ବ୍ରହ୍ମପୁର

ନାବାଳିକା ବଳାତ୍କାରୀଙ୍କୁ ୧୦ ବର୍ଷ ଜେଲ

ଫୁଲବାଣୀ ଅଫିସ, ୩୦ା୯- ବିବାହ ପ୍ରଲୋଭନ ଦେଖାଇ ଜଣେ ନାବାଳିକାଙ୍କୁ ବଳାତ୍କାର କରିବା ମାମଲାର ରାୟ ଶନିବାର ପ୍ରକାଶ ପାଇଛି ା ଫୁଲବାଣୀ ପୋକ୍‌ସୋ କୋର୍ଟ ସ୍ବତନ୍ତ୍ର ବିଚାରପତି ସୁଶାନ୍ତ ପଟେଲ ଏହି ମାମଲାର ବିଚାର କରି ଅଭିଯୁକ୍ତଙ୍କୁ ୧୦ ବର୍ଷ ସଶ୍ରମ କାରାଦଣ୍ଡ ସହ ୧୫ ହଜାର ଟଙ୍କା ଜରିମାନା କରିଛନ୍ତି। ଏହା ଅନାଦାୟ ଅଧିକ ୩ ବର୍ଷ ୪ ମାସ ଜେଲ ଭୋଗିବାକୁ ପଡିବ ା ଜରିମାନା ବାବଦ ଟଙ୍କା ପୀଡିତାଙ୍କୁ ପ୍ରଦାନ କରାଯିବ ବୋଲି ରାୟରେ ଉଲ୍ଲେଖ କରିଛନ୍ତିି ା ଅଭିଯୁକ୍ତ ଜଣକ ହେଲେ ରାଇକିଆ ଥାନା ଗୁଡ୍ରିବାଡା ଗ୍ରାମର ବିଶ୍ୱ ଦିଗାଲ ଓରଫ ବିଶ୍ୱାମିତ୍ର ନାୟକ ା ୨୦୧୪ ଅକ୍ଟୋବର ୨୦ରେ ସାରଙ୍ଗଡ ଥାନା ଅଞ୍ଚଳର ଜଣେ ନାବାଳିକା ତଥା ୧୦ମ ଶ୍ରେଣୀ ଛାତ୍ରୀ ସ୍କୁଲକୁ ଯାଉଥିବା ବେଳେ ବିଶ୍ୱାମିତ୍ର ଏକ ଟାଟା ମ୍ୟାଜିକରେ ଆସି ତାଙ୍କୁ ନିଜ ଘରକୁ ଉଠାଇ ନେଇଥିଲେ।

ଟ୍ରେନରୁ ଖସି ଦାଦନ ଶ୍ରମିକଙ୍କ ମୃତ୍ୟୁ

ବେଗୁନିଆପଡ଼ା, ୩୦ା୯ (ଡି.ଏନ.ଏ.)- ବେଗୁନିଆପଡ଼ା ଫାଣ୍ଡି  ଏସ୍‌.ଛଚିନା ପଞ୍ଚାୟତ ମଠବରିଡ଼ା ଗ୍ରାମର ଜଣେ ଯୁବକ ଦାଦନ ଖଟିବାକୁ ଯାଇ ଗ୍ରାମକୁ ଫେରୁଥିବା ବେଳେ ଟ୍ରେନରୁ ଖସି ମୃତ୍ୟୁବରଣ କରିଛନ୍ତି।  ମୃତକ  ହେଲେ କାଳିଆ ଦାସ (୪୭)। କାଳିଆ କିଛିଦିନ ତଳେ ଜଣେ ଠିକାଦାରଙ୍କ ସହ ଗୁଜରାଟର ସୁରଟକୁ କାମ କରିବା ପାଇଁ ଯାଇଥିଲେ। ସେ ଗ୍ରାମକୁ ଫେରୁଥିବା ବେଳେ ଗତ ୨୮ ତାରିଖରେ ଅନୁଗୋଳଠାରେ ଟ୍ରେନରୁ ଖସି ପଡ଼ି ମୃତ୍ୟୁବରଣ କରିଛନ୍ତି। ରେଳବାଇ ପୋଲିସ କାଳିଆଙ୍କ ମୃତଦେହ  ଅନୁଗୋଳ ମେଡିକାଲକୁ ନେବା ସହ ତାଙ୍କ ପରିବାରକୁ ଫୋନରେ ଜଣାଇଥିଲେ। 

ଧରାକୋଟ ଷ୍ଟେଟବ୍ୟାଙ୍କରେ ଅବ୍ୟବସ୍ଥା

ଧରାକୋଟ ଷ୍ଟେଟବ୍ୟାଙ୍କରେ ଅବ୍ୟବସ୍ଥା

ଧରାକୋଟ,୩୦ା୯(ଡି.ଏନ୍‌.ଏ.)- ଧରାକୋଟରେ ଥିବା ଭାରତୀୟ ଷ୍ଟେଟବ୍ୟାଙ୍କ ଶାଖା ଅଞ୍ଚଳର ଲୋକଙ୍କୁ ସେବା ଯୋଗାଇବାରେ ବିଫଳ ହେଉଥିବା ଯୋଗୁ ଗ୍ରାହକଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି। ଫଳରେ ଗ୍ରାହକ ଏଠାରୁ ମୁହଁ ଫେରାଉଛନ୍ତି। ଏହି ରାଷ୍ଟ୍ରାୟତ୍ତ ବ୍ୟାଙ୍କ ଉପରେ ବ୍ଲକର ୧୮ ପଞ୍ଚାୟତର ଲୋକେ ଏବଂ ଧରାକୋଟ ବ୍ଲକ ଅଞ୍ଚଳର ସମସ୍ତ ସରକାରୀ କର୍ମଚାରୀମାନେ ମାସିକ ଦରମାଠାରୁ ସରକାରୀ ଯୋଜନାର ଅନୁଦାନ ଆଦି କାମ ପାଇଁ ନିର୍ଭର କରିଥାନ୍ତି। ମାତ୍ର ସୀମିତ କର୍ମଚାରୀ ଓ ସେମାନଙ୍କ ବ୍ୟବହାରରେ ସମସ୍ତେ ଅତିଷ୍ଠ। ଏହା ଗ୍ରାହକ ସେବାର ଏକମାତ୍ର ମାଧ୍ୟମ ହୋଇଥିଲେ ମଧ୍ୟ ବ୍ୟାଙ୍କର କାରବାର ଅଭିବୃଦ୍ଧି ହେବା ବଦଳରେ କମୁଛି। ଘଣ୍ଟା ଘଣ୍ଟା ଧରିର ଲୋକେ ଲମ୍ବା ଧାଡିରେ ନାହିଁ ନ ଥିବା ହିନସ୍ତା ହେବା ସହ କର୍ମଚାରୀଙ୍କ ବିରକ୍ତିର ମଧ୍ୟ ଶିକାର ହେଉଛନ୍ତି। 

ଗଞ୍ଜାମ ବ୍ଲକସ୍ତରୀୟ ଜନଶୁଣାଣି

ଗଞ୍ଜାମ ବ୍ଲକସ୍ତରୀୟ ଜନଶୁଣାଣି

ଗଞ୍ଜାମ,୩୦ା୯(ଡି.ଏନ.ଏ.)- ଗଞ୍ଜାମ ବ୍ଲକ କାର୍ଯ୍ୟାଳୟ ସଭାଗୃହରେ ବିଡିଓ ଜ୍ୟୋତି ଶଙ୍କର ରାଏଙ୍କ ଅଧ୍ୟକ୍ଷତାରେ ବ୍ଲକସ୍ତରୀୟ ଜନଶୁଣାଣି କାର୍ଯ୍ୟକ୍ରମ ଶନିବାର ଅନୁଷ୍ଠିତ ହୋଇଯାଇଛି। ଏଥିରେ ଛତ୍ରପୁର ଉପଜିଲାପାଳ ଦେବବ୍ରତ ସାହୁ, ବ୍ଲକ ଅଧ୍ୟକ୍ଷ ପ୍ରଶାନ୍ତ କୁମାର ନାୟକ, ସହକାରୀ ଯନ୍ତ୍ରୀ ଟି. ଲୋକେଶ, ଜିଲା ସାମାଜିକ ସୁରକ୍ଷା ତଦନ୍ତ ଅଧିକାରୀ ରବୀନ୍ଦ୍ର କୁମାର ମଲାଣ ପ୍ରମୁଖ ମଞ୍ଚାସୀନ ଥିଲେ। ପ୍ରାରମ୍ଭରେ ଅତିରିକ୍ତ ପ୍ରୋଗ୍ରାମ ଅଫିସର ଗୋପାଳ କୃଷ୍ଣ ପଣ୍ଡା ୨୦୧୮ରୁ୧୯ ଆର୍ଥିକ ବର୍ଷର ବିବରଣୀ ପ୍ରଦାନ କରିଥିଲେ। ପଞ୍ଚାୟତ ଗୁଡ଼ିକରେ ବିଭିନ୍ନ ପ୍ରକଳ୍ପ ତଥା ଡଗୱେଲ, ଗାଈଗୁହାଳ, ଖେଳ ପଡ଼ିଆ, ପାନୀୟ ଜଳ, ଆଲୋକ ବ୍ୟବସ୍ଥା, ଚାରା ରୋପଣ, କଲ୍ୟାଣ ମଣ୍ଡପ ଆଦି ଉନ୍ନୟନମୂଳକ କାର୍ଯ୍ୟର ବ୍ୟୟବରାଦ ଉପରେ ଆଲୋଚନା ହୋଇଥିଲା। 

ଧରିତ୍ରୀ, ଓଡ଼ିଶା ପୋଷ୍ଟର ପ୍ଲାଷ୍ଟିକ୍‌ ମୁକ୍ତ ଓଡ଼ିଶା ଅଭିଯାନ: ସାମିଲ ହେଲେ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ବୈଜ୍ଞାନିକ

ଧରିତ୍ରୀ, ଓଡ଼ିଶା ପୋଷ୍ଟର ପ୍ଲାଷ୍ଟିକ୍‌ ମୁକ୍ତ ଓଡ଼ିଶା ଅଭିଯାନ: ସାମିଲ ହେଲେ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ବୈଜ୍ଞାନିକ

