ବ୍ରହ୍ମପୁର

ବାର୍‌ହା ଆକ୍ରମଣରେ ୨ ମହିଳା ଗୁରୁତର

ବାର୍‌ହା ଆକ୍ରମଣରେ ୨ ମହିଳା ଗୁରୁତର

ଆସିକା,୨୩।୭ (ଡି.ଏନ୍‌.ଏ.) ଆସିକା ବ୍ଲକ ଭେଟନଈ ଗ୍ରାମରେ ସୋମବାର ବାର୍‌ହା ଆକ୍ରମଣରେ ୨ ମହିଳା ଗୁରୁତର ଆହତ ହୋଇଛନ୍ତି। ସେମାନେ ହେଲେ ଉକ୍ତ ଗ୍ରାମର ପ୍ରମିଳା ବାଡତ୍ୟା ଓ ହରପ୍ରିୟା ଦାଶ। ସକାଳେ ଉଭୟେ ଗ୍ରାମ ଉପକଣ୍ଠ ପୋଖରୀରେ ଗାଧୋଇ ଘରକୁ ଫେରୁଥିବା ବେଳେ ବାରହା ହାବୁଡ଼ରେ ପଡିଥିଲେ। ବାରହା ସେମାନଙ୍କୁ ଆକ୍ରମଣ କରିଥିଲା ା ଗୁରୁତର ଅବସ୍ଥାରେ ପ୍ରମିଳା ଓ ହରପ୍ରିୟାଙ୍କୁ ଆସିକା ଡାକ୍ତରଖାନାକୁ ନିଆଯାଇ ପ୍ରାଥମିକ ଚିକିତ୍ସା କରାଯାଇଥିଲା। ସେଠାରୁ ଅଧିକ ଚିକିତ୍ସା ଲାଗି ପ୍ରମିଳାଙ୍କୁ ବ୍ରହ୍ମପୁର ବଡମେଡକାଲକୁ ପଠାଇ ଦିଆଯାଇଛି ।

ସାପ କାମୁଡ଼ାରେ ଜଣେ ଗୁରୁତର

ସାପ କାମୁଡ଼ାରେ ଜଣେ ଗୁରୁତର

ଗଞ୍ଜାମ,୨୩।୭(ଡି.ଏନ.ଏ.)-ଗଞ୍ଜାମ ଏନଏସି ୯ ନଂ.ଓ୍ବାର୍ଡ ବରପଲି ଗ୍ରାମର ଜଣେ ବ୍ୟକ୍ତି ସାପ କାମୁଡ଼ାରେ ଗୁରୁତର ହୋଇଛନ୍ତି। ସେ ହେଲେ ରଘୁନାଥ ପଲାଇ। ସୋମବାର ସକାଳେ ରଘୁନାଥ ନିଜ ବିଲରେ କାମ କରୁଥିବା ବେଳେ ସାପ କାମୁଡ଼ି ଦେଇଥିଲା। ସେ ଘରକୁ ଆସି କହିବା ପରେ ପରିବାର ଲୋକେ ତାଙ୍କୁ ପ୍ରଥମେ ଗଞ୍ଜାମ ଡାକ୍ତରଖାନାକୁ ନେଇଥିଲେ। ପ୍ରାଥମିକ ଚିକିତ୍ସା ପରେ ତାଙ୍କୁ ଛତ୍ରପୁର ହସ୍ପିଟାଲକୁ ସ୍ଥାନାନ୍ତର କରାଯାଇଛି। ଗଞ୍ଜାମ ସ୍ବାସ୍ଥ୍ୟକେନ୍ଦ୍ରରେ ସାପ, କୁକୁର କାମୁଡ଼ା ଇଞ୍ଜେକସନ ନ ଥିବା ଯୋଗୁ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି।

