ବ୍ରହ୍ମପୁର

ସୁସ୍ଥ ହୋଇ ଉଡିଲା ବିରଳ ପକ୍ଷୀ

ସୁସ୍ଥ ହୋଇ ଉଡିଲା ବିରଳ ପକ୍ଷୀ

ବ୍ରହ୍ମପୁର ଅଫିସ,୧୬।୮- ବ୍ରହ୍ମପୁର ସହର ହରିଡାଖଣ୍ଡି ଅଞ୍ଚଳର ଲକ୍ଷ୍ମୀବିହାର ସ୍ଥିତ ଏକ ମୋବାଇଲ ଟାୱାରରେ ଗତ ୧୧ ତାରିଖରେ ସ୍ପଟ୍‌ ବିଲ୍‌ଡ ପେଲିକାନ ପ୍ରଜାତିର ଏକ ବିରଳ ପକ୍ଷୀ ଫସି ଯାଇଥିଲା। ୧୫୦ ଫୁଟ ଉଚ୍ଚ ମୋବାଇଲ ଟାୱାରରେ ପକ୍ଷୀର ପର ଫସିଯିବା ସହ ଆଘାତ ଲାଗିଥିଲା। ଫଳରେ ପକ୍ଷୀଟି ଉଡି ପାରିନଥିଲା। ଅଗ୍ନିଶମ ବିଭାଗ ଏବଂ ବନ ବିଭାଗ ଅଧିକାରୀମାନେ ପ୍ରାୟ ୩ଘଣ୍ଟା ଉଦ୍ୟମ କରିବା ପରେ ପକ୍ଷୀଟି ଉଦ୍ଧାର ହୋଇପାରିଥିଲା। କିନ୍ତୁ ଆଘାତ ଲାଗିଥିବା ଯୋଗୁ ଉଡି ପାରିନଥିଲା। ପ୍ରାଣୀ ଚିକିତ୍ସାଳୟରେ ଚିକିତ୍ସା କରାଯିବା ସହ ପକ୍ଷୀର ଡେଣାକୁ ଷ୍ଟିଚ୍‌ କରାଯାଇଥିଲା। ତା ପରଠୁ ବନ ବିଭାଗ ହେପାଜତରେ ପକ୍ଷୀଟି ଥିଲା। ଗୁରୁବାର ସମ୍ପୂର୍ଣ୍ଣ ସୁସ୍ଥ ହେବା ପରେ ସମରଝୋଳ ଗ୍ରାମର ପାଖରୀରେ ଛଡା ଯାଇଥିଲା। ପକ୍ଷୀଟି ଉଡିବା ପରେ ପୋଖରୀରେ ପହଁରି ଥିବା ବ୍ରହ୍ମପୁର ରେଞ୍ଜର ରାଜା ରାଓ ସୁବୁଦ୍ଧି ପ୍ରକାଶ କରିଛନ୍ତି।

ଜି.ଉଦୟଗିରି ଦୁର୍ଗାପୂଜା କମିଟି ବୈଠକ

ଜି.ଉଦୟଗିରି ଦୁର୍ଗାପୂଜା କମିଟି ବୈଠକ

ଜି.ଉଦୟଗିରି,୧୬।୮(ଡି.ଏନ୍‌.ଏ.): ଜି. ଉଦୟଗିରି ବ୍ୟବସାୟୀ ସଙ୍ଘ ସଭାଗୃହଠାରେ ବୁଧବାର ଜି. ଉଦୟଗିରି ଦୁର୍ଗାପୂଜା କମିଟିର ଏକ ବୈଠକ ଅନୁଷ୍ଠିତ ହୋଇଯାଇଛି। ବ୍ୟବସାୟୀ ସଂଘ ସଭାପତି ସମୀର କୁମାର ପାଢ଼ୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଆଗାମୀ ଦୁର୍ଗାପୂଜା ସମ୍ପର୍କରେ ଆଲୋଚନା ହୋଇଥିଲା। 

 ଦେଶୀମଦ ଜବତ: ମହିଳାଙ୍କ ସମେତ ୪ ଗିରଫ

ଦେଶୀମଦ ଜବତ: ମହିଳାଙ୍କ ସମେତ ୪ ଗିରଫ

ଦାରିଙ୍ଗବାଡ଼ି,୧୬।୮(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ପୋଲିସ ପକ୍ଷରୁ ଗୁରୁବାର ସକାଳୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇଛି। ଚଢ଼ାଉବେଳେ ଅନେକ ମହୁଲ, ଗୁଡ଼ ପୋଚକୁ ପୋଲିସ ଘଟଣାସ୍ଥଳରେ ନଷ୍ଟ କରିବା ସହ ୫୭ ଲିଟର ଦେଶୀମଦ ଓ ରନ୍ଧା ସାମଗ୍ରୀ ଜବତ କରିଛି।

