ବାଲେଶ୍ୱର

ସାପ କାମୁଡାରେ  ଚାଷୀଙ୍କ ମୃତ୍ୟୁ

ସାପ କାମୁଡାରେ ଚାଷୀଙ୍କ ମୃତ୍ୟୁ

ନୀଳଗିରି, ୨୨।୮ (ଡି.ଏନ.ଏ.)-ବାଲେଶ୍ୱର ଜିଲା  ନୀଳଗିରି ବ୍ଲକ ବରହମପୁର ଥାନା ଅଧୀନ ଅଁଳାପାଳ ଗାଁର ଚାଷୀ ଗିରୀଶ ମଢେଇ (୬୦)ଙ୍କର ସାପ କାମୁଡାରେ ମତ୍ୟୁ ଘଟିଛି। ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ନୀଳଗିରି ଉପଖଣ୍ଡ ଡାକ୍ତରଖାନାକୁ ପଠାଇ ତଦନ୍ତ ଜାରି ରଖିଛି।

ସମୁଦ୍ରରେ ମତ୍ସ୍ୟଜୀବୀଙ୍କ ମୃତ୍ୟୁ

ସମୁଦ୍ରରେ ମତ୍ସ୍ୟଜୀବୀଙ୍କ ମୃତ୍ୟୁ

ରୂପ୍‌ସା, ୨୨।୮(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ବାହାବଳପୁର ସାମୁଦ୍ରିକ ଥାନା ଅଧୀନ ବାହାବଳପୁର ମାଛଧରା କେନ୍ଦ୍ରରୁ ଏକ ଟ୍ରଲରରେ ସମୁଦ୍ରକୁ ମାଛ ଧରିବାକୁ ଯାଇଥିବା ବେଳେ ଜଣେ ମତ୍ସ୍ୟଜୀବୀଙ୍କ ମୃତ୍ୟୁ ଘଟିଛି। 

  ଦକ୍ଷତା ବୃଦ୍ଧି ତାଲିମ ଶିବିର

ଦକ୍ଷତା ବୃଦ୍ଧି ତାଲିମ ଶିବିର

କପ୍ତିପଦା ୨୨  । ୮(ଡି.ଏନ୍‌.ଏ.)- କପ୍ତିପଦା ରେଞ୍ଜ ଅଧିନରେ ଥିବା ୨୪ଟି ବନ ସୁରକ୍ଷା ସମିତିର ସଦସ୍ୟାସଦସ୍ୟଙ୍କୁ ନେଇ ଏକ ଦକ୍ଷତା ବୃଦ୍ଧି ତାଲିମ ଶିବିର ଅନୁଷ୍ଠିତ ହୋଇ ଯାଇଛି   ।  ଏଥିରେ ବାରିପଦା ବନଖଣ୍ଡ ସହକାରୀ ବନ ସଂରକ୍ଷକ ବିନୋଦ ବିହାରୀ ସ୍ବାଇଁ ମୁଖ୍ୟ ଅତିଥି ଭାବେ ଯୋଗ ଦେଇ ଶିବିରକୁ ଉଦଘାଟନ କରିବା ସହିତ ଏହାର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ଉପସ୍ଥିତ ସଦସ୍ୟାସଦସ୍ୟଙ୍କୁ ଅବଗତ କରିଛନ୍ତି   ।  

ଜିଲା ଡିଏଲସି କମିଟିରେ ଦିବ୍ୟାଙ୍ଗ ମନୋରଞ୍ଜନ

ଜିଲା ଡିଏଲସି କମିଟିରେ ଦିବ୍ୟାଙ୍ଗ ମନୋରଞ୍ଜନ

କପ୍ତିପଦା ୨୨ । ୮(ଡି.ଏନ୍‌.ଏ)- ଜୀବନ ଅଛି ତ ଯନ୍ତ୍ରଣା ଅଛି। ସେହି ଯନ୍ତ୍ରଣାକୁ ସହି ଯେଉଁମାନେ ଆଗକୁ ଗତି କରନ୍ତି ସେମାନେ ସଫଳତାର ଶିଖରକୁ ଛୁଅଁନ୍ତି। ଏହା ପ୍ରମାଣ କରି ଦେଖାଇଛନ୍ତି କପ୍ତିପଦା ବ୍ଲକ୍‌ ଅନ୍ତର୍ଗତ ବଡ଼ଖଲାଡ଼ି ଗ୍ରାମ ପଞ୍ଚାୟତ ଅଧିନ ବଉଳଖଲାଡ଼ି ଗ୍ରାମର  ମନୋରଞ୍ଜନ ଜେନା  ।  ତାଙ୍କୁ ଜିଲା ଡିଏଲସି କମିଟିରେ ସଦସ୍ୟ ଭାବେ ଗ୍ରହଣ କରାଯାଇଛି  ।   ଗତ ୨୦୧୭ରେ ଜିଲା ସାମାଜିକ ସୁରକ୍ଷା ବିଭାଗ ପକ୍ଷରୁ ତାଙ୍କୁ ଲୋକାଲ ଲେଭଲ କମିଟି(ଏଲଏଲସି)ରେ ସଦସ୍ୟ ରଖା ଯାଇ ଥିବା ବେଳେ ଚଳିତ ବର୍ଷ ତାଙ୍କୁ ଜିଲା କମିଟିରେ  ସଦସ୍ୟ ପଦ ମିଳିଛି। 

ଧାମନଗର-କୋଠାର ମୁଖ୍ୟ ରାସ୍ତାରେ ଜମୁଛି ନର୍ଦ୍ଦମା ପାଣି

ଧାମନଗର-କୋଠାର ମୁଖ୍ୟ ରାସ୍ତାରେ ଜମୁଛି ନର୍ଦ୍ଦମା ପାଣି

ଧାମନଗର,୨୨।୮(ଡି.ଏନ.ଏ.)-ଧାମନଗର  କୋଠାର  ମୁଖ୍ୟ ରାସ୍ତାର ବୟାଙ୍ଗଡିହି ପଞ୍ଚାୟତ ଗୋଡିପୋଖରୀ ଗ୍ରାମର ସଇଜାଫର ଛକ ନିକଟରେ ମୁଖ୍ୟ ରାସ୍ତା ଉପରେ  ଦୀର୍ଘ ଦିନ ଧରି  ଗ୍ରାମରୁ ଧୋଇ ହୋଇଆସୁଥିବା ନର୍ଦ୍ଦମା ଏବଂ ବର୍ଷାପାଣି ଜମୁଥିବାବେଳେ  ଧାମନଗର ବ୍ଲକକୁ ଦୈନିକ ଯାତାୟାତ କରୁଥିବା ଶହ ଶହ ଲୋକେ ଅସନ୍ତୋଷ ପ୍ରକାଶ କରିଛନ୍ତି। ଉକ୍ତ ମୁଖ୍ୟ ରାସ୍ତା କଡ଼ରେ ଜଳ ନିଷ୍କାସନର ବ୍ୟବସ୍ଥା ନ ଥିବା ଏବଂ ଗ୍ରାମ ମଧ୍ୟରୁ  ବିଭିନ୍ନ ନାଳ ନର୍ଦ୍ଦମା ପାଣି  ବର୍ଷା ଜଳ ସହିତ ମିଶି ରାସ୍ତାର ଏକ ଖାଲୁଆ ଜାଗାରେ  ଜମି ରହୁଛି। 

