ବାଲେଶ୍ୱର

ଚରମ୍ପା କଲେଜରେ ନିର୍ବାଚନୀ ହିଂସା  ଆକ୍ରମଣରେ ସଂଜ୍ଞାହୀନ ହେଲେ ଛାତ୍ରୀ

ଚରମ୍ପା କଲେଜରେ ନିର୍ବାଚନୀ ହିଂସା ଆକ୍ରମଣରେ ସଂଜ୍ଞାହୀନ ହେଲେ ଛାତ୍ରୀ

ଭଦ୍ରକ ଅଫିସ, ୭ା୧୦- ଭଦ୍ରକ ଚରମ୍ପା ମହାବିଦ୍ୟାଳୟ କ୍ୟାମ୍ପସରେ ଶନିବାର ମଧ୍ୟାହ୍ନରେ ଛାତ୍ର ସଙ୍ଗଠନ ନେତୃତ୍ୱ ନେଉଥିବା ଜଣେ ଛାତ୍ରୀଙ୍କୁ କେତେକ ଅଣଛାତ୍ର ଓ ଛାତ୍ରୀ ଆକ୍ରମଣ କରିବା ଘଟଣା ନେଇ ତୀବ୍ର ଉତ୍ତେଜନା ପ୍ରକାଶ ପାଇଛି। ଏନେଇ ପରିବେଶ ଅଶାନ୍ତ ହୋଇଉଠିଛି। ଛାତ୍ରସଂସଦ ନିର୍ବାଚନ ପାଇଁ ପୋଲିସ ମୁତୟନ ଥିବାବେଳେ ଛାତ୍ରୀଙ୍କ  ଉପରେ ଆକ୍ରମଣ ଘଟଣାକୁ ନିନ୍ଦା କରି ଅନ୍ୟ ଛାତ୍ରୀଛାତ୍ରମାନେ ସମର୍ଥକମାନେ ଅଧ୍ୟକ୍ଷକଙ୍କ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ସେମାନେ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ଧାରଣା ଦେଇଥିଲେ।

ବାନ୍ଧବୀଙ୍କୁ ଭେଟିବା ଲାଗି ଟ୍ରେନରୁ ଡେଇଁଲେ ଛାତ୍ର

ଭଦ୍ରକ ଅଫିସ, ୭ା୧୦- ବାନ୍ଧବୀଙ୍କୁ ଦେଖା କରିବା ଆବେଗ ଜଣେ ଇଞ୍ଜିନିୟରିଂ ଛାତ୍ରଙ୍କ ପାଇଁ ମହଙ୍ଗା ପଡ଼ିଛି। ଶନିବାର ଭଦ୍ରକ ଷ୍ଟେଶନ ଅତିକ୍ରମ କରୁଥିବା କଲିକତା-ପ୍ରଶାନ୍ତି ହାୱଡା ଏକ୍ସପ୍ରେସରୁ ତଳକୁ ଡେଇଁ ପଡିବାରୁ ଏହି ଛାତ୍ର ଗୁରୁତର ଆହତ ହୋଇଛନ୍ତି। ତାଙ୍କୁ ସଂଜ୍ଞାହୀନ ଅବସ୍ଥାରେ ଭଦ୍ରକ ଜିଲା ହସ୍ପିଟାଲରେ ଭର୍ତ୍ତି କରାଯାଇଛି। ଷ୍ଟେଶନର ୩ ନମ୍ବର ପ୍ଲାଟଫର୍ମରେ ଏଭଳିି ଏକ  ଦୁର୍ଘଟଣା ଘଟିଛି।  

ଜଳିଗଲା ୧୫ ବଖରା

ଜଳିଗଲା ୧୫ ବଖରା

ପଦ୍ମପୁର,୭ା୧୦(ଡି.ଏନ.ଏ.)- ଭଦ୍ରକ ବ୍ଲକ ଅଧୀନ ସାବରଙ୍ଗ ପଞ୍ଚାୟତର ସାନଗୋପାଳ ସାହିରେ ଶୁକ୍ରବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୧୫ ବଖରା ଘର ଜଳିଯାଇଛି। ଏଥିରେ ୬ ପରିବାର ବିପନ୍ନ ହୋଇ ଏବେ   ଖୋଲାଆକାଶ ତଳେ  ପଡି ରହିଛନ୍ତି। ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇ ନାହିଁ ା ନିଦରେ ସମସ୍ତେ ଶୋଇଥିବା ବେଳେ ରାତି ପ୍ରାୟ ସାଢେ ୧୨ଟା ସମୟରେ ଅଗ୍ନିକାଣ୍ଡ  ଘଟି ପରିସ୍ଥିତି ଅଣାୟତ ହୋଇ ପଢିଥିଲା।  ଖବର ପାଇ ଭଦ୍ରକରୁ  ଦମକଳ ବାହିନୀ ଆସି  ପହଞ୍ଚିଥିଲା। ସେତେବେଳକୁ ଗ୍ରାମର ନରହରି ବାରିକ, ଅନାଦି ବାରିକ, ଅଜୟ ବାରିକ, ଗୋବିନ୍ଦ ବାରିକ, ଗଣେଶ ବାରିକ, ଇନ୍ଦ୍ରମଣି ମହାକୁଡଙ୍କର ୧୫ ବଖରା ଘର ସମ୍ପୂର୍ଣ୍ଣ ଜଳିଯାଇଥିଲା। ଏଥିରେ ସମସ୍ତ ଆସବାବ ପତ୍ର ସମେତ ନଗଦ ୫୦ ହଜାର ଟଙ୍କା, ସୁନାଗହଣା ଓ  ଧାନଚାଉଳ ପୋଡି ଯାଇଛି। କ୍ଷୟକ୍ଷତିର ପରିମାଣ ୧୫ ଲକ୍ଷ ଟଙ୍କାରୁ ଉର୍ଦ୍ଧ୍ୱ ଟଙ୍କା ହେବ ବୋଲି କୁହାଯାଉଛି।  

