ବାଲେଶ୍ୱର

ଶିକ୍ଷାନୁଷ୍ଠାନରେ ଛାତ୍ରଙ୍କୁ ମାଡ଼: ସ୍କୁଲ ଫାଟକରେ ତାଲା ପକାଇ ଗ୍ରାମବାସୀଙ୍କ ଧାରଣା

ଶିକ୍ଷାନୁଷ୍ଠାନରେ ଛାତ୍ରଙ୍କୁ ମାଡ଼: ସ୍କୁଲ ଫାଟକରେ ତାଲା ପକାଇ ଗ୍ରାମବାସୀଙ୍କ ଧାରଣା

ବାହାନଗା,୨୮।୯(ଡି.ଏନ.ଏ.)-ଶିକ୍ଷାନୁଷ୍ଠାନକୁ ଦଣ୍ଡମୁକ୍ତ ଅଞ୍ଚଳ ଘୋଷଣା ସତ୍ତ୍ୱେ ଛାତ୍ରଙ୍କୁ ମାଡ ମାରି ନିର୍ଯାତନା ଦେବା ଭଳି ଘଟଣା ବାରମ୍ବାର ପଦାକୁ ଆସୁଛି। ବାଲେଶ୍ୱର ଜିଲା ବାହାନଗା ବ୍ଲକ ପଣପଣା ପଞ୍ଚାୟତ ନାଚିନ୍ଧା ଗ୍ରାମରେ ଥିବା ପ୍ରାଥମିକ ବିଦ୍ୟାଳୟରେ ଗଣିତ ପଢାଇବା ବେଳେ ଜଣେ ଛାତ୍ରଙ୍କୁ ଗୁରୁବାର ମାଡ ମରାଯିବା ଘଟଣା ନେଇ ଉତ୍ତେଜନା ପ୍ରକାଶ ପାଇଛି।

ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର

ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର

ନୀଳଗିରି, ୨୮।୯(ଡି.ଏନ.ଏ.)-ନୀଳଗିରି ସହର ଉପକଣ୍ଠ ମହିଳା ମହାବିଦ୍ୟାଳୟର ହଷ୍ଟେଲ ରୁମ୍‌ରୁ ଶୁକ୍ରବାର ଝୁଲନ୍ତା ଅବସ୍ଥାରେ ଜଣେ ଯୁକ୍ତ ୩ ଶେଷ ବର୍ଷ ଛାତ୍ରୀଙ୍କ ମୃତଦେହକୁ ପୋଲିସ ଉଦ୍ଧାର କରିଛି ।ଏନେଇ ଥାନାରେ ଅପମୃତ୍ୟୁ ମାମଲା (ନଂ. ୩୫/୧୮) ରୁଜୁ ହୋଇ ତଦନ୍ତ ଜାରି ରହିଥିବା ଥାନା ଅଧିକାରୀ ନଳିତା ମୋଦି କହିଛନ୍ତି ।

ସମ୍ବର ମାଂସ ଜବତ,  ଜଣେ ଗିରଫ

ସମ୍ବର ମାଂସ ଜବତ, ଜଣେ ଗିରଫ

କପ୍ତିପଦା,୨୮।୯(ଡି.ଏନ.ଏ)-କପ୍ତିପଦା ରେଞ୍ଜ ଅଧିନ ଶିମିଳିପାଳ ଅଭୟାରଣ୍ୟର ଉପରବାରଡାଙ୍ଗୁଆ - ଖଣ୍ଡାଚିରା ରାସ୍ତାରୁ ବନ ବିଭାଗ କର୍ମଚାରୀ  ୫ କେ.ଜିି ସମ୍ବର ମାଂସ ଜବତ କରିବା ସହ ଜଣଙ୍କୁ ଗିରଫ କରିଛନ୍ତି।  

 ଶିକ୍ଷୟିତ୍ରୀଶିକ୍ଷକଙ୍କ ତାଲିମ ଶିବିର

ଶିକ୍ଷୟିତ୍ରୀଶିକ୍ଷକଙ୍କ ତାଲିମ ଶିବିର

ବାରିପଦା ଅଫିସ,୨୮।୯- ଜିଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ମୟୂରଭଞ୍ଜ ଓ ଓଡିଶା ସରକାରଙ୍କ ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ପକ୍ଷରୁ ଶିକ୍ଷୟିତ୍ରୀଶିକ୍ଷକଙ୍କ ତାଲିମ ଶିବିର ଅନୁଷ୍ଠିତ ହୋଇଯାଇଛି।