 ସରସ୍ବତୀ ଶିଶୁମନ୍ଦିରରେ ବିଜ୍ଞାନ ମେଳା

ସରସ୍ବତୀ ଶିଶୁମନ୍ଦିରରେ ବିଜ୍ଞାନ ମେଳା

ରୂପ୍‌ସା,୨୨।୮(ଡି.ଏନ.ଏ.)- ବାଲେଶ୍ୱର ସଦର ବ୍ଲକ ଅନ୍ତର୍ଗତ ରୂପ୍‌ସା ସରସ୍ବତୀ ଶିଶୁ ମନ୍ଦିରର ଛାତ୍ରୀଛାତ୍ରଙ୍କୁ ନେଇ ପ୍ରାଦେଶିକ ଜ୍ଞାନବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ବିଦ୍ୟାଭାରତୀୟ ଶିକ୍ଷା ବିକାଶ ସମିତି, ଓଡ଼ିଶା ଆନୁକୂଲ୍ୟରେ ଆୟୋଜିତ ଏହି ମେଳାରେ କୁନି ବୈଜ୍ଞାନିକମାନେ ନିଜ ପ୍ରତିଭାର କମାଲ ଦେଖାଇ ୨୮ଟି ପ୍ରକଳ୍ପ ପ୍ରଦର୍ଶିତ କରିଛନ୍ତି। 

ଜଳେଶ୍ୱରରେ ଇଦ୍‌-ଉଦ୍‌-ଜୁହା ପର୍ବ ପାଳିତ

ଜଳେଶ୍ୱରରେ ଇଦ୍‌-ଉଦ୍‌-ଜୁହା ପର୍ବ ପାଳିତ

ଜଳେଶ୍ୱର,୨୨।୮(ସ୍ବ.ପ୍ର.)-ପବିତ୍ର ଇଦ୍‌-ଉଦ୍‌-ଜୁହା ପର୍ବ ବଡ଼ ଆନନ୍ଦ ଉଲ୍ଲାସ ମଧ୍ୟରେ ଜଳେଶ୍ୱର ଓ ତାର ଆଖ ପାଖ ଅଞ୍ଚଳରେ ପାଳିତ ହୋଇଯାଇଛି। ୨୨ତାରିଖ ବୁଧବାର ଜଳେଶ୍ୱରର  ଶାସନବାଡ଼ ସ୍ଥିତ ଜାମିଆ ହୁସେନିଆ କରାମତିଆ, ଇଦ୍‌ଗାହ ମସଜିଦ୍‌, ପଥରପୁରା ସ୍ଥିତ ତୈତୁଲ ମସଜିଦ୍‌, ସେକବାଡ଼ ମସଜିଦ୍‌, ରାଜପୁର ମସଜିଦ୍‌ରେ ସକାଳ ୮ଟାରୁ ୯ଟା ଯାଏ ସମୁହ  ନମାଜ ପାଠ କରାଯାଇଥିଲା।

ଅଗ୍ନି ବିପନ୍ନଙ୍କୁ ଭେଟିଲେ ପୂର୍ବତନ ମନ୍ତ୍ରୀ ମନମୋହନ

ଅଗ୍ନି ବିପନ୍ନଙ୍କୁ ଭେଟିଲେ ପୂର୍ବତନ ମନ୍ତ୍ରୀ ମନମୋହନ

ଆରଡି,୨୨।୮(ଡି.ଏନ.ଏ.)-ଚାନ୍ଦବାଲି ବ୍ଲକ ଓଳଗ ଗ୍ରାମରେ ଗତ ସୋମବାର ଅଗ୍ନିକାଣ୍ଡ ଘଟି ବିମଲ ନାୟକଙ୍କ ୪ ବଖରା ଘର ଜଳିଯାଇଥିଲା। ବୁଧବାର ଅପରାହ୍ନରେ ପୂର୍ବତନ ମନ୍ତ୍ରୀ ମନମୋହନ ସାମଲ ଅଗ୍ନି ବିପନ୍ନଙ୍କୁ ଭେଟି ସମବେଦନା ଜଣାଇଛନ୍ତି।

