ବାଲେଶ୍ୱର

ସୁନା ଦୋକାନରୁ ଚୋରି

ସୁନା ଦୋକାନରୁ ଚୋରି

ଧାମନଗର, ୨୩।୧୦: (ଡି.ଏନ.ଏ.): ଭଦ୍ରକ ଜିଲା ଧାମନଗର ବ୍ଲକ ଧୂଷୁରୀ ବଜାରରେ  କରୁଣାକର ସାହୁଙ୍କ ଇପସିତା ଜୁଏଲାରୀ ଦୋକାନରୁ ଲକ୍ଷାଧିକ ଟଙ୍କା ମୂଲ୍ୟର ସାମଗ୍ରୀ ଚୋରି ହୋଇଥିବା ଅଭିଯୋଗ ହୋଇଛି ।

ମେଡିକାଲ  କଲେଜ  ପ୍ରତିଷ୍ଠା  ଦାବି  ଜୋର ଧରିଲା: ୨୯ରେ  ଭଦ୍ରକ  ବନ୍ଦ

ମେଡିକାଲ କଲେଜ ପ୍ରତିଷ୍ଠା ଦାବି ଜୋର ଧରିଲା: ୨୯ରେ ଭଦ୍ରକ ବନ୍ଦ

ଭଦ୍ରକ ଅଫିସ, ୨୩।୧୦: ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବି ଜୋର  ଧରିଛି l ଦୀର୍ଘ ଏକ ମାସରୁ ଊର୍ଦ୍ଧ୍ୱ ସମୟ ଧରି ଏହି ଦାବିରେ ବିଭିନ ସ୍ଥାନରେ ପ୍ରତିବାଦ ସଭା ଓ ଆନ୍ଦୋଳନ ହୋଇ ଆସୁଥିଲେ ମଧ୍ୟ ସରକାରୀ ସ୍ତରରେ ଘୋଷଣା ହେଉ ନ ଥିବା କାରଣରୁ ଚଳିତ ମାସ ୨୯ରେ ଭଦ୍ରକ ଜିଲା ବନ୍ଦ ଘୋଷଣା କରାଯାଇଛିl

ଦୁର୍ଘଟଣାରେ ଯୁବକ ମୃତ, କ୍ଷତିପୂରଣ ଦାବିରେ ରାସ୍ତାରୋକୋ

ଦୁର୍ଘଟଣାରେ ଯୁବକ ମୃତ, କ୍ଷତିପୂରଣ ଦାବିରେ ରାସ୍ତାରୋକୋ

କେନ୍ଦୁଝର, ୨୩ା୧୦(ସ୍ବ.ପ୍ର): ନୟାକୋଟ ଥାନା ଅନ୍ତର୍ଗତ ସୁଡୁଙ୍ଗ-କାଦକଳା ରାସ୍ତାର ଲୁହାକଳା ଗ୍ରାମ ନିକଟରେ ମଙ୍ଗଳବାର ସକାଳେ ଏକ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ଲୁହାକଳା ଗ୍ରାମରେ ତାତଙ୍ଗ ମୁଣ୍ଡା। ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଛି। 

କିରୋସିନ ଢାଳି ନବବଧୂଙ୍କ ଆତ୍ମହତ୍ୟା

କିରୋସିନ ଢାଳି ନବବଧୂଙ୍କ ଆତ୍ମହତ୍ୟା

ବଡ଼ସାହି, ୨୩।୧୦(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି ଥାନା ଅଧୀନ ହରିପୁର ଗ୍ରାମର ଜଣେ ନବବଧୂ ସୋମବାର ସନ୍ଧ୍ୟାରେ ଦେହରେ କିରୋସିନ ଢାଳି ନିଆଁ ଲଗାଇ ଆତ୍ମହତ୍ୟା କରିଛନ୍ତି। ସେ ହେଲେ ଦିଲ୍ଲୀପ ନାଥଙ୍କ ସ୍ତ୍ରୀ ପରୀ(୧୮) । 

ଜିଲା ଯୋଗାଣ ନିରୀକ୍ଷକଙ୍କୁ ଦୁର୍ବ୍ୟବହାର

ଜିଲା ଯୋଗାଣ ନିରୀକ୍ଷକଙ୍କୁ ଦୁର୍ବ୍ୟବହାର

ଭଦ୍ରକ ଅଫିସ,୨୩।୧୦-ଭଦ୍ରକ ଜିଲା ଯୋଗାଣ ନିଗମ କାର୍ଯ୍ୟାଳୟ ପରିସରରେ କାର୍ଯ୍ୟରତ ଯୋଗାଣ ନିରୀକ୍ଷକ ବାବୁଲାଲ ବାରିକଙ୍କୁ ସୋମବାର ଦୁର୍ବ୍ୟବହାର ସହ ଧମକ ଦିଆଯାଇଥିବା ନେଇ ଅଭିଯୋଗ ହୋଇଛି। 

ଚିକିତ୍ସା ଅବହେଳାରୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ

ଚିକିତ୍ସା ଅବହେଳାରୁ ଗର୍ଭବତୀଙ୍କ ମୃତ୍ୟୁ ଅଭିଯୋଗ

ବାରିପଦା ଅଫିସ,୨୩।୧୦- ବାରିପଦା ସ୍ଥିତ ପଣ୍ଡି ରଘୁନାଥ ମୁର୍ମୁ ମେଡିକାଲ କଲେଜରେ ସୋମବାର  ଚିକିତ୍ସା ଅବହେଳରୁ ଜଣେ ଗର୍ଭବତୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। 

ବାରିପଦାରେ ରାଜ୍ୟସ୍ତରୀୟ ବଡି ବିଲ୍ଡିଂ ପ୍ରତିଯୋଗିତା

ବାରିପଦାରେ ରାଜ୍ୟସ୍ତରୀୟ ବଡି ବିଲ୍ଡିଂ ପ୍ରତିଯୋଗିତା

ବାରିପଦା ଅଫିସ,୨୩।୧୦- ମୟୂରଭଞ୍ଜ ଜିଲା ବାରିପଦା ଠାରେ କଲ୍ଚରାଲ ଆସୋସିଏଶନ ଓ ସାଇ ଫିଟନେସ ଜିମ୍‌ର ମିଳିତ ଆନୁକୂଲ୍ୟରେ ରାଜ୍ୟସ୍ତରୀୟ ବଡି ବିଲ୍ଡିଂ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। 

‘ଲୋକଙ୍କୁ ବୋକା ବନାଉଛନ୍ତି ରାଜ୍ୟ ସରକାର’

‘ଲୋକଙ୍କୁ ବୋକା ବନାଉଛନ୍ତି ରାଜ୍ୟ ସରକାର’

ବସ୍ତା, ୨୩।୧୦(ସ୍ବ.ପ୍ର.)-ବାଲେଶ୍ୱର ଜିଲା ରେମୁଣାରେ ଶିଳ୍ପାନୁଷ୍ଠାନ ପ୍ରତିଷ୍ଠା ଆଳରେ ଚାଷୀଙ୍କଠାରୁ ଶହ ଶହ ଏକର ଜମି ହାତେଇ ନିଆଯାଉଛି। 

ଚାଷ ଜମିକୁ ଖସିପଡିଲା ଯାତ୍ରୀବାହୀ ବସ୍‌ ,୩ ଆହତ

ଚାଷ ଜମିକୁ ଖସିପଡିଲା ଯାତ୍ରୀବାହୀ ବସ୍‌ ,୩ ଆହତ

ଜଳେଶ୍ୱର, ୨୩ା୧୦(ଡି.ଏନ.ଏ.)-ସୋମବାର ଭୋର ସମୟରେ ଭୁବନେଶ୍ୱରରୁ ରାଇବଣିଆ ଥାନା ଓଲମାରା ଗ୍ରାମକୁ ଆସୁଥିବା କ୍ଷୀରଚୋରା ନାମକ ଯାତ୍ରୀବାହୀ ବସ୍‌ (ନଂ.ଓଆର୍‌୦୧ପି-୨୩୮୨) କବାଟଘାଟି ଛକଠାରେ ଭାରସାମ୍ୟ ହରାଇ ଚାଷ ଜମିକୁ ଖସିପଡିଥିଲା।

ଯୁବକଙ୍କ ମୃତଦେହ ଉଦ୍ଧାର

ଯୁବକଙ୍କ ମୃତଦେହ ଉଦ୍ଧାର

ବାରିପଦା ଅଫିସ,୨୨।୧୦-ବାରିପଦା ଟାଉନ ଥାନା ଅଧୀନ ତକତପୁର ଅଞ୍ଚଳରେ ସୋମବାର ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ସେ ହେଲେ ଗୋବିନ୍ଦ ମହାରଣା। ତାଙ୍କର ଏକ ସାର୍ଟିଫିକେଟ ହଜିଯାଇଥିବା ଯୋଗୁ ତାଙ୍କ ମାନସିକ ସ୍ଥିତି ଠିକ ନ ଥିଲା।

ଫେରାର ଅଭିଯୁକ୍ତ ଗିରଫ

ଫେରାର ଅଭିଯୁକ୍ତ ଗିରଫ

ରୂପ୍‌ସା, ୨୨।୧୦(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ହଳଦୀପଦା ଫାଣ୍ଡି ଅଧିକାରୀ ବଦ୍ରିଶଙ୍କର ଷଣ୍ଢ ଚଢ଼ାଉ କରି ଜଣେ ଫେରାର ଅଭିଯୁକ୍ତଙ୍କୁ ଗିରଫ କରିଛନ୍ତି। ଗିରଫ ଅଭିଯୁକ୍ତ ହେଲେ ଜଙ୍ଖରାଇ ଗ୍ରାମର ଶେଖ ତେଜମତ। ୨୦୧୬ ମସିହାର ଏକ ଗଣ୍ଡଗୋଳ ମାମଲାରେ ସେ ସମ୍ପୃକ୍ତ ଥିବା ପୋଲିସ କହିଛି। ୩ବର୍ଷ ଧରି ସେ ଫେରାର ଥିଲେ। ସେ ଘରେ ଥିବା ଖବରପାଇ ପୋଲିସ ଚଢ଼ାଉ କରିଥିଲା।

ବିଦ୍ୟୁତ ସଂସ୍ପର୍ଶରେ ଖବରକାଗଜ ବିତରକଙ୍କ ମୃତ୍ୟୁ

ବିଦ୍ୟୁତ ସଂସ୍ପର୍ଶରେ ଖବରକାଗଜ ବିତରକଙ୍କ ମୃତ୍ୟୁ

ସୋର, ୨୨ା୧୦(ଡ଼ି.ଏନ.ଏ.)-ଦୀର୍ଘ ୪୦ବର୍ଷ ଧରି ଖବରକାଗଜ ବିତରଣ କରିଆସୁଥିବା କମଳାକାନ୍ତ ରାଉତ (୫୮) ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁବରଣ କରିଛନ୍ତି। କମଳାକାନ୍ତ ସୋମବାର ମଧ୍ୟାହ୍ନ ୧୨ଟା ବେଳେ ତାଙ୍କ କୁକୁଡ଼ା ଫାର୍ମରେ କାମ କରୁଥିବା ବେଳେ ପୂର୍ବରୁ ଛିଡ଼ିପଡିଥିବା ତାରକୁ ମାଡି ପକାଇଥିଲେ। 

ଦାବି ପୂରଣ ନ ହେଲେ ବ୍ଲକ କାର୍ଯ୍ୟାଳୟ ଘେରାଉ

ଦାବି ପୂରଣ ନ ହେଲେ ବ୍ଲକ କାର୍ଯ୍ୟାଳୟ ଘେରାଉ

ବାରିପଦା ଅଫିସ,୨୨।୧୦- ମୟୂରଭଞ୍ଜ ଜିଲା ଝାଡଖଣ୍ଡ ମୁକ୍ତି ମୋର୍ଚ୍ଚା(ଜେଏମଏମ)ପକ୍ଷରୁ କୁଳିଅଣା ବ୍ଳକ ରଘୁନାଥ ‘ଗ’ଓ ରଙ୍ଗିଆମ ଗ୍ରାମରେ ଦେଖା ଦେଇଥିବା ସମସ୍ୟା ଗୁଡିକ ନେଇ ସୋମବାର ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଘେରିଛନ୍ତି। 

