ବାଲେଶ୍ୱର

ବଜ୍ରପାତରେ ଛାତ୍ରୀ ମୃତ

ଠାକୁରମୁଣ୍ଡା,୧୭।୭(ଡି.ଏନ.ଏ)- ଠାକୁରମୁଣ୍ଡା ଥାନା ଓରିୟମ ଗ୍ରାମରେ ବଜ୍ରପାତରେ ସୋମବାର ଜଣେ ଛାତ୍ରୀଙ୍କ ମୃତ୍ୟୁ ହୋଇଛି। ମୃତା ଛାତ୍ରୀ ହେଲେ ଓରିୟମ ଗ୍ରାମର ପାରଦାନ ମୁଣ୍ଡାଙ୍କ ବଡଝିଅ ପ୍ରମିଳା ମୁଣ୍ଡା(୧୪) । ସେ ଅଷ୍ଟମ ଶ୍ରେଣୀରେ ପଢୁଥିଲେ। ସୋମବାର ବିଲକୁ ଯାଇ ଅପରାହ୍ନରେ ଘରକୁ ଫେରୁଥିବା ବେଳେ ତାଙ୍କୁ ବଜ୍ରପାତ ମାରିଥିଲା।

ଚତୁର୍ଦ୍ଧା ବିଗ୍ରହଙ୍କ ଗଜ ଉଦ୍ଧାର ବେଶ

ଚତୁର୍ଦ୍ଧା ବିଗ୍ରହଙ୍କ ଗଜ ଉଦ୍ଧାର ବେଶ

ରାଇରଙ୍ଗପୁର, ୧୭।୭ (ଡି.ଏନ.ଏ.)-ମାଉସୀମା’ଙ୍କୁ ଭେଟିବାକୁ ରାଇରଙ୍ଗପୁର ଜଗନ୍ନାଥ ମନ୍ଦିରରୁ ଚତୁର୍ଦ୍ଧା ମୂର୍ତ୍ତି ଶ୍ରୀଗୁଣ୍ଡିଚା ମନ୍ଦିର ଯାଇଛନ୍ତି। ସେଠାରେ ସେମାନେ ସୋମବାର ଶ୍ରୀଗୁଣ୍ଡିଚା ମନ୍ଦିର ବେଦୀ ମଣ୍ଡପରେ ଗଜ ଉଦ୍ଧାର ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଇଛନ୍ତି।

ଜନ୍ମ ନିୟନ୍ତ୍ରଣ ଯୋଜନାକକୁ ମିଳୁନି ସଫଳତା

ଜନ୍ମ ନିୟନ୍ତ୍ରଣ ଯୋଜନାକକୁ ମିଳୁନି ସଫଳତା

କପ୍ତିପଦା,୧୭।୭(ଡି଼.ଏନ୍‌.ଏ) -ବଣ ପାହାଡ଼ ଘେରା ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲାର କପ୍ତିପଦା ବ୍ଲକରେ ଜନ୍ମ ନିୟନ୍ତ୍ରଣ ଯୋଜନାକୁ ଆଶାନୁରୂପ ସଫଳତା ମିଳି ପାରି ନାହିଁ। ସରକାରଙ୍କ ତରଫରୁ ବିଭିନ୍ନ ପ୍ରୋତ୍ସାହନମୂଳକ ଓ ସହାୟତା ରାଶି ଘୋଷଣା ସତ୍ତ୍ୱେ ଏହି ଯୋଜନା ଏଠାରେ ଫେଲ ମାରିଛି।

ମାଉସୀ ଘରେ ପହଞ୍ଚିଲେ ତିନି ଠାକୁର

ମାଉସୀ ଘରେ ପହଞ୍ଚିଲେ ତିନି ଠାକୁର

ବାରିପଦା ଅଫିସ,୧୭।୭- ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ପରମ୍ପରା ଅନୁଯାୟୀ ଦ୍ୱିତୀୟ ଦିନରେ ମାଉସୀ ମା ଘରେ ପହଞ୍ଚିଲେ ତିନି ଠାକୁର। ରବିବାର ବଡଭାଇ ବଳଭଦ୍ର ମାଉସୀ ମା’ ଘର ସମ୍ମୁଖରେ ପହଞ୍ଚି ଭାଇ ଓ ଭଉଣୀଙ୍କୁ ଅପେକ୍ଷା କରିଥିଲେ।

