ବ୍ରହ୍ମପୁର

ତଣ୍ଟି ଚିପି ହତ୍ୟା କରିଥିଲେ ସ୍ବାମୀ

ତଣ୍ଟି ଚିପି ହତ୍ୟା କରିଥିଲେ ସ୍ବାମୀ

ବ୍ରହ୍ମପୁର ଅଫିସ,୨୪ା୮- ଗତ ୫ ତାରିଖରେ ବୈଦ୍ୟନାଥପୁର ଥାନା ଖୋଡାସିଙ୍ଗି ଅଞ୍ଚଳରେ ରହୁଥିବା ପାତ୍ରପୁର ବ୍ଲକ ଶ୍ରୀରାମପୁର ପ୍ରାଥମିକ ସ୍କୁଲ ଶିକ୍ଷକଙ୍କ ସ୍ତ୍ରୀ ପ୍ରସୂତି ଥିବା ସମୟରେ ତାଙ୍କର ସନ୍ଦେହ ଜନକ ମୃତ୍ୟୁ ଘଟିଥିଲା ା ଏହି ଘଟଣାରେ ବୈଦ୍ୟନାଥପୁର ପୋଲିସ ସ୍ବାମୀଙ୍କ ବୟାନକୁ ଭିତ୍ତିକରି ଏକ ଅପମୃତ୍ୟୁ ମାମଲା ରୁଜୁ ସହ ମୃତଦେହ ବ୍ୟବଛେଦ ପାଇଁ ପଠାଇଥିଲା ା ମହିଳାଙ୍କ ମୃତଦେହ ବ୍ୟବଛେଦ ରିପୋର୍ଟ ଆସିବା ପରେ ସମ୍ପୃକ୍ତ ମହିଳାଙ୍କର ସ୍ବାଭାବିକ ମୃତ୍ୟୁ ନୁହେଁ ବରଂ ଘରୋଇ କଳହରୁ ତଣ୍ଟିଚିପି ହତ୍ୟା କରାଯାଇଥିବା ପୋଲିସ ଜାଣିପାରି ହତ୍ୟା ମାମଲା ରୁଜୁକରି ଅଭିଯୁକ୍ତ ସ୍ବାମୀଙ୍କୁ ଗିରଫ କରିଥିବା ଗୁରୁବାର ବୈଦ୍ୟନାଥପୁର ଥାନାରେ ଆୟୋଜିତ ଖବରଦାତା ସମ୍ମିଳନୀରେ ଟାଉନ ଏସ୍‌ଡିପିଓ ପ୍ରଭାତ ଚନ୍ଦ୍ର ରାଉତରାୟ ସୂଚନା ଦେଇଛନ୍ତି ା 

ଶିଶୁ ସୁରକ୍ଷା ଆୟୋଗ ସଦସ୍ୟଙ୍କ ବାଳିକା ହାଇସ୍କୁଲ ପରିଦର୍ଶନ

ଶିଶୁ ସୁରକ୍ଷା ଆୟୋଗ ସଦସ୍ୟଙ୍କ ବାଳିକା ହାଇସ୍କୁଲ ପରିଦର୍ଶନ

ଚନ୍ଦ୍ରଗିରି,୨୪ା୮(ଡି.ଏନ୍‌.ଏ.)-ଓଡିଶା ଶିଶୁ ସୁରକ୍ଷା ଆୟୋଗ ସଦସ୍ୟ ହରିହର ନାୟକ ଗୁରୁବାର ସନ୍ଧ୍ୟାରେ ମୋହନା ବ୍ଲକ ଚନ୍ଦ୍ରଗିରି ବାଳିକା ଉଚ୍ଚ ବିଦ୍ୟାଳୟ ପରିଦର୍ଶନ କରିଛନ୍ତି। ବିଦ୍ୟାଳୟର ଶ୍ରେଣୀଗୃହ, ହଷ୍ଟେଲ, ରୋଷେଇ ଘର, ଶୌଚାଳୟ ବୁଲି ଦେଖିବା ସହ ପାନୀୟଜଳ ବିଜୁଳିର ସ୍ଥିତି ଅନୁଧ୍ୟାନ କରି ଦୁଃଖ ପ୍ରକାଶ କରିଥିଲେ। ଏସବୁ ପ୍ରତି ଦୃଷ୍ଟି ଦେବାକୁ ପ୍ରଧାନ ଶିକ୍ଷକ ଓ ଉପସ୍ଥିତ ଜିଲା ମଙ୍ଗଳ ଅଧିକାରୀ ସନ୍ତୋଷ କୁମାର ରଥଙ୍କୁ ନିର୍ଦ୍ଦେଶ ଦେଇଥିଲେ। ରାଜ୍ୟ ବାହାରେ ବିଭିନ୍ନ ଆବାସିକ ବିଦ୍ୟାଳୟର ଅନ୍ତେବାସିନୀଙ୍କ ଉପରେ ହେଉଥିବା ନିର୍ଯାତନା ଓ ହଷ୍ଟେଲରେ ଅବ୍ୟବସ୍ଥା ନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପରେ ବିଭିନ୍ନ ସ୍ଥାନରେ ଥିବା ଛାତ୍ରୀନିବାସ ତଥା ଅନୁସୂଚିତ ଜାତି ଓ ଜନଜାତି ରହୁଥିବା ଆବାସିକ ବିଦ୍ୟାଳୟ ଗୁଡିକୁ ପରିଦର୍ଶନରେ ଯାଇ ସ୍ଥିତି ଅନୁଧ୍ୟାନ କରି ରିପୋର୍ଟ ଦେବାକୁ ନିର୍ଦ୍ଦେଶ ରହିଥିବାରୁ ସେ ଏହି ଗସ୍ତ କରିଥିବା କହିଛନ୍ତି। ଏଠାରେ ସିସି କ୍ୟାମେରା ଲଗାଇ ଛାତ୍ରୀମାନଙ୍କୁ ସୁରକ୍ଷା ନିଶ୍ଚିତ କରିବାକୁ ସେ ପରାମର୍ଶ ଦେଇଥିଲେ।

ଜିଲା ମିନେରାଲ ଫାଉଣ୍ଡେଶନ ବୈଠକ

ଜିଲା ମିନେରାଲ ଫାଉଣ୍ଡେଶନ ବୈଠକ

ଛତ୍ରପୁର,୨୪ା୮(ଡି.ଏନ.ଏ.)- ଗଞ୍ଜାମ ଜିଲା ମିନେରାଲ ଫାଉଣ୍ଡେଶନ ବୈଠକ ଗୁରୁବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ଅନୁଷ୍ଠିତ ହୋଇଥିଲା। ଏଥିରେ ଜିଲାପାଳ ବିଜୟ ଅମୃତା କୁଲାଙ୍ଗେ ଅଧ୍ୟକ୍ଷତା କରିଥିଲେ। ଏହି ଫାଉଣ୍ଡେଶନରେ ୯କୋଟି ଟଙ୍କାରୁ ଉର୍ଦ୍ଧ୍ୱ ଜମା ରହିଛି। ଆଇଆରଇ (ଭାରତୀୟ ବିରଳ ମୃତ୍ତିକା) ପ୍ଲାଣ୍ଟ ଓ ଗ୍ରାନାଇଟ୍‌ ଫ୍ୟାକ୍ଟ୍ରି ଗୁଡିକ ଦେଉଥିବା ରାଜସ୍ବ ମିନେରାଲ ଫାଉଣ୍ଡେଶନ  ଆକାଉଣ୍ଟରେ ଜମା ହୋଇଥାଏ। ୨୦୧୫ରୁ ଏହି ଅର୍ଥ ଜମା ହୋଇ ରହିଥିବା ବେଳେ ଖର୍ଚ୍ଚ କରାଯାଇନି। ଉକ୍ତ ଅର୍ଥରେ ବିଭିନ୍ନ ଉନ୍ନୟନମୂଳକ କାର୍ଯ୍ୟ କରାଯିବ।

ବନ ବିଭାଗ, ଭିଜିଲାନ୍ସର ମିଳିତ ଚଢ଼ାଉ

ବନ ବିଭାଗ, ଭିଜିଲାନ୍ସର ମିଳିତ ଚଢ଼ାଉ

ପୋଲସରା,୨୪ା୮(ଡି.ଏନ.ଏ.)-ଗଞ୍ଜାମ ଜିଲା ପୋଲସରା ବନାଞ୍ଚଳ ଖଣ୍ଡୁରୁ ଗ୍ରାମରେ ଗୁରୁବାର ପୋଲସରା ବନାଞ୍ଚଳ ଅଧିକାରୀ ଉମାକାନ୍ତ ଦାସଙ୍କ ନେତୃତ୍ୱ ଏବଂ ବ୍ରହ୍ମପୁର ଭିଜିଲାନ୍ସ ଟିମ୍‌ର ମିଳିତ ସହଯୋଗରେ ବେଆଇନ ଭାବେ ଚାଲିଥିବା କରତ କଳ ଉପରେ ଚଢ଼ାଉ କରାଯାଇଥିଲା। ଏଥିରେ କାଠଗଣ୍ଡି, କାଠପଟା ଓ ମିଲର ଯନ୍ତ୍ରାଂଶ ଜବତ ହୋଇଛି। ଜବତ ହୋଇଥିବା କାଠ ଓ ମିଲ ଯନ୍ତ୍ରାଂଶର ଆନୁମାନିକ ମୂଲ୍ୟ ପ୍ରାୟ ୩ ଲକ୍ଷ ଟଙ୍କା ହେବ ବୋଲି ପୋଲସରା ବନାଞ୍ଚଳ ଅଧିକାରୀ  ଦାସ ସୂଚନା ଦେଇଛନ୍ତି। ଏନେଇ ବନ ବିଭାଗ ପକ୍ଷରୁ ନଂ.୮/୧୮-୧୯ରେ ଏକ ମାମଲା ରୁଜୁ ହୋଇଛି। ବୁଗୁଡ଼ା ବନାଞ୍ଚଳ କାର୍ଯ୍ୟାଳୟରେ ଜବତ ସାମଗ୍ରୀ ରଖାଯାଇଛି। ପୋଲସରା ବନାଞ୍ଚଳ ବଣପଲୀ, ଚିରିକିପଡ଼ା ଶାସନ ସମେତ ବହୁ ଅଞ୍ଚଳରେ ବେଆଇନ କାଠ ମିଲ ଚାଲୁଛି। ସମ୍ପୃକ୍ତ ସ୍ଥାନରେ ମଧ୍ୟ ଚଢ଼ାଉ କରିବାକୁ ଦାବି ହେଉଛି।

ଶଗଡ ଚକ ଚୋରି ମାମଲାରେ ୬ ମାସ ଜେଲ

ପାତ୍ରପୁର,୨୪ା୮(ଡି.ଏନ.ଏ.): ପାତ୍ରପୁର ବ୍ଲକ ଜୟନ୍ତିପୁର ଗ୍ରାମରେ ଗତ ୨୦୧୪ ରେ ହୋଇଥିବା ଶଗଡ଼ ଚୋର ଚୋରି ଘଟଣାରେ ଗୁରୁବାର ପାତ୍ରପୁର ବିଚାର ବିଭାଗୀୟ ଅଦାଲତ ପକ୍ଷରୁ ରାୟ ପ୍ରକାଶ ପାଇଛି।

ଶ୍ରେଣୀଗୃହ ଅଭାବ, ନଦୀପାର ହୋଇ ଆସୁଛନ୍ତି ପିଲା

ଶ୍ରେଣୀଗୃହ ଅଭାବ, ନଦୀପାର ହୋଇ ଆସୁଛନ୍ତି ପିଲା

ଫିରିଙ୍ଗିଆ, ୨୪ା୮:ଫିରିଙ୍ଗିଆ ବ୍ଲକ କାଶିନିପଦର ପଞ୍ଚାୟତ ବରେବାଟା ପ୍ରାଥମିକ ବିଦ୍ୟାଳୟରେ ଶ୍ରେଣୀଗୃହ ଅଭାବରୁ ଗୋଟିଏ ଗୃହରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଛାତ୍ରୀଛାତ୍ର ପଢ଼ିବାକୁ ବାଧ୍ୟ ହେଉଛନ୍ତିି। ନୂତନ ଗୃହ ନିର୍ମାଣ ପାଇଁ ବାରମ୍ବାର ଦାବି ହେଉଥିଲେ ମଧ୍ୟ ତାହା କରାଯାଉନାହିଁ। ଫଳରେ ଅଭିଭାବକଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି। ପ୍ରତିଦିନ ପିଲାମାନଙ୍କୁ ସ୍କୁଲ ଆସିବାକୁ ହେଲେ ନଦୀପାର ହେବାକୁ ପଡୁଛି। 

ବେଆଇନ୍‌ ବାଲି ଚାଲାଣକୁ ରୋକିଲା ପ୍ରଶାସନ

ବେଆଇନ୍‌ ବାଲି ଚାଲାଣକୁ ରୋକିଲା ପ୍ରଶାସନ

ଛତ୍ରପୁର,୨୩ା୮(ଡି.ଏନ.ଏ):ଛତ୍ରପୁର ଏନଏସି ପଟ୍ଟନାୟକ କଲୋନୀଠାରେ ୨୦ ଟ୍ରିପ୍‌ରୁ ଉର୍ଦ୍ଧ୍ୱ ବାଲି ପଡି ରହିଛି ା ଖବରପାଇ ଛତ୍ରପୁର ଉପଜିଲାପାଳ ଦେବବ୍ରତ ସାହୁ ଓ ତହସିଲଦାର ବିଜୟ କେତନ ସାହୁ ଗୁରୁବାର ଅପରାହ୍ନରେ ସେଠାକୁ ଯାଇଥିବା ବେଳେ ଏକ ଟ୍ରାକ୍ଟର (ଓଡି ୦୭ଏଚ୍‌୯୭୯୮)ରେ ବାଲି ଲୋଡ଼ ହେଉଥିବା ଦେଖିଥିଲେ। ବେଆଇନ୍‌ ଭାବେ ସେଠାରେ ବାଲି କିଏ ରଖିଲା ତାହାର ତଦନ୍ତ ଆରମ୍ଭ ହୋଇଛି ା ଏଥିସହ ବେଆଇନ୍‌ ବାଲି ଚାଲାଣ କରୁଥିବା ଉକ୍ତ ଟ୍ରାକ୍ଟରକୁ ଜବତ କରାଯାଇଛି। ତହସିଲଦାରଙ୍କ ନିର୍ଦ୍ଦେଶକ୍ରମେ ରାଜସ୍ବ ନିରୀକ୍ଷକ ସେଠାରେ ପହଞ୍ଚି ତଦନ୍ତ କରିଥିଲେ ା ବାଲି ବୋଝେଇ ଟ୍ରାକ୍ଟରକୁ ଛତ୍ରପୁର ଥାନା ପୋଲିସକୁ ହସ୍ତାନ୍ତର କରାଯାଇଛି। ଆଇନ୍‌ ଅନୁଯାୟୀ କାର୍ଯ୍ୟାନୁଷ୍ଠାନ ହେବ ବୋଲି ତହସିଲଦାର ସାହୁ କହିଛନ୍ତି।

ଚୋରାମଦ କାରବାରକୁ ନେଇ ଗର୍ଜିଲେ ମହିଳା

ଚୋରାମଦ କାରବାରକୁ ନେଇ ଗର୍ଜିଲେ ମହିଳା

ଦାରିଙ୍ଗବାଡ଼ି,୨୪।୮(ଡି.ଏନ.ଏ.)- ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ପୁଣି ଚୋରାମଦ କାରବାର ବୃଦ୍ଧି ପାଉଛି। ପୋଲିସ କିମ୍ବା ଅବକାରୀ ବିଭାଗ ହାତଗୁଞ୍ଜା ନେଇ ଏହାକୁ ପ୍ରଶ୍ରୟ ଦେଉଛିି। ଫଳରେ ଏହି କାରବାର ବୃଦ୍ଧି ଯୋଗୁ ଏବେ ଯୁବ ସମାଜ ପଥଭ୍ରଷ୍ଟ ହେବା ସହ ଅଞ୍ଚଳରେ ଆଇନ ଶୃଙ୍ଖଳା ପରିସ୍ଥିତି ଉପୁଜିଛି ବୋଲି ଶ୍ରାନିକେତା ପଞ୍ଚାୟତ ସମେତ ବୁଡାଗୁଡ଼ା ଏବଂ ଗୁମିକିଆରେ ଭାଜପା ମହିଳା ମୋର୍ଚ୍ଚା ସଂଗଠନ ପକ୍ଷରୁ  ପ୍ରତିବାଦ ସଭା ଏବଂ ଶୋଭାଯାତ୍ରା କରାଯାଇଛି। ଏଥିରେ ଭାଜପା ଜିଲା ମହିଳା ମୋର୍ଚ୍ଚା ସଭାନେତ୍ରୀ ଅର୍ଚ୍ଚନା ପ୍ରଧାନ ଯୋଗଦେଇ ଆନ୍ଦୋଳନକୁ ତୀବ୍ରତର କରିବାକୁ  ପରାମର୍ଶ ଦେଇଥିଲେ। ବୈଠକରେ ଆଲୋଚନା କରି ନିଷ୍ପତ୍ତିି ନେଇଛନ୍ତି ଯେ, ପ୍ରଥମେ ଦାରିଙ୍ଗବାଡ଼ି ଅଞ୍ଚଳରେ ଚୋରାମଦ କାରବାରକୁ ବନ୍ଦ କରିବାକୁ ପଡ଼ିବ। 

ଛୁରି ଭୁସି ହତ୍ୟା ଘଟଣା, ୨ ଗିରଫ

ଛୁରି ଭୁସି ହତ୍ୟା ଘଟଣା, ୨ ଗିରଫ

ବୁଗୁଡ଼ା,୨୪ା୮(ଡି.ଏନ.ଏ.)- ବୁଗୁଡ଼ା ଥାନା ବାଲିପଦର ନୂଆସାହିର ସୁଦର୍ଶନ ସ୍ବାଇଁଙ୍କୁ ବୁଧବାର ଅପରାହ୍ନ ସାଢେ ୫ଟାରେ ଛୁରି ଭୁସି ହତ୍ୟା କରାଯାଇଥିଲା। ଏନେଇ ତାଙ୍କ ପରିବାରବର୍ଗଙ୍କ ଅଭିଯୋଗ କ୍ରମେ ପୋଲିସ ନଂ.୧୯୩/୧୮ରେ ଏକ ମାମଲା ରୁଜୁ କରି ତଦନ୍ତ ଚଳାଇଥିବାବେଳେ ଗୁରୁବାର ସକାଳ ୬ଟାରେ ପଞ୍ଚଭୁତି ଜଙ୍ଗଲରୁ ହତ୍ୟାକାଣ୍ଡରେ ସମ୍ପୃକ୍ତ ୨ଜଣଙ୍କୁ ଗିରଫ କରିଛି। ସେମାନେ ହେଲେ ବୁଗୁଡ଼ା ଥାନା ବାଲିପଦର ନୂଆସାହିର ସୁଦର୍ଶନଙ୍କ ଦାଦାପୁଅ ଭାଇ କାହ୍ନୁ ଚରଣ ସ୍ବାଇଁ ଓ ପୋଲସରା ଥାନା କୁଅନନ୍ଦ ଗ୍ରାମର ମନୋଜ କୁମାର ନାହାକ। 

ଜୟଶ୍ରୀ ଇଂଲିଶ୍‌ ମିଡିୟମ ସ୍କୁଲ ଫି ବୃଦ୍ଧି ପ୍ରସଙ୍ଗ:ତ୍ରିପାକ୍ଷିକ ଆଲୋଚନା ବିଫଳ

ଗଞ୍ଜାମ,୨୪ା୮(ଡି.ଏନ.ଏ.):ଗଞ୍ଜାମ ସହରସ୍ଥିତ ଜୟଶ୍ରୀ ଇଂଲିଶ୍‌ ମିଡିୟମ ସ୍କୁଲ ଫି ବୃଦ୍ଧି ପ୍ରସଙ୍ଗକୁ ନେଇ ଗୁରୁବାର ଅପରାହ୍ନରେ ତ୍ରିପାକ୍ଷିକ ଆଲୋଚନା ବିଫଳ ହୋଇଥିବା ଜଣାପଡ଼ିଛି। ସ୍କୁଲ ଆଡ୍‌ମିଶନ ବର୍ଦ୍ଧିତ ଫି ପ୍ରତ୍ୟାହାର ଏବଂ ଅନ୍ୟାନ୍ୟ ପ୍ରସଙ୍ଗ ନେଇ ଅଭିଭାବକ କମିଟି କମ୍ପାନୀ ମୁଖ୍ୟ ଗେଟ ଆଗରେ ଗତ ୪ ଦିନ ଧରି ଧାରଣାରେ ବସିଛନ୍ତି। ଗୁରୁବାର ଗଞ୍ଜାମ ତହସିଲଦାର ଅବନୀ କୁମାର ସାହୁ ଅଭିଭାବକ ଏବଂ ସ୍କୁଲ ପରିଚାଳନା କରୁଥିବା ଗ୍ରାସିମ କମ୍ପାନୀ କର୍ତ୍ତୃପକ୍ଷଙ୍କୁ ନୋଟିସ ମାଧ୍ୟମରେ ଆଲୋଚନାକୁ ଡ଼ାକିଥିଲେ।

