ମେଟ୍ରୋ

ରେଲ୍‌ଓ୍ବେ ପକ୍ଷରୁ ସଚେତନତା କାର୍ଯ୍ୟକ୍ରମ

ରେଲ୍‌ଓ୍ବେ ପକ୍ଷରୁ ସଚେତନତା କାର୍ଯ୍ୟକ୍ରମ

ବାରଙ୍ଗ, ୮।୬(ଡି.ଏନ.ଏ.) - ଗୁରୁବାର ଅପରାହ୍ନରେ ବାରଙ୍ଗ ଦାଢାପାଟଣା ରେଳ ଫାଟକରେ ଇଷ୍ଟ୍‌କୋଷ୍ଟ ରେଲ୍‌ଓ୍ବେ ଖୋର୍ଦ୍ଧା ପକ୍ଷରୁ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ରେଳ ଫାଟକ ପାର ହେବା ସମୟରେ କ’ଣ ସର୍ତକତା ଅବଲମ୍ବନ କରାଯିବା ଦରକାର ଓ ଅଘଟଣ ସମୟରେ କ’ଣ ପ୍ରାଥମିକ ପଦକ୍ଷେପ ନିଆଯାଇ ପାରିବ ତାହା ଉପରେ ରେଳ କର୍ମଚାରୀମାନେ ଲୋକଙ୍କୁ ସଚେତନ କରାଯାଇଥିଲା। ଏହି ଅବସରରେ ‘ଆମ ସୁରକ୍ଷା ଆମ ହାତରେ’ ଶୀର୍ଷକ ପଥପ୍ରାନ୍ତ ନାଟକ ମଧ୍ୟରେ ସଚେତନତା ବାର୍ତ୍ତା ଦିଆଯାଇଥିଲା। ରେଲ୍‌ଓ୍ବେର ମୁଖ୍ୟ ସୁରକ୍ଷା ପ୍ରବନ୍ଧକ ଶୁଭ୍ରାଂଶୁ ଶେଖର ମିଶ୍ର, ଉପ-ମୁଖ୍ୟ ସୁରକ୍ଷା ପ୍ରବନ୍ଧକ ମଦନମୋହନ ପଟ୍ଟନାୟକ, ସୁବାସଚନ୍ଦ୍ର ନାୟକ ପ୍ରମୁଖଙ୍କ ସମେତ ରେଲ୍‌ଓ୍ବେର ପଦାଧିକାରୀମାନେ ଉପସ୍ଥିତ ଥିଲେ।

ଦୁର୍ଘଟଣାରେ ଯୁବ ନେତାଙ୍କ ମୃତ୍ୟୁକୁ ନେଇ ଉତ୍ତେଜନା:ହାଇଓ୍ବା ଭଙ୍ଗାରୁଜା କଲେ ଉତ୍ତ୍ୟକ୍ତ ଲୋକେ

ଦୁର୍ଘଟଣାରେ ଯୁବ ନେତାଙ୍କ ମୃତ୍ୟୁକୁ ନେଇ ଉତ୍ତେଜନା:ହାଇଓ୍ବା ଭଙ୍ଗାରୁଜା କଲେ ଉତ୍ତ୍ୟକ୍ତ ଲୋକେ

ପୁରୁଣା ଭୁବନେଶ୍ୱର, (ଡି.ଏନ୍‌.ଏ.)/ ଭୁବନେଶ୍ୱର,୮।୬(ବ୍ୟୁରୋ) - ଭାରିଯାନ ନେଉଛି ଜୀବନ। ସାମନ୍ତରାପୁରରୁ ସୁନ୍ଦରପଦା ଯାଇଥିବା ରାସ୍ତାର ଲିଙ୍ଗରାଜ ଥାନା ଅନ୍ତର୍ଗତ କପିଳେଶ୍ୱର କେନାଲ ବନ୍ଧରେ ଗୁରୁବାର ରାତିରେ ଟ୍ରକ୍‌ ଧକ୍କାରେ ଜଣେ ଯୁବ ନେତାଙ୍କ ମୃତ୍ୟୁ ଘଟିଛି। ସେ ହେଲେ ସ୍ଥାନୀୟ ଅଞ୍ଚଳର ଯୁବନେତା ଭବାନୀ ଶଙ୍କର ମୁଦୁଲି (୨୮)। ଏଥିରେ ତାଙ୍କ ମା’ ଆହତ ହୋହଇଛନ୍ତି। ଏହି ଘଟଣା ପ୍ରଚାରିତ ହେବାପରେ ସ୍ଥାନୀୟ ଲୋକେ ରାସ୍ତାକୁ ଚାଲିଆସିବାରୁ ଉତ୍ତେଜନା ପ୍ରକାଶ ପାଇଥିଲା। ଉତ୍ତ୍ୟକ୍ତ ଲୋକେ ଟ୍ରକ୍‌ ଭଙ୍ଗାରୁଜା କରିଥିଲେ। ଖବର ପାଇ ଡିସିପି ଓ ବରିଷ୍ଠ ପୋଲିସ ଅଧିକାରୀ ଘଟଣାସ୍ଥଳରେ ପହଞ୍ଚତ୍ ବୁଝାଶୁଝା କରି ପ୍ରତିଶ୍ରୁତି ଦେବା ପରେ ପରିସ୍ଥିତି ଶାନ୍ତ ପଡ଼ିଥିଲା।