ବାନ୍ଧବୀଙ୍କୁ ଭେଟିବା ଲାଗି  ଟ୍ରେନରୁ ଡେଇଁଲେ ଛାତ୍ର

ବାନ୍ଧବୀଙ୍କୁ ଭେଟିବା ଲାଗି ଟ୍ରେନରୁ ଡେଇଁଲେ ଛାତ୍ର

ଭଦ୍ରକ ଅଫିସ, ୭ା୧୦- ବାନ୍ଧବୀଙ୍କୁ ଦେଖା କରିବା ଆବେଗ ଜଣେ ଇଞ୍ଜିନିୟରିଂ ଛାତ୍ରଙ୍କ ପାଇଁ ମହଙ୍ଗା ପଡ଼ିଛି। ଶନିବାର ଭଦ୍ରକ ଷ୍ଟେଶନ ଅତିକ୍ରମ କରୁଥିବା କଲିକତା-ପ୍ରଶାନ୍ତି ହାୱଡା ଏକ୍ସପ୍ରେସରୁ ତଳକୁ ଡେଇଁ ପଡିବାରୁ ଏହି ଛାତ୍ର ଗୁରୁତର ଆହତ ହୋଇଛନ୍ତି। ତାଙ୍କୁ ସଂଜ୍ଞାହୀନ ଅବସ୍ଥାରେ ଭଦ୍ରକ ଜିଲା ହସ୍ପିଟାଲରେ ଭର୍ତ୍ତି କରାଯାଇଛି। ଷ୍ଟେଶନର ୩ ନମ୍ବର ପ୍ଲାଟଫର୍ମରେ ଏଭଳିି ଏକ  ଦୁର୍ଘଟଣା ଘଟିଛି।  

କେନ୍ଦ୍ରକୁ ଟାର୍ଗଟେ କଲେ ବିଜେଡି ନେତ୍ରୀ

କେନ୍ଦ୍ରକୁ ଟାର୍ଗଟେ କଲେ ବିଜେଡି ନେତ୍ରୀ

ଧାମନଗର,୭।୧୦ (ଡି.ଏନ.ଏ.)- ଧାମନଗର  ବ୍ଲକ ଧୂଷୁରୀ ବାସନ୍ତି ପଡିଆରେ ଧାମନଗର ନିର୍ବାଚନ ମଣ୍ଡଳୀ ବିଜେଡି ମହିଳା ସମାବେଶରେ ୧୫ ହଜାର ସଂଖ୍ୟକ ମହିଳାଙ୍କ ସମାବେଶକୁ ନେଇ ବିଜେଡି ଉତ୍‌ଫୁଲିତ ହୋଇଛି। ଗତ ପଞ୍ଚାୟତ ନିର୍ବାଚନ ପରେ  ଏବଂ ଆଗାମୀ ୨୦୧୯ ସାଧାରଣ ନିର୍ବାଚନ ପାଇଁ  ବିଜେଡି ତାର ଶକ୍ତି ପରୀକ୍ଷଣ ଦେଖାଇଥିବା କୁହାଯାଉଛି। ରାଜ୍ୟ, ଜିଲା ଏବଂ ବ୍ଲକ ନେତ୍ରୀମାନେ ବିଶେଷ କରି କେନ୍ଦ୍ରର ଭାଜପା ସରକାରଙ୍କୁ ଟାର୍ଗେଟ କରିଥିଲେ। କଳାଟଙ୍କା ଫେରାଇବା, ପ୍ରତ୍ୟେକ ଆକାଉଣ୍ଟରେ ୧୫ ଲକ୍ଷ  ଜମା, ତୈଳ ଦର ବୃଦ୍ଧିରେ ହନ୍ତସନ୍ତ ହେଉଥିବା ପରିବାର ଆଦି ଉପସ୍ଥାପନା କରିଥିବାବେଳେ ନବୀନ ସରକାର ପ୍ରକୃତ ପକ୍ଷେ ମହିଳାଙ୍କୁ ଉପଯୁକ୍ତ ସମ୍ମାନ, ଏସଏସଜି ଦ୍ୱାରା ମହିଳାଙ୍କୁ ସ୍ବାବଲମ୍ବୀ କରାଇବା ପରି କାର୍ଯ୍ୟଯୋଗୁ ମହିଳାମାନେ ନବୀନ ସରକାଙ୍କ ପଛରେ ଥିବା ନେଇ କହିଥିଲେ।

ଉନ୍ନୟନ ସଂଘର୍ଷ ସମିତି ଟି-ଶାର୍ଟ ବାଣ୍ଟିଲା

ଭଦ୍ରକ ଅଫିସ, ୭ା୧୦- ଭଦ୍ରକରେ ସରକାରୀ ମେଡିକାଲ କଲେଜ ଓ ହସ୍ପିଟାଲ ପ୍ରତିଷ୍ଠା ପାଇଁ ଜିଲା ଉନ୍ନୟନ ସଂଘର୍ଷ ସମିତି ପକ୍ଷରୁ ଶନିବାର ବନ୍ତ ଛକଠାରେ ଜିଲା ଉନ୍ନୟନ ସଂଘର୍ଷ ସମିତି ଷ୍ଟାମ୍ପ ଓ ଲୋଗୋ ଥାଇ ଟି-ସାର୍ଟ ବଣ୍ଟନ କରାଯାଇଛି। ଭଦ୍ରକରେ ସରକାରୀ ମେଡିକାଲ କଲେଜ ଓ ହସ୍ପିଟାଲ ପ୍ରତିଷ୍ଠା ପାଇଁ ଆନ୍ଦୋଳନକୁ ତୀବ୍ରତର କରିବା ପାଇଁ ଲୋକଙ୍କୁ ସଚେତନ କରିବା ଉଦ୍ଦେଶ୍ୟରେ ଏହି ପ୍ରିଣ୍ଟେଡ  ଟି-ସାର୍ଟ ଲୋକଙ୍କୁ ବଣ୍ଟନ କରାଯାଇଛି।  ଏହି କାର୍ଯ୍ୟକ୍ରମକୁ ସଂଘର୍ଷ ସମିତିର ଅନ୍ୟତମ ଆବାହକ ଆଇନଜୀବୀ ତଥା ଶ୍ରମିକ ନେତା ଦିବ୍ୟସିଂହ ନାୟକ ଉନ୍ମୋଚନ କରିବା ସହ  ଉପସ୍ଥିତ ଥିବା ରିକ୍ସା ଓ ଟ୍ରଲି ଚାଳକ ତଥା  ସାଧାରଣ  ଗରିବ ଲୋକଙ୍କୁ ବଣ୍ଟନ କରାଯାଇଥିଲା। ସଂଘର୍ଷ ସମିତିର  ନେତୃମଣ୍ଡଳୀ ଏହାକୁ ପରିଧାନ କରି ସହର ପରିକ୍ରମା କରିଥିଲେ। 

ସୋନ ନଦୀ ବାଲି ଘାଟ ଅନିର୍ଦ୍ଦିଷ୍ଟ କାଳ  ବନ୍ଦ

ସୋନ ନଦୀ ବାଲି ଘାଟ ଅନିର୍ଦ୍ଦିଷ୍ଟ କାଳ ବନ୍ଦ

ଉଦଳା,୭।୧୦ (ଡି.ଏନ.ଏ.) - ଉଦଳା ବ୍ଲକ ଅଧୀନ ରାଜସ୍ବ ଗ୍ରାମ ବୈରାଟପୁର ପାର୍ଶ୍ୱରେ ଥିବା ସୋନ ନଦୀରୁ  ଦୈନନ୍ଦିନ ବେଆଇନ ଭାବେ ଜେସିବି ମେଶିନ୍‌ ଲଗାଇ ବାଲି ଖନନ କରାଯାଉଥିବା ଅଭିଯୋଗ ହେଉଛି। ଏନେଇ ବୈରାଟପୁର ଗ୍ରାମବାସୀ ଜିଲାପାଳଙ୍କୁ  ଲିଖିତ ଅଭିଯୋଗ  କରିବା ପରେ ଘଟଣାର ତଦନ୍ତ ପାଇଁ ଶନିବାର ଉଦଳା ଉପଜିଲାପାଳ ଭଗବାନ ବେହେରା, ତହସିଲଦାର ରାଜେନ୍ଦ୍ର ନାରାୟଣ କର ଘଟଣାସ୍ଥଳ ପରିଦର୍ଶନ କରିଛନ୍ତି। ଗ୍ରାମବାସୀଙ୍କ ଅଭିଯୋଗକ୍ରମେ ଉକ୍ତ ବାଲିଘାଟକୁ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ କରାଯାଇଥିବା ଉପଜିଲାପାଳ କହିଛନ୍ତି। ଘଟଣାର ତଦନ୍ତ ପରେ ବେଆଇନ ବାଲି ଉତ୍ତୋଳନ ପ୍ରମାଣିତ ହେଲେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି। 

ବିଜେଡି ଛାଡିଲେ ପୂର୍ବତନ ଏମପି ଲକ୍ଷ୍ମଣ ଟୁଡୁ

ବିଜେଡି ଛାଡିଲେ ପୂର୍ବତନ ଏମପି ଲକ୍ଷ୍ମଣ ଟୁଡୁ

ବାରିପଦା ଅଫିସ,୭।୧୦-  ମୟୂରଭଞ୍ଜର ପୂର୍ବତନ ଲୋକସଭା  ସଦସ୍ୟ ଲକ୍ଷ୍ମଣ ଟୁଡୁ ଶନିବାର ଇସ୍ତଫା ଦେଇଛନ୍ତି। ଦଳ ଛାଡିବା କାରଣ ସମ୍ପର୍କରେ ସେ କିଛି ସ୍ପଷ୍ଟ କରିନାହାନ୍ତି।  ଶନିବାର ଡାକ ଯୋଗେ ତାଙ୍କ ଇସ୍ତଫାପତ୍ର ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ  ନିକଟକୁ ପଠାଇଥିବା କହିଛନ୍ତି।   
 ଲକ୍ଷ୍ମଣ ୨୦୦୯ରେ ମୟୂରଭଞ୍ଜ ଲୋକସଭା ଆସନରୁ ବିଜେଡି ଏମ୍‌ପି ଭାବେ ବିଜୟୀ ହୋଇଥିଲେ ।  ୨୦୧୪ରେ ହୋଇଥିବା ନିର୍ବାଚନରେ ଦଳ ତାଙ୍କୁ ଟିକେଟ ଦେଇ ନ ଥିଲା। ସେହିପରି  ୧୯୯୪ରୁ ୧୯୯୭  ପର୍ଯ୍ୟନ୍ତ ସେ  ରାଜ୍ୟ ଯୁବ ଜନତା ଦଳର ଉପସଭାପତି ଥିଲେ।  ୧୯୯୮ରୁ ୨୦୦୬  ପର୍ଯ୍ୟନ୍ତ   ରାଜ୍ୟ ବିଜୁ ଯୁବ ଜନତା ଦଳର  ଉପସଭାପତି ଏବଂ ୨୦୦୬ରୁ ୨୦୦୯  ଯାଏ ରାଜ୍ୟ ବିଜୁ ଜନତା ଦଳର ସାଧାରଣ ସମ୍ପାଦକ ଦାୟିତ୍ୱରେ ରହିଥିଲେ।