ସିଡିପିଓଙ୍କ ନୂତନ କାର୍ଯ୍ୟାଳୟ ଉଦ୍‌ଘାଟିତ

ସିଡିପିଓଙ୍କ ନୂତନ କାର୍ଯ୍ୟାଳୟ ଉଦ୍‌ଘାଟିତ

ବ୍ରହ୍ମପୁର ଅଫିସ,୧୬।୮: ବ୍ରହ୍ମପୁର ଶିଶୁ ସମନ୍ବିତ ସୁରକ୍ଷା ଅଧିକାରୀ (ସିଡିପିଓ) ବିଭାଗ ୧ ଓ ୨ର ଦୁଇଟି ନୂତନ କାର୍ଯ୍ୟାଳୟ ସ୍ଥାନୀୟ ଆଙ୍କୁଲି ଲକ୍ଷ୍ମୀନଗରସ୍ଥିତ ନଗର ସ୍ବାସ୍ଥ୍ୟକେନ୍ଦ୍ର ନିକଟରେ ଗୁରୁବାର ଉଦ୍‌ଘାଟିତ ହୋଇଯାଇଛି।

ବାହ୍ୟ ମଳମୁକ୍ତ ପଞ୍ଚାୟତ ସମିତି ଭାବେ ରାଇକିଆ ପୁରସ୍କୃତ

ବାହ୍ୟ ମଳମୁକ୍ତ ପଞ୍ଚାୟତ ସମିତି ଭାବେ ରାଇକିଆ ପୁରସ୍କୃତ

ରାଇକିଆ,୧୬।୮(ଡି.ଏନ୍‌.ଏ.): ବାହ୍ୟ ମଳମୁକ୍ତ ପଞ୍ଚାୟତ ସମିତି ଭାବେ ବୁଧବାର ରାଇକିଆ ପୁରସ୍କୃତ ହୋଇଛି। ସ୍ବାଧୀନତା ଦିବସ ଅବସରରେ ଫୁଲବାଣୀ ଗାନ୍ଧୀ ସ୍ମୃତିଠାରେ ଜିଲାସ୍ତରୀୟ କାର୍ଯ୍ୟକ୍ରମରେ ରାଇକିଆ ପଞ୍ଚାୟତ ସମିତିକୁ ସମ୍ପୂର୍ଣ୍ଣ ବାହ୍ୟ ମଳମୁକ୍ତ ଭାବେ ଘୋଷଣା କରାଯାଇଛି।

ସହର ସାରା ବୁଲି ପରିତ୍ୟକ୍ତ ଭାବେ ପଡ଼ିଥିବା ପତାକାକୁ ସଂଗ୍ରହ କଲା ସବୁଜ ବାହିନୀ

ସହର ସାରା ବୁଲି ପରିତ୍ୟକ୍ତ ଭାବେ ପଡ଼ିଥିବା ପତାକାକୁ ସଂଗ୍ରହ କଲା ସବୁଜ ବାହିନୀ

ବ୍ରହ୍ମପୁର ଅଫିସ,୧୬।୮: ସ୍ବାଧୀନତା ଦିବସ ଏବଂ ଗଣତନ୍ତ୍ର ଦିବସ ପାଳନ ବେଳେ ବହୁ ସଂଖ୍ୟକ ଜାତୀୟ ପତାକା ବ୍ୟବହାର କରାଯାଇଥାଏ। ଲୋକମାନେ ଯାନବାହାନ, ଘର ଏବଂ ବ୍ୟବସାୟୀକ ପ୍ରତିଷ୍ଠାନରେ ଜାତୀୟ ପତାକା ଲଗାଇଥାନ୍ତି।

ଗଞ୍ଜାମ ନିମନ୍ତେ ପିସିସିର କର୍ମକର୍ତ୍ତା ଘୋଷଣା: କାର୍ଯ୍ୟକାରୀ କମିଟିରେ ସ୍ଥାନ ପାଇଲେ ନୃସିଂହ ରଥ

ଗଞ୍ଜାମ ନିମନ୍ତେ ପିସିସିର କର୍ମକର୍ତ୍ତା ଘୋଷଣା: କାର୍ଯ୍ୟକାରୀ କମିଟିରେ ସ୍ଥାନ ପାଇଲେ ନୃସିଂହ ରଥ

ବ୍ରହ୍ମପୁର ଅଫିସ,୧୬।୮: ପ୍ରଦେଶ କଂଗ୍ରେସ କମିଟିର ବିଭିନ୍ନ ପଦବୀଗୁଡିକ ପାଇଁ କର୍ମକର୍ତ୍ତାଙ୍କ ନାମକୁ ସଭାପତି ନିରଞ୍ଜନ ପଟ୍ଟନାୟକ ଘୋଷଣା କରିଛନ୍ତି। ବିଭିନ୍ନ ପଦବୀରେ ଗଞ୍ଜାମ ଜିଲାର ନେତାମାନେ ରହିଛନ୍ତି। 

