ବାଲେଶ୍ୱର

ତିହିଡିରେ ଅଖିମୁଠି ଅନୁକୂଳ

ତିହିଡିରେ ଅଖିମୁଠି ଅନୁକୂଳ

ତିହିଡି, ୧୮।୪(ଡି.ଏନ.ଏ.)-ଭଦ୍ରକ ଜିଲା ତିହିଡ଼ି ବ୍ଲକ ଅଧୀନ କୋହ୍ଲ ପଞ୍ଚାୟତର ମା’ ସାହାଡ଼ାଶୁଣି ପୀଠରେ ବୁଧବାର ଅକ୍ଷୟ ତୃତୀୟାରେ ବ୍ଲକସ୍ତରୀୟ କୃଷକ ଦିବସ ପାଳିତ ହୋଇଛି।

ସୀମାନ୍ତ ଅଞ୍ଚଳରୁ କାଠ ଚୋରା ଚାଲାଣ

ସୀମାନ୍ତ ଅଞ୍ଚଳରୁ କାଠ ଚୋରା ଚାଲାଣ

ତେଲକୋଇ, ୧୮।୪(ଡି.ଏନ.ଏ.): ତେଲକୋଇ ବ୍ଲକ ବିମଳା ଫରେଷ୍ଟ ବିଟ ଅଧୀନ ସୀମାନ୍ତ ଅଞ୍ଚଳରୁ ବାହାର ଜିଲାକୁ କାଠ ଚୋରା ଚାଲାଣ କରାଯାଉଛି। ଫଳରେ ଜଙ୍ଗଲଧ୍ୱଂସ ହେବାରେ ଲାଗିଛି। ଉକ୍ତ ସୀମାନ୍ତ ଅଞ୍ଚଳରେ ଢେଙ୍କାନାଳ ଜିଲାର କଙ୍କଡାହାଡ ବ୍ଲକ ଲାଗି ରହିଛି। ଗଡପଳାଶୁଣି, ବାମ, ଡୁଲିଆ, ଅନ୍ଧାରୀ, କରଡାଖମଣ ଆଦି ଗ୍ରାମରୁ ଟ୍ରାକ୍ଟର ଓ ଶଗଡ ଗାଡି ଯୋଗେ କାଠ କାଟି ନିଆଯାଉଛି।

ଚକରେ ଲାଗିଲା ଅକ୍ଷ

ଚକରେ ଲାଗିଲା ଅକ୍ଷ

ନୀଳଗିରି, ୧୮।୪ (ଡି.ଏନ.ଏ.): ନୀଳଗିରି ଠାକୁର ମହାଲ ପକ୍ଷରୁ ପବିତ୍ର ଅକ୍ଷୀ ତୃତୀୟା ତିଥିରେ ବୁଧବାର ମହାପ୍ରଭୁଙ୍କ ଆଦି ସେବକ ଜୟନ୍ତ ଚନ୍ଦ୍ର ମର୍ଦ୍ଦରାଜ ହରିଚନ୍ଦନ ଚକରେ ଅକ୍ଷ ଲଗାଇ ନୂତନ ରଥ ର୍ନିମାଣ ପାଇଁ ଶୁଭ ଉଦ୍‌ଘାଟନ କରିଛନ୍ତି। ପୂର୍ବାହ୍ନରେ ଯଥା ରୀତିନୀତିରେ ପୂଜା ଅର୍ଚ୍ଚନା କରାଯାଇ ଥିଲା ।

ଅକ୍ଷୟ ତୃତୀୟାରେ ଧାନ ବୁଣିଲେ  ଜିଲାପାଳ

ଅକ୍ଷୟ ତୃତୀୟାରେ ଧାନ ବୁଣିଲେ ଜିଲାପାଳ

ନୀଳଗିରି,୧୮।୪ (ଡି.ଏନ.ଏ.): ପବିତ୍ର ଅକ୍ଷୟ ତୃତୀୟାରେ ନୀଳଗିରି ବ୍ଲକ ମଚ୍ଛୁଆ ପଞ୍ଚାୟତ ରାଜସ୍ବ ଗାଁରେ କୃଷି ବିଭାଗ ପକ୍ଷରୁ ଆୟୋଜିତ କୃଷକ ଦିବସ ଅବସରରେ ବୁଧବାର ବାଲେଶ୍ୱର ଜିଲାପାଳ ରମେଶ ଚନ୍ଦ୍ର ରାଉତ ବିଲରେ ଧାନ ବୁଣି ଶୁଭ ଅନୁକୂଳ କରିଛନ୍ତି।

