ବାଲେଶ୍ୱର

ଗୋଟିଏ ଦିନରେ ୩ ଘରୁ ଚୋରି

ଗୋଟିଏ ଦିନରେ ୩ ଘରୁ ଚୋରି

ଉଦଳା,,୬ା୧୦ (ଡି.ଏନ.ଏ.) - ଉଦଳା ଏନଏସି ସ୍ଥିତ ୧୨ ନଂ ୱାର୍ଡରେ ଶୁକ୍ରବାର ଦିନ ଦ୍ୱିପ୍ରହରରେ  ତିନି ଗୋଟି ଘରୁ ଚୋରି ହୋଇଥିବା  ଲିଖିତ ଅଭିଯୋଗ ହୋଇଛି ା  ପେKାଲିସ ତଦନ୍ତ ଆରମ୍ଭ କରିଥିଲେ ବି ଚୋରଙ୍କ ସୁରାକ ପାଇ ନ ପାରି   ସାଇଣ୍ଟିଫିକ୍‌ ଟିମ୍‌ର ସହାୟତା  ନେଇଛିି ା   ୧୨ ନଂ ୱାର୍ଡ ଜ୍ୟୋତିନଗରରରେ    ରହୁଥିବା ଅଧ୍ୟାପକ ଅଗଣୀ ଚରଣ ପଣ୍ଡା, ଅଧ୍ୟାପକ କବୀର ଦାସ ମହାପାତ୍ର ଏବଂ ରଣଜିତ୍‌ ବିଶ୍ୱାଳଙ୍କ ବାସଭବନରୁ  ଦୁର୍ବୃତ୍ତମାନେ ଝରକା ଏବଂ ଗ୍ରୀଲ୍‌ ଭାଙ୍ଗି ଚୋରି କରିଥିବା ପୋଲିସ୍‌ କହିଛି ା ଏହି ଚୋରିରେ ଲକ୍ଷାଧିକ ଟଙ୍କାର ସୁନାଅଳଙ୍କାର ଲୁଟ୍‌ ହୋଇଛି ା 

ଲାଞ୍ଚ ନେଲା ବେଳେ ଭିଜିଲାନ୍ସ ଚଢାଉ ଶରତ ଥାନାଧିକାରୀଙ୍କ ସମେତ ୨ ଗିରଫ

ଲାଞ୍ଚ ନେଲା ବେଳେ ଭିଜିଲାନ୍ସ ଚଢାଉ ଶରତ ଥାନାଧିକାରୀଙ୍କ ସମେତ ୨ ଗିରଫ

କପ୍ତିପଦା,୬ା୧୦(ଡି଼.ଏନ୍‌.ଏ)-ଥାନାରେ ଅଟକ ଥିବା ଏକ ବାଇକ୍‌କୁ ଛାଡି ଦେବା ପାଇଁ   ୫ ହଜାର ଟଙ୍କା ଲାଞ୍ଚ ନେବା ବେଳେ  ମୟୂରଭଞ୍ଜ ଜିଲା କପ୍ତିପଦା ବ୍ଲକ୍‌ ଶରତ ଥାନା ଅଧିକାରୀ ଘନଶ୍ୟାମ ମଲିକଙ୍କୁ ଭିଜିଲାନ୍ସ ଟିମ୍‌ ଗିରଫ କରିଛି। ଏଥିରେ ତାଙ୍କୁ ସହଯୋଗ କରୁଥିବା ଓଏପି ଫୋର୍ସ ଡମ୍ବରୁଧର ମୁର୍ମୁ ମଧ୍ୟ ଗିରଫ ହୋଇଛନ୍ତି।  ଥାନାଧିକାରୀଙ୍କ ନିକଟରୁ ଲାଞ୍ଚ ଟଙ୍କା ଜବତ ପରେ ଏନେଇ  ବାଲେଶ୍ୱର ଭିଜିଲାନ୍ସ ବିଭାଗରେ କେସ୍‌ ନଂ (୪୩/୧୮)ରେ ଏକ ମାମଲା ରୁଜୁ କରାଯାଇଛି। ଶନିବାର ଉଭୟଙ୍କୁ କୋର୍ଟଚାଲାଣ କରାଯିବ ବୋଲି ଭିଜିଲାନ୍ସ ପକ୍ଷରୁ ସୂଚନା ଦିଆଯାଇଛି।  