ରାସ୍ତା ଉନ୍ନତୀକରଣ କାର୍ଯ୍ୟର ଶିଳାନ୍ୟାସ

ରାସ୍ତା ଉନ୍ନତୀକରଣ କାର୍ଯ୍ୟର ଶିଳାନ୍ୟାସ

ଚିକିଟି,୨୩।୭(ଡି.ଏନ.ଏ.)-ରାଜ୍ୟ ଯୋଜନା ଓ ସମନ୍ବୟ ମନ୍ତ୍ରୀ ଉଷା ଦେବୀ ସୋମବାର ଚିକିଟି ବ୍ଲକର ୨ଟି ରାସ୍ତାର ଉନ୍ନତୀକରଣ ଲାଗି ଶିଳାନ୍ୟାସ କରିଛନ୍ତି। ମନ୍ତ୍ରୀ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ଆନୁକୁଲ୍ୟରେ ପୂର୍ତ୍ତ ବିଭାଗ ରାସ୍ତାଠାରୁ ଚାନ୍ଦପୁର ପଞ୍ଚାୟତ ବେଲପନ୍ଥି ଗ୍ରାମ ପଯର୍‌ୟନ୍ତ ୪୦ ଲକ୍ଷ ଟଙ୍କା ବ୍ୟୟରେ ହେବାକୁ ଥିବା ୧କିମି ରାସ୍ତାର ଉନ୍ନତୀକରଣ କାର୍ଯ୍ୟ ଲାଗି ଶିଳାନ୍ୟାସ କରିଛନ୍ତି।

ପୋଲିସ ପକ୍ଷରୁ ଯାନବାହନ ଯାଞ୍ଚ

ପୋଲିସ ପକ୍ଷରୁ ଯାନବାହନ ଯାଞ୍ଚ

ଦାରିଙ୍ଗବାଡ଼ି,୨୩।୭(ଡି.ଏନ.ଏ)- ଦାରିଙ୍ଗବାଡ଼ି ପୋଲିସ ପକ୍ଷରୁ ସୋମବାର ବିଭିନ୍ନ ସ୍ଥାନରେ ବ୍ଲକିଂ କରାଯାଇ ଗାଡ଼ିମୋଟର ଯାଞ୍ଚ ହୋଇଛି ା ଦାରିଙ୍ଗବାଡି ଥାନା ଅଞ୍ଚଳର ଚାରିଛକଠାରେ ଏସ୍‌ଆଇ ଚନ୍ଦ୍ରିକା ସ୍ବାଇଁଙ୍କ ନେତୃତ୍ୱରେ ବିଭିନ୍ନ ଗାଡ଼ିର କାଗଜପତ୍ର, ଚାଳକଙ୍କ ଡ୍ରାଇଭିଂ ଲାଇସେନ୍ସ, ହେଲମେଟ, ଗାଡ଼ି ଫିଟନେସ ଆଦି ଯାଞ୍ଚ କରାଯାଇଛି। ଗାଡି କାଗଜପତ୍ର, ଡ୍ରାଇଭିଂ ଲାଇସେନ୍ସ ଓ ହେଲମେଟ ନ ଥାଇ ବେଆଇନ ଭାବେ ଗାଡି ଚଳାଉଥିବା ଚାଳକମାନଙ୍କଠାରୁ ମୋଟ ୧୩ ହଜାର ଟଙ୍କା ଜରିମାନା ଆଦାୟ କରାଯାଇଥିବା ଏସ୍‌ଆଇ ସ୍ବାଇଁ କହିଛନ୍ତି। ଦୁର୍ଘଟଣା ରୋକିବା ସହ ଅଞ୍ଚଳରେ ଟ୍ରାଫିକ ନିୟନ୍ତ୍ରଣ ପାଇଁ ନିୟମିତ ଏଭଳି ଯାଞ୍ଚ କରାଯିବ ବୋଲି ଆଇଆଇସି ତୁଷାରକାନ୍ତ ମହାପାତ୍ର କହିଛନ୍ତି। ଯାଞ୍ଚ ବେଳେ ଏସଆଇ ଶ୍ରୀକାନ୍ତ ଖମାରୀ, ଏଏସଆଇ ଆର. ଭୀମରାଓ ରେଡ୍ଡୀ ପ୍ରମୁଖ ଉପସ୍ଥିତ ଥିଲେ ା