ହିଞ୍ଜିଳିକାଟୁରେ ସ୍ବାଧୀନତା ଦିବସ

ହିଞ୍ଜିଳିକାଟୁରେ ସ୍ବାଧୀନତା ଦିବସ

ହିଞ୍ଜିଳିକାଟୁ,୧୫।୮(ଡି.ଏନ୍‌.ଏ.)- ହିଞ୍ଜିଳିକାଟୁ ପୌରାଞ୍ଚଳ ଓ ବ୍ଲକର ବିଭିନ୍ନ ସ୍ଥାନରେ ସ୍ବାଧୀନତା ଦିବସ ପାଳିତ ହୋଇଯାଇଛି। ପ୍ରତିକୂଳ ପାଗ ସତ୍ତ୍ୱେ ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟାଳୟରେ ପତାକା ଉତ୍ତୋଳନ ହୋଇଥିଲା। ପୌର କାର୍ଯ୍ୟାଳୟ ପରିସରରେ ଅଧ୍ୟକ୍ଷା ଗୌରୀ ପାଣିଗ୍ରାହୀ, ବ୍ଲକ କାର୍ଯ୍ୟାଳୟରେ ଅଧ୍ୟକ୍ଷ ଏନ୍‌. ରଘୁନାଥ, ତହସିଲ ଅଫିସରେ ତହସିଲଦାର ଗୋପୀନାଥ କୁଅଁର, ହିଞ୍ଜିଳିକାଟୁ କଲେଜରେ ଅଧ୍ୟକ୍ଷ ଏମ୍‌. କ୍ରିଷ୍ଣାରାଓ, ଥାନାରେ ଆଇଆଇସି ପ୍ରଶାନ୍ତ କୁମାର ସାହୁ ପତାକା ଉତ୍ତୋଳନ କରିଥିଲେ।

ଗଞ୍ଜାମ ମେଡିକାଲରେ ସ୍ବାସ୍ଥ୍ୟ, ଆରୋଗ୍ୟ ସେଣ୍ଟର

ଗଞ୍ଜାମ ମେଡିକାଲରେ ସ୍ବାସ୍ଥ୍ୟ, ଆରୋଗ୍ୟ ସେଣ୍ଟର

ଗଞ୍ଜାମ,୧୫।୮(ଡି.ଏନ୍‌.ଏ.)- ଗଞ୍ଜାମ ବଡବଜାରସ୍ଥିତ ମେଡିକାଲଠାରେ ସ୍ବାସ୍ଥ୍ୟ ଓ ଆରୋଗ୍ୟ ସେଣ୍ଟର ବୁଧବାର ଛତ୍ରପୁର ବିଧାୟକ ଡା. ପ୍ରିୟାଶୁଂ ପ୍ରଧାନ ଉଦ୍‌ଘାଟିତ କରିଛନ୍ତି। ଏହି ଅବସରରେ ଏକ ସଭା ମେଡିକାଲ ପରିସରରେ ଅନୁଷ୍ଠିତ ହୋଇଥିଲା। ଏଥିରେ ବିଧାୟକ  ପ୍ରଧାନଙ୍କ ସମେତ ଅଧ୍ୟକ୍ଷ ପ୍ରଶାନ୍ତ କୁମାର ନାୟକ, ଏନ୍‌ଏସି ଅଧ୍ୟକ୍ଷା ଉର୍ମିଳା ପଲାଇ, ନୀଳାଞ୍ଚଳ ବାରିକ, ଅତିରିକ୍ତ ଜିଲା ଚିକିତ୍ସା ଅଧିକାରୀ ସରୋଜିନୀ ଦେବୀ ପ୍ରମୁଖ ମଞ୍ଚାସିନ ଥିଲେ। ମେଡିକାଲର ଆୟୁଷ ଡାକ୍ତର ବନୋଜ କାନ୍ତ କର କାର୍ଯ୍ୟକ୍ରମ ସଂଯୋଜନା କରିଥିଲେ। ଏଥିରେ ଖଣ୍ଡଦେଉଳୀ ମେଡିକାଲ ଅଫିସର ସୁଧାକର ଦାସ, ଗଞ୍ଜାମ ମେଡିକାଲ ଅଫିସର ସି.ଏଚ୍‌. ଶଙ୍କର, ଫାର୍ମାସିଷ୍ଟ ଶ୍ରୀମୟ ରଥ ଓ ଅନ୍ୟାନ୍ୟ ମେଡିକାଲ କର୍ମଚାରୀ ପ୍ରମୁଖ ଉପସ୍ଥିତ ଥିଲେ।

ବିଭିନ୍ନ ସ୍ଥାନରେ ସ୍ବାଧୀନତା ଦିବସ

ବିଭିନ୍ନ ସ୍ଥାନରେ ସ୍ବାଧୀନତା ଦିବସ

ପୁରୁଷୋତ୍ତମପୁର,୧୫।୮(ଡି.ଏନ୍‌.ଏ.)- ପୁରୁଷୋତ୍ତମପୁରର ବିଭିନ୍ନ ଅଞ୍ଚଳରେ ସ୍ବାଧୀନତା ଦିବସ ପାଳିତ ହୋଇଯାିଛି। ପ୍ରଥମଶ୍ରେଣୀ ବିଚାରବିଭାଗୀୟ ଅଦାଲତରେ ବିଚାରପତି ଅନ୍ନପୂର୍ଣ୍ଣା ଷଡଙ୍ଗୀ ପତାକା ଉତ୍ତୋଳନ କରିଥିବାବେଳେ ଓକିଲ ସଂଘ କାର୍ଯ୍ୟାଳୟରେ ସଭାପତି ଜଗନ ମୋହନ ପଟ୍ଟନାୟକ, ଏନ୍‌ଏସି ଅଧ୍ୟକ୍ଷା ଓ୍ବାଇ. ରାଣୀକୁମାରୀ ପତାକା ଉତ୍ତୋଳନ କରିଥିଲେ।