ଘାଟରେ ଅବ୍ୟବସ୍ଥା ନେଇ ଆନ୍ଦୋଳନ ଘୁଞ୍ଚିଲା

ଘାଟରେ ଅବ୍ୟବସ୍ଥା ନେଇ ଆନ୍ଦୋଳନ ଘୁଞ୍ଚିଲା

ଚାନ୍ଦବାଲି,୨୨।୮(ଡି.ଏନ.ଏ.)-ଭଦ୍ରକ ଜିଲା ଚାନ୍ଦବାଲି ବ୍ଲକର ଫେରିଘାଟରେ ଅବ୍ୟବସ୍ଥା ନେଇ ଧାମରା ପଞ୍ଚାୟତ ଭାଜପା ପକ୍ଷରୁ ଦିଆଯାଇଥିବା ଆସନ୍ତା ୨୩ ତାରିଖରେ ଆନ୍ଦୋଳନ ଡାକରା ଘୁଞ୍ଚାଇ ଦିଆଯାଇଛି। 

ମହିଳାଙ୍କ ଅସ୍ବାଭାବିକ ମୃତ୍ୟୁ

ମହିଳାଙ୍କ ଅସ୍ବାଭାବିକ ମୃତ୍ୟୁ

ଭଣ୍ଡାରିପୋଖରୀ,୨୨।୮(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଅଧୀନ ନାଅଁ।ମି ପଞ୍ଚାୟତ ଛୁଞ୍ଚିଣା ଗ୍ରାମର ଗଣେଶ ଜେନାଙ୍କ ସ୍ତ୍ରୀ ମନୋରମା ଜେନା(୨୫)ଙ୍କ ବୁଧବାର ସକାଳେ ଅସ୍ବାଭାବିକ ମୃତ୍ୟୁ ଘଟିଛି।

ମାସା ଆର୍ମି  ବ୍ଲକ କମିଟି ଗଠିତ

ମାସା ଆର୍ମି ବ୍ଲକ କମିଟି ଗଠିତ

ବଡ଼ସାହି,୨୨।୮(ସ୍ବ.ପ୍ର)-ମୟୂଭରଞ୍ଜ ଜିଲା ଆଦିବାସୀ ଛାତ୍ର ସଙ୍ଗଠନ ‘ମାସା ଆର୍ମି’ ପକ୍ଷରୁ ବ୍ଲକ କମିଟି ଗଠିତ ହୋଇଯାଇଛି । ଜିଲା ସଭାପତି ମୁକେଶ ମାର୍ଣ୍ଡିଙ୍କ ନେତୃତ୍ୱରେ ରାଜ୍ୟ ସଭାପତି ସୁକୁଲାଲ ମାର୍ଣ୍ଡି ମୁଖ୍ୟଅତିଥି ଭାବେ ଯୋଗଦେଇ ନୂତନ କର୍ମକର୍ତ୍ତାଙ୍କୁ ସମ୍ବର୍ଦ୍ଧିତ କରିଥିଲେ । ବ୍ଲକ ଅଞ୍ଚଳରେ ଥିବା ବିଭିନ୍ନ ସମସ୍ୟା, ଶିକ୍ଷା, ସ୍ବାସ୍ଥ୍ୟ, ଗମନାଗମନ, ବିଦ୍ୟୁତ୍‌, ପାନୀୟ ଜଳ ଆଦି ବିଭିନ୍ନ ସମସ୍ୟାକୁ ନେଇ ସରକାରୀ ସ୍ତରରେ କରାଯାଉଥିବା ଅବହେଳା ବିରୋଧରେ ମାସା ଆନ୍ଦୋଳନ କରିବ ବୋଲି ରାଜ୍ୟ ସଭାପତି  ଚେତାବନୀ ଦେଇଛନ୍ତି । 

ବିଜୁ ଯୁବ ବାହିନୀର ବୃକ୍ଷ ରୋପଣ

ବିଜୁ ଯୁବ ବାହିନୀର ବୃକ୍ଷ ରୋପଣ

ଭଞ୍ଜକିଆ,୨୨।୮-ମୟୁରଭଞ୍ଜ ଜିଲା ରରୁଆଁ ବ୍ଲକ ଅଧୀନ ନିୟୁନ୍ତି ଗ୍ରାମପଞ୍ଚାୟତର ନିୟୁନ୍ତି-ପୁରୁଣିଆ ରାସ୍ତା କଡରେ ଓ ଅଙ୍ଗନୱାଡି ପରିସରରେ ବିଜୁଯୁବ ବାହିନୀ ପକ୍ଷରୁ ବୃକ୍ଷ ରୋପଣ ହୋଇଛି। 

ତେସିଙ୍ଗା ପଞ୍ଚାୟତ ବିଭିନ୍ନ ସ୍ଥାନରେ ଭିତ୍ତି ପ୍ରସ୍ତର ସ୍ଥାପନ

ତେସିଙ୍ଗା ପଞ୍ଚାୟତ ବିଭିନ୍ନ ସ୍ଥାନରେ ଭିତ୍ତି ପ୍ରସ୍ତର ସ୍ଥାପନ

ଭଣ୍ଡାରିପୋଖରୀ,୨୨।୮(ଡି.ଏନ୍‌.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ତେସିଙ୍ଗା ପଞ୍ଚାୟତର ବିଭିନ୍ନ ସ୍ଥାନରେ ବୁଧବାର ଭିତ୍ତିପ୍ରସ୍ତର ସ୍ଥାପନ କରାଯାଇଛି।

ଘରୋଇ କଳିକୁ ନେଇ ନବବଧୂଙ୍କ ଆତ୍ମହତ୍ୟା, ସ୍ବାମୀ ଅଟକ

ଘରୋଇ କଳିକୁ ନେଇ ନବବଧୂଙ୍କ ଆତ୍ମହତ୍ୟା, ସ୍ବାମୀ ଅଟକ

ବାହାନଗା, ୨୨।୮(ଡି.ଏନ୍‌.ଏ.): ବାଲେଶ୍ୱର ଜିଲା ବାହାନଗା ବ୍ଳକ ଗୋପାଳପୁର ପଞ୍ଚାୟତ ମଳଙ୍ଗ ଗ୍ରାମରେ ବୁଧବାର ଜଣେ ନବବଧୂ ବେକରେ ଦଉଡ଼ି ଲଗାଇ ଆତ୍ମହତ୍ୟା କରିଛନ୍ତି। ଖବର ପାଇ ଗୋପାଳପୁର ଫାଣ୍ଡି ପୋଲିସ ପହଞ୍ଚି ସ୍ବାମୀଙ୍କୁ ଅଟକ ରଖିଛି। ମୃତ ନବବଧୂ ହେଲେ ଗୀତାଞ୍ଜଳି ମିଶ୍ର(୨୩)। 

ବିଜୁ ଯୁବ ବାହିନୀ ପକ୍ଷରୁ ବୃକ୍ଷରୋପଣ

ବିଜୁ ଯୁବ ବାହିନୀ ପକ୍ଷରୁ ବୃକ୍ଷରୋପଣ

ତିହିଡି, ୨୨।୮(ଡି.ଏନ୍‌.ଏ.): ଭଦ୍ରକ ଜିଲା ଅଧୀନ ତିହିଡିସ୍ଥିତ ଚନ୍ଦ୍ରଶେଖର ରତ୍ନାକର ସହଯୋଗ ହାଇସ୍କୁଲ ପରିସରରେ ଭାଟପଡା ପଂଚାୟତ ବିଜୁ ଯୁବ ବାହିନୀ ପକ୍ଷରୁ ବୁଧବାର ପୂର୍ବାହ୍ନରେ ବୃକ୍ଷରୋପଣ କରାଯାଇଛି। ଯଯାତି କେଶରୀ ଦାସ, ଦେବୀପ୍ରସାଦ ପତି,କୈଳାସ ବେହେରା,ଦୀପକ ନାଥ ପ୍ରମୁଖଙ୍କ ନେତୃତ୍ୱରେ ଏହି ବୃକ୍ଷରୋପଣ କରାଯାଇଥିଲା।

୨୮ରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ: ପାଟଣାରେ ପ୍ରସ୍ତୁତି ଜୋରଦାର

୨୮ରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ: ପାଟଣାରେ ପ୍ରସ୍ତୁତି ଜୋରଦାର

ପାଟଣା,୨୨।୮(ସ୍ବ.ପ୍ର.): କେନ୍ଦୁଝର ଜିଲା ପାଟଣା ମିନି ଷ୍ଟାଡିୟମଠାରେ ଆସନ୍ତା ୨୮ତାରିଖେରେ ବ୍ଲକସ୍ତରୀୟ ‘ଆମ ଗାଁ ଆମ ବିକାଶ କାର୍ଯ୍ୟକ୍ରମ’ ଅନୁଷ୍ଠିତ ହେବା ପାଇଁ ସ୍ଥିର ହୋଇଛି।

ସାପ କାମୁଡାରେ ମହିଳାଙ୍କ ଜୀବନ ଗଲା

ସାପ କାମୁଡାରେ ମହିଳାଙ୍କ ଜୀବନ ଗଲା

କେନ୍ଦୁଝର, ୨୨ା୮ (ସ୍ବ.ପ୍ର.): କେନ୍ଦୁଝର ଜିଲା ବାଂଶପାଳ ବ୍ଲକ ଉପରସାହିରେ ସାପ କାମୁଡାରେ ବୁଧବାର ଜଣେ ମହିଳାଙ୍କ ମୃତ୍ୟୁ  ଘଟିଛି। ସେ ହେଲେ ସବିତା ଦେହୁରୀ(୨୬)। 

ଭାଲୁ ଆକ୍ରମଣରେ ମହିଳା ଗୁରୁତର

ଭାଲୁ ଆକ୍ରମଣରେ ମହିଳା ଗୁରୁତର

କେନ୍ଦୁଝର, ୨୨ା୮(ସ୍ବ.ପ୍ର): କେନ୍ଦୁଝର ଜିଲା ପାଟଣା ବନାଞ୍ଚଳ ଗୋପପୁର ଗ୍ରାମରେ ବୁଧବାର ସକାଳ ୬ଟାରେ ଭାଲୁ ଆକ୍ରମଣରେ ଜଣେ ମହିଳା ଗୁରୁତର ଆହତ ହୋଇଛନ୍ତି।

ଘରୋଇ କଳିରୁ ହତ୍ୟାକାଣ୍ଡ: ପୁଅଙ୍କ ଠେଙ୍ଗା ମାଡ଼ରେ ବାପା ମୃତ

ଘରୋଇ କଳିରୁ ହତ୍ୟାକାଣ୍ଡ: ପୁଅଙ୍କ ଠେଙ୍ଗା ମାଡ଼ରେ ବାପା ମୃତ

କେନ୍ଦୁଝର, ୨୨ା୮ (ସ୍ବ.ପ୍ର): କେନ୍ଦୁଝର ଜିଲା ପଣ୍ଡାପଡ଼ା ଥାନା ଅନ୍ତର୍ଗତ ଗୋହୁଟାଙ୍ଗିରୀ ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ପାରିବାରିକ କଳହରୁ ବୁଧବାର ସକାଳେ ପୁଅଙ୍କ ଠେଙ୍ଗା ମାଡ଼ରେ ବୃଦ୍ଧ ବାପାଙ୍କ ମୃତ୍ୟୁ ଘଟିଛି। 

ଇଦ୍‌ଗାହ ପଡ଼ିଆରେ ସମୂହ ନମାଜ ପାଠ

ଇଦ୍‌ଗାହ ପଡ଼ିଆରେ ସମୂହ ନମାଜ ପାଠ

ଭଦ୍ରକ ଅଫିସ,୨୨।୮: ମୁସଲମାନ ସମ୍ପ୍ରଦାୟର ପବିତ୍ର ପର୍ବ ଇଦ୍‌ଉଲ୍‌ଜୁହା ଉପଲକ୍ଷେ ଇଦ୍‌ଗାହ ପଡ଼ିଆରେ ସମୂହ ନମାଜ ପାଠ ବୁଧବାର ଅନୁଷ୍ଠିତ ହୋଇଯାଇଛି। ଏଥିରେ ପ୍ରାୟ ୫ ହଜାରରୁ ଊର୍ଦ୍ଧ୍ୱ ମୁସଲମାନ ସମ୍ପ୍ରଦାୟର ଲୋକେ ଏକତ୍ରିତ ହୋଇ ନମାଜ ପାଠ କରିଛନ୍ତି।

ଭୁଜାଲିରେ ହାଣି ପିଇଓଙ୍କଠାରୁ ୧ ଲକ୍ଷ ଲୁଟ

ଭୁଜାଲିରେ ହାଣି ପିଇଓଙ୍କଠାରୁ ୧ ଲକ୍ଷ ଲୁଟ

କେନ୍ଦୁଝର,୨୨।୮(ସ୍ବ.ପ୍ର.): କେନ୍ଦୁଝର ଜିଲା ତେଲକୋଇ ଥାନା ଜଗମୋହନପୁର ଗ୍ରାମରେ ଭୁଜାଲିରେ ଆକ୍ରମଣ କରି ଜଣେ ବ୍ୟକ୍ତିଙ୍କଠାରୁ ବୁଧବାର ୧ ଲକ୍ଷ ଟଙ୍କା ଓ ୨ଟି ମୋବାଇଲ ଲୁଟ ହୋଇଛି। ଲୁଟର ଶିକାର ହୋଇଥିବା ବ୍ୟକ୍ତି ହେଲେ ସୁଧାଂଶୁ ପାଇକରାୟ।

‘ଗଁାକୁ ଟ୍ରାନ୍ସଫର୍ମର ଦିଅ’

‘ଗଁାକୁ ଟ୍ରାନ୍ସଫର୍ମର ଦିଅ’

କେନ୍ଦୁଝର, ୨୨ା୮(ସ୍ବ.ପ୍ର.): ସଦର ବ୍ଲକ ମଇଦାନକେଲ ପଞ୍ଚାୟତ କେରୀ ଗ୍ରାମରେ ଟ୍ରାନ୍ସଫର୍ମର ଅଚଳ ହୋଇପଡ଼ିଛି। ଫଳରେ ୧୦ ଦିନ ହେଲା ବିଦ୍ୟୁତ୍‌ ସେବା ବାଧାପ୍ରାପ୍ତ ହୋଇଛି। ଲୋକେ ଅନ୍ଧାରରେ ରାତି କାଟୁଛନ୍ତି। ସନ୍ଧ୍ୟା ହେଲେ ଉକ୍ତ ଅଞ୍ଚଳରେ ହାତୀ ଉପଦ୍ରବ ଲାଗି ରହିଥିବାରୁ ଲୋକେ ଭୟରେ ରହୁଛନ୍ତି। ଏ ନେଇ ଟ୍ରାନ୍ସଫର୍ମର ସଜାଡି ପୁନଃ ବିଦ୍ୟୁତ୍‌ ଯୋଗାଇଦେବାକୁ ସ୍ଥାନୀୟ ଲୋକେ ଦାବି କରି ଆସୁଛନ୍ତି। ଏ ନେଇ ପୁରୁଣା ଟ୍ରାନ୍ସଫର୍ମରକୁ ସଜାଡିବା ପାଇଁ ବିଦ୍ୟୁତ୍‌ ବିଭାଗ ନେଇଯାଇଥିଲେ ହେଁ ଅଦ୍ୟାବଧି ସଜଡା ଯାଉ ନ ଥିବାରୁ ଅସନ୍ତୋଷ ବ୍ୟକ୍ତ କରୁଛନ୍ତି। 

