ରାଜ୍ୟ

ଲୁଙ୍ଗା ଜଙ୍ଗଲରେ ପୋଲିସ-ମାଓବାଦୀ ଗୁଳିବିନିମୟ: କ୍ୟାମ୍ପ ଧ୍ୱଂସ, ବିପୁଳ ପରିମାଣର ସାମଗ୍ରୀ ଜବତ

ଲୁଙ୍ଗା ଜଙ୍ଗଲରେ ପୋଲିସ-ମାଓବାଦୀ ଗୁଳିବିନିମୟ: କ୍ୟାମ୍ପ ଧ୍ୱଂସ, ବିପୁଳ ପରିମାଣର ସାମଗ୍ରୀ ଜବତ

ସୁନ୍ଦରଗଡ଼/ବଣାଇଁ, ୮।୪(ଡି.ଏନ.ଏ.)-ସୁନ୍ଦରଗଡ଼ ଜିଲା ବଣାଇଁ ଉପଖଣ୍ଡ ମହୁଲପଦା ଥାନା ଅନ୍ତର୍ଗତ ଲୁଙ୍ଗା ଜଙ୍ଗଲରେ ରବିବାର ଭୋରରୁ ପୋଲିସ-ମାଓବାଦୀ ମଧ୍ୟରେ ଗୁଳିବିନିମୟ ଆରମ୍ଭ ହୋଇଛି। ମାଓବାଦୀଙ୍କ କ୍ୟାମ୍ପ ଧ୍ୱଂସ ହେବା ସହ ବିପୁଳ ପରିମାଣର ସାମଗ୍ରୀ ଜବତ ହୋଇଛି। ଗୁଳି ବିନିମୟରେ କେହି ମୃତାହତ ହୋଇଥିବା ଖବର ମିଳିନାହିଁ। ଘଟଣାସ୍ଥଳରେ ବରିଷ୍ଠ ପୋଲିସ ଅଧିକାରୀ ରହିଛନ୍ତି। ସେମାନେ ଫେରିବା ପରେ ସବିଶେଷ ତଥ୍ୟ ମିଳିବ ବୋଲି ଜଣେ ପୋଲିସ ଅଧିକାରୀ କହିଛନ୍ତି।

ଇଞ୍ଜିନ୍‌ ଧକ୍କାରେ ୧୦ କି.ମି. ଗଡ଼ିଲା ଏକ୍ସପ୍ରେସ ଟ୍ରେନ ବଗି

ଇଞ୍ଜିନ୍‌ ଧକ୍କାରେ ୧୦ କି.ମି. ଗଡ଼ିଲା ଏକ୍ସପ୍ରେସ ଟ୍ରେନ ବଗି

ବଲାଙ୍ଗୀର ଅଫିସ/ଟିଟିଲାଗଡ, ୭। ୪(ଡି.ଏନ୍‌.ଏ.)- ବଲାଙ୍ଗୀର ଜିଲା ଟିଟିଲାଗଡ ରେଳ ଜଙ୍କସନ୍‌ ଠାରେ ଶନିବାର ରାତିରେ ଏକ ବଡଧରଣର ଅଘଟଣ ଘଟିଛି । ଇଞ୍ଜିନ ପରିବର୍ତ୍ତନ ବେଳେ ଅହମ୍ମଦାବାଦ୍‌-ପୁରୀ ଏକ୍ସପ୍ରେସ୍‌ ଟ୍ରେନ୍‌ର ୨୧ ବଗି ମୂଳ ଇଞ୍ଜିନ ଧକ୍କାରେ ଅଲଗା ହୋଇ ପ୍ରାୟ ୧୦କିଲୋମିଟର ଦୂରକୁ ଗଡ଼ିଯାଇଥିଲା । ଏଭଳି ଏକ ଅପ୍ରତ୍ୟାଶିତ ଘଟଣାରେ ଉକ୍ତ ଟ୍ରେନ୍‌ରେ ଥିବା ସହସ୍ରାଧିକ ଯାତ୍ରୀ ଭୟଭୀତ ହୋଇଯାଇଥିଲେ । ତେବେ ସେହି ଟ୍ରାକ୍‌ରେ ସେତେବେଳେ ଅନ୍ୟ କୌଣସି ଟ୍ରେନ୍‌ ଆସୁ ନ ଥିବାରୁ ଏକ ବଡଧରଣର ଦୁର୍ଘଟଣାରୁ ଯାତ୍ରୀମାନେ ବର୍ତ୍ତି ଯାଇଛନ୍ତି ।

