ବାଲେଶ୍ୱର

ମନ୍ତ୍ରୀଙ୍କ ଇସ୍ତଫା ଦାବିକଲା ଜିଲା କଂଗ୍ରେସ

କେନ୍ଦୁଝର,୨୧।୯(ସ୍ବ.ପ୍ର.): କେନ୍ଦୁଝର ଜିଲାରେ ଆଇନଶୃଙ୍ଖଳା ପରିସ୍ଥିତି ଗୁରୁତର ହୋଇ ପଡୁଥିବାରୁ ଜିଲା କଂଗ୍ରେସ ପକ୍ଷରୁ ଉଦ୍‌ବେଗ ପ୍ରକାଶ ପାଇଛି  । 

କାନ୍ଥ ପଡ଼ି ମହିଳା ଗୁରୁତର

କାନ୍ଥ ପଡ଼ି ମହିଳା ଗୁରୁତର

ବଡ଼ସାହି, ୨୧।୯(ସ୍ବ.ପ୍ର.): ଲଘୁଚାପ ଜନିତ ଲଗାଣ ବର୍ଷା ଫଳରେ ମୟୂରଭଞ୍ଜ ଜିଲା ବଡ଼ସାହି ବ୍ଲକ ମାନଗୋବିନ୍ଦପୁର ପଞ୍ଚାୟତ ଜଡିଦା  ଗ୍ରାମରେ ଗୁରୁବାର ରାତିରେ କାନ୍ଥ ପଡ଼ି ଜଣେ ମହିଳା ଗୁରୁତର ଆହତ ହୋଇଛନ୍ତି। 

ବିଦ୍ୟୁତ୍‌ ଆଘାତରେ ଯୁବକ ମୃତ

ବିଦ୍ୟୁତ୍‌ ଆଘାତରେ ଯୁବକ ମୃତ

ବଡ଼ସାହି, ୨୧।୯(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି ବ୍ଲକ ମାନଗୋବିନ୍ଦପୁର ପଞ୍ଚାୟତ ମିରିଗିଦାରୀ ଗ୍ରାମରେ ବିଦ୍ୟୁତ୍‌ ଆଘାତରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ବନ ମହାନ୍ତଙ୍କ ପୁଅ ଦୁଶାସନ(୩୦)। 

ବିଦ୍ୟୁତ ବିଭ୍ରାଟ ପ୍ରତିବାଦରେ ରାସ୍ତାରୋକୋ

ବିଦ୍ୟୁତ ବିଭ୍ରାଟ ପ୍ରତିବାଦରେ ରାସ୍ତାରୋକୋ

କପ୍ତିପଦା,୨୧।୯(ଡି.ଏନ୍‌.ଏ.): ମୟୂରଭଞ୍ଜ ଜିଲା କପ୍ତିପଦା ବ୍ଲକ ଅଧୀନ ପୋଡ଼ାଗଡ଼ି ଗ୍ରାମରେ ଗତ ୨୯ ତାରିଖଠାରୁ ବିଦ୍ୟୁତ ସେବା ବ୍ୟାହତ ହୋଇଛି। ଏ ନେଇ ବାରମ୍ବାର ବିଦ୍ୟୁତ ବିଭାଗର ଦୃଷ୍ଟି ଆକର୍ଷଣ କରାଯାଇଥିଲେ ସୁଦ୍ଧା କୌଣସି ସୁଫଳ ମିଳିପାରିନାହିଁ। 

ବର୍ଷା ବିତ୍ପାତ: ବିପଦ ସଙ୍କୁଳ ଅବସ୍ଥାରେ ନୀଳଗିରିର ୭ ପଞ୍ଚାୟତ, ଅଯୋଧ୍ୟାର ୨ ଗ୍ରାମ ଜଳବନ୍ଦୀ

ବର୍ଷା ବିତ୍ପାତ: ବିପଦ ସଙ୍କୁଳ ଅବସ୍ଥାରେ ନୀଳଗିରିର ୭ ପଞ୍ଚାୟତ, ଅଯୋଧ୍ୟାର ୨ ଗ୍ରାମ ଜଳବନ୍ଦୀ

ସଜନାଗଡ଼,୨୧।୦୯(ଡି.ଏନ୍‌.ଏ.): ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଓ ଏହାର ଆଖପାଖ ଅଞ୍ଚଳରେ ସୃଷ୍ଟି ହୋଇଥିବା ଲଘୁଚାପ ବାତ୍ୟା ‘ଡାଏ’ରେ ପରିଣତ ହୋଇଛି। ଏହାର ପ୍ରଭାବରେ ଓଡ଼ିଶାର ବିଭିନ୍ନ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ସହିତ ପବନ ହେଉଛି। ବାଲେଶ୍ୱର ଜିଲାର ନୀଳଗିରି ବ୍ଲକ ଅନ୍ତର୍ଗତ ୭ଟି ପଞ୍ଚାୟତ  ତେନ୍ତୁଳିଆ, ନରସିଂହପୁର, କାଁସ, ରାଧାକିଶୋରପୁର, ମଛୁଆ, ବେଗୁନିଆ, ଅଯୋଧ୍ୟା ଆଦି ପଞ୍ଚାୟତ ବିପଦ ସଙ୍କୁଳ ଅବସ୍ଥାରେ ରହିଛି। 

ପୋଲିସ ଅଧିକାରୀଙ୍କ ନାଁରେ ବିଦ୍ୟୁତ୍‌ ଚୋରି ଅଭିଯୋଗ

ବାରିପଦା ଅଫିସ,୨୧।୯--ମୟୂରଭଞ୍ଜ ଜିଲା ବାରିପଦା ସହରରେ ଜଣେ ଇନ୍ସପେକ୍ଟର ପାହ୍ୟାର ଅଧିକାରୀ ନିଜ ସରକାରୀ ବାସଭବନରେ ବିଦ୍ୟୁତ୍‌ ସଂଯୋଗ ନ ନେଇ ହୁକ ପକାଇଥିବା  ଘଟଣା ନଜରକୁ ଆସିଛି। 

ଦିବ୍ୟାଙ୍ଗ ଶିଶୁଙ୍କୁ ନେଇ ଚିନ୍ତାରେ ଦମ୍ପତି

ଦିବ୍ୟାଙ୍ଗ ଶିଶୁଙ୍କୁ ନେଇ ଚିନ୍ତାରେ ଦମ୍ପତି

ରାଇସୁଆଁ, ୨୧।୯(ଡି.ଏନ.ଏ.): ଦିବ୍ୟାଙ୍ଗ ଶିଶୁ ଏବଂ ପ୍ରସୂତି ମହିଳାଙ୍କ ଚିକିତ୍ସା ମାଗଣା ଚିକିତ୍ସା ବ୍ୟବସ୍ଥା ଥିବାବେଳେ ପ୍ରଶାସନିକ ଉଦାସୀନତାରୁ ତାହା ଫଳପଦ ହୋଇପାରୁନି।  ବହୁ ଦିବ୍ୟାଙ୍ଗ ଶିଶୁ ସରକାରଙ୍କ ସହାୟତାରୁ ବଞ୍ଚିତ ହେଉଛନ୍ତି। ଏହିପରି ଘଟଣା କେନ୍ଦୁଝର ଜିଲା ସଦର ବ୍ଲକ ବରଦାପାଳ ପଞ୍ଚାୟତ ରୁଗୁଡି ସାହିର ଦରବ ମୁଣ୍ଡା ଏବଂ ସାଇବାଣୀ ମୁଣ୍ଡାଙ୍କ ୧ ବର୍ଷର ଶିଶୁଙ୍କ କ୍ଷେତ୍ରରେ ଦେଖିବାକୁ ମିଳିଛି। ସଚେତନତା ଏବଂ ଶିକ୍ଷାର ଅଭାବ ଯୋଗୁଁ ଦମ୍ପତି ଅଳ୍ପ ବୟସରୁ ବିବାହ କରିଥିଲେ। ଦମ୍ପତିଙ୍କ ଏକ ଦିବ୍ୟାଙ୍ଗ ସନ୍ତାନ ରହିଛି। ସେ ଦୃଷ୍ଟି ଶକ୍ତି ହରାଇ ବସିଛନ୍ତି। 

ଅର୍ଜୁନ ଗଛ ବନୀକରଣରେ ଅନିୟମିତତା

ଅର୍ଜୁନ ଗଛ ବନୀକରଣରେ ଅନିୟମିତତା

ଝୁମ୍ପୁରା, ୨୧।୯(ଡି.ଏନ.ଏ.): ଚାଷୀ ଓ ଚାଷର ଉନ୍ନତି ପାଇଁ ସରକାରାଙ୍କ ବହୁ ଯୋଜନା ରହିଛି। ରବି, ଖରିଫ ଫସଲ ପାଇଁ ବିଭିନ୍ନ ଯୋଜନାରେ ଚାଷୀଙ୍କୁ ଅନୁଦାନ ସହ ପ୍ରୋତ୍ସାହନ ଯୋଗାଇ ଦିଆଯାଉଛି। ଦୀର୍ଘ ମିଆଦୀ ସୂତ୍ରରେ ଚାଷୀଙ୍କୁ ସ୍ବାବଲମ୍ବୀ କରିବା ପାଇଁ ଆମ୍ବ, ଅମୃତ ଭଣ୍ଡା, ବିଭିନ୍ନ ଉଦ୍ୟାନ ଭିତିକ ବନୀକରରଣ କରାଯାଉଛି। ଶାଗୁଆନ, ଟସର ଚାଷ ପାଇଁ ଅର୍ଜୁନ, ଅସନ ଗଛର ବନୀକରଣ କରାଯାଉଛି। ଏହି ବନୀକରଣରେ ଦୁର୍ନୀତି ହେଉଥିବା ଅଭିଯୋଗ ଜିଲା ପ୍ରଶାସନ ନିକଟରେ ହୋଇଛି। ମାତ୍ର ତଦନ୍ତ କରାଯାଉନି। ବିଭାଗୀୟ ଅଧିକାରୀମାନଙ୍କୁ ତାଗିଦ କରାଯାଉ ନ ଥିବାରୁ ଅସନ୍ତୋଷ ପ୍ରକାଶ ପାଉଛି। ଉଦ୍ୟାନ, ବନ, ସେରିକଲଚର ବିଭାଗ ଗୁଡିକ ଦ୍ୱାରା ଦୀର୍ଘ ମିଆଦି ବନୀକରଣ କାର୍ଯ୍ୟ ଚାଲିଛି। ଟସର ଚାଷୀଙ୍କୁ ସ୍ବାବଲମ୍ବୀ କରାଇବାକୁ ସରକାରୀ ଯୋଜନାରେ ସେରିକଲଚର ବିଭାଗ ଦ୍ୱାରା ଝୁମ୍ପୁରା ବ୍ଲକ ବଡନେଉଳି ପଞ୍ଚାୟତର ପାଣପଶି ଓ ସାନନେଉଳି ଗ୍ରାମରେ ଅର୍ଜୁନ ଗଛର ବନୀକରଣ କରାଯାଇଛି।

ଭିନ୍ନକ୍ଷମତା ବିରୋଧରେ ସଂଘର୍ଷ

ଭିନ୍ନକ୍ଷମତା ବିରୋଧରେ ସଂଘର୍ଷ

ପଦ୍ମପୁର,୨୧।୯(ଡି.ଏନ.ଏ.)-ପିଲାଦିନୁ ପୋଲିଓ ରୋଗରେ ଆକ୍ରାନ୍ତ ହୋଇ ଭିନ୍ନକ୍ଷମତା ସହ ସେ ଲଢ଼େଇ କରିଆସିଛନ୍ତି। ଦୁଇଗୋଡ଼ରେ ଠିଆ ହୋଇ ଭଲ ଭାବେ ଚାଲି ପାରନ୍ତି ନାହିଁ। ତାଙ୍କୁ ୮ ବର୍ଷ ବୟସ ହୋଇଥିବା ବେଳେ ସେ ଶିକ୍ଷାନୁଷ୍ଠାନକୁ ଯାଇ ନିୟମିତ ପାଠପଢା ଆରମ୍ଭ କରିଥିଲେ। ଚେଷ୍ଟା ଓ ପରିଶ୍ରମ ଦ୍ୱାରା ସବୁ କାମ ସମ୍ଭବ। ଏହା ସେ ପ୍ରମାଣ କରି ଦେଖାଇଥିଲେ। ବାଲେଶ୍ୱର  ଫକୀର ମୋହନ ବିଶ୍ୱବିଦ୍ୟାଳୟରୁ  ଗଣିତରେ ସ୍ନାତକୋତ୍ତୋର ଶିକ୍ଷା ହାସଲ କରି ୨୦୧୧ରେ ନିଜ ଗଁାଠାରୁ ୧୬ କି.ମି. ଦୂର ଏକ ପ୍ରାଥମିକ ବିଦ୍ୟାଳୟରେ ଚାକିରି ଜୀବନ ଆରମ୍ଭ କରିଥିଲେ। ଭିନ୍ନକ୍ଷମତା ସତ୍ତ୍ୱେ ରୋଜଗାରକ୍ଷମ ହୋଇ ପାରିଥିବାରୁ ତାଙ୍କ ଜୀବନରେ ଆସିଥିଲା ପରିବର୍ତ୍ତନ। ବିବାହ କରି କନ୍ୟା ଓ ପୁତ୍ର ସନ୍ତାନର ଜନକ ହୋଇଥିଲେ। 

‘ଲାଉତୁମ୍ବା ବାଜା ମୋ ଜୀବନ ଜୀବିକା’

‘ଲାଉତୁମ୍ବା ବାଜା ମୋ ଜୀବନ ଜୀବିକା’

ଧାମନଗର,୨୧।୯(ଡି.ଏନ.ଏ.)-ଲାଉତୁମ୍ବା ବାଦ୍ୟ ବଜାଇ ଆଗରୁ କେଳାମାନେ ଗାଁ ଗାଁ ବୁଲି ସାପ ଖେଳାଉଥିଲେ। ଏବେ  କାଁ ଭଁା  ଏହା ଦେଖିବାକୁ ମିଳୁଛି। ଲାଉତୁମ୍ବା ବାଦ୍ୟ ଶୁଣିଲେ ନାଗ ଜାତୀୟ ସାପମାନେ ଫଣା ଟେକି ଚେଙ୍ଗା ହୋଇ ଉଠନ୍ତି। କେଳାମାନେ ଅଭିନବ କୌଶଳରେ ବିଭିନ୍ନ ବେଶ ଭୂଷା ହୋଇ ଲାଉତୁମ୍ବା ବାଦ୍ୟ ସହ ସାପ ଖେଳ ଦେଖାଇ ଲୋକଙ୍କ ମନୋରଞ୍ଜନ କରିଥାନ୍ତି। ସାପ ଖେଳ ଉପରେ ସରକାର କଟକଣା ଜାରି କରିବା ପରେ ଆଉ ଆଗଭଳି ଏହା ଦେଖିବାକୁ ମିଳୁ ନାହିଁ। ଲାଉତୁମ୍ବା ବାଦ୍ୟ ବଜାଇ ଭିକ୍ଷା ବୃତ୍ତି କରୁଥିବା ଗ୍ରାମୀଣ କଳାକାରମାନେ ମଧ୍ୟ ଏହି ବୃତ୍ତିରୁ  ଦୂରେଇ ଗଲେଣି। 

ବଦଳୁନି ଜିରିଣା-ଆଡ଼ିଆ ରାସ୍ତା ଭାଗ୍ୟ

ବଦଳୁନି ଜିରିଣା-ଆଡ଼ିଆ ରାସ୍ତା ଭାଗ୍ୟ

ବନ୍ତ,୨୧।୯(ସ୍ବ.ପ୍ର.): ଭଦ୍ରକ ଜିଲା ବନ୍ତ ବ୍ଲକ ଆଡ଼ିଆ ପଞ୍ଚାୟତର ଜିରିଣା-ଆଡ଼ିଆ ରାସ୍ତା ଅବସ୍ଥା ଅତ୍ୟନ୍ତ ଶୋଚନୀୟ ହୋଇପଡ଼ିଛି। ଅନେକ ସମୟରେ ଏହି ୨ କି.ମି. ରାସ୍ତା କାଦୁଅ ପଚପଚ ହୋଇ ରହୁଛି। କୌଣସି କାମରେ ଯିବା ପାଇଁ ୨ କି.ମି. ବଦଳରେ ୯ କି.ମି. ବୁଲି ଯିବାକୁ ପଡ଼େ। ବର୍ଷାଦିନେ ପଞ୍ଚାୟତ ସଦର ମହକୁମାକୁ ଯାତାୟାତରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ। ଖାଉଟି ସାମଗ୍ରୀ ପାଇଁ ହେଉ କିମ୍ବା ଭତ୍ତା ଆଣିବା ଲାଗି ହିତାଧିକାରୀମାନେ ଯିବା ପାଇଁ ହଇରାଣ ହେଉଛନ୍ତି। ଏ ସମ୍ପର୍କରେ ପ୍ରଶାସନ ନିକଟରେ ବାରମ୍ବାର ଅଭିଯୋଗ କରାଗଲେ ମଧ୍ୟ କୌଣସି ସୁଫଳ ମିଳୁ ନାହିଁ। ଏହି ରାସ୍ତାର ଭାଗ୍ୟ ବଦଳୁ ନାହିଁ। 

ସାମର୍ଥ୍ୟ ଶିବିରରେ ଅବ୍ୟବସ୍ଥା: ବର୍ଷାରେ ଭିଜି ନିରାଶ ହୋଇ ଫେରିଲେ

ସାମର୍ଥ୍ୟ ଶିବିରରେ ଅବ୍ୟବସ୍ଥା: ବର୍ଷାରେ ଭିଜି ନିରାଶ ହୋଇ ଫେରିଲେ

ବନ୍ତ,୨୧ା୯(ଡି.ଏନ୍‌.ଏ.)- ଭଦ୍ରକ ଜିଲା ବନ୍ତ ବ୍ଳକ ନିଳୋକସ୍ଥିତ ଆଦର୍ଶ ବିଦ୍ୟାଳୟଠାରେ ଗୁରୁବାର ବିଭିନ୍ନ ଅବ୍ୟବସ୍ଥା ମଧ୍ୟରେ ଭୀମଭୋଇ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି।  ଲଗାଣ ବର୍ଷା ଶିବିର ଆୟୋଜନରେ ଅନ୍ତରାୟ ସୃଷ୍ଟି କରିଥିଲା।  ଶିବିର ପରିଚାଳନା କାର୍ଯ୍ୟ ଠିକ୍‌ ଭାବେ ନ ହେବାରୁ ଦୂର ଦୁରାନ୍ତରୁ ଆସିଥିବା ଅନେକ  ଭିନ୍ନକ୍ଷମ ହଇରାଣ ହୋଇଥିଲେ।  ଏପରି କି କେତେକ ଭିନ୍ନକ୍ଷମଙ୍କୁ ପ୍ରମାଣ ଧରି ଆସ ବୋଲି କୁହାଯିବାରୁ ସେମାନେ ନିରାଶ ହୋଇ ଫେରିଥିବା ଅଭିଯୋଗ କରିଛନ୍ତି।  

କଲେଜ ଶ୍ରେଣୀଗୃହ କାନ୍ଥରୁ ୧୮ ନାଗ ଛୁଆ ଉଦ୍ଧାର

କଲେଜ ଶ୍ରେଣୀଗୃହ କାନ୍ଥରୁ ୧୮ ନାଗ ଛୁଆ ଉଦ୍ଧାର

ଧାମନଗର,୨୧।୯(ଡି.ଏନ.ଏ.)-ଭଦ୍ରକ ଜିଲା ଧାମନଗର ବ୍ଲକ ଶହୀଦନଗରସ୍ଥିତ ଶହୀଦ ସ୍ମୃତି ଜୁନିୟର ମହାବିଦ୍ୟାଳୟରେ ଏକ ପୁରୁଣା ଢଳେଇ କାନ୍ଥରୁ ୧୮ ନାଗ ଛୁଆ ଉଦ୍ଧାର କରାଯାଇଛି। ବୁଧବାର କଲେଜରେ ପାଠପଢ଼ା ସମୟରେ ଏକ ଶ୍ରେଣୀଗୃହର କାନ୍ଥରୁ ଖଣ୍ଡେ ପ୍ଲାଷ୍ଟର ଖସି ପଡ଼ିଥିଲା। ପରେ ଖସ୍‌ ଖସ୍‌ ଶବ୍ଦ ହେବାରୁ ଛାତ୍ରୀଛାତ୍ର କାନ୍ଥ ଫାଟରେ ସାପ ରହିଥିବା ଦେଖି ଭଦ୍ରକ ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ। ସ୍ନେକ ହେଲ୍ପ ଲାଇନର ସେକ୍‌ ମିର୍ଜା ତାଙ୍କ ଟିମ୍‌ ସହ ସେଠାରେ ସନ୍ଧ୍ୟାରେ ପହଞ୍ଚିଥିଲେ। ଉକ୍ତ କାନ୍ଥକୁ ଖୋଳି ୧୮ଟି ନାଗ ଛୁଆଙ୍କୁ ଉଦ୍ଧାର କରିଥିବା ବେଳେ କେତୋଟି ସାପ ଖସି ପଳାଇଥିବା ସେ ସୂଚନା ଦେଇଛନ୍ତି। ସେହି କାନ୍ଥରେ ଆହୁରି ସାପ ଛୁଆ ଥିବା ସେ କହିଛନ୍ତି। ବୁଧବାର ରାତିରେ ସେ ୧୮ ନାଗ ଛୁଆଙ୍କୁ ଧରି ବନବିଭାଗକୁ ହସ୍ତାନ୍ତର କରିଥିଲେ। 

ସ୍ବଚ୍ଛତାର ଉପାଦେୟତାକୁ ଗୁରୁତ୍ୱ

ସ୍ବଚ୍ଛତାର ଉପାଦେୟତାକୁ ଗୁରୁତ୍ୱ

ବାରିପଦା,୨୧।୯- ବାରିପଦା ସ୍ଥିତ ମହାରାଜା କୃଷ୍ଣଚନ୍ଦ୍ର ଉଚ୍ଚ ବିଦ୍ୟାଳୟର ସମର ଶିକ୍ଷାର୍ଥୀ ବାହିନୀ ପକ୍ଷରୁ ଗୁରୁବାର ସ୍ବଚ୍ଛତା ପକ୍ଷ ପାଳିତ ହୋଇଯାଇଛି। ଏହି ଅବସରରେ ଛାତ୍ରୀଛାତ୍ରମାନଙ୍କ ମଧ୍ୟରେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଏନସିସି ଶିକ୍ଷକ ରାଜୀବ ଲୋଚନା ଜେନାଙ୍କ ସଂଯୋଜନାରେ ଅନୁଷ୍ଠିତ ଏହି କର୍ମଶାଳାରେ ବିଦ୍ୟାଳୟର ପ୍ରଧାନ ଶିକ୍ଷକ ସୁଦର୍ଶନ ପଣ୍ଡା, ହାବିଲଦାର ମନୋଜ କୁମାର ଶୁକ୍ଳା, ହାବିଲଦାର ଯୋଗୱିନ୍ଦର ସିଂ, ଶିକ୍ଷକ ଅମିତାଭ ମିଶ୍ର ଓ ଡ. ସରୋଜ କୁମାର ନାୟକ ପ୍ରମୁଖ ଯୋଗ ଦେଇ ବିଦ୍ୟାଳୟର ସ୍ବଚ୍ଛତା ସଚେତନତା କାର୍ଯ୍ୟକ୍ରମର ଉପାଦେୟତା ସମ୍ପର୍କରେ ଆଲୋକପାତ କରିଥିଲେ। ଏହି ଅବସରରେ ବିଦ୍ୟାଳୟର ଜାତୀୟ ସମର ଶିକ୍ଷାର୍ଥୀ ବାହିନୀ ଛାତ୍ରୀଛାତ୍ରଙ୍କ ଦ୍ୱାରା ସମୂହ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଅବସରରେ ବିଦ୍ୟାଳୟ ପରିସରକୁ ନିର୍ମଳ ରଖିବା ସହ ଏକ ସୁସ୍ଥ ସମାଜ ଗଠନ ଦିଗରେ କାର୍ଯ୍ୟ କରିବେ ବୋଲି  ସମସ୍ତେ ଶପଥ ନେଇଥିଲେ। 

ମୌଳିକ ଆବଶ୍ୟକତା ପୂରଣ ନ ହେଲେ ଆନ୍ଦୋଳନ

ମୌଳିକ ଆବଶ୍ୟକତା ପୂରଣ ନ ହେଲେ ଆନ୍ଦୋଳନ

ବାରିପଦା ଅଫିସ୨୧।୯- ବାରିପଦା ତକତପୁରସ୍ଥିତ ଉତ୍ତର ଓଡିଶା ବିଶ୍ୱ ବିଦ୍ୟାଳୟରେ ବିଭିନ୍ନ ମୌଳିକ ଆବଶ୍ୟକତା ପୂରଣ କରିବା ଲାଗି ଗୁରୁବାର ଛାତ୍ରୀଛାତ୍ରମାନେ ସ୍ନାତକୋତ୍ତର ଅଧ୍ୟକ୍ଷା ସସ୍ମିତା କରଙ୍କୁ ସାକ୍ଷାତ କରି ଏକ ଦାବି ପତ୍ର ପ୍ରଦାନ କରିଛନ୍ତି। ଛାତ୍ରନେତା ସନତ ଗୋପ ଓ  ରଞ୍ଜନ କୁମାର ନାୟକଙ୍କ ନେତୃତ୍ୱରେ ଏକ ଛାତ୍ର ପ୍ରତିନିଧି ଦଳ ଏହି ଦାବି ପତ୍ର ପ୍ରଦାନ କରିଛନ୍ତି। ସେମାନଙ୍କ ଦାବି ମୁତାବକ ବିଶ୍ୱବିଦ୍ୟାଳୟରେ ଥିବା ଶୌଚାଳୟଗୁଡିକରେ  ପାଣିର ବ୍ୟବସ୍ଥା ନ ଥିବା ବେଳେ ଏହାର ମରାମତି କରାଯାଉନାହିଁ।  ସେହିପରି ସମସ୍ତ ଶ୍ରେଣୀ ଗୃହରେ ଲାଇଟ ଓ ଫ୍ୟାନ ବ୍ୟବସ୍ଥା ମଧ୍ୟ ନାହିଁ। ଏଣୁ ଆସନ୍ତା ୨୫ ତାରିଖ ସୁଦ୍ଧା ଏହି ସମସ୍ତ ବ୍ୟବସ୍ଥାକୁ ସୁଧାରିବା ପାଇଁ ସେମାନେ ଦାବି କରିଛନ୍ତି। ଏହି ମୌଳିକ ସୁବିଧାରୁ ଛାତ୍ରୀଛାତ୍ରଙ୍କୁ ବଞ୍ଚିତ କଲେ ବିଶ୍ୱବିଦ୍ୟାଳୟରେ ସେମାନେ ଆନ୍ଦୋଳନାତ୍ମକ ପନ୍ଥା ଅବଲମ୍ବର କରି ବିଶ୍ୱବିଦ୍ୟାଳୟକୁ ଅଚଳ କରିଦିଆଯିବ ବୋଲି ଲିଖିତ ଭାବେ ଦାବି ପତ୍ରରେ ଜଣାଇଛନ୍ତି। 

ପୋଲରୁ ଖସି ଯୁବକଙ୍କ ମୃତ୍ୟୁ ଘଟଣା: ହତ୍ୟା ଅଭିଯୋଗକୁ ଗୁରୁତ୍ୱ ଦେଲାନି ପୋଲିସ

ବାରିପଦା ଅଫିସ,୨୧।୯- ବାରିପଦା ସହରସ୍ଥିତ ବାରୁଣି ପୋଲ ନିକଟରୁ  ଗୁରୁତର ଆହତ  ଅବସ୍ଥାରେ ଉଦ୍ଧାର ହୋଇଥିବା ସତ୍ୟବ୍ରତ ପାତ୍ର ନାମକ  ଜଣେ ଯୁବକଙ୍କ ଡାକ୍ତରଖାନାରେ ମୃତ୍ୟୁ ଘଟିଛି। ପୋଲ ଉପରୁ ଖସି ପଡିବାରୁ ତାଙ୍କର ମୃତ୍ୟୁ ହୋଇଥିବା   ପୋଲିସ  କହୁଥିବା ବେଳେ ପରିବାର ଲୋକେ ଏଥିରେ ସନ୍ଦେହ ପ୍ରକାଶ କରି ଏହା  ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ଅଭିଯୋଗ କରିଛନ୍ତି। ସେମାନେ ଟାଉନ ଥାନାରେ ଏନେଇ ଲିଖିତ ଏତଲା ଦେଇଛନ୍ତି।  ପୋଲିସ ଅଭିଯୋଗ ଅନୁଯାୟୀ, ହତ୍ୟା ମାମଲା  ପରିବର୍ତ୍ତେ ଏକ  ଅପମୃତ୍ୟୁ ମାମଲା ରୁଜୁ କରିଥିବାରୁ ଏହା ଘଟଣାକୁ ବିବାଦୀୟ  ରୂପ ଦେଇଛି।  ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ସତ୍ୟାସତ୍ୟ ପଦାକୁ ଆସିବ ବୋଲି ଥାନା ପକ୍ଷରୁ କୁହାଯାଇଛି।  ପରିବାର ଲୋକେ ଏହାକୁ ସହଜରେ ଗ୍ରହଣ ନ କରି ପୋଲିସ ଜାଣିଶୁଣି ଘଟଣାକୁ ଚାପି ଦେବାକୁ ଉଦ୍ୟମ କରୁଥିବା  ଦର୍ଶାଇଛନ୍ତି।  

ଉତ୍ତର ବାଲେଶ୍ୱରରେ ଝଡବର୍ଷା

ଉତ୍ତର ବାଲେଶ୍ୱରରେ ଝଡବର୍ଷା

ଭୋଗରାଇ, ୨୧।୯(ଡି.ଏନ.ଏ.)-ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଘନୀଭୂତ ହୋଇ ବାତ୍ୟା ରୂପ ନେଇଛି। ଏହାର ପ୍ରଭାବରେ ଉତ୍ତର ବାଲେଶ୍ୱରରେ ଗୁରୁବାର ଅପରାହ୍ନରୁ ଅବିଶ୍ରାନ୍ତ ବର୍ଷା ଲାଗି ରହିଛି। ଭୋଗରାଇର ଉପକୂଳବର୍ତ୍ତୀ ଖାଲୁଆ ଅଞ୍ଚଳ ଜଳାର୍ଣ୍ଣବ ହୋଇପଡିଛି। ଦୁଇ ଦିନ ଧରି ବର୍ଷା ଲାଗି ରହିଥିବାରୁ ଜୀବନଯାତ୍ରା ପ୍ରଭାବିତ ହୋଇଛି। ସମୁଦ୍ର ଅଶାନ୍ତ ଥିବା ବେଳେ ପବନର ବେଗ ବୃଦ୍ଧି  ଅଞ୍ଚଳବାସୀ ଆଶଙ୍କିତ କରିଛି। ଜଳମଗ୍ନ ହୋଇପଡିଥିବା ଖାଲୁଆ ଅଞ୍ଚଳରୁ ବିପନ୍ନଙ୍କୁ ପ୍ରଶାସନ ଉଦ୍ଧାର କରି ଅସ୍ଥାୟୀ ଆଶ୍ରୟସ୍ଥଳୀରେ ରଖିଥିବା ସୂଚନା ମିଳିଛି। ଝଡ଼ବର୍ଷା ଯୋଗୁ ବିଭିନ୍ନ ସ୍ଥାନରେ ଅନେକ ନଡ଼ାଛପର ଘର ଭାଙ୍ଗିରୁଜି ଯାଇଥିବା ଖବର ମିଳିଛି। ସତର୍କତା ବ୍ୟବସ୍ଥା ସ୍ବରୂପ ଦୀଘା, ମନ୍ଦାରମଣୀ, ଶଙ୍କରପୁର, ଉଦୟପୁର, ତାଳସାରୀ, ଡଗରା ବେଳାଭୂମି ନିକଟ ସମୁଦ୍ରକୁ ନ ଯିବା ସକାଶେ ପର୍ଯ୍ୟଟକମାନଙ୍କୁ ତାଗିଦ୍‌ କରାଯାଇଛି। 

ମାଖନପୁର-ଅନନ୍ତପୁର ରାସ୍ତା:ଅସରାଏ ବର୍ଷା ହେଲେ ବଢେ ଦୁର୍ଦ୍ଦଶା

ମାଖନପୁର-ଅନନ୍ତପୁର ରାସ୍ତା:ଅସରାଏ ବର୍ଷା ହେଲେ ବଢେ ଦୁର୍ଦ୍ଦଶା

ଖଇରା, ୨୧।୯(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ମାଖନପୁର ପଞ୍ଚାୟତ କାଂଶବାଂଶ ନଦୀ କୂଳରେ ଅବସ୍ଥିତ ଅନନ୍ତପୁର ଗ୍ରାମର ବାସିନ୍ଦା ଦୁର୍ଦ୍ଦଶା ମଧ୍ୟରେ କାଳାତିପାତ କରୁଛନ୍ତି। ମାଖନପୁର ପଞ୍ଚାୟତ ଅଧୀନ ମାଖନପୁର-ଅନନ୍ତପୁର ରାସ୍ତା ଅବସ୍ଥା କଦର୍ଯ୍ୟ ହୋଇପଡିଥିବାରୁ ଏହି ଅଞ୍ଚଳବାସୀ ଯାତାୟାତ ଲାଗି ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ବିଶେଷ କରି ସ୍କୁଲ, କଲେଜ ଯିବାକୁ ଛାତ୍ରୀଛାତ୍ର ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଲୋକେ ନିତିଦିନିଆ ତୁଡିଗଡିଆ ବଜାର ଓ ଖଇରା ବ୍ଲକ ସଦର ମହକୁମାକୁ କିପରି ଯିବେ ସେନେଇ ଚିନ୍ତାରେ ରହୁଛନ୍ତି।

‘ପ୍ରହାର’ କ୍ଷେପଣାସ୍ତ୍ର ପରୀକ୍ଷଣ ସଫଳ

‘ପ୍ରହାର’ କ୍ଷେପଣାସ୍ତ୍ର ପରୀକ୍ଷଣ ସଫଳ

ବାଲେଶ୍ୱର ଅଫିସ, ୨୧।୯-ବାଲେଶ୍ୱର ଜିଲା ଚାନ୍ଦିପୁର ସମନ୍ବିତ ପରୀକ୍ଷଣ କେନ୍ଦ୍ର (ଆଇଟିଆର୍‌)ରେ ଗୁରୁବାର ‘ପ୍ରହାର’ କ୍ଷେପଣାସ୍ତ୍ରର ସଫଳ ପରୀକ୍ଷଣ ହୋଇଛି। ନିଜସ୍ବ ଜ୍ଞାନକୌଶଳରେ ନିର୍ମିତ ଏହି କ୍ଷେପଣାସ୍ତ୍ର ଦେଶର ପ୍ରତିରକ୍ଷା ବ୍ୟବସ୍ଥାରେ ଆଉ ଏକ ନୂତନ ଫର୍ଦ୍ଦ ଯୋଡିଛି। ପରୀକ୍ଷଣ କାର୍ଯ୍ୟ ଲାଗି ଆଇଟିଆର୍‌ର ୨ କି.ମି. ପରିଧି ଭିତରେ ଥିବା ୫ଟି ଗ୍ରାମର ୬୩୪ ପରିବାରକୁ ସାମୟିକ ଭାବେ ନିରାପଦ ଜାଗାକୁ ସ୍ଥାନାନ୍ତର କରାଯାଇଥିଲା। ପ୍ରତିକୂଳ ପାଗ ପରୀକ୍ଷଣରେ କୌଣସି ବାଧା ସୃଷ୍ଟି କରି ନ ଥିଲା। ବହୁ ବୈଜ୍ଞାନିକ, ପ୍ରତିରକ୍ଷା ବିଶେଷଜ୍ଞ ଉପସ୍ଥିତ ରହିଥିଲେ।  

ଭୁଶୁଡିଲା ୧୦୦ ବର୍ଷର ପୁରୁଣା ଗଛ: ନୀଳଗିରି-ପଞ୍ଚଲିଙ୍ଗେଶ୍ୱର ରାସ୍ତା ଅବରୋଧ

ଭୁଶୁଡିଲା ୧୦୦ ବର୍ଷର ପୁରୁଣା ଗଛ: ନୀଳଗିରି-ପଞ୍ଚଲିଙ୍ଗେଶ୍ୱର ରାସ୍ତା ଅବରୋଧ

ସଜନାଗଡ଼, ୨୦।୯(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରିଠାରେ ବୁଧବାର ମଧ୍ୟରାତ୍ରରୁ ଅଧିକାଂଶ ସ୍ଥାନରେ ପ୍ରବଳ ବର୍ଷା ଯୋଗୁ ଚାଷଜମି ପାଣିରେ ବୁଡ଼ି ରହିଛି। ନୀଳଗିରି ପଞ୍ଚଲିଙ୍ଗେଶ୍ୱରକୁ ସଂଯୋଗ କରୁଥିବା ମୁଖ୍ୟରାସ୍ତା ଦାଶରଥିପୁରଠାରେ ଶହେ ବର୍ଷରୁ ଊର୍ଦ୍ଧ୍ୱ ପୁରୁଣା ତେନ୍ତୁଳିଗଛ ପଡ଼ିରହିଥିବାରୁ ଏଠାକୁ ଆସୁଥିବା ପର୍ଯ୍ୟଟକ ଗତ ରାତିଠାରୁ ଅଟକି ରହିଥିଲେ। 

ବାଲେଶ୍ୱର ଟାଉନ ବିଜେଡ଼ି ମହିଳା କମିଟି ବୈଠକ

ବାଲେଶ୍ୱର ଟାଉନ ବିଜେଡ଼ି ମହିଳା କମିଟି ବୈଠକ

ବାଲେଶ୍ୱର ଅଫିସ, ୨୦।୯-ବାଲେଶ୍ୱର ପୌରପରିଷଦ ୨୮ନଂ. ୱାର୍ଡ଼ରେ ବାଲେଶ୍ୱର ଟାଉନ ବିଜୁ ମହିଳା ଜନତା ଦଳର ଏକ ବୈଠକ ଅନୁଷ୍ଠିତ ହୋଇଯାଇଛି। ଟାଉନ ମହିଳା ସଭାପତି ରଞ୍ଜିତା ମହାପାତ୍ରଙ୍କ ସଭାପତିତ୍ୱରେ ପୌରାଧ୍ୟକ୍ଷ ଆଲୋକ କୁମାର ସାହୁ ଯୋଗଦେଇ ବାଲେଶ୍ୱର ସହରରେ ବିଜେଡ଼ି ମହିଳା ସଙ୍ଗଠନକୁ କିପରି ଅଧିକରୁ ଅଧିକ ସଙ୍ଗଠିତ କରିହେବ  ସେନେଇ ବକ୍ତବ୍ୟ ଦେଇଥିଲେ। 

ବାଜପେୟୀଙ୍କ ସମ୍ମାନାର୍ଥେ ଚିକିତ୍ସା ଶିବିର

ବାଜପେୟୀଙ୍କ ସମ୍ମାନାର୍ଥେ ଚିକିତ୍ସା ଶିବିର

ସଜନାଗଡ଼, ୨୦।୯(ଡି.ଏନ.ଏ.)-ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତ ଅଟଳ ବିହାରୀ ବାଜପେୟୀଙ୍କ ସମ୍ମାନାର୍ଥେ ନୀଳଗିରି ନିକଟସ୍ଥ ଧୋବଶିଳା ଗ୍ରାମପଞ୍ଚାୟତଠାରେ ଭାଜପା ପକ୍ଷରୁ ଚିକିତ୍ସା ଶିବିର ଅନୁଷ୍ଠିତ ହୋଇଛି। 

ଭୋଟର ସଚେତନତା କର୍ମଶାଳା

ଭୋଟର ସଚେତନତା କର୍ମଶାଳା

ଉଦଳା,୨୦।୯ (ଡି.ଏନ.ଏ.) - ଉଦଳା ମହାବିଦ୍ୟାଳୟ ଜାତୀୟ ସେବା ଯୋଜନା, ଯୁବ ରେଡକ୍ରସ୍‌ ମିଳିତ ସହଯୋଗରେ ଏକ ଭୋଟର ସଚେତନତା କର୍ମଶାଳା ମହାବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି 

‘ଯୁବ ଗୋଷ୍ଠୀଙ୍କ ଅନ୍ତର୍ନିହିତ ଗୁଣର ବିକାଶ କର’

‘ଯୁବ ଗୋଷ୍ଠୀଙ୍କ ଅନ୍ତର୍ନିହିତ ଗୁଣର ବିକାଶ କର’

ଖୁଣ୍ଟା,୨୦।୯ (ଡି.ଏନ.ଏ.) -ସ୍ଥାନୀୟ ଖୁଣ୍ଟା ଡିଗ୍ରୀ ମହାବିଦ୍ୟାଳୟ ସଭା ଗୃହରେ  ‘ମୁଁ ହୀରୋ ମୁଁ ଓଡ଼ିଶା’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  କାର୍ଯ୍ୟକ୍ରମ ର ନୋଡାଲ ଅଫିସର ପ୍ରମୋଦ କୁମାର ନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଉପବାଚସ୍ପତି ସାନନ୍ଦ ମାର୍ଣ୍ଡି ଯୋଗ ଦେଇଥିଲେ ।