ବାଲେଶ୍ୱର

ପ୍ରତିଜ୍ଞାଦେବୀଙ୍କ ଶ୍ରଦ୍ଧାଞ୍ଜଳି ସଭା

ପ୍ରତିଜ୍ଞାଦେବୀଙ୍କ ଶ୍ରଦ୍ଧାଞ୍ଜଳି ସଭା

ବାଲେଶ୍ୱର ଅଫିସ, ୬।୧୦-ବିଶିଷ୍ଟ ଅନୁବାଦିକା, କୁଜଙ୍ଗ ରାଜଜେମା ତଥା ବିଖ୍ୟାତ ଲେଖକ ପଦ୍ମଶ୍ରୀ ମନୋଜ ଦାସଙ୍କ ପନତ୍ୀ ପ୍ରତିଜ୍ଞା ଦେବୀଙ୍କ ବିୟୋଗରେ ‘କବି ବ୍ରଜନାଥ ରଥ‘ ଫାଉଣ୍ଡେଶନ୍‌ ଟ୍ରଷ୍ଟ ପକ୍ଷରୁ ସୁନହଟ ସ୍ଥିତ ବିଶ୍ୱ ତାରା ଓଡ଼ିଆ ଗବେଷଣା ଗ୍ରାନ୍ଥାଗାରରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା।

ଉଦ୍ୟୋଗୀ ସଂବେଦୀକରଣ ଶିବିର

ଉଦ୍ୟୋଗୀ ସଂବେଦୀକରଣ ଶିବିର

ବାହାନଗା,  ୬।୧୦(ଡି.ଏନ.ଏ.)-ବାହାନଗା ବ୍ଲକ ଅଭଣା ବେଳାଭୂମି ମହାବିଦ୍ୟାଳୟ ପରିସରରେ ଯୁକ୍ତ ୩ ଛାତ୍ରୀଛାତ୍ରଙ୍କୁ ନେଇ ଶୁକ୍ରବାର ଶିଳ୍ପ ସଚେତନତା ତଥା ଉଦ୍ୟୋଗୀ ସଂବେଦୀକରଣ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ମହାବିଦ୍ୟାଳୟ ଅଧ୍ୟକ୍ଷ ବନମାଳୀ ବେହେରା ସଭାପତିତ୍ୱ କରିଥିଲେ। ବାଲେଶ୍ୱର ଜିଲା ଶିଳ୍ପକେନ୍ଦ୍ରର ଉପଅଧିକାରୀ ଅନୀଲ କୁମାର ଦେ ଯୋଗ ଦେଇଥିଲେ ା ଅନ୍ୟତମ ଅତିଥି ଭାବେ ବାହାନଗା ବ୍ଲକ ଆଇପିଓ  ଅରୁଣ କୁମାର ମଣ୍ଡଳ ଯୋଗଦେଇ ବିଦ୍ୟାର୍ଥୀମାନଙ୍କୁ ଶିଳ୍ପ ଉଦ୍ୟୋଗୀ ମାଧ୍ୟମରେ ନିଜର କ୍ୟାରିୟର ତିଆରି କରିବାର ବିଭିନ୍ନ ମାର୍ଗଦର୍ଶନ କରାଇବା ସହିତ ଶିଳ୍ପଦ୍ୟୋଗୀ କିପରି ସମାଜ ଓ ରାଷ୍ଟ୍ରୀୟ ବିକାଶରେ ଗୁରୁତ୍ୱପୂର୍ଣ୍ଣ ଭୂମିକା ବହନ କରିପାରିବ ସେ ସମ୍ବନ୍ଧରେ ମୂଲ୍ୟବାନ ପରାମର୍ଶ ପ୍ରଦାନ କରିଥିଲେ। 