ବାଲିଗୁଡାରେ ଉପଖଣ୍ଡସ୍ତରୀୟ ସ୍ବାଧୀନତା ଦିବସ

ବାଲିଗୁଡାରେ ଉପଖଣ୍ଡସ୍ତରୀୟ ସ୍ବାଧୀନତା ଦିବସ

ବାଲିଗୁଡା,୧୫।୮(ଡି.ଏନ୍‌.ଏ.)- କନ୍ଧମାଳ ଜିଲା ବାଲିଗୁଡାଠାରେ ଉପଖଣ୍ଡସ୍ତରୀୟ ସ୍ବାଧୀନତା ଦିବସ ପାଳିତ ହୋଇଯାଇଛି। ସକାଳୁ ଭଲ ପାଗ ଥିବା ସତ୍ତ୍ୱେ ସରକାରଙ୍କ ନିର୍ଦ୍ଦେଶ ପ୍ରକାରେ ଛାତ୍ରୀଛାତ୍ରଙ୍କୁ ଏଥିରେ ସାମିଲ କରା ଯାଇ ନ ଥିବାରୁ ଅସନ୍ତୋଷ ପ୍ରକାଶ ପାଇଥିଲା।

ବର୍ଷାରେ ଘର ଭୁଷୁଡିଲା

ବର୍ଷାରେ ଘର ଭୁଷୁଡିଲା

ଫୁଲବାଣୀ ଅଫିସ,୧୫।୮- ପ୍ରବଳ ବର୍ଷାରେ ଫିରିଙ୍ଗିଆ ବ୍ଲକ ସଲାଗୁଡା ପଞ୍ଚାୟତ ତାମ୍ବିସୁଗା ଗ୍ରାମର ନରେଶ କହଁରଙ୍କ ଘର ଭୁଷୁଡି ଯାଇଛି। ଏବେ ସେ ଅତ୍ୟନ୍ତ ଦୟନୀୟ ଅବସ୍ଥାରେ ରହୁଛନ୍ତି। ଜିଲା ପ୍ରଶାସନ ପକ୍ଷରୁ ପଲିଥିନ ଟିଏ ମଧ୍ୟ ଏପର୍ଯ୍ୟନ୍ତ ମିଳିନାହିଁ। ଅନ୍ୟପଟେ ଆଜି ପର୍ଯ୍ୟନ୍ତ ନରେଶୁଙ୍କୁ ଆବାସ ଯୋଜନାରେ ଘରଟିଏ ମିଳି ନ ଥିବା ଜଣାପଡିଛି। ନରେଶ ତାଙ୍କ ସ୍ତ୍ରୀ ଓ ପୁଅଙ୍କୁ ଧରି ଦୟନୀୟ ଅବସ୍ଥାରେ ରହୁଛନ୍ତି।

କନ୍ଧମାଳ ଜିଲାରେ ସ୍ବାଧୀନତା ଦିବସ ପାଳିତ

କନ୍ଧମାଳ ଜିଲାରେ ସ୍ବାଧୀନତା ଦିବସ ପାଳିତ

ଫୁଲବାଣୀ ଅଫିସ,୧୫।୮- କନ୍ଧମାଳ ଜିଲା ପୋଲିସ ରିଜର୍ଭ ପଡିଆରେ ଜିଲାସ୍ତରୀୟ ସ୍ବାଧୀନତା ଦିବସ ପାଳିତ ହୋଇଯାଇଛି। ମନ୍ତ୍ରୀ ପ୍ରଫୁଲ୍ଲ ସାମଲ ମୁଖ୍ୟଅତିଥି ଭାବେ ଯୋଗଦେଇ ପତାକା ଉତ୍ତୋଳନ କରିବା ସହ ମିଳିତ ପରେଡରେ ଅଭିବାଦନ ଗ୍ରହଣ କରିଥିଲେ। ସ୍ବାଧୀନତା ସଂଗ୍ରାମରେ କନ୍ଧମାଳ ସବୁବେଳେ ଚିରସ୍ମରଣୀୟ ହୋଇ ରହିବ ବୋଲି ମନ୍ତ୍ରୀ ସାମଲ ବକ୍ତବ୍ୟରେ କହିଥିଲେ।

