ବାଲେଶ୍ୱର

ପୂର୍ଣ୍ଣ ଓ ପ୍ରତ୍ୟକ୍ଷ ଅନୁଦାନ ଦାବି: ବ୍ଲକ ଗ୍ରାଣ୍ଟ ସ୍କୁଲ କଲେଜ ମିଳିତ ମଞ୍ଚ ପକ୍ଷରୁ ପାଟଣା ବ୍ଲକରେ ବାଇକ୍‌ ରାଲି

ପୂର୍ଣ୍ଣ ଓ ପ୍ରତ୍ୟକ୍ଷ ଅନୁଦାନ ଦାବି: ବ୍ଲକ ଗ୍ରାଣ୍ଟ ସ୍କୁଲ କଲେଜ ମିଳିତ ମଞ୍ଚ ପକ୍ଷରୁ ପାଟଣା ବ୍ଲକରେ ବାଇକ୍‌ ରାଲି

ପାଟଣା,୧୯।୯(ସ୍ବ.ପ୍ର.): ରାଜ୍ୟ ବ୍ଲକ ଗ୍ରାଣ୍ଟ ସ୍କୁଲ କଲେଜ ମିଳିତ ମଞ୍ଚ ଆବାହକ ପ୍ରକାଶ ଚନ୍ଦ୍ର ମହାନ୍ତିଙ୍କ ଆହ୍ବାନରେ ବୁଧବାର ପାଟଣା ଓ ସାହାରପଡ଼ା ବ୍ଲକର  ବ୍ଲକ ଗ୍ରାଣ୍ଟ ପ୍ରାପ୍ତ ଶିକ୍ଷକ, ଅଧ୍ୟାପକ, କର୍ମଚାରୀମାନେ   ବୁଧବାର ଏକ ବିରାଟ ମୋଟର ସାଇକେଲ ରାଲିରେ ବାହାରିଥିଲେ। ସେମାନେ ପାଟଣା ମୁଖ୍ୟାଳୟ ସ୍ଥିତ  ପରମେଶ୍ୱର ମହାଦେବ ମନ୍ଦିରଠାରୁ   ବାହାରି  ବିଭିନ୍ନ ପଞ୍ଚାୟତ ପରିକ୍ରମା କରିଛନ୍ତି।

ଗୋପାଳପୁରରେ ବ୍ଲକ ଗ୍ରାଣ୍ଟ ଶିକ୍ଷକଙ୍କ ପଦଯାତ୍ରା

ଗୋପାଳପୁରରେ ବ୍ଲକ ଗ୍ରାଣ୍ଟ ଶିକ୍ଷକଙ୍କ ପଦଯାତ୍ରା

ବାହାନଗା, ୧୯।୯(ଡି.ଏନ.ଏ.): ବାଲେଶ୍ୱର ଜିଲା ବାହାନଗା ବ୍ଳକର ଗୋପାଳପୁର ପଞ୍ଚାୟତରେ ବୁଧବାର ଓଡିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚର ବ୍ଲକଗ୍ରାଣ୍ଟ ଶିକ୍ଷକ ମାନଙ୍କ ଦ୍ବାରା ପଦଯାତ୍ରା ଓ ପଥପ୍ରାନ୍ତ ସଭା ଅନୁଷ୍ଠିତ ହୋଇଯାଇଛି।

ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବି: ନବ ନିର୍ମାଣ  ସେନା ପକ୍ଷରୁ ଶୋଭାଯାତ୍ରା

ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବି: ନବ ନିର୍ମାଣ ସେନା ପକ୍ଷରୁ ଶୋଭାଯାତ୍ରା

ବାସୁଦେବପୁର,୧୯।୯(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବପୁର ନବ ନିର୍ମାଣ  ସେନା ପକ୍ଷରୁ ଭଦ୍ରକରେ ମେଡିକାଲ କଲେଜ ପ୍ରତିଷ୍ଠା ଦାବିରେ ଏକ ଶୋଭାଯାତ୍ରା ସହର ପରିକ୍ରମା କରିଛି। ଏହା ଏ.ବି.କଲେଜ ଫାଟକ ସମ୍ମୁଖରୁ ବାହାରି ବାସୁଦେବପୁର ସହର ପରିକ୍ରମା କରିଛି।

ଖେଳୁଥିବା ବେଳେ ପୋଖରୀରେ ପଡ଼ି ୨ ଶିଶୁପୁତ୍ରଙ୍କ ମୃତ୍ୟୁ, ଉତ୍ତରବାହା ଗ୍ରାମରେ ଶୋକାକୂଳ ପରିବେଶ

ଖେଳୁଥିବା ବେଳେ ପୋଖରୀରେ ପଡ଼ି ୨ ଶିଶୁପୁତ୍ରଙ୍କ ମୃତ୍ୟୁ, ଉତ୍ତରବାହା ଗ୍ରାମରେ ଶୋକାକୂଳ ପରିବେଶ

ତିହିଡ଼ି,୧୯।୯(ଡି.ଏନ୍‌.ଏ.): ଭଦ୍ରକ ଜିଲା ତିହିଡ଼ି ଥାନା ଅଚକ ପଞ୍ଚାୟତ ଅଧୀନ ଉତ୍ତରବାହା ଗ୍ରାମରେ ବୁଧବାର ପୂର୍ବାହ୍ନରେ ଏକ ଅଘଟଣ ଘଟିଛି। ଗ୍ରାମର ୨ଜଣ ଶିଶୁ ପୋଖରୀରେ ବୁଡ଼ି ପ୍ରାଣ ହରାଇଛନ୍ତି। ସେମାନେ ହେଲେ ଗଣେଷ ମଲ୍ଲିକଙ୍କ ପୁଅ ସ୍ବାଗତ(୩) ଓ ସଞ୍ଜିତ ମଲ୍ଲିକଙ୍କ ପୁଅ ସମରଜିତ୍‌(୩)। 

ରାମଚନ୍ଦ୍ର ହାଇସ୍କୁଲରେ ସ୍ବଚ୍ଛତା ହିଁ ସେବା ସଚେତନତା କାର୍ଯ୍ୟକ୍ରମ

ରାମଚନ୍ଦ୍ର ହାଇସ୍କୁଲରେ ସ୍ବଚ୍ଛତା ହିଁ ସେବା ସଚେତନତା କାର୍ଯ୍ୟକ୍ରମ

ଖଇରା,୧୯।୯(ଡି.ଏନ୍‌.ଏ): ସ୍ବଚ୍ଛତା ହିଁ ସେବା ସଚେତନତା ଅଭିଯାନରେ ମଙ୍ଗଳବାର ଖଇରା ବ୍ଲକ ଅଧୀନ ଗରସଙ୍ଗସ୍ଥିତ ରାମଚନ୍ଦ୍ର ହାଇସ୍କୁଲର ଶିକ୍ଷୟିତ୍ରୀ, ଶିକ୍ଷକ ଏବଂ ଛାତ୍ରୀଛାତ୍ର ସାମିଲ ହୋଇଛନ୍ତି। 

୯୫ ବର୍ଷରେ ବି ମିଳୁନି ବାର୍ଦ୍ଧକ୍ୟ ଭତ୍ତା: ଆବେଦନ କଲେ ବି କର୍ଣ୍ଣପାତ କରୁ ନାହାନ୍ତି ଅଧିକାରୀ

୯୫ ବର୍ଷରେ ବି ମିଳୁନି ବାର୍ଦ୍ଧକ୍ୟ ଭତ୍ତା: ଆବେଦନ କଲେ ବି କର୍ଣ୍ଣପାତ କରୁ ନାହାନ୍ତି ଅଧିକାରୀ

ମୋରଡ଼ା,୧୯।୯: ମୟୂରଭଞ୍ଜ ଜିଲା ରାସଗୋବିନ୍ଦପୁର ବ୍ଲକର ଗଡ଼ିଘାଟି ପଞ୍ଚାୟତ ଅଧୀନ ବରହମ୍‌ପୁରା ଗ୍ରାମରେ ଅଧିକାଂଶ ବୃଦ୍ଧାବୃଦ୍ଧଙ୍କ ପାଇଁ ଭତ୍ତା ସାତସପନ ପାଲଟିଛି। ଏହି ଗ୍ରାମର ତିଳୋତ୍ତମା ସାମଲଙ୍କ ବୟସ ୯୫। ଏବେ ସେ ଠିକ୍‌ ଭାବେ ଚାଲି ପାରୁ ନାହାନ୍ତି। ବାଡ଼ି ହିଁ ତାଙ୍କ ସାହାରା ପାଲଟିଛି। ହେଲେ ଆଜି ପର୍ଯ୍ୟନ୍ତ ସେ ଭତ୍ତା ପାଇବାରୁ ବଞ୍ଚିତ ଅଛନ୍ତି।

ସର୍ପାଘାତ ଆହତଙ୍କ ଚିକିତ୍ସା ପାଇଁ ଯୁବ ସ୍ବାଭିମାନ ମଞ୍ଚର ସହାୟତା

ସର୍ପାଘାତ ଆହତଙ୍କ ଚିକିତ୍ସା ପାଇଁ ଯୁବ ସ୍ବାଭିମାନ ମଞ୍ଚର ସହାୟତା

ଖଇରା,୧୯।୯(ଡି.ଏନ୍‌.ଏ.): ବାଲେଶ୍ୱର ଜିଲା ଖଇରା ବ୍ଲକ ଅମରିଆ ଅଗ୍ନିପୁର ପଞ୍ଚାୟତ ଜେମାଦେଇ ପାଟଣା ଗ୍ରାମରେ ସାପକାମୁଡାରେ ଚିକିତ୍ସାଧୀନ ଥିବା ପ୍ରହଲ୍ଲାଦ ପୃଷ୍ଟିଙ୍କ ପୁଅ ଗୌରାଙ୍ଗଙ୍କ ଚିକିତ୍ସା ପାଇଁ ଯୁବ ସ୍ବାଭିମାନ ମଞ୍ଚ ପକ୍ଷରୁ ବୁଧବାର ୫ ହଜାର ଟଙ୍କାର ସହାୟତା ରାଶି ପ୍ରଦାନ କରାଯାଇଛି। 

ଛାତ୍ରୀଙ୍କ ସନ୍ଦେହଜନକ ମୃତ୍ୟୁ

ଛାତ୍ରୀଙ୍କ ସନ୍ଦେହଜନକ ମୃତ୍ୟୁ

ବଡ଼ସାହି, ୧୯।୯(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି ଥାନା ଅଧୀନ ବୈଦ୍ୟପୁରସ୍ଥିତ ନୂତନ ସରକାରୀ ଉଚ୍ଚ ବିଦ୍ୟାଳୟ ପରିସରରେ ଥିବା ଆଦିବାସୀ ଛାତ୍ରୀନିବାସର ଜଣେ ୭ମ ଶ୍ରେଣୀ ଛାତ୍ରୀଙ୍କର ମଙ୍ଗଳବାର ବିଳମ୍ବିତ ରାତିରେ ସନ୍ଦେହଜନକ ମୃତ୍ୟୁ ଘଟିଛି। 

ଋଣ ଖିଲାପିଙ୍କ ଘର ସିଲ କଲା ବ୍ୟାଙ୍କ

ପାଟପୁର,୧୯ା୯(ଡି.ଏନ.ଏ.)-ସାନଖେମୁଣ୍ଡି ବ୍ଳକ ଏରେଣ୍ଡ୍ରା ଓ କଙ୍କୋରଡ଼ା ଗ୍ରାମରେ ସୋମବାର କର୍ପୋରେଟ ବ୍ୟାଙ୍କ ଓ ଜିଲା ପ୍ରଶାସନ ଉପସ୍ଥିତିରେ ୨ ଜଣ ଋଣ ଖିଲାପିଙ୍କ ଘର ଓ ରାଇସ ମିଲକୁ ସିଲ କରାଯିବା ସହ ସର୍ବସାଧାରଣରେ ନିଲାମ ପାଇଁ ବିଜ୍ଞପ୍ତି ଜାରି  ହୋଇଛି। ୨୦୧୩ ରେ ବ୍ରହ୍ମପୁରସ୍ଥିତ କର୍ପୋରେଟ ବ୍ୟାଙ୍କରୁ ଏରେଣ୍ଡ୍ରା ଗ୍ରାମର ଜଣେ ବ୍ୟକ୍ତି ଘର ଓ ରାଇସମିଲ କରିବା ପାଇଁ ୮୦ ଲକ୍ଷ ଟଙ୍କା ଋଣ ନେଇଥିଲେ। ସେହିପରି କଙ୍କୋରଡ଼ା ଗ୍ରାମର ଜଣେ ମହିଳା ମଧ୍ୟ ନିଜ ଘର ବନ୍ଧକ ରଖି ଋଣ ନେଇଥିଲେ। ୨୦୧୭ ମଧ୍ୟରେ ଉଭୟେ ଋଣ ପରିଶୋଧ ନ କରିବାରୁ ବ୍ୟାଙ୍କ ପକ୍ଷରୁ ନୋଟିସ ଜାରି କରାଯାଇଥିଲା। ତଥାପି କେହି ଟଙ୍କା ପରିଶୋଧ କରି ନ ଥିଲେ। ତେଣୁ କର୍ପୋରେଟ ବ୍ୟାଙ୍କ ମୁଖ୍ୟ ଶାଖା ପରିଚାଳକ ଦେବବ୍ରତ ସାହୁ, ସାନଖେମୁଣ୍ଡି ଅତିରିକ୍ତ ତହସିଲଦାର ମଧୁସ୍ମିତା ବେହେରା, ପାଟପୁର ଥାନା ଆଇଆଇସି ରମେଶ କୁମାର ପ୍ରଧାନ ଓ ୨ ପ୍ଲାଟୁନ ପୋଲିସ ଫୋର୍ସ ଉପସ୍ଥିତିରେ ଘର ଓ ମିଲକୁ ସିଲ କରାଯାଇଛି।

ସଙ୍କଟରେ ରାମେୟାପାଟଣା ମତ୍ସ୍ୟଜୀବୀ

ସଙ୍କଟରେ ରାମେୟାପାଟଣା ମତ୍ସ୍ୟଜୀବୀ

ଚିକିଟି,୧୯ା୯(ଡି.ଏନ.ଏ.)-ଚିକିଟି ବ୍ଲକ ସମୂଦ୍ର ତଟବର୍ତ୍ତୀରେ ଅବସ୍ଥିତ ରାମେୟାପାଟଣା ଗ୍ରାମ। ଏହି ଗ୍ରାମର ଜନସଂଖ୍ୟା ପ୍ରାୟ ୩ ହଜାରରୁ ଉର୍ଦ୍ଧ୍ୱ। ୯୦ ପ୍ରତିଶତ ଲୋକ ମତ୍ସ୍ୟଜିବୀ। ଏମାନେ ନିକଟରେ ଥିବା ଚିଲିକାରୁ ମାଛଧରି  ପରିବାର ପୋଷଣ କରନ୍ତି। ମାଛ ଧରିବା ପାଇଁ ମୋଟ ୧୨୦ଟି ମୋଟର ଚାଳିତ ଡଙ୍ଗା ରଖି ପ୍ରାୟ ୬୨୦ରୁ ଉର୍ଦ୍ଧ୍ୱ ପରିବାର ଚଳନ୍ତିି। ମାତ୍ର ବିଭିନ୍ନ ସମସ୍ୟା ଦେଇ ଏହି ମତ୍ସ୍ୟଜୀବୀମାନେ ଗତି କରୁଛନ୍ତି। ଗତ ମାସେ ମଧ୍ୟରେ ଲଘୁଚାପ ପ୍ରଭାବରେ ବାରମ୍ବାର ବର୍ଷା ଯୋଗୁ ମସତ୍‌ୟଜିବୀମାନେ ସମୁଦ୍ରକୁ ମାଛ ମାରିବାକୁ ଯାଇପାରୁନାହାନ୍ତିି। ୫ବର୍ଷ ମଧ୍ୟରେ ବିଭିନ୍ନ ସମୟରେ ଲଘୁଚାପ ପ୍ରଭାବରେ ବଡବଡ ଜୁଆର ଆସି ଉକ୍ତ ଗ୍ରାମରେ ହୋଇଥିବା ୧୩ଟି ଶୁଖୁଆଖଳା ମଧ୍ୟରୁ ୪ଟି ଭାଙ୍ଗିରୁଜି ଯାଇଛି। ବିଭିନ୍ନ ସମୟରେ ଜାଲ ମଧ୍ୟ ଭସାଇ ନେଉଛି। ଏଥିପାଇଁ ମତ୍ସ୍ୟଜୀବୀମାନଙ୍କ ପକ୍ଷରୁ ଦୀର୍ଘ ବର୍ଷ ଧରି ସମୂଦ୍ରତଟ ଗୁଡିକରେ ଗାର୍ଡଓାଲ୍‌ ନିର୍ମାଣ କରିବାକୁ ଦାବି ହୋଇ ଆସୁଥିଲେ ମଧ୍ୟ ଫଳ ମିଳୁନି। ଫଳରେ ସେମାନଙ୍କ ଜୀବିକା ଏବେ ସଙ୍କଟ ଦେଇ ଗତି କରୁଛି।

ଶିକ୍ଷକ କର୍ମଚାରୀଙ୍କ ପଞ୍ଚାୟତ ପଦଯାତ୍ରା

ଶିକ୍ଷକ କର୍ମଚାରୀଙ୍କ ପଞ୍ଚାୟତ ପଦଯାତ୍ରା

ଢେଙ୍କିକୋଟ, ୧୯ା୯(ଡି.ଏନ.ଏ.): କେନ୍ଦୁଝର ଜିଲା ଆଦିବାସୀ ଅଧ୍ୟୁଷିତ ଘଟଗାଁ ଓ ହରିଚନ୍ଦନପୁର ବ୍ଲକର ସ୍କୁଲ କଲେଜର ମିଳିତ ଶିକ୍ଷକ କର୍ମଚାରୀ ଢେଙ୍କିକୋଟ ପଞ୍ଚାୟତ ଟିକିରାସ୍ଥିତ ହାଟପଡ଼ିଆଠାରେ ଏକତ୍ରୀତ ହୋଇଥିଲେ। କେନ୍ଦୁଝର ଜିଲା ବ୍ଲକ ଗ୍ରାଣ୍ଟ ମିଳିତ ସଂଘର ସଭାପତି ସନ୍ତୋଷ କୁମାର ସତପଥୀ ସଭାପତିତ୍ୱରେ ଯୁଗ୍ମ ସମ୍ପାଦକ ଜ୍ଞାାନେନ୍ଦ୍ର ଦେଓ ସଭା ପରିଚାଳନା କରିଥିଲେ। ସଭାରେ ଘଟଗାଁ ବ୍ଲକ ଓ ହରିଚନ୍ଦନପୁର ବ୍ଲକରେ ଥିବା  ୭୦ରୁ ଊର୍ଦ୍ଧ୍ୱ ବ୍ଲକଗ୍ରାଣ୍ଟ ସ୍କୁଲ ଓ କଲେଜର ଶିକ୍ଷକ କର୍ମଚାରୀ ଯୋଗ ଦେଇଥିଲେ। ସରକାର ସେମାନଙ୍କ ଦାବିକୁ ପୂରଣ କରିବା ପାଇଁ ଦାବି କରିଥିଲେ। 

ହକ୍‌ ପାଇଁ ବିକାଶ ମଞ୍ଚର ଧାରଣା

ହକ୍‌ ପାଇଁ ବିକାଶ ମଞ୍ଚର ଧାରଣା

ହାଟଡିହୀ, ୧୯।୯(ସ୍ବ.ପ୍ର.): କେନ୍ଦୁଝର ଜିଲା ହାଟଡିହୀ ବ୍ଲକ ବିକାଶ ମଞ୍ଚ ପକ୍ଷରୁ ଅଞ୍ଚଳର ଉନ୍ନୟନ ପାଇଁ ବିଭିନ୍ନ ଦାବିରେ ଧାରଣା ଦିଆଯାଇଛି। ହାଟଡିହୀରେ ଜେଏମଏଫସି କୋର୍ଟ ଖୋଲିବାରେ ବିଳମ୍ବ, ହାଟଡିହୀ ଡାକ୍ତରଖାନାର ଡାକ୍ତର ନିଯୁକ୍ତି, ଭଦ୍ରକ-ଆନନ୍ଦପୁର ୫୩ ନଂ ରାଜ୍ୟ ରାଜପଥର ହାଟଡିହୀ ମେଡିକାଲ ଛକର ରାସ୍ତା ନିର୍ମାଣ, ହାଟଡିହୀକୁ ବିଦ୍ୟୁତ୍‌ କାର୍ଯ୍ୟାଳୟ ସ୍ଥାନାନ୍ତର ନେଇ ଧାରଣା ଆରମ୍ଭ ହୋଇଛି। ବିକାଶ ମଞ୍ଚର ସଭାପତି ନିତ୍ୟାନନ୍ଦ ପହିଙ୍କ ସଂଯୋଜନାରେ ସ୍ଥାନୀୟ ଅଞ୍ଚଳର ବହୁ ବୁଦ୍ଧିଜୀବୀ, ସ୍ଥାନୀୟ ଜନସାଧାରଣ, ସମାଜସେବୀ ସାମିଲ ହୋଇଛନ୍ତି। ଦାବି ପୂରଣ ନ ହେବା ପର୍ଯ୍ୟନ୍ତ ଧାରଣା ଚାଲୁ ରହିବ ବୋଲି ସଭାପତି ପହି ସୂଚନା ଦେଇଛନ୍ତି।

ଚାଷୀ ସଚେତନତା କାର୍ଯ୍ୟକ୍ରମ

ଚାଷୀ ସଚେତନତା କାର୍ଯ୍ୟକ୍ରମ

ପଦ୍ମପୁର,୧୯ା୯(ଡି.ଏନ.ଏ.)- ବାସୁଦେବପୁର ବ୍ଲକ ଅଧୀନ ଜଗନ୍ନାଥପ୍ରସାଦ ପଞ୍ଚାୟତର ପାଟଣା ମିଶ୍ରପୁର ବାତ୍ୟାଶ୍ରୟ ସ୍ଥଳଠାରେ କୃଷି ଓ କୃଷକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଅନୁଷ୍ଠିତ ସଭାରେ ବାସୁଦେବପୁର କୃଷି ସହାୟକ ଅଧିକାରୀ ଜଗବନ୍ଧୁ ମିଶ୍ର, ସରପଞ୍ଚଙ୍କର ପ୍ରତିନିଧି ଉମାକାନ୍ତ ଦାସ, ସମିତିସଭ୍ୟ ପ୍ରତିନିଧି ହରେକୃଷ୍ଣ ଦତ୍ତ, ୧୮ ନମ୍ବର ଜିଲାପରିଷଦ ସଭ୍ୟାଙ୍କର ପ୍ରତିନିଧି ଭାଗିରଥି ବଳ, ଗ୍ରାମରୋଜଗାର ସେବକ ଅନ୍ତର୍ଯ୍ୟାମୀ ମହାକୁଡ ପ୍ରମୁଖ ଯୋଗ ଦେଇଥିଲେ।