ଖଇରାରେ ଖାଉଟି କାର୍ଡ ବଣ୍ଟନ ସମାରୋହ: ପ୍ରଥମ ପର୍ଯ୍ୟାୟରେ ୧୦୭୫ ପରିବାର ସାମିଲ

ଖଇରାରେ ଖାଉଟି କାର୍ଡ ବଣ୍ଟନ ସମାରୋହ: ପ୍ରଥମ ପର୍ଯ୍ୟାୟରେ ୧୦୭୫ ପରିବାର ସାମିଲ

ଖଇରା, ୬।୧୦(ଡି.ଏନ.ଏ)-ଖଇରା ବ୍ଲକରେ ଓଡିଶା ଖାଦ୍ୟ ସୁରକ୍ଷା ଆଇନରେ ଖାଉଟି କାର୍ଡ ବଣ୍ଟନ ସମାରୋହ ଖଇରା ବ୍ଲକ ପରିସରରେ ଆୟୋଜିତ ହୋଇଯାଇଛି ା ବିଡିଓ ମହେଶ ଚୌଧୁରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଭଦ୍ରକ ଏମ୍‌ପି ଅର୍ଜୁନ ଚରଣ ସେଠୀ, ସିମୁଳିଆ ବିଧାୟକ ଜ୍ୟୋତି ପ୍ରକାଶ ପାଣିଗ୍ରାହୀ, ବ୍ଲକ ଅଧ୍ୟକ୍ଷା ଅଭିଲିପ୍ସା ସାହୁ, ଉପାଧକ୍ଷ ଜୟନ୍ତ ରାଉତ, ଜିଲା ପରିଷଦ ସଦସ୍ୟା ଜୟନ୍ତୀ ମହଲା, ଲୋପାମୁଦ୍ରା ଧର, ସୁଷମା ମହାପାତ୍ର, ପୂର୍ବତନ ବ୍ଲକ ଅଧ୍ୟକ୍ଷ ରମାକାନ୍ତ ମହାନ୍ତି ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ା ବ୍ଲକ ଯୋଗାଣ ବିଭାଗ ଅଧିକାରୀ ନିରଞ୍ଜନ ସାହୁ ପ୍ରାରମ୍ଭିକ ସୂଚନା ପ୍ରଦାନ ଅବସରରେ ଖଇରା ବ୍ଲକରେ ମୋଟ ୩୦୩୭ ପରିବାରକୁ ଓଡିଶା ସରକାରଙ୍କ ଖାଦ୍ୟ ସୁରକ୍ଷା ଯୋଜନାରେ ସାମିଲ କରାଯାଇଛି ା ଏଥିମଧ୍ୟରୁ ପ୍ରଥମ ପର୍ଯ୍ୟାୟରେ ୧ହଜାର ୭୫ଜଣଙ୍କ କାର୍ଡ ବ୍ଲକକୁ ଆସିଛି। ୬ଶହ ଜଣଙ୍କୁ କାର୍ଡ ବଣ୍ଟନ କରାଯିବା ସମ୍ଭବ ହୋଇଛି ା ବାକି ପରବର୍ତ୍ତୀ ସମୟରେ ହିତାଧୀକାରୀଙ୍କ ନିକଟକୁ ପଠାଇ ଦିଆଯିବ ବୋଲି କହିଥିଲେ। 

୩ ପଞ୍ଚାୟତରେ ବିଜେଡିର ଜନସର୍ମ୍ପକ ପଦଯାତ୍ରା

୩ ପଞ୍ଚାୟତରେ ବିଜେଡିର ଜନସର୍ମ୍ପକ ପଦଯାତ୍ରା

ବାହାନଗା, ୬ା୧୦(ଡି.ଏନ.ଏ.)-ବାହାନଗା ବ୍ଲକ ୩ଟି ପଞ୍ଚାୟତରେ ବିଜେଡି ପକ୍ଷରୁ  ଜନସର୍ମ୍ପକ ପଦଯାତ୍ରା ଅନୁଷ୍ଠିତ ହୋଇଯାଇଛି। ଏହାକୁ ବିଧାୟକ ପର୍ଶୁରାମ ଧଡା ଉଦ୍‌ଘାଟନ କରିଥିଲେ। ପ୍ରଥମେ ପଦଯାତ୍ରା କଲ୍ୟାଣି ପଞ୍ଚାୟତର ଗିଲିଦା ଗ୍ରାମରୁ ଆରମ୍ଭ ହୋଇ ବରିପଦା ପଞ୍ଚାୟତ ଦେଇ କଲ୍ୟାଣିର ଭିଲା ଗ୍ରାମକୁ ଯାଇଥିଲା। ଏହାପରେ କଲ୍ୟାଣି ଗ୍ରାମରେ ପଦଯାତ୍ରା କରାଯିବା ପରେ ସେଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା। ଏଥିରେ ପ୍ରଭାକର ମିଶ୍ର ସଭାପତିତ୍ୱ କରିଥିଲେ। ବିଧାୟକ ଧଡା ମୁଖ୍ୟ ଅତିଥି ଭାବେ ଯୋଗ ଦେଇ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନମୂଳକ କାର୍ଯ୍ୟ ବିଷୟରେ ଲୋକଙ୍କୁ ଅବଗତ କରାଇଥିଲେ। ଅନ୍ୟମାନଙ୍କ ମଧ୍ୟରେ ବ୍ଲକ ସଭାପତି ଅଜୟ କୁମାର ପଣ୍ଡା , ନିଳାମ୍ବର ମହାଳିକ, ମହଳା ମୋର୍ଚ୍ଚାର ସବିତା ଅଗସ୍ତି, ଗୌରୀ ସାହୁ ପ୍ରମୁଖ ଯୋଗଦେଇଥିଲେ।