ଗାଁରେ ପଶିଲା ଲୁଣା ଜୁଆର, ଲୋକେ ଆତଙ୍କିତ

ଗାଁରେ ପଶିଲା ଲୁଣା ଜୁଆର, ଲୋକେ ଆତଙ୍କିତ

ବାଲିଆପାଳ, ୧୭।୭(ଡି.ଏନ.ଏ.)- ଲଘୁଚାପଜନିତ ଲଗାଣ ବର୍ଷା ଯୋଗୁ ବାଲିଆପାଳ ଅଞ୍ଚଳର ନଦୀତଟ ଗାଁ ସୁରକ୍ଷାବନ୍ଧ ଭାଙ୍ଗିଯାଇଛି। ବଙ୍ଗୋପସାଗରର ଲୁଣା ଜୁଆର ଏବେ ସୁବର୍ଣ୍ଣରେଖା ନଦୀ ମୁହାଣ ଦେଇ ଚୌମୁଖ ପଞ୍ଚାୟତର କଙ୍କଡ଼ାପାଳ ଓ ଚୌମୁଖ ଗାଁ ଭିତରକୁ ପ୍ରବେଶ କରିଛି।

ବର୍ଷାକୁ ଖାତିର କଲେନି: ବିକ୍ଷୋଭ ଶୋଭାଯାତ୍ରା କଲେ ଅଙ୍ଗନଓ୍ବାଡି କର୍ମୀ

ବର୍ଷାକୁ ଖାତିର କଲେନି: ବିକ୍ଷୋଭ ଶୋଭାଯାତ୍ରା କଲେ ଅଙ୍ଗନଓ୍ବାଡି କର୍ମୀ

ବାଲେଶ୍ୱର ଅଫିସ,୧୭।୭-ପ୍ରବଳ ବର୍ଷା ସତ୍ତ୍ୱେ ସହସ୍ରାଧିକ ଅଙ୍ଗନୱାଡ଼ି କର୍ମୀ ଓ ସହାୟିକାମାନେ ସୋମବାର ବାଲେଶ୍ୱର ଜିଲାପାଳଙ୍କ ଅଫିସ୍‌ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ରାଜ୍ୟ ସରକାରଙ୍କର ଅଙ୍ଗନୱାଡ଼ି କେନ୍ଦ୍ରର ହିତାଧିକାରୀମାନଙ୍କ ପାଇଁ ଗରମ ରନ୍ଧାଖାଦ୍ୟ ଓ ଅଧିକ ଅଣ୍ଡା ପ୍ରଦାନ ନିମିତ୍ତ ଯେଉଁ ନୂତନ ନୀତି ଧାର୍ଯ୍ୟ କରିଛନ୍ତି, ସେଥିପାଇଁ ଅଧିକ ଅର୍ଥ ବରାଦ କରି ନ ଥିବାରୁ ଜିଲାରେ ସମସ୍ତ ଅଙ୍ଗନୱାଡ଼ି କେନ୍ଦ୍ର ବନ୍ଦ ରଖାଯାଇଛି।

ପଘାର ଗାଁରେ ହାତୀ ଉପଦ୍ରବ

ପଘାର ଗାଁରେ ହାତୀ ଉପଦ୍ରବ

ଖଇରା, ୧୭।୭(ଡି.ଏନ.ଏ)-ଖଇରା ବ୍ଲକ ବାଉଁଶଗଡିଆ ପଞ୍ଚାୟତ ଓସ୍ତପାଳ ଗାଁର ପଘାର ସାହିରେ ରବିବାର ବିଳମ୍ବିତ ରାତିର ଦନ୍ତା ହାତୀ ପଶି ସିଙ୍ଗରାଇ ମାଝୀଙ୍କ ବାସଗୃହ ନଷ୍ଟ କରିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ଛାରଖାର କରିଛନ୍ତି। ପରିବାର ଲୋକେ ଘରେ ଖାଇପିଇ ଶୋଇଥିଲା ବେଳେ ହଠାତ୍‌ ଘରକୁ କେହି ଭାଙ୍ଗୁଥିବାର ଶବ୍ଦ ଶୁଣିବାକୁ ପାଇଥିଲେ।

ବାଲେଶ୍ୱରରେ ଆନ୍ଥ୍ରାକ୍ସ ଭୟ: ରେଳଷ୍ଟେଶନରେ ଗୋଆ ଫେରନ୍ତା ୭ ଅଟକ

ବାଲେଶ୍ୱରରେ ଆନ୍ଥ୍ରାକ୍ସ ଭୟ: ରେଳଷ୍ଟେଶନରେ ଗୋଆ ଫେରନ୍ତା ୭ ଅଟକ

ବାଲେଶ୍ୱର ଅଫିସ,୧୭।୭-ଗୋଆରେ କାମ କରୁଥିବା ବାଲେଶ୍ୱର ୨ଜଣ ଯୁବକଙ୍କ ଆନ୍ଥା୍ରକ୍ସରେ ମୃତ୍ୟୁ ହୋଇଥିବା ଖବର ପ୍ରଚାରିତ ହେବା ପରେ ଏବେ ଜିଲାବାସୀ ଭୟଭୀତ ହୋଇପଡିଛନ୍ତି। ସୋମବାର ରାତି ୭ଟା ୪୦ ମିନିଟ୍‌ ସମୟରେ ଭାସ୍କୋଡ଼ାଗାମାରୁ ହାୱଡ଼ା ଅଭିମୁଖେ ଯାତ୍ରା କରୁଥିବା ଅମରାବତୀ ଏକ୍ସପ୍ରେସ୍‌ ବାଲେଶ୍ୱର ରେଳଷ୍ଟେଶନରେ ପହଞ୍ଚିବା ପରେ ହଠାତ୍‌ ଗୋଆରୁ ଫେରୁଥିବା ଯୁବକମାନଙ୍କୁ ଷ୍ଟେଶନ ମାଷ୍ଟରଙ୍କ ଅଫିସ୍‌କୁ ପହଞ୍ଚିବା ପାଇଁ ମାଇକ୍‌ ଯୋଗେ ଘୋଷଣା କରାଯାଇଥିଲା।

ଜାଇକା ହୋଟେଲ ଉପରକୁ ଗୁଳିମାଡ଼ ଘଟଣା: ଛତିଶଗଡ଼ରୁ ମୁଖ୍ୟ ଅଭିଯୁକ୍ତ ଯଜନଙ୍କ ସମେତ ୨ ଗିରଫ

ଜାଇକା ହୋଟେଲ ଉପରକୁ ଗୁଳିମାଡ଼ ଘଟଣା: ଛତିଶଗଡ଼ରୁ ମୁଖ୍ୟ ଅଭିଯୁକ୍ତ ଯଜନଙ୍କ ସମେତ ୨ ଗିରଫ

ବାଲେଶ୍ୱର ଅଫିସ,୧୭।୭- ବାଲେଶ୍ୱର ସଦର ଥାନା ଅନ୍ତର୍ଗତ ଓଟି ରୋଡ୍‌ସ୍ଥିତ ଜାଇକା ଇଣ୍ଟରନ୍ୟାଶନାଲ ହୋଟେଲ ଉପରକୁ ଗୁଳିମାଡ଼ ଘଟଣାର ପର୍ଦ୍ଦାଫାଶ ହୋଇଛି। ମୁଖ୍ୟ ଅଭିଯୁକ୍ତ ସଦର ଥାନା ମେଘଡ଼ମ୍ବରୁ ଗ୍ରାମର ଯଜନ ପାଣିଗ୍ରାହୀ (୨୦) ଓ ତାଙ୍କ ସହଯୋଗୀ ସହଦେବଖୁଣ୍ଟା ଥାନା ନେଳିଆବାଗ ଅଞ୍ଚଳର ସନ୍ଦୀପ କୁମାର ପତି (୧୯)ଙ୍କୁ ଛତିଶଗଡ଼ ରାୟପୁରରୁ ରବିବାର ପୋଲିସର ଏକ ସ୍ବତନ୍ତ୍ର ଟିମ୍‌ ଚଢ଼ାଉ କରି ଗିରଫ କରିଛି।

ସାଇକେଲ ଚୋରଙ୍କ ପାଖରୁ ମିଳିଲା ବନ୍ଧୁକ

କେନ୍ଦୁଝର, ୧୬।୭(ସ୍ବ.ପ୍ର)-କେନ୍ଦୁଝର ସହର ବୃନ୍ଦାବନ ବିହାରରେ ସାଇକେଲ ଚୋରି କରୁଥିବା ଜଣେ ବଙ୍ଗାଳୀ ମିସ୍ତ୍ରୀ ପାଖରୁ ବନ୍ଧୁକ ମିଳିବା ଘଟଣା ଉକ୍ତ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ପରେ ସାହି ଲୋକ ଚୋରଙ୍କୁ ପୋଲିସକୁ ଜିମା ଦେଇଛନ୍ତି। ପରେ ପୋଲିସ ମିସ୍ତ୍ରୀ କାମ କରୁଥିବା କେତେକ ଲୋକଙ୍କୁ ଆଣି ପଚରା ଉଚୁରା କରୁଥିବା ଜଣାପଡିଛି। ଧରା ପଡ଼ିଥିବା ଯୁବକ ସ୍ଥାନୀୟ ଜଣେ ଲୋକଙ୍କ ଘରୁ ସାଇକେଲ ଚୋରି କରି ଫେରାର ହୋଇଯାଉଥିଲା। ତାଙ୍କ ପକେଟ ଯାଞ୍ଚ ବେଳେ ଗୁଳି ଭର୍ତ୍ତି ଥିବା ଦେଶୀ ବନ୍ଧୁକ ଦେଖି ଲୋକେ ପୋଲିସକୁ ଜଣାଇଥିଲେ। କେନ୍ଦୁଝର ସହରରେ ଏଭଳି ବନ୍ଧୁକ ଧରି ବେଧଡକ ବୁଲୁଥିବା ଘଟଣା ପରେ ଲୋକେ ଭୟଭୀତ ହୋଇପଡିଛନ୍ତି।

ମୟୂରଭଞ୍ଜ ସାହିତ୍ୟ ପରିଷଦ ଆଲୋଚନାଚକ୍ର

ମୟୂରଭଞ୍ଜ ସାହିତ୍ୟ ପରିଷଦ ଆଲୋଚନାଚକ୍ର

ବାରିପଦା ଅଫିସ,୧୬ା୭- ମୟୂରଭଞ୍ଜ ସାହିତ୍ୟ ପରିଷଦର ମାସିକ ସାରସ୍ବତ ଆଲୋଚନାଚକ୍ର ସ୍ଥାନୀୟ ମହାରାଜା କୃଷ୍ଣଚନ୍ଦ୍ର ଉଚ୍ଚ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି।

ସରପଞ୍ଚଙ୍କୁ ତାଲା ପକାଇଲେ ଗ୍ରାମବାସୀ

ସରପଞ୍ଚଙ୍କୁ ତାଲା ପକାଇଲେ ଗ୍ରାମବାସୀ

ମୋରଡା, ୧୬।୭-ଦୀର୍ଘ ଦିନ ହେବ ମୋରଡା ବ୍ଲକ ଅଧୀନ ପଳାଶମୁଣ୍ଡୁଳି ଗ୍ରାମ ପଞ୍ଚାୟତର ବିଭିନ୍ନ ସମସ୍ୟା ସମାଧାନ ହେଉ ନ ଥିବାରୁ ଉତ୍ତ୍ୟକ୍ତ ଗ୍ରାମବାସୀ ସୋମବାର ସରପଞ୍ଚ ଓ ପଞ୍ଚାୟତ ଅଧିକାରୀଙ୍କୁ ତାଲା ପକାଇ ଦେଇଥିଲେ।

ପୋଖରୀରେ ବୁଡ଼ିଗଲେ ୨ ଶିଶୁକନ୍ୟା

ଘଟଗାଁ, ୧୬ା୭(ଡି.ଏନ.ଏ.): କେନ୍ଦୁଝର ଜିଲା ଘଟଗାଁ ଥାନା ବଡ଼ଜାମୁପଶି ଗ୍ରାମ ପଞ୍ଚାୟତ ନାଳଢିପା ସାହିରେ ଏକ ଦୁଃଖଦ ଘଟଣା ଘଟିଛି। ଗ୍ରାମ ନିକଟ ଅଙ୍ଗନଓ୍ବାଡ଼ି କେନ୍ଦ୍ରକୁ ପାଠ ପଢ଼ିବାକୁ ଯାଇଥିବା ୨ ଶିଶୁଙ୍କ ସୋମବାର ପୋଖରୀରେ ବୁଡ଼ି ମୃତ୍ୟୁ ଘଟିଛି।

ଭାଜପା କୃଷକମୋର୍ଚ୍ଚା ପକ୍ଷରୁ ଘେରାଉ

ବାଲିଆପାଳ,୧୬।୭(ଡି.ଏନ.ଏ.)-ବିହନ ଯୋଗାଣ ମହାଦୁର୍ନୀତିର ଉଚ୍ଚସ୍ତରୀୟ ତଦନ୍ତ ଦାବି କରି ସୋମବାର ଜିଲା କୃଷକମୋର୍ଚ୍ଚା ଭାଜପା ବାଲିଆପାଳ ମଣ୍ଡଳ ପକ୍ଷରୁ ଆମତ୍ା ଶାଖା କାର୍ଯ୍ୟାଳୟ (କୃଷି ସୂଚନା ପରାମର୍ଶ କେନ୍ଦ୍ର)କୁ ଘେରାଉ କରାଯାଇଥିଲା।

କାନ୍ଥ ଭୁଶୁଡ଼ି ମା’, ଝିଅ ଆହତ

ରୂପ୍‌ସା,୧୬।୭(ଡି.ଏନ.ଏ.)-ଲଘୁଚାପଜନିତ ଲଗାଣ ବର୍ଷାରେ ବାଲେଶ୍ୱର ସଦର ବ୍ଲକ ରୂପ୍‌ସା ପଞ୍ଚାୟତ ଅନ୍ତର୍ଗତ ପାଟପୁର-୨ ଗ୍ରାମରେ ଜଣେ ମହିଳାଙ୍କ ଘରେ ପାଣି ପଶି ରବିବାର ବିଳମ୍ବିତ ରାତିରେ କାନ୍ଥ ଭୁଶୁଡ଼ି ପଡ଼ିଛି। ଫଳରେ ମା’ ମିନକୀ ସିଂ (୬୦) ଓ ଝିଅ ମାଳତୀ ସିଂ (୪୦) ଗୁରୁତର ଆହତ ହୋଇଛନ୍ତି।

ଫକୀରମୋହନ ଜୁନିୟର କଲେଜରେ ଏନଏସ୍‌ଏସ୍‌ କୋ-ଅର୍ଡ଼ିନେଟର

ବାଲେଶ୍ୱର ଅଫିସ,୧୬।୭-ବାଲେଶ୍ୱର ଫକୀରମୋହନ ଜୁନିୟର ମହାବିଦ୍ୟାଳୟର ଏନଏସଏସ୍‌ ସୋସିଆଲ କ୍ୟାମ୍ପକୁ ରବିବାର ଏନଏସଏସ୍‌ କୋ-ଅଡ଼ିନେଟର ଡ. ଦୀପକ କୁମାର ବେହେରା ପରିଦର୍ଶନ କରିଥିଲେ।

ଶାନ୍ତିଶୃଙ୍ଖଳାରେ ସରିଲା ଘୋଷଯାତ୍ରା

ରାଇସୁଆଁ,୧୬।୭(ଡି.ଏନ.ଏ.)-କେନ୍ଦୁଝର ଜିଲା ସଦର ବ୍ଲକ ଅନ୍ତର୍ଗତ ଯୋଗୀ ମଠଠାରେ ମହାସମାରୋହରେ ରଥଯାତ୍ରା ପାଳନ ହୋଇଯାଇଛି। ଯାତ୍ରାରେ ଆଖପାଖ ଅଞ୍ଚଳରୁ ବହୁ ଜନସାଧାରଣ ଯୋଗ ଦେବା ସହ ପ୍ରଭୁ ଜଗନ୍ନାଥ, ସୁଭଦ୍ରା, ଏବଂ ବଳଭଦ୍ରଙ୍କ ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ।

ବିଭିନ୍ନ ସମସ୍ୟା ନେଇ ଆଲୋଚନା

ତେଲକୋଇ, ୧୬।୭(ଡି.ଏନ.ଏ.)-କେନ୍ଦୁଝର ଜିଲା ତେଲକୋଇ ମୁଖ୍ୟାଳୟର ଚଷା ସମାଜ ଗୃହରେ ଶୁକ୍ରବାର ବ୍ଲକ ଭାଜପାର ବୁଦ୍ଧିଜୀବୀ ଓ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ଜିଲା ଭାଜପା ସଭାପତି ରାଧାକାନ୍ତ ମହାନ୍ତଙ୍କ ସମେତ ରାଜ୍ୟ ସାଧାରଣ ସମ୍ପାଦକ ତଥା ପୂର୍ବତନ ଭାଜପା ସାଂସଦ ଅନନ୍ତ ଚରଣ ନାଏକ, ଜିଲା ସାଧାରଣ ସମ୍ପାଦକ ଶୁକଦେବ ମହାନ୍ତ, ବ୍ଲକ ମହିଳା ମୋର୍ଚ୍ଚାର ସଭାପତି ସବିତା ହାଇବୃ,ବ୍ଲକ ମଣ୍ଡଳ ସଭାପତି ପ୍ରମୋଦ ସାହୁ ପ୍ରମୁଖ ଉପସ୍ଥିତ ଥିଲେ।

ଅବସର କାଳୀନ ସମ୍ବର୍ଦ୍ଧନା

କୋଳିମାଟି, ୧୬।୭-କେନ୍ଦୁଝର ଜିଲା ଆନନ୍ଦପୁର ବ୍ଲକ ଧକୋଠା ଉଚ୍ଚ ବିଦ୍ୟାଳୟର କ୍ରିଡା ଶିକ୍ଷକ ପ୍ରଫୁଲ କୁମାର ସାହୁଙ୍କୁ ବିଦାୟ ସମ୍ବର୍ଦ୍ଧନା ଦିଆଯାଇଛି। ସୋମବାର ପୂର୍ବାହ୍ନ ୧୦ଟାରେ ବିଦ୍ୟାଳୟରେ ଏକ ସଭା ହୋଇଥିଲା।

ଓଡିଶା କର୍ମଚାରୀ ମହାମଞ୍ଚର ବୈଠକ

ବାରିପଦା ଅଫିସ,୧୬।୭- ଓଡିଶା ସରକାରଙ୍କ ଆଉଟ ସୋର୍ସିଙ୍ଗ, ଠିକା ଓ ଚୁକ୍ତି ଭିତ୍ତିକ କର୍ମଚାରୀ ମହାମଞ୍ଚର ମୟୂରଭଞ୍ଜ ଶାଖାର ଏକ ସ୍ବତନ୍ତ୍ର ବୈଠକ ରୋଟାରି କ୍ଳବରେ ଅନୁଷ୍ଠିତ ହୋଇଯାଇଛି।

ଉତ୍ତମ ଚାଷ ସମ୍ପର୍କରେ ପ୍ରଶିକ୍ଷଣ ଦେଲେ କୃଷି ବୈଜ୍ଞାନିକ

ଉତ୍ତମ ଚାଷ ସମ୍ପର୍କରେ ପ୍ରଶିକ୍ଷଣ ଦେଲେ କୃଷି ବୈଜ୍ଞାନିକ

ବାହାନଗା, ୧୬।୭(ଡି.ଏନ.ଏ.)-ବାହାନଗା ବ୍ଲକ ଗୋପାଳପୁରଠାରେ ଥିବା ପ୍ରଧାନମନ୍ତ୍ରୀ କୌଶଳ ବିକାଶ କେନ୍ଦ୍ରରେ ଚାଷୀମାନଙ୍କୁ ଉତ୍ତମ ଚାଷ ଉପରେ ପ୍ରଶିକ୍ଷଣ ଦିଆଯାଇଛି। କୃଷି ବିଶେଷଜ୍ଞ ଓ ବୈଜ୍ଞାନିକମାନେ ଉପସ୍ଥିତ ହୋଇ ସ୍ଥାନୀୟ ଅଞ୍ଚଳର ଚାଷୀମାନେ କିପରି ଉତ୍ତମ ଚାଷ କରିପାରିବେ ସେ ବିଷୟରେ ଆଲୋଚନା କରିଥିଲେ।

ମହିଳା ସ୍ବଂୟ ସହାୟିକା ଗୋଷ୍ଠୀକୁ ପ୍ରଶିକ୍ଷଣ

ମହିଳା ସ୍ବଂୟ ସହାୟିକା ଗୋଷ୍ଠୀକୁ ପ୍ରଶିକ୍ଷଣ

ଖଇରା,୧୬।୭(ଡି.ଏନ.ଏ.)-ବାଲେଶ୍ୱର ଜିଲ୍ଲା ଖଇରା ବ୍ଲକ ବାଉଁଶଗଡିଆ ପଞ୍ଚାୟତ ଶାଳଗଡିଆ ଅଙ୍ଗନୱାଡି କେନ୍ଦ୍ରର ସ୍ବଂୟ ସହାୟିକା ଗୋଷ୍ଠୀର ଏକ ପ୍ରଶିକ୍ଷଣ ଶିବିର ଶୁକ୍ରବାର ଶାଳଗଡିଆ ଅଙ୍ଗନୱାଡି କେନ୍ଦ୍ର ପରିସରରେ ଅନୁଷ୍ଠିତ ହୋଇଯାଇଛି ା ଏହି ଶିବିରକୁ ବାଉଁଶଗଡିଆ ସରପଞ୍ଚ ବିଷ୍ଣୁପଦ ଘଡାଇ ଶୁଭ ଉଦ୍‌ଘାଟନ କରିଥିଲେ।

ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ

ସୋର, ୧୬।୭(ଡି.ଏନ.ଏ.)-ସୋର ବ୍ଲକ ଗୋପୀନାଥପୁର ସେବା ସମବାୟ ସମିତି ତରଫରୁ ‘ସମବାୟ ଆପଣଙ୍କ ଦ୍ୱାରରେ’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସମିତି ନିର୍ଦ୍ଦେଶକ ଶଙ୍କର୍ଷଣ ବାରିକଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବିବିସିସି ବ୍ୟାଙ୍କ ସୋର ଶାଖାର ପରିଚାଳକ ଶୁଭେନ୍ଦୁ କୁମାର ବିଶ୍ୱାଳ, ସମ୍ମାନିତ ଅତିଥି ଭାବେ ସୋର ଏରିଆ ଅଫିସର୍‌ ସଞ୍ଜୀବ କୁମାର ପଣ୍ଡା ଯୋଗଦେଇଥିଲେ।

ଶାଳ ଜଙ୍ଗଲରେ ଶାଗୁଆନ ଚାରାରୋପଣ

ଶାଳ ଜଙ୍ଗଲରେ ଶାଗୁଆନ ଚାରାରୋପଣ

କେନ୍ଦୁଝର, ୧୬।୭(ସ୍ବ.ପ୍ର.): ଶାଳ ଜଙ୍ଗଲରେ ଶାଗୁଆନ, ଇଉକାଲିପଟାସ, ଆକାଶିଆ ଭଳି ଚାରାରୋପଣ କରାଯାଉଛି। କାଞ୍ଜିପାଣି ଜଙ୍ଗଲରେ ବନ ବିଭାଗ ପକ୍ଷରୁ ଏପରି ଚାରାରୋପଣ କାର୍ଯ୍ୟକ୍ରମ ଚାଲିଥିବା ପରିବେଶବିତମାନେ ଅସନ୍ତୋଷ ବ୍ୟକ୍ତ କରୁଛନ୍ତି। ଉକ୍ତ ଜଙ୍ଗଲରେ ଆମ୍ବ, ପଣସ, ପିଜୁଳି, ମହୁଲ, ଅଁଳା, ବାହାଡ ଭଳି ଗଛ ଲୋପ ପାଇଯାଉଛି। ଉପାଦେୟ ଗଛ ଲଗାଗଲେ ବନବାସୀ ଖାଦ୍ୟ ପାଇବା ସହ ମାଙ୍କଡ, ଭାଲୁ ଓ ଅନ୍ୟ ଜୀବଜନ୍ତୁ, ପକ୍ଷୀଙ୍କ ପାଇଁ ଖାଦ୍ୟ ବ୍ୟବସ୍ଥା ହୋଇ ପାରିବ ବୋଲି ମତପ୍ରକାଶ ପାଉଛି।