ମେଟ୍ରୋ

କୁଳପତିଙ୍କୁ ଭେଟି ବିରୋଧ କଲା ଛାତ୍ର ବିଜେଡି

ଭୁବନେଶ୍ୱର, ୫।୬ବ୍ୟୁରୋ)- ଉକତ୍ଳ ବିଶ୍ୱବିଦ୍ୟାଳୟ ଅଧୀନରେ ଥିବା ୟୁନିଭର୍ସିଟି ଲ କଲେଜରେ ଅସ୍ଥାୟୀ ଅଧ୍ୟକ୍ଷ ନିଯୁକ୍ତିକୁ ନେଇ ବିବାଦ ଥମିବାର ନଁା ଧରୁନି। କିଛିଦିନ ତଳେ ଏବିଭିପି ପକ୍ଷରୁ ଅଧ୍ୟକ୍ଷ ନିଯୁକ୍ତିରେ ଅନିୟମିତତା ହୋଇଥିବା ଦର୍ଶାଇ ତାହାକୁ ରଦ୍ଦ କରିବାକୁ ଦାବି କରାଯାଇଥିଲା। ସୋମବାର ଲ କଲେଜ ଛାତ୍ର ବିଜେଡି ପକ୍ଷରୁ କୁଳପତିଙ୍କୁ ଭେଟି ଅଧ୍ୟକ୍ଷ ନିଯୁକ୍ତି ରଦ୍ଦ କରିବା ସହ ନୂତନ ଅଧ୍ୟକ୍ଷ ନିଯୁକ୍ତ କରିବାକୁ ଦାବି କରାଯାଇଛି।

ବାପଘରେ ଝିଅ-ଜ୍ୱାଇଁଙ୍କୁ ମରଣାନ୍ତକ ଆକ୍ରମଣ

ବାପଘରେ ଝିଅ-ଜ୍ୱାଇଁଙ୍କୁ ମରଣାନ୍ତକ ଆକ୍ରମଣ

ଭୁବନେଶ୍ୱର, ୫।୬(ବ୍ୟୁରୋ)- ପ୍ରେମ ବିବାହ କରିଥିବାରୁ ବାପଘରେ ଝିଅ-ଜ୍ୱାଇଁଙ୍କୁ ମରଣାନ୍ତକ ଆକ୍ରମଣ କରାଯାଇଛି। ଝିଅ ସ୍ବାମୀଙ୍କ ସହିତ ବାପଘରକୁ ବୁଲିବାକୁ ଆସିଥିବାବେଳେ ବାପଘର ଲୋକେ ସେମାନଙ୍କୁ ମାଡ଼ ମାରିଛନ୍ତି। ଚନ୍ଦକା ଥାନା ଜୁଝଗଡ ଗ୍ରାମରେ ସୋମବାର ଏହି ଘଟଣା ଘଟିଛି। ଏ ନେଇ ଝିଅ-ଜ୍ୱାଇଁଙ୍କ ପକ୍ଷରୁ ଥାନାରେ ଅଭିଯୋଗ କରାଯାଇଛି।

ନିଟ୍‌ ଓଡ଼ିଶା ଟପ୍ପର ସମୀରଙ୍କ ଲକ୍ଷ୍ୟ: ଡାକ୍ତର ହୋଇ ଦୁର୍ଗମ ଅଞ୍ଚଳରେ କାମ କରିବି

ନିଟ୍‌ ଓଡ଼ିଶା ଟପ୍ପର ସମୀରଙ୍କ ଲକ୍ଷ୍ୟ: ଡାକ୍ତର ହୋଇ ଦୁର୍ଗମ ଅଞ୍ଚଳରେ କାମ କରିବି

ଭୁବନେଶ୍ୱର, ୫।୬(ବ୍ୟୁରୋ)- ସିବିଏସ୍‌ଇ ଦ୍ୱାରା ପରିଚାଳିତ ନିଟ୍‌ ଫଳ ସୋମବାର ପ୍ରକାଶ ପାଇଛି। ଏଥିରେ ଭୁବନେଶ୍ୱର ସାଇ ଇଣ୍ଟରନ୍ୟାଶନାଲ ସ୍କୁଲ ଛାତ୍ର ସମୀର ପାତ୍ର ୩୦ ର଼୍ୟାଙ୍କ ପାଇ ରାଜ୍ୟରେ ପ୍ରଥମ ହୋଇଛନ୍ତି। ସେ ମୋଟ ୭୨୦ରୁ ୬୭୧ ନମ୍ବର ରଖି ୯୯.୯୯ ପର୍ସେଣ୍ଟାଇଲ ସ୍କୋର ରଖିଛନ୍ତି। ପଦାର୍ଥ ବିଜ୍ଞାନରେ ୧୮୦ରୁ ୧୭୦, ରସାୟନ ବିଜ୍ଞାନରେ ୧୮୦ରୁ ୧୬୦ ଓ ବାୟୋଲୋଜିରେ ୩୬୦ରୁ ୩୪୧ ନମ୍ବର ରଖିଛନ୍ତି। ସମୀର କହିଛନ୍ତି, ମୁଁ ୫୦ ର଼୍ୟାଙ୍କ ଭିତରେ ରହିବି ବୋଲି ଆଶା କରିଥିଲି। ୩୦ ର଼୍ୟାଙ୍କ ରହିଥିବାରୁ ବହୁତ ଖୁସି ଅଛି। ସବୁଥିରେ ଭଲ ନମ୍ବର ରହିଛି। ପରୀକ୍ଷା ପ୍ରସ୍ତୁତି ପାଇଁ ସ୍କୁଲ ସମୟକୁ ଛାଡ଼ିଦେଲେ ୬/୭ ଘଣ୍ଟା ସମୟ ଦେଉଥିଲି। ଏତେ ଭଲ ର଼୍ୟାଙ୍କ ରହିବ ବୋଲି ଆଶା ନ ଥିଲା। ଭଗବାନ ମୋତେ ସାହାଯ୍ୟ କଲେ।

ରାଜଧାନୀରେ ବିଗୁଡୁଛି ଆଇନଶୃଙ୍ଖଳା ୨ ଘଣ୍ଟା ମଧ୍ୟରେ ଦୁଇ ସ୍ଥାନରେ ବୋମାମାଡ଼

ରାଜଧାନୀରେ ବିଗୁଡୁଛି ଆଇନଶୃଙ୍ଖଳା ୨ ଘଣ୍ଟା ମଧ୍ୟରେ ଦୁଇ ସ୍ଥାନରେ ବୋମାମାଡ଼

ଭୁବନେଶ୍ୱର, ୫।୬(ବ୍ୟୁରୋ)- ରାଜଧାନୀରେ ଆଇନଶୃଙ୍ଖଳା ଦିନକୁ ଦିନ ବିଗିଡ଼ିବାରେ ଲାଗିଛି। ଅପରାଧୀମାନେ ସକ୍ରିୟ ହୋଇପଡ଼ିଥିବାବେଳେ ଆପରାଧିକ କାର୍ଯ୍ୟକଳାପ ବୃଦ୍ଧି ପାଉଛି, ଯାହା କମିଶନରେଟ ପୋଲିସ ପାଇଁ ଚ୍ୟାଲେଞ୍ଜ ପାଲଟିଛି। ଏଭଳି ସ୍ଥିତିରେ ସୋମବାର ରାତିରେ ୨ଟି ସ୍ଥାନରେ ବୋମାମାଡ଼ ହେବା ଜନସାଧାରଣଙ୍କ ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ରାତି ପ୍ରାୟ ୯ଟାରେ ତମାଣ୍ଡୋ ଥାନା କଳିଙ୍ଗବିହାର କେ-୬ ଗଜଲକ୍ଷ୍ମୀ ମଣ୍ଡପ ନିକଟରେ ବୋମାମାଡ଼ ହୋଇଥିବାବେଳେ ଏହାର ୨ଘଣ୍ଟା ମଧ୍ୟରେ ରାତି ୧୧ଟାରେ ବାପୁଜୀନଗରସ୍ଥିତ ଫୁଡ୍‌ ଜଙ୍କ୍‌ଶନ ରେଷ୍ଟୁରାଣ୍ଟରେ ଦୁର୍ବୃତ୍ତମାନେ ବୋମାମାଡ଼ କରିଛନ୍ତି।

ରତ୍ନଭଣ୍ଡାର ପ୍ରସଙ୍ଗ: ଶ୍ରୀମନ୍ଦିର ପ୍ରଶାସନର ସ୍ପଷ୍ଟୀକରଣ

ରତ୍ନଭଣ୍ଡାର ପ୍ରସଙ୍ଗ: ଶ୍ରୀମନ୍ଦିର ପ୍ରଶାସନର ସ୍ପଷ୍ଟୀକରଣ

ପୁରୀ ଅଫିସ, ୫।୬: ରତ୍ନଭଣ୍ଡାର ଚାବି ହଜିବା ପ୍ରସଙ୍ଗରେ ମୁହଁ ଖୋଲିଛି ଶ୍ରୀମନ୍ଦିର ପ୍ରଶସନ। ଭିତର ଭଣ୍ଡାରରେ ପଡିଥିବା ୩ଟି ତାଲା ମଧ୍ୟରୁ ଗୋଟିଏ ଜଉମୁଦ ଦିଆଯାଇଥିଲା, ଯାହାକି ଅଦ୍ୟାବଧି ଅକ୍ଷୁଣ୍ଣ ରହିଛି। ଭିତର ଭଣ୍ଡାରରେ କୌଣସି ଅବ୍ୟବସ୍ଥା ହୋଇନାହିଁ। ରତ୍ନ ଅଳଙ୍କାର ସୁରକ୍ଷିତ ଅଛି ବୋଲି ସୋମବାର ଶ୍ରୀମନ୍ଦିର ପ୍ରଶାସନ ପକ୍ଷରୁ ଏକ ପ୍ରେସ ବିବୃତିରେ କୁହାଯାଇଛି। ନୀତି ପ୍ରଶାସକଙ୍କ ତତ୍ତ୍ବାବଧାନରେ ଚାବି ଖୋଜାଖୋଜି କରାଯାଇଛି।

