ବାଲେଶ୍ୱର

ଆଜି ବି ଶୁଭୁଛି ବୁଢ଼ା ଶଙ୍ଖାରି ଡାକ

ଆଜି ବି ଶୁଭୁଛି ବୁଢ଼ା ଶଙ୍ଖାରି ଡାକ

ଆରଡି,୩।୮(ଡି.ଏନ.ଏ.)-ଆଗରୁ ଗଁା ଗଁା ବୁଲି ଶଙ୍ଖା, ରଙ୍ଗବେରଙ୍ଗ ଚୁଡ଼ି ଓ ସିନ୍ଦୂର ବିକ୍ରି କରୁଥିବା ଶଙ୍ଖାରିଙ୍କ ସଂଖ୍ୟା ଧୀରେ ଧୀରେ କମି ଗଲାଣି। ଏହାକୁ ବୃତ୍ତି କରି ଅନେକେ ଜୀବିକା ନିର୍ବାହ କରୁଥିଲେ। ରାସ୍ତାଘାଟ ଓ ହାଟବଜାର ସୁବିଧା ନ ଥିବାବେଳେ ଗଁାଗଣ୍ଡାରେ ଶଙ୍ଖାରିଙ୍କ ଚାହିଦା କହିଲେ ନ ସରେ। ଶଙ୍ଖା ନବ ଶଙ୍ଖା ଡାକ ଶୁଣିଲେ ଗଁାର ଭୁଆଶୁଣୀ, ଝିଅ ଓ ମହିଳାମାନେ ଆସି ତାଙ୍କୁ ଘେରି ଯାଆନ୍ତି। ସେମାନେ ମନପସନ୍ଦର ପ୍ରସାଧନିକ ଜିନିଷ କିଣି ମୂଲ୍ୟ ଦେଇଥାନ୍ତି।

ଭଦ୍ରକରେ ବ୍ୟାପୁଛି ଡେଙ୍ଗୁ

ଭଦ୍ରକରେ ବ୍ୟାପୁଛି ଡେଙ୍ଗୁ

ଭଦ୍ରକ ଅଫିସ,୩।୮- ବର୍ଷାଋତୁ ଆରମ୍ଭରୁ ଭଦ୍ରକ ଜିଲାରେ ଏଥର ଡେଙ୍ଗୁ ରୋଗର ପ୍ରକୋପ ଦେଖାଦେଇଛି। ୧ ମାସ ମଧ୍ୟରେ ଜିଲାରେ ୧୫ଜଣ ଡେଙ୍ଗୁରେ ଆକ୍ରାନ୍ତ ହୋଇଥିବା ବେଳେ ଜଣଙ୍କର ମୃତ୍ୟୁ ଘଟିଛି। ଚାନ୍ଦବାଲି ବ୍ଲକରେ ସର୍ବାଧିକ ୪, ଭଦ୍ରକ ବ୍ଲକରେ ୨, ଭଦ୍ରକ ପୌରପାଳିକାରେ ଜଣେ ଓ ତିହିଡି ବ୍ଲକରେ ୨ ଜଣ ଡେଙ୍ଗୁ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି। ଠିକଣା ମିଳି ନ ଥିବା ଅନ୍ୟ ୫ ଡେଙ୍ଗୁ ରୋଗୀ ଚିହ୍ନଟ ହୋଇଥିବା ଡାକ୍ତରଖାନା ସୂତ୍ରରୁ ଜଣାପଡିଛି। ଗତ ୫ତାରିଖରେ ବନ୍ତ ବ୍ଲକ ତରାଗ ଅଞ୍ଚଳର ହଳଧର ରାଉତ(୪୫) ନାମକ ଜଣେ ବ୍ୟକ୍ତିଙ୍କର ଡେଙ୍ଗୁରେ ମୃତ୍ୟୁ ଘଟିଥିବା ଅଭିଯୋଗ ମିଳିଛି। ଗତବର୍ଷର ଡେଙ୍ଗୁ ରୋଗ ବ୍ୟାପକତାକୁ ଦୃଷ୍ଟିରେ ରଖି ଜିଲା ପ୍ରଶାସନ ଓ ଜିଲା ସ୍ବାସ୍ଥ୍ୟ ବିଭାଗ ସଚେତନତା ରାଲି ଓ ବୈଠକ କରାଇ ଦାୟିତ୍ୱ ଶେଷ କରି ଦେଉଛି। ବିଭିନ୍ନ ସ୍ଥାନରେ ଅସ୍ବାସ୍ଥ୍ୟକର ପରିବେଶ ଓ ନାଳ ନର୍ଦ୍ଦମା ସମସ୍ୟା ସାଙ୍ଗକୁ ମଶା ଉପଦ୍ରବ ଲୋକଙ୍କ ଚିନ୍ତା ବଢାଇଛି।

ଆମ ପୋଲିସ ସମିତି ବୈଠକ

ଆମ ପୋଲିସ ସମିତି ବୈଠକ

ବଡ଼ସାହି,୩ା୮(ସ୍ବ.ପ୍ର)- ଗୁରୁବାର ବଡ଼ସାହି ଥାନାଧିକାରୀ ଜୟନାରାୟଣ ଖଣ୍ଡେଇଙ୍କ ଅଧ୍ୟକ୍ଷତାରେ ଆମ ପୋଲିସ ସମିତି ବୈଠକ ଅନୁଷ୍ଠିତ ହୋଇଛି ା ବଡ଼ସାହି ଅଞ୍ଚଳରେ ଶାନ୍ତିଶୃଙ୍ଖଳା ବଜାୟ ରଖିବା ସହିତ ପୋଲିସ ଓ ଜନସାଧାରଣଙ୍କ ମଧ୍ୟରେ ଉତ୍ତମ ବୁଝାମଣା ରକ୍ଷା କରିବା ପାଇଁ ଅଧିକାରୀମାନେ ଉପସ୍ଥିତ ଲୋକଙ୍କୁ କହିଥିଲେ ା ଅବସରପ୍ରାପ୍ତ କର୍ମଚାରୀ ସଂଘର ସଦସ୍ୟ, ବରିଷ୍ଠ ନାଗରିକ, ବୁଦ୍ଧିଜୀବୀ, ବଣିକ ସଂଘ ଓ ସମାଜସେବୀଙ୍କୁ ନେଇ ଅଞ୍ଚଳର ସମସ୍ୟା ଓ ଏହାର ସମାଧାନ ଦିଗରେ ଆଲୋଚନା କରାଯାଇଥିଲା ା ଅଞ୍ଚଳରେ ନିଶା କାରବାର ବନ୍ଦ କରାଯାଇଥିବା ବେଳେ ଦୁର୍ଘଟଣାଜନିତ ମାମଲାରେ ପୋଲିସକୁ ସହାୟତା କରିବା ପାଇଁ ଜନସାଧାରଣଙ୍କୁ ନିବେଦନ କରାଯାଇଥିଲା ା ସମିତି ପକ୍ଷରୁ ଦ୍ରୁତଗତିରେ ବାଇକ୍‌ ଚଳାଉଥିବା ନାବାଳକ ଓ ମଦ୍ୟପଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରସ୍ତାବ ଦିଆଯାଇଛି

ସ୍ବଚ୍ଛ ଭାରତ  ଲାଗି ମହିଳାଙ୍କ ଭୂମିକା ଗୁରୁତ୍ୱପୂର୍ଣ୍ଣ

ସ୍ବଚ୍ଛ ଭାରତ ଲାଗି ମହିଳାଙ୍କ ଭୂମିକା ଗୁରୁତ୍ୱପୂର୍ଣ୍ଣ

ଠାକୁରମୁଣ୍ଡା,୩ା୮(ଡି.ଏନ.ଏ.)-ଠାକୁରମୁଣ୍ଡା ବ୍ଳକକୁ ଖୋଲା ମଳତ୍ୟାଗ ମୁକ୍ତ ବ୍ଲକ ଭାବେ ଘୋଷଣା ପାଇଁ ଗୁରୁବାର ଏକ ଦିବସୀୟ ସଚେତନ କର୍ମଶାଳା ଅନୁଷ୍ଠିତ ହୋଇଯାଇଛି ା ମୁଖ୍ୟଅତିଥି ଭାବେ ଉପଜିଲପାଳ ଶରତ କୁମାର ପୁରୋହିତ ଯୋଗ ଦେଇ ଅକ୍ଟୋବର ମାସ ସୁଦ୍ଧା ଏହି ବ୍ଲକରେ ଲକ୍ଷ୍ୟ ହାସଲ ହୋଇପାରିବ ବୋଲି ଆଶାପୋଷଣ କରିଥିଲେ ା ଏଥିରେ ସମ୍ମାନୀତ ଅତିଥି ଭାବେ ଠାକୁରମୁଣ୍ଡା ବ୍ଳକ ଅଧ୍ୟକ୍ଷ ପ୍ରଶାନ୍ତ କୁମାର ବେହେରା , ଅନ୍ୟତମ ସମ୍ମାନୀତ ଅତିଥି ତହସିଲଦାର ଦୀନମଣୀ ନାଏକ , ବ୍ଲକ ଉପାଧ୍ୟକ୍ଷ ଜବାମଣୀ ଟୁଡୁ, ଜିଲା ପ୍ରକଳ୍ପ ସଂଯୋଜକ ଦିପାଳୀ ଦାସ ଯୋଗ ଦେଇଥିଲେ। ସ୍ବଚ୍ଛ ଭାରତ ମିଶନ ସଫଳତା ପାଇଁ ମହିଳାମାନଙ୍କର ପ୍ରମୁଖ ଯୋଗଦାନ ଆବଶ୍ୟକ ବୋଲି ଅତିଥିମାନେ କହିଥିଲେ ା

ବାରିପଦା ପୌର ପରିଷଦ ଚୂଡାନ୍ତ ସଂରକ୍ଷଣ ତାଲିକା ନେଇ ଶୁଣାଣି ଆଜି

ବାରିପଦା ଅଫିସ,୩।୮- ବାରିପଦା ପୌର ପରିଷଦ ଲାଗି ପ୍ରସ୍ତୁତ ହୋଇଥିବା ସଂରକ୍ଷଣ ତାଲିକାର ପୁନର୍ବିଚାର ସକାଶେ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ଭୁବନେଶ୍ୱରଠାରେ ଶୁକ୍ରବାର ଏକ ଉଚ୍ଚସ୍ତରୀୟ ବୈଠକ ଡକାଯାଇଛି। ଗୃହ ଓ ନଗର ଉନ୍ନୟନ ବିଭାଗୀୟ ମନ୍ତ୍ରୀ ନିରଞ୍ଜନ ପୂଜାରୀ ନିଜ କାର୍ଯ୍ୟାଳୟ ପ୍ରକୋଷ୍ଠରେ ଏହି ଅଭିଯୋଗର ଶୁଣାଣି କରିବେ। ଅଭିଯୋଗକାରୀମାନଙ୍କୁ ଉପସ୍ଥିତ ରହିବା ଲାଗି ବିଭାଗ ପକ୍ଷରୁ ସ୍ବତନ୍ତ୍ର ଭାବେ ଚିଠି ପଠାଯାଇ ସୂଚନା ଦିଆଯାଇଛି। ଶୁଣାଣି ପରେ ବିବାଦର ସମାଧାନ ହେଲେ ସଂରକ୍ଷଣ ତାଲିକା ସାନି ପ୍ରକାଶ ପାଇବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି।

ବାରିପଦା : ଅପେକ୍ଷାକୃତ କମିଛି ପ୍ଲାଷ୍ଟିକ ବ୍ୟବହାର

ବାରିପଦା : ଅପେକ୍ଷାକୃତ କମିଛି ପ୍ଲାଷ୍ଟିକ ବ୍ୟବହାର

ବାରିପଦା ଅଫିସ,୩।୮- ସ୍ବଚ୍ଛତାର ସହର ଭାବେ ପରିଚିତ ବାରିପଦା ସହରରେ ୪ ବର୍ଷ ମଧ୍ୟରେ ପ୍ଳାଷ୍ଟିକ ବ୍ୟବହାର ଅପେକ୍ଷାକୃତ କମିଛି। ଏବେ ମଧ୍ୟ ପୌର ପରିଷଦ ପକ୍ଷରୁ ସହରରେ ସଫେଇକୁ ପ୍ରାଥମିକତା ଦିଆଯାଉଥିବା ବେଳେ ଓ ପ୍ଳାଷ୍ଟିକ ବ୍ୟବହାର ବନ୍ଦ କରିବା ନେଇ ବିଭିନ୍ନ ସଚେତନତା କାର୍ଯ୍ୟକ୍ରମ ଜାରିରଖିଛି। ଏଥିରେ ପଛରେ ପଡିନି ବାରିପଦା ପୌର ପରିଷଦ। ବାରିପଦା ସହରର ସଫେଇ କର୍ମଚାରୀଙ୍କୁ ପ୍ରତି ମାସରେ ଏଥିପାଇଁ ତାଲିମ ଦିଆଯାଇଥାଏ। ସେମାନେ ଘର ଘର ବୁଲି ପ୍ଲାଷ୍ଟିକ ବ୍ୟବହାର ନ କରିବାକୁ ସଚେତନ କରୁଥିବା ବେଳେ ଏହାର ସମୀକ୍ଷା ମଧ୍ୟ କରାଯାଇଥାଏ। ଯେଉଁଥିପାଇଁ ସ୍ବଚ୍ଛ ସହର ଭାବେ ପରିଚିତ ହେବା ସହ ପୁରସ୍କୃତ ହେଉଛି ବାରିପଦା ।

ଗେଟରେ ତାଲା ପକାଇଲେ ଛାତ୍ରୀଛାତ୍ର

ସୋର, ୩।୮(ଡି.ଏନ.ଏ.)-ରିଆଡମିଶନ ଫି’ ବୃଦ୍ଧି ପ୍ରତିବାଦରେ ବାଲେଶ୍ୱର ଜିଲା ସୋର ବ୍ଲକ ଅନ୍ତର୍ଗତ ଅନନ୍ତପୁର ସାରସ୍ବତ ମହାବିଦ୍ୟାଳୟର ଯୁକ୍ତ ୩ ଦ୍ୱିତୀୟ ବର୍ଷର ବିଜ୍ଞାନ ଛାତ୍ରୀଛାତ୍ରମାନେ ଗୁରୁବାର ଗେଟରେ ତାଲା ପକାଇଛନ୍ତି। ମହାବିଦ୍ୟାଳୟର ସେଲ୍ଫ ଫାଇନାନ୍ସ ଆଡମିଶନରେ ଚଳିତବର୍ଷ ୯ହଜାର ୭ଶହ ୭୫ଟଙ୍କା ବୃଦ୍ଧି କରାଯାଇଥିଲା ଏହାକୁ କମ୍‌ କରିବା ଲାଗି ଛାତ୍ରୀଛାତ୍ରମାନେ ମହାବିଦ୍ୟାଳୟର ଅଧ୍ୟକ୍ଷଙ୍କୁ ପୂର୍ବରୁ ଜଣାଇଥିଲେ। ମାତ୍ର ଏଥିପ୍ରତି ଅଧ୍ୟକ୍ଷ କୌଣସି ଦୃଷ୍ଟି ନ ଦେବାରୁ ଗୁରୁବାର ଛାତ୍ରୀଛାତ୍ରମାନେ ମୁଖ୍ୟ ଗେଟରେ ତାଲା ପକାଇଦେଇଥିଲେ।

ପାଣି ଘେରରେ କଚୁଆଡ଼ି କଲେଜ: ରାସ୍ତାକୁ ଓହ୍ଲାଇବେ ଛାତ୍ରୀଛାତ୍ର

ପାଣି ଘେରରେ କଚୁଆଡ଼ି କଲେଜ: ରାସ୍ତାକୁ ଓହ୍ଲାଇବେ ଛାତ୍ରୀଛାତ୍ର

ଭୋଗରାଇ,୩।୮(ଡି.ଏନ.ଏ.)-ଭୋଗରାଇ ବ୍ଲକ କଚୁଆଡି ବୈକୁଣ୍ଠନାଥ ଉଚ୍ଚଶିକ୍ଷା ପ୍ରତିଷ୍ଠାନ କଲେଜ ଏବେ ଜଳଘେରରେ ରହିଛି। ଲଘୁଚାପଜନିତ ଲଗାଣବର୍ଷାରେ ଏହି କଲେଜର ମୁଖ୍ୟ ରାସ୍ତା ବୁଡ଼ିଯାଇଥିବାରୁ ଛାତ୍ରୀଛାତ୍ର, ଅଧ୍ୟାପିକା ଅଧ୍ୟାପକ ଓ କର୍ମଚାରୀଙ୍କ ଲାଗି ସମସ୍ୟା ହୋଇଛି।

ପଞ୍ଚାୟତ ଅଫିସରୁ ଚୋରି

ପଞ୍ଚାୟତ ଅଫିସରୁ ଚୋରି

ବାହାନଗା,୩ା୮(ଡି.ଏନ.ଏ.)-ବାହାନଗା ବ୍ଲକ ତାଳକୁରୁଣିଆଁ ପଞ୍ଚାୟତ କାର୍ଯ୍ୟାଳୟ ତାଲା ଭାଙ୍ଗି କେହି ଦୁର୍ବୃତ୍ତ ଲକ୍ଷାଧିକ ଟଙ୍କାର ସାମଗ୍ରୀ ଚୋରି କରିନେଇଥିବା ଗୋପାଳପୁର ଫାଣ୍ଡିରେ ଅଭିଯୋଗ ହୋଇଛି ା ଅଭିଯୋଗକୁ ଭିତ୍ତି କରି ଖନ୍ତାପଡା ଥାନାରେ ଏକ ମାମଲା (ନଂ.୨୯୭/୧୮) ରୁଜୁ ହୋଇଛି।

ଆନ୍ତଃ ରାଜ୍ୟ ୨ ନକଲି ସୁନା ବେପାରୀ ଗିରଫ

ଆନ୍ତଃ ରାଜ୍ୟ ୨ ନକଲି ସୁନା ବେପାରୀ ଗିରଫ

ବାଲେଶ୍ୱର ଅଫିସ,୩।୮-ବାଲେଶ୍ୱର ଜିଲାରେ ଏବେ ନକଲି ସୁନା ବେପାରୀ ଆଡ୍ଡା ଜମାଇଛନ୍ତି। ସେମାନେ ମୁଖ୍ୟତଃ ରେଳଷ୍ଟେଶନ ପାଖାପାଖି ସହରକୁ ଟାର୍ଗେଟ କରୁଛନ୍ତି। ଏହି ବେପାରୀମାନେ ଷ୍ଟେଶନ ପାଖାପାଖି ଅଞ୍ଚଳରେ ଫେରିବାଲାର ପରିଚୟ ଦେଇ ନକଲି ସୁନାରେ ତିଆରି ଆକର୍ଷଣୀୟ ଅଳଙ୍କାର ଲୋକଙ୍କୁ ଦେଖାଇ ଟଙ୍କା ଠକିନେଇଥାନ୍ତି। ବିଶେଷକରି ଏହି ବେପାରୀମାନେ ମହାରାଷ୍ଟ୍ରରୁ ଆସୁଥିବା ଜଣାପଡିଛି। ଗୁରୁବାର ବାଲେଶ୍ୱର ଜିଲା ମୁଖ୍ୟଚିକିତ୍ସାଳୟ ସମ୍ମୁଖରେ ଥିବା ଏକ ପ୍ଲାଷ୍ଟିକ୍‌ ଦୋକାନୀଙ୍କୁ ଏହି ବେପାରୀମାନେ ୪୦ ଗ୍ରାମ୍‌ ଓଜନର ହାର ଦେଖାଇ ୫୦ହଜାର ଟଙ୍କା ଲୁଟି ନେଉଥିବା ବେଳେ ପୋଲିସ ହାତରେ ଧରାପଡିଥିଲେ। ଟାଉନ୍‌ ଥାନା ଅଧିକାରିଣୀ ସରୋଜିନୀ ନାୟକ ତାଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି।

ମାଙ୍କଡ଼ପଲ ଏବେ ଗାଁ ଛାଡ଼ି ସହର ମୁହାଁ

ମାଙ୍କଡ଼ପଲ ଏବେ ଗାଁ ଛାଡ଼ି ସହର ମୁହାଁ

ଭଣ୍ଡାରିପୋଖରୀ,୨ା୮(ଡି.ଏନ.ଏ.)- ଭଦ୍ରକ ଜିଲା ଭଣ୍ଡାରିପୋଖରୀ ଅଞ୍ଚଳରେ ମାଙ୍କଡ ଉପଦ୍ରବ ଦେଖାଦେଇଛି। ହାଟ ବଜାରରେ କେହି ଖାଦ୍ୟ ସାମଗ୍ରୀ କିଣି ଘରକୁ ଫେରୁଥିଲେ, ମାଙ୍କଡପଲ ସେମାନଙ୍କ ହାତରୁ ସାମଗ୍ରୀ ଛଡାଇ ନେଉଛନ୍ତି।

ବୁଥ, ଓ୍ବାର୍ଡ କମିଟି ଗଠନ ପ୍ରକ୍ରିୟା ତ୍ୱରାନିତ୍ୱ କରିବାକୁ ଗୁରୁତ୍ୱ

ବୁଥ, ଓ୍ବାର୍ଡ କମିଟି ଗଠନ ପ୍ରକ୍ରିୟା ତ୍ୱରାନିତ୍ୱ କରିବାକୁ ଗୁରୁତ୍ୱ

ଆରଡି, ୨ା୮(ଡି.ଏନ.ଏ.)- ଭଦ୍ରକ ଜିଲା ଚାନ୍ଦବାଲି ବ୍ଲକ ମଠଡିହଠାରେ ସୁନ୍ଦରପୁର ଏବଂ ଓଳଗ ପଞ୍ଚାୟତସ୍ତରୀୟ ଭାଜପା ପ୍ରମୁଖ କାର୍ଯ୍ୟକର୍ତ୍ତାଙ୍କୁ ନେଇ ଗୁରୁବାର ଅପରାହ୍ନରେ ବୈଠକ ଅନୁଷ୍ଠିତ ହୋଇଯାଇଛି।

  ଆମ ପୋଲିସ ସମିତିର ବୈଠକ

ଆମ ପୋଲିସ ସମିତିର ବୈଠକ

ବଡ଼ସାହି,୨ା୮(ସ୍ବ.ପ୍ର)-ଗୁରୁବାର ବଡ଼ସାହି ଥାନାଧିକାରୀ ଜୟନାରାୟଣ ଖଣ୍ଡେଇଙ୍କ ଅଧ୍ୟକ୍ଷତାରେ ଆମ ପୋଲିସ ସମିତି ବୈଠକ ଅନୁଷ୍ଠିତ ହୋଇଛି।

    ନାବାଳିକାଙ୍କୁ ବଳାତ୍କାର, ଅଭିଯୁକ୍ତ ଗିରଫ

ନାବାଳିକାଙ୍କୁ ବଳାତ୍କାର, ଅଭିଯୁକ୍ତ ଗିରଫ

କପ୍ତିପଦା,୨ା୮(ଡି.ଏନ.ଏ)- କପ୍ତିପଦା ବ୍ଲକ ଶରତ ଥାନା ଅଞ୍ଚଳର ଜଣେ ନାବାଳିକାଙ୍କୁ ବଳାକତ୍ାର ଅଭିଯୋଗରେ ପୋଲିସ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଜଣକ ହେଲେ ସେହି ଗ୍ରାମର ଦର୍ଶନ ହାଇବୁରୁ(୨୫)।

