ଅନଗୁଳ-ଢେଙ୍କାନାଳ

କୃଷକ ମହାସଂଘର ବିକ୍ଷୋଭ

କୃଷକ ମହାସଂଘର ବିକ୍ଷୋଭ

ଆଠମଲ୍ଲିକ, ୨୦ା୩(ଡି.ଏନ.ଏ.)- ମାନଜୋର ମଧ୍ୟମ ଜଳସେଚନ ପ୍ରକଳ୍ପ ନିର୍ମାଣ ସମ୍ପୂର୍ଣ୍ଣ କରାଯିବା, ବିସ୍ଥାପିତଙ୍କ ସମସ୍ୟା ସମାଧାନ, ଚାଷୀମାନଙ୍କ ଋଣ ଛାଡ, ସେବା ସମବାୟ ସମିତି ମାଧ୍ୟମରେ ଖରିଦ କରାଯାଇଥିବା ଏକ କ୍ୱିଣ୍ଟାଲ ଧାନରୁ କଟାଯାଇଥିବା ୪-୫ କେଜି ଧାନର ମୁଲ୍ୟ ଚାଷୀଙ୍କୁ ଫେରାଇବା, ଡାକ୍ତର ପଦବୀ ପୂରଣ କରାଯିବା, ଦେଉଳଝରୀରେ ପାନୀୟ ଜଳ ବ୍ୟବସ୍ଥା କରାଯିବା ଆଦି ବିଭିନ୍ନ ଦାବି ନେଇ ମଙ୍ଗଳବାର ଓଡ଼ିଶା କୃଷକ ମହାସଂଘ, ଆଠମଲ୍ଲିକ ଶାଖା ପକ୍ଷରୁ ସ୍ଥାନୀୟ ଉପଜିଲାପାଳଙ୍କ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ଆଇନଜୀବୀ ଅଞ୍ଜନ କୁମାର ପ୍ରଧାନଙ୍କ ନେତୃତ୍ୱରେ ଶତାଧିକ କୃଷକ ସ୍ଥାନୀୟ ଖେଳପଡିଆଠାରୁ ଶୋଭାଯାତ୍ରାରେ ବାହାରି ଉପଜିଲାପାଳ ଅଫିସ ସମ୍ମୁଖରେ ପହଞ୍ଚତ୍ଥିଲେ। ଆଠମଲ୍ଲିକ ଶାଖା ସଭାପତି ଦେବେନ୍ଦ୍ର କୁମାର ପ୍ରଧାନଙ୍କ ସଭାପତିତ୍ୱରେ ସେଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା।

ସ୍ତ୍ରୀଙ୍କୁ ହତ୍ୟା ଅଭିଯୋଗ: ସ୍ବାମୀ ଗିରଫ

ବନ୍ତଳା,୨୦।୩(ଡି.ଏନ.ଏ.)- ଯୌତୁକ ଦାବି କରି ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟ ପୁରୁଣାକୋଟ ଥାନା ଅଧୀନ ପୁରୁଣାକୋଟ ଗ୍ରାମର ଅବନ୍ତି ସାହୁ(୨୦)ଙ୍କୁ ତାଙ୍କ ସ୍ବାମୀ କାଳନ୍ଦୀ ସାହୁ ମଙ୍ଗଳବାର ସକାଳେ ହତ୍ୟା କରିଥିବା ଅଭିଯୋଗ ହୋଇଛି।