ୱାରେଣ୍ଟ ବଳରେ ୩ ଗିରଫ

ୱାରେଣ୍ଟ ବଳରେ ୩ ଗିରଫ

ଗୋପାଳପୁର,୨୩।୮- ଗୋଳନ୍ଥରା ପୋଲିସ ମାମଲାର ୱାରେଣ୍ଟ ବଳରେ ତିନିଜଣଙ୍କୁ ଗୁରୁବାର ଗିରଫ କରି କୋର୍ଟଚାଲାଣ କରିଥିବା ଜଣାପଡ଼ିଛି। ସେମାନେ ହେଲେ ଗୋଳନ୍ଥରା ଗ୍ରାମର କିଶୋର ଚନ୍ଦ୍ର ଜେନା, ଚାନ୍ଦପୁର ଗ୍ରାମର ପିଣ୍ଟୁ ଦାସ ଓ ପଞ୍ଚମା ଗ୍ରାମର ଦନା ସାହୁ। ପ୍ରକାଶ ଯେ, ତିନୋଟି ମାମଲାରେ କିଶୋର, ପିଣ୍ଟୁ ଓ ଦନା କୋର୍ଟରେ ବିଭିନ୍ନ ସମୟରେ ବିଚାରଣା ବେଳେ ଅନୁପସ୍ଥିତ ରହୁଥିଲେ।  କୋର୍ଟ ଏହି ତିନିଜଣଙ୍କ ନାମରେ ୱାରେଣ୍ଟ ଜାରି କରିଥିଲେ। ଗୁରୁବାର କିଶୋର, ପିଣ୍ଟୁ ଓ ଦନା ଗ୍ରାମରେ ଥିବା ବେଳେ କୌଣସି ସୂତ୍ରରୁ ଖବର ପାଇ ଗୋଳନ୍ଥରା ଥାନା ପୋଲିସ ଚଢ଼ାଉ କରି କାବୁ କରିଥିଲେ। 

କାଠ ବୋଝେଇ ଟ୍ରାକ୍ଟର ଜବତ, ଚାଳକ ଗିରଫ

କାଠ ବୋଝେଇ ଟ୍ରାକ୍ଟର ଜବତ, ଚାଳକ ଗିରଫ

ବେଗୁନିଆପଡ଼ା,୨୩।୮(ଡି.ଏନ.ଏ.)-  ବେଗୁନିଆପଡ଼ା ପୋଲିସ କୌଣସି ସୂତ୍ରରୁ ଖବର ପାଇ ବୁଧବାର ଭୋରରେ ବେଗୁନିଆପଡ଼ା ନିକଟସ୍ଥ ମର୍ଦ୍ଦକୋଟ ରାସ୍ତାରେ ଏକ କାଠ ବୋଝେଇ ନମ୍ବର ବିହୀନ ଟ୍ରାକ୍ଟରକୁ ଜବତ କରିଥିଲେ। ଉକ୍ତ ଟ୍ରାକ୍ଟରରେ ଶାଗୁଆନ, ଆମ୍ବ, କାକୋପୋଇ ଆଦି କାଠପଟା ଜବତ କରିଛି। ଟ୍ରାକ୍ଟର ଚାଳକ ଅମର ପ୍ରଧାନଙ୍କୁ ଗିରଫ କରିଥିବା ଫାଣ୍ଡି ଅଧିକାରୀ ପ୍ରଦୀପ୍ତ କୁମାର ଦାସ କହିଥିଲେ। ପରେ ତାଙ୍କୁ ଖଲ୍ଲିକୋଟ ବନ ବିଭାଗକୁ ହସ୍ତାନ୍ତର କରାଯାଇଥିଲା। ଅମରଙ୍କ ଘର ସମା ଗ୍ରାମରେ ଏବଂ ଉକ୍ତ କାଠ ସେ ସମାକୁ ଚାଲାଣ କରୁଥିବା ପ୍ରକାଶ କରିଛନ୍ତି। ଗୁରୁବାର ଖଳ୍ଲିକୋଟ ବନ ବିଭାଗ କାଠ ଜବତ କରିବା ସହ ଡ୍ରାଇଭରଙ୍କୁ କୋର୍ଟଚାଲାଣ କରିଛନ୍ତି।

ଦେଶୀ ମଦ ଜବତ, ୫ ଗିରଫ

ଦେଶୀ ମଦ ଜବତ, ୫ ଗିରଫ

ହିଞ୍ଜିଳିକାଟୁ, ୨୩।୮(ଡି.ଏନ୍‌.ଏ.)- ହିଞ୍ଜିଳି ପୋଲିସ ବୁଧବାର ଓ ଗୁରୁବାର ଥାନା ଅଞ୍ଚଳର ବିଭିନ୍ନ ସ୍ଥାନରେ ମଦ ଧରପଗଡ଼ ଜୋରଦାର କରିଛି। ଏଥିରେ ୫ଜଣଙ୍କୁ ବେଆଇନ ମଦ ବିକ୍ରି ଅଭିଯୋଗରେ ଗିରଫ କରାଯାଇଥିବା ବେଳେ ସେମାନଙ୍କ ନିକଟରୁ ୭୨ଲିଟର ଦେଶୀ ମଦ ଜବତ କରାଯାଇଛି। ଥାନାରେ କେଶ ନଂ-୨୦୩/୧୮ ରୁ ୨୦୭/୧୮ ପର୍ଯ୍ୟନ୍ତ ମୋଟ ୫ଟି ମାମଲା ରୁଜୁ କରାଯାଇ ଅଭିଯୁକ୍ତ ମାନଙ୍କୁ ଗୁରୁବାର କୋର୍ଟ ଚାଲାଣ କରାଯାଇଛି ବୋଲି ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସୂଚନା ଦେଇଛନ୍ତି।

ବାଲିଗୁଡ଼ାରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ

ବାଲିଗୁଡ଼ାରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ

ବାଲିଗୁଡ଼ା,୨୩।୮(ଡି.ଏନ୍‌.ଏ.)- ବାଲିଗୁଡ଼ା ଟାଉନ ସଭାଗୃହ ପରିସରରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଯାଇଛି। ବାଲିଗୁଡ଼ା ବ୍ଲକର ୧୪ଟି ପଞ୍ଚାୟତର ସମସ୍ତ ଜନସାଧାରଣ, ଜନ ପ୍ରତିନିଧି, ସରକାରୀ ଓ ବେସରକାରୀ କର୍ମଚାରୀଙ୍କ ସମେତ କନ୍ଧମାଳ ଜିଲାପାଳ ଡ. ବୃନ୍ଦା ଡି, ଉପଜିଲାପାଳ ଏସ୍‌. କ୍ରିଷନ କେପି, ଏସ୍‌ଡିପିଓ ନିତିନ୍‌ କୁଶଲକର, ଏନ୍‌ଏସି ଅଧ୍ୟକ୍ଷା ମମତା ବେହେରା, ଉପାଧ୍ୟକ୍ଷ ଲୋକନାଥ ପାଢୀ ଏବଂ ଗୋଷ୍ଠୀ ଉନ୍ନୟନ ଅଧିକାରୀଙ୍କ କାର୍ଯ୍ୟାଳୟର ସମସ୍ତ କର୍ମଚାରୀ, ସମନ୍ବିତ ଆଦିବାସୀ ଉନ୍ନୟନ ସଂସ୍ଥା, ପୂର୍ତ୍ତବିଭାଗ, ଏନ୍‌ଏସି କାର୍ଯ୍ୟନିର୍ବାହୀ ଅଧିକାରୀ  ଜୟଦେବ ଷଡ଼ଙ୍ଗୀ ପ୍ରମୁଖ ଅଧିକାରୀମାନେ ଉପସ୍ଥିତ ରହିଥିଲେ।

ଥାନା ହାଜତରେ ଅଭିଯୁକ୍ତଙ୍କ ଗଳାକାଟି ଆତ୍ମହତ୍ୟା ଉଦ୍ୟମ

ଥାନା ହାଜତରେ ଅଭିଯୁକ୍ତଙ୍କ ଗଳାକାଟି ଆତ୍ମହତ୍ୟା ଉଦ୍ୟମ

ଆସିକା,୨୩।୮(ଡି.ଏନ୍‌.ଏ.)- ଗଞ୍ଜାମ ଜିଲା ଗାଙ୍ଗପୁର ଥାନା ହାଜତରେ ଗୁରୁବାର ସକାଳେ ଜଣେ ଅଭିଯୁକ୍ତ ଧାରୁଆ ଅସ୍ତ୍ରରେ ଗାଳକାଟି ଆତ୍ମହତ୍ୟା ଉଦ୍ୟମ କରିଛନ୍ତି। ସେ ହେଲେ ନିମିନା ଗ୍ରାମର ଦେବରାଜ ଚର୍ଚ୍ଚି। ତାଙ୍କୁ ପ୍ରଥମେ ଭଞ୍ଜନଗର ସରକାରୀ ଡାକ୍ତରଖାନା ଓ ପରେ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ସ୍ଥାନାନ୍ତର କରାଯାଇଛି। ଦେବରାଜ ୩ଟି ହତ୍ୟା ମାମଲାରେ ସମ୍ପୃକ୍ତ ଥାଇ ଜେଲ ଯାଇଥିଲେ। ଜେଲରୁ ବେଲରେ ଫେରିବା ପରେ ସାକ୍ଷୀମାନଙ୍କୁ ଧମକ ଚମକ ଦେଉଥିବା ନେଇ ଅଭିଯୋଗ ହୋଇଥିଲା। ଏହାକୁ ଆଧାର କରି ତାଙ୍କୁ ହାଜତରେ ରଖାଯାଇଥିବାବେଳେ ଏହି ଦୁର୍ଘଟଣା ଘଟିଥିବା ଥାନା ଅଧିକାରୀ ସତ୍ୟରଞ୍ଜନ ପ୍ରଧାନ କହିଛନ୍ତି।

କେରଳ ବନ୍ୟା ବିପନ୍ନଙ୍କ ପାଇଁ ପାଣ୍ଠି ସଂଗ୍ରହ

କେରଳ ବନ୍ୟା ବିପନ୍ନଙ୍କ ପାଇଁ ପାଣ୍ଠି ସଂଗ୍ରହ

ବାଲିଗୁଡା,୨୩।୮(ଡି.ଏନ୍‌.ଏ.): କେରଳ ବନ୍ୟା ପ୍ରପୀଡିତଙ୍କୁ ସହାୟତା ନିମନ୍ତେ ବାଲିଗୁଡ଼ାରେ ପାଣ୍ଠି ସଂଗ୍ରହ କରାଯାଇଛି। ବାଲିଗୁଡା ବ୍ଲକ ବିଜେଡି ସଭାପତି ଟୁନା ଦାସ ଓ ଏନ୍‌ଏସି ଅଧ୍ୟକ୍ଷା ମମତା ବେହେରାଙ୍କ ନେତୃତ୍ୱରେ ଏକ ଶୋଭାଯାତ୍ରା ବାହାରି ପ୍ରତ୍ୟେକ ଦୋକାନୀ ଓ ବ୍ୟକ୍ତି ବିଶେଷଙ୍କଠାରୁ  ଅର୍ଥ ସଂଗ୍ରହ କରାଯାଇଥିଲା। ଏହି ଅର୍ଥ ଜିଲାପାଳଙ୍କ ମାଧ୍ୟମରେ କେରଳ ପଠାଯିବ ବୋଲି ସଭାପତି ଦାସ କହିଛନ୍ତି। ଅର୍ଥରାଶି ସଂଗ୍ରହ ବେଳେ ବ୍ଲକ ବିଜେଡି ଉପସଭାପତି ନବକୃଷ୍ଣ ପାଣିଗ୍ରାହୀ, ଯୁବ ସଭାପତି ରଞ୍ଜନ ନାୟକ, ନଗର ଯୁବ ସଭାପତି ସୁଜିତ କୁମାର, କାଉନସିଲର ଶିରିଶ ପ୍ରଧାନ, କର୍ମୀ ଝରଣା ପ୍ରଧାନ, ଗଣେଶ ଗୌଡ, ଦିଲୀପ ବେହେରା ପ୍ରମୁଖ ଉପସ୍ଥିତ ଥିଲେ।

ମୋ ସ୍କୁଲ ଅଭିଯାନ: ବିଦ୍ୟାଳୟ ବିକାଶରେ ପୁରାତନ ଛାତ୍ରୀଛାତ୍ରଙ୍କ ସହଯୋଗ

ମୋ ସ୍କୁଲ ଅଭିଯାନ: ବିଦ୍ୟାଳୟ ବିକାଶରେ ପୁରାତନ ଛାତ୍ରୀଛାତ୍ରଙ୍କ ସହଯୋଗ

ଭଞ୍ଜନଗର,୨୩।୮(ଡି.ଏନ.ଏ.)-ଭଞ୍ଜନଗର ବ୍ଲକର ବିଭିନ୍ନ ବିଦ୍ୟାଳୟର ବିକାଶ ପାଇଁ ପୁରାତନ ଛାତ୍ରୀଛାତ୍ରମାନେ ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ମାଧ୍ୟମରେ ସହଯୋଗର ହାତ ବଢ଼ାଇଛନ୍ତି। ପୁରାତନ ଛାତ୍ରୀଛାତ୍ର ବିଦ୍ୟାଳୟକୁ ଯେତିକି ଅର୍ଥ ଦେବେ ରାଜ୍ୟ ସରକାର ତାହାର ଦୁଇଗୁଣା ଅନୁଦାନ ପ୍ରଦାନ କରିବେ। ଉକ୍ତ ଅର୍ଥରେ ବିଦ୍ୟାଳୟର ବିକାଶ କରାଯିବ।

ଏନ୍‌ଏସି କାଉନସିଲ ବୈଠକ

ଏନ୍‌ଏସି କାଉନସିଲ ବୈଠକ

ଭଞ୍ଜନଗର,୨୩।୮(ଡି.ଏନ.ଏ.)-ଭଞ୍ଜନଗର ଏନ୍‌ଏସି ସମ୍ମିଳନୀ କକ୍ଷରେ ଗୁରୁବାର କାଉନସିଲ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଅଧ୍ୟକ୍ଷା ସୁନିତା କୁମାରୀ ଦଳବେହେରା ସଭାପତିତ୍ୱ କରି ଆସନ୍ତା ସ୍ବାୟତ୍ତ ଶାସନ ଦିବସ କିଭଳି ପାଳନ କରାଯିବ ଏବଂ ସହରରେ ହୋଇଥିବା ବିଭିନ୍ନ କାର୍ଯ୍ୟ ସମ୍ପର୍କରେ କହିଥିଲେ। ଉକ୍ତ ଦିନ ଗ୍ରାମ୍ୟ ଉନ୍ନୟନ ମନ୍ତ୍ରୀ ବିକ୍ରମ କେଶରୀ ଆରୁଖଙ୍କ ଦ୍ୱାରା ବିଭିନ୍ନ ଉଦ୍‌ଘାଟନୀ କାର୍ଯ୍ୟକ୍ରମ ହେବ।

ମଦ ଜବତ, ୨ଭାଇଙ୍କ ସମେତ ୪ ଗିରଫ

ମଦ ଜବତ, ୨ଭାଇଙ୍କ ସମେତ ୪ ଗିରଫ

ଦିଗପହଣ୍ଡି,୨୩।୮(ଡି.ଏନ.ଏ.)- ଦିଗପହଣ୍ଡି ପୋଲିସ ଚୋରାମଦ ଧରପଗଡ଼କୁ ଜୋରଦାର କରିଛି। ଚୋରାମଦ ବିକ୍ରି ଅଭିଯୋଗରେ ଗୁରୁବାର ୨ ଭାଇଙ୍କ ସମେତ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ସେମାନେ ହେଲେ କଣ୍ଟିଗୁଡ଼ା ଗ୍ରାମର ସୁଦାମ ମଳିକ ଓ ପୂର୍ଣ୍ଣ ମଳିକ ଓ ଖମାରିଗାଁ ପଞ୍ଚାୟତ ଶଙ୍କରଖାଳି ଗ୍ରାମରେ ଦୁଇଭାଇ ତ୍ରିଲୋଚନ ସାହୁ ଓ ପୁର୍ଣ୍ଣଚନ୍ଦ୍ର ସାହୁ।

ଭତ୍ତା ବାଣ୍ଟିଲେ ବିଧାୟକ

ଭତ୍ତା ବାଣ୍ଟିଲେ ବିଧାୟକ

ଗଞ୍ଜାମ,୨୩।୮(ଡି.ଏନ୍‌.ଏ.): ଗଞ୍ଜାମ ବ୍ଲକ କାର୍ଯ୍ୟାଳୟର କନ୍‌ଫରେନ୍ସ ହଲଠାରେ ଗୁରୁବାର ଭତ୍ତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ଛତ୍ରପୁର ବିଧାୟକ ଡା. ପ୍ରିୟାଶୁ ପ୍ରଧାନ ମୁଖ୍ୟ ଅତିଥିଭାବେ ଯୋଗ ଦେଇ ବିଭିନ୍ନ ପଞ୍ଚାୟତର ହିତାଧିକାରୀଙ୍କୁ ଭତ୍ତା ବଣ୍ଟନ କରିଥିଲେ। 

ଘାଟି ରାସ୍ତାରେ ଅଟୋ ଓଲଟି ୮ ଆହତ

ଘାଟି ରାସ୍ତାରେ ଅଟୋ ଓଲଟି ୮ ଆହତ

ସୋରଡ଼ା,୨୩ା୮(ଡି.ଏନ.ଏ.): କନ୍ଧମାଳ ଜିଲା କାଟିଙ୍ଗିଆ ଗ୍ରାମରେ ଏକ ଶୁଦ୍ଧିକ୍ରିୟାରେ ଯୋଗଦେଇ ଫେରୁଥିବା ବେଳେ ସାଲିମାଗୋଚ୍ଛା ବେଲଘାଟିରେ ଅଟୋ ଓଲଟି ଶିଶୁ, ମହିଳାଙ୍କ ସମେତ ୮ ଜଣ ଆହତ ହୋଇଛନ୍ତି। ସେମାନେ ହେଲେ ଗୋପାଳପୁର ଶାସନ ପଞ୍ଚାୟତ କରଡାବାଡି ଗ୍ରାମର ସରମା ମଲି

ମହିଳା ଡାକ୍ତରଙ୍କ ଆତ୍ମହତ୍ୟା ଘଟଣା , ସ୍ବାମୀଙ୍କ ବନ୍ଧୁ ଘରେ ପୋଲିସ ସ୍କ୍ବାଡର ଚଢାଉ

ମହିଳା ଡାକ୍ତରଙ୍କ ଆତ୍ମହତ୍ୟା ଘଟଣା , ସ୍ବାମୀଙ୍କ ବନ୍ଧୁ ଘରେ ପୋଲିସ ସ୍କ୍ବାଡର ଚଢାଉ

ଛତ୍ରପୁର,୨୩ା୮(ଡି.ଏନ.ଏ) ଛତ୍ରପୁର ରେଲୱେ ଫାଟକ ନିକଟ ରେଳ ଧାରଣାରେ  ଶୁକ୍ରବାର ସୁନ୍ଦରପୁର ସ୍ବାସ୍ଥ୍ୟକେନ୍ଦ୍ରର ଡା. ଅର୍ଚ୍ଚନା ଦାଶ ଆମତ୍ହତ୍ୟା କରିଥିଲେ। ଶ୍ୱଶୁର ଘର ଲୋକେ ନିର୍ଯାତନା ଦେବାରୁ ଅର୍ଚ୍ଚନା ଆତ୍ମହତ୍ୟା କରିଥିଲେ ବୋଲି ତାଙ୍କ ମା’ କୁସୁମପ୍ରଭା ମିଶ୍ର ଛତ୍ରପୁର ଥାନାରେ ଏତଲା ଦେଇଥିଲେ। 

ବଡ଼ଭାଇଙ୍କୁ ଛୁରି ଭୁସି ହତ୍ୟା କଲେ ସାନଭାଇ

ବଡ଼ଭାଇଙ୍କୁ ଛୁରି ଭୁସି ହତ୍ୟା କଲେ ସାନଭାଇ

ବୁଗୁଡ଼ା,୨୩ା୮(ଡି.ଏନ.ଏ.) ବୁଗୁଡ଼ା ଥାନା ବାଲିପଦର ନୂଆସାହିରେ ବୁଧବାର ଅପରାହ୍ନ ପ୍ରାୟ ସାଢ଼େ ୫ଟାରେ ଜଣେ ଯୁବକ ଛୁରି ଭୁସି ତାଙ୍କ ବଡ଼ବାପା ପୁଅ ଭାଇଙ୍କୁ ହତ୍ୟା କରିଛନ୍ତି। ମୃତକ ହେଲେ ବାଲିପଦର ନୂଆସାହିର ସୁଦର୍ଶନ ସ୍ବାଇଁ (୫୫)।

ଭାଙ୍ଗ ବୋଝେଇ ଗାଡି ଓଲଟିଲା

ଭାଙ୍ଗ ବୋଝେଇ ଗାଡି ଓଲଟିଲା

ମୋହନା,୨୩ା୮(ଡି.ଏନ୍‌.ଏ.)- ଗଜପତି ଜିଲା ମୋହନା ଥାନା ଗୋବିନ୍ଦପୁର ପଞ୍ଚାୟତ କେରାଖାଲ ଗ୍ରାମର କିଛି ଦୂରରେ ଏକ ବୋଲେରୋ ପିକ୍‌ଅପ୍‌ ଭ୍ୟାନ (ଓଡି୦୪ କେ-୫୮୩୧) ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା। ଗାଡିଟି ଦୁର୍ଘଟଣା ଗ୍ରସ୍ତ ହୋଇଥିବା