୩ ବଖରା ପାଉଁଶ, ୩ ଗୁରୁତର

୩ ବଖରା ପାଉଁଶ, ୩ ଗୁରୁତର

କୋଳିମାଟି, ୨୮।୯-ଆନନ୍ଦପୁରର ପୃଥକ ସ୍ଥାନରେ ଅଗ୍ନିକାଣ୍ଡ ଘଟି ୩ ବଖରା ପାଉଁଶ ହୋଇଥିବା ବେଳ ପୋଡି ହୋଇ ୩ ଜଣ ଆହତ ହୋଇଛନ୍ତି। ଆନନ୍ଦପୁର ଧକୋଠା ପଞ୍ଚାୟତ କୁଣ୍ଡାକୋଟ ଗ୍ରାମରେ ଗୁରୁବାର ସନ୍ଧ୍ୟାରେ ବଜ୍ରପାତରେ ଗ୍ରାମର ବାସନ୍ତୀ ପଲେଇଙ୍କ ଦୁଇ ବଖରା ଘର ଜଳି ଯାଇଛି। ଘରୁ ଅସବାପତ୍ର ଉଦ୍ଧାର କରିବାକୁ ଯାଇ ନିଆଁରେ ପୋଡି ହୋଇ ୨ ଜଣ ଆହତ ହୋଇଛନ୍ତି। ପୋଡ଼ି ଯାଇଥିବା ଆସବାପତ୍ରର ଆନୁମାନିକ ୭୦ ହଜାର ଟଙ୍କା ହେବ ବୋଲି କୁହାଯାଉଛି। ତାଙ୍କ ପରିବାର ଗରିବ ହୋଇଥିବାରୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।

ବରଦାପାଳରେ ଜନ୍ତାଳ ପର୍ବ

ବରଦାପାଳରେ ଜନ୍ତାଳ ପର୍ବ

ରାଇସୁଆଁ, ୨୮।୯(ଡି.ଏନ.ଏ.): କେନ୍ଦୁଝର ଜିଲା ସଦର ବ୍ଲକ ବରଦାପାଳ ଗ୍ରାମରେ ଜନ୍ତାଳ ପର୍ବ ପାଳିତ ହୋଇଛି। ଏହା ଏକ ମୁଖ୍ୟ ପର୍ବ ଭାବରେ ପରିଗଣିତ। ଏହି ପର୍ବରେ ୧୮ଟି ମୌଉଜାର ଲୋକେ ମାନସିକ ପୂରଣ ପାଇଁ ଦେବୀ ମଙ୍ଗଳେଶ୍ୱରୀଙ୍କ ପୀଠରେ ପହଞ୍ଚି ପୂଜାର୍ଚ୍ଚନା କରିଥିଲେ।  ମା’ ମଙ୍ଗଳେଶ୍ୱରୀଙ୍କ ପୀଠ ଚଳଚଞ୍ଚଳ ହୋଇଉଠିଥିଲା। ଏହି ଦିନରେ ମାନସିକ ରଖିଲେ ପୂରଣ ହୋଇଥାଏ ବୋଲି ଲୋକଙ୍କ ବିଶ୍ୱାସ ରହିଛି। ମାନସିକ ପୂରଣ ପରେ ଶ୍ରଦ୍ଧାଳୁ ଛେଳି, କୁକୁଡା ମା’ଙ୍କ ନିକଟରେ ବଳି ଦେଇଥାନ୍ତି ବୋଲି ସ୍ଥାନୀୟ ଅଞ୍ଚଳର ଜନସାଧାରଣ କହୁଛନ୍ତି। ଏହି ଦିନରେ ନୂଆ ଖାଇଥାନ୍ତି।  ମା’ଙ୍କ ପୂଜାର୍ଚ୍ଚନା ଏବଂ ଦର୍ଶନ ପାଇଁ ୫ ହଜାରରୁ ଊର୍ଦ୍ଧ୍ୱ ଭକ୍ତଙ୍କ ଭିଡ ଦେଖିବାକୁ ମିଳିଥିଲା।

