ବାଲେଶ୍ୱର

ଇଫ୍‌କୋ ପକ୍ଷରୁ ଚାରାରୋପଣ

ଇଫ୍‌କୋ ପକ୍ଷରୁ ଚାରାରୋପଣ

ଚାନ୍ଦବାଲି,୪।୮(ଡି.ଏନ.ଏ.)-ଚାନ୍ଦବାଲି ଗୋପାଳପୁର ପ୍ରାଥମିକ ବିଦ୍ୟାଳୟ ପରିସରରେ ପରିବେଶ ସୁରକ୍ଷା ପାଇଁ ସାର ସମବାୟ ସଂସ୍ଥା ଇଫ୍‌କୋ ପକ୍ଷରୁ ନିମ୍ବ ଚାରାରୋପଣ କରାଯାଇଛି।

ଧାମନଗର ଜନସ୍ବାର୍ଥ ସୁରକ୍ଷା ସଙ୍ଗଠନ ଗଠିତ

ଧାମନଗର ଜନସ୍ବାର୍ଥ ସୁରକ୍ଷା ସଙ୍ଗଠନ ଗଠିତ

ଧାମନଗର,୪।୮(ଡି.ଏନ.ଏ.)-ଭଦ୍ରକ ଜିଲା ଧାମନଗରରେ ଜନହିତକର କାର୍ଯ୍ୟ, ପରିବେଶ ସୁରକ୍ଷା, ସୁନ୍ଦର ଧାମନଗର ଗଢ଼ି ତୋଳିବା ଉଦ୍ଦେଶ୍ୟରେ ଧାମନଗର ଜନସ୍ବାର୍ଥ ସୁରକ୍ଷା ସଙ୍ଗଠନ ନାମରେ ଏକ କମିଟି ଗଠନ କରାଯାଇଛି।

 ରାସ୍ତାରେ ଯାତ୍ରୀଙ୍କୁ ସଚେତନ

ରାସ୍ତାରେ ଯାତ୍ରୀଙ୍କୁ ସଚେତନ

ଖଇରା, ୪।୮(ଡି.ଏନ.ଏ.)-ଖଇରା ବ୍ଲକ ଅଧୀନ ନହଙ୍ଗ ଅଞ୍ଚଳର ଶ୍ରବଣ କୁମାର ଓ ବାଜି ରାଉତ ସ୍ବେଛାସେବୀ ସଙ୍ଗଠନ ପକ୍ଷରୁ ଶୁକ୍ରବାର ରାଣୀତାଲ-କୁପାରୀ ରାସ୍ତାରେ ଯାତ୍ରୀ ସଚେତନ କରାଯାଇଥିଲା। ସଙ୍ଗଠନର ସଦସ୍ୟମାନେ ବିନା ହେଲମେଟରେ ଯାଉଥିବା ୨ଚକିଆ ଆରୋହୀଙ୍କୁ ହେଲମେଟ ପିନ୍ଧିବାକୁ ପରାମର୍ଶ ଦେଇଥିଲେ।

ନିଶା ନିବାରଣ ଅଭିଯାନ

ନିଶା ନିବାରଣ ଅଭିଯାନ

ସଜନାଗଡ଼, ୪।୮(ଡି.ଏନ.ଏ.)-ବାଲେଶ୍ୱରରେ ଥିବା ‘ରୂପାୟନ’ ପକ୍ଷରୁ ଶୁକ୍ରବାର ନୀଳଗିରି ବ୍ଲକ କେ.ପି. ଲାକରାଜ ଓ ଧୋବଶିଳା ପଞ୍ଚାୟତରେ ନିଶା ନିବାରଣ ଅଭିଯାନ ଅନୁଷ୍ଠିତ ହୋଇଯାଇଛି।