ଡାକ୍ତର ସମସ୍ୟା: ସିଡିଏମ୍‌ଓଙ୍କ ସହ ବିଧାୟକଙ୍କ ଆଲୋଚନା

ଡାକ୍ତର ସମସ୍ୟା: ସିଡିଏମ୍‌ଓଙ୍କ ସହ ବିଧାୟକଙ୍କ ଆଲୋଚନା

ଜଳେଶ୍ୱର, ୬।୧୦(ଡି.ଏନ.ଏ.)-ଉତ୍ତର ବାଲେଶ୍ୱରର ପ୍ରମୁଖ ସ୍ବାସ୍ଥ୍ୟକେନ୍ଦ୍ର ଜଳେଶ୍ୱରସ୍ଥିତ ଜିକେଭଟ୍ଟର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ସମସ୍ୟା ଲାଗି ରହିଛି। ରାତ୍ରିକାଳୀନ ଜରୁରୀ ସ୍ବାସ୍ଥ୍ୟସେବା ବନ୍ଦ ବିଷୟକୁ ନେଇ ଶୁକ୍ରବାର ଅପରାହ୍ନରେ ସ୍ବାସ୍ଥ୍ୟକେନ୍ଦ୍ର ପରିସରରେ ଏକ ଜରୁରୀ ବୈଠକ ବସିଥିଲା। ବାଲେଶ୍ୱର ଜିଲା ସିଡିଏମ୍‌ଓ ଡା.ବିବେକାନନ୍ଦ ଦାସ ଓ ସ୍ଥାନୀୟ ବିଧାୟକ ତଥା ସ୍ବାସ୍ଥ୍ୟକେନ୍ଦ୍ରର ରୋଗୀ କଲ୍ୟାଣ ସମିତି ଅଧ୍ୟକ୍ଷ ଅଶ୍ୱିନୀ କୁମାର ପାତ୍ରଙ୍କ ମଧ୍ୟରେ ଏ ବିଷୟରେ ବିଚାର ବିମର୍ଶ ହୋଇଥିଲା। ବୈଠକରେ ସ୍ବାସ୍ଥ୍ୟକେନ୍ଦ୍ରର ଇନ୍‌-ଚାର୍ଜ ମେଡିକାଲ ଅଫିସର ଡା. ଗଣେଶଚନ୍ଦ୍ର ପାଳ, ଡା.ଦିଲୀପ ପାତ୍ର, ଭାଜପା ନେତା ଅରୁଣ କୁମାର ବେଜ, ଆଇନଜୀବୀ ଚିନ୍ମୟ ଦାସ, ଡ. ରମାକାନ୍ତ ଭଞ୍ଜ, ଅଶୋକ ପାତ୍ର, ପତିତପାବନ ପ୍ରଧାନ, ପ୍ରତୀପ ପ୍ରଧାନ, କମଲ ଚକ୍ରବର୍ତ୍ତୀ, ଅଶୋକ ଦାସ, ବ୍ରଜଗୋପାଳ ରାଉତ ପ୍ରମୁଖ ବୁଦ୍ଧିଜୀବୀ ତଥା ନେତୃବୃନ୍ଦମାନେ ଉପସ୍ଥିତ ରହି ଡାକ୍ତର ସମସ୍ୟାକୁ ତୁରନ୍ତ ଦୂର କରିବା ପାଇଁ ଦାବି ଉପସ୍ଥାପନ କରିଥିଲେ।

କଣ୍ଟେନର୍‌କୁ ଧକ୍କା ଦେଇ ଓଲଟିଲା ବସ୍‌: ୧ ମୃତ, ୭ ଗୁରୁତର

କଣ୍ଟେନର୍‌କୁ ଧକ୍କା ଦେଇ ଓଲଟିଲା ବସ୍‌: ୧ ମୃତ, ୭ ଗୁରୁତର

ପାଟଣା,୬।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ତୁରୁମୁଙ୍ଗା ଦେଇ ଯାଇଥିବା ୪୯ନଂ. ମୁମ୍ବାଇ-କଲିକତା ଜାତୀୟ ରାଜପଥ ପଥର ଚେମେଣା ନିକଟରେ ଶନିବାର ପୂର୍ବାହ୍ନରେ ଏକ ବସ୍‌ ସହ କଣ୍ଟେନର୍‌ ମୁହାଁମୁହିଁ ଧକ୍କା ହୋଇଛି। 

ପୋଖରୀରେ ବୁଡ଼ି ଶିଶୁ ମୃତ

ପୋଖରୀରେ ବୁଡ଼ି ଶିଶୁ ମୃତ

ତିହିଡି, ୬।୧୦(ଡି.ଏନ.ଏ.) ଭଦ୍ରକ ଜିଲା ଚାନ୍ଦବାଲି ଥାନା ଘଟପୁର ପଞ୍ଚାୟତ ଅଧୀନ ହେଙ୍ଗୁପତି ଗ୍ରାମରେ ଶନିବାର ମଧ୍ୟାହ୍ନରେ ପୋଖରୀରେ ବୁଡି ଜଣେ ଶିଶୁଙ୍କ ମୃତ୍ୟୁ ଘଟିଛି।

ଭାଲୁ ଆକ୍ରମଣରେ ସ୍ବାମୀ ମୃତ, ସ୍ତ୍ରୀ ଗୁରୁତର

ଭାଲୁ ଆକ୍ରମଣରେ ସ୍ବାମୀ ମୃତ, ସ୍ତ୍ରୀ ଗୁରୁତର

ଠାକୁରମୁଣ୍ଡା,୬।୧୦(ଡି.ଏନ୍‌.ଏ.): ମୟୂରଭଞ୍ଜ ଜିଲା ଠାକୁରମୁଣ୍ଡା ବ୍ଲକ ସାତକୋଶିଆ ରେଞ୍ଜ ଅନ୍ତର୍ଗତ ବାଉଁଶଡିହା ସାହି ଜଙ୍ଗଲରେ ଶନିବାର ସକାଳେ ଭାଲୁ ଆକ୍ରମଣରେ ସ୍ବାମୀଙ୍କ ମୃତୁ ଘଟିଥିବା ବେଳେ ସ୍ତ୍ରୀ ଗୁରୁତର ଆହତ ହୋଇଛନ୍ତି।

ଇରମରୁ ବିଜେଡିର ଜନସମ୍ପର୍କ ପଦଯାତ୍ରା

ଇରମରୁ ବିଜେଡିର ଜନସମ୍ପର୍କ ପଦଯାତ୍ରା

ବାସୁଦେବପୁର,୬।୧୦(ଡି.ଏନ୍‌.ଏ.): ବାସୁଦେବପୁର ବ୍ଲକ ବିଜେଡି ପକ୍ଷରୁ ଶନିବାର ୧୯ନଂ. ଜିଲା ପରିଷଦ ଜୋନ୍‌ରେ ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଛି। ରାଜ୍ୟ ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟଙ୍କ ନେତୃତ୍ୱରେ ଶହୀଦ ପୀଠରୁ ଏହି ପଦଯାତ୍ରା ବାହାରି ସୁଦର୍ଶନପୁର ପଞ୍ଚାୟତର ସୁଆଁ ଗ୍ରାମରେ ଉଦ୍‌ଯାପିତ ହୋଇଛି।