ଜନଜାଗରଣ ପଦଯାତ୍ରା

ଜନଜାଗରଣ ପଦଯାତ୍ରା

କେନ୍ଦୁଝର, ୨୮।୯(ସ୍ବ.ପ୍ର.): ପତଳୀ ଯୋଗ ସମିତି ପକ୍ଷରୁ କେନ୍ଦୁଝରଠାରେ ଶହୀଦ ଭଗତ ସିଂଙ୍କ ଜନ୍ମ ବାର୍ଷିକ ଉତ୍ସବ ପାଳିତ ହୋଇଯାଇଛି। ଏହି ଅବସରରେ ଏକ ଯୁବ ଜାଗରଣ ପଦଯାତ୍ରା ଆୟୋଜନ କରାଯାଇଥିଲା। ସ୍ଥାନୀୟ ବିବେକାନନ୍ଦ ଶିକ୍ଷା କେନ୍ଦ୍ରରୁ ପଦଯାତ୍ରା ବାହାରି ଜିଲାପାଳଙ୍କ କାର୍ଯ୍ୟାଳୟ ଦେଇ କାଶୀପୁରସ୍ଥିତ ପତଳୀ କାର୍ଯ୍ୟାଳୟରେ ସମାପ୍ତ ହୋଇଥିଲା। ଏହି ଅବସରରେ ଏକ ସଭା ଆୟୋଜନ ହୋଇଥିଲା। ପତଳୀ ଯୋଗ ସମିତିର ଭାରତ ସ୍ବାଭିମାନ ପ୍ରଭାରୀ ଡମ୍ବରୁଧର ମହାନ୍ତ ପରିଚାଳନା କରି ଶହୀଦ ଭଗତ ସିଂଙ୍କ ଦେଶ ଭକ୍ତ ଓ ଦେଶ ପାଇଁ କିପରି ହସି ହସି ନିଜର ଜୀବନକୁ ଉତ୍ସର୍ଗିକୃତ କରିଥିଲେ ସେ ବିଷୟରେ କହିଥିଲେ। 

 ଗଣ୍ଡିବେଡ ବଣିକ ସଂଘ ଗଠିତ:  ରାଜେଶ ସଭାପତି,ଅଭିମନ୍ୟୁ ସମ୍ପାଦକ

ଗଣ୍ଡିବେଡ ବଣିକ ସଂଘ ଗଠିତ: ରାଜେଶ ସଭାପତି,ଅଭିମନ୍ୟୁ ସମ୍ପାଦକ

ଖଇରା୨୮।୯(ଡି.ଏନ.ଏ.)- ବାଲେଶ୍ୱର ଜିଲା ଖଇରା ବ୍ଲକର ଗଣ୍ଡିବେଡ ବଜାର ଏକ ପ୍ରମୁଖ ବାଣିଜି୍ୟକ ଓ ସାଂସ୍କୃତିକ ପୀଠସ୍ଥଳୀ ଭାବେ ପରିଚିତ।  ବିକାଶ ଓ ସାଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ ପରିମଳ ସୁରକ୍ଷା ଲାଗି ବଣିକମାନେ ସଂଗଠିତ ହୋଇ  ‘ଗଣ୍ଡିବେଡ ବଣିକ ସଂଘ’ ଗଠନ କରିଛନ୍ତି। ଚଳିତବର୍ଷଠାରୁ ବଜାରରେ ସାର୍ବଜନୀନ କାଳୀପୂଜା ଆୟୋଜନ ଲାଗି ନିଷ୍ପତ୍ତି ନିଆଯାଇଛି । ବୁଧବାର ଅନୁଷ୍ଠିତ ବୈଠକରେ ୩୦ରୁ ଊର୍ଦ୍ଧ୍ୱ ସଭ୍ୟ ଉପସ୍ଥିତ ରହି  ବଜାରକୁ ସ୍ବଚ୍ଛ ସୁନ୍ଦର ରଖିବା ଲାଗି ଆଲୋଚନା କରିଥିଲେ। 

