ଅନଗୁଳ-ଢେଙ୍କାନାଳ

ନିଅଁା ଲଗାଇ ହତ୍ୟା ଉଦ୍ୟମ, ଜଣେ ଗିରଫ

ବଇଣ୍ଡା,୨୨।୫ (ଡି.ଏନ.ଏ)- କିଶୋରନଗର ବ୍ଲକ ଜାମୁନାଳୀ ପଞ୍ଚାୟତ ଅଶ୍ରୁବାହାଳ ଗ୍ରାମରେ ରବିବାର ରାତିରେ ବିଭୂତି ପ୍ରଧାନ(୫୫) ଓ ତାଙ୍କ ପୁଅ କୁମର ପ୍ରଧାନ(୨୦)ଙ୍କୁ ସେହି ଗ୍ରାମର ପୀତବାସ ପ୍ରଧାନ ହତ୍ୟା ଉଦ୍ୟମ କରିଥିବା ସୋମବାର ହଣ୍ଡପା ଥାନାରେ ଅଭିଯୋଗ ହୋଇଛି। ପୋଲିସ ଏ ସଂକ୍ରାନ୍ତରେ ନଂ ୭୪/୧୮ରେ ଏକ ମାମଲା ରୁଜୁ କରି ପୀତବାସଙ୍କୁ ଗିରଫ କରିଛି।

 ଗୃହ ନିର୍ମାଣ ବିବାଦ ତେଜିଲା: ରାଜପଥ ଅବରୋଧ, ବିଡିଓଙ୍କୁ ଘେରାଉ

ଗୃହ ନିର୍ମାଣ ବିବାଦ ତେଜିଲା: ରାଜପଥ ଅବରୋଧ, ବିଡିଓଙ୍କୁ ଘେରାଉ

ବଇଣ୍ଡା,୨୨।୫ (ଡି.ଏନ.ଏ)-କିଶୋରନଗର ବ୍ଲକରେ ନୂତନ ଭାବେ ଗଠନ ହୋଇଥିବା ଠେଲକନାଳୀ ପଞ୍ଚାୟତର ନୂତନ ପଞ୍ଚାୟତ ଗୃହ ବିଶିପାଲିଠାରେ ନିର୍ମାଣକୁ ନେଇ ଲାଗିରହିଥିବା ବିବାଦ ବଢିବାରେ ଲାଗିଛି। ଏହାକୁ ବିରୋଧ କରୁଥିବା ୫ ଗ୍ରାମର ବାସିନ୍ଦା ସୋମବାର ୫୫ ନମ୍ବର ଜାତୀୟ ରାଜପଥ ଅବରୋଧ କରିବା ସହ ବିଡିଓଙ୍କୁ ଘେରାଉ କରିଛନ୍ତି। ଗ୍ରାମବାସୀଙ୍କ କହିବା ଅନୁଯାୟୀ, ଚଳିତ ପଞ୍ଚାୟତ ନିର୍ବାଚନରେ ଏହି ପଞ୍ଚାୟତ ନୂତନ ଭାବେ ଗଠନ କରାଯାଇଛି। ଉକ୍ତ ପଞ୍ଚାୟତର ନୂତନ କାର୍ଯ୍ୟାଳୟ ନିର୍ମାଣ କରିବା ପାଇଁ ଜାତୀୟ ରାଜପଥ କଡ଼ରେ ଫୁଲାଆମ୍ବାଠାରୁ ସରଗିପାଲି ପର୍ଯ୍ୟନ୍ତ ୫ଟି ସରକାରୀ ପ୍ଲଟ୍‌ ପ୍ରଶାସନକୁ ପ୍ରସ୍ତାବ ଦିଆଯାଇଥିଲା। ହେଲେ ପ୍ରଶାସନ ତରବରିଆ ଭାବେ ଜଙ୍ଗଲ ଅଧ୍ୟୁଷିତ ବିଶିପାଲି ଅଞ୍ଚଳରେ ଶୁଭଦେଇ ନିର୍ମାଣ କରିଥିଲେ। ଶୁଭ ଦିଆଯିବା ପୂର୍ବରୁ ଗତ ୧୧.୪.୧୭ଠାରୁ ଅଞ୍ଚଳବାସୀ ଏହାକୁ ବିରୋଧ କରିଥିଲେ ମଧ୍ୟ ପ୍ରଶାସନ କର୍ଣ୍ଣପାତ କରି ନ ଥିଲା। ବିଶିପାଲି ଅଞ୍ଚଳରେ ପଞ୍ଚାୟତ କାର୍ଯ୍ୟାଳୟ ସ୍ଥାପନ ହେଲେ ଅଞ୍ଚଳବାସୀ ଯାତାୟାତ ପାଇଁ ବହୁ ଅସୁବିଧାର ସମ୍ମୁଖୀନ ହେବେ। ଏ ନେଇ ସ୍ଥାନୀୟ ଅଞ୍ଚଳବାସୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ଗ୍ରାମବାସୀଙ୍କ ଅଭିଯୋଗକୁ ଭିତ୍ତି କରି ହାଇକୋର୍ଟ କୋଡ ନଂ. ୨୮୯୯୦୦ନଂ୬୫୦୩/୨୦୧୮ରେ ଏକ ରହିତାଦେଶ ଜାରି କରିଥିଲେ। ହେଲେ ହାଇକୋର୍ଟଙ୍କ ରହିତାଦେଶକୁ ପ୍ରଶାସନ ତଥା ଠିକାସଂସ୍ଥା ପକ୍ଷରୁ ଅଣଦେଖା କରାଯାଇଛି। ଏହାର ପ୍ରତିବାଦରେ ଗ୍ରାମବାସୀ ତା .୧୬ା୫ା୧୮ରିଖରେ କିଶୋରନଗର ବ୍ଲକ କାର୍ଯ୍ୟାଳୟକୁ ଘେରାଉ କରି ବିଡ଼ିଓଙ୍କୁ ଦାବିପତ୍ର ପ୍ରଦାନ କରିଥିଲେ। ଏହାସହ ତା ୧୭ା୫ା୨୦୧୮ ରିଖରେ ଅନୁଗୋଳ ଜିଲାପାଳଙ୍କୁ ଭେଟି ଦାବିପତ୍ର ପ୍ରଦାନ କରିଥିଲେ। ସୋମବାର ଜିଲାପାଳ ଉକ୍ତ ଗ୍ରାମକୁ ଆସି ସମସ୍ୟା ବୁଝିବେ ବୋଲି ପ୍ରତିଶ୍ରୁତି ଦେଇଥିଲେ ମଧ୍ୟ ହେଲେ ଅପରାହ୍ନ ୧୨ଟା ପର୍ଯ୍ୟନ୍ତ କୌଣସି ଅଧିକାରୀ ନ ପହଞ୍ଚିବାରୁ ଅଞ୍ଚଳବାସୀ ଉତ୍‌କ୍ଷିପ୍ତ ହୋଇ ରାସ୍ତାରୋକୋ କରିଥିବା ପ୍ରକାଶ କରିଛନ୍ତି। ଠେଲକନାଳୀ, ସରଭାଙ୍ଗୁଣୀ, ବାଟି ପୁରୁଣାପାଣି, ଗତିକୃଷ୍ଣପୁର, ସରଗିପାଲି ଗ୍ରାମବାସୀ ଅପରାହ୍ନ ୨ଟାରୁ ସାଢେ ୩ଟା ପର୍ଯ୍ୟନ୍ତ ହଣ୍ଡପା ଥାନା ଫୁଲାଆମ୍ବା ନିକଟରେ କଟକ-ସମ୍ବଲପୁର ୫୫ ନଂ. ଜାତୀୟ ରାଜପଥକୁ ଅବରୋଧ କରିଥିଲେ। ଏଥିସହ କିଶୋରନଗର ବିଡିଓ ଅମୃତା ପ୍ରିୟମ୍ବଦାଙ୍କୁ ମଧ୍ୟ ଘେରାଉ କରିଥିଲେ। ଘଟଣାସ୍ଥଳରେ ଭାଜପା ଜିଲା ସଭାପତି ଭାଗିରଥି ପ୍ରଧାନ, ଜିଲା ପରିଷଦ ସଦସ୍ୟ ବଂଶୀଧର ସେଠୀ ପହଞ୍ଚି ଆନ୍ଦୋଳନକୁ ସମର୍ଥନ ଜଣାଇଥିଲେ। ପରେ ବିଡିଓଙ୍କୁ ଗ୍ରାମବାସୀ ଉକ୍ତ ଗୃହ ନିର୍ମାଣ ହେଉଥିବା ସ୍ଥାନକୁ ନେଇ ପରିଦର୍ଶନ କରାଇଥିଲେ। ସେମାନଙ୍କ ସମସ୍ୟା ତୁରନ୍ତ ସମାଧାନ କରାଯିବ ବୋଲି ବିଡିଓ ପ୍ରତିଶ୍ରୁତି ଦେବାପରେ ଗ୍ରାମବାସୀ ଆନ୍ଦୋଳନରୁ ଓହରି ଥିଲେ। ତେବେ ପ୍ରତିଶ୍ରୁତି ମୁତାବକ ସମସ୍ୟା ସମାଧାନ କରା ନ ଗଲେ ଅନିର୍ଦ୍ଦିଷ୍ଟ କାଳ ପାଇଁ ଆନ୍ଦୋଳନ କରାଯିବ ବୋଲି ଠେଲକନାଳୀ ଗ୍ରାମରେ ଅନୁଷ୍ଠିତ ଏକ ବୈଠକରେ ଆନ୍ଦୋଳନକାରୀ ନିଷ୍ପତ୍ତି ନେଇଛନ୍ତି।

ଘର ପାଇଁ ମିଳିଲାନି ଜାଗା: ଭିଟାମାଟିକୁ ଫେରିଲେ ବିସ୍ଥାପିତ

ଘର ପାଇଁ ମିଳିଲାନି ଜାଗା: ଭିଟାମାଟିକୁ ଫେରିଲେ ବିସ୍ଥାପିତ

ବନ୍ତଳା,୨୨।୫(ଡି.ଏନ୍‌.ଏ.): ବାଘ ପାଇଁ ଅଭୟାରଣ୍ୟରୁ ବିସ୍ଥାପିତ ହୋଇ ଆସିଥିବା ରାଇଗୁଡା ଗ୍ରାମର ୭୮ ପରିବାରକୁ ଅନୁଗୋଳ ଜିଲା ବନ୍ତଳା ଥାନା ବଡ଼କନ୍ତକୁଳ ପଞ୍ଚାୟତର ନୂଆଖେତା ସରୁଆଳି ଗ୍ରାମ ନିକଟରେ ଥଇଥାନ କରାଯାଇଥିଲା। ସେଠାରେ ଅସ୍ଥାୟୀ ଘର ନିର୍ମାଣ କରାଯିବା ସହ ନୂଆ ରାଇଗୁଡା ଗ୍ରାମ ନିର୍ମାଣ କରାଯାଇଥିଲା।

ବିଜୁ ଯୁବ ବାହିନୀର ପ୍ରଶିକ୍ଷଣ ଶିବିର ଅନୁଷ୍ଠିତ

ବିଜୁ ଯୁବ ବାହିନୀର ପ୍ରଶିକ୍ଷଣ ଶିବିର ଅନୁଷ୍ଠିତ

କାମାକ୍ଷାନଗର,୨୨।୫(ଡି.ଏନ୍‌.ଏ.): ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ସଭାଗୃହ ପରିସରରେ ବିଜୁ ଯୁବ ବାହିନୀର ଏକ ପ୍ରଶିକ୍ଷଣ ଶିବିର ମଙ୍ଗଳବାର ଅନୁଷ୍ଠିତ ହୋଇଯାଇଛି।

ଧନ ଦେଇପାରିବିନି, ଜିଇଥିବା ଯାଏ ସେବା ଦେଉଥିବି

ଧନ ଦେଇପାରିବିନି, ଜିଇଥିବା ଯାଏ ସେବା ଦେଉଥିବି

ଢେଙ୍କାନାଳ ଅଫିସ,୨୨ା୫ପାଠ ନ ପଢ଼ି ବି ସେ ଶିକ୍ଷିତ, ସଚେତନ। ସ୍ବାସ୍ଥ୍ୟ ବିଭାଗର କର୍ମଚାରୀ ନ ହୋଇ ମଧ୍ୟ କରୁଛନ୍ତି ସ୍ବାସ୍ଥ୍ୟସେବା। ପଞ୍ଚାୟତର ସରପଞ୍ଚ ନ ଥିଲେ ବି ଭାରତ ସରକାରଙ୍କଠାରୁ ପାଇଛନ୍ତି ଦକ୍ଷ ପଞ୍ଚାୟତ ପ୍ରତିନିଧି ପୁରସ୍କାର। ଢେଙ୍କାନାଳ ଜିଲାର ମହିଳାଙ୍କ ପାଇଁ ଏପରି ଆଦର୍ଶ ଓ ପ୍ରେରଣାର ଉତ୍ସ ପାଲଟିଛନ୍ତି ଭୁବନ ବ୍ଲକ ବାରୁଆଁ(ବି) ପଞ୍ଚାୟତ ମାଳୁଆଗୋଡା ଗ୍ରାମର ନୟନା ପାତ୍ର(୫୦)। ମହିଳା ସଶକ୍ତୀକରଣର ସୁଫଳ କ’ଣ ତାହା ତାଙ୍କଠାରୁ ପାଉଛନ୍ତି ଗ୍ରାମବାସୀ। ମାନବ ସେବାକୁ ବ୍ରତ କରିଥିବା ନୟନା ଗ୍ରାମର ପିଲାମାନଙ୍କୁ ଶିକ୍ଷିତ କରିବାକୁ ସ୍ବପ୍ନ ଦେଖିଛନ୍ତି। ସେହିପରି ଗ୍ରାମର ସାମାଜିକ, ଅର୍ଥନୈତିକ ବ୍ୟବସ୍ଥା ସଜାଡିବା, ନିଃସହାୟଙ୍କ ସେବା କରିବା ତାଙ୍କ ଜୀବନର ପ୍ରଧାନ କର୍ମ ପାଲଟିଯାଇଛି। ମାଳୁଆଗୋଡା ଗ୍ରାମର ନୟନ ନୟନା କୁହନ୍ତି, କାହାକୁ ଧନ ସିନା ଦେଇପାରିବିନି, ହେଲେ ଜିଇଁଥିବା ଯାଏ ସେବା ଦେଉଥିବି।