ସକାଳେ ଫାଟିଥିବା ବନ୍ଧ ରାତିରେ ନଦୀଗର୍ଭରେ

ସକାଳେ ଫାଟିଥିବା ବନ୍ଧ ରାତିରେ ନଦୀଗର୍ଭରେ

ଆରଡି,୬।୧୦ (ଡି.ଏନ୍‌.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକ ଅନ୍ତର୍ଗତ ଷାଠିବାଙ୍କୁଡା ନଦୀବନ୍ଧରେ ଶୁକ୍ରବାର ସକାଳେ ୧୦୦ ଫୁଟ ଲମ୍ବର ଫାଟ ସୃଷ୍ଟି ହୋଇଥିଲା । ରାତିରେ ସେହି ସ୍ଥାନ ସଂପୂର୍ଣ୍ଣ ରୂପେ ନଦୀଗର୍ଭକୁ ଚାଲିଯାଇଛି। ଫଳରେ ଷାଠିବାଙ୍କୁଡା ସମେତ ଆଖପାଖ ୨୩ ଖଣ୍ଡ ଗାଁର ଲୋକେ ଆତଙ୍କିତ ହୋଇପଡିଛନ୍ତି। ୧୦ ମାସ ନ ପୂରୁଣୁ ମରାମତି ହୋଇଥିବା ବନ୍ଧ ପୁନଶ୍ଚ ଧସିଯିବା ନିମ୍ନମାନର କାମ ହୋଇଥିବା ଗ୍ରାମବାସୀ ଅଭିଯୋଗ  କହିଛନ୍ତି। 

ଶିଶୁ ସୁରଭି କାର୍ଯ୍ୟକ୍ରମ ଅନୁଷ୍ଠିତ

ଶିଶୁ ସୁରଭି କାର୍ଯ୍ୟକ୍ରମ ଅନୁଷ୍ଠିତ

ହାଟଡ଼ିହୀ, ୬।୧୦(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡିହୀ ବ୍ଲକସ୍ତରୀୟ ଶିଶୁ ସୁରଭି କାର୍ଯ୍ୟକ୍ରମ ଶାଳଣିଆଁ ଉଚ୍ଚ ବିଦ୍ୟାଳୟ ପରିସରରେ ଶନିବାର ଅନୁଷ୍ଠିତ ହୋଇଯାଇଛି। ୨୦ଟି କ୍ଲଷ୍ଟରର ପ୍ରାୟ ୩୫୦ ଛାତ୍ରୀଛାତ୍ର ଅଂଶଗ୍ରହଣ କରିଥିଲେ।

ଟ୍ରେନ ନ ରହିବାରୁ ଡେଇଁ ପଡ଼ି ଯୁବକ ଗୁରୁତର

ଟ୍ରେନ ନ ରହିବାରୁ ଡେଇଁ ପଡ଼ି ଯୁବକ ଗୁରୁତର

ଭଦ୍ରକ ଅଫିସ,୬।୧୦: ଭୁବନେଶ୍ୱରରୁ ହାଓ୍ବଡା ଯାଉଥିବା ପ୍ରଶାନ୍ତି-ହାଓ୍ବଡା ଏକ୍ସପ୍ରେସ୍‌ରୁ ଡେଇଁ ଶନିବାର ଜଣେ ଯୁବକ ଗୁରୁତର ହୋଇଛନ୍ତି। ସେ ହେଲେ ବିହାର ଛପର ଜିଲା ଶିଖରପୁର ଅଞ୍ଚଳର ଅଭିନନ୍ଦନ କୁମାର। 

ପାଟଣା ବ୍ଲକରେ ଏମ୍‌ଜିଏନ୍‌ଆରଇଜିଏସ୍‌ ଅଭିଯୋଗ ଶୁଣାଣି

ପାଟଣା ବ୍ଲକରେ ଏମ୍‌ଜିଏନ୍‌ଆରଇଜିଏସ୍‌ ଅଭିଯୋଗ ଶୁଣାଣି

ପାଟଣା,୬।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ସଭା ଗୃହଠାରେ ବ୍ଲକର ୨୦ଟି ପଞ୍ଚାୟତରେ ବିଗତ ୬ ମାସ ମଧ୍ୟରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା (ଏମ୍‌ଜିଏନ୍‌ଆରଇଜିଏସ୍‌)ରେ ୬ କୋଟି ୫୦ ଲକ୍ଷ ଟଙ୍କା ପ୍ରକଳ୍ପରେ ହୋଇଥିବା କାର୍ଯ୍ୟର ଜନଶୁଣାଣି ଶୁକ୍ରବାର ଅନୁଷ୍ଠିତ ହୋଇଯାଇଛି।

ଲୁଟେରାଙ୍କ ଟାର୍ଗେଟରେ ଠିପି ବନ୍ଦ ବିଦେଶୀ ମଦଦୋକାନ

ଲୁଟେରାଙ୍କ ଟାର୍ଗେଟରେ ଠିପି ବନ୍ଦ ବିଦେଶୀ ମଦଦୋକାନ

ସଜନାଗଡ଼,୬।୧୦(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ଥାନା ଅଧୀନ ଶ୍ୟାମ ସୁନ୍ଦରପୁର ପଞ୍ଚାୟତ ରାସ୍ତା କଡ଼ରେ ଥିବା ସରକାରୀ ସ୍ବିକୃତି ପ୍ରାପ୍ତ ଠିପି ବନ୍ଦ ବିଦେଶୀ ମଦଦୋକାନରୁ ଶୁକ୍ରବାର ବିଳମ୍ବିତ ରାତିରେ ଲୁଟ ହୋଇଛି। ଦୁର୍ବୃତ୍ତମାନେ ନଗଦ ୫୫ହଜାର ଟଙ୍କା ସହ ୨ ଲକ୍ଷରୁ ଊର୍ଦ୍ଧ୍ୱ ଟଙ୍କା ମୂଲ୍ୟର ମଦ ଚୋରି କରି ନେଇଯାଇଛନ୍ତି।

ଅଗ୍ନିକାଣ୍ଡରେ ଜଳିଗଲା ୧୫ ବଖରା

ଅଗ୍ନିକାଣ୍ଡରେ ଜଳିଗଲା ୧୫ ବଖରା

ଭଦ୍ରକ ଅଫିସ/ପଦ୍ମପୁର, ୬।୧୦ (ଡି.ଏନ୍‌.ଏ.): ଭଦ୍ରକ ବ୍ଲକ ଅଧୀନ ସାବରଙ୍ଗ ପଞ୍ଚାୟତ ସାନଗୋପାଳ ସାହିରେ ଶୁକଅବାର ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ୫ ଟି ପରିବାରର ୧୫ ବଖରା ଘର ପୋଡ଼ି ପାଉଁଶ ହୋଇଯାଇଥିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଜଣାପଡ଼ିଛି। 

୨୦ ଫୁଟ ତଳକୁ ଖସିଲା ଟ୍ରକ୍‌

୨୦ ଫୁଟ ତଳକୁ ଖସିଲା ଟ୍ରକ୍‌

ବଡବିଲ, ୬।୧୦(ସ୍ବ.ପ୍ର.): କେନ୍ଦୁଝର ଜିଲା ରୁଗୁଡି ଥାନା ବାରବାଙ୍କରେ ଶୁକ୍ରବାର ଭଦ୍ରାସାହିରୁ ଗୁଗୁଡି ଆଡକୁ ଦ୍ରୁତଗତିରେ ଯାଉଥିବା (ଓଆର୦୪ଏନ) ନମ୍ବର ବିଶିଷ୍ଟ ଟ୍ରକ୍‌ ବାରବାଙ୍କ ଜଙ୍ଗଲ ରାସ୍ତାରେ ଭାରସାମ୍ୟ ହରାଇ ରାସ୍ତାରୁ ୨୦ ଫୁଟ ତଳକୁ ଖସି ପଡିଥିଲା। ଏଥିରେ ଚାଳକ ଗୁରୁତର ହୋଇଛନ୍ତି। ତାଙ୍କୁ ବଡବିଲସ୍ଥିତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଚାଳକ ଜଣଙ୍କ ହେଲେ ଝାଡଖଣ୍ଡ ସାହିବଗଞ୍ଜସ୍ଥିତ ହସ୍ତିପଦା ଅଞ୍ଚଳର ଏମଡି ସୌଫିକ ଆଲମ୍‌। ପ୍ରାଥମିକ ତଦନ୍ତରୁ ଦୁର୍ଘଟଣାଗ୍ରସ୍ତ ଟ୍ରକଟି ଚଣ୍ଡିଖୋଲ ଅଞ୍ଚଳର ଶ୍ରୀକୃଷ୍ଣ ସାହୁଙ୍କର ବୋଲି ଜଣାପଡିଛି। ପୋଲିସ ଟ୍ରକ୍‌କୁ କ୍ରେନ୍‌ ଯୋଗେ ଉଦ୍ଧାର କରିଛି। 

ଶୋଭାଯାତ୍ରାରେ ସହର ପରିକ୍ରମା

ଶୋଭାଯାତ୍ରାରେ ସହର ପରିକ୍ରମା

ବଡବିଲ,  ୬।୧୦(ସ୍ବ.ପ୍ର.): ବଡବିଲସ୍ଥିତ ପ୍ରଜାପିତା ବ୍ରହ୍ମାକୁମାରୀମାନେ ଶୁକ୍ରବାର ପୂର୍ବାହ୍ନରେ ଅଖିଳ ଭାରତୀୟ ପ୍ରଦର୍ଶନୀ ବସ୍‌କୁ ସ୍ବାଗତ କରିଛନ୍ତି। ଅପରାହ୍ନରେ ଆଦିବାସୀ ବିକାଶ ସମିତି ସ୍କୁଲ ଓ ଆଇଟିଆଇ ଛାତ୍ରୀଛାତ୍ରଙ୍କୁ ନେଇ ଶୋଭାଯାତ୍ରାରେ ସହର ପରିକ୍ରମା କରାଯାଇଥିଲା। ସନ୍ଧ୍ୟାରେ ସ୍ଥାନୀୟ ବିକାଶ ମହଲଠାରେ ଏକ ଆଧ୍ୟାମତ୍ିକ ସଭା ହୋଇଥିଲା। ପ୍ରଜାପିତା ବ୍ରହ୍ମାକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ ତରଫରୁ ଯୁବବର୍ଗଙ୍କୁ ରାଜଯୋଗ ମେଡିଟେଶନ ଦ୍ୱାରା ଆଧ୍ୟାମତ୍ିକ ମୂଲ୍ୟବୋଧ ଓ ଚରିତ୍ର ନିର୍ମାଣ ପ୍ରତି ପ୍ରୋତ୍ସାହନ, ସ୍ବଚ୍ଛ ଓ ସୁସ୍ଥ ଭାରତ ଗଠନ ପାଇଁ ଜନସାଧାରଣଙ୍କୁ ସକ୍ରିୟ ଭୂମିକା ବହନ କରିବା ଲାଗି ୨୦୧୭ ଅଗଷ୍ଟ ୧୩ ତାରିଖରୁ ଗୁଜୁରାଟରୁ ଉକ୍ତ ଅଭିଯାନ ଆରମ୍ଭ ହୋଇଛି। ପ୍ରଦର୍ଶନୀ ବସ୍‌ ବଡବିଲ ପହଞ୍ଚିବା ପରେ ସ୍ବାଗତ କରାଯାଇଥିଲା।