ବିଏସ୍‌ଏନ୍‌ଏଲ୍‌ ଅଫିସ୍‌ ସମ୍ମୁଖରେ କର୍ମଚାରୀଙ୍କ ଧାରଣା

ବିଏସ୍‌ଏନ୍‌ଏଲ୍‌ ଅଫିସ୍‌ ସମ୍ମୁଖରେ କର୍ମଚାରୀଙ୍କ ଧାରଣା

ବାଲେଶ୍ୱର ଅଫିସ, ୬।୧୦-ଦୀର୍ଘ ଦୁଇ ଦଶନ୍ଧି ଧରି ବିଏସ୍‌ଏନ୍‌ଏଲ୍‌ରେ କାର୍ଯ୍ୟ କରୁଥିବା ୧୮୨ କର୍ମଚାରୀଙ୍କୁ ୨ ମାସର ମିଳିନି। ଏହାର ପ୍ରତିବାଦରେ କର୍ମଚାରୀମାନେ କାମ ବନ୍ଦ କରି ବିଏସ୍‌ଏନ୍‌ଏଲ୍‌ ଅଫିସ୍‌ ଆଗରେ ଶୁକ୍ରବାର ଧାରଣାରେ ବସିଥିଲେ। ସେମାନେ ପ୍ରାପ୍ୟ ପାଇବା ପାଇଁ ବାରମ୍ବାର ବିଏସ୍‌ଏନ୍‌ଏଲ୍‌ କର୍ତ୍ତୃପକ୍ଷଙ୍କ ପାଖକୁ ଦୌଡ଼ି ଦୌଡ଼ି ନିରାଶ ହେବା ପରେ ବାଧ୍ୟ ହୋଇ ଏଭଳି ଚରମ ପଦକ୍ଷେପ ନେଇଥିବା କହିଛନ୍ତି। ‘ସିଭିଲ ସୋସାଇଟି’ ସମ୍ପାଦକ ମନୋଜ ନାୟକ ଶ୍ରମିକମାନଙ୍କ ସମସ୍ୟା ସମ୍ପର୍କରେ ଅବଗତ ହୋଇ ବିଏସଏନଏଲ ମୁଖ୍ୟ ଜିଏମ୍‌ ଟିଡ଼ି ଅଭିନ୍ନ କୁମାର ତାହି, ଡିଜିଏମ୍‌ ପି.କେ. ନାୟକଙ୍କ ସହ ଆଲୋଚନା କରିଥିଲେ। ଦୁର୍ଗାପୂଜା ଥିବାରୁ ଆଗାମୀ ୧୦ ତାରିଖ ସୁଦ୍ଧା ଶ୍ରମିକମାନଙ୍କର ସମସ୍ତ ଦରମା ଓ ପ୍ରାପ୍ୟ ପ୍ରଦାନ କରାଯିବ ବୋଲି  ମୁଖ୍ୟ ଜି.ଏମ୍‌.ଟି.ଡ଼ି. ତାହି ପ୍ରତିଶ୍ରୁତି ଦେଇଛନ୍ତି।

‘ଆମତ୍ବିଶ୍ୱାସ ହୁଅ, ଆଗକୁ ବଢ’

‘ଆମତ୍ବିଶ୍ୱାସ ହୁଅ, ଆଗକୁ ବଢ’

ବାଲେଶ୍ୱର ଅଫିସ, ୬।୧୦-ବାଲେଶ୍ୱର ଜିଲା ଖନ୍ତାପଡ଼ା ଥାନା ଶେରଗଡ଼ସ୍ଥିତ ବିଜୟାଞ୍ଜଳୀ ଇଞ୍ଜିନିୟରିଂ କଲେଜର ୧୦ମ ପ୍ରତିଷ୍ଠା ଉତ୍ସବ ଗୁରୁବାର ସନ୍ଧ୍ୟାରେ କଲେଜ ପରିସରରେ ଅନୁଷ୍ଠିତ ହୋଇଯାଇଛି। କଲେଜ ଅଧ୍ୟକ୍ଷ ଡ. ଭାଗବତ ପ୍ରସାଦ ଦାସଙ୍କ ପୌରୋହିତ୍ୟରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଏମ୍‌ପି ଇଂ. ରବୀନ୍ଦ୍ର ଜେନା ଯୋଗଦେଇ ଛାତ୍ରୀଛାତ୍ରମାନେ ଅଧ୍ୟୟନ ସହ ଆମତ୍ବିଶ୍ୱାସ ଓ ନିଷ୍ଠା ରଖିପାରିଲେ ଆଗକୁ ବଢ଼ିପାରିବେ ବୋଲି କହିଥିଲେ। 