ଲୁଟେରାଙ୍କ କବ୍‌ଜାରେ ନୀଳଗିରି-ଉଦଳା ରାସ୍ତା: ବନ୍ଧୁକ ଦେଖାଇ ଟଙ୍କା ଲୁଟ୍‌

ଲୁଟେରାଙ୍କ କବ୍‌ଜାରେ ନୀଳଗିରି-ଉଦଳା ରାସ୍ତା: ବନ୍ଧୁକ ଦେଖାଇ ଟଙ୍କା ଲୁଟ୍‌

ନୀଳଗିରି, ୨୮।୯(ଡି,ଏନ,ଏ,)- ବାଲେଶ୍ୱର ଜିଲା ନୀଳଗିରି-ଉଦଳା ରାସ୍ତାର ଭାଲୁକାଶୁଣି ନିକଟରେ  ୬ଜଣ ଦୃର୍ବୃତ୍ତ ବନ୍ଧୁକ ଜଣେ ବ୍ୟାଙ୍କ କର୍ମଚାରୀଙ୍କୁ ଗୁରୁବାର ସନ୍ଧ୍ୟାରେ ବନ୍ଧୁକ ଦେଖାଇ  ୩ଶହ ଟଙ୍କା,୨ଟି ମୋବାଇଲ ଫୋନ ସମେତ ପରିଚୟପତ୍ର ଓ ଡ୍ରାଇଭିଙ୍ଗ୍‌ ଲାଇସେନ୍ସ ଆଦି ଲୁଟି ନେଇଛନ୍ତି।  ଜିଲାରେ ବିଭିନ୍ନ ଅଞ୍ଚଳରେ ଗୋଟିକ ପରେ ଗୋଟିଏ ଏଭଳି ଲୁଟ ଘଟୁଥିବାରୁ ଜନସାଧାରଣ ଆତଙ୍କିତ ହୋଇପଡିଛନ୍ତି। ଏକ ସଂଗଠିତ ଲୁଟେରା ଦଳ ଜିଲରେ ସକ୍ରିୟ ଥିବା ସନ୍ଦେହ କରାଯାଉଛି। ନୀଳଗିରି-ଉଦଳା ରାସ୍ତା ଏକପ୍ରକାର ଲୁଟେରାଙ୍କ କବ୍‌ଜାରେ ଥିବା ଲୋକେ ଅଭିଯୋଗ କରୁଛନ୍ତି। ପୋଲିସ ଲୁଟ ଘଟଣାରେ ତନାଘନା କରି କାହାରି ଟେର୍‌ ପାଉ ନ ଥିବା ଚିନ୍ତାର କାରଣ ହୋଇଛି। 

ମେଡିକାଲ କଲେଜ ପ୍ରତିଷ୍ଠା ଦାବି ପୂରଣ ନ ହେଲେ ତେଜିବ ଆନ୍ଦୋଳନ

ମେଡିକାଲ କଲେଜ ପ୍ରତିଷ୍ଠା ଦାବି ପୂରଣ ନ ହେଲେ ତେଜିବ ଆନ୍ଦୋଳନ

ଧାମନଗର,୨୮।୯ (ଡି.ଏନ.ଏ.)-ଭଦ୍ରକରେ ମେଡିକାଲ କଲେଜ ସ୍ଥାପନ ଲାଗି ସରକାରଙ୍କ ଉପରେ ଚାପ ପକାଇବା ସକାଶେ ଜିଲାର ବିଭିନ୍ନ ଅଞ୍ଚଳରେ ଆନ୍ଦୋଳନ ଜୋର ଧରିଛି।  ଶୁକ୍ରବାର ଧାମନଗର ବ୍ଲକ ଅସୁରାଳୀ ଜୋନ୍‌ରେ ଏହି ଦାବି ନେଇ ଆନ୍ଦୋଳନ କରାଯାଇଥିଲା। ଲୋକେ ବିଶାଳ ରାଲି କରି  ବଜାର ପରିକ୍ରମା କରି ବିଭିନ୍ନ ସ୍ଲୋଗାନ ଦେଇଥିଲେ।