ଭଞ୍ଜନଗର,୩୦।୯(ଡି.ଏନ.ଏ.)- ଭଞ୍ଜନଗର କୃଷି ବିଜ୍ଞାନ କେନ୍ଦ୍ର ଏବଂ ସ୍ଥାନୀୟ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର  ମିଳିତ ସହଯୋଗରେ ଶନିବାର ବିଦ୍ୟାଳୟ ପରିସରରେ ସ୍ବଚ୍ଛ ଭାରତ କାର୍ଯ୍ୟକ୍ରମ ହୋଇଥିଲା। ଆୟୋଜିତ ସଭାରେ କୃଷି ବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକ ଡ. ସ୍ବାଗତିକା ସାହୁ ଅଧ୍ୟକ୍ଷତା କରିଥିଲେ। ବୈଜ୍ଞାନିକ ପ୍ରଶାନ୍ତ କୁମାର ପଣ୍ଡା ସ୍ବାଗତ ଭାଷଣ ଦେବାସହ ମାନବ ସମାଜ ପାଇଁ ସ୍ବଚ୍ଛ ପରିବେଶ କାହିଁକି ଆବଶ୍ୟକ ସେ ଉପରେ କହିଥିଲେ। ମୃତ୍ତିକା ସଂରକ୍ଷଣ ସହ ବୃକ୍ଷରୋପଣ କରିବା ପାଇଁ ପଣ୍ଡା ଉପସ୍ଥିତ  ଛାତ୍ରୀଛାତ୍ରଙ୍କୁ ଆହ୍ବାନ କରିଥିଲେ। ଅବସରପ୍ରାପ୍ତ କଲେଜ ଅଧ୍ୟକ୍ଷ କୃତିବାସ ବିଶ୍ୱାଳ ମୁଖ୍ୟ ଅତିଥି ଭାବେ ଯୋଗଦେଇ ପ୍ଲାଷ୍ଟିକ୍‌ ବ୍ୟବହାରର  କୁପ୍ରଭାବ ଉପରେ କହିଥିଲେ।

ଘୁମୁସର ଜିଲା ଦାବିରେ ଓକିଲଙ୍କ କାର୍ଯ୍ୟବନ୍ଦ ଆନ୍ଦୋଳନ

ଭଞ୍ଜନଗର,୩୦।୯(ଡି.ଏନ.ଏ.)- ଘୁମୁସର ଜିଲା ଘୋଷଣା ଏବଂ ବ୍ରହ୍ମପୁର ଠାରେ ହାଇକୋର୍ଟର ସ୍ଥାୟୀ ବେଞ୍ଚ ସ୍ଥାପନ ଦାବିନେଇ ଭଞ୍ଜନଗର ବାର୍‌ ଆସୋସିଏଶନ ପକ୍ଷରୁ ଶନିବାର କାର୍ଯ୍ୟବନ୍ଦ ଆନ୍ଦୋଳନ କରାଯାଇଥିଲା। ଆଇନଜୀବୀମାନେ କୋର୍ଟ ମୁଖ୍ୟ ଫାଟକ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ସୂଚନାଯୋଗ୍ୟଯେ ପ୍ରାୟ ୧୦ ବର୍ଷରୁ ଉର୍ଦ୍ଧ୍ୱ ହେବ  ପ୍ରତ୍ୟେକ ମାସର ଶେଷ ୨ କାର୍ଯ୍ୟ ଦିବସ ଦିନ ଉକ୍ତ ଦାବିନେଇ ବାର ଆସୋସିଏଶନ ପକ୍ଷରୁ କାର୍ଯ୍ୟବନ୍ଦ ଆନ୍ଦୋଳନ କରାଯାଉଛି।

ଶିଶୁ ଯତ୍ନ କେନ୍ଦ୍ରରୁ ପିଲା ନିଜ ଜିଲାକୁ ଫେରିବେ

ଶିଶୁ ଯତ୍ନ କେନ୍ଦ୍ରରୁ ପିଲା ନିଜ ଜିଲାକୁ ଫେରିବେ

ଛତ୍ରପୁର,୩୦ା୯(ଡି.ଏନ.ଏ)- ଶିଶୁ ଯତ୍ନ କେନ୍ଦ୍ରରେ ରହୁଥିବା ପିଲମାନଙ୍କର ଆଧାର କାର୍ଡ କରାଯିବ। ସେଥିରେ ସେମାନଙ୍କର ଠିକ୍‌ ଠିକଣା ରହିବ। ସ୍ଥାନୀୟ ବିଡିଓ, ତହସିଲଦାର ଓ ସିଡିପିଓ ପ୍ରତି ମାସରେ ଶିଶୁ ଯତ୍ନ କେନ୍ଦ୍ର ପରିଦର୍ଶନ କରିବେ। ସେଠାରେ ଥିବା କର୍ମଚାରୀ ଠିକ୍‌ କାମ ନ କଲେ ତାଙ୍କୁୁ ବରଖାସ୍ତ କରାଯିବ। ଅନ୍ୟାନ୍ୟ ଜିଲାରୁ ଆସି ଗଞ୍ଜାମ ଜିଲା ଶିଶୁ ଯତ୍ନ କେନ୍ଦ୍ରରେ ଥିବା ପିଲାମାନଙ୍କୁ ସେମାନଙ୍କ ନିଜ ଜିଲାର ଶିଶୁ ଯତ୍ନ କେନ୍ଦ୍ରକୁ ପଠାଯିବ। ଶନିବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ଶିଶୁ ସୁରକ୍ଷା କମିଟି ବୈଠକରେ ଜିଲାପାଳ ବିଜୟ ଅମୃତା କୁଲାଙ୍ଗେ ଉପରୋକ୍ତ ନିର୍ଦ୍ଦେଶ ଦେଇଛନ୍ତି। ଦଲାଲମାନଙ୍କ ଦ୍ୱାରା ଶିଶୁମାନେ ବିଶେଷକରି ବ୍ରହ୍ମପୁର ଷ୍ଟେଶନରୁ ଅନ୍ୟତ୍ର ଚାଲାଣ ହେଉଛନ୍ତି। ରେଳ ଷ୍ଟେଶନରେ ଶିଶୁ ଚାଲାଣକୁ ରୋକିବା ପାଇଁ ସତର୍କତା ପ୍ରଚାର ପତ୍ର ରହିବ।

ଟ୍ରେନ୍‌ ବିଳମ୍ବ କାରଣ ପଚାରି ମାଡ଼ ଖାଇଲେ ଯାତ୍ରୀ

ବ୍ରହ୍ମପୁର ଅଫିସ୍‌,୩୦ା୯-ଟ୍ରେନ୍‌ ବିଳମ୍ବ ହେବାର କାରଣ ପଚାରି ୨ ଜଣ ଯାତ୍ରୀଙ୍କୁ ମାଡ ଖାଇବାକୁ ପଡ଼ିଛି ା ରେଳପଥ କର୍ମଚାରୀଙ୍କ ମାଡରେ ୨ ଜଣ ଯୁବକ ହଟହଟା ହୋଇଛନ୍ତି ା ଶୁକ୍ରବାର ବିଳମ୍ବିତ ରାତିରେ ବ୍ରହ୍ମପୁର ରେଳବାଇ ଷ୍ଟେଶନରେ ଏଭଳି ଘଟଣା ଘଟିଛି ା ଏ ନେଇ ବ୍ରହ୍ମପୁର ରେଳପଥ ଥାନାରେ ଅଭିଯୋଗ ହେବା ପରେ ମାମଲାର ସମାଧାନ ହୋଇଛି ା   ସୂଚନା ମୁତାବକ, ଶୁକ୍ରବାର ରାତି ପ୍ରାୟ ୮ ଟା ବେଳେ ବିଶାଖାପାଟଣା-ଭୁବନେଶ୍ୱର ଇଣ୍ଟରସିଟି ଏକ୍ସପ୍ରେସ ବ୍ରହ୍ମପୁର ଷ୍ଟେଶନ  ୧ ନମ୍ବର ପ୍ଲାଟଫର୍ମରେ ପହଞ୍ଚିଥିଲା ା ଷ୍ଟେଶନରେ ଅପେକ୍ଷାରତ ଯାତ୍ରୀ ଟ୍ରେନ୍‌ରେ ବସିବା ପରେ ଏହା ପ୍ଲାଟଫର୍ମ ଛାଡିଥିଲା ା ୨୦୦ ମିଟର ଆଗକୁ ଗଲା ପରେ ଟ୍ରେନ୍‌ର ବ୍ରେକ୍‌ ଡାଉନ ହୋଇଯାଇଥିଲା ା ଏ ନେଇ ପାଇଲଟ ଷ୍ଟେଶନ ମ୍ୟାନେଜରଙ୍କୁ ଖବର ଦେବାପରେ ଟ୍ରେନ୍‌ଟି ପୁଣି ପଛକୁ ଫେରି ପ୍ଲାଟଫର୍ମରେ ଛିଡ଼ା ହୋଇଥିଲା ା ତେବେ ୮ ଟାରୁ ରାତି ୧୧ଟା ପର୍ଯ୍ୟନ୍ତ ଟ୍ରେନର ମରାମତି ହୋଇ ପାରି ନ ଥିବାରୁ  ଯାତ୍ରୀମାନେ ନାନା ହଇରାଣ ହୋଇଥିଲେ ା 

୯ଦିନରେ କଣ୍ଟାପୀଢା ଯାତ୍ରା: ମନ ମୋହୁଛି ବିଭିନ୍ନ ବେଶ, ନୃତ୍ୟ

୯ଦିନରେ କଣ୍ଟାପୀଢା ଯାତ୍ରା: ମନ ମୋହୁଛି ବିଭିନ୍ନ ବେଶ, ନୃତ୍ୟ

ସୋରଡା,୨୯।୯(ଡି.ଏନ୍‌.ଏ.)- ନବମ ଦିନରେ ପହଞ୍ଚତ୍ଛି କଣ୍ଟାପୀଢା ଯାତ୍ରା। ସହରରେ ପାରମ୍ପରିକ ବାଘବେଶ, ପିଲାଖାଇ ଡାହାଣୀ, କୃଷ୍ଣବେଶରେ ମାନସିକଧାରୀମାନେ ନଗର ଭ୍ରମଣ କରୁଛନ୍ତି। ବଡଦାଣ୍ଡରେ ଫୁଲ ବ୍ୟବସାୟୀଙ୍କ ପସରା ଯାତ୍ରୀମାନଙ୍କୁ ଆକୃଷ୍ଠ କରିଛି। ଶଶିଭୂଷଣ ଖେଳ ପଡିଆରେ ରାମଦୋଳି, ମୀନାବଜାରରେ ପ୍ରବଳ ଗହଳି ପରିଲକ୍ଷିତ ହେଉଛି। ରଥପଦାଠାରେ କନ୍ଧୁଣୀ ଦେବୀ ମହୋତ୍ସବର ଦ୍ୱିତୀୟ ସନ୍ଧ୍ୟାରେ ମମତା ସେବାଶ୍ରମର ଯୋଗ ସଚେତନତା ସହ ଶିବିରାର୍ଥୀମାନଙ୍କ ଦ୍ୱାରା ଯୋଗ ପ୍ରାଣାୟମ ଶିକ୍ଷା କାର୍ଯ୍ୟକ୍ରମ କରାଯାଉଛି। ଗୁରୁ ଆଦିତ୍ୟ ଶତପଥୀଙ୍କ ସଂଯୋଜନାରେ ୧୫ରୁ ଉର୍ଦ୍ଧ୍ୱ ଶିବିରାର୍ଥୀ ଯୋଗକଳା ପ୍ରଦର୍ଶନ ସହ ଏହାର ଆବଶ୍ୟକତା ଉପରେ ଶିକ୍ଷା ପ୍ରଦାନ କରିଥିଲେ। ପରେ କୁନି କୁନି ଶୁଶୁମାନଙ୍କ ଦ୍ୱାରା ନୃତ୍ୟ, ସମ୍ବଲପୁରୀ, ଓଡିଶୀ ଓ ବ୍ରେକ୍‌ ଡ୍ୟାନ୍ସ ପରିବେଷଣ ହୋଇଥିଲା। ସମ୍ପାଦକ ଦୁର୍ଗାଚରଣ ଶତପଥୀ, କୈଳାସ ପଣ୍ଡା, ଟୁପୁଲା ମହାପାତ୍ରଙ୍କ ସମେତ ବହୁ ଯୁବକ ପରିଚାଳନା କରିଥିଲେ। ଥାନା ଅଧିକାରୀ ପ୍ରଭାତ ସାହୁ ଶାନ୍ତିଶୃଙ୍ଖଳା ରକ୍ଷା କରିଥିବାବେଳେ ଆମ ପୋଲିସ ସମିତି ପକ୍ଷରୁ ପ୍ରସାଦ ବଣ୍ଟା ଯାଇଥିଲା।

ଲାୟନ୍ସ କ୍ଲବ, ବାଳିକା ଉଚ୍ଚ ବିଦ୍ୟାଳୟର ପ୍ଲାଷ୍ଟିକ୍‌ ବର୍ଜନ ଶୋଭାଯାତ୍ରା

ସୋରଡା,୨୯।୯(ଡି.ଏନ୍‌.ଏ.)- ସ୍ଥାନୀୟ ଲାୟନ୍ସ କ୍ଲବ ଓ ସରକାରୀ ବାଳିକା ଉଚ୍ଚ ବିଦ୍ୟାଳୟ ଛାତ୍ରୀଛାତ୍ରମାନେ ପ୍ଲାଷ୍ଟିକ୍‌ ବର୍ଜନ କରିବାକୁ ଅନୁରୋଧ କରିଛନ୍ତି। ଶନିବାର ଏନେଇ ବିଦ୍ୟାଳୟର ପ୍ରଧାନ ଶିକ୍ଷକ ବସନ୍ତ କୁମାର ପଣ୍ଡାଙ୍କ ତତ୍ତ୍ୱାବଧାନରେ ବିଦ୍ୟାଳୟ ପରିସରରେ ଆୟୋଜିତ ଏକ ସଭାରେ ଏବିଡିଓ ସୁଶୀଲ କୁମାର ପଟ୍ଟନାୟକ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ କରିଥିଲେ। ଲାୟନ୍ସ କ୍ଲବର ଶିବଶଙ୍କର ପଣ୍ଡା, ଚିନାରୀ ପ୍ରଶାନ୍ତ ପାତ୍ର, ସରୋଜ ପାତ୍ର, ମହେଶ୍ୱର ସାହୁ, ଶ୍ରୀକାନ୍ତ ଦାଶ, ପ୍ରଫୁଲ୍ଲ ମହାଙ୍କୁଡ, ସନ୍ତୋଷ ଚୌଧୁରୀ, ଶିବ ଦାଶ ପ୍ରମୁଖ ଯୋଗଦେଇ ନିଜେ ସଚେତନ ହୋଇ ଅନ୍ୟମାନଙ୍କୁ ପ୍ଲାଷ୍ଟିକ୍‌ ବର୍ଜନ ପାଇଁ ସଚେତନତା କରିବାକୁ କହିଥିଲେ। ଆୟୋଜିତ ମିଳିତ ସଚେତନତା ଶୋଭାଯାତ୍ରାକୁ ଏବିଡିଓ ସୁଶୀଲ କୁମାର ପଟ୍ଟନାୟକ ପତାକା ଦେଖାଇ ଶୁଭାରମ୍ଭ କରିଥିଲେ।

ଅମ୍ରି ହସ୍ପିଟାଲ ପକ୍ଷରୁ ବିଶ୍ୱ ହୃତ୍‌ପିଣ୍ଡ ଦିବସ ପାଳିତ

ଅମ୍ରି ହସ୍ପିଟାଲ ପକ୍ଷରୁ ବିଶ୍ୱ ହୃତ୍‌ପିଣ୍ଡ ଦିବସ ପାଳିତ

ବ୍ରହ୍ମପୁର ଅଫିସ,୨୯।୯: ଅମ୍ରି ହସ୍ପିଟାଲ ପକ୍ଷରୁ ବିଶ୍ୱ ହୃତ୍‌ପିଣ୍ଡ ଦିବସ ଶନିବାର ପାଳିତ ହୋଇଯାଇଛି।

ପ୍ରହସନ ପାଲଟିଛି ଏମ୍‌ସିଆଇ ନିର୍ଦ୍ଦେଶ

ବାଲିଗୁଡ଼ା,୨୯।୯(ଡି.ଏନ୍‌.ଏ.): ରୋଗୀଙ୍କ ଔଷଧ ଚିଠାରେ ଔଷଧର ନାମ ଓ ସେବନର ବିଧି ବଡ଼ ଓ ସ୍ପଷ୍ଟ ଅକ୍ଷରରେ ଲେଖିବା ପାଇଁ ଗତ ବର୍ଷ ଏପ୍ରିଲ ମାସରେ ଏମ୍‌ସିଆଇ(ମେଡିକାଲ କାଉନ୍‌ସିଲ୍‌ ଅଫ୍‌ ଇଣ୍ଡିଆ) ସବୁ ରାଜ୍ୟ ସରକାର ଓ ମେଡିକାଲ୍‌ କଲେଜର ଅଧ୍ୟକ୍ଷମାନଙ୍କୁ କଡ଼ା ନିର୍ଦ୍ଦେଶ ଦେଇଥିଲେ। ଡାକ୍ତରମାନେ ଏହି ନିର୍ଦ୍ଦେଶ ପାଳନ କରିବାକୁ ବାଧ୍ୟ। ଏହା ନ କଲେ ଏମ୍‌ସିଆଇ ଏପରି ଅବହେଳାକୁ ବରଦାସ୍ତ କରିବ ନାହିଁ ବୋଲି ଏହି ନିର୍ଦ୍ଦେଶାବଳୀରେ ସ୍ପଷ୍ଟ କରାଯାଇଥିଲା। 

କବିବର ରାଧାନାଥ ଜୟନ୍ତୀ ସମାରୋହ

କବିବର ରାଧାନାଥ ଜୟନ୍ତୀ ସମାରୋହ

ବାଲିଗୁଡ଼ା,୨୯।୯(ଡି.ଏନ୍‌.ଏ.): କନ୍ଧମାଳ ଜିଲା ବାଲିଗୁଡ଼ା ଟାଉନ୍‌ର ପୁରାତନ ସାହିତ୍ୟାନୁଷ୍ଠାନ ଶାଳବଣ ସାହିତ୍ୟ ସଂସଦ ଆନୁକୂଲ୍ୟରେ ସ୍ଥାନୀୟ ବନବାସୀ ସେବା ସମିତିର ସଭାଗୃହରେ ଶନିବାର କବିବର ରାଧାନାଥଙ୍କ ଜୟନ୍ତୀ ସମାରୋହ ଅନୁଷ୍ଠିତ ହୋଇଯାଇଛି। 

କୂଅକୁ ଡେଇଁ ଦୁଇ ଭଉଣୀଙ୍କ ଆତ୍ମହତ୍ୟା

କୂଅକୁ ଡେଇଁ ଦୁଇ ଭଉଣୀଙ୍କ ଆତ୍ମହତ୍ୟା

ଆର୍‌.ଉଦୟଗିରି, ୨୯।୯(ଡି.ଏନ୍‌.ଏ.): ଗଜପତି ଜିଲା ଆର୍‌.ଉଦୟଗିରି ଥାନା ଛେଳିଗଡ଼ ଗ୍ରାମରେ ଶନିବାର ଏକ ଅଭାବନୀୟ ଘଟଣା ଘଟିଛି। ଗ୍ରାମର ପ୍ରମୋଦ ଆଚାରୀଙ୍କ ୨ ଝିଅ କୂଅକୁ ଡେଇଁ ଆତ୍ମହତ୍ୟା କରିଛନ୍ତି। ମୃତକ ହେଲେ ସ୍ବପ୍ନା ଆଚାରୀ ଓ କିରଣ ଆଚାରୀ।

ଘୋଡାହାଡ଼ ନଦୀରେ ବୁଡ଼ି ମା’, ପୁଅଙ୍କ ଜୀବନ ଗଲା

ଘୋଡାହାଡ଼ ନଦୀରେ ବୁଡ଼ି ମା’, ପୁଅଙ୍କ ଜୀବନ ଗଲା

ଦିଗପହଣ୍ଡି,୨୯।୯(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ନିମଖଣ୍ଡି ପେଣ୍ଠ ଘୋଡାହାଡ଼ ନଦୀରେ ବୁଡି ଶନିବାର  ମା’ ଏବଂ ପୁଅଙ୍କ ମୃତ୍ୟୁ ଘଟିଛି। ସେମାନେ ହେଲେ ପନାଡ଼ ଗ୍ରାମର ଦୁର୍ଯ୍ୟୋଧନ ମହାରଣାଙ୍କ ସ୍ତ୍ରୀ ସୁଷମା (୩୫) ଓ ପୁଅ ବିଷ୍ଣୁ ପ୍ରସାଦ।(୮)। 

ପାଇଖାନା ନିର୍ମାଣ କରୁ ନ ଥିବା ଲୋକଙ୍କୁ  ଦିଆଗଲା ବାଲି ଭର୍ତ୍ତି ଠୁଙ୍ଗା

ପାଇଖାନା ନିର୍ମାଣ କରୁ ନ ଥିବା ଲୋକଙ୍କୁ ଦିଆଗଲା ବାଲି ଭର୍ତ୍ତି ଠୁଙ୍ଗା

ଛତ୍ରପୁର,୨୯ା୯(ଡି.ଏନ.ଏ.)-ଗଞ୍ଜାମ ଜିଲାର ବିଭିନ୍ନ ସ୍ଥାନରେ ଏବେ ବି ଲୋକେ ବାହାରେ ଶୌଚ ହେଉଛନ୍ତି। ଯେତେ ସଚେତନ କରାଗଲେ ମଧ୍ୟ ସେମାନେ ସୁଧୁରୁନାହାନ୍ତି। ଘରେ ପାଇଖାନା ନିର୍ମାଣ କରୁନାହାନ୍ତି। 

ପ୍ଲାଷ୍ଟିକମୁକ୍ତ ପାଇଁ ଆହ୍ବାନ ଦେଲେ ଜିଲାପାଳ

ପ୍ଲାଷ୍ଟିକମୁକ୍ତ ପାଇଁ ଆହ୍ବାନ ଦେଲେ ଜିଲାପାଳ

ହିଞ୍ଜିଳିକାଟୁ,୨୯ା୯(ଡି.ଏନ୍‌.ଏ.) -ହିଞ୍ଜିଳିକାଟୁ ପୌରାଞ୍ଚଳକୁ ଶୁକ୍ରବାର ବାହ୍ୟ ମଳମୁକ୍ତ ସହର ଭାବେ ଘୋଷଣା କରାଯାଇଛି। ଏନେଇ ଆୟୋଜିତ ଏକ ଉତ୍ସବ ଶୁକ୍ରବାର ସନ୍ଧ୍ୟାରେ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଥିଲା।

ଆକ୍ରମଣ ମାମଲା : ଅଭିଯୁକ୍ତ ପୋଷ୍ଟମାଷ୍ଟର ଗିରଫ

ଦିଗପହଣ୍ଡି,୨୯ା୯(ଡି.ଏନ.ଏ.)-ଦିଗପହଣ୍ଡି ବ୍ଲକ ଗୌଡ଼ଗାଁର ପୋଷ୍ଟମାଷ୍ଟର ମାଧବ ପାଣିଗ୍ରାହୀଙ୍କୁ ଶୁକ୍ରବାର କେ.ନୂଆଗାଁ ପୋଲିସ ଗିରଫ କରି କୋର୍ଟଚାଲାଣ କରିଛି। 

ଅପରାଧ ସମୀକ୍ଷା କଲେ ଏସ୍‌ପି : ପଡ଼ି ରହିଥିବା ମାମଲା ସମାଧାନ କରିବାକୁ ନିର୍ଦ୍ଦେଶ

ଅପରାଧ ସମୀକ୍ଷା କଲେ ଏସ୍‌ପି : ପଡ଼ି ରହିଥିବା ମାମଲା ସମାଧାନ କରିବାକୁ ନିର୍ଦ୍ଦେଶ

ଛତ୍ରପୁର,୨୯ା୯(ଡି.ଏନ.ଏ) -ଗଞ୍ଜାମ ପୋଲିସ ଜିଲାର ଅପରାଧ  ସମୀକ୍ଷା ବୈଠକ ଶୁକ୍ରବାର ସ୍ଥାନୀୟ ଏସ୍‌ପିଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଏଥିରେ ଗଞ୍ଜାମ ଏସ୍‌ପି ବ୍ରିଜେଶ କୁମାର ରଏ ଏଥିରେ ଅଧ୍ୟକ୍ଷତା କରିଥିଲେ ା

କେନ୍ଦ୍ର ବିରୋଧରେ ମହିଳାଙ୍କୁ ସଚେତନ କରାଯିବ

ବ୍ରହ୍ମପୁର ଅଫିସ,୨୯ା୯-ବ୍ରହ୍ମପୁର ବିଧାନସଭା ନିର୍ବାଚନ ମଣ୍ଡଳୀସ୍ତରୀୟ ବିଜୁ ମହିଳା ଜନତା ଦଳର ସମାବେଶ ଗୁରୁବାର ଅନୁଷ୍ଠିତ ହୋଇଯାଇଛି। 

ବଧୂ ନିର୍ଯାତନା ଅଭିଯୋଗରେ ବାପ, ପୁଅ ଗିରଫ

ବଧୂ ନିର୍ଯାତନା ଅଭିଯୋଗରେ ବାପ, ପୁଅ ଗିରଫ

ବ୍ରହ୍ମପୁର ଅଫିସ୍‌,୨୯ା୯: ବଧୂ ନିର୍ଯାତନା ଅଭିଯୋଗରେ ବ୍ରହ୍ମପୁର ଗୋଷାଣୀନୂଆଗଁା ପୋଲିସ ଦ୍ୱିତୀୟ ତୋଟାସାହିର ବାପ ବି.ଗଣପତି ରେଡ୍ଡୀ ଏବଂ ପୁଅ ବି.ଶ୍ରୀନିବାସ ରେଡ୍ଡୀଙ୍କୁ ଶୁକ୍ରବାର ଗିରଫ କରି କୋର୍ଟ ଚାଲାଣ କରିଛି। ଜାମିନ ନାମଞ୍ଜୁର ହେବାରୁ ହାଜତକୁ ପଠାଇ ଦିଆଯାଇଥିବା ଜଣାପଡିଛି। 

ବ୍ରହ୍ମପୁରରେ ବ୍ୟବସାୟ ଠପ୍‌

ବ୍ରହ୍ମପୁରରେ ବ୍ୟବସାୟ ଠପ୍‌

ବ୍ରହ୍ମପୁର ଅଫିସ,୨୯ା୯-
ଭାରତ ବଜାରରେ ଶତପ୍ରତିଶତ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ(ଏଫଡିଆଇ)କୁ କେନ୍ଦ୍ର ସରକାରଙ୍କ ମଞ୍ଜୁରୀ ପ୍ରତିବାଦରେ ଶୁକ୍ରବାର କନଫେଡେରେଶନ ଅଫ ଅଲ ଇଣ୍ଡିଆ ଟ୍ରେଡର୍ସ (ସିଏଆଇଟି) ସର୍ବଭାରତୀୟ ଧର୍ମଘଟ ଡାକରା ଦେଇଥିଲା ା  

ଭିଜିଲାନ୍ସ ଜାଲରେ ଚାନ୍ଦିପୁଟ ଆର୍‌ଆଇ

ଭିଜିଲାନ୍ସ ଜାଲରେ ଚାନ୍ଦିପୁଟ ଆର୍‌ଆଇ

ମୋହନା,୨୮।୯(ଡି.ଏନ୍‌.ଏ.)- ଗଜପତି ଜିଲା ମୋହନା ବ୍ଲକ ଚାନ୍ଦିପୁଟ ରାଜସ୍ବ ନିରୀକ୍ଷକ ପ୍ରଭାକର ପାଢୀ ଏକ ଜମି ଡିମାର୍କେସନ ପାଇଁ ୪ହଜାର ଟଙ୍କା ଲାଞ୍ଚ ନେବାବେଳେ ଶୁକ୍ରବାର ଭିଜିଲାନ୍ସ ଜାଲରେ ପଡିଛନ୍ତି। ପ୍ରକାଶ ଯେ, ଟୁଟୁଗୁଡା ଗଁାର ଦୁଃଶାସନ ପ୍ରଧାନ ତାଙ୍କର ଜମି ଡିମାର୍କେସନ ପାଇଁ ତହସିଲରେ ଆବେଦନ କରିଥିଲେ। ମାତ୍ର ଏହାର ବିଳମ୍ବ ହେବାରୁ ଦୁଃଶାସନ ରାଜସ୍ବ ନିରୀକ୍ଷକ ପାଢୀଙ୍କୁ ଯୋଗାଯୋଗ କରିଥିଲେ।

କନ୍ଧୁଣୀ ଦେବୀ ମହୋତ୍ସବ ଉଦ୍‌ଘାଟିତ

କନ୍ଧୁଣୀ ଦେବୀ ମହୋତ୍ସବ ଉଦ୍‌ଘାଟିତ

ସୋରଡା,୨୮।୯(ଡି.ଏନ୍‌.ଏ.)- କଣ୍ଟାପୀଢା ଯାତ୍ରାର ଅଷ୍ଟମ ଦିବସରେ ମା’ କନ୍ଧୁଣୀ ଦେବୀ ମହୋତ୍ସବ ସ୍ଥାନୀୟ ରଥପଦାଠାରେ ଉଦ୍‌ଘାଟିତ ହୋଇଛି। ମହୋତ୍ସବ ସଭାପତି ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁଙ୍କ ପୌରୋହିତ୍ୟରେ ଆୟୋଜିତ ଉତ୍ସବରେ ମୁଖ୍ୟଅତିଥି ଭାବେ ଆସିକା ଏମ୍‌ପି ଲଡୁକିଶୋର ସ୍ବାଇଁ, ସମ୍ମାନିତ ଅତିଥିଭାବେ ଆସିକା ବିଧାୟକ ଦେବରାଜ ମହାନ୍ତି, ବିଡିଓ ଅଧ୍ୟକ୍ଷ ସୁବାସ ମହାରଣା,