ଝିଅ ବାହାଘର ପୂର୍ବରୁ ବାପା ମୃତ

ଝିଅ ବାହାଘର ପୂର୍ବରୁ ବାପା ମୃତ

ସିଂଘିଯୁବା,୭ା୪(ଡି.ଏନ୍‌.ଏ)- ଶନିବାର ଅପରାହ୍ନରେ ଝିଅ ବାହାଘର କାର୍ଡ ବାଣ୍ଟି ଘରକୁ ବାଇକ୍‌ରେ ଫେରୁଥିବା ବେଳେ ଅଜଣାଗାଡି ଧକ୍କାରେ ମୃତ୍ୟୁବରଣ କରିଛନ୍ତି ବାପା। ଅନ୍ୟ ଜଣେ ଆହତ ହୋଇଛନ୍ତି। ସୋନପୁର-ବିନିକା ମୁଖ୍ୟରାସ୍ତାର ଜାମଜାଫର ପାଖରେ ଘଟିଥିବା ଦୁର୍ଘଟଣାରେ ଗାଡି ହଠାତ୍‌ ସାମ୍ନା ପଟରୁ ଧକ୍କାଦେବାରୁ ଏହି ଦୁର୍ଘଟଣା ଘଟିଥିଲା।

୪ ସ୍ବାସ୍ଥ୍ୟ ସେବା ଯୋଜନା ଘୋଷଣା

୪ ସ୍ବାସ୍ଥ୍ୟ ସେବା ଯୋଜନା ଘୋଷଣା

ଭୁବନେଶ୍ୱର,୭। ୪(ବ୍ୟୁରୋ): ବିଶ୍ୱ ସ୍ବାସ୍ଥ୍ୟ ଦିବସ ଅବସରରେ ଶନିବାର ସଚିବାଳୟ ଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୪ଟିି ଯୋଜନାର ଶୁଭାରମ୍ଭ କରିଛନ୍ତି। ଏଠାରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଏହି ଯୋଜନାଗୁଡିକ କାର୍ଯ୍ୟକାରୀ କରିବା ନେଇ ଘୋଷଣା କରିଛନ୍ତି। ସେହି ଯୋଜନାଗୁଡିକ ହେଲା ନିର୍ମଳ, ସୁନେତ୍ର, ସମ୍ପୂର୍ଣ୍ଣ ସୁରକ୍ଷା କବଚ, ସହାୟ । ନିର୍ମଳ ଯୋଜନାରେ ଡାକ୍ତରଖାନାଗୁଡିକରେ ସ୍ବଚ୍ଛ ପରିବେଶ ପାଇଁ ପଦକ୍ଷେପ ନିଆଯିବ। ଏଥିପାଇଁ ବାର୍ଷିକ ୧୨୦ କୋଟି ଟଙ୍କା ବ୍ୟୟବରାଦ କରାଯାଇଛି। ସେହିପରି ସୁନେତ୍ର ଜରିଆରେ ସାର୍ବଜନୀନ ଚକ୍ଷୁ ସ୍ବାସ୍ଥ୍ୟ ସେବା ଆରମ୍ଭ କରାଯାଇଛି।

ଉପକୂଳ ରାଜପଥ: ଅଢେଇ ବର୍ଷ ଟାର୍ଗେଟ

ଉପକୂଳ ରାଜପଥ: ଅଢେଇ ବର୍ଷ ଟାର୍ଗେଟ

ଭୁବନେଶ୍ୱର,୭।୪(ବ୍ୟୁରୋ)- ଓଡ଼ିଶାର ପୂର୍ବଉପକୂଳ ତଥା ଦୀଘାଠାରୁ ଗୋପାଳପୁର ପର୍ଯ୍ୟନ୍ତ ପ୍ରସ୍ତାବିତ ଉପକୂଳ ରାଜପଥ (କୋଷ୍ଟାଲ) ହାଇୱେ କାର୍ଯ୍ୟ ଅଢେଇ ବର୍ଷ ମଧ୍ୟରେ ସାରିବା ପାଇଁ ଲକ୍ଷ୍ୟ ରଖାଯାଇଛି। ଜାତୀୟ ରାଜପଥ ପ୍ରାଧିକରଣ(ଏନ୍‌ଏଚ୍‌ଏଆଇ)ର ସଦସ୍ୟ ଆନନ୍ଦ କୁମାର ସିଂଙ୍କ ଉପସ୍ଥିତିରେ ହୋଇଥିବା ସମୀକ୍ଷା ବୈଠକ ପରେ ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ ଏହି ସୂଚନା ଦେଇଛନ୍ତି। ଏଥିପାଇଁ ଆଗାମୀ ୬ରୁ ୯ ମାସ ମଧ୍ୟରେ ଜମି ଅଧିଗ୍ରହଣ କରାଯିବାର ଲକ୍ଷ୍ୟ ରଖାଯାଇଛି। ଶନିବାର ସଚିବାଳୟରେ ହୋଇଥିବା ବୈଠକରେ ଖୁବଶୀଘ୍ର ଡିପିଆର ପ୍ରସ୍ତୁତି ପାଇଁ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି।

