ବାଲେଶ୍ୱର

ପତ୍ରପୋଡ଼ା ରୋଗରେ ଜଳିଯାଉଛି ଧାନଗଛ

ପତ୍ରପୋଡ଼ା ରୋଗରେ ଜଳିଯାଉଛି ଧାନଗଛ

ଔପଦା, ୮।୧୦(ଡି.ଏନ.ଏ.)-ବାଲେଶ୍ୱର ଜିଲା ଔପଦା ବ୍ଲକର ଶହ ଶହ ଏକର ଜମିରେ ଚାଷ ହୋଇଥିବା ଧାନରେ ପତ୍ରପୋଡ଼ା ରୋଗ ଦେଖାଦେଇଛି। କୀଟନାଶକ ସିଞ୍ଚନ ସତ୍ତ୍ୱେ କିଛି ଲାଭ ହେଉ ନ ଥିବାରୁ ଚାଷୀମାନେ ଚିନ୍ତିତ ହୋଇପଡିଛନ୍ତି। ଫସଲ ଉଜୁଡ଼ିଯିବା ଆଶଙ୍କାରେ ଚାଷୀମାନେ ହତାଶ ହୋଇପଡିଛନ୍ତି।  

 ମୁକୁଳିସିଠାରେ ବିଜେଡିର ଜନସମ୍ପର୍କ ପଦଯାତ୍ରା

ମୁକୁଳିସିଠାରେ ବିଜେଡିର ଜନସମ୍ପର୍କ ପଦଯାତ୍ରା

ବସ୍ତା, ୮।୧୦(ସ୍ବ.ପ୍ର.)-ବସ୍ତା ବ୍ଲକ ତଥା ବସ୍ତା ନିର୍ବାଚନମଣ୍ଡଳୀ ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା ରବିବାର ଶୁଭାରମ୍ଭ କରାଯାଇଛି। ଏହି ପଦଯାତ୍ରା ବିଧାୟକ ନିତ୍ୟାନନ୍ଦ ସାହୁଙ୍କ ନେତୃତ୍ୱରେ ଦରଡାଠାରୁ ବାହାରି ମୁକୁଳିସିର ଦୁନ୍ଦ ଚନ୍ଦନ ପଡିଆଠାରେ ପହଞ୍ଚିଥିଲା।

ସୋର କଳାଘର ତରଫରୁ ପୁରସ୍କାର ବିତରଣ ଉତ୍ସବ

ସୋର କଳାଘର ତରଫରୁ ପୁରସ୍କାର ବିତରଣ ଉତ୍ସବ

ସୋର, ୮।୧୦(ଡି.ଏନ.ଏ.)-ସୋରରେ ପ୍ରତିଷ୍ଠିତ କଳାଘର ତରଫରୁ ଏକ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। କୃତି ଛାତ୍ରୀଛାତ୍ରଙ୍କୁ ପୁରସ୍କାର ବିତରଣ କରାଯାଇଥିଲା। କଳାଘରର ଅଧ୍ୟକ୍ଷ ରାଜବଲ୍ଲଭ ସାହୁ ପୁରସ୍କାର ବିତରଣ ଉତ୍ସବରେ ପ୍ରାରମ୍ଭିକ ଅଭିଭାଷଣ ପ୍ରଦାନ କରିଥିଲେ। ଅବସରପ୍ରାପ୍ତ ଚିତ୍ରକଳା ଶିକ୍ଷକ ରବୀନ୍ଦ୍ର ସାହୁଙ୍କ ସଭାପତିତ୍ୱରେ ସଭା ଅନୁଷ୍ଠିତ ହୋଇଥିଲା। 

ହିତାଧିକାରୀଙ୍କୁ ଖାଉଟି କାର୍ଡ ବଣ୍ଟନ

ହିତାଧିକାରୀଙ୍କୁ ଖାଉଟି କାର୍ଡ ବଣ୍ଟନ

ଚମ୍ପୁଆ, ୮।୧୦(ଡି.ଏନ.ଏ.): ଚମ୍ପୁଆ ନଗର ଭବନଠାରେ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ସାମିଲ କରାଯାଇଥିବା ନୂତନ ହିତାଧିକାରୀଙ୍କୁ ମନ୍ତ୍ରୀ ଏବଂ ଏମ୍‌ପିଙ୍କ ଦ୍ୱାରା କାର୍ଡ ବଣ୍ଟନ କରାଯାଇଛି। ଚମ୍ପୁଆ ବ୍ଲକ ୨୨ ପଞ୍ଚାୟତ ଓ ଗୋଟିଏ ଏନ୍‌ଏସିର ହିତାଧିକାରୀଙ୍କୁ କାର୍ଡ ବଣ୍ଟନ କରାଯାଇଛି। ବଣ୍ଟନ କାର୍ଯ୍ୟକ୍ରମରେ ଅର୍ଥ ଓ ଅବକାରୀ ମନ୍ତ୍ରୀ ଶଶିଭୂଷଣ ବେହେରା ମୁଖ୍ୟ ଅତିଥି, ରାଜ୍ୟ ସଭା ଏମ୍‌ପି ସରୋଜିନୀ ହେମ୍ବ୍ରମ, କେନ୍ଦୁଝର ଏମ୍‌ପି ଶକୁନ୍ତଳା ଲାଗୁରୀ, ପାଟଣା ବିଧାୟକ ହୃଷିକେଶ ନାଏକ, ଜିଲା ପରିଷଦ ଅଧ୍ୟକ୍ଷା କମଳିନୀ ପାତ୍ର, ବେସାମରିକ ଯୋଗାଣ ଅଧିକାରୀ ପରେଶ ମହାନ୍ତି, ବ୍ଲକ ଅଧ୍ୟକ୍ଷା ରମଣୀ ନାଏକ, ବିଡିଓ ନୁପୁର ଚାନ୍ଦଗୋଟିଆ, ଏନ୍‌ଏସି ନିର୍ବାହୀ ଅଧିକାରୀ ସପନ କୁମାର ସାହୁ, ଏମ୍‌ଆଇ ତାରିଣୀ ମିଶ୍ର ସମେତ ସରପଞ୍ଚ ଏବଂ ଜିଲା ପରିଷଦ ସଭ୍ୟ ଯୋଗ ଦେଇଥିଲେ। 

ଫୁଟବଲ୍‌ ଟୁର୍ନାମେଣ୍ଟ: ମହେନ୍ଦ୍ରା ଆଣ୍ଡ ମହେନ୍ଦ୍ରା ଚାମ୍ପିୟନ

ଫୁଟବଲ୍‌ ଟୁର୍ନାମେଣ୍ଟ: ମହେନ୍ଦ୍ରା ଆଣ୍ଡ ମହେନ୍ଦ୍ରା ଚାମ୍ପିୟନ

ପାଟଣା, ୮।୧୦(ସ୍ବ.ପ୍ର.): ପାଟଣା ମୁଖ୍ୟାଳୟସ୍ଥିତ ସ୍ବାମପାଟଣା ଫୁଟବଲ୍‌ ଟୁର୍ନାମେଣ୍ଟ ରବିବାର ଉଦ୍‌ଯାପିତ ହୋଇଯାଇଛି। ୩୨ ଫୁଟବଲ ଦଳକୁ ନେଇ ଗତ ଗରୁବାରଠାରୁ ଖେଳ ଆରମ୍ଭ ହୋଇଥିଲା। ଫୁଟବଲ ଖେଳରେ  ମହେନ୍ଦ୍ରା ଆଣ୍ଡ ମହେନ୍ଦ୍ରା ଚାମ୍ପିୟନ ହୋଇଛି। ବିଜୟୀ ଦଳକୁ ଅନୁଷ୍ଠାନ ପକ୍ଷରୁ ନଗଦ ଅର୍ଥ ରାଶି ସହ ଟ୍ରଫି ପ୍ରଦାନ କରା ଯାଇଥିଲା। ଅୟୋଜିତ ପୁରସ୍କାର ବିତରାଣୀ ସଭାରେ ମୁଖ୍ୟ ଅତିଥି ଭାବେ ପାଟଣା ବ୍ଲକ ଅଧ୍ୟକ୍ଷ ଜଗନ୍ନାଥ ନାଏକ, ସମ୍ମାନିତ ଅତିଥି ଭାବେ ସାମାଜିକ କାର୍ମୀ ଅଜୟ କୁମାର ଦାଶ, ଜିଲା ପରିଷଦ ସଭ୍ୟ ସୁରେଶ ଚନ୍ଦ୍ର ନାଏକ, ଦକ୍ଷ ରାଜ ସାହୁ  ଓ ଅନୁଷ୍ଠାନର ସମ୍ପାଦକ ଜ୍ୟୋତି ରଞ୍ଜନ ଭଞ୍ଜ ପ୍ରମୁଖ ଯୋଗ ଦେଇଥିଲେ। 

କ୍ରିକେଟ ଟୁର୍ନାମେଣ୍ଟ: ରିଟନ ଇଲେଭେନ

କ୍ରିକେଟ ଟୁର୍ନାମେଣ୍ଟ: ରିଟନ ଇଲେଭେନ

ଚମ୍ପୁଆ, ୮।୧୦(ଡି.ଏନ.ଏ.): ଚମ୍ପୁଆ ବ୍ଲକ ନନ୍ଦପୁରଠାରେ ଗୌତମ ପ୍ରଧାନଙ୍କ ସ୍ମୃତିରେ ଶହୀଦ ମେମୋରିଆଲ କ୍ରିକେଟ ଟୁର୍ନାମେଣ୍ଟ ଉଦ୍‌ଯାପିତ ହୋଇଯାଇଛି। ଏଥିରେ ୮ ଦଳ ଅଂଶ ଗ୍ରହଣ କରିଥିଲେ। ଫାଇନାଲ ମ୍ୟାଚରେ ମା’ ତାରିଣୀ କ୍ରିକେଟ କ୍ଲବ ଭଣ୍ଡା ଓ ରିଟନ ଇଲେଭେନ ନିଉଣ୍ଡି ମଧ୍ୟରେ ଅନୁଷ୍ଠିତ ହୋଇଥିଲା। ରିଟନ ଇଲେଭେନ ପ୍ରଥମେ ବ୍ୟାଟିଂ କରି ୧୬୦ ରନ୍‌ କରିଥିଲା। 

ରାସ୍ତା ମରାମତି କଲେ ଗ୍ରାମବାସୀ

ରାସ୍ତା ମରାମତି କଲେ ଗ୍ରାମବାସୀ

ରାଇସୁଆଁ, ୮।୧୦(ଡି.ଏନ.ଏ.): କେନ୍ଦୁଝର ଜିଲା ସଦର ବ୍ଲକ ରାଇସୁଆଁ ପଞ୍ଚାୟତ ମୁସଲିମ ବସ୍ତିର ରାସ୍ତା ଶୋଚନୀୟ ହୋଇପଡ଼ିଛି। ଏ ନେଇ ପ୍ରଶାସନକୁ ବାରମ୍ବାର ଅଭିଯୋଗ କଲେ ମଧ୍ୟ କୌଣସି ପଦକ୍ଷେପ ଗ୍ରହଣ ନ କରିବାରୁ ବାଧ୍ୟ ହୋଇ ଗ୍ରାମବାସୀ ମିଶି ରାସ୍ତା ମରାମତି କରିଛନ୍ତି। ସ୍ଥାନୀୟ ଅଞ୍ଚଳର ସର୍ପରାଜ ହୋସେନ କୁହନ୍ତି, ବର୍ଷା ଦିନରେ ଉକ୍ତ ରାସ୍ତାରେ ଆଣ୍ଠୁଏ କାଦୁଅ ହୋଇଥାଏ। ବହୁବାର ପ୍ରଶାସନ ନିକଟରେ ଜଣାଇଥିଲେ ହେଁ କୌଣସି ପଦକ୍ଷେପ ଗ୍ରହଣ ନ କରିବାରୁ ଗ୍ରାମବାସୀ ମାଟି ପକାଇ ରାସ୍ତା ମରାମତି କରିଛନ୍ତି।

ଜିଲାସ୍ତରୀୟ କ୍ରିକେଟ ଚୟନ ପ୍ରତିଯୋଗିତା

ଜିଲାସ୍ତରୀୟ କ୍ରିକେଟ ଚୟନ ପ୍ରତିଯୋଗିତା

ବାଙ୍ଗିରିପୋଷି, ୮।୧୦(ଡି.ଏନ.ଏ.)-ବାଙ୍ଗିରିପୋଷି ବ୍ଲକର ଶ୍ୟାମସୁନ୍ଦରପୁର ପଂଚାୟତ ଅଂଳାଗୁସ୍ଥିତ ସରସ୍ବତି ଉଚ୍ଚ ବିଦ୍ୟାଳୟରେ ୬୪ତମ ମୟୂରଭଞ୍ଜ ଜିଲାସ୍ତରୀୟ କ୍ରିକେଟ ଚୟନ ପ୍ରତିଯୋଗିତା ରବିବାର ଉଦ୍‌ଘାଟିତ ହୋଇଯାଇଛି। ମୟୂରଭଞ୍ଜ ଜିଲା ଶିକ୍ଷା ଅଧିକାରୀ ରଞ୍ଜନ କୁମାର ଗିରିଙ୍କ ମାର୍ଗଦର୍ଶନରେ ଆୟୋଜକ ବିଦ୍ୟାଳୟର ପ୍ରଧାନ ଶିକ୍ଷକ ଅଶୋକ କୁମାର ଗିରିଙ୍କ ସଭାପତିତ୍ୱରେ ମୁଖ୍ୟଅତିଥି ଭାବେ ବାଙ୍ଗିରିପୋଷି ବିଧାୟକ ସୁଦାମ ମାର୍ଣ୍ଡି ଯୋଗଦେଇ କ୍ରିଡାବିତଙ୍କୁ ଉତ୍ତମ ଖେଳାଳି ରୂପେ ନିଜକୁ ଗଢି ତଳି ରାଜ୍ୟ ତଥା ଜାତୀୟ ସ୍ତରରେ ସୁନାମ ଅର୍ଜନ ପାଇଁ ଉପଦେଶ ଦେଇଥିଲେ। 

ମହିଳାଙ୍କ ଆତ୍ମହତ୍ୟା

ମହିଳାଙ୍କ ଆତ୍ମହତ୍ୟା

ରାଇରଙ୍ଗପୁର,୮।୧୦(ଡି.ଏନ.ଏ.)-ମୟୂରଭଞ୍ଜ ଜିଲା ବାଦାମପାହଡ଼ ଥାନା ଅନ୍ତର୍ଗତ ବାସିଲା ଗ୍ରାମରେ ସୁନୀତା ଟୁନୁ ନାମ୍ନୀ ଜଣେ ମହିଳା ବେକରେ ଓଢ଼ଣୀ ବାନ୍ଧି ଆତ୍ମହତ୍ୟା କରିଛନ୍ତି।  ଖବରପାଇ ରାଇରଙ୍ଗପୁର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ଲାଗି ପଠାଇବା ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। 

ପ୍ରଧାନଶିକ୍ଷକଙ୍କୁ ଅବସରକାଳୀନ ସମ୍ବର୍ଦ୍ଧନା

ପ୍ରଧାନଶିକ୍ଷକଙ୍କୁ ଅବସରକାଳୀନ ସମ୍ବର୍ଦ୍ଧନା

ଯଶିପୁର,୮।୧୦(ଡି.ଏନ.ଏ.)-ଯଶିପୁର ବ୍ଲକ ଅନ୍ତର୍ଗତ ଧୋବାଡିହା ଉପ୍ରା ବିଦ୍ୟାଳୟରେ ରବିବାର ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ନୀଳମଣି ମହାନ୍ତଙ୍କୁ ଅବସର କାଳୀନ ସମ୍ବର୍ଦ୍ଧନା ଦିଆଯାଇଛି। 

ଜାତୀୟ ଚିତ୍ରାଙ୍କନ: ଭାଗନେଲେ ୨୫୦ ଛାତ୍ରୀଛାତ୍ର

ଜାତୀୟ ଚିତ୍ରାଙ୍କନ: ଭାଗନେଲେ ୨୫୦ ଛାତ୍ରୀଛାତ୍ର

ବାରିପଦା ଅଫିସ,୮।୧୦- ମୟୂରଭଞ୍ଜ  ଜିଲା ସଦର ମହକୁମା ବାରିପଦାସ୍ଥିତ ଇଣ୍ଡୋର ଷ୍ଟାଡିୟମଠାରେ ରବିବାର ଜାତୀୟ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଜିଲାରେ ବିଭିନ୍ନ  ବିଦ୍ୟାଳୟରୁ ଆସିଥିବା  ୫ ରୁ ୧୮ ବର୍ଷ ବୟସର ୨୫୦ ଛାତ୍ରୀଛାତ୍ର ପ୍ରତିଯୋଗିତାରେ ଭାଗ ନେଇଥିଲେ। ଓଡ଼ିଶା ରାଜ୍ୟ ଶିଶୁ କଲ୍ୟାଣ ପରିଷଦ ସହାୟତାରେ ମୟୂରଭଞ୍ଜ ଜିଲା ଶିଶୁ ସୁରକ୍ଷା ୟୁନିଟ ପକ୍ଷରୁ ଆୟୋଜିତ ପ୍ରତିଯୋଗିତାକୁ  ଜିଲାପାଳ ବିନିତ ଭରଦ୍ୱାଜ ଉଦ୍‌ଘାଟନ କରିଥିଲେ।  

ପ୍ରତିଭା ବିକଶିତ କରେ ‘ସୁରଭି’

ପ୍ରତିଭା ବିକଶିତ କରେ ‘ସୁରଭି’

ଭଦ୍ରକ ଅଫିସ,୮।୧୦-ଭଦ୍ରକ ବ୍ଲକର ବନ୍ଧଗଁା ସରକାରୀ ଉଚ୍ଚ ବିଦ୍ୟାଳୟରେ ସୁରଭି-୨୦୧୮ ମହୋତ୍ସବ ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ନରସିଂହ ମିଶ୍ର ଏଥିରେ ସଭାପତିତ୍ୱ କରିଥିଲେ। ମୁଖ୍ୟଅତିଥି ଭାବେ ଜିଲା ପରିଷଦ ସଭ୍ୟ କ୍ଷୀରୋଦ ଚନ୍ଦ୍ର ରାଉତ ଯୋଗଦେଇ ସୁରଭି କାର୍ଯ୍ୟକ୍ରମ ଶିଶୁଙ୍କ ଅନ୍ତର୍ନିହିତ ପ୍ରତିଭାର ବିକାଶ କରାଏ ବୋଲି ମତବ୍ୟକ୍ତ କରିଥିଲେ। 

ହିତାଧିକାରୀଙ୍କୁ ରାଶନକାର୍ଡ ବଣ୍ଟନ

ହିତାଧିକାରୀଙ୍କୁ ରାଶନକାର୍ଡ ବଣ୍ଟନ

ବାସୁଦେବପୁର,୮।୧୦(ଡି.ଏନ.ଏ.)-ବାସୁଦେବପୁର ଟାଉନ ହଲ୍‌ ପରିସରରେ ରାଜ୍ୟ ସରକାରଙ୍କ ନିଜସ୍ବ ଖାଦ୍ୟ ସୁରକ୍ଷା ଯୋଜନାରେ ରାଶନକାର୍ଡ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ପରିବେଶ ସୁସ୍ଥ ରଖିବାକୁ ଶପଥ ନେଲେ ମହିଳା

ପରିବେଶ ସୁସ୍ଥ ରଖିବାକୁ ଶପଥ ନେଲେ ମହିଳା

ରେମୁଣା, ୮।୧୦(ଡି.ଏନ.ଏ.)-ସବୁ କ୍ଷେତ୍ରରେ ମହିଳାଙ୍କ ଭାଗିଦାରୀ ରହିଲେ ସାମାଜିକ ପରିବର୍ତ୍ତନ ସମ୍ଭବ। ଏହି ବାର୍ତ୍ତା ନେଇ ମହିଳାଙ୍କ ଦ୍ୱାରା ସୁସ୍ଥ ପରିବେଶ ପାଇଁ ଅଭିଯାନ ଆରମ୍ଭ ହୋଇଛି । ଦେଶ ପରିମଳ ଗଁ। ତୁଠରୁ ଜଣାପଡୁଥିବାରୁ ଗଁ।ର ପରିବେଶ ସୁସ୍ଥ ରଖିବା, ପାଇଖାନା ବ୍ୟବହାର କରିବା ଏବଂ ଗଁ।କୁ ନିଶାମୁକ୍ତ ରଖିବା ପାଇଁ ଶପଥ ନେଇଛନ୍ତି ଶତାଧିକ ମହିଳା। 

ଗୁରୁ ପ୍ରଣାମ, ବନ୍ଧୁମିଳନ ଉତ୍ସବ

ଗୁରୁ ପ୍ରଣାମ, ବନ୍ଧୁମିଳନ ଉତ୍ସବ

ବାଲେଶ୍ୱର ଅଫିସ, ୮।୧୦-ବାଲେଶ୍ୱର ଶାନ୍ତିକାନନସ୍ଥିତ ସଂସ୍କୃତିଭବନ ପରିସରରେ ଜନାର୍ଦ୍ଦନ ବେହେରା ଚାରିଟେବୁଲ୍‌ ଟ୍ରଷ୍ଟ ପକ୍ଷରୁ ଗୁରୁ ପ୍ରଣାମ ଓ ବନ୍ଧୁ ମିଳନ ଉତ୍ସବ ରବିବାର ପାଳିତ ହୋଇଯାଇଛି। ଉକ୍ତ ଟ୍ରଷ୍ଟ ଦ୍ୱାରା ଶିକ୍ଷା ଲାଭ କରି ସମାଜରେ ପ୍ରତିଷ୍ଠିତ ହୋଇଥିବା ଅନେକ ପୂର୍ବତନ ଛାତ୍ର ଏହି ବନ୍ଧୁମିଳନ ଉତ୍ସବରେ ଏକତ୍ରିତ ହୋଇ ଗୁରୁଙ୍କ ଆକଟକୁ ମନେ ପକାଇଥିଲେ। ଏହି ଅବସରରେ ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ବ୍ୟକ୍ତିବିଶେଷମାନଙ୍କ ମଧ୍ୟରୁ ୬ଜଣ ଏବଂ ୬ଜଣ ଗରିବ ମେଧା ଛାତ୍ରୀଛାତ୍ରଙ୍କୁ ସମ୍ବର୍ଦ୍ଧିତ କରାଯାଇଥିଲା। 

ବନ୍ୟପ୍ରାଣୀ ସଂରକ୍ଷଣ ସପ୍ତାହ ପାଳିତ

ବନ୍ୟପ୍ରାଣୀ ସଂରକ୍ଷଣ ସପ୍ତାହ ପାଳିତ

ବାଲେଶ୍ୱର ଅଫିସ, ୮।୧୦-ବାଲେଶ୍ୱର ଆସୋସିଏଶନ୍‌ ଫର୍‌ ବାଇଓଡ଼ାଇଭରସିଟି କନଜରଭେଶନ୍‌ ଆଣ୍ଡ ରିସର୍ଚ୍ଚ ତରଫରୁ ଚାନ୍ଦିପୁରସ୍ଥିତ ଫକୀରମୋହନ ପ୍ରାଥମିକ ବିଦ୍ୟାଳୟରେ ବନ୍ୟପ୍ରାଣୀ ସଂରକ୍ଷଣ ସପ୍ତାହ ରବିବାର ପାଳିତ ହୋଇଯାଇଛି।  ଏହି ଅବସରରେ ବିଭିନ୍ନ ବିଦ୍ୟାଳୟର ପିଲାମାନଙ୍କୁ ନେଇ ଚିତ୍ରାଙ୍କନ ଓ କୁଇଜ୍‌ ପ୍ରତିଯୋଗିତା କରାଯାଇ କୃତୀ ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରାଯାଇଥିଲା। 

୭୩୩ ହିତାଧିକାରୀଙ୍କୁ ରାଶନକାର୍ଡ ବଣ୍ଟନ

୭୩୩ ହିତାଧିକାରୀଙ୍କୁ ରାଶନକାର୍ଡ ବଣ୍ଟନ

ଭୋଗରାଇ, ୮।୧୦(ଡି.ଏନ.ଏ.)-ଖାଦ୍ୟ ସୁରକ୍ଷା ଯୋଜନାରେ ଭୋଗରାଇ ବ୍ଲକରେ ୧୮,୨୨୫ ଜଣ ହିତାଧିକାରୀ ଯୋଗ୍ୟ ବିବେଚିତ ହୋଇଛନ୍ତି। ଏହି ଯୋଗ୍ୟ ହିତାଧିକାରୀଙ୍କୁ ୫ଟି ପର୍ଯ୍ୟାୟରେ ରାଶନକାର୍ଡ଼ ବଣ୍ଟନ କରାଯିବ। ରବିବାର ଥାନା ଛକ ହେଲିପ୍ୟାଡ଼ ପଡ଼ିଆରେ ପ୍ରଥମ ପର୍ଯ୍ୟାୟରେ ଏହି ବ୍ଲକର ୭୩୩ ଜଣ ହିତାଧିକାରୀଙ୍କୁ ଉଚ୍ଚଶିକ୍ଷା ଓ ଶିଳ୍ପ ମନ୍ତ୍ରୀ ଅନନ୍ତ ଦାସ ରାଶନକାର୍ଡ଼ ବଣ୍ଟନ କରିଛନ୍ତି। ଏହି ପରିପ୍ରେକ୍ଷୀରେ ଭୋଗରାଇ ବିଡ଼ିଓ ଦୀପ୍ତିରଞ୍ଜନ ସେଠୀଙ୍କ ପୌରୋହିତ୍ୟରେ ହିତାଧିକାରୀଙ୍କ ପାଇଁ ଏକ ଜନ ସଭା ଅନୁଷ୍ଠିତ ହୋଇଥିଲା। ଜିଲା ସିଭିଲ ସୋସାଇଟି ଅଫିସର (ସି.ଏସ୍‌.ଓ) ରବିନାରାୟଣ ପୃଷ୍ଟି ରାଜ୍ୟ ସରକାରଙ୍କ ଖାଦ୍ୟ ସୁରକ୍ଷା ଯୋଜନାରେ ବାଲେଶ୍ୱର ଜିଲା ୧ଲକ୍ଷ ୪୮ହଜାର ୯ଶହ ହିତାଧିକାରୀ ଏହି ଯୋଜନାରେ ଉପକୃତ ହେବେ ବୋଲି ପ୍ରକାଶ କରିଥିଲେ। ମୁଖ୍ୟଅତିଥି ଭାବେ ମନ୍ତ୍ରୀ ଅନନ୍ତ ଦାସ ଜିଲାରେ ପ୍ରକୃତ ଯୋଗ୍ୟ ହିତାଧିକାରୀ ଏହି ଯୋଜନାରେ ଯେପରି କେହି ବାଦ୍‌ ନ ପଡ଼ନ୍ତି ସେଥିପାଇଁ ଯୋଗାଣ ବିଭାଗ ଅଧିକାରୀ ଓ ପ୍ରଶାସନ ସତର୍କ ରହି କର୍ତ୍ତବ୍ୟ କରିବା ପାଇଁ ସରକାରୀ କଳକୁ ତାଗିଦ୍‌ କରିଥିଲେ।

ନିଖିଳ ଉତ୍କଳ ଅବସରପ୍ରାପ୍ତ ଶିକ୍ଷକ ସଂଘର ଜିଲାସ୍ତରୀୟ ସମ୍ମିଳନୀ

ନିଖିଳ ଉତ୍କଳ ଅବସରପ୍ରାପ୍ତ ଶିକ୍ଷକ ସଂଘର ଜିଲାସ୍ତରୀୟ ସମ୍ମିଳନୀ

ଜଳେଶ୍ୱର, ୮।୧୦(ଡି.ଏନ.ଏ.)-ଜଳେଶ୍ୱର ସହର ନୂଆବଜାର ସ୍ଥିତ ଜଳେଶ୍ୱର ନୋଡାଲ ଉଚ୍ଚ ବିଦ୍ୟାଳୟ ପରିସରରେ ନିଖିଳ ଉତ୍କଳ ଅବସରପ୍ରାପ୍ତ ଶିକ୍ଷକ ସଂଘର ଜିଲାସ୍ତରୀୟ ପ୍ରଥମ ସାଧାରଣ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ପ୍ରାଥମିକ ବିଦ୍ୟାଳୟଠୁ ଆରମ୍ଭ କରି ମହାବିଦ୍ୟାଳୟ ସ୍ତର ପର୍ଯ୍ୟନ୍ତ ଶିକ୍ଷାଦାନ କରିଥିବା ଅବସରପ୍ରାପ୍ତ ୧୦୪ ଜଣ ଶିକ୍ଷକ ଓ ଅଧ୍ୟାପକ ଯୋଗ ଦେଇଥିଲେ। ସାମ୍ପ୍ରତିକ ପରିସ୍ଥିତିରେ ବର୍ତ୍ତମାନ ସରକାରୀ ଶିକ୍ଷା ବ୍ୟବସ୍ଥା ଏକ ପ୍ରକାର ବିପର୍ଯ୍ୟସ୍ତ ହୋଇ ପଡ଼ିଥବା ନେଇ ବୈଠକରେ ଅବସରପ୍ରାପ୍ତ ବୟଜ୍ୟେଷ୍ଠ ଶିକ୍ଷକ ଓ ଅଧ୍ୟାପକମାନେ ଉଦ୍‌ବେଗ ପ୍ରକାଶ କରିଥିଲେ।

ଗଡପୋଖରୀରେ ବିଜେଡିର ଶକ୍ତିବୃଦ୍ଧି: ସାମିଲ ହେଲେ ପୂର୍ବତନ ସରପଞ୍ଚ, ୱାର୍ଡସଭ୍ୟ

ଗଡପୋଖରୀରେ ବିଜେଡିର ଶକ୍ତିବୃଦ୍ଧି: ସାମିଲ ହେଲେ ପୂର୍ବତନ ସରପଞ୍ଚ, ୱାର୍ଡସଭ୍ୟ

ଖଇରା, ୮।୧୦(ଡି.ଏନ.ଏ.)-ଖଇରା ବ୍ଲକ ଗଡପୋଖରୀ ପଞ୍ଚାୟତରେ ରବିବାର ବିଜେଡିର ପଦଯାତ୍ରା ଓ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି ା ପ୍ରଥମେ ଏକ ବିଶାଳ ପଟୁଆର ତ୍ରିଶଳପୁର ଗ୍ରାମରୁ ବାହାରି ଜୟୀଗଡ, ଶଙ୍କଣା, ଗଡପୋଖରୀ ଦେଇ ସିମୁଳିଆ ଗାୟତ୍ରୀ ପଡିଆରେ ପହଞ୍ଚିଥିଲା। ବିଜେଡି ସଭାପତି ବ୍ରଜକିଶୋର ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ଏମ୍‌ପି ଅର୍ଜୁନ ଚରଣ ସେଠୀ, ବିଧାୟକ ଜ୍ୟୋତିପ୍ରକାଶ ପାଣିଗ୍ରାହୀ, ବ୍ଲକ ଅଧ୍ୟକ୍ଷା ଅଭିଲିପ୍ସା ସାହୁ, ଉପାଧ୍ୟକ୍ଷ ଜୟନ୍ତ ରାଉତ, ସରପଞ୍ଚ ଗଜେନ୍ଦ୍ର ପରିଡା, ସମିତିସଭ୍ୟା ସଞ୍ଜୁଶ୍ରୀ ବାରିକ, ଜିଲା ପରିଷଦ ସଭ୍ୟା କଳ୍ପନା ନାଇକ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ।

୧୧୦ ମହିଳାଙ୍କୁ ଖାଉଟି କାର୍ଡ଼ ବଣ୍ଟନ

୧୧୦ ମହିଳାଙ୍କୁ ଖାଉଟି କାର୍ଡ଼ ବଣ୍ଟନ

ସିମୁଳିଆ, ୮।୧୦(ଡି.ଏନ.ଏ.)-ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ଦାରିଦ୍ର୍ୟ ସୀମାରେଖା ତଳେ ଥିବା ଗରିବ ପରିବାରକୁ ଖାଦ୍ୟ ସୁରକ୍ଷା ଯୋଗାଇ ଦେବା ପାଇଁ ଶନିବାର ସିମୁଳିଆ ବ୍ଲକ ପରିସରରେ ଖାଉଟି କାର୍ଡ଼ ବଣ୍ଟନ ସମାରୋହ ଅନୁଷ୍ଠିତ ହୋଇଯାଇଛି। ଏହି ଅବସରରେ ବିଡ଼ିଓ ଡଃ ନରହରି ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ମୁଖ୍ୟଅତିଥି ରୂପେ ବିଧାୟକ ଜ୍ୟୋତିପ୍ରକାଶ ପାଣିଗ୍ରାହୀ ଯୋଗ ଦେଇଥିଲେ। 

ସ୍ବଚ୍ଛତା ପାଇଁ  ଅଣ୍ଟା ଭିଡିଲେ ଉତ୍ତମନଗରବାସୀ

ସ୍ବଚ୍ଛତା ପାଇଁ ଅଣ୍ଟା ଭିଡିଲେ ଉତ୍ତମନଗରବାସୀ

ବାଲେଶ୍ୱର ଅଫିସ, ୮।୧୦-ବାଲେଶ୍ୱର ମ୍ୟୁନିସିପାଲିଟି ୨୧ ନମ୍ବର ୱାର୍ଡ଼ର ଉତ୍ତମନଗର ଗ୍ରାମର ‘ଉତ୍ତମନଗର ଉନ୍ନୟନ କମିଟି’ ପକ୍ଷରୁ ରବିବାର ପୂର୍ବାହ୍ନରେ ସ୍ବଚ୍ଛତା ଅଭିଯାନ ପାଳିତ ହୋଇଯାଇଛି। କମିଟି ସଭାପତି ଦେବବ୍ରତ ପୁହାଣ, କାର୍ଯ୍ୟକାରୀ ସଭାପତି ପ୍ରଫୁଲ କୁମାର ମହାପାତ୍ରଙ୍କ ନେତୃତ୍ୱରେ ଶତାଧିକ ଲୋକ ସଫେଇରେ ସାମିଲ ହୋଇଥିଲେ।  ଉତ୍ତମନଗର ମୁଖ୍ୟରାସ୍ତାରୁ ଗ୍ରାମର ଶେଷ ପର୍ଯ୍ୟନ୍ତ ୧କି.ମି.ରୁ ଊର୍ଦ୍ଧ୍ୱ ରାସ୍ତାକୁ ସଫେଇ କରାଯାଇଥିଲା। କମିଟିର ପୂର୍ବ ପ୍ରସ୍ତୁତି ଅନୁସାରେ ଉକ୍ତ ଅଞ୍ଚଳର ଲୋକମାନେ ହାତରେ ଝାଡୁ, କୋଦାଳ, ପାଛିଆ ଧରି ଗାଁ ରାସ୍ତା ସମେତ ନାଳନର୍ଦ୍ଦମାକୁ ସଫା କରିଥିଲେ। ଆଗକୁ ଦୁର୍ଗାପୂଜା ଗାଁକୁ ସଫା କରିବା ସହ ପରିବେଶକୁ ସୁସ୍ଥ ରଖିବା ପାଇଁ ଅନୁଷ୍ଠାନ ତରଫରୁ ଏଭଳି କାର୍ଯ୍ୟକ୍ରମ ହାତକୁ ନିଆଯାଇଥିବା ସମ୍ପାଦକ ଦୟାନିଧି ବିଶ୍ୱାଳ ପ୍ରକାଶ କରିଛନ୍ତି।

ଫକୀରପୁର ହାଇସ୍କୁଲରେ ମୋ ସ୍କୁଲ କମିଟି ଗଠିତ

ଫକୀରପୁର ହାଇସ୍କୁଲରେ ମୋ ସ୍କୁଲ କମିଟି ଗଠିତ

ଆନନ୍ଦପୁର,୮।୧୦(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ପୌର ପରିଷଦ ଫକୀରପୁର ହାଇସ୍କୁଲରେ ସୋମବାର ମୋ ସ୍କୁଲ କମିଟି ଗଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ଶିବରାମ ସାହୁଙ୍କ ଅଧ୍ୟକ୍ଷତାରେ ବହୁ ସଂଖ୍ୟକ ପୁରାତନ ଛାତ୍ରୀଛାତ୍ର ଅଂଶଗ୍ରହଣ କରି ଏହି କମିଟି ଗଠନ କରାଯାଇଥିଲା।

ମହୁଲଫୁଲ ବୋଝେଇ ଡାଲା ଅଟୋ ଜବତ, ଚାଳକ ଗିରଫ

ମହୁଲଫୁଲ ବୋଝେଇ ଡାଲା ଅଟୋ ଜବତ, ଚାଳକ ଗିରଫ

ଦାରିଙ୍ଗବାଡ଼ି,୮।୧୦(ଡି.ଏନ୍‌.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ପୋଲିସ ରବିବାର ବିଳମ୍ବିତ ରାତିରେ ଏକ ମହୁଲଫୁଲ ବୋଝେଇ ହୋଇଯାଉଥିବା ଡାଲା ଅଟୋକୁ ଜବତ କରିଛି ା ସେଥିରୁ ୯ଶହ କେଜିର ୧୮ ପ୍ୟାକେଟ ମହୁଲଫୁଲ ଜବତ କରିବା ସହ  ଅଟୋ ଚାଳକଙ୍କୁ ଗିରଫ କରିଛି।

ଭାରିଯାନ ଯାତାୟାତ ପ୍ରତିବାଦରେ ରାସ୍ତାରୋକୋ

ନୀଳଗିରି,୮।୧୦(ଡି.ଏନ୍‌.ଏ.): ବାଲେଶ୍ବର ଜିଲା ନୀଳଗିରି-ବଉଳଗଡିଆ ପୂର୍ତ୍ତବିଭାଗ ରାସ୍ତାରେ ପ୍ରତିଦିନ ଭାରିଯାନ ଯାତାୟାତ କରିବା ଫଳରେ ଦୁର୍ଘଟଣା ସହ ରାସ୍ତାର ଅବସ୍ଥା ଶୋଚନୀୟ ହୋଇପଡୁଛି। ପଞ୍ଚଲିଙ୍ଗେଶ୍ବର ପୀଠକୁ ଆସୁଥିବା ପର୍ଯ୍ୟଟକଙ୍କ ସୁରକ୍ଷାକୁ ଦୃଷ୍ଟିରେ ରଖି  ଦାଶରଥିପୁର ନିକଟରେ ସୋମବାର ପଞ୍ଚଲିଙ୍ଗେଶ୍ବର ପୀଠର ସାଧୁବାବା କମଳାକାନ୍ତଙ୍କ ନେତୃତ୍ୱରେ ରାସ୍ତାରୋକୋ ହୋଇଛି ।