ସରକାରୀ ବସ୍‌ ଚାଳକଙ୍କ ଆନ୍ଦୋଳନ

ସରକାରୀ ବସ୍‌ ଚାଳକଙ୍କ ଆନ୍ଦୋଳନ

କେନ୍ଦୁଝର, ୨୨ା୮(ସ୍ବ.ପ୍ର): ଓଡ଼ିଶା ରାଜ୍ୟ ରାସ୍ତା ପରିବହନ ନିଗମର ବସ୍‌ ଚାଳକଙ୍କ ଧର୍ମଘଟ ଆରମ୍ଭ ହୋଇଛି। ଫଳରେ କେନ୍ଦୁଝର ଜିଲାରେ ସରକାରୀ ବସ୍‌ ଚଳାଚଳ ଠପ ହୋଇଯାଇଛି। ଲୋକେ ବହୁ ଅସୁବିଧା ଭୋଗିଛନ୍ତି। ସରକାରୀ ବସ୍‌ ଉପରେ ଭରସା କରୁଥିବା ଯାତ୍ରୀ ବହୁ ଅସୁବିଧା ଭୋଗୁଛନ୍ତି। ସମସ୍ତ କର୍ମଚାରୀଙ୍କୁ ସ୍ଥାୟ, ସମାନ କାମକୁ ସମାନ ଦରମା, କର୍ମଚାରୀଙ୍କ ନିମନ୍ତେ ୭ମ ବେତନ ଲାଗୁ, କର୍ମଚାରୀଙ୍କ ଉପରେ ବେଆଇନ ରାତି ଅଧିଆ କାର୍ଯ୍ୟାନୁଷ୍ଠାନ ଗ୍ରହଣ ଦାବିରେ ଆନ୍ଦୋଳନ ଆରମ୍ଭ ହୋଇଛି। ଆନ୍ଦୋଳନ ୩ ଦିନ ଚାଲିବ ବୋଲି ଜଣାପଡ଼ିଛି। ଏ ନେଇ କର୍ମଚାରୀମାନେ ସ୍ଥାନୀୟ ଓଏସଆରଟିସି କାର୍ଯ୍ୟାଳୟରେ ବସ ଛିଡା କରି ଧାରଣାରେ ବସିଛନ୍ତି। 

ହାତରେ ବହି ବଦଳରେ ବାଡ଼ି

ହାତରେ ବହି ବଦଳରେ ବାଡ଼ି

ତେଲକୋଇ, ୨୨।୮(ଡି.ଏନ.ଏ.): କେନ୍ଦୁଝର ଜିଲାର ଆଦିବାସୀ ଇଲାକାରେ ସରକାରଙ୍କ ସର୍ବଶିକ୍ଷା ଅଭିଯାନ ଦିଗହରା ହୋଇଛି। ଶିକ୍ଷକ ଅଭାବ ସାଙ୍ଗକୁ ମଧ୍ୟାନ୍ନ ଭୋଜନରେ ଅନିୟମିତତା ଯୋଗୁଁ ପିଲାମାନେ ପାଠପଢ଼ା ଛାଡ଼ି ଗାଈ ଚରାଇବା ପାଇଁ ମନ ବଳାଉଛନ୍ତି। ସଚେତନତା ଅଭାବରୁ ଆଦିବାସୀ ପିଲାଙ୍କ ସ୍କୁଲ୍‌ ଯିବା ପ୍ରତି ଆଗ୍ରହ କମିବାରେ ଲାଗିଛି। ଏଭଳି ଘଟଣା ତେଲକୋଇ ବ୍ଲକ ବିମଳା ପଞ୍ଚାୟତ କୁଡ଼ବିଲ ପ୍ରାଥମିକ ବିଦ୍ୟାଳୟରେ ଦେଖିବାକୁ ମିଳିଛି।