ମେଟ୍ରୋ

ଯୁକ୍ତ ୨ ବିଜ୍ଞାନ ପରୀକ୍ଷାଫଳ: ବାଜିମାରିଲେ ଛାତ୍ରୀ

ଯୁକ୍ତ ୨ ବିଜ୍ଞାନ ପରୀକ୍ଷାଫଳ: ବାଜିମାରିଲେ ଛାତ୍ରୀ

ଭୁବନେଶ୍ୱର, ୧୯।୫(ବ୍ୟୁରୋ): ଶନିବାର ପ୍ରକାଶ ପାଇଛି ଯୁକ୍ତ ୨ ବିଜ୍ଞାନ ପରୀକ୍ଷାଫଳ। ଚଳିତ ବର୍ଷ ପାସ୍‌ ହାର ରହିଛି ୭୭.୯୮ ପ୍ରତିଶତ। ମୋଟ ୯୫, ୦୯୬ ଛାତ୍ରୀଛାତ୍ର ପରୀକ୍ଷା ଦେଇଥିଲାବେଳେ ୭୩ ହଜାର ୨୧୧ ପାସ୍‌ କରିଛନ୍ତି।

ବିଦ୍ୟୁତ ଆଘାତରେ ଯୁବତୀ ମୃତ

ବିଦ୍ୟୁତ ଆଘାତରେ ଯୁବତୀ ମୃତ

ଗୋପ,୧୯।୫ (ଡି.ଏନ୍‌.ଏ. ): ଗୋପ ଥାନା ଅନ୍ତର୍ଗତ କୁଣ୍ଡିଷ ଗ୍ରାମର ଜଣେ ଯୁବତୀ ଶନିବାର ସକାଳେ ବିଦ୍ୟୁତ ଆଘାତରେ ପ୍ରାଣ ହରାଇଥିବା ଗୋପ ଡାକ୍ତରଖାନା ପକ୍ଷରୁ ଜଣାପଡିଛି। ସେ ହେଲେ ସୁଭଦ୍ରା ଦାସ(୨୨)।

ଆନ୍ତର୍ଜାତିକ ସଂଗ୍ରହାଳୟ ଦିବସ

ଆନ୍ତର୍ଜାତିକ ସଂଗ୍ରହାଳୟ ଦିବସ

ଭୁବନେଶ୍ୱର, ୧୯।୫(ବ୍ୟୁରୋ)- ଆନ୍ତର୍ଜାତିକ ସଂଗ୍ରହାଳୟ ଦିବସ ଅବସରରେ ଶୁକ୍ରବାର ପର୍ଯ୍ୟଟନ, ଓଡ଼ିଆ ଭଷା, ସାହିତ୍ୟ ଓ ସଂସ୍କୃତି ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ରାଜ୍ୟ ସଂଗ୍ରହାଳୟରେ ଦୁଇଟି ନୂଆ ଗ୍ୟାଲେରି ଉଦ୍‌ଘାଟନ କରିଛନ୍ତି। ପୁନଃ ସଙ୍ଗଠିତ ମୁଦ୍ରା ଗ୍ୟାଲେରି ଓ ଭାରତୀୟ ମୁଦ୍ରା ପ୍ରଦର୍ଶନୀ ସମେତ ନୂତନ ଚଳଚ୍ଚିତ୍ର ଗ୍ୟାଲେରିକୁ ଉଦ୍‌ଘାଟନ କରି ଏହା ରାଜ୍ୟ ସଂଗ୍ରହାଳୟର ମହତ୍ତ୍ବ ବୃଦ୍ଧି କରିବ ବୋଲି ମନ୍ତ୍ରୀ ମତବ୍ୟକ୍ତ କରିଥିଲେ। ମୁଦ୍ରା ଗ୍ୟାଲେରିରେ ଭାରତ ଇତିହାସରେ ବିଭିନ୍ନ ସମୟରେ ପ୍ରଚଳିତ ମୁଦ୍ରା ଏବଂ ଚଳଚ୍ଚିତ୍ର ଗ୍ୟାଲେରିରେ ବିଭିନ୍ନ ଓଡ଼ିଆ ସିନେମା ପୋଷ୍ଟରଗୁଡ଼ିକର ପ୍ରତିଲିପି ତଥା ଗୀତବୈଠକୀ ଓ ଗୀତ ରେକର୍ଡିଂର ସ୍ମରଣୀୟ ଫଟୋ ସ୍ଥାନିତ ହୋଇଛି। ଉଦ୍‌ଘାଟନ କାର୍ଯ୍ୟକ୍ରମରେ ରାଜ୍ୟ ସଭା ସଦସ୍ୟ ପ୍ରଶାନ୍ତ ନନ୍ଦ ମଧ୍ୟ ଉପସ୍ଥିତ ଥିଲେ।

ବଢୁଛି ଅଡୁଆ: ବୟନିକାରୁ ଆସି ନ ପାରେ ମହାପ୍ରଭୁଙ୍କ ଲୁଗା

ବଢୁଛି ଅଡୁଆ: ବୟନିକାରୁ ଆସି ନ ପାରେ ମହାପ୍ରଭୁଙ୍କ ଲୁଗା

ପୁରୀ ଅଫିସ,୧୯।୫: ରଥଯାତ୍ରାରେ ମହାପ୍ରଭୁଙ୍କ ପାଇଁ ଆବଶ୍ୟକ ପଡୁଥିବା ଲାଗି ଲୁଗା ଯୋଗାଣକୁ ନେଇ ଅଡୁଆ ବଢିବାରେ ଲାଗିଛି। ବୟନିକା ଶେଷ ମୁହୂର୍ତ୍ତରେ ୨୦୧୫ରେ ଧାର୍ଯ୍ୟ ଦରର ୨୦ ପ୍ରତିଶତ ବୃଦ୍ଧି କରି ଦେବା ପାଇଁ ଶ୍ରୀମନ୍ଦିର ପ୍ରଶାସନକୁ ଚିଠି ଲେଖିଛି। ଏଥିସହ କେଉଁ ଲୁଗା କେତେଦିନରେ ଯୋଗାଇଦେବ ସେ ନେଇ ନିର୍ଦ୍ଦିଷ୍ଟ ସମୟ ମାଗିଛି।

ମସ୍‌ଜିଦରେ ସାମୂହିକ କୋରାନ ପାଠ

ମସ୍‌ଜିଦରେ ସାମୂହିକ କୋରାନ ପାଠ

ପୁରୀ ଅଫିସ,୧୯।୫: ଆରମ୍ଭ ହୋଇଛି ପବିତ୍ର ରମ୍‌ଜାନ ମାସ। ପୁରୀ ସହରର କୁମ୍ଭାରପଡା, ନରେନ୍ଦ୍ରକୋଣ, ସଦର ଥାନା ଛକ, ଶ୍ରୀକ୍ଷେତ୍ର କଲୋନୀ, ରେଲ୍‌ୱେ କଲୋନୀ ପ୍ରଭୃତି ସ୍ଥାନରେ ରହୁଥିବା ମୁସ୍‌ଲିମ ସମ୍ପ୍ରଦାୟର ଭାଇଭଉଣୀ ଉପବାସ ରହି ରୋଜା ରଖିଛନ୍ତି। ଇସ୍‌ଲାମିକ କ୍ୟାଲେଣ୍ଡରରେ ଏହି ମାସକୁ ପବିତ୍ର ବୋଲି କୁହାଯାଏ। ମାସ ସାରା ଧୈର୍ଯ୍ୟଶୀଳତା, ଆଧ୍ୟାତ୍ମିକତା, ଆଲ୍ଲାଙ୍କ ପ୍ରତି ସମର୍ପଣ ଭାବ ରଖିଥାନ୍ତି। ରମ୍‌ଜାନ ମାସ ଶେଷରେ ଇଦୁଲଫିତର ପାଳନ କରାଯାଏ।

ଜିଲା ପରିଷଦ ବୈଠକ: ସ୍ବାସ୍ଥ୍ୟସେବାକୁ ନେଇ ଉଦ୍‌ବେଗ

ଜିଲା ପରିଷଦ ବୈଠକ: ସ୍ବାସ୍ଥ୍ୟସେବାକୁ ନେଇ ଉଦ୍‌ବେଗ

ପୁରୀ ଅଫିସ, ୧୯।୫: ପୁରୀ ଜିଲାରେ ସ୍ବାସ୍ଥ୍ୟସେବା ବିଗଡି ଯାଇଛି। ଜିଲାର ଅଧିକାଂଶ ସରକାରୀ ଚିକିତ୍ସାଳୟରେ ଡାକ୍ତର ନାହାନ୍ତି, ଯେଉଁଠି ବି ଅଛନ୍ତି ସେମାନେ ମେଡିକାଲକୁ ଯାଉନାହାନ୍ତି। କୃଷ୍ଣପ୍ରସାଦ ବ୍ଲକ ଅଞ୍ଚଳରେ ସ୍ବାସ୍ଥ୍ୟସେବା ସଙ୍ଗିନ ସ୍ଥିତିରେ ରହିଛି। ହସ୍‌ପିଟାଲ ହେଲ୍‌ପ ଡେସ୍କ ପାଇଁ କର୍ମଚାରୀ ନିଯୁକ୍ତିରେ ଦୁର୍ନୀତି ହୋଇଛି। ହେଲ୍‌ପ ଡେସ୍କରେ ନିଯୁକ୍ତ କର୍ମଚାରୀ ଠିକ୍‌ ଭାବେ କାର୍ଯ୍ୟ କରୁନାହାନ୍ତି। ଏହାକୁ ନେଇ ଶୁକ୍ରବାର ଅନୁଷ୍ଠିତ ଜିଲା ପରିଷଦ ବୈଠକରେ ଉଦ୍‌ବେଗ ପ୍ରକାଶ ପାଇଛି।

ପୂର୍ବ ଶତ୍ରୁତାରୁ ଯୁବକଙ୍କୁ ହତ୍ୟା

ପୂର୍ବ ଶତ୍ରୁତାରୁ ଯୁବକଙ୍କୁ ହତ୍ୟା

ପୁରୀ ଅଫିସ,୧୯।୫: ସଂଘବଦ୍ଧ ଆକ୍ରମଣରେ ଜଣେ ଯୁବକଙ୍କର ମୃତ୍ୟୁ ହୋଇଛି। ଗୁରୁବାର ରାତିରେ ଟାଉନ ଥାନା ଅଧୀନ ହରଚଣ୍ଡୀ ସାହି ଢିପ ଜାଗାରେ ଏହି ଆକ୍ରମଣ ହୋଇଥିଲା। ଏଥିର ଢିପ ଜାଗାର ମହେଶ୍ୱର ମାର୍ଥା(୩୨) ଗୁରୁତର ଆହତ ହୋଇଥିଲେ। ତାଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ମହେଶ୍ୱର ଜଣେ ପାଇପ୍‌ ମିସ୍ତ୍ରି ବୋଲି ଜଣାପଡିଛି। ଶୁକ୍ରବାର ସାଇଣ୍ଟିଫିକ୍‌ ଟିମ, ସନ୍ଧାନୀ କୁକୁର ଏବଂ ଟାଉନ ଥାନା ପୋଲିସ ପହଞ୍ଚତ୍ ଘଟଣାର ତଦନ୍ତ କରିଛନ୍ତି।

୩୯ ଚକର ସିଙ୍ଗଡ଼ା ବାଡ଼ିଆ ଶେଷ

୩୯ ଚକର ସିଙ୍ଗଡ଼ା ବାଡ଼ିଆ ଶେଷ

ପୁରୀ ଅଫିସ,୧୯।୫: ମହାପ୍ରଭୁଙ୍କ ରଥଯାତ୍ରା ଯେତେ ପାଖେଇ ଆସୁଛି ରଥଖଳାରେ ତିନିରଥ ନିର୍ମାଣ କାମ ଜୋର୍‌ ଧରୁଛି। ବିଶ୍ୱକର୍ମା, ମହାରଣା, କମାର ଓ ରୂପକାର ସେବକମାନେ ନିଜ ନିଜ କାମରେ ଲାଗିପଡିଛନ୍ତି। ଶେଷ ପର୍ଯ୍ୟାୟରେ ପହଞ୍ଚତ୍ଛି ଚକ ନିର୍ମାଣ। ତିନିରଥ ପାଇଁ ୪୨ଟି ଚକ ନିର୍ମାଣ କରାଯିବ। ଏଥିମଧ୍ୟରେ ନନ୍ଦିଘୋଷ ରଥ ପାଇଁ ୧୬ଟି, ତାଳଧ୍ୱଜ ରଥ ଲାଗି ୧୪ ଏବଂ ଦର୍ପଦଳନ ରଥର ୧୨ଟି ଚକ ତିଆରି ହେବ। ଏହି ୪୨ଟି ଚକ ମଧ୍ୟରୁ ୩୯ଟିର ସିଙ୍ଗଡା ବାଡିଆ ସରିଛି। ପ୍ରତ୍ୟେକ ରଥର ଗୋଟିଏ ଲେଖାଏ ସିଙ୍ଗଡା ବାଡିଆ ବାକି ରହିଛି।

ପ୍ଲାଷ୍ଟର ଖଣ୍ଡ ଖସି ଭକ୍ତଙ୍କ ମୁଣ୍ଡ ଫାଟିଲା

ପ୍ଲାଷ୍ଟର ଖଣ୍ଡ ଖସି ଭକ୍ତଙ୍କ ମୁଣ୍ଡ ଫାଟିଲା

ପୁରୀ ଅଫିସ, ୧୯।୫: ଶ୍ରୀମନ୍ଦିରରେ ଘଟିଛି ଅଘଟଣ। ନାଟମଣ୍ଡପରେ ପଡିଛି ରକ୍ତଛିଟା। ଶୁକ୍ରବାର ଅପରାହ୍ନରେ ନାଟମଣ୍ଡପରୁ ପ୍ଲାଷ୍ଟର ଖଣ୍ଡ ଖସି ଜଣେ ମହିଳା ଭକ୍ତଙ୍କ ମୁଣ୍ଡ ଫାଟିଛି। ସେ ହେଲେ କଟକ ଜିଲା ବାଙ୍କୀ ଡମପଡାର ବେଣୁଧର ରାଉତଙ୍କ ସ୍ତ୍ରୀ ବାସନ୍ତୀ ରାଉତ (୫୫)। ଗୁରୁତର ଅବସ୍ଥାରେ ବାସନ୍ତୀଙ୍କୁ ପୁରୀ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଅନ୍ୟପକ୍ଷରେ ଶ୍ରୀମନ୍ଦିରରେ ପ୍ଲାଷ୍ଟର ଖଣ୍ଡ ଖସିବାକୁ ନେଇ ଭକ୍ତ ଭୟଭୀତ ହୋଇପଡିଛନ୍ତି।

ପୁରୀ ବାଇପାସ ନିର୍ମାଣ କାମ ଆରମ୍ଭ

ପୁରୀ ବାଇପାସ ନିର୍ମାଣ କାମ ଆରମ୍ଭ

ପୁରୀ ଅଫିସ,୧୯।୫- ଭାରତ ସରକାରଙ୍କ ଜାତୀୟ ରାଜପଥ ପ୍ରାଧିକରଣ (ଏନ୍‌ଏଚ୍‌ଏଆଇ) ପକ୍ଷରୁ ଅଧାପନ୍ତରିଆରେ ରହିଥିବା ପୁରୀ ବାଇପାସ ରାସ୍ତାର ନିର୍ମାଣ କାର୍ଯ୍ୟ ଆରମ୍ଭ ହୋଇଛି। ବାଟଗାଁ ଛକ ଠାରୁ ମଙ୍ଗଳାଘାଟ ଛକ ପର୍ଯ୍ୟନ୍ତ ରାସ୍ତାର ବାମ ପାର୍ଶ୍ୱ ନିର୍ମାଣ କାର୍ଯ୍ୟ ଶୁକ୍ରବାରଠାରୁ ଆରମ୍ଭ ହୋଇଛି।

ଭାଜପା ନଗର ମଣ୍ଡଳ ପକ୍ଷରୁ ବିକ୍ଷୋଭ

ଭାଜପା ନଗର ମଣ୍ଡଳ ପକ୍ଷରୁ ବିକ୍ଷୋଭ

ପୁରୀ ଅଫିସ, ୧୯।୫: ପୁରୀ ବସଷ୍ଟାଣ୍ଡ ନିର୍ମାଣ କାର୍ଯ୍ୟ ମନ୍ଥର ଏବଂ ନିମ୍ନମାନର ହେଉଥିବା ଅଭିଯୋଗ ଆଣି ଭାଜପା ନଗର ମଣ୍ଡଳ ପକ୍ଷରୁ ବସଷ୍ଟାଣ୍ଡ ପରିସରରେ ଶୁକ୍ରବାର ବିକ୍ଷୋଭ ପ୍ରଦର୍ଶନ କରାଯାଇଛି। ୨କୋଟି ୬୪ଲକ୍ଷ ଟଙ୍କା ବ୍ୟୟରେ ପୁରୀ ବସଷ୍ଟାଣ୍ଡର ପୁନରୁଦ୍ଧାର କରାଯାଉଛି।

ଗଣତନ୍ତ୍ର ହତ୍ୟା ପ୍ରତିବାଦରେ କଂଗ୍ରେସ ପକ୍ଷରୁ ବିକ୍ଷୋଭ

ଗଣତନ୍ତ୍ର ହତ୍ୟା ପ୍ରତିବାଦରେ କଂଗ୍ରେସ ପକ୍ଷରୁ ବିକ୍ଷୋଭ

ପୁରୀ ଅଫିସ, ୧୯।୫ : ଭାଜପା ସରକାର ଲାଗି ଭାରତର ଗଣତନ୍ତ୍ର ବିପନ୍ନ ହୋଇ ପଡିଥିବା ଅଭିଯୋଗ କରିଛି ପୁରୀ ଜିଲା କଂଗ୍ରେସ। ସଦ୍ୟ ସମାପ୍ତ କର୍ନାଟକ ନିର୍ବାଚନରେ ଭାଜପା ଗଣତନ୍ତ୍ରକୁ ହତ୍ୟା କରିଥିବା ଅଭିଯୋଗ ଆଣି ଜିଲା କଂଗ୍ରେସ ପକ୍ଷରୁ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି।

କର୍ନାଟକ ରାଜ୍ୟପାଳଙ୍କୁ ବହିଷ୍କାର ଦାବି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସିପିଏମ୍‌ର ବିକ୍ଷୋଭ

କର୍ନାଟକ ରାଜ୍ୟପାଳଙ୍କୁ ବହିଷ୍କାର ଦାବି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସିପିଏମ୍‌ର ବିକ୍ଷୋଭ

ପୁରୀ ଅଫିସ, ୧୯।୫ : କର୍ନାଟକ ରାଜ୍ୟପାଳଙ୍କ ବହିଷ୍କାର ଦାବି ଏବଂ କର୍ନାଟକରେ ଭାଜପା ଗଣତନ୍ତ୍ରକୁ ହତ୍ୟା କରିଥିବା ଅଭିଯୋଗ କରି ଏହାର ପ୍ରତିବାଦରେ ଭାରତୀୟ କମ୍ୟୁନିଷ୍ଟ ପାର୍ଟି (ମାର୍କ୍ସବାଦୀ) ପୁରୀ ଜିଲା କମିଟି ପକ୍ଷରୁ ଶୁକ୍ରବାର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ଓ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି। ସିପିଏମ୍‌ ଅଭିଯୋଗ କରିଛି ଯେ, ଗୋଆ, ମଣିପୁର ଓ ମେଘାଳୟ ଆଦି ରାଜ୍ୟଗୁଡ଼ିକରେ ବିଧାନସଭା ନିର୍ବାଚନରେ କୌଣସି ଦଳକୁ ସଂଖ୍ୟାଗରିଷ୍ଠତା ମିଳି ନ ଥିଲା।

ନନ୍ଦନକାନନରେ ପୁଣି ଚାଲିବ ରୋପ୍‌ଓ୍ବେ : ଟିକଟ ମୂଲ୍ୟ ୬୦ ଟଙ୍କା

ନନ୍ଦନକାନନରେ ପୁଣି ଚାଲିବ ରୋପ୍‌ଓ୍ବେ : ଟିକଟ ମୂଲ୍ୟ ୬୦ ଟଙ୍କା

ବାରଙ୍ଗ, ୧୯।୫ (ଡି.ଏନ.ଏ.)- ପ୍ରାଣୀ ଉଦ୍ୟାନ ନନ୍ଦନକାନନରେ ପୁଣି ଆରମ୍ଭ ହେବ ରୋପଓ୍ବେ ବ୍ୟବସ୍ଥା। ପର୍ଯ୍ୟଟକମାନେ ରୋପଓ୍ବେ ମାଧ୍ୟମରେ ନନ୍ଦନକାନନରୁ ବଟାନିକାଲ ଗାର୍ଡେନକୁ ଯାତାୟାତ କରିବା ସହ ଏହାର ମଜା ନେଇପାରିବେ।ଦୁର୍ଘଟଣା ଯୋଗୁ ୨୦୧୦ରୁ ବନ୍ଦ ରହିଥିବା ଏହି ରୋପଓ୍ବେ ବ୍ୟବସ୍ଥା ପୁଣି ଥରେ କାର୍ଯ୍ୟକ୍ଷମ ହେବା ନେଇ ଶୁକ୍ରବାର ନନ୍ଦନକାନନ ହାଇସ୍କୁଲ ପରିସରରେ ଏକ ଜନଶୁଣାଣି ଅନୁଷ୍ଠିତ ହୋଇଥିଲା। ଏଥିରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ, ଖୋର୍ଦ୍ଧା ଜିଲା ପ୍ରଶାସନ, ନନ୍ଦନକାନନର ପଦାଧିକାରୀ, ଦାମୋଦର ରୋପ୍‌ଓ୍ବେ ଏବଂ ଇନ୍‌ଫ୍ରା ଲିମିଟେ୍‌ଡ କର୍ତ୍ତୃପକ୍ଷଙ୍କ ସମେତ ସ୍ଥାନୀୟ ଗ୍ରାମବାସୀ ଉପସ୍ଥିତ ଥିଲେ। ପର୍ଯ୍ୟଟକମାନଙ୍କ ସୁରକ୍ଷା, ସ୍ଥାନୀୟ ଗ୍ରାମର ବେକାର ପିଲାଙ୍କୁ ନିଯୁକ୍ତି, ଅଘଟଣ ଘଟିଲେ କ୍ଷତିପୂରଣ ଆଦି ୩ଟି ପ୍ରସଙ୍ଗ ଉପରେ ଗ୍ରାମବାସୀଙ୍କ ପକ୍ଷରୁ ମତାମତ ଉପସ୍ଥାପନ କରାଯାଇଥିଲା। ଏହା ଉପରେ ଜିଲା ପ୍ରଶାସନ ଏବଂ ଦାମୋଦର ରୋପଓ୍ବେ ପକ୍ଷରୁ ସହମତି ପ୍ରକାଶ କରାଯାଇଥିଲା।

ମହିଳାଙ୍କୁ ବଳାତ୍କାର, ଅଭିଯୁକ୍ତ ଗିରଫ

ମହିଳାଙ୍କୁ ବଳାତ୍କାର, ଅଭିଯୁକ୍ତ ଗିରଫ

ପାତ୍ରପଡ଼ା, ୧୮।୫(ଡି.ଏନ.ଏ.)- ତମାଣ୍ଡୋ ଥାନା ଅଧୀନ ନଁପୁଟ ଅଞ୍ଚଳରେ ଜଣେ ମହିଳାଙ୍କୁ ବଳାତ୍କାର ଅଭିଯୋଗରେ ପୋଲିସ ବଂଶୀଧର ପାତ୍ର ନାମକ ଜଣେ ଅଭିଯୁକ୍ତଙ୍କୁ ଗିରଫ କରିଛି। ଗତ ୩ ତାରିଖ ରାତିରେ ମହିଳାଙ୍କ ଘରେ କେହି ନ ଥିବାବେଳେ ବଂଶୀଧର ତାଙ୍କୁ ବଳାତ୍କାର କରିଥିଲେ। ଘଟଣା ପରଦିନ ମହିଳା ଜଣକ ଥାନାରେ ଅଭିଯୋଗ କରିଥିଲେ। ପୋଲିସ ଏକ ମାମଲା(୩୩/୧୮) ରୁଜୁ କରି ଅନୁସନ୍ଧାନ ଚଳାଇଥିଲା।

କ୍ଲବରେ ମାରପିଟ ଘଟଣା: ୨ ଗିରଫ

ଭୁବନେଶ୍ୱର, ୧୮।୫(ବ୍ୟୁରୋ)- କ୍ଲବରେ ମାରପିଟ ଘଟଣାରେ ନୟାପଲ୍ଲୀ ପୋଲିସ ୨ ଅଭିଯୁକ୍ତଙ୍କୁ ଶୁକ୍ରବାର ଗିରଫ କରିଛି। ସେମାନେ ହେଲେ ସାଲିଆସାହି ଅଧୀନ ନିରଙ୍କାରୀ ନଗରର ମନୋଜ କୁମାର ସ୍ବାଇଁ ଓ ଚନ୍ଦନ ପାତ୍ର। ସୂଚନା ମୁତାବକ, ଗତ ୧୩ ତାରିଖରେ ନିରଙ୍କାରୀ ନଗରୀ କ୍ଳବରେ ଏକ ବୈଠକ ହେଉଥିଲା। ଉକ୍ତ କ୍ଲବ ସଦସ୍ୟ ସଞ୍ଜୟ କୁମାର ସେଠୀଙ୍କ ସହିତ ମନୋଜ ଓ ଚନ୍ଦନଙ୍କର ବଚସା ହୋଇଥିଲା।

ଆଜି ଯୁକ୍ତ୨ ବିଜ୍ଞାନ ଫଳ

ଭୁବନେଶ୍ୱର, ୧୮।୫(ବ୍ୟୁରୋ)- ଉଚ୍ଚ ମାଧ୍ୟମିକ ଶିକ୍ଷା ପରିଷଦ(ସିଏଚ୍‌ଏସ୍‌ଇ) ଦ୍ୱାରା ପରିଚାଳିତ ଯୁକ୍ତ୨ ବିଜ୍ଞାନ ପରୀକ୍ଷାଫଳ ଶନିବାର ପ୍ରକାଶ ପାଇବ। ପୂର୍ବାହ୍ନ ୧୧ଟାରେ ସିଏଚ୍‌ଏସ୍‌ଇ କାର୍ଯ୍ୟାଳୟରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର ଏବଂ ବିଭାଗୀୟ ସଚିବ ପ୍ରଦୀପ୍ତ ମହାପାତ୍ର ଫଳାଫଳ ଘୋଷଣା କରିବେ। ଏହାପରେ ସିଏଚ୍‌ଏସ୍‌ଇ ଓ୍ବେବସାଇଟ୍‌(www.chseodisha.nic.in) ଏବଂ (www.orissaresults.nic.in)ରେ ପରୀକ୍ଷା ଫଳ ଉପଲବ୍ଧ ହେବ। ଛାତ୍ରୀଛାତ୍ରମାନେ ଓ୍ବେବସାଇଟ୍‌କୁ ଯାଇ ରୋଲ ନମ୍ବର ସହ ରେଜିଷ୍ଟ୍ରେଶନ ନମ୍ବର ଲେଖି ସେମାନଙ୍କ ପରୀକ୍ଷାଫଳ ଜାଣିପାରିବେ ବୋଲି ସିଏଚ୍‌ଏସ୍‌ଇ ପକ୍ଷରୁ ସୂଚନା ଦିଆଯାଇଛି।

୨୦ରେ ଜେଇଇ ଆଡଭାନ୍ସଡ୍‌

୨୦ରେ ଜେଇଇ ଆଡଭାନ୍ସଡ୍‌

ଭୁବନେଶ୍ୱର, ୧୮ା୫(ବ୍ୟୁରୋ)- ଦେଶରେ ଆଇଆଇଟିଗୁଡ଼ିକରେ ନାମ ଲେଖା ଲାଗି ଯୁଗ୍ମ ପ୍ରବେଶିକା ପରୀକ୍ଷା(ଜେଇଇ) ଆଡଭାନ୍ସଡ-୨୦୧୮ ରବିବାର ଅନୁଷ୍ଠିତ ହେବ। ଜେଇଇ ମେନ୍‌ରେ ର଼୍ୟାଙ୍ଗ ହାସଲ କରିଥିବା ୨ଲକ୍ଷ ୨୪ ହଜାର ଛାତ୍ରୀଛାତ୍ର ଚଳିତବର୍ଷ ଏହି ପରୀକ୍ଷା ଦେବେ। ପରୀକ୍ଷା ପାଇଁ ପରୀକ୍ଷାର୍ଥୀମାନେ ସାଙ୍ଗରେ କେବଳ ପେନ, ପେନ୍‌ସିଲ, ଆଡ୍‌ମିଟ କାର୍ଡ ଓ ଫଟୋ ପରିଚୟପତ୍ର ବ୍ୟତିତ ଅନ୍ୟ କୌଣସି ଜିନିଷ ନେଇପାରିବେ ନାହିଁ ବୋଲି ନିର୍ଦ୍ଦେଶ ରହିଛି। ବହି, ଖାତା, ଟୋପି, ଜ୍ୟାକେଟ୍‌, କଳା ଚଷମା, କମ୍ପାକ୍ସ ବକ୍ସ, ହାତ ଘଣ୍ଟା, ମୋବାଇଲ୍‌ ଫୋନ, କାଲକୁଲେଟର, ଲାପଟପ୍‌ ଓ ମନିପର୍ସ ନେଇପାରିବେ ନାହିଁ। କେନ୍ଦ୍ର ବାହାରେ ପରୀକ୍ଷାର୍ଥୀଙ୍କୁ କଡାକଡ଼ି ଭାବେ ଯାଞ୍ଚ କରାଯାଇ ଭିତରକୁ ଛଡ଼ାଯିବ।

ବ୍ଲକ ଶିକ୍ଷାଧିକାରୀଙ୍କୁ ସିଡବ୍ଲ୍ୟୁସି ଚିଠି ସ୍କୁଲ ପରିସରକୁ ତମାଖୁମୁକ୍ତ ଅଞ୍ଚଳ କରିବାକୁ ନିର୍ଦ୍ଦେଶ

ବ୍ଲକ ଶିକ୍ଷାଧିକାରୀଙ୍କୁ ସିଡବ୍ଲ୍ୟୁସି ଚିଠି ସ୍କୁଲ ପରିସରକୁ ତମାଖୁମୁକ୍ତ ଅଞ୍ଚଳ କରିବାକୁ ନିର୍ଦ୍ଦେଶ

ଭୁବନେଶ୍ୱର, ୧୮।୫(ବ୍ୟୁରୋ)- ବିଦ୍ୟାଳୟ ପରିସରକୁ ତମାଖୁମୁକ୍ତ ଅଞ୍ଚଳ କରିବା ପାଇଁ ଖୋର୍ଦ୍ଧା ଶିଶୁ କଲ୍ୟାଣ କମିଟି(ସିଡବ୍ଲ୍ୟୁସି) ଜିଲାର ସମସ୍ତ ବ୍ଲକ ଶିକ୍ଷାଧିକାରୀଙ୍କୁ ଚିଠି ମାଧ୍ୟମରେ ନିର୍ଦ୍ଦେଶ ଦେଇଛନ୍ତି।

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲା ଫୋରେନ୍‌ସିକ ପରୀକ୍ଷା ପାଇଁ ପଠାଗଲା ଡାଏରୀ

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲା ଫୋରେନ୍‌ସିକ ପରୀକ୍ଷା ପାଇଁ ପଠାଗଲା ଡାଏରୀ

କଟକ ଅଫିସ, ୧୮ା୫- ବଲାଙ୍ଗୀର ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାରେ କ୍ରାଇମବ୍ରାଞ୍ଚ ବୈଷୟିକ ପଦ୍ଧତିରେ ତଦନ୍ତକୁ ଅଗ୍ରଗତି କରିଛି। ଗିରଫ ଅଧ୍ୟାପକ ପୁଞ୍ଜିଲାଲ ମେହେରଙ୍କଠାରୁ ଜବତ ହୋଇଥିବା ୧୭ଟି ଡାଏରୀକୁ ପରୀକ୍ଷା ପାଇଁ ରାଜ୍ୟ ଫୋରେନ୍‌ସିକ ଲାବରେଟୋରି(ଏସ୍‌ଏଫ୍‌ଏଲ୍‌)କୁ କ୍ରାଇମବ୍ରାଞ୍ଚ ପଠାଇଛି। ଡାଏରୀରେ ଲେଖାଥିବା ହସ୍ତାକ୍ଷର ପୁଞ୍ଜିଲାଲଙ୍କର କି ନୁହେଁ ସେ ସମ୍ପର୍କରେ ଜାଣିବା ପାଇଁ କ୍ରାଇମବ୍ରାଞ୍ଚ ପକ୍ଷରୁ ଏହି ପରୀକ୍ଷା କରାଯାଉଛି।

ଆସନ୍ତାକାଲି ପ୍ରକାଶ ପାଇବ ଯୁକ୍ତ ୨ ପରୀକ୍ଷାଫଳ

ଆସନ୍ତାକାଲି ପ୍ରକାଶ ପାଇବ ଯୁକ୍ତ ୨ ପରୀକ୍ଷାଫଳ

ଭୁବନେଶ୍ୱର, ୧୮।୫(ବ୍ୟୁରୋ): ଶନିବାର ଉଚ୍ଚ ମାଧ୍ୟମିକ ଶିକ୍ଷା ପରିଷଦ(ସିଏଚ୍‌ଏସ୍‌ଇ) କାର୍ଯ୍ୟାଳୟରେ ଯୁକ୍ତ ୨ ବିଜ୍ଞାନ ଫଳ ପ୍ରକାଶ ପାଇବ। ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର ଏହି ଫଳ ଘୋଷଣା କରିବେ। ଏହାପରେ ସିଏଚ୍‌ଏସ୍‌ଇ ଓ୍ବେବସାଇଟ www.chseodisha.nic.in ଏବଂ www.orissaresults.nic.in ରେ ପରୀକ୍ଷା ଫଳ ଉପଲବ୍ଧ ହେବ। ଏହି ଓ୍ବେବସାଇଟରୁ ଛାତ୍ରୀଛାତ୍ର ଓ ଅଭିଭାବକମାନେ ରୋଲ ନଂ ସହ ରେଜିଷ୍ଟେଶନ ନଂ ଲେଖି ସେମାନଙ୍କର ପରୀକ୍ଷା ଫଳ ଜାଣିପାରିବେ।

ଭଡ଼ା ଘରୁ ସେକ୍ସ ର଼୍ୟାକେଟ ଠାବ: ୨ ଦେହଜୀବୀ, ୨ ଗ୍ରାହକ, ୨ ଦଲାଲ ଗିରଫ

ଭଡ଼ା ଘରୁ ସେକ୍ସ ର଼୍ୟାକେଟ ଠାବ: ୨ ଦେହଜୀବୀ, ୨ ଗ୍ରାହକ, ୨ ଦଲାଲ ଗିରଫ

ଭୁବନେଶ୍ୱର, ୧୮।୫(ବ୍ୟୁରୋ): ସହିଦନଗର ଥାନା ଅନ୍ତର୍ଗତ ଗଜପତିନଗର ବ୍ୟାଙ୍କ ହାଉସ୍‌ କଲୋନୀରେ ଥିବା ଏକ ଭଡାଘରୁ କମିଶନରେଟ ପୋଲିସ ଶୁକ୍ରବାର ଏକ ସେକ୍ସ ର଼୍ୟାକେଟ ଠାବ କରିଛି। ୨ ଦେହଜୀବୀ, ୨ ଗ୍ରାହକ, ଜଣେ ମହିଳାଙ୍କ ସମେତ ୨ ଦଲାଲଙ୍କୁ ପୋଲିସ ଗିରଫ କରିଛି। ଉକ୍ତ ଘରୁ ପୋଲିସ କିଛି ଆପତ୍ତିଜନକ ସାମଗ୍ରୀ ଜବତ କରିଛି। ଶନିବାର ଉକ୍ତ ଦେହଜୀବୀ ଓ ଗ୍ରାହକଙ୍କର ଡାକ୍ତରୀ ମାଇନା କରି କୋର୍ଟ ଚାଲାଣ କରିବ ବୋଲି ପୋଲିସ କହିଛି।

ସତ୍ୟବାଦୀରେ ହେଉ ଓଡ଼ିଆ ବିଶ୍ୱବିଦ୍ୟାଳୟ: ରାଜ୍ୟ ସରକାରଙ୍କୁ ପ୍ରସ୍ତାବ ଦେବ ପୁରୀ ଜିଲା ପରିଷଦ

ସତ୍ୟବାଦୀରେ ହେଉ ଓଡ଼ିଆ ବିଶ୍ୱବିଦ୍ୟାଳୟ: ରାଜ୍ୟ ସରକାରଙ୍କୁ ପ୍ରସ୍ତାବ ଦେବ ପୁରୀ ଜିଲା ପରିଷଦ

ପୁରୀ ଅଫିସ,୧୮।୫(ଡି.ଏନ୍‌.ଏ.): ପୁରୀ ଜିଲା ପରିଷଦର ତୃତୀୟ ବୈଠକ ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ ଶୁକ୍ରବାର ଅନୁଷ୍ଠିତ ହୋଇଯାଇଛି। ଜିଲା ପରିଷଦ ସଭାପତି ଜ୍ୟୋର୍ତିମୟ ଦଳାଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ନିମାପଡା ବିଧାୟକ ସମୀର ରଞ୍ଜନ ଦାସ ଯୋଗଦେଇ ବକୁଳ ବନରେ ଓଡିଆ ବିଶ୍ୱବିଦ୍ୟାଳୟ ସ୍ଥାପନ କରିବା ଲାଗି ରାଜ୍ୟ ସରକାରଙ୍କୁ ପୁରୀ ଜିଲା ପରିଷଦ ପକ୍ଷରୁ ପ୍ରସ୍ତାବ ଦିଆଯାଉ ବୋଲି କହିଥିଲେ।

ପୁରୀ ବାଇପାସ୍‌ ନିର୍ମାଣ କାର୍ଯ୍ୟ ଆରମ୍ଭ

ପୁରୀ ବାଇପାସ୍‌ ନିର୍ମାଣ କାର୍ଯ୍ୟ ଆରମ୍ଭ

ପୁରୀ ଅଫିସ,୧୮।୫(ଡି.ଏନ୍‌.ଏ.): ଭାରତ ସରକାରଙ୍କ ଜାତୀୟ ରାଜପଥ କର୍ତ୍ତୃପକ୍ଷ(ଏନ୍‌ଏଚ୍‌ଏଆଇ) ପକ୍ଷରୁ ଶୁକ୍ରବାର ଅଧପନ୍ତରିଆରେ ପୁରୀ ବାଇପାସ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ କରାଯାଇଛି। ବାଟ ଗାଁ ଛକଠାରୁ ମଙ୍ଗଳ ଘାଟ ଛକ ପର୍ଯ୍ୟନ୍ତ ରାସ୍ତାର ଡାହାଣ ପାର୍ଶ୍ୱ ରାସ୍ତା ନିର୍ମାଣ ସରିଥିଲା । ଅଧାପନ୍ତରିଆରେ ରହିଥିବା ବାମ ପାର୍ଶ୍ୱ କାର୍ଯ୍ୟ ଆରମ୍ଭ ହୋଇଛି ।