ଜବରଦଖଲ ଉଚ୍ଛେଦ ପାଇଁ ଜିଲାପାଳଙ୍କୁ ଦାବିପତ୍ର

ଜବରଦଖଲ ଉଚ୍ଛେଦ ପାଇଁ ଜିଲାପାଳଙ୍କୁ ଦାବିପତ୍ର

ଭଦ୍ରକ ଅଫିସ,୨୨।୧୦-ଭଦ୍ରକ ଜିଲାପାଲଙ୍କ କାର୍ଯ୍ୟାଳୟରେ ଅନୁଷ୍ଠିତ ଜନଅଭିଯୋଗ ଶୁଣାଣି ଶିବିରରେ ଚାନ୍ଦବାଲି ବ୍ଲକ ନାଲଗୁଣ୍ଡା ପଞ୍ଚାୟତ ପଛପଡ଼ା ଗ୍ରାମବାସୀ ଗ୍ରାମ୍ୟରାସ୍ତା ଜବରଦଖଲ ନେଇ ଲିଖିତ ଅଭିଯୋଗ କରିଛନ୍ତି। 

ଖଣିରେ ମେଶିନ ବ୍ୟବହାର, ବଢୁଛି ଶ୍ରମିକ ସମସ୍ୟା: ଜିଲାପାଳଙ୍କୁ ଅଭିଯୋଗ କଲେ ପୂର୍ବତନ ଜିଲାପରିଷଦ ସଭ୍ୟ

ଖଣିରେ ମେଶିନ ବ୍ୟବହାର, ବଢୁଛି ଶ୍ରମିକ ସମସ୍ୟା: ଜିଲାପାଳଙ୍କୁ ଅଭିଯୋଗ କଲେ ପୂର୍ବତନ ଜିଲାପରିଷଦ ସଭ୍ୟ

ଖଇରା, ୨୨।୧୦(ଡି.ଏନ.ଏ.)-ଖଇରା ତହସିଲ କୁପାରୀ ରାଜସ୍ବ କ୍ଷେତ୍ର ଅଧୀନ ଶାରୀଶୂଆ ପାହାଡରେ ୯୭ ଖଣି ଖନନ ପାଇଁ ତହସିଲ ପକ୍ଷରୁ ନିଲାମ ଦିଆଯାଇଛି। ଖଣି ମାଲିକମାନେ ଖଣିରୁ ପଥର ଉତ୍ତୋଳନ ପାଇଁ ୱାଗନ ଭଳି ବଡ ବଡ ମେଶିନ ବ୍ୟବହାର କରୁଛନ୍ତି।  ଆଉ ପୂର୍ବଭଳି ଶ୍ରମିକମାନଙ୍କୁ ଏଥିରେ ନିୟୋଜିତ କରାଯାଉନାହିଁ। ଫଳରେ ପାହାଡ ତଳି ଅଞ୍ଚଳରେ ଥିବା ଆଦିବାସୀ ଅଧ୍ୟୁଷିତ ପଞ୍ଚାୟତ କୁପାରୀ, ଗଡପୋଖରୀ, କଇଥଗଡିଆ, ବାଉଁଶଗଡିଆ ଓ ରଟିଣାରେ ଶ୍ରମିକମାନେ ହାତ ବାନ୍ଧି ବସି ରହୁଛନ୍ତି।

ବୟନ ଶିଳ୍ପ ସଚିବଙ୍କ  ଭଦ୍ରକ ଗସ୍ତ

ବୟନ ଶିଳ୍ପ ସଚିବଙ୍କ ଭଦ୍ରକ ଗସ୍ତ

ଭଦ୍ରକ ଅଫିସ,୨୨।୧୦: ରାଜ୍ୟ ସରକାରଙ୍କ ହସ୍ତତନ୍ତ, ହସ୍ତଶିଳ୍ପ ଓ ବୟନ ଶିଳ୍ପ ସଚିବ ଶୁଭା ଶର୍ମା ସୋମବାର ଭଦ୍ରକ ଗସ୍ତକରିଛନ୍ତି। 

ରିଲିଫ ପ୍ରଦାନ ପାଇଁ ବିଡିଓଙ୍କୁ ଭେଟିଲେ ବିପନ୍ନ

ରିଲିଫ ପ୍ରଦାନ ପାଇଁ ବିଡିଓଙ୍କୁ ଭେଟିଲେ ବିପନ୍ନ

ତିହିଡ଼ି,୨୨।୧୦(ଡି.ଏନ୍‌.ଏ.): ଭଦ୍ରକ ଜିଲା ତିହିଡ଼ି ଦୋଳସାହି ପଞ୍ଚାୟତ ଅଧୀନ ରାଢଙ୍ଗ ଓ ଗାଜିପୁର ଗ୍ରାମର ବନ୍ୟା ବିପନ୍ନ ସୋମବାର ମଧ୍ୟାହ୍ନରେ  ବିଡିଓଙ୍କୁ ଭେଟିଛନ୍ତି।

୨୯ରେ ଭଦ୍ରକ ବନ୍ଦ ଡାକରା

୨୯ରେ ଭଦ୍ରକ ବନ୍ଦ ଡାକରା

ଭଦ୍ରକ ଅଫିସ,୨୨।୧୦: ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବିରେ ଆନ୍ଦୋଳନ ଦିନକୁ ଦିନ ତୀବ୍ରତର ରୂପ ନେଉଛି। ଏନେଇ  ସୋମବାର ଜିଲାପାଳଙ୍କ ଅଭିଯୋଗ  ଶୁଣାଣିରେ ଚଳିତ ମାସ ୨୯ରେ ଭଦ୍ରକ ଜିଲାରେ ବନ୍ଦ ପାଳନ  କରାଯିବ  ବୋଲି ଘୋଷଣା କରାଯାଇଛି।

ପାଟଣାରେ ହିନ୍ଦୁ ଜାଗରଣ ସମାବେଶ

ପାଟଣାରେ ହିନ୍ଦୁ ଜାଗରଣ ସମାବେଶ

ପାଟଣା,୨୨।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଷ୍ଟାଡିୟମ ସନ୍ନିକଟ ପଡ଼ିଆଠାରେ ରାଷ୍ଟ୍ରୀୟ ସ୍ବୟଂ ସେବକ ସଂଘ ଧର୍ମ ଜାଗରଣ ସମିତି ଆନୁକୂଲ୍ୟରେ ପାଟଣା ଖଣ୍ଡ ତରଫରୁ ହିନ୍ଦୁ ସମାଜକୁ ଶୃଙ୍ଖଳିତ କରିବା ସକାଶେ ଏକ ଧର୍ମ ଜାଗରଣ ସଭା ଅନୁଷ୍ଠିତ ହୋଇଛି। 

‘ପରିଶ୍ରମ କର, ସଫଳତା ମିଳିବ’

‘ପରିଶ୍ରମ କର, ସଫଳତା ମିଳିବ’

ଭଦ୍ରକ ଅଫିସ,୨୨।୧୦-କହିବାଠାରୁ କାମରେ କରି ଦେଖାଇବାର ମଜା ନିଆରା। ଏ କଥାକୁ ଗୁରୁତ୍ୱ ଦେଇ ଭଦ୍ରକ କଚେରି ବଜାରର ଜଣାଶୁଣା ବ୍ୟବସାୟୀ ତଥା ଅନୁଷ୍ଠାନପ୍ରେମୀ ନରେନ୍ଦ୍ର ଓରଫ ପାଗୁଳୁ ସାହୁ(୬୨) ପଲିଥିନ ବ୍ୟବହାର ରୋକିବା କାମରେ ଲାଗିପଡ଼ିଛନ୍ତି। ନିଜ ହୋଟେଲ ପରିସରରେ ପଲିଥିନର ବ୍ୟବହାର ବନ୍ଦ କରି ଏଥିଲାଗି ‘ସଚେତନତା ଫଳକ’ ଲଗାଇଛନ୍ତି। ହୋଟେଲରୁ ପାର୍ସଲ ନେଉଥିବା ଲୋକଙ୍କୁ ଫଏଲ ଓ କାଗଜ ପ୍ୟାକେଟରେ ସେ ଖାଦ୍ୟ ସାମଗ୍ରୀ ଯୋଗାଇ ଦେଉଛନ୍ତି। ଘରୁ ବ୍ୟାଗ୍‌ ଆଣିବାକୁ ମଧ୍ୟ ଗ୍ରାହକମାନଙ୍କୁ ବୁଝାଉଛନ୍ତି। ନିଜେ ପରିଚାଳନା କରୁଥିବା ଏକ ଘରୋଇ ସ୍କୁଲ ଓ କଲେଜରେ ଅନୁରୂପ ସଚେତନତା ସୃଷ୍ଟି କରୁଛନ୍ତି।

ଫେସ୍‌ବୁକରେ ଅଶ୍ଳୀଳ ପୋଷ୍ଟ କରି ଶିକ୍ଷକ ଗିରଫ

ଫେସ୍‌ବୁକରେ ଅଶ୍ଳୀଳ ପୋଷ୍ଟ କରି ଶିକ୍ଷକ ଗିରଫ

ଧାମନଗର,୨୨।୧୦(ଡି.ଏନ.ଏ.)-ଭଦ୍ରକ ଜିଲା ଧାମନଗର ଥାନା ଅଧୀନ ପଠାଣମହଲା ଗ୍ରାମର ଶିକ୍ଷକ  ସେକ୍‌ ସବାକତୁଲ୍ଲାଙ୍କୁ ସୋସିଆଲ ମିଡିଆରେ ସାମ୍ପ୍ରଦାୟିକ ନେଇ ଅଶ୍ଳୀଳ ପୋଷ୍ଟ  କରିଥିବା ଅଭିଯୋଗରେ ପୋଲିସ  ଗିରଫ କରିଛି। ଫେସ୍‌ବୁକରେ ଅଶ୍ଳୀଳ ମନ୍ତବ୍ୟ ନେଇ ଦକ୍ଷିଣବାଡ଼ ଗ୍ରାମର ବିଜୟ ରାମଙ୍କ ଅଭିଯୋଗ କ୍ରମେ ଧାମନଗର ଥାନାରେ ଏକ ମାମଲା(ନଂ.୧୭୭/୧୮) ରୁଜୁ କରାଯାଇଛି। ଏନେଇ ପୋଲିସ ତଦନ୍ତ କରି ଶିକ୍ଷକ ସେକ୍‌ ସବାକତୁଲ୍ଲାଙ୍କୁ ଗିରଫ କରି ଶନିବାର କୋର୍ଟ ଚାଲାଣ କରିଛି। ଜଣେ ଶିକ୍ଷକ ହୋଇ ଏଭଳି ସାମ୍ପ୍ରଦାୟିକତା ଭେଦଭାବ ନେଇ ପୋଷ୍ଟ କରିବା ଘଟଣାକୁ ବିଭିନ୍ନ ମହଲରେ ନିନ୍ଦା କରାଯାଇଛି।

ମେଡିକାଲ କଲେଜ ପ୍ରତିଷ୍ଠା ଦାବି ଜୋର ଧରିଲା: ୨୯ରେ ଭଦ୍ରକ ଜିଲା ବନ୍ଦ ଡାକରା

ମେଡିକାଲ କଲେଜ ପ୍ରତିଷ୍ଠା ଦାବି ଜୋର ଧରିଲା: ୨୯ରେ ଭଦ୍ରକ ଜିଲା ବନ୍ଦ ଡାକରା

ଭଦ୍ରକ ଅଫିସ,୨୨।୧୦-ଭଦ୍ରକ ଜିଲାରେ ସରକାରୀ ମେଡିକାଲ କଲେଜ ପ୍ରତିଷ୍ଠା ଦାବି ବଢିବାରେ ଲାଗିଛି। ରବିବାର ଏଥିପାଇଁ ଭଦ୍ରକ ସମେତ ବାଙ୍ଗାଲୋରରେ ବିବିଧ କାର୍ଯ୍ୟକ୍ରମ କରାଯାଇ ଭଦ୍ରକ ମେଡିକାଲ କଲେଜ ସଂଗ୍ରାମୀ ସେନା ପକ୍ଷରୁ ଦାବିକୁ ଜୋରଦାର କରାଯାଇଛି। ବାଙ୍ଗାଲୋରଠାରେ ବସବାସ କରୁଥିବା ଭଦ୍ରକର ବାସିନ୍ଦାମାନେ ଜିଲାରେ ମେଡିକାଲ କଲେଜ ପ୍ରତିଷ୍ଠା ପାଇଁ ଉଠିଥିବା ଦାବିକୁ ସମର୍ଥନ ଜଣାଇ ଆଗକୁ ବାହାରିଥିବା ଜଣାଯାଇଛି। ପ୍ରବାସୀ ଭଦ୍ରକ ବାସିନ୍ଦା ରବିବାର ବାଙ୍ଗାଲୋରସ୍ଥିତ ଆଗ୍ରା ଜଗନ୍ନାଥ ମନ୍ଦିର ନିକଟରେ ଏକତ୍ର ହୋଇଥିଲେ। 

ନିଯୁକ୍ତି ଦାବିରେ ବିକ୍ଷୋଭ

ନିଯୁକ୍ତି ଦାବିରେ ବିକ୍ଷୋଭ

ଭଣ୍ଡାରିପୋଖରୀ,୨୨।୧୦(ସ୍ବ.ପ୍ର.)-ଜମିହରା ଓ କ୍ଷତିଗ୍ରସ୍ତ ଚାଷୀ ଶ୍ରମିକ ସାମ୍ମୁଖ୍ୟ ପକ୍ଷରୁ ନିଯୁକ୍ତି ଦାବିରେ ଭଦ୍ରକ ସହର ଉପକଣ୍ଠ ନଳାଙ୍ଗଠାରେ ଥିବା ଡିବିଏଲ ପ୍ରକଳ୍ପ କାର୍ଯ୍ୟାଳୟ ସମ୍ମୁଖରେ ରବିବାର ବିକ୍ଷୋଭ ପ୍ରଦର୍ଶନ କରାଯାଇଥିଲା। ନଳାଙ୍ଗଠାରେ ୧୬ନମ୍ବର ଜାତୀୟ ରାଜପଥର ସମ୍ପ୍ରସାରଣ ଓ ନିର୍ମାଣ କାର୍ଯ୍ୟ ଦାୟିତ୍ୱରେ ଥିବା ଡିବିଏଲ ରୋଡ କମ୍ପାନୀ ଚାଷୀଙ୍କଠାରୁ ଜମି ଅଧିଗ୍ରହଣ କରି ଜମିହରାଙ୍କୁ ନିଯୁକ୍ତି ନ ଦେବା ଓ କ୍ଷତିପୂରଣ ପ୍ରଦାନରେ ଅନିୟମିତତା କରିଥିବା ପ୍ରତିବାଦରେ ଆନ୍ଦୋଳନ କରାଯାଇଥିଲା। 

ବାରିପଦାରେ ଦୁର୍ନୀତି -ଭ୍ରଷ୍ଟାଚାର ବିରୋଧୀ ଜନ ସମାବେଶ  ଚାରା ଦୁର୍ନୀତି କଥା ଦୋହରାଇଲେ ଦାମ

ବାରିପଦାରେ ଦୁର୍ନୀତି -ଭ୍ରଷ୍ଟାଚାର ବିରୋଧୀ ଜନ ସମାବେଶ ଚାରା ଦୁର୍ନୀତି କଥା ଦୋହରାଇଲେ ଦାମ

ବାରିପଦା ଅଫିସ,୨୨।୧୦- ମୟୂରଭଞ୍ଜ ଜିଲା ବାରିପଦା ସହର ଛଉ ପଡିଆଠାରେ ମୟୂରଭଞ୍ଜ ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ରବିବାର ଦୁର୍ନୀତି-ଭ୍ରଷ୍ଟାଚାର ବିରୋଧୀ ଜନସମାବେଶ ଅନୁଷ୍ଠିତ ହୋଇଯାଇଛି। ପୂର୍ବତନ ମନ୍ତ୍ରୀ ଦାମୋଦର ରାଉତ, ପୂର୍ବତନ ଏମ୍‌ପି ବୈଜୟନ୍ତ ପଣ୍ଡା, ବରିଷ୍ଠ ଖବରଦାତା ରବି ଦାସ, ପୂର୍ବତନ ରାଜ୍ୟ ସମବାୟ ସମିତି ସଭାପତି ଯଜ୍ଞେଶ୍ୱର ବାବୁ ଏଥିରେ ଯୋଗ ଦେବାର କାର୍ଯ୍ୟକ୍ରମ ଥିଲା। ଏମାନଙ୍କ ମଧ୍ୟରେ ରବି ଦାସ  ଆସି ନ ଥିବା ବେଳେ ସ୍ବାସ୍ଥ୍ୟବସ୍ଥା ଭଲ ନ ରହିବାରୁ ବୈଜୟନ୍ତ ଅଧା ରାସ୍ତାରୁ ଫେରିଯାଇଥିଲେ। ପୂର୍ବତନ ମନ୍ତ୍ରୀ ଦାମୋଦର ରାଉତ ଓ ପୂର୍ବତନ ରାଜ୍ୟ ସମବାୟ ସମିତି ସଭାପତି ଯଜ୍ଞେଶ୍ୱର ବାବୁ କାର୍ଯ୍ୟକ୍ରମରେ ଯୋଗ ଦେଇ ବକ୍ତବ୍ୟ ରଖିଥିଲେ। ସଭା କାର୍ଯ୍ୟ ଚାଲିଥିବା ବେଳେ ଜଣେ ଯୁବକ ମଞ୍ଚ ଆଡକୁ ମାଡି ଆସି ୨ଟି ପ୍ରଶ୍ନ ପଚାରିବାକୁ ଚାହିଁଥିଲେ। ଏନେଇ ସଭାରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା। ପୋଲିସ ଏହି ଯୁବକଙ୍କୁ କାବୁ କରି ନେବା ପରେ ସଭା ଚାଲିଥିଲା। ପୂର୍ବତନ ମନ୍ତ୍ରୀ ରାଉତ ତାଙ୍କ ବକ୍ତବ୍ୟରେ  ମୟୂରଭଞ୍ଜ ଜିଲାରେ ହୋଇଥିବା ଚାରା ଦୁର୍ନୀତି ପ୍ରସଙ୍ଗ ଉଠାଇ ବର୍ତ୍ତମାନର ରାଜ୍ୟ ସରକାରଙ୍କୁ ସମାଲୋଚନା କରିଥିଲେ। ବାରିପଦାର ତତ୍‌କାଳୀନ ଜିଲାପାଳ ଓ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ମିଳିମିଶି ଏହି ଜିଲାରେ ବିଭିନ୍ନ ବେଆଇନ କାର୍ଯ୍ୟ କରିବା ସହ ଖଣି ଲୁଟ କରିଥିଲେ।  ମୟୂରଭଞ୍ଜର  ଚାରା ଦୁର୍ନୀତି ଧରିବାରୁ  ତାଙ୍କୁ  ଏଥିରୁ ନିବୃତ୍ତ ରହିବାକୁ କୋଟିଏ ଟଙ୍କା ଯଚା ଯାଇଥିଲା।  ମନା କରିବାରୁ ମନ୍ତ୍ରୀ ପଦ ଗଲା ବୋଲି ରାଉତ କହିଥିଲେ।