ରାଜଧାନୀରେ ପ୍ରଥମ ଡେଙ୍ଗୁ ମୃତ୍ୟୁ

ରାଜଧାନୀରେ ପ୍ରଥମ ଡେଙ୍ଗୁ ମୃତ୍ୟୁ

ଚନ୍ଦ୍ରଶେଖରପୁର,(ଡି.ଏନ୍‌.ଏ.)- ବର୍ଷା ଆରମ୍ଭରୁ ରାଜଧାନୀ ଭୁବନେଶ୍ୱରରେ ରେ ବ୍ୟାପିଲାଣି ଡେଙ୍ଗୁ। କ୍ରମଶଃ ଅଞ୍ଚଳକୁ ଅଞ୍ଚଳ ଡେଇଁବାରେ ଲାଗିଛି। ଇତିମଧ୍ୟରେ ବହୁ ଆକ୍ରାନ୍ତ ହୋଇଥିବାବେଳେ ଗୁରୁବାର ଚିକିତ୍ସାଧୀନ ଅବସ୍ଥାରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ପରିବାର ପକ୍ଷରୁ ଅଭିଯୋଗ କରାଯାଇଛି। ମୃତ ମହିଳା ଜଣକ ହେଲେ ଚନ୍ଦ୍ରଶେଖରପୁର ଥାନା ବିଡିଏ କଲୋନୀର ବିଜୟ କୁମାର ଦାସଙ୍କ ସ୍ତ୍ରୀ ପ୍ରତିମା। ତାଙ୍କୁ ଜ୍ୱର ହେବାରୁ ଗତ ୪ଦିନ ତଳେ ଇନ୍‌ଫୋସିଟି ଥାନା ଅନ୍ତର୍ଗତ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସା ସତ୍ତ୍ୱେ ତାଙ୍କ ସ୍ବାସ୍ଥ୍ୟାବସ୍ଥାରେ କୌଣସି ପରିବର୍ତ୍ତନ ଆସି ନ ଥିଲା।

ଓଲିଉଡ୍‌ର ରଜ ସଜବାଜ : ବାବୁସାନ୍‌-ସବ୍ୟସାଚୀଙ୍କ ମଧ୍ୟରେ ଏଥର ରଜ ଲଢ଼େଇ

ଓଲିଉଡ୍‌ର ରଜ ସଜବାଜ : ବାବୁସାନ୍‌-ସବ୍ୟସାଚୀଙ୍କ ମଧ୍ୟରେ ଏଥର ରଜ ଲଢ଼େଇ

ଭୁବନେଶ୍ୱର,୮।୬(ବ୍ୟୁରୋ): ବର୍ଷକର ପ୍ରତୀକ୍ଷା ପରେ ଆସୁଛି ରଜ। ଏଥିପାଇଁ ଏବେଠୁ ଆରମ୍ଭ ହୋଇଗଲାଣି ସଜବାଜ। ଚାରିଆଡ଼େ ଦେଖିବାକୁ ମିଳିଲାଣି ରଜ ମାହୋଲ। କାମରୁ ବିରତି ନେଇ ରଜ ୩ ଦିନ କିପରି ଖେଳକୁଦ ଓ ମଉଜ ମଜଲିସ୍‌ରେ କଟିବ, ସେଥିପାଇଁ ସମସ୍ତେ ପ୍ରସ୍ତୁତ ହୋଇଗଲେଣି। ଏପଟେ ରଜ କିଣାବିକା ପାଇଁ ବଜାର ମଧ୍ୟ ଚଳଚଞ୍ଚଳ ହୋଇଉଠିଲାଣି। ଆଉ ସେପଟେ ଓଡ଼ିଆଙ୍କ ରଜ ମଉଜକୁ ଆହୁରି ଦୁଇଗୁଣ କରିବାକୁ ସଜବାଜ ହେଲାଣି ଓଲିଉଡ୍‌। ରଜ ବଜାରକୁ ସରଗରମ କରିବାକୁ ଏଥର ଦୁଇ ଦୁଇଟି ସିନେମା ରିଲିଜ୍‌ ହେବାକୁ ଯାଉଛି।

ମହିଳାଙ୍କୁ ତୀରମାଡ଼, ଏସ୍‌ସିବିରେ ହେଲା ସଫଳ ଅସ୍ତ୍ରୋପଚାର

କଟକ ଅଫିସ/ଆନନ୍ଦପୁର, ୭।୬(ସ୍ବ.ପ୍ର.)- ଏସ୍‌ସିବି ମେଡିକାଲରେ ସଫଳ ଅସ୍ତ୍ରୋପଚାର ଯୋଗୁ ବଞ୍ଚତ୍ୟାଇଛନ୍ତି ଜଣେ ତୀରବିଦ୍ଧ ମହିଳା। ସେ ହେଲେ କେନ୍ଦୁଝର ଜିଲା କାଠପାଳ ଗ୍ରାମର ସାଉଣା ଯେନାଙ୍କ ସ୍ତ୍ରୀ ଅଲି ଯେନା। ଏକ କଳିକୁୁ କେନ୍ଦ୍ରକରି ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ତୀର ମାଡ଼ କରିଥିଲେ।

ରନତ୍ଭଣ୍ଡାର ଚାବି ହଜିବା ପ୍ରସଙ୍ଗ:ହାଇକୋର୍ଟରେ ଆଉ ଏକ ମାମଲା

ରନତ୍ଭଣ୍ଡାର ଚାବି ହଜିବା ପ୍ରସଙ୍ଗ:ହାଇକୋର୍ଟରେ ଆଉ ଏକ ମାମଲା

କଟକ ଅଫିସ, ୭।୬- ପୁରୀ ଶ୍ରୀମନ୍ଦିର ରନତ୍ଭଣ୍ଡାର ଚାବି ହଜିବା ପ୍ରସଙ୍ଗରେ ହାଇକୋର୍ଟରେ ପୁଣି ଏକ ଜନସ୍ବାର୍ଥ ମାମଲା ରୁଜୁ ହୋଇଛି। ଏହି ଘଟଣା ସାରା ରାଜ୍ୟବାସୀଙ୍କୁ ବ୍ୟଥିତ କରିଛି। ଘଟଣାର ବିଚାର ବିଭାଗୀୟ ତଦନ୍ତ ପାଇଁ ବ୍ୟବସ୍ଥା ହୋଇଛି।

ରୋଗୀଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ରୋଗୀଙ୍କ ସହ କଥା ହେଲେ ପ୍ରଧାନମନ୍ତ୍ରୀ

କଟକ ଅଫିସ ୭।୬- ଗୁରୁବାର ସକାଳ ୯ଟାରୁ ସାଢେ ୧୦ଟା ପର୍ଯ୍ୟନ୍ତ ଜିଲାପାଳଙ୍କ ଭିଡିଓ କନଫରେନ୍ସ ହଲ୍‌ରେ ରୋଗୀମାନଙ୍କର ଭିଡ଼ ଦେଖିବାକୁ ମିଳିଥିଲା। କନଫରେନ୍ସ ହଲ୍‌ରେ ଲାଗିଥିବା ପରଦାରେ ଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ପରଦା ସାମ୍ନାରେ ବସିଥିଲେ ୧୫ରୁ ଊର୍ଦ୍ଧ୍ୱ ରୋଗୀ।

ଜମିବାଡିକୁ ନେଇ ଆକ୍ରମଣ, ଅଭିଯୁକ୍ତ ଗିରଫ

ଭୁବନେଶ୍ୱର, ୭ା୬(ବ୍ୟୁରୋ)- ଜମିବାଡ଼ି ବିବାଦକୁ କେନ୍ଦ୍ର କରି ଅନୁସୂଚିତ ଜାତିର ଜଣେ ବ୍ୟକ୍ତିଙ୍କୁ ଆକ୍ରମଣ ଘଟଣାରେ ନୟାପଲ୍ଲୀ ପୋଲିସ ଅଭିଯୁକ୍ତଙ୍କୁ ଗିରଫ କରିଛି। ସେ ହେଲେ ନୟାପଲ୍ଲୀ ଥାନା ରେଣ୍ଟାଲ କଲୋନୀ ଅଞ୍ଚଳରେ ରହୁଥିବା ବେଣୁ ଦାସ।

ଗଡିଲାନି ଅଟୋ, ଯାତ୍ରୀ ହନ୍ତସନ୍ତ

ଭୁବନେଶ୍ୱର, ୭।୬(ବ୍ୟୁରୋ)- ଅଟୋ ଏବଂ ଟ୍ୟାକ୍ସି ଚାଳକଙ୍କ ପ୍ରତି କେନ୍ଦ୍ର ଏବଂ ରାଜ୍ୟ ସରକାର ବୈମାତୃକ ମନୋଭାବ ପୋଷଣ କରୁଛନ୍ତି। ଏହା ବିରୋଧରେ ରାଜ୍ୟ ଅଟୋ ଓ ଟ୍ୟାକ୍ସି ଚାଳକ ମହାସଂଘ ଆହ୍ବାନକ୍ରମେ ଗୁରୁବାର ସାରା ରାଜ୍ୟରେ ଅଟୋ ଏବଂ ଟ୍ୟାକ୍ସି ଚଳାଚଳ ବନ୍ଦ ରହିଥିଲା।

ରେଷ୍ଟୁରାଣ୍ଟରେ ବୋମାମାଡ଼ ଘଟଣା, ୨ ଗିରଫ

ଭୁବନେଶ୍ୱର, ୭।୬(ବ୍ୟୁରୋ)- ବାପୁଜୀନଗରସ୍ଥିତ ଫୁଡ୍‌ ଜଙ୍କଶନ ରେଷ୍ଟୁରାଣ୍ଟରେ ବୋମାମାଡ ଘଟଣାରେ ସମ୍ପୃକ୍ତ ୨ ଅଭିଯୁକ୍ତଙ୍କୁ କ୍ୟାପିଟାଲ ଥାନା ପୋଲିସ ଗୁରୁବାର ଗିରଫ କରିଛି। ସେମାନେ ହେଲେ ପ୍ରଦୀପ୍ତ ସାହୁ ଓରଫ ପିଣ୍ଟୁ ଏବଂ ବିଶ୍ୱରଞ୍ଜନ ପତି ଓରଫ ଲକି।

ଜଳବାୟୁ ପରିବର୍ତ୍ତନ ଉପରେ ଅଧିକ ଗବେଷଣା କରିବ ଓୟୁଏଟି

ଜଳବାୟୁ ପରିବର୍ତ୍ତନ ଉପରେ ଅଧିକ ଗବେଷଣା କରିବ ଓୟୁଏଟି

ଭୁବନେଶ୍ୱର,୭।୬(ବ୍ୟୁରୋ)- ଜଳବାୟୁ ପରିବର୍ତ୍ତନ ଉପରେ ଅଧିକ ଗବେଷଣା କରିବ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ(ଓୟୁଏଟି)। ବିଶ୍ୱବିଦ୍ୟାଳୟରେ ଜଳବାୟୁ ପରିବର୍ତ୍ତନ ସମ୍ପର୍କିତ ଶିକ୍ଷା ଏବଂ ଗବେଷଣା କାର୍ଯ୍ୟକୁ ଅଧିକ ତ୍ୱରାନ୍ବିତ କରାଯିବ। ଏଥିପାଇଁ ଓୟୁଏଟି ଓ ଭୁବନେଶ୍ୱରସ୍ଥିତ ସିଟ୍ରାନ୍‌ କନ୍‌ସଲଟିଂ ଲିମିଟେଡ୍‌ ମଧ୍ୟରେ ଗୁରୁବାର ଏକ ବୁଝାମଣାପତ୍ର ସ୍ବାକ୍ଷରିତ ହୋଇଯାଇଛି।

ମାତୃ ମୃତ୍ୟୁହାର କମିଛି

ଭୁବନେଶ୍ୱର, ୭ା୬ (ବ୍ୟୁରୋ)- ରାଜ୍ୟରେ ମାତୃ ମୃତ୍ୟୁହାର କମିଛି। ୨୦୧୧-୧୩ରେ ରାଜ୍ୟରେ ମାତୃ ମୃତ୍ୟୁହାର ୨୨୨ ଥିଲାବେଳେ ୨୦୧୪-୧୬ରେ ଏଥିରେ ୪୨ ପଏଣ୍ଟ ହ୍ରାସ ପାଇ ୧୮୦କୁ ଖସି ଆସିଛି। ସାମ୍ପୁଲ ରେଜିଷ୍ଟ୍ରେଶନ ସିଷ୍ଟମ୍‌(ଏସ୍‌ଆରଏସ୍‌) ତଥ୍ୟରୁ ଏହି ସୂଚନା ମିଳିଛି।

ଏଏନ୍‌ଏମ୍‌, ଜିଏନ୍‌ଏମ୍‌ ତାଲିମ ପାଇଁ ଯୋଗ୍ୟ ଆଶାକର୍ମୀଙ୍କୁ ମିଳିବ ମାର୍କ

ଭୁବନେଶ୍ୱର, ୭ା୬(ବ୍ୟୁରୋ)- ରାଜ୍ୟର ଗ୍ରାମାଞ୍ଚଳ ଓ ସହରାଞ୍ଚଳରେ ଆଶାକର୍ମୀମାନେ ସ୍ବାସ୍ଥ୍ୟସେବା କ୍ଷେତ୍ରରେ ଉନ୍ନତମାନର କାମ କରୁଛନ୍ତି। ସେମାନଙ୍କ ଯୋଗୁ ପ୍ରତି ଘରେ ସ୍ବାସ୍ଥ୍ୟସେବା ପହଞ୍ଚତ୍ ପାରୁଛି। ଏହି ଆଶାକର୍ମୀଙ୍କୁ ସ୍ବାସ୍ଥ୍ୟସେବା କ୍ଷେତ୍ରରେ ଅଧିକ ଯୋଡିବା ପାଇଁ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ନୂଆ ପଦକ୍ଷେପ ନେଇଛି।

ଦୋକାନ ଭାଙ୍ଗି ଚୋରି, ଅଭିଯୁକ୍ତ ଗିରଫ

ଦୋକାନ ଭାଙ୍ଗି ଚୋରି, ଅଭିଯୁକ୍ତ ଗିରଫ

ଭୁବନେଶ୍ୱର, ୭ା୬(ବ୍ୟୁରୋ)- ଜଣେ ମହିଳାଙ୍କ ଦୋକାନ ଭାଙ୍ଗି ଚୋରି କରିବା ଅଭିଯୋଗରେ ଶହୀଦନଗର ପୋଲିସ ଗରୁବାର ଅଭିଯୁକ୍ତଙ୍କୁ ଗିରଫ କରିଛି। ସେ ହେଲେ ମୟୂରଭଞ୍ଜ ଜିଲା ବୈଶିଙ୍ଗା ଥାନା ଅନ୍ତର୍ଗତ ମାଣିତ୍ରୀ ଅଞ୍ଚଳର କାହ୍ନା ସିଂ(୨୩)। ପଥରବନ୍ଧ ବସ୍ତିରେ ଥିବା ମିନତୀ ମହାପାତ୍ର ନାମ୍ନୀ ମହିଳାଙ୍କ ପାନ ଦୋକାନରୁ ମଙ୍ଗଳବାର ରାତିରେ ଚୋରି ହୋଇଥିଲା।

ମହିଳାଙ୍କୁ ଆକ୍ରମଣ, ଅଭିଯୁକ୍ତ ଗିରଫ

ମହିଳାଙ୍କୁ ଆକ୍ରମଣ, ଅଭିଯୁକ୍ତ ଗିରଫ

ଭୁବନେଶ୍ୱର, ୭ା୬(ବ୍ୟୁରୋ)- ମହିଳାଙ୍କୁ ଆକ୍ରମଣ ଅଭିଯୋଗରେ ଖାରବେଳ ନଗର ପୋଲିସ ଗୁରୁବାର ମାଳିସାହି ମସଜିଦ କଲୋନୀ ଅଞ୍ଚଳର ଅଭିଯୁକ୍ତ ସେଖ୍‌ ରାକେଶ(୩୭)ଙ୍କୁ ଗିରଫ କରି କୋର୍ଟ ଚାଲାଣ କରିଛି। ବୁଧବାର ବିଳମ୍ବିତ ରାତିରେ ମସ୍‌ଜିଦ୍‌ କଲୋନୀ ଅଞ୍ଚଳରେ ରହୁଥିବା ପ୍ରଭାତୀ ସାହୁ ନାମ୍ନୀ ମହିଳାଙ୍କୁ ରାକେଶ ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହ ମାଡ ମାରିଥିବା ନେଇ ଥାନାରେ ଅଭିଯୋଗ ହୋଇଥିଲା।

୯ରେ ଯୁକ୍ତ୨ କଳା, ବାଣିଜ୍ୟ ପରୀକ୍ଷା ଫଳ

୯ରେ ଯୁକ୍ତ୨ କଳା, ବାଣିଜ୍ୟ ପରୀକ୍ଷା ଫଳ

ଭୁବନେଶ୍ୱର, ୭ା୬(ବ୍ୟୁରୋ)- ଉଚ୍ଚ ମାଧ୍ୟମିକ ଶିକ୍ଷା ପରିଷଦ(ସିଏଚ୍‌ଏସ୍‌ଇ) ଦ୍ୱାରା ପରିଚାଳିତ ଯୁକ୍ତ୨ କଳା, ବାଣିଜ୍ୟ ଓ ଧନ୍ଦାମୂଳକ ଶିକ୍ଷା ପରୀକ୍ଷା ଫଳ ଆସନ୍ତା ୯ ତାରିଖ ଅର୍ଥାତ ଶନିବାର ପ୍ରକାଶ ପାଇବ। ଗୁରୁବାର ସିଏଚ୍‌ଏସ୍‌ଇର ଉପ ପରୀକ୍ଷା ନିୟନ୍ତ୍ରକ ପ୍ରବୋଧ କୁମାର ପଣ୍ଡା ଏ ନେଇ ସ୍ପଷ୍ଟ କରିଛନ୍ତି।

ଏଏନ୍‌ଏମ୍‌/ଜିଏନ୍‌ଏମ୍‌ ତାଲିକା ପାଇଁ ଆଶାକର୍ମୀଙ୍କୁ ଅଗ୍ରାଧିକାର

ଭୁବନେଶ୍ୱର, ୭।୬(ବ୍ୟୁରୋ): ରାଜ୍ୟରେ କାର୍ଯ୍ୟରତ ଆଶାକର୍ମୀମାନେ ସ୍ବାସ୍ଥ୍ୟସେବା କ୍ଷେତ୍ରରେ ବହୁତ ଭଲ କାମ କରୁଛନ୍ତି। ସେମାନଙ୍କ ମଧ୍ୟରୁ ଯେଉଁମାନଙ୍କର ଏଏନ୍‌ଏମ୍‌/ଜିଏନ୍‌ଏମ୍‌ ତାଲିକା ପାଇଁ ନାମଲେଖା ନିମନ୍ତେ ଯୋଗ୍ୟତା ଥିବ ସେମାନଙ୍କୁ ପ୍ରତିବର୍ଷ ଚାକିରୀ ପାଇଁ ୨ ପ୍ରତିଶତ ସର୍ବାଧିକ ୨୦ ପ୍ରତିଶତ ମାର୍କ ଅଗ୍ରାଧିକାର ଭିତିରେ ଦିଆଯିବ ବୋଲି ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ପ୍ରତାପ ଜେନା କହିଛନ୍ତି।

ଖବରଦାତାଙ୍କ ପାଇଁ ସରକାରଙ୍କ ଘୋଷଣା: ମିଳିବ ୪ଲକ୍ଷ ଟଙ୍କାର ମୃତ୍ୟୁକାଳୀନ ସହାୟତା, ୩ % ସୁଧ ଛାଡ

ଖବରଦାତାଙ୍କ ପାଇଁ ସରକାରଙ୍କ ଘୋଷଣା: ମିଳିବ ୪ଲକ୍ଷ ଟଙ୍କାର ମୃତ୍ୟୁକାଳୀନ ସହାୟତା, ୩ % ସୁଧ ଛାଡ

ଭୁବନେଶ୍ୱର, ୭।୬(ବ୍ୟୁରୋ): ରାଜ୍ୟ ସରକାର ଓଡ଼ିଶାରେ କାର୍ଯ୍ୟରତ ଖବରଦାତାଙ୍କ ପାଇଁ ଗୁରୁବାର ସଚିବାଳୟଠାରେ ସହାୟତା ରାଶି ଘୋଷଣା କରିଛନ୍ତି । କାର୍ଯ୍ୟରତ ଖବରଦାତାଙ୍କ ପାଇଁ ୪ଲକ୍ଷ ଟଙ୍କାର ମୃତ୍ୟୁକାଳୀନ ସହାୟତା ରାଶି ପ୍ରଦାନ କରାଯିବ। ସେହିଭଳି ଖବରଦାତାଙ୍କ ପାଇଁ ୨ ଲକ୍ଷ ଟଙ୍କା ପର୍ଯ୍ୟନ୍ତ ବୀମା ସୁବିଧା ସହିତ ଅଧିକ ଆର୍ଥିକ ସହାୟତା ବ୍ୟବସ୍ଥା କରିଛନ୍ତି।

୯ରେ ପ୍ରକାଶ ପାଇବ ଯୁକ୍ତ ୨ କଳା, ବାଣିଜ୍ୟ ପରୀକ୍ଷାଫଳ

୯ରେ ପ୍ରକାଶ ପାଇବ ଯୁକ୍ତ ୨ କଳା, ବାଣିଜ୍ୟ ପରୀକ୍ଷାଫଳ

ଭୁବନେଶ୍ୱର,୭।୬(ବ୍ୟୁରୋ): ଉଚ୍ଚ ମାଧ୍ୟମିକ ଶିକ୍ଷା ପରିଷଦ(ସିଏଚ୍‌ଏସ୍‌ଇ) ଦ୍ୱାରା ପରିଚାଳିତ ଯୁକ୍ତ ୨ କଳା, ବାଣିଜ୍ୟ ଓ ଧନ୍ଦାମୂଳକ ଶିକ୍ଷାର ପରୀକ୍ଷାଫଳ ଆସନ୍ତା ୯ ତାରିଖରେ ପ୍ରକାଶ ପାଇବ। ଏ ନେଇ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରିନାରାୟଣ ପାତ୍ର ଗୁରୁବାର ସ୍ପଷ୍ଟ କରିଛନ୍ତି।

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୩୨.୬୦ କୋଟିର ୧୧୯୩ ପ୍ରକଳ୍ପକୁ ମୁଖ୍ୟମନ୍ତ୍ରୀଙ୍କ ମଞ୍ଜୁରୀ

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୩୨.୬୦ କୋଟିର ୧୧୯୩ ପ୍ରକଳ୍ପକୁ ମୁଖ୍ୟମନ୍ତ୍ରୀଙ୍କ ମଞ୍ଜୁରୀ

ଭୁବନେଶ୍ୱର,୭।୬(ବ୍ୟୁରୋ): ‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ୧୧୯୩ ପ୍ରକଳ୍ପକୁ ୩୨.୬୦ କୋଟି ଟଙ୍କାର ମଞ୍ଜୁରୀ ଦେଇଛନ୍ତି। ଏହି ପ୍ରକଳ୍ପଗୁଡିକ ମଧ୍ୟରେ ଭେଡେନ ବ୍ଲକର ୧୬୪, ଆଳି ବ୍ଲକର ୩୯୮, ରେମୁଣା ବ୍ଲକର ୪୬୮ ଓ ଦାନଗଦି ବ୍ଲକର ୧୬୩ ପ୍ରକଳ୍ପ ରହିଛି।

ସମୁଦ୍ରରୁ ୩ ପର୍ଯ୍ୟଟକ ଉଦ୍ଧାର, ଜଣେ ଗୁରୁତର

ସମୁଦ୍ରରୁ ୩ ପର୍ଯ୍ୟଟକ ଉଦ୍ଧାର, ଜଣେ ଗୁରୁତର

ପୁରୀ ଅଫିସ,୭।୬: ମହୋଦଧି ନିବାସ ସମ୍ମୁଖ ସମୁଦ୍ରରେ ଗୁରୁବାର ସକାଳ ୮ଟାରେ ଗାଧୋଉଥିବା ବେଳେ ବୁଡ଼ି ଯାଉଥିବା ଅବସ୍ଥାରେ ୩ ପର୍ଯ୍ୟଟକଙ୍କୁ ଉଦ୍ଧାର କରାଯାଇଛି। ସେମାନେ ହେଲେ ଯାଜପୁରରୋଡର ଦୀପକ ସାହୁ, ଖଗେଶ୍ୱର ସାହୁ ଓ ରତିକାନ୍ତ ସାହୁ। ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଦୀପକଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି।