ସାପ ମଣିଷ ସମୀରଙ୍କୁ ପ୍ରକୃତିବନ୍ଧୁ ପୁରସ୍କାର

ସାପ ମଣିଷ ସମୀରଙ୍କୁ ପ୍ରକୃତିବନ୍ଧୁ ପୁରସ୍କାର

ବ୍ରହ୍ମପୁର ଅଫିସ ୧୫।୮- ସାଧାରଣତଃ ଆମେ ସାପ କଥା ଭାବିଲେ ବା କେଉଁଠି ଦେଖିଲେ ମନରେ ଭୟ ଆସିଥାଏ। ହେଲେ ଏପରି ମଣିଷ ଅଛନ୍ତି ଯିଏ ସାପକୁ ଦେଖିଲେ ଡର ତ ଦୂରର କଥା, ସାପ ଧରି ଖେଳିବା ଓ ମୋବାଇଲ୍‌ ଫୋରେ ଫଟୋ ଉଠାଇ ଥାନ୍ତି।

ଟାଉନ ଥାନା ଅଧିକାରୀଙ୍କୁ ବେଷ୍ଟ ଆଇଆଇସି ପୁରସ୍କାର

ଟାଉନ ଥାନା ଅଧିକାରୀଙ୍କୁ ବେଷ୍ଟ ଆଇଆଇସି ପୁରସ୍କାର

ବ୍ରହ୍ମପୁର ଅଫିସ ୧୫।୮- ବ୍ରହ୍ମପୁର ଠାରେ ୭୨ ତମ ସ୍ବଧୀନତା ଦିବସ ସ୍ଥାନୀୟ ବ୍ରହ୍ମପୁର ଷ୍ଟାଡିୟମରେ ପାଳିତ ହୋଇଯାଇଛି। ତେବେ ଏହି ଅବସରରେ ଉଲ୍ଲେଖନୀୟ ପ୍ରଦର୍ଶନ ପାଇଁ ବହୁ ପୋଲିସ କର୍ମଚାରୀଙ୍କୁ ମାନପତ୍ର ସହ ପୁରସ୍କୃତ କରାଯାଇଥିଲା। ବ୍ରହ୍ନପୁର ପୋଲିସ ଜିଲାରେ ଟାଉନ ଥାନା ଅଧିକାରୀ ନିହାର ରଞ୍ଜନ ପ୍ରଧାନଙ୍କୁ ବେଷ୍ଟ ଆଇଆଇସି ପୁରସ୍କାର ପ୍ରଦାନ କରାଯାଇଛି। ମୁଖ୍ୟ ଅତିଥି ଦକ୍ଷିଣାଞ୍ଚଳ ରାଜସ୍ବ କମିଶନର ଟି. ଆଓ ତାଙ୍କୁ ମାନପତ୍ର ସହ ପୁରସ୍କୃତ କରିଥିଲେ।

ମାଓବାଦୀପ୍ରବଣ ଦାରିଙ୍ଗବାଡିରେ ସ୍ବାଧୀନତା ଦିବସ

ମାଓବାଦୀପ୍ରବଣ ଦାରିଙ୍ଗବାଡିରେ ସ୍ବାଧୀନତା ଦିବସ

ଦାରିଙ୍ଗବାଡ଼ି,୧୫।୮(ଡି.ଏନ.ଏ)- କନ୍ଧମାଳ ଜିଲା  ମାଓବାଦୀ ପ୍ରବଣ ଅଞ୍ଚଳ  ଦାରିଙ୍ଗବାଡ଼ି ସମେତ ବ୍ରାହ୍ମଣୀଗାଁ ଥାନା ଅଞ୍ଚଳରେ ଶାନ୍ତିଶୃଙ୍ଖଳାର ସହ ୭୨ ତମ ସ୍ବାଧୀନତା ଦିବସ ପାଧିତ ହୋଇଯାଇଛି। ଦାରିଙ୍ଗବାଡ଼ି ହେଲିପ୍ୟାଡ ପଡ଼ିଆରେ ଅନୁଷ୍ଠଇତ ବ୍ଲକସ୍ତରୀୟ ସ୍ବାଧୀନତା ଦିବସରେ ମୁଖ୍ୟଅତିଥି ଭାବେ ବ୍ଲକ ଅଧ୍ୟକ୍ଷା ସୁବେନ୍ତି ପ୍ରଧାନ ଯୋଗଦେଇ ପତାକା ଉତ୍ତୋଳନ କରିଥିଲେ।

ମହିଳା ସୁରକ୍ଷାକର୍ମୀଙ୍କୁ ଆକ୍ରମଣ

ମହିଳା ସୁରକ୍ଷାକର୍ମୀଙ୍କୁ ଆକ୍ରମଣ

ଦିଗପହଣ୍ଡି,୧୫।୮(ଡି.ଏନ୍‌.ଏ.)- ଦିଗପହଣ୍ଡି ଥାନା ରାସ୍ତାରେ ପାଟପୁର ଗ୍ରାମର ଜଣେ ମହିଳା ସୁରକ୍ଷାକର୍ମୀଙ୍କୁ ମଙ୍ଗଳବାର ରାତିରେ ଆକ୍ରମଣ ହୋଇଛି।  ରାତି ପ୍ରାୟ ୯ଟାରେ ସୁରକ୍ଷାକର୍ମୀ ଜଣକ ଘରକୁ ଫେରୁଥିବାବେଳେ କେତେକ ଯୁବକ ତାଙ୍କୁ ଆକ୍ରମଣ କରି ଫେରାର ହୋଇଯାଇଥିଲେ। ଦିଗପହଣ୍ଡି ସ୍ବାସ୍ଥ୍ୟକେନ୍ଦ୍ରରେ ତାଙ୍କର ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି।