କୁକୁଡା ବୋଝେଇ ଗାଡି ଓଲଟି ଡ୍ରାଇଭର ଗୁରୁତର

କୁକୁଡା ବୋଝେଇ ଗାଡି ଓଲଟି ଡ୍ରାଇଭର ଗୁରୁତର

ରାଇସୁଆଁ,୧୮।୪(ଡି.ଏନ୍‌.ଏ.): କେନ୍ଦୁଝର ଜିଲା ସଦର ଥାନା ଅନ୍ତର୍ଗତ ରାଇସୁଆଁ ପେଟ୍ରୋଲ ପମ୍ପ ନିକଟରେ ବୁଧବାର ଏକ କୁକୁଡା ବୋଝେଇ ଗାଡି ଓଲଟି ପଡିବାରୁ ଡ୍ରାଇଭର ଗୁରୁତର ଆହତ ହୋଇଛନ୍ତି। ତାଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳରେ ଭର୍ତ୍ତି କରାଯାଇଛି। ସଦର ପୋଲିସ ଦୁର୍ଘଟଣାଗ୍ରସ୍ତ ଗାଡିକୁ ଜବତ କରିଛି।

କାଳବୈଶାଖୀରେ ସ୍କୁଲ ଛପର ଉଡ଼ିଲା

କାଳବୈଶାଖୀରେ ସ୍କୁଲ ଛପର ଉଡ଼ିଲା

ବଡସାହି,୧୮।୪(ସ୍ବ.ପ୍ର.): ମଙ୍ଗଳବାର କାଳବୈଶାଖୀରେ ସିଂହଟିଆ ଆର୍‌କେ ନୋଡାଲ ହାଇସ୍କୁଲର ଛପର ଉଡିଯାଇ ବ୍ୟାପକ କ୍ଷୟକ୍ଷତି ହୋଇଛି। ସ୍କୁଲର ଛାତ୍ରୀଛାତ୍ରମାନେ ବୁଧବାର ଉକ୍ତ ବିପଦ ସଙ୍କୁଳ ଅବସ୍ଥାରେ ସ୍କୁଲ ଗୃହରେ ପାଠ ପଢ଼ୁଥିବା ଦେଖିବାକୁ ମିଳିଛି।

ଟ୍ରେନରୁ ଠେଲି ହତ୍ୟା ଅଭିଯୋଗ ଆଣିଲେ ପରିବାର

ଟ୍ରେନରୁ ଠେଲି ହତ୍ୟା ଅଭିଯୋଗ ଆଣିଲେ ପରିବାର

ଭଦ୍ରକ ଅଫିସ,୧୭।୪- ବମ୍ବେରୁ ପ୍ରେମୀ ଯୁଗଳଙ୍କୁ ଉଦ୍ଧାର କରି ବିମାନରେ କଲିକତା ଅଣାଯାଇ ସେଠାରୁ ଭଦ୍ରକ ଅଣାଯାଉଥିବା ବେଳେ ଅଭିଯୁକ୍ତ ନାବାଳକ ପ୍ରେମିକ ଅମ୍ରିତ ପୁହାଣ ଟ୍ରେନରୁ ତଳକୁ ଡେଇଁପଡି ଆତ୍ମହତ୍ୟା କରିଥିଲେ। ସୋମବାର ପୂର୍ବାହ୍ନ ୧୧ଟା ବେଳେ ବେଲଦା ଷ୍ଟେଶନ ନିକଟରେ ଏହି ଅଘଟଣ ଘଟିଛି।

