ମେଟ୍ରୋ

ପୁଣି ମାତିଲେ ଟଙ୍କା ଫିଙ୍ଗା ଲୁଟେରା:ଟଙ୍କା ପକାଇ ୭ ଲକ୍ଷର ସୁନାଗହଣା ଲୁଟିନେଲେ

ପୁଣି ମାତିଲେ ଟଙ୍କା ଫିଙ୍ଗା ଲୁଟେରା:ଟଙ୍କା ପକାଇ ୭ ଲକ୍ଷର ସୁନାଗହଣା ଲୁଟିନେଲେ

ଭୁୁବନେଶ୍ୱର, ୧୫।୬(ବ୍ୟୁରୋ)- ରାଜଧାନୀରେ ପୁଣି ସକ୍ରିୟ ହୋଇଛନ୍ତି ଟଙ୍କା ଫିଙ୍ଗା ଲୁଟେରା। ଏକ ଜୁଏଲେରୀ ଦୋକାନ ଆଗରେ ଟଙ୍କା ଫିଙ୍ଗି ଦୋକାନ ମାଲିକଙ୍କଠାରୁ ପ୍ରାୟ ୭ଲକ୍ଷ ଟଙ୍କାର ସୁନା ଗହଣା ଭର୍ତ୍ତି ବ୍ୟାଗ୍‌କୁ ଲୁଟି ନେଇଛନ୍ତି ଦୁର୍ବୃତ୍ତ। ଖଣ୍ଡଗିରି ଥାନା ଅନ୍ତର୍ଗତ ଧର୍ମବିହାର ମାର୍କେଟ କମ୍ପ୍ଲେକ୍ସରେ ଗୁରୁବାର ରାତିରେ ଏହି ଘଟଣା ଘଟିଛି। ଲୁଟର ଶିକାର ହୋଇଛନ୍ତି ଉକ୍ତ କମ୍ପ୍ଲେକ୍ସରେ ଦୋକାନ କରିଥିବା ରଜନୀକାନ୍ତ ସାହୁ। ଏକ ବାଇକ୍‌ରେ ୨ ଜଣ ଲୁଟେରା ଆସି ରଜନୀକାନ୍ତଙ୍କଠାରୁ ଗହଣା ବ୍ୟାଗ୍‌ ଲୁଟି ନେଇଥିବା ସେ କହିଛନ୍ତି। ଏ ନେଇ ସେ ଥାନାରେ ଅଭିଯୋଗ କରିବା ପରେ ପୋଲିସ ଖୋଳତାଡ କରୁଛି।

ଆଜି ଦାୟିତ୍ୱ ନେବେ ଶ୍ରୀମନ୍ଦିର ମୁଖ୍ୟ ପ୍ରଶାସକ

ପୁରୀ ଅଫିସ, ୧୫ା୬- ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ଶୁକ୍ରବାର ଅପରାହ୍ନରେ ଦାୟିତ୍ୱ ଗ୍ରହଣ କରିବେ ପ୍ରଦୀପ୍ତ ମହାପାତ୍ର। ଅପରାହ୍ନରେ ସେ ଶ୍ରୀମନ୍ଦିରକୁ ଆସି ମହାପ୍ରଭୁଙ୍କୁ ଦର୍ଶନ କରିବେ। ଏହାପରେ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟକୁ ଆସି ଦାୟିତ୍ୱ ଗ୍ରହଣ କରିବେ ବୋଲି ଜଣାପଡିଛି। ଗତ ସୋମବାର ଶ୍ରୀମନ୍ଦିର ମୁଖ୍ୟ ପ୍ରଶାସକ ପଦବୀରୁ ରାଜ୍ୟ ସରକାର ପ୍ରଦୀପ କୁମାର ଜେନାଙ୍କୁ ବଦଳି କରିଥିଲେ। ତାଙ୍କ ସ୍ଥାନରେ ବର୍ତ୍ତମାନର ବିଦ୍ୟାଳୟ ଓ ଗଣଶିକ୍ଷା ସଚିବ ତଥା ପୂର୍ବତନ ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ୍ତ ମହାପାତ୍ରଙ୍କୁ ସରକାର ନିଯୁକ୍ତି ଦେଇଛନ୍ତି।

ଦଇତାପତିଙ୍କ ଗୁପ୍ତ ବୈଠକ

ଦଇତାପତିଙ୍କ ଗୁପ୍ତ ବୈଠକ

ପୁରୀ ଅଫିସ, ୧୫ା୬- ଆଗକୁ ସ୍ନାନ ପୂର୍ଣ୍ଣିମା ଓ ରଥଯାତ୍ରା। ଏଥିରେ ଦଇତାପତିଙ୍କ ପ୍ରମୁଖ ଭୂମିକା ରହିଛି। କିନ୍ତୁ ସୁପ୍ରିମ୍‌କୋର୍ଟଙ୍କ ରାୟ ପରେ ଦଇତାପତି ସେବକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଏସବୁକୁ ନେଇ ଗୁରୁବାର ସନ୍ଧ୍ୟାରେ ଦଇତାପତି ସେବକଙ୍କ ଏକ ଗୁପ୍ତ ବୈଠକ ରାଧାବଲ୍ଲଭ ମଠ ପରିସରରେ ଅନୁଷ୍ଠିତ ହୋଇଥିଲା। ଏଥିରେ ସୁପ୍ରିମ୍‌କୋର୍ଟଙ୍କ ରାୟ ଉପରେ ବିଶେଷ ଭାବେ ତର୍ଜମା ହୋଇଥିଲା। ଦଇତାପତିଙ୍କ ସେବା ହେଉଛି ସ୍ବତନ୍ତ୍ର ଏବଂ ଗୁପ୍ତ। ସେମାନଙ୍କ ପ୍ରାପ୍ୟ ପାଉଣା ମଧ୍ୟ ସ୍ବତନ୍ତ୍ର। ଆଗକୁ ସ୍ନାନ ପୂର୍ଣ୍ଣିମା ଏବଂ ରଥଯାତ୍ରା ଥିବାରୁ ପ୍ରଶାସନ ତାଙ୍କୁ ସହଯୋଗର ହାତ ବଢାଉ। ସେମାନେ ବି ସହଯୋଗ ଲାଗି ପ୍ରସ୍ତୁତ ରହିଛନ୍ତି। ଫଳରେ ଠାକୁରଙ୍କ ରଥଯାତ୍ରା ସୁରୁଖୁରରେ ସମ୍ପାଦନ ହୋଇପାରିବ ବୋଲି ବୈଠକରେ ମତ ପ୍ରକାଶ ପାଇଥିଲା। ଠାକୁରଙ୍କ ସେବାରେ ଦଇତାପତିମାନେ ସର୍ବଦା ସମର୍ପିତ। ତେଣୁ ଶ୍ରୀମନ୍ଦିରର ନୂତନ ମୁଖ୍ୟ ପ୍ରଶାସକ ସେମାନଙ୍କ ଅସୁବିଧାକୁ ଉପଲବ୍ଧି କରି ଆଲୋଚନା କରିବା ଦରକାର ବୋଲି ବୈଠକରେ ଆଲୋଚନା ହୋଇଥିଲା। ବୈଠକରେ ଦଇତାପତି ନିଯୋଗର ସ୍ଥାୟୀ ସଭାପତି ଦେବପତି ମହାପାତ୍ର, ସଭାପତି ରାମକୃଷ୍ଣ ଦାସମହାପାତ୍ର, ସମ୍ପାଦକ ପ୍ରେମାନନ୍ଦ ଦାସମହାପାତ୍ର, ଜଗୁନି ଦାସମହାପାତ୍ର, ବିଶ୍ୱାବସୁ ବିନାୟକ ଦାସମହାପାତ୍ର ପ୍ରମୁଖ ଯୋଗଦେଇଥିଲେ।

ପୁରୀରୁ ଖସି ପଳାଇଥିବା ନାବାଳକ ଭୁବନେଶ୍ୱରରେ ଧରାପଡ଼ିଲେ

ପୁରୀ ଅଫିସ, ୧୫ା୬- ପୁରୀ ଓପନ ସେଲ୍ଟରରୁ ଖସି ପଳାଇଥିବା ଜଣେ ନାବାଳକଙ୍କୁ ଭୁବନେଶ୍ୱର ଚାଇଲ୍ଡ ଲାଇନ ଉଦ୍ଧାର କରିଛି। ବୁଧବାର ନାବାଳକ ଜଣକ ଭୁବନେଶ୍ୱର ରେଳ ଷ୍ଟେଶନରେ ବୁଲୁଥିବାବେଳେ ଆରପିଏଫ ପୋଲିସ ତାଙ୍କୁ ଧରି ଚାଇଲ୍ଡ ଲାଇନକୁ ହସ୍ତାନ୍ତର କରିଥିଲା। ପଚରାଉଚରା ବେଳେ ସେ ପୁରୀ ଓପନ୍‌ ସେଲ୍ଟରରୁ ଖସି ଆସିଥିବା କହିଥିଲେ। ଏ ନେଇ ଭୁବନେଶ୍ୱର ଚାଇଲ୍ଡ ଲାଇନ ପୁରୀ ଚାଇଲ୍ଡ ଲାଇନ ସହିତ କଥାବାର୍ତ୍ତା କରିଥିବା ଜଣାପଡିଛି। ଚାଇଲ୍ଡ ଲାଇନ ନିର୍ଦ୍ଦେଶକ ଦେବାଶିଷ ରଥ କୁହନ୍ତି ଉକ୍ତ ନାବାଳକ ଜଣକ ତ୍ରିପୁରା ଅଞ୍ଚଳର। ତାଙ୍କୁ ଗତ ୪ମାସ ତଳେ ପୁରୀ ରେଳ ଷ୍ଟେଶନରୁ ସନ୍ଦିଗ୍ଧ ଅବସ୍ଥାରେ ବୁଲୁଥିବା ବେଳେ ଧରାଯାଇଥିଲା। ସେବେଠାରୁ ସେ ଓପନ୍‌ ସେଲ୍ଟରରେ ରହୁଥିଲେ। ପୂର୍ବରୁ ମଧ୍ୟ ସେ ଖସିଯିବାକୁ ଉଦ୍ୟମ କରିଥିଲେ। ତାଙ୍କୁ ତ୍ରିପୁରା ଫେରାଇବା ଲାଗି ଉଦ୍ୟମ କରାଯାଇଥିଲା।

ପୁରୀରେ ରଜ ମହୋତ୍ସବ:ସଞ୍ଜ ନଇଁଲେ ଜମୁଛି ସାଂସ୍କୃତିକ ଆସର

ପୁରୀ ଅଫିସ, ୧୫ା୬- ରଜ ପର୍ବକୁ ନେଇ ଉତ୍ସବମୁଖର ପୁରୀ ସହର। ଓଡ଼ିଶାର ଏହି ଗଣପର୍ବକୁ ସ୍ବାଗତ ଜଣାଇ ବିଭିନ୍ନ ଅନୁଷ୍ଠାନ ପକ୍ଷରୁ ଆୟୋଜିତ ହୋଇଛି ରଜ ମହୋତ୍ସବ। ରୟାଲ କ୍ଲବ ପକ୍ଷରୁ ଶ୍ରୀକ୍ଷେତ୍ର ରଜ ମହୋତ୍ସବ କମିଟି ଆନୁକୂଲ୍ୟରେ ମାର୍କଣ୍ଡେଶ୍ୱର ସାହି ବୁଢୀ ମା’ ତୋଟା ପରିସରରେ ଅନୁଷ୍ଠିତ ହେଉଛି ଶ୍ରୀକ୍ଷେତ୍ର ରଜ ମହୋତ୍ସବ। ସେହିପରି ଅର୍ବାନ ହାଟ ପରିସରରେ ନୀଳାଚଳ ରଜ ମହୋତ୍ସବ ଏବଂ ଶରଧାବାଲିସ୍ଥିତ ମୁକ୍ତାକାଶ ରଙ୍ଗମଞ୍ଚରେ ନୀଳାଦ୍ରି କଲ୍‌ଚରାଲ ଏକାଡେମୀ ପକ୍ଷରୁ ଗୁରୁବାରଠାରୁ ଆରମ୍ଭ ହୋଇଛି ରଜ ମହୋତ୍ସବ। ସଞ୍ଜ ନଇଁଲେ ସହରରେ ଜମୁଛି ସାଂସ୍କୃତିକ କାର୍ଯ୍ୟକ୍ରମର ଆସର। ବୁଢୀ ମା’ ତୋଟା ପରିସରରେ ଚାଲିଥିବା ଶ୍ରୀକ୍ଷେତ୍ର ରଜ ମହୋତ୍ସବର ଗୁରୁବାର ଦ୍ୱିତୀୟ ସନ୍ଧ୍ୟାକୁ ଅନୁଷ୍ଠାନର ସଭାପତି ଭକ୍ତ ଚରଣ ଦାସ ଉଦ୍‌ଘାଟନ କରିଥିଲେ। ଏଥିରେ ଜିଲା ପରିଷଦ ସଭ୍ୟ ଦିବାକର ପାତ୍ର ଓ ଭଗବାନ ସୁଆର ଅତିଥିଭାବେ ଯୋଗଦେଇଥିଲେ। ଏହି ଅବସରରେ ଶିଳ୍ପୀ ଏଣ୍ଟରଟେନମେଣ୍ଟ କଳାକାରମାନେ ମୟୂର ନୃତ୍ୟ, ଦୁର୍ଗା ବନ୍ଦନା ସାଙ୍ଗକୁ ବିଭିନ୍ନ ପ୍ରକାର ପୌରାଣିକ ଓ ଆଧୁନିକ ନୃତ୍ୟ ପରିବେଷଣ କରିଥିଲେ। ଶତାଧିକ ପ୍ରତିଯୋଗୀଙ୍କୁ ନେଇ ଦିନରେ ପୁଚି, ମ୍ୟୁଜିକ ଚେୟାର ଓ ରଜଦୋଳି ପ୍ରତିଯୋଗିତା ହୋଇଥିଲା। ଅନୁଷ୍ଠାନର ସମ୍ପାଦକ ଭବେଶ ସ୍ବାଇଁ, ସଙ୍ଗଠନ ସମ୍ପାଦକ ବିଜୟ କୁମାର ସ୍ବାଇଁ ପ୍ରମୁଖ ପରିଚାଳନା କରିଥିଲେ।

ବ୍ରାଉନ ସୁଗାର ବେପାରକୁ ବିରୋଧ କରିବାରୁ ଗଣ୍ଡଗୋଳ:୨ ଭଉଣୀଙ୍କ ପୋଷାକ ଚିରି ପିଟିଲେ

ଭୁବନେଶ୍ୱର, ୧୫ା୬(ବ୍ୟୁରୋ)- ଲକ୍ଷ୍ମୀସାଗର ଥାନା ଅନ୍ତର୍ଗତ ହଳଦୀପଡିଆ ବସ୍ତି ଅଞ୍ଚଳରେ ଚାଲିଛି ଗୁଣ୍ଡାରାଜ। ବ୍ରାଉନସୁଗାର ବେପାର କରୁଥିବା କେତେଜଣ ବେପାରୀ ଆତଙ୍କରାଜ ଚଳାଇଛନ୍ତି। ଯେଉଁମାନେ ବ୍ରାଉନସୁଗାର ବ୍ୟବସାୟକୁ ବିରୋଧ କରୁଛନ୍ତି ସେମାନଙ୍କୁ ମାଡ ମରାଯାଉଛି। ଗତ ମାର୍ଚ୍ଚ ୧୩ରେ ଗୋଟିଏ ପରିବାର ସଦସ୍ୟଙ୍କୁ ଏଭଳି ଆକ୍ରମଣ କରାଯାଇଥିଲା। କିନ୍ତୁ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବାରୁ ଗୁରୁବାର ପୁଣି ସମ୍ପୃକ୍ତ ପରିବାରର ସଦସ୍ୟଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। କେତେଜଣ ଦୁର୍ବୃତ୍ତ ହାସିନା ଖାତୁନ ଏବଂ ତାଙ୍କ ଦୁଇଝିଅଙ୍କୁ ନିସ୍ତୁକ ମାଡ଼ ମାରି ଲହୁଲୁହାଣ କରିଦେଇଛନ୍ତି। ଆହତ ଦୁଇ ଭଉଣୀ ବର୍ତ୍ତମାନ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହେଉଥିବାବେଳେ ମା’ ହାସିନା ଲକ୍ଷ୍ମୀସାଗର ଥାନାରେ ଅଭିଯୋଗ କରିଛନ୍ତି।

ଧରାପଡ଼ିଲେ ୩ ହାଇଓ୍ବେ ଲୁଟେରା

ଧରାପଡ଼ିଲେ ୩ ହାଇଓ୍ବେ ଲୁଟେରା

ଭୁବନେଶ୍ୱର, ୧୫ା୬(ବ୍ୟୁରୋ)- ମାରଣାସ୍ତ୍ର ଦେଖାଇ ଜାତୀୟ ରାଜପଥରୁ ଲୁଟପାଟ କରୁଥିବା ହାଇଓ୍ବେ ଲୁଟେରା ଗ୍ୟାଙ୍ଗ୍‌ର ୩ ସଦସ୍ୟଙ୍କୁ ନୟାପଲ୍ଲୀ ପୋଲିସ କାବୁ କରିଛି। ସେମାନଙ୍କ ନିକଟରୁ ପୋଲିସ ମାରଣାସ୍ତ୍ର ଏବଂ ସୁନା ଚେନ୍‌ ଜବତ କରିଛି। ଲୁଟେରାମାନେ ସାଲିଆସାହିରେ ରହୁଥିବା ଜଣାପଡିଛି। ଅଧିକ ତଥ୍ୟ ହାସଲ ପାଇଁ ପୋଲିସ ସେମାନଙ୍କୁ ଅଟକ ରଖି ପଚରାଉଚରା କରୁଛି। ସୂଚନାଯୋଗ୍ୟ, ଗତ ସପ୍ତାହରେ ଏହି ଗ୍ୟାଙ୍ଗ୍‌ ଜୟଦେବବିହାର ଓଭରବ୍ରିଜ ଉପରେ ଜଣେ ଯାତ୍ରୀଙ୍କୁ ମାରଣାସ୍ତ୍ର ଦେଖାଇ ଲୁଟପାଟ କରିଥିଲେ। ଥାନାରେ ଅଭିଯୋଗ ହେବା ପରେ ପୋଲିସ ଏହି ଗ୍ୟାଙ୍ଗ୍‌କୁ ଧରିବା ପାଇଁ ଯୋଜନା କରିଥିଲା। ବୁଧବାର ରାତିରେ ଏହି ଲୁଟେରା ଗ୍ୟାଙ୍ଗର ୩ ସଦସ୍ୟ ନୟାପଲ୍ଲୀ ଥାନା ନିକଟ ଓଭରବ୍ରିଜ୍‌ ଉପରେ ଲୁଟ୍‌ପାଟ କରିବାକୁ ଛକି ରହିଥିବା ବେଳେ ପୋଲିସ ସେମାନଙ୍କୁ କାବୁ କରିଥିଲା। ପଚରାଉଚରା ପରେ ସେମାନେ ଲୁଟପାଟ କରୁଥିବା ପୋଲିସ ଆଗରେ ସ୍ବୀକାର କରିଥିଲେ। ସେମାନଙ୍କ ନାମରେ ଖଣ୍ଡଗିରି ଓ ନୟାପଲ୍ଲୀ ଥାନାରେ ଏକାଧିକ ମାମଲା ଥିବା ଜଣାପଡିଛି।

୨ ଲୁଟେରା ଗିରଫ:୧୨ ମୋବାଇଲ, ବାଇକ ଜବତ

୨ ଲୁଟେରା ଗିରଫ:୧୨ ମୋବାଇଲ, ବାଇକ ଜବତ

ଭୁବନେଶ୍ୱର, ୧୫ା୬(ବ୍ୟୁରୋ)- କ୍ୟାପିଟାଲ ଥାନା ଅଞ୍ଚଳରେ ଏକ ଲୁଟ୍‌ ଘଟଣାର ୨ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ସେମାନେ ହେଲେ ଖଣ୍ଡଗିରି ଥାନା ଅଧୀନ ଗଣ୍ଡମୁଣ୍ଡା ଅଞ୍ଚଳର ଅଶୋକ ଦୁବେ(୨୫) ଓ ତାରିଣୀ ବସ୍ତିର ଭାଗ୍ୟବନ୍ତ ମିଶ୍ର(୧୮)। ସୂଚନା ମୁତାବକ, ଗତ ୧୨ ତାରିଖ ବିଳମ୍ବିତ ରାତିରେ ଶିଶୁଭବନ ଛକରୁ ୨ଅଭିଯୁକ୍ତ ମଞ୍ଚେଶ୍ୱର ଅଞ୍ଚଳର ନାରାୟଣ ଦାସଙ୍କଠାରୁ ମୋବାଇଲ ଲୁଟ କରି ବାଇକରେ ଫେରାର ହୋଇଯାଇଥିଲେ। ଏ ନେଇ ନାରାୟଣ କ୍ୟାପିଟାଲ ଥାନାରେ ଅଭିଯୋଗ କରିବା ପରେ ପୋଲିସ ଏକ ମାମଲା(୨୪୦/୧୮) ରୁଜୁ କରି ତଦନ୍ତ ଆରମ୍ଭ କରିଥିଲା। ପୋଲିସ ଶିଶୁଭବନ ଛକରେ ଲାଗିଥିବା ସିସିଟିଭି ଫୁଟେଜକୁ ଯାଞ୍ଚ କରିବା ପରେ ଅଭିଯୁକ୍ତଦ୍ୱୟଙ୍କୁ ଚିହ୍ନଟ କରିଥିଲା। ଗୁରୁବାର ଖଣ୍ଡଗିରି ଅଞ୍ଚଳରେ ଚଢ଼ାଉ କରି ସେମାନଙ୍କୁ ଗିରଫ କରିଥିଲା। ଅଭିଯୁକ୍ତମାନଙ୍କ ନିକଟରୁ ଗୋଟିଏ ବାଇକ ଓ ୧୨ଟି ମୋବାଇଲ ଫୋନ ଜବତ ହୋଇଛି। କ୍ୟାପିଟାଲ ଥାନାର ଦୁଇଟି ଲୁଟ ମାମଲା(୨୪୫/୧୮ ଏବଂ ୨୪୯/୧୮)ରେ ଉଭୟେ ସମ୍ପୃକ୍ତ ଥିବା ଜଣାପଡ଼ିଛି।

ନାଗା ବାବାଙ୍କୁ ଉଲଗ୍ନ କରି ପିଟିବା ଘଟଣା: ୭ କିନ୍ନର ଗିରଫ

ନାଗା ବାବାଙ୍କୁ ଉଲଗ୍ନ କରି ପିଟିବା ଘଟଣା: ୭ କିନ୍ନର ଗିରଫ

ଭୁବନେଶ୍ୱର, ୧୫।୬(ବ୍ୟୁରୋ): ଭୁବନେଶ୍ୱରର ଖଣ୍ଡଗିରି ଅଞ୍ଚଳରେ ଜଣେ ନାଗା ବାବାଙ୍କୁ ଉଲଗ୍ନକରି ମାଡ଼ ମାରିବା ଘଟଣାରେ ଶୁକ୍ରବାର ଖଣ୍ଡଗିରି ଥାନା ପୋଲିସ ୭ କିନ୍ନରଙ୍କୁ ଗିରଫ କରିଛି।

ତନିଷ୍କ ପକ୍ଷରୁ ଏକ୍ସଚେଞ୍ଜ ଅଫର

ତନିଷ୍କ ପକ୍ଷରୁ ଏକ୍ସଚେଞ୍ଜ ଅଫର

ଭୁବନେଶ୍ୱର,୧୫-୬:ପ୍ରମୁଖ ଜୁଏଲେରୀ ବ୍ରାଣ୍ଡ ତନିଷ୍କ ପକ୍ଷରୁ ଏକ୍ସଚେଞ୍ଜ ଅଫର ସମ୍ପର୍କରେ ଘୋଷଣା କରାଯାଇଛି। ଏହି ଅବସରରେ କମ୍ପାନୀ ଗ୍ରାହକଙ୍କୁ ପୁରୁଣା ସୁନା ଉପରେ ୧୦୦% ମୂଲ୍ୟ ପ୍ରଦାନ କରୁଛି। ଏହା ସହ ଏକ୍ସଚେଞ୍ଜ ବେଳେ ୧୪ କ୍ୟାରେଟ ଏବଂ ଏହାଠାରୁ ଅଧିକ ଶୁଦ୍ଧତା ସୁନା ଗହଣା ଉପରେ ୦% ଡିଡକ୍ସନ ସୁବିଧା ରହିଛି। ଏହି ସୁବିଧା ଦ୍ୱାରା କମ୍ପାନୀ ଗ୍ରାହକଙ୍କୁ ସେମାନଙ୍କ ପୁରୁଣା ଗହଣାକୁ ନୂଆ ଖଣ୍ଡରେ ପରିବର୍ତ୍ତନ କରିବାକୁ ସୁଯୋଗ ପ୍ରଦାନ କରୁଥିବା କହିଛି। ସୁନାର ଶୁଦ୍ଧତା ମାପିବା ଲାଗି ଶୋରୁମରେ କ୍ୟାରେଟ ମିଟର ବ୍ୟବହାର କରାଯାଉଥିବା କମ୍ପାନୀ ସୂଚନା ଦେଇଛି।

ରଜ ସଂକ୍ରାନ୍ତିରେ ଆଖଣ୍ଡଳେଶ୍ବର ଶୈବପୀଠରେ ଅଣ୍ଡା ମାଡ଼

ରଜ ସଂକ୍ରାନ୍ତିରେ ଆଖଣ୍ଡଳେଶ୍ବର ଶୈବପୀଠରେ ଅଣ୍ଡା ମାଡ଼

ଗୋପ,୧୫।୬(ଡି.ଏନ୍‌.ଏ.): ପୁରୀ ଜିଲା ଗୋପସ୍ଥିତ ଆଖଣ୍ଡଳେଶ୍ବର ଶୀବ ମନ୍ଦିରରେ ରଜ ସଂକ୍ରାନ୍ତି ଅବସରରେ ଅର୍ଥାତ ଶୁକ୍ରବାର ଭୋରରେ ଅଣ୍ଡା ମାଡ଼ ହୋଇଛି ।

ଲାଠିକଟା ତହସିଲଦାର ଗିରଫ

ଲାଠିକଟା ତହସିଲଦାର ଗିରଫ

କଟକ ଅଫିସ, ୧୪।୬- ସୁନ୍ଦରଗଡ଼ ଜିଲା ଲାଠିକଟା ତହସିଲଦାର ବିଜୟ କୁମାର ବେହେରା ଓ ଊଳବସରପ୍ରାପ୍ତ ରାଜସ୍ବ ନିରୀକ୍ଷକ (ଆର୍‌ଆଇ) ପ୍ରମୋଦ କୁମାର ବେଉରାଙ୍କୁ ଭିଜିଲାନ୍ସ ଗୁରୁବାର ଗିରଫ କରିଛି। ସେମାନେ ବିପୁଳ ଟଙ୍କା ଧରି ଏକ କାର୍‌ରେ ଗଞ୍ଜାମ ଜିଲା ଛତ୍ରପୁର ଅଭିମୁଖେ ଯାଉଥିବାବେଳେ ଧରାପଡ଼ିଥିଲେ।

ଓଏଏସ୍‌ ଅଧିକାରୀଙ୍କ ପଦୋନ୍ନତିକୁ ଚ୍ୟାଲେଞ୍ଜ ହାଇକୋର୍ଟରେ ମାମଲା ରୁଜୁ

ଓଏଏସ୍‌ ଅଧିକାରୀଙ୍କ ପଦୋନ୍ନତିକୁ ଚ୍ୟାଲେଞ୍ଜ ହାଇକୋର୍ଟରେ ମାମଲା ରୁଜୁ

କଟକ ଅଫିସ,୧୪ା୬- ରାଜ୍ୟରେ କାର୍ଯ୍ୟରତ କେତେଜଣ ଓଡିଶା ପ୍ରଶାସନିକ ଅଧିକାରୀ (ଓଏଏସ୍‌)ଙ୍କୁ ବେଆଇନ ପଦୋନ୍ନତି ଦିଆଯାଇଥିବା ଅଭିଯୋଗ ହୋଇଛି। ଏହି ପଦୋନ୍ନତିକୁ ଚ୍ୟାଲେଞ୍ଜ କରି ଶ୍ରୀମନ୍ତ ଆଚାର୍ଯ୍ୟଙ୍କ ପକ୍ଷରୁ ବୁଧବାର ହାଇକୋର୍ଟରେ ଏକ ଜନସ୍ବାର୍ଥ ମାମଲା ରୁଜୁ ହୋଇଛି। ଆବେଦନକାରୀ ଆଚାର୍ଯ୍ୟ ଉକ୍ତ ମାମଲାରେ ରାଜ୍ୟ ମୁଖ୍ୟ ଶାସନ ସଚିବ, ସାଧାରଣ ପ୍ରଶାସନ ବିଭାଗର ସଚିବଙ୍କୁ ପକ୍ଷଭୁକ୍ତ କରିଛନ୍ତି। ଉକ୍ତ ପଦୋନ୍ନତି ଆଦେଶକୁ ରଦ୍ଦ କରିବା ପାଇଁ ଆବେଦନକାରୀ ହାଇକୋର୍ଟଙ୍କୁ ପ୍ରାର୍ଥନା କରିଛନ୍ତି।

ନାଗା ବାବାଙ୍କୁ ଉଲଗ୍ନ କରି ପିଟିଲେ

ନାଗା ବାବାଙ୍କୁ ଉଲଗ୍ନ କରି ପିଟିଲେ

ଭୁବନେଶ୍ୱର, ୧୪ା୬(ବ୍ୟୁରୋ)- ଖଣ୍ଡଗିରିରେ ପୁଣି କିନ୍ନରଙ୍କ ଦାଦାଗିରି ଦେଖିବାକୁ ମିଳିଛି। କିନ୍ନରଙ୍କ ଆକ୍ରୋଶର ଶିକାର ହୋଇଛନ୍ତି ସ୍ଥାନୀୟ ଅଞ୍ଚଳରେ ରହୁଥିବା ନାଗା ବାବା। କିନ୍ନରମାନେ ନାଗା ବାବାଙ୍କ ଆଶ୍ରମରେ ପଶି ତାଙ୍କୁ ଉଲଗ୍ନ କରି ନିସ୍ତୁକ ମାଡ଼ ମାରିଛନ୍ତି।

ରାଜ୍ୟ ଦାବିକୁ କେନ୍ଦ୍ରର ଅଗ୍ରାହ୍ୟ

ଭୁବନେଶ୍ୱର, ୧୪ା୬(ବ୍ୟୁରୋ)- କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ଆୟୁଷ୍ମାନ ଭାରତ ସ୍ବାସ୍ଥ୍ୟ ସୁରକ୍ଷା ଯୋଜନାକୁ ନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଗୁରୁବାର ଦିଲ୍ଲୀରେ ବୁଝାମଣାପତ୍ର(ଏମଓୟୁ) ସ୍ବାକ୍ଷର କରିବାର ଥିଲା।

ବିମାନବନ୍ଦରରୁ ୧୧ ଲକ୍ଷ ଟଙ୍କାର ସୁନା ଜବତ : ମଳଦ୍ୱାରରେ ସେଲୋଟେପ ବାନ୍ଧି ଚାଲାଣ କରୁଥିଲେ

ବିମାନବନ୍ଦରରୁ ୧୧ ଲକ୍ଷ ଟଙ୍କାର ସୁନା ଜବତ : ମଳଦ୍ୱାରରେ ସେଲୋଟେପ ବାନ୍ଧି ଚାଲାଣ କରୁଥିଲେ

ଭୁବନେଶ୍ୱର, ୧୪ା୬(ବ୍ୟୁରୋ)- କିଛିଦିନ ବ୍ୟବଧାନରେ ପୁଣି ଥରେ ଭୁବବେଶ୍ୱର ଅନ୍ତର୍ଜାତୀୟ ବିଜୁ ପଟ୍ଟନାୟକ ବିମାନବନ୍ଦରରୁ ସୁନା ଜବତ ହୋଇଛି। କଷ୍ଟମ ବିଭାଗ ପକ୍ଷରୁ ଚଢାଉ କରାଯାଇ ଜଣେ ଯାତ୍ରୀଙ୍କଠାରୁ ୩୫୬ ଗ୍ରାମ୍‌ ସୁନା ଜବତ କରାଯାଇଛି।

ଜୟଦେବ ପୀଠରେ ରଜ ମହୋତ୍ସବ

ଜୟଦେବ ପୀଠରେ ରଜ ମହୋତ୍ସବ

ବାଲିଅନ୍ତା,୧୪।୬୯ଡି.ଏନ୍‌.ଏ.): ବାଲିଅନ୍ତା ବ୍ଲକର ଜୟଦେବ ପଞ୍ଚାୟତ ଅଧୀନ କେନ୍ଦୁଲିସ୍ଥିତ ଜୟଦେବ ପୀଠ ପରିସରରେ ଗୁରୁବାର ରଜ ମହୋତ୍ସବ ଅନୁଷ୍ଠିତ ହୋଇଯାଇଛି।

ଡେପୁଟେଶନରୁ ଫେରୁନାହାନ୍ତି ବାବୁ

ଡେପୁଟେଶନରୁ ଫେରୁନାହାନ୍ତି ବାବୁ

ଭୁବନେଶ୍ୱର, ୧୩ା୬(ବ୍ୟୁରୋ)- ବିଭିନ୍ନ ସମୟରେ କେନ୍ଦ୍ରକୁ ଡେପୁଟେଶନରେ ଯାଉଥିବା ବାବୁମାନେ ଓଡ଼ିଶାରେ ପୁନଃ ଯୋଗ ନ ଦେଇ କେନ୍ଦ୍ରରେ କାର୍ଯ୍ୟ ଜାରି ରଖିଛନ୍ତି। ନିର୍ଦ୍ଧାରିତ ସମୟ ପରେ ସେମାନେ ଓଡ଼ିଶାକୁ ଫେରିନାହାନ୍ତି। ଏମାନଙ୍କ ମଧ୍ୟରେ ଅଛନ୍ତି ୧୯୮୩ ମସିହା ଭାରତୀୟ ପ୍ରଶାସନିକ ସେବା(ଆଇଏଏସ୍‌) ଅଧିକାରୀ ଆଇ. ଶ୍ରୀନିବାସ। ତାଙ୍କ ଚାକିରି କାଳ ଆସନ୍ତା ୨୦୨୦ ମେ’ରେ ସରୁଛି। ସେ ୧୨ ଜୁନ୍‌, ୨୦୧୪ଠାରୁ କେନ୍ଦ୍ରୀୟ ଡେପୁଟେଶନରେ ଅଛନ୍ତି। ତାଙ୍କ ଓଡ଼ିଶା ଫେରିବା ସମ୍ଭାବନା କମ୍‌ ବୋଲି ବାବୁ ମହଲରେ ଆଲୋଚନା ହେଉଛି। ସେହିପରି ୧୯୮୪ ବ୍ୟାଚ୍‌ର ଡକ୍ଟର ଅରୁଣ କୁମାର ପଣ୍ଡା ୨୨ ସେପ୍ଟେମ୍ବର, ୨୦୧୦ରୁ କେନ୍ଦ୍ରୀୟ ଡେପୁଟେଶନରେ ଅଛନ୍ତି।

ଟିମ୍‌ ଯାଯାବରରେ ରଜ  ମଉଜ: ମନ କିଣିଲା ପାରମ୍ପରିକ ପୁଚିଖେଳ ପ୍ରତିଯୋଗିତା ସାଙ୍ଗକୁ ପିଠାପଣା

ଟିମ୍‌ ଯାଯାବରରେ ରଜ ମଉଜ: ମନ କିଣିଲା ପାରମ୍ପରିକ ପୁଚିଖେଳ ପ୍ରତିଯୋଗିତା ସାଙ୍ଗକୁ ପିଠାପଣା

ସାକ୍ଷୀଗୋପାଳ, ୧୪।୬ (ଡି.ଏନ୍‌.ଏ): ଓଡ଼ିଶାର ଘରେଘରେ ରଜ ମାହୋଲ ସୃଷ୍ଟି ହୋଇଥିବା ବେଳେ ଭୁବନେଶ୍ୱର - ପୁରୀ ଜାତୀୟ ରାଜପଥ ସାକ୍ଷୀଗୋପାଳ ପଟ୍ଟନାୟିକିଆ ଛକ ନିକଟରେ ରହିଥିବା ଟିମ୍‌ ଯାଯାବରରେ ୩ ଦିନ ବ୍ୟାପୀ ରଜ ମଉଜ ଗୁରୁବାର ଉଦ୍‌ଘାଟିତ ହୋଇଯାଇଛି। ପିଲାମାନଙ୍କୁ ଦୋଳିରେ ଝୁଲାଇବା ପରେ ମୁଖ୍ୟ ଅତିଥି ଜଣେ ସଫଳ ଚାଷୀ ତଥା ସମାଜସେବୀ ଶ୍ରୀକାନ୍ତ ମିଶ୍ର ଆନୁଷ୍ଠାନିକ ଭାବେ ଏହାକୁ ଉଦ୍‌ଘାଟନ କରିଥିଲେ। ଉଦ୍‌ଘାଟନ ଉତ୍ସବ ପ୍ରାରମ୍ଭରେ ପୁଚିଖେଳ ପ୍ରତିଯୋଗିତା ଅନୁଷ୍ଠିତ ହୋଇଥିଲା।

ରଜ ସୁଯୋଗରେ ଲୁଟ୍‌ କରୁଥିବା ଗ୍ୟାଙ୍ଗ ଠାବ: ୧ ବାଇକ୍‌, ୧୨ ମୋବାଇଲ ଜବତ, ୨ ଗିରଫ

ରଜ ସୁଯୋଗରେ ଲୁଟ୍‌ କରୁଥିବା ଗ୍ୟାଙ୍ଗ ଠାବ: ୧ ବାଇକ୍‌, ୧୨ ମୋବାଇଲ ଜବତ, ୨ ଗିରଫ

ଭୁବନେଶ୍ୱର,୧୪।୬(ବ୍ୟୁରୋ): ରଜପର୍ବ ପାଳନ ଅବସରରେ ରାଜଧାନୀରେ ଜନଗହଳି ଦେଖାଦେଉଛି। ଏହାର ସୁଯୋଗ ନେଇ ଲୁଟେରାମାନେ ସକ୍ରିୟ ହୋଇ ପଡିଛନ୍ତି। ଗୁରୁବାର ଲୁଟ୍‌ପାଟ କରୁଥିବା ଏକ ଗ୍ୟାଙ୍ଗର ଦୁଇଜଣ ସଦସ୍ୟଙ୍କୁ କ୍ୟାପିଟାଲ ଥାନା ପୋଲିସ ଗିରଫ କରିଛି। ସେମାନଙ୍କ ନିକଟରୁ ପୋଲିସ ୧ ବାଇକ୍‌, ୧୨ ମୋବାଇଲ ଫୋନ ଜବତ କରିଛି।

ନରେନ୍ଦ୍ର ପୁଷ୍କରିଣୀରୁ ମହିଳାଙ୍କ ମୃତଦେହ ଉଦ୍ଧାର

ନରେନ୍ଦ୍ର ପୁଷ୍କରିଣୀରୁ ମହିଳାଙ୍କ ମୃତଦେହ ଉଦ୍ଧାର

ପୁରୀ ଅଫିସ,୧୪।୬: କୁମ୍ଭାରପଡ଼ା ଥାନା ଅଧୀନ ନରେନ୍ଦ୍ର ପୁଷ୍କରିଣୀରୁ ଜଣେ ମହିଳାଙ୍କ ମୃତଦେହ ଗୁରୁବାର ଉଦ୍ଧାର କରାଯାଇଛି। ପୋଲିସ ମୃତଦେହ ଜବତ କରିଥିବା ବେଳେ ମୃତକଙ୍କର ପରିଚୟ ମିଳିପାରିନାହିଁ। ତେବେ ସେ ପୁଷ୍କରିଣୀରେ ସ୍ନାନ କରିବା ସମୟରେ ବୁଡି ଯାଇଥିବା ଅନୁମାନ କରାଯାଉଛି।

ଡ୍ରେନ୍‌ରୁ ଶିଶୁ ମୃତଦେହ ଉଦ୍ଧାର

ଡ୍ରେନ୍‌ରୁ ଶିଶୁ ମୃତଦେହ ଉଦ୍ଧାର

ପୁରୀ ଅଫିସ,୧୪।୬: ବାସେଳି ସାହି ଥାନା ଅଧୀନ ବାଲିସାହି ସ୍କୁଲ ନିକଟ ଡ୍ରେନ୍‌ରୁ ଗୁରୁବାର ଏକ ନବଜାତ ଶିଶୁର ମୃତଦେହ ଉଦ୍ଧାର କରାଯାଇଛି। କେହି ଦମ୍ପତି ମୃତ ଶିଶୁଟିକୁ ଡ୍ରେନରେ ଫୋପାଡି ଦେଇଥିବା ପୋଲିସ ପ୍ରାଥମିକ ଅନୁସନ୍ଧାନରୁ ଜାଣିବାକୁ ପାଇଛି। ପୋଲିସ ଘଟଣାର ତଦନ୍ତ କରୁଛି।

ଭଗବତୀ ପୀଠଠାରେ ୧୯ ତମ ରଜୋତ୍ସବ ଆରମ୍ଭ

ଭଗବତୀ ପୀଠଠାରେ ୧୯ ତମ ରଜୋତ୍ସବ ଆରମ୍ଭ

କୋଣାର୍କ,୧୪।୬(ଡି.ଏନ୍‌.ଏ.): କୋଣାର୍କ ଭଗବତୀ ପୀଠଠାରେ ୧୯ତମ ରଜ ଉତ୍ସବ ଗୁରୁବାରଠାରୁ ଆରମ୍ଭ ହୋଇଛି। ଏହି ଉତ୍ସବ ଚାରିଦିନ ଧରି ଚାଲିବ। ସାମାଜିକ ଅନୁଷ୍ଠାନ ଅର୍କଶୀ ଦ୍ୱାରା ଉତ୍ସବର ପ୍ରଥମ ଦିନରେ କଳାକାର ମାନଙ୍କ ଦ୍ୱାରା ରଜ ଗୀତ, ଭଜନ, ଓଡ଼ିଶୀ ନୃତ୍ୟ, ରଜଦୋଳୀ ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା।

ରାଜ୍ୟପାଳଙ୍କ ଶୁଭେଚ୍ଛା

ରାଜ୍ୟପାଳଙ୍କ ଶୁଭେଚ୍ଛା

ଭୁବନେଶ୍ୱର,୧୪।୬(ବ୍ୟୁରୋ): ଓଡ଼ିଶାର କୃଷିଭିତ୍ତିକ ଲୋକପ୍ରିୟ ପର୍ବ ରଜ ଉପଲକ୍ଷେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଓଡ଼ିଶାବାସୀଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି। ରାଜ୍ୟପାଳ ରଜପର୍ବ ଅବସରରେ ଓଡ଼ିଶାବାସୀଙ୍କ ସୁଖ, ଶାନ୍ତି ଓ ସମୃଦ୍ଧି କାମନା କରିବା ସହିତ ଓଡ଼ିଶାର ବିକାଶରେ ସମସ୍ତଙ୍କ ସକ୍ରିୟ ସହଯୋଗ ଓ ସଦିଚ୍ଛା କାମନା କରିଛନ୍ତି।