‘ପଲିଥିନ ମୁକ୍ତ ହେବ ଯୋଡ଼ା ସହର’

‘ପଲିଥିନ ମୁକ୍ତ ହେବ ଯୋଡ଼ା ସହର’

ଯୋଡ଼ା, ୨।୮(ଡି.ଏନ.ଏ.): ଯୋଡ଼ା ରୋଟାରୀ କ୍ଲବର ୧୪ତମ ପ୍ରତିଷ୍ଠା ଉତ୍ସବ ବୁଧବାର ସ୍ଥାନୀୟ ଭ୍ୟାଲି କ୍ଲବଠାରେ ଅନୁଷ୍ଠିତ ହୋଇଯାଇଛି। ରୋଟାରୀ କ୍ଲବ ପକ୍ଷରୁ ସର୍ଗିତଳିଆ ଗ୍ରାମରେ ୬୦ ଗରିବ ଲୋକଙ୍କୁ ମଶାରି ବଣ୍ଟନ କରାଯାଇଥିଲା। ସରସ୍ବତୀ ଶିଶୁ ବିଦ୍ୟା ମନ୍ଦିରରେ ଏକ ପୁସ୍ତକ ମେଳାର ଉଦ୍‌ଘାଟନ ରୋଟାରୀ ଗଭର୍ଣ୍ଣର ଦେବାଶିଶ ମିଶ୍ରଙ୍କ ଦ୍ୱାରା ହୋଇଥିଲା। ପଲିଥିନ ମୁକ୍ତ ଅଞ୍ଚଳ ଭାବେ ଯୋଡ଼ାକୁ ଗଢି ତୋଳିବା ପାଇଁ ଏକ ସଚେତନତା କାର୍ଯ୍ୟକ୍ରମ ରୋଟାରୀ କ୍ଲବ ପକ୍ଷରୁ କରାଯାଇଥିଲା। ରାତି ୮ଟା ବେଳେ ରୋଟାରୀ କ୍ଲବ ପକ୍ଷରୁ ଏକ ସଭା ଭ୍ୟାଲି କ୍ଲବଠାରେ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ଦେବାଶିଶ ମିଶ୍ର, ସମ୍ନାନିତ ଅତିଥି ଭାବେ ଆସିଷ୍ଟାଣ୍ଟ ଗଭର୍ଣ୍ଣର ବସନ୍ତ କୁମାର ପୃଷ୍ଟି, ଟାଟା କମ୍ପାନୀ ଯୋଡା ମୁଖ୍ୟ ଶିରିଶ ଶେଖରଙ୍କ ସମେତ ରୋଟାରୀ କ୍ଲବର ପ୍ରେସିଡେଣ୍ଟ ମୋହିନୀ ରଞ୍ଜନ ରଥ, ସେକ୍ରେଟାରୀ ସିଦ୍ଧାର୍ଥ ସାରଥି କର ମଞ୍ଚାସୀନ ଥିଲେ।

‘ଛାତ୍ରୀଛାତ୍ରଙ୍କୁ ମିଳିବ ପୁଷ୍ଟିକର ଖାଦ୍ୟ’

‘ଛାତ୍ରୀଛାତ୍ରଙ୍କୁ ମିଳିବ ପୁଷ୍ଟିକର ଖାଦ୍ୟ’