ନାବାଳିକାଙ୍କୁ ଅପହରଣ, ପରିବାର ଲୋକଙ୍କୁ ଧମକ

ଭଦ୍ରକ ଅଫିସ,୬।୧୦-ଜଣେ ନାବାଳିକାଙ୍କୁ ଅପହରଣ ପରେ ତାଙ୍କ ପରିବାର ଲୋକଙ୍କୁ ଏତଲା ଉଠାଇବା ପାଇଁ ଧମକ ଦିଆଯାଉଥିବା ନେଇ ଗ୍ରାମାଞ୍ଚଳ ଥାନାରେ ଅଭିଯୋଗ ହୋଇଛି। ଏ ସମ୍ପର୍କରେ ନାବାଳିକାଙ୍କ ପରିବାର ପକ୍ଷରୁ ଥାନାରେ ପୃଥକ୍‌ ଏତଲା  ଦାଏର କରାଯାଇଛି।

ଆଜିଠାରୁ ଅନ୍ତରୀକ୍ଷ ପ୍ରଦର୍ଶନୀ ସାଙ୍ଗକୁ ଭିଡିଓ ଶୋ’

ଆଜିଠାରୁ ଅନ୍ତରୀକ୍ଷ ପ୍ରଦର୍ଶନୀ ସାଙ୍ଗକୁ ଭିଡିଓ ଶୋ’

ବାଲେଶ୍ୱର ଅଫିସ, ୫।୧୦-ବାଲେଶ୍ୱରରେ ପ୍ରଥମ କରି ଏଥର ଆୟୋଜିତ ହେଉଛି ବିଶ୍ୱ ଅନ୍ତରୀକ୍ଷ ସପ୍ତାହ ପାଳନ କାର୍ଯ୍ୟକ୍ରମ। ଶନିବାରଠାରୁ ଆରମ୍ଭ ହେଉଥିବା ଏହି କାର୍ଯ୍ୟକ୍ରମରେ ଅନ୍ତରୀକ୍ଷ ପ୍ରଦର୍ଶନୀ, ଭିଡ଼ିଓ ଶୋ’, ଅନ୍ତରୀକ୍ଷରେ ମହାକାଶଚାରୀଙ୍କ ଚାଲିବା, ଡ. ଏ.ପି.ଜେ. ଅବଦୁଲ କଲାମ ଗ୍ୟାଲେରୀ, ମହାକାଶ କାର୍ଯ୍ୟକ୍ରମ ସମ୍ପର୍କିତ କର୍ମଶାଳା, ରାଲି ଓ ଆଲୋଚନାଚକ୍ର, ଛାତ୍ରୀଛାତ୍ରଙ୍କ ମଧ୍ୟରେ କୁଇଜ, ପ୍ରବନ୍ଧ ଏବଂ ଅନ୍ତରୀକ୍ଷ ମଡ଼େଲ ପ୍ରସ୍ତୁତି ଭଳି ପ୍ରତିଯୋଗିତା ଆକର୍ଷଣ ସାଜିବ। 

ପତଞ୍ଜଳି ହେଲେ ଉପଭୋକ୍ତା ସମିତିର ରାଜ୍ୟ ଅଧ୍ୟକ୍ଷ

ପତଞ୍ଜଳି ହେଲେ ଉପଭୋକ୍ତା ସମିତିର ରାଜ୍ୟ ଅଧ୍ୟକ୍ଷ

ବନ୍ତ,୫।୧୦(ସ୍ବ.ପ୍ର.)-ବନ୍ତ ପ୍ରେସ୍‌ କ୍ଲବ ସଭାପତି ତଥା ବରିଷ୍ଠ ଖବରଦାତା ପତଞ୍ଜଳି କରଶର୍ମାଙ୍କୁ ଅନ୍ତଃରାଷ୍ଟ୍ରୀୟ ଉପଭୋକ୍ତା କଲ୍ୟାଣ ସମିତିର ରାଜ୍ୟ ଅଧ୍ୟକ୍ଷ ଭାବେ ମନୋନୀତ କରାଯାଇଥିବା ରାଷ୍ଟ୍ରୀୟ କାର୍ଯ୍ୟାଳୟରେ ଏକ ପ୍ରେସ୍‌ ବିଜ୍ଞପ୍ତିରେ ଘୋଷଣା କରାଯାଇଛି। 

କଂଗ୍ରେସର ଜାଗରଣ ଯାତ୍ରା ସମାବେଶ

କଂଗ୍ରେସର ଜାଗରଣ ଯାତ୍ରା ସମାବେଶ

ରୂପ୍‌ସା, ୫।୧୦(ଡି.ଏନ.ଏ.)-ବିକାଶ କ୍ଷେତ୍ରରେ ଓଡ଼ିଶା ପଛୁଆ। ୬୦ଲକ୍ଷ ଓଡ଼ିଆ ଯୁବକ ଅନ୍ୟ ରାଜ୍ୟକୁ ଯାଇ ଗୁଜୁରାଣ ମେଣ୍ଟାଉଛନ୍ତି। ବେକାରୀ ସମସ୍ୟା ବଢ଼ି ଚାଲିବା ସହ ଚାଷୀଙ୍କ ଅର୍ଥନୈତିକ ବିକାଶ ନାହଁ। ମହିଳାଙ୍କୁ ସୁରକ୍ଷା ଯୋଗାଇବାରେ ମଧ୍ୟ ସରକାର ବିଫଳ ହୋଇଛନ୍ତି। 