ଥଇଥାନ ପୂର୍ବରୁ ବ୍ୟବସାୟୀଙ୍କୁ ଉଚ୍ଛେଦ

ଥଇଥାନ ପୂର୍ବରୁ ବ୍ୟବସାୟୀଙ୍କୁ ଉଚ୍ଛେଦ

ବଇଣ୍ଡା, ୨୨ା୫ (ଡି.ଏନ.ଏ.)ଆଠମଲ୍ଲିକ ଉପଖଣ୍ଡର ମୁଖ୍ୟ ବ୍ୟବସାୟିକ ପେଣ୍ଠସ୍ଥଳୀ ବଇଣ୍ଡା ଛକରୁ ଘରଦ୍ୱାର, ଦୋକାନ ବଜାର ଉଚ୍ଛେଦ ପରେ ଏହା ଏକ ପ୍ରକାର ନିଶ୍ଚିହ୍ନ ହୋଇଯାଇଛି। ୫୫ ନମ୍ବର ଜାତୀୟ ରାଜପଥ ୪ ଲେନ୍‌ କରାଯିବାକୁ ଏହି ଉଚ୍ଛେଦ କରାଯାଇଥିବାବେଳେ କ୍ଷତିଗ୍ରସ୍ତଙ୍କୁ କ୍ଷତିପୂରଣ ପ୍ରଦାନ ତଥା ସେମାନଙ୍କୁ ଥଇଥାନ କରା ନ ଯାଇଥିବା ନେଇ ସେମାନେ ଅଭିଯୋଗ କରିଛନ୍ତି। ଏଥିଯୋଗୁ ଛକରେ ଦୋକାନ କରି ଜୀବିକା ନିର୍ବାହ କରୁଥିବା ପ୍ରାୟ ୩ ଶହ ବ୍ୟବସାୟୀ ରୋଜଗାର ହରାଇ ଦୁର୍ଦ୍ଦଶା ଭୋଗୁଛନ୍ତି। ସେପଟେ ଠିକାସଂସ୍ଥା ଓ ବିଦ୍ୟୁତ୍‌ ବିଭାଗ ଏନ୍‌ଜେନ୍‌ ଅଧିକାରୀ ଜୁଲମ କରୁଥିବା ଅଞ୍ଚଳବାସୀ ପ୍ରକାଶ କରିଛନ୍ତି।

ଜଳ ଯୋଗାଣ ଦାବିରେ ରାସ୍ତାରୋକୋ

ଜଳ ଯୋଗାଣ ଦାବିରେ ରାସ୍ତାରୋକୋ

ପରଜଙ୍ଗ,୨୨ା୫(ଡି.ଏନ.ଏ.)ପାନୀଳ ଜଳ ଯୋଗାଣ ଦାବିରେ ପରଜଙ୍ଗ ବ୍ଲକ କୁମୁସି ଗ୍ରାମର ବିଭିନ୍ନ ସାହି ବାସିନ୍ଦା ସୋମବାର ଭାଲୁମୁଣ୍ଡା-ଆଲୁଅଝରଣ ପୂର୍ତ୍ତ ବିଭାଗ ରାସ୍ତା ଅବରୋଧ କରିଥିଲେ। କୁମୁସି ଗ୍ରାମରେ ପାନୀୟ ଜଳ ପ୍ରକଳ୍ପ ଥାଇ ମଧ୍ୟ ଗ୍ରାମର ରଞ୍ଜିତନଗର, ଦୁର୍ଗାପୁର, ଦେଶିରଗଡ଼ି ସାହିର ଲୋକମାନେ ପାନୀୟ ଜଳ ପାଇବାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି। ଏହାର ପ୍ରତିବାଦରେ ସାହିର ମହିଳାମାନେ ପୂର୍ବାହ୍ନ ୧୦ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ରାସ୍ତାରେ ଗରା, ମାଠିଆ ରଖି ଧାରଣାରେ ବସିଥିଲେ।

ଇଏସ୍‌ଆଇ ହସ୍ପିଟାଲ କାର୍ଯ୍ୟାଳୟ ଘେରାଉ

ଇଏସ୍‌ଆଇ ହସ୍ପିଟାଲ କାର୍ଯ୍ୟାଳୟ ଘେରାଉ

ବଅଁରପାଳ, ୨୨ା୫ (ଡି.ଏନ୍‌.ଏ.)ବଅଁରପାଳଠାରେ ଥିବା ଇଏସ୍‌ଆଇ ହସ୍‌ପିଟାଲ କାର୍ଯ୍ୟାଳୟକୁ ସୋମବାର ନାଲ୍‌କୋ ଠିକାମଜ୍‌ଦୁର ସଂଘ ତରଫରୁ ଘେରାଉ କରାଯାଇଥିଲା। କାର୍ଯ୍ୟକାରୀ ସଭାପତି ଡମ୍ବରୁଧର ବେହେରାଙ୍କ ନେତୃତ୍ୱରେ ବହୁ କର୍ମକର୍ତ୍ତା ଏହି ଘେରାଉ କରିଥିଲେ।

ଘରେ ପଶି ସାକ୍ଷୀଙ୍କୁ ଧମକ ଅଭିଯୋଗ

ଘରେ ପଶି ସାକ୍ଷୀଙ୍କୁ ଧମକ ଅଭିଯୋଗ

ଅନୁଗୋଳ ଅଫିସ, ୨୨ା୫ ଅନୁଗୋଳ କୋର୍ଟ ପରିସର ହାଜତରୁ ଚମ୍ପଟ ମାରିଥିବା ୪ ହତ୍ୟା ମାମଲାର ଅଭିଯୁକ୍ତ ଝସକେତନ ରାଉତଙ୍କୁ ଧରିବାରେ ୪ ଦିନ ପରେ ବି ପୋଲିସ ସଫଳ ହୋଇପାରି ନାହିଁ। ଫଳରେ ଅଭିଯୋଗକାରୀ ପରିବାର ଓ ସାକ୍ଷୀମାନେ ଭୟଭୀତ ଅବସ୍ଥାରେ ଥିବା ବେଳେ ସୋମବାର ଦୁଇଟି ସ୍ଥାନରେ ସାକ୍ଷୀଙ୍କୁ ହତ୍ୟା ଧମକ ଦିଆଯାଇଥିବା ଅଭିଯୋଗ ହୋଇଛି। ଏ ସମ୍ପର୍କରେ ଖବର ପାଇବା ପରେ ଅନୁଗୋଳ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ସରକାରୀ ନିୟମକୁ ନେଇ ଅସନ୍ତୋଷ

ସରକାରୀ ନିୟମକୁ ନେଇ ଅସନ୍ତୋଷ

ଅନୁଗୋଳ ଅଫିସ,୨୧।୫- ସରକାରୀ ନିୟମକୁ ନେଇ ଅସନ୍ତୋଷ ବ୍ୟକ୍ତ କରିଛି ଅନୁଗୋଳ ଜିଲା ଅଲ ଓଡ଼ିଶା ପ୍ରାଇଭେଟ୍‌ ମେଡିକାଲ ଏଷ୍ଟାବ୍ଲିଶମେଣ୍ଟ ଫୋରମ। ସୋମବାର ଆୟୋଜିତ ଏକ ଖବରଦାତା ସମ୍ମିଳନୀରେ ଫୋରମ ସଭାପତି ଡାକ୍ତର ମାନସ ରଞ୍ଜନ ରଥ କହିଛନ୍ତି ଯେ, ବାରମ୍ବାର ଆଲୋଚନା ପରେ ବି ସରକାର ସେମାନଙ୍କ ଦାବି ପ୍ରତି କର୍ଣ୍ଣପାତ କରିନାହାନ୍ତି। ଏହାର ପ୍ରତିବାଦରେ ଆସନ୍ତା ୨୫ ତାରିଖରେ ଜିଲାରେ ଥିବା ୫୮ଟି ଘରୋଇ ମେଡିକାଲ ଏବଂ ନର୍ସିଂହୋମ ସହ ଡାଏଗ୍ନୋଷ୍ଟିକ୍‌ ସେଣ୍ଟର, ରେଡିଓଥେରାପି, ଫିଜିଓଥେରାପି, ପାଥୋଲୋଜି ଆଦିରେ ସ୍ବାସ୍ଥ୍ୟ ସେବା ବନ୍ଦ କରାଯିବ। ଯଦି ସରକାର ଦାବି ପୂରଣ ନ କରନ୍ତି ତେବେ ମାସକ ପରେ ଅନିର୍ଦ୍ଧିଷ୍ଟ କାଳ ପାଇଁ ଧାରଣା ଦିଆଯିବ ବୋଲି ଡାକ୍ତର ଚେତାବନୀ ଦେଇଛନ୍ତି।

ନିଅଁା ଲଗାଇ ହତ୍ୟା ଉଦ୍ୟମ ଜଣେ ଗିରଫ

ବଇଣ୍ଡା,୨୧।୫(ଡି.ଏନ.ଏ)- କିଶୋରନଗର ବ୍ଲକ ଜାମୁନାଳୀ ପଞ୍ଚାୟତ ଅଶ୍ରୁବାହାଳ ଗ୍ରାମରେ ରବିବାର ରାତିରେ ବିଭୂତି ପ୍ରଧାନ(୫୫) ଓ ତାଙ୍କ ପୁଅ କୁମର ପ୍ରଧାନ(୨୦)ଙ୍କୁ ସେହି ଗ୍ରାମର ପୀତବାସ ପ୍ରଧାନ ହତ୍ୟା ଉଦ୍ୟମ କରିଥିବା ସୋମବାର ହଣ୍ଡପା ଥାନାରେ ଅଭିଯୋଗ ହୋଇଛି। ପୋଲିସ ଏ ସଂକ୍ରାନ୍ତରେ ନଂ ୭୪/୧୮ରେ ଏକ ମାମଲା ରୁଜୁ କରି ପୀତବାସଙ୍କୁ ଗିରଫ କରିଛି।

ଅନୁଗୋଳ ଜିଲାରେ ଚାଲିଛି କାମଚଳା ଚିକିତ୍ସା

ଅନୁଗୋଳ ଜିଲାରେ ଚାଲିଛି କାମଚଳା ଚିକିତ୍ସା

ବନ୍ତଳା, ୨୧।୫ (ଡି.ଏନ୍‌.ଏ.)- ଅନୁଗୋଳ ଜିଲାରେ ଡାକ୍ତର ଅଭାବ ସମସ୍ୟା ଏବେ ଚିନ୍ତାର କାରଣ ହୋଇଛି। ଜିଲା ମୁଖ୍ୟ ଚିକିତ୍ସାଳୟଠାରୁ ଆରମ୍ଭ କରି ଉପଖଣ୍ଡ ଓ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଯାଏ ସବୁଠି ଖାଲି ପଡ଼ିଛି ମାଳ ମାଳ ଡାକ୍ତର ପଦବୀ। ଦୀର୍ଘଦିନ ଧରି ଅଧାରୁ କମ୍‌ ଡାକ୍ତରରେ ଜିଲାରେ ଏକପ୍ରକାର କାମଚଳା ଚିକିତ୍ସା ଚାଲିଥିଲେ ବି ସ୍ବାସ୍ଥ୍ୟ ବିଭାଗ ପକ୍ଷରୁ ଏଥିପ୍ରତି ଆଦୌ ଗୁରୁତ୍ୱ ଦିଆଯାଉ ନାହିଁ।

ଯୁବ ସମାଜସେବୀଙ୍କ ପ୍ରତିମୂର୍ତ୍ତି ଉନ୍ମୋଚନ

ଯୁବ ସମାଜସେବୀଙ୍କ ପ୍ରତିମୂର୍ତ୍ତି ଉନ୍ମୋଚନ

ଛେଣ୍ଡିପଦା,୨୧।୫(ଡି.ଏନ.ଏ.): ଛେଣ୍ଡିପଦା ବ୍ଲକ ଜରପଡ଼ା ଥାନା ତୁକୁଡା ପଞ୍ଚାୟତ ଓଡକପାଳ ଗ୍ରାମଠାରେ ସୋମବାର ଯୁବ ସମାଜସେବୀ ସ୍ବର୍ଗତ ଅଲେଖ କୁମାର ପ୍ରଧାନଙ୍କ ପ୍ରଥମ ଶ୍ରାଦ୍ଧବାର୍ଷିକୀ ଉତ୍ସବ ଏବଂ ନବ ନିର୍ମିତ ପ୍ରତିମୂର୍ତ୍ତି ଉନ୍ମୋଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି ଅବସରରେ ଯଥାବିଧି ପୂଜାନୀତି, ହୋମଯଜ୍ଞ, ନାମ ସଂକୀର୍ତ୍ତନ ଆଦି କାର୍ଯ୍ୟକ୍ରମ ଆୟୋଜନ କରାଯାଇଥିଲା।

ପୋଖରୀରେ ବୁଡ଼ି ଯୁବକ ମୃତ

ପୋଖରୀରେ ବୁଡ଼ି ଯୁବକ ମୃତ

କାମାକ୍ଷାନଗର,୨୧।୫(ଡି.ଏନ.ଏ.): ଢେଙ୍କାନାଳ ଜିଲା କାମାକ୍ଷାନଗର ଏନ୍‌ଏସି ୧୪ ନଂ. ଓର୍ଡ଼ର କାଳନ୍ଦି ମଲ୍ଲିକ(୫୪) ସୋମବାର ପୋଖରୀରେ ବୁଡ଼ି ପ୍ରାଣ ହରାଇଛନ୍ତି।

ଜୀବନ ବଞ୍ଚାଇଲା ଆମ୍ବ ଗଛ:  ତଳେ ଜଗି ରହିଲେ ହାତୀପଲ

ଜୀବନ ବଞ୍ଚାଇଲା ଆମ୍ବ ଗଛ: ତଳେ ଜଗି ରହିଲେ ହାତୀପଲ

ଛେଣ୍ଡିପଦା,୨୧।୫(ଡି.ଏନ.ଏ.): ଆମ୍ବ ଗୋଟାଇବାକୁ ଯାଉଥିଲେ ଦୁଇ ଯୁବକ। ହେଲେ ଏହି ସମୟରେ ହାବୁଡ଼ରେ ପଡ଼ିଗଲେ ହାତୀପଲ। ପରେ ହାତୀପଲ ଗୋଡ଼ାଇବାରୁ ଜୀବନ ବଞ୍ଚାଇବାକୁ ଯାଇ ଚଢିଗଲେ ଏକ ଆମ୍ବଗଛ ଉପରେ। ଦୀର୍ଘ ସମୟ ଧରି ଆମ୍ବ ଗଛ ଉପରେ ରହିବା ପରେ ବନ ବିଭାଗ କର୍ମଚାରୀମାନେ ହାତୀଙ୍କୁ ଘଉଡ଼ାଇ ଉଭୟଙ୍କୁ ଉଦ୍ଧାର କରିଛି।

ରଥଯାତ୍ରା ପ୍ରସ୍ତୁତି ବୈଠକ ଅନୁଷ୍ଠିତ

ରଥଯାତ୍ରା ପ୍ରସ୍ତୁତି ବୈଠକ ଅନୁଷ୍ଠିତ

ତାଳଚେର,୨୧।୫(ଡି.ଏନ୍‌.ଏ.): ଆଗାମୀ ରଥଯାତ୍ରା ଓ ବାହୁଡ଼ାଯାତ୍ରା ନିମନ୍ତେ ପ୍ରସ୍ତୁତି ନେଇ ତାଳଚେର ସଭା ଗୃହରେ ସୋମବାର ଏକ ବୈଠକ ଅନୁଷ୍ଠିତ ହୋଇଯାଇଛି।

ନାଲ୍‌କୋ କମର୍ସିଆଲ ନିର୍ଦ୍ଦେଶକଙ୍କ  ସ୍ମେଲଟର ପ୍ଲାଣ୍ଟ ପରିଦର୍ଶନ

ନାଲ୍‌କୋ କମର୍ସିଆଲ ନିର୍ଦ୍ଦେଶକଙ୍କ ସ୍ମେଲଟର ପ୍ଲାଣ୍ଟ ପରିଦର୍ଶନ

ବଅଁରପାଳ,୨୧।୫(ଡି.ଏନ୍‌.ଏ.): ନାଲ୍‌କୋ କମର୍ସିଆଲ ନିର୍ଦ୍ଦେଶକ ପି. କେ. ମିଶ୍ର ସୋମବାର ସକାଳେ ନାଲ୍‌କୋ ସ୍ମେଲଟର ପ୍ଲାଣ୍ଟ ପରିଦର୍ଶନ କରିଛନ୍ତି। ଏହି ଅବସରରେ ସେ ବିଭିନ୍ନ ବିଭାଗ ବୁଲି ସୁବିଧା ଅସୁବିଧା ସମ୍ପର୍କରେ ପଚାରି ବୁଝଛନ୍ତି।

ଦକ୍ଷତାବୃଦ୍ଧି ତାଲିମ ଶିବିର ଅନୁଷ୍ଠିତ

ଦକ୍ଷତାବୃଦ୍ଧି ତାଲିମ ଶିବିର ଅନୁଷ୍ଠିତ

ବନ୍ତଳା,୨୧।୫(ଡି.ଏନ୍‌.ଏ.): ଅନୁଗୋଳ ଜିଲା ବନ୍ତଳା ରେଞ୍ଜ କାର୍ଯ୍ୟାଳୟ ସଭାଗୃହରେ ଆମ ଜଙ୍ଗଲ ଯୋଜନାରେ ବନସୁରକ୍ଷା ସମିତିସ୍ତରୀୟ ଦକ୍ଷତା ବୃଦ୍ଧି ତାଲିମ ଶିବିର ସୋମବାର ଅନୁଷ୍ଠିତ ହୋଇଯାଇଛି।

ବିଦ୍ୟୁତ୍‌ ଆଘାତରେ ୯ ଗୋରୁ ମୃତ

ବିଦ୍ୟୁତ୍‌ ଆଘାତରେ ୯ ଗୋରୁ ମୃତ

ତାଳଚେର,୨୧।୫(ଡି.ଏନ୍‌.ଏ.): ବିଦ୍ୟୁତ୍‌ କରେଣ୍ଟ ଲାଗି ତାଳଚେର ବ୍ଲକ କଣକିଲି ଗ୍ରାମରେ ୯ ଗୋରୁଙ୍କ ମୃତ୍ୟୁ ହୋଇଛି। ସେଥିମଧ୍ୟରେ ୭ଟି ଗାଈ ଓ ୨ଟି ବାଛୁରୀ ଥିବା ଜଣାପଡ଼ିଛି। ସୂଚନାନୁଯାୟୀ, ରବିବାର ରାତିରେ ଝଡ ବର୍ଷା ଯୋଗୁଁ ବିଦ୍ୟୁତ୍‌ ତାର ଛିଣ୍ଡି ତଳେ ପଡିଥିଲା।

୬୧ ଛାତ୍ରୀଛାତ୍ର ସମ୍ବର୍ଦ୍ଧିତ

୬୧ ଛାତ୍ରୀଛାତ୍ର ସମ୍ବର୍ଦ୍ଧିତ

ଢେଙ୍କାନାଳ ଅଫିସ, ୨୧।୫: ଚଳିତ ମାଟ୍ରିକ ପରୀକ୍ଷାରେ ଢେଙ୍କାନାଳ ଜିଲାରେ ଏ-୧ ଗ୍ରେଡ୍‌ରେ ପାସ୍‌ କରିଥିବା ୬୧ ଛାତ୍ରୀଛାତ୍ରଙ୍କୁ ଜିଲା ଶିକ୍ଷା ବିଭାଗ ପକ୍ଷରୁ ସୋମବାର ସମ୍ବର୍ଦ୍ଧିତ କରାଯାଇଛି।

ପାଉଁଶରେ ଅତିଷ୍ଠ, ବର୍ଷା ପରେ ଆଶ୍ୱସ୍ତି

କଣିହାଁ, ୨୧ା୫(ଡି.ଏନ.ଏ.) କଣିହାଁ ବ୍ଲକ ଅଞ୍ଚଳରେ ରବିବାର ଭଲ ବର୍ଷା ହୋଇଛି। ପ୍ରବଳ ଗରମ, ଗୁଳୁଗୁଳି ସାଙ୍ଗକୁ କୋଇଲା ଗୁଣ୍ଡ ଓ ପାଉଁଶରେ ଅତିଷ୍ଠ ଲୋକେ ଏଥିଯୋଗୁ ଆଶ୍ୱସ୍ତିଲାଭ କରିଛନ୍ତି। ଅପରାହ୍ନରେ ପ୍ରବଳ ବେଗରେ ପବନ ବହିଥିଲା। ଫଳରେ ଜେଆଇଟିପିଏଲ ଓ ଏମ୍‌ସିଏଲ୍‌ କୋଇଲା ଖଣିରୁ ଅତ୍ୟଧିକ ମାତ୍ରାରେ ପାଉଁଶ ଓ କୋଇଲା ଗୁଣ୍ଡ ଉଡିଥିଲା।

ପାଲଟିଛି ବିଶୁଦ୍ଧ ପାଣି : ତାଳଚେରରେ କାୟା ବିସ୍ତାର କରୁଛି ଜଣ୍ଡିସ

ପାଲଟିଛି ବିଶୁଦ୍ଧ ପାଣି : ତାଳଚେରରେ କାୟା ବିସ୍ତାର କରୁଛି ଜଣ୍ଡିସ

ତାଳଚେର,୨୧/୫ (ନି.ପ୍ର.) କୋଇଲା ନଗରୀ ତାଳଚେରରୁ ରାଜ୍ୟ ଓ କେନ୍ଦ୍ର ସରକାର ବାର୍ଷିକ ପ୍ରାୟ ୫ ହଜାର କୋଟିରୁ ଊର୍ଦ୍ଧ୍ୱ ଟଙ୍କାର ରାଜସ୍ବ ପାଉଛନ୍ତି। କିନ୍ତୁ ସ୍ବାଧୀନତାର ୭୦ ବର୍ଷ ପରେ ବି ସହରବାସୀଙ୍କ ପାଇଁ ବିଶୁଦ୍ଧ ପାଣି ସ୍ବପ୍ନ ହୋଇ ରହିଛି। ସହରର ପ୍ରାୟ ୫୦ ହଜାର ଅଧିବାସୀ ପୂର୍ବପରି ନର୍ଦ୍ଦମା ପାଣି ବ୍ୟବହାର କରି ମାରାତ୍ମକ ଜଣ୍ଡିସର ଶିକାର ହେଉଛନ୍ତି।

 କୋର୍ଟ ହାଜତରୁ ଝସକେତନ ଚମ୍ପଟ ମାରିବା ଘଟଣା : ରାଜ୍ୟ ବାହାରକୁ ଖସିଯାଇଥିବା ସନ୍ଦେହ

କୋର୍ଟ ହାଜତରୁ ଝସକେତନ ଚମ୍ପଟ ମାରିବା ଘଟଣା : ରାଜ୍ୟ ବାହାରକୁ ଖସିଯାଇଥିବା ସନ୍ଦେହ

ଅନୁଗୋଳ ଅଫିସ,୨୦ା୫ ଅନୁଗୋଳ କୋର୍ଟ ପରିସର ହାଜତ ଶୌଚାଳୟ ଆଜବେଷ୍ଟସ ଭାଙ୍ଗି ଚମ୍ପଟ ମାରିଥିବା ୪ ହତ୍ୟା ମାମଲାର ଏକମାତ୍ର ଅଭିଯୁକ୍ତ ଝସକେତନ ରାଉତଙ୍କ ପତ୍ତା ପାଉନି ପୋଲିସ। ସବୁ କଳ-ବଳ-କୌଶଳ ଖଟାଇ ଖୋଜା ଚାଲିଥିଲେ ବି ଝସକେତନ ଏବେ କେଉଁଠି ସେ ନେଇ ପୋଲିସର ସନ୍ଦେହ ଦୂର ହୋଇପାରୁ ନାହିଁ।

ଗାଡ଼ି ପହଞ୍ଚିଲେ ଗହଳି ଜମେ

ଗାଡ଼ି ପହଞ୍ଚିଲେ ଗହଳି ଜମେ

୫ ମ ଶ୍ରେଣୀ ଯାଏ ପାଠ ପଢ଼ିଥିବାରୁ ଚାକିରି ପାଇଁ ବେଶି ଚେଷ୍ଟା କରି ନ ଥିଲେ। ପରିବାର ପ୍ରତିପୋଷଣ ପାଇଁ ପ୍ରଥମେ ଜଳଖିଆ ଦୋକାନଟିଏ କରିଥିଲେ। ତାହା ଭଲ ଚାଲିଲାନି। ହେଲେ ଏବେ ଜମୁଛି ଯୁଧିଷ୍ଠିର ରାଉତରାୟ (୫୦)ଙ୍କ ଦହିବରା ବେପାର। ସକାଳୁ ନାଲ୍‌କୋ ଅଞ୍ଚଳର ଗିରାଙ୍ଗ ଛକରେ ତାଙ୍କ ଠେଲାଗାଡ଼ି ପହଞ୍ଚିବା ମାତ୍ରେ ଗହଳି ଜମିଯାଉଛି।