ଖେଳ
ଗୁଣ୍ଟୁର ଆନ୍ଧ୍ରପ୍ରଦେଶ ବିଜୟୀ
ବନ୍ତ,୨।୨(ସ୍ବ.ପ୍ର.) ଭଦ୍ରକ ଜିଲା ବନ୍ତ ବ୍ଲକ ଟିଲୋସ୍ଥିତ ହନୁମାନଜୀଉ ମିନି ଷ୍ଟାଡିୟମରେ ଟିଲୋ ଆଥ୍ଲେଟିକ୍ ଆସୋସିଏଶନ ଆନୁକୂଲ୍ୟରେ ୨୫ତମ ପ୍ରଦୀପ ସ୍ମାରକୀ ଜାତୀୟସ୍ତରୀୟ କ୍ରିକେଟ ଟୁର୍ନାମେଣ୍ଟ ଶୁକ୍ରବାର ଉଦ୍ଘାଟିତ ହୋଇଯାଇଛି। ପ୍ରଥମ ମ୍ୟାଚ୍ରେ ପୁଲ ଏ’ ର ଗୁଣ୍ଟୁର ଆନ୍ଧ୍ରପ୍ରଦେଶକୁ ଭେଟିଥିଲା ସେର୍ସା ଆଦ୍ରା ଦଳ। ଗୁଣ୍ଟୁର ଟସ୍ ଜିତି ପ୍ରଥମେ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲା। ସେର୍ସା ଆଦ୍ରା ପ୍ରଥମେ ବ୍ୟାଟିଂ କରି ରାଜୁ କୁମାରଙ୍କ ୩୫ ରନ ସାହାଯ୍ୟରେ ନିର୍ଦ୍ଧାରିତ ୨୦ ଓଭରରେ ୯ ଉଇକେଟ ବିନିମୟରେ ୧୧୪ ରନ ସଂଗ୍ରହ କରିଥିଲା। ଗୁଣ୍ଟୁର ପକ୍ଷରୁ ଜି. ଭି. ଶରତ ବାବୁ ୪ଟି ଓ ବି. ସୁଧାକର ୨ଟି ଉଇକେଟ ଅକ୍ତିଆର କରିଥିଲେ। ଜବାବରେ ଗୁଣ୍ଟୁର ଆନ୍ଧ୍ରପ୍ରଦେଶ ୧୬ତମ ଓଭରରେ ୫ ଉଇକେଟ ହରାଇ ୧୧୬ ରନ କରି ବିଜୟୀ ହୋଇଥିଲା।
ଚତୁର୍ଥ ଟାଇଟଲ ଲକ୍ଷ୍ୟରେ ଭାରତ
ମାଉଣ୍ଟ ମାଉଙ୍ଗନୁଇ(ନ୍ୟୁଜିଲାଣ୍ଡ), ୨।୨(ପି.ଟି.)- ୧୯ ବର୍ଷରୁ କମ୍ କ୍ରିକେଟ ବିଶ୍ୱକପର ଟାଇଟଲ ଟକ୍କର ଶନିବାର ଏଠାରେ ଅନୁଷ୍ଠିତ ହେବ। ମେଗା ଫାଇନାଲର ଦୁଇ ପ୍ରତିଦ୍ୱନ୍ଦ୍ୱୀ ହେଉଛନ୍ତି ଭାରତ ଓ ଅଷ୍ଟ୍ରେଲିଆ। ଟୁର୍ନାମେଣ୍ଟ ଇତିହାସରେ ସବୁଠାରୁ ସଫଳ ଦଳ ଭାରତ ଓ ଅଷ୍ଟ୍ରେଲିଆ ପୂର୍ବରୁ ୩ ଥର ଲେଖାଏ ଚାମ୍ପିୟନ ହୋଇ ସାରିଛନ୍ତି। ତେବେ ଚଳିତ ଟୁର୍ନାମେଣ୍ଟରେ ଏପର୍ଯ୍ୟନ୍ତ ଅପରାଜେୟ ରହିଥିବା ରାହୁଲ ଡ୍ରାଭିଡଙ୍କ ପ୍ରଶିକ୍ଷଣପ୍ରାପ୍ତ ଭାରତୀୟ ଦଳ ଅଷ୍ଟ୍ରେଲିଆକୁ ହରାଇ ଚତୁର୍ଥ ଟାଇଟଲ ହାସଲ ଲକ୍ଷ୍ୟରେ ରହିଛି।