ବଳାଙ୍ଗୀ ମହୋତ୍ସବ: ସମ୍ବଲପୁରୀ ନୃତ୍ୟରେ ଝୁମିଲେ ଦର୍ଶକ

ବଳାଙ୍ଗୀ ମହୋତ୍ସବ: ସମ୍ବଲପୁରୀ ନୃତ୍ୟରେ ଝୁମିଲେ ଦର୍ଶକ

ବାରିପଦା ଅଫିସ,୧୭।୪- ମୟୂରଭଞ୍ଜ ଜିଲାର ଗଣପର୍ବ ବଳାଙ୍ଗୀ ମହୋତ୍ସବ-୨୦୧୮ ର ତୃତୀୟ ସନ୍ଧ୍ୟା ବେଶ ଜାକଜମକ ସହକାରେ ପାଳିତ ହୋଇଛି। ବଳାଙ୍ଗୀ ମହୋତ୍ସବ ସଭାପତି ରାଜକିଶୋର ଦାସଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ମୁଖ୍ୟ ଅତିଥି ଭାବରେ ବାରିପଦା ଆଦିବାସୀ ଉନ୍ନୟନ ସଂସ୍ଥାର ପ୍ରକଳ୍ପ ପ୍ରଶାସକ ବିଜନ କୁମାର ଥମ୍ବ ଯୋଗଦେଇ ମୟୂରଭଞ୍ଜ ମାଟିର ମୋହନୀୟ କଳା ସଂସ୍କୃତି ବିଶ୍ୱ ଦରବାରରେ ନିଜର ସ୍ବତନ୍ତ୍ରତା ପ୍ରତିପାଦନ କରିଥାଏ ବୋଲି କହିଥିଲେ।

କୁଡୁମୀ ସମାଜକୁ ଆଦିବାସୀ ମାନ୍ୟତା ଦାବୀ

କୁଡୁମୀ ସମାଜକୁ ଆଦିବାସୀ ମାନ୍ୟତା ଦାବୀ

ଠାକୁରମୁଣ୍ଡା,୧୭। ୪(ଡି.ଏନ.ଏ)- କୁଡୁମୀ ସମାଜକୁ ଆଦିବାସୀ ମାନ୍ୟତା ଦାବୀରେ ମଙ୍ଗଳବାର ଠାକୁରମୁଣ୍ଡା କୁଡୁମୀ ମହିଳା ସେନା ପକ୍ଷରୁ ଏକ ସଭା ଅନୁଷ୍ଠିତ ହୋଇଯାଇଛି। ଖଣ୍ଡବନ୍ଧ ଗ୍ରାମପଞ୍ଚାୟତ ଅନ୍ତର୍ଗତ ପୁରୁଣାପାଣି ଗ୍ରାମରେ ଅନୁଷ୍ଠିତ ଏହି ସଭାରେ ବ୍ଲକର ବିଭିନ୍ନ ଗ୍ରାମରୁ କୁଡୁମୀ ମହିଳାମାନେ ଯୋଗ ଦେଇଥିଲେ ।

ପାଚିକା ସହାୟିକାଙ୍କ ପ୍ରତିବାଦ ଶୋଭାଯାତ୍ରା

ସୋର, ୧୭।୪(ଡି.ଏନ.ଏ.)-ଓଡିଶା ମଧ୍ୟାହ୍ନ ଭୋଜନ ପାଚିକା ଓ ସହାୟିକା ସଂଘ ସୋର ଶାଖା ତରଫରୁ ଏକ ପ୍ରତିବାଦ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଏହି ଅବସରରେ ଏକ ଶୋଭାଯାତ୍ରା ବାହାରି ବ୍ଲକ ଶିକ୍ଷାଧିକାରୀଙ୍କୁ ୧୨ଦଫା ଦାବିପତ୍ର ପ୍ରଦାନ କରାଯାଇଥିଲା । ବିଭିନ୍ନ ଦାବି ମଧ୍ୟରେ ମାସିକ ୧୮ ହଜାର ଟଙ୍କା ଦରମା ପ୍ରଦାନ, ସ୍ବେଚ୍ଛାସେବୀ ପରିବର୍ତ୍ତେ ଶ୍ରମିକ ମାନ୍ୟତା, ୬୦ ବର୍ଷରେ ଅବସର ପରେ ୧ ଲକ୍ଷ ଟଙ୍କା ପ୍ରଦାନ ଆଦି ଦାବି ଅନ୍ତଭୁକ୍ତ ।

  ଖାଇବାକୁ ଦିଆଯାଉ ନ ଥିବା ଅଭିଯୋଗ: ସ୍କୁଲ ଛାଡିଲେ ୫ ଅନ୍ତେବାସୀ

ଖାଇବାକୁ ଦିଆଯାଉ ନ ଥିବା ଅଭିଯୋଗ: ସ୍କୁଲ ଛାଡିଲେ ୫ ଅନ୍ତେବାସୀ

ବାଲିଆପାଳ,୧୭।୪(ଡି.ଏନ.ଏ.)-ଠିକ୍‌ ଭାବେ ଖାଇବାକୁ ନ ପାଇ ବାଲିଆପାଳ ବ୍ଲକ ଦେଉଳାଠାରେ ଥିବା ଆବାସିକ ସେବାଶ୍ରମ ସ୍କୁଲର ୫ଜଣ ଅନ୍ତେବାସୀ ସ୍କୁଲରୁ ଲୁଚି ପଳାଇଥିଲେ। ବାଲିଆପାଳ କର୍ମଦ୍ଦା ରାସ୍ତାରେ ଗୁନାପୁର ନିକଟରେ ବୁଦ୍ଧିଆ ସିଂ ନାମକ ଯୁବକ ପିଲାମାନଙ୍କୁ ଦେଖି ଅଟକାଇ ପଚରାଉଚରା କରିବାରୁ ସେମାନେ ଭୋକରେ ଆଉଟପାଉଟ ହେଉଥିବା କହିଥିଲେ। ସେ ପିଲାମାନଙ୍କୁ ଦୋକାନରୁ ବିସ୍କୁଟ ଓ ପାଣି କିଣି ଖାଇବାକୁ ଦେଇଥିଲେ। ଏହି ପିଲାମାନେ ହଷ୍ଟେଲରେ ରହି ପ୍ରଥମ ଓ ଦ୍ୱିତୀୟ ଶ୍ରେଣୀରେ ପାଠ ପଢୁଛନ୍ତି।

ସାମାଜିକ ଦାୟିତ୍ୱ ଭାବ ନେଇ କାମ କରିବାକୁ ଆହ୍ବାନ

ସାମାଜିକ ଦାୟିତ୍ୱ ଭାବ ନେଇ କାମ କରିବାକୁ ଆହ୍ବାନ

ବାରିପଦା ଅଫିସ,୧୭।୪- ବାରିପଦା ସହର ଉପକଣ୍ଠ ଡିଭାଇନ ଇନ୍‌ଷ୍ଟିଚ୍ୟୁଟ ଅଫ ଇଞ୍ଜିନିୟରିଂ ଆଣ୍ଡ ଟେକନୋଲୋଜିରେ ‘ଇଣ୍ଟରଫେସ ଉଇଥ ପୋଲିସ- ଅପରଚ୍ୟୁନିଟି ଆଣ୍ଡ ରେସପନସିବଲିଟିଜ୍‌’ ଶିର୍ଷକରେ ଏକ ସ୍ବତନ୍ତ୍ର ସେମିନାର ଅନୁଷ୍ଠିତ ହୋଇଯାଇଛି। ସେମିନାରରେ ଡିଭାଇନର ଚେୟାରମ୍ୟାନ ପୂର୍ଣ୍ଣଚନ୍ଦ୍ର ଭୁଗୁଡେଇ ସଭାପତିତ୍ୱ କରିଥିବା ବେଳେ ଜିଲା ଆରକ୍ଷୀ ଅଧିକ୍ଷକ ଅବିନାଶ କୁମାର ମୁଖ୍ୟ ଅତିଥି ଭାବେ ଯୋଗ ଦେଇ ଭାରତୀୟ ପିଙ୍ଗଳ କୋର୍ଡରେ ଥିବା ବିଭିନ୍ନ ନିୟମ ସମ୍ପର୍କରେ ଆଲୋକପାତ କରିଥିଲେ।

ପିଡିଏସ୍‌ ଚାଉଳ ଓ ଗହମ ଜବତ ଘଟଣା: ୪ ଡ୍ରାଇଭର ଗିରଫ, ୩ ଟ୍ରକ୍‌ ଜବତ

ପିଡିଏସ୍‌ ଚାଉଳ ଓ ଗହମ ଜବତ ଘଟଣା: ୪ ଡ୍ରାଇଭର ଗିରଫ, ୩ ଟ୍ରକ୍‌ ଜବତ

ଜଳେଶ୍ୱର, ୧୭।୪(ଡି.ଏନ.ଏ.)-ପଶ୍ଚିମବଙ୍ଗର ସୁନାକୋଣିଆସ୍ଥିତ ଗୋଦାମରୁ ୧୫୩୨ ବସ୍ତା ପିଡିଏସ୍‌ ଚାଉଳ ଓ ଗହମ ଜବତ ଘଟଣାରେ ଫେରାର ଥିବା ୪ ଟ୍ରକର ୪ଜଣ ଡ୍ରାଇଭରଙ୍କୁ ଜଳେଶ୍ୱର ଗିରଫ କରିଛି। ଏହାସହ ବିଭିନ୍ନ ସ୍ଥାନରେ ଚଢାଉ କରି ୩ଟି ଟ୍ରକ୍‌କୁ ଜବତ କରାଯାଇଛି। ଗିରଫ ଡ୍ରାଇଭରମାନେ ହେଲେ ବାଲେଶ୍ୱର ଜିଲା ବସ୍ତା ଥାନା ଧୂଳିଉଡ଼ା ଗ୍ରାମର ଯତୀନ୍ଦ୍ର ନାଥ ଜେନା, ମଥାନୀ ଗ୍ରାମର ନିଳାମ୍ବର ବିସି,ଭେଲୋରା ଗ୍ରାମର ଝାଡ଼େଶ୍ୱର ବାଗ ଓ ରୂପ୍‌ସା ଥାନା ଓଡ଼ିଆଶାସନ ଗ୍ରାମର ତୋଫାନ ବାରିକ। ଗିରଫ ୪ ଜଣ ଡ୍ରାଇଭରଙ୍କୁ ସ୍ଥାନୀୟ ଜେଏମ୍‌ଏଫ୍‌ସି କୋର୍ଟରେ ପୋଲିସ ହାଜର କରାଯାଇଥିଲା। ସେମାନଙ୍କ ଜାମିନ ନାମଞ୍ଜୁର ହେବାରୁ ଜେଲ୍‌ ପଠାଇ ଦିଆଯାଇଛି।

କାଳବୈଶାଖି: ବ୍ୟାପକ କ୍ଷୟକ୍ଷତି

କାଳବୈଶାଖି: ବ୍ୟାପକ କ୍ଷୟକ୍ଷତି

ବଡସାହି,୧୭। ୪(ସ୍ବ.ପ୍ର)-ମଙ୍ଗଳବାର ଅପରାହ୍ନରେ କାଳବୈଶାଖି ଯୋଗୁ ବଡ଼ସାହି ବ୍ଲକ ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି । ବିଭିନ୍ନ ସ୍ଥାନରେ ବଡ଼ ବଡ଼ ଗଛ ଉପୁଡି ପଡି ଧନଜୀବନ ନଷ୍ଟ ହୋଇଛି । ସ୍ଥାନୀୟ ବଡ଼ସାହି ପଞ୍ଚାୟତ ଅଫିସ ସମ୍ମୁଖରେ ଥିବା ପୁରୁଣା ବରଗଛ ବଡ଼ସାହି-ଉଦଳା ରାସ୍ତା ଉପରେ ଉପୁଡି ପଡିବାରୁ ଯୋଗାଯୋଗ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଛି ।

 ୪ ଲକ୍ଷ ଟଙ୍କା ସମେତ ଅଳଙ୍କାର  ଚୋରି: ପୋଲିସର ତନାଘନା

୪ ଲକ୍ଷ ଟଙ୍କା ସମେତ ଅଳଙ୍କାର ଚୋରି: ପୋଲିସର ତନାଘନା

ବାଙ୍ଗିରିପୋଷି,୧୭।୪(ଡି.ଏନ.ଏ.)- ମୟୂରଭଞ୍ଜ ଜିଲା ବାଙ୍ଗିରିପୋଷି ଥାନା ପଥୁରୀ ପଞ୍ଚାୟତ ଉଦାଳି ଗ୍ରାମର ସୁଶାନ୍ତ କୁମାର ଗୋଚ୍ଛାୟତଙ୍କ ଘରୁ ସୋମବାର ବିଳମ୍ବିତ ରାତିରେ ବଡ ଧରଣର ଚୋରି ହୋଇଛି। ଚୋରମାନେ ଘରେ ପଶି ନଗଦ ୪ ଲକ୍ଷ ଟଙ୍କା ସମେତ ପ୍ରାୟ ୫ ଲକ୍ଷ ଟଙ୍କାର ଅଳଙ୍କାର ଲୁଟି ନେଇଥିବା ବାଙ୍ଗିରିପୋଷି ଥାନାରେ ଅଭିଯୋଗ ହୋଇଛି।

କୋଇଲା ଗୁଣ୍ଡ କରୁଛି ଅଣନିଃଶ୍ୱାସୀ

କୋଇଲା ଗୁଣ୍ଡ କରୁଛି ଅଣନିଃଶ୍ୱାସୀ

ବାଲେଶ୍ୱର ଅଫିସ,୧୭।୪-ରେଳ ଯୋଗେ କୋଇଲା ପରିବହନ ବେଳେ ଆବଶ୍ୟକ ସତର୍କତା ଅବଲମ୍ବନ କରାଯାଉ ନ ଥିବାରୁ ଏହାର ଗୁଣ୍ଡ ଉଡି ରେଳପଥ ପାର୍ଶ୍ୱବର୍ତ୍ତୀ ପରିବେଶକୁ ପ୍ରଦୂଷିତ କରୁଛି। ସୋମବାର ଅପରାହ୍ନ ଗୋଟାଏରେ ଧାମରାରୁ କୋଇଲା ନେଇ ଭିଲାଇ ପ୍ଲାଣ୍ଟକୁ ଯାଉଥିବା ୬୦ବଗି ବିଶିଷ୍ଟ ଏକ ମାଲବୋଝେଇ ଟ୍ରେନ୍‌ରୁ କୋଇଲା ଗୁଣ୍ଡ ପଡ଼ି ବାଲେଶ୍ୱର ରେଳଷ୍ଟେଶନ ପରିସରରେ ଅସ୍ବାଭାବିକ ପରିସ୍ଥିତି ସୃଷ୍ଟି ହୋଇଥିଲା। ଯାତ୍ରୀଙ୍କ ଉପରେ ମଧ୍ୟ କୋଇଲାଗୁଣ୍ଡ ବିଛାଡି ହୋଇ ପଡ଼ିଥିଲା। ପବନରେ କୋଇଲାଗୁଣ୍ଡ ଉଡ଼ି ଯାତ୍ରୀଙ୍କ ଆଖିରେ ମଧ୍ୟ ପଡିଥିଲା। ଏଭଳି ପ୍ରଦୂଷଣଜନିତ ସମସ୍ୟା ନେଇ ଯାତ୍ରୀମାନେ ବିରକ୍ତି ପ୍ରକାଶ କରି ଷ୍ଟେଶନ ମ୍ୟାନେଜର ଭାଗବତ ଦାସଙ୍କୁ ଅବଗତ କରାଇଥିଲେ।

ଖଇରା ହାଇସ୍କୁଲରେ ମକଡ୍ରିଲ: ଭାଗ ନେଲେ ଛାତ୍ରୀଛାତ୍ର

ଖଇରା ହାଇସ୍କୁଲରେ ମକଡ୍ରିଲ: ଭାଗ ନେଲେ ଛାତ୍ରୀଛାତ୍ର

ଖଇରା,୧୭।୪(ଡି.ଏନ.ଏ.)-ଅଗ୍ନି ସୁରକ୍ଷା ସପ୍ତାହ ପାଳନ ଅବସରରେ ଖଇରା ଅଗ୍ନିଶମ ବିଭାଗ ପକ୍ଷରୁ ପ୍ରାକୃତିକ ବିପର୍ଯ୍ୟୟର ମୁକାବିଲା କରିବା ଉପରେ ଏକ ପ୍ରଦର୍ଶନୀ ଖଇରା ସରକାରୀ ଉଚ୍ଚବିଦ୍ୟାଳୟ ପରିସରରେ ମଙ୍ଗଳବାର ଅନୁଷ୍ଠିତ ହୋଇଯାଇଛି। ମୁଖ୍ୟ ଆଗ୍ନିକ ମାନସ କୁମାର ମହାନ୍ତିଙ୍କ ତତ୍ତ୍ୱାବଧାନରେ ଅଗ୍ନିକାଣ୍ଡ, ବନ୍ୟା, ବାତ୍ୟା ସମୟରେ ନିଜକୁ ସୁରକ୍ଷିତ କରିବା ଓ ଅନ୍ୟମାନଙ୍କୁ ସୁରକ୍ଷା ଦେବାର ଉପାୟ ପ୍ରଦର୍ଶିତ ହୋଇଥିଲା।

କାଳବୈଶାଖୀ ପ୍ରଭାବ: ଗଛ ପଡ଼ି ୩ ଆହତ

ବସ୍ତା,୧୭।୪-ବସ୍ତା ଓ ଏହାର ଆଖପାଖ ଅଞ୍ଚଳରେ ମଙ୍ଗଳବାର ଅପରାହ୍ନରେ କାଳବୈଶାଖୀ ହୋଇ ଜୋର୍‌ରେ ପବନ ବହିଥିଲା। ଏହାର ପ୍ରଭାବରେ ବସ୍ତା ବ୍ଲକ ଅନ୍ତର୍ଗତ ଇଡ଼ଦା ପଞ୍ଚାୟତର ମଚ୍ଛଦା ଗ୍ରାମରେ ଏକ ଗଛମୂଳେ ଆଶ୍ରୟ ନେଉଥିବା ବେଳେ ଗଛ ଡ଼ାଳ ପଡ଼ି ୩ ଜଣ ଆହତ ହୋଇଛନ୍ତି।

ଛାତ୍ରୀଙ୍କୁ ବଳାତ୍କାର ଅଭିଯୋଗ: କଲେଜ ଛାତ୍ର ଗିରଫ

ଖଇରା, ୧୭।୪(ଡି.ଏନ.ଏ.)-ଖଇରା ଥାନା ସାରକୋଣା ପଞ୍ଚାୟତ ଅଞ୍ଚଳର ଜଣେ ଅଷ୍ଟମ ଶ୍ରେଣୀ ଛାତ୍ରୀଙ୍କୁ ବଳାତ୍କାର ଅଭିଯୋଗରେ ପୋଲିସ ପାଣ୍ଡବା ଓରଫ୍‌ ଜଗବନ୍ଧୁ ମଲିକ (୧୯)ଙ୍କୁ ଗିରଫ କରି ମଙ୍ଗଳବାର କୋର୍ଟଚାଲାଣ କରିଛି। ଛାତ୍ରୀଜଣକ ଟ୍ୟୁଶନ୍‌ରୁ ଫେରୁଥିବା ବେଳେ ଜଗବନ୍ଧୁ ତାଙ୍କୁ କଦଳୀ ବଣକୁ ଟାଣିନେଇ ବଳାତ୍କାର କରିଥିବା ଛାତ୍ରୀଙ୍କ ମା’ ଖଇରା ଥାନାରେ ଅଭିଯୋଗ କରିଥିଲେ।

୩୭ଶହ ହିତାଧିକାରୀଙ୍କୁ ମିଳିବ ଗ୍ୟାସ୍‌ ସଂଯୋଗ

ବାଲେଶ୍ୱର ଅଫିସ,୧୭।୪ -କେନ୍ଦ୍ର ସରକାରଙ୍କର ଇଣ୍ଡିଆନ୍‌ ଅଏଲର ଗ୍ୟାସ୍‌ ଇଣ୍ଡଷ୍ଟ୍ରି ବିଭାଗର ‘ଗ୍ରାମୀଣ ସ୍ବରାଜ ଅଭିଯାନ’ ତରଫରୁ ଉଜ୍ୱଳା ଯୋଜନାର ଆସନ୍ତା ଏପ୍ରିଲ ୨୦ତାରିଖ ପାଳିତ ହେବ ଉଜ୍ୱଳା ଦିବସ।

ନୂତନ କନିଷ୍ଠ ଚୁକ୍ତିଭିତିକ ଶିକ୍ଷୟିତ୍ରୀଶିକ୍ଷକଙ୍କୁ ସମ୍ବର୍ଦ୍ଧନା

ପାଟଣା, ୧୭।୪ (ସ୍ବ.ପ୍ର.): ପାଟଣା ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟସ୍ଥିତ ସଭାଗୃହଠାରେ ସୋମବାର ବ୍ଲକରେ ନୂତନ ଭାବେ ଯୋଗ ଦେଇଥିବା ୬୩ ଜଣ କନିଷ୍ଠ ଚୁକ୍ତିଭିତିକ ଶିକ୍ଷୟିତ୍ରୀଶିକ୍ଷକଙ୍କୁ ସ୍ବାଗତ ସମ୍ବର୍ଦ୍ଧନା ଦିଆଯାଇଛି।

ବୈତରଣିରୁ ପାଦଚିହ୍ନ ଥିବା ପଥର ଉଦ୍ଧାର

ବୈତରଣିରୁ ପାଦଚିହ୍ନ ଥିବା ପଥର ଉଦ୍ଧାର

ଚମ୍ପୁଆ,୧୭।୪(ଡି.ଏନ.ଏ): ଚମ୍ପୁଆ ରାମତୀର୍ଥଠାରେ ପ୍ରବାହିତ ଦ୍ୱିତୀୟ ଗଙ୍ଗା ବୈତରଣୀରୁ ପାଦ ଚିହ୍ନଥିବା ପଥର ଉଦ୍ଧାର ହୋଇଛି। ସ୍ଥାନୀୟ ଟିସ୍କ କମ୍ପାନୀଙ୍କ ସହାୟତାରେ ଉକ୍ତ କାର୍ଯ୍ୟ କରାଯାଇଛି।

ଏଟିଏମ୍‌ ଲୁଟ୍‌, ପୋଡ଼ି ଘଟଣାର ପର୍ଦ୍ଦାଫାଶ : ଟଙ୍କା ଜବତ, ୩ ଗିରଫ

ଏଟିଏମ୍‌ ଲୁଟ୍‌, ପୋଡ଼ି ଘଟଣାର ପର୍ଦ୍ଦାଫାଶ : ଟଙ୍କା ଜବତ, ୩ ଗିରଫ

ବଡବିଲ, ୧୭।୪(ସ୍ବ.ପ୍ର.): କେନ୍ଦୁଝର ଜିଲା ବଡ଼ବିଲ ଥାନା ଓଏମସି ଛକଠାରେ ଥିବା ଏକ ବ୍ୟାଙ୍କ ଏଟିଏମ୍‌ରୁ ଟଙ୍କା ଲୁଟ୍‌ ଏବଂ ମେଶିନ ପୋଡି ଘଟଣାରେ ୩ ଜଣ ଗିରଫ ହୋଇଛନ୍ତି। ସେମାନଙ୍କଠାରୁ ଲୁଟ ହୋଇଥିବା ଟଙ୍କା ମଧ୍ୟ ପୋଲିସ ଜବତ କରିଛି। ଗତ ୧୪ ବିଳମ୍ବିତ ରାତିରେ କେତେକ ଦୁର୍ବୃତ୍ତ ଉକ୍ତ ଏଟିଏମରୁ ୨ ଲକ୍ଷ ୪୫ ହଜାର ଟଙ୍କା ଲୁଟି ନେଇଥିଲେ।

ମହିଳାଙ୍କୁ ସ୍ବାବଲମ୍ବି କରିଛି ‘ଚାମ୍ପ’

ମହିଳାଙ୍କୁ ସ୍ବାବଲମ୍ବି କରିଛି ‘ଚାମ୍ପ’

ଚମ୍ପୁଆ,୧୭।୪(ଡି.ଏନ.ଏ): ଚମ୍ପୁଆ ଏନଏସି ପାଞ୍ଚପୋଖରିଆ ଗ୍ରାମର ନାରୀ ଶଶକ୍ତି କରଣରେ ଉଦାହରଣ ସାଜିଛି ତଳସାହି ଧବଳେଶ୍ୱର ସ୍ବୟଂ ସହାୟକ ଗୋଷ୍ଠୀ। ‘ଚାମ୍ପ’ ନାମରେ ନାପକିନ ପ୍ରସ୍ତୁତ କରି ମହିଳାମାନେ ପାରିଛନ୍ତି ସ୍ବାବଲମ୍ବି। ୧୪ ମେମ୍ବରଙ୍କୁ ନେଇ ଗୋଠିତ ଉକ୍ତ ଗୋଷ୍ଠୀରେ ସଭାପତି ରହିଛନ୍ତି ଖିରମଣୀ ନାଏକ। କଲ୍ୟାଣୀ ନାଏକ ସମ୍ପାଦକ ଦାୟିତ୍ୱ ତୁଲାଉଛନ୍ତି।