ବସ୍ତା ଷ୍ଟେଶନରେ ଟ୍ରେନ ରହଣି ଦାବି: ରେଳମନ୍ତ୍ରୀଙ୍କୁ ଭେଟିଲେ ଭାଜପା ନେତା

ବସ୍ତା ଷ୍ଟେଶନରେ ଟ୍ରେନ ରହଣି ଦାବି: ରେଳମନ୍ତ୍ରୀଙ୍କୁ ଭେଟିଲେ ଭାଜପା ନେତା

ବସ୍ତା, ୪।୮(ସ୍ବ.ପ୍ର.)-ବସ୍ତା ରେଳଷ୍ଟେଶନ ଉତ୍ତରବାଲେଶ୍ୱର ଅଞ୍ଚଳର ଏକ ପ୍ରମୁଖ ଷ୍ଟେଶନ ହୋଇଥିବା ବେଳେ ଏହା ଆଦର୍ଶ ଷ୍ଟେଶନର ମାନ୍ୟତା ପାଇଛି। ନିକଟରେ ଦିଲ୍ଲୀ ଗସ୍ତ ସମୟରେ ଭାଜପାର ବସ୍ତା ନିର୍ବାଚନ ମଣ୍ଡଳୀ ନେତା ତଥା ଜାତୀୟ ପରିଷଦ ସଦସ୍ୟ ଶ୍ୟାମାପ୍ରସାଦ ବେହେରା ବସ୍ତା ଷ୍ଟେଶନରେ ଅଧିକ ଦ୍ରୁତଗାମୀ ଟ୍ରେନ ରହଣି ପାଇଁ ବିଭାଗୀୟ ଦୁଇ ମନ୍ତ୍ରୀ ପିୟୁଷ ଗୋୟଲ ଓ ରାଷ୍ଟ୍ରମନ୍ତ୍ରୀ ମନୋଜ ସିହ୍ନାଙ୍କୁ ଦାବିପତ୍ର ପ୍ରଦାନ କରିବା ସହ ଆଲୋଚନା କରିଛନ୍ତି।

ମର୍ଣ୍ଣିଂ ଓ୍ବାର୍କ ବେଳେ ମହିଳାଙ୍କ ବେକରୁ ସୁନା ହାର ଲୁଟ

ମର୍ଣ୍ଣିଂ ଓ୍ବାର୍କ ବେଳେ ମହିଳାଙ୍କ ବେକରୁ ସୁନା ହାର ଲୁଟ

ବାହାନଗା,୪।୮(ଡି.ଏନ୍‌.ଏ.): ଶନିବାର ସକାଳ ସମୟରେ ମନିଂ ୱାର୍କ (ପ୍ରାପ୍ତ ଭ୍ରମଣ) କରୁଥିବା ଜଣେ ମହିଳାଙ୍କ ବେକରୁ ଦୁଇଜଣ ଯୁବକ ସୁନାହାର ଲୁଟ କରି ଚମ୍ପଟ ମାରିଛନ୍ତି।

ଭିଜିଲାନ୍ସ ଜାଲରେ ଝୁମ୍ପୁରା ତହସିଲ ସୁପରଭାଇଜର

ଭିଜିଲାନ୍ସ ଜାଲରେ ଝୁମ୍ପୁରା ତହସିଲ ସୁପରଭାଇଜର

କେନ୍ଦୁଝର, ୪।୮(ସ୍ବ.ପ୍ର.): ଲାଞ୍ଚ ନେବା ଅଭିଯୋଗରେ ଝୁମ୍ପୁରା ତହସିଲ ସୁପରଭାଇଜର କୃତିବାସ ନାୟକଙ୍କୁ ଭିଜିଲାନ୍ସ ବିଭାଗ ଶନିବାର ଚଢାଉ କରି ଗିରଫ କରିଛି।

ମୃତଦେହ ବ୍ୟବଚ୍ଛେଦ ଲାଗି ପୋଲିସ ଅଧିକାରୀ ମାଗିଲେ ଲାଞ୍ଚ

ମୃତଦେହ ବ୍ୟବଚ୍ଛେଦ ଲାଗି ପୋଲିସ ଅଧିକାରୀ ମାଗିଲେ ଲାଞ୍ଚ

ସଜନାଗଡ,୪।୮(ଡି.ଏନ୍‌.ଏ.): ବାଲେଶ୍ବର ଜିଲା ନୀଳଗିରି ଅଞ୍ଚଳରେ ମୃତଦେହ ପୋଷ୍ଟମୋଟମ କରାଇବାନେଇ ଜଣେ ପୋଲିସ ଅଧିକାରୀ ଲାଞ୍ଚ ମାଗିବା ଅଭିଯୋଗ ହୋଇଛି। ଏ ନେଇ ମୃତକଙ୍କ ପରିବାର ନୀଳଗିରି ଉପ ଜିଲାପାଳଙ୍କ ନିକଟରେ ଫେରାଦ ହୋଇଛନ୍ତି।

ବାସୁଦେବପୁରରେ ମା’ ଓ ଶିଶୁ ସ୍ବାସ୍ଥ୍ୟକେନ୍ଦ୍ର ଉଦ୍‌ଘାଟିତ

ବାସୁଦେବପୁରରେ ମା’ ଓ ଶିଶୁ ସ୍ବାସ୍ଥ୍ୟକେନ୍ଦ୍ର ଉଦ୍‌ଘାଟିତ

ବାସୁଦେବପୁର,୪।୮(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସରରେ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଶନିବାର ପୂର୍ବାହ୍ନରେ ମା’ ଓ ଶିଶୁ ସ୍ବାସ୍ଥ୍ୟକେନ୍ଦ୍ର ଉଦ୍‌ଘାଟିତ ହୋଇଯାଇଛି। ରାଜ୍ୟ ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ ମୁଖ୍ୟ ଅତିଥିଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ।