ଦାରିଙ୍ଗବାଡ଼ି ଅଞ୍ଚଳରେ ବାହୁଡ଼ାଯାତ୍ରା, ସୁନାବେଶ

ଦାରିଙ୍ଗବାଡ଼ି ଅଞ୍ଚଳରେ ବାହୁଡ଼ାଯାତ୍ରା, ସୁନାବେଶ

ଦାରିଙ୍ଗବାଡ଼ି,୨୩।୭(ଡି.ଏନ.ଏ)-ଦାରିଙ୍ଗବାଡ଼ି ବ୍ଲକ କାଟିଙ୍ଗିଆ, ଗଦାପୁର ଏବଂ ସିମନବାଡ଼ିରେ ରବିବାର ମହାପ୍ରଭୁ ଶ୍ରୀଜଗନ୍ନାଥଙ୍କ ବାହୁଡ଼ାଯାତ୍ରା ସମ୍ପନ୍ନ ହୋଇଯାଇଛି। ସୋମବାର ଏକାଦଶୀ ତିଥିରେ ସୁନାବେଶ, ଅଧରପଣା ଲାଗି କରାଯାଇଛି ା ରବିବାର ଅପରାହ୍ନ ୩ଟା ପରେ ଆଡ଼ପ ମଣ୍ଡପରୁ ୩ ଠାକୁରଙ୍କୁ ପହଣ୍ଡିରେ ଅଣାଯାଇ ରଥାରୁଢ଼ କରାଯାଇଥିଲା।

ଧରାକୋଟରେ ଏକାଦଶୀ ବାହୁଡା ଯାତ୍ରା

ଧରାକୋଟରେ ଏକାଦଶୀ ବାହୁଡା ଯାତ୍ରା

ଧରାକୋଟ, ୨୩।୭(ଡି.ଏନ୍‌.ଏ.)- ଧରାକୋଟ ଗଡରେ ପ୍ରସିଦ୍ଧ ଏକାଦଶୀ ବାହୁଡା ଯାତ୍ରା ସୋମବାର ପାଳିତ ହୋଇଯାଇଛି। ରାଜ୍ୟର ବହୁ ସ୍ଥାନରେ ଦଶମୀ ତିଥିରେ ବାହୁଡା ଯାତ୍ରା ଅନୁଷ୍ଠିତ ହେଉଥିବାବେଳେ ଧରାକୋଟରେ ଏହାର ବ୍ୟତିକ୍ରମ ଦେଖିବାକୁ ମିଳିଥାଏ।

ଉପେନ୍ଦ୍ର ବେହେରା ହତ୍ୟା ମାମଲା: ରମେଶ ଜେନା କୋର୍ଟରେ ହାଜର

ଉପେନ୍ଦ୍ର ବେହେରା ହତ୍ୟା ମାମଲା: ରମେଶ ଜେନା କୋର୍ଟରେ ହାଜର

ବ୍ରହ୍ମପୁର ଅଫିସ,୨୩।୭: ସାନଖେମୁଣ୍ଡିର ପୂର୍ବତନ ବିଧାୟକ ରମେଶ ଜେନାଙ୍କୁ ସୋମବାର କୋର୍ଟରେ ହାଜର କରାଯାଇଛି। ୨୦୧୭ ମସିହାରେ ହୋଇଥିବା ଉପେନ୍ଦ୍ର ବେହେରା ହତ୍ୟା ମାମଲାର ମୁଖ୍ୟ ଷଡ଼ଯନ୍ତ୍ରକାରୀ କୁହାଯାଉଥିବା ରମେଶଙ୍କୁ ଶୁକ୍ରବାର ହାଇକୋର୍ଟରୁ ସର୍ତ୍ତ ମୂଳକ ଜାମିନ ମିଳିଥିଲା।

ଜିଲାସ୍ତରୀୟ ଅଭିଯୋଗ ଶୁଣାଣି ଶିବିର

ଜିଲାସ୍ତରୀୟ ଅଭିଯୋଗ ଶୁଣାଣି ଶିବିର

ବ୍ରହ୍ମପୁର ଅଫିସ,୨୩।୭: ବ୍ରହ୍ମପୁର ଉପଜିଲାପାଳଙ୍କ କାର୍ଯ୍ୟାଳୟ ପରିସରରେ ଜିଲାସ୍ତରୀୟ ଅଭିଯୋଗ ଶୁଣାଣି ଶିବିର ସୋମବାର ଅନୁଷ୍ଠିତ ହୋଇଛି।

ଟ୍ରାକ୍ଟର-ବାଇକ୍‌ ଧକ୍କା: ୪ ଗୁରୁତର

ଟ୍ରାକ୍ଟର-ବାଇକ୍‌ ଧକ୍କା: ୪ ଗୁରୁତର

ଶେରଗଡ଼,୨୩।୭(ଡି.ଏନ୍‌.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକ ଅନ୍ତର୍ଗତ ଧବଳପୁର ଛକରେ ଏକ ଟ୍ରାକ୍ଟର ଓ ବାଇକ୍‌ ମଧ୍ୟରେ ଧକ୍କା ହୋଇଛି। ଫଳରେ ବାଇକ୍‌ରେ ବସିଥିବା ୪ଜଣ ଗୁରୁତର ହୋଇଛନ୍ତି।

ବ୍ୟବସାୟୀଙ୍କ ଘରୁ ଲୁଟ୍‌ ଘଟଣାର ପର୍ଦ୍ଦାଫାଶ

ବ୍ୟବସାୟୀଙ୍କ ଘରୁ ଲୁଟ୍‌ ଘଟଣାର ପର୍ଦ୍ଦାଫାଶ

ସୋରଡା,୨୩ା୭(ଡି.ଏନ୍‌.ଏ.)- ଜନୈକ ଦମ୍ପତିଙ୍କୁ ସାହାଯ୍ୟ କରି ଲୁଟ୍‌ର ଶିକାର ହୋଇଥିବା ସୋରଡା ଅଞ୍ଚଳର ଜଣେ ମହିଳା ବ୍ୟବସାୟୀଙ୍କୁ ରବିବାର ଆଶ୍ୱସ୍ଥି ମିଳିଛି। ସୋରଡା ପୋଲିସ ମୋବାଇଲ୍‌ ଫୋନ୍‌ ଟ୍ରାକିଂ କରି ଲୁଟ୍‌ କରିଥିବା ଦମ୍ପତିଙ୍କୁ କଟକ ଚାଉଳିଆଗଞ୍ଜ ଥାନା ନଦୀକୂଳ ସାହିରୁ ଶନିବାର ଗିରଫ କରିବା ସହ ସେମାନଙ୍କ ଠାରୁ ଲୁଟ୍‌ ଅଳଙ୍କାର ଜବତ କରିଛନ୍ତି। ସେମାନେ ହେଲେ ଦିଲୀପ ସାହୁ ଓ ସ୍ତ୍ରୀ ଭଗବତୀ।

ଶ୍ୱଶୁରଙ୍କୁ ଗୁଳିକରି ହତ୍ୟା ଘଟଣା, ଜ୍ୱାଇଁ ଗିରଫ

ଶ୍ୱଶୁରଙ୍କୁ ଗୁଳିକରି ହତ୍ୟା ଘଟଣା, ଜ୍ୱାଇଁ ଗିରଫ

ଆର.ଉଦୟଗିରି,୨୩ା୭(ଡି.ଏନ.ଏ.)- ଗଜପତି ଜିଲା ଆର.ଉଦୟଗିରି ଥାନା ଶିଆଳିଲଟି ପଞ୍ଚାୟତ ଲାଞ୍ଜା ଗ୍ରାମରେ ୧୯ ତାରିଖରେ ଉକ୍ତ ଗ୍ରାମର ନୂଆପାଇକ ବଡ଼ରଇତଙ୍କୁ ତାଙ୍କ ଜ୍ୱାଇଁଙ୍କ ବଡଭାଇ ସାମାନ୍ୟ କଥାକୁ ନେଇ ଗୁଳି କରି ହତ୍ୟା କରିଥିଲେ।

ଜିଡିସିଏ ସାଧାରଣ ପରିଷଦ ବୈଠକ, ବିବାଦ ଭିତରେ ସରିଲା ନିର୍ବାଚନ

ଜିଡିସିଏ ସାଧାରଣ ପରିଷଦ ବୈଠକ, ବିବାଦ ଭିତରେ ସରିଲା ନିର୍ବାଚନ

ବ୍ରହ୍ମପୁର ଅଫିସ୍‌,୨୩ା୭- ବହୁ ବିବାଦ ଭିତରେ ଗଞ୍ଜାମ ଜିଲା କ୍ରିକେଟ ସଂଘ(ଜିଡିସିଏ) ନିର୍ବାଚନ ବିଧିବଦ୍ଧ ଭାବେ ରବିବାର ଶେଷ ହୋଇଛି, କିନ୍ତୁ ଫଳାଫଳ ଘୋଷଣା କରାଯାଇନାହିଁ। ଜିଲା ଜଜ୍‌ଙ୍କ କୋର୍ଟରେ ଫଳାଫଳ ଘୋଷଣା କରାଯିବ।

ସାହି ରାସ୍ତା ଖୋଳି ଛାଡ଼ି ଦେଇଛିି ଠିକା ସଂସ୍ଥା

ବ୍ରହ୍ମପୁର ଅଫିସ ୨୩।୭- ବ୍ରହ୍ମପୁର ସହରର ଦୀର୍ଘଦିନର ପାଣି ସମସ୍ୟାକୁ ଦୂରେଇବା ପାଇଁ ଜାନିବିଲି ପ୍ରକଳ୍ପ କାର୍ଯ୍ୟ ବର୍ତ୍ତମାନ ବ୍ରହ୍ମପୁର ସହରରେ ଦ୍ରୁତ ଗତିରେ ଚାଲିଛି । ତେବେ ଏନେଇ ଏକ ଘରୋଇ ଠିକା ସଂସ୍ଥାକୁ ଏହାର ଦାୟିତ୍ୱ ଦିଆଯାଇ ଥିବାରୁ ଉକ୍ତ ସଂସ୍ଥା ଏହି କାର୍ଯ୍ୟ ତଦାରଖ କରୁଛି ।

ବଡ଼ ମେଡିକାଲରେ ଚଳିତ ବର୍ଷର ପ୍ରଥମ ଡେଙ୍ଗୁ ରୋଗୀଙ୍କ ମୃତ୍ୟୁ

ବ୍ରହ୍ମପୁର ଅଫିସ,୨୩।୭-ସ୍ଥାନୀୟ ବଡ ମେଡିକାଲରେ ରବିବାର ଜଣେ ଡେଙ୍ଗୁ ରୋଗରେ ଆକ୍ରାନ୍ତ ନାବାଳିକାଙ୍କ ମୃତ୍ୟୁ ଘଟିଛି। ତେବେ ଏ ନେଇ ବଡ ମେଡିକାଲ କର୍ତ୍ତୃପକ୍ଷ କୌଣସି ସୂଚନା ଦେଇ ନ ଥିଲେ ମଧ୍ୟ ମୃତ ନାବାଳିକାଙ୍କ ପିତାଙ୍କଠାରୁ ଏହି ସୂଚନା ମିଳିଛି।

ଡକାୟତି ଯୋଜନା ପଣ୍ଡ: ୩ ଗିରଫ, ମାରଣାସ୍ତ୍ର ଜବତ

ଆସିକା,୨୩।୭(ଡି.ଏନ୍‌.ଏ.): ଆସିକା-ଭଞ୍ଜନଗର ମୁଖ୍ୟ ରାସ୍ତାର ସାପୁଆପଲ୍ଲୀ ରେଷ୍ଟ ସେଡରେ ଡକାୟତି ଯୋଜନା କରୁଥିବା ୩ ଅଭିଯୁକ୍ତଙ୍କୁ ଶନିବାର ବିଳମ୍ବିତ ରାତିରେ ପୋଲିସ ଗିରଫ କରିଛି । ସେମାନେ ହେଲେ ଆସିକା ଥାନା ଢୁଙ୍କୁଣି ଗ୍ରାମର ସୁରେଶ ପ୍ରଧାନ, ଏ. ସୋନୁ ଓ କରାତଳି ଗ୍ରାମର ଡି. ବାଲାଜୀ ।

କେ.ବରିଡ଼ା ମୁଖ୍ୟ ରାସ୍ତା କଲଭର୍ଟ ଭୁଶୁଡ଼ିଲା

କେ.ବରିଡ଼ା ମୁଖ୍ୟ ରାସ୍ତା କଲଭର୍ଟ ଭୁଶୁଡ଼ିଲା

ବେଗୁନିଆପଡ଼ା,୨୩ା୭(ଡି.ଏନ.ଏ.) ବେଗୁନିଆପଡ଼ା ବ୍ଲ୍ଳକ କେ.ବରିଡ଼ା ମୁଖ୍ୟ ରାସ୍ତାରେ ଥିବା କଲଭର୍ଟ ଭୁଶୁଡ଼ି ଯିବା ଫଳରେ ଯାତାୟାତରେ ଅସୁବିଧା ସୃଷ୍ଟି ହୋଇଛି। ପିଡବ୍ଲ୍ୟୁଡି ରାସ୍ତାରୁ କେ.ବରିଡ଼ା ଗ୍ରାମକୁ ପ୍ରବେଶ କରିବା ମୁଖ୍ୟ ରାସ୍ତା ଅମରେଶ୍ୱରଙ୍କ ଗେଟ ନିକଟରେ ଥିବା କଲଭର୍ଟର ଛାତ ପ୍ରାୟ ୫ମାସ ତଳେ ଭୁଶୁଡ଼ି ପଡ଼ିଥିଲା।

ବସ୍‌ ଯିବାବେଳେ ଧସିଲା ଡାଇଭର୍ସନ୍‌ ରୋଡ

ବସ୍‌ ଯିବାବେଳେ ଧସିଲା ଡାଇଭର୍ସନ୍‌ ରୋଡ

ଜଗନ୍ନାଥପ୍ରସାଦ,୨୩ା୭- ଭଞ୍ଜନଗରରୁ ନୟାଗଡ଼ ଦେଇ ଯାଇଥିବା ୨୧ନଂ ରାଜ୍ୟ ରାଜପଥର ଭୂଷଣ୍ଡପାଳ ଛକଠାରେ ନିର୍ମାଣାଧୀନ ସେତୁର ଡାଇଭର୍ସନ୍‌ ରୋଡ ଧସିଯାଇଛି। ଶନିବାର ମଧ୍ୟରାତିରେ ଏକ ବସ ଯିବାବେଳେ ଡାଇଭର୍ସନ୍‌ ରୋଡଟି ଧୋଇଯାଇଥିଲେ ମଧ୍ୟ ଯାତ୍ରୀମାନେ ଏକ ନିଶ୍ଚିତ ଦୁର୍ଘଟଣାରୁ ବର୍ତ୍ତିଯାଇଛନ୍ତି।

ଆସିକା : ବିପଦ ସଙ୍କେତ ଉପରେ ବଡ଼ନଦୀ

ଆସିକା : ବିପଦ ସଙ୍କେତ ଉପରେ ବଡ଼ନଦୀ

ଆସିକା,୨୨ା୭ (ଡି.ଏନ୍‌.ଏ.): ଆସିକା ଅଞ୍ଚଳରେ ଗୁରୁବାର ରାତିରୁ ଲଗାଣ ବର୍ଷା ହେଉଥିଲା। ରବିବାର ବର୍ଷା କମିଛି। ଉପରମୁଣ୍ଡରେ ବର୍ଷା ଯୋଗୁ ଋଷିକୁଲ୍ୟା, ବଡ଼ନଦୀ ଓ ବାଘୁଆରେ ବନ୍ୟାଜଳ ପ୍ରବେଶ କରିଛି । ରବିବାର ସକାଳେ ଆସିକାଠାରେ ବଡ଼ନଦୀରେ ବନ୍ୟାଜଳ ବିପଦସଙ୍କେତ ଉପରେ ପ୍ରବାହିତ ହେଉଥିବା ବେଳେ ଋଷିକୁଲ୍ୟା ଓ ବାଘୁଆ ନଦୀରେ ବିପଦ ସଙ୍କେତଠାରୁ ବହୁ ତଳକୁ ରହିଥିଲା। ଆସିକାଠାରେ ବଡ଼ନଦୀର ବିପଦ ସଙ୍କେତ ୧୧ ଫୁଟ ରହିଥିବା ବେଳେ ରବିବାର ୧୧.୫ରେ ଜଳ ପ୍ରବାହିତ ହେଉଥିଲା ।

ସ୍ବଚ୍ଛ ଭାରତ ମିଶନ ପକ୍ଷରୁ ମାନବ ଶୃଙ୍ଖଳ

ସ୍ବଚ୍ଛ ଭାରତ ମିଶନ ପକ୍ଷରୁ ମାନବ ଶୃଙ୍ଖଳ

ରାଇକିଆ,୨୨ା୭(ଡ଼ି.ଏନ.ଏ)-କନ୍ଧମାଳ ଜିଲା ରାଇକିଆ ବ୍ଲକ ସ୍ବଚ୍ଛ ଭାରତ ମିଶନ ପକ୍ଷରୁ ରବିବାର ମାନବ ଶୃଙ୍ଖଳ କରାଯାଇଛି। ରାଇକିଆ ବ୍ଲକ ସଂପୂର୍ଣ୍ଣ ବାହ୍ୟ ମଳମୁକ୍ତ ଭାବେ ଘୋଷଣା ହେବା ଅବସରରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପାଇଖାନାର ବ୍ୟବହାର ଓ ନିଜ ଅଞ୍ଚଳକୁ ଆବର୍ଜନାମୁକ୍ତ କରିବା ପାଇଁ ଲୋକଙ୍କୁ ସଚେତନ କରାଯାଇଥିଲା।

ବାଘୁଆ ଜଳଭଣ୍ଡାରର ୨ ଗେଟ ଖୋଲିଲା

ବୁଗୁଡ଼ା,୨୨।୭(ଡି.ଏନ୍‌.ଏ.): ବୁଗୁଡ଼ା ବ୍ଲକ ଅନ୍ତର୍ଗତ ବାଘୁଆ ଜଳଭଣ୍ଡାରରୁ ୩ ବର୍ଷ ପରେ ପ୍ରଥମ ବନ୍ୟାଜଳ ନିଷ୍କାସନ କରାଯାଇଛି। ଶନିବାର ମଧ୍ୟ ରାତିରେ ଜଳଭଣ୍ଡାରର ୨ଟି ଗେଟ ଖୋଲାଯାଇଥିବା ଜଳସେଚନ କାର୍ଯ୍ୟାଳୟରୁ ଜଣାପଡିଛି। ବୁଡ଼ି ଆଶଙ୍କା ଥିବାରୁ ଆଖପାଖର ତଳିଆ ଅଞ୍ଚଳବାସୀଙ୍କୁ ସତର୍କ ରହିବା ପାଇଁ ଢ଼େଣ୍ଡୁରା ପିଟି ଜଣାଇଦିଆଯାଇଛି।

ସାପ କାମୁଡ଼ାରେ ମହିଳା ମୃତ

ସାପ କାମୁଡ଼ାରେ ମହିଳା ମୃତ

ପୋଲସରା,୨୨।୭(ଡି.ଏନ.ଏ.)-ପୋଲସରା ବ୍ଲକ ପାଣ୍ଡିରିପଡ଼ା ପଞ୍ଚାୟତ ପାତାଳସିଙ୍ଗି ଗ୍ରାମରେ ସାପ କମାୁଡ଼ରେ ଜଣେ ମହିଳାଙ୍କ ମୃତ୍ୟୁ ଘଟିଛି। ସେ ହେଲେ ନମିତା ପ୍ରଧାନ। ଶନିବାର ମଧ୍ୟରାତିରେ ଘରେ ଶୋଇଥିବା ବେଳେ ନମିତାଙ୍କୁ ସାପ କାମୁଡ଼ି ଦେଇଥିଲା। ପରିବାର ଲୋକେ ତାଙ୍କୁ ପ୍ରଥମେ ପୋଲସରା ଡାକ୍ତରଖାନାକୁ ନେଇଥିଲେ। ସେଠାରୁ ରବିବାର ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ନମିତାଙ୍କର ମୃତ୍ୟୁ ଘଟିଥିବା ପାଣ୍ଡିରିପଡ଼ାର ପୂର୍ବତନ ସରପଞ୍ଚ କୈଳାସ ମହାରଣା ସୂଚନା ଦେଇଛନ୍ତି। ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।

ସ୍ବାସ୍ଥ୍ୟ ପରୀକ୍ଷା, ସଚେତନତା ଶିବିର

ସ୍ବାସ୍ଥ୍ୟ ପରୀକ୍ଷା, ସଚେତନତା ଶିବିର

ଚିକିଟି,୨୨।୭(ଡି.ଏନ.ଏ.)-ଚିକିଟିଗଡ଼ସ୍ଥିତ ରାଜକବି ରାଧାମୋହନ ବିଦ୍ୟାପୀଠ ପରିସରରେ ରବିବାର ସ୍ବାସ୍ଥ୍ୟ ପରୀକ୍ଷା ଓ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ଶିବିରକୁ ବ୍ରହ୍ମପୁର ବଡମେଡିକାଲର ଚକ୍ଷୁ ବିଶେଷଜ୍ଞ ବି. ନାଗେଶ୍ୱର ସୁବୁଦ୍ଧି ଉଦଘାଟନ କରିଥିଲେ।

ଗଛ ପଡ଼ି ରାସ୍ତା ଅବରୋଧ

ଗଛ ପଡ଼ି ରାସ୍ତା ଅବରୋଧ

ଚିକିଟି,୨୨।୭(ଡି.ଏନ.ଏ.)-ଲଘୁଚାପଜନିତ ଲଗାଣ ବର୍ଷାରେ କେ.ନୂଆଗାଁ ଥାନା ଦିଗପହଣ୍ଡି ବ୍ଲକ୍‌ ତେଣ୍ଟୁଆପଡା ଗ୍ରାମର ଶେଷ ମୁଣ୍ଡରେ ଶନିବାର ଅପରାହ୍ନରେ ଏକ ବଡ଼ ଗଛ ଭାଙ୍ଗିପଡ଼ି ରାସ୍ତା ଅବରୋଧ ହୋଇଥିଲା। ତେବେ ୨୪ ଘଣ୍ଟା ପରେ ବି ଭାଙ୍ଗି ପଡ଼ିଥିବା ଗଛକୁ ହଟାଯାଇ ନାହିଁ। ଫଳରେ ଉକ୍ତ ରାସ୍ତା ଦେଇ ଯାନବାହାନ ଚଳାଚଳରେ ବ୍ୟାଘାତ ସୃଷ୍ଟି ହୋଇଛି। ସ୍ଥାନୀୟ ଲୋକେ ଅନ୍ୟ ଉପାୟ ନ ପାଇ କେ.ନୂଆଗାଁ ଥାନା ଦ୍ୱାରସ୍ଥ ହୋଇଛନ୍ତି। ରାସ୍ତାଟି ଗ୍ରାମ୍ୟ ଉନ୍ନୟନ ବିଭଗ ଅଧୀନରେ ରହିଥିଲେ ସୁଦ୍ଧା ଗଛ ହଟାଯାଇ ନ ଥିବାରୁ ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି।

ସୋରଡାରେ ବାହୁଡା ଯାତ୍ରା

ସୋରଡାରେ ବାହୁଡା ଯାତ୍ରା

ସୋରଡା,୨୨।୭(ଡି.ଏନ୍‌.ଏ.)- ଜନ୍ମ ବେଦୀରୁ ରତ୍ନ ବେଦୀକୁ ବାହୁଡିଛନ୍ତି ଶ୍ରୀ ଜଗନ୍ନାଥ। ସୋରଡାରେ ରବିବାର ପ୍ରବଳ ବର୍ଷା ସତ୍ତ୍ୱେ ବାହୁଡା ଯାତ୍ରା ଶାନ୍ତିଶୃଙ୍ଖଳାର ସହ ସମାପନ ହୋଇଛି। ଝିପିଝିପି ବର୍ଷା ସତ୍ତ୍ୱେ ପ୍ରବଳ ଜନସମାଗମ ଦେଖିବାକୁ ମିଳିଥିଲା।