ଭାଜପାର ଜନଜାଗରଣ ଯାତ୍ରା

ଭାଜପାର ଜନଜାଗରଣ ଯାତ୍ରା

ଭଣ୍ଡାରିପୋଖରୀ,୫।୧୦(ଡି.ଏନ.ଏ.)-ଭାଜପାର ଭଣ୍ଡାରିପୋଖରୀ ଶାଖା ପକ୍ଷରୁ ଓଡ଼ିଶାକୁ ଆୟୁଷ୍ମାନ ଭାରତ ଯୋଜନାରେ ସାମିଲ ପାଇଁ ଭାଜପା ନିର୍ବାଚନ ମଣ୍ଡଳୀ ନେତା ବଦ୍ରିନାରାୟଣ ଧଳଙ୍କ ନେତୃତ୍ୱରେ ସୁବର୍ଣ୍ଣମୁଖୀ ମଣ୍ଡଳର ବିଭିନ୍ନ ସ୍ଥାନରେ ପଥପ୍ରାନ୍ତ ସଭା ଓ ଦସ୍ତଖତ ଅଭିଯାନ କରାଯାଇଛି। 

ତୀର୍ଥଯାତ୍ରାରେ ଗଲେ ୧୩ ବରିଷ୍ଠ ନାଗରିକ

ତୀର୍ଥଯାତ୍ରାରେ ଗଲେ ୧୩ ବରିଷ୍ଠ ନାଗରିକ

ସିମୁଳିଆ, ୫।୧୦(ଡି.ଏନ.ଏ.)-ଶୁକ୍ରବାର ସିମୁଳିଆ ବ୍ଲକର ବାଟୀ ପଞ୍ଚାୟତରୁ ପ୍ରଥମ ପର୍ଯ୍ୟାୟରେ ୧୩ଜଣ ବରିଷ୍ଠ ନାଗରିକମାନଙ୍କୁ ୬ ଦିନିକିଆ ତୀର୍ଥ ଯାତ୍ରା ଲାଗି ପଠାଯାଇଛି। ଏହି ଅବସରରେ ବ୍ଲକ ସମ୍ମିଳନୀ କକ୍ଷରେ ବରିଷ୍ଠ ନାଗରିକ ମଞ୍ଚ ଓ ବ୍ଲକ ପ୍ରଶାସନ ପକ୍ଷରୁ ସେମାନଙ୍କୁ ଫୁଲତୋଡ଼ା ଦିଆଯାଇ ସ୍ବାଗତ ଜଣାଯାଇଛି। 

 ବନ୍ୟପ୍ରାଣୀ ସପ୍ତାହ ପାଳିତ: ୪ ବର୍ଷରେ ବଢିଛି ହାତୀ ସଂଖ୍ୟା

ବନ୍ୟପ୍ରାଣୀ ସପ୍ତାହ ପାଳିତ: ୪ ବର୍ଷରେ ବଢିଛି ହାତୀ ସଂଖ୍ୟା

ବାରିପଦା ଅଫିସ,୫।୧୦- ମୟୂରଭଞ୍ଜ ଜିଲା ବନ ବିଭାଗ ପକ୍ଷରୁ ୬୪ ତମ ବନ୍ୟପ୍ରାଣୀ ସପ୍ତାହ ବାରିପଦା ବନଖଣ୍ଡ କାର୍ଯ୍ୟାଳୟ ପରିସରରେ ଥିବା ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପର ଉପକ୍ଷେତ୍ର ନିର୍ଦ୍ଦେଶକ ଯଜ୍ଞଦତ ପତିଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଆରସିସିଏଫ ଶଶି ପଲ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।

ରୋଗପୋକ ଦମନ ପାଇଁ ତାଲିମ

ରୋଗପୋକ ଦମନ ପାଇଁ ତାଲିମ

ଚମ୍ପୁଆ, ୫।୧୦(ଡି.ଏନ.ଏ.): ଚମ୍ପୁଆ କୃଷି ବିଭାଗ କାର୍ଯ୍ୟାଳୟଠାରେ ଇ-ରୋଗ ପୋକ ତାଲିମ ଶିବିର ଅନୁଷ୍ଠିତ ହୋଇଯାଛି। ୨୦୧୮-୧୯ ଖରିଫ ଋତୁରେ ବିଭିନ୍ନ ପ୍ରକାର ଚାଷରେ ଲାଗୁଥିବା ରୋଗ ପୋକକୁ କିପରି ଦମନ କରାଯାଇ ଅଧିକ ଅମଳ କ୍ଷମ ହୋଇପାରିବ ସେ ନେଇ ଚାଷୀଙ୍କୁ ତାଲିମ ପ୍ରଦାନ କରାଯାଇଥିଲା। ତାଲିମ ଶିବିରକୁ ଚମ୍ପୁଆ କୃଷି ଜିଲା ଅଧିକାରୀ ଗଜେନ୍ଦ୍ରନାଥ ଗୋଚ୍ଛାୟତ ଉଦଘାଟନ କରିଥିଲେ।

ନୀଳମଣି କଲେଜରେ ଛାତ୍ର ଅଶାନ୍ତି: ଗଣ୍ଡଗୋଳ, ୨ ଛାତ୍ରନେତା ଆହତ

ନୀଳମଣି କଲେଜରେ ଛାତ୍ର ଅଶାନ୍ତି: ଗଣ୍ଡଗୋଳ, ୨ ଛାତ୍ରନେତା ଆହତ

ରୂପ୍‌ସା, ୫।୧୦(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଅନ୍ତର୍ଗତ ରୂପ୍‌ସା ନୀଳମଣି ମହାବିଦ୍ୟାଳୟରେ ଶୁକ୍ରବାର ଛାତ୍ର ଅଶାନ୍ତ ଦେଖାଦେଇଛି। ଛାତ୍ର ସଂସଦ ନିର୍ବାଚନ ମଇଦାନରେ ଥିବା ବିସିଜେଡି ଓ ଏନ୍‌ଏସ୍‌ୟୁଆଇ ଦଳ ମଧ୍ୟରେ ଗଣ୍ଡଗୋଳ ଲାଗି ୨ ଛାତ୍ରନେତା ଆହତ ହୋଇଛନ୍ତି। ଆହତ ଛାତ୍ରନେତା ହେଲେ ଏନ୍‌ଏସ୍‌ୟୁଆଇର ଅର୍ଗାନାଇଜର ତପନ ଖଟୁଆ ଓ ଆସିଷ୍ଟାଣ୍ଟ ଜେନେରାଲ ସେକ୍ରେଟାରୀ ପ୍ରାର୍ଥୀ ଯୋଗେଶ ଚନ୍ଦ୍ର ଚକ୍ରବର୍ତ୍ତୀ। ବିପକ୍ଷ ଦଳର ଛାତ୍ରନେତା ଏମାନଙ୍କ ମୁଣ୍ଡ ଓ ନାକରେ ବ୍ଲେଡ଼ ଓ ମୁଖୀ ଦ୍ୱାରା ଆକ୍ରମଣ କରି ରକ୍ତାକ୍ତ କରିଥିବା ଅଭିଯୋଗ ହୋଇଛି। ଆହତଦ୍ୱୟଙ୍କୁ ରୂପ୍‌ସା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ରୂପ୍‌ସା ଥାନା ପୋଲିସ ପହଞ୍ଚତ୍ ତଦନ୍ତ ଜାରି ରଖିଛନ୍ତି। 

ଔପଦାରେ ବ୍ଲକସ୍ତରୀୟ ସୁରଭି

ଔପଦାରେ ବ୍ଲକସ୍ତରୀୟ ସୁରଭି

ଔପଦା, ୫।୧୦(ଡି.ଏନ.ଏ.)-ଲୁକ୍କାୟିତ ପ୍ରତିଭାର ବିକାଶ ସୁରଭିର ମୁଖ୍ୟ ଉଦ୍ଦେଶ୍ୟ ବୋଲି ଶୁକ୍ରବାର ବାଲେଶ୍ୱର ଜିଲା ଔପଦାରେ ବ୍ଲକସ୍ତରୀୟ ଶିଶୁ ପ୍ରତିଭା ମହୋତ୍ସବରେ ମୁଖ୍ୟଅତିଥି ଭାବେ ସ୍ଥାନୀୟ ବିଧାୟକ ଇଂ. ସୁକାନ୍ତ କୁମାର ନାୟକ ଯୋଗଦେଇ ବକ୍ତବ୍ୟ ଦେଇଛନ୍ତି। ଔପଦା ହାଇସ୍କୁଲ ପରିସରରେ ଏହି କାର୍ଯ୍ୟକ୍ରମକୁ ସ୍ଥାନୀୟ ବିଧାୟକ ଉଦ୍‌ଘାଟନ କରିଥିଲେ। 

ଡାକ୍ତର ସମସ୍ୟା ସମାଧାନ ଦାବିରେ ବିକ୍ଷୋଭ

ଡାକ୍ତର ସମସ୍ୟା ସମାଧାନ ଦାବିରେ ବିକ୍ଷୋଭ

ବାଙ୍ଗିରିପୋଷି,୫।୧୦(ଡି.ଏନ.ଏ.): ଅଲ ଇଣ୍ଡିଆ ମହିଳା ସାଂସ୍କୃତିକ ସଙ୍ଗଠନ ନେତୃତ୍ୱରେ ଶୁକ୍ରବାର ବାଙ୍ଗିରିପୋଷି ବ୍ଲକ ଅଫିସ ସମ୍ମୁଖରେ ଏକ ବିଶାଳ ମହିଳା  ସମାବେଶ ଅନୁଷ୍ଠିତ ହୋଇଛି ।   ଗୋଲାମୁଣ୍ଢାକଟାଠାରୁ ଭୁଆଷୁଣି ରାସ୍ତାକୁ ସ୍ଥାୟୀ ପକ୍କାରାସ୍ତା ଭାବେ  ନିର୍ମାଣ କରିବା,ବାଙ୍ଗିରିପୋଷି ଡାକ୍ତରଖାନାରେ ଭେଷଜ ଏବଂ ସ୍ତ୍ରୀରୋଗ ବିଶେଷଜ୍ଞ ଡାକ୍ତର ତୁରନ୍ତ ନିଯୁକ୍ତି କରିବା, ସାରା ଦେଶ ଓ ରାଜ୍ୟରେ  ବଢି ଚାଲିଥିବା ବଳାତ୍କାର ଓ ହତ୍ୟା ଘଟଣାକୁ ବନ୍ଦ କରିବା  ଆଦି ଦାବୀରେ ଏହି ବିକ୍ଷୋଭ ସମାବେଶ ଅନୁଷ୍ଠିତ ହୋଇଥିଲା ।

 ବିଜେଡିର  ଜନ ସମ୍ପର୍କ  ପଦଯାତ୍ରା

ବିଜେଡିର ଜନ ସମ୍ପର୍କ ପଦଯାତ୍ରା

କୋଷ୍ଠା,୫।୧୦ - ବିଜେଡି ଦଳ ପକ୍ଷରୁ ଅକ୍ଟୋବର ୨ରୁ ନଭେମ୍ବର ୨ ତାରିଖ ପର୍ପ୍ୟନ୍ତ ଅନୁଷ୍ଠିତ ହେବାକୁ ଥିବା ଜନ ସମ୍ପର୍କ ପଦଯାତ୍ରା  ମୟୂରଭଞ୍ଜ ଜିଲା ଶୂଳିଆପଦା ବ୍ଲକ ଅନ୍ତର୍ଗତ  ବଡବଇଁଚା ଗ୍ରାମରୁ ଶୁଭାରମ୍ଭ କରାଯାଇଛି । ମୋରଡା ବିଧାୟକ ତଥା ମୟୂରଭଞ୍ଜ ମହାରାଜା ପ୍ରବୀଣ ଚନ୍ଦ୍ର ଭଞ୍ଜଦେଓ,  ମହାରାଣୀ ରଶ୍ମି  ରାଜଲକ୍ଷୀ୍ମ  ଭଞ୍ଜଦେଓ ବଡବଇଁଚା ଗ୍ରାମ ମୁଣ୍ଡ ଗେଣ୍ଡାଖାଳ ଛକରେ ପହଞ୍ଚତ୍ ଏହି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ।

  ଶିଶୁ ସୁରଭି ମହୋତ୍ସବ

ଶିଶୁ ସୁରଭି ମହୋତ୍ସବ

ଭଞ୍ଜକିଆ,୫।୧୦(ଡି.ଏନ.ଏ)-ମୟୁରଭଞ୍ଜ ଜିଲା ରରୁଆଁ ବ୍ଲକ ଅଧୀନ ଆଞ୍ଚଳିକ ସାଧନକେନ୍ଦ୍ର ସ୍ତରୀୟ "ସୁରଭି" ଶିଶୁ ମହୋତ୍ସବ ଝାଡ଼ବେଡା ନୂତନ ଉ.ପ୍ରା ବିଦ୍ୟାଳୟ ଶ୍ରେଣୀଗୃହରେ ଆୟୋଜିତ ହୋଇଯାଇଛି। ଏହି ଉତ୍ସବକୁ ଶିକ୍ଷକ ଶରତ ଚନ୍ଦ୍ର ବେଣ୍ଟକାର ଉଦ୍‌ଘାଟନ କରିଥିଲେ। ଏଥିରେ ସି.ଆର.ସି.ସି. ମିତ୍ରଭାନୁ ପାତ୍ରଙ୍କ ଅଧ୍ୟକ୍ଷତାରେ ୧୨ ଟି ବିଦ୍ୟାଳୟର ୧୫୦ ଛାତ୍ରୀଛାତ୍ର ଅଂଶଗ୍ରହଣ କରିଥିଲେ। 

୧୦୦ ଫୁଟ ଫାଟ, ଧସିଲା ନଦୀବନ୍ଧ: ଅସୁରକ୍ଷିତ ବୈତରଣୀ ନଦୀବନ୍ଧ

୧୦୦ ଫୁଟ ଫାଟ, ଧସିଲା ନଦୀବନ୍ଧ: ଅସୁରକ୍ଷିତ ବୈତରଣୀ ନଦୀବନ୍ଧ

ଆରଡି, ୫।୧୦(ଡି.ଏନ.ଏ.)-ବନ୍ୟାଜଳ ଛାଡ଼ିବାର କିଛିଦିନ ପରେ ବୈତରଣୀ  ନଦୀବନ୍ଧ କେତେକ ସ୍ଥାନରେ ଫାଟ ସୃଷ୍ଟି ହୋଇ ଭୁଶୁଡ଼ିବା ଆରମ୍ଭ କରିଛି। ଭଦ୍ରକ ଜିଲା ଚାନ୍ଦବାଲି ବ୍ଲକର ଷାଠିବାଙ୍କୁଡାଠାରେ ବୈତରଣୀ ନଦୀବନ୍ଧରେ ପ୍ରାୟ ୧୦୦ ଫୁଟ ଲମ୍ବର ଫାଟ ସୃଷ୍ଟି ହେବା ଯୋଗୁ ଉକ୍ତ ବନ୍ଧ ଅସୁରକ୍ଷିତ ହୋଇପଡିଛି। କେତେକ ସ୍ଥାନରେ ମଧ୍ୟ ନଦୀବନ୍ଧରେ ମାଟି ଅତଡ଼ା ଖସିଛି।

ଶିଶୁ ମହୋତ୍ସବ ‘ସୁରଭି’

ଶିଶୁ ମହୋତ୍ସବ ‘ସୁରଭି’

ପଦ୍ମପୁର,୫।୧୦(ଡି.ଏନ.ଏ.)-ବାସୁଦେବପୁର ବ୍ଲକ ଅଧୀନ ସୁଗୋ ନୋଡାଲ ଉଚ୍ଚ ବିଦ୍ୟାଳୟଠାରେ ଶିଶୁ ମହୋତ୍ସବ ‘ସୁରଭି’ ଅନୁଷ୍ଠିତ ହୋଇଯାଇଛି। ସୁଗୋ ଉଚ୍ଚ ବିଦ୍ୟାଳୟ ପରିଚାଳନା କମିଟି ସଭାପତି ରାଜାକୁମାର ନାୟକ ଏଥିରେ ସଭାପତିତ୍ୱ କରିଥିଲେ। ବ୍ଲକ ଶିକ୍ଷାଧିକାରୀ ରବୀନ୍ଦ୍ର ନାରାୟଣ ମଲିକ ମୁଖ୍ୟଅତିଥି ଭାବେ ଯୋଗଦେଇଥିଲେ। ଛାତ୍ରୀଛାତ୍ରଙ୍କ ଅନ୍ତର୍ନିହିତ ପ୍ରତିଭାର ବିକାଶ ପାଇଁ ବିଭିନ୍ନ ପ୍ରତିଯୋଗିତା କରାଯାଇଥିଲା। 

ଶିଶୁ ସୁରକ୍ଷା ସଚେତନତା କର୍ମଶାଳା

ଶିଶୁ ସୁରକ୍ଷା ସଚେତନତା କର୍ମଶାଳା

ବାସୁଦେବପୁର,୫।୧୦(ଡି.ଏନ.ଏ.)-ଭଦ୍ରକ ଚାଇଲ୍ଡ ଲାଇନ ଓ ଆସିଆନାର ମିଳିତ ସହଯୋଗରେ ବାସୁଦେବପୁର ବ୍ଲକ ଚୁଡାମଣି ରାଜୀବ ଗାନ୍ଧୀ ସେବାକେନ୍ଦ୍ରରେ ଚୁଡାମଣି ଓ ଶାଶୁଭୁଆଶୁଣୀ ପଞ୍ଚାୟତର ଜନସାଧାରଣ, ଲୋକପ୍ରତିନିଧି ମହିଳାଙ୍କୁ ନେଇ ଶିଶୁ ସୁରକ୍ଷା କର୍ମଶାଳା ଅନୁଷ୍ଠିତ ହୋଇଯାଇଛି।

ଭଦ୍ରକ ପୁସ୍ତକ ମେଳାର ତୃତୀୟ ସନ୍ଧ୍ୟା

ଭଦ୍ରକ ପୁସ୍ତକ ମେଳାର ତୃତୀୟ ସନ୍ଧ୍ୟା

ଭଦ୍ରକ ଅଫିସ,୫।୧୦-ଅଷ୍ଟାଦଶ ଭଦ୍ରକ ପୁସ୍ତକମେଳାର ୩ୟ ସନ୍ଧ୍ୟା ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରାଧ୍ୟାପିକା ଝରଣା ପଟ୍ଟନାୟକ ଏଥିରେ ପୌରୋହିତ୍ୟ କରିଥିଲେ। ‘ସାମାଜିକ ପ୍ରତିବଦ୍ଧତାରେ ଆମ ଲେଖିକାମାନେ’ ଶୀର୍ଷକରେ ବକ୍ତାମାନେ ବକ୍ତବ୍ୟ ରଖିଥିଲେ।

‘ପଲିଥିନମୁକ୍ତ ଅଞ୍ଚଳ’ ନେଇ ସଚେତନତା

‘ପଲିଥିନମୁକ୍ତ ଅଞ୍ଚଳ’ ନେଇ ସଚେତନତା

ପଦ୍ମପୁର,୫।୧୦(ଡି.ଏନ.ଏ.)-ବାସୁଦେବପୁର ବ୍ଲକ ଅଧୀନ ବାଲିମୁଣ୍ଡା ସରକାରୀ ପ୍ରାଥମିକ ବିଦ୍ୟାଳୟରେ ‘ପଲିଥିନମୁକ୍ତ ଅଞ୍ଚଳ’ ନେଇ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଛାତ୍ରୀଛାତ୍ର ଏଥିରେ ଅଂଶଗ୍ରହଣ କରିଥିଲେ।