ବାର୍ଷିକ ଜ୍ଞାନ ବିଜ୍ଞାନ ମେଳା: ଛାତ୍ରୀଛାତ୍ରଙ୍କ ଦ୍ୱାରା ଶତାଧିକ ପ୍ରକଳ୍ପ ପଦର୍ଶିତ

ବାର୍ଷିକ ଜ୍ଞାନ ବିଜ୍ଞାନ ମେଳା: ଛାତ୍ରୀଛାତ୍ରଙ୍କ ଦ୍ୱାରା ଶତାଧିକ ପ୍ରକଳ୍ପ ପଦର୍ଶିତ

ଭଦ୍ରକ ଅଫିସ,୪।୮: ଶନିବାର ନୂଆ ବଜାରସ୍ଥିତ ମଞ୍ଜୁଳମଞ୍ଜୁରୀ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ବାର୍ଷିକ ଜ୍ଞାନବିଜ୍ଞାନ ମେଳା ଉଦ୍‌ଘାଟିତ ହୋଇଯାଇଛି।

ମାଗଣା ସ୍କୁଲ ବସ ଦାବିରେ ଛାତ୍ରୀଛାତ୍ରଙ୍କ ଦ୍ୱାରା ରାଜ୍ୟ ରାଜପଥ ଅବରୋଧ

ମାଗଣା ସ୍କୁଲ ବସ ଦାବିରେ ଛାତ୍ରୀଛାତ୍ରଙ୍କ ଦ୍ୱାରା ରାଜ୍ୟ ରାଜପଥ ଅବରୋଧ

ବଡ଼ବିଲ, ୪।୮(ସ୍ବ.ପ୍ର.): ସ୍କୁଲ ବସ ଦାବିରେ କେନ୍ଦୁଝର ଜିଲା ସେରେଣ୍ଡାସ୍ଥିତ ରାଜ୍ୟ ରାଜପଥକୁ ଶନିବାର ଛାତ୍ରୀଛାତ୍ରମାନେ ଅବରୋଧ କରିଛନ୍ତି।

ଅଶ୍ଳୀଳ ଭିଡ଼ିଓ ଭାଇରାଲ, ୩ ଗିରଫ

ଅଶ୍ଳୀଳ ଭିଡ଼ିଓ ଭାଇରାଲ, ୩ ଗିରଫ

ପାଟଣା/କେନ୍ଦୁଝର, ୪ା୮(ସ୍ବ.ପ୍ର.): କେନ୍ଦୁଝର ଜିଲା ତୁରୁମୁଙ୍ଗା ଥାନା ଡାବରଚୁଆ ଅଞ୍ଚଳର ଏକ ଜଙ୍ଗଲରେ କେତେକ ଯୁବକ ଜଣେ ଯୁବତୀ ଏବଂ ତାଙ୍କ ପୁରୁଷ ସାଙ୍ଗଙ୍କୁ ମାଡ଼ ମାରି ଅଶାଳୀନ ବ୍ୟବହାର କରିବା ଭିଡିଓ ଭାଇରାଲ ମାମଲାରେ ଶୁକ୍ରବାର ପୋଲିସ ଜଣେ ନାବାଳକଙ୍କୁ ଅଟକ ରଖିବା ସହ ୩ ଜଣଙ୍କୁ ଗିରଫ କରିଛି। ସେମାନେ ହେଲେ ନୂଆଗାଁର ହରିଶ ନାୟକ, ପ୍ରହ୍ଲଲାଦ ନାୟକ, ବଡ଼ପଶିର ପ୍ରତାପ ନାୟକ। ଉକ୍ତ ଘଟଣା ଗତ ଜୁଲାଇ ୧୪ ତାରିଖ ଘଟିଥିବା କୁହାଯାଉଛି। ପୋଲିସ ନିଜଆଡ଼ୁ ଏକ ମାମଲା (ନଂ. ୮୨/୧୮) ରୁଜୁ କରି ଘଟଣାର ତଦନ୍ତ କରିଛି।

ମିଳିଲାନି ଘର ଭଙ୍ଗା ସହାୟତା

ମିଳିଲାନି ଘର ଭଙ୍ଗା ସହାୟତା

ଢେଙ୍କିକୋଟ, ୪ା୮(ଡି.ଏନ୍‌.ଏ.): ଘଟଗାଁ ବ୍ଲକ ସାମନ୍ତରାପୁର ପଞ୍ଚାୟତ ୧୧ ନଂ ଓ୍ବାର୍ଡ଼ କୁଲାଡେରା ଗ୍ରାମରେ ଲଘୁଚାପ ଜନିତ ଲଗାଣ ବର୍ଷାରେ ଏକ ଜୁଆଙ୍ଗଙ୍କ ଘର ଭାଙ୍ଗି ଯାଇଥିଲା। ଉକ୍ତ ଜୁଆଙ୍ଗ ପରିବାର ସମ୍ପୂର୍ଣ୍ଣ ବେସାହାରା ହୋଇଯାଇଛି। ଅଦ୍ୟାବଧି ତାଙ୍କୁ ଘର ଭାଙ୍ଗା ସହାୟତା ମିଳି ନ ଥିବା ଅଭିଯୋଗ ହୋଇଛି। କୁଲାଡେରା ଗ୍ରାମର ସୁବର୍ଣ୍ଣ ଜୁଆଙ୍ଗ ଘର ଭାଙ୍ଗି ଯାଇଛି। ୨୦୧୨-୧୩ରେ ଇନ୍ଦିରା ଆବାସ ଘର ମିଳିଥିଲା। ଜଙ୍ଗଲରୁ କାଠ ଆଣି ଘର କାମ କରିଥିଲେ। ଅଧା ଟାଇଲ ମଧ୍ୟ ହୋଇଥିଲା। ଠିକାଦାର ଜଣଙ୍କ ମାଟି ଗାରାରେ କାନ୍ଥ ଯୋଡ଼େଇ କରୁଥିବାରୁ ବର୍ଷା ପାଣି ପାଇ ଭାଙ୍ଗି ଗଲା ବୋଲି ସୁବର୍ଣ୍ଣ କହିଛନ୍ତି। ଅସହାୟ ପରିବାରକୁ ନୂତନ ଘର ଯୋଗାଇ ଦେବା ପାଇଁ ସାନ୍ତରାପୁର ସରପଞ୍ଚ ଅନାଦି ସିଂହ ଦାବି କରିଛନ୍ତି। ଏବେ ବି ସୁବର୍ଣ୍ଣଙ୍କ ପରିବାରକୁ ପଲିଥିନ୍‌ ଖଣ୍ଡେ ଦିଆଯାଇ ନ ଥିବା ଜଣାଯାଇଛି।

ଅତିଷ୍ଠ କରୁଛି ଶବ୍ଦ ପ୍ରଦୂଷଣ

ଅତିଷ୍ଠ କରୁଛି ଶବ୍ଦ ପ୍ରଦୂଷଣ

ଯୋଡ଼ା, ୪।୮(ଡି.ଏନ.ଏ): କେନ୍ଦୁଝର ଜିଲା ଯୋଡ଼ା ପୌରପାଳିକାର ୧୧ ନଂ ୱାର୍ଡର ଅଞ୍ଚଳବାସୀ ପ୍ରଚଣ୍ଡ ଶବ୍ଦ ପଦୂଷଣରେ ଜୀବନ ବିତାଉଛନ୍ତି। ସେମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଯୋଡା ପୌରପାଳିକା କମାରଯୋଡାସ୍ଥିତ ପାତ୍ରସାହିର ଜନସାଧାରଣ ଏକ ଘରୋଇ କମ୍ପାନୀ କାରଖାନାରୁ ହେଉଥିବା ପ୍ରଚଣ୍ଡ ଶବ୍ଦ ପ୍ରଦୂଷଣରେ ରାତିରେ ଶୋଇ ପାରୁନାହାନ୍ତି।

ବିପଦସଙ୍କୁଳ ସ୍ଥିତିରେ ରାସ୍ତା ପାର୍‌ ହେଉଛନ୍ତି ଛାତ୍ରୀଛାତ୍ର

ବିପଦସଙ୍କୁଳ ସ୍ଥିତିରେ ରାସ୍ତା ପାର୍‌ ହେଉଛନ୍ତି ଛାତ୍ରୀଛାତ୍ର

ଭଣ୍ଡାରିପୋଖରୀ,୪।୮(ଡି.ଏନ.ଏ.)-ଭଦ୍ରକ ସହର ଉପକଣ୍ଠ ରାହଞ୍ଜ ନିକଟରେ ଟ୍ରକ ଚାପାରେ ୫ଜଣ ଛାତ୍ରୀଛାତ୍ର ମୃତ୍ୟୁବରଣ କରିିବା ସତ୍ତ୍ୱେ ଭଣ୍ଡାରିପୋଖରୀ ଅଞ୍ଚଳରେ ରାସ୍ତାପାର୍ଶ୍ୱ ଶିକ୍ଷାନୁଷ୍ଠାନର ସୁରକ୍ଷା ଲାଗି ଏଯାଏ କୌଣସି ପଦକ୍ଷେପ ନିଆଯାଇ ନାହିଁ ା ସ୍ଥାନୀୟ ବ୍ଲକର ଆଖୁଆପଦାଠାରୁ ଚିଙ୍ଗୁଡିପୁର ପର୍ଯ୍ୟନ୍ତ ୧୬ନମ୍ବର ଜାତୀୟ ରାଜପଥ ପାର୍ଶ୍ୱରେ ଦୁଇଟି କଲେଜ ସମେତ ପ୍ରାୟ ୧୫ଟି ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ରହିଛି। ଛାତ୍ରୀଛାତ୍ର ବିପଦସଙ୍କୁଳ ଅବସ୍ଥାରେ ଦୈନନ୍ଦିନ ରାଜପଥ ପାର୍‌ ହୋଇ ଯାତାୟାତ କରୁଛନ୍ତି। କେତେକ ସ୍ଥାନରେ ଶିକ୍ଷକମାନେ ପିଲାଙ୍କୁ ରାସ୍ତା ପାର୍‌ କରାଉଛନ୍ତି। ଭଣ୍ଡାରିପୋଖରୀ ବ୍ଲକ ଦେଇ ଯାଇଥିବା ରାଜପଥ ପାର୍ଶ୍ୱରେ ଦୁଇଟି କଲେଜ ସମେତ ପ୍ରାୟ ୧୫ଟି ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ରହିଛି।

ଦିନକର କାହାଣୀ:ଯୌଥ ପରିବାର ଦେଇଛି ପ୍ରେରଣା

ଦିନକର କାହାଣୀ:ଯୌଥ ପରିବାର ଦେଇଛି ପ୍ରେରଣା

ଆରଡି, ୪।୮(ଡି.ଏନ.ଏ.)-ଯୌଥ ପରିବାରରେ ଦୁଃଖସୁଖ ବାଣ୍ଟି ମିଳିମିଶିି ଚଳିବାରେ ଆନନ୍ଦ ନିଆରା। ଆଜିକାଲି ପୂର୍ବଭଳି ଆଉ ଯୌଥ ପରିବାର ଦେଖିବାକୁ ମିଳୁନାହିଁ। ଦୂରଦୂରାନ୍ତରରେ ରହି କାମଧନ୍ଦା କରିବା, ବୁଝାମଣା ଅଭାବ ଓ ସ୍ବାର୍ଥପର ମନୋଭାବ କାରଣରୁ ଯୌଥ ପରିବାର କ୍ରମେ ଭାଙ୍ଗି ଛୋଟ ପରିବାର ଗଢ଼ି ଉଠୁଛି।

ଧାମନଗର ଡବଲ ମର୍ଡର ଓ ବଳାତ୍କାର ଘଟଣା: କୋର୍ଟରେ ଦୋଷ ମାନିଲେନି ଗୋପୀନାଥ

ଧାମନଗର ଡବଲ ମର୍ଡର ଓ ବଳାତ୍କାର ଘଟଣା: କୋର୍ଟରେ ଦୋଷ ମାନିଲେନି ଗୋପୀନାଥ

ଭଦ୍ରକ ଅଫିସ,୪।୮-ଭଦ୍ରକ ଜିଲା ଧାମନଗର ଥାନା ଅଧୀନ ତାଳସିଠା ଗ୍ରାମରେ ଡବଲ ମର୍ଡର ଓ ବଳାତ୍କାର ଘଟଣାର ଅଭିଯୁକ୍ତ ଗୋପୀନାଥ ମହାନ୍ତିଙ୍କୁ ଶୁକ୍ରବାର ଅତିରିକ୍ତ ଜିଲାଜଜ୍‌ ତଥା ଶିଶୁ ଯୌନ ନିର୍ଯାତନା ନିରୋଧ ସ୍ବତନ୍ତ୍ର କୋର୍ଟରେ ହାଜର କରାଯାଇଥିଲା। ମାଜିଷ୍ଟ୍ରେଟଙ୍କ ସାମ୍ନାରେ ଅଭିଯୁକ୍ତ ପୂର୍ବ ବୟାନ ବଦଳାଇ ଦୋଷ ମାନି ନ ଥିଲେ। ପୂର୍ବରୁ ଗଣମାଧ୍ୟମ ଓ ଥାନାରେ ଗୋପୀନାଥ ଦେଇଥିବା ବୟାନ ଓ ତାଙ୍କ ସ୍ବୀକାରୋକ୍ତିକୁ କୋର୍ଟରେ ରେକର୍ଡ ଭାବେ ଗ୍ରହଣ କରିବା ସକାଶେ ଧାମନଗର ପୋଲିସ କରିଥିବା ଆବେଦନ ଏଥିଲାଗି ଫସର ଫାଟିଛି।

‘ପ୍ଲାଷ୍ଟିକ ହଟାଅ ପରିବେଶ ବଞ୍ଚାଅ’

‘ପ୍ଲାଷ୍ଟିକ ହଟାଅ ପରିବେଶ ବଞ୍ଚାଅ’

ଭଣ୍ଡାରିପୋଖରୀ,୪।୮(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଆଖୁଆପଦା ଉନ୍ନୀତ ଉ.ପ୍ରା. ବିଦ୍ୟାଳୟଠାରେ ଶୁକ୍ରବାର ବିଶ୍ୱ ବନ୍ଧୁତା ଦିବସ ଉପଲକ୍ଷେ ‘ପ୍ଲାଷ୍ଟିକ ହଟାଅ ପରିବେଶ ବଞ୍ଚାଅ’ ଶୀର୍ଷକ ବିଜ୍ଞାନଭିତ୍ତିକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ପୁରୁଷୋତ୍ତମ ଧଳ ଅଧ୍ୟକ୍ଷତା କରିଥିଲେ। ମୁଖ୍ୟଅତିଥି ଭାବେ ସ୍ତମ୍ଭକାର କାର୍ତ୍ତିକ ଚନ୍ଦ୍ର ସ୍ବାଇଁ ଏବଂ ଅନ୍ୟତମ ଅତିଥି ଭାବେ ବିଦ୍ୟାଳୟ ପରିଚାଳନା କମିଟି ସଭାପତି ଜଗବନ୍ଧୁ ମହାପାତ୍ର, ବିଭୁତି ଭୂଷଣ ମହାନ୍ତି, ଧନେଶ୍ୱର ସାହୁ, ମଧୁସ୍ମିତା ପରିଡ଼ା, ଲକ୍ଷ୍ମୀପ୍ରିୟା ଶତପଥୀ, ଅମିତା ଜେନା, ଗାୟତ୍ରୀ ସାହୁ ପ୍ରମୁଖ ଯୋଗ ଦେଇଥିଲେ।

ରହଣିଆରେ ବୋଟିଂ ସୁବିଧା, ଜମୁଛି ଭିଡ଼

ରହଣିଆରେ ବୋଟିଂ ସୁବିଧା, ଜମୁଛି ଭିଡ଼

ଭଦ୍ରକ ଅଫିସ,୪।୮-ଭଦ୍ରକ ପୌରାଞ୍ଚଳର ୨ନମ୍ବର ୱାର୍ଡ଼ର ଚରମ୍ପା ରହଣିଆଠାରେ ଅମୃତ ଯୋଜନାରେ ନିର୍ମିତ ହୋଇଥିବା ପାର୍କ ଓ ବୋଟିଂ କ୍ଲବରେ ସନ୍ଧ୍ୟା ହେଲେ ଭିଡ଼ ଜମୁଛି। ଲୋକେ ସେଠାକୁ ଯାଇ ବୋଟିଂର ମଜା ଉଠାଉଛନ୍ତି। ଚରମ୍ପା ଓ ଆଖପାଖ ଅଞ୍ଚଳର ଲୋକଙ୍କ ଅଧିକ ଭିଡ଼ ଜମୁଛି। ପିଲାମାନେ ପାର୍କରେ ବୁଲି ମଜା ଉଠାଉଛନ୍ତି। ଏହି ପାର୍କ ଓ ବୋଟିଂ କ୍ଲବ ହେବା ପରେ ସହରବାସୀଙ୍କ ଦୀର୍ଘ ଦିନର ଦାବି ପୂରଣ ହୋଇଛି।

ଝାଡାବାନ୍ତିରେ ୬ ଆକ୍ରାନ୍ତ

କୁଳିଅଣା,୪ା୮(ଡି.ଏନ୍‌.ଏ.): କୁଳିଅଣା ବ୍ଲକରେ ଝାଡାବାନ୍ତି ବ୍ୟାପି ଗତ ୩୧ ତାରିଖରେ ଜଣଙ୍କର ମୃତ୍ୟୁ ହୋଇଥିବା ବେଳେ ୬ ଜଣ ଆକ୍ରାନ୍ତ ହୋଇଛନ୍ତି। ବ୍ଲକ ଅଧୀନ ଗାଙ୍ଗରାଜ ପଞ୍ଚାୟତ ଡାହିସାହି, ସାନଜୁଣବଣୀ ଓ ଗାଙ୍ଗରାଜ ଗ୍ରାମରେ କିଛି ଦିନ ହେବ ଝାଡାବାନ୍ତି ବ୍ୟାପିଥିବା ବେଳେ ଏହାର ପ୍ରତିକାର ବ୍ୟବସ୍ଥା ଗ୍ରହଣ କରାଯାଉ ନ ଥିବାରୁ ଅସନ୍ତୋଷ ଦେଖାଦେଇଛି।

ଜନନେତାଙ୍କ ବିରୋଧରେ ହତ୍ୟା ଧମକ ଅଭିଯୋଗ

ଜନନେତାଙ୍କ ବିରୋଧରେ ହତ୍ୟା ଧମକ ଅଭିଯୋଗ

ବାରିପଦା ଅଫିସ,୪।୮- ମୟୂରଭଞ୍ଜ ଜିଲା ଶାମାଖୁଣ୍ଟା ବ୍ଲକକୁ କେତେକ ଅସହାୟ, ବୃଦ୍ଧା ଓ ବିଧବା ମହିଳାଙ୍କ ସମସ୍ୟା ନେଇ ଯାଇଥିବା ୪୯ ନଂ ଜୋନର ଜିଲା ପରିଷଦ ସଭ୍ୟା ଗୀତା ହେମ୍ବ୍ରମଙ୍କୁ ଜିଲାର ଜଣେ ଲୋକ ପ୍ରତିନିଧି ଓ ତାଙ୍କ ସମର୍ଥକମାନେ ବିରୋଧ କରି ଗାଳିିଗୁଲଜ କରିବା ସାଙ୍ଗକୁ ଧକ୍କା ମାରି ହତ୍ୟା ଧମକ ଦେଇଥିବା ସେ ଅଭିଯୋଗ କରିଛନ୍ତି। ଏନେଇ ସେ ବାରିପଦା ସଦର ଥାନାରେ ଲିଖିତ ଅଭିଯୋଗ କରିଛନ୍ତି। ଏହି ଘଟଣା ସାଧାରଣରେ ଚର୍ଚ୍ଚାର ବିଷୟ ହୋଇଛି। ପୋଲିସରେ ହୋଇଥିବା ଅଭିଯୋଗ ସମ୍ପର୍କରେ ସଦର ଥାନା ଅଧିକାରୀ ସ୍ବର୍ଣ୍ଣଲତା ମିଞ୍ଜଙ୍କୁ ପଚାରିବାରୁ ସେ କହିଛନ୍ତି, ଜିଲା ପରିଷଦ ସଭ୍ୟା ହେମ୍ବ୍ରମଙ୍କ ଲିଖିତ ଅଭିଯୋଗ ମିଳିଛି। ଘଟଣାର ପ୍ରାଥମିକ ତଦନ୍ତ କରାଯାଉଛି। ତଦନ୍ତ ପରେ ମାମଲା ରୁଜୁ କରାଯିବ ବୋଲି ସେ କହିଛନ୍ତିି।

ବଳାତ୍କାରୀଙ୍କୁୁ ୭ ବର୍ଷ ଜେଲ

ବାରିପଦା ଅଫିସ,୪।୮- ମୟୂରଭଞ୍ଜ ଅତିରିକ୍ତ ଜିଲା ଦୌରାଜଜ ସମର ବିଲାସ ବେହେରା(୧) ଏକ ନାବଳିକା ବଳାତ୍କାର ମାମଲାର ବିଚାର କରି ଅଭିଯୁକ୍ତଙ୍କୁ ୭ ବର୍ଷ ସଶ୍ରମ କରାଦଣ୍ଡରେ ଦଣ୍ଡିତ କରିବା ସହ ୧୫ହଜାର ଟଙ୍କା ଜରିମାନା ଆଦେଶ କରିଛନ୍ତି। ଜରିମାନା ଟଙ୍କା ଅନାଦେୟ ହେଲେ ଅଧିକ ୬ ମାସ ଜେଲ ଦଣ୍ଡ ଭୋଗିବାକୁ ପଡ଼ିବ ବୋଲି ରାୟରେ ଉଲ୍ଲେଖ କରଛନ୍ତି।

ବନ୍ଧୁତା ଦିବସ ପାଇଁ  ବଢୁଛି ଉତ୍ସାହ

ବନ୍ଧୁତା ଦିବସ ପାଇଁ ବଢୁଛି ଉତ୍ସାହ

ବାରିପଦା ଅଫିସ,୪।୮- ଯାହା ସହିତ ରକ୍ତର ସମ୍ପର୍କ ନ ଥାଏ ସତ। ହେଲେ ସମ୍ପର୍କ ଥାଏ ମନର ଆଉ ହୃଦୟର। ଯିଏ ବିପଦ ଆପଦରେ ପାଖେ ପାଖେ ଛିଡା ହୂଏ, ଆଶ୍ୱାସନା ଦିଏ ଓ ଠିକ ବାଟ ଦେଖାଏ। ଯାହା ହାତରେ ହାତ ରଖି ନିର୍ଭୟରେ ଚାଲିହୁଏ। ଯାହା କାନ୍ଧରେ କାନ୍ଧ ମିଶାଇ ଆଗକୁ ଯାଇ ହୁଏ। ସିଏ ହିଁ ପ୍ରକୃତ ବନ୍ଧୁ। ସାଙ୍ଗ, ସାଥି, ସଖା, ମିତ୍ର ଭାବେ ସବୁବେଳେ ହୃଦୟର ପାଖେ ପାଖେ ନିଜର ମଣିସ ଟିଏ ହେଉଛି ବନ୍ଧୁ। ମନ ଖୋଲା ଗପିବାକୁ କି ମନ ଖୋଲା ହସିବାକୁ ପାଖରେ ଲୋହୁଏ ବନ୍ଧୁଟିଏ। ବନ୍ଧୁ ବିନା ଜୀବନ ଖାଖାଁ ଲାଗେ। ବନ୍ଧୁତ୍ୱର ଏହି ପବିତ୍ର ସମ୍ପର୍କକୁ ଆଉ ଟିକେ ମଜଭୁତ କରିବା ଲାଗି ଅଗଷ୍ଟ ମାସ ପ୍ରଥମ ରବିବାରକୁ ବନ୍ଧୁତ୍ୱ ଦିବସ ଭାବେ ପାଳନ କରାଯାଉଛି।

ପୋଷ୍ୟ କନ୍ୟା ଗ୍ରହଣ କଲେ ତାମିଲନାଡୁ ଦମ୍ପତି

ପୋଷ୍ୟ କନ୍ୟା ଗ୍ରହଣ କଲେ ତାମିଲନାଡୁ ଦମ୍ପତି

ବାଲେଶ୍ୱର ଅଫିସ, ୪।୮-ବାଲେଶ୍ୱର ବାଳାଶ୍ରମରେ ଶୁକ୍ରବାର ଏକ ୬ମାସର ଶିଶୁ କନ୍ୟାକୁ ତାମିଲନାଡୁ ରାଜ୍ୟ କୋଏମ୍ବାଟୁର ଅଞ୍ଚଳର ଏକ ଦମ୍ପତି ଆପଣେଇଛନ୍ତି। ଗତ ୨୦୧୭ ଡିସେମ୍ବର ୨୪ ତାରିଖରେ ନୀଳଗିର-ମିତ୍ରପୁର ରାସ୍ତାର ଚଣ୍ଡିପୁର ଅଞ୍ଚଳର ରାସ୍ତା ପାର୍ଶ୍ୱରୁ ଚାଇଲ୍ଡ ହେଲ୍ପଲାଇନ୍‌ ଦ୍ୱାରା ଉଦ୍ଧାର କରାଯାଇଥିବା ଶିଶୁକନ୍ୟାକୁ ଜିଲା ଶିଶୁ ମଙ୍ଗଳ କମିଟିର ନିର୍ଦ୍ଦେଶରେ କୁରୁଡ଼ାସ୍ଥିତ ନିର୍ମଳା ଶିଶୁ ଭବନରେ ରଖାଯାଇଥିଲା। ୧୯ବର୍ଷ ତଳେ ବିବାହ କରି କୌଣସି ସନ୍ତାନସନ୍ତତି ନ ହେବାରୁ ତାମିଲନାଡୁ ରାଜ୍ୟର କୋଏମ୍ବାଟୁର ଅଞ୍ଚଳର ବି. ସୁବ୍ରମଣ୍ୟମ ଏବଂ ପନତ୍ୀ ଏସ୍‌. ମହାଲକ୍ଷ୍ମୀ ଅନ୍‌ଲାଇନ୍‌ରେ ଏକ ପୋଷ୍ୟସନ୍ତାନ ପାଇଁ ଆବେଦନ କରିଥିଲେ।