ଆହତ ହରିଣ ଉଦ୍ଧାର

ଆହତ ହରିଣ ଉଦ୍ଧାର

ହିଞ୍ଜିଳିକାଟୁ,୧୫।୮(ଡି.ଏନ୍‌.ଏ.)- ହିଞ୍ଜିଳିକାଟୁ ବ୍ଲକ ଶାସନ ଆମ୍ବଗଁା ଆଦର୍ଶ ବିଦ୍ୟାଳୟ ନିକଟରୁ ବୁଧବାର ପୂର୍ବାହ୍ନରେ ଗ୍ରାମବାସୀ ଏକ ଆହତ ହରିଣକୁ ଉଦ୍ଧାର କରିଛନ୍ତି। ବୁଲା କୁକୁର ସଂଘବଦ୍ଧ ଭାବେ ହରିଣଟିକୁ ଆକ୍ରମଣ କରୁଥିବା ଦେଖି କିଛି ଗ୍ରାମବାସୀ କୁକୁର କବଳରୁ ଉଦ୍ଧାର କରିଥିଲେ। ଏନେଇ ହିଞ୍ଜିଳିକାଟୁ ବନ ବିଭାଗକୁ ଖବର ଦେବାପରେ ବନ କର୍ମଚାରୀ ପହଞ୍ଚତ୍ ଏହାକୁ ହିଞ୍ଜିଳିକାଟୁ ପ୍ରାଣୀ ଚିକିତ୍ସାଳୟରେ ଭର୍ତ୍ତି କରିଥିଲେ। ହରିଣଟି ସୁସ୍ଥ ହେବାପରେ ବ୍ରହ୍ମପୁର ବନଖଣ୍ଡ ଅଫିସକୁ ପଠାଯିବ ବୋଲି ଭାରପ୍ରାପ୍ତ ଫରେଷ୍ଟର କମଳକାନ୍ତ ପାତ୍ର କହିଛନ୍ତି।

ବିଜୁ ସ୍ବାସ୍ଥ୍ୟବୀମାର ଶୁଭାରମ୍ଭ

ବିଜୁ ସ୍ବାସ୍ଥ୍ୟବୀମାର ଶୁଭାରମ୍ଭ

ଖଲ୍ଲିକୋଟ,୧୫।୮(ଡି.ଏନ୍‌.ଏ.)- ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ ସୁଦର୍ଶନ ସାହୁ ବୁଧବାର ବିଜୁ ସ୍ବାସ୍ଥ୍ୟବୀମାର ଶୁଭାରମ୍ଭ କରିଛନ୍ତି। ପ୍ରଥମେ ଏହି ବ୍ଲକ ଅନ୍ତର୍ଗତ ଶ୍ରୀକୃଷ୍ଣଶରଣପୁର ଗ୍ରାମରେ ଥିବା ଏଏନ୍‌ଏମ୍‌ ସେଣ୍ଟରଠାରେ ପହଞ୍ଚତ୍ ଆଶ, ଅଙ୍ଗନଓ୍ବାଡି କର୍ମୀଙ୍କୁ ସ୍ବାସ୍ଥ୍ୟବୀମା ସମ୍ପର୍କରେ ବୁଝାଇବା ସହ ଉକ୍ତ ଗ୍ରାମର ବହୁ ଲୋକଙ୍କୁ ସ୍ବାସ୍ଥ୍ୟବୀମା କାର୍ଡ ପ୍ରଦାନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ସେହିପରି ଶାବୁଳିଆ, ଡିମିରିଆ, କନକା, ରେଡ୍ଡୀବାହାଡାପଲ୍ଲି, କେଶପୁର ଆଦି ପଞ୍ଚାୟତର ଏଏନ୍‌ଏମ୍‌ କେନ୍ଦ୍ରରେ ପହଞ୍ଚତ୍ ବିଜୁ ସ୍ବାସ୍ଥ୍ୟବୀମା କାର୍ଡ ପ୍ରଦାନ କରିଥିଲେ। ସ୍ବାସ୍ଥ୍ୟବିଭାଗ କର୍ମଚାରୀ ଅଶୋକ ପାତ୍ର, ଅମୀୟ କୁମାର ମାହାନ୍ତି ପ୍ରମୁଖ ଏହି ଅବସରରେ ଉପସ୍ଥିତ ଥିଲେ।

ସ୍ବାଧୀନତା ଦିବସରେ ରକ୍ତଦାନ ଶିବିର

ସ୍ବାଧୀନତା ଦିବସରେ ରକ୍ତଦାନ ଶିବିର

ଦିଗପହଣ୍ଡି,୧୫।୮(ଡି.ଏନ୍‌.ଏ.)- ଦିଗପହଣ୍ଡି ବିଦ୍ୟୁତ୍‌ କର୍ମଚାରୀ ସଂଘ ପକ୍ଷରୁ ସାଉଥ୍‌କୋ ୟୁଟିଲିଟି ସହାୟତାରେ ସ୍ବାଧୀନତା ଦିବସ ଅବସରରେ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ବିଦ୍ୟୁତ୍‌ ବିଭାଗ କାର୍ଯ୍ୟାଳୟ ପରିସରରେ ଆୟୋଜିତ ଶିବିରକୁ ବିଭାଗୀୟ ନିର୍ବାହୀ ଯନ୍ତ୍ରୀ ଇଂ. ସନ୍ତୋଷ କୁମାର ପଣ୍ଡା ଉଦ୍‌ଘାଟନ କରିଥିଲେ। ସାମାଜିକ କର୍ମୀ ଅଳକନାଥ ମିଶ୍ର, ତପନ କୁମାର ମିଶ୍ର, ଲଲାଟେନ୍ଦୁ ପ୍ରଧାନ ପ୍ରମୁଖ ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ। ବିଦ୍ୟୁତ୍‌ ବିଭାଗ ସହକାରୀ ଯନ୍ତ୍ରୀ ଇଂ. ପ୍ରଶାନ୍ତ କୁମାର ପଟ୍ଟନାୟକ, ଇଂ. ଚିତ୍ତରଞ୍ଜନ ମଲ୍ଲିକ, ଇଂ. ଦେବପ୍ରସନ୍ନ ପାଇକରାୟ, ଇଂ. ଜୟନ୍ତ ସାହୁ, ଇଂ. ଦେବୀଦତ୍ତ ମହାପାତ୍ର ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ବ୍ରହ୍ମପୁର ରକ୍ତଭଣ୍ଡାରର ଡାକ୍ତର ପ୍ରଭାତି ଦାସ ଓ କର୍ମଚାରୀ ରକ୍ତ ସଂଗ୍ରହରେ ସହାୟତା କରିଥିଲେ। ମୋଟ ୫୫ ୟୁନିଟ୍‌ ରକ୍ତ ସଂଗ୍ରହ ହୋଇଥିଲା।

ସ୍ବାଧୀନତା ଦିବସରେ ଶିଶୁଙ୍କୁ ଛତା ବଣ୍ଟନ

ସ୍ବାଧୀନତା ଦିବସରେ ଶିଶୁଙ୍କୁ ଛତା ବଣ୍ଟନ

ଦିଗପହଣ୍ଡି,୧୫।୮(ଡି.ଏନ୍‌.ଏ.)- ଦିଗପହଣ୍ଡି ବ୍ଲକ ପଦ୍ମନାଭପୁର ପଞ୍ଚାୟତର ୧୧ଟି ଅଙ୍ଗନଓ୍ବାଡି କେନ୍ଦ୍ରର ୧୯୧ ଜଣ ଶିଶୁଙ୍କୁ ପବିତ୍ର ସ୍ବାଧୀନତା ଦିବସ ଅବସରରେ ଛତା ବଣ୍ଟନ କରାଯାଇଛି। ସରପଞ୍ଚ ବି. କ୍ରିଷ୍ଣାରାଓ ସୁବୁଦ୍ଧି ମୁଖ୍ୟଅତିଥି ଭାବେ ଯୋଗ ଦେଇ ପଞ୍ଚାୟତ କାର୍ଯ୍ୟାଳୟ ପରିସରରେ ଶିଶୁମାନଙ୍କୁ ଛତା ବଣ୍ଟନ କରିଥିଲେ। ଆୟୋଜିତ ଉତ୍ସବରେ ସମିତିସଭ୍ୟ ସୁଶାନ୍ତ କୁମାର ସେଠୀ, ପୂର୍ବତନ ସମିତିସଭ୍ୟ ଟି. ରାମାରାଓ, ପଞ୍ଚାୟତ ନିର୍ବାହୀ ଅଧିକାରୀ ଗୌରାଙ୍ଗ ଲେଙ୍କା, ଗ୍ରାମ ରୋଜଗାର ସେବକ ଦୁର୍ଯ୍ୟୋଧନ ରେଡ୍ଡୀ, ନାଏବ ସରପଞ୍ଚ ମନୋଜ ଚୌଧୁରୀଙ୍କ ସମେତ ସମସ୍ତ ଅଙ୍ଗନଓ୍ବାଡି କର୍ମୀ ଉପସ୍ଥିତ ଥିଲେ।

ନାଗପଞ୍ଚମୀରେ ଘରୁ ନାଗସାପ ଉଦ୍ଧାର

ନାଗପଞ୍ଚମୀରେ ଘରୁ ନାଗସାପ ଉଦ୍ଧାର

ବ୍ରହ୍ମପୁର ଅଫିସ ୧୫।୮- ସ୍ଥାନୀୟ ଆଙ୍କୁଲି ସ୍ଥିତ ନିଗମ ନଗର ପଞ୍ଚମ ଗଳିର ଅଭିରାମ ମାଝୀଙ୍କ ଘରୁ ବୁଧବାର ଏକ ୪ ଫୁଟ ଲମ୍ବା ନାଗସାପ ଉଦ୍ଧାର ହୋଇଛି। ବୁଧବାର ହେଉଛି ପବିତ୍ର ନାଗପଞ୍ଚମୀ, ବିଶେଷ କରି ଦକ୍ଷିଣ ଓଡିଶାର ଏହି ପର୍ବକୁ ଲୋକେ ପାଳନ କରିବା ସହ ନାଗ ଓ ନାଗୁଣୀଙ୍କ ପୂଜା  କରିଥାନ୍ତି। ଏହି ପବିତ୍ର ଦିନରେ ଅଭିଙ୍କ ଘରୁ ନାଗସାପ ଉଦ୍ଧାର ହୋଇଛି। ପୂଜା କରୁଥିବା ସମୟରେ ତାଙ୍କ ଘରୁ ଏହି ସାପ ବାହାରି ଥିବାବେଳେ ସେ ବନ ବିଭାଗକୁ ଜଣାଇଥିଲେ। ସ୍ନେକ୍‌ ହେଲ୍‌ପ ଲାଇନର ସମୀର କୁମାର ତ୍ରିପାଠୀ ଓ ତାଙ୍କ ସାଥୀ ପହଞ୍ଚତ୍ ସାପଟିକୁ ଉଦ୍ଧାର କରିଥିଲେ।

୫ଟି ସ୍ବାସ୍ଥ୍ୟ, ଆରୋଗ୍ୟ କେନ୍ଦ୍ର ଉଦଘାଟିତ

୫ଟି ସ୍ବାସ୍ଥ୍ୟ, ଆରୋଗ୍ୟ କେନ୍ଦ୍ର ଉଦଘାଟିତ

ବ୍ରହ୍ମପୁର ଅଫିସ,୧୫।୮- ବ୍ରହ୍ମପୁର ସହରରେ ଥିବା ୫ଟି ସହରାଞ୍ଚଳ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର(ୟୁପିଏଚ୍‌ସି)ରେ ସ୍ବତନ୍ତ୍ର ସ୍ବାସ୍ଥ୍ୟ ଓ ଆରୋଗ୍ୟ କେନ୍ଦ୍ର ବୁଧବାର ଉଦ୍‌ଘାଟିତ ହୋଇଯାଇଛି। ସେଗୁଡିକ ହେଲା ଆମ୍ବପୁଆ, ଆସ୍କାରୋଡ, ବୈକୁଣ୍ଠନଗର, ଉତ୍ତରମୁଖୀ ଏବଂ ଗୁଡ୍‌ସ ସେଡ୍‌ ରୋଡ୍‌ ୟୁପିଏଚସି। ବ୍ରହ୍ମପୁର ମହାନଗର ନିଗମ ମେୟର କେ.ମାଧବୀ ମୁଖ୍ୟ ଅତିଥି ଭାବେ ଯୋଗ ଦେଇ ଉଦ୍‌ଘାଟନ କରିଥିଲେ।

ବନ୍ଧୁତ୍ୱପୂର୍ଣ୍ଣ କ୍ରିକେଟ ମ୍ୟାଚ, ଲୋକପ୍ରତିନିଧି ଏକାଦଶ ବିଜୟୀ

ବନ୍ଧୁତ୍ୱପୂର୍ଣ୍ଣ କ୍ରିକେଟ ମ୍ୟାଚ, ଲୋକପ୍ରତିନିଧି ଏକାଦଶ ବିଜୟୀ

ଶେରଗଡ, ୧୫।୮(ଡି.ଏନ୍‌.ଏ.)- ଶେରଗଡ ବ୍ଲକସ୍ତରୀୟ ସ୍ବାଧୀନତା ଦିବସ ପାଳନ ଅବସରରେ ମହାତ୍ମା ଗାନ୍ଧୀ ହାଇସ୍କୁଲ ଖେଳ ପଡିଆରେ ଏକ ବନ୍ଧୁତ୍ୱପୂର୍ଣ୍ଣ କ୍ରିକେଟ ମ୍ୟାଚ ଅନୁଷ୍ଠିତ ହୋଇଯାଇଛି। ଏହି ମ୍ୟାଚକୁ ମୁଖ୍ୟମନ୍ତ୍ରୀଙ୍କ ପ୍ରତିନିଧି ଶରତ ଚନ୍ଦ୍ର ମହାପାତ୍ର ପତାକା ଦେଖାଇ ଉଦ୍‌ଘାଟନ କରିଥିଲେ। ପ୍ରଶାସନ ଏକାଦଶ ଓ ଲୋକ ପ୍ରତିନିଧି ଏକାଦଶ ମଧ୍ୟରେ ଏହି ମ୍ୟାଚ ଅନୁଷ୍ଠିତ ହୋଇଥିଲା। ପ୍