ମାଟିକାନ୍ଥ ପଡ଼ି ୭ ବର୍ଷର ବାଳକଙ୍କ ମୃତ୍ୟୁ

ମାଟିକାନ୍ଥ ପଡ଼ି ୭ ବର୍ଷର ବାଳକଙ୍କ ମୃତ୍ୟୁ

ଧାମନଗର,୨୮।୯(ଡି.ଏନ.ଏ.)-ଭଦ୍ରକ ଜିଲା ଧାମନଗର ବ୍ଲକ ପଠାଣ ମହଲା ବସ୍ତିରେ କାନ୍ଥ ପଡିଯିବାରୁ ସେକ୍‌ ଜାନିଙ୍କ ପୁଅ ସେକ୍‌ ରାହୁଲ(୭)ଙ୍କର ମୃତ୍ୟୁ ଘଟିଛି। ଲଗାଣ ବର୍ଷାେରେ ମାଟିଘର  କାନ୍ଥ ଦୁର୍ବଳ ହୋଇ ପଡିଥିଲା। ରାହୁଲ ଘରେ ଥିବାବେଳେ ହଠାତ୍‌ ମାଟି କାନ୍ଥ ଭୁଶୁଡି ପଡ଼ି ତାଙ୍କ ଉପରେ ଚାପି ହୋଇଯାଇଥିଲା। 

ପୌରପାଳିକା ସ୍ବାଗତମ ଫାଟକ ଉଦ୍‌ଘାଟିତ

ପୌରପାଳିକା ସ୍ବାଗତମ ଫାଟକ ଉଦ୍‌ଘାଟିତ

ବାସୁଦେବପୁର,୨୮।୯(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର-ଜାମୁଝାଡି ରାସ୍ତାର ଗୁଆଗଁା ସୀମାରେ ପୌରପାଳିକା ପକ୍ଷରୁ ସ୍ବାଗତମ ଫାଟକ ଶୁକ୍ରବାର ଅପରାହ୍ନରେ ଉଦ୍‌ଘାଟିତ ହୋଇଛି। ମୁଖ୍ୟଅତିଥି ଭାବେ ପୌରାଧ୍ୟକ୍ଷ ଅଶୋକ କୁମାର ଦାସ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ।

ଜ୍ୟୋର୍ତିବିଦ୍‌ ପ୍ରତିଭା ଅନ୍ବେଷଣ କାର୍ଯ୍ୟକ୍ରମ

ଜ୍ୟୋର୍ତିବିଦ୍‌ ପ୍ରତିଭା ଅନ୍ବେଷଣ କାର୍ଯ୍ୟକ୍ରମ

ଉଦଳା, ୨୮।୯ (ଡି.ଏନ.ଏ.) - ଟାଟା ଷ୍ଟିଲ୍‌ ଏବଂ ପଠାଣି ସାମନ୍ତ ପ୍ଲାନେଟେରିୟମ୍‌ର ମିଳିତ ଉଦ୍ୟମରେ ଉଦଳା ଉଚ୍ଚ ବିଦ୍ୟାଳୟରେ ଜ୍ୟୋର୍ତିବିଦ୍‌ ପ୍ରତିଭା ଅନ୍ବେଷଣ କାର୍ଯ୍ୟକ୍ରମ  ଅନୁଷ୍ଠିତ ହୋଇଯାଇଛି । ବିଗତ ବର୍ଷର ବିଦ୍ୟାଳୟର କୃତ୍ତି ଛାତ୍ର ଅପୂର୍ବ ରଞ୍ଜନ ଧଳ ରାଜ୍ୟସ୍ତରରେ ଶ୍ରେଷ୍ଠ ୨୦ ଜଣଙ୍କ ମଧ୍ୟରେ ରହି  ମୁଖ୍ୟମନ୍ତ୍ରୀଙ୍କ ଦ୍ୱାରା ସମ୍ମାନିତ ହୋଇଥିଲେ । ଏଥିଯୋଗୁ ସେ  ବିଜ୍ଞାନ ଶିକ୍ଷକ ସମରଜିତ୍‌ ମହାପାତ୍ରଙ୍କ ସହ ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ ଅହମଦାବାଦ୍‌ କେନ୍ଦ୍ର(ଇସ୍ରୋ) ପରିଭ୍ରମଣର ସୁଯୋଗ ପାଇଥିଲେ   ।

ଆମ ଗାଁ ଆମ ବିକାଶ କାର୍ଯ୍ୟକ୍ରମ

ଆମ ଗାଁ ଆମ ବିକାଶ କାର୍ଯ୍ୟକ୍ରମ

ଠାକୁରମୁଣ୍ଡା,୨୮।୯(ଡି.ଏନ.ଏ.)-ମୟୂରଭଞ୍ଜ ଜିଲା ଠାକୁରମୁଣ୍ଡା ବ୍ଲକରେ  ଆମ ଗାଁ ଆମ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଠାକୁରମୁଣ୍ଣା ସରକାର ଉଚ୍ଚ ବିଦ୍ୟାଳୟ ଜରିଆରେ  ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନସିଙ୍ଗ ମାଧ୍ୟମରେ ବ୍ଲକର ୧୮ ଗୋଟି ଗ୍ରାମ ପଞ୍ଚାୟତ ଅଧୀନ  ଗାଁ ଗୁଡିକ ନିମନ୍ତେ   ମୋଟ ୪କୋଟି ୫୦ ଲକ୍ଷ ଟଙ୍କା ବ୍ୟୟର ୨୦୧ଟି ପ୍ରକଳ୍ପକୁ ଅନୁମୋଦନ କରିଥିଲେ। 

କୃମି ନାଶକ ଦିବସ

କୃମି ନାଶକ ଦିବସ

ରାଇରଙ୍ଗପୁର, ୨୮।୯(ଡି.ଏନ୍‌.ଏ)-ରାଇରଙ୍ଗପୁର ସରକାରୀ ହାଇସ୍କୁଲ ପକ୍ଷରୁ ଜାତୀୟ କୃମି ନାଶକ ଦିବସ ପାଳନ  ଅବସରରେ ଜନସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ  ହାଇସ୍କୁଲର ପ୍ରଧାନ ଶିକ୍ଷକ ଗୌତମ ବଳିୟାର ସିଂଙ୍କ ଅଧ୍ୟକ୍ଷତାରେ ଆୟୋଜିତ କୃମି ନାଶକ ଜନସଚେତନତା କାର୍ଯ୍ୟକ୍ରମରେ ବିଜ୍ଞାନ ଶିକ୍ଷକ ରଞ୍ଜନ କୁମାର ନନ୍ଦ ଏବଂ ଶିକ୍ଷକ ରଞ୍ଜନ ମହାନ୍ତି ଉପସ୍ଥିତ ଥିଲେ। 

ନୂଆ ଭୋଟରଙ୍କ ଲାଗି ପାଠଶାଳା

ନୂଆ ଭୋଟରଙ୍କ ଲାଗି ପାଠଶାଳା

ବାରିପଦା ଅଫିସ,୨୮।୯- ମୟୂରଭଞ୍ଜ ଜିଲା ରାଗଧା ସ୍ଥିତ ଶ୍ରୀରାମଚନ୍ଦ୍ର ଡିଗ୍ରୀ ମହାବିଦ୍ୟାଳୟରେ ଏନଏସଏସ ତରଫରୁ ମତଦାନ ପାଠଶାଳା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଉତ୍ତର ଓଡିଶା ବିଶ୍ୱବିଦ୍ୟାଳୟ ଅଧୀନ ମହାବିଦ୍ୟାଳୟ ସମୂହର ଜାତୀୟ ସେବା ଯୋଜନା(ଏନଏସଏସ) ସଂଯୋଜିକା ଉଷା ଶତପଥୀ ମୁଖ୍ୟ ଅତିଥି ଭାବେ ଯୋଗ ଦେଇ ମହାବିଦ୍ୟାଳୟଗୁଡ଼ିକରେ ଅଧ୍ୟୟନ କରୁଥିବା ଛାତ୍ରୀଛାତ୍ର ମତଦାନ ପ୍ରକ୍ରିୟାରେ ସାମିଲ ହେଲେ ଏକ ସୁଦୃଢ଼ ରାଷ୍ଟ୍ର ନିର୍ମାଣ କ୍ଷେତ୍ରରେ ନିର୍ଣ୍ଣାୟକ ଭୂମିକା ଗ୍ରହଣ କରିବେ ବୋଲି କହିଥିଲେ।  

ନାଳରେ ବୁଡିଯାଇ ଯୁବକ ନିଖୋଜ

ନାଳରେ ବୁଡିଯାଇ ଯୁବକ ନିଖୋଜ

ଢ଼େଙ୍କିକୋଟ,୨୮।୯(ଡି.ଏନ୍‌.ଏ.): କେନ୍ଦୁଝର ଜିଲା ଘଟଗାଁ ସନ୍ତରାପୁର ପଞ୍ଚାୟତରେ ଏକ ଅଭାବନୀୟ ଘଟଣା ଘଟିଛି। ଛତିଆ ଗ୍ରାମର ଜଣେ ଯୁବକ ଗୁରୁବାର ଶୁଦ୍ଧିକ୍ରିୟା ପରେ ନାଳରେ ଗାଧୋଉଥିବାବେଳେ ଭାସିଯାଇ ନିଖୋଜ ଅଛନ୍ତି। ନିଖୋଜ ଯୁବକ ଚମ୍ପୁଆ ଥାନା ଅଧୀନ ରଦିଆ ଗ୍ରାମର ଇନ୍ଦ୍ରଜିତ ନାୟକ(୪୦)।

୭୫ତମ ଶହିଦ ସ୍କୃତି ସମାରୋହ

୭୫ତମ ଶହିଦ ସ୍କୃତି ସମାରୋହ

ବାସୁଦେବପୁର, ୨୮।୯(ଡି.ଏନ.ଏ.): ଭଦ୍ରକ ଜିଲା ବାସୁଦେବପୁରର ରକ୍ତତୀର୍ଥ ଇରମଠାରେ ୭୫ତମ ଶହିଦ ସ୍କୃତି ସମାରୋହ ଶୁକ୍ରବାର ପାଳିତ ହୋଇଯାଇଛି।

ପାଟଣାରେ ଔଷଧ ଦୋକନ ବନ୍ଦ

ପାଟଣାରେ ଔଷଧ ଦୋକନ ବନ୍ଦ

ପାଟଣା, ୨୮।୯( ସ୍ବ.ପ୍ର.): କେନ୍ଦୁଝର ଜିଲା  ପାଟଣା ବ୍ଲକ ମୁଖ୍ୟାଳୟରେ ଥିବା ସମସ୍ତ ଔଷଧ ଦୋକାନଗୁଡିକ ଶୁକ୍ରବାର ବନ୍ଦ ରହିଛି। ରୋଗୀମାନେ ଏଥିରେ ପ୍ରଭାବିତ ହୋଇଥିବାର ଦେଖିବାକୁ ମିଳିଛି। 

ଖାଦ୍ୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ

ଖାଦ୍ୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ

କେନ୍ଦୁଝର, ୨୮।୯(ସ୍ବ.ପ୍ର.): ଜିଲାସ୍ତରୀୟ ପରିପୂରକ ଖାଦ୍ୟ ସଚେତନତା କାର୍ଯ୍ୟକ୍ରମ ଆରମ୍ଭ ହୋଇଛି। ଆଜି ସ୍ଥାନୀୟ ଦରବାର ହଲଠାରେ ଜିଲା ସମାଜ ମଙ୍ଗଳ ବିଭାଗ ଆନୁକୂଲ୍ୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ହଷ୍ଟେଲରେ ଛାତ୍ରୀଙ୍କ ଆତ୍ମହତ୍ୟା

ହଷ୍ଟେଲରେ ଛାତ୍ରୀଙ୍କ ଆତ୍ମହତ୍ୟା

ନୀଳଗିରି, ୨୮।୯(ଡି.ଏନ.ଏ.)ନୀଳଗିରି ମହିଳା ମହାବିଦ୍ୟାଳୟର ହଷ୍ଟେଲରୁ ଜଣେ ଛାତ୍ରୀଙ୍କ ମୃତଦେହ ଉଦ୍ଧାର କରାଯାଇଛି।

୩୦ ହଜାରରୁ ଊର୍ଦ୍ଧ୍ୱ ମୂଲ୍ୟର ଶାଳଗଣ୍ଡି ସହ ଗାଡ଼ି ଜବତ

୩୦ ହଜାରରୁ ଊର୍ଦ୍ଧ୍ୱ ମୂଲ୍ୟର ଶାଳଗଣ୍ଡି ସହ ଗାଡ଼ି ଜବତ

ପାଟଣା,୨୮।୯(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବନାଞ୍ଚଳ ଅନ୍ତର୍ଗତ କଟାବେଡା ଗ୍ରାମ ନିକଟ ପୁରୁଣାପାଣି  ସଂରକ୍ଷିତ ଜଙ୍ଗଲରୁ ଗୁରୁବାର ବିଳମ୍ବିତ ରାତିରେ ପାଟଣା ବନ ବିଭାଗ ପକ୍ଷରୁ ୨ ଶାଳ କାଠ ଗଣ୍ଡି ବୋଝେଇ ଏକ ଟାଟା ଏସି ଗାଡିକୁ ଜବତ କରାଯାଇଛି। କିନ୍ତୁ ମାଫିଆମାନେ ଫେରାର ହୋଇଯାଇଥିବା ଜଣାପଡ଼ିଛି।  

ପରିତ୍ୟକ୍ତ ଖଣି ପାଣିରେ ବୁଡ଼ି ପୁଣି ଜଣଙ୍କ ମୃତ୍ୟୁ

ଖଇରା,୨୮।୯(ଡି.ଏନ୍‌.ଏ): ବାଲେଶ୍ୱର ଜିଲା ଖଇରା ବ୍ଲକ ଅଧୀନ ଗଡପୋଖରୀ ଗ୍ରାମର ପରିତ୍ୟକ୍ତ ଖଣି ପାଣିରେ ବୁଡି ଶୁକ୍ରବାର ପୁଣି ଜଣଙ୍କ ମୃତ୍ୟୁ ଘଟିଛି। ସେ ହେଲେ ଗୋପାଳ ଦଳେଇ(୭୦)।

‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ: ଜିଲାର ବିକାଶ ଲାଗି ଗୁରୁତ୍ୱ

‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ: ଜିଲାର ବିକାଶ ଲାଗି ଗୁରୁତ୍ୱ

ଆନନ୍ଦପୁର/ରାଇସୁଆଁ, ୨୮।୯(ସ୍ବ.ପ୍ର./ଡି.ଏନ.ଏ.): ରାଜ୍ୟ ସରକାରଙ୍କ ସ୍ବତନ୍ତ୍ର ଉନ୍ନୟନ ଯୋଜନା ‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ ଆନନ୍ଦପୁର ବ୍ଲକରେ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ୧୮ଗୋଟି ପଞ୍ଚାୟତରୁ ୨୦ହଜାରରୁ ଊର୍ଦ୍ଧ୍ୱ ଜନସାଧାରଣଙ୍କ ସମାଗମ ହୋଇଥିଲା। ଆନନ୍ଦପୁର ବ୍ଲକ ଓ ପୌରପରିଷଦ ବିଜୁ ଯୁବ ବାହିନୀ ପକ୍ଷରୁ ଲୋକମାନଙ୍କୁ ପାନୀୟ ଜଳର ବ୍ୟବସ୍ଥାଠାରୁ ଆରମ୍ଭ କରି ସମସ୍ତ ସୁବିଧା ସୁଯୋଗ କଥା ବୁଝାଇଥିଲେ। ଆନନ୍ଦପୁର ବିଡିଓ ଉମାକାନ୍ତ ପରିଡାଙ୍କ ସଂଯୋଜନାରେ ଆୟୋଜିତ କାର୍ଯ୍ୟକ୍ରମରେ ବିଦ୍ୟାଳୟ, ଗଣଶିକ୍ଷା ଓ ବିଜ୍ଞାନ କାରିଗରି ମନ୍ତ୍ରୀ ବଦ୍ରି ନାରାୟଣ ପାତ୍ର, ଆନନ୍ଦପୁର ବିଧାୟକ ମାୟାଧର ଯେନା, କେନ୍ଦୁଝର ଜିଲାପାଳ ଆଶିଷ ଠାକରେ, କେନ୍ଦୁଝର ଏମ୍‌ପି ଶକୁନ୍ତଳା ଲାଗୁରୀ, ଉପଜିଲାପାଳ ଆନନ୍ଦପୁର ରବି ନାରାୟଣ ସାହୁ, ଏମ୍‌ପି ପ୍ରତିନିଧି ଦେବପ୍ରିୟ ପାତ୍ର, ଆନନ୍ଦପୁର ବ୍ଲକ ଅଧ୍ୟକ୍ଷା ମମତା ନାଇକ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମର ଉପାଦେୟତା ସମ୍ପର୍କରେ ଲୋକମାନଙ୍କୁ ଅବଗତ କରାଇଥିଲେ।