ବାଲେଶ୍ୱର

ଭଣ୍ଡାରିପୋଖରୀରେ ଜନସମ୍ପର୍କ ଅଭିଯାନ

ଭଣ୍ଡାରିପୋଖରୀ,୫ା୬(ଡି.ଏନ.ଏ.)- ଭଦ୍ରକ ଜିଲା ଭଣ୍ଡାରିପୋଖରୀ ଭାଜପା ଶାଖା ପକ୍ଷରୁ ମଙ୍ଗଳବାର ଜନସମ୍ପର୍କ ଅଭିଯାନ ଆରମ୍ଭ କରାଯାଇଛି। ଜିଲା ଭାଜପା ସଭାପତି ବଦ୍ରି ନାରାୟଣ ଧଳ କେନ୍ଦ୍ର ସରକାରଙ୍କ ଶାସନର ୪ବର୍ଷ ପୂର୍ତ୍ତି ଅବସରରେ ଏହି ଅଭିଯାନ ଆସନ୍ତା ୧୫ ତାରିଖ ପର୍ଯ୍ୟନ୍ତ ଚାଲୁରହିବ ବୋଲି ସୂଚନା ଦେଇଥିଲେ।

‘ମୋ ସ୍କୁଲ ଅଭିଯାନ’: ଶୈକ୍ଷିକ ବାତାବରଣର ଉନ୍ନତି ପ୍ରତି ଗୁରୁତ୍ୱ

ଭଦ୍ରକ ଅଫିସ,୫ା୬- ଭଦ୍ରକ ବ୍ଲକ ଚରମ୍ପା ବରାଳପୋଖରୀ ଶ୍ରୀ ଶ୍ରୀ ହୁନମାନ ଜୀଉ ଉଚ୍ଚ ବିଦ୍ୟାଳୟରେ ପ୍ରାଧାନଶିକ୍ଷୟିତ୍ରୀ ଶାନ୍ତିଲତା ଖିଲାରଙ୍କ ପୌରୋହିତ୍ୟରେ ‘ମୋ ସ୍କୁଲ ଅଭିଯାନ’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପୂର୍ବତନ ପ୍ରଧାନଶିକ୍ଷକ ପ୍ରଫୁଲ୍ଲ କୁମାର ସୂତ୍ରଧର ଏଥିରେ ଯୋଗ ଦେଇ ସରକାରଙ୍କର ଏହି ଅଭିନବ ଯୋଜନାର ଆଭିମୁଖ୍ୟ ସମ୍ପର୍କରେ ସୂଚନା ଦେଇଥିଲେ ।

ଗାଡ଼ି ଡ୍ରାଇଭରଙ୍କୁ ଆକ୍ରମଣ କରି ଟଙ୍କା ଲୁଟ

ଗାଡ଼ି ଡ୍ରାଇଭରଙ୍କୁ ଆକ୍ରମଣ କରି ଟଙ୍କା ଲୁଟ

ବାସୁଦେବପୁର,୫ା୬(ଡି.ଏନ.ଏ.)- ଭଦ୍ରକ ଜିଲା ବାସୁଦେବପୁରର ବିଭିନ୍ନ ରାସ୍ତାରେ ରାତି ସମୟରେ ଡକାୟତି, ରାହାଜାନି ବୃଦ୍ଧି ପାଇବାରେ ଲାଗିଛି। ଫଳରେ ରାତି ବେଳା ଗାଡି ନେଇ ଯିବାକୁ ଚାଳକମାନେ ଭୟ କରୁଛନ୍ତି। ଗତ ସୋମବାର ରାତିରେ ଲକ୍ଷ୍ମୀକାନ୍ତ ବାରିକ ନାମକ ଜଣେ ଗାଡି ଡ୍ରାଇଭର ଲୁଟେରାଙ୍କ ଆକ୍ରମଣର ଶିକାର ହୋଇଛନ୍ତି ।

କାନ୍ଥ ପଡ଼ି ବାଳକ ମୃତ

ଚମ୍ପୁଆ, ୫।୬(ଡି.ଏନ.ଏ.): ଚମ୍ପୁଆ ଥାନା କଞ୍ଚନପୁରଠାରେ ମଙ୍ଗଳବାର ଘର କାମ ବେଳେ କାନ୍ଥ ପଡି ଜଣେ ବାଳକଙ୍କ ମୃତ୍ୟୁ ଘଟିଛି। ସେ ହେଲେ ଅଜୟ ମୁଣ୍ଡା। କଞ୍ଚନପୁର ଗ୍ରାମର ଚନ୍ଦ୍ର ମହାକୁଡଙ୍କ ଘର ଖପର ଅହ୍ଲାଇ କାମ ହେଉଥିଲା। କାମ ଚାଲିଥିବା ବେଳେ କାନ୍ଥ ଅଜୟଙ୍କ ଉପରେ ପଡି ଯାଇଥିଲା।

୧୫ ଘଣ୍ଟା ପରେ ନଦୀରୁ ମତ୍ସ୍ୟଜୀବୀଙ୍କ ମୃତଦେହ ଉଦ୍ଧାର

୧୫ ଘଣ୍ଟା ପରେ ନଦୀରୁ ମତ୍ସ୍ୟଜୀବୀଙ୍କ ମୃତଦେହ ଉଦ୍ଧାର

ଚାନ୍ଦବାଲି,୫ା୬(ଡି.ଏନ.ଏ.)-ସୋମବାର ଅପରାହ୍ନରେ ମନ୍ତେଈ ନଦୀର ହବାଳିଘାଟ ନିକଟରେ ମାଛଧରୁଥିବା ବେଳେ ଡଙ୍ଗାରୁ ଖସିପଡି ଚଡଦିଆ ପଞ୍ଚାୟତ ଶୈଳେନ୍ଦ୍ରପଲ୍ଲୀର ତପନ ଜେନା(୩୦)ନାମକ ଜଣେ ମତ୍ସ୍ୟଜୀବୀ ନିଖୋଜ ଥିଲେ। ପ୍ରାୟ ୧୫ଘଣ୍ଟାପରେ ମଙ୍ଗଳବାର ସକାଳେ ନଦୀରୁ ତାଙ୍କ ମୃତଦେହ ଉଦ୍ଧାର କରାଯାଇଛି।

ପଲିଥିନ ବର୍ଜନ ପାଇଁ ଆହ୍ବାନ

ପଲିଥିନ ବର୍ଜନ ପାଇଁ ଆହ୍ବାନ

ଖଇରା, ୫।୬(ଡି.ଏନ.ଏ.)-ଖଇରା ବ୍ଲକ ଅନ୍ୟତମ ପର୍ଯ୍ୟଟନ କ୍ଷେତ୍ର କୁପାରୀ ବଜାରକୁ ପଲିଥିନ ମୁକ୍ତ ପାଇଁ ଯୁବ ବିଜେଡି କର୍ମୀ ଅଣ୍ଟା ଭିଡ଼ିଛନ୍ତି। ମିଳିତ ଜାତିସଂଘର ସହଯୋଗରେ ବ୍ଲକ ବିଜୁ ଯୁବ ଜନତା ସଭାପତି ମୁକ୍ତିକାନ୍ତ ସ୍ବାଇଁ ଓ ସିମୁଳିଆ ବିଧାୟକ ଜ୍ୟୋତି ପ୍ରକାଶ ପାଣିଗ୍ରାହୀଙ୍କ ନେତୃତ୍ୱରେ ଶତାଧିକ ଯୁବକର୍ମୀ ଏକ ଶୋଭାଯାତ୍ରାରେ ବାହାରି କୁପାରୀ ବଜାର ପରିକ୍ରମା କରିଥିଲେ।

ବିଶ୍ୱ ପରିବେଶ ଦିବସ

ରେମୁଣା, ୫।୬(ଡି.ଏନ.ଏ.)-ବାଲେଶ୍ୱର ଆଲୟେଜ କାରଖାନା ପକ୍ଷରୁ ରେମୁଣା କଲେଜରେ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି । କଲେଜ ଭାଷା କକ୍ଷରେ ଆୟୋଜିତ କାର୍ଯ୍ୟକ୍ରମରେ କାରଖାନା ନିର୍ଦ୍ଦେଶକ ଧୀରେନ କୁମାର ନାଥ, ପୂର୍ବତନ ବିଧାୟକ ପ୍ରଦୀପ୍ତ ପଣ୍ଡା, ପରିବେଶ ବିଜ୍ଞାନୀ ଅନିଲ ବାରିକ, ସୁବ୍ରମଣ୍ୟମ କୁଣ୍ଡୁ, ରଞ୍ଜିତ କୁମାର, ଜୁନିୟର କଲେଜ ଅଧ୍ୟକ୍ଷ ହରିଶ୍ଚନ୍ଦ୍ର ବାଗ୍‌ ପ୍ରମୁଖ ଅତିଥି ଭାବେ ଯୋଗଦେଇ ବିଶ୍ୱ ପରିବେଶ ଦିବସ ପାଳନର ଉଦ୍ଦେଶ୍ୟ ସମ୍ପର୍କରେ ଆଲୋଚନା କରିଥିଲେ।

ଯୁବକଙ୍କୁ ହତ୍ୟା ଉଦ୍ୟମ

ରୂପ୍‌‌ସା, ୫।୬(ଡି.ଏନ.ଏ.)-ବାଲେଶ୍ୱର ଜିଲା ସଦର ବ୍ଲକ ଛାନୁଆ ପଞ୍ଚାୟତ ଅନ୍ତର୍ଗତ ସୋଲପଟା ଗ୍ରାମରେ ସୋମବାର ରାତିରେ ଏକ ଅଭାବନୀୟ ଘଟଣା ଘଟିଛି। ମଦନ ମଲିକଙ୍କ ଘରେ ପଶି ଦୁର୍ବୃତ୍ତମାନେ ମରଣାନ୍ତକ ଆକ୍ରମଣ କରିଥିବା ବସ୍ତା ଥାନାରେ ଅଭିଯୋଗ ହୋଇଛି।

 ଦୁର୍ଗାବାହିନୀ ପ୍ରାଦେଶିକ ଶୌର୍ଯ୍ୟ ପ୍ରଶିକ୍ଷଣ ବର୍ଗ

ଦୁର୍ଗାବାହିନୀ ପ୍ରାଦେଶିକ ଶୌର୍ଯ୍ୟ ପ୍ରଶିକ୍ଷଣ ବର୍ଗ

ବାଲେଶ୍ୱର ଅଫିସ, ୫।୬-ବାଲେଶ୍ୱରସ୍ଥିତ ବାଲିଆ ସରସ୍ବତୀ ଶିଶୁ ମନ୍ଦିର ପ୍ରାଙ୍ଗଣରେ ସୋମବାର ବିଶ୍ୱ ହିନ୍ଦୁ ପରିଷଦର ଦୁର୍ଗାବାହିନୀ ପ୍ରାଦେଶିକ ସୂର୍ଯ୍ୟ ପ୍ରଶିକ୍ଷଣ ବର୍ଗର ଉଦ୍‌ଘାଟନ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ସୂର୍ଯ୍ୟ ପ୍ରଶିକ୍ଷଣ ବର୍ଗ ଆସନ୍ତା ଜୁନ୍‌ ୧୧ ତାରିଖରେ ଶେଷ ହେବ। ଆମତ୍ରକ୍ଷା କୌଶଳ, ଜୁଡୋ, କରାଟେି, ଦଣ୍ଡ ଆଦି ପ୍ରଶିକ୍ଷଣ ଦିଆଯିବା ବ୍ୟବସ୍ଥା ରହିଛି।

ଜିଲାପାଳଙ୍କ ଫାଟକ ସମ୍ମୁଖରେ ଡାକ କର୍ମଚାରୀଙ୍କ ବିକ୍ଷୋଭ

ବାଲେଶ୍ୱର ଅଫିସ, ୫।୬-ଗ୍ରାମୀଣ ଡାକ ସେବକ ସଂଘର ସହସ୍ରାଧିକ କର୍ମଚାରୀ ସୋମବାର ବାଲେଶ୍ୱର ଜିଲାପାଳଙ୍କ ଫାଟକ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ଜିଲାପାଳ ରମେଶ ଚନ୍ଦ୍ର ରାଉତଙ୍କ ଜରିଆରେ ପ୍ରଧାନମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରିଛନ୍ତି। କେନ୍ଦ୍ରୀୟ ଡାକ କର୍ମଚାରୀ ସଂଘର ମିଳିତ ଆହ୍ବାନରେ ଗତ ୧୪ଦିନ ଧରି ଗ୍ରାମୀଣ ଡାକ କର୍ମଚାରୀମାନେ ଦେଶବ୍ୟାପୀ ଧର୍ମଘଟ ଚଳାଇଛନ୍ତି। ଫଳରେ ଗ୍ରାମାଞ୍ଚଳରେ ଡାକସେବା ସମ୍ପୂର୍ଣ୍ଣ ଅଚଳ ହୋଇପଡ଼ିଛି।

ସାପ୍ତାହିକ ସଫେଇ, ନାଗରିକ ମଞ୍ଚର କର୍ମକର୍ତ୍ତାଙ୍କୁ ସମ୍ବର୍ଦ୍ଧିତ କଲେ ବିଡିଓ

ସାପ୍ତାହିକ ସଫେଇ, ନାଗରିକ ମଞ୍ଚର କର୍ମକର୍ତ୍ତାଙ୍କୁ ସମ୍ବର୍ଦ୍ଧିତ କଲେ ବିଡିଓ

ବାହାନଗା, ୫।୬(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ ଗୋପାଳପୁର ପଞ୍ଚାୟତରେ ଥିବା ନାଗରିକ ମଞ୍ଚ ତରଫରୁ ୧୯୧ତମ ସାପ୍ତାହିକ ସଫେଇ କରାଯାଇଛି। ଏହି ଅବସରରେ ସୋମବାର ମଞ୍ଚ ତରଫରୁ ବାହାନଗା ବ୍ଲକ ପରିସର ସଫେଇ କରାଯାଇଥିଲା। କାର୍ଯ୍ୟକ୍ରମ ପରେ ବ୍ଲକ ପରିସରରେ ଏକ ସଚେତନତା ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା।

ଚୋରି ଘଟଣାରେ ଅଭିଯୁକ୍ତ ଅଟକ

ଭଦ୍ରକ ଅଫିସ, ୫।୬- ଭଦ୍ରକ ଜିଲା ବାସୁଦେବପୁର ବଜାର ଅଞ୍ଚଳରେ ମଙ୍ଗଳବାର ସନ୍ଦେହ ଜନକ ଅବସ୍ଥାରେ ବୁଲୁଥିବା ଜଣେ ବ୍ୟକ୍ତିଙ୍କୁ ପୋଲିସ ଅଟକ ରଖି ତଦନ୍ତ ଚଳାଇଛି।

 ପୂର୍ବତନ ନଗରପାଳ ସୁବାସଚନ୍ଦ୍ରଙ୍କ ପରଲୋକ : ଅନ୍ତିମ ଯାତ୍ରାରେ ଶ୍ରଦ୍ଧାଞ୍ଜଳି

ପୂର୍ବତନ ନଗରପାଳ ସୁବାସଚନ୍ଦ୍ରଙ୍କ ପରଲୋକ : ଅନ୍ତିମ ଯାତ୍ରାରେ ଶ୍ରଦ୍ଧାଞ୍ଜଳି

ବାସୁଦେବପୁର,୫।୬(ଡି.ଏନ.ଏ.)- ଭଦ୍ରକ ଜିଲା ବାସୁଦେବପୁର ନିର୍ବାଚନ ମଣ୍ଡଳୀର ପୂର୍ବତନ ନଗରପାଳ ତଥା ବୟୋଜ୍ୟେଷ୍ଠ ଆଇନଜୀବୀ ସୁବାସଚନ୍ଦ୍ର ବାରିକ(୭୦) ଙ୍କର ସୋମବାର ରାତିରେ ହୃଦଘାତରେ ପରଲୋକ ହୋଇଯାଇଛି। ତାଙ୍କ ମରଶରୀରକୁ ଏକ ସୁସଜ୍ଜିତ ଗାଡିରେ ରଖାଯାଇ ମଙ୍ଗଳବାର ସହର ପରିକ୍ରମା କରାଯାଇ ଅନ୍ତିମ ସଂସ୍କାର କରାଯାଇଛି।

ଟ୍ରାକ୍ଟର-ବାଇକ ଧକ୍କା: ଜଣେ ମୃତ, ଜଣେ ଗୁରୁତର

ଭଦ୍ରକ ଅଫିସ/ବାସୁଦେବପୁର, ୫।୬(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ବ୍ଲକନାୟକାଣିଡିହି ଥାନା ଅଧୀନ କାଳୀଦାସପୁର-କୁଆଳିରାସ୍ତାରେ ମଙ୍ଗଳବାର ପୂର୍ବାହ୍ନରେ ଏକ ଟ୍ରାକ୍ଟର ବାଇକ ଧକ୍କା ଦେବାରୁ ବାଇକ ପଛରେ ବସିଥିବା ଉମାକାନ୍ତ ପରିଡା(୫୫) ଙ୍କ ମୃତ୍ୟୁ ଘଟିଛି।

ପାଠାଗାର ପକ୍ଷରୁ ସାରସ୍ବତ ଆସର ଓ ପ୍ରତିଭା ଅନ୍ବେଷଣ

ପାଠାଗାର ପକ୍ଷରୁ ସାରସ୍ବତ ଆସର ଓ ପ୍ରତିଭା ଅନ୍ବେଷଣ

ଭଣ୍ଡାରିପୋଖରୀ,୫।୬(ଡି.ଏନ.ଏ.)- ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଅଧୀନ ପଦିନାରାୟଣପୁର ଠାରେ ଥିବା ପ୍ରାଣକୃଷ୍ଣ ଧଳ ପାଠାଗାରର ଆନୁକୂଲ୍ୟରେ ମଙ୍ଗଳବାର ସାରସ୍ବତ ଆସର ଓ ପ୍ରତିଭା ଅନ୍ବେଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପାଠାଗାର ସଭାପତି ପୁରୁଷୋତ୍ତମ ଧଳଙ୍କ ସଭାପତିତ୍ୱରେ ମୁଖ୍ୟଅତିଥି ଭାବେ ଜନମଣ୍ଡୁଆ ସରପଞ୍ଚ ଜଗବନ୍ଧୁ ଦାସ କାର୍ଯ୍ୟକ୍ରମକୁ ଉଦ୍‌ଘାଟନ କରିଥିଲେ।

ବ୍ରାଉନସୁଗାର ଜବତ, ୨ମହିଳା ଗିରଫ

ବ୍ରାଉନସୁଗାର ଜବତ, ୨ମହିଳା ଗିରଫ

ବାରିପଦା ଅଫିସ,୫।୬- ମୟୂରଭଞ୍ଜ ଜିଲା ଅବକାରୀ ବିଭାଗ ଇଓ ମୋବାଇଲ ସ୍କ୍ବାର୍ଡ ପକ୍ଷରୁ ମଙ୍ଗଳବାର ମିଳିତ ଭାବେ ବାରିପଦା ଟାଉନଥାନା ଅନ୍ତର୍ଗତ ୨୦ନମ୍ବର ୱାର୍ଡ ଶୂନଗଡିଆ ଅଞ୍ଚଳରେ ଦୁଇଟି ଘରେ ଚଢ଼ାଉ କରାଯାଇ ୧୩.୫ଶହ ମିଲିଗ୍ରାମ ବ୍ରାଉନସୁଗାର ଜବତ ହୋଇଛି। ଏଥିରେ ସମ୍ପୃକ୍ତ ଥିବା ଦୁଇ ଜଣ ମହିଳାଙ୍କୁ ଗିରଫ କରାଯାଇଛି।

ପରିବେଶ ସୁରକ୍ଷା ପାଇଁ  ସଚେତନତା ଆବଶ୍ୟକ

ପରିବେଶ ସୁରକ୍ଷା ପାଇଁ ସଚେତନତା ଆବଶ୍ୟକ

ଗୋପବନ୍ଧୁନଗର, ୫।୬ (ଡି.ଏନ୍‌.ଏ)-ପରିବେଶ ସୁରକ୍ଷା ପାଇଁ ବିଦ୍ୟାଳୟ ସ୍ତରରୁ ସଚେତନତା ସୃଷ୍ଟି ହେବା ଆବଶ୍ୟକ । କାରଣ ପଲିଥିନ ମୁକ୍ତ ଓଡିଶା ଗଠନ କରିପାରିଲେ ହିଁ ପରିବେଶର ସୁରକ୍ଷା ହୋଇପାରିବ। ମଙ୍ଗଳବାର ବଡସାହିସ୍ଥିତ ବାଣୀପୀଠ ଦ୍ୱାରା ପରିଚାଳିତ ବିବେକାନନ୍ଦ ଶିକ୍ଷାକେନ୍ଦ୍ରର ଜାତୀୟ ସବୁଜ ବାହିନୀ ଦ୍ୱାରା ଅନୁଷ୍ଠିତ ବିଶ୍ୱ ପରିବେଶ ଦିବସ ଅବସରରେ ମୁଖ୍ୟ ଅତିଥି ଭାବେ ଯୋଗ ଦେଇ ପରିବେଶବିତ ତଥା ଅଧ୍ୟାପକ ଲିଙ୍ଗରାଜ ନାୟକ ଏହା ମତବ୍ୟକ୍ତ କରିଛନ୍ତି।

ଅବସରପ୍ରାପ୍ତ ଶିକ୍ଷକ ସଂଘର କର୍ମକର୍ତ୍ତା ଚୟନ

ଗୋପବନ୍ଧୁନଗର, ୫।୬(ଡି.ଏନ୍‌.ଏ)-ଗୋପବନ୍ଧୁନଗର ବ୍ଲକ ଅଧୀନ ଖୁଣ୍ଟା ପ୍ରାଥମିକ ବିଦ୍ୟାଳୟ ପରିସରରେ ଗୋପବନ୍ଧୁନଗର ଓ ଖୁଣ୍ଟା ବ୍ଲକର ଅବସରପ୍ରାପ୍ତ ଶିକ୍ଷକଙ୍କ ମିଳିତ ସଂଘର କର୍ମକର୍ତ୍ତା ନିର୍ବାଚନ ପ୍ରକ୍ରିୟା ଶେଷ ହୋଇଛି । ପ୍ରତାପ ଚନ୍ଦ୍ର ପାତ୍ରଙ୍କ ଆବାହକତ୍ୱରେ ତଥା ତ୍ରୀନାଥ ଦେଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ସଂଘର ଉଦ୍ଦେଶ୍ୟ,ଆଭିମୁଖ୍ୟ ଓ କାର୍ଯ୍ୟଧାରା ସମ୍ପର୍କରେ ଆଲୋଚନା କରାଯାଇଥିଲା ।

ମହିଳା ସୁରକ୍ଷା ଯାତ୍ରା ଅଭିଯାନ

ଗୋପବନ୍ଧୁନଗର, ୫।୬(ଡି.ଏନ୍‌.ଏ)- ଗୋପବନ୍ଧୁନଗର ବ୍ଲକ ଜୟପୁରଠାରେ ଭାଜପା ମହିଳା ସୁରକ୍ଷା ଯାତ୍ରାର ରାଲି ଓ ପଥପ୍ରାନ୍ତ ସଭା ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ରାଜ୍ୟ ମହିଳା ସୁରକ୍ଷା ମଞ୍ଚର ସଂଯୋଜିକା ଲେଖାଶ୍ରୀ ସାମନ୍ତ ସିଂହାର, ସମ୍ପାଦିକା ଶୋଭନା ମହାନ୍ତି, ଜିଲାପରିଷଦ ସଦସ୍ୟା ଜୟନ୍ତୀ ସିଂ, ଜିଲାପରିଷଦ ଅଧ୍ୟକ୍ଷା ସୁଜାତା ମୁର୍ମୁ, କାର୍ଯ୍ୟକରିଣୀ ସଦସ୍ୟା ପ୍ରେମଲତା ଜେନା, ପ୍ରମିଳା ପଣ୍ଡା, ମମତା ସାହୁ ପ୍ରମୁଖ ଯୋଗଦେଇଥିଲେ।

ବିର୍ସାମୁଣ୍ଡାଙ୍କ ପ୍ରତିମୂର୍ତ୍ତି ସ୍ଥାପନ ପାଇଁ ଭୂମିପୂଜା

ଗୋପବନ୍ଧୁନଗର, ୫।୬(ଡି.ଏନ୍‌.ଏ)- ମହାନ ସ୍ବାଧୀନତା ସଂଗ୍ରାମୀ ବିର୍ସା ମୁଣ୍ଡାଙ୍କ ପ୍ରତିମୂର୍ତ୍ତି ସ୍ଥାପନ ନିମନ୍ତେ ଗୋପବନ୍ଧୁନଗର ବ୍ଲକ୍‌ ପୁରୁଣା ବାରିପଦା ପଞ୍ଚାୟତସ୍ଥିତ କୋଲୁଣି ସାହିରେ ଭୂମି ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଦେବେନ୍ଦ୍ର ସିଂ ଓ ଦୈତାରୀ ସିଂ ପୂଜା ସମ୍ପନ୍ନ କରିଥିଲେ ।

ଶିକ୍ଷକଙ୍କୁ ଅବସରକାଳୀନ ସମ୍ବର୍ଦ୍ଧନା

ବନ୍ତ,୫।୬-ଭଦ୍ରକ ଜିଲା ବନ୍ତ ବ୍ଲକ ଗୋବିନ୍ଦପୁର ପଞ୍ଚାୟତ ସୁନାଗଢିଆ ପ୍ରାଥମିକ ବିଦ୍ୟାଳୟରେ ସହକାରୀ ଶିକ୍ଷକ ବିନୋଦ ବିହାରୀ ଦାସଙ୍କୁ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି। ଆୟୋଜିତ ସଭାରେ ପ୍ରାଥମିକ ଶିକ୍ଷକ ସଂଘ ନେତା ଭାସ୍କର ଚନ୍ଦ୍ର ପାଢୀ ପୌରୋହିତ୍ୟ କରିଥିଲେ।

ଦସ୍ତଖତ ଅଭିଯାନ ମାଧ୍ୟମରେ ସଚେତନତା

ଭଣ୍ଡାରିପୋଖରୀ,୫।୬(ଡି.ଏନ.ଏ.)-ନାବାଳିକା ନିର୍ଯାତନା ବିରୋଧରେ ଜନସଚେତନତା ସୃଷ୍ଟି ପାଇଁ ଭଣ୍ଡାରିପୋଖରୀ ବସ୍‌ଷ୍ଟାଣ୍ଡଠାରେ ସୋମବାର ଅପରାହ୍ନରେ ପୋଲିସ ଓ ଶିଶୁ ସୁରକ୍ଷା ୟୁନିଟ୍‌ ସହାୟତାରେ ଏକ ଦସ୍ତଖତ ଅଭିଯାନ ଅନୁଷ୍ଠିତ ହୋଇଯାଇଛି।

ଗଣିଜାଙ୍ଗ ଜଗନ୍ନାଥ ମନ୍ଦିରରେ ଆଧ୍ୟାତ୍ମିକ କାର୍ଯ୍ୟକ୍ରମ

ଗଣିଜାଙ୍ଗ ଜଗନ୍ନାଥ ମନ୍ଦିରରେ ଆଧ୍ୟାତ୍ମିକ କାର୍ଯ୍ୟକ୍ରମ

ବନ୍ତ,୫।୬- ଭଦ୍ରକ ଜିଲା ବନ୍ତ ବ୍ଲକ ଗଣିଜାଙ୍ଗସ୍ଥିତ ଜଗନ୍ନାଥ ମନ୍ଦିର ପରିସରରେ ଆଧ୍ୟାତ୍ମିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜଗନ୍ନାଥ ଦର୍ଶନ ପ୍ରଚାର ସମିତି, ଭଦ୍ରକ ତରଫରୁ ଆୟୋଜିତ ଏହି କାର୍ଯ୍ୟକ୍ରମକୁ ବରିଷ୍ଠ ନାଗରିକ ମନ୍ଦରଧର ସାହୁ ପରିଚାଳନା କରିଥିଲେ। ପ୍ରାରମ୍ଭରେ ସଭାପତି ଭାବେ ଭାଗିରଥି ନନ୍ଦ ଶର୍ମା ଜଗନ୍ନାଥଙ୍କ ଠାରେ ପ୍ରଦୀପ ପ୍ରଜ୍ୱଳନ କରିବା ପରେ ପ୍ରଧାନ ପୂଜକ ମାଲ୍ୟାର୍ପଣ, ଫଳମୂଳ ସମର୍ପଣ କରିଥିଲେ ।

ନାରାୟଣ ଚନ୍ଦ୍ର କଳାପରିଷଦର ବାର୍ଷିକୋତ୍ସବ

ଭଣ୍ଡାରିପୋଖରୀ,୫।୬(ଡି.ଏନ.ଏ.)- ସାମାଜିକ ସଚେତନତା ପାଇଁ କଳାକାର ଓ ଲେଖକଙ୍କର ଗୁରୁଦାୟିତ୍ୱ ରହିଛି। କଳା ସଂସ୍କୃତିର ଉତ୍‌ଥାନ ପାଇଁ ସମସ୍ତେ କାର୍ଯ୍ୟ କରିବା ଆବଶ୍ୟକ ବୋଲି ଅତିଥିମାନେ ମତ ପ୍ରକାଶ କରିଛନ୍ତି। ଏହି ବ୍ଲକର ତେନ୍ତୁଳିଆ ଠାରେ ଥିବା ନାରାୟଣ ଚନ୍ଦ୍ର କଳା ପରିଷଦର ବାର୍ଷିକ ଉତ୍ସବ ରବିବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି।