ମେଟ୍ରୋ

୬ ରାଜ୍ୟର ବରିଷ୍ଠ ପୋଲିସ ଅଧିକାରୀଙ୍କ ବୈଠକ ମିଳିତ ସହଯୋଗରେ କରାଯିବ ଅପରେଶନ

୬ ରାଜ୍ୟର ବରିଷ୍ଠ ପୋଲିସ ଅଧିକାରୀଙ୍କ ବୈଠକ ମିଳିତ ସହଯୋଗରେ କରାଯିବ ଅପରେଶନ

ଭୁବନେଶ୍ୱର, ୯।୬(ବ୍ୟୁରୋ)- ରାଜ୍ୟଗୁଡ଼ିକର ପୋଲିସ ମଧ୍ୟରେ ସମନ୍ବୟ ଅଭାବ ଯୋଗୁ ପୂର୍ବରୁ ବୀରାପାନ ପୋଲିସକୁ ଚକ୍‌ମା ଦେଇ ଆନ୍ଧ୍ରପ୍ରଦେଶ ଓ ତାମିଲନାଡୁ ସୀମା ଅତି ସହଜରେ ପାର ହୋଇଯାଇଥିଲେ। ଏବେ କିନ୍ତୁ ତାହା ହେବ ନାହିଁ।

ଲୋକନାଥ ସ୍ମାରକୀ ସମ୍ମାନ ଉତ୍ସବରେ କୃତୀ ଛାତ୍ରୀଛାତ୍ରଙ୍କୁ ସମ୍ବର୍ଦ୍ଧନା

ଲୋକନାଥ ସ୍ମାରକୀ ସମ୍ମାନ ଉତ୍ସବରେ କୃତୀ ଛାତ୍ରୀଛାତ୍ରଙ୍କୁ ସମ୍ବର୍ଦ୍ଧନା

ଭୁବନେଶ୍ୱର, ୯।୬(ବ୍ୟୁରୋ)- କଳିଙ୍ଗ ଶୈକ୍ଷିକ ଚାରିଟେବୁଲ ଟ୍ରଷ୍ଟ ଓ ସେଣ୍ଟ ଜାଭିୟର ଶୈକ୍ଷିକ ଚାରିଟେବୁଲ ଟ୍ରଷ୍ଟର ମିଳିତ ଆନୁକୂଲ୍ୟରେ ଶୁକ୍ରବାର ରୟାଲ ସୁଟ୍‌ଠାରେ ଲୋକନାଥ ସ୍ମାରକୀ ସମ୍ମାନ ଉତ୍ସବ ଅନୁଷ୍ଠିତ ହୋଇଯାଇଛି।

ଗ୍ରୀଡ୍‌କୋ ଶାଖା ଅଫିସରୁ ଚୋରି, ୩ ଗିରଫ

ଭୁବନେଶ୍ୱର, ୯।୬(ବ୍ୟୁରୋ)- ୟୁନିଟ-୯ସ୍ଥିତ ଗ୍ରୀଡକୋ ଶାଖା ଅଫିସରୁ ବିଦ୍ୟୁତ୍‌ ତାର ଚୋରି ଘଟଣାର ୩ ଅଭିଯୁକ୍ତଙ୍କୁ ଶହୀଦନଗର ପୋଲିସ ଶୁକ୍ରବାର ଗିରଫ କରିଛି। ସେମାନେ ହେଲେ ବିଶ୍ୱେଶ୍ୱର ବସ୍ତିର ସନ୍ତୋଷ ବେହେରା, ତିର୍ତ୍ତୋଲ ଅଞ୍ଚଳର ରଞ୍ଜିତ ବିଶ୍ୱାଳ, କେନ୍ଦୁଝର ଜିଲା ଜେନାପଡା ଅଞ୍ଚଳର ବିଭୁ ରଞ୍ଜନ ତ୍ରୀପାଠୀ।

୧୨ରୁ ଯୁକ୍ତ୩ ନାମଲେଖା ଆବେଦନ

ଭୁବନେଶ୍ୱର, ୯ା୬(ବ୍ୟୁରୋ)- ରାଜ୍ୟର ସମସ୍ତ ଡିଗ୍ରୀ, ସ୍ବୟଂଶାସିତ, ସେଲଫ୍‌ ଫାଇନାସିଂ ଡିଗ୍ରୀ, ସଂସ୍କୃତ(ଶାସ୍ତ୍ରୀ) ଡିଗ୍ରୀ କଲେଜରେ ଯୁକ୍ତ୩ ପ୍ରଥମ ବର୍ଷ ନାମଲେଖା ପାଇଁ ଆସନ୍ତା ୧୨ ତାରିଖରୁ ଆବେଦନ ଆରମ୍ଭ ହେବ। ଏ ନେଇ ଉଚ୍ଚଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।

ପୃଷ୍ଠପୋଷକ ଭାବେ ରାଜ୍ୟପାଳଙ୍କ ଶପଥଗ୍ରହଣ

ପୃଷ୍ଠପୋଷକ ଭାବେ ରାଜ୍ୟପାଳଙ୍କ ଶପଥଗ୍ରହଣ

ଭୁବନେଶ୍ୱର, ୯।୬(ବ୍ୟୁରୋ)- ଓଡ଼ିଶା ରାଜ୍ୟ ଭାରତ ସ୍କାଉଟ୍ସ ଓ ଗାଇଡ୍ସ ସଂଗଠନର ପୃଷ୍ଠପୋଷକ ଭାବେ ରାଜ୍ୟପାଳ ପ୍ରଫେସର ଗଣେଶି ଲାଲ ଶପଥ ଗ୍ରହଣ କରିଛନ୍ତି। ଏ ନେଇ ଶୁକ୍ରବାର ରାଜଭବନ ଅଭିଷେକ ହଲ୍‌ରେ ଆୟୋଜିତ ଉତ୍ସବରେ ସଂଗଠନର ରାଜ୍ୟ ମୁଖ୍ୟ କମିଶନର କାଳୀପ୍ରସାଦ ମିଶ୍ର ସ୍ବାଗତ ଭାଷଣ ଦେଇ ସ୍କାଉଟ୍ସ ଏବଂ ଗାଇଡ୍ସର ମହତ୍ତ୍ୱ ସମ୍ପର୍କରେ ଆଲୋକପାତ କରିଥିଲେ।

ଜଗନ୍ନାଥଙ୍କ ନଁ।ରେ ଦାନ ଗ୍ରହଣ କରିପାରିବେନି ସେବାୟତ

ଜଗନ୍ନାଥଙ୍କ ନଁ।ରେ ଦାନ ଗ୍ରହଣ କରିପାରିବେନି ସେବାୟତ

ପୁରୀ ଅଫିସ,୮ା୬: ଏଣିକି ସେବାୟତମାନେ ଶ୍ରୀଜଗନ୍ନାଥଙ୍କ ନାମରେ କୌଣସି ଦାନ, ଦକ୍ଷିଣା ଗ୍ରହଣ କରିପାରିବେ ନାହିଁ। ରୁଜୁ ହୋଇଥିବା ଏକ ଜନସ୍ବାର୍ଥ ମାମଲାର ଶୁଣାଣି କରି ସୁପ୍ରିମ୍‌କୋର୍ଟ ଏଭଳି ରୋକ୍‌ ଲଗାଇଛନ୍ତି। ଯେଭଳି କୌଣସି ସେବାୟତ ବ୍ୟକ୍ତିଗତ ଭାବେ ଜଗନ୍ନାଥଙ୍କ ନାମରେ ଆସୁଥିବା ଦାନ, ଦକ୍ଷିଣା ଗ୍ରହଣ ନ କରନ୍ତି ସେ ଦିଗରେ ଶ୍ରୀମନ୍ଦିର ପ୍ରଶାସକ ଆବଶ୍ୟକ ପଦକ୍ଷେପ ନେବାକୁ ସୁପ୍ରିମ୍‌କୋର୍ଟ ନିର୍ଦ୍ଦେଶ ଦେଇଛନ୍ତି।

ସାମୁଦ୍ରିକ ସୁରକ୍ଷା ଏବଂ ସହଯୋଗ ଉପରେ ଇଏଏସ୍‌ ସମ୍ମିଳନୀ:ବାଣିଜ୍ୟ ପାଇଁ ସାମୁଦ୍ରିକ ପଥ ଅପରିହାର୍ଯ୍ୟ

ସାମୁଦ୍ରିକ ସୁରକ୍ଷା ଏବଂ ସହଯୋଗ ଉପରେ ଇଏଏସ୍‌ ସମ୍ମିଳନୀ:ବାଣିଜ୍ୟ ପାଇଁ ସାମୁଦ୍ରିକ ପଥ ଅପରିହାର୍ଯ୍ୟ

ଭୁବନେଶ୍ୱର, ୮ା୬(ବ୍ୟୁରୋ)- ବାଣିଜ୍ୟ ନିମନ୍ତେ ସାମୁଦ୍ରିକ ପଥ ଅପରିହାର୍ଯ୍ୟ। ସାମୁଦ୍ରିକ ପଥଗୁଡିକର ସୁରକ୍ଷା ସୁନିଶ୍ଚିତ ନ ହେଲେ ବାଣିଜ୍ୟ କରିବା କଷ୍ଟକର। ଏହାର ସୁରକ୍ଷା ପାଇଁ ସମସ୍ତ ଦେଶ ଏକାଠି ହେବା ଆବଶ୍ୟକ। ବାଣିଜ୍ୟ କରିବାକୁ ହେଲେ ସମୁଦ୍ରକୁ ଜଳଦସ୍ୟୁ ଏବଂ ବିଭିନ୍ନ ପ୍ରକାର ବିପଦରୁ ସୁରକ୍ଷିତ ରଖିବାକୁ ପଡିବ।

ଜନଜାତିଙ୍କ ଦକ୍ଷତା ବୃଦ୍ଧି ଉପରେ ରାଜ୍ୟପାଳଙ୍କ ଗୁରୁତ୍ୱ

ଜନଜାତିଙ୍କ ଦକ୍ଷତା ବୃଦ୍ଧି ଉପରେ ରାଜ୍ୟପାଳଙ୍କ ଗୁରୁତ୍ୱ

ଭୁବନେଶ୍ୱର, ୮।୬(ବ୍ୟୁରୋ)- ନାବାର୍ଡ ପକ୍ଷରୁ ଦ୍ୱିତୀୟ ନାବାର୍ଡ ଆମ୍ବ ଉତ୍ସବ ଏହାର କାର୍ଯ୍ୟାଳୟ ପରିସରରେ ଶୁକ୍ରବାର ଉଦ୍‌ଘାଟିତ ହୋଇଯାଇଛି। ନାବାର୍ଡର ଓ୍ବାଡି ଉନ୍ନୟନ କାର୍ଯ୍ୟକ୍ରମ ଜରିଆରେ ଜନଜାତି କୃଷକମାନେ ତାଙ୍କ ଦ୍ୱାରା ଉତ୍ପାଦିତ ବିଭିନ୍ନ କିସମର ଆମ୍ବକୁ ଉତ୍ସବରେ ପ୍ରଦର୍ଶନ କରିଛନ୍ତି।

ବିଡିଏ ଅଫିସ ଘେରିଲେ ୮୦୦ ବ୍ୟବସାୟୀ

ବିଡିଏ ଅଫିସ ଘେରିଲେ ୮୦୦ ବ୍ୟବସାୟୀ

ଭୁବନେଶ୍ୱର, ୮ା୬(ବ୍ୟୁରୋ)- ଇନ୍ଦ୍ରଧନୁ ମାର୍କେଟରୁ କ୍ଷୁଦ୍ର ବ୍ୟବସାୟୀଙ୍କ ଦୋକାନଗୁଡିକୁ ଉଚ୍ଛେଦ କରିବା ପାଇଁ ବିଏମ୍‌ସି ଏବଂ ବିଡିଏ ଯୋଜନା କରିଛି। ଏହାକୁ ବିରୋଧ କରି ମାର୍କେଟର କ୍ଷୁଦ୍ର ବ୍ୟବସାୟୀ ସଂଘ ଶୁକ୍ରବାର ବିଡିଏ ଅଫିସ୍‌ ଘେରାଉ କରି ବିକ୍ଷୋଭ ପ୍ରଦର୍ଶନ କରିଛନ୍ତି।

ଭୂତଳ ରାସ୍ତା ପରିଦର୍ଶନ କଲେ କେନ୍ଦ୍ରମନ୍ତ୍ରୀ

ଭୂତଳ ରାସ୍ତା ପରିଦର୍ଶନ କଲେ କେନ୍ଦ୍ରମନ୍ତ୍ରୀ

ଭୁବନେଶ୍ୱର, ୮ା୬(ବ୍ୟୁରୋ)- ବାଣୀବିହାର ନିକଟରୁ ଭିଏସ୍‌ଏସ୍‌ ନଗରକୁ ସଂଯୋଗ କରୁଥିବା ଭୂତଳ ରାସ୍ତା ନିର୍ମାଣ କାର୍ଯ୍ୟ ସରୁନାହିଁ। ୨୦୧୪ରୁ କାମ ଆରମ୍ଭ ହେଲାଣି। ଦୀର୍ଘ ୪ବର୍ଷ ବିତିଯାଇଥିଲେ ହେଁ ତାହା ସମ୍ପୂର୍ଣ୍ଣ ହୋଇପାରୁ ନାହିଁ।

ଆଜି ଯୁକ୍ତ୨ କଳା, ବାଣିଜ୍ୟ ପରୀକ୍ଷା ଫଳ

ଭୁବନେଶ୍ୱର, ୮ା୬(ବ୍ୟୁରୋ)- ଉଚ୍ଚ ମାଧ୍ୟମିକ ଶିକ୍ଷା ପରିଷଦ(ସିଏଚ୍‌ଏସ୍‌ଇ) ଦ୍ୱାରା ପରିଚାଳିତ ଯୁକ୍ତ୨ କଳା, ବାଣିଜ୍ୟ ଓ ଧନ୍ଦାମୂଳକ ଶିକ୍ଷା ପରୀକ୍ଷାଫଳ ଶନିବାର ପାଇବ। ପୂର୍ବାହ୍ନ ସାଢେ ୧୦ଟାରେ ସିଏଚ୍‌ଏସ୍‌ଇ କାର୍ଯ୍ୟାଳୟରେ ପରୀକ୍ଷାଫଳ ପୁସ୍ତିକାକୁ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରିନାରାୟଣ ପାତ୍ର ଏବଂ ବିଭାଗୀୟ ସଚିବ ପ୍ରଦୀପ୍ତ ମହାପାତ୍ର ଉନ୍ମୋଚନ କରିବେ।

ଦ୍ୱିତୀୟ ନାବାର୍ଡ ଆମ୍ବ ମହୋତ୍ସବ ଉଦ୍‌ଘାଟିତ

ଦ୍ୱିତୀୟ ନାବାର୍ଡ ଆମ୍ବ ମହୋତ୍ସବ ଉଦ୍‌ଘାଟିତ

ଭୁବନେଶ୍ୱର, ୮।୬(ବ୍ୟୁରୋ): ନାବାର୍ଡ ପକ୍ଷରୁ ଦ୍ୱିତୀୟ ନାବାର୍ଡ଼ ଆମ୍ବ ମହୋତ୍ସବ ଶୁକ୍ରବାର ଅନୁଷ୍ଠିତ ହୋଇଯାଇଛି। ଏଥିରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ମୁଖ୍ୟ ଅତିଥିଭାବେ ଯୋଗଦେଇ ଜନଜାତିର ଲୋକମାନଙ୍କୁ ମୁଖ୍ୟସ୍ରୋତକୁ ଆଣିବା ଲାଗି ନାବାର୍ଡର ଯୋଗଦାନକୁ ଭୂୟସୀ ପ୍ରଶଂସା କରିଛନ୍ତି।

ଗ୍ରାଚୁଇଟି, ଛୁଟି ଦରମା ଦାବିରେ ଅନଶନ

ଗ୍ରାଚୁଇଟି, ଛୁଟି ଦରମା ଦାବିରେ ଅନଶନ

ଭୁବନେଶ୍ୱର, ୮।୬(ବ୍ୟୁରୋ): ୨୨ ବର୍ଷର ଗ୍ରାଚୁଇଟି ଓ ୧୮୯ ଦିନର ଛୁଟି ଦରମା ଦାବିରେ ଭୁବନେଶ୍ୱର ଇଡ୍‌କଲ ଅଫିସ ଆଗରେ ଆମରଣ ଅନଶନରେ ବସିଥିବା ଇଫକଲ କର୍ମଚାରୀଙ୍କ ଧାରଣା ଶୁକ୍ରବାର ତୃତୀୟ ଦିନରେ ପହଞ୍ଚିଛି।

ଅଜଣା ଗାଡି ଧକ୍କାରେ ହରିଣ ମୃତ

ଅଜଣା ଗାଡି ଧକ୍କାରେ ହରିଣ ମୃତ

ଗୋପ, ୮।୬(ଡି.ଏନ୍‌.ଏ.): ପୁରୀ-କୋଣାର୍କ ରାସ୍ତା ଗରୁଡେଶ୍ୱର ମନ୍ଦିର ନିକଟରେ ଶୁକ୍ରବାର ଏକ ଅଜଣା ଗାଡ଼ି ୨ଟି ହରିଣକୁ ଧକ୍କା ଦେଇଥିଲା। ଏଥିରେ ଗୋଟିଏ ହରିଣର ମୃତ୍ୟୁ ଘଟିଥିବା ବେଳେ ଅନ୍ୟଟି ଆହତ ହୋଇଛି।

ରତ୍ନଭଣ୍ଡାର ଚାବି ହଜିବା ଘଟଣା: ରାଜ୍ୟବ୍ୟାପୀ ଆନ୍ଦୋଳନ କରିବ ଭାଜପା

ରତ୍ନଭଣ୍ଡାର ଚାବି ହଜିବା ଘଟଣା: ରାଜ୍ୟବ୍ୟାପୀ ଆନ୍ଦୋଳନ କରିବ ଭାଜପା

ପୁରୀ ଅଫିସ,୮ା୬: ଶ୍ରୀମନ୍ଦିର ରତ୍ନଭଣ୍ଡାର ଚାବି ହଜିବା ଘଟଣାକୁ ଗୁରୁତର ଭାବେ ନେଇଛି ଭାରତୀୟ ଜନତା ପାର୍ଟି। ଏହି ଘଟଣାକୁ ନେଇ ରାଜ୍ୟବ୍ୟାପୀ ଆନ୍ଦୋଳନ କରାଯିବ ବୋଲି ଶୁକ୍ରବାର ଭାଜପା ପକ୍ଷରୁ ପୁରୀ କ୍ଲବଠାରେ ଆୟୋଜିତ ଏକ ଖବରଦାତା ସମ୍ମିଳନୀରେ ଏହା ଘୋଷଣା କରାଯାଇଛି।

ରତ୍ନଭଣ୍ଡାର ଚାବି ପ୍ରସଙ୍ଗ: ଥାନାରେ ଏତଲା ଦେଲେ ସେବକ

ରତ୍ନଭଣ୍ଡାର ଚାବି ପ୍ରସଙ୍ଗ: ଥାନାରେ ଏତଲା ଦେଲେ ସେବକ

ପୁରୀ ଅଫିସ,୮ା୬: ଶ୍ରୀମନ୍ଦିର ରତ୍ନଭଣ୍ଡାର (ଭିତର) ଚାବିକୁ ନେଇ ସ୍ଥିତି ଅଧିକ ଜଟିଳ ହେବାରେ ଲାଗିଛି। ରତ୍ନଭଣ୍ଡାର ଚାବି ହଜିବାକୁ ସହଜରେ ଗ୍ରହଣ କରିପାରୁ ନାହାନ୍ତି ଭକ୍ତ ଏବଂ ସେବାୟତ । ଏଭଳି ଦାୟିତ୍ୱହୀନତା ବିରୋଧରେ ଦିନକୁ ଦିନ ପ୍ରତିବାଦର ସ୍ବର ଲମ୍ବୁଛି ।

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ଚଳିତ ସପ୍ତାହରେ ୧୦୦ କୋଟିର ୩୯୭୨ ପ୍ରକଳ୍ପକୁ ମଞ୍ଜୁରୀ

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ଚଳିତ ସପ୍ତାହରେ ୧୦୦ କୋଟିର ୩୯୭୨ ପ୍ରକଳ୍ପକୁ ମଞ୍ଜୁରୀ

ଭୁବନେଶ୍ୱର,୮।୬(ବ୍ୟୁରୋ): ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ୨୮୮ ପ୍ରକଳ୍ପ ପାଇଁ ୭.୪୦ କୋଟି ଟଙ୍କା ମଞ୍ଜୁରୀ କରିଛନ୍ତି। ଏହି ପ୍ରକଳ୍ପଗୁଡିକ ମଧ୍ୟରେ କଳାହାଣ୍ଡି ଜିଲାର କଲମପୁର ବ୍ଲକ, ମାଲଗାନଗିରିର ଖଇରପୁଟ, ଭଦ୍ରକର ତିହିଡ଼ି, ଯାଜପୁରର ବିଞ୍ଝାରପୁର ଓ କଟକର ମାହାଙ୍ଗା ବ୍ଲକ ରହିଛି।

ଭାଜପାର ନାରୀ ସୁରକ୍ଷା ଯାତ୍ରା ଉଦ୍‌ଯାପିତ

ଭାଜପାର ନାରୀ ସୁରକ୍ଷା ଯାତ୍ରା ଉଦ୍‌ଯାପିତ

ପୁରୀ ଅଫିସ, ୮।୬: ରାଜ୍ୟରେ ମହିଳା ଅସୁରକ୍ଷିତ ଓ ଅବହେଳିତ। ନାରୀଙ୍କ ଉପରେ ନିର୍ଯାତନା ବଢୁଛି। ମହିଳାଙ୍କୁ ସୁରକ୍ଷା ଦେବାରେ ରାଜ୍ୟ ସରକାର ବିଫଳ ହୋଇଛନ୍ତି ବୋଲି ଭାଜପା ମହିଳା ମୋର୍ଚ୍ଚା ଅଭିଯୋଗ କରି ରାଜ୍ୟ ସରକାରଙ୍କ ଉପରେ ବର୍ଷିଛି।ଭାଜପା ରାଜ୍ୟ ମହିଳା ମୋର୍ଚ୍ଚା ପକ୍ଷରୁ ଗତ ୧୭ତାରିଖରୁ ଆରମ୍ଭ ହୋଇଥିଲା ନାରୀ ସୁରକ୍ଷା ଯାତ୍ରା। ଏହି ଯାତ୍ରାର ଦୁଇଦିନ ପୂର୍ବରୁ ଅର୍ଥାତ ସାବିତ୍ରୀ ଅମାବାସ୍ୟା ଦିନ ଭାଜପା ରାଜ୍ୟ ମହିଳା ମୋର୍ଚ୍ଚାର ଏକ ପ୍ରତିନିଧି ଦଳ ଶ୍ରୀମନ୍ଦିରକୁ ଯାଇ ମହିଳା ସୁରକ୍ଷା ଅଭିଯାନର ସଫଳତା କାମନା କରି ମହାପ୍ରଭୁଙ୍କ ଆଶୀର୍ବାଦ ଭିକ୍ଷା କରିଥିଲେ।

ବାଲୁକା କଳା ଦେଖିଲେ ରାଜ୍ୟପାଳ

ବାଲୁକା କଳା ଦେଖିଲେ ରାଜ୍ୟପାଳ

ପୁରୀ ଅଫିସ,୮।୬: ଜୁଲାଇ ୮ ବିଶ୍ୱ ମହାସାଗର ଦିବସ। ଏହି ଦିବସ ପାଳନର ଅବ୍ୟବହିତ ପୂର୍ବରୁ ଗୁରୁବାର ଅପରାହ୍ନରେ ପୁରୀ ବେଳାଭୂମିରେ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପ୍ରସ୍ତୁତ କରିଥିଲେ ବାଲୁକା କଳା। ସମୁଦ୍ର ଓ ମହାସାଗରକୁ ପ୍ଲାଷ୍ଟିକ ଜନିତ ପ୍ରଦୂଷଣରୁ ରୋକିବା ଲାଗି ବାଲୁକା କଳା ମାଧ୍ୟମରେ ସଚେତନତାର ବାର୍ତ୍ତା ଦେଇଥିଲେ। ପ୍ରଦୂଷଣ ଯୋଗୁ ଜଳ, ସାମୁଦ୍ରିକ ଜଳଜୀବ କିଭଳି ପ୍ରଭାବିତ ହେଉଛନ୍ତି ତାହାର ନିଚ୍ଛକ ଚିତ୍ର ଉକ୍ତ ବାଲୁକା କଳାରେ ଦେଖିବାକୁ ମିଳିଥିଲା। ଏହି ବାଲୁକା କଳା ଦେଖିବାକୁ ଆସିଥିଲେ ଓଡ଼ିଶା ରାଜ୍ୟପାଳ ପ୍ରଫେସର ଗଣେଶି ଲାଲ୍‌। ଅପରାହ୍ନ ୫ଟା ୪୫ରେ ସେ ପୁରୀ ବେଳାଭୂମିରେ ପହଞ୍ଚତ୍ ବାଲୁକା କଳାକୁ ଦେଖିବା ସହ ବାଲୁକା ଶିଳ୍ପୀ ସୁଦର୍ଶନଙ୍କ ପ୍ରଶଂସା କରିଥିଲେ। ବେଳାଭୂମିରେ ୧୦ମିନିଟ ବିତାଇବା ପରେ ସେ ଭୁବନେଶ୍ୱର ରାଜଭବନ ଅଭିମୁଖେ ଫେରିଥିଲେ। ରାଜ୍ୟପାଳଙ୍କ ଏହି ଗସ୍ତ ବେଳେ ଜିଲାପାଳ ଅରବିନ୍ଦ ଅଗ୍ରୱାଲ, ଏସ୍‌ପି ସାର୍ଥକ ଷଡ଼ଙ୍ଗୀ ପ୍ରମୁଖ ଉପସ୍ଥିତ ଥିଲେ।

ରଥଖଳାରୁ...ଅଖରେ ଲାଗିଲା ମେଣ୍ଢି

ରଥଖଳାରୁ...ଅଖରେ ଲାଗିଲା ମେଣ୍ଢି

ପୁରୀ ଅଫିସ, ୮।୬: ଆସୁଛି ମହାପ୍ରଭୁଙ୍କ ବିଶ୍ୱପ୍ରସିଦ୍ଧ ରଥଯାତ୍ରା। ଏଥିପାଇଁ ବେଶ୍‌ ଚଳଚଞ୍ଚଳ ଏବେ ରଥଖଳା। ତିନିରଥର ମୁଖ୍ୟ ବିଶ୍ୱକର୍ମାଙ୍କ ତତ୍ତ୍ବାବଧାନରେ ଆଗେଇ ଚାଲିଛି ରଥ ନିର୍ମାଣ। ନନ୍ଦିଘୋଷ ରଥର ମୁଖ୍ୟ ବିଶ୍ୱକର୍ମା ବିଜୟ ମହାପାତ୍ରଙ୍କ ସୂଚନା ମୁତାବକ, ତଳେ ଯେଉଁ ଦଣ୍ଡା ସେଟ୍‌ କରାଯାଉଥିଲା ସେହି କାମ ଶେଷ ହୋଇଛି। ଏହି ଦଣ୍ଡା ଚତୁଃପାର୍ଶ୍ୱରୁ ମୁହଁାଟ, ପାର୍ଶ୍ୱ ମୁହଁାଟ, ଗୁଜ, ଜଳଯନ୍ତ୍ର, ନିରାଡ଼ି ଅସୁୟାରୀ ଖୋଲି ଦିଆଯାଇଛି। ଦଣ୍ଡାଗୁଡ଼ିକ ମଧ୍ୟ ନମ୍ବର ହୋଇଛି। ଶୁକ୍ରବାର ଦଣ୍ଡା ଅନୁକୂଳ ହୋଇ ଅଖ ଉପରକୁ ଉଠିବ। ନମ୍ବର ଅନୁସାରେ ଅଖ ଉପରେ ଦଣ୍ଡା ସେଟ୍‌ କରାଯିବ। ସେହିପରି ଅନ୍ୟାନ୍ୟ କାମ ମଧ୍ୟରେ ଗୁରୁବାର ଅଖ ମଝିରେ ମେଣ୍ଢି (ଅଖକୁ ଟେକି ଧରିବା ପାଇଁ) କାଠ ଲାଗିଛି। ଏହା ଦ୍ୱାରା ଦଣ୍ଡା ଖଞ୍ଜା କାମରେ କୌଣସି ସମସ୍ୟା ହେବନାହିଁ। ରଥଖଳାରେ ମହାରଣା ସେବକମାନେ ଗୟଳ କାଠ ଚଉପଟ କରୁଛନ୍ତି। ସେହିପରି ଦୋଳବେଦି କୋଣ ପରିସରରେ କରତି ସେବକ ମଧ୍ୟ ଗୟଳ ଚିରଟ କାମ ଜାରି ରଖିଛନ୍ତି। କମାର ସେବକମାନେ ଯୋଖା କଣ୍ଟା ତିଆରି କରୁଥିବା ବେଳେ ରୂପକାର ସେବକମାନେ ନାଟଗୋଡ଼ କାମ ଆରମ୍ଭ କରିଛନ୍ତି।

ଲୋକମେଳା ଓ କୃଷିମେଳା ଉଦ୍‌ଯାପିତ:ଚାକିରି ପଛରେ ନ ଦୌଡ଼ି ସ୍ବାବଲମ୍ବୀ ହୁଅ,ବିବିଧତା ହେଉଛି ଦେଶର ଆତ୍ମା,କୃଷକ ଦେଶର ଅନ୍ନଦାତା, କୃଷିକୁ ପ୍ରୋତ୍ସାହିତ କର

ଲୋକମେଳା ଓ କୃଷିମେଳା ଉଦ୍‌ଯାପିତ:ଚାକିରି ପଛରେ ନ ଦୌଡ଼ି ସ୍ବାବଲମ୍ବୀ ହୁଅ,ବିବିଧତା ହେଉଛି ଦେଶର ଆତ୍ମା,କୃଷକ ଦେଶର ଅନ୍ନଦାତା, କୃଷିକୁ ପ୍ରୋତ୍ସାହିତ କର

ପୁରୀ ଅଫିସ, ୮।୬: ଭାରତ ହେଉଛି ଏକ କୃଷିପ୍ରଧାନ ଦେଶ। କୃଷି ଓ କୃଷକ ହେଉଛନ୍ତି ଦେଶର ଆର୍ଥତ୍କ ମେରୁଦଣ୍ଡ। କୃଷକ ଦେଶର ଅନ୍ନଦାତା। କୃଷିର ବିକାଶ ଲାଗି କେନ୍ଦ୍ର ସରକାର ବିଭିନ୍ନ ଯୋଜନା କରୁଛନ୍ତି। କୃଷି ଓ କୃଷକଙ୍କ ପ୍ରଗତି ଲାଗି ରାଜ୍ୟ ସରକାରଙ୍କ ଉତ୍ତରଦାୟିତ୍ୱ ରହିଛି। ଦେଶର ସତୁରି ପ୍ରତିଶତ ଜନତା କୃଷି ଉପରେ ନିର୍ଭରଶୀଳ। ଅନାବୃଷ୍ଟି, ପ୍ରାକୃତିକ ବିପର୍ଯ୍ୟୟ କାରଣରୁ ଫସଲ ନଷ୍ଟ ହେଉଛି। ଚାଷୀଙ୍କ ଦ୍ୱାରା ଉତ୍ପାଦିତ ଫସଲର ସଂରକ୍ଷଣ ଲାଗି ପର୍ଯ୍ୟାପ୍ତ ଶୀତଳଭଣ୍ଡାର ଏବଂ ବିକ୍ରି ଲାଗି ବଜାର ବ୍ୟବସ୍ଥା କରିବା ଆବଶ୍ୟକ। ଏଣୁ କୃଷିକୁ ପ୍ରୋତ୍ସାହିତ କରିବା ହେଉଛି ରାଜ୍ୟ ସରକାରଙ୍କ ଦାୟିତ୍ୱ।

ରତ୍ନଭଣ୍ଡାର ଚାବି ପ୍ରସଙ୍ଗରେ ମୁହଁ ଖୋଲିଲେ ଗଜପତି:ଭିତର ଭଣ୍ଡାର ଚାବି ଗଜପତିଙ୍କ ପାଖରେ ରୁହେ ନାହିଁ,୧୯୬୦ରୁ ଶ୍ରୀମନ୍ଦିର କଥା ରାଜ୍ୟ ସରକାର ବୁଝୁଛନ୍ତି

ରତ୍ନଭଣ୍ଡାର ଚାବି ପ୍ରସଙ୍ଗରେ ମୁହଁ ଖୋଲିଲେ ଗଜପତି:ଭିତର ଭଣ୍ଡାର ଚାବି ଗଜପତିଙ୍କ ପାଖରେ ରୁହେ ନାହିଁ,୧୯୬୦ରୁ ଶ୍ରୀମନ୍ଦିର କଥା ରାଜ୍ୟ ସରକାର ବୁଝୁଛନ୍ତି

ପୁରୀ ଅଫିସ, ୮।୬: ଶ୍ରୀମନ୍ଦିର ରତ୍ନଭଣ୍ଡାର (ଭିତର) ଚାବି ହଜିବା ଘଟଣା ଏବେ ବିବାଦୀୟ ହେବାରେ ଲାଗିଛି। ଏହାକୁ ସହଜରେ ଗ୍ରହଣ କରିପାରୁ ନାହାନ୍ତି ଭକ୍ତ। ଏଭଳି ଦାୟିତ୍ୱହୀନତା ବିରୋଧରେ ପ୍ରତିବାଦର ସ୍ବର ଶାଣିତ ହେବାରେ ଲାଗିଛି। ବିଭିନ୍ନ ସଙ୍ଗଠନ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। ଏହି ପ୍ରସଙ୍ଗରେ ଗଜପତି ମହାରାଜାଙ୍କ ଭୂମିକାକୁ ନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ଗୁରୁବାର ମୁହଁ ଖୋଲିଛନ୍ତି ଗଜପତି ମହାରାଜା ଦିବ୍ୟସିଂହ ଦେବ।ଶ୍ରୀଜଗନ୍ନାଥ ସଂସ୍କୃତିର ପ୍ରଚାର ପ୍ରସାର କାର୍ଯ୍ୟରେ ଆମେରିକାରେ ଥିବା ଗଜପତି ମହାରାଜା ତାଙ୍କ ବ୍ୟକ୍ତିଗତ ସଚିବଙ୍କ ମାଧ୍ୟମରେ ଗଣମାଧ୍ୟମକୁ ପ୍ରେସ୍‌ ବିଜ୍ଞପ୍ତି ପଠାଇଛନ୍ତି। ଏଥିରେ ଉଲ୍ଲେଖ କରିଛନ୍ତି ଯେ, ଏପ୍ରିଲ ୪ରେ ଭୁବନେଶ୍ୱରଠାରେ ଶ୍ରୀମନ୍ଦିର ପରିଚାଳନା କମିଟି ବୈଠକ ବସିଥିଲା।

ଅଟୋ ଓ ଟ୍ୟାକ୍ସି ଚାଳକ ସଂଘର ଧର୍ମଘଟ:ଜିଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ,ଯାତ୍ରୀ ହଟହଟା, ଷ୍ଟେଶନରୁ ଓହ୍ଲାଇ ଚାଲିଲେ

ଅଟୋ ଓ ଟ୍ୟାକ୍ସି ଚାଳକ ସଂଘର ଧର୍ମଘଟ:ଜିଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ,ଯାତ୍ରୀ ହଟହଟା, ଷ୍ଟେଶନରୁ ଓହ୍ଲାଇ ଚାଲିଲେ

ପୁରୀ ଅଫିସ, ୮।୬: ନିଖିଳ ଓଡ଼ିଶା ଅଟୋ ଓ ଟ୍ୟାକ୍ସିଚାଳକ ମହାସଂଘର ଡାକରା କ୍ରମେ ପୁରୀରେ ଜିଲା ଶାଖା ପକ୍ଷରୁ ୧୨ଘଣ୍ଟିଆ ଧର୍ମଘଟ କରାଯାଇଥିଲା। ଗୁରୁବାର ସକାଳ ୬ଟାରୁ ସନ୍ଧ୍ୟା ପର୍ଯ୍ୟନ୍ତ ଅଟୋ ଓ ଟ୍ୟାକ୍ସି ଚଳାଚଳ ବନ୍ଦ ରହିଥିଲା। ତୈଳଦର କମାଇବା ଏବଂ ଅଟୋ ଓ ଟ୍ୟାକ୍ସି ଭଡା ବୃଦ୍ଧି ଦାବି ନେଇ ଏହି ଧର୍ମଘଟ ଡାକରା ଦିଆଯାଇଥିଲା। ଫଳରେ ପର୍ଯ୍ୟଟନର ସହର ପୁରୀରେ ପର୍ଯ୍ୟଟକ ଏବଂ ଯାତ୍ରୀମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଥିଲେ। ମାଳତୀପାଟପୁର ବସଷ୍ଟାଣ୍ଡ, ଅସ୍ଥାୟୀ ବସଷ୍ଟାଣ୍ଡ ଏବଂ ରେଲେୱ ଷ୍ଟେଶନରେ ଶହ ଶହ ଯାତ୍ରୀ ଅଟକି ରହିଥିଲେ। ବହୁ ଯାତ୍ରୀ ଷ୍ଟେଶନରୁ ଓହ୍ଲାଇ ଚାଲି ଚାଲି ଯାଇଥିଲେ।

ପରୀ ପାଇଁ କଥାଟିଏ ଏକ୍ସପ୍ରେସ:ଜନ ସଚେତନତା ନେଇ ପୁରୀ ପୋଲିସର ମାରାଥନ

ପରୀ ପାଇଁ କଥାଟିଏ ଏକ୍ସପ୍ରେସ:ଜନ ସଚେତନତା ନେଇ ପୁରୀ ପୋଲିସର ମାରାଥନ

ପୁରୀ ଅଫିସ, ୭ା୬: ଶିଶୁ ଶୋଷଣ ଓ ଶିଶୁ ନିର୍ଯାତନା ସଂକ୍ରାନ୍ତରେ ସଚେତନତା ଉଦ୍ଦେଶ୍ୟରେ ଓଡ଼ିଶା ପୋଲିସ ପକ୍ଷରୁ ଆରମ୍ଭ ହୋଇଛି ପରୀ ପାଇଁ କଥାଟିଏ ଏକ୍ସପ୍ରେସ। ଏହି ଅବସରରେ ପୁରୀ ପୋଲିସ ପକ୍ଷରୁ ଜନ ସଚେତନତା ନେଇ ଗୁରୁବାର ଏକ ମିନି ମାରାଥନ ଅନୁଷ୍ଠିତ ହୋଇଯାଇଛି। ଏଥିରେ ପୁରୀ ପୋଲିସ, ସ୍ବେଚ୍ଛାସେବୀ, ସାମାଜିକ କର୍ମୀ ପ୍ରମୁଖ ସାମିଲ ହୋଇଥିଲେ। ଟାଉନ ଥାନାଠାରୁ ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ଦୁଇ କିମି ବ୍ୟାପୀ ଏହି ମାରାଥନକୁ ଏସ୍‌ପି ଡା. ସାର୍ଥକ ଷଡ଼ଙ୍ଗୀ ଉଦ୍‌ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଅତିରିକ୍ତ ଏସ୍‌ପି ଧୀରେନ୍ଦ୍ର ନନ୍ଦ, ଗାଗାରିନ ମହାନ୍ତି, ଡିଆଇବି ଡିଏସପି ଉମାଚରଣ ମଲିକ, ପୁରୀ ସହର ଡିଏସପି ପ୍ରଶାନ୍ତ କୁମାର ପଟ୍ଟନାୟକ, ଡେପୁଟି କମାଣ୍ଡାଣ୍ଟ ଲିଙ୍ଗରାଜ ମିଶ୍ର, ଚାଇଲ୍ଡ ଲାଇନ ନିର୍ଦ୍ଦେଶକ ଦେବାଶିଷ ରଥ ପ୍ରମୁଖ ଉପସ୍ଥିତ ଥିଲେ।