ଶିକ୍ଷକ କର୍ମଚାରୀ ମିଳିତ ମଞ୍ଚର ଧାରଣା

ଶିକ୍ଷକ କର୍ମଚାରୀ ମିଳିତ ମଞ୍ଚର ଧାରଣା

ଅନୁଗୋଳ ଅଫିସ/ବନ୍ତଳା,୨୦।୩(ଡି.ଏନ.ଏ.)- ଅନୁଗୋଳ ସରକାରୀ ହାଇସ୍କୁଲ ସମ୍ମୁଖରେ ମଙ୍ଗଳବାର ଓଡ଼ିଶା ସ୍କୁଲ, କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ ତରଫରୁ ଧାରଣା ଦିଆଯାଇଥିଲା। ଆନ୍ଦୋଳନକାରୀ ସ୍କୁଲ ଗେଟ୍‌ ବନ୍ଦ କରିବା ସହ ଭିତରକୁ ଖାତା ଦେଖିବା ପାଇଁ କୌଣସି ଶିକ୍ଷକଙ୍କୁ ଛାଡ଼ି ନ ଥିଲେ। ଫଳରେ ମୂଲ୍ୟାୟନରେ ବାଧା ସୃଷ୍ଟି ହୋଇଥିଲା।

ଓଡ଼ିଆଙ୍କୁ ପରିଚୟ ଦେଇଛି ପଖାଳ

ଓଡ଼ିଆଙ୍କୁ ପରିଚୟ ଦେଇଛି ପଖାଳ

ଅନୁଗୋଳ ଅଫିସ/ବଅଁରପାଳ,୨୦।୩- ଅନୁଗୋଳ ସ୍ବାଭିମାନ ମଞ୍ଚ ପକ୍ଷରୁ ବିଶ୍ୱ ପଖାଳ ଦିବସ ରନ୍ତଲେଇର ଏକ ଫାର୍ମହାଉସ୍‌ଠାରେ ପାଳିତ ହୋଇଯାଇଛି। ମଞ୍ଚର ଆବାହକ ଭୂପେଶ ଚନ୍ଦ୍ର ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ଗ୍ରାମ ଉନ୍ନୟନ ପ୍ରକଳ୍ପର ସହକାରୀ ପ୍ରକଳ୍ପ ନିର୍ଦ୍ଦେଶକ ଉମାକାନ୍ତ ରାଜ ଓ ଜିଲା କ୍ରୀଡ଼ା ଓ ସଂସ୍କୃତି ଅଧିକାରୀ ମହେନ୍ଦ୍ର କୁମାର ସାହୁ ଅତିଥି ଭାବେ ଯୋଗ ଦେଇ ପଖାଳର ଉତ୍ପତି, ଲୋକପ୍ରିୟତା ଓ ବିବର୍ତ୍ତନ ସମ୍ପର୍କରେ ଆଲୋଚନା କରାଯାଇଥିଲା। ପଖାଳ ସମଗ୍ର ଓଡ଼ିଆ ଜାତିକୁ ବିଶ୍ୱସ୍ତରରେ ପରିଚିତ କରାଇପାରିଛି ଅତିଥିମାନେ ମତବ୍ୟକ୍ତ କରିଥିଲେ।

ବେଙ୍ଗ, ଘରଚଟିଆଙ୍କ ବିଲୁପ୍ତି ବିପଦର ସଙ୍କେତ

ବନ୍ତଳା,୨୦।୩(ଡି.ଏନ.ଏ.)- ସମ୍ପ୍ରତି ୯୦ ପ୍ରତିଶତ ଘରଚଟିଆଙ୍କ ବିଲୁପ୍ତି ଘଟିଥିବାବେଳେ ବିରଳ ବେଙ୍ଗ ଆଉ ଦେଖିବାକୁ ମିଳୁନାହାନ୍ତି।

ରାଜପଥ ପାର୍‌ ହେଲେ ୨ ହାତୀ

ରାଜପଥ ପାର୍‌ ହେଲେ ୨ ହାତୀ

ଛେଣ୍ଡିପଦା,୨୦।୩(ଡି.ଏନ.ଏ.)- ଛେଣ୍ଡିପଦା ବନାଞ୍ଚଳ ଅନ୍ତର୍ଗତ ଗୋଡ଼ିମରା ସଂରକ୍ଷିତ ଜଙ୍ଗଲରୁ ୨ ହାତୀ ମଙ୍ଗଳବାର ଛେଣ୍ଡିପଦା-କୋଶଳା ୬୩ ନଂ. ରାଜ୍ୟ ରାଜପଥକୁ ଅତିକ୍ରମ କରି କରଡ଼ାବାହାଳ ଗ୍ରାମ ଅଭିମୁଖେ ଯାଇଛନ୍ତି। ରାସ୍ତା ପାର ହେଉଥିବାବେଳେ ଉଭୟ ପାର୍ଶ୍ୱରେ ଯାନବାହନ ଅଟକି ରହିଥିଲା।

ନିଶାମୁକ୍ତ ଅଞ୍ଚଳ ପାଇଁ ଶପଥ: ମଦ ବିକିଲେ ୧୦ ହଜାର ଜରିମାନା

ନିଶାମୁକ୍ତ ଅଞ୍ଚଳ ପାଇଁ ଶପଥ: ମଦ ବିକିଲେ ୧୦ ହଜାର ଜରିମାନା

ବଇଣ୍ଡା, ୨୦ା୩(ଡି.ଏନ.ଏ.)- କିଶୋରନଗର ବ୍ଲକ ହଣ୍ଡପା ଥାନା ସାନଗୋବିନ୍ଦପୁର ଗ୍ରାମକୁ ନିଶାମୁକ୍ତ କରିବା ପାଇଁ ମଙ୍ଗଳବାର ମହିଳା ଗୋଷ୍ଠୀ ଓ ଗ୍ରାମବାସୀ ଶପଥ ନେଇଛନ୍ତି। ଗ୍ରାମରେ ମଦ ବିକ୍ରି କଲେ କିମ୍ବା ମଦ ପିଇ ଗଣ୍ଡଗୋଳ କଲେ ସମ୍ପୃକ୍ତ ବ୍ୟକ୍ତିଙ୍କଠାରୁ ୧୦ ହଜାର ଜରିମାନା ଆଦାୟ କରାଯିବା ସହ ତାଙ୍କୁ ପୋଲିସ ଜିମା ଦିଆଯିବ ବୋଲି ନିଷ୍ପତ୍ତି ହୋଇଛି। ଏ ନେଇ ଗ୍ରାମର ସମସ୍ତ ମହିଳା ପୁରୁଷ ଏକଜୁଟ ହୋଇ ଗ୍ରାମର ମାହେଶ୍ୱରୀ ମନ୍ଦିରଠାରୁ ଶୋଭାଯାତ୍ରାରେ ବାହାରିଥିଲେ।

ଏପ୍ରିଲ ୨ରୁ ସର୍ବଭାରତୀୟ ରାତ୍ରିକାଳୀନ କ୍ରିକେଟ ଟୁର୍ନାମେଣ୍ଟ

ବଅଁରପାଳ,୨୦।୩(ଡି.ଏନ୍‌.ଏ.): ଅନୁଗୋଳ ଜିଲା ବଅଁରପାଳସ୍ଥିତ ପୁରିକିଆ ଷ୍ଟାଡିୟମଠାରେ ଜାତୀୟସ୍ତରୀୟ କେପିଏ କ୍ରିକେଟ ଟର୍ନାମେଣ୍ଟ ଏପ୍ରିଲ ୨ ତାରିଖରୁ ଆରମ୍ଭ ହେବ। ଏଥିରେ ମହାରାଷ୍ଟ୍ରର ରାୟପୁର, କଟକ, ଅନୁଗୋଳ, ନାଲକୋ ଓ ତାଳଚେର ଆଦି ୮ଟି ଦଳ ଅଂଶ ଗ୍ରହଣ କରିବେ।

ଶାଗୁଆନ ଜଙ୍ଗଲ, କାଜୁ ବଗିଚାରେ ନିଆଁ

ଶାଗୁଆନ ଜଙ୍ଗଲ, କାଜୁ ବଗିଚାରେ ନିଆଁ

ଛେଣ୍ଡିପଦା,୨୦।୩(ଡି.ଏନ୍‌.ଏ.): ଛେଣ୍ଡିପଦା ବନାଞ୍ଚଳ କୋଶଳା ସେକ୍‌ସନ ଅନ୍ତର୍ଗତ ଚନ୍ଦନ ନଗର ଗ୍ରାମ ନିକଟସ୍ଥ ବ୍ୟକ୍ତିଗତ ମାଲିକାନାରେ ଥିବା ଶାଗୁଆନ ଜଙ୍ଗଲରେ ମଙ୍ଗଳବାର ପୂର୍ବାହ୍ନ ୧୧ଟାରେ ଆକସ୍ମିକ ଭାବେ ନିଆଁ ଲାଗିଯାଇଥିଲା। ଗ୍ରାମବାସୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ।

ଟ୍ରକ-ବାଇକ୍‌ ଧକ୍କା, ୨ ଗୁରୁତର

ଟ୍ରକ-ବାଇକ୍‌ ଧକ୍କା, ୨ ଗୁରୁତର

ଭାପୁର,୨୦।୩(ଡି.ଏନ.ଏ.)- ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଅଧୀନ ନୂଆ ହାଟ ନିକଟ ପୁରୁଣା କଟକ ସମ୍ବଲପୁର ରାସ୍ତାରେ ମଙ୍ଗଳବାର ଏକ ଟ୍ରକ୍‌ ନଂ.(ଓଡି୦୫ଓ୍ବାଇ୧୮୯୯) ସହ ବାଇକ ନଂ. (ଓଆର୦୬ଏଚ୫୯୪୬) ଧକ୍କା ହୋଇଛି।

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ

ବଅଁରପାଳ,୨୦।୩(ଡି.ଏନ୍‌.ଏ.): ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଅନୁଗୋଳ ଏସ୍‌ପି ଅଫିସରେ କାର୍ଯ୍ୟରତ ପ୍ରମୋଦ ପଟ୍ଟନାୟକ ନାମକ ଜଣେ କନଷ୍ଟେବଳଙ୍କ କ୍ୱାଟର ସମେତ ବିଭିନ୍ନ ସ୍ଥାନରେ ମଙ୍ଗଳବାର ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି। ପ୍ରମୋଦଙ୍କ ତଳମୂଳସ୍ଥିତ ପୈତୃକ ଘର, ପ୍ରଗତୀନଗର ଏବଂ ନାଲ୍‌କୋସ୍ଥିତ ୨ଟି ଘର ଓ କିଶୋରନଗରସ୍ଥିତ ଶ୍ୱଶୁର ଘର ଆଦି ସ୍ଥାନରେ ଏହି ଚଢ଼ାଉ କରାଯାଇଛି।

 ହକ୍‌ ଦାବିକଲେ ଚାଷୀ

ହକ୍‌ ଦାବିକଲେ ଚାଷୀ

ଓଡ଼ାପଡ଼ା,୧୯।୩(ଡି.ଏନ.ଏ)-ଢେଙ୍କାନାଳ ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ସୋମବାର ୫୫ନଂ. ରାଜପଥର ସାଇଁବିରି ନିକଟରେ ଜାତୀୟ ରାଜପଥ ଅବରୋଧ କରାଯାଇଥିଲ। ।

ଅଟୋ-ଭ୍ୟାନ୍‌ ଧକ୍କା: ଜଣେ ମୃତ, ୨ ଗୁରୁତର

ଅଟୋ-ଭ୍ୟାନ୍‌ ଧକ୍କା: ଜଣେ ମୃତ, ୨ ଗୁରୁତର

ଓଡ଼ାପଡ଼ା, ୧୯।୩(ଡି.ଏନ.ଏ.)-ଢେଙ୍କାନାଳ ଜିଲା ସଦର ଥାନା ୫୫ନଂ. ରାଜପଥର ଚାଇଁପୁର ଛକ ନିକଟରେ ସୋମବାର ଏକ ଅଟୋରିକ୍ସାକୁ ଭ୍ୟାନ୍‌ ଧକ୍କା ଦେବାରୁ ଦୌପଦୀ ପ୍ରଧାନ(୭୫)ଙ୍କ ମୃତ୍ୟୁ ଘଟିଛି। ଏଥିରେ ଦ୍ରୌପଦୀଙ୍କ ନାତି ବାଦଲ (୧୩) ଓ ଅନ୍ୟଜଣେ ଯାତ୍ରୀ ରାଜୁ ନାୟକ(୨୮) ଗୁରୁତର ହୋଇଛନ୍ତି।

ହିନ୍ଦୋଳ ଏନ୍‌ଏସି ନିର୍ବାଚନ:୫୫ଜଣଙ୍କ ପ୍ରାର୍ଥତ୍ତ୍ୱ କାଏମ

ହିନ୍ଦୋଳ ଏନ୍‌ଏସି ନିର୍ବାଚନ:୫୫ଜଣଙ୍କ ପ୍ରାର୍ଥତ୍ତ୍ୱ କାଏମ

ହିନ୍ଦୋଳ, ୧୯।୩(ଡି.ଏନ.ଏ.)-ଢେଙ୍କାନାଳ ଜିଲା ହିନ୍ଦୋଳ ଏନ୍‌ଏସି ନିର୍ବାଚନ ପାଇଁ ନାମାଙ୍କନପତ୍ର ଯାଞ୍ଚ ପ୍ରକ୍ରିୟା ସୋମବାର ଶେଷହୋଇଛି। ନାମାଙ୍କନ ଦାଖଲ କରିଥିବା ସମସ୍ତ ୫୫ ଆଶାୟୀଙ୍କ ପ୍ରାର୍ଥତ୍ତ୍ୱ କାଏମ ରହିଛି। ବିଜେଡି, ଭାଜପା ଏବଂ କଂଗ୍ରେସ ପକ୍ଷରୁ ସମସ୍ତ ୧୬ ଓ୍ବାର୍ଡରେ ଦଳୀୟ ପ୍ରାର୍ଥୀ ଦିଆଯାଇଛି। ସେହିପରି ୭ଜଣ ସ୍ବାଧୀନ ଭାବେ ନିର୍ବାଚନ ରଣାଙ୍ଗନକୁ ଓହ୍ଲାଇଛନ୍ତି। ଭାଜପା, ବିଜେଡି ଓ କଂଗ୍ରେସ ପ୍ରାର୍ଥୀ ଦଳୀୟ ଚିହ୍ନରୁ ଲଢ଼ୁଥିବାବେଳେ ସ୍ବାଧୀନ ପ୍ରାର୍ଥୀଙ୍କୁ ନିର୍ବାଚନ ଚିହ୍ନ ପ୍ରଦାନ କରାଯାଇଛି।

ରାଜପଥରେ ୧୦୪ ହାତୀ, ଯାତାୟାତ ଠପ୍‌

ରାଜପଥରେ ୧୦୪ ହାତୀ, ଯାତାୟାତ ଠପ୍‌

ଢେଙ୍କାନାଳ ଅଫିସ, ୧୯।୩-ଢେଙ୍କାନାଳ ସଦର ଥାନା ଝାରଗାଡ଼ିଆ ଫାଣ୍ଡି ୫୫ନଂ. ଜାତୀୟ ରାଜପଥରେ ପୁଣି ହାତୀ ଆତଙ୍କ ଦେଖାଦେଇଛି। ରସାସିଂ ଗ୍ରାମ ନିକଟରେ ସୋମବାର ସକାଳ ୬ଟାରୁ ରାତି ପ୍ରାୟ ସାଢ଼େ ୧୧ଟା ଯାଏ ବିଭିନ୍ନ ଦଳରେ ୧୦୪ ହାତୀଙ୍କ ଉପସ୍ଥିତି ଭୟର ବାତାବରଣ ସୃଷ୍ଟି କରିଛି।

ଆଜିଠୁ ମାଟ୍ରିକ୍‌ ପରୀକ୍ଷାଖାତା ମୂଲ୍ୟାୟନ:ବିବି ହାଇସ୍କୁଲରେ କଡ଼ା ପହରା

ଆଜିଠୁ ମାଟ୍ରିକ୍‌ ପରୀକ୍ଷାଖାତା ମୂଲ୍ୟାୟନ:ବିବି ହାଇସ୍କୁଲରେ କଡ଼ା ପହରା

ଢେଙ୍କାନାଳ ଅଫିସ, ୧୯।୩-ଢେଙ୍କାନାଳର ବ୍ରଜନାଥ ବଡ଼ଜେନା ଉଚ୍ଚ ବିଦ୍ୟାଳୟରେ ମଙ୍ଗଳବାର ଆରମ୍ଭ ହେଉଛି ମାଟ୍ରିକ୍‌ ଖାତା ମୂଲ୍ୟାୟନ। ଜିଲାର ଏକମାତ୍ର ଉକ୍ତ କେନ୍ଦ୍ରରେ ଏହି କାର୍ଯ୍ୟକ୍ରମ ୧୨ଦିନ ବ୍ୟାପୀ ଚାଲିବ। ଏଥିପାଇଁ ଜିଲା ଶିକ୍ଷା ବିଭାଗ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ବିଭିନ୍ନ ବିଷୟରେ ୧୬ ୟୁନିଟ୍‌ରେ ମୋଟ ୨୫୨ଜଣ ପରୀକ୍ଷକ ନିଯୁକ୍ତ ହୋଇଛନ୍ତି। ତନ୍ମଧ୍ୟରୁ ୧୬ଜଣ ମୁଖ୍ୟ ପରୀକ୍ଷକ ଏବଂ ୪୮ଜଣ ଉପ ମୁଖ୍ୟ ପରୀକ୍ଷକ ଅଛନ୍ତି। ପ୍ରଥମଥର ପାଇଁ ମୂଲ୍ୟାୟନ କେନ୍ଦ୍ରରେ ସିସିଟିଭି କ୍ୟାମେରା ବ୍ୟବସ୍ଥା କରାଯାଇଛି। ସେହିପରି ପରୀକ୍ଷା ମୂଲ୍ୟାୟନ କେନ୍ଦ୍ରକୁ ମୋବାଇଲ ନିଷିଦ୍ଧ କରାଯାଇଛି।

ଦୁର୍ଘଟଣାରେ ସ୍ବାମୀ ମୃତ: ସ୍ତ୍ରୀ, ଝିଅ  ଗୁରୁତର

ଦୁର୍ଘଟଣାରେ ସ୍ବାମୀ ମୃତ: ସ୍ତ୍ରୀ, ଝିଅ ଗୁରୁତର

ଢେଙ୍କାନାଳ ଅଫିସ,୧୯।୩-ସ୍ବାସ୍ଥ୍ୟପରୀକ୍ଷା ପାଇଁ ଆସୁଥିଲେ। ହେଲେ ସ୍ବାସ୍ଥ୍ୟକେନ୍ଦ୍ରକୁ ଯିବା ପୂର୍ବରୁ ଚାଲିଗଲା ଜୀବନ। ଏକ ଅଭାବନୀୟ ଘଟଣାକ୍ରମେ ବାଇକ୍‌ରେ ଚିକିତ୍ସାଳୟକୁ ଆସୁଥିବାବେଳେ ଦୁର୍ଘଟଣାରେ ପ୍ରାଣ ହରାଇଛନ୍ତି ଢେଙ୍କାନାଳ ସଦର ଥାନା ବାରଦା ଗ୍ରାମର ରଜନୀକାନ୍ତ ନାୟକ(୩୫)।

ଜୀବନ ଧରି ରଖିଛି ଚୁଆ ପାଣି

ଜୀବନ ଧରି ରଖିଛି ଚୁଆ ପାଣି

ବଇଣ୍ଡା, ୧୯ା୩(ଡି.ଏନ.ଏ.)- ମାସେ କି ବର୍ଷେ ନୁହେଁ। ପାଣି ଟୋପେ ପାଇଁ ଦୀର୍ଘ ୨୦ ବର୍ଷ ହେଲା ଚାଲିଛି ଅନବରତ ସଂଘର୍ଷ। ଦିନଚର୍ଯ୍ୟା ଆରମ୍ଭରୁ ଘାରୁଛି ପାଣି ଚିନ୍ତା। ଶୌଚ ହେବା ପାଇଁ ବି ଯିବାକୁ ପଡୁଛି ୩ କିମି। ଏପରିସ୍ଥିତିରେ ଜୀବନ ଧାରଣ ପାଇଁ ଏକମାତ୍ର ମାଧ୍ୟମ ସାଜିଛି ଚୁଆ ପାଣି। ଅନ୍ୟ କେଉଁଠି ନୁହେଁ, ବିଭିନ୍ନ ଶିଳ୍ପକୁ ନେଇ ସମୃଦ୍ଧ ଅନୁଗୋଳ ଜିଲା ଆଠମଲ୍ଲିକ ବ୍ଲକ ସାନହୁଲା ପଞ୍ଚାୟତ ତଲେଇପଥର ଗ୍ରାମର କଟଙ୍ଗପାଳ ସାହି ବାସିନ୍ଦା ଏହି ସମସ୍ୟାରେ ଯୁଝି ହେଉଛନ୍ତି।

ଥଣ୍ଡା ପାନୀୟଜଳ ପ୍ରକଳ୍ପ ଉଦ୍‌ଘାଟିତ

ଅନୁଗୋଳ ଅଫିସ,୧୯।୩- ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ଆସୁଥିବା ରୋଗୀ ଓ ସେମାନଙ୍କ ସମ୍ପର୍କୀୟଙ୍କୁ ପାନୀୟଜଳ ଯୋଗାଇଦେବା ଉଦ୍ଦେଶ୍ୟରେ ଜିଲା ଖଣିଜ ପାଣ୍ଠିରେ ନିର୍ମିତ ଥଣ୍ଡା ପାନୀୟଜଳ ପ୍ରକଳ୍ପକୁ ସୋମବାର ଅନୁଗୋଳ ବିଧାୟକ ରଜନୀକାନ୍ତ ସିଂ ଉଦ୍‌ଘାଟନ କରିଛନ୍ତି।

ମେଡିକାଲ କଲେଜ କାର୍ଯ୍ୟକ୍ଷମ ଦାବି

ମେଡିକାଲ କଲେଜ କାର୍ଯ୍ୟକ୍ଷମ ଦାବି

ଅନୁଗୋଳ ଅଫିସ,୧୯।୩- ତାଳଚେର ଠାରେ ନିର୍ମାଣାଧୀନ ମେଡିକାଲ କଲେଜ ଓ ହସ୍ପିଟାଲକୁ ଚଳିତ ବର୍ଷଠାରୁ କାର୍ଯ୍ୟକ୍ଷମ ପାଇଁ ପଦକ୍ଷେପ ନେବା, ଜିଲା ମୁଖ୍ୟ ଚିକିତ୍ସାଳୟକୁ ସୁପରସ୍ପେଶାଲିଷ୍ଟ ହସ୍ପିଟାଲରେ ପରିଣତ କରି ମେଡିକାଲ କଲେଜକୁ ଉନ୍ନୀତ କରିବା, ଖାଲିପଡିଥିବା ବିଶେଷଜ୍ଞ ଡାକ୍ତର, ନର୍ସ, କର୍ମଚାରୀ ପଦବୀ ପୂରଣ ଆଦି ୫ ଦଫା ଦାବି ପୂରଣ ପାଇଁ ଅନୁଗୋଳ ଜିଲା ଜନଜୀବନ ସୁରକ୍ଷା କମିଟି ପକ୍ଷରୁ ବିଭିନ୍ନ ସମୟରେ ରାଜ୍ୟ ସରକାର ଓ ପ୍ରଶାସନର ଦୃଷ୍ଟି ଆକର୍ଷଣ କରାଯାଇଛି।

ବସ୍‌ରେ ପିଟିହେଲା ଟ୍ରକ: ୧୫ ଯାତ୍ରୀ ଗୁରୁତର

ବସ୍‌ରେ ପିଟିହେଲା ଟ୍ରକ: ୧୫ ଯାତ୍ରୀ ଗୁରୁତର

ପାଲଲହଡ଼ା,୧୯।୩(ଡି.ଏନ.ଏ)- ପାଲଲହଡ଼ା ଥାନା ଅନ୍ତର୍ଗତ ୧୪୯ ନଂ. ଜାତୀୟ ରାଜପଥ ପେଣ୍ଡେରାବସା ଛକ ନିକଟରେ ସୋମବାର ଏକ ବସ୍‌କୁ ଗ୍ୟାସ ସିଲିଣ୍ଡର ବୋଝେଇ ହୋଇଥିବା ଏକ ଟ୍ରକ୍‌ ଧକ୍କା ଦେଇଛି। ଫଳରେ ବସ୍‌ରେ ବସିଥିବା ୧୫ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି।

୬ ବଖରା ଜଳିଗଲା

ବଇଣ୍ଡା,୧୯।୩(ଡି.ଏନ.ଏ)- କିଶୋରନଗର ବ୍ଲକ କଟରଙ୍ଗା ପଞ୍ଚାୟତ କୃଷ୍ଣପୁରର ଦେହୁରୀସାହିରେ ସୋମବାର ଅଗ୍ନିକାଣ୍ଡ ଘଟି ମାଗୁଣି ଦେହୁରୀ, ମକାରୁ ଦେହୁରୀ, ଧରଣୀ ଦେହୁରୀ, ତୁଳସୀ ଦେହୁରୀ, ମୁନା ଦେହୁରୀଙ୍କ ୬ ବଖରା ଜଳିଯାଇଛି। ଅଗ୍ନିକାଣ୍ଡର କାରଣ ଜଣାପଡି ନାହିଁ

ଗ୍ରୀଡକୋ ସୁପରଭାଇଜରଙ୍କୁ ମାଡ଼

ଆଠମଲ୍ଲିକ,୧୯ା୩(ଡି.ଏନ.ଏ.)- ଅନୁଗୋଳ ଜିଲା ଠାକୁରଗଡ ଥାନା ମିଣ୍ଡୋଲ ଗ୍ରୀଡକୋ ସୁପରଭାଇଜର କୁଳଜିତ ମହନ୍ତଙ୍କୁ ମାଡ଼ ମରାଯାଇଥିବା ସୋମବାର ଥାନାରେ ଅଭିଯୋଗ ହୋଇଛି। ଏ ସଂକ୍ରାନ୍ତରେ ପୋଲିସ ନଂ. ୨୨/୧୮ ରେ ଏକ ମାମଲା ରୁଜୁ କରିଛି।

ମଦ ଜବତ, ଜଣେ ଗିରଫ

କଣିହାଁ, ୧୯ା୩(ଡି.ଏନ.ଏ.)- ବେଆଇନ ମଦ ବିକ୍ରି ଅଭିଯୋଗରେ କଣିହାଁ ବ୍ଲକ ସମଲ ଥାନା ପୋଲିସ ସୋମବାର ଜଣଙ୍କୁ ଗିରଫ କରିଛି। ଆଇଆଇସି ଗୀତାଞ୍ଜଳି ସାହୁଙ୍କ ସୂଚନାରୁ ଜଣାଯାଏ, ବୁରୁକୁନା ଗ୍ରାମରେ ମଦ ବିକ୍ରି ହେଉଥିବା ଖବର ପାଇ ପୋଲିସ ଚଢ଼ାଉ କରିଥିଲା।