କୃଷି ଅଧିକାରୀଙ୍କୁ ଘେରିଲେ ଚାଷୀ

କୃଷି ଅଧିକାରୀଙ୍କୁ ଘେରିଲେ ଚାଷୀ

ତେଲକୋଇ, ୬।୧୦(ଡି.ଏନ.ଏ.): ପୋକ ଉଜାଡ଼ିଲେ ଧାନ ଫସଲ। କୃଷି ବିଭାଗ ପକ୍ଷରୁ ଆବଶ୍ୟକ ଔଷଧ ଯୋଗାଇ ଦିଆଯାଉ ନ ଥିବାରୁ କୃଷକମାନେ କୃଷି ବିଭାଗ ଅଧିକାରୀଙ୍କୁ ଘେରିଛନ୍ତି। ତେଲକୋଇ ସମେତ ଓରିଆ, ଶିବନାରାୟଣପୁର ଗୋଡା, ଆକୁଳ, ସିରିଗିଡା, ଛାମୁଣ୍ଡା, ବିଞ୍ଜବାହାଳ, ପୁରୁଜୋଡ଼ା, କାଳିଆହତା ପଞ୍ଚାୟତରେ ବ୍ୟାପକ ଧାନକ୍ଷେତ କ୍ଷତିଗ୍ରସ୍ତ ହୋଇଛି। ଧାନ ଚାଷ ଉପରେ ନିର୍ଭର କରୁଥିବା ଚାଷୀ ଚିନ୍ତାରେ ରହିଛନ୍ତି। ଉକ୍ତ ଅଞ୍ଚଳରେ ପତ୍ରପୋଡା ରୋଗ ବୃଦ୍ଧି ପାଇଛି। ଶତାଧିକ ଏକର ଧାନ କ୍ଷେତ ନଷ୍ଟ ହେବାରେ ଲାଗିଛି। ବର୍ଷା ଜଳର ଅଭାବ ସାଙ୍ଗକୁ ଜଳ ସେଚନ ସୁବିଧାର ସମସ୍ୟା ଯୋଗୁଁ ପତ୍ରପୋଡା ରୋଗ ହୋଇଥିବା ଚାଷୀମାନେ ଅଭିଯୋଗ କରିଛନ୍ତି। 

୨୦ ହଜାର ଲୋକଙ୍କ ସମାଗମ

ହାଟଡିହୀ,୬।୧୦(ଡି.ଏନ୍‌.ଏ.): ହାଟଡିହୀ ବ୍ଲକ ସଢାଠାରେ ଶୁକ୍ରବାର ‘ଆମ ଗାଁ, ଆମ ବିକାଶ’ କାର୍ଯ୍ୟକ୍ରମ ହୋଇଥିଲା। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୩୦୮ ଗୋଟି ପ୍ରକଳ୍ପ ପାଇଁ ୭ କୋଟି ୨୮ ଲକ୍ଷ ୫୦ ହଜାର ଟଙ୍କା ମଞ୍ଜୁର କରିଛନ୍ତି। ହାଟଡିହୀ ବିଡିଓ ସୁଶାନ୍ତ ବାରିକଙ୍କ ସଂଯୋଜନାରେ ସରପଂଚ ବିମ୍ବାଧର ବିଶ୍ୱାଳ ଓ ଏମ୍‌ପି ପ୍ରତିନିଧି ରତିକାନ୍ତ ରାଉତଙ୍କ ତତ୍ତ୍ୱାବଧାନରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର, ବିଧାୟକ ମାୟାଧର ଯେନା, ଆନନ୍ଦପୁର ଏମ୍‌ପି ପ୍ରତିନିଧି ଦେବପ୍ରିୟ ପାତ୍ର, ଏମ୍‌ପି ଶକୁନ୍ତଳା ଲାଗୁରୀ, ଅଶୋକ କୁମାର ବଳ, ସୌମ୍ୟ ଶଙ୍କର ଚକ୍ର, ଆଶିଷ ଚକ୍ରବର୍ତ୍ତୀ, ଆରତି ସିଂହ, ସୁରେନ୍ଦ୍ର ଜେନା, ସାବିତ୍ରୀ ସେଠୀ, ବିମଳ ଜେନା, ଚିନ୍ମୟ ନାୟକ, ସଞ୍ଜୟ ରାଉତ, ବିକ୍ରମ ବିଶ୍ୱାଳ, ବିରେନ୍ଦ୍ର ବିଶ୍ୱାଳ, ଯୋଗେନ୍ଦ୍ର ବେହେରା, ପ୍ରତାପ ଦେଓ, ଅମର ରାଉତ, ଶଶାଙ୍କ ପୁହାଣ, ବିଶ୍ୱନାଥ ଖୁଣ୍ଟିଆ, ବିଜୟ ରାଉତ, ରଙ୍ଗାଧର ମଲ୍ଲିକ, ଜଗନ୍ନାଥ ନାୟକ, ବିଶ୍ୱନାଥ ନାୟକ ପ୍ରମୁଖ  ଉପସ୍ଥିତ ଥିଲେ। 

ଆନ୍ତଃ ଜିଲା କବାଡ଼ି: ଭାଗ ନେଲେ ୨୬ ଦଳ

ଆନ୍ତଃ ଜିଲା କବାଡ଼ି: ଭାଗ ନେଲେ ୨୬ ଦଳ

ପାଟଣା, ୬।୧୦(ସ୍ବ.ପ୍ର.): ପାଟଣା ବ୍ଲକ ମୁଖ୍ୟାଳୟସ୍ଥିତ ଆଞ୍ଚଳିକ ମହାବିଦ୍ୟାଳୟ ସ୍ବାମପାଟଣାଠାରେ ଉତ୍ତର ଓଡିଶା ୨ ଦିନିଆ ଆନ୍ତଃ ଜିଲା କବାଡ଼ି ପ୍ରତିଯୋଗିତା ଖେଳ ଅନୁଷ୍ଠିତ ହୋଇଯାଇଛି। ଏଥିରେ କେନ୍ଦୁଝର, ମୟୂରଭଞ୍ଜ ଜିଲାର ମହାବିଦ୍ୟାଳୟର ୧୭ ଛାତ୍ର  ଦଳ ଓ ୯ ଛାତ୍ରୀ  ଦଳ ଅଂଶ ଗ୍ରହଣ କାରିଥିଲେ। ଶୁକ୍ରବାର ଅନ୍ତିମ ଦିବସ ଖେଳରେ  ପୁରସ୍କାର ବିତରଣ ଉତ୍ସବ ହୋଇଥିଲା। ମହାବିଦ୍ୟାଳୟ କ୍ରୀଡ଼ା ଶିକ୍ଷକ ଧର୍ମେନ୍ଦ୍ର ସାହୁଙ୍କ ସଂଯୋଜନାରେ ମୁଖ୍ୟ ଅତିଥି ଭାବେ ପାଟଣା ବ୍ଲକ ଅଧ୍ୟକ୍ଷ ଜଗନ୍ନାଥ ନାଏକ, ସମ୍ମାନିତ ଅତିଥି ଅଧ୍ୟାପକ ହରି ହର ଓଝା,  ଖବର ଦାତା ନୃସିଂହ ନାଥ ସିଂହ, ଅଧ୍ୟାପକ ଜଗନ୍ନାଥ ମହାନ୍ତ, ହଳଧର ସାହୁ ପ୍ରମୁଖ ଯୋଗ ଦେଇ ବିଜୟୀ ଦଳକୁ ଟ୍ରଫି ସହ ମାନପତ୍ର ଦେଇଥିଲେ। 

ଭାଜପାର ଜନଜାଗରଣ ଯାତ୍ରା

ଭାଜପାର ଜନଜାଗରଣ ଯାତ୍ରା

ଭଣ୍ଡାରିପୋଖରୀ,୬।୧୦(ଡି.ଏନ.ଏ.)-ଓଡ଼ିଶାକୁ ଆୟୁଷ୍ମାନ ଭାରତ ଯୋଜନାରେ ସାମିଲ ପାଇଁ ଭାଜପାର ଭଣ୍ଡାରିପୋଖରୀ ଶାଖା ପକ୍ଷରୁ ଜନଜାଗରଣ ଯାତ୍ରା ଚାଲୁ ରହିଛି। ଭାଜପା ନିର୍ବାଚନ ମଣ୍ଡଳୀ ନେତା ବଦ୍ରିନାରାୟଣ ଧଳଙ୍କ ନେତୃତ୍ୱରେ ସୁବର୍ଣ୍ଣମୁଖୀ ମଣ୍ଡଳର ବିଭିନ୍ନ ସ୍ଥାନରେ ପଥପ୍ରାନ୍ତ ସଭା ଓ ଦସ୍ତଖତ ଅଭିଯାନ କରାଯାଇଛି। ୨୨ ନମ୍ବର ଜିଲା ପରିଷଦ ଜୋନର ପୁରିପଡାସ୍ଥିତ ଶନିମନ୍ଦିର ପ୍ରାଙ୍ଗଣରୁ ଅଭିଯାନ ଆରମ୍ଭ ହୋଇଥିଲା। ଆୟୋଜିତ ସଭାରେ ମଣ୍ଡଳ ସଭାପତି ପ୍ରଦୀପ କୁମାର ସାହୁ ସଭାପତିତ୍ୱ କରିଥିଲେ। ଏହି ଜୋନର ଛତାବର, କୁଲଣା, ମଞ୍ଜୁରିରୋଡ ଓ ଛୁଞ୍ଚତ୍ଣା ବଜାରଠାରେ ଅନୁଷ୍ଠିତ ସଭାରେ ବଦ୍ରିନାରାୟଣ ଧଳ ସମଗ୍ର ଭାରତ ବର୍ଷରେ ଓଡ଼ିଆ ଲୋକଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ସ୍ବାସ୍ଥ୍ୟସେବାରେ ରାଜ୍ୟ ସରକାର ପ୍ରତିବନ୍ଧକ ସାଜିଛନ୍ତି ବୋଲି ଅଭିଯୋଗ କରିଥିଲେ।

ନା ଅଛି ବେଣା, ନା କାଇଁଶ ହସ୍ତଶିଳ୍ପ

ନା ଅଛି ବେଣା, ନା କାଇଁଶ ହସ୍ତଶିଳ୍ପ

ଚାନ୍ଦବାଲି,୬।୧୦(ଡି.ଏନ.ଏ.)- ଚାଷଜମିରେ ଉଠୁଥିବା ଏକ ପ୍ରଜାତିର ଘାସ ‘ବେଣା’। ଏହାର ବିଜ୍ଞାନ ନାମ କ୍ରାଇସୋପୋଗନ ଜିଜାନୋଇଡିସ୍‌(ଭରର୍ଟିଭେରା) ା ଓଡ଼ିଶା ସମେତ ଭାରତର ବିଭିନ୍ନ ଅଞ୍ଚଳିରେ ବେଣା ଘାସ ଦେଖାଯାଇଥାଏ। ପାଟ ଜମିରେ ହିଡ଼ବାଡ଼ରେ ବେଣାଗଛ ଭଲ ବଢିଥାଏ। ଏଥିରୁ ବାହାରୁଥିବା ସରୁ କାଣ୍ଡ ସଦୃଶ କାଇଁଶରୁ ଚାଷୀମାନେ  ଆଗରୁ ବିଭିନ୍ନ ଘରକରଣା ସାମଗ୍ରୀ ପ୍ରସ୍ତୁତ କରୁଥିଲେ। ଏହା ଏକପ୍ରକାର କୁଟିର ଶିଳ୍ପ ପାଲଟିଥିଲା। ବର୍ଷାଋତୁରେ ଚାଷୀମାନେ ବେଉଷଣ କାମ ସାରିବା ପରେ ଜମି ହିଡ଼ରୁ କାଇଁଶ ସଂଗ୍ରହ କରିଥାନ୍ତି ଓ ତାଙ୍କ ପରିବାର ଝିଅବୋହୂମାନେ  ସେଥିରୁ ଫୁଲ ଚାଙ୍ଗୁଡି, ତାଟ, ମାଣ, ଭୋଗଡାଲା, ପେଡି, ଫରୁଆ, ବିଞ୍ଚଣା, ମାଣ ଆଦି ଘରକରଣା ଜିନିଷ ତିଆରି କରୁଥିଲେ। ଏ ସବୁକୁ ଅଧିକ ଆକର୍ଷଣୀୟ କରିବା ଲାଗି ସେଥିରେ ଲାଲ୍‌, ନୀଳ, ଶାଗୁଆ ରଙ୍ଗ ବ୍ୟବହାର କରାଯାଉଥିଲା। କାଇଁଶ ଫୁଲକୁ କାଟି ‘ଝାଡୁ ’କରାଯାଉଥିଲା। କାଇଁଶରୁ ପ୍ରସ୍ତୁତ ସାମଗ୍ରୀ ବହୁଦିନ ତିଷ୍ଠି ରହୁଥିବାରୁ ଏହାର ଭଲ ଚାହିଦା ଥିଲା।

ରକ୍ତଦାନ ପାଇଁ ‘ଅଖିଳ ଭାରତୀୟ ଦୁଃଖୀ ସମାଜ’ ପୁରସ୍କୃତ

ରକ୍ତଦାନ ପାଇଁ ‘ଅଖିଳ ଭାରତୀୟ ଦୁଃଖୀ ସମାଜ’ ପୁରସ୍କୃତ

ଭଦ୍ରକ ଅଫିସ, ୬।୧୦- ସ୍ବେଚ୍ଛାକୃତ ରକ୍ତଦାନ ପାଇଁ ଭଦ୍ରକର ଅଖିଳ ଭାରତୀୟ ଦୁଃଖୀ ସମାଜ ସଙ୍ଗଠନ ରାଜ୍ୟ ସ୍ବାସ୍ଥ୍ୟ ବିଭାଗ ଦ୍ୱାରା ଆୟୋଜିତ ଜାତୀୟ ସ୍ବେଚ୍ଛାକୃତ ରକ୍ତଦାନ ଦିବସରେ ପୁରସ୍କୃତ ହୋଇଛି। ଭୁବନେଶ୍ୱରସ୍ଥିତ ଜୟଦେବ ଭବନରେ ଆୟୋଜିତ ରାଜ୍ୟସ୍ତରୀୟ ସମାରୋହରେ ସ୍ବାସ୍ଥ୍ୟ ଓ ପରିବାର କଲ୍ୟାଣ, ଆଇନ, ସୂଚନା ଓ ଲୋକସମ୍ପର୍କ ମନ୍ତ୍ରୀ ପ୍ରତାପ ଜେନା ଅଖିଳ ଭାରତୀୟ ଦୁଃଖୀ ସମାଜର ସଭାପତି ହାଜୀ ମନାୱର ହୋସେନ, ସମ୍ପାଦକ ଇଂ. ରେଜାଏ ରସୁଲ, ଡା. କମାଲ ଖାନ୍‌, ଇଂ. ହବିବୁଲ୍ଲା ଖାଁ, ଇଂ. ମୁଖ୍‌ତାର ଅହେମଦ ରସିଦ ଓ ମୋଜୋ ଖଁାଙ୍କୁ ପୁରସ୍କାର ସହ ଟ୍ରଫି ପ୍ରଦାନ କରିଥିଲେ। ପରିବାର କଲ୍ୟାଣ ବିଭାଗ ଶାସନ ସଚିବ ଡା. ବି.କେ. ବ୍ରହ୍ମା ଏବଂ ରକ୍ତ ସଞ୍ଚାରଣ ପରିଷଦର ନିର୍ଦ୍ଦେଶକ ଡା. ଦୀପକ କୁମାର ଦାସ ମହାପାତ୍ର ପ୍ରମୁଖ ଉପସ୍ଥିତ ଥିଲେ।

ଯୋରରୁ କ୍ଷତାକ୍ତ ମୃତଦେହ ଉଦ୍ଧାର: ହତ୍ୟା ଅଭିଯୋଗ ଆଣିଲେ ପରିବାର

ଯୋରରୁ କ୍ଷତାକ୍ତ ମୃତଦେହ ଉଦ୍ଧାର: ହତ୍ୟା ଅଭିଯୋଗ ଆଣିଲେ ପରିବାର

ପଦ୍ମପୁର, ୬।୧୦(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ବାଲିମେଦ ପଞ୍ଚାୟତର ଛତରପଦା ଗ୍ରାମ ନିକଟସ୍ଥ  ଯୋରରୁ ବ୍ରହ୍ମାନନ୍ଦ ମଳିକ(୨୫) ନାମକ ଜଣେ ଯୁବକଙ୍କ କ୍ଷତାକ୍ତ ମୃତଦେହ ନାୟକାଣିଡିହୀ ଥାନା ପୋଲିସ ଉଦ୍ଧାର କରିଛି। ପୋଲିସ ସାଇଣ୍ଟିଫିକ ଟିମ୍‌ ସହ ଘଟଣା ସ୍ଥଳରେ ପହଞ୍ଚି ଶୁକ୍ରବାର ସନ୍ଧ୍ୟାରେ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇ ତଦନ୍ତ ଚଳାଇଛି। ଏହା ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ମୃତ ଯୁବକଙ୍କ ପରିବାର ଅଭିଯୋଗ କରିଛନ୍ତି। ଏନେଇ ପୋଲିସ ଏକ ହତ୍ୟା ମାମଲା (ନଂ.୧୨୪/୧୮) ରୁଜୁ କରିଥିବା ସୂଚନା ଦେଇଛି।  

 ସ୍କୁଲରେ ଅବ୍ୟବସ୍ଥା:  ଛାତ୍ରୀଛାତ୍ର, ଅଭିଭାବକଙ୍କ ବିକ୍ଷୋଭ

ସ୍କୁଲରେ ଅବ୍ୟବସ୍ଥା: ଛାତ୍ରୀଛାତ୍ର, ଅଭିଭାବକଙ୍କ ବିକ୍ଷୋଭ

କପ୍ତିପଦା,୬ା୧୦(ଡି.ଏନ.ଏ)- କପ୍ତିପଦା ବ୍ଲକ୍‌ ଅଧିନ ଅସନବଣୀ ଗଡିଆପାଳସ୍ଥିତ ଲକ୍ଷ୍ମୀନାରାୟଣ ମ.ଇ ବିଦ୍ୟାଳୟରେ ଆବଶ୍ୟକ ଶ୍ରେଣୀଗୃହ ନ ଥିବାରୁ ପିଲାଙ୍କ ପାଠପଢା ଘୋର ବାଧାପ୍ରାପ୍ତ ହେଉଛି। ପାଠ ପଢା ସହିତ ଛାତ୍ରାବାସ ପରିଚାଳନାରେ ଅବ୍ୟବସ୍ଥା ଯୋଗୁ  ଦୀର୍ଘ ଦିନ ହେଲା ଅଭିଭାବକଙ୍କ ମଧ୍ୟରେ ଅସନ୍ତୋଷ ମୁଣ୍ଡ ଟେକିଛି ା ଶୁକ୍ରବାର ଅସନ୍ତୁଷ୍ଟ ଗ୍ରାମବାସୀ, ମହିଳା ସ୍ବୟଂ ସହାୟିକା ଗୋଷ୍ଠୀ ଓ ବିଦ୍ୟାଳୟ ପରିଚାଳନା କମିଟିର ସଦସ୍ୟାସଦସ୍ୟ ବିଦ୍ୟାଳୟ ସମ୍ମୁଖରେ ପହଞ୍ଚତ୍ ପ୍ରତିବାଦ କରିଛନ୍ତି ା ଏଥିରେ ପିଲାମାନେ ମଧ୍ୟ ସାମିଲ ହୋଇଛନ୍ତି।    

‘ଜାହିରା’ ବିକାଶ ଦାବିରେ ତାତିଲେ ଆଦିବାସୀ

‘ଜାହିରା’ ବିକାଶ ଦାବିରେ ତାତିଲେ ଆଦିବାସୀ

କପ୍ତିପଦା,,୬ା୧୦(ଡି଼.ଏନ୍‌.ଏ)-କପ୍ତିପଦା ବ୍ଲକ୍‌ ଅଧିନ ଲାବଣ୍ୟଦେଇପୁର ପଞ୍ଚାୟତ ଅଧୀନ ୩ଟି ସାହିରେ ଜାହିରା ପୀଠର ବିକାଶ ଓ ନୂତନ ଠାକୁରାଣୀ ଗୃହ ନିର୍ମାଣ ନିମନ୍ତେ ଦୀର୍ଘ ଦିନ ହେଲା ଦାବି ହୋଇଆସୁଛି। ହେଲେ ପ୍ରଶାସନ ତରଫରୁ ଏନେଇ କୌଣସି ପଦକ୍ଷେପ ନିଆଯାଉ ନ ଥିବାରୁ ଶତାଧିକ ଆଦିବାସୀ ମହିଳାପୁରୁଷ ଶୁକ୍ରବାର ରାସ୍ତାକୁ ଓହ୍ଲାଇଛନ୍ତି। ସେମାନେ ୧୯ ନମ୍ବର ଜାତୀୟ ରାଜପଥ, କପ୍ତିପଦା ବାଲେଶ୍ୱର ଗୋଲେଇ ଛକରେ ପହଞ୍ଚତ୍ ରାସ୍ତାରୋକୋ କରିଥିଲେ ା ଖୁବ୍‌ ଶୀଘ୍ର ସେମାନଙ୍କ ଦାବି ସମାଧାନ ନିମନ୍ତେ ପ୍ରତିଶ୍ରୁତି ମିଳିବା ପରେ ଆନ୍ଦୋଳନକାରୀ ଉଠିଯାଇଥିବା ଜଣାଯାଇଛି।