ରାଜ୍ୟ

ଭାଜପା ସମାବେଶରେ ମୋଦି ନରମ, ଧର୍ମେନ୍ଦ୍ର ଗରମ

ଭାଜପା ସମାବେଶରେ ମୋଦି ନରମ, ଧର୍ମେନ୍ଦ୍ର ଗରମ

ବଲାଙ୍ଗୀର ଅଫିସ, ୧୬।୧- ଗତ ଏକ ମାସ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତୃତୀୟ ଥର ପାଇଁ ଓଡ଼ିଶା ଗସ୍ତ କରିଛନ୍ତି। ବଲାଙ୍ଗୀରଠାରେ ମଙ୍ଗଳବାର ଏକ ସରକାରୀ କାର୍ଯ୍ୟକ୍ରମରେ ମୋଦି ୧୫୫୦ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିଛନ୍ତି। ଏହି ଅବସରରେ ବଲାଙ୍ଗୀର ପଥରଚେପା ପଡିଆରେ ଭାଜପା ପକ୍ଷରୁ ଅନୁଷ୍ଠିତ ବିଶାଳ ଜନ ସମାବେଶରେ ମୋଦି ରାଜ୍ୟର ବିଜେଡି ସରକାରଙ୍କ ଉପରେ ନରମ ହୋଇ ସମାଲୋଚନା କରିଥିବାବେଳେ ଦଳୀୟ ନେତା ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କିନ୍ତୁ ଗରମ ଥିଲେ। 

ଇତୀଶ୍‌ ପ୍ରଧାନଙ୍କ ନାମରେ ପୋଲିସ ଲଗାଇଲା ୧୧୦ ଦଫା

ଇତୀଶ୍‌ ପ୍ରଧାନଙ୍କ ନାମରେ ପୋଲିସ ଲଗାଇଲା ୧୧୦ ଦଫା

ଭୁବନେଶ୍ୱର, ୧୬।୧ (ବ୍ୟୁରୋ)- ଛାତ୍ର କଂଗ୍ରେସର ପୂର୍ବତନ ସଭାପତି ଇତୀଶ୍‌ ପ୍ରଧାନଙ୍କ ବିରୋଧରେ ପୋଲିସ ୧୧୦ ଦଫା ଲାଗୁ କରିଛି। ଅଭ୍ୟାସଗତ ଆପରାଧିକ କାର୍ଯ୍ୟରେ ଇତୀଶ ବାରମ୍ବାର ସମ୍ପୃକ୍ତ ଥିବା ଦର୍ଶାଇ ତାଙ୍କ ବିରୋଧରେ ପୋଲିସ ଏହି ଦଫା ଲଗାଇଛି।

ସୁନ୍ଦରୀକୁ ସାତକୋଶିଆରେ ଛାଡ଼ିବା ପ୍ରକ୍ରିୟା: ପ୍ରଥମରୁ ବନ ବିଭାଗ ଫେଲ୍‌, ବାଉଳା ହୋଇ ‘ଯଶୋଦା’କୁ କଷ୍ଟ ଦେଇଥିବା ଅଭିଯୋଗ

ସୁନ୍ଦରୀକୁ ସାତକୋଶିଆରେ ଛାଡ଼ିବା ପ୍ରକ୍ରିୟା: ପ୍ରଥମରୁ ବନ ବିଭାଗ ଫେଲ୍‌, ବାଉଳା ହୋଇ ‘ଯଶୋଦା’କୁ କଷ୍ଟ ଦେଇଥିବା ଅଭିଯୋଗ

ଭୁବନେଶ୍ୱର, ୧୬।୧(ବ୍ୟୁରୋ)- ସାତକୋଶିଆରେ ବାଘୁଣୀ ‘ସୁନ୍ଦରୀ’ ମଣିଷ ମାରିବା ଅଭିଯୋଗ ହେବା ପରେ ତା’କୁ ଧରାଯାଇ ରାଇଗୁଡ଼ାସ୍ଥିତ ଏନ୍‌କ୍ଲୋଜର ଭିତରେ ରଖାଯାଇଥିଲା। ତେବେ ତାକୁ ପୁଣି ଜଙ୍ଗଲରେ ଛାଡ଼ିବା ପାଇଁ ବନ ବିଭାଗ ଯୋଜନା କରିଛି। ଏଥିପାଇଁ ମଙ୍ଗଳବାର ପ୍ରକ୍ରିୟା ଆରମ୍ଭ ହୋଇଥିଲା। ମାତ୍ର ତାହା ପ୍ରଥମରୁ ଫେଲ ମାରିଛି।

ପ୍ରେମ ବିବାହ କରି ହରଡ଼ଘଣାରେ ପଡ଼ିଲେ ଯୁବକ , ପୁଅ ନାଁରେ ଚୋରି ଅଭିଯୋଗ ଆଣିଲେ ବାପା

ପ୍ରେମ ବିବାହ କରି ହରଡ଼ଘଣାରେ ପଡ଼ିଲେ ଯୁବକ , ପୁଅ ନାଁରେ ଚୋରି ଅଭିଯୋଗ ଆଣିଲେ ବାପା

ଭୁବନେଶ୍ୱର, ୧୬।୧(ବ୍ୟୁରୋ)- ଗଞ୍ଜାମ ଅଞ୍ଚଳର ଜଣେ ଯୁବକ କ୍ୟାପିଟାଲ ଥାନା ୟୁନିଟ୍‌-୬ ଅଞ୍ଚଳର ଜଣେ ଯୁବତୀଙ୍କୁ ପ୍ରେମ ବିବାହ କରି ହରଡ଼ଘଣାରେ ପଡିଛନ୍ତି। ଯୁବକଙ୍କ ବାପା ତାଙ୍କ ନାଁରେ ଚୋରି ଅଭିଯୋଗ ଆଣି ଥାନାରେ ଏତଲା ଦେଇଛନ୍ତି। ପୁଅ ଘରୁ ସୁନା ଗ୍ରହଣା, ଟଙ୍କା ଓ ବାଇକ ଧରି ପଳାଇ ଆସିଥିବା ଅଭିଯୋଗରେ ଦର୍ଶାଯାଇଛି। ପୋଲିସ ଉଭୟଙ୍କୁ ଥାନାକୁ ଡାକି ପଚରାଉଚରା କରୁଛି।

ମୋଦିଙ୍କ ଆଭିମୁଖ୍ୟକୁ ନେଇ ଚର୍ଚ୍ଚା;  ବିଜେଡି ଓ ଭାଜପା ଖେଳନା ବନ୍ଧୁକ ଧରି ଖେଳୁଛନ୍ତି: ବୈଜୟନ୍ତ

ମୋଦିଙ୍କ ଆଭିମୁଖ୍ୟକୁ ନେଇ ଚର୍ଚ୍ଚା; ବିଜେଡି ଓ ଭାଜପା ଖେଳନା ବନ୍ଧୁକ ଧରି ଖେଳୁଛନ୍ତି: ବୈଜୟନ୍ତ

ଭୁବନେଶ୍ୱର,୧୬।୧(ବ୍ୟୁରୋ)-ତିନି ହିନ୍ଦୀଭାଷୀ ରାଜ୍ୟରେ ଭାଜପାର ପରାଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଘନ ଘନ ଓଡ଼ିଶା ଗସ୍ତ। ସରକାରୀ କାର୍ଯ୍ୟକ୍ରମ ସାଙ୍ଗକୁ ଦଳୀୟ ସଭା। ଏହାକୁ ନେଇ ଉତ୍ସାହିତ ଭାଜପା ନେତାମାନେ ରାଜ୍ୟ ସରକାରଙ୍କୁ ଟାର୍ଗେଟ କରୁଥିବାବେଳେ ବଦଳିଯାଇଛି ମୋଦିଙ୍କ ଶାଣିତ ସ୍ବର। ଆଉ ଶୁଣିବାକୁ ମିଳୁନି ଆଗଭଳି ଅଗ୍ନିବର୍ଷୀ ଭାଷଣ।   କେନ୍ଦ୍ରରେ ଏନ୍‌ଡିଏ ପୁନର୍ବାର କ୍ଷମତାସୀନ ନ ହେବା ଚିନ୍ତାରେ ମୋଦି ରଣନୀତି ବଦଳାଇଥିବା କୁହନ୍ତି ରାଜନୈତିକ ବିଶ୍ଳେଷକ। 

ଫେବୃୟାରୀ ୪ରୁ ବିଧାନସଭା, ୭ରେ ବଜେଟ

ଫେବୃୟାରୀ ୪ରୁ ବିଧାନସଭା, ୭ରେ ବଜେଟ

ଭୁବନେଶ୍ୱର,୧୬।୧(ବ୍ୟୁରୋ)-ଆସନ୍ତା ଫେବୃୟାରୀ ୪ ତାରିଖରୁ ସ୍ବଳ୍ପକାଳୀନ ବଜେଟ ଅଧିବେଶନ ଆରମ୍ଭ ହେବ।  ସଂସଦୀୟ ବ୍ୟାପାର ବିଭାଗ ପକ୍ଷରୁ ମଙ୍ଗଳବାର ଏ ନେଇ ବିଜ୍ଞପ୍ତି ପ୍ରକାଶ କରାଯାଇଛି। ପ୍ରକାଶିତ ବିଜ୍ଞପ୍ତି ଅନୁଯାୟୀ ଅଧିବେଶନ ୧୨ ତାରିଖ ଯାଏ ଚାଲିବ । ୭ ଦିନ ଧରି ଚାଲିବାକୁ ଥିବା ଏହି ଅଧିବେଶନରେ ୨୦୧୯-୨୦ ଆର୍ଥିକ ବର୍ଷ ପାଇଁ ବଜେଟ ଉପସ୍ଥାପନ ହେବ। 

ଶ୍ରୀମନ୍ଦିରରେ ଅଚଳାବସ୍ଥା ପ୍ରସଙ୍ଗ: ୯ ସେବାୟତଙ୍କୁ ନୋଟିସ

ଶ୍ରୀମନ୍ଦିରରେ ଅଚଳାବସ୍ଥା ପ୍ରସଙ୍ଗ: ୯ ସେବାୟତଙ୍କୁ ନୋଟିସ

ପୁରୀ ଅଫିସ, ୧୬ା୧: ଶ୍ରୀମନ୍ଦିରରେ ଗତ ଡିସେମ୍ବର ୨୮ରେ ହୋଇଥିବା ବିଶୃଙ୍ଖଳାକୁ ଗୁରୁତର ସହ ନେଇଛି ଶ୍ରୀମନ୍ଦିର ପ୍ରଶାସନ। କାହିଁକି ଏବଂ କେଉଁ ପରିସ୍ଥିତିରେ ମହାପ୍ରଭୁଙ୍କ ନୀତିକାନ୍ତିରେ ବିଭ୍ରାଟ ହେଲା, ବିଶୃଙ୍ଖଳା ପାଇଁ କେଉଁମାନେ ଦାୟୀ ଏ ସବୁର ଖୋଳତାଡ଼ ଆରମ୍ଭ କରିଛି। ମଙ୍ଗଳବାର ୯ ସେବାୟତଙ୍କୁ ଏ ନେଇ ନୋଟିସ୍‌ ଜାରି ହୋଇଛି। ଦ୍ୱାର ନ ଖୋଲିବା ପାଇଁ କାହିଁକି ଭିତରଚ୍ଛଙ୍କ ପାଖେ ପାଖେ ରହି ଉସୁକାଉଥିଲେ ସେ ନେଇ ଜବାବ ରଖିବା ଲାଗି ନୋଟିସରେ ଉଲ୍ଲେଖ କରାଯାଇଛି। 

ଗଛ କାଟି ଅସ୍ତରଙ୍ଗ ରେଞ୍ଜର ନିଲମ୍ବିତ: ନର୍ସରିରୁ କଟାଯାଇଛି ୩୧ ପୁରାତନ ଆକାଶିଆ ଗଛ

ଗଛ କାଟି ଅସ୍ତରଙ୍ଗ ରେଞ୍ଜର ନିଲମ୍ବିତ: ନର୍ସରିରୁ କଟାଯାଇଛି ୩୧ ପୁରାତନ ଆକାଶିଆ ଗଛ

ପୁରୀ ଅଫିସ/କାକଟପୁର,(ଡି.ଏନ.ଏ.)୧୬ା୧: ପୁରୀ ବନଖଣ୍ଡ ଅଧୀନ ଅସ୍ତରଙ୍ଗ ବନାଞ୍ଚଳ ଅଧିକାରୀ (ରେଞ୍ଜର) ସୁବାସ ଚନ୍ଦ୍ର ନାୟକଙ୍କୁ ବିନା ଅନୁମତିରେ ନର୍ସରିରୁ ଗଛ କାଟିବା ମହଙ୍ଗା ପଡ଼ିଛି। ଏ ନେଇ ତାଙ୍କୁ ମଙ୍ଗଳବାର ରାଜ୍ୟ ପ୍ରଧାନ ବନ ସଂରକ୍ଷକ (ପିସିସିଏଫ୍‌) ଚାକିରିରୁ ନିଲମ୍ବିତ କରିଛନ୍ତି। ତାଙ୍କ ସ୍ଥାନରେ ଡେପୁଟି ରେଞ୍ଜର ଯୋଗେନ୍ଦ୍ର ନାଥ ପାତ୍ରଙ୍କୁ କାର୍ଯ୍ୟକାରୀ ବନାଞ୍ଚଳ ଅଧିକାରୀ ଭାବେ ଅବସ୍ଥାପିତ କରାଯାଇଛି। ସନ୍ଧ୍ୟାରେ ପାତ୍ର ଦାୟିତ୍ୱ ଗ୍ରହଣ କରିଛନ୍ତି।

ନିକିତା ମୃତ୍ୟୁ ମାମଲା: ହାଜର ହେବାକୁ ସମୟ ମାଗିଲେ ଶାଶୁ, ଶ୍ୱଶୁର

ନିକିତା ମୃତ୍ୟୁ ମାମଲା: ହାଜର ହେବାକୁ ସମୟ ମାଗିଲେ ଶାଶୁ, ଶ୍ୱଶୁର

କଟକ ଅଫିସ,୧୬।୧- ଅଭିନେତ୍ରୀ ନିକିତା ଓରଫ୍‌ ଲକ୍ଷ୍ମୀପ୍ରିୟା ବେହେରାଙ୍କ ମୃତ୍ୟୁ ମାମାଲାକୁ ନେଇ ଚାଉଳିଆଗଞ୍ଜ ପୋଲିସ ତାଙ୍କ ଶାଶୁ କୁନ୍ତଳା ସାହୁ ଓ ଶ୍ୱଶୁର ଲିଙ୍ଗରାଜ ସାହୁଙ୍କୁ ବିରୋଧରେ ରବିବାର ଲଟ୍‌କା ଜାରି କରିଥିଲା।  ପୋଲିସ ତାଙ୍କ ଘରକୁ ଦୁଇଥର ଯାଇଥିଲେ ମଧ୍ୟ ସେମାନେ ଘରେ ନ ଥିବାରୁ ଖାଲି ହାତରେ ଫେରିଥିଲା।

୨୧୫ ନଂ. ଏନ୍‌ଏଚ୍‌ ସମ୍ପ୍ରସାରଣ ପାଇଁ ବୃକ୍ଷ ବଳି: କାଟିଦେଲେ ୪୬ ହଜାରରୁ ଊର୍ଦ୍ଧ୍ୱ ଗଛ, ଏନ୍‌ଜିଟିଙ୍କ ଦ୍ୱାରସ୍ଥ ହେବେ ପରିବେଶ୍‌ବିତ୍‌

୨୧୫ ନଂ. ଏନ୍‌ଏଚ୍‌ ସମ୍ପ୍ରସାରଣ ପାଇଁ ବୃକ୍ଷ ବଳି: କାଟିଦେଲେ ୪୬ ହଜାରରୁ ଊର୍ଦ୍ଧ୍ୱ ଗଛ, ଏନ୍‌ଜିଟିଙ୍କ ଦ୍ୱାରସ୍ଥ ହେବେ ପରିବେଶ୍‌ବିତ୍‌

କଟକ ଅଫିସ, ୧୬।୧- କେନ୍ଦୁଝରର ରିମୁଳିରୁ ସୁନ୍ଦରଗଡ଼ ଜିଲାର ରାଜାମୁଣ୍ଡା। ୨୧୫ ନମ୍ବର ଜାତୀୟ ରାଜପଥ(ଏନ୍‌ଏଚ୍‌)ର ସମ୍ପ୍ରସାରଣ ନିମନ୍ତେ ଗତବର୍ଷ ଏହି ୧୦୬ କିଲୋମିଟର ମଧ୍ୟରେ ବଳି ପଡ଼ିଛି ହଜାର ହଜାର ଗଛ। ଏଥିମଧ୍ୟରୁ ୩୦ ସେଣ୍ଟମିଟରରୁ ଅଧିକ ଗୋଲେଇ ଥିବା ୪୬ ହଜାର ୭୩ ଗଛ ରହିଥିବାବେଳେ ଏହାଠାରୁ କମ୍‌ ମୋଟେଇର ବହୁ ଗଛ କଟାଯାଇଛି। 

ମହିଳା ଚାଲାଣ, ବିକ୍ରିକୁ ନେଇ ଏନ୍‌ଏଚ୍‌ଆର୍‌ସିରେ ମାମଲା: ଓଡ଼ିଶା, ମଧ୍ୟପ୍ରଦେଶ ସରକାରଙ୍କୁ ସମନ; ପୁରୀରେ ସକ୍ରିୟ ରହିଛି ର଼୍ୟାକେଟ

ମହିଳା ଚାଲାଣ, ବିକ୍ରିକୁ ନେଇ ଏନ୍‌ଏଚ୍‌ଆର୍‌ସିରେ ମାମଲା: ଓଡ଼ିଶା, ମଧ୍ୟପ୍ରଦେଶ ସରକାରଙ୍କୁ ସମନ; ପୁରୀରେ ସକ୍ରିୟ ରହିଛି ର଼୍ୟାକେଟ

କଟକ ଅଫିସ, ୧୬।୧- ପୁରୀ ଜିଲାର ଜଣେ ମହିଳାଙ୍କୁ ଚାକିରି ଦେବାର ପ୍ରଲୋଭନ ଦେଖାଇ ମଧ୍ୟପ୍ରଦେଶରେ ବିକ୍ରି କରାଯାଇଥିଲା। ଗତ ଅକ୍ଟୋବର ୨୮ରେ କ୍ରାଇମବ୍ରାଞ୍ଚ ଯୁବତୀ ଓ ମହିଳାଙ୍କୁ ଚାଲାଣ କରୁଥିବା ଏକ ଗ୍ୟାଙ୍ଗକୁ ଠାବ କରିବା ସହିତ ୫ ଜଣଙ୍କୁ ଗିରଫ କରିଥିଲା।

ବିଜୁ ପଟ୍ଟନାୟକଙ୍କ ଉପରେ ତିଆରି ହେବ ଫିଲ୍ମ ‘ବିଜୁ ବାବୁ’: ମୁଖ୍ୟ ଭୂମିକାରେ ଆସିବେ ଅନୁଭବ

ବିଜୁ ପଟ୍ଟନାୟକଙ୍କ ଉପରେ ତିଆରି ହେବ ଫିଲ୍ମ ‘ବିଜୁ ବାବୁ’: ମୁଖ୍ୟ ଭୂମିକାରେ ଆସିବେ ଅନୁଭବ

କଟକ ଅଫିସ,୧୬।୧- ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ, ବରପୁତ୍ର ତଥା ପ୍ରବାଦ ପୁରୁଷ ସ୍ବର୍ଗତ ବିଜୁ ପଟ୍ଟନାୟକଙ୍କ ଜୀବନୀକୁ ନେଇ ନିର୍ମାଣ ହେବ ଓଡ଼ିଆ ଚଳଚ୍ଚିତ୍ର। ଏହି ଚଳଚ୍ଚିତ୍ରର ନାମ ରଖାଯାଇଛି ‘ବିଜୁ ବାବୁ’। କଟକସ୍ଥିତ ଆନନ୍ଦ ଭବନ ସମ୍ମୁଖ ଖ୍ରୀଷ୍ଟିଆନ ପଡ଼ିଆରେ ମଙ୍ଗଳବାର ଅପରାହ୍ନରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଚଳଚ୍ଚିତ୍ର ନିର୍ମାଣ ନେଇ ଘୋଷଣା କରାଯାଇଛି।

ଓଡ଼ିଶାରେ ବଢ଼ୁଛି ଶିଶୁ ଯୌନ ନିର୍ଯାତନା: ୫ ବର୍ଷରେ ୬୮୬ ପ୍ରତିଶତ ବୃଦ୍ଧି, ୯୦ ପ୍ରତିଶତରୁ ଅଧିକ ମାମଲାର ବିଚାର ହେଉନି

ଓଡ଼ିଶାରେ ବଢ଼ୁଛି ଶିଶୁ ଯୌନ ନିର୍ଯାତନା: ୫ ବର୍ଷରେ ୬୮୬ ପ୍ରତିଶତ ବୃଦ୍ଧି, ୯୦ ପ୍ରତିଶତରୁ ଅଧିକ ମାମଲାର ବିଚାର ହେଉନି

ଭୁବନେଶ୍ୱର,୧୬।୧(ବ୍ୟୁରୋ)- ଓଡ଼ିଶାରେ ମହିଳା ଓ ଶିଶୁ ଦିନକୁ ଦିନ ଅସୁରକ୍ଷିତ ହୋଇପଡ଼ୁଛନ୍ତି। ବିଶେଷକରି ଶିଶୁଙ୍କ ପ୍ରତି ହେଉଥିବା ଅପରାଧ ଏବଂ ଯୌନ ନିର୍ଯାତନା ଘଟଣା କ୍ରମାଗତ ଭାବେ ବୃଦ୍ଧି ପାଉଛି। ମାତ୍ର ୫ବର୍ଷ ମଧ୍ୟରେ ରାଜ୍ୟରେ ଶିଶୁ ନିର୍ଯାତନା ମାମଲା ପ୍ରାୟ ୬୮୬ ପ୍ରତିଶତ ହାରରେ ବଢ଼ିଛି। ଜାତୀୟ ଅପରାଧ ରେକର୍ଡ ବ୍ୟୁରୋର ରିପୋର୍ଟକୁ ଦେଖିଲେ ଏହା ସ୍ପଷ୍ଟ ଅନୁମେୟ।

ଅସ୍ତରଙ୍ଗରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ, ୧୫ ପଞ୍ଚାୟତର ୨୮୩ ପ୍ରକଳ୍ପ ପାଇଁ ୩କୋଟି ୭୫ଲକ୍ଷ ଅନୁମୋଦନ

ଅସ୍ତରଙ୍ଗରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ, ୧୫ ପଞ୍ଚାୟତର ୨୮୩ ପ୍ରକଳ୍ପ ପାଇଁ ୩କୋଟି ୭୫ଲକ୍ଷ ଅନୁମୋଦନ

କାକଟପୁର, ୧୫।୧(ଡି.ଏନ୍‌.ଏ.)-ଅସ୍ତରଙ୍ଗ ବ୍ଲକରେ ମଙ୍ଗଳବାର ଆମ ଗାଁ  ଆମ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବ୍ଲକ ପ୍ରଶାସନ ପକ୍ଷରୁ ତହସିଲ ପଡ଼ିଆଠାରେ ଏକ ଉତ୍ସବର ଆୟୋଜନ କରାଯାଇଥିଲା। ବ୍ଲକର ସମୁଦାୟ ୧୫ଟି ପଞ୍ଚାୟତର ୨୮୩ଟି ପ୍ରକଳ୍ପ ପାଇଁ ୩କୋଟି ୭୫ଲକ୍ଷ ଟଙ୍କା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଥିଲେ।

ବିଜେଡି ସାଙ୍ଗଠନିକ ସ୍ଥିତିରେ ପରିବର୍ତ୍ତନ: କୁଶ ଆପଟ୍ଟଙ୍କ ଉପରୁ ନିଲମ୍ବନ ଉଠିଲା, ବିମ୍ବାଧର ଶ୍ରମିକ ସାମ୍ମୁଖ୍ୟ ଇନ୍‌ଚାର୍ଜ

ବିଜେଡି ସାଙ୍ଗଠନିକ ସ୍ଥିତିରେ ପରିବର୍ତ୍ତନ: କୁଶ ଆପଟ୍ଟଙ୍କ ଉପରୁ ନିଲମ୍ବନ ଉଠିଲା, ବିମ୍ବାଧର ଶ୍ରମିକ ସାମ୍ମୁଖ୍ୟ ଇନ୍‌ଚାର୍ଜ

 ଭୁବନେଶ୍ୱର,୧୫।୧(ବ୍ୟୁରୋ)- ବିଜୁ ଜନତା ଦଳର ପଦାଧିକାରୀସ୍ତରେ ମଙ୍ଗଳବାର ଅଦଳ ବଦଳ କରାଯାଇଛି। ଦଳର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ଏନେଇ ଦଳୀୟ କାର୍ଯ୍ୟାଳୟରୁ ବିଜ୍ଞପ୍ତି ପ୍ରକାଶ ପାଇଛି। ବିଭିନ୍ନ କାରଣରୁ ନିଲମ୍ବିତ ହୋଇଥିବା ଚମ୍ପୁଆ ବିଧାନସଭା ନିର୍ବାଚନମଣ୍ଡଳୀର କୁଶ ଆପଟ୍ଟ, ଗଞ୍ଜାମ ବେଲଗୁଣ୍ଠାର ରଞ୍ଜନ କୁମାର ଖଣ୍ଡୁଆଳ ଏବଂ ରମା ଖଣ୍ଡୁଆଳଙ୍କ ଉପରୁ ,ନିଲମ୍ବନ ଆଦେଶ  ପ୍ରତ୍ୟାହୃତ ହୋଇଛି।

ଫକୀରମୋହନ ଜୟନ୍ତୀରେ ସଂସ୍କୃତି ଯାତ୍ରା: ସାମିଲ ହେଲେ ମନ୍ତ୍ରୀ, ଏମ୍‌ପି ଓ ବିଧାୟକ

ଫକୀରମୋହନ ଜୟନ୍ତୀରେ ସଂସ୍କୃତି ଯାତ୍ରା: ସାମିଲ ହେଲେ ମନ୍ତ୍ରୀ, ଏମ୍‌ପି ଓ ବିଧାୟକ

ବାଲେଶ୍ୱର ଅଫିସ, ୧୫।୧- ସାମାଜିକ ଅନୁଷ୍ଠାନ ‘ସମୂହ ବାଲେଶ୍ୱର’ ପକ୍ଷରୁ ସୋମବାର ୧୭୭ତମ ଫକୀରମୋହନ ଜୟନ୍ତୀ ନିଆରା ଢ଼ଙ୍ଗରେ ପାଳନ କରାଯାଇଛି। ବାଲେଶ୍ୱର ସହରସ୍ଥିତ ଫକୀରମୋହନ ଗୋଲେଇଠାରେ ଆୟୋଜିତ ସମ୍ବର୍ଦ୍ଧନା ସଭାରେ ଉଚ୍ଚଶିକ୍ଷା ଓ ଶିଳ୍ପ ମନ୍ତ୍ରୀ ଅନନ୍ତ ଦାସ ଅନୁଷ୍ଠାନର ଏଭଳି ଉଦ୍ୟମକୁ ଭୂୟସୀ ପ୍ରଶଂସା କରିଥିଲେ। 

 ବୁଧବାରଠୁ ବାରୁଣୀ ଘାଟରେ ଦାମୋଦର ମେଳା, କରାଯାଏ ମୃତକଙ୍କ ସମୂହ ଅସ୍ଥି ବିସର୍ଜ୍ଜନ

ବୁଧବାରଠୁ ବାରୁଣୀ ଘାଟରେ ଦାମୋଦର ମେଳା, କରାଯାଏ ମୃତକଙ୍କ ସମୂହ ଅସ୍ଥି ବିସର୍ଜ୍ଜନ

ବାରିପଦା ଅଫିସ,୧୫।୧- ମୟୂରଭଞ୍ଜ ଜିଲାରେ ବସବାସ କରୁଥିବା   ସାନ୍ତାଳ  ଜନଜାତିର ମୃତକଙ୍କ ସମୂହ ଅସ୍ଥି ବିସର୍ଜ୍ଜନକୁ  ଦାମୋଦର ମେଳା ତଥା ଦାମୋଦର ଯାତ୍ରା କୁହାଯାଏ। ଆର୍ଥିକ ଦୁର୍ବଳତା ଯୋଗୁଁ ଗଙ୍ଗା ନଦୀକୁ ଯାଇ ନ ପାରି ବାରିପଦା ସହର ଉପକଣ୍ଠ ବୁଢାବଳଙ୍ଗ, ଜରାଳୀ ଓ ସରାଳୀ ନଦୀ ସଙ୍ଗମ ସ୍ଥଳି ତଥା ବାରୁଣୀ ଘାଟରେ ମକର ସଂକ୍ରାନ୍ତି ଅବସରରେ ୩ ଦିନ ପର୍ଯ୍ୟନ୍ତ ସାମୂହିକ ଭାବେ ଅସ୍ଥି  ବିସର୍ଜନ କରାଯାଇଥାଏ।

 ଜୀବେ ନିଷ୍ଠୁରତା ଆଇନକୁ ଫୁ: କୁକୁଡା ଲଢେଇରେ ରକ୍ତ ରଞ୍ଜିତ ହେଲା ମିରିଗିଦାରୀ

ଜୀବେ ନିଷ୍ଠୁରତା ଆଇନକୁ ଫୁ: କୁକୁଡା ଲଢେଇରେ ରକ୍ତ ରଞ୍ଜିତ ହେଲା ମିରିଗିଦାରୀ

ବଡ଼ସାହି,୧୫ା୧(ସ୍ବ.ପ୍ର)- ଆଦିବାସୀ ବହୁଳ ମୟୂରଭଞ୍ଜ ଜିଲାରେ  ମକର ପର୍ବ  ଅବସରରେ ପରମ୍ପରା ନାମରେ କୁକୁଡା ଲଢେଇରେ ରକ୍ତ ରଞ୍ଜିତ ହୋଇଛି ମିରିଗିଦାରୀ ଅଞ୍ଚଳ।  ଜୀବେ ନିଷ୍ଠୁରତା ଆଇନକୁ  ବେଖାତିର କରି ହଜାର ହଜାର ଜୀବଙ୍କୁ  ହତ୍ୟା  କରାଯାଇଛି। ଏ ନେଇ ଜିଲା ଆରକ୍ଷୀ ଅଧିକ୍ଷକଙ୍କୁ  ଅବଗତ କରାଯିବା ସତ୍ତ୍ୱେ କୌଣସି ସୁଫଳ ମିଳି ନାହିଁ।  

ରାସ୍ତାକଡ ମେଟାଲ ଯୋଗୁ ବାଇକ୍‌ ଦୁର୍ଘଟଣା: ଜଣେ ମୃତ, କ୍ଷତିପୂରଣ ଦାବିରେ ରାସ୍ତାରୋକୋ

ରାସ୍ତାକଡ ମେଟାଲ ଯୋଗୁ ବାଇକ୍‌ ଦୁର୍ଘଟଣା: ଜଣେ ମୃତ, କ୍ଷତିପୂରଣ ଦାବିରେ ରାସ୍ତାରୋକୋ

କର୍ଲାମୁଣ୍ଡା,୧୫।୧(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ସଦର ବାଗବୁରାଇ ଛକ ନିକଟରେ ସୋମବାର ସନ୍ଧ୍ୟାରେ ଏକ ସଡକ ଦୁର୍ଘଟଣାରେ ଜଣେ ବାଇକ୍‌ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ମୃତକ ହେଲେ ଟକାରୁମାଲ ଗଁାର ଜଗନ୍ନାଥ ବେହେରା (୩୮) ।

ଭୁବନେଶ୍ୱରରେ ପହଞ୍ଚିଲା ଡିଗ୍‌ନିଟି ମାର୍ଚ

ଭୁବନେଶ୍ୱରରେ ପହଞ୍ଚିଲା ଡିଗ୍‌ନିଟି ମାର୍ଚ

ଭୁବନେଶ୍ୱର,୧୫।୧(ବ୍ୟୁରୋ): ବମ୍ବେରୁ ଗତ ଡିସେମ୍ବର ୨୦ରୁ ଆରମ୍ଭ ହୋଇଥିବା ଡିଗ୍‌ନିଟି ମାର୍ଚ ମଙ୍ଗଳବାର ଭୁବନେଶ୍ୱରରେ ପହଞ୍ଚିଛି। ମହିଳା ଓ ଶିଶୁମାନଙ୍କ ବିରୋଧରେ ହେଉଥିବା ଯୌନ ନିର୍ଯାତନାରେ ଦୋଷୀଙ୍କୁ ଦଣ୍ଡ ପ୍ରଦାନ କରିବା ପାଇଁ ଏହା ଲୋକଙ୍କୁ ସଚେତନ କରୁଛି। 

 ଭୁବନେଶ୍ୱରରୁ ୨୦ ବସ୍ତା ବେଆଇନ ମୁଦ୍ରା ଜବତ

ଭୁବନେଶ୍ୱରରୁ ୨୦ ବସ୍ତା ବେଆଇନ ମୁଦ୍ରା ଜବତ

ଭୁବନେଶ୍ୱର, ୧୫।୧(ବ୍ୟୁରୋ): ଭୁବନେଶ୍ୱର ବରମୁଣ୍ଡା ବସ୍‌ଷ୍ଟାଣ୍ଡ ଓ ସତସଙ୍ଗ ବିହାର ନିକଟରୁ ମଙ୍ଗଳବାର ୨୦ ବସ୍ତା ବେଆଇନ ମୁଦ୍ରା ଜବତ କରାଯାଇଛି। କୌଣସି ସୂତ୍ରରୁ ଖବର ପାଇ  ଆୟକର ବିଭାଗର ଜିଏସ୍‌ଟି  ଡିପାର୍ଟମେଣ୍ଟ ଚଢ଼ାଉକରି ଏହି ମୁଦ୍ରା ଜବତ କରିଛି। 

ଆରମ୍ଭ ହେଲା କୃଷି ଓଡ଼ିଶା ମହୋତ୍ସବ: କୃଷକଙ୍କ ପାଇଁ ‘କାଳିଆ’ ଯୋଜନା ସବୁଠାରୁ ବଡ଼ ଯୋଜନା

ଆରମ୍ଭ ହେଲା କୃଷି ଓଡ଼ିଶା ମହୋତ୍ସବ: କୃଷକଙ୍କ ପାଇଁ ‘କାଳିଆ’ ଯୋଜନା ସବୁଠାରୁ ବଡ଼ ଯୋଜନା

ଭୁବନେଶ୍ୱର,୧୫ା୧(ବ୍ୟୁରୋ): ଭୁବନେଶ୍ୱର ବରମୁଣ୍ଡା ପଡିଆଠାରେ ମଙ୍ଗଳବାରଠାରୁ ଆରମ୍ଭ ହୋଇଛି ରାଜ୍ୟସ୍ତରୀୟ କୃଷି ମହୋତ୍ସବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୃଷି ଓଡ଼ିଶା କର୍ମଶାଳାକୁ ଉଦ୍‌ଘାଟନ କରିଛନ୍ତି।

ଆରମ୍ଭ ହେଲା ସୁନେତ୍ର ଯୋଜନା, ମାଗଣାରେ ମିଳିବ ଚଷମା

ଆରମ୍ଭ ହେଲା ସୁନେତ୍ର ଯୋଜନା, ମାଗଣାରେ ମିଳିବ ଚଷମା

ଭୁବନେଶ୍ୱର,୧୫ା୧(ବ୍ୟୁରୋ): ରାଜ୍ୟର ସମସ୍ତ ସରକାରୀ ହସ୍ପିଟାଲରେ ମାଗଣାରେ ଚକ୍ଷୁ ଚିକିତ୍ସା କରାଯିବ। ଏ ନେଇ ରାଜ୍ୟ ସରକାର ସୁନେତ୍ର ଯୋଜନା କାର୍ଯ୍ୟକାରୀ କରିଛନ୍ତି। ମଙ୍ଗଳବାରଠାରୁ ଲୋକମାନେ ଏହି ସୁବିଧା ପାଇପାରିବେ। ଚକ୍ଷୁ ସମ୍ପର୍କିତ ଯେ କୌଣସି ଚିକିତ୍ସା ମାଗଣାରେ କରାଯିବ।

ନେତାଜୀ ସଂଗ୍ରହାଳୟ ଲୋକାର୍ପିତ

ନେତାଜୀ ସଂଗ୍ରହାଳୟ ଲୋକାର୍ପିତ

ପୁରୀ ଅଫିସ,୧୫ା୧: ସ୍ଥାନୀୟ ଗୋପାଳ ବଲ୍ଲଭ ରୋଡ଼ସ୍ଥିତ ନେତାଜୀ ସଂଗ୍ରହାଳୟ ମଙ୍ଗଳବାର ଲୋକାର୍ପିତ ହୋଇଛି। ରାଜସ୍ବ ମନ୍ତ୍ରୀ ମହେଶ୍ୱର ମହାନ୍ତି ଏହାକୁ ଲୋକାର୍ପଣ କରିଛନ୍ତି।