ଅନଗୁଳ-ଢେଙ୍କାନାଳ

ଶିକ୍ଷକଙ୍କ ଘରୁ ଲୁଟ୍‌ ମାମଲା: ଧରାପଡିଲେ ଦୁଇ ନାବାଳକ

ଢେଙ୍କାନାଳ ଅଫିସ,୧୦।୭- ଢେଙ୍କାନାଳ ଜିଲା ସଦର ଥାନା ବେଲଟିକିରି ଗ୍ରାମରେ ଦୁଇଦିନ ତଳେ ଶିକ୍ଷକ ବିକ୍ରମାଦିତ୍ୟ ସାହୁଙ୍କ ଘରୁ ଲୁଟ୍‌ ମାମଲାରେ ସ୍ଥାନୀୟ ଅଞ୍ଚଳର ଦୁଇଜଣ ନାବାଳକଙ୍କୁ ପୋଲିସ ଧରିଛି। ଉଭୟଙ୍କୁ ଜୁଭେନାଇଲ ଅଦାଲତରେ ହାଜର କରିବା ପରେ ଅନୁଗୋଳସ୍ଥିତ ଜୁଭେନାଇଲ ଜେଲ ହାଜତକୁ ପଠା ଯାଇଥିବା ଥାନା ଅଧିକାରୀ ମଳୟ କୁମାର ନାୟକ ସୂଚନା ଦେଇଛମନ୍ତି।

ଭାଇଙ୍କୁ ଛାଡି ମହାପ୍ରଭୁ ଯିବେ ମାଉସୀ ଘର

ଭାଇଙ୍କୁ ଛାଡି ମହାପ୍ରଭୁ ଯିବେ ମାଉସୀ ଘର

ଢେଙ୍କାନାଳ ଅଫିସ,୧୦ା୭- ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି ପ୍ରସିଦ୍ଧ ଢେଙ୍କାନାଳ ରଥଯାତ୍ରା ପ୍ରସ୍ତୁତି। ଆସନ୍ତା ଶନିବାର ରଥରେ ବିଜେ ହେବେ ମହାପ୍ରଭୁ। ପ୍ରାୟ ୧୦୦ ବର୍ଷର ଏହି ନିଆରା ପରମ୍ପରାରେ ସାମିଲ ହେବାକୁ ଜିଲାବାସୀଙ୍କ ମଧ୍ୟରେ ସୃଷ୍ଟି ହୋଇଛି ଅହେତୁକ ଉତ୍କଣ୍ଠା। ଏଥିପାଇଁ ରଥ ନିର୍ମାଣ ପ୍ରାୟ ଶେଷ ହୋଇଆସିଥିବାବେଳେ ପ୍ରଶାସନିକ ପ୍ରସ୍ତୁତି ଜୋରସୋର୍‌ରେ ଚାଲିଛି।

ଆଦର୍ଶ ବିଦ୍ୟାଳୟ ସ୍ଥାପନ ଦାବି କଲା ଭାଜପା

ଆଠମଲ୍ଲିକ, ୧୦ା୭(ଡି.ଏନ.ଏ.)- ଆଠମଲ୍ଲିକ ବ୍ଲକରେ ଆଦର୍ଶ ବିଦ୍ୟାଳୟ ସ୍ଥାପନ ନେଇ ବିବାଦୀୟ ପରିସ୍ଥିତି ଲାଗିରହିଥିବା ବେଳେ ସୋମବାର ଆଠମଲ୍ଲିକ ବିଜେପି ପକ୍ଷରୁ ବ୍ଲକର ନଅଗଁା ପଞ୍ଚାୟତ ଯଦୁପୁରରେ ସ୍କୁଲ ସ୍ଥାପନ ପାଇଁ ଦାବି ହୋଇଛି। ଏ ନେଇ ଭାଜପା ରାଜ୍ୟ ଯୁବମୋର୍ଚ୍ଚା ଉପସଭାପତି ରୁଦ୍ର ପ୍ରସାଦ ଷଡଙ୍ଗୀଙ୍କ ନେତୃତ୍ୱରେ ଏକ ପ୍ରତିନିଧି ଦଳ ସ୍ଥାନୀୟ ଉପଜିଲାପାଳଙ୍କୁ ଭେଟି ରାଜ୍ୟପାଳଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିଛନ୍ତି।

ଘରେ ପଶି କଳାକନା ବୁଲାଇଲେ ଦୁର୍ବୃତ୍ତ

ଘରେ ପଶି କଳାକନା ବୁଲାଇଲେ ଦୁର୍ବୃତ୍ତ

ଅନୁଗୋଳ ଅଫିସ,୧୦।୭- ଅନୁଗୋଳ ଥାନା ତୁରଙ୍ଗ ଗ୍ରାମ ହରିଜନ ସାହିରେ ଗତ ରବିବାର ମଧ୍ୟ ରାତ୍ରିରେ ପ୍ରକାଶ ନାଏକଙ୍କ ଘରେ ଦୁର୍ବୃତ୍ତମାନେ ପଶି ସୁନା ଅଳଙ୍କାର ସହିତ ଟଙ୍କା ଲୁଟିକରି ଫେରାର ହୋଇଯାଇଛନ୍ତି। ଉପର ମହଲାରେ ଘରର କବାଟ ଖୋଲା କରି ପରିବାର ଲୋକମାନେ ଅଗଣାରେ ଶୋଇଥିଲେ।

ମାନସିକ ବିକୃତ ମହିଳାଙ୍କୁ ବଳାତ୍କାର ଅଭିଯୋଗ

ଅନୁଗୋଳ ଅଫିସ,୧୦ା୭- ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ଜଣେ ମାନସିକ ବିକୃତ ମହିଳାଙ୍କୁ ସୋମବାର ରାତିରେ ବଳତ୍କାର କରାଯାଇଥିବା ଅନୁଗୋଳ ଥାନାରେ ଅଭିଯୋଗ ହୋଇଛି। ଘଟଣାରେ ପୋଲିସ ଶିମିଳିପଡାର ଜଣେ ଯୁବକଙ୍କୁ ଅଟକ ରଖି ପଚରା ଉଚରା କରୁଛି।

ଭୂମିହୀନଙ୍କୁ ଜମି ମିଳିବା ଉପରେ ଗୁରୁତ୍ୱ

ଭୂମିହୀନଙ୍କୁ ଜମି ମିଳିବା ଉପରେ ଗୁରୁତ୍ୱ

ଢେଙ୍କାନାଳ ଅଫିସ,୧୦ା୭- ଗରିବ ଭୂମିହୀନଙ୍କୁ ସରକାରୀ ଯୋଜନାରେ ସାମିଲ କରି ସେମାନଙ୍କୁ ଜମି ପ୍ରଦାନ କରାଯିବା ନେଇ ସୋମବାର ଢେଙ୍କାନାଳ ବାଜିଚୌକସ୍ଥିତ ସିତାରାମ ଆଶ୍ରମ ପରିସରରେ ଏକ ବୈଠକ ଅନୁଷ୍ଠିତ ହୋଇଥିଲା। ଭୂମିହୀନ ପ୍ରଜା ସଂଘର ସଭାପତି ରୁଦ୍ରାନ୍ତ କୁମାର ଦଳେଇଙ୍କ ଆବାହକତ୍ୱରେ ଏହି ବୈଠକରେ ବିଶିଷ୍ଟ ଶ୍ରମିକ ନେତା ଯୋଗେନ୍ଦ୍ରନାଥ ତ୍ରିପାଠୀ, ସ୍ବରୁପାନନ୍ଦ ଦାସ, ପ୍ରଦ୍ୟୁମ୍ନ ନାଏକ, ବୁଲୁ ଜେନା, ଅନିଲ ରାଉତ, ବାବୁଲି ସିଂହ, ସାଗିର ମହମ୍ମଦ ପ୍ରମୁଖ ଯୋଗଦେଇ କିଭଳି ଭୂମିହୀନ ଲୋକେ କିପରି ଜମି ପାଇପାରିବେ ସେ ସମ୍ପର୍କରେ ମତ ଉପସ୍ଥାପନ କରିଥିଲେ।

ରଞ୍ଜାଗୋଳ ଗ୍ରାମ ସଭାପତିଙ୍କୁ ଆକ୍ରମଣ ମାମଲା: ଜଣେ ଅଭିଯୁକ୍ତ ଗିରଫ

ଢେଙ୍କାନାଳ ଅଫିସ,୧୦।୭- ଢେଙ୍କାନାଳ ଜିଲା ବାଲିମୀ ଥାନା ରଞ୍ଜାଗୋଳ ଗ୍ରାମ ସଭାପତି ଲିଙ୍ଗରାଜ ସାହୁଙ୍କୁ ଶୁକ୍ରବାର ସକାଳେ ଗୁଳିମାଡ ସହ ଲୁହା ରଡରେ ଆକ୍ରମଣ ଘଟଣାରେ ପୋଲିସ ସୋମବାର ସୁଜିତ୍‌ ସାମଲ ନାମକ ଜଣେ ଅଭିଯୁକ୍ତଙ୍କୁ ଭାପୁରରୁ ଗିରଫ କରିଛି। ଘଟଣାରେ ପ୍ରତ୍ୟକ୍ଷ ଭାବେ ଜଡ଼ିତ ଅନ୍ୟ ୨ ଅଭିଯୁକ୍ତ ଫେରାର ଥିବା ଏସ୍‌ପି ସନ୍ତୋଷ କୁମାର ନାୟକ ସୂଚନା ପ୍ରଦାନ କରିଛନ୍ତି।

ଓଡାପଡା ସରପଞ୍ଚ ସଂଘର ନୂତନ କର୍ମକର୍ତ୍ତା: ଜିତେନ୍ଦ୍ର ସଭାପତି, ମମିତା ସମ୍ପାଦକ

ଓଡାପଡା ସରପଞ୍ଚ ସଂଘର ନୂତନ କର୍ମକର୍ତ୍ତା: ଜିତେନ୍ଦ୍ର ସଭାପତି, ମମିତା ସମ୍ପାଦକ

ଢେଙ୍କାନାଳ ଅଫିସ,୧୦ା୭- ଢେଙ୍କାନାଳ ଜିଲା ଓଡାପଡା ବ୍ଲକ ସରପଞ୍ଚ ସଂଘର ନୂତନ କର୍ମକର୍ତ୍ତା ଚୟନ ଗୁଣ୍ଡିଚାପଡା ଗ୍ରାମପଞ୍ଚାୟତ କାର୍ଯ୍ୟାଳୟରେ ରବିବାର ଅନୁଷ୍ଠିତ ହୋଇଯାଇଛି। ଏଥିରେ ୨୮ଟି ପଞ୍ଚାୟତର ସରପଞ୍ଚ ଯୋଗ ଦେଇଥିଲେ। ବ୍ଲକ ଅଧ୍ୟକ୍ଷା ସସ୍ମିତା ମହାନ୍ତି ଅତିଥି ଭାବେ ଯୋଗ ଦେଇଥିଲେ। ସରପଞ୍ଚମାନଙ୍କୁ ନେଇ ଗଠିତ ହୋଇଥିବା ସଂଘର ସଭାପତି ଭାବେ ଜିତେନ୍ଦ୍ର ଧୀର, କାର୍ଯ୍ୟକାରୀ ସଭାପତି ଭାବେ କାର୍ତ୍ତିକ କୁମାର ସାହୁ, ସମ୍ପାଦକ ଭାବେ ମମିତା ମଞ୍ଜରୀ ନାୟକଙ୍କୁ ମନୋନୀତ କରାଯାଇଥିଲା।

୫ଲକ୍ଷ ଲୁଟ୍‌ ଘଟଣା, ୫ ଗିରଫ

୫ଲକ୍ଷ ଲୁଟ୍‌ ଘଟଣା, ୫ ଗିରଫ

ବଅଁରପାଳ ୧୦।୭,(ଡି.ଏନ୍‌.ଏ.) ଅନୁଗୋଳ ଜିଲା ବଅଁରପାଳ ଥାନା ପୋଲିସକୁ ମିଳିଛି ବଡ଼ ସଫଳତା। ଏକାବେଳେ ୫ଜଣ ଅପରାଧୀ ପୋଲିସ ହାତରେ ଧରାପଡ଼ିଛନ୍ତି। ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଯୋରାଗାଡ଼ିଆ ନିକଟରୁ ଗତ ଜୁନ୍‌ ମାସରେ ଦୁଷ୍ମନ୍ତ ସାହୁ ନାମକ ଜଣେ ବ୍ୟବସାୟୀଙ୍କ ଠାରୁ ଦୃର୍ବୁତ୍ତମାନେ ୫ ଲକ୍ଷ ଟଙ୍କା ଲୁଟି ନେଇଥିଲେ। ଦୁଷ୍ମନ୍ତ ଓ ତାଙ୍କ ଅନ୍ୟ ତିନି ଜଣ ସାଥି ଟଙ୍କା ସଂଗ୍ରହ କରି ଏକ ପିକଅପ୍‌ ଭ୍ୟାନ୍‌ରେ ଅନୁଗୋଳ ଆଡ଼କୁ ଆସୁଥିବା ବେଳେ ଜୋରାଗାଡ଼ିଆଠାରେ ଦୃର୍ବୃତ୍ତମାନେ ସେମାନଙ୍କୁ ଭୟଭୀତ କରି ଟଙ୍କା ବ୍ୟାଗ ଛଡ଼ାଇ ନେଇଥିଲେ।

୨୩୪ ପ୍ରକଳ୍ପ ଲାଗି ୬ କୋଟି ୨୫ ଲକ୍ଷ ବ୍ୟୟ ମଞ୍ଜୁର କଲେ ମୁଖ୍ୟମନ୍ତ୍ରୀ

୨୩୪ ପ୍ରକଳ୍ପ ଲାଗି ୬ କୋଟି ୨୫ ଲକ୍ଷ ବ୍ୟୟ ମଞ୍ଜୁର କଲେ ମୁଖ୍ୟମନ୍ତ୍ରୀ

ଅନୁଗୋଳ ଅଫିସ,୧୦।୭: ଅନୁଗୋଳ ଜିଲା ଷ୍ଟାଡିୟମଠାରେ ମଙ୍ଗଳବାର ଆମ ଗାଁ ଆମ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବ୍ଲକର ଲୋକଙ୍କ ସହ ଭିଡିଓ କନ୍‌ଫରେନ୍ସିଂ ଜରିଆରେ ବିଭିନ୍ନ ସମସ୍ୟା ନେଇ ଆଲୋଚନା କରିଛନ୍ତି।

ଖାଦ୍ୟ ସୁରକ୍ଷା ଯୋଜନାରେ ନାଁ ନାହିଁ

ଖାଦ୍ୟ ସୁରକ୍ଷା ଯୋଜନାରେ ନାଁ ନାହିଁ

ଛେଣ୍ଡିପଦା, ୧୦ା୭(ସ୍ବ.ପ୍ର.)ଶିଳ୍ପରେ ସମୃଦ୍ଧ। ନିଯୁକ୍ତି ପାଇଁ ରହିଛି ଯଥେଷ୍ଟ ସୁଯୋଗ। ତଥାପି ଶିଳ୍ପାୟନର ସୁଖ ପାଇପାରୁ ନାହାନ୍ତି ଅଞ୍ଚଳବାସୀ। ଦୁଃଖ କମିବା ପରିବର୍ତ୍ତେ ଦିନକୁ ଦିନ ବଢି ଚାଲିଛି।

ମୌଳିକ ଅଧିକାର ମିଳିବା ନେଇ ଲୋକେ ଆଶାବାଦୀ

ମୌଳିକ ଅଧିକାର ମିଳିବା ନେଇ ଲୋକେ ଆଶାବାଦୀ

ବନ୍ତଳା,୧୦ା୭ (ଡି.ଏନ୍‌.ଏ.)ଅନୁଗୋଳ ଜିଲା ସାତକୋଶିଆରେ ବାଘ ବଂଶ ବୃଦ୍ଧି ପାଇଁ ସରକାର ବଡ଼ ପଦକ୍ଷେପ ସ୍ବରୂପ ଅଭୟାରଣ୍ୟ ସୀମା ବୃଦ୍ଧି କରିଛନ୍ତି। ଅନୁଗୋଳ ସମେତ ଢେଙ୍କାନାଳ, ବୌଦ୍ଧ ଓ କଟକ ଜିଲାରେ ଥିବା ୧୦ ରିଜର୍ଭ ଜଙ୍ଗଲର ୩୫୯.୭୯ ବର୍ଗ କିମିକୁ ଏଥିରେ ମିଶାଯାଇଛି।

୬ ଘଣ୍ଟା ଧରି ଭାରିଯାନକୁ ଅଟକାଇଲେ

୬ ଘଣ୍ଟା ଧରି ଭାରିଯାନକୁ ଅଟକାଇଲେ

ଢେଙ୍କାନାଳ ଅଫିସ,୧୦ା୭ ଢେଙ୍କାନାଳ ଜିଲା ଗଁଦିଆ ଅଞ୍ଚଳ ଦେଇ ଯାଇଥିବା ରାସ୍ତାରେ ଦିନରାତି ଭାରିଯାନ ଚଳାଚଳ କରିବାରୁ ସଡକ ଦୁର୍ଘଟଣା ବୃଦ୍ଧି ପାଉଛି। ଏହା ପ୍ରତିବାଦରେ ସୋମବାର ଭୋର ୫ଟାରୁ ଅଞ୍ଚଳବାସୀ ଗଁଦିଆରେ ଭାରିଯାନଗୁଡିକୁ ପ୍ରାୟ ୬ଘଣ୍ଟା ଧରି ଅଟକାଇ ରଖିଥିଲେ।

ଉତ୍ତ୍ୟକ୍ତ ଲୋକଙ୍କ ରାଜପଥ ଅବରୋଧ

ଛେଣ୍ଡିପଦା,୧୦ା୭(ସ୍ବ.ପ୍ର.)/(ଡି.ଏନ.ଏ.)ଛେଣ୍ଡିପଦା ଥାନା କୋଶଳା ପଞ୍ଚାୟତର ଶିମିଳିସାହିଠାରେ ଗତ ୫ ତାରିଖରେ ଏକ ବାଇକ୍‌ ଧକ୍କାରେ ଗୁରୁତର ହୋଇଥିବା କ୍ଷୀରୋଦିନି ସାହୁ(୪୫)ଙ୍କ ସୋମବାର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି।

ସୁନା ଦୋକାନରେ କିନ୍ନରଙ୍କ ଉନ୍ମତ୍ତକାଣ୍ଡ ଅଭିଯୋଗ

ସୁନା ଦୋକାନରେ କିନ୍ନରଙ୍କ ଉନ୍ମତ୍ତକାଣ୍ଡ ଅଭିଯୋଗ

ଅନୁଗୋଳ ଅଫିସ,୧୦ା୭ ଅନୁଗୋଳ ଲକ୍ଷ୍ମୀ ବଜାର ରାମଚଣ୍ଡି ଜୁଏଲର୍ସରେ ସୋମବାର ରାତିରେ ୪ ଜଣ କିନ୍ନର ଉନ୍ମତ୍ତକାଣ୍ଡ ଘଟାଇନ୍ତି। ସେମାନେ ମଦ୍ୟପାନ କରି ଦୋକାନୀଙ୍କୁ ମାରପିଟ୍‌ କରିବା ସହ ଗାଳି କରିଥିବା ଅନୁଗୋଳ ଥାନାରେ ଅଭିଯୋଗ ହୋଇଛି।

ଯୁବକଙ୍କ ଅସ୍ବାଭାବିକ ମୃତ୍ୟୁ ଘଟଣା:ସାଇଣ୍ଟିଫିକ୍‌ ଟିମ୍‌ କଲା ଯାଞ୍ଚ

ଯୁବକଙ୍କ ଅସ୍ବାଭାବିକ ମୃତ୍ୟୁ ଘଟଣା:ସାଇଣ୍ଟିଫିକ୍‌ ଟିମ୍‌ କଲା ଯାଞ୍ଚ

ଅନୁଗୋଳ ଅଫିସ,୧୦ା୭ ଅନୁଗୋଳ କୁମଣ୍ଡ ଭଣ୍ଡବର ଅଞ୍ଚଳରେ ରବିବାର ଘଟିଥିବା ନିହାର ରଞ୍ଜନ ସାହୁଙ୍କ ଅସ୍ବାଭାବିକ ମୃତ୍ୟୁ ଘଟଣା ନୂଆ ମୋଡ଼ ନେଇଛି।

ପୋଲିସ ହାତରେ ଦୁର୍ବୃତ୍ତଙ୍କ ବାଇକ୍‌

ପୋଲିସ ହାତରେ ଦୁର୍ବୃତ୍ତଙ୍କ ବାଇକ୍‌

ଅନୁଗୋଳ ଅଫିସ,୧୦ା୭ଅନୁଗୋଳ ସହରସ୍ଥିତ ଇଣ୍ଡିଆନ ବ୍ୟାଙ୍କରୁ ଗତ ଶନିବାର ହୋଇଥିବା ଡକାୟତି ଘଟଣାରେ ସମ୍ପୃକ୍ତ ଥିବା ଦୁର୍ବୃତ୍ତଙ୍କ ସମ୍ପର୍କରେ ପୋଲିସକୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଛି। ଡକାୟତମାନେ ଛାଡ଼ି ଯାଇଥିବା ଏକ ବାଇକ୍‌ ପୋଲିସ ହାତରେ ଲାଗିଛି।

ଲୁଟିନେଲେ ମୋବାଇଲ, ଟଙ୍କା

ଲୁଟିନେଲେ ମୋବାଇଲ, ଟଙ୍କା

ଗଣିଆ,୯।୭(ଡି.ଏନ୍‌.ଏ.)- ନୟାଗଡ଼ ଜିଲା ଗଣିଆ ଅଞ୍ଚଳରେ ଲୁଟେରାମାନେ ପୋଲିସକୁ ଚାଲେଞ୍ଜ ଦେଇ ଦିନ ଦ୍ୱିପ୍ରହରରେ ଲୁଟ୍‌ କରିବାରେ ଲାଗିଛନ୍ତି। ସୋମବାର ପୂର୍ବାହ୍ନରେ ଜଣେ ଶିକ୍ଷୟିତ୍ରୀ ବିଦ୍ୟାଳୟକୁ ଯାଉଥିବା ବେଳେ ଲୁଟ୍‌ର ଶିକାର ହୋଇଛନ୍ତି। ଲୁଟେରାମାନେ ତାଙ୍କୁ ଆକ୍ରମଣ କରି ମୋବାଇଲ ଓ ଟଙ୍କା ଲୁଟିନେଇଛନ୍ତି। ମିଳିଥିବା ସୂଚନା ଅନୁଯାୟୀ ପ୍ରତିମା ସାହୁ ନାମ୍ନୀ ଶିକ୍ଷୟିତ୍ରୀ ଆଡ଼କଟା ପଞ୍ଚାୟତର ଉପର ହଦପଶି ପ୍ରାଥମିକ ବିଦ୍ୟାଳୟକୁ ସ୍ବାମୀଙ୍କ ସହ ବାଇକ୍‌ରେ ଯାଉଥିଲେ।

କେନାଲ ମରାମତି ନ ହେଲେ ଅନଶନ

ତାଳଚେର, ୯ା୭(ନି.ପ୍ର.)- କେନାଲ ଓ ସାଇଫନ ମରାମତି ନ ହେଲେ ଆସନ୍ତା ୧୩ ତାରିଖରେ ପରଜଙ୍ଗ ଥାନା ବସୁଲେଇ ପଞ୍ଚାୟତବାସୀ ସମଲ ବ୍ୟାରେଜ ଚିଫ୍‌ ଇଞ୍ଜିନିୟରଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ କରିବେ ବୋଲି ଘୋଷଣା କରିଛନ୍ତି। ଏ ସମ୍ପର୍କରେ ଗ୍ରାମବାସୀ ସମଲ ବ୍ୟାରେଜ ଚିଫ୍‌ ଇଞ୍ଜିନିୟର, ଜିଲାପାଳ ଅନୁଗୋଳ, ଉପଜିଲାପାଳ ତାଳଚେର, ଏସ୍‌ଡିପିଓ ତାଳଚେର ଓ ବିଧାୟକଙ୍କୁ ଲିଖିତ ଭାବେ ଅବଗତ କରିଛନ୍ତି।

ସମସ୍ତ ସରକାରୀ ଯୋଜନା  ଲୋକଙ୍କଠାରେ  ପହଞ୍ଚାଅ

ସମସ୍ତ ସରକାରୀ ଯୋଜନା ଲୋକଙ୍କଠାରେ ପହଞ୍ଚାଅ

ବଇଣ୍ଡା,୯।୭(ଡି.ଏନ.ଏ.)- ଗ୍ରାମାଞ୍ଚଳରେ ବାସ କରୁଥିବା ଲୋକଙ୍କ ପାଇଁ ସରକାର ଅନେକ ଲୋକାଭିମୁଖୀ ଯୋଜନା ପ୍ରଚଳନ କରିଛନ୍ତି। ହେଲେ ସେ ଗୁଡ଼ିକ ଠିକ୍‌ ଭାବେ ସଠିକ ହିତାଧିକାରୀଙ୍କ ନିକଟରେ ପହଞ୍ଚି ପାରୁ ନାହିଁ।

ମୋ’ ସ୍କୁଲ ଅଭିଯାନ କାର୍ଯ୍ୟକ୍ରମ

ମୋ’ ସ୍କୁଲ ଅଭିଯାନ କାର୍ଯ୍ୟକ୍ରମ

ବଇଣ୍ଡା,୯।୭(ଡି.ଏନ.ଏ.)- ନାକିଚି ଉ.ପ୍ରା ବିଦ୍ୟାଳୟଠାରେ ରବିବାର ମୋ’ ସ୍କୁଲ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ପିକ୍‌ଅପ ଭ୍ୟାନ୍‌ ଦୁର୍ଘଟଣାଗ୍ରସ୍ତ: ୨ ଗୁରୁତର

ବଇଣ୍ଡା,୯।୭(ଡି.ଏନ.ଏ.)- କଟକ-ସମ୍ବଲପୁର ୫୫ ନଂ. ଜାତୀୟ ରାଜପଥର କିଶୋରନଗର ଥାନା ଚମ୍ପାପୁର ନିକଟରେ ରବିବାର ବିଳମ୍ବିତ ରାତିରେ ଏକ ପରିବା ବୋଝେଇ (ନଂ.ଓଡି୦୫ଏସି୩୩୯୦) ପିକ୍‌ଅପ ଭ୍ୟାନ ଭାରସାମ୍ୟ ହରାଇ ଓଲଟି ପଡ଼ି ଦୁର୍ଘଟଣାଗ୍ରସ୍ତ ହୋଇଛି।

ଅଟୋ ଓଲଟି ୬ ଆହତ

ଅଟୋ ଓଲଟି ୬ ଆହତ

ଛେଣ୍ଡିପଦା,୯ା୭(ସ୍ବ.ପ୍ର.)- ୬୩ ନଂ. ରାଜପଥର ଛେଣ୍ଡିପଦା ଥାନା କୁଦପାଳ ଛକ ନିକଟରେ ସୋମବାର ଅପରାହ୍ନ ୨.୩୦ରେ ଏକ ଅଟୋ ଓଲଟି ପଡ଼ିଥିବାରୁ ଚାଳକଙ୍କ ସମେତ ୬ ଜଣ ଆହତ ହୋଇଛନ୍ତି। ପ୍ରକାଶ ଯେ, ବଅଁରପାଳ ଥାନା ତୁଳସୀପୁର ଗ୍ରାମର ଶରତ ପୃଷ୍ଟି ନିଜ ଗାଡିରେ ଶ୍ୱଶୁର ଭିକାରୀ ସାହୁଙ୍କୁ ଧରି ବସପୁର ଗ୍ରାମର ସମ୍ପର୍କୀୟଙ୍କ ଘରକୁ ଯାଇଥିଲେ।

 ଅନୁଗୋଳରେ ଅତିରିକ୍ତ ପୋଲିସ ମହାନିର୍ଦ୍ଦେଶକ

ଅନୁଗୋଳରେ ଅତିରିକ୍ତ ପୋଲିସ ମହାନିର୍ଦ୍ଦେଶକ

ଅନୁଗୋଳ ଅଫିସ,୯।୭- ଅତିରିକ୍ତ ପୋଲିସ ମହାନିର୍ଦ୍ଦେଶକ ସନ୍ତୋଷ କୁମାର ଉପାଧ୍ୟାୟ ସୋମବାର ଅନୁଗୋଳରେ ପହଞ୍ଚି ଆଇନଶୃଙ୍ଖଳା ପରିସ୍ଥିତି ସମୀକ୍ଷା କରିଛନ୍ତି।