 ଭିଡିଓ କନ୍‌ଫରେନ୍ସିଂରେ ଏସ୍‌ସିବି ରୋଗୀଙ୍କ ସହ କଥାହେଲେ ପ୍ରଧାନମନ୍ତ୍ରୀ

ଭିଡିଓ କନ୍‌ଫରେନ୍ସିଂରେ ଏସ୍‌ସିବି ରୋଗୀଙ୍କ ସହ କଥାହେଲେ ପ୍ରଧାନମନ୍ତ୍ରୀ

କଟକ ଅଫିସ, ୭।୬: ଭିଡିଓ କନ୍‌ଫରେନ୍ସିଂ ମାଧ୍ୟମରେ କଟକ ଏସ୍‌ସିବି ମେଡିକାଲରେ ଚିକିତ୍ସାଧୀନ ଜଣେ ରୋଗୀଙ୍କ ସହ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କଥା ହୋଇଛନ୍ତି। ପ୍ରକାଶ ଯେ, ସାଲେପୁର ଅଞ୍ଚଳର ଉର୍ମିଳା ସ୍ବାଇଁ ନାମ୍ନୀ ମହିଳାଙ୍କର ୧୫ ଦିନ ତଳେ ଏସ୍‌ସିବି ଅସ୍ଥିଶଲ୍ୟ ବିଭାଗରେ ଆଣ୍ଠୁ ପ୍ରତ୍ୟାରୋପଣ ହୋଇଥିଲା।

ପ୍ରାଣନାଥ ସ୍ବୟଂଶାସିତ ମହାବିଦ୍ୟାଳୟର ସ୍ନାତକ ପରୀକ୍ଷାଫଳ ପ୍ରକାଶିତ: କଳାରେ ସ୍ନିଗ୍ଧା, ବିଜ୍ଞାନରେ ସୁଧାଂଶୁ, ବାଣିଜ୍ୟରେ ବିଷ୍ଣୁ ଶ୍ରେଷ୍ଠ

ପ୍ରାଣନାଥ ସ୍ବୟଂଶାସିତ ମହାବିଦ୍ୟାଳୟର ସ୍ନାତକ ପରୀକ୍ଷାଫଳ ପ୍ରକାଶିତ: କଳାରେ ସ୍ନିଗ୍ଧା, ବିଜ୍ଞାନରେ ସୁଧାଂଶୁ, ବାଣିଜ୍ୟରେ ବିଷ୍ଣୁ ଶ୍ରେଷ୍ଠ

ଖୋର୍ଦ୍ଧା ଅଫିସ, ୭।୬: ପ୍ରାଣନାଥ ସ୍ବୟଂଶାସିତ ମହାବିଦ୍ୟାଳୟର ସ୍ନାତକ ପରୀକ୍ଷାଫଳ ଗୁରୁବାର ପୂର୍ବାହ୍ନରେ ପ୍ରକାଶ ପାଇଛି। ଏଥିରେ କଳାରେ ସ୍ନିଗ୍ଧା ପଟ୍ଟନାୟକ, ବିଜ୍ଞାନରେ ସୁଧାଂଶୁ କୁମାର ନାଏକ ଓ ବାଣିଜ୍ୟରେ ବିଷ୍ଣୁ ଶତପଥୀ ଶ୍ରେଷ୍ଠ ବିବେଚିତ ହୋଇଛନ୍ତି। କଳା, ବିଜ୍ଞାନ, ବାଣିଜ୍ୟରେ ଯଥାକ୍ରମେ ୮୬%, ୯୧% ଏବଂ ୮୩% ଛାତ୍ରୀଛାତ୍ର ଉତ୍ତୀର୍ଣ୍ଣ ହୋଇଛନ୍ତି।

ଏସ୍‌ସିବିରେ ତୀର ବିଧ ମହିଳା

ଏସ୍‌ସିବିରେ ତୀର ବିଧ ମହିଳା

କଟକ ଅଫିସ, ୭।୬: କଟକ ବଡ଼ ମେଡ଼ିକାଲରେ ଜଣେ ତୀରବିଧ ମହିଳା ଚିକିତ୍ସିତ ହେଉଛନ୍ତି। ସେ ହେଲେ କେନ୍ଦୁଝର ଜିଲା ବାଲିପାଳ ଗ୍ରାମର ଆଲି ଜେନା(୨୫)। ପ୍ରକାଶ ଯେ, ଆଲିଙ୍କ ପିଠିରେ ତୀର ଲାଗି ରହିଛି। ଉକ୍ତ ତୀର ପିଠିରେ ଗଳି ଛାତି ପର୍ଯ୍ୟନ୍ତ ଯାଇଥିବା ଡାକ୍ତରମାନେ ଜାଣିବାକୁ ପାଇଛନ୍ତି।