ଖେଲୋ ଇଣ୍ଡିଆ: ଓଡ଼ିଶା ପାଇଁ ପୁଙ୍ଗା ଜିତିଲେ ପ୍ରଥମ ସ୍ବର୍ଣ୍ଣ
ଭୁବନେଶ୍ୱର, ୨।୨(କ୍ରୀଡ଼ା ପ୍ରତିନିଧି)- ନୂଆଦିଲ୍ଲୀଠାରେ ଚାଲିଥିବା ଖେଲୋ ଇଣ୍ଡିଆ ସ୍କୁଲ ଗେମ୍ସରେ ଓଡ଼ିଶା ପାଇଁ ପ୍ରଥମ ସ୍ବର୍ଣ୍ଣ ପଦକ ଜିତିଛନ୍ତି ପୁଙ୍ଗା ସୋରେନ
‘ଭାରତୀୟ ରିଷ୍ଟ ସ୍ପିନରଙ୍କୁ ମୁକାବିଲା ପାଇଁ ପ୍ରସ୍ତୁତି ଆବଶ୍ୟକ’
ଡର୍ବାନ, ୨।୨(ପି.ଟି.)- ରିଷ୍ଟ ସ୍ପିନରଙ୍କୁ ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନମାନେ ସଫଳ ମୁକାବିଲା କରି ପାରିଲେ ଯାଇ ଚଳିତ ଦିନିକିଆ ସିରିଜରେ ଭାରତକୁ ଟକ୍କର ଦେଇ ପାରିବେ।
ପ୍ରଥମ ମ୍ୟାଚ ବିଜୟ ଆମ ଆତ୍ମବିଶ୍ୱାସ ବଢ଼ାଇଛି: କୋହଲି
ଡର୍ବାନ, ୨।୨(ପି.ଟି.)- ଡର୍ବାନରେ ଅନୁଷ୍ଠିତ ପ୍ରଥମ ଦିନିକିଆ କ୍ରିକେଟ ମ୍ୟାଚରେ ଭାରତ ୬ ଉଇକେଟରେ ଦକ୍ଷିଣ ଆଫ୍ରିକାକୁ ପରାସ୍ତ କରିଛି। ଦକ୍ଷିଣ ଆଫ୍ରିକା ପକ୍ଷରୁ ଧାର୍ଯ୍ୟ ୨୭୦ ରନ ବିଜୟ ଲକ୍ଷ୍ୟକୁ ଭାରତ ୪୫.୩ ଓଭରରେ ମାତ୍ର ୪ ଉଇକେଟ ହରାଇ ହାସଲ କରି ନେଇଥିଲା। ଶତକ (୧୧୯ ବଲ୍, ୧୦ ଚୌକା, ୧୧୨ରନ )ହାସଲ କରି ଅଧିନାୟକ ବିରାଟ କୋହଲି ମ୍ୟାନ ଅଫ ଦି ମ୍ୟାଚ ପୁରସ୍କାର ପାଇଥିଲେ। ୬ ମ୍ୟାଚ ବିଶିଷ୍ଟ ସିରିଜର ପ୍ରଥମ ମ୍ୟାଚ ଗୁରୁତ୍ୱପୂର୍ଣ୍ଣ ଥିଲା। ଏଥିରେ ବିଜୟ ଦଳର ଆତ୍ମବିଶ୍ୱାସ ବଢ଼ାଇଛି ବୋଲି କୋହଲି ପ୍ରକାଶ କରିଛନ୍ତି।
ସୌରଭ ଘୋଷାଲ ସର୍ବୋଚ୍ଚ ର଼୍ୟାଙ୍କିଙ୍ଗପ୍ରାପ୍ତ ଭାରତୀୟ ସ୍କ୍ବାଶ୍ ଖେଳାଳି
ନୂଆଦିଲ୍ଲୀ, ୨।୨(ପି.ଟି.)- ଭାରତର ଅଗ୍ରଣୀ ସ୍କ୍ବାଶ୍ ଖେଳାଳି ସୌରଭ ଘୋଷାଲ ୫ଟି ସ୍ଥାନ ଉପରକୁ ଉଠି ପ୍ରଫେଶନାଲ ସ୍କ୍ବାଶ୍ ଆସୋସିଏଶନ(ପିଏସଏ) ର଼୍ୟାଙ୍କିଙ୍ଗର ୧୪ତମ ସ୍ଥାନ ହାସଲ କରିଛନ୍ତି।
ଡେଭିସ୍ କପ୍: ଜର୍ମାନୀକୁ ଅଗ୍ରଣୀ କଲେ ଜାଭେରେଭ୍
ବ୍ରିସବେନ, ୨।୨(ଏଏଫପି)- ଡେଭିସ୍ କପ୍ ଟେନିସ ବିଶ୍ୱ ଗ୍ରୁପ ପ୍ରଥମ ରାଉଣ୍ଡରେ ଅଷ୍ଟ୍ରେଲିଆ ବିପକ୍ଷରେ ଜର୍ମାନୀକୁ ଅଗ୍ରଣୀ କରାଇଛନ୍ତି ଜର୍ମାନୀର ଆଲେକଜାଣ୍ଡର ଜାଭେରେଭ।
ଜିବ୍ରାଲ୍ଟର ଚେସ୍ ଟପ୍-୧୦ରେ ରହିଲେ ଦେବାଶିଷ
ଭୁବନେଶ୍ୱର, ୧।୨(କ୍ରୀଡ଼ା ପ୍ରତିନିଧି) ଇଂଲଣ୍ଡରେ ଅନୁଷ୍ଠିତ ଜିବ୍ରାଲ୍ଟର ଚେସ୍ ଟୁର୍ନାମେଣ୍ଟରେ ୯୨ ଗ୍ରାଣ୍ଡମାଷ୍ଟର (ଜିଏମ) ଏବଂ ୫୮ ଅନ୍ତର୍ଜାତୀୟ ମାଷ୍ଟର(ଆଇଏମ୍)ଙ୍କ ଉପସ୍ଥିତି ସତ୍ତ୍ୱେ ଚମତ୍କାର ପ୍ରଦର୍ଶନ କରି ଟପ୍-୧୦ ଫିନିଶ୍ କରିଛନ୍ତି ଓଡ଼ିଶା ଗ୍ରାଣ୍ଡମାଷ୍ଟର ଦେବାଶିଷ ଦାସ। ୨୫୦୧ ରେଟିଂପ୍ରାପ୍ତ ଦେବାଶିଷ ପ୍ରଭାବୀ ପ୍ରଦର୍ଶନ ଅବ୍ୟାହତ ରଖି ୯ମ ରାଉଣ୍ଡରେ ତାଙ୍କଠାରୁ ବହୁ ଉଚ୍ଚ ରେଟିଂପ୍ରାପ୍ତ ଭେନେଜୁଏଲା ଜିଏମ ଇଟୁରିଜାଗା ବୋନେଲି ଏଡୁଆର୍ଡୋ(୨୬୫୦) ଏବଂ ୧୦ମ ତଥା ଅନ୍ତିମ ରାଉଣ୍ଡରେ ଭାରତୀୟ ଜିଏମ ସନ୍ଦିପନ ଚନ୍ଦା(୨୫୭୯)ଙ୍କୁ ହରାଇ ଅପରାଜେୟ ରହିଛନ୍ତି।
ଖେଲୋ ଇଣ୍ଡିଆ ସ୍କୁଲ ଗେମ୍ସ ସନ୍ତରଣ ପ୍ରତ୍ୟାଶାଙ୍କୁ ବ୍ରୋଞ୍ଜ ପଦକ
ଭୁବନେଶ୍ୱର, ୧।୨(କ୍ରୀଡ଼ା ପ୍ରତିନିଧି) ରାଜ୍ୟର ସୁଇମିଂ ସେନ୍ସେଶନ ପ୍ରତ୍ୟାଶା ରୟ ନୂଆଦିଲ୍ଲୀରେ ଚାଲିଥିବା ଖେଲୋ ଇଣ୍ଡିଆ ସ୍କୁଲ ଗେମ୍ସରେ ମଧ୍ୟ ଚମକ ଦେଖାଇବା ଆରମ୍ଭ କରିଛନ୍ତି। ସେ ୧୦୦ ମିଟର ବ୍ୟାକ୍ଷ୍ଟ୍ରୋକ୍ ରେ ୧:୧୦.୫ ସେକେଣ୍ଡ ସମୟ ନେଇ ବ୍ରୋଞ୍ଜ ପଦକ ହାସଲ କରିଛନ୍ତି। ହକି ଗ୍ୟାଲେରି ସମ୍ପ୍ରସାରଣ ଆଳରେ କଳିଙ୍ଗ ଷ୍ଟାଡିୟମ ସୁଇମିଂ ପୁଲ୍କୁ ଭାଙ୍ଗି ଦିଆଯାଇଥିବା ବେଳେ ସବୁଠାରୁ ଅଧିକ ବ୍ୟଥିତ ହୋଇଥିଲେ ଏହି ସନ୍ତରଣ ପ୍ରତିଭା। ଅଭ୍ୟାସରେ ବାଧା ସତ୍ତ୍ୱେ ସେ ଖେଲୋ ଇଣ୍ଡିଆ କାର୍ଯ୍ୟକ୍ରମରେ ଓଡ଼ିଶା ପାଇଁ ପ୍ରଥମ ପଦକ ଜିତି ରାଜ୍ୟକୁ ଗର୍ବିତ କରିଛନ୍ତି। କର୍ନାଟକର ସୁଭାନା ସି. ଭାସ୍କର ୧:୦୮.୨୩ ସେକେଣ୍ଡ ସହିତ ସ୍ବର୍ଣ୍ଣ ଏବଂ ହରିୟାଣାର ଖୁସି ଜୈନ (୧:୦୯.୫୮) ରୌପ୍ୟ ପଦକ ହାସଲ କରିଛନ୍ତି।
ବିରାଟଙ୍କ ଶତକରେ ଭାରତ ବିଜୟୀ
ଡର୍ବାନ, ୧।୨(ପି.ଟି.) ଡର୍ବାନରେ ଅନୁଷ୍ଠିତ ପ୍ରଥମ ଦିନିକିଆ କ୍ରିକେଟ ମ୍ୟାଚରେ ଦୁଇ ଅଧିନାୟକ ଦମ୍ ଦେଖାଇଥିବାବେଳେ ଫାଫ୍ ଡୁ ପ୍ଲେସିଙ୍କ ଉପରେ ଭାରି ପଡ଼ିଛନ୍ତି ବିରାଟ କୋହଲି। ବିରାଟଙ୍କ ଶତକ ସହାୟତାରେ ଭାରତ ଗୁରୁବାର ଅନୁଷ୍ଠିତ ପ୍ରଥମ ଦିନିକିଆ କ୍ରିକେଟ ମ୍ୟାଚରେ ଦକ୍ଷିଣ ଆଫ୍ରିକାକୁ ୬ ଉଇକେଟରେ ପରାସ୍ତ କରିଛି। ଡୁ ପ୍ଲେସିଙ୍କ ଶତକ ସହାୟତାରେ ଦକ୍ଷିଣ ଆଫ୍ରିକା ୫୦ ଓଭରରେ ୮ ଉଇକେଟ ହରାଇ ୨୬୯ ରନ କରିଥିଲା। ଜବାବରେ ଭାରତ ୪୫.୩ ଓଭରରେ ୪ ଉଇକେଟ ହରାଇ ୨୭୦ ରନ ସଂଗ୍ରହ କରି ନେଇଥିଲା। କୋହଲି ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ।
ପାକିସ୍ତାନକୁ ତୃତୀୟ ସ୍ଥାନ
କୁଇନ୍ସଟାଉନ(ନ୍ୟୁଜିଲାଣ୍ଡ), ୧।୨(ପି.ଟି.)- ଦୁଇଥରର ଚାମ୍ପିୟନ ପାକିସ୍ତାନ କ୍ରିକେଟ ଦଳ ଏଠାରେ ଚାଲିଥିବା ୧୯ ବର୍ଷରୁ କମ୍ ଆଇସିସି ବିଶ୍ୱକପ୍ରେ ୩ୟ ସ୍ଥାନରେ ରହି ଅଭିଯାନ ଶେଷ କରିଛି।
ଚିଟ୍ଟାଗଙ୍ଗ ଟେଷ୍ଟ: ଶ୍ରୀଲଙ୍କାର ଦୃଢ଼ ଜବାବ
ଚିଟ୍ଟାଗଙ୍ଗ,୧।୨- ସ୍ଥାନୀୟ ଜହୁର ଅହମ୍ମଦ ଚୌଧାରୀ ଷ୍ଟାଡିୟମରେ ଚାଲିଥିବା ବାଂଲାଦେଶ ବିପକ୍ଷ ପ୍ରଥମ ଟେଷ୍ଟରେ ଭ୍ରମଣକାରୀ ଶ୍ରୀଲଙ୍କା ଦୃଢ଼ ବ୍ୟାଟିଂ କରିଛି। ଘରୋଇ ବାଂଲାଦେଶର ପ୍ରଥମ ଇନିଂସ ସ୍କୋର ୫୧୩ ରନ ଜବାବରେ ଶ୍ରୀଲଙ୍କା ପ୍ରଥମ ଇନିଂସ ଆରମ୍ଭ କରି ଗୁରୁବାର ଷ୍ଟମ୍ପ୍ସ ଅପସାରଣ ସୁଦ୍ଧା ଗୋଟିଏ ଉଇକେଟ୍ ହରାଇ ୧୮୭ ରନ ସଂଗ୍ରହ କରିଛି।
ବିଦର୍ଭକୁ ପ୍ରଥମ କୁଚ୍ ବିହାର ଟ୍ରଫି
ନୂଆଦିଲ୍ଲୀ, ୧।୨- ଚଳିତ ଘରୋଇ କ୍ରିକେଟ ସିଜନରେ ବିଦର୍ଭ ଦଳ ଦମ୍ଦାର ପ୍ରଦର୍ଶନ ଜାରି ରଖିଛି। ପ୍ରଥମେ ସମ୍ମାନଜନକ ରଣ୍ଜୀ ଟ୍ରଫି ଟାଇଟଲ ଜିତିଥିବା ବିଦର୍ଭ ଏବେ ୧୯ ବର୍ଷରୁ କମ୍ କୁଚ୍ ବିହାର ଟ୍ରଫି ଜିତିବାର ସୌଭାଗ୍ୟ ଲାଭ କରିଛି।
ଇଣ୍ଡିଆନ ଓ୍ବେଲ୍ସ: ଆଝାରେଙ୍କାଙ୍କୁ ଓ୍ବାଇଲ୍ଡ କାର୍ଡ
ଲସ୍ ଆଞ୍ଜେଲ୍ସ, ୧।୨(ଏଏଫ୍ପି)- ଦୁଇଥରର ଚାମ୍ପିୟନ ଭିକ୍ଟୋରିଆ ଆଝାରେଙ୍କା ଇଣ୍ଡିଆନ୍ ଓ୍ବେଲ୍ସରେ ଓ୍ବାଇଲ୍ଡ କାର୍ଡ ପାଇଛନ୍ତି। ଫଳରେ ମାର୍ଚ୍ଚରୁ ଆରମ୍ଭ ହେବାକୁ ଥିବା ଏହି ପ୍ରତିଯୋଗିତାରେ ସେ ସିଧାସଳଖ ମୁଖ୍ୟ ପର୍ଯ୍ୟାୟରେ ଖେଳିବାର ସୁଯୋଗ ପାଇଛନ୍ତି।
ଇଣ୍ଡିଆ ଓପନ୍ ବକ୍ସିଂ: ଫାଇନାଲରେ ମେରୀକମ
ନୂଆଦିଲ୍ଲୀ, ୧।୨(ପି.ଟି.)- ପାଞ୍ଚ ଥର ବିଶ୍ବ ଚାମ୍ପିୟନ୍ ମହିଳା ବକ୍ସର ଏମ୍.ସି. ମୋରୀକମ୍ ଚଳିତ ଇଣ୍ଡିଆ ଓପନ୍ ବକ୍ସିଂ ଟୁର୍ନାମେଣ୍ଟର ୪୮ କିଗ୍ରା ବର୍ଗର ଫାଇନାଲରେ ପ୍ରବେଶ କରିଛନ୍ତି।
ମୋମିନୁଲଙ୍କ ଶତକ: ବାଂଲାଦେଶର ଦୃଢ଼ ବ୍ୟାଟିଂ
ଚିଟ୍ଟାଗଙ୍ଗ, ୩୧।୧(ଏଏଫ୍ପି)- ଶ୍ରୀଲଙ୍କା ବିପକ୍ଷରେ ବୁଧବାରଠାରୁ ଏଠାରେ ଆରମ୍ଭ ହୋଇଥିବା ଟେଷ୍ଟ ସିରିଜରେ ପ୍ରଥମ ଦିନର ସମ୍ମାନ ଘରୋଇ ବାଂଲାଦେଶ ହାତେଇ ନେବାରେ ସଫଳ ହୋଇଛି।
ବିଜୟ ହଜାରେ ଟ୍ରଫି: ପୋଦ୍ଦାର ଓଡ଼ିଶାର ଅଧିନାୟକ
କଟକ ଅଫିସ,୩୧ା୧- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ଆନୁକୂଲ୍ୟରେ ଆସନ୍ତା ୭ ତାରିଖରୁ ବାଙ୍ଗାଲୋରଠାରେ ବିଜୟ ହଜାରେ ଟ୍ରଫି ଏକଦିବସୀୟ କ୍ରିକେଟ ଟୁର୍ନାମେଣ୍ଟ ଆରମ୍ଭ ହେବ।
ଜାତୀୟ ସିନିୟର ମହିଳା ହକି ପାଇଁ ଗାଙ୍ଗପୁର-ଓଡ଼ିଶା ଦଳ
ଭୁବନେଶ୍ୱର, ୩୧।୧(କ୍ରୀଡ଼ା ପ୍ରତିନିଧି)- ରାଞ୍ଚତ୍ଠାରେ ଫେବୃୟାରୀ ୧ରୁ ୧୧ ପର୍ଯ୍ୟନ୍ତ ହେବାକୁଥିବା ୮ମ ଜାତୀୟ ସିନିୟର ମହିଳା ହକି (ଡିଭିଜନ-ଏ) ଚାମ୍ପିୟନଶିପ୍ ପାଇଁ ବୁଧବାର ହକି ଗାଙ୍ଗପୁର-ଓଡ଼ିଶା ଦଳ ଘୋଷିତ ହୋଇଛି।
ପ୍ୟାରୀଙ୍କ ୫ ଗୋଲ: ଓଡ଼ିଶାର ବୃହତ୍ ବିଜୟ
କଟକ ଅଫିସ,୩୧ା୧- ବାରବାଟୀ ଷ୍ଟାଡିୟମରେ ଚାଲିଥିବା ୨୩ତମ ଜାତୀୟ ସିନିୟର ମହିଳା ଫୁଟବଲ ଚାମ୍ପିୟନଶିପ୍ରେ ବୁଧବାର ଘରୋଇ ଓଡ଼ିଶା ଦଳ ୧୦-୦ ଗୋଲରେ ଗୁଜରାଟକୁ ପରାସ୍ତ କରିଛି।
ଇଣ୍ଡିଆ ଓପନ୍ ବ୍ୟାଡ୍ମିଣ୍ଟନ: ସାଇନା, ସିନ୍ଧୁଙ୍କ ବିଜୟ ଅଭିଯାନ
ନୂଆଦିଲ୍ଲୀ, ୩୧।୧- ଏଠାରେ ୩ ଲକ୍ଷ ୫୦ ହଜାର ଆମେରିକୀୟ ଡଲାର ପୁରସ୍କାର ରାଶିବିଶିଷ୍ଟ ଇଣ୍ଡିଆ ଓପନ୍ ସୁପର ବ୍ୟାଡ୍ମିଣ୍ଟନ ଟୁର୍ନାମେଣ୍ଟ ସହ ଦେଶର ଦୁଇ ତାରକା ମହିଳା ଖେଳାଳି ସାଇନା ନେହ୍ବାଲ ଓ ପି.ଭି. ସିନ୍ଧୁଙ୍କ ବିଜୟ ଅଭିଯାନ ଆରମ୍ଭ ହୋଇଛି। ଅନ୍ୟପକ୍ଷରେ ଆହତ ସମସ୍ୟା ସତ୍ତ୍ୱେ କୋର୍ଟକୁ ଓହ୍ଲାଇଥିବା ଏଚ୍.ଏସ୍. ପ୍ରଣୟଙ୍କୁ ପ୍ରଥମ ରାଉଣ୍ଡରୁ ପରାଜୟ ସହ ବିଦାୟ ନେବାକୁ ପଡ଼ିଛି।
ଦିଲ୍ଲୀ ଦଳର ନେତୃତ୍ୱ ନେବେ ଇଶାନ୍ତ
ନୂଆଦିଲ୍ଲୀ, ୩୧।୧- ଆସନ୍ତା ବିଜୟ ହଜାରେ ଟ୍ରଫି ପାଇଁ ଟେଷ୍ଟ ସ୍ପେଶାଲିଷ୍ଟ ବୋଲର ଇଶାନ୍ତ ଶର୍ମାଙ୍କୁ ଦିଲ୍ଲୀ ଦଳର ନେତୃତ୍ୱ ପ୍ରଦାନ କରାଯାଇଛି। ଅତୁଲ ଓ୍ବାସନଙ୍କ ନେତୃତ୍ୱାଧୀନ ଡିଡିସିଏର ଚୟନ କମିଟି ବୁଧବାର ୧୫ ଜଣିଆ ଦଳ ଘୋଷଣା କରିଛି।
ରାଇଡୁ ୨ଟି ମ୍ୟାଚ୍ରୁ ବାସନ୍ଦ
ହାଇଦ୍ରାବାଦ, ୩୧।୧- ହାଇଦ୍ରାବାଦ୍ ରଣଜୀ ଦଳର ଅଧିନାୟକ ଅମ୍ବାତି ରାଇଡୁଙ୍କୁ ୨ଟି ମ୍ୟାଚ୍ରୁ ବାସନ୍ଦ କରାଯାଇଛି। ବିଶୃଙ୍ଖଳା ଗତ କାରଣରୁ ତାଙ୍କୁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ପକ୍ଷରୁ ବୁଧବାର ଏପରି ଦଣ୍ଡାଦେଶ ଦିଆଯାଇଛି। ଏହି ଦଣ୍ଡାଦେଶକୁ ସେ ସ୍ବୀକାର କରିଛନ୍ତି। ଏଣୁ ଆଗାମୀ ୫ ତାରିଖଠାରୁ ଆରମ୍ଭ ହେବାକୁ ଥିବା ବିଜୟ ହଜାରେ ଟ୍ରଫିର ପ୍ରଥମ ଦୁଇଟି ମ୍ୟାଚ୍ରୁ ରାଇଡୁ ବାଦ୍ ପଡ଼ିବା ନିଶ୍ଚିତ।
ନବି ମୁମ୍ବାଇ ବାଳକଙ୍କ ଅପରାଜିତ ୧,୦୪୫ରନ
ବମ୍ବେ, ୩୦ା୧(ପି.ଟି.)-ନବି ମୁମ୍ବାଇ ନିକଟରେ ଖେଳାଯାଇଥିବା ଏକ ସ୍ଥାନୀୟ କ୍ରିକେଟ ଟୁର୍ନାମେଣ୍ଟରେ ଜଣେ ୧୪ ବର୍ଷୀୟ ଛାତ୍ର ୧,୦୪୫ ରନ କରି ଅପରାଜିତ ରହିଥିଲେ।
ସନ୍ତୋଷ ଟ୍ରଫି: ଓଡ଼ିଶାର ବିଜୟ ଅଭିଯାନ
କଟକ ଅଫିସ,୩୦ା୧- ବିହାରର ବେଗୁସରାଇ ଠାରେ ଅନୁଷ୍ଠିତ ୭୨ ତମ ଜାତୀୟ ଫୁଟବଲ ଚାମ୍ପିୟନଶିପ୍ ସନ୍ତୋଷ ଟ୍ରଫିର ପୂର୍ବାଞ୍ଚଳ ଯୋଗ୍ୟତା ପର୍ଯ୍ୟାୟ ରାଉଣ୍ଡରେ ଓଡ଼ିଶା ବିଜୟରୁ ଅଭିଯାନ ଆରମ୍ଭ କରିଛି।