ବାଲେଶ୍ୱର

ଧାମନଗରରେ ଭାଜପାର ମିଶ୍ରଣ ପର୍ବ

ଭଦ୍ରକ ଅଫିସ,୧୭ା୭-ଭଦ୍ରକ ଜିଲା ଧାମନଗର ଭାଜପା ପକ୍ଷରୁ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। କଟସାହି ପଞ୍ଚାୟତ ଶାସକ ବିଜେଡିର କେତେକ କର୍ମୀ ଓ ସମର୍ଥକ ଶଙ୍ଖ ଛାଡି ପଦ୍ମ ଧରିଥିଲେ। ନରେନ୍ଦ୍ର ମୋଦିଙ୍କ ଶାସନରେ ଚାଲିଥିବା ବିକାଶ କାର୍ଯ୍ୟରେ ଅନୁପ୍ରେରିତ ହୋଇ ଏହି କର୍ମୀ ମାନେ ଭାଜପାରେ ଯୋଗ ଦେଇଥିବା ଏହି ଅବସରରେ ପ୍ରକାଶ କରିଥିଲେ।

ସମବାୟ ଆପଣଙ୍କ ଦ୍ୱାର ଦେଶରେ

ଧାମନଗର,୧୭ା୭(ଡି.ଏନ.ଏ.)-ଭଦ୍ରକ ଜିଲା ଧାମନଗର ବ୍ଲକ ଆନନ୍ଦପୁର ପଞ୍ଚାୟତ ରାଜୀବ ସେବା ସଦନରେ ରବିବାର ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବ୍ଲକ ସମ୍ପ୍ରସାରଣ ଅଧିକାରୀ ଦେବେନ୍ଦ୍ର ନାୟକଙ୍କ ଅଧକ୍ଷତାରେ ମୁଖ୍ୟଅତିଥି ଭାବେ ବିବିସିସି ସଭାପତି ରଘୁନାଥ ଲେଙ୍କା ଯୋଗ ଦେଇ ସମବାୟର ଭୂମିକା ଉପରେ ଗୁରୁତ୍ୱାରୋପ କରିଥିଲେ।

ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ

ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ

ବାଲିଆପାଳ, ୧୭।୭(ଡି.ଏନ.ଏ.)-ବାଲିଆପାଳ ବ୍ଲକ ଦେଭୋଗ ସେବା ସମବାୟ ସମିତି ପକ୍ଷରୁ ସୋମବାର ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ରାମଚନ୍ଦ୍ର ରାଉତଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଉତ୍ସବରେ ବାଲିଆପାଳସ୍ଥିତ ବାଲେଶ୍ୱର ଭଦ୍ରଖ କେନ୍ଦ୍ରୀୟ ସମବାୟ ବ୍ୟାଙ୍କର ମ୍ୟାନେଜର ତୁଷାରକାନ୍ତ ପାତ୍ର, ବ୍ୟାଙ୍କ ନିର୍ଦ୍ଦେଶକ ଦେବ କୁମାର ଦେ, ଝରଣା ମହାନ୍ତି, ପଦ୍ମଲୋଚନ ମାଣିକ, ଶ୍ରୀମନ୍ତ ନାୟକ, ରାଜେନ୍ଦ୍ର ପଣ୍ଡିତ, କୁବେର ଚନ୍ଦ୍ର କର, ଅଜୟ ଦଳାଇ ପ୍ରମୁଖ ଯୋଗ ଦେଇ ସମବାୟ ସମିତି, ବ୍ୟାଙ୍କ ଜରିଆରେ କୃଷି ଋଣ, ସବ୍‌ସିଡ଼ି, ଫସଲବୀମା, ଅନ୍ୟାନ ସହାୟତା ଚାଷୀମାନେ ନେଇପାରିବେ ବୋଲି କହିଥିଲେ।

