ବାଲେଶ୍ୱର

ଗୀତା ଆବୃତ୍ତି ପ୍ରତିଯୋଗିତାରେ ଭାଗ ନେଲେ ୯୦ ଛାତ୍ରୀଛାତ୍ର

ଗୀତା ଆବୃତ୍ତି ପ୍ରତିଯୋଗିତାରେ ଭାଗ ନେଲେ ୯୦ ଛାତ୍ରୀଛାତ୍ର

ବାଲେଶ୍ୱର ଅଫିସ, ୧୧।୧୧- ବାଲେଶ୍ୱର ଚିନ୍ମୟ ମିଶନ ଶାଖା ତରଫରୁ ସ୍ଥାନୀୟ ପବ୍ଲିକ୍‌ ହାଇସ୍କୁଲ୍‌ ପରିସରରେ ଗୀତା ଆବୃତ୍ତି ପ୍ରତିଯୋଗିତା ରବିବାର ଅନୁଷ୍ଠିତ ହୋଇଯାଇଛି। ୯୦ଜଣ ଛାତ୍ରୀଛାତ୍ର ପ୍ରତିଯୋଗିତାରେ ଭାଗ ନେଇଥିଲେ। ସକାଳ ସାଢ଼େ ୭ଟାରୁ କାର୍ଯ୍ୟ ଆରମ୍ଭ ହୋଇ ଅପରାହ୍ନ ଗୋଟାଏ ପର୍ଯ୍ୟନ୍ତ ଚାଲୁ ରହିଥିଲା। ବାଲେଶ୍ୱର ପବ୍ଲିକ୍‌ ସ୍କୁଲ୍‌ର ବରିଷ୍ଠ ଶିକ୍ଷକ ଗୋପବନ୍ଧୁ ଦାସ ପ୍ରଦୀପ ଜାଳି କାର୍ଯ୍ୟକ୍ରମକୁ ଉଦ୍‌ଘାଟନ କରିଥିଲେ। ମିଶନର ଆଚାର୍ଯ୍ୟ ବ୍ରହ୍ମଚାରୀ ଅଗସ୍ତ୍ୟ ଚୈତନ୍ୟ, ଡା. କ୍ଷିତୀଶ୍ୱର ଦାଶ, ଡ. ଗଣେଶ ଚନ୍ଦ୍ର ପରିଡ଼ା, ପ୍ରଫେସର ରାମଚନ୍ଦ୍ର ନାୟକ, ଡା. ବେଣୁମାଧବ ଶତପଥି, ବ୍ରହ୍ମଚାରୀ ପ୍ରସନ୍ନ ପୁରୋହିତ ଉପସ୍ଥିତ ରହି ବିଚାରକ ମଣ୍ଡଳୀ ରୂପେ କାର୍ଯ୍ୟ ସମ୍ପାଦନ କରିଥିଲେ।

ରଶ୍ମିରେଖା, ସାଇଜ୍ୟୋତି ରାଜ୍ୟସ୍ତରକୁ ମନୋନୀତ

ରଶ୍ମିରେଖା, ସାଇଜ୍ୟୋତି ରାଜ୍ୟସ୍ତରକୁ ମନୋନୀତ

ବନ୍ତ,୧୧।୧୧(ସ୍ବ.ପ୍ର.)-ଭଦ୍ରକ ଜିଲା ବନ୍ତ ବ୍ଲକ ଆଗରପଡାସ୍ଥିତ ତୋଫାବିବି କ୍ଲଷ୍ଟର ଅଧୀନ ପୁରୁଷଣ୍ଢ ନୋଡାଲ ସ୍କୁଲର ୮ମ ଶ୍ରେଣୀ ଛାତ୍ରୀ ରଶ୍ମିରେଖା ସିଂହ ଓ ଆଶାମଣୀ ଉଚ୍ଚ ବିଦ୍ୟାପୀଠର ଛାତ୍ର ସାଇଜ୍ୟୋତି ବେହେରା ରାଜ୍ୟସ୍ତରୀୟ ସୁରଭିକୁ ମନୋନୀତ ହୋଇଛନ୍ତି।

ଯୁବକଙ୍କ ଅସ୍ବାଭାବିକ ମୃତ୍ୟୁ

ଯୁବକଙ୍କ ଅସ୍ବାଭାବିକ ମୃତ୍ୟୁ

ବନ୍ତ,୧୧।୧୧(ସ୍ବ.ପ୍ର.)-ଭଦ୍ରକ ଜିଲା ବନ୍ତ ଥାନା ଅଧୀନ ସରମରା ଗ୍ରାମର କୈଳାସ ପୁହାଣଙ୍କ ସାନପୁଅ ଅମିତ୍‌ (୨୪)ଙ୍କର ରବିବାର ଅସ୍ବାଭାବିକ ମୃତ୍ୟୁ ଘଟିଛି। ସୂଚନା ଅନୁସାରେ, ସେ ଶନିବାର ରାତିରେ ଖାଇବା ପରେ ହଠାତ୍‌ ପେଟରେ ଯନ୍ତ୍ରଣା ଅନୁଭବ କରିଥିଲେ। ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। 

ନୂଆ ରୋମାଣ୍ଟିକ ଆଲବମ ‘ତୋ ପ୍ରେମରେ ପଡିଛି’ ମୁକ୍ତି ଲାଭକଲା

ନୂଆ ରୋମାଣ୍ଟିକ ଆଲବମ ‘ତୋ ପ୍ରେମରେ ପଡିଛି’ ମୁକ୍ତି ଲାଭକଲା

ପାଟଣା,୧୧ା୧୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ମୁଖ୍ୟାଳୟସ୍ଥିତ ଆନନ୍ଦେଶ୍ବର ଶିବମନ୍ଦିର ପରିସରରେ ରବିବାର ପୂର୍ବାହ୍ନରେ ଓଡ଼ିଆ ନୂଆ ଆଲବମ ଗୀତ ‘ତୋ ପ୍ରେମରେ ପଡିଛି’ପପ୍‌ ଚୀନ ଏଣ୍ଟରଟେନମେଣ୍ଟ ପକ୍ଷରୁ ମୁକ୍ତିଲାଭ କରିଛି।

ମହାସରସ୍ବତୀ ବେଶରେ ଦର୍ଶନ ଦେଲେ ମା’ ଭଦ୍ରକାଳୀ

ମହାସରସ୍ବତୀ ବେଶରେ ଦର୍ଶନ ଦେଲେ ମା’ ଭଦ୍ରକାଳୀ

 ଭଦ୍ରକ ଅଫିସ,୧୧।୧୧: ମା’ ଭଦ୍ରକାଳୀଙ୍କ ସପ୍ତମାତୃକା ବେଶର ଷଷ୍ଠ ଦିନରେ ରବିବାର ମହାସରସ୍ବତୀ ବେଶରେ ମା’ ଭକ୍ତଙ୍କୁ ଦର୍ଶନ ଦେଇଛନ୍ତି l

ସରକାରୀ କାର୍ଯ୍ୟରେ ବାଧା ସଷ୍ଟି କରି ବାପ ପୁଅ ଗିରଫ

ପାଟଣା,୧୧।୧୧(ସ୍ବ.ପ୍ର.)- ସରକାରୀ କାର୍ଯ୍ୟରେ ବାଧା ସୃଷ୍ଟି କରିବା ଅଭିଯୋଗରେ କେନ୍ଦୁଝର ଜିଲା ତୁରୁମୁଙ୍ଗା ଥାନା ପୋଲିସ ଅଭିଯୁକ୍ତ ବାପପୁଅଙ୍କୁ  ଶନିବାର ଗିରଫ କରି  କୋର୍ଟ ଚାଲାଣ କରିଛି। ସେମାନେ ହେଲେ  ଲୋକନାଥ ପାତ୍ର ଓ ତାଙ୍କ ପୁଅ ଜ୍ୟୋତି ଭୂଷଣ ପାତ୍ର। ତୁରୁମୁଙ୍ଗା ଥାନା ଏଏସଆଇ ବିପିନ ବାରିକ ଘଯଣାର ତଦନ୍ତ କରି ଏକ ମାମଲା (ନଂ.୧୧୪/୧୮) ରୁଜୁ କରିଥିବା ସୂଚନା ଦେଇଛନ୍ତି। 

ବାପ ମା’ ଛେଉଣ୍ଡ ୨ ଭାଇଙ୍କୁ ମିଳିଲା ସହାୟତା

ବାପ ମା’ ଛେଉଣ୍ଡ ୨ ଭାଇଙ୍କୁ ମିଳିଲା ସହାୟତା

ଚମ୍ପୁଆ,୧୧ା୧୧(ଡି.ଏନ.ଏ.)-‘ବେସାହାରା ହୋଇଗଲେ ୨ ଶିଶୁ’ ଶୀର୍ଷକ ଖବର ଧରିତ୍ରୀରେ ପ୍ରକାଶିତ ହେବାପରେ ପ୍ରଶାସନ ୨ ଭାଇଙ୍କ ପାଖରେ ପହଞ୍ଚିଛି। ଚମ୍ପୁଆ ବିଡିଓ ନୁପୁର ଚାନ୍ଦଗୋଟିଆଙ୍କ ନିଦ୍ଦେର୍ଶକ୍ରମେ ସାମାଜିକ ସୁରକ୍ଷା ଅଧିକାରୀ ପୂର୍ଣ୍ଣଚନ୍ଦ୍ର ନାଏକ, ଜିଆରଏସ କିଶୋର ମହାନ୍ତ, ପଞ୍ଚାୟତ ନିର୍ବାହୀ ଅଧିକାରୀ ରୀନା ପ୍ରଧାନ ପ୍ରମୁଖ ବେସାହାରା ୨ ଭାଇଙ୍କ ପାଖରେ ପହଞ୍ଚି ଘଟଣା ସମ୍ବନ୍ଧରେ ପଚାରି ବୁଝବା ସହ ସ୍ଥାନୀୟ ଅଞ୍ଚଳର ବୁଦ୍ଧିଜୀବୀଙ୍କ ସହ ଆଲୋଚନା କରିଥିଲେ । 

ଗୁହାଳିଆ ଆକ୍ରମଣ ଘଟଣାରେ ୨ ଅଭିଯୁକ୍ତ ଗିରଫ : ପ୍ରାଥମିକ ତଦନ୍ତରେ ପ୍ରମାଣ ନ ମିଳିବାରୁ ଦେବପ୍ରିିୟଙ୍କ ମୋବାଇଲ ଟ୍ରାକିଂ କଲା  ପୋଲିସ

ଗୁହାଳିଆ ଆକ୍ରମଣ ଘଟଣାରେ ୨ ଅଭିଯୁକ୍ତ ଗିରଫ : ପ୍ରାଥମିକ ତଦନ୍ତରେ ପ୍ରମାଣ ନ ମିଳିବାରୁ ଦେବପ୍ରିିୟଙ୍କ ମୋବାଇଲ ଟ୍ରାକିଂ କଲା ପୋଲିସ

ଆନନ୍ଦପୁର,୧୧।୧୧(ସ୍ବ.ପ୍ର.)-କେନ୍ଦୁଝର ଜିଲା ଘସିପୁରା ଥାନା ଗୁହାଳିଆ ଗ୍ରାମରେ ଗତ ୭ ତାରିଖ ଦୀପାବଳି ଦିନ ଘଟିଥିବା ଆକ୍ରମଣ ଘଟଣା ରାଜନୈତିକ ରୂପ ନେଇ ବିବାଦୀୟ ହୋଇପଡିଛି। ପୋଲିସ ଏହାର ତନାଘନା ଚଳାଇ ଗଣ୍ଡଗୋଳରେ ସମ୍ପୃକ୍ତ ଗୁହାଳିଆ ଗ୍ରାମର ମହେଶ୍ୱର ଯେନା ଏବଂ ବନିକା ଗ୍ରାମର କାଳିଆ ଯେନାଙ୍କୁ ଶନିବାର ଗିରଫ କରିଛି।

ମହତାବଙ୍କ ପ୍ରତିମୂର୍ତ୍ତି ସ୍ଥାପନ ନେଇ ଅଡୁଆ: ପୂର୍ବ ଅନୁମତି ଫେରାଇ ନେଲା ପ୍ରଶାସନ

ଭଦ୍ରକ ଅଫିସ,୧୧।୧୧-ଉତ୍କଳ କେଶରୀ ଡା. ହରେକୃଷ୍ଣ ମହତାବଙ୍କ ଜନ୍ମଭୂମି ଆଗରପଡ଼ାଠାରେ ତାଙ୍କ ପୂର୍ଣ୍ଣାବୟବ ବ୍ରୋଞ୍ଜ ପ୍ରତିମୂର୍ତ୍ତି ସ୍ଥାପନକୁ ନେଇ ଅଡୁଆ ସ୍ଥିତି ସୃଷ୍ଟି ହୋଇଛି। ମହତାବ ସ୍ମାରକୀ ପରିଷଦ ଏବଂ ଆଗରପଡା କ୍ରିୟାନୁଷ୍ଠାନ କମିଟି ଜିଲା ପ୍ରଶାସନକୁ ଅନୁମତି ମାଗି ୮ ଲକ୍ଷ ଟଙ୍କା ବ୍ୟୟରେ ପ୍ରତିମୂର୍ତ୍ତି ନିର୍ମାଣ କାର୍ଯ୍ୟ ଶେଷ କରିଛନ୍ତି।

୨ ପୋଲିସ ଅଧିକାରୀଙ୍କ ପତ୍ନୀଙ୍କ ସୁନାଚେନ ଲୁଟ୍‌

ଭଦ୍ରକ ଅଫିସ,୧୧।୧୧-ଭଦ୍ରକ କାଳୀପୂଜାରେ ଲୁଟେରାଙ୍କ ଉତ୍ପାତ ବଢ଼ିବାରେ ଲାଗିଛି। ଅତ୍ୟଧିକ ଭିଡ଼ର ସୁଯୋଗ ନେଇ ଲୁଟେରାମାନେ ଶନିବାର ରାତି ପ୍ରାୟ ୯ଟା ବେଳେ ଦୁଇ ପୋଲିସ ଅଧିକାରୀଙ୍କ ପତ୍ନୀଙ୍କ ବେକରୁ ସୁନା ଅଳଙ୍କାର ଲୁଟି ନେଇଛନ୍ତି।

ମେଳା ପରିସର, ରାସ୍ତା ଲୋକାରଣ୍ୟ:  ଟ୍ରାଫିକ ଜାମ୍‌, ପୋଲିସ ନାକେଦମ୍‌

ମେଳା ପରିସର, ରାସ୍ତା ଲୋକାରଣ୍ୟ: ଟ୍ରାଫିକ ଜାମ୍‌, ପୋଲିସ ନାକେଦମ୍‌

ଭଦ୍ରକ ଅଫିସ,୧୧।୧୧-ଐତିହାସିକ ଭଦ୍ରକ କାଳୀପୂଜାର ଶନିବାର ଥିଲା ୫ମ ଦିନ। ଚରମ୍ପା ଷ୍ଟେଶନ ରୋଡ, ଡାହାଣୀ ଗଡିଆ ଛକଠାରୁ ଆର୍‌ଟିଓ କାର୍ଯ୍ୟାଳୟ ପର୍ଯ୍ୟନ୍ତ ସମଗ୍ର ଅଞ୍ଚଳ ଲୋକାରଣ୍ୟ ହୋଇପଡ଼ିଥିଲା। ଓଏସଆରଟିସି ପୁରୁଣା ବସଷ୍ଟାଣ୍ଡ, ପଥର କାଳୀପଡିଆ,ଚରମ୍ପା ପେଟ୍ରୋଲ ପମ୍ପ ନିକଟସ୍ଥ ପଡିଆରେ ଦିନରୁ ମିନାବଜାର ନିକଟରେ ନାହିଁ ନ ଥିବା ଭିଡ ହୋଇଥିଲା। 

 ବିଧବା ମହିଳା ସୁରକ୍ଷା ଥଇଥାନ କେନ୍ଦ୍ର ଉଦଘାଟିତ

ବିଧବା ମହିଳା ସୁରକ୍ଷା ଥଇଥାନ କେନ୍ଦ୍ର ଉଦଘାଟିତ

ବାରିପଦା ଅଫିସ,୧୧।୧୧- ମୟୂରଭଞ୍ଜ ଜିଲାରେ ପ୍ରଥମ ଥର ପାଇଁ ପରିବାର ପରାମର୍ଶ କେନ୍ଦ୍ର ସମେତ ବିଧବା ମହିଳା ସୁରକ୍ଷା ଓ ଥଇଥାନ ପ୍ରକୋଷ୍ଠ ଉଦ୍‌ଘାଟିତ ହୋଇଯାଇଛି। ଜିଲା ସମାଜ କଲ୍ୟାଣ କାର୍ଯ୍ୟାଳୟଠାରେ ଜିଲାପାଳ ବିନିତ ଭରଦ୍ୱାଜ ଏହି ପ୍ରକୋଷ୍ଠ ଉଦଘାଟନ କରିଛନ୍ତି।

ଗାନ୍ଧୀ ଶାନ୍ତି ସଦଭାବନା ଜ୍ୟୋତିଯାତ୍ରା

ଗାନ୍ଧୀ ଶାନ୍ତି ସଦଭାବନା ଜ୍ୟୋତିଯାତ୍ରା

ବାରିପଦା ଅଫିସ,୧୧।୧୧- ମହାତ୍ମା ଗାନ୍ଧୀଙ୍କ ଜୟନ୍ତୀ ପାଳନ ଅବସରରେ ରାଜ୍ୟ ସରକାରଙ୍କ ସହଯୋଗରେ ଓଡ଼ିଶା ଗାନ୍ଧୀବାଦୀ ଫୋରମ ତତ୍ତ୍ୱାବଧାନରେ ଗାନ୍ଧୀଶାନ୍ତି ସଦଭାବନା ଜୟନ୍ତୀ ଯାତ୍ରା ମୟୂରଭଞ୍ଜ ଜିଲାରେ ଅନୁଷ୍ଠିତ ହୋଇଯାଇଛି।

ଯୁଗ୍ମ ଜଙ୍ଗଲ ପରିଚାଳନା  ଉପରେ ଗୁରୁତ୍ୱ

ଯୁଗ୍ମ ଜଙ୍ଗଲ ପରିଚାଳନା ଉପରେ ଗୁରୁତ୍ୱ

ଠାକୁରମୁଣ୍ଡା,୧୧ା୧୧(ପି.ଏନ.ଏସ)-  ଓଡିଶା ବନାଞ୍ଚଳ ଉନ୍ନୟନ ପ୍ରକଳ୍ପ (ଭାଗ-୨) ନିର୍ଦ୍ଦେଶକ ଲଳିତ କୁମାର ତିଓ୍ବାରୀ  ଶନିବାର କରଞ୍ଜିଆ ବନଖଣ୍ଡ ଅଞ୍ଚଳ ପରିଦର୍ଶନ କରିଛନ୍ତି । ସେ ଦୁଧିଆଣୀ ବନାଞ୍ଚଳ କାଠକରଞ୍ଜିଆ ଗ୍ରାମରେ ପହଞ୍ଚତ୍ବା ପରେ  କରଞ୍ଜିଆ ବନଖଣ୍ଡ ଅଧିକାର ପ୍ରସନ୍ନ କୁମାର ବେହେରାଙ୍କ ସଭାପତିତ୍ୱରେ ଏକ ବୈଠକ ଆୟୋଜିତ ହୋଇଥିଲା।

ସର୍ବଭାରତୀୟ ମଳୟ ମୁର୍ମୁ ଦିବାରାତ୍ର ଟି-୨୦ ଦ୍ୱିତୀୟ ଦିବସ :  ମର୍ନିଂଷ୍ଟାର, କଳିଙ୍ଗ କ୍ଲବ ବିଜୟୀ

ସର୍ବଭାରତୀୟ ମଳୟ ମୁର୍ମୁ ଦିବାରାତ୍ର ଟି-୨୦ ଦ୍ୱିତୀୟ ଦିବସ : ମର୍ନିଂଷ୍ଟାର, କଳିଙ୍ଗ କ୍ଲବ ବିଜୟୀ

ବାଲେଶ୍ୱର ଅଫିସ,୧୧।୧୧-ବାଲେଶ୍ୱର ପରମିଟ୍‌ ପଡ଼ିଆରେ କ୍ଲବ ‘ୟୁ ଆଣ୍ଡ ମି’ ପକ୍ଷରୁ ଆୟୋଜିତ ସର୍ବଭାରତୀୟ ଦିବାରାତ୍ର ଟି-୨୦ କ୍ରିକେଟ ଟୁର୍ନାମେଣ୍ଟ ଶନିବାର ଦ୍ୱିତୀୟ ଦିବସରେ ୨ଟି ପର୍ଯ୍ୟାୟରେ ଦୁଇଟି ମ୍ୟାଚ ଅନୁଷ୍ଠିତ ହୋଇଥିଲା।

ପ୍ରତିଭା ଦେଖାଇଲେ ଛାତ୍ରୀଛାତ୍ର

ପ୍ରତିଭା ଦେଖାଇଲେ ଛାତ୍ରୀଛାତ୍ର

ଖଇରା, ୧୧।୧୧(ଡି.ଏନ.ଏ.)-ଖଇରା ପ୍ରତିଭା ପରିବାର ତରଫରୁ ଜୋନସ୍ତରୀୟ ପ୍ରତିଯୋଗିତା ଡୁଙ୍ଗୁରା ଦର୍ଶନ ପ୍ରସାଦ ନୋଡାଲ ସରକାରୀ ଉଚ୍ଚ ବିଦ୍ୟାପୀଠରେ ଅନୁଷ୍ଠିତ ହୋଇଯାଇଛି। ଏହି ପ୍ରତିଯୋଗିତାକୁ ସ୍ଥାନୀୟ ବିଦ୍ୟାଳୟର ମୁଖ୍ୟ ନିର୍ମଳ କୁମାର ପଣ୍ଡା ଉଦଘାଟନ କରିଥିଲେ। 

ବାଡ଼ଘେରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୮ ଆହତ

ବାଡ଼ଘେରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୮ ଆହତ

ସିମୁଳିଆ, ୧୧।୧୧(ଡି.ଏନ.ଏ.)-ବାଡ଼ ଘେରାକୁ କେନ୍ଦ୍ର କରି ବାଲେଶ୍ୱର ଜିଲା ସିମୁଳିଆ ବ୍ଲକ ସିମୁଳିଆ ଥାନା କୁପୁରା ଅଞ୍ଚଳର ଦୁଇ ସଂଖ୍ୟାଲଘୁ ସମ୍ପ୍ରଦାୟ ମଧ୍ୟରେ ସଂଘର୍ଷ ଲାଗି ୮ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୪ଜଣଙ୍କ ଅବସ୍ଥା ଗୁରୁତର ରହିଛି।

ସରିଲା ଜିଲା ଯୁବ ଉତ୍ସବ:  ରାଜ୍ୟ ସ୍ତରକୁ ଗଲେ କୃତି ପ୍ରତିଯୋଗୀ

ସରିଲା ଜିଲା ଯୁବ ଉତ୍ସବ: ରାଜ୍ୟ ସ୍ତରକୁ ଗଲେ କୃତି ପ୍ରତିଯୋଗୀ

ବାଲେଶ୍ୱର ଅଫିସ, ୧୧।୧୧-ବାଲେଶ୍ୱରସ୍ଥିତ ପବ୍ଲିକ ହାଇସ୍କୁଲରେ ୨୪ତମ ଜିଲା ଯୁବ ଉତ୍ସବ-୨୦୧୮ ଶନିବାର ଉଦ୍‌ଯାପିତ ହୋଇଯାଇଛି। ରାଜ୍ୟ କ୍ରୀଡ଼ା ଓ ଯୁବ ସେବା ବିଭାଗ ଏବଂ ବାଲେଶ୍ୱର ଜିଲା ପ୍ରଶାସନ ଆନୁକୂଲ୍ୟରେ ଅନୁଷ୍ଠିତ ଉତ୍ସବରେ ଜିଲାର ସମସ୍ତ ବ୍ଲକର ଯୁବତୀଯୁବକମାନେ ଅଂଶଗ୍ରହଣ କରିଥିଲେ। ଜିଲା କ୍ରୀଡ଼ା ଅଧିକାରୀ ପୂର୍ଣ୍ଣଚନ୍ଦ୍ର ଜେନା ପୌରୋହିତ୍ୟ କରିଥିଲେ। 

ନିଶାମୁକ୍ତ ଓଡ଼ିଶା ଗଠନ ଲାଗି ଆହ୍ବାନ

ନିଶାମୁକ୍ତ ଓଡ଼ିଶା ଗଠନ ଲାଗି ଆହ୍ବାନ

ବାଲେଶ୍ୱର ଅଫିସ, ୧୦।୧୧-ମିଳିତ ଓଡ଼ିଶା ନିଶା ନିବାରଣ ଅଭିଯାନ (ମୋନା) ବାଲେଶ୍ୱର ଜିଲା କମିଟି ବୈଠକ ନେଳିଆବାଗସ୍ଥିତ କାର୍ଯ୍ୟାଳୟରେ ଶୁକ୍ରବାର ସଙ୍ଗଠନ ସଭାପତି ଆଇନଜୀବୀ ପ୍ରଭାକର ସାହୁୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।

ଅନ୍ତର୍ଜାତୀୟସ୍ତରରେ ଦୃଷ୍ଟିହୀନ ଛାତ୍ରୀଛାତ୍ରଙ୍କ କମାଲ

ଅନ୍ତର୍ଜାତୀୟସ୍ତରରେ ଦୃଷ୍ଟିହୀନ ଛାତ୍ରୀଛାତ୍ରଙ୍କ କମାଲ

ବାଲେଶ୍ୱର ଅଫିସ, ୧୦।୧୧-ବାଲେଶ୍ୱର ରାଣୀପାଟଣାସ୍ଥିତ ଦୃଷ୍ଟିହୀନ ବିଦ୍ୟାଳୟର ଛାତ୍ରୀଛାତ୍ରମାନେ ଦିଲ୍ଲୀ  ଲଦି ଇଷ୍ଟେଟ୍‌ସ୍ଥିତ ଇଣ୍ଡିଆ ଇଣ୍ଟରନ୍ୟାଶନାଲ ସେଣ୍ଟରରେ ଗତ ୪ ତାରିଖରେ ନୃତ୍ୟ ଓ ସଙ୍ଗୀତ ପରିବେଷଣ କରି ଦର୍ଶକଙ୍କୁ ମନ୍ତ୍ରମୁଗ୍ଧ କରିଛନ୍ତି। 

ନୀଳଗିରିମୁହାଁ ୧୦୮ରୁ ଊର୍ଦ୍ଧ୍ୱ ଝାଡଖଣ୍ଡ ହାତୀ

ନୀଳଗିରିମୁହାଁ ୧୦୮ରୁ ଊର୍ଦ୍ଧ୍ୱ ଝାଡଖଣ୍ଡ ହାତୀ

ସଜନାଗଡ଼, ୧୦।୧୧(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ଅଞ୍ଚଳକୁ ୧୦୮ରୁ ଊର୍ଦ୍ଧ୍ୱ ଝାଡ଼ଖଣ୍ଡ ହାତୀ ମାଡ଼ିଆସୁଥିବା ସୂଚନା ମିଳିଛି।

ରାସ୍ତା ସଂଯୋଗ ଯୋଜନା ମନ୍ଥର: ଅବହେଳିତ ଅଞ୍ଚଳରେ ବିକାଶ ଅଧୁରା

ରାସ୍ତା ସଂଯୋଗ ଯୋଜନା ମନ୍ଥର: ଅବହେଳିତ ଅଞ୍ଚଳରେ ବିକାଶ ଅଧୁରା

କେନ୍ଦୁଝର,୧୦ା୧୧(ସ୍ବ.ପ୍ର.) : କେନ୍ଦୁଝର ଜିଲାର ପଛୁଆ ଓ ଅବହେଳିତ ବାଂଶପାଳ ବ୍ଲକ ଅଞ୍ଚଳର ବିକାଶ ପାଇଁ ବହୁ ଯୋଜନା କାର୍ଯ୍ୟକାରୀ ହେବା ସହ ବହୁ ଅର୍ଥ ଖର୍ଚ୍ଚ ହେଉଥିଲେ ହେଁ ଏହି ବ୍ଲକ ଅଞ୍ଚଳର ଭିତ୍ତିଭୂମି ବିପର୍ଯ୍ୟସ୍ତ ହୋଇ ରହିଛି ା

ହାତୀ ଆକ୍ରମଣରେ ବୃଦ୍ଧ ମୃତ

ହାତୀ ଆକ୍ରମଣରେ ବୃଦ୍ଧ ମୃତ

 ମୋରଡା, ୧୦।୧୧-ମୋରଡା ବ୍ଲକ  ପାରିଆକୁଲି ଗ୍ରାମର ଜଣେ ବୃଦ୍ଧ ଶନିବାର ସକାଳୁ  ନିଜ ଚାଷ ଜମିକୁ ଯାଇଥିବା ବେଳେ  ହାତୀ ଆକ୍ରମଣର ଶିକାର ହୋଇଛନ୍ତି। ଗୁରୁତର ଅବସ୍ଥାରେ ତାଙ୍କୁ ବାରିପଦା ପିଆରଏମ ମେଡିକାଲ କଲେଜରେ ଭର୍ତ୍ତି କରାଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।  ମୃତକ ହେଲେ  ପାରିଆକୁଲି ଗ୍ରାମର  ନାରାୟଣ ଟୁଡୁ(୭୦) ।

ଅଜଣା ଗାଡ଼ି ଧକ୍କାରେ ଯୁବକ ମୃତ

ଅଜଣା ଗାଡ଼ି ଧକ୍କାରେ ଯୁବକ ମୃତ

ରୂପ୍‌ସା, ୧୦।୧୧(ଡି.ଏନ.ଏ.)-ବାଲେଶ୍ୱର ୬୦ନଂ. ଜାତୀୟ ରାଜପଥର ସଦର ବ୍ଳକ ଅନ୍ତର୍ଗତ ନିଧିପଣ୍ଡାଠାରେ ଏକ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କର ମୃତ୍ୟୁ ଘଟିଛି। ମୃତ ଯୁବକଙ୍କ ପରିଚୟ ଜଣାପଡ଼ିନାହଁ। ତାଙ୍କର ବୟସ ୪୨ବର୍ଷ ହେବ ବୋଲି ପୋଲିସ କହିଛି। ଜଳେଶ୍ୱରରୁ ବାଲେଶ୍ୱର ଅଭିମୁଖେ ଯାଉଥିବା ଏକ ଭ୍ୟାନ୍‌ ଶୁକ୍ରବାର ରାତିରେ ତାଙ୍କୁ ଧକ୍କା ଦେଇ ପଳାଇଥିଲା।