ଚମ୍ପୁଆ, ୨।୮(ଡି.ଏନ.ଏ.): କେନ୍ଦୁଝର ଜିଲାପାଳଙ୍କ ନିଷ୍ପତ୍ତି ଅନୁଯାୟୀ ବିଦ୍ୟାଳୟରେ ଛାତ୍ରୀଛାତ୍ରଙ୍କୁ ମଧ୍ୟାହ୍ନ ଭୋଜନରେ ସପ୍ତାହର ୬ ଦିନ ପୁଷ୍ଟକର ଖାଦ୍ୟ ସହ ଅଣ୍ଡା ଯୋଗାଇ ଦେବାକୁ ଗୁରୁତ୍ୱ ଦିଆଯାଇଛି। ଏ ନେଇ ଗୁରୁବାର ଚମ୍ପୁଆ ନଗର ଭବନଠାରେ ପୁଷ୍ଟିକର ଖାଦ୍ୟ ସମ୍ପର୍କରେ ଏକ ବୈଠକ ହୋଇଥିବା ଡିପିସି ପୂର୍ଣ୍ଣଚନ୍ଦ୍ର ସେଠୀ ସୂଚନା ଦେଇଛନ୍ତି। ଚମ୍ପୁଆ ବ୍ଲକରେ ଥିବା ଉଚ୍ଚ ବିଦ୍ୟାଳୟ, ଉଚ୍ଚ ପ୍ରାଥମିକ ବିଦ୍ୟାଳୟ ଓ ଉଚ୍ଚ ପ୍ରାଥମିକ ମଧ୍ୟ ଇଂରାଜୀ ବିଦ୍ୟାଳୟରେ ପ୍ରଧାନ ଶିକ୍ଷକଙ୍କୁ ନେଇ ବ୍ଲକ ଶିକ୍ଷା ଅଧିକାରୀ ଗୋବର୍ଦ୍ଧନ ନାଏକଙ୍କ ସଭାପତିତ୍ୱରେ ବୈଠକ ହୋଇଥିଲା। ଏବିଓ, ଶିକ୍ଷକ ସଂଘ ସଭାପତି, ସିଆରସିସି ଉପସ୍ଥିତ ଥିଲେ। ଜିଲା ଖଣିଜ ଉନ୍ନୟନ ପାଣ୍ଠିରୁ ତାହା ଭରଣ କରାଯିବ ବୋଲି ଜଣାଯାଇଛି। ଅଗଷ୍ଟ ୩୧ରୁ ତାହା ଆରମ୍ଭ କରାଯିବ। ପୂର୍ବରୁ ୨ ଦିନ ଅଣ୍ଡା ଦିଆଯାଉଥିଲା। ଏବେ ୪ ଦିନ ଅଣ୍ଡା ପ୍ରଦାନ କରାଯିବ ବୋଲି ସୂଚନା ମିଳିଛି।

ବିଦ୍ୟାଳୟ ପରିସରରେ ଚାରାରୋପଣ

ବିଦ୍ୟାଳୟ ପରିସରରେ ଚାରାରୋପଣ

ଭଣ୍ଡାରିପୋଖରୀ,୨।୮(ସ୍ବ.ପ୍ର.)-ଭଣ୍ଡାରିପୋଖରୀ ବ୍ଲକ ବିଷ୍ଣୁପୁର ପଞ୍ଚାୟତ ଯୁବବାହିନୀ ତରଫରୁ ବିଷ୍ଣୁପୁର ବିଦ୍ୟାଳୟ ପରିସରରେ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ପରିଚାଳନା କମିଟି ସଭାପତି ନିରଞ୍ଜନ ଜେନା ଅଧ୍ୟକ୍ଷତା କରିଥିଲେ।

ଫୁଲର ହସ ରଥଯାତ୍ରା ବିଶେଷାଙ୍କ ଲୋକାର୍ପିତ

ଫୁଲର ହସ ରଥଯାତ୍ରା ବିଶେଷାଙ୍କ ଲୋକାର୍ପିତ

ଭଦ୍ରକ ଅଫିସ,୨।୮-ଭଦ୍ରକ ସହର ପୁରୁଣାବଜାରସ୍ଥିତ ଦାମୋଦର ସଂସ୍କୃତ ମହାବିଦ୍ୟାଳୟ ପରିସରରେ ଶିଶୁ ପତ୍ରିକା ଫୁଲର ହସ ରଥଯାତ୍ରା ବିଶେଷାଙ୍କ ଲୋକାର୍ପିତ ହୋଇଯାଇଛି। ଆୟୋଜିତ ଉତ୍ସବରେ ଫୁଲର ହସର ପ୍ରତିଷ୍ଠାତା ସମ୍ପାଦକ ପଣ୍ଡିତ ଦୈତାରି ମହାପାତ୍ର ପୌରୋହିତ୍ୟ କରିଥିଲେ।

ସମବାୟ ସମିତିରେ ରହିବ ଅଭିଯୋଗ ବକ୍ସ

ସମବାୟ ସମିତିରେ ରହିବ ଅଭିଯୋଗ ବକ୍ସ

ଭଣ୍ଡାରିପୋଖରୀ,୨।୮(ଡି.ଏନ.ଏ.)-ଭଣ୍ଡାରିପୋଖରୀ ବ୍ଲକ ନାଅଁ।ମୀ ସେବା ସମବାୟ ସମିତି ଆନୁକୂଲ୍ୟରେ ସମବାୟ ଆପଣଙ୍କ ଦ୍ୱାରରେ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି। ଏହି ଅବସରରେ ଚାଷୀ ସାତଶୋଳାର ସୁବାସିନୀ ପଣ୍ଡା, ରାଜେନ୍ଦ୍ରପୁରର ଗୋକୁଳାନନ୍ଦ ପଣ୍ଡା, ମୋରଡାର ରତ୍ନାକର ଖଣ୍ଡାୟୀ ସେମାନଙ୍କ ଅଭିଯୋଗ ଦର୍ଶାଇଥିଲେ।

ହିତାଧିକାରୀଙ୍କୁ ଉଜ୍ଜ୍ୱଳା ଗ୍ୟାସ୍‌ ବଣ୍ଟନ

ହିତାଧିକାରୀଙ୍କୁ ଉଜ୍ଜ୍ୱଳା ଗ୍ୟାସ୍‌ ବଣ୍ଟନ

ଭଣ୍ଡାରିପୋଖରୀ,୨।୮(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ବନ୍ଦାଳୋ-ମଢିଆଳୀ ପଞ୍ଚାୟତର ବିରିଡ଼ିଠାରେ ଇଣ୍ଡେନ ଗ୍ୟାସ୍‌ ପକ୍ଷରୁ ଉଜ୍ଜ୍ୱଳା ଯୋଜନାରେ ୪୪ଜଣ ହିତାଧିକାରୀଙ୍କୁ ଗ୍ୟାସ ବଣ୍ଟନ କରାଯାଇଛି।

‘ଇଣ୍ଟରସେପ୍ଟର’ ପରୀକ୍ଷଣ ସଫଳ

‘ଇଣ୍ଟରସେପ୍ଟର’ ପରୀକ୍ଷଣ ସଫଳ

ବାଲେଶ୍ୱର ଅଫିସ, ୨।୮-ବାଲେଶ୍ୱର ଚାନ୍ଦିପୁର ପ୍ରତିରକ୍ଷା ଗବେଷଣା ଉନ୍ନୟନ ସଂସ୍ଥା (ଡିଆର୍‌ଡିଓ) ପକ୍ଷରୁ ଭଦ୍ରକ ଧାମରାସ୍ଥିତ ଅବଦୁଲ କଲାମ ଦ୍ୱୀପର ୪ନଂ. ଲଞ୍ଚ ପ୍ୟାଡ୍‌ରୁ ଗୁରୁବାର ସୁପରସୋନିକ ଇଣ୍ଟରସେପ୍ଟର କ୍ଷେପଣାସ୍ତ୍ରର ସଫଳ ପରୀକ୍ଷଣ କରାଯାଇଛି।

ରୋଟାରୀ କ୍ଲବର ୫୦ବର୍ଷ ଅବସରରେ ବୃକ୍ଷରୋପଣ

ରୋଟାରୀ କ୍ଲବର ୫୦ବର୍ଷ ଅବସରରେ ବୃକ୍ଷରୋପଣ

ବାରିପଦା ଅଫିସ,୨।୮- ବାରିପଦା ରୋଟାରୀ କ୍ଳବର ୫୦ବର୍ଷ ପାଳନ ଅବସରରେ ରାଣୀଭୋଳ ସ୍ଥିତ ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ୫୦ରୁ ଅଧିକ ବୃକ୍ଷରୋପଣ କରାଯାଇଥିଲା।

 ବିଶ୍ରାମାଗାର ଛାତରୁ ଖସୁଛି ପ୍ଲାଷ୍ଟର

ବିଶ୍ରାମାଗାର ଛାତରୁ ଖସୁଛି ପ୍ଲାଷ୍ଟର

କପ୍ତିପଦା,୨।୮(ଡି଼.ଏନ୍‌.ଏ)କପ୍ତିପଦା ବ୍ଲକ ଅଧିନ ଆଦିବାସୀ ଅଧ୍ୟୁଷିତ କଳମଗଡିଆ ପଞ୍ଚାୟତ ଛକରେ ୧୯୯୦ ମସିହାରେ ଆଦିବାସୀ ହରିଜନ ଉନ୍ନୟନ ସଂସ୍ଥା ପକ୍ଷରୁ ଏକ ବିଶ୍ରାମାଗାର ନିର୍ମାଣ କରାଯାଇଛି । ଦୀର୍ଘ ୨୮ବର୍ଷ ପରେ ମରାମତି ଓ ରକ୍ଷଣାବେକ୍ଷଣ ଅଭାବରୁ ତାହା ବର୍ତ୍ତମାନ ବିପଦ ସଙ୍କୁଳ ଅବସ୍ଥାରେ ପଡି ରହିଛି ।

ସବୁଜ ଓଡ଼ିଶା ଗଠନ ଲାଗି ଆହ୍ବାନ

ସବୁଜ ଓଡ଼ିଶା ଗଠନ ଲାଗି ଆହ୍ବାନ

ଉଦଳା, ୨।୮ (ଡି.ଏନ.ଏ.) -ଉଦଳା ବ୍ଲକ କୋଚିଳାଡିହା ଗ୍ରାମ ପଞ୍ଚାୟତ ବିଜୁ ଯୁବ ବାହିନୀ ଆନୁକୂଲ୍ୟରେ ଗୁରୁବାର ଡିମଗଡିଆ ଏବଂ ବୈରାଟପୁର ହାଇସ୍କୁଲ ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହା ସହିତ ବୃକ୍ଷରୋପଣର ଆବଶ୍ୟକତା ନେଇ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି ।