ଅନଗୁଳ-ଢେଙ୍କାନାଳ

ଗଦାଶିଳାବାସୀଙ୍କ ଆନ୍ଦୋଳନ ସ୍ଥଗିତ

କଣିହାଁ,୧୩।୫(ଡି.ଏନ.ଏ)- କଣିହାଁ ବ୍ଲକ ଏନ୍‌ଟିପିସି ଥାନା ଗଦାଶିଳା ଗ୍ରାମବାସୀ ଶୁକ୍ରବାରଠାରୁ ଚଳାଇଥିବା ଆନ୍ଦୋଳନକୁ ଶନିବାର ସ୍ଥଗିତ ରଖିଛନ୍ତି। ପ୍ରକଳ୍ପ ସାମାଜିକ ଦାୟିତ୍ୱବୋଧ ଯୋଜନାରେ ଗ୍ରାମର ଉନ୍ନତୀକରଣ ପାଇଁ ଗ୍ରାମବାସୀ ଜେଆଇଟିପିଏଲ ପମ୍ପ ହାଉସ ନିକଟରେ ଆନ୍ଦୋଳନ କରିଥିଲେ।

ଏନ୍‌ଜେନ୍‌ କର୍ମଚାରୀଙ୍କ ବାର୍ଷିକ ଅଧିବେଶନ

ଛେଣ୍ଡିପଦା, ୧୩ା୫(ଡି.ଏନ.ଏ.)--ଜିଲା ଛେଣ୍ଡିପଦା ଇଲେକ୍ଟ୍ରିକାଲ ସବ୍‌ଡିଭିଜନ ବିଦ୍ୟୁତ୍‌ ବିତରକ ସଂସ୍ଥା ଏନ୍‌ଜେନ୍‌ ଗ୍ଲୋବାଲ ସଲ୍ୟୁସନସ୍‌ ପ୍ରା. ଲିଃ କମ୍ପାନୀ କର୍ମଚାରୀଙ୍କ ବାର୍ଷିକ ଅଧିବେଶନ ବୁଧବାର ସ୍ଥାନୀୟ କୋଶଳା ମହର୍ଷି ଆଇଟିଆଇ ପରିସରରେ ଅନୁଷ୍ଠିତ ହୋଇଯାଇଛି।

ନୂତନ ଆଇଆଇସିଙ୍କ ଯୋଗଦାନ

କଣିହାଁ,୧୩।୫(ଡି.ଏନ.ଏ)- କଣିହାଁ ଥାନାରେ ନୂତନ ଆଇଆଇସି ଭାବେ ଚିତ୍ତରଞ୍ଜନ ବେହେରା ଯୋଗଦାନ କରିଛନ୍ତି।

ଟାଏକୋଣ୍ଡୋ ଚାମ୍ପିୟନଶିପ୍‌ରେ ଅନୁଗୋଳର ସଫଳତା

ଅନୁଗୋଳ ଅଫିସ,୧୩ା୫- ଭୁବନରେ ଗତ ୪ରୁ ୬ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଯାଇଥିବା ପ୍ରଥମ ଟାଏକୋଣ୍ଡୋ ଚାମ୍ପିୟନଶିପ୍‌ରେ ଅନୁଗୋଳର ପ୍ରତିଯୋଗୀଙ୍କୁ ସଫଳତା ମିଳିଛି।

ଆବାସ ଯୋଜନା ଟଙ୍କା ହଡ଼ପ ଅଭିଯୋଗ

ଆବାସ ଯୋଜନା ଟଙ୍କା ହଡ଼ପ ଅଭିଯୋଗ

ପାଲଲହଡା,୧୩।୫ (ଡି.ଏନ.ଏ.) -ଅନୁଗୋଳ ଜିଲା ପାଲଲହଡା ବ୍ଲକ ଶିଗଡ ପଞ୍ଚାୟତ ନାଇକାନୀପାଲି ଗ୍ରାମରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଟଙ୍କା ହଡପ କରାଯାଇଥିବା ବୁଧବାର ବ୍ଲକ ଅଧ୍ୟକ୍ଷଙ୍କ ନିକଟରେ ଅଭିଯୋଗ ହୋଇଛି।

ପ୍ରତାରିତା ଯୁବତୀଙ୍କୁ ନ୍ୟାୟ ପ୍ରଦାନ ଦାବି

ପ୍ରତାରିତା ଯୁବତୀଙ୍କୁ ନ୍ୟାୟ ପ୍ରଦାନ ଦାବି

ଢେଙ୍କାନାଳ ଅଫିସ, ୧୩ା୫- ପ୍ରତାରଣାର ଶିକାର ହୋଇଥିବା ଢେଙ୍କାନାଳ ଜିଲା ମୋଟଙ୍ଗା ଥାନା ଅଞ୍ଚଳର ଜଣେ ଯୁବତୀଙ୍କୁ ନ୍ୟାୟ ଦେବାକୁ ଅଣ୍ଟା ଭିଡ଼ିଛି ଭାଜପା ମହିଳା ମୋର୍ଚ୍ଚା। ଶନିବାର ଦଳୀୟ କର୍ମକର୍ତ୍ତା ଏ ସଂକ୍ରାନ୍ତରେ ଏସ୍‌ପିଙ୍କ ଫେରାଦ୍‌ ହୋଇଛନ୍ତି।

ହିନ୍ଦୋଳ ଏନ୍‌ଏସି ବୈଠକ ଅଧାରୁ ଶେଷ

ହିନ୍ଦୋଳ ଏନ୍‌ଏସି ବୈଠକ ଅଧାରୁ ଶେଷ

ହିନ୍ଦୋଳ,୧୩ା୫(ଡି.ଏନ.ଏ.)- ଅଧାରେ ଶେଷହୋଇଛି ହିନ୍ଦୋଳ ଏନ୍‌ଏସିର ୩ୟ ବୈଠକ। କାଉନସିଲରଙ୍କ ପ୍ରଶ୍ନବାଣରେ ଉତ୍‌କ୍ଷିପ୍ତ ହୋଇ ନିର୍ବାହୀ ଅଧିକାରୀ ବିନୟ ରଞ୍ଜନ ମହାପାତ୍ର ସଭାଅଧାରୁ ଉଠି ଚାଲିଯିବା ପରେ ଏପରି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା।

ଦାବି ପୂରଣ ନ ହେଲେ ଆନ୍ଦୋଳନ କରିବ ନେସ୍‌

ବଅଁରପାଳ,୧୩।୫ (ଡି.ଏନ.ଏ.)- ନାଲ୍‌କୋ ସ୍ମେଲଟରରେ କାର୍ଯ୍ୟ କରୁଥିବା ଶ୍ରମିକମାନଙ୍କ ବିଭିନ୍ନ ସମସ୍ୟା ଓ ଦାବି ପୂରଣ ପାଇଁ ନାଲ୍‌କୋ ଏମ୍ପ୍ଲୋଇ ସଂଘ (ନେସ୍‌) ଆନ୍ଦୋଳନ କରିବ ବୋଲି ସାଧାରଣ ସମ୍ପାଦକ ନିର୍ମଳ ସାମଲ ଏକ ପ୍ରେସ୍‌ ଇସ୍ତାହାରରେ ପ୍ରକାଶ କରିଛନ୍ତି।

ଗୟଳ ଆକ୍ରମଣରେ ୨ ଗୁରୁତର

ବନ୍ତଳା,୧୩ା୫(ଡି.ଏନ.ଏ.)- ସାତକୋଶିଆ ଅଭୟାରଣ୍ୟ ପୁରୁଣାକୋଟ ରେଞ୍ଜ ଟୁଲୁକା ଭୀମଧରା ନିକଟ ଆମ୍ବବୁରୀରେ ଶନିବାର ସକାଳେ ଗୟଳ ଆକ୍ରମଣରେ ଟୁଲୁକା ଗ୍ରାମର ସୋମନାଥ ପାଇକ ଓ ସତ୍ୟ ଦେହୁରୀ ଗୁରୁତର ହୋଇଛନ୍ତି। ସ୍ଥାନୀୟ ଲୋକଙ୍କ ସହ ବନ କର୍ମଚାରୀମାନେ ଉଭୟଙ୍କୁ ଉଦ୍ଧାର କରି ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।

ଖୁଣ୍ଟ ନାହିଁ, ବାଉଁଶରେ ଝୁଲୁଛି ତାର

ଖୁଣ୍ଟ ନାହିଁ, ବାଉଁଶରେ ଝୁଲୁଛି ତାର

ଛେଣ୍ଡିପଦା, ୧୩ା୫(ଡି.ଏନ.ଏ.)- ବିପଦସଙ୍କୁଳ ଅବସ୍ଥାରେ ଥିବା ବିଦ୍ୟୁତ୍‌ ତାର ଯୋଗୁ ବାରମ୍ବାର ଦୁର୍ଘଟଣା ଘଟୁଛି। ଅନେକ ସମୟରେ ଧନଜୀବନ ମଧ୍ୟ ନଷ୍ଟ ହେଉଛି। ତଥାପି ବିଦ୍ୟୁତ୍‌ ବିଭାଗ ସତର୍କ ହେଉଥିବା ପରି ମନେ ହେଉନାହିଁ। କାରଣ ଏବେ ବି ଅନେକ ଗ୍ରାମାଞ୍ଚଳରେ ଅତ୍ୟନ୍ତ ଖାମଖିଆଲି ଭାବେ ବିଦ୍ୟୁତ୍‌ ସେବା ଯୋଗାଇ ଦିଆଯାଇଛି। ଫଳରେ ପ୍ରତି ମୂହୁର୍ତ୍ତରେ ଲୋକେ ବିପଦ ଆଶଙ୍କାରେ ଆତଙ୍କିତ ରହୁଛନ୍ତି। ଅନୁଗୋଳ ଜିଲା ଛେଣ୍ଡିପଦା ବ୍ଲକ ଟାଙ୍ଗିରୀ ପଞ୍ଚାୟତ ପୁରୁଣାଗଡ ଗରିମହୁଲିସାହିଠାରେ ବିପଦସଙ୍କୁଳ ଅବସ୍ଥାରେ ତାର ଟଣାଯାଇଥିବା ଦେଖାଯାଇଛି। ବିଦ୍ୟୁତ୍‌ ଖୁଣ୍ଟ ବଦଳରେ ବାଉଁଶ ମାଧ୍ୟମରେ ତାର ଟଣାଯାଇ ଲୋକଙ୍କୁ ସଂଯୋଗ ଦିଆଯାଇଛି। ବାରମ୍ବାର ବିଭାଗର ଦୃଷ୍ଟି ଆକର୍ଷଣ ସତ୍ତ୍ୱେ କୌଣସି ପଦକ୍ଷେପ ନିଆଯାଉ ନ ଥିବାରୁ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି ହୋଇଛି।

ରାଜନୈତିକ ଶତ୍ରୁତାରୁ ମରଣାନ୍ତକ ଆକ୍ରମଣ

ରାଜନୈତିକ ଶତ୍ରୁତାରୁ ମରଣାନ୍ତକ ଆକ୍ରମଣ

କଳିଙ୍ଗନଗର, ୧୩।୫(ଡି.ଏନ୍‌.ଏ.) ରାଜନୈତିକ ଶତ୍ରୁତାକୁ କେନ୍ଦ୍ରକରି ଗୋଟିଏ ପରିବାରର ୪ଜଣଙ୍କୁ ଶନିବାର ରାତିରେ ମରଣାନ୍ତକ ଆକ୍ରମଣ ହୋଇଛି। ଏଥିରେ ୨ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ଗୁରୁତରଙ୍କୁ କଟକ ବଡ଼ ମେଡିକାଲ୍‌ ସ୍ଥାନାନ୍ତର କରାଯାଇଛି।

ସମବାୟ ବ୍ୟାଙ୍କ ଜମାକାରୀଙ୍କ କ୍ଷୋଭ: ଜମାଟଙ୍କା ନ ମିଳିଲେ ଆନ୍ଦୋଳନ

ଢେଙ୍କାନାଳ ଅଫିସ,୧୨।୫-ଢେଙ୍କାନାଳ ଅର୍ବାନ କୋପରେଟିଭ୍‌ ବ୍ୟାଙ୍କର ଜମାକାରୀ ସୁରକ୍ଷା କମିଟିର ଏକ ଜରୁରୀ ବୈଠକ ଶନିବାର ସ୍ଥାନୀୟ ଦଧିବାମନଜୀଉ ମଠ ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି। ଏଥିରେ କମିଟିର ସଭାପତି ରବି ନାରାୟଣ ଶତପଥୀ ଅଧ୍ୟକ୍ଷତା କରିଥିଲେ। ବୈଠକରେ ଜମାକାରୀଙ୍କ ଟଙ୍କା ଫେରସ୍ତ ଦାବି ସମ୍ପର୍କରେ ଗୁରୁତ୍ୱପୂର୍ଣ୍ଣ ଆଲୋଚନା କରାଯାଇଥିଲା।

ସ୍ତ୍ରୀଙ୍କୁ ନିର୍ଯାତନା ଅଭିଯୋଗ : ଶ୍ୱଶୁର ଘରେ ଜ୍ୱାଇଁଙ୍କୁ ନିସ୍ତୁକ ମାଡ଼

ଢେଙ୍କାନାଳ ଅଫିସ,୧୨ା୫-ଯୌତୁକ ନିର୍ଯାତନାରେ ଅତିଷ୍ଠ ସ୍ତ୍ରୀ ବାପାଙ୍କ ଘରେ ଥିବାବେଳେ ତାଙ୍କୁ ବଳପୂର୍ବକ ଫେରାଇ ଆଣିବାକୁ ଉଦ୍ୟମ କରୁଥିବା ସ୍ବାମୀଙ୍କୁ ଶ୍ୱଶୁର ଘର ଲୋକେ ନିସ୍ତୁକ ମାଡ଼ ମାରିଥିବା ଅଭିଯୋଗ ହୋଇଛି। ଆକ୍ରମଣର ଶିକାର ହୋଇଛନ୍ତି ଢେଙ୍କାନାଳ ସଦର ଥାନା କେଉଟବେରେଣୀ ଗ୍ରାମର ପ୍ରିୟବ୍ରତ ବରାଳ। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଜିଲା ମୁଖ୍ୟ ଚିକିତ୍ସାଳୟ ଓ ପରେ କଟକ ସ୍ଥାନାନ୍ତର କରାଯାଇଛି। ଏ ସଂକ୍ରାନ୍ତରେ ସଦର ଥାନାରେ ଉଭୟ ପକ୍ଷରୁ ପୃଥକ୍‌ ମାମଲା ରୁଜୁ କରାଯାଇଛି।

ଉନ୍ନୟନ ମୂଳକ ପ୍ରକଳ୍ପ ଉଦ୍‌ଘାଟନ କଲେ ବିଧାୟକ

ପବିତ୍ରନଗର,୧୨।୫(ଡି.ଏନ.ଏ)- ପାଲଲହଡ଼ା ବିଧାୟକ ମହେଶ ସାହୁ ଶନିବାର କଣିହାଁ ବ୍ଲକ ପରାବିଲ ପଞ୍ଚାୟତର ବିଭିନ୍ନ ଗ୍ରାମକୁ ଗ୍ରସ୍ତ କରିଛନ୍ତି।

୨୬ ମାମଲା ରୁଜୁ

ବଇଣ୍ଡା,୧୨।୫(ଡି.ଏନ.ଏ)- ଆଠମଲ୍ଲିକ ବ୍ଲକ ଠାକୁରଗଡ଼ ଥାନା କ୍ରଶର ନିକଟରେ ଶୁକ୍ରବାର ରାତିରେ ପୋଲିସ ପକ୍ଷରୁ ଗାଡ଼ି ମୋଟର ଯାଞ୍ଚ କରାଯାଇଛି।

ଏଟିଏମ୍‌ କାଉଣ୍ଟର ବନ୍ଦ, ଲୋକେ ହଇରାଣ

ଏଟିଏମ୍‌ କାଉଣ୍ଟର ବନ୍ଦ, ଲୋକେ ହଇରାଣ

ଛେଣ୍ଡିପଦା, ୧୨ା୫(ଡି.ଏନ.ଏ.)- ଛେଣ୍ଡିପଦା ସଦର ମହକୁମା ସମେତ କୋଶଳା, ବଗେଡିଆ, ଜରପଡା, ଆଦି ସ୍ଥାନରେ ଥିବା ବିଭିନ୍ନ ଜାତୀୟକରଣ ବ୍ୟାଙ୍କଗୁଡିକର ଏଟିଏମ୍‌ କାଉଣ୍ଟର ଦୀର୍ଘ ଦିନ ହେଲା ବନ୍ଦ ରହିଥିବା ଦେଖିବାକୁ ମିଳିଛି। କାଉଣ୍ଟର ସଟରରେ ତାଲା ଝୁଲୁଥିବାରୁ ଲୋକେ ଟଙ୍କା ଉଠାଣ ପାଇଁ ହଇରାଣ ହେଉଛନ୍ତି।

ଏନ୍‌ଜେନ୍‌ କର୍ମଚାରୀଙ୍କ ବାର୍ଷିକ ଅଧିବେଶନ

ଛେଣ୍ଡିପଦା, ୧୨ା୫(ଡି.ଏନ.ଏ.)- ଅନୁଗୋଳ ଜିଲା ଛେଣ୍ଡିପଦା ଇଲେକ୍ଟ୍ରିକାଲ ସବ୍‌ଡିଭିଜନ ବିଦ୍ୟୁତ୍‌ ବିତରକ ସଂସ୍ଥା ଏନ୍‌ଜେନ୍‌ ଗ୍ଲୋବାଲ ସଲ୍ୟୁସନସ୍‌ ପ୍ରା. ଲିଃ କମ୍ପାନୀ କର୍ମଚାରୀଙ୍କ ବାର୍ଷିକ ଅଧିବେଶନ ବୁଧବାର ସ୍ଥାନୀୟ କୋଶଳା ମହର୍ଷି ଆଇଟିଆଇ ପରିସରରେ ଅନୁଷ୍ଠିତ ହୋଇଯାଇଛି। ସବ୍‌ଡିଭିଜନାଲ ମ୍ୟାନେଜର ମନୋଜ କୁମାର ସାହୁଙ୍କ ତତ୍ତ୍ୱାବଧାନରେ ଆୟୋଜିତ ଏହି ବୈଠକରେ କର୍ମଚାରୀଙ୍କ ବିଭିନ୍ନ ସମସ୍ୟା ଉପରେ ଆଲୋଚନା ସହ କମ୍ପାନୀ ପକ୍ଷରୁ ଉପଯୁକ୍ତ ବିଦ୍ୟୁତ୍‌ ସେବା ପ୍ରଦାନ ଉପରେ ଗୁରୁତ୍ୱାରୋପ କରାଯାଇଥିଲା।

୨୦ ହଜାର ଲୁଟି ନେଲେ ଦୁର୍ବୃତ୍ତ

୨୦ ହଜାର ଲୁଟି ନେଲେ ଦୁର୍ବୃତ୍ତ

ଛେଣ୍ଡିପଦା,୧୨।୫(ଡି.ଏନ.ଏ)- ଜଣେ ପେନ୍‌ସନଧାରୀ ଗ୍ରାହକଙ୍କଠାରୁ ଶୁକ୍ରବାର ଅପରାହ୍ନରେ ୨ ଜଣ ଦୁର୍ବୃତ୍ତ ୨୦ ହଜାର ଟଙ୍କା, ଏଟିଏମ୍‌ କାର୍ଡ, ବ୍ୟାଙ୍କ ପାସ୍‌ବୁକ୍‌ ଲୁଟି ନେଇଛନ୍ତି। ଛେଣ୍ଡିପଦା ଗାଁର ଉଦୟନାଥ ପ୍ରଧାନ ଲୁଟ୍‌ର ଶିକାର ହୋଇଥିବାବେଳେ ଏ ନେଇ ସେ ଥାନାରେ ଅଭିଯୋଗ କରିଛନ୍ତି।

ଟ୍ରକ୍‌ ଧକ୍କାରେ ଯୁବକ ମୃତ

ଓଡ଼ାପଡ଼ା,୧୨।୫(ଡି.ଏନ.ଏ.) ଢେଙ୍କାନାଳ ଜିଲା ମୋଟଙ୍ଗା ଥାନା ୫୫ନଂ. ଜାତୀୟ ରାଜପଥର ଚିନ୍ତାପୋଖରୀ ନିକଟରେ ଶୁକ୍ରବାର ରାତିରେ ଟ୍ରକ୍‌ (ଏମ୍‌ଏ୍‌ ୨୧ ଓ୍ବାଇ ୭୭୮୬) ଧକ୍କାରେ ଜଣେ ଯୁବକ ପ୍ରାଣ ହରାଇଛନ୍ତି।

୪ ଦିନ ହେଲା ହିଙ୍ଗୁଳା ଖଣି ଠପ୍‌

ତାଳଚେର,୧୨।୫(ନି.ପ୍ର)- ଖଣି କର୍ତ୍ତୃପକ୍ଷ ନିଯୁକ୍ତି, କ୍ଷତିପୂରଣ ପ୍ରଦାନ କରିବା ଦାବିରେ ତାଳଚେର ବ୍ଲକ ଗୋପାଳପ୍ରସାଦ ଗ୍ରାମବାସୀଙ୍କ ପକ୍ଷରୁ ଚାଲିଥିବା ଖଣିବନ୍ଦ ଆନ୍ଦୋଳନ ଶନିବାର ଚତୁର୍ଥ ଦିନରେ ପହଞ୍ଚିଛି।

ନାହିଁ ସୂଚନା ଫଳକ: ବଢ଼ୁଛି ଦୁର୍ଘଟଣା

ନାହିଁ ସୂଚନା ଫଳକ: ବଢ଼ୁଛି ଦୁର୍ଘଟଣା

ବଅଁରପାଳ, ୧୨ା୫(ଡି.ଏନ.ଏ.) ଅନୁଗୋଳ ଜିଲା ନାଲ୍‌କୋ ଦେଇ ଯାଇଥିବା ୫୫ ନମ୍ବର ଜାତୀୟ ରାଜପଥର ବଅଁରପାଳ, ଏଫ୍‌ସିଆଇ, ମେନ୍‌ ଗେଟ ଛକଆଦି ସ୍ଥାନର ରାସ୍ତା ମଧ୍ୟରେ ନିର୍ମିତ ଡିଭାଇଡର ଯୋଗୁ ଦୁର୍ଘଟଣା ବଡ଼ିଚାଲିଛି। ଗତ ୨ ମାସ ମଧ୍ୟରେ ୨୫ରୁ ଊର୍ଦ୍ଧ୍ୱ ଦୁର୍ଘଟଣା ଘଟିଥିଲେ ମଧ୍ୟ ବିଭାଗ ପକ୍ଷରୁ କୌଣସି ପଦକ୍ଷେପ ନିଆଯାଉ ନ ଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ନାଲ୍‌କୋ ଦେଇ ଯାଇଥିବା ଏହି ରାଜପଥ ବାଟେ ଦୈନିକ ହଜାର ହଜାର ସଂଖ୍ୟାରେ ଯାନବାହନ ଯାତୟାତ କରୁଛି। ଉକ୍ତ ଛକଗୁଡିକ ଦେଇ ଯାଇଥିବା ରାସ୍ତାର ମଧ୍ୟଭାଗରେ ଜାତୀୟ ରାଜପଥ ବିଭାଗ ପକ୍ଷରୁ ରୋଡ୍‌ ଡିଭାଇଡର ନିର୍ମାଣ କରାଯାଇଛି। ଦୁର୍ଘଟଣା ହ୍ରାସ ପାଇଁ ଏହି ଡିଭାଇଡର ନିର୍ମାଣ କରାଯାଇଥିଲେ ହେଁ ଏହା କମିବା ପରିବର୍ତ୍ତେ ବୃଦ୍ଧି ପାଉଥିବା ଲକ୍ଷ୍ୟ କରାଯାଉଛି। ଉକ୍ତ ରାସ୍ତାରେ ଡିଭାଇଡର ଥିବା ନେଇ କୌଣସି ସୂଚନା ଫଳକ ଲଗାଯାଇନାହିଁ। ତେଣୁ ଗାଡ଼ିଚାଳକମାନେ ଆଗରେ ଡିଭାଇଡର ଥିବା ନେଇ ଜାଣିପାରୁନାହାନ୍ତି। ବିଶେଷ କରି ରାତି ସମୟରେ ଏଠାରେ ଦୁର୍ଘଟଣା ଘଟୁଛି। ଡିଭାଇଡରଠାରେ ରେଡିୟମ ଲାଇଟ୍‌ ଲଗାଯାଇ ନ ଥିବାବେଳେ ରାସ୍ତାରେ ଉଜ୍ଜ୍ୱଳ ଆଲୋକର ବ୍ୟବସ୍ଥା କରାଯାଇନାହିଁ। ଫଳରେ ଡିଭାଇଡର ଥିବା ଜାଣି ନ ପାରି ଅନେକ ସମୟରେ ଗାଡ଼ିି ତାହା ଉପରେ ଚଢ଼ିଯାଇ ଦୁର୍ଘଟଣା ଗ୍ରସ୍ତ ହେଉଛି। ଗତ ୨ ମାସରେ ଏଠାରେ ୨୫ରୁ ଊର୍ଦ୍ଧ୍ୱ ଦୁର୍ଘଟଣା ଘଟି ଅନେକ ଲୋକେ ଆହତ ହୋଇଛନ୍ତି। ଗତ ୩ ଦିନ ପୂର୍ବରୁ ନାଲକୋଠାରେ ଥିବା ରୋଡ୍‌ ଡିଭାଇଡରରେ ୨ ଟି କାର୍‌ ଦୁର୍ଘଟଣାଗ୍ରସ୍ତ ହୋଇଥିଲା। ଅନେକ ଥର ପୋଲିସ କ୍ରେନ୍‌ ମାଧ୍ୟମରେ ଦୁର୍ଘଟଣାଗ୍ରସ୍ତ ଗାଡ଼ିଗୁଡିକୁ ଉଠାଇବା ସହ ଆହତଙ୍କୁ ହସ୍ପିଟାଲରେ ଭର୍ତ୍ତି କରିଛି। ଏହା ସତ୍ତ୍ୱେ ବି ବିଭାଗ କିମ୍ବା ପ୍ରଶାସନ ତରଫରୁ କୌଣସି ପଦକ୍ଷେପ ନିଆଯାଉନାହିଁ। ତୁରନ୍ତ ଏ ଦିଗରେ ଧ୍ୟାନ ଦିଆଯାଇ ସେଠାରୁ ଡିଭାଇଡର ହଟାଯାଉ, ନହେଲେ ସୂଚନା ଫଳକ ଲଗାଯିବା ସହ ଉଜ୍ଜ୍ୱଳ ଆଲୋକ ବ୍ୟବସ୍ଥା କରାଯିବାକୁ ଦାବି ହୋଇଛି। ଏ ସମ୍ପର୍କରେ ବଅଁରପାଳ ଆଇଆଇସି କନକ କୁମାର ମାଝି କୁହନ୍ତି, ଡିଭାଇଡର ଦ୍ୱାରା ନିୟମିତ ଭାବେ ଦୁର୍ଘଟଣା ବଢୁଛି। ବାଇପାସ୍‌ ସହ ୪ ଲେନ ରାସ୍ତାର ନିର୍ମାଣ ଆବଶ୍ୟକ ରହିଛି। ଡିଭାଇଡରରେ ଲାଇଟ କିମ୍ବା ରେଡିୟମ ଷ୍ଟିକର ନ ଥିବାରୁ ଦୁର୍ଘଟଣା ଘଟୁଛି।

ଅନୁଗୋଳ ଜିଲା ପୋଲିସ ସ୍ତରରେ ଅଦଳ ବଦଳ

ଅନୁଗୋଳ ଜିଲା ପୋଲିସ ସ୍ତରରେ ଅଦଳ ବଦଳ

ଅନୁଗୋଳ ଅଫିସ୍‌,୧୨।୫- ଅନୁଗୋଳ ଜିଲା ପୋଲିସ ସ୍ତରରେ ଶୁକ୍ରବାର ଏକ ବଡ଼ଧରଣର ଅଦଳ ବଦଳ ହୋଇଛି। ଏଥିରେ ୫୦ ଜଣ ଆସିଷ୍ଟାଣ୍ଟ ସବ୍‌ ଇନ୍ସପେକ୍ଟର ଓ ଦୁଇଜଣ କନଷ୍ଟେବଳଙ୍କୁ ଜିଲା ପୋଲିସ ପ୍ରଶାସନ ତରଫରୁ (ଡିଓ ନଂ-୧୦୫୮, ତା.୧୧.୦୫.୧୮) ବଦଳି କରାଯାଇଛି।

 ରାଇଗୋଡ଼ାର ଷଷ୍ଠ ଜିଲାସ୍ତରୀୟ କାର୍ଯ୍ୟକାରୀ କମିଟି ବୈଠକ:  ଉନ୍ନୟନ କାର୍ଯ୍ୟ ତୁରନ୍ତ ଶେଷ କରିବାକୁ ପରାମର୍ଶ

ରାଇଗୋଡ଼ାର ଷଷ୍ଠ ଜିଲାସ୍ତରୀୟ କାର୍ଯ୍ୟକାରୀ କମିଟି ବୈଠକ: ଉନ୍ନୟନ କାର୍ଯ୍ୟ ତୁରନ୍ତ ଶେଷ କରିବାକୁ ପରାମର୍ଶ

ଅନୁଗୋଳ ଅଫିସ,୧୨ା୫ -ସାତକୋଶିଆ ବ୍ୟାଘ୍ର ସରଂକ୍ଷିତ କୋର୍‌ ଏରିଆ ମଧ୍ୟରୁ ସ୍ଥାନାନ୍ତର ହୋଇ ସାରୁଆଳିଠାରେ ଅବସ୍ଥାପିତ ନୂଆ ରାଇଗୋଡ଼ା ଗ୍ରାମର ଅଧିବାସୀଙ୍କ ପାଇଁ କାର୍ଯ୍ୟକାରୀ ହେଉଥିବା ବିଭିନ୍ନ ଉନ୍ନୟନ ଯୋଜନାର ଅଗ୍ରଗତି ସମ୍ପର୍କରେ ଜିଲାପାଳ ଅନିଲ କୁମାର ସାମଲ ଶୁକ୍ରବାର ତାଙ୍କ କାର୍ଯ୍ୟାଳୟ ପ୍ରକୋଷ୍ଠରେ ସମୀକ୍ଷା କରିଛନ୍ତି। ଗ୍ରାମରେ ଚାଲୁଥିବା ବିଦ୍ୟୁତୀକରଣ ଓ ପାନୀୟ ଜଳ ଯୋଗାଣ କାର୍ଯ୍ୟ ନିର୍ଦ୍ଧାରିତ ସମୟରେ ସମ୍ପନ୍ନ ହୋଇଥିବାରୁ ଜିଲାପାଳ ସନ୍ତୋଷ ପ୍ରକାଶ କରିଥିଲେ।

ଡିକି ଭାଙ୍ଗି ୬୦ ହଜାର ଲୁଟ୍‌

ଡିକି ଭାଙ୍ଗି ୬୦ ହଜାର ଲୁଟ୍‌

ଅନୁଗୋଳ ଅଫିସ୍‌, ୧୨ା୫- ଅନୁଗୋଳ ସହରର ଏକ ଲସି ଦୋକାନ ସମ୍ମୁଖରେ ଶୁକ୍ରବାର ଅପରାହ୍ନରେ ଦୁର୍ବୃତ୍ତମାନେ ଏକ ବାଇକ୍‌ ଡିକି ଭାଙ୍ଗି ୬୦ ହଜାର ଟଙ୍କା ଲୁଟ୍‌ କରିଛନ୍ତି। ଅନୁଗୋଳ ଥାନା କୁସାସିଙ୍ଗା ଗ୍ରାମର କୃତ୍ତିବାସ ଭୂତିଆ ଏହି ଲୁଟ୍‌ର ଶିକାର ହୋଇଥିବାବେଳେ ଏ ନେଇ ସନ୍ଧ୍ୟାରେ ସେ ଥାନାରେ ଅଭିଯୋଗ କରିଛନ୍ତି। ଘଟଣାରୁ ଜଣାପଡିଛି, କୃତ୍ତିବାସ ଅନୁଗୋଳ ଷ୍ଟେଟ ବ୍ୟାଙ୍କରୁ ୬୦ ହଜାର ଟଙ୍କା ଉଠାଇ ବାଇକ୍‌ ଡିକିରେ ରଖିଥିଲେ।