ତେଜିଲା ଆନ୍ଦୋଳନ, ବଢିଲା ଚାପ

ତେଜିଲା ଆନ୍ଦୋଳନ, ବଢିଲା ଚାପ

ଭଦ୍ରକ ଅଫିସ/ବନ୍ତ,୧୯ା୯(ଡି.ଏନ୍‌.ଏ.)- ଭଦ୍ରକ  ଜିଲାରେ ସରକାରୀ ମେଡିକାଲ କଲେଜ ପ୍ରତିଷ୍ଠା ଦାବି ଆନ୍ଦୋଳନ ତେଜିବାରେ ଲାଗିଛି।  ବିଭିନ୍ନ ବ୍ଲକରେ ପଦଯାତ୍ରା, ଦସ୍ତଖତ ସଂଗ୍ରହ ଅଭଯାନ ଆନ୍ଦୋଳନ ଜାରି ରହିଛି। ଭଦ୍ରକ ବନ୍ତ ଛକ ପୋଲ ତଳ, ଭଦ୍ରକ କଲେଜ ସମ୍ମୁଖ ତଥା ପୁରୁଣାବଜାର ଅଞ୍ଚଳରେ ଚାଲିଥିବା ଦସ୍ତଖତ ଅଭିଯାନ ମଙ୍ଗଳବାର ୮ମ ଦିନରେ ପହଞ୍ଚିଛି। ଏହା ବ୍ୟତୀତ ମଙ୍ଗଳବାର ପୂର୍ବାହ୍ନ  ୧୦ଟାରେ ସାରା ଜିଲାରୁ  ଦସ୍ତଖତ ସଂଗ୍ରହ ଲାଗି ଏକ ରଥ ପରିକ୍ରମା ଆରମ୍ଭ କରିଛି।  

ଅନ୍ତ୍ୟୋଦୟ ଚାଉଳ ହଡପ ଘଟଣା: ତଦନ୍ତ କଲେ ବିଡିଓ ଓ ଯୋଗାଣ ନିରୀକ୍ଷକ

ଅନ୍ତ୍ୟୋଦୟ ଚାଉଳ ହଡପ ଘଟଣା: ତଦନ୍ତ କଲେ ବିଡିଓ ଓ ଯୋଗାଣ ନିରୀକ୍ଷକ

ପଦ୍ମପୁର,୧୯ା୯(ଡି.ଏନ.ଏ.)- ବାସୁଦେବପୁର ବ୍ଲକ ଅଧୀନ ନାୟକାଣିଡିହୀ ପଞ୍ଚାୟତର ମଲିକାଦେଇପୁର ଗ୍ରାମରେ ଅନ୍ତ୍ୟୋଦୟ ଚାଉଳ ଯୋଗାଣରେ ବ୍ୟାପକ ଅନିୟମିତତା ନେଇ ହୋଇଥିବା ଅଭିଯୋଗ ଅନୁଯାୟୀ ମଙ୍ଗଳବାର ବାସୁଦେବପୁର ବିଡିଓ ବୀରକିଶୋର ପାଣିଗ୍ରାହୀ ଓ ଯୋଗାଣ ନିରୀକ୍ଷକ ବିଭୀଷଣ ନାୟକ କ୍ଷେତ୍ର ପରିଦର୍ଶନ କରିଛନ୍ତି। ଏନେଇ ଧରିତ୍ରୀରେ ୧୬ତାରିଖରେ ଖବର ପ୍ରକାଶିତ ହୋଇଥିଲା। ଘଟଣାର ଅଭିଯୋଗ କରିଥିବା ହିତାଧିକାରୀମାନଙ୍କୁ ବିଡିଓ ଓ ଯୋଗାଣ ନିରୀକ୍ଷକ ଭେଟି ତଦନ୍ତ କରିଥିଲେ। କ୍ଷେତ୍ର ପରିଦର୍ଶନ ବେଳେ ବଣ୍ଟନ ଦାୟିତ୍ୱରେ ଥିବା ରିଟେଲର ଅନୁପସ୍ଥିତ ଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଥିଲେ।

‘ସୃଜନଶୀଳତା ମାନେନା ଭୌଗୋଳିକ ସୀମା’

‘ସୃଜନଶୀଳତା ମାନେନା ଭୌଗୋଳିକ ସୀମା’

ବାସୁଦେବପୁର,୧୯।୯(ଡି.ଏନ.ଏ.)- ସୃଜନଶୀଳତାକୁ କୌଣସି ଭୌଗୋଳିକ ସୀମା ସରହଦ ମଧ୍ୟରେ ବାନ୍ଧି ରଖା ଯାଇ ପାରିବ ନାହି । ବିଭନ୍ନ ଭାଷାସାହିତ୍ୟ ମଧ୍ୟରେ ସମନ୍ବୟ, ଭାବ ବିନିମୟ ଲୋଡା। ଏ କ୍ଷେତ୍ରରେ ଅନୁବାଦ ସାହିତ୍ୟର ଭୂମିକା ଗୁରୁତ୍ୱପୂର୍ଣ୍ଣ। ଏହା ଶିକ୍ଷା,  ସାହିତ୍ୟ, ସଂସ୍କୃତି ଓ ସାମାଜିକ ଜୀବନରେ ପରିବର୍ତ୍ତନ ଆଣିବାରେ ସହାୟକ ହୋଇ ପାରିବ। ଯୁବପିଢି ଏଦିଗରେ ମନୋନିବେଶ କରି ସାଧନା ଜାରି ରଖିବା ଦରକାର ବୋଲି ବିଶିଷ୍ଟ ଅନୁବାଦକ ଅଭିମନ୍ୟୁ ବେହେରା ମତବ୍ୟକ୍ତ କରିଛନ୍ତି। 

ଅବହେଳିିତ ଶିଶୁଙ୍କ ଚିନ୍ତାରେ ଅନିମେଶ

ଅବହେଳିିତ ଶିଶୁଙ୍କ ଚିନ୍ତାରେ ଅନିମେଶ

ବାରିପଦା ଅଫିସ,୧୯।୯- ଅଭିନୟ କଳାରେ ବେଶ୍‌ ମାହିର ଅନିମେଶ । ବର୍ତ୍ତମାନ ସପ୍ତମ ଶ୍ରେଣୀର ଛାତ୍ର। ପାଠପଢା ସାଙ୍ଗକୁ ଅଭିନୟ କଳାରେ ପ୍ରତିଭା ପ୍ରଦର୍ଶନ କରି ଜଣେ ଚର୍ଚ୍ଚିତ ଶିଶୁ କଳାକାର ଭାବେ ସେ ଲୋକଲୋଚନକୁ ଆସିଛନ୍ତି। ଜାତୀୟ ପୁରସ୍କାର ପାଇ ଅଞ୍ଚଳ ଲାଗି ଆଣିଛନ୍ତି ଗୌରବ । ବର୍ତ୍ତମାନ ସୁଦ୍ଧା ସେ ୨୫ ରୁ ଊର୍ଦ୍ଧ୍ୱ ଓଡିଆ ଚଳଚ୍ଚିତ୍ରରେ ଅଭିନୟ କରିସାରିଲେଣି।   ତାଙ୍କ ଅଭିନୀତ ‘ଇସ୍କ ପୁଣି ଥରେ’ ଏବଂ ‘ପ୍ରେମ କୁମାର’ ଫିଲ୍ମ ଏବେ ରିଲିଜ ଅପେକ୍ଷାରେ।  ଆକାଶବାଣୀ କାର୍ଯ୍ୟକ୍ରମ ସମେତ ଅନେକ ମଞ୍ଚରେ ଅଭିନୟ କରି ସେ ସମ୍ମାନିତ ହୋଇଛନ୍ତିି। ବିଭିନ୍ନ ଅନୁଷ୍ଠାନ ପକ୍ଷରୁ ପାଉଥିବା ପୁରସ୍କାର ରାଶିକୁ  ଏବେ ଅବହେଳିତ ଶିଶୁଙ୍କ ସକାଶେ  ଖର୍ଚ୍ଚ  କରି ସେ ଚର୍ଚ୍ଚାକୁ ଆସିଛନ୍ତି। ତାଙ୍କ ନାଁରେ ଖୋଲାଯାଇଥିବା ଅନିମେଶ ଫାଉଣ୍ଡେସନ ଟ୍ରଷ୍ଟ ଏ ଦିଗରେ କାର୍ଯ୍ୟ କରୁଛି। 

ଦିନ ଦ୍ୱିପ୍ରହରରେ ଚୋରି

ବାରିପଦା ଅଫିସ,୧୯।୯ -  ମଙ୍ଗଳବାର ଦିନ ଦ୍ୱିପ୍ରହରରେ ବାରିପଦା ସହର ୱାର୍ଡ ନଂ୨ ବୁଢ଼ିଖମାରି ଅଞ୍ଚଳର ଜ୍ଞାନ ରଞ୍ଜନ ଜେନାଙ୍କ ଘରୁ ଚୋରି  ହୋଇଛି।  ଘରେ କେହି ନ ଥିବା ସୁଯୋଗରେ କେହି ଦୁର୍ବୃତ୍ତ ଝରକା ଭାଙ୍ଗି ନଗଦ ୭୦ ହଜାର, ସୁନା ଏବଂ ବିଭିନ୍ନ ଗୁରୁତ୍ୱପୁର୍ଣ୍ଣ କାଗଜପତ୍ର ଚୋରି କରି ନେଇଯାଇଛନ୍ତି। ଏନେଇ ବାରିପଦା ଟାଉନ ଥାନାରେ ଅଭିଯୋଗ ହେବା ପରେ ପୋଲିସ ଏକ ମାମଲା (ନଂ.୨୨୬/୧୮) ରୁଜୁ କରି ତଦନ୍ତ କରୁଛି।      

କେରଳ ବନ୍ୟା ପୀଡିତଙ୍କୁ ସହାୟତା

କେରଳ ବନ୍ୟା ପୀଡିତଙ୍କୁ ସହାୟତା

ବାରିପଦା ଅଫିସ,୧୯।୯ - ମୟୂରଭଞ୍ଜ ଜିଲା କେମିଷ୍ଟ ଓ ଡ୍ରଗିଷ୍ଟ ଆସୋସିଏସନ ତରଫରୁ ଜିଲାର ସମସ୍ତ ଅଞ୍ଚଳର ଓଷଧ ବ୍ୟବସାୟୀଙ୍କ ଦ୍ୱାରା ସ୍ବେଚ୍ଛାକୃତ ଭାବେ କେରଳ ବନ୍ୟା ପୀଡିତଙ୍କୁ ଆର୍ଥିକ ସହାୟତା ପ୍ରଦାନ କରାଯାଇଛି।  ଡିମାଣ୍ଡ ଡ୍ରାଫ୍ଟ ମାଧ୍ୟମରେ ୧ ଲକ୍ଷ ୭୪ ହଜାର ଟଙ୍କା କେରଳ ମୁଖ୍ୟମନ୍ତ୍ରୀ ବିପର୍ଯ୍ୟୟ ରିଲିଫ ପାଣ୍ଠିକୁ ଜିଲାପାଳ ବିନିତ ଭରଦ୍ୱାଜଙ୍କ ଜରିଆରେ ପ୍ରେରିତ କରାଯାଇଛି। ଜିଲାର ବାରିପଦା, ମୋରଡା, ବେତନଟି, ବଡସାହି, ଉଦଳା, କପ୍ତିପଦା, ବାଙ୍ଗିରିପୋଷି, ରାଇରଙ୍ଗପୁର, ବହଳଦା, କରଞ୍ଜିଆ ଓ ଯଶିପୁର ଅଞ୍ଚଳର ଓଷଧ ବ୍ୟବସାୟୀମାନେ ସ୍ବେଚ୍ଛାକୃତ ଭାବେ ଏହି ଅର୍ଥ ଦେଇଛନ୍ତି। 

ମୟୂରଭଞ୍ଜରେ ରାଜ୍ୟ ଖାଦ୍ୟ ସୁରକ୍ଷା ଯୋଜନା ସାମିଲ ହେବେ ୧,୫୬, ୩୨୭ ହିତାଧିକାରୀ

ବାରିପଦା ଅଫିସ,୧୯।୯ - ଜାତୀୟ ଖାଦ୍ୟ ସୁରକ୍ଷା ଯୋଜନାରୁ ବାଦ୍‌ ପଡିଥିବା ହିତାଧିକାରୀଙ୍କ ମଧ୍ୟରୁ ମୟୂରଭଞ୍ଜ ଜିଲାର ୧ ଲକ୍ଷ ୫୬ ହଜାର ୩୨୭ ହିତାଧିକାରୀଙ୍କୁ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ସାମିଲ କରାଯିବା ପ୍ରକ୍ରିୟା ଆରମ୍ଭ ହୋଇଛି। ଆସନ୍ତା ଅକ୍ଟୋବର ୨ ଗାନ୍ଧୀ ଜୟନ୍ତୀଠାରୁ ଏହି ଯୋଜନା  କାର୍ଯ୍ୟକାରୀ ହେବ। ସହରାଞ୍ଚଳ ଅପେକ୍ଷା ଗ୍ରାମାଞ୍ଚଳର ହିତାଧିକାରୀଙ୍କୁ ଏହି ଯୋଜନାରେ  ଅଗ୍ରାଧିକାର ମିଳିବ।  ହିତାଧିକାରୀ ଚୟନ ଲାଗି ରାଜ୍ୟ ସରକାରଙ୍କ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ୯ ମାନଦଣ୍ଡ ଧାର୍ଯ୍ୟ କରାଯାଇଛି। 

ବିଶ୍ୱ ଭ୍ରାତୃତ୍ୱ ଦିବସ

ବିଶ୍ୱ ଭ୍ରାତୃତ୍ୱ ଦିବସ

ବାରିପଦା ଅଫିସ,୧୯।୯ - ବିବେକାନନ୍ଦ କନ୍ୟାକୁମାରୀ ବାରିପଦା ଶାଖା ପକ୍ଷରୁ ସୋମବାର ସ୍ଥାନୀୟ ରୋଟାରି ଭବନଠାରେ ବିଶ୍ୱ ଭ୍ରାତୃତ୍ୱ ଦିବସ ପାଳିତ ହୋଇଯାଇଛି। ବାରିପଦା ଶାଖାର ନଗର ସଞ୍ଚାଳିକା ସୁଶ୍ରୀ ସ୍ବର୍ଣ୍ଣପ୍ରଭା ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭା କାର୍ଯ୍ୟରେ ବିଶିଷ୍ଟ ସାହିତ୍ୟକ ତଥା ସ୍ତମ୍ଭକାର ପ୍ରଫେସର ନିରନ ପାଢ଼ୀ ମୁଖ୍ୟ ଅତିଥି ଭାବେ ଯୋଗ ଦେଇ ଥିବା ବେଳେ କେନ୍ଦ୍ରର ଓଡିଶା ପ୍ରାନ୍ତ ପ୍ରମୁଖ ଅନିଲ କୁମାର କର ସମ୍ମାନିୟ ଅତିଥୀ ଭାବେ ଯୋଗ ଦେଇଥିଲେ। ବାରିପଦା ଶାଖା ନଗର ପ୍ରମୁଖ ଅଧ୍ୟାପକ ସନ୍ଦିପ କୁମାର ଚାନ୍ଦ ଉକ୍ତ ସଭାକାର୍ଯ୍ୟକୁ   ସଂଯୋଜନା କରିଥିଲେ।

ଉଦଳା ଏନଏସି କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ

ଉଦଳା ଏନଏସି କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ

ଉଦଳା, ୧୯।୯ (ଡି.ଏନ.ଏ.)-ଉଦଳା ଏନଏସି ପକ୍ଷରୁ ବେଆଇନ ଭାବେ ବର୍ଦ୍ଧିତ ହୋଲଡିଂ  ଟ୍ୟାକ୍ସ ଆଦାୟ କରିବା ଏବଂ ନୂତନ ଭାବେ ନିର୍ମିତ ଦୋକାନ ଗୃହ ଆବଣ୍ଟନରେ ଅନିୟମିତତା ହୋଇଥିବା ଅଭିଯୋଗ ହୋଇଛି। ପ୍ରତିବାଦରେ ବିଜେଡି ପକ୍ଷରୁ ମଙ୍ଗଳବାର ସ୍ଥାନୀୟ ଏନଏସି କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି।  ଏଥିଯୋଗୁ  ଏନଏସି କାର୍ଯ୍ୟାଳୟ କାମ ବାଧାପ୍ରାପ୍ତ ହୋଇଛି।  
 ଉଦଳା ଏନଏସି ପକ୍ଷରୁ  ବର୍ଦ୍ଧିତ ହୋଲଡିଂ ଟ୍ୟାକ୍ସ  ଆଦାୟ ନେଇ ପୂର୍ବରୁ ବିବାଦ ଲାଗି ରହିଛି।  ଅଗଷ୍ଟ ୧୫ ତାରିଖ ସୁଦ୍ଧା ଏହାର ପୁନଃ ମୂଲ୍ୟାୟନ କରାଯିବ ବୋଲି  ପୂର୍ବରୁ କୁହାଯାଇଥିବା ବେଳେ ଆଜି ପର୍ଯ୍ୟନ୍ତ ତାହା ହୋଇପାରିନାହିଁ ା

ମହରମ ଉପଲକ୍ଷେ ଶାନ୍ତି କମିଟି ବୈଠକ

ମହରମ ଉପଲକ୍ଷେ ଶାନ୍ତି କମିଟି ବୈଠକ

ଜଳେଶ୍ୱର, ୧୯ା୯(ଡି.ଏନ.ଏ.)-ଚଳିତ ମାସ ୨୧ ତାରିଖରେ ଜଳେଶ୍ୱର ସହରରେ ହେବାକୁ ଥିବା ମହରମ ପର୍ବ ଉପଲକ୍ଷେ ଏକ ଶାନ୍ତି କମିଟି ବୈଠକ ମଙ୍ଗଳବାର ନୂଆବଜାରସ୍ଥିତ ଏକ ଘରୋଇ କଲ୍ୟାଣମଣ୍ଡପରେ ଅନୁଷ୍ଠିତ ହୋଇଯାଇଛି। ଜଳେଶ୍ୱର ଏସ୍‌ଡିପିଓ ରାମଚନ୍ଦ୍ର ଗୌଡ଼ୁଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ଆବାହକ ଭାବେ ଥାନା ଆଇଆଇସି ପ୍ରଦୀପ କୁମାର ମାଝି, ଅତିରିକ୍ତ ତହସିଲଦାର କ୍ଷୀରୋଦ କୁମାର ପଣ୍ଡା, ନେସ୍କୋ ଯନ୍ତ୍ରୀ ରଣଜିତ୍‌ ବେହେରା, ମ୍ୟୁନିସିପାଲିଟି ଯନ୍ତ୍ରୀ ବୁଧୁରାମ ସିଂ ପ୍ରମୁଖ ଉପସ୍ଥିତ ରହି ମହରମ ପର୍ବକୁ କିପରି ଶାନ୍ତି ଶୃଙ୍ଖଳାରେ ପାଳନ କରାଯିବ ସେନେଇ ଶାନ୍ତି କମିଟିର ସଦସ୍ୟଙ୍କଠାରୁ ମତାମତ ଗ୍ରହଣ କରାଯାଇଥିଲା। ମହରମ ପର୍ବରେ ୪ଟି ତାଜିଆ ଶୋଭାଯାତ୍ରା ସାମିଲ ହେବ ବୋଲି ଆଲୋଚନା ହୋଇଥିଲା।

ବକ୍ତୃତା ପ୍ରତିଯୋଗିତା: ସୂର୍ଯ୍ୟସ୍ନାତା ପ୍ରଥମ

ବକ୍ତୃତା ପ୍ରତିଯୋଗିତା: ସୂର୍ଯ୍ୟସ୍ନାତା ପ୍ରଥମ

ଖଇରା, ୧୯।୯(ଡି.ଏନ.ଏ.)-ଖଇରା ସରକାରୀ ଉଚ୍ଚ ବିଦ୍ୟାଳୟ ପରିସରରେ ମଙ୍ଗଳବାର ବ୍ଲକସ୍ତରୀୟ ବିଜ୍ଞାନ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି ା ପ୍ରଧାନଶିକ୍ଷୟତ୍ରୀ ସୁଜାତା ସାହୁ ଏଥିରେ ପୌରୋହିତ୍ୟ କରିଥିଲେ। ବିଜ୍ଞାନଶିକ୍ଷକ ଜୟନ୍ତ କୁମାର ପଣ୍ଡା ପ୍ରାରମ୍ଭିକ ସୂଚନା ଦେଇଥିଲେ। ଅତିରିକ୍ତ ବ୍ଲକ ଶିକ୍ଷାଧିକାରୀ ସୁଦର୍ଶନ ରାଉତ ମୁଖ୍ୟଅତିଥି ଭାବେ ଯୋଗଦେଇ ପିଲାମାନେ ନୂତନ ଭାରତ ଗଠନରେ ଅଂଶଗ୍ରହଣ କରିବାକୁ ପରାମର୍ଶ ଦେଇଥିଲେ। ଏହାପରେ ‘ଶିଳ୍ପବିପ୍ଳବ ୪.୦ ପାଇଁ ଆମେ ପ୍ରସ୍ତୁତ କି’ ଉପରେ ବକ୍ତୃତା ପ୍ରତିଯୋଗିତା ହୋଇଥିଲା। ଏଥିରେ ଖଇରା ହାଇସ୍କୁଲ ଛାତ୍ରୀ ସୂର୍ଯ୍ୟସ୍ନାତା ପତି ପ୍ରଥମ, ସିମୁଳିଆର ମା’ ଅମ୍ବିକା ହାଇସ୍କୁଲର ଛାତ୍ରୀ ପ୍ରତିଭା ସାହୁ ୨ୟ, ମାଖନପୁର ପଞ୍ଚାୟତ ହାଇସ୍କୁଲର ଛାତ୍ର ଗୌରହରି ଜେନା ୩ୟ ସ୍ଥାନ ଅଧିକାର କରିଥିଲେ ା ଖଇରା ମହାବିଦ୍ୟାଳୟର ରସାୟନ ବିଜ୍ଞାନ ଅଧ୍ୟାପକ ହରିହର ପଣ୍ଡା, ଅର୍ଥନୀତି ଅଧ୍ୟାପକ ଗୋପବନ୍ଧୁ ମହାପାତ୍ର ବିଚାରକ ଭାବେ ଦାୟିତ୍ୱ ସମ୍ପନ୍ନ କରିଥିଲେ ା