ଲୋକମେଳା, କୃଷିମେଳାର ଦ୍ୱିତୀୟ ସନ୍ଧ୍ୟା ସମର୍ପିତ ଭାବ ସମସ୍ତଙ୍କ ଲକ୍ଷ୍ୟ ହେଉ

ଲୋକମେଳା, କୃଷିମେଳାର ଦ୍ୱିତୀୟ ସନ୍ଧ୍ୟା ସମର୍ପିତ ଭାବ ସମସ୍ତଙ୍କ ଲକ୍ଷ୍ୟ ହେଉ

ପୁରୀ ଅଫିସ, ୫।୬: ଆମ ପୂର୍ବଜମାନେ ଯେଉଁ ସଂସ୍କୃତି ତିଆରି କରିଯାଇଛନ୍ତି ତାହାଠୁ କିପରି ଆହୁରି ଅଧିକ ସରସ ସୁନ୍ଦର ସଂସ୍କୃତି ତିଆରି କରିବା ସେ ଦିଗରେ ସମସ୍ତଙ୍କର ପ୍ରଚେଷ୍ଟା ରହିବା ଦରକାର। ଯେଉଁ ସଂସ୍କୃତିକୁ ଆମ ଆଗାମୀ ପିଢି ହଜାରେ ବର୍ଷ ପର୍ଯ୍ୟନ୍ତ ମନେରଖିବେ। କିନ୍ତୁ ଝାମ୍ପିନେଇ ଚେଙ୍ଗିଜ୍‌ ଖଁା ହେବାର ପ୍ରବୃତ୍ତି ମନରେ ରହିଲେ ସେହିଭଳି ସଂସ୍କୃତି ଗଢି ହୋଇଯିବ। ଆସନ୍ତୁ, ମୁଁ କ’ଣ ପାଇଯିବି, ମୁଁ କ’ଣ ନେଇଯିବି ପ୍ରତିଦ୍ୱନ୍ଦ୍ୱିତାରୁ ଓହରିଯିବା, ଅହଂ ଭାବ, ଲୋଭ ଶକ୍ତି ଛାଡ଼ି ସମସ୍ତେ ମହାପ୍ରଭୁଙ୍କ ପାଖରେ ସମର୍ପିତ ହୋଇଯିବା। ଦ୍ରୌପଦୀଙ୍କ ପରି ଦୁଇହାତ ଟେକି ସମର୍ପିତ ଭାବ ରଖିଲେ ଠାକୁର ବି ଓହ୍ଲାଇ ଆସିବେ ବୋଲି କହିଛନ୍ତି ଧରିତ୍ରୀ ଏବଂ ଓଡ଼ିଶା ପୋଷ୍ଟର ସମ୍ପାଦକ ତଥା ଢେଙ୍କାନାଳ ଏମ୍‌ପି ତଥାଗତ ସତପଥୀ। ଶରଧାବାଲିରେ ଚାଲିଥିବା ଷୋଡ଼ଶ ଜାତୀୟ ଲୋକମେଳା ଓ ନବମ କୃଷିମେଳାର ସୋମବାର ଦ୍ୱିତୀୟ ସନ୍ଧ୍ୟାରେ ମୁଖ୍ୟ ଅତିଥି ଭାବେ ଯୋଗଦେଇ ଏମ୍‌ପି ସତପଥୀ ଶୃଙ୍ଖଳିତ ଜୀବନଯାତ୍ରା, ରୁଚିକର ଜୀବନଧାରା ମାଧ୍ୟମରେ ଏକ ସୁନ୍ଦର ଭାରତ ଗଠନ ପାଇଁ ଆହ୍ବାନ ଦେଇଥିଲେ।

ମାନସ ସାହୁଙ୍କ ବାଲୁକା କଳା ପ୍ଲାଷ୍ଟିକ୍‌କୁ ନେଇ ଚିନ୍ତାରେ ବିଶ୍ୱ

ମାନସ ସାହୁଙ୍କ ବାଲୁକା କଳା ପ୍ଲାଷ୍ଟିକ୍‌କୁ ନେଇ ଚିନ୍ତାରେ ବିଶ୍ୱ

ପୁରୀ ଅଫିସ, ୫।୬: ପ୍ଲାଷ୍ଟିକଜନିତ ପ୍ରଦୂଷଣକୁ ନେଇ ଆଜି ବିଶ୍ୱ ଚିନ୍ତିତ। ହିମାଳୟ ହେଉ ଅଥବା ସମୁଦ୍ରର ଅତଳ ଗର୍ଭ, ସବୁଠି ପ୍ଲାଷ୍ଟିକ୍‌ଜନିତ ଆବର୍ଜନା ଛାଇ ହୋଇଗଲାଣି। ପ୍ଲାଷ୍ଟିକ୍‌ଜନିତ ଆବର୍ଜନା କିଭଳି ସମସ୍ତଙ୍କ ପାଇଁ ଚିନ୍ତାର କାରଣ ସାଜିଛି ସେ ସମ୍ପର୍କରେ ବାଲୁକା କଳା ମାଧ୍ୟମରେ ଦର୍ଶାଇଛନ୍ତି ବାଲୁକା ଶିଳ୍ପୀ ମାନସ ସାହୁ। ପ୍ଲାଷ୍ଟିକ୍‌ ବ୍ୟବହାରରୁ ଦୂରେଇ ରହିବା ଲାଗି ସେ ବାର୍ତ୍ତା ଦେଇଛନ୍ତି। ପୁରୀ ବେଳାଭୂମି ସ୍ଥିତ ମାନସ ସ୍ୟାଣ୍ଡ ଆର୍ଟ ପାର୍କ ପରିସରରେ ୨୦ ଟନ୍‌ ବାଲିରେ ନିର୍ମିତ ହୋଇଛି ଏହି ବାଲୁକା କଳା।

