ବାଲେଶ୍ୱର

ରେଳ ଧାରଣାରୁ ମହିଳାଙ୍କ ମୃତଦେହ ଉଦ୍ଧାର

ରେଳ ଧାରଣାରୁ ମହିଳାଙ୍କ ମୃତଦେହ ଉଦ୍ଧାର

ରୂପ୍‌ସା,୨୯।୯(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଅନ୍ତର୍ଗତ ରୂପ୍‌ସା ରେଳ ଷ୍ଟେଶନ ନିକଟରୁ ଶନିବାର ଜିଆର୍‌ପି ଥାନା ପୋଲିସ ଜଣେ ମହିଳାଙ୍କ ମୃତଦେହ ଉଦ୍ଧାର କରିଛି। ମୃତ ମହିଳାଙ୍କ ପରିଚୟ ଜଣାପଡ଼ିନାହଁ। ତାଙ୍କ ବୟସ ୫୦ବର୍ଷ ହେବ ବୋଲି ଅନୁମାନ କରାଯାଉଛି।

 ଆଗମୌଦା ଗାଁ ରାସ୍ତା ବେହାଲ

ଆଗମୌଦା ଗାଁ ରାସ୍ତା ବେହାଲ

ରୂପ୍‌ସା,୨୯।୯(ଡି.ଏନ.ଏ.)-ବାଲେଶ୍ୱର ସଦର ବ୍ଲକ କସିପଦା ପଞ୍ଚାୟତ ଆଗମୌଦା ଗାଁ ରାସ୍ତା ବେହାଲ ହୋଇପଡ଼ିଛି। ଫଳରେ ଗ୍ରାମବାସୀଙ୍କ ସମେତ ଛାତ୍ରୀଛାତ୍ର, ବ୍ୟବସାୟୀ ଯିବା ଆସିବାରେ ସମସ୍ୟା ଭୋଗୁଛନ୍ତି। ରୂପ୍‌ସା ବଜାର-ବସ୍‌ଷ୍ଟାଣ୍ଡ ରାସ୍ତାରେ ଜେନାପୋଖରୀ ଛକଠାରୁ ଆଗମୌଦା ଗାଁ ଦେଇ ୬୦ନଂ. ଜାତୀୟ ରାଜପଥକୁ ଏହି ରାସ୍ତା ସଂଯୋଗ ହୋଇଛି। ଏଥିପାଇଁ ଗମନାଗମନ କ୍ଷେତ୍ରରେ ରାସ୍ତା ଗୁରୁତ୍ୱ ବହନ କରିଆସୁଥିଲେ ହେଁ ସ୍ଥାୟୀ ମରାମତି ହେଉ ନ ଥିବାରୁ ଜନ ଅସନ୍ତୋଷ ବୃଦ୍ଧି ପାଉଛି। ତୁରନ୍ତ ସମସ୍ୟାର ସମାଧାନ ଦିଗରେ ପଞ୍ଚାୟତ କର୍ତ୍ତୃପକ୍ଷ ପଦକ୍ଷେପ ଗ୍ରହଣ ନ କଲେ ଆଗାମୀ ଦିନରେ ଆନ୍ଦୋଳନ ଜୋରଦାର ହେବ ବୋଲି କଂଗ୍ରେସ ଯୁବନେତା ମନୋରଞ୍ଜନ ନାୟକ, ଗ୍ରାମବାସୀ ଶ୍ରୀକାନ୍ତ ମହାଳିକ, ଚକ୍ରଧର ମହାଳିକ, ବାବୁ ବେହେରା, ଜୟନାରାୟଣ ପ୍ରଧାନ ଓ ଗଜେନ୍ଦ୍ର ମହାଳିକ ପ୍ରମୁଖ ଚେତାବନୀ ଦେଇଛନ୍ତି। ରାସ୍ତାଟି ଖାଲଖମା ଯୋଗୁ ଲୋକେ ନାହଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି।

୧୮୪୫ ହିତାଧିକାରୀଙ୍କୁ ଭତ୍ତା

୧୮୪୫ ହିତାଧିକାରୀଙ୍କୁ ଭତ୍ତା

ଧାମନଗର,୨୯।୯(ଡି.ଏନ.ଏ.)-ଧାମନଗର ବ୍ଲକରେ ୧୮୪୫ ଜଣ ହିତାଧିକାରୀଙ୍କୁ ଶନିବାର ଭତ୍ତା ପ୍ରଦାନ କରାଯାଇଛି। ବିଧାୟକ ମୁକ୍ତିକାନ୍ତ ମଣ୍ଡଳ କାର୍ଯ୍ୟକ୍ରମକୁ ଉଦ୍‌ଘାଟନ କରିବା ସହ ଚିହ୍ନଟ ଭିନ୍ନକ୍ଷମ, ବିଧବା, ବାର୍ଦ୍ଧକ୍ୟ ଏବଂ ଅବିବାହିତା ଅସହାୟା ମହିଳାଙ୍କୁ ଭତ୍ତା ପ୍ରଦାନ କରିଥିଲେ। 

ଭାଜପା ପକ୍ଷରୁ ସ୍ବଚ୍ଛତା କାର୍ଯ୍ୟକ୍ରମ

ଭାଜପା ପକ୍ଷରୁ ସ୍ବଚ୍ଛତା କାର୍ଯ୍ୟକ୍ରମ

ଆରଡି, ୨୯।୯(ଡି.ଏନ.ଏ.)-ଭଦ୍ରକ ଜିଲାର ପ୍ରସିଦ୍ଧ ଶୈବପୀଠ ଆରଡ଼ିରେ ଶନିବାର ସକାଳେ ଭାଜପା ପକ୍ଷରୁ ସ୍ବଚ୍ଛ ଭାରତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ତପନ କୁମାର ପାଢୀଙ୍କ ନେତୃତ୍ୱରେ ଶତାଧିକ ଭାଜପା କର୍ମୀ ମନ୍ଦିର ଚତୁଃପାର୍ଶ୍ୱ, ବସ୍ତି ମଧ୍ୟରେ ଥିବା ରାସ୍ତା, ଆରଡ଼ି ମୁଖ୍ୟରାସ୍ତା ଆଦି ସଫେଇ କରିଥିଲେ।

ମଧୁମେହ ଚିହ୍ନଟ ଓ ଚିକିତ୍ସା ଶିବିର

ମଧୁମେହ ଚିହ୍ନଟ ଓ ଚିକିତ୍ସା ଶିବିର

ଭଣ୍ଡାରିପୋଖରୀ,୨୯।୯(ଡି.ଏନ.ଏ.)-ଭଣ୍ଡାରିପୋଖରୀ ବ୍ଲକ ବାରିକପୁର ନିକଟସ୍ଥ ଷେଣ୍ଢତିରା ସରକାରୀ ଆୟୁର୍ବେଦିକ ଚିକିତ୍ସାଳୟ ପରିସରରେ ମଧୁମେହ ଚିହ୍ନଟ ଓ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି। ଚିକିତ୍ସାଧିକାରୀ ଡା. ନିରଞ୍ଜନ ଓଝାଙ୍କ ତତ୍ତ୍ବାବଧାନରେ ଶତାଧିକ ରୋଗୀଙ୍କ ରକ୍ତ ନମୁନା ପରୀକ୍ଷା କରାଯାଇଥିଲା। 

ବର୍ଜ୍ୟବସ୍ତୁ ଦ୍ୱାରା ସୁନ୍ଦର କଳାକୃତି

ବର୍ଜ୍ୟବସ୍ତୁ ଦ୍ୱାରା ସୁନ୍ଦର କଳାକୃତି

ବାଲେଶ୍ୱର ଅଫିସ, ୨୯।୯-ବାଲେଶ୍ୱର ଚାନ୍ଦିପୁରସ୍ଥିତ ପାନ୍ଥନିବାସ ପରିସରରେ ଜିଲା ପର୍ଯ୍ୟଟନ ଅଫିସ୍‌ ତରଫରୁ ବିଶ୍ୱ ପର୍ଯ୍ୟଟନ ଦିବସ ଗୁରୁବାର ପାଳିତ ହୋଇଯାଇଛି। ଏହି ଅବସରରେ ଯୁବ ବିକାଶ ଅନୁଷ୍ଠାନ ସହାୟତାରେ ଶିଳ୍ପୀ କେଶୁଦାସଙ୍କ ନେତୃତ୍ୱରେ ଚାନ୍ଦିପୁରରେ ଦିବସ ବ୍ୟାପି ଏକ ‘ୱେଷ୍ଟ ଇନ୍‌ଷ୍ଟାଲେସନ ଆର୍ଟ’ କର୍ମଶାଳା ଅନୁଷ୍ଠିତ ହୋଇଯାଇଛି। ପର୍ଯ୍ୟଟକଙ୍କୁ ଆକୃଷ୍ଟ କରିବା ତଥା ପରିବେଶକୁ ସ୍ବଚ୍ଛ ଓ ସୁନ୍ଦର କରି ଗଢ଼ି ତୋଳିବା ଲକ୍ଷ୍ୟରେ ବାଲେଶ୍ୱରର ୧୫ଜଣ ଯୁବଶିଳ୍ପୀ  ଚାନ୍ଦିପୁର ବେଳାଭୂମିର ଆଖପାଖରେ ତଥା ପାନ୍ଥନିବାସ ପରିସରରେ ପଡ଼ି ରହି ଅପରିଷ୍କାର କରୁଥିବା ବର୍ଜ୍ୟବସ୍ତୁକୁ ନେଇ ସୁନ୍ଦର କଳାକୃତି ଗଢ଼ି ତୋଳିଥିଲେ। ଅରୁଣ ବାରିକ, ପଦ୍ମନାଭ ରାୟ ଓ ଗିରିଶ ପାକଳ ଅପରିଷ୍କାର କାନ୍ଥରେ ବିଶାଳ ଏକ ହର୍ସୁ ସୁନ୍ଦରୀ ଆଙ୍କି ଦର୍ଶକଙ୍କ ମନ ଆକର୍ଷଣ କରିଥିବା ବେଳେ ପଥର ଶିଳ୍ପୀ ଦୀପକ ଦାସ ଓ ଗଙ୍ଗାଧର ସେଠୀ ବିକ୍ଷିପ୍ତ ହୋଇ ବେଳାଭୂମିରେ ପଡ଼ିଥିବା ପଥରକୁ ସଜାଇ ମାଛ, କଇଁଛ, କଙ୍କଡ଼ା ଆଦି ଗଢ଼ିଥିଲେ। 

ପେଜଗଳା ସେତୁ ନିମ୍ନମାନର କାର୍ଯ୍ୟ ଯୋଗୁ ଉତ୍ତେଜନା

ପେଜଗଳା ସେତୁ ନିମ୍ନମାନର କାର୍ଯ୍ୟ ଯୋଗୁ ଉତ୍ତେଜନା

ବସ୍ତା, ୨୯।୯(ସ୍ବ.ପ୍ର.)-ବସ୍ତା-ବାଲିଆପାଳ ରାସ୍ତାର ପେଜଗଳା ଚଟାଣରେ ବହୁ ପ୍ରତିକ୍ଷୀତ ସେତୁର ନିର୍ମାଣ କାର୍ଯ୍ୟ ଚାଲିଛି। ଏହି କାର୍ଯ୍ୟ ନିମ୍ନମାନର ହେଉଥିବା ନେଇ ସାଧାରଣରେ ଅସନ୍ତୋଷ ଦେଖାଦେଇଛି। ଏହି ସଡ଼କର କୁଡିଆଠାରୁ ଦରଡ଼ା ପର୍ଯ୍ୟନ୍ତ ୩.୫କିମି.ର  ପେଜଗଳା ସେତୁ ଆସନ୍ତା ନଭେମ୍ବର ୧୦ ତାରିଖ ସୁଦ୍ଧା ନିର୍ମାଣ କାର୍ଯ୍ୟ ପୂର୍ଣ୍ଣାଙ୍ଗ ପାଇଁ ଲକ୍ଷ୍ୟ ଧାର୍ଯ୍ୟ ହୋଇଛି। ଏକ ଠିକା ସଂସ୍ଥା ଏହି ନିର୍ମାଣ କାର୍ଯ୍ୟ କରୁଥିବା ବେଳେ ଏଥିପାଇଁ ବ୍ୟୟ ଅଟକଳ ୪୫କୋଟି ୧୧ଲକ୍ଷ ୬୮ହଜାର ହୋଇଥିବା ବେଳେ ଆନୁଷଙ୍ଗିକ ନିର୍ମାଣକୁ ମିଶାଇ ପାଖାପାଖି ୫୦କୋଟି ଟଙ୍କା ଖର୍ଚ୍ଚ ହେବ ବୋଲି ଜଣାପଡିଛି। 

 ଥାନା ଆଗରେ ମହିଳାଙ୍କ ବିକ୍ଷୋଭ

ଥାନା ଆଗରେ ମହିଳାଙ୍କ ବିକ୍ଷୋଭ

ଭୋଗରାଇ, ୨୯।୯(ଡି.ଏନ.ଏ.)- ବାଲେଶ୍ୱର ଜିଲା ଭୋଗରାଇ ଥାନା ଅଧୀନ ଗୋଛିଦା ତେଘରୀ ଗ୍ରାମର ଜଗନ୍ନାଥ ଦାସ ଅଧିକାରୀଙ୍କ ସ୍ତ୍ରୀ ସୁମିତାଙ୍କ ମୃତ୍ୟୁ ଏବେବି ରହସ୍ୟଘେରରେ ରହିଛି। ଏହାର ତଦନ୍ତ ସହ କାର୍ଯ୍ୟାନୁଷ୍ଠାନ ଦାବିରେ ମହିଳାମାନେ ଶୁକ୍ରବାର ଭୋଗରାଇ ଥାନା ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୦ ତାରିଖରେ ଜଗନ୍ନାଥଙ୍କ ସ୍ତ୍ରୀ ସୁମିତା ନିଆଁରେ ପୋଡ଼ି ଯାଇଥିବା ବେଳେ ତାଙ୍କୁ କଟକ ବଡ଼ ଡାକ୍ତରଖାନାକୁ  ଚିକିତ୍ସା ନିମନ୍ତେ ପଠାଯାଇଥିଲା। ସେଠାରେ ତାଙ୍କର ମୃତ୍ୟୁ ହେବା ପରେ ମଙ୍ଗଳାବାଗ ଥାନାରେ ଏକ ମାମଲା (ନଂ.୧୬୧/୧୮) ରୁଜୁ କରାଯାଇଛି। ସୁମିତାଙ୍କୁ ତାଙ୍କ ଶ୍ୱଶୁରଘର ଲୋକେ ଚକ୍ରାନ୍ତ କରି ଏକ ପାଇଖାନାକୁଣ୍ଡରେ ପୂରାଇ କିରୋସିନ ଢ଼ାଳି ନିଆଁ ଲଗାଇ ଦିଆଯାଇଛି ବୋଲି ତାଙ୍କ ବାପା ଭୋଗରାଇ ଥାନାରେ ଏତଲା ଦେଇଛନ୍ତି। 

ବିଜେଡିରେ ମିଶିଲେ ବିଭିନ୍ନ ଦଳର କର୍ମୀ

ବିଜେଡିରେ ମିଶିଲେ ବିଭିନ୍ନ ଦଳର କର୍ମୀ

ଖଇରା, ୨୯।୯(ଡି.ଏନ.ଏ.)-ଖଇରା ବ୍ଲକ ଅଧିନ ଡୁଙ୍ଗୁରା ପଞ୍ଚାୟତର ବିଭିନ୍ନ ଦଳର କର୍ମୀ ବିଧାୟକ ଜ୍ୟୋତି ପାଣିଗ୍ରାହୀଙ୍କ ଉପସ୍ଥିତିରେ ବିଜେଡିରେ ଯୋଗଦାନ କରିଛନ୍ତି। ଗୁରୁବାର ଅପରାହ୍ନରେ ସ୍ଥାନୀୟ ଦୁର୍ଗାମଣ୍ଡପରେ ଆୟୋଜିତ ସଭାରେ ବ୍ଲକ ବିଜେଡି ସଭାପତି ବ୍ରଜ କିଶୋର ମହାନ୍ତି ସଭାପତିତ୍ୱ କରିଥିଲେ। ବିଧାୟକ ପାଣିଗ୍ରାହୀଙ୍କ ସମେତ ପୁର୍ବତନ ସରପଞ୍ଚ ପାଗଳ ପଲେଇ, ସମିତିସଭ୍ୟ ପ୍ରକାଶ କୁମାର ଲେଙ୍କା, ବରିଷ୍ଠ ନେତା ବଟକୃଷ୍ଣ ପଣ୍ଡା, ନାରୀନେତ୍ରୀ ସୁମିତ୍ରା ମହାପାତ୍ର ପ୍ରମୁଖ ଯୋଗଦେଇ ବିଜେଡି ଭାଷଣ ବାଜିରେ ନୁହେଁ କାମରେ ବିଶ୍ୱାସ କରେ ବୋଲି କହିଥିଲେ। 

ରେଳରୋକୋ ଡାକରା ପରେ ଚେତା ପଶିଲା:  ତ୍ରିପାକ୍ଷିକ ଆଲୋଚନାରେ ମିଳିଲା ପ୍ରତିଶ୍ରୁତି

ରେଳରୋକୋ ଡାକରା ପରେ ଚେତା ପଶିଲା: ତ୍ରିପାକ୍ଷିକ ଆଲୋଚନାରେ ମିଳିଲା ପ୍ରତିଶ୍ରୁତି

ବାଲେଶ୍ୱର ଅଫିସ, ୨୯।୯-ବାଲେଶ୍ୱରସ୍ଥିତ ବାମପଦା ସୁରକ୍ଷା ମଞ୍ଚ ତରଫରୁ ରେଳରୋକୋ ପାଇଁ ଦିଆଯାଇଥିବା ଚେତାବନୀ ପ୍ରତ୍ୟାହାର କରି ନିଆଯାଇଛି। ଶୁକ୍ରବାର ପୂର୍ବାହ୍ନରେ ବାଲେଶ୍ୱର ଜିଲାପାଳ ରମେଶ ଚନ୍ଦ୍ର ରାଉତଙ୍କ ଅଧ୍ୟକ୍ଷତାରେ ଏକ ଏକ ସମନ୍ବୟ ବୈଠକ ଆୟୋଜିତ ହୋଇଥିଲା। ଏଥିରେ ରେଳ କର୍ତ୍ତୃପକ୍ଷ, ସୁରକ୍ଷା ମଞ୍ଚ କର୍ମକର୍ତ୍ତାଙ୍କୁ ନେଇ ତ୍ରିପାକ୍ଷିକ ଆଲୋଚନା ହୋଇଥିଲା। ବାମପଦା ସୁରକ୍ଷା ମଞ୍ଚ ତରଫରୁ ୪ଟି ଦାବି ଅଙ୍ଗାରଗଡ଼ିଆସ୍ଥିତ ଏଲ.ସି. ୮୦ ଠାରେ ବହୁ ବର୍ଷ ଧରି ରେଳ ଓଭରବ୍ରିଜ ନିର୍ମାଣ, ପଲାସା-ଭଦ୍ରକ ଟ୍ରେନ ନମ୍ବର ୭୮୪୦୭ ଏବଂ ୭୮୪୦୮ ରୂପ୍‌ସା ଯାଏ ସମ୍ପ୍ରସାରଣ, ରେଳ ର଼୍ୟାକ ସାଇଡିଂକୁ ବାମପଦା କିମ୍ବା ସୋମନାଥପୁରକୁ ସ୍ଥାନାନ୍ତର, ହାୱଡ଼ା-ଜଳେଶ୍ୱର ମେମୋ ଟ୍ରେନକୁ ବାଲେଶ୍ୱର ଯାଏ ସମ୍ପ୍ରସାରଣ ଆଦି ଉପସ୍ଥାପନ କରାଯାଇଥିଲା। 

ପଶ୍ଚିମବଙ୍ଗର ନକଲି ଡାକ୍ତର ଏବେ ଓଡ଼ିଶା ମୁହଁ।

ପଶ୍ଚିମବଙ୍ଗର ନକଲି ଡାକ୍ତର ଏବେ ଓଡ଼ିଶା ମୁହଁ।

ଭୋଗରାଇ, ୨୯।୯(ପ୍ରଦୀପ ଦାସ)-ସ୍ବାସ୍ଥ୍ୟସେବା ଅପହଞ୍ଚ ଇଲାକାରେ ନିଜକୁ ଡାକ୍ତର ବୋଲି ପରିଚୟ ଦେଇ କେତେକ ବ୍ୟକ୍ତି ରୋଗୀଙ୍କୁ ଚିକିତ୍ସାସେବା ଯୋଗାଇ ସେମାନଙ୍କୁ ଲୁଟୁଛନ୍ତି। ନକଲି ଡାକ୍ତରଙ୍କ ତ୍ରୁଟିପୂର୍ଣ୍ଣ ଚିକିତ୍ସା ଯୋଗୁ ଅନେକ ରୋଗୀ ଅକାଳରେ ମୃତ୍ୟୁବରଣ କରୁଥିବା ଅଭିଯୋଗ ହୋଇଛି। ବାଲେଶ୍ୱର ଜିଲାରେ ଥିବା ଚିକିତ୍ସାଳୟଗୁଡ଼ିକରେ  ଡାକ୍ତର, ନର୍ସ, ସ୍ବାସ୍ଥ୍ୟ କର୍ମଚାରୀ ଓ ଭିତ୍ତିଭୂମି ଅଭାବ ଲାଗି ରହିଥିବାରୁ ରାଜ୍ୟ ବାହାରୁ ଆସୁଥିବା କେତେକ ନକଲି ଏଥିରୁ ମୁନାଫା ଉଠାଉଛନ୍ତି। ସ୍ବାସ୍ଥ୍ୟ ବିଭାଗ ସବୁକଥା ଜାଣୁଥିଲେ ମଧ୍ୟ ଚଢାଉ ନ କରି ନୀରବ ରହି ଆସୁଛି। ଏଭଳି ସ୍ଥିତିରେ ବିନା ଲାଇସେନ୍ସରେ ନର୍ସିଂହୋମ ଭଳି ବିଭିନ୍ନ ବେଆଇନ ଚିକିତ୍ସା କେନ୍ଦ୍ର  ସଂଖ୍ୟା ବୃଦ୍ଧି ପାଇଥିବା ଅଭିଯୋଗ ହୋଇଛି।

କବିବର ରାଧାନାଥ ରାୟଙ୍କ ଜୟନ୍ତୀ

କବିବର ରାଧାନାଥ ରାୟଙ୍କ ଜୟନ୍ତୀ

ରାଇରଙ୍ଗପୁର,୨୯।୯(ଡି.ଏନ୍‌.ଏ.): ରାଇରଙ୍ଗପୁର ସରକାରୀ ଉଚ୍ଚବିଦ୍ୟାଳୟ ପକ୍ଷରୁ ଶୁକ୍ରବାର ସ୍ବର୍ଗତ କବିବାର ରାଧାନାଥ ରାୟଙ୍କ  ଜୟନ୍ତୀ ପାଳିତ ହୋଇଯାଇଛି। ଏହି ଅବସରରେ ପ୍ରଧାନଶିକ୍ଷକ ଗୌତମ ବଳିୟାରସିଂଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ଶିକ୍ଷକ ରଞ୍ଜନ କୁମାର ନନ୍ଦ ସ୍ବର୍ଗତ ରାୟଙ୍କ ଜୀବନୀ ଓ ଓଡ଼ିଆ ସାହିତ୍ୟ ପ୍ରତି ତାଙ୍କର ଅବଦାନ ଏବଂ ଗୁଣାବଳି ଉପରେ ଆଲୋକପାତ କରିଥିଲେ।

ନଭେମ୍ବର ୨୬ ରୁ  ବାଜିବ ଧୁମୁସା

ନଭେମ୍ବର ୨୬ ରୁ ବାଜିବ ଧୁମୁସା

 ଉଦଳା, ୨୯।୯(ଡି.ଏନ.ଏ.) - ମୟୂରଭଞ୍ଜ ଜିଲା କପ୍ତିପଦା ଉପଖଣ୍ଡସ୍ତରୀୟ ଧୁମୁସା ମହୋତ୍ସବ - ୨୦୧୮ ନିମନ୍ତେ ପ୍ରସ୍ତୁତି ବୈଠକ ଶୁକ୍ରବାର ସ୍ଥାନୀୟ ବ୍ଲକ ସଭାଗୃହରେ ଅନୁଷ୍ଠିତ ହୋଇଯାଇଛି ।  ଉପଜିଲାପାଳ ଭଗବାନ ବେହେରାଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ପ୍ରକଳ୍ପ ପ୍ରଶାସକ ବିଧାନ ଚନ୍ଦ୍ର ରାୟ, ଉପଖଣ୍ଡ ପୋଲିସ୍‌ ଅଧିକାରୀ ସ୍ବପ୍ନରଞ୍ଜନ ମହାପାତ୍ର, ଥାନାଧିକାରୀ ସନାତନ ସାହୁ, ସହକାରୀ ଜିଲାପାଳ ଗୌରହରି ମହାନ୍ତ, ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ ରମେଶ ଚନ୍ଦ୍ର ନାୟକ ମଞ୍ଚାସୀନ ଥିଲେ।  ଧୁମୁସା ମହୋସତ୍ବ ପ୍ରସ୍ତୁତି ସମ୍ପର୍କରେ  ଅତିଥିମାନେ ଆଲୋଚନା କରିବା ସହ  ୨୦୧୭ ମହୋସତ୍ବର ଆୟବ୍ୟୟ   ଏବଂ ବିବରଣୀକୁ ଲୋକସମ୍ପର୍କ ଅଧିକାରୀ ପଠନ କରିଥିଲେ । 

 ଖଜୁରୀପଦାକୁ ହରାଇ ଭୀମକୁଣ୍ଡ ଚାମ୍ପିୟନ

ଖଜୁରୀପଦାକୁ ହରାଇ ଭୀମକୁଣ୍ଡ ଚାମ୍ପିୟନ

ଠାକୁରମୁଣ୍ଡା,୨୯।୯(ଡି.ଏନ.ଏ)- ଠାକୁରମୁଣ୍ଡା ବ୍ଲକ ତରାମରା ଗ୍ରାମପଞ୍ଚାୟତ ଭାଲୁଘରା ଗ୍ରାମରେ ହେଉଥିବା ଫୁଟବଲ ଟୁର୍ନାମେଣ୍ଟ ଶୁକ୍ରବାର  ଉଦ୍‌ଯାପିତ ହୋଇଯାଇଛି ।  ଜାହେର ଆୟ ଯୁବକ ସଂଘ ପକ୍ଷରୁ ଗତ ୨୫ ତାରିଖରୁ ଆରମ୍ଭ ହୋଇଥିବା ଏହି ଟୁର୍ନାମେଣ୍ଟରେ ମୋଟ ୬୪ଟି ଫୁଟବଲ ଟିମ ଅଂଶଗ୍ରହଣ କରିଥିଲେ ।  ଖେଳର ଶେଷ ପର୍ଯ୍ୟାୟରେ ମୋଟ ୪ଟି ଦଳ ବିଜୟୀ ହୋଇ ରହିଥିବା ବେଳେ ସେମାନଙ୍କ ମଧ୍ୟରୁ ଭୀମକୁଣ୍ଡ ଫୁଟବଲ ଟିମ୍‌ ଓ ଖଜୁରୀପଦା ଫୁଟବଲ ଟିମ ମଧ୍ୟରେ ଫାଇନାଲ ମ୍ୟାଚ ହୋଇଥିଲା। ।

  ‘ଏକଜାମ୍‌ ୱାରିୟର୍ସ“ର ଓଡ଼ିଆ ସଂସ୍କରଣ ଲୋକାର୍ପିତ

‘ଏକଜାମ୍‌ ୱାରିୟର୍ସ“ର ଓଡ଼ିଆ ସଂସ୍କରଣ ଲୋକାର୍ପିତ

ବାରିପଦା ଅଫିସ,୨୯।୯- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଲିଖିତ ପୁସ୍ତକ ‘ଏକଜାମ୍‌ ୱାରିୟର୍ସ“ର ଓଡ଼ିଆ ସଂସ୍କରଣ ବାରିପଦାସ୍ଥିତ ଷ୍ଟାଡ଼ିୟମ୍‌ ସମ୍ମିଳନୀ ଗୃହରେ ଉନ୍ମୋଚିତ ହୋଇଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲିଖିତ ପୁସ୍ତକର ଓଡ଼ିଆ ଅନୁବାଦର ଲୋକାର୍ପଣ ଓଡିଶାବାସୀଙ୍କ ପାଇଁ  ଗୌରବର ଦିନ ହୋଇ ରହିବ ।  ଏହି ପୁସ୍ତକରେ  ପରୀକ୍ଷାକୁ ସାମ୍ନା କରିବା ନାଁରେ ଜୀବନ ଯୁଦ୍ଧକୁ ସାମ୍ନା କରିବାର ସରଳସୁତ୍ର ରହିଛି। ପ୍ରଧାନମନ୍ତ୍ରୀ ନିଜ ସଂଘର୍ଷମୟ ଜୀବନ ଅନୁଭୂତିରୁ ଯେଉଁ ପରାମର୍ଶ ଏହି ପୁସ୍ତକ ମାଧ୍ୟମରେ ଦେଇଛନ୍ତି ତାହା ଯୁବପୀଢିଙ୍କ ପାଇଁ ମର୍ମସ୍ପର୍ଶୀ ହେବ ବୋଲି ଅତିଥିମାନେ ମତବ୍ୟକ୍ତ କରିଥିଲେ। 

ମୋ ସ୍କୁଲ ଅଭିଯାନ କାର୍ଯ୍ୟକ୍ରମ

ମୋ ସ୍କୁଲ ଅଭିଯାନ କାର୍ଯ୍ୟକ୍ରମ

ବାରିପଦା ଅଫିସ,୨୯।୯- ବାରିପଦାସ୍ଥିତ ପୋଲିସ ହାଇସ୍କୁଲରେ ମୋ ସ୍କୁଲ ଅଭିଯାନର ଦ୍ୱିତୀୟ ବୈଠକ ବିଦ୍ୟାଳୟର ପ୍ରଧାନ ଶିକ୍ଷକ ସୁଶାନ୍ତ କୁମାର ଦାଶଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି। ଜିଲା ଆରକ୍ଷୀ ଅଧିକ୍ଷକ ଅବିନାଶ କୁମାର ମୁଖ୍ୟ ଅତିଥି, ଜିଲା ଶିକ୍ଷାଧିକାରୀ ରଞ୍ଜନ କୁମାର ଗିରି ମୁଖ୍ୟ ବକ୍ତା ଭାବେ ଏହି ବୈଠକରେ ଯୋଗ ଦେଇଥିଲେ।

 ‘ନିର୍ଭୁଲ ଭୋଟର ତାଲିକା ପ୍ରସ୍ତୁତ କର ’

‘ନିର୍ଭୁଲ ଭୋଟର ତାଲିକା ପ୍ରସ୍ତୁତ କର ’

ବାରିପଦା ଅଫିସ,୨୯।୯- ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ପ୍ରମୁଖ ଶାସନ ସଚିବ ସି ଏସ କୁମାର  ମୟୂରଭଞ୍ଜ ଜିଲା ଗସ୍ତ କରିଛନ୍ତି। ଏହି ଅବସରରେ ଜିଲା ଗ୍ରାମ୍ୟ  ଉନ୍ନୟନ ସମ୍ମିଳନୀ କକ୍ଷରେ ଅନୁଷ୍ଠିତ  ବୈଠକରେ ଯୋଗଦେଇ ସଚିବ ସ୍ବତନ୍ତ୍ର ଭୋଟର ସଂଶୋଧନ ପ୍ରକ୍ରିୟା କାର୍ଯ୍ୟକ୍ରମ ଏବଂ ରାଜସ୍ବ ବିଭାଗ ଜମିଜମା ରେକର୍ଡର ସମୀକ୍ଷା କରିଥିଲେ। ସମୀକ୍ଷାରେ ସଚିବ ଜିଲାରେ ଚାଲୁ ରହିଥିବା ସ୍ବତନ୍ତ୍ର ଭୋଟର ସଂଶୋଧନ ପ୍ରକ୍ରିୟା କାର୍ଯ୍ୟକ୍ରମର ନିର୍ବାଚନ କମିଶନରଙ୍କ ଗାଇଡ ଲାଇନ ଓ ନିର୍ଦ୍ଦେଶାବଳୀ ଅନୁସାରେ ସ୍ବଚ୍ଛ ଓ ନିର୍ଭୁଲ ଭୋଟର ତାଲିକା ପ୍ରସ୍ତୁତ କାର୍ଯ୍ୟ ତ୍ୱରାନ୍ନିତ କରିବାକୁ ଗୁରୁତ୍ୱାରୋପ କରିଥିଲେ।

କେନ୍ଦୁଝରରେ ଜରିମାନା ଖିଲାପକାରୀ ଖଣି ବିରୋଧରେ ପଦକ୍ଷେପ ଆରମ୍ଭ

କେନ୍ଦୁଝରରେ ଜରିମାନା ଖିଲାପକାରୀ ଖଣି ବିରୋଧରେ ପଦକ୍ଷେପ ଆରମ୍ଭ

କେନ୍ଦୁଝର, ୨୯।୯(ସ୍ବ.ପ୍ର.): ଜିଲାରେ ଖଣି ଜରିମାନା ଦେଇ ନ ଥିବା ଖିଲାପକାରୀ ୩୧ଟି ଖଣିର ୨୩ ଲିଜ୍‌ଧାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ବିଧିବଦ୍ଧ ପଦକ୍ଷେପ ଆରମ୍ଭ ହୋଇଛି। 

ସୋର ନିର୍ବାଚନମଣ୍ଡଳୀ ବିଜୁ ମହିଳା ଜନତା ଦଳ ସମାବେଶ

ସୋର ନିର୍ବାଚନମଣ୍ଡଳୀ ବିଜୁ ମହିଳା ଜନତା ଦଳ ସମାବେଶ

ବାହାନଗା,୨୯।୯(ଡି.ଏନ.ଏ.): ବାଲେଶ୍ବର ଜିଲା ବାହାନଗା ବ୍ଲକ ଗୋପାଳପୁର ପଞ୍ଚାୟତ ପରିସରରେ ସୋର ନିର୍ବାଚନମଣ୍ଡଳୀର ବିଜୁ ମହିଳା ଜନତା ଦଳର ସମାବେଶ ଅନୁଷ୍ଠିତ ହୋଇଯାଇଛି।

ଡଳଙ୍ଗ ଗ୍ରାମ ନିକଟ ପୋଖରୀରୁ ଯୁବକଙ୍କ ମୃତଦେହ ମିଳିବା ଘଟଣା: ପରିଚୟ ମିଳିଲା

ଡଳଙ୍ଗ ଗ୍ରାମ ନିକଟ ପୋଖରୀରୁ ଯୁବକଙ୍କ ମୃତଦେହ ମିଳିବା ଘଟଣା: ପରିଚୟ ମିଳିଲା

ପାଟଣା,୨୯।୯(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ଖିରେଇଟାଙ୍ଗିରି ପଞ୍ଚାୟତ ଡଳଙ୍ଗ ଗ୍ରାମ ରାସ୍ତା ପାର୍ଶ୍ୱ ପୋଖରୀରୁ  ଗତ ସୋମବାର ଅପରାହ୍ନରେ ଜଣେ ଅଚିହ୍ନା ଯୁବକଙ୍କ ଅର୍ଦ୍ଧଲଗ୍ନ ମୃତଦେହ ଉଦ୍ଧାର  କରାଯାଇଥିଲା। ତେବେ ଶୁକ୍ରବାର ମୃତକଙ୍କର ପରିଚୟ ମିଳିଛି। ସେ ହେଲେ  ଯମୁନାପଶି ଗ୍ରାମର ଦାମୋଦର ନାଏକଙ୍କ ପୁଅ ଦିବାକର ନାଏକ(୪୫)।

୮ ଫୁଟର ଅଜଗର ଉଦ୍ଧାର

୮ ଫୁଟର ଅଜଗର ଉଦ୍ଧାର

ସଜନାଗଡ଼,୨୯।୯(ଡି.ଏନ୍‌.ଏ): ବାଲେଶ୍ୱର ଜିଲା ନୀଳଗିରି ନିକଟସ୍ଥ କୁଲଡ଼ିହା ଅଭୟାରଣ୍ୟକୁ ଲାଗିରହିଥିବା ସିଆଡ଼ିମାଳ ପଞ୍ଚାୟତର ବାବନ୍ଧ ଗ୍ରାମର ହରିମୋହନ ବେହେରାଙ୍କ  ଘର ପାର୍ଶ୍ୱରେ ଥିବା ଏକ କୁକୁଡା ଫାର୍ମରୁ ଶନିବାର  ୮ ଫୁଟ ଲମ୍ବର ଏକ ଅଜଗର  ଉଦ୍ଧାର କରାଯାଇଛି।

ଗାଁ ରାସ୍ତା ବିପର୍ଯ୍ୟସ୍ତ, ବରଗଡ଼ିଆ ଗ୍ରାମବାସୀଙ୍କ ରାସ୍ତା ଅବରୋଧ

ଗାଁ ରାସ୍ତା ବିପର୍ଯ୍ୟସ୍ତ, ବରଗଡ଼ିଆ ଗ୍ରାମବାସୀଙ୍କ ରାସ୍ତା ଅବରୋଧ

ଧାମନଗର, ୨୯।୯(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ଏନ୍‌ଏସି ଅଞ୍ଚଳ ବରଗଡ଼ିଆ ଗ୍ରାମବାସୀ ଶନିବାର ସକାଳେ ମୁଖ୍ୟ ରାସ୍ତା ଅବରୋଧ କରିଛନ୍ତି। ଗାଁ ରାସ୍ତା ବିପର୍ଯ୍ୟସ୍ତ ହୋଇ ପଡ଼ିଥିବାରୁ ସେମାନେ ଏହାର ତୁରନ୍ତ ମରାମତି ଦାବି କରି ଏହି ରାସ୍ତାରୋକୋ କରିଥିବା ଜଣାପଡ଼ିଛି। 

କେନ୍ଦୁଝର ସହରରେ ଚାଞ୍ଚଲ୍ୟ: ମହିଳାଙ୍କୁ ପଥରରେ ଛେଚି ହତ୍ୟା

କେନ୍ଦୁଝର ସହରରେ ଚାଞ୍ଚଲ୍ୟ: ମହିଳାଙ୍କୁ ପଥରରେ ଛେଚି ହତ୍ୟା

କେନ୍ଦୁଝର,୨୯।୯(ସ୍ବ.ପ୍ର.): କେନ୍ଦୁଝର ସହରରେ ଥିବା ଧର୍ମଶାଳା ପରିସରରୁ ପୋଲିସ ଶନିବାର ସକାଳେ ଜଣେ ମହିଳାଙ୍କ ରକ୍ତାକ୍ତ ମୃତଦେହ ଉଦ୍ଧାର କରିଛି। ମହିଳାଙ୍କ ପରିଚୟ ମିଳିପାରିନାହିଁ। ତେବେ ମହିଳାଜଣଙ୍କର ବୟସ ପାଖାପାଖି ୫୫ ବର୍ଷ ହେବ ବୋଲି କୁହାଯାଉଛି।

ଫୁଡ୍‌ କମିଶନରଙ୍କ ତେଲକୋଇ ଗସ୍ତ

ଫୁଡ୍‌ କମିଶନରଙ୍କ ତେଲକୋଇ ଗସ୍ତ

ତେଲକୋଇ, ୨୯।୯(ଡି.ଏନ.ଏ.): ରାଜ୍ୟ ସରକାରଙ୍କ ଫୁଡ କମିଶନର ରଙ୍ଗଲାଲ ଜାମୁଦା ଶୁକ୍ରବାର ତେଲକୋଇ ଗସ୍ତରେ ଆସି ଥିଲେ। ବିଭିନ୍ନ ସ୍କୁଲ, ଅଙ୍ଗନୱାଡି କେନ୍ଦ୍ର ସହ ସେବାଶ୍ରମରେ ହେଉଥିବା ରୋଷେଇର ଖାଦ୍ୟ ଯାଞ୍ଚ କରିଥିଲେ।