ଶିକ୍ଷକଙ୍କ ମାଡ଼ରେ ଛାତ୍ର  ଆହତ

ଶିକ୍ଷକଙ୍କ ମାଡ଼ରେ ଛାତ୍ର ଆହତ

ଉଦଳା,୭।୧୦ (ଡି.ଏନ.ଏ.)- ପ୍ରଧାନଶିକ୍ଷକ ବସିଥିବା ଚେୟାରରେ ଗୋଡ ବାଜିଯିବାରୁ  ଜଣେ    ପ୍ରଥମ ଶ୍ରେଣୀ ଛାତ୍ରଙ୍କୁ ମାଡ ମରାଯିବାରୁ ସେ ଆହତ ହୋଇଛନ୍ତି। ଏନେଇ   ମୟୂରଭଞ୍ଜ ଜିଲା ଉଦଳା ବ୍ଲକ ବିଇଓଙ୍କ ନିକଟରେ ଅଭିଯୋଗ ହୋଇଛି। ଆହତ ଛାତ୍ରଙ୍କୁ ଶ୍ରୀଦାମଚନ୍ଦ୍ରପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି। ଏହାର ତଦନ୍ତ କରାଯାଇ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଇଓ କହିଛନ୍ତି। ଏହି ଛାତ୍ରଙ୍କୁ ଶିକ୍ଷାନୁଷ୍ଠାନରେ ମାଡ ମରାଯିବା ଘଟଣା ପ୍ରଚାରିତ ହେବା ପରେ ଉତ୍ତେଜନା ପ୍ରକାଶ ପାଇଥିଲା। ଅଭିଭାବକ ସମ୍ପୃକ୍ତ ଶିକ୍ଷକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି  ଉଦଳା ଥାନାରେ ଅଭିଯୋଗ କରିଛନ୍ତି। ଏନେଇ ଉଦଳା ଥାନାରେ  ଏକ ମାମଲା (ନଂ ୧୪୬/୧୮) ରୁଜୁ ହୋଇଛି।  ଏଭଳି ଘଟଣା ଘଟିଛି ଉଦଳା ବ୍ଲକ ମାଟିହୁଡି ପ୍ରାଥମିକ ବିଦ୍ୟାଳୟରେ ା 

ବରିଷ୍ଠ ନାଗରିକଙ୍କ ତୀର୍ଥଯାତ୍ରା ଆରମ୍ଭ  ସାମିଲ ହେଲେ ୨୭୧ ଜଣ

ବରିଷ୍ଠ ନାଗରିକଙ୍କ ତୀର୍ଥଯାତ୍ରା ଆରମ୍ଭ ସାମିଲ ହେଲେ ୨୭୧ ଜଣ

ବାରିପଦା ଅଫିସ,୭।୧୦-ରାଜ୍ୟ ସରକାରଙ୍କ ବରିଷ୍ଠ ତୀର୍ଥଯାତ୍ରୀ ଯୋଜନାରେ ମୟୂରଭଞ୍ଜ ଜିଲାରୁ ଚଳିତବର୍ଷ  ମୋଟ ୨୭୧ଜଣ ବରିଷ୍ଠ ନାଗରିକ ସାମିଲ ହୋଇଛନ୍ତି। ସେମାନେ ଆଗ୍ରା, ଫତେପୁର ସିକ୍ରୀ ଓ ମଥୁରା ଆଦି ସ୍ଥାନ ଭ୍ରମଣ କରିବେ ବୋଲି ଜଣାଯାଇଛି।  ଏହି ଉପଲକ୍ଷେ ମୟୂରଭଞ୍ଜ ଜିଲା ପ୍ରଶାସନ ତତ୍ତ୍ୱାବଧାନରେ ଜିଲା ସଂସ୍କୃତି ଭବନ ପରିସରରେ ଏକ ସ୍ବତନ୍ତ୍ର କାର୍ଯ୍ୟକ୍ରମ  ଅନୁଷ୍ଠିତ  ହୋଇଯାଇଛି।  ଜିଲା ପର୍ଯ୍ୟଟନ ବିଭାଗ ଆନୁକୂଲ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲାପାଳ ବିନିତ ଭରଦ୍ୱାଜ, ଉପଜିଲାପାଳ ମହମ୍ମଦ ଅବଦୁଲ ଅଖତାର ପ୍ରମୁଖ ଯୋଗଦେଇଥିଲେ। ଏହି ଅବସରରେ ଜିଲା ପର୍ଯ୍ୟଟନ ଅଧିକାରୀ ମନୋରଞ୍ଜନ ମହାପାତ୍ର, ଜିଲା କ୍ରୀଡା ଅଧିକାରୀ ପ୍ରଦୀପ ବେହେରା, ଜିଲା ସୂଚନା ଓ ଲୋକ ସମ୍ପର୍କ ଅଧିକାରୀ ରବୀନ୍ଦ୍ର କୁମାର ନାୟକ, ଜିଲା ସଂସ୍କୃତି ଅଧିକାରୀ ତନୁଜା ସିର୍କା ପ୍ରମୁଖଙ୍କ ସହ ଅନ୍ୟମାନେ ଉପସ୍ଥିତ ଥିଲେ।

ପେଟ୍ରୋଲ, ଡିଜେଲରୁ ଭାଟ୍‌ ହ୍ରାସ ଦାବିରେ ଧାରଣା

ପେଟ୍ରୋଲ, ଡିଜେଲରୁ ଭାଟ୍‌ ହ୍ରାସ ଦାବିରେ ଧାରଣା

ବାରିପଦା ଅଫିସ,୭।୧୦- ରାଜ୍ୟ ସରକାର ପେଟ୍ରୋଲ ଓ ଡିଜେଲରୁ ଭାଟ୍‌ କମ କରିବା ଦାବିରେ ଶନିବାର ଜିଲା ଭାଜପା ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଛି। କେନ୍ଦ୍ର ସରକାର ପେଟ୍ରୋଲ ଓ ଡିଜେଲ ଦର ଉପରେ ୨ଟଙ୍କା ୫୦ପଇସା ଉପତ୍ାଦନ ଶୁଳ୍କ ହ୍ରାସ କରିଛନ୍ତି। ଅନୁରୂପ ଭାବେ ଏହି ଟ୍ୟାକ୍ସ ଛାଡ କରିବା ପାଇଁ ସବୁ ରାଜ୍ୟ ସରକାରଙ୍କୁ ମଧ୍ୟ ଅନୁରୋଧ କରିଛନ୍ତି। ତେବେ ଏହି ଅନୁରୋଧକୁ ଗୁରୁତ୍ୱ ଦେଇ  ଭାଜପା ଶାସିତ ରାଜ୍ୟମାନଙ୍କରେ ଟ୍ୟାକ୍ସ ଛାଡ କରାଯାଇଥିବା ବେଳେ ଓଡ଼ିଶା ସରକାର କିନ୍ତୁ ଏପରି କୌଣସି ପଦକ୍ଷେପ ନେଇନାହାନ୍ତି।  ରାଜ୍ୟ ସରକାର ଯଦି ତୁରନ୍ତ ଏହି ଟ୍ୟାକ୍ସ ଛାଡ ନ କରନ୍ତି ତେବେ ତୃଣମୂଳ ସ୍ତରରେ ଏହି ଆନ୍ଦୋଳନ କରାଯିବ ବୋଲି ଦଳ ପକ୍ଷରୁ ଚେତାବନୀ ଦିଆଯାଇଛି। 

ନୀଳମଣି କଲେଜରେ ଅଶାନ୍ତ ସ୍ଥିତି: ନିର୍ବାଚନ ବାତିଲ, ସାଇନ-ଏ-ଡାଏ ଘୋଷଣା

ନୀଳମଣି କଲେଜରେ ଅଶାନ୍ତ ସ୍ଥିତି: ନିର୍ବାଚନ ବାତିଲ, ସାଇନ-ଏ-ଡାଏ ଘୋଷଣା

ରୂପ୍‌ସା, ୭।୧୦(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଅନ୍ତର୍ଗତ ରୂପ୍‌ସା ନୀଳମଣି ମହାବିଦ୍ୟାଳୟରେ ପ୍ରାକ୍‌ ନିର୍ବାଚନୀ ହିଂସା ଯୋଗୁ ଚଳିତବର୍ଷ ଛାତ୍ର ସଂସଦ ନିର୍ବାଚନକୁ ଶନିବାର ବାତିଲ କରାଯାଇଛି। ପରିସ୍ଥିତିକୁ ଦୃଷ୍ଟିରେ ରଖି ସାଇନ-ଏ-ଡାଏ ମଧ୍ୟ ଘୋଷଣା କରାଯାଇଛି। ଏନ୍‌ଏସ୍‌ୟୁଆଇ ଛାତ୍ର ସଙ୍ଗଠନ ତରଫରୁ ନିର୍ବାଚନ ବାତିଲ କରାଯିବା ଓ ବିସିଜେଡି ସଙ୍ଗଠନ ତରଫରୁ ନିର୍ବାଚନ କରିବାକୁ ଦାବି ଘଟଣା କଲେଜ ପରିସରକୁ ଅଧିକ ଅଶାନ୍ତ କରିଛି। କଲେଜର ଶାନ୍ତି କମିଟି ଓ କର୍ମଚାରୀ ପରିଷଦର ମିଳିତ ବୈଠକର ନିଷ୍ପତ୍ତି ପରେ ଅପରାହ୍ନ ୪ଟାରେ ଅଧ୍ୟକ୍ଷଙ୍କ କାର୍ଯ୍ୟାଳୟ ପକ୍ଷରୁ ନିର୍ବାଚନ ବାତିଲ କରାଯିବା ସହ ସାଇନ-ଏ-ଡାଏ ଘୋଷଣା ହୋଇଛି। ଫଳରେ ରୂପ୍‌ସା ବସଷ୍ଟାଣ୍ଡ-ଷ୍ଟେଶନବଜାର ରାସ୍ତାର କଲେଜ ଫାଟକ ସମ୍ମୁଖରେ ବିସିଜେଡିର ଛାତ୍ରୀଛାତ୍ର ରାସ୍ତାରୋକୋ ଆନ୍ଦୋଳନ କରିଛନ୍ତି।

ଖଇରା ରାଜନୀତିରେ ହଟଚମଟ:  ମିଶ୍ରଣ ପର୍ବ ଆୟୋଜନ ନେଇ ଚର୍ଚ୍ଚା, ବିରୋଧାଭାସ

ଖଇରା ରାଜନୀତିରେ ହଟଚମଟ: ମିଶ୍ରଣ ପର୍ବ ଆୟୋଜନ ନେଇ ଚର୍ଚ୍ଚା, ବିରୋଧାଭାସ

ଖଇରା, ୭।୧୦(ଡି.ଏନ.ଏ)-ପୂର୍ବତନ ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପଦ୍ମଲୋଚନ ପଣ୍ଡାଙ୍କ ଦଳ ଛାଡି ଭାଜପାରେ ଯୋଗ ଦେବା ପ୍ରଚାର ହେବା ପରେ ବାଲେଶ୍ୱର ଜିଲା ଖଇରା ରାଜନୀତି ସରଗରମ ହୋଇଉଠିଛି। ଭାଜପାର ପୁରୁଖା ନେତା ଓ ପଦ୍ମଲୋଚନଙ୍କ ସମର୍ଥକମାନେ ଘନ ଘନ ବୈଠକ କରିବା ସିମୁଳିଆ ନିର୍ବାଚନ ମଣ୍ଡଳୀରେ ଚର୍ଚ୍ଚାର ପ୍ରସଙ୍ଗ ହୋଇଛି। ଦଳର କର୍ମୀ ସମ୍ମିଳନୀ ଓ ମିଶ୍ରଣ ପର୍ବ ଆୟୋଜନ ନେଇ ବିରୋଧାଭାସ ସୃଷ୍ଟି ହୋଇଥିବା ଜଣାପଡିଛି। 

ସିଟି ଲାଇଫ୍‌ ମଲ୍‌ରେ ବିସ୍ଫୋରଣ

ସିଟି ଲାଇଫ୍‌ ମଲ୍‌ରେ ବିସ୍ଫୋରଣ

ବାଲେଶ୍ୱର ଅଫିସ, ୭।୧୦-ବାଲେଶ୍ୱର ସହର ବିବେକାନନ୍ଦ ମାର୍ଗରେ ଅବସ୍ଥିତ ସିଟିଲାଇଫ୍‌ ମଲ୍‌ର ଟୋକନ କାଉଣ୍ଟରରେ ଶନିବାର ଅପରାହ୍ନ ୧ଟା ୨୭ମିନିଟ୍‌ରେ ହଠାତ୍‌ ବିସ୍ଫୋରଣ ହୋଇଥିଲା। କାର୍ଯ୍ୟରତ ସିକ୍ୟୁରିଟି ଗାର୍ଡ଼ ମହେନ୍ଦ୍ର ଦାସ କ୍ଷତବିକ୍ଷତ ହୋଇ ଟୋକନ୍‌ କେନ୍ଦ୍ର ଛାଡ଼ି ଦୌଡ଼ି ପଳାଇ ଯାଇଥିଲେ। ସେଠାରେ ଥିବା ସମସ୍ତ ବ୍ୟାଗ୍‌ ଜଳି ଯାଇଥିଲା। ଅନ୍ୟ ସିକ୍ୟୁରିଟି ଗାର୍ଡ଼ମାନେ ଅଗ୍ନି ନିରାପତ୍ତା ଯନ୍ତ୍ର ଦ୍ୱାରା ନିଆଁକୁ ଲିଭାଇବା ଉଦ୍ୟମ କରିବା ସହ ବାଲେଶ୍ୱର ସହର ଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ କର୍ମଚାରୀମାନେ ପହଞ୍ଚତ୍ ନିଆଁକୁ ଆୟତ୍ତ କରିଥିଲେ। କିଛି ସମୟ ମଧ୍ୟରେ ୩ ମହଲା ବିଶିଷ୍ଟ ଏହି ମଲ୍‌ ଧୂଆଁମୟ ହୋଇଯାଇଥିଲା। ମଲ୍‌ ଭିତରେ ଥିବା ଶତାଧିକ ଗ୍ରାହକ ଓ କର୍ମଚାରୀମାନେ ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଥିଲେ। 

ଘରେ ପଶି ମହିଳାଙ୍କୁ ମରଣାନ୍ତକ ଆକ୍ରମଣ

ଭୋଗରାଇ, ୭।୧୦(ଡି.ଏନ.ଏ.)-ବାଲେଶ୍ୱର ଜିଲା ଭୋଗରାଇ ଥାନା ଅଧୀନ ଶ୍ୟାମନନ୍ଦୀପୁର ଗ୍ରାମର ଜଣେ ମହିଳା ଶନିବାର ସନ୍ଧ୍ୟାରେ ଘରେ ଏକୁଟିଆ ଥିବା ବେଳେ କେହି ଜଣେ ଅଜଣା ଦୁର୍ବୃତ୍ତ ତାଙ୍କୁ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି। ମହିଳାଙ୍କ ମୁଣ୍ଡ ଓ ଗୋଡରେ କଟୁରୀ ଚୋଟ ବାଜିଛି। ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇ ପରେ କଟକ ପଠାଯାଇଛି। ଭୋଗରାଇ ଥାନା ପୋଲିସ ଗଁାକୁ ଯାଇ ତଦନ୍ତ ଆରମ୍ଭ କରିଛି। ଆକ୍ରମଣକାରୀ ଛାଡି ଯାଇଥିବା କଟୁରୀକୁ  ସେଠାରୁ ଜବତ କରାଯାଇଛି। ଏଭଳି ଆକ୍ରମଣର କାରଣ ଜଣାପଡିନାହିଁ। ଏକ ଏୟାରବ୍ୟାଗରେ କଟୁରୀ ଆଣି ଏହି ଯୁବକ ମହିଳାଙ୍କ ଘରେ ପଶି ଏଭଳି କାଣ୍ଡ ଘଟାଇ ଚମ୍ପଟ ମାରିଥିବା ପ୍ରାଥମିକ ତଦନ୍ତ ପରେ ପୋଲିସ ସୂଚନା ଦେଇଛି। 

ଶହ ଶହ ଏକର ଧାନଗଛରେ ପତ୍ରପୋଡା ରୋଗ:ଚିନ୍ତାରେ ଚାଷୀ

ଶହ ଶହ ଏକର ଧାନଗଛରେ ପତ୍ରପୋଡା ରୋଗ:ଚିନ୍ତାରେ ଚାଷୀ

ବାହାନଗା, ୭ା୧୦(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ ଅଞ୍ଚଳରେ ଶହ ଶହ ଏକର ଧାନ ଗଛରେ ଲାଗିଛି ପତ୍ରପୋଡା ରୋଗ ା କୃଷି ବିଭାଗ ତରଫରୁ ଚାଷୀଙ୍କୁ ଯୋଗାଇ ଦିଆଯାଇଥିବା କୀଟନାଶକ ସିଞ୍ଚନ ସତ୍ତ୍ୱେ କିଛି ଲାଭ ହେଉନି। ଚାଷ ଉଜୁଡିଯିବା ଆଶଙ୍କାରେ ଚାଷୀମାନେ ଚିନ୍ତିତ ହୋଇପଡିଛନ୍ତି। 

‘ପୃଥ୍ବୀ-୨’ ପରୀକ୍ଷଣ

‘ପୃଥ୍ବୀ-୨’ ପରୀକ୍ଷଣ

ବାଲେଶ୍ୱର ଅଫିସ, ୭।୧୦-ବାଲେଶ୍ୱର ଚାନ୍ଦିପୁରସ୍ଥିତ ଆଇଟିଆର ୩ ନମ୍ବର ଲଞ୍ଚପ୍ୟାଡରୁ ଶନିବାର ରାତି ୮ଟା ୩୫ ମିନିଟ୍‌ରେ ସମ୍ପୂର୍ଣ୍ଣ ସ୍ବଦେଶୀ ଜ୍ଞାନ କାୈଶଳରେ ନିର୍ମିତ ‘ପୃଥ୍ବୀ-୨’ର ପରୀକ୍ଷଣ କରାଯାଇଛି। ସ୍ଥଳଭାଗରୁ ସ୍ଥଳଭାଗକୁ ନିକ୍ଷେପ କରାଯାଇପାରୁଥିବା ଏହି କ୍ଷେପଣାସ୍ତ୍ର ୧ ହଜାର କି.ଗ୍ରା. ପର୍ଯ୍ୟନ୍ତ ପାରମ୍ପରିକ ତଥା ଆଣବିକ ଯୁଦ୍ଧାସ୍ତ୍ର ବହନ କ୍ଷମତା ରଖୁଛି। ଚଳିତବର୍ଷ ଏହା ‘ପୃଥ୍ବୀ-୨’ର ୪ର୍ଥ ପରୀକ୍ଷଣ। ଗତ ଫେବୃୟାରୀରେ ୨ଥର ପରୀକ୍ଷଣ ହୋଇଥିଲା। ସମ୍ପ୍ରତି ଆଉ ୨ ଥର ରାତିରେ ପରୀକ୍ଷା କରାଯାଇଛି। ଡିଆରଡିଓ ସହଯୋଗରେ ପ୍ରତିରକ୍ଷା ବାହିନୀର ଷ୍ଟ୍ରାଟେଜିକ୍‌ ଫୋର୍ସର କମାଣ୍ଡୋଙ୍କ ପକ୍ଷରୁ ନିୟମିତ ଭାବେ ଏହାର ବ୍ୟବହାରିକ ଦିଗକୁ ନେଇ ପରୀକ୍ଷଣ କରାଯାଇ ଆସୁଥିବା  ଆଇଟିଆର ପକ୍ଷରୁ ସୂଚନା ଦିଆଯାଇଛି।

ଗାଁକୁ ପଶିପାରିଲାନି ଆମ୍ବୁଲାନ୍ସ: ଖଟିଆରେ ବୁହାହେଲେ ରୋଗୀ

ଗାଁକୁ ପଶିପାରିଲାନି ଆମ୍ବୁଲାନ୍ସ: ଖଟିଆରେ ବୁହାହେଲେ ରୋଗୀ

ସଜନାଗଡ଼, ୬।୧୦(ଡି.ଏନ.ଏ.)-କୁଲଡ଼ିହା ପାଦଦେଶକୁ ଲାଗି ରହିଥିବା ବଣପାହାଡ଼ ଘେରା ଦୁର୍ଗମ ଅଞ୍ଚଳକୁ ଗମନାଗମନ ସୁବିଧା ନ ଥିବାରୁ ଲୋକେ ଜରୁରୀ ସମୟରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। 

କୁନି କଳିକାକୁ ପ୍ରସ୍ଫୁଟିତ କରାଏ ମହାବିଦ୍ୟାଳୟ

କୁନି କଳିକାକୁ ପ୍ରସ୍ଫୁଟିତ କରାଏ ମହାବିଦ୍ୟାଳୟ

ଆରଡି, ୬ ା୧୦(ଡି.ଏନ.ଏ.)-ମହାବିଦ୍ୟାଳୟ ହେଉଛି ଏକ ସୁନ୍ଦର ଉପବନ ା ଏଠାରେ ଅଧ୍ୟୟନରତ ଛାତ୍ରୀଛାତ୍ର ହେଉଛନ୍ତି କୁନିକୁନି କଳିକା ା ସେମାନେ ଏଠାରେ ପ୍ରସ୍ଫୁଟିତ ହୋଇ ନିଜର ସୁଗନ୍ଧ ମହକାଇ ପୁନଃ ମଉଳି ଯାଆନ୍ତି। 

ମଦ ଦୋକାନରୁ ଲୁଟ୍‌

ମଦ ଦୋକାନରୁ ଲୁଟ୍‌

ସଜନାଗଡ଼, ୬।୧୦(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ଥାନା ଅଧୀନ ଶ୍ୟାମସୁନ୍ଦରପୁର ପଞ୍ଚାୟତ ରାସ୍ତା ପାର୍ଶ୍ୱରେ ଥିବା ସରକାରୀ ସ୍ବୀକୃତିପ୍ରାପ୍ତ ଠିପି ବନ୍ଦ ମଦ ଦୋକାନରୁ ଶୁକ୍ରବାର ବିଳମ୍ବିତ ରାତିରେ ଲୁଟ୍‌ ହୋଇଛି। 

ପୂଜା କମିଟି ପକ୍ଷରୁ ୧୧୧ ୟୁନିଟ୍‌ ରକ୍ତ ସଂଗ୍ରହ

ପୂଜା କମିଟି ପକ୍ଷରୁ ୧୧୧ ୟୁନିଟ୍‌ ରକ୍ତ ସଂଗ୍ରହ

ଭଦ୍ରକ ଅଫିସ, ୬ା୧୦- ଭଦ୍ରକର ପ୍ରସିଦ୍ଧ ବାବା ବୁଢାଗଣେଶ ପୂଜା କମିଟି ଆନୁକୂଲ୍ୟରେ ଶୁକ୍ରବାର  ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି।   

ବୁଲା ଗୋରୁଙ୍କ କବ୍ଜାରେ ବଜାର

ବୁଲା ଗୋରୁଙ୍କ କବ୍ଜାରେ ବଜାର

ଚମ୍ପୁଆ,  ୬ା୧୦(ଡି.ଏନ.ଏ.): ଚମ୍ପୁଆ ମୁଖ୍ୟ ବଜାର ବୁଲା ଗୋରୁଙ୍କ କବ୍ଜାରେ ରହିଛି। ସଞ୍ଜ ନଇଁ ଆସିଲେ ମୁଖ୍ୟ ବଜାର ଉପରେ ଗୋରୁଙ୍କ ଉପଦ୍ରବ ବଢ଼ୁଛି। ରାଜ ରାସ୍ତାକୁ କବ୍ଜା କରି ନେଉଛନ୍ତି। ଦଳଦଳ ହୋଇ ରାଜ ରାସ୍ତା ଉପରେ ଘଣ୍ଟା ଘଣ୍ଟା ଧରି ଶୋଇ ରହୁଛନ୍ତି। 

ହୋଇପାରୁନି ଆପ୍ରୋଚ ରୋଡ,  କାମରେ ଆସୁନି ସେତୁ

ହୋଇପାରୁନି ଆପ୍ରୋଚ ରୋଡ, କାମରେ ଆସୁନି ସେତୁ

ବନ୍ତ,୬।୧୦(ସ୍ବ.ପ୍ର.)-ଆପ୍ରୋଚ ରୋଡ଼ ନିର୍ମାଣ ହୋଇପାରୁ ନ ଥିବାରୁ ଭଦ୍ରକ ଜିଲା ବନ୍ତ ବ୍ଲକର ସାଳନ୍ଦୀ ନଦୀ ଉପରେ ଚାରିଗାଁ -ଚକ୍ରାପାଢୀକୁ ସଂଯୋଗ ପାଇଁ ନବନିର୍ମିତ  ବିଜୁ ସେତୁ କାମରେ ଆସୁନାହିଁ। 

ଡାକ୍ତରୀ ଦଳ ପକ୍ଷରୁ ସ୍ବାସ୍ଥ୍ୟ ସଚେତନତା କାର୍ଯ୍ୟକ୍ରମ

ଡାକ୍ତରୀ ଦଳ ପକ୍ଷରୁ ସ୍ବାସ୍ଥ୍ୟ ସଚେତନତା କାର୍ଯ୍ୟକ୍ରମ

ଭଦ୍ରକ ଅଫିସ,୬ା୧୦-  ଭଦ୍ରକ ଜିଲାର ଚାନ୍ଦବାଲି ଓ ତିହିଡ଼ି ବ୍ଲକର ବିଭିନ୍ନ ପଞ୍ଚାୟତରେ ଆର୍ଥ୍ରାଇଟିସ୍‌, ଜଣ୍ଡିସ ଓ ଡେଙ୍ଗୁ ରୋଗର ପ୍ରକୋପକୁ ଦୃଷ୍ଟିରେ ରଖି ଆଦାନୀ ଫାଉଣ୍ଡେଶନ ଓ ହେଲ୍‌ପେଜ୍‌ ଇଣ୍ଡିଆର ମିଳିତ ଆନୁକୂଲ୍ୟରେ ଜନ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଇଛି ା