ଧାମରା ହେବ ବିଶ୍ୱସ୍ତରୀୟ ବନ୍ଦର

ଧାମରା ହେବ ବିଶ୍ୱସ୍ତରୀୟ ବନ୍ଦର

ଭଦ୍ରକ ଅଫିସ/ଚାନ୍ଦବାଲି, ୭।୪ (ଡି.ଏନ.ଏ.)-ଓଡ଼ିଶାର ଭିତ୍ତିଭୂମି ବିକାଶରେ ଧାମରା ବନ୍ଦର ଏକ ମାଇଲଖୁଣ୍ଟ। ଏହାକୁ ବିଶ୍ୱସ୍ତରୀୟ ବନ୍ଦର କରାଯିବା ପ୍ରକ୍ରିୟା ଆରମ୍ଭ ହୋଇଛି। ପାରାଦୀପ ବନ୍ଦରକୁ ଧାମରା ବନ୍ଦର ସହ ଯୋଡ଼ିବା ଉଦ୍ୟମ ଜାରି ରହିଛି। ଏହି ଦୁଇ ବନ୍ଦର ମଧ୍ୟରେ ବହୁ ଶିଳ୍ପାନୁଷ୍ଠାନ ଗଢ଼ି ଉଠିବ। ଅଧିକ ନିଯୁକ୍ତି ଓ ସହଭାଗିତା ସୁଯୋଗ ସୃଷ୍ଟି ହେବ। ଆଗାମୀ ଦିନରେ ରାଜ୍ୟର ବିକାଶଧାରାକୁ ଏହା ଆଗକୁ ବଢ଼ାଇ ନେବ ବୋଲି ଶନିବାର ଭଦ୍ରକ ଜିଲା ଧାମରା ବନ୍ଦର(ଆଦାନୀ)ର ଦୁଇଟି ସ୍ବୟଂଚାଳିତ ବର୍ଥ ଉଦ୍‌ଘାଟନ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି।

ଖାତାଦେଖା ଧିମା

ଖାତାଦେଖା ଧିମା

ଭୁବନେଶ୍ୱର,୭। ୪ (ବ୍ୟୁରୋ)- ଯୁକ୍ତ୨ ପରୀକ୍ଷା ଖାତା ମୂଲ୍ୟାୟନରେ ଅହେତୁକ ବିଳମ୍ବ ହେଉଛି। ମୂଲ୍ୟାୟନକୁ ୪ଦିନ ବିତି ଯାଇଛି। ଏହି ୪ଦିନ ଭିତରେ ଯେତିକି ଖାତା ଦେଖାଯିବା କଥା ତାର ୫୦% କମ୍‌ ଖାତା ମୂଲ୍ୟାୟନ ହୋଇପାରିଛି। ମୂଲ୍ୟାୟନ ଧିମା ଯୋଗୁ ପରୀକ୍ଷା ଫଳ ପ୍ରକାଶ ପାଇବାରେ ବିଳମ୍ବର ସମ୍ଭାବନା ଦେଖାଦେଲାଣି। ଅନ୍ୟପଟେ ମୂଲ୍ୟାୟନ କେନ୍ଦ୍ରକୁ ଅଧ୍ୟାପିକା ଅଧ୍ୟାପକ ଆସୁ ନ ଥିବାରୁ ଖାତା ମୂଲ୍ୟାୟନରେ ବାଧାପ୍ରାପ୍ତ ସୃଷ୍ଟି ହେଉଛି।

ମଦ ବ୍ୟବସାୟୀଙ୍କୁ ଟାଙ୍ଗିଆରେ ହାଣି ହତ୍ୟା

ମଦ ବ୍ୟବସାୟୀଙ୍କୁ ଟାଙ୍ଗିଆରେ ହାଣି ହତ୍ୟା

ଶେରଗଡ଼/ଆସିକା, ୭।୪ (ଡି.ଏନ୍‌.ଏ.)-ଗଞ୍ଜାମ ଜିଲା ଶେରଗଡ଼ ଥାନା ଅନ୍ତର୍ଗତ ଗୋବିନ୍ଦପୁର ଗ୍ରାମରେ ଶନିବାର ଅପରାହ୍ନ ପ୍ରାୟ ସାଢେ ୪ଟାବେଳେ ଏକ ନିର୍ମମ ହତ୍ୟାକାଣ୍ଡ ଘଟିଛି। ସେହି ଗ୍ରାମର ଜଣେ ମଦ ବ୍ୟବସାୟୀ କୃଷ୍ଣ ସ୍ବାଇଁ ଓରଫ ଚଇ (୪୦) ହତ୍ୟାକାଣ୍ଡର ଶିକାର ହୋଇଛନ୍ତି।

ଜଳିଗଲା ୮୦ ବଖରା

ଜଳିଗଲା ୮୦ ବଖରା

ଭଞ୍ଜନଗର,୭।୪(ଡି.ଏନ.ଏ.): ଗଞ୍ଜାମ ଜିଲା ଜଗନ୍ନାଥପ୍ରସାଦ ବ୍ଲକ ଗାୟଗଣ୍ଡା ପଞ୍ଚାୟତ ବରପଲ୍ଲୀରେ ଶୁକ୍ରବାର ରାତି ପ୍ରାୟ ୧୦ଟାରେ ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର ଅନୁସୂଚିତ ଜାତି ସାହିର ୮୦ ବଖରା ପୋଡି ପାଉଁଶ ହୋଇଯାଇଛି। ଏହାଦ୍ୱାରା ୪୦ ପରିବାର କ୍ଷତିଗ୍ରସ୍ତ ହୋଇଛନ୍ତି। ଖବର ପାଇ ଭଞ୍ଜନଗର, ଜଗନ୍ନାଥପ୍ରସାଦ ଓ ଦଶପଲ୍ଲା ଦମକଳ ବାହିନୀ ଘଟଣାସ୍ଥଳରେ ପହଞ୍ଚତ୍ ନିଆଁକୁ ଆୟତ୍ତ କରିବାକୁ ଉଦ୍ୟମ କରିଥିଲେ। ୮ ଘଣ୍ଟାର ପରିଶ୍ରମ ପରେ ଅର୍ଥାତ୍‌ ଶନିବାର ଭୋର୍‌ରେ ନିଆଁ ଆୟତ୍ତ ହୋଇପାରିଥିଲା।

ଟମାଟୋ ଫିଙ୍ଗି ଚାଷୀଙ୍କ ପ୍ରତିବାଦ

ଟମାଟୋ ଫିଙ୍ଗି ଚାଷୀଙ୍କ ପ୍ରତିବାଦ

ବଲାଙ୍ଗୀର ଅଫିସ, ୭।୪- ବଲାଙ୍ଗୀର ଜିଲାରେ ଟମାଟୋର ଅଭାବୀ ବିକ୍ରି ଏବେ ଚରମ ସ୍ଥିତିରେ ପହଞ୍ଚତ୍ଛି। ପରିସ୍ଥିତି ଏଭଳି ହୋଇଛି ଯେ, ଚାଷୀ ନିଜ କଷ୍ଟୋପାର୍ଜିତ ଟମାଟୋକୁ କ୍ଷେତରେ ଛାଡି ଦେବାକୁ ବାଧ୍ୟ ହେଉଛି। ଟମାଟୋ କ୍ଷେତରେ ଏବେ ଗୋରୁ ଚରୁଛନ୍ତି। ବଜାରରେ ଚାଷୀକୁ ଉଚିତ ମୂଲ୍ୟ ମିଳୁନାହିଁ। ଶୀତଳଭଣ୍ଡାର ନ ଥିବାରୁ ଚାଷୀ ଉତ୍ପାଦିତ ଫସଲ ସଂରକ୍ଷିତ କରି ପାରୁନାହିଁ। ସରକାର ଚାଷୀଙ୍କ ଏଭଳି ଦୁଃସ୍ଥିତି ସମୟରେ କୌଣସି ବିହିତ ବ୍ୟବସ୍ଥା କରୁନାହାନ୍ତି। ଏଭଳି ପରିସ୍ଥିତିରେ ଟମାଟୋ ଚାଷୀ ଚିନ୍ତାରେ ପଡିଛନ୍ତି।

ଦକ୍ଷତା ଥିଲେ ସୁଯୋଗ ଆପେ ଆସିବ: ସୁବ୍ରତ ବାଗ୍‌ଚି

ଦକ୍ଷତା ଥିଲେ ସୁଯୋଗ ଆପେ ଆସିବ: ସୁବ୍ରତ ବାଗ୍‌ଚି

ଭୁବନେଶ୍ୱର, ୭।୪(ବ୍ୟୁରୋ)- ଛାତ୍ରୀଛାତ୍ରମାନେ ପାଠପଢା ପରେ ଚାକିରି ପାଇଁ ନିଜର ଦକ୍ଷତା ବୃଦ୍ଧି କରିବା ଦରକାର। ଦକ୍ଷତା ସୃଷ୍ଟି କରିପାରିଲେ ସୁଯୋଗ ଆପେ ଆପେ ଆସିବ। ଶନିବାର ଓଡ଼ିଶା ବେସରକାରୀ ଇଞ୍ଜିନିୟରିଂ ସ୍କୁଲ ସଂଘ(ଓପେସା) ପକ୍ଷରୁ ସ୍ଥାନୀୟ ଏକ ହୋଟେଲରେ ଆୟୋଜିତ ରାଜ୍ୟସ୍ତରୀୟ ସେମିନାରରେ ଓଡ଼ିଶା ଦକ୍ଷତା ବିକାଶ ପ୍ରାଧିକରଣ ଅଧ୍ୟକ୍ଷ ସୁବ୍ରତ ବାଗ୍‌ଚି ଯୋଗଦେଇ ଏହା କହିଛନ୍ତି।

ଗଣଶିକ୍ଷା ବିଭାଗ ପାଇଁ ପ୍ରସ୍ତୁତ ହେବ ୩ ବର୍ଷିଆ ବଜେଟ

ଭୁବନେଶ୍ୱର, ୭।୪(ବ୍ୟୁରୋ)- ଚଳିତ ଶିକ୍ଷାବର୍ଷରୁ ଗଣଶିକ୍ଷା ବିଭାଗ ଇଣ୍ଟିଗ୍ରେଟେଡ୍‌ ଅର୍ଥାତ୍‌ ସମନ୍ବିତ ବଜେଟ ପ୍ରସ୍ତୁତ କରିବ। ପ୍ରତିବର୍ଷ ରାଜ୍ୟରେ ଗଣଶିକ୍ଷା ବିଭାଗର ପ୍ରାଥମିକ ଏବଂ ମାଧ୍ୟମିକ ପାଇଁ ଦୁଇଟି ବଜେଟ ପ୍ରସ୍ତୁତ ହୋଇଥାଏ। କିନ୍ତୁ ଏଥର ପ୍ରି-ସ୍କୁଲରୁ ଆରମ୍ଭ କରି ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଗୋଟିଏ ବଜେଟ ପ୍ରସ୍ତୁତ ହେବ। ଏହାବ୍ୟତୀତ ପ୍ରତିବର୍ଷ ବର୍ଷିକିଆ ବଜେଟ ହେଉଥିବା ବେଳେ ଏଥର ୩ ବର୍ଷିଆ ପ୍ରସ୍ତୁତ ହେବ। ଏ ନେଇ କେନ୍ଦ୍ର ସରକାର ଏକ ଗାଇଡ୍‌ଲାଇନ୍‌ ତିଆରି କରିଛନ୍ତି। ସବୁ ରାଜ୍ୟ ଏହାକୁ ପାଳନ କରିବେ।

ପୁରୀ ବାର୍‌ ନିର୍ବାଚନ: ୧୧ ପଦବୀରେ ୨୩ ପ୍ରାର୍ଥୀ

ପୁରୀ ବାର୍‌ ନିର୍ବାଚନ: ୧୧ ପଦବୀରେ ୨୩ ପ୍ରାର୍ଥୀ

ପୁରୀ ଅଫିସ, ୭।୪: ପୁରୀ ବାର୍‌ ଆସୋସିଏଶନ ନିର୍ବାଚନ ଲାଗି ଶନିବାର ଭୋଟଗ୍ରହଣ ଚାଲିଛି। ୧୧ ପଦବୀରେ ୨୩ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି। ସକାଳ ସାଢେ ୯ଟାରୁ ଭୋଟଦାନ ଆାରମ୍ଭ ହୋଇଛି। ଏହା ଅପରାହ୍ନ ୪ଟା ପର୍ଯ୍ୟନ୍ତ ଚାଲିବ। ଅପରାହ୍ନ ସାଢେ ୫ଟାରେ ଭୋଟ ଗଣତି କରାଯାଇ ବିଜୟୀ ପ୍ରାର୍ଥୀଙ୍କ ନାମ ଘୋଷଣା କରାଯିବ।

ରାଜ୍ୟର ସମସ୍ତ ପେଟ୍ରୋଲ ପମ୍ପ୍‌ ଆଗରେ ଧାରଣା

ରାଜ୍ୟର ସମସ୍ତ ପେଟ୍ରୋଲ ପମ୍ପ୍‌ ଆଗରେ ଧାରଣା

ଭୁବନେଶ୍ୱର, ୭।୪(ବ୍ୟୁରୋ): ତୈଳ ଦର ବୃଦ୍ଧି ପ୍ରତିବାଦରେ ଯୁବ ଓ ଛାତ୍ର ବିଜେଡି ପକ୍ଷରୁ ଶନିବାର ରାଜ୍ୟର ସମସ୍ତ ପେଟ୍ରୋଲ ପମ୍ପ ସମ୍ମୁଖରେ ଧାରଣା ଦିଆଯାଇଛି। ଲୋକଙ୍କୁ ସଚେତନ କରିବାକୁ ଲିଫ୍‌ଲେଟ୍‌ ମଧ୍ୟ ବଣ୍ଟାଯାଉଛି। ସକାଳ ୯ଟାରୁ ଆରମ୍ଭ ହୋଇଥିବା ଏହି ପ୍ରତିବାଦ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଚାଲିବ ବୋଲି ଜଣାପଡ଼ିଛି।

ଶନିମନ୍ଦିରରୁ ୬ ମାସର ଶିଶୁପୁତ୍ର ଉଦ୍ଧାର

ଶନିମନ୍ଦିରରୁ ୬ ମାସର ଶିଶୁପୁତ୍ର ଉଦ୍ଧାର

କେନ୍ଦୁଝର(ସ୍ବ.ପ୍ର.)/ହରିଚନ୍ଦନପୁର(ଡି.ଏନ୍‌.ଏ.),୭।୪: କେନ୍ଦୁଝର ଜିଲା ହରିଚନ୍ଦନପୁର ବ୍ଲକ ମୁଖ୍ୟାଳୟ ହାଟ ପଡିଆରେ ଥିବା ଶନିମନ୍ଦିର ନିକଟରୁ ଶନିବାର ସକାଳୁ ୬ ମାସର ଶିଶୁପୁତ୍ରକୁ ଉଦ୍ଧାର କରାଯାଇଛି।

ଚୌଦ୍ୱାରରେ ଟିଟୋ ଗ୍ୟାଙ୍ଗ ସଦସ୍ୟଙ୍କୁ ଏନ୍‌କାଉଣ୍ଟର

ଚୌଦ୍ୱାରରେ ଟିଟୋ ଗ୍ୟାଙ୍ଗ ସଦସ୍ୟଙ୍କୁ ଏନ୍‌କାଉଣ୍ଟର

କଟକ ଅଫିସ/ଚୌଦ୍ୱାର(ଡି.ଏନ୍‌.ଏ), ୬।୪- ୨୪ ଘଣ୍ଟା ନ ପୂରୁଣୁ କଟକ କମିଶନରେଟ୍‌ ପୋଲିସ ଅଞ୍ଚଳରେ ପୁଣି ଏନ୍‌କାଉଣ୍ଟର। ଚୌଦ୍ୱାର ଥାନା ପୋଲିସ ଗୁଳିରେ ଟିଟୋ ଗ୍ୟାଙ୍ଗର ପ୍ରମୁଖ ସହଯୋଗୀ ଟୁଟୁନି ଓରଫ ଅଶୋକ କୁମାର ବେହେରା ଗୁରୁତର ଆହତ ହୋଇଛନ୍ତି। ଟୁଟୁନିଙ୍କ ଘର ଜଗତପୁର ଥାନା ଅନ୍ତର୍ଗତ ଖର୍ଦ୍ଦାସାହିରେ। ତାଙ୍କର ଡାହାଣ ଗୋଡ଼ରେ ଗୁଳି ବାଜିଛି। ଟୁଟୁନିଙ୍କୁ କଟକ ଏସ୍‌ସିବି ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।

ଯୁକ୍ତ୨ ମୂଲ୍ୟାୟନ ପ୍ରସଙ୍ଗ: ସରକାରଙ୍କୁ ଘେରିବେ ଛାତ୍ରୀଛାତ୍ର, ଅଭିଭାବକ

ଯୁକ୍ତ୨ ମୂଲ୍ୟାୟନ ପ୍ରସଙ୍ଗ: ସରକାରଙ୍କୁ ଘେରିବେ ଛାତ୍ରୀଛାତ୍ର, ଅଭିଭାବକ

ଭୁବନେଶ୍ୱର, ୬ା୪(ବ୍ୟୁରୋ)- ଯୁକ୍ତ୨ ପରୀକ୍ଷା ଖାତା ମୂଲ୍ୟାୟନ ଅଭିଜ୍ଞ ଶିକ୍ଷକଙ୍କ ଦ୍ୱାରା କରାଯାଉ ନ ଥିବାରୁ ସରକାରଙ୍କୁ ଘେରିବାକୁ ସଜବାଜ ହେଉଛନ୍ତି ଛାତ୍ରୀଛାତ୍ର ଏବଂ ଅଭିଭାବକ ସଂଗଠନ। ସଙ୍ଗଠନଗୁଡିକ ଓଡ଼ିଶା ସ୍କୁଲ, କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚକୁ ସମର୍ଥନ କରି ସରକାରଙ୍କ ବିରୋଧରେ ଆନ୍ଦୋଳନ କରିବେ।

କମିଶନରେଟ ପୋଲିସର ବାର୍ଷିକ ଅପରାଧ ରେକର୍ଡ: ଟ୍ବିନ୍‌ ସିଟିରେ ବଢ଼ିଛି ଅପରାଧ

କମିଶନରେଟ ପୋଲିସର ବାର୍ଷିକ ଅପରାଧ ରେକର୍ଡ: ଟ୍ବିନ୍‌ ସିଟିରେ ବଢ଼ିଛି ଅପରାଧ

ଭୁବନେଶ୍ୱର, ୬।୪(ବ୍ୟୁରୋ)- ୨୦୧୭ରେ ଟ୍ବିନ୍‌ ସିଟିରେ ଆପରାଧିକ କାର୍ଯ୍ୟକାଳାପ ବୃଦ୍ଧିପାଇଛି। ୨୦୧୬ ତଳନାରେ ଏହି ଦୁଇ ସହରରେ ଅପରାଧ ମାମଲା ସଂଖ୍ୟା ବଢ଼ିଛି। ବିଶେଷକରି ମହିଳା ଓ ଯୁବତୀମାନଙ୍କୁ ସୁରକ୍ଷା ଦେବାରେ କମିଶନରେଟ ପୋଲିସ ବିଫଳ ହୋଇଛି। ରାଜଧାନୀରେ ବଳାତ୍କାର ଘଟଣା ବୃଦ୍ଧିପାଇବା ଚିନ୍ତାର ବିଷୟ ପାଲଟିଛି। କମିଶନରେଟ୍‌ ପୋଲିସର ୨୦୧୭ ବାର୍ଷିକ ଅପରାଧ ରେକର୍ଡରେ ଏହି ତଥ୍ୟ ପ୍ରକାଶ ପାଇଛି।

ମିଥ୍ୟା ମାମଲାରେ ଫସାଇବାକୁ ଧମକ ଦେଇ ଲାଞ୍ଚନେବା ଘଟଣା: ଏନ୍‌ସିବିର ୩ କର୍ମଚାରୀଙ୍କୁ ରିମାଣ୍ଡରେ ନେଲା ସିବିଆଇ

ମିଥ୍ୟା ମାମଲାରେ ଫସାଇବାକୁ ଧମକ ଦେଇ ଲାଞ୍ଚନେବା ଘଟଣା: ଏନ୍‌ସିବିର ୩ କର୍ମଚାରୀଙ୍କୁ ରିମାଣ୍ଡରେ ନେଲା ସିବିଆଇ

ଭୁବନେଶ୍ୱର, ୬ା୪(ବ୍ୟୁରୋ)- ମିଥ୍ୟା ମାମଲାରେ ଫସାଇବାକୁ ଧମକ ଦେବା ଓ ଏଥିରୁ ମୁକୁଳାଇବା ଲାଗି ୧ ଲକ୍ଷ ଟଙ୍କା ଲାଞ୍ଚ ନେଇ ଧରାପଡିଥିବା ନାର୍କୋଟିକସ କଣ୍ଟ୍ରୋଲ ବ୍ୟୁରୋ(ଏନ୍‌ସିବି)ର ଜଣେ ଅଧିକାରୀ ଏବଂ ୨ କର୍ମଚାରୀଙ୍କୁ ସିବିଆଇ ଶୁକ୍ରବାର ଗିରଫ କରିଛି। ସେମାନଙ୍କୁ ସ୍ପେଶାଲ ଜଜ୍‌ କୋର୍ଟରେ ହାଜର କରାଯିବା ପରେ ସିବିଆଇ ୪ଦିନିଆ ରିମାଣ୍ଡରେ ନେଇଛି।

ଜମି ଦେବା ନାଁରେ ୧୭ କୋଟି ଠକେଇ: ସାରଳା ରିୟଲ୍‌କନ ନିର୍ଦ୍ଦେଶକ ଗିରଫ

ଜମି ଦେବା ନାଁରେ ୧୭ କୋଟି ଠକେଇ: ସାରଳା ରିୟଲ୍‌କନ ନିର୍ଦ୍ଦେଶକ ଗିରଫ

ଭୁବନେଶ୍ୱର, ୬।୪(ବ୍ୟୁରୋ)- ଜମି ଦେବା ନାଁରେ ୧୭କୋଟିରୁ ଊର୍ଦ୍ଧ୍ୱ ଟଙ୍କା ଠକେଇ ଅଭିଯୋଗରେ ସାରଳା ରିୟଲକନ୍‌ ସଂସ୍ଥାର ନିର୍ଦ୍ଦେଶକ ଗୁରୁଦୀପ ସିଂ ମସ୍ତାନା(୭୦)ଙ୍କୁ କ୍ରାଇମ୍‌ବ୍ରାଞ୍ଚ ଅର୍ଥନେତିକ ଅପରାଧ ଶାଖା(ଇଓଡବ୍ଲ୍ୟୁ) ଶୁକ୍ରବାର ଗିରଫ କରିଛି। ଗୁରୁଦୀପଙ୍କ ଘର ଚଣ୍ଡୀଗଡ଼ର ମଣିମାଜରା ଥାନା ଅଞ୍ଚଳରେ। ଭୁବନେଶ୍ୱରରେ ତାଙ୍କର ସିଏଜି ବିଲ୍‌ଡର୍‌ ଆଣ୍ଡ ଇନଫ୍ରାଷ୍ଟ୍ରକଚର୍‌ ନାମକ ଏକ ସଂସ୍ଥା ରହିଛି।

ଗଡୁଛି ପାଣି ଟିକସ: ଶୋଷି ନେଉଛି ଶିଳ୍ପ

ଗଡୁଛି ପାଣି ଟିକସ: ଶୋଷି ନେଉଛି ଶିଳ୍ପ

ଭୁବନେଶ୍ୱର, ୬ା୪(ବ୍ୟୁରୋ)- ଶିଳ୍ପସଂସ୍ଥାଗୁଡିକ ନଦୀ ଓ ଭୂଗର୍ଭରୁ ଜଳ ଶୋଷୁଛନ୍ତି । ଦୀର୍ଘବର୍ଷ ଧରି ପାଣି ଟାଣୁଥିଲେ ମଧ୍ୟ ସରକାରଙ୍କୁ ଟିକସ ଫାଙ୍କି ଚାଲିଛନ୍ତି। ସରକାରୀ ବଡ଼ବାବୁ ଓ ଶିଳ୍ପସଂସ୍ଥା ମଧ୍ୟରେ ଥିବା ଅସାଧୁ ମେଣ୍ଟ ଯୋଗୁ ଦୀର୍ଘବର୍ଷ ହେବ ବହୁ କୋଟି ଟଙ୍କା ବିଭିନ୍ନ ସଂସ୍ଥା ଉପରେ ଅନାଦାୟ ହୋଇ ପଡିରହିଛି। ସରକାରୀ ଉଦାସୀନତାର ଫାଇଦା ନେଇ ଶିଳ୍ପସଂସ୍ଥାଗୁଡିକ ବକେୟା ଟଙ୍କାଟିଏ ନ ଦେବାକୁ ମସୁଧା କରିଛନ୍ତି।

ଭିଡିଓକନ ଋଣ ମାମଲା: ଦ୍ୱିତୀୟ ଦିନ ପାଇଁ ରାଜୀବ କୋଚ୍ଚରଙ୍କୁ ସିିବିଆଇ ଜେରା

ଭିଡିଓକନ ଋଣ ମାମଲା: ଦ୍ୱିତୀୟ ଦିନ ପାଇଁ ରାଜୀବ କୋଚ୍ଚରଙ୍କୁ ସିିବିଆଇ ଜେରା

ନୂଆଦିଲ୍ଲୀ,୬ା୪(ପି.ଟି): ଭିଡିଓକନ୍‌ ଗ୍ରୁପକୁ ୨୦୧୨ରେ ଆଇସିଆଇସିଆଇ ବ୍ୟାଙ୍କ ପ୍ରଦାନ କରିଥିବା ୩,୨୫୦ କୋଟି ଟଙ୍କାର ଋଣ ମାମଲାରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ)ଏହାର ଯାଞ୍ଚ ପ୍ରକ୍ରିୟାକୁ ବ୍ୟାପକ କରିଛି। ଶୁକ୍ରବାର ସିବିଆଇ ଆଇସିଆଇସିଆଇ ବ୍ୟାଙ୍କର ପରିଚାଳନା ନିର୍ଦ୍ଦେଶକ ତଥା ସିଇଓ ଥିବା ଚନ୍ଦା କୋଚ୍ଚରଙ୍କ ଦିଅର ରାଜୀବ କୋଚ୍ଚରଙ୍କୁ ଦ୍ୱିତୀୟ ଦିନ ଲାଗି ଜେରା କରିଛି।

ଏସିଡ୍‌ ଟ୍ୟାଙ୍କରକୁ ପିଟିଲା ଟ୍ରକ

ଏସିଡ୍‌ ଟ୍ୟାଙ୍କରକୁ ପିଟିଲା ଟ୍ରକ

ବ୍ରହ୍ମପୁର ଅଫିସ,୬।୪-ଶୁକ୍ରବାର ଭୋର ସାଢେ ୫ଟାରେ ବ୍ରହ୍ମପୁରସ୍ଥିତ ଆଙ୍କୁଲି ବାଇପାସ୍‌ ଓଭରବ୍ରିଜ ଉପରେ ହାଇଡ୍ରୋ କ୍ଲୋରିକ ଏସିଡ ଭର୍ତ୍ତି ଟ୍ୟାଙ୍କରକୁ ଏକ ଟ୍ରକ୍‌ ପଛ ପଟୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ଟ୍ରକ୍‌ ଡ୍ରାଇଭର ଗୁରୁତର ଆହତ ହୋଇଛନ୍ତି। ସେ ହେଲେ ଆନ୍ଧ୍ରପ୍ରଦେଶ ମାଣ୍ଡପେଟା ଅଞ୍ଚଳର ସାମ ରାଜୁ(୫୭)। ତାଙ୍କୁ ବ୍ରହ୍ମପୁର ବଡ ଡାକ୍ତରଖାନାରେ ଭର୍ତ୍ତି କରାଯାଇଛି। ଏସିଡ୍‌ ଭର୍ତ୍ତି ଟ୍ୟାଙ୍କର (ନଂ.ଏପି-ଟିଓ୍ବାଇ-୬୯୧୭) ଓ ଟ୍ରକ୍‌ (ଏପି-୦୫-ଆଇଜି-୨୪୨୯) ବିଶାଖାପାଟଣା ଅଭିମୁଖେ ଯାଉଥିଲା।

ମୋଷ୍ଟ ଓ୍ବାଣ୍ଟେଡ୍‌ ସନ୍ତୋଷଙ୍କୁ ଏନ୍‌କାଉଣ୍ଟର

ମୋଷ୍ଟ ଓ୍ବାଣ୍ଟେଡ୍‌ ସନ୍ତୋଷଙ୍କୁ ଏନ୍‌କାଉଣ୍ଟର

ଛତ୍ରପୁର/ଗଞ୍ଜାମ, ୬।୪(ଡି.ଏନ.ଏ.): ଗଞ୍ଜାମ ପୋଲିସ ଜିଲାର ମୋଷ୍ଟ ଓ୍ବାଣ୍ଟେଡ ଥିବା ସନ୍ତୋଷ କୁମାର ବେହେରାକୁ ଏନ୍‌କାଉଣ୍ଟର କରାଯାଇଛି। ରମ୍ଭା ଥାନା ହୁମ୍ମା ନିକଟ ଗଳାଶଙ୍ଖ ନିକଟରେ ଶୁକ୍ରବାର ଭୋର ୪ଟାରେ ସନ୍ତୋଷଙ୍କ ଉପରକୁ ସ୍ଥାନୀୟ ପୋଲିସ ଚଳାଇଥିଲା ଗୁଳି। ଏଥିରେ ତାଙ୍କ ୨ ଆଣ୍ଠୁରେ ଗୁଳି ବାଜିଛି। ତାଙ୍କୁ ପ୍ରଥମେ ଛତ୍ରପୁର ହସ୍ପିଟାଲରେ ଭର୍ତ୍ତି କରାଯାଇଥିଲା। ପରେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି।