହତ୍ୟା

ପୂର୍ବ ଶତ୍ରୁତାରୁ ଯୁବକଙ୍କୁ ହତ୍ୟା

ଆସିକା,୧୭।୧(ଡି.ଏନ୍‌.ଏ.): ଗଞ୍ଜାମ ଜିଲା ଆସ୍କା ପୌରାଞ୍ଚଳ ଅଧୀନ ରଥଦାଣ୍ଡସାହି ବାଲାଜୀ ମନ୍ଦିର ଛକ ନିକଟରେ ବୁଧବାର ମଧ୍ୟାହ୍ନରେ କିଛି ଦୁର୍ବୃତ୍ତ ଧାରୁଆ ଅସ୍ତ୍ରରେ ଆକ୍ରମଣ କରି ଜଣେ ଯୁବକଙ୍କୁ ହତ୍ୟା କରିଛନ୍ତି। ସେ ହେଲେ ଉକ୍ତ ସାହିର ମିଟୁ ଦାସ(୨୫)।

ବାଇକ ଜାଳିଦେଲେ ଦୁର୍ବୃତ୍ତ

ବାଇକ ଜାଳିଦେଲେ ଦୁର୍ବୃତ୍ତ

ଦିଗପହଣ୍ଡି,(ଡି.ଏନ.ଏ.)/ଭୀଷ୍ମଗିରି,୧୬।୧- ଦିଗପହଣ୍ଡି ବ୍ଲକ ଭୀଷ୍ମଗିରି ପଞ୍ଚାୟତ କାର୍ଯ୍ୟାଳୟ ନିକଟ ଗୋପବନ୍ଧୁ ନଗରର ରବୀନ୍ଦ୍ର ବେହେରାଙ୍କ ବାଇକ (ନଂ. ଓଡି୦୭-୧୩୬୬)କୁ କେହି ଦୁର୍ବୃତ୍ତ ସୋମବାର ବିଳମ୍ବିତ ରାତିରେ ଜାଳିଦେଇଛି। ସବୁଦିନ ଭଳି ସୋମବାର ରାତିରେ ରବୀନ୍ଦ୍ର ତାଙ୍କ ଘର ସମ୍ମୁଖରେ ବାଇକ ରଖିଥିଲେ। ବ୍ୟବସାୟୀକ ଶତ୍ରୁତାରୁ କେନ୍ଦ୍ରକରି କେହି ଦୁର୍ବୃତ୍ତ ତାଙ୍କ ବାଇକରେ ନିଆଁ ଲଗାଇ ଦେଇଥିବା ସେ ଅଭିଯୋଗ କରିଛନ୍ତି। ରାତିପ୍ରାୟ ସାଢ଼େ ୧୨ଟାରେ ଏହି ଘଟଣା ଘଟିଛି। ରବୀନ୍ଦ୍ର ଏନେଇ ଦିଗପହଣ୍ଡି ଥାନାରେ ଏତଲା ଦେବାପରେ ପୋଲିସ ଘଟଣାସ୍ଥଳକୁ ଯାଇ ତଦନ୍ତ ଚଳାଇଛି।

ଧାନଖଳାରୁ ଅଜଗର ଉଦ୍ଧାର

ଧାନଖଳାରୁ ଅଜଗର ଉଦ୍ଧାର

ଦିଗପହଣ୍ଡି,୧୬।୧(ଡି.ଏନ.ଏ.)- ଦିଗପହଣ୍ଡି ବ୍ଲକ ଓଡ଼ାସିଙ୍ଗି ଗ୍ରାମର ଟି. ରାମେଶ୍ୱର ପାତ୍ରଙ୍କ ଧାନଖଳାରୁ ମଙ୍ଗଳବାର ୯ ଫୁଟ ଲମ୍ବର ଏକ ଅଜଗର ସାପ ଉଦ୍ଧାର କରାଯାଇଛି। ପିପୁଲ ଫର ଆନିମଲ ସଂସ୍ଥାର କର୍ମକର୍ତ୍ତା ସମୀର କାନ୍ତ ତ୍ରିପାଠୀ, ଶୁଭମ କୁମାର ସାହୁ, ଅଜୟ ନାୟକ, ଆକାଶ ଦାସ, ସୁଶାନ୍ତ ମହାକୁଡ଼ ପ୍ରମୁଖ ପହଞ୍ଚତ୍ ସାପଟିକୁ ଉଦ୍ଧାର କରିଥିଲେ। ସାପକୁ ବନ ବିଭାଗ କାର୍ଯ୍ୟାଳୟକୁ ଅଣାଯାଇ ପରେ ଚାଙ୍ଗୁଡ଼ି ଦେଇ ସଂରକ୍ଷିତ ଜଙ୍ଗଲରେ ଛାଡ଼ି ଦିଆଯାଇଛି। ସାପର ଓଜନ ୧୨ କେଜି ଓ ବୟସ ପ୍ରାୟ ୨ ବର୍ଷ ବୋଲି ରେଞ୍ଜର ଏ. ମାଧବୀଲତା କହିଛନ୍ତି।

ଭିଜିଲାନ୍ସ ଜାଲରେ ଲାଇନମ୍ୟାନ, ଠିକାଦାର

ଭିଜିଲାନ୍ସ ଜାଲରେ ଲାଇନମ୍ୟାନ, ଠିକାଦାର

ବୁଗୁଡ଼ା,୧୬।୧(ଡି.ଏନ.ଏ.)- ଓ୍ବେଲ୍‌ଡିଂ ଦୋକାନକୁ ବିଦ୍ୟୁତ୍‌ ସଂଯୋଗ ଦେବାକୁ ଲାଞ୍ଚ ନେଉଥିବାବେଳେ ବ୍ରହ୍ମପୁର ଭିଜିଲାନ୍ସ ହାତରେ ଜଣେ ଲାଇନମ୍ୟାନ ଓ ଠିକାଦାର ଧରାପଡ଼ି ଗିରଫ ହୋଇଛନ୍ତି। ମଙ୍ଗଳବାର ପୂର୍ବାହ୍ନରେ ୧୦ ହଜାର ଟଙ୍କା ଲାଞ୍ଚ ନେଉଥିବାବେଳେ ଉଭୟେ ଧରାପଡିଥିଲେ। ଏନେଇ ବ୍ରହ୍ମପୁର ଭିଜିଲାନ୍ସ ବିଭାଗ କାର୍ଯ୍ୟାଳୟରେ ନଂ. ୨/୧୮ରେ ଏକ ମାମଲା ରୁଜୁ ହୋଇଛି। ବୁଗୁଡ଼ା ଥାନା ଭୋଗଡ଼ା ଗ୍ରାମର କୁଞ୍ଜ ବିହାରୀ ବେହେରା ଢ଼ାବାଗ୍ରାମରେ ଏକ ୱେଲ୍‌ଡିଂ ଦୋକାନକୁ ବିଦ୍ୟୁତ୍‌ ସଂଯୋଗ ପାଇଁ ସେପ୍ଟେମ୍ବର ମାସରେ ମାଣିତରା ଲାଇନମ୍ୟାନ ଜୀବନଜୟ ଲେଙ୍କାଙ୍କ ସହ କଥା ହୋଇଥିଲେ।

ଗୋଦାମରେ ଟିଣ ଚାଦର ପଡ଼ି ଜଣେ ମୃତ

ଗୋଦାମରେ ଟିଣ ଚାଦର ପଡ଼ି ଜଣେ ମୃତ

ଫୁଲବାଣୀ ଅଫିସ, ୧୬।୧- ଫୁଲବାଣୀ ମୁଖ୍ୟ ବଜାରସ୍ଥିତ ଏକ ବ୍ୟବସାୟିକ ସଂସ୍ଥାର ଗୋଦାମରେ ମଙ୍ଗଳବାର ଜଣେ ଯୁବକଙ୍କ ଉପରେ ଟିଣ ଚାଦର ପଡିଯିବାରୁ ତାଙ୍କର ମୃତ୍ୟୁ ଘଟିଛି। ସେ ହେଲେ ବଲସକୁମ୍ପା ଅଞ୍ଚଳ ସୁନ୍ଦରଗଡର ବାଲୁଙ୍କେଶ୍ୱର ଦିଗାଲ। ବାଲୁଙ୍କେଶ୍ୱର ଫୁଲବାଣୀ ମୁଖ୍ୟ ବଜାରରେ ଥିବା ଏକ ଟ୍ରେଡିଙ୍ଗ ବ୍ୟବସାୟିକ ସଂସ୍ଥାରେ ଡ୍ରାଇଭର ଭାବେ କାମ କରୁଥିଲେ। ମଙ୍ଗଳବାର ମଧ୍ୟାହ୍ନରେ କୌଣସି ସ୍ଥାନକୁ ଟିଣ ଚାଦର ପଠାଇବାକୁ ଥିବାରୁ ଦୋକାନ ମାଲିକ ତାଙ୍କୁ ଗୋଦାମ ଘରୁ ଟିଣ ବାହାର କରିବା ପାଇଁ କହିଥିଲେ।

ଗ୍ରାସୀମ ଇଣ୍ଡଷ୍ଟ୍ରିଜ ନିଯୁକ୍ତି ପ୍ରସଙ୍ଗ, ଜିଲାପାଳ, ଏସ୍‌ପିଙ୍କୁ ଭେଟିଲେ ଗ୍ରାମବାସୀ

ଗ୍ରାସୀମ ଇଣ୍ଡଷ୍ଟ୍ରିଜ ନିଯୁକ୍ତି ପ୍ରସଙ୍ଗ, ଜିଲାପାଳ, ଏସ୍‌ପିଙ୍କୁ ଭେଟିଲେ ଗ୍ରାମବାସୀ

ଗଞ୍ଜାମ,୧୬।୧(ଡି.ଏନ.ଏ.)- ଗଞ୍ଜାମ ସହରସ୍ଥିତ ଗ୍ରାସୀମ ଇଣ୍ଡଷ୍ଟ୍ରିଜରେ ସ୍ଥାନୀୟ ଶିକ୍ଷିତ ଯୁବକଙ୍କୁ ନିଯୁକ୍ତି ପ୍ରସଙ୍ଗ ଦିନକୁ ଦିନ ଜଟିଳ ହେବାରେ ଲାଗିଛି। ଏବେ କମ୍ପାନୀ କର୍ତ୍ତୃପକ୍ଷ ଓ କଲ୍ୟାଣପୁର, ଜରାପଦର ଗ୍ରାମବାସୀଙ୍କ ମଧ୍ୟରେ ଛକାପଞ୍ଝା ଲାଗି ରହିଛି। ସ୍ଥାନୀୟ କଲ୍ୟାଣପୁରଠାରେ କମ୍ପାନୀ ଏକ ପମ୍ପହାଉସ ନିର୍ମାଣ କରି ପାଣି ନେଉଥିବାରୁ ଦିନକୁ ଦିନ ଜଳସ୍ତର କମୁଛି। ଏନେଇ ରାମେଶ୍ୱର ଗ୍ରାମ୍ୟ କମିଟି ତଥା ଉପରୋକ୍ତ ଦୁଇ ଗ୍ରାମର ଶତାଧିକ ଗ୍ରାମବାସୀ ମଙ୍ଗଳବାର ଜିଲାପାଳ ପ୍ରେମଚନ୍ଦ୍ର ଚୌଧୁରୀ ଏବଂ ଆରକ୍ଷୀ ଅଧୀକ୍ଷକଙ୍କୁ ଭେଟି ଲିଖିତ ଦାବିପତ୍ର ପ୍ରଦାନ କରିଛନ୍ତି।

ପୂର୍ବ ଶତ୍ରୁତାକୁ ନେଇ ଆକ୍ରମଣ, ୨ ଆହତ, ୪ ଗିରଫ

ପାଟପୁର,୧୬।୧(ଡି.ଏନ.ଏ.)- ପାଟପୁର ଥାନା ଚନ୍ଦ୍ରମଣିପୁର ଗ୍ରାମରେ ସୋମବାର ପୂର୍ବଶତ୍ରୁତାକୁ ନେଇ ଆକ୍ରମଣ ଘଟିଥିବା ବେଳେ ୨ ଜଣ ଆହତ ହୋଇଛନ୍ତି। ଏ ନେଇ ପୋଲିସ ଉଭୟ ପକ୍ଷରୁ ଦୁଇଟି ପୃଥକ ପୃଥକ ମାମଲା ରୁଜୁ କରି ୪ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ସେମାନେ ହେଲେ ଚନ୍ଦ୍ରମଣିପୁର ଗ୍ରାମର ପୂର୍ବତନ ସରପଞ୍ଚ ରବୀନ୍ଦ୍ରନାଥ ଜେନା, ସଦା ଜେନା, କଂସ ନାହାକ ଓ ସୀମାଞ୍ଚଳ ନାହାକ । ଥାନାରେ ହୋଇଥିବା ଅଭିଯୋଗ ଅନୁଯାୟୀ, ରବୀନ୍ଦ୍ର ଓ ସଦା ସେହି ଗ୍ରାମର କଂସଙ୍କ ଘରକୁ ଯାଇ ତାଙ୍କ ବାପା ସୀମାଞ୍ଚଳଙ୍କୁ ଗାଳିଗୁଲଜ କରିବା ପରେ ଠେଙ୍ଗାରେ ଆକ୍ରମଣ କରିଥିଲେ ।

ବାଘୁଆ ନଦୀ ବ୍ୟାରେଜ ନିର୍ମାଣ  କାର୍ଯ୍ୟ ଅନୁଧ୍ୟାନ କଲେ ଅଧୀକ୍ଷଣ ଯନ୍ତ୍ରୀ

ବାଘୁଆ ନଦୀ ବ୍ୟାରେଜ ନିର୍ମାଣ କାର୍ଯ୍ୟ ଅନୁଧ୍ୟାନ କଲେ ଅଧୀକ୍ଷଣ ଯନ୍ତ୍ରୀ

ପୋଲସରା,୧୬।୧(ଡି.ଏନ.ଏ.) : ଗଞ୍ଜାମ ଜିଲା ପୋଲସରା ବ୍ଲକ ହାତୀଓଟ ପଞ୍ଚାୟତ ପ୍ରାଣଦେଇପୁରଠାରେ ଥିବା ବାଘୁଆ ନଦୀ ଉପରେ ପ୍ରାୟ ୧୫ କୋଟି ଟଙ୍କା ବ୍ୟୟରେ ବ୍ୟାରେଜ ନିର୍ମାଣ ଚାଲିଛି। ଉକ୍ତ ବ୍ୟାରେଜ ହେଲେ ୪୦ଟି ଗ୍ରାମର ୧୦ ହଜାରରୁ ଊର୍ଦ୍ଧ୍ୱ ଚାଷୀ ଉପକୃତ ହେବେ। ବାଘୁଆ ନଦୀରେ ବ୍ୟାରେଜ ନିର୍ମାଣ କାର୍ଯ୍ୟ ଅନୁଧ୍ୟାନ ଲାଗି ମଙ୍ଗଳବାର ଜଳସେଚନ ବିଭାଗର ମୁଖ୍ୟଯନ୍ତ୍ରୀ ବ୍ରଜ କିଶୋର ଜେନା, ମେଣ୍ଟେନ୍‌ ଏସଇ ଧୀରେନ କୁମାର ସାମଲ, ବ୍ରହ୍ମପୁର ଜଳସେଚନ ବିଭାଗର ଅଧୀକ୍ଷଣ ଯନ୍ତ୍ରୀ ପ୍ରଭାତ କୁମାର ପଟ୍ଟନାୟକ, କ୍ବାଲିଟି କଣ୍ଟ୍ରୋଲ ଇଞ୍ଜିନିୟର ଗୋପାଳ ଚନ୍ଦ୍ର ଦାସ, ନିର୍ବାହୀ ଯନ୍ତ୍ରୀ ମାନସ ରଞ୍ଜନ ଦାସ, ସହକାରୀ ଯନ୍ତ୍ରୀ ଗୁଣନିଧି ପରିଜା, କନିଷ୍ଠ ଯନ୍ତ୍ରୀ ରବୀନ୍ଦ୍ର ନାଥ ବିଶୋୟୀ ପ୍ରମୁଖ ନିର୍ମାଣ କାର୍ଯ୍ୟ ଅନୁଧ୍ୟାନ କରିଥିଲେ।

ଫେବୃୟାରୀରେ ଗଣ ଅଣ୍ଡାଦାନ

ଫେବୃୟାରୀରେ ଗଣ ଅଣ୍ଡାଦାନ

ବ୍ରହ୍ମପୁର ଅଫିସ୍‌/ଗଞ୍ଜାମ- (ଡିଏନ୍‌ଏ),୧୬।୧- ଅଲିଭ୍‌ ରିଡ଼ଲେ କଇଁଛଙ୍କ ଉପସ୍ଥିତିରେ ଏବେ ଅପୂର୍ବ ଶୋଭା ଦେଖିବାକୁ ମିଳୁଛି ଋଷିକୁଲ୍ୟା ମୁହାଣରେ। ଗତ ନଭେମ୍ବରଠାରୁ ଆରମ୍ଭ ହୋଇଥିବା ମିଳନ ପର୍ବ ଏବେ ଯାଏଁ ଜାରି ରହିଛି। ଫେବୃୟାରୀ ଶେଷ ସପ୍ତାହରେ ଗଣ ଅଣ୍ଡାଦାନ ଆରମ୍ଭ ହେବ ବୋଲି ଜଣାପଡ଼ିଛି। ପୂର୍ବ ବର୍ଷ ଅପେକ୍ଷା ଚଳିତ ବର୍ଷ ଏହି ପ୍ରକ୍ରିୟାରେ ବିଳମ୍ବ ହୋଇଥିବା ପରିବେଶବିତ୍‌ଙ୍କଠାରୁ ସୂଚନା ମିଳିଛି।ଖଲ୍ଲିକୋଟ ବନଖଣ୍ଡ ଅଧିକାରୀ ଦିଲୀପ କୁମାର ମାର୍ଥାଙ୍କ କହିବାନୁଯାୟୀ, ମିଳନ ପର୍ବ ଆରମ୍ଭ ବେଳେ ସମୁଦ୍ରଠାରୁ ୨୦କିମି ଦୂରରେ କଇଁଛଙ୍କ ମିଳନ ଦେଖିବାକୁ ମିଳିଥାଏ।

୫ ବର୍ଷରେ ୭୪ମୃତ, ୨୬୫ ଆକ୍ରାନ୍ତ

୫ ବର୍ଷରେ ୭୪ମୃତ, ୨୬୫ ଆକ୍ରାନ୍ତ

ବ୍ରହ୍ମପୁର ଅଫିସ,୧୬।୧- ଛତ୍ରପୁର ଅଞ୍ଚଳରେ ଥିବା ଭାରତୀୟ ବିରଳ ମୃତ୍ତିକା ଲିମିଟେଡ୍‌ (ଆଇଆର୍‌ଇଏଲ୍‌)ର ମୋନାଜାଇଟ୍‌ ପ୍ଲାଣ୍ଟ ଯୋଗୁ ସ୍ଥାନୀୟ ଅଞ୍ଚଳରେ କିଡ୍‌ନୀ ରୋଗ ବ୍ୟାପିବାରେ ଲାଗିଛି। କିଡ଼ନୀ ରୋଗରେ ଉକ୍ତ ଅଞ୍ଚଳରେ ୫ ବର୍ଷ ମଧ୍ୟରେ ୭୪ଜଣଙ୍କ ମୃତ୍ୟୁ ଘଟିଥିବାବେଳେ ୨୬୫ଜଣ ଆକ୍ରାନ୍ତ ହୋଇଛନ୍ତି। ମୃତକଙ୍କ ସଂଖ୍ୟା ବଢ଼ୁଛି। ଲୋକମାନେ ଭୟରେ ବଞ୍ଚୁଛନ୍ତି। ତଥାପି ସରକାର କୌଣସି ପଦକ୍ଷେପ ନେଉନାହାନ୍ତି। ତୁରନ୍ତ ଉକ୍ତ ଅଞ୍ଚଳକୁ ଏକ ବିଶେଷଜ୍ଞ ଦଳ ପଠାଇ ରୋଗର କାରଣ ଏବଂ ନିରାକରଣ ସମ୍ପର୍କରେ ତଦନ୍ତ କରିବା ସହ ମୃତକଙ୍କ ପରିବାରବର୍ଗଙ୍କୁ ୨୦ଲକ୍ଷ ଟଙ୍କା ଓ ଆକ୍ରାନ୍ତଙ୍କ ଚିକିତ୍ସା ଖର୍ଚ୍ଚ ସରକାର ବହନ କରିବାକୁ ଦାବି କରିଛି ଲୋକଶକ୍ତି ଅଭିଯାନ। ମଙ୍ଗଳବାର ଗଞ୍ଜାମ କଳା ପରିଷଦଠାରେ ଆୟୋଜିତ ଖବରଦାତା ସମ୍ମିଳନୀରେ ଏହି ଦାବି କରିଛନ୍ତି ଅଭିଯାନର ରାଜ୍ୟ ସଭାପତି ପ୍ରଫୁଲ୍ଲ ସାମନ୍ତରା ଏବଂ ମୃତକଙ୍କ ପରିବାର ବର୍ଗ। ମୋନାଜାଇଟ୍‌ ପ୍ଲାଣ୍ଟର ବିକିରଣ ଓ ବର୍ଜ୍ୟବସ୍ତୁ ଦ୍ୱାରା ବଡ଼ପୁଟି, ବାଗନାପେଟା, ଲକ୍ଷ୍ମୀପୁର, ଆର୍ଯ୍ୟପଲ୍ଲୀ ଗ୍ରାମବାସୀଙ୍କ ଜୀବନ ପ୍ରଭାବିତ ହେଉଛି। ମୁଖ୍ୟତଃ କିଡ୍‌ନୀ ରୋଗ ବ୍ୟାପୁଛି। ବଡ଼ପୁଟି ଗ୍ରାମରେ ୨ଶହ ଆକ୍ରାନ୍ତ ଥିବା ବେଳେ ବର୍ତ୍ତମାନ ସୁଦ୍ଧା ୬୦ଜଣଙ୍କ ମୃତ୍ୟୁ ଘଟିସାରିଲାଣି। ସେହିଭଳି ବାଗନାପେଟାରେ ୫୦ ଆକ୍ରାନ୍ତ ଥିବା ବେଳେ ୧୦ଜଣ ମୃତ୍ୟୁବରଣ କରିଛନ୍ତି। ଲକ୍ଷ୍ମୀପୁର ଗ୍ରାମରେ ୧୫ଜଣ ଆକ୍ରାନ୍ତ ଥିବା ବେଳେ ୪ଜଣଙ୍କ ମୃତ୍ୟୁ ହୋଇଛି।

ବାଇକ୍‌ ପୋଡ଼ିଲେ ଦୁର୍ବୃତ୍ତ

ବାଇକ୍‌ ପୋଡ଼ିଲେ ଦୁର୍ବୃତ୍ତ

ଦିଗପହଣ୍ଡି/ଭୀଷ୍ମଗିରି,୧୬।୧(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଭୀଷ୍ମଗିରି ପଞ୍ଚାୟତ କାର୍ଯ୍ୟାଳୟ ନିକଟ ଗୋପବନ୍ଧୁନଗରର ରବୀନ୍ଦ୍ର ବେହେରାଙ୍କ ବାଇକକୁ କେହି ଦୁର୍ବୃତ୍ତ ପୋଡ଼ି ଦେଇଥିବା ସେ ମଙ୍ଗଳବାର ଥାନାରେ ଅଭିଯୋଗ କରିଛନ୍ତି।