ବାଲେଶ୍ୱର

ବୈଜ୍ଞାନିକ ପଦ୍ଧତି ଉପରେ ଗୁରୁତ୍ୱାରୋପ

ବୈଜ୍ଞାନିକ ପଦ୍ଧତି ଉପରେ ଗୁରୁତ୍ୱାରୋପ

ଧାମନଗର,୨୪।୮(ଡି.ଏନ.ଏ.)-ଧାମନଗର ବ୍ଲକ ଧୂଷୁରୀସ୍ଥିତ ମୁରଲୀଧର ଉଚ୍ଚ ବିଦ୍ୟାଳୟରେ ଶୁକ୍ରବାର ‘ଔଦ୍ୟୋଗିକ କ୍ରାନ୍ତି ପାଇଁ ଆମେ ପ୍ରସ୍ତୁତ କି’ ବିଷୟରେ ବ୍ଲକସ୍ତରୀୟ ବିଜ୍ଞାନ ସେମିନାର ଅନୁଷ୍ଠିତ ହୋଇଯାଇଛି। ପ୍ରଧାନଶିକ୍ଷକ ଅକ୍ଷୟ କୁମାର ହୋତା ଅଧ୍ୟକ୍ଷତା କରିଥିଲେ। 

ବ୍ଲକସ୍ତରୀୟ ବିଜ୍ଞାନ ସେମିନାର

ବ୍ଲକସ୍ତରୀୟ ବିଜ୍ଞାନ ସେମିନାର

ଚାନ୍ଦବାଲି,୨୪। ୮(ଡି.ଏନ.ଏ.)-ସ୍ଥାନୀୟ ବାଳିକା ହାଇସ୍କୁଲ ପରିସରରେ ଶୁକ୍ରବାର ‘ଔଦ୍ୟୋଗିକ କ୍ରାନ୍ତି ପାଇଁ ଆମେ ପ୍ରସ୍ତୁତ କି’ ଶୀର୍ଷକ ବ୍ଲକସ୍ତରୀୟ ବିଜ୍ଞାନ ସେମିନାର ଅନୁଷ୍ଠିତ ହୋଇଯାଇଛି। ଏଥିରେ ବ୍ଲକର ୨୧ଟି ସ୍କୁଲର ୨୧ ଛାତ୍ରୀଛାତ୍ର  ଏବଂ ୨୧ ଗାଇଡ ଶିକ୍ଷୟିତ୍ରୀ ଶିକ୍ଷକ ଅଂଶଗ୍ରହଣ କରିଥିଲେ।

ନିମ୍ନ ମାଧ୍ୟମିକ ଶିକ୍ଷକ ସଂଘର ପୂର୍ବତନ ସଭାପତିଙ୍କ ସ୍ମୃତି ସଭା

ନିମ୍ନ ମାଧ୍ୟମିକ ଶିକ୍ଷକ ସଂଘର ପୂର୍ବତନ ସଭାପତିଙ୍କ ସ୍ମୃତି ସଭା

ବାରିପଦା ଅଫିସ,୨୪।୮- ମୟୂରଭଞ୍ଜ ଜିଲା ଅବସରପ୍ରାପ୍ତ ନିମ୍ନ ମାଧ୍ୟମିକ ଶିକ୍ଷକ ସଂଘର  ଆବାହକ  ତଥା ବାରିପଦା ଶିକ୍ଷା ଜିଲାର ସମ୍ପାଦକ ସନ୍ତୋଷ ମହାନ୍ତିଙ୍କ ଆହ୍ବାନ କ୍ରମେ ଏକ ସ୍ମୁତି ସଭା ଅନୁଷ୍ଠିତ ହୋଇଯାଇଛି । ବାରିପଦା ଶିକ୍ଷାଜିଲାର ନିମ୍ନମାଧ୍ୟମିକ ଶିକ୍ଷକ ସଂଘର ପୂର୍ବତନ ସଭାପତି ସ୍ବର୍ଗତ ବୃନ୍ଦାବନ ଚନ୍ଦ୍ର ଦାସଙ୍କ ଉଦ୍ଦେଶ୍ୟରେ ସ୍ଥାନୀୟ ପାଣ୍ଡେ ନୋଡାଲ ଉ.ପ୍ରା ବିଦ୍ୟାଳୟ ପରିସରରେ ଏହି ସଭା ଅନୁଷ୍ଠିତ ହୋଇଯାଇଛି। 

କୃତି ଛାତ୍ରୀଛାତ୍ରଙ୍କ ପାଇଁ ସମ୍ବର୍ଦ୍ଧନା ଉତ୍ସବ

କୃତି ଛାତ୍ରୀଛାତ୍ରଙ୍କ ପାଇଁ ସମ୍ବର୍ଦ୍ଧନା ଉତ୍ସବ

ବାରିପଦା ଅଫିସ,୨୪।୮- ବାରିପଦା ତକତପୁରସ୍ଥିତ ମହାରାଜା ପୂର୍ଣ୍ଣଚନ୍ଦ୍ର ସ୍ବୟଂଶାସିତ ମହାବିଦ୍ୟାଳୟ ସମ୍ମିଳନୀ କକ୍ଷରେ ଶୁକ୍ରବାର ନୂତନ ଛାତ୍ରଛାତ୍ରୀଙ୍କ ପାଇଁ ସମ୍ବର୍ଦ୍ଧନା ଉତ୍ସବ ପାଳିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡ.ନିରଞ୍ଜନ ଦାଶଙ୍କ ପୌରହିତ୍ୟରେ ଅନୁଷ୍ଠିତ ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ବିଧାନସଭା ଉପବାଚସ୍ପତି ସାନନ୍ଦ ମାର୍ଣ୍ଡି ଯୋଗଦେଇ କୃତି ଛାତ୍ରୀଛାତ୍ରଙ୍କୁ ଟ୍ରଫି ଓ ସାର୍ଟିଫିକେଟ ପ୍ରଦାନ କରିଥିଲେ। 

ଆଇନ ଅମାନ୍ୟ ଆନ୍ଦୋଳନ

ଆଇନ ଅମାନ୍ୟ ଆନ୍ଦୋଳନ

ବାରିପଦା ଅଫିସ,୨୪।୮- କେନ୍ଦ୍ର ନେତୃତ୍ୱାଧୀନ ଭାଜପା ସରକାରର ୪ ବର୍ଷର କୁଶାସନ ବିରୋଧରେ ‘ସମ୍ବିଧାନ ବଞ୍ଚାଅ, ଭାରତ ବଞ୍ଚାଅ ଓ ଭାଜପା ହଟାଅ’ ନାରା ନେଇ ମୟୂରଭଞ୍ଜ ଜିଲା ସିପିଆଇ ପକ୍ଷରୁ ସାରସକଣାଠାରେ ଆଇନ ଅମାନ୍ୟ ଆନ୍ଦୋଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ୪ ବର୍ଷ ମଧ୍ୟରେ ଆକାଶ ଛୁଆଁ ଦର ବୃଦ୍ଧି, ତୈଲ ଦର ବୃଦ୍ଧି, ଉତ୍କଟ ବେକାରୀ ସମସ୍ୟା, ଦଳିତ ଓ ସଂଖ୍ୟା ଲଘୁଙ୍କ ଉପରେ ଆକ୍ରମଣ ଓ ହତ୍ୟା ବୃଦ୍ଧି ପାଉଥିବା ଅଭିଯୋଗ ନେଇ ସାରସକଣା ହାଟପଡିଆଠାରୁ ଶତାଧୀକ କର୍ମୀ ବାହାରି ବ୍ଳକ ସମ୍ମୁଖକୁ ଆସିଥିଲେ। 

ଭଦ୍ରକ ସ୍ବୟଂଶାସିତ ମହାବିଦ୍ୟାଳୟରେ ଦିନିକିଆ କର୍ମଶାଳା

ଭଦ୍ରକ ସ୍ବୟଂଶାସିତ ମହାବିଦ୍ୟାଳୟରେ ଦିନିକିଆ କର୍ମଶାଳା


ଭଦ୍ରକ ଅଫିସ,୨୪।୮: ଭଦ୍ରକ ସ୍ବୟଂଶାସିତ ମହାବିଦ୍ୟାଳୟ କନଫରେନ୍ସ ହଲ ପରିସରରେ ଶୁକ୍ରବାର ଏକ ଦିନିକିଆ କର୍ମଶାଳା ଅନୁଷ୍ଠିତ ହୋଇଯାଇଛି।

ସର୍ପାଘାତରେ ସ୍କୁଲ ଛାତ୍ରଙ୍କ ମୃତ୍ୟୁ

ସର୍ପାଘାତରେ ସ୍କୁଲ ଛାତ୍ରଙ୍କ ମୃତ୍ୟୁ

ସିମୁଳିଆ,୨୪।୮(ଡି.ଏନ.ଏ.): ବାଲେଶ୍ୱର ଜିଲା  ସିମୁଳିଆ ବ୍ଲକ ବରି ଅଞ୍ଚଳର ଅଭିରାମ ପାଣିଗ୍ରାହୀଙ୍କ ପୁଅ ଅବିନାଶ(୧୨)ଙ୍କର ଶୁକ୍ରବାର ସାପ କାମୁଡାରେ ମୃତ୍ୟୁ ଘଟିଛି। ବୁଧବାର ରାତିରେ ସେ ଶୋଇଥିବା ସମୟରେ ସାପ ତାଙ୍କୁ କାମୁଡି ଦେଇଥିଲା।

ଋଣ କରାଇଦେବା ନାଁରେ ଠକିଥିବା ବ୍ୟକ୍ତିଙ୍କୁ ଆକ୍ରମଣ: ୮ ଗିରଫ

ଋଣ କରାଇଦେବା ନାଁରେ ଠକିଥିବା ବ୍ୟକ୍ତିଙ୍କୁ ଆକ୍ରମଣ: ୮ ଗିରଫ

ତିହିଡି,୨୪।୮(ଡି.ଏନ୍‌.ଏ.): ଭଦ୍ରକ ଗ୍ରାମାଞ୍ଚଳ ଥାନା ଅଧୀନ ମାରପୁର ଗ୍ରାମର ଲକ୍ଷ୍ମୀକାନ୍ତ ପଣ୍ଡା ନାମକ ଜଣେ ବ୍ୟକ୍ତି ଋଣ କରାଇଦେବା ନାଁରେ କେତେଜଣ ବ୍ୟକ୍ତିଙ୍କଠାରୁ ପ୍ରାୟ ୪.୫୦ଲକ୍ଷ ଟଙ୍କା ଠକି ନେଇଥିଲେ।

ବ୍ଲକ କାର୍ଯ୍ୟାଳୟ ସମ୍ମୁଖରେ ଆଇନ୍‌ ଅମାନ୍ୟ ଆନ୍ଦୋଳନ

ବ୍ଲକ କାର୍ଯ୍ୟାଳୟ ସମ୍ମୁଖରେ ଆଇନ୍‌ ଅମାନ୍ୟ ଆନ୍ଦୋଳନ

ତିହିଡି,୨୪।୮(ଡି.ଏନ୍‌.ଏ.): ଭଦ୍ରକ ଜିଲା ଅଧୀନ ତିହିଡି ବ୍ଲକ କାର୍ଯ୍ୟାଳୟ ସାମ୍ନାରେ ଶୁକ୍ରବାର ସିପିଆଇ ଜିଲା କମିଟି ପକ୍ଷରୁ ଆଇନ୍‌ ଅମାନ୍ୟ ଆନ୍ଦୋଳନ କରାଯାଇଛି। ଦଳର ନେତା ଓ କର୍ମୀମାନେ ତହସିଲ ଛକ ନିକଟରୁ ଶୋଭାଯାତ୍ରାରେ ବାହାରି ତିହିଡି ବଜାର ପରିକ୍ରମା କରିବା ପରେ ବ୍ଲକ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲେ

କାଦୁଅ ରାସ୍ତାରେ ଫସିଲା ୧୦୮: ଆମ୍ବୁଲାନ୍ସ ଭିତରେ ପ୍ରସବ

କାଦୁଅ ରାସ୍ତାରେ ଫସିଲା ୧୦୮: ଆମ୍ବୁଲାନ୍ସ ଭିତରେ ପ୍ରସବ

ପାଟଣା,୨୪।୮(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ବୁଢୀକାପୁଡି ପଞ୍ଚାୟତ ପୁରନ୍ଦରପୁର ମୁଣ୍ଡା ସାହି ରାସ୍ତା ଅତ୍ୟନ୍ତ ଶୋଚନୀୟ ହୋଇପଡ଼ିଛି। ମାଟି ରାସ୍ତା ସହ ବର୍ଷା ଯୋଗୁ ସୃଷ୍ଟ ଗର୍ତ୍ତ ଯୋଗୁ ବୁଧବାର ରାତିରେ ଜଣେ ପ୍ରସୂତି ଆମ୍ବୁଲାନ୍ସ ମଧ୍ୟରେ ପ୍ରସବ କରିଥିବା ଚର୍ଚ୍ଚାର ବିଷୟ ହୋଇଛି। ମହିଳା ଜଣକ ହେଲେ ଚମ୍ପୁଆ ବ୍ଲକ ଜଜପାଶୀ ପଞ୍ଚାୟତ  ବଳା ଗ୍ରାମର  କୃଷ୍ଣଚନ୍ଦ୍ର ନାଏକଙ୍କ ସ୍ତ୍ରୀ ସରୋଜିନୀ ନାଏକ।

ବେଧଡ଼କ କାଠ ଚୋରି, ଜଙ୍ଗଲ ଧ୍ୱଂସ

କେନ୍ଦୁଝର, ୨୪ା୮(ସ୍ବ.ପ୍ର.): କେନ୍ଦୁଝର ଜିଲାରେ ଜଙ୍ଗଲ ଧ୍ୱଂସ ପାଉଥିବାରୁ ହାତୀମାନେ ଗାଁ ମୁହଁା ହେଉଛନ୍ତି। ଫଳରେ ଲୋକଙ୍କ ବ୍ୟାପକ କ୍ଷୟକ୍ଷତି  ଘଟୁଛି। ବନ ବିଭାଗ ଜଙ୍ଗଲ ଲୁଟ ରୋକିବାରେ ବିଫଳ ହେଉଛନ୍ତି। ଜଙ୍ଗଲ ସୁରକ୍ଷା ପାଇଁ ଥିବା ବନ ସୁରକ୍ଷା ସମିତିଙ୍କୁ ସୃଦୃଢ କରାଯାଉ ନ ଥିବାରୁ ସେମାନେ ମଧ୍ୟ ଜଙ୍ଗଲ ସୁରକ୍ଷା କରିପାରୁନାହାନ୍ତି। କାଠ ମାଫିଆମାନେ ସ୍ଥାନୀୟ ଲୋକଙ୍କୁ ଭୟଭୀତ କରି ଏବଂ ବନ ବିଭାଗ କର୍ମଚାରୀଙ୍କୁ ହାତ କରି ବଡ ଶାଳ ଗଛ କାଟି ଚାଲାଣ କରୁଛନ୍ତି। କେତେ ଜଣ ବନ କର୍ମଚାରୀ ବିମୁଦ୍ରିକରଣ ସମୟରେ କାଠ ମାଫିଆଙ୍କ ଜରିଆରେ ଟଙ୍କା ବଦଳାଇ ଥିଲେ ଏବଂ ମାଫିଆଙ୍କ ଗାଡିରେ ବାହାରକୁ ବୁଲାବୁଲି କରିବାକୁ ଯାଉଥିବାରୁ ଏଭଳି ଘଟଣାକୁ ଧରପଗଡ କରାଯାଉନାହିଁ ବୋଲି ସ୍ଥାନୀୟ ଲୋକେ ଅଭିଯୋଗ କରୁଛନ୍ତି। 

୪ର୍ଥ ଦିନରେ ଶ୍ରମିକ ଧର୍ମଘଟ:ସାମିଲ ହେଲେ ଶତାଧିକ ଶ୍ରମିକ

୪ର୍ଥ ଦିନରେ ଶ୍ରମିକ ଧର୍ମଘଟ:ସାମିଲ ହେଲେ ଶତାଧିକ ଶ୍ରମିକ

ଯୋଡ଼ା,୨୪।୮(ଡି.ଏନ.ଏ.): ଯୋଡ଼ା ଖଣି ମଣ୍ଡଳ ଓ ସୁନ୍ଦରଗଡ଼ ଜିଲା କୋଇଡା ଖଣି ମଣ୍ଡଳର ଜୁରୁଡିସ୍ଥିତ ଏସେଲ ମାଇନିଂ ଇଣ୍ଡଷ୍ଟ୍ରିଜ ଖଣିରେ ଶ୍ରମିକଙ୍କ ଧର୍ମଘଟ ଚତୁର୍ଥ ଦିନରେ ପହଞ୍ଚିଛି। ସୁନ୍ଦରଗଡ ଜିଲା କୋଇଡା ଏସେଲ ଖଣିରୁ ପ୍ରାୟ ୭ଶହରୁ ଊର୍ଦ୍ଧ୍ୱ ଓ ଯୋଡ଼ା ଖଣି ମଣ୍ଡଳର ଜିଲିଂ ଖଣିର ୧୨ ଶହରୁ ଊର୍ଦ୍ଧ୍ୱ ଶ୍ରମିକ ଆନ୍ଦୋଳନରେ ସାମିଲ ହୋଇଛନ୍ତି। ଏଆଇଟିୟୁସି ଶ୍ରମିକ ସଙ୍ଗଠନର ସହବନ୍ଧିତ କେନ୍ଦୁଝର ମାଇନ୍ସ ଫରେଷ୍ଟ ୱାରକର୍ସ ୟୁନିୟନ ଓ ସୁନ୍ଦରଗଡ, କେନ୍ଦୁଝର ଡିଷ୍ଟ୍ରିକ୍ଟ ମଜଦୁର ୟୁନିୟନ  ଆନ୍ଦୋଳନ ଡାକରା ଦେଇଛି। ଶ୍ରମିକ ସଂଘର ସାଧାରଣ ସମ୍ପାଦକ ମହେଶ୍ୱର ରାଉତ କହିଛନ୍ତି ଯେ, ଯୋଡ଼ା ଖଣି ମଣ୍ଡଳର ଏସେଲ ମାଇନିଂର ଜିଲିଂ ଖଣିରେ ବିଭାଗୀୟ ସ୍ଥାୟୀ ଶ୍ରମିକଙ୍କ ସହ ସୁନ୍ଦରଗଡର କୋଇଡା ଏସେଲ ଖଣିରେ ବିଭାଗୀୟ ସ୍ଥାୟୀ ଶ୍ରମିକ ଆନ୍ଦୋଳନରେ ସାମିଲ ହୋଇଛନ୍ତି। 

ଲୁହାପଥର ପରିବହନ ବାଧାପ୍ରାପ୍ତ

ଲୁହାପଥର ପରିବହନ ବାଧାପ୍ରାପ୍ତ

କେନ୍ଦୁଝର, ୨୪ା୮(ସ୍ବ.ପ୍ର.): ରାଜ୍ୟରେ ଖଣିଜ ସମ୍ପଦ ଚୋରି ରୋକିବା ପାଇଁ ପ୍ରତ୍ୟେକ ପରିବହନ ଯାନରେ ଲଗାଯାଉଥିବା ଗ୍ଲୋବାଲ ପୋଜିସନିଂ ସିଷ୍ଟମ(ଜିପିଏସ୍‌) ବ୍ୟବସ୍ଥାରେ ସମସ୍ୟା ପାଲଟିଛି। କମ୍ପ୍ୟୁଟର ଜରିଆରେ ଖଣିଜ ପରିବହନ କରୁଥିବା ଟ୍ରକ୍‌ ଓ ଡରଗୁଡିକର ଗତିବିଧି ଜଣାପଡ଼ିବା ପାଇଁ ୨୦୧୬ ଅକ୍ଟୋବର ୧ରୁ ଜିପିଏସ୍‌ ଲଗାଇବାକୁ ବାଧ୍ୟତାମୂଳକ କରାଯାଇଥିଲା। ଉକ୍ତ କାର୍ଯ୍ୟ ପାଇଁ ୭ ସଂସ୍ଥା ଜିପିଏସ୍‌ ଲଗାଇବା ଠିକା ନେଇଥିଲେ। ଉକ୍ତ ସଂସ୍ଥାମାନେ ବେଶ୍‌ ଲାଭବାନ ହୋଇଥିଲେ ହେଁ ତାହା ଲଗାଇବା ପାଇଁ ନିୟୋଜିତ କର୍ମଚାରୀଙ୍କ ଅଭିଜ୍ଞତା ଅଭାବରୁ ସୁଚାରୁ ଭାବେ କାର୍ଯ୍ୟକ୍ଷମ ହେଉ ନ ଥିବାରୁ ଜିଲା ତଥା ରାଜ୍ୟର ହଜାର ହଜାର ଗାଡି ମାଲିକ କ୍ଷତିଗ୍ରସ୍ତ ହୋଇଛନ୍ତି। 

ପ୍ରସ୍ତାବିତ ଜେଲ ସ୍ଥାନ ବୁଲି ଦେଖିଲେ ଡିଆଇଜି

ପ୍ରସ୍ତାବିତ ଜେଲ ସ୍ଥାନ ବୁଲି ଦେଖିଲେ ଡିଆଇଜି

ଭଦ୍ରକ ଅଫିସ,୨୪।୮-ଭଦ୍ରକ ତହସିଲ ଅଧୀନ ବହୁଦରଡା ନିକଟରେ ନୂତନ ଉପକାରାଗାର ନିର୍ମାଣ କରାଯିବାକୁ ପ୍ରଶାସନିକ ସ୍ତରରେ ସ୍ଥିର କରାଯାଇଛି। ଏଥିପାଇଁ ଗୁରୁବାର କଟକ ରେଞ୍ଜ ଡିଆଇଜି ନିରଞ୍ଜନ ଦାସ ଓ ଜେଲ ବିଭାଗ ଡିଆଇଜି ଗୋପବନ୍ଧୁ ମଲିକ, ଅତିରିକ୍ତ ଜିଲାପାଳ ଶ୍ୟାମଭକ୍ତ ମିଶ୍ର, ତହସିଲଦାର ପ୍ରଦୀପ ସାହୁ, ଭଦ୍ରକ ଜେଲର ଚିନ୍ମୟ ପାତ୍ର ପ୍ରମୁଖ ପ୍ରସ୍ତାବିତ ସ୍ଥାନ ପରିଦର୍ଶନ କରି ଫେରିଛନ୍ତି। ଉଲ୍ଲେଖନୀୟ ଯେ, ପୂର୍ବରୁ ଅମରଗଡିଆ ନିକଟରେ ଜେଲ ନିର୍ମାଣ କରାଯିବ ବୋଲି ଦୀର୍ଘ ୪ ବର୍ଷ ବିତିଯାଇଥିଲେ ମଧ୍ୟ ବୈଷୟିକ ସମସ୍ୟା କାରଣରୁ ସେଠାରେ ଜେଲ ନିର୍ମାଣ ଲାଗି ସ୍ଥିର ହୋଇପାରି ନ ଥିଲା। ଏବେ ବହୁଦରଡା ନିକଟରେ ୨୦ ଏକର ଜମିରେ ଉପକାରାଗାର ନିର୍ମାଣ ସକାଶେ ସ୍ଥାନ ଚିହ୍ନଟ କରାଯାଇଛି। ଏହି ପରିଦର୍ଶନ ବେଳେ ଭଦ୍ରକ ବିଧାୟକ ପ୍ରତିନିଧି ରାଧାକାନ୍ତ ସାମଲ ଓ ସ୍ଥାନୀୟ ସରପଞ୍ଚ ମୁକୁନ୍ଦଦେବ ସାମଲ ପ୍ରମୁଖ ଉପସ୍ଥିତ ଥିଲେ। 

ମଧ୍ୟାହ୍ନଭୋଜନରେ ଅଚଳାବସ୍ଥା:୩ ମାସ ହେବ ଚାଉଳ ଯୋଗାଣ ବନ୍ଦ

ଧାମନଗର,୨୪। ୮(ଡି.ଏନ.ଏ.)-ଭଦ୍ରକ ଜିଲା ଧାମନଗର ବ୍ଲକରେ ବିଭିନ୍ନ ବିଦ୍ୟାଳୟକୁ  ମଧ୍ୟାହ୍ନ ଭୋଜନ  ଚାଉଳ ଯୋଗାଣ ୩ ମାସ ହେବ  ବନ୍ଦ ରହିଛି। ସୋମବାର   ସୁଦ୍ଧା ଚାଉଳ ଯୋଗାଇ ଦିଆ ନ ଗଲେ ଧାର ଉଧାର କରି ବିଦ୍ୟାଳୟରେ ଆଉ ରୋଷେଇ କରିବା ସମ୍ଭବ ହେବ ନାହିଁ ବୋଲି ଗୁରୁବାର  ବ୍ଲକ ପ୍ରଶାସନକୁ   ଲିଖିତ ଭାବେ ଅବଗତ କରାଯାଇଛି ।  

ହାର୍‌ ମାନି ନାହାନ୍ତି ଗୋବିନ୍ଦ

ହାର୍‌ ମାନି ନାହାନ୍ତି ଗୋବିନ୍ଦ

ବନ୍ତ,୨୪।୮(ସ୍ବ.ପ୍ର.)-ଦେଶ ଦୁନିଆର ଖବର ଜାଣିବା ଲାଗି ସକାଳୁ ସକାଳୁ ଆଗରପଡ଼ା ବଜାର ଓ ଆଖପାଖ ଅଞ୍ଚଳର ଲୋକେ ତାଙ୍କୁ ଚାହିଁ ବସିଥାନ୍ତି। ରାତି ନ ପାହୁଣୁ ସେ ଆସି ପହଞ୍ଚିଯାନ୍ତି ଆଗରପଡ଼ା ବଜାରରେ। ବସ୍‌ରୁ ଖବରକାଗଜ ଓହ୍ଲାଇ ଲାଗିଯାଆନ୍ତି କାମରେ।  ଗୋଟିଏ ହାତ କଟିଯାଇଥିଲେ ବି ସେ ଆଜି ପର୍ଯ୍ୟନ୍ତ ହାର୍‌ ମାନି ନାହାନ୍ତି। ଏପରି ଜଣେ  କର୍ତ୍ତବ୍ୟନିଷ୍ଠ ନିଆରା ମଣିଷ ହେଉଛନ୍ତି ଗୋବିନ୍ଦ ସାହ, ଯେକି ଖବରକାଗଜ ବିତରଣ କରି ଆତ୍ମନିର୍ଭରଶୀଳ ହୋଇପାରିଛନ୍ତି। ଜଣେ ସରଳ ଓ ସେବାକାରୀ ମଣିଷ ଭାବେ ତାଙ୍କର  ସ୍ବତନ୍ତ୍ର ପରିଚୟ ମଧ୍ୟ ରହିଛି। 

ଖର୍ଚ୍ଚ କାଟ୍‌ କରି ବନ୍ୟା ପ୍ରପୀଡ଼ିତଙ୍କୁ ସାହାଯ୍ୟ କଲେ ଛାତ୍ରୀ

ଖର୍ଚ୍ଚ କାଟ୍‌ କରି ବନ୍ୟା ପ୍ରପୀଡ଼ିତଙ୍କୁ ସାହାଯ୍ୟ କଲେ ଛାତ୍ରୀ

ଭଣ୍ଡାରିପୋଖରୀ,୨୪।୮(ଡି.ଏନ.ଏ.)- ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ବଳଦେବଜୀଉ ନୋଡାଲ ଉପ୍ରା ବିଦ୍ୟାଳୟର ୮ମ ଶ୍ରେଣୀ ଛାତ୍ରୀ ହରପ୍ରିୟା ସାସ୍ମଲ କେରଳ ବନ୍ୟା ପ୍ରପୀଡିତଙ୍କ ସାହାଯ୍ୟ ପାଇଁ ନିଜ ବୃତ୍ତି ଅର୍ଥରୁ  ୨୫୦ ଟଙ୍କା ଗୁରୁବାର କେରଳ ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ରିଲିଫପାଣ୍ଠିକୁ ଭାରତୀୟ ଷ୍ଟେଟ ବ୍ୟାଙ୍କ ମାଧ୍ୟମରେ ପଠାଇଛନ୍ତି। ହରପ୍ରିୟା ତାଙ୍କ ପିତା ଗୌତମ ସାସ୍ମଲଙ୍କ ଦ୍ୱାରା ଉସତ୍ାହିତ ହୋଇ ନିଜ ଖର୍ଚ୍ଚ କାଟ କରି ଏହି ଅର୍ଥରାଶି ପଠାଇଛନ୍ତି। ଅତ୍ୟନ୍ତ ଗରିବ ଅନୁସୂଚିତ ଜାତିର ଏହି ପରିବାର କେରଳବାସୀଙ୍କ ଦୁଃଖ ବୁଝିବାରେ ସମର୍ଥ ହୋଇ ସହାୟତା ପ୍ରଦାନ କରି ଅନ୍ୟମାନଙ୍କ ପାଇଁ ପ୍ରେରଣା ସୃଷ୍ଟି କରିଛନ୍ତି ବୋଲି ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ମମିତା ମହାନ୍ତି କହିଛନ୍ତି। ଅନୁରୂପ ଭାବେ ମମିତା ମହାନ୍ତି ଗୁରୁବାର ୫୦୦ ଟଙ୍କା କେରଳ ବନ୍ୟା ପ୍ରପୀଡିତଙ୍କୁ ପାଇଁ ପଠାଇଥିବା ଜଣାଯାଇଛି।

ଶିକ୍ଷାନୁଷ୍ଠାନକୁ କୁମ୍ଭୀର ଭୟ ଜୁଆର ପାଣିରେ ବୁଡୁଛି ରାସ୍ତା

ଶିକ୍ଷାନୁଷ୍ଠାନକୁ କୁମ୍ଭୀର ଭୟ ଜୁଆର ପାଣିରେ ବୁଡୁଛି ରାସ୍ତା

ଆରଡ଼ି,୨୪।୮(ଡି.ଏନ.ଏ.)-ଭଦ୍ରକ ଜିଲା ଚାନ୍ଦବାଲି ବ୍ଲକ ଅଧୀନ ଆରଡ଼ି ପଞ୍ଚାୟତ ଅଧୀନ ଶୀତଳପୁର ଏକ ଅବହେଳିତ ଗଁା । ସାଳନ୍ଦୀ ନଦୀ କୂଳରେ ଥିବା  ଏହି ଗାଁର ଜମିବାଡି, ଘରଦ୍ୱାର କ୍ରମେ ନଦୀ ଗର୍ଭକୁ ଚାଲିଯିବା ଆଶଙ୍କା ପ୍ରକାଶ ପାଇଛି। ଅମାବାସ୍ୟା ଓ ପୂର୍ଣ୍ଣିମା ସମୟରେ ନଦୀରେ ଜୁଆର ପାଣି ଆସିଲେ ନଦୀ ତଟ ରାସ୍ତା ପାଣିରେ ବୁଡି ଯାଉଛି। ମାସକରେ ପ୍ରାୟ ୧୦ ଦିନ ଏହି ସମସ୍ୟା ଲାଗି ରହୁଛି।  ଗାଁ ପଛ ପଟେ ଥିବା ପ୍ରାଥମିକ ବିଦ୍ୟାଳୟକୁ ଯାତାୟାତ ଲାଗି ନଦୀକୂଳ ରାସ୍ତା ଏକମାତ୍ର ମାଧ୍ୟମ।  ଜୁଆର ପାଣି ମାଡିବା ସମୟରେ କୁମ୍ଭୀର ଆକ୍ରମଣ ଭୟ ଥିବା ଯୋଗୁ ଲୋକେ ପିଲାଙ୍କୁ ସ୍କୁଲ ଛାଡିବାକୁ ରାଜି ହୋଇ ନ  ଥାନ୍ତି। କେତେକ ପିଲା ଏଥିଲାଗି ୨ କି.ମି. ରାସ୍ତା ବୁଲି ସ୍କୁଲ ଯାଉଥିବା ଅଭିଭାବକମାନେ କହିଛନ୍ତି। ସେହିପରି ନଦୀକୂଳ ରାସ୍ତା ଧୋଇ ଯାଇଥିବାରୁ ସେଠାରେ ନାମକୁମାତ୍ର କେତେକ ବାଲିବସ୍ତା ପକାଯାଇଛି। କୁମ୍ଭୀର ଭୟ ଯୋଗୁ ଲୋକେ ନଦୀକୂଳ ରାସ୍ତାକଡରେ   ବାଉଁଶ ପାତିଆରେ ବାଡ଼ ଦେଇ ଜାଲ ବେଢ଼ାଇଛନ୍ତି। 

ଭିନ୍ନକ୍ଷମ ନାବାଳିକାଙ୍କୁ ବଳାତ୍କାର

ଭିନ୍ନକ୍ଷମ ନାବାଳିକାଙ୍କୁ ବଳାତ୍କାର

ବଡ଼ସାହି,୨୪ା୮(ସ୍ବ.ପ୍ର)- ବଡ଼ସାହି ଥାନା ଅଞ୍ଚଳରେ ଜଣେ ଭିନ୍ନକ୍ଷମ ନାବାଳିକାଙ୍କୁ ବଳାତ୍କାର ଅଭିଯୋଗରେ ପୋଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି ା ଅଭିଯୁକ୍ତଜଣକ ହେଲେ ସାନ୍ତନୁ ନାଏକ(୪୦) ା ବୁଧବାର ନାବାଳିକାଙ୍କ ମା’ ବିଲକୁ କାମ କରିବା ପାଇଁ ଯାଇଥିବା ସମୟରେ ନାବାଳିକା ଜଣକ ଏକୁଟିଆ ଘରେ ଥିଲେ ା ଏହାର ସୁଯୋଗ ନେଇ  ସାନ୍ତନୁ  ତାଙ୍କ ଘରେ ପଶି ନାବାଳିକାଙ୍କୁ ବଳାତ୍କାର କରିଥିଲେ।  ଉକ୍ତ ସମୟରେ ନାବାଳିକାଙ୍କ ୨ ଭଉଣୀ ପହଞ୍ଚତ୍ ଚିତ୍କାର କରିବାରୁ   ଅଭିଯୁକ୍ତଜଣକ ସେଠାରୁ ଖସି ପଳାଇଥିଲେ।   ଏନେଇ  ପୋଲିସ ଏକ ମାମଲା  (ନଂ ୧୨୧/୧୮)  ଋଜୁ କରି ଉଭୟଙ୍କର ଡାକ୍ତରୀ ମାଇନା  କରାଇଛି ା ଗୁରୁବାର ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି ା      

କୃଷକଙ୍କୁ ପେନସନ ଦାବିରେ ବିକ୍ଷୋଭ

କୃଷକଙ୍କୁ ପେନସନ ଦାବିରେ ବିକ୍ଷୋଭ

ରାଇରଙ୍ଗପୁର, ୨୪ା୮ (ଡିଏନଏ)-ମୟୂରଭଞ୍ଜ ଜିଲା ଭାରତୀୟ କମ୍ୟୁନିଷ୍ଟ ଶାଖା ପକ୍ଷରୁ ଗୁରୁବାର ତିରିଙ୍ଗ ବ୍ଲକ କାର୍ଯ୍ୟାଳୟ ସମ୍ମୁଖରେ ବିଭିନ୍ନ ଦାବିକୁ ନେଇ ଆଇନ ଅମାନ୍ୟ ଆନ୍ଦୋଳନ  କରାଯାଇଥିଲା।  ମହାନଦୀ ଜଳ ସମସ୍ୟା, କୃଷିଋଣ ଛାଡ, କୃଷକଙ୍କୁ ପେନସନ ପ୍ରଦାନ, ଦରବୃଦ୍ଧି ସମେତ କେତେକ ସମସ୍ୟା ପରେ ଆନ୍ଦୋଳନକାରୀ ନେତୃବୃନ୍ଦ ରାଜ୍ୟ ଏବଂ କେନ୍ଦ୍ର ସରକାରଙ୍କୁ ଦାୟୀ କରି ତୀବ୍ର ସମାଲୋଚନା କରିଥିଲେ। ଏହି ବିକ୍ଷୋଭରେ ସିପିଆଇ(ଏମ୍‌)କମ୍ୟୁନିଷ୍ଟ ଦଳ ମୟୂରଭଞ୍ଜ ଶାଖା ପରିଷଦର ସମ୍ପାଦକ ଯୋଗବନ୍ଧୁ ମିଶ୍ର ଏବଂ ସହସମ୍ପାଦକ ପ୍ରଶାନ୍ତ ମିଶ୍ର, ତିରିଙ୍ଗ ବ୍ଲକ ଜୋନର ଦଳୀୟ ବରିଷ୍ଠ ନେତା ତଥା ସମ୍ପାଦକ ତ୍ରିନାଥ ପାତ୍ର, ମହିଳା ନେତ୍ରୀ ପାର୍ବତୀ ଦାସ ମୋଚି ପ୍ରମୁଖ  ଯୋଗ ଦେଇଥିଲେ। ବିକ୍ଷୋଭକାରୀଗଣ ତିରିଙ୍ଗ ବ୍ଲକ ପରିସର ଭିତରକୁ ପଶିବାକୁ ଉଦ୍ୟମ   କରିଥିଲେ।  

ଉତ୍ତର ଓଡିଶା ବିଦ୍ୟାଳୟ ପ୍ରତିଶ୍ରୁତି ପରେ ହଟିଲା ଆନ୍ଦୋଳନ

ଉତ୍ତର ଓଡିଶା ବିଦ୍ୟାଳୟ ପ୍ରତିଶ୍ରୁତି ପରେ ହଟିଲା ଆନ୍ଦୋଳନ

ବାରିପଦା ଅଫିସ,୨୪।୮- ମୟୂରଭଞ୍ଜ ଜିଲା ବାରିପଦା ତକତପୁରସ୍ଥିତ ଉତ୍ତର ଓଡିଶା ବିଶ୍ୱ ବିଦ୍ୟାଳୟରେ ଗତ ମଙ୍ଗଳବାରଠାରୁ ଛାତ୍ରମାନେ ମୁଖ୍ୟ ଫାଟକ ବନ୍ଦ କରି ଆନ୍ଦୋଳନରେ ବସିଥିଲେ। ମଙ୍ଗଳବାର ଓ ବୁଧବାର ଦୁଇ ଦିନ ଧରି ବିଶ୍ୱ ବିଦ୍ୟାଳୟରେ ଅଚଳାବସ୍ଥା ଜାରି ରହିଥିବା ବେଳେ ଗୁରୁବାର ଏହି ଆନ୍ଦୋଳନ ତୃତୀୟ ଦିନରେ ପହଞ୍ଚତ୍ଛି। ଗୁରବାର ଖୋଦ କୁଳପତି ପ୍ରଦୀପ କୁମାର ଚାନ୍ଦ ଆନ୍ଦୋଳନରତ ପୂର୍ବତନ ଛାତ୍ର ସଂସଦ ସଭାପତି ଦୁର୍ଯୋଧନ ବେହେରା, ଶଙ୍କର୍ଷଣ ପଣ୍ଡା , ଛାତ୍ର ନେତା ସୁନିଲ କୁମାର ନାୟକ ଓ ଅନ୍ୟ ଛାତ୍ରନେତାଙ୍କ ସହିତ ଆଲୋଚନା କରିଛନ୍ତି।  ଆଲୋଚନା ମାଧ୍ୟମରେ ଆସନ୍ତା ୭ ଦିନ ମଧ୍ୟରେ ସେମାନଙ୍କ ଦାବି ପୂରଣ କରାଯିବ ବୋଲି ପ୍ରତିଶ୍ରୁତି ଦେବା ପରେ ଛାତ୍ରନେତାମାନେ ମଧ୍ୟାହ୍ନ ପ୍ରାୟ ୧୨ ଟା ବେଳେ ଆନ୍ଦୋଳନ ପ୍ରତ୍ୟାହାର କରିଥିଲେ। 

ଗୁଣାମତ୍କ ଶିକ୍ଷା ଉପରେ ଗୁରୁତ୍ୱ

ଗୁଣାମତ୍କ ଶିକ୍ଷା ଉପରେ ଗୁରୁତ୍ୱ

ଭୋଗରାଇ, ୨୪।୮(ଡି.ଏନ.ଏ.)-ଓଡ଼ିଶାର ସ୍କୁଲ-କଲେଜ ସଂଖ୍ୟା ପଡ଼ୋଶୀ ରାଜ୍ୟ ତୁଳନାରେ ଅଧିକ। ହେଲେ ମାଟ୍ରିକ୍‌ ପାସ୍‌ ପରେ କଲେଜରେ ଅଧ୍ୟୟନ କରୁଥିବା ଛାତ୍ରୀଛାତ୍ରମାନେ ଶୁଦ୍ଧ ଭାବେ ଓଡ଼ିଆ ଦରଖାସ୍ତ ଖଣ୍ଡିଏ ଲେଖି ପାରୁନାହାନ୍ତି। ଯାହାକି ଓଡ଼ିଆ ମାତୃଭାଷା ପ୍ରତି ଲଜ୍ଜାର ବିଷୟ। ସ୍କୁଲ, କଲେଜ ବଢ଼ିଛି ମାତ୍ର ଦୁଃଖର ବିଷୟ ଗୁଣାତ୍ମକ ଶିକ୍ଷାର ମାନ କମୁଛି। ଏଥିପାଇଁ ଶିକ୍ଷାନୀତିର ପରିବର୍ତ୍ତନ ଆବଶ୍ୟକ। ଦେଶରେ ଏକକ ପରୀକ୍ଷା ଜରୁରୀ ହୋଇପଡ଼ିଥିବା ବେଳେ ଓଡ଼ିଶାରେ ପୁରୁଣାକାଳିଆ ଶିକ୍ଷା ସିଲାବସ୍‌ ପରିବର୍ତ୍ତନ କରାଯାଇ ଜାତୀୟ ଓ ଆନ୍ତର୍ଜାତିକ ସ୍ତରରେ ପ୍ରତିଯୋଗୀ ସିଲାବସ୍‌ ଶିକ୍ଷା ଖସଡ଼ା ପ୍ରସ୍ତୁତି କରିବା ପାଇଁ ସରକାର ନିଷ୍ପତ୍ତି ନେଇଛନ୍ତି ବୋଲି ଉଚ୍ଚଶିକ୍ଷା ଓ ଶିଳ୍ପମନ୍ତ୍ରୀ ଅନନ୍ତ ଦାସ ଭୋଗରାଇ ଉଚ୍ଚଶିକ୍ଷା ପ୍ରତିଷ୍ଠାନ (ଆର୍‌.ଆଇ.ଏଚ୍‌.ଏସ୍‌) ମହାବିଦ୍ୟାଳୟ ପରିସରରେ ଆୟୋଜିତ ଓଡ଼ିଆ ଏବଂ ଇଂରାଜୀ ବିଭାଗର ଏମ୍‌ଏ ନୂତନ ପାଠ୍ୟକ୍ରମ ଖୋଲିବା ଅବସରରେ ମୁଖ୍ୟଅତିଥି ଭାବେ ଯୋଗଦେଇ ଏହି ମନ୍ତବ୍ୟ ଦେଇଛନ୍ତି। 

ଯଦୁନାଥ ଥିଲେ ନିର୍ବିବାଦୀୟ ରାଜନେତା

ଯଦୁନାଥ ଥିଲେ ନିର୍ବିବାଦୀୟ ରାଜନେତା

ବାଲେଶ୍ୱର ଅଫିସ, ୨୪।୮-ବାଲେଶ୍ୱର ସହରର ବିଭିନ୍ନ ସ୍ଥାନରେ ପୂର୍ବତନ ଶିକ୍ଷାମନ୍ତ୍ରୀ ଯଦୁନାଥ ଦାସ ମହାପାତ୍ରଙ୍କ ବିୟୋଗରେ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଛି।  ସ୍ବର୍ଗତ ମହାପାତ୍ର ଜଣେ ଆଇନଜୀବୀ ଭାବେ ଅନେକ ଦିନ ଧରି ବାଲେଶ୍ୱରରେ ଓକିଲାତି କରିବା ସହ ସମାଜସେବା କରିବା ଲକ୍ଷ୍ୟରେ ରାଜନୀତିରେ ସାମିଲ ହୋଇଥିଲେ। ଏହାପରେ ଓଡ଼ିଶାର ମନ୍ତ୍ରିମଣ୍ଡଳରେ ଶିକ୍ଷାମନ୍ତ୍ରୀ ଭାବେ କାର୍ଯ୍ୟ କରି ଜଣେ ପ୍ରତିଷ୍ଠିତ ବ୍ୟକ୍ତି ଭାବେ ଜିଲାରେ ତଥା ରାଜ୍ୟରେ ଖୁବ୍‌ ଲୋକପ୍ରିୟ ଥିଲେ। 

କେରଳରେ ରିଲିଫ ବାଣ୍ଟିଲେ ବାଲିଆପାଳ ସ୍ବେଚ୍ଛାସେବୀ

କେରଳରେ ରିଲିଫ ବାଣ୍ଟିଲେ ବାଲିଆପାଳ ସ୍ବେଚ୍ଛାସେବୀ

ବାଲିଆପାଳ, ୨୪ା୮(ଡି.ଏନ୍‌.ଏ.)-କେରଳର ବନ୍ୟା ପରିସ୍ଥିତିରେ କିଛିଟା ଉନ୍ନତି ହୋଇଥିଲେ ମଧ୍ୟ ଲୋକଙ୍କ ଦୁର୍ଦ୍ଦଶା ବଢ଼ିଚାଲିଛି।  ବାଲିଆପାଳରୁ ଯାଇଥିବା ୨୦ଜଣିଆ ସ୍ବେଚ୍ଛାସେବୀ ଟିମ୍‌ ଏହି ସୂଚନା ଦେଇଛନ୍ତି। ଲମ୍ବୋଦର ମାହାନା ଓ ଚନ୍ଦନ ଜେନାଙ୍କ ନେତୃତ୍ୱରେ ଯାଇଥିବା ଏହି ଟିମ୍‌ ଗୁରୁବାର ତ୍ରିଶୁଲ, ଖୁରାନଚରି ଓ ପାଲପଡ଼ା ଆଦି ଅଞ୍ଚଳରେ ୨ଶହରୁ ଊର୍ଦ୍ଧ୍ୱ ଲୋକଙ୍କୁ ବିସ୍କୁଟ, ଚୁଡ଼ା, ଗୁଡ଼, ପାଣିପାଉଚ ଓ ପାଣି ବୋତଲ ବଣ୍ଟନ କରିଛନ୍ତି । ସେମାନେ ପଠାଇଥିବା ସୂଚନା ଅନୁସାରେ ଖୁରାନଚରିରେ ପାହାଡ଼ ଧସିଯିବାରୁ ପଥର ତଳେ ୧୦୦ରୁ ଊର୍ଦ୍ଧ୍ୱ ଓଡ଼ିଆ ଚାପି ହୋଇ ରହିଯାଇଥିଲେ। ସେମାନେ ଲୋକ ଅଳ୍ପକେ ବର୍ତ୍ତି ଯାଇଛନ୍ତି।