‘ଜୀବନ ବିନ୍ଦୁ’ରେ  ୧୨୫ ୟୁନିଟ୍‌ ରକ୍ତ ସଂଗ୍ରହ

‘ଜୀବନ ବିନ୍ଦୁ’ରେ ୧୨୫ ୟୁନିଟ୍‌ ରକ୍ତ ସଂଗ୍ରହ

ବାହାନଗା,୧୭।୭(ଡି.ଏନ.ଏ.)-ବାହାନଗା ବ୍ଳକ ଦାଣ୍ଡହରିପୁର ପଞ୍ଚାୟତ ଆରୁହା ଗ୍ରାମରେ ଥିବା ୟୁଜି ଉଚ୍ଚ ବିଦ୍ୟାଳୟ ପରିସରରେ ବିଜୁ ଜନତା ଦଳ ତରଫରୁ ଜୀବନ ବିନ୍ଦୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ୧୨୫ ୟୁନିଟ୍‌ ରକ୍ତ ସଂଗ୍ରହ କରାଯାଇ ଥିଲା। ଏହାକୁ ସୋର ବିଧାୟକ ପର୍ଶୁରାମ ଧଡା ଉଦଘାଟନ କରିଥିଲେ ।

ଚାଇଲ୍ଡ ଲାଇନ୍‌ ଦ୍ୱାରା ନାବାଳକ ଉଦ୍ଧାର

ବାଲିଆପାଳ,୧୭।୭(ଡି.ଏନ.ଏ.)-ବାଲିଆପାଳ ଚାଇଲ୍ଡଲାଇନ୍‌ ଦ୍ୱାରା ମଙ୍ଗଳବାର ଜଣେ ନାବାଳକଙ୍କୁ ଉଦ୍ଧାର କରାଯାଇଛି। ତାଙ୍କ ଘର ବାଲିଆପାଳ ଥାନା ଜଗତୀପୁର ପଞ୍ଚାୟତ ବଗଦା ଗ୍ରାମରେ। ଉକ୍ତ ନାବାଳକଙ୍କୁ ସେହି ଗ୍ରାମର କାର୍ତ୍ତିକ ବେହେରା ଗତ ୮ ତାରିଖରେ ଏକ ସାମାନ୍ୟ କଥାକୁ ନେଇ ମାଡ଼ ମାରିଥିଲେ।

ଦଶମ ଶ୍ରେଣୀ ଛାତ୍ରଙ୍କ ଆମତ୍ହତ୍ୟା

ରୂପ୍‌ସା,୧୭।୭(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ବାହାବଳପୁର ସାମୁଦ୍ରିକ ଥାନା ଅଞ୍ଚଳର ଜଣେ ଛାତ୍ର ବେକରେ ରଶି ଲଗାଇ ଆମତ୍ହତ୍ୟା କରିଛନ୍ତି। ଏ ସମ୍ପର୍କରେ ମେଡ଼ିକାଲ ଫାଣ୍ଡିରେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ କରାଇଛି। ସେ ସ୍ଥାନୀୟ ହାଇସ୍କୁଲରେ ଦଶମ ଶ୍ରେଣୀରେ ପଢୁଥିଲେ।

କେନ୍ଦ୍ରର କୁଶାସନ ବିରୋଧରେ ଆଇନ ଅମାନ୍ୟ

କେନ୍ଦ୍ରର କୁଶାସନ ବିରୋଧରେ ଆଇନ ଅମାନ୍ୟ

ବାରିପଦା ଅଫିସ,୧୭।୭- ଭାରତୀୟ କମ୍ୟୁନିଷ୍ଟ ପାର୍ଟିର ପରିବର୍ଦ୍ଧିତ ମୟୂରଭଞ୍ଜ ଜିଲା ପରିଷଦ ବୈଠକ ତ୍ରିନାଥ ପାତ୍ରଙ୍କ ସଭାପତିତ୍ୱରେ ପାର୍ଟିର ଜିଲା କାର୍ଯ୍ୟାଳୟ ତୁଳସିଚଉରାଠାରେ ଅନୁଷ୍ଠିତ ହୋଇଯାଇଛି। ପ୍ରାରମ୍ଭରେ ଜିଲା ସମ୍ପାଦକ ଜଗବନ୍ଧୁ ମିଶ୍ର ସାଙ୍ଗଠନିକ ଓ ରାଜନୈତିକ ରିପୋର୍ଟ ଉପସ୍ଥାପନ କରିଥିଲେ।