ବିଶ୍ୱ ପରିବେଶ ଦିବସ : ବେଳାଭୂମିରେ ୫୦ଫୁଟ ଲମ୍ବର ବାଲୁକା କଇଁଛ

ବିଶ୍ୱ ପରିବେଶ ଦିବସ : ବେଳାଭୂମିରେ ୫୦ଫୁଟ ଲମ୍ବର ବାଲୁକା କଇଁଛ

ପୁରୀ ଅଫିସ, ୫।୬: ଜୁନ୍‌ ୫ ବିଶ୍ୱ ପରିବେଶ ଦିବସ। ଏହାର ଅବ୍ୟବହିତ ପୂର୍ବରୁ ପୁରୀ ବେଳାଭୂମିରେ ଆନ୍ତର୍ଜାତିକ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ବାଲୁକା କଳା ମାଧ୍ୟମରେ ଦେଇଛନ୍ତିି ସଚେତନତାର ବର୍ତ୍ତା। ପ୍ଲାଷ୍ଟିକଜନିତ ପ୍ରଦୂଷଣ ସାମୁଦ୍ରିକ ଜଳଜୀବ ପାଇଁ କେତେ ଭୟଙ୍କର ତାହାକୁ ସେ ବାଲୁକା କଳା ମାଧ୍ୟମରେ ଦର୍ଶାଇଛନ୍ତି।

ଜାତୀୟ ଚିତ୍ରକଳା ଓ କର୍ମଶାଳା ଶିବିର ଉଦ୍‌ଯାପିତ

ଜାତୀୟ ଚିତ୍ରକଳା ଓ କର୍ମଶାଳା ଶିବିର ଉଦ୍‌ଯାପିତ

ପୁରୀ ଅଫିସ,୫।୬: ଓଡ଼ିଶା ଚାରୁ ଓ କାରୁକଳା ମହାବିଦ୍ୟାଳୟ ଆନୁକୂଲ୍ୟରେ ସ୍ଥାନୀୟ ଭକ୍ତ ସାଲବେଗ ପୀଠ ପରିସରରେ ଚାଲିଥିବା ଦୁଇଦିନିଆ ଜାତୀୟ ଚିତ୍ରକଳା ଓ କର୍ମଶାଳା ଶିବିର ସୋମବାର ଉଦ୍‌ଯାପିତ ହୋଇଯାଇଛି।

ଶ୍ରୀମନ୍ଦିରରେ ସୁପ୍ରିମକୋର୍ଟ ପ୍ରଧାନ ବିଚାରପତି

ଶ୍ରୀମନ୍ଦିରରେ ସୁପ୍ରିମକୋର୍ଟ ପ୍ରଧାନ ବିଚାରପତି

ପୁରୀ ଅଫିସ, ୫।୬: ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ୍‌ ଦୀପକ ମିଶ୍ର ଶ୍ରୀମନ୍ଦିରକୁ ଆସି ମହାପ୍ରଭୁଙ୍କୁ ଦର୍ଶନ କରିଛନ୍ତି। ସୋମବାର ଅପରାହ୍ନ ୫ଟା ୫୫ ମିନିଟ୍‌ରେ ପ୍ରଧାନ ବିଚାରପତି ଜଷ୍ଟିସ୍‌ ମିଶ୍ର ସିଂହଦ୍ୱାର ନିକଟରେ ପହଞ୍ଚତ୍ଥିଲେ।

ତଳେ ଦଣ୍ଡା ଖଞ୍ଜା ଗଲା କଣଗୁଜରେ ଖୋଦେଇ ସରିଲା

ତଳେ ଦଣ୍ଡା ଖଞ୍ଜା ଗଲା କଣଗୁଜରେ ଖୋଦେଇ ସରିଲା

ପୁରୀ ଅଫିସ, ୫।୬: ଅକ୍ଷୟ ତୃତୀୟାଠାରୁ ଶ୍ରୀନଅର ସମ୍ମୁଖ ରଥଖଳାରେ ମହାପ୍ରଭୁଙ୍କ ତିନିରଥ ନିର୍ମାଣ ଚାଲିଛି। ୨୧ଟି ଅଖରେ ୪୨ଟି ଯାକ ଚକ ସଂଯୋଗ ହୋଇ ଡେରା ହେବା ପରେ ସୋମବାର ତଳେ ଦଣ୍ଡା ଖଞ୍ଜାଯାଇଛି। ତିନିରଥର ସମୁଦାୟ ୨୫ ଦଣ୍ଡା ଅର୍ଥାତ୍‌ ଦର୍ପଦଳନ ରଥର ୭ଟି ଏବଂ ତାଳଧ୍ୱଜ ଓ ନନ୍ଦିଘୋଷ ରଥର ୯ଟି ଲେଖାଏ ଦଣ୍ଡା ନିର୍ମାଣ ସମ୍ପୂର୍ଣ୍ଣ ହେବା ପରେ ମହାରଣା ସେବକମାନେ ଏଗୁଡ଼ିକୁ ଖଞ୍ଜିଛନ୍ତି।

ବିଦେଶୀ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ପ୍ରୟାସ:‘ଟ୍ବେଣ୍ଟିଓ୍ବାନ୍‌ ନାଇଟ୍‌ ଡେଷ୍ଟିନେଶନ’ ହେବ ଓଡ଼ିଶା

ବିଦେଶୀ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ପ୍ରୟାସ:‘ଟ୍ବେଣ୍ଟିଓ୍ବାନ୍‌ ନାଇଟ୍‌ ଡେଷ୍ଟିନେଶନ’ ହେବ ଓଡ଼ିଶା

ଭୁବନେଶ୍ୱର,୪ା୬(ବ୍ୟୁରୋ)- ଓଡ଼ିଶା ପ୍ରତି ଅଧିକରୁ ଅଧିକ ବିଦେଶୀ ପର୍ଯ୍ୟଟକଙ୍କୁ ଆକୃଷ୍ଟ କରିବା ଏବଂ ରାଜ୍ୟରେ ଦୀର୍ଘକାଳୀନ ପର୍ଯ୍ୟଟନକୁ ଉତ୍ସାହିତ ଲକ୍ଷ୍ୟରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଆରମ୍ଭ କରିଛି ହୋଟେଲ ଆଣ୍ଡ୍‌ ରେଷ୍ଟୁରାଣ୍ଟ ଆସୋସିଏଶନ ଅଫ୍‌ ଓଡ଼ିଶା(ଏଚ୍‌ଆର୍‌ଏଓ)। ପୁରୀ-କୋଣାର୍କ-ଭୁବନେଶ୍ୱରର ୨ରାତି ୩ଦିନିଆ ପ୍ୟାକେଜ୍‌ ବଦଳରେ ଓଡ଼ିଶାକୁ ଏକ ‘ଟ୍ବେଣ୍ଟିଓ୍ବାନ୍‌ (୨୧) ନାଇଟ୍‌ ଡେଷ୍ଟିନେଶନ’ରେ ପରିଣତ କରିବାକୁ ଏଚ୍‌ଆର୍‌ଏଓ ଏବଂ ରାଜ୍ୟର ଟୁର୍‌ ଅପରେଟର ସଂଘ ଯୋଜନା ପ୍ରସ୍ତୁତ କରିଛି।

ନାବାଳିକାଙ୍କୁ ଅପହରଣ ଅଭିଯୋଗ

ନାବାଳିକାଙ୍କୁ ଅପହରଣ ଅଭିଯୋଗ

ଭୁବନେଶ୍ୱର, ୪ା୬(ବ୍ୟୁରୋ)- ମଞ୍ଚେଶ୍ୱର ଥାନା ଧିରକୁଟୀ ବସ୍ତିର ଜଣେ ନାବାଳିକାଙ୍କୁ କେହି ଅପହରଣ କରିନେଇଥିବା ତାଙ୍କ ମା’ବାପା ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ତାଙ୍କ ଝିଅ ଚଳିତ ବର୍ଷ ମାଟ୍ରିକ ପରୀକ୍ଷା ଦେଇଥିଲେ।

ରତ୍ନ ଭଣ୍ଡାର ଚାବି ହଜିବା ଘଟଣା: ସିବିଆଇ ତଦନ୍ତ ଦାବି କଲା ଜଗନ୍ନାଥ ସେନା

ରତ୍ନ ଭଣ୍ଡାର ଚାବି ହଜିବା ଘଟଣା: ସିବିଆଇ ତଦନ୍ତ ଦାବି କଲା ଜଗନ୍ନାଥ ସେନା

ଭୁବନେଶ୍ୱର, ୪।୬(ବ୍ୟୁରୋ)- ଶ୍ରୀମନ୍ଦିର ରତ୍ନ ଭଣ୍ଡାର ଚାବି ହଜିବା ଘଟଣା ଦିନକୁ ଦିନ ରହସ୍ୟାବୃତ୍ତ ହେଉଥିବା ବେଳେ ରାଜ୍ୟ ସରକାର ଏହାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି। ମାତ୍ର ମୁଖ୍ୟମନ୍ତ୍ରୀ କାହିଁକି ସିବିଆଇ ତଦନ୍ତ ପାଇଁ ନିର୍ଦ୍ଦେଶ ଦେଲେ ନାହିଁ ବୋଲି ପ୍ରଶ୍ନ କରିଛି ଶ୍ରୀଜଗନ୍ନାଥ ସେନା। ଏହା ପ୍ରତିବାଦରେ ଶ୍ରୀଜଗନ୍ନାଥ ସେନା ପକ୍ଷରୁ ସୋମବାର ଭୁବନେଶ୍ୱରସ୍ଥିତ ସିବିଆଇ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ଏଥିସହ ସେନା ପକ୍ଷରୁ ସିବିଆଇ କାର୍ଯ୍ୟାଳୟରେ ଏକ ଏତଲା ଦିଆଯାଇ ରତ୍ନ ଭଣ୍ଡାର ଚାବି ହଜିବା ଘଟଣାର ସିବିଆଇ ତଦନ୍ତ ପାଇଁ ଦାବି କରାଯାଇଛି।

ବମିଖାଲ ଓଭରବ୍ରିଜ ଅଘଟଣ: ପଣ୍ଡା ଇନ୍‌ଫ୍ରା ମାଲିକଙ୍କୁ ଜାମିନ

ବମିଖାଲ ଓଭରବ୍ରିଜ ଅଘଟଣ: ପଣ୍ଡା ଇନ୍‌ଫ୍ରା ମାଲିକଙ୍କୁ ଜାମିନ

ଭୁବନେଶ୍ୱର, ୪ା୬(ବ୍ୟୁରୋ)- ବମିଖାଲ ଓଭରବ୍ରିଜ ଅଘଟଣ ମାମଲାରେ ଗିରଫ ହୋଇଥିବା ପଣ୍ଡା ଇନ୍‌ଫ୍ରା ମାଲିକ ପ୍ରତାପ କେଶରୀ ପଣ୍ଡାଙ୍କୁ ସୋମବାର ସର୍ତ୍ତମୂଳକ ଜାମିନ ମିଳିଛି। ୫୦ ହଜାର ଟଙ୍କାର ବେଲ ବଣ୍ଡ ବଦଳରେ ଜିଲା ସେସନ୍ସ ଜଜ୍‌ କୋର୍ଟ ତାଙ୍କୁ ଏହି ଜାମିନ ପ୍ରଦାନ କରିଛନ୍ତି। ମାମଲାରେ ଥିବା ସାକ୍ଷୀଙ୍କୁ ପ୍ରଭାବିତ ନ କରିବା ସହ ୧୫ ଦିନରେ ଥରେ ଲକ୍ଷ୍ମୀସାଗର ଥାନାରେ ହଜାର ହେବାକୁ କୋର୍ଟ ସର୍ତ୍ତ ରଖିଛନ୍ତି। ମାମଲାର ତଦନ୍ତ ଅଧିକାରୀଙ୍କୁ ସହଯୋଗ କରିବା ସହିତ ତାଙ୍କୁ ପ୍ରତି ରବିବାର ପୂର୍ବାହ୍ନ ୧୦ଟାରୁ ଅପରାହ୍ନ ୧ଟା ମଧ୍ୟରେ ଦେଖା କରିବାକୁ ନିର୍ଦ୍ଦେଶ ଦେଇଛନ୍ତି। ପ୍ରତାପ କିଡ୍‌ନୀ ଜନିତ ରୋଗରେ ପୀଡ଼ିତ ଥିବାରୁ ବର୍ତ୍ତମାନ ପୋଲିସ ହେପାଜତରେ ରହି ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଜାମିନ ସଂକ୍ରାନ୍ତ କାଗଜପତ୍ର ଖାରପଡା ଜେଲରେ ଦେଖାଇବା ପରେ ତାଙ୍କୁ ମୁକ୍ତ କରାଯିବ ବୋଲି ସୂଚନା ମିଳିଛି।

‘ପାର୍‌’ ଅଭାବ: ଡାକ୍ତରଙ୍କୁ ମିଳୁନି ପଦୋନ୍ନତି ଠିକଣା ସମୟରେ ‘ପାର୍‌’ ପଠାଇବାକୁ ନିର୍ଦ୍ଦେଶ

‘ପାର୍‌’ ଅଭାବ: ଡାକ୍ତରଙ୍କୁ ମିଳୁନି ପଦୋନ୍ନତି ଠିକଣା ସମୟରେ ‘ପାର୍‌’ ପଠାଇବାକୁ ନିର୍ଦ୍ଦେଶ

ଭୁବନେଶ୍ୱର, ୪।୬(ବ୍ୟୁରୋ)- ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗରେ କାର୍ଯ୍ୟରତ ଡାକ୍ତରମାନଙ୍କ ‘ପାର୍‌’(Performance Apprisal Report) ଅଭାବ ଯୋଗୁ ପଦୋନ୍ନତି କ୍ଷେତ୍ରରେ ପ୍ରତିବନ୍ଧକ ସୃଷ୍ଟି କରୁଛି। ନିୟମିତ ଭାବେ ଠିକଣା ସମୟରେ ବିଭାଗୀୟ ପଦୋନ୍ନତି କମିଟି ବସୁଥିଲେ ସୁଦ୍ଧା ପାର୍‌ ଅଭାବରୁ ଅନେକ ଯୋଗ୍ୟ ଡାକ୍ତରଙ୍କୁ ପଦୋନ୍ନତି ଦିଆଯାଇ ପାରୁନାହିଁ। ସମସ୍ତ ପ୍ରକାର ପଦକ୍ଷେପ ଗ୍ରହଣ କରାଯାଇଥିବା ସତ୍ତ୍ୱେ ବିଭିନ୍ନ ସ୍ତରରୁ ପାର୍‌ ଠିକ୍‌ ସମୟରେ ମିଳିପାରୁ ନାହିଁ।

ରତ୍ନଭଣ୍ଡାର ଚାବି ହଜିବା ଘଟଣା: ବିଚାରବିଭାଗୀୟ ତଦନ୍ତ ନିର୍ଦ୍ଦେଶକୁ  ଜଗନ୍ନାଥ ସେନା ପକ୍ଷରୁ ବିରୋଧ  ରତ୍ନଭଣ୍ଡାର ଚାବି ହଜିବା ଘଟଣା: ବିଚାରବିଭାଗୀୟ ତଦନ୍ତ ନିର୍ଦ୍ଦେଶକୁ  ଜଗନ୍ନାଥ ସେନା ପକ୍ଷରୁ ବିରୋଧ

ରତ୍ନଭଣ୍ଡାର ଚାବି ହଜିବା ଘଟଣା: ବିଚାରବିଭାଗୀୟ ତଦନ୍ତ ନିର୍ଦ୍ଦେଶକୁ ଜଗନ୍ନାଥ ସେନା ପକ୍ଷରୁ ବିରୋଧ ରତ୍ନଭଣ୍ଡାର ଚାବି ହଜିବା ଘଟଣା: ବିଚାରବିଭାଗୀୟ ତଦନ୍ତ ନିର୍ଦ୍ଦେଶକୁ ଜଗନ୍ନାଥ ସେନା ପକ୍ଷରୁ ବିରୋଧ

ଭୁବନେଶ୍ୱର,୪।୬(ବ୍ୟୁରୋ): ଶ୍ରୀମନ୍ଦିର ରତ୍ନଭଣ୍ଡାର ଚାବି ହଜିବା ଘଟଣା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଚାରବିଭାଗୀୟ ତଦନ୍ତ ନିର୍ଦ୍ଦେଶ ଦେଇଥିଲେ। ଏହାକୁ ବିରୋଧ କରି ଶ୍ରୀ ଜଗନ୍ନାଥ ସେନା ପକ୍ଷରୁ ସିବିଆଇ କାର୍ଯ୍ୟାଳୟରେ ଏକ ଲିଖିତ ଅଭିଯୋଗ ହୋଇଛି।

କନିଷ୍ଠ ଶିକ୍ଷକଙ୍କୁ ନିୟମିତ କରିବାରେ ଅଣଦେଖା: ୨୩ରେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା

ଖୋର୍ଦ୍ଧା ଅଫିସ,୪।୬:ଖୋର୍ଦ୍ଧା ସହରର ବାଟମଙ୍ଗଳା ମନ୍ଦିର ପରିସରରେ ଓଡ଼ିଶା ପ୍ରାଥମିକ ବିଦ୍ୟାଳୟ ଶିକ୍ଷକ ସଂଘ (ଓଇଷ୍ଟା) ଏବଂ ଶିକ୍ଷା ସହାୟକ ସଂଘ ମିଳିତ ଆନୁକୁଲ୍ୟରେ ସୋମବାର ପୂର୍ବାହ୍ନରେ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି।

ଛାତ୍ରୀଙ୍କ ଅଶ୍ଲିଳ ଭିଡିଓ ଭାଇରାଲ: କମ୍ପ୍ୟୁଟର ଶିକ୍ଷକଙ୍କ ନାଁରେ ମାମଲା

ଛାତ୍ରୀଙ୍କ ଅଶ୍ଲିଳ ଭିଡିଓ ଭାଇରାଲ: କମ୍ପ୍ୟୁଟର ଶିକ୍ଷକଙ୍କ ନାଁରେ ମାମଲା

ଖୋର୍ଦ୍ଧା ଅଫିସ,୪।୬: ଖୋର୍ଦ୍ଧା ଜିଲା ଜଙ୍କିଆ ଥାନା ନରଣଗଡ଼ ଅଞ୍ଚଳର ଜନୈକା କମ୍ପ୍ୟୁଟର ପାଠ ପଢ଼ୁଥିବା ଛାତ୍ରୀଙ୍କ ଅଶ୍ଲିଳ ଫଟୋ ଓ ଭିଡିଓ ହ୍ବାଟସ୍‌ଆପରେ ଭାଇରାଲ ହୋଇଛି। ନରଣଗଡ଼ରେ କମ୍ପ୍ୟୁଟର ସଂସ୍ଥା ଖୋଲି ଛାତ୍ରୀଛାତ୍ରଙ୍କୁ ପାଠ ପଢ଼ାଉଥିବା ଶିକ୍ଷକ ସୁମନ୍ତ ଜେନା ଏହି କାର୍ଯ୍ୟ କରିଥିବା ଅଭିଯୋଗ ହୋଇଛି ।

ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର

ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର

ଖୋର୍ଦ୍ଧା ଅଫିସ,୪।୬: ଖୋର୍ଦ୍ଧା ଜିଲା ଓଳସିଂହ ଜଙ୍ଗଲରୁ ସୋମବାର ଅପରାହ୍ନରେ ଜଣେ ବୃଦ୍ଧଙ୍କ ମୃତଦେହ ଗଛରେ ଝୁଲନ୍ତା ଅବସ୍ଥାରେ ପୋଲିସ ଉଦ୍ଧାର କରିଛି। ସେ ହେଲେ ଓଳସିଂହ ଗ୍ରାମର ଗାଜୁଆ ପରିଡା(୬୦)।

ମହାନଦୀ ପ୍ରସଙ୍ଗ: ଷ୍ଟିୟରିଂ କମିଟି ଗଠନ କଲା ବିଜେଡି

ମହାନଦୀ ପ୍ରସଙ୍ଗ: ଷ୍ଟିୟରିଂ କମିଟି ଗଠନ କଲା ବିଜେଡି

ଭୁବନେଶ୍ୱର, ୪।୬(ବ୍ୟୁରୋ): ମହାନଦୀ ଓ ପୋଲାଭରମ୍‌ ପାଇଁ ବିଜୁ ଜନତା ଦଳ ରାଜ୍ୟ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ଷ୍ଟିୟରିଂ କମିଟି ଗଠନ କରିଛନ୍ତି। କମିଟିର ସଦସ୍ୟ ଭାବେ ଏମ୍‌ପି ପ୍ରସନ୍ନ ଆଚାର୍ଯ୍ୟ, ସୌମ୍ୟରଞ୍ଜନ ପଟ୍ଟନାୟକ, ବିଧାୟକ ଦେବୀ ପ୍ରସାଦ ମିଶ୍ର ଏବଂ ପୂର୍ବତନ କେନ୍ଦ୍ରମନ୍ତ୍ରୀ ଚନ୍ଦ୍ରଶେଖର ସାହୁଙ୍କୁ ମନୋନୀତ କରିଛନ୍ତି।

ପ୍ରକାଶ ପାଇଲା ନିଟ୍‌ ପରୀକ୍ଷା ଫଳ: ବିହାରର କଳ୍ପନା କୁମାରୀ ପ୍ରଥମ

ପ୍ରକାଶ ପାଇଲା ନିଟ୍‌ ପରୀକ୍ଷା ଫଳ: ବିହାରର କଳ୍ପନା କୁମାରୀ ପ୍ରଥମ

ଭୁବନେଶ୍ୱର, ୪।୬(ବ୍ୟୁରୋ): କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (ସିବିଏସ୍‌ଇ) ଦ୍ୱାରା ପରିଚାଳିତ ନିଟ୍‌-୨୦୧୮ ପରୀକ୍ଷା ଫଳ ସୋମବାର ଅପରାହ୍ନ ୨ଟାରେ ପ୍ରକାଶ ପାଇଛି। କଳ୍ପନା କୁମାରୀ ୯୯.୯୯ ପ୍ରତିଶତ ରଖି ଦେଶରେ ପ୍ରଥମ ସ୍ଥାନ ଅଧିକାର କରିଛନ୍ତି।

ଖୋର୍ଦ୍ଧା ଜିଲାପାଳଙ୍କ ସଦର ମୁଖ୍ୟ ଚିକିତ୍ସାଳୟ ପରିଦର୍ଶନ

ଖୋର୍ଦ୍ଧା ଅଫିସ,୪।୬: ଖୋର୍ଦ୍ଧା ଜିଲାପାଳ ନିର୍ମଳ ଚନ୍ଦ୍ର ମିଶ୍ର ସୋମବାର ଅଚାନକ ଜିଲା ସଦର ମୁଖ୍ୟ ଚିକିତ୍ସାଳୟ ପରିଦର୍ଶନ କରିଛନ୍ତି। ସେଠାରେ ସେ ସାଧାରଣ ରେଗୀଙ୍କୁ ଭେଟିବା ସହ ସେମାନଙ୍କ ସୁବିଧା ଅସୁବିଧା ପଚାରି ବୁଝିଥିଲେ।

ଭୁବନେଶ୍ୱରରେ ଥିବା ବରପୁତ୍ରଙ୍କ ପ୍ରତିମୁର୍ତ୍ତି ରକ୍ଷଣାବେକ୍ଷଣ ହେବ

ଭୁବନେଶ୍ୱରରେ ଥିବା ବରପୁତ୍ରଙ୍କ ପ୍ରତିମୁର୍ତ୍ତି ରକ୍ଷଣାବେକ୍ଷଣ ହେବ

ଭୁବନେଶ୍ୱର, ୪।୬(ବ୍ୟୁରୋ): ପୂଜ୍ୟପୂଜାମାନଙ୍କୁ ଅନେକ ସମୟରେ ଅବହେଳିତ କରାଯାଉଥିବା ଅଭିଯୋଗ ହେଉଛି। ବରପୁତ୍ର ଓ ପୂଜ୍ୟପୂଜାମାନଙ୍କ ପ୍ରତିମୂର୍ତ୍ତିକୁ ରକ୍ଷଣାବେକ୍ଷଣ କରାଯିବ।