   ଭଜନ ସନ୍ଧ୍ୟା କାର୍ଯ୍ୟକ୍ରମ

ଭଜନ ସନ୍ଧ୍ୟା କାର୍ଯ୍ୟକ୍ରମ

ଉଦଳା, ୧୭।୭ (ଡି.ଏନ.ଏ.) - ଉଦଳା ଆଡପ ମଣ୍ଡପରେ ରାଜ୍ୟ ସରକାରଙ୍କ ସଂସ୍କୃତି ବିଭାଗ ପକ୍ଷରୁ ଚକାଡୋଳା ଭଜନ ସନ୍ଧ୍ୟା କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଡିହିରାକୁଳ ଚକାଡୋଳା ସାଂସ୍କୃତିକ ଦଳର କଣ୍ଠଶିଳ୍ପୀ ବିଶ୍ୱନାଥ ପଣ୍ଡା ଏବଂ ତାଙ୍କର ସାଥୀ କଳାକାର ବହୁ ଲୋକପ୍ରିୟ ଭଜନ ଗାନ କରିଥିଲେ ।

ଭୁଶୁଡିଲା ଡ୍ରେନ: ରାସ୍ତାରେ ଆଣ୍ଠୁଏ ପାଣି

ବଡ଼ସାହି,୧୭ ।୭(ସ୍ବ.ପ୍ର)-ବଡ଼ସାହି ବଜାରର ମୁଖ୍ୟ ସ୍ଥଳରେ ଥିବା ଡ୍ରେନ ପୋତିଯିବାରୁ ବର୍ଷାଜଳ ନିଷ୍କାସନ ନେଇ ସମସ୍ୟା ଉପୁଜିଛି । ସାମାନ୍ୟ ବର୍ଷାରେ ରାସ୍ତାଘାଟ, ତହସିଲ, ଥାନା, ରାଜସ୍ବ ଅଫିସ ବର୍ଷା ସମେତ ବହୁ ଦୋକାନ ପାଣିରେ ଉବୁଟୁବୁ ହେଉଛି । ଏପରିକି ଦୀର୍ଘଦିନ ଧରି ଡ୍ରେନ ଭାଙ୍ଗି ପଡିଥିବା ବେଳେ ବିପଦସଙ୍କୁଳ ଅବସ୍ଥାରେ ଟେଲିଫୋନ ଖୁଣ୍ଟ ଝୁଲି ରହିଛି । କୌଣସି ମୁହୂର୍ତ୍ତରେ ଅଘଟଣା ଘଟିବାର ଆଶଙ୍କାକୁ ଏଡାଇ ହେବ ନାହିଁ।

ଯୁବ ବାହିନୀର ଦକ୍ଷତା ବିକାଶ ଉପରେ ଗୁରୁତ୍ୱ

ଯୁବ ବାହିନୀର ଦକ୍ଷତା ବିକାଶ ଉପରେ ଗୁରୁତ୍ୱ

ବାରିପଦା ଅଫିସ,୧୭।୭- ବାରିପଦା ତକତପୁରସ୍ଥିତ ସରକାରୀ ବୈଷୟିକ ତାଲିମ କେନ୍ଦ୍ର ପରିସରରେ ବିଶ୍ୱ ଦକ୍ଷତା ଦିବସ ପାଳିତ ହୋଇଯାଇଛି। ତାଲିମ କେନ୍ଦ୍ରର ଅଧ୍ୟକ୍ଷ ଡ.ଶୁଭଙ୍ଗ କିଶୋର ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲାପାଳ ବିନିତ ଭରଦ୍ୱାଜ, ମୁଖ୍ୟବକ୍ତା ଭାବେ ଜିଲା ନିଯୁକ୍ତି ଅଧିକାରୀ ରଞ୍ଜନ କୁମାର ମିଶ୍ର ଯୋଗଦେଇଥିଲେ। ଏହି ଅବସରରେ ‘ପରିବେଶ ସୁରକ୍ଷା, ପୃଥିବୀ ସୁରକ୍ଷା’ ସ୍ଲୋଗାନରେ ସମସ୍ତେ ତାଲିମ କେନ୍ଦ୍ର ପରିସରରେ ବୃକ୍ଷ ରୋପଣ କରାଯାଇଥିଲା।

ଦୁଗ୍ଧ ଢାଳି ଚାଷୀଙ୍କ ପ୍ରତିବାଦ

ଦୁଗ୍ଧ ଢାଳି ଚାଷୀଙ୍କ ପ୍ରତିବାଦ

ଭଦ୍ରକ ଅଫିସ,୧୭।୭- ଚାଷୀଙ୍କଠାରୁ ଦୁଗ୍ଧ ସଂଗ୍ରହ କରା ନ ଯିବା ପ୍ରତିବାଦରେ ଭଦ୍ରକ ଜିଲା ବାସୁଦେବପୁର ବ୍ଲକ ଜଗନ୍ନାଥପ୍ରସାଦ ପଞ୍ଚାୟତର ୪୦ରୁ ଉର୍ଦ୍ଧ୍ୱ ଚାଷୀ ବିକ୍ଷୋଭ ପ୍ରଦର୍ଶନ କରିଛନ୍ତି। ସେମାନେ ସ୍ଥାନୀୟ ଗଙ୍ଗାମାତା ଦୁଗ୍ଧ ସୋସାଇଟି ଆଗରେ ଦୁଗ୍ଧ ଢାଳି ବିଭିନ୍ନ ନାରା ଦେଇ ଚାଷୀଙ୍କଠାରୁ କ୍ଷୀର ନ କିଣିବାକୁ ବାମୁଲ କମ୍ପାନୀ ପକ୍ଷରୁ ସୂଚନା ଦିଆଯାଇଥିବାରୁ ଏହାକୁ ନିନ୍ଦା କରି ଥିଲେ। ଗୋପାଳନ କରୁଥିବା ଚାଷୀ ଏଠାରେ କ୍ଷୀର ବିକି ନ ପାରି କ୍ଷତି ସହୁଛନ୍ତି। ସେମାନେ ପ୍ରତିବାଦ ଓ ବିରୋଧ କରିବା ସତ୍ତ୍ୱେ କୌଣସି ପ୍ରତିକାର ହେଉ ନ ଥିବା ଅଭିଯୋଗ କରିଛନ୍ତି।

ପୁରୁଣା ଫେରାର ଅଭିଯୁକ୍ତ ଗିରଫ

ଭଦ୍ରକ ଅଫିସ,୧୭।୭- ଭଦ୍ରକ ଜିଲା ବାସୁଦେବପୁର ବ୍ଲକର ନାୟକାଣିଡିହି ଥାନା ପୋଲିସ ଦୁଇ ପୁରୁଣା ଫେରାର ଅଭିଯୁକ୍ତଙ୍କୁ ସୋମବାର ବିଳମ୍ବିତ ରାତିରେ ଗିରଫ କରିଛି। ୨୦୧୧ର ଏକ ମାମଲାରେ ଗୋବିନ୍ଦପୁର ଅଞ୍ଚଳର ହରେକୃଷ୍ଣ ଓରଫ ଶଙ୍କର୍ଷଣ କର(୬୮) ଓ ୨୦୧୪ର ଏକ ମାମଲାରେ ତମ୍ବାଖଣ୍ଡି ଅଞ୍ଚଳର ସପନ କୁମାର ମାହୁନ୍ତ(୨୩) ଅଭିଯୁକ୍ତ ଥାଇ ଫେରାର ଥିଲେ।

ହେଲମେଟ ଯାଞ୍ଚ, ଜରିମାନା ଆଦାୟ

ଭଦ୍ରକ ଅଫିସ,୧୭।୭-ଭଦ୍ରକ ଜିଲା ନାୟକାଣିଡିହି ପୋଲିସ ପକ୍ଷରୁ ସଡକ ସଚେତନତା ପାଇଁ ବିରସ ଛକଠାରେ ସୋମବାର ସନ୍ଧ୍ୟାରେ ଦୁଇଚକିଆ ଯାନ ଯାଞ୍ଚ କରାଯାଇଥିଲା।

ସ୍ବଳ୍ପ ବୃଷ୍ଟିପାତ, କୃଷିକାର୍ଯ୍ୟ ବାଧାପ୍ରାପ୍ତ

ଚମ୍ପୁଆ/ଯୋଡ଼ା/ଝୁମ୍ପୁରା,୧୭।୭(ଡି.ଏନ.ଏ.): ସ୍ବଳ୍ପ ବୃଷ୍ଟିପାତ ଯୋଗୁଁ ଚମ୍ପୁଆ କୃଷି ଜିଲାରେ ଚାଷ ପ୍ରଭାବିତ ହେବ ବୋଲି ଆଶଙ୍କା ସୃଷ୍ଟି ହୋଇଛି। ଖରିଫ ଋତୁରେ କମ୍‌ ବୃଷ୍ଟିପାତ ଯୋଗୁଁ ପ୍ରଭାବ ସିଧା ସଳଖ ଚାଷୀକୁଳ ଉପରେ ପଡ଼ିଛି। ଆବଶ୍ୟକ ପରିମାଣ ବର୍ଷା ଅଭାବରୁ କୃଷିକାର୍ଯ୍ୟ ବାଧାପ୍ରାପ୍ତ ହୋଇଛି।

ଜିପିଏସ୍‌ ମେଶିନ ଅଚଳ

ଯୋଡ଼ା,୧୭।୭(ଡି.ଏନ୍‌.ଏ.): ଯୋଡା ଖଣି ମଣ୍ଡଳରେ ଥିବା ପ୍ରାୟ ୧୦ ହଜାରରୁ ଅଧିକ ଟ୍ରକ୍‌ ଓ ଡମ୍ପର ଜିପିଏସ୍‌ ମେଶିନ ଅଚଳ କରାଣରୁ ଖଣିଜ ବୋଝେଇ ନ କରି କରି ଠିଆ ହୋଇଛି। ଗତ ଶୁକ୍ରବାରଠାରୁ ଜିପିଏସ୍‌ ମେଶିନ ଆଇଥ୍ରି ଏମ୍‌ଏସ୍‌ ଇଣ୍ଟିଗ୍ରେଟେଡ ମାଇନ୍ସ ମିନେରାଲ୍ସ ମ୍ୟାନେଜମେଣ୍ଟ ସିଷ୍ଟମ ସହ ଟ୍ୟାଗ ହେଉ ନାହିଁ। ବିଭିନ୍ନ ଖଣିରେ ଖଣିଜ ବୋଝେଇ ନ କରି ଟ୍ରକ୍‌ ଓ ଡମ୍ପର ଅଟକି ରହିଛି। ଟ୍ରକ୍‌ର ଡ୍ରାଇଭର ଓ ହେଲ୍‌ପର ନ ଖାଇ ନ ପିଇ ଖଣି ଓ ରାସ୍ତାରେ ପଡି ରହିଛନ୍ତି।

ବର୍ଷାରେ ଭାଙ୍ଗିଲା ଘର : ପଲିଥିନ ତଳେ ପରିବାର

ବର୍ଷାରେ ଭାଙ୍ଗିଲା ଘର : ପଲିଥିନ ତଳେ ପରିବାର

ବାଲିଆପାଳ,୧୭।୭(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ବ୍ଲକ ଅନ୍ତର୍ଗତ ମଧୁପୁରା ଗ୍ରାମପଞ୍ଚାୟତର ପଞ୍ଚରୁଖି ଗ୍ରାମର ପଞ୍ଚାନନ ଜେନାଙ୍କର ମାଟି ଘରଟି ରବିବାର ପ୍ରବଳ ବର୍ଷାରେ ଭାଙ୍ଗିଯାଇଛି ।

ପରିବେଶ ସଚେତନତା କାର୍ଯ୍ୟକ୍ରମ

ସୋର, ୧୭।୭(ଡି.ଏନ.ଏ.)-ସୋର ମ୍ୟୁନିସିପାଲିଟି ଅଧୀନ ମୋବାରକପୁରସ୍ଥିତ ମାଉସୀ ମା’ ମନ୍ଦିର ନିକଟରେ ରାଜ୍ୟ ଗୃହ ଓ ନଗର ଉନ୍ନୟନ ବିଭାଗ ଆନୁକୂଲ୍ୟରେ ଏକ ପରିବେଶ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଯାଇଛି।

ଟ୍ରେନରେ କଟି ବୃଦ୍ଧଙ୍କ ମୃତ୍ୟୁ

ସୋର, ୧୭।୭(ଡି.ଏନ.ଏ.)- ବାଲେଶ୍ୱର ଜିଲା ସୋର ଷ୍ଟେଶନର ୨ନମ୍ବର ପ୍ଲାଟଫର୍ମରେ ସୋମବାର ଅପରାହ୍ନ ୫ଟାବେଳେ ଇଷ୍ଟକୋଷ୍ଟ ଏକ୍ସପ୍ରେସ ଟ୍ରେନରେ ଓହ୍ଲାଇ ପ୍ଲାଟଫର୍ମ ପାର ହେଉଥିବା ବେଳେ କୃଷ୍ଣଚନ୍ଦ୍ର ମହାରଣା (୬୫) ନାମକ ଜଣେ ବୃଦ୍ଧଙ୍କର ମୃତ୍ୟୁ ଘଟିଛି ।

ଜିଲାସ୍ତରୀୟ ସଂଘ ଅଧିବେଶନ

ସୋର, ୧୭।୭(ଡି.ଏନ.ଏ.)- ସୋର ମ୍ୟୁନିସିପାଲଟି ଅଧୀନ ବ୍ଲକ ଠାରେ ଥିବା ଶ୍ରୀ ନିଗମାନନ୍ଦ ସରସ୍ବତୀ ଦେବଙ୍କ ଶାଖା ଆଶ୍ରମ ପରିସରରେ ୩୨ତମ ବାଲେଶ୍ୱର-ଭଦ୍ରକ ଜିଲାସ୍ତରୀୟ ସଂଘ ଅଧିବେଶନ ଅନୁଷ୍ଠିତ ହୋଇଯାଇଛି ।

ପାଟପାଣି ଘାଟିରେ ଗାଡ଼ି ଦୁର୍ଘଟଣା

ରାଇସୁଆଁ,୧୭।୭(ଡି.ଏନ.ଏ.): କେନ୍ଦୁଝର ସହରଠାରୁ ଦୁର୍ଗମ ବାଂଶପାଳକୁ ଯାତାୟାତ କରୁଥିବା ବିଜୁଗାଁ ଗାଡି ଦୁର୍ଘଟଣାଗ୍ରସ୍ତ ହୋଇଛି।

ରାସ୍ତା ନିର୍ମାଣ ଲାଗି ଦାବିପତ୍ର

ବଡବିଲ, ୧୭।୭(ସ୍ବ.ପ୍ର.): କେନ୍ଦୁଝର ଜିଲା ବଡବିଲ ସହରକୁ ପ୍ରଦୂଷଣ ମୁକ୍ତ ସହ ଦୁର୍ଘଟଣା ରୋକିବାକୁ ଅବିଳମ୍ବେ ପ୍ରସ୍ତାବିତ ବାଇପାସ ରିଂ ରୋଡ୍‌ ନିର୍ମାଣ ପାଇଁ ଆବଶ୍ୟକ ପଦକ୍ଷେପ ନେବାକୁ ସ୍ଥାନୀୟ ସିଭିଲ ସୋସାଇଟି ପକ୍ଷରୁ ସୋମବାର କେନ୍ଦୁଝର ଜିଲାପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି।

ଛେଳି ଚାଷ କରି ରୋଜଗାରକ୍ଷମ

ଛେଳି ଚାଷ କରି ରୋଜଗାରକ୍ଷମ

କେନ୍ଦୁଝର, ୧୭।୭(ସ୍ବ.ପ୍ର.): ବଣପାହାଡ଼ ଘେରା ବାଂଶପାଳ ବ୍ଲକ ଅଞ୍ଚଳରେ ରହୁଥିବା ଆଦିମ ମଣିଷ କୁହାଯାଉଥିବା ଜୁଆଙ୍ଗ ଜନଜାତିଙ୍କ ବିକାଶ ହୋଇପାନି। ତଥାପି ସେମାନେ ଛେଳି ଚାଷ କରି ରୋଜଗାରକ୍ଷମ ହୋଇଛନ୍ତି। ଜୁଆଙ୍ଗମାନେ ଛେଳି ଚାଷ କରି ନିଜର ଅର୍ଥନୈତିକ ଅବସ୍ଥାକୁ ସୁଧାରିବାକୁ ଉଦ୍ୟମ ଚଳାଇଆସୁଛନ୍ତି। ବଣଜଙ୍ଗଲରେ ଛେଳିଙ୍କ ପାଇଁ ପର୍ଯ୍ୟାପ୍ତ ଖାଦ୍ୟ ରହିଛି। ଅନ୍ୟପକ୍ଷରେ ଦେଶୀ ଛେଳିର ଚାହିଦା ସହରାଞ୍ଚଳରେ ଅଧିକ ରହିଛି।

ଗାଁକୁ ନାହିଁ ରାସ୍ତା: ୩ କିମି ବୁହାହେଲେ ରୋଗୀ

ଗାଁକୁ ନାହିଁ ରାସ୍ତା: ୩ କିମି ବୁହାହେଲେ ରୋଗୀ

ସଜନାଗଡ଼,୧୭।୭(ଡି.ଏନ୍‌.ଏ): ନୀଳଗିରି ଉପଖଣ୍ଡ ଶିଆଡ଼ିମାଳ ପଞ୍ଚାୟତ କୁଲଡ଼ିହା ପାଦଦେଶରେ ସିନ୍ଦୁରିଆ ଗ୍ରାମରେ ଜଣେ ରୋଗୀଙ୍କୁ ମଙ୍ଗଳବାର ଦୀର୍ଘ ତିନି କି.ମି. ବୋହି ଆଣିବା ପରେ ଚିକିତ୍ସାଳୟରେ ଭର୍ତ୍ତି କରାଯାଇଛି। ସେ ହେଲେ ରୂହ୍ୟା ସିଂ।

ବିପଦ ସଙ୍କୁଳ ଅବସ୍ଥାରେ ଡ୍ରେନ,ପ୍ରଶାସନର ନିଘା ନାହିଁ

ବଡ଼ସାହି,୧୭ା୭(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି ବଜାରର ମୁଖ୍ୟ ସ୍ଥଳରେ ଥିବା ଡ୍ରେନ ପୋତିଯିବାରୁ ବର୍ଷାଜଳ ନିଷ୍କାସନ ନେଇ ସମସ୍ୟା ଉପୁଜିଛି । ସାମାନ୍ୟ ବର୍ଷାରେ ରାସ୍ତାଘାଟ, ତହସିଲ, ଥାନା, ରାଜସ୍ବ ଅଫିସ ଉବୁଟୁବୁ ହେଉଛି। ଦୀର୍ଘଦିନ ଧରି ଡ୍ରେନ ଭାଙ୍ଗି ପଡିଥିବା ବେଳେ ବିପଦ ସଙ୍କୁଳ ଅବସ୍ଥାରେ ଟେଲିଫୋନ ଖୁଣ୍ଟ ଝୁଲି ରହିଛି। କୌଣସି ମୁହୂର୍ତ୍ତରେ ଅଘଟଣ ଘଟିବାର ଆଶଙ୍କା ରହିଥିଲେ ହେଁ ପ୍ରଶାସନର ଏଥିପ୍ରତି ନିଘା ନାହିଁ।