ମେଟ୍ରୋ

ଯୁବକଙ୍କୁ ଅପହରଣ ପରେ ମୁଣ୍ଡଜାମିନ:ଟଙ୍କା ନ ଦେବାରୁ ମାଡ଼ମାରି ଛାଡ଼ିଲେ,ଭୟରେ ଥାନାରେ ବସିରହିଲେ ଯୁବକ

ଭୁବନେଶ୍ୱର,୬।୫(ବ୍ୟୁରୋ)- ଜଣେ ଦଳିତ ଯୁବକଙ୍କୁ କେତେଜଣ ଦୁର୍ବୃତ୍ତ ଏକ କାର୍‌ରେ ଉଠାଇ ନେଲେ। ମୁଣ୍ଡ ଜାମିନ ରଖି ପରିବାର ଲୋକଙ୍କୁ ଟଙ୍କା ମାଗିଲେ। ଟଙ୍କା ନ ମିଳିବାରୁ ତାଙ୍କୁ ପ୍ରବଳ ମାଡ଼ ମାରି ଛାଡ଼ିଦେଲେ। ସବୁଠୁ ବଡ଼କଥା ହେଲା ଏନେଇ ଯୁବକ ଜଣକ ଶହୀଦନଗର ଥାନାରେ ଅଭିଯୋଗ କରିଥିଲେ ମଧ୍ୟ ପୋଲିସ ମାମଲା ରୁଜୁ କରିନାହିଁ। ଏପଟେ ଅଭିଯୁକ୍ତମାନେ ଥାନାରୁ ମାମଲା ଉଠାଇ ନେବା ପାଇଁ ଧମକ ଦେଉଥିବାରୁ ଅପହୃତା ଯୁବକ ଜୀବନ ଭୟରେ ଦିନସାରା ଥାନାରେ ବସି ରହିଥିବା ଦେଖିବାକୁ ମିଳିଥିଲା। ସୂଚନାଯୋଗ୍ୟ, କଟକ ଜିଲା ନିଆଳି ବ୍ଲକ୍‌ ବନମାଳିପୁର ଅଞ୍ଚଳରେ ଲିଟୁନା ମଲ୍ଲିକ ନାମକ ଯୁବକ ପରିବାର ସହ ରୁହନ୍ତି।

ସାଲେପୁର ଶିଶୁକନ୍ୟା ବଳାତ୍କାର, ହତ୍ୟା ମାମଲା:୨ ଦିନିଆ ରିମାଣ୍ଡ ୨ ଘଣ୍ଟାରେ ସାରିଲା ପୋଲିସ

ସାଲେପୁର ଶିଶୁକନ୍ୟା ବଳାତ୍କାର, ହତ୍ୟା ମାମଲା:୨ ଦିନିଆ ରିମାଣ୍ଡ ୨ ଘଣ୍ଟାରେ ସାରିଲା ପୋଲିସ

କଟକ ଅଫିସ, ୫।୫- ସାଲେପୁରର ୬ ବର୍ଷିୟା ଶିଶୁକନ୍ୟା ବଳାତ୍କାର ଓ ହତ୍ୟା ମାମଲାର ଅଭିଯୁକ୍ତ ମହମ୍ମଦ ମୁସ୍ତାକଙ୍କୁ ସାଲେପୁର ପୋଲିସ ୨ ଦିନିଆ ରିମାଣ୍ଡରେ ନେଇଥିଲା। ମାତ୍ର ୨ ଘଣ୍ଟା ମଧ୍ୟରେ ଜେରା ସାରି ପୋଲିସ ପୁଣି ମୁସ୍ତାକଙ୍କୁ ସ୍ବତନ୍ତ୍ର କୋର୍ଟରେ ହାଜର କରିଥିଲା। ଉକ୍ତ ଅଦାଲତ ତାଙ୍କୁ ଚୌଦ୍ୱାର ଜେଲ୍‌କୁ ପଠାଇ ଦେଇଛନ୍ତି। ପୂର୍ବରୁ ସେ ରହୁଥିବା ସାଲେପୁର ଜେଲ୍‌ରେ ଆତ୍ମହତ୍ୟା ଉଦ୍ୟମ କରିଥିଲେ। ଏଣୁ ପୋଲିସ ଭୟରେ ତାଙ୍କୁ ଅଧିକ ଦିନ ନ ରଖି କୋର୍ଟରେ ହାଜର କରିଥିବା ଚର୍ଚ୍ଚା ହେଉଛି। ଅନ୍ୟପକ୍ଷରେ ଏହି ୨ ଘଣ୍ଟା ମଧ୍ୟରେ ପୋଲିସ ଅଭିଯୁକ୍ତ ମୁସ୍ତାକଙ୍କୁ ଘଟଣାସ୍ଥଳକୁ ନେଇଥିଲା। ପୂରା ଘଟଣାର ଲାଇଭ ଡେମୋ ଦେଖାଇଥିଲେ ମୁସ୍ତାକ। ସେ ଏଭଳି ସ୍ପର୍ଶକାତର ଘଟଣା ମୁସ୍ତାକ କାହିଁକି ଘଟାଇଲେ ସେ ସମ୍ପର୍କରେ ମଧ୍ୟ ପୋଲିସ ତାଙ୍କୁ ପଚରାଉଚରା କରିଥିଲା।

ଉଚ୍ଚତର ଚିକିତ୍ସା ପାଇଁ ଦିଲ୍ଲୀ ଗଲେ ଜୟନାରାୟଣ

କଟକ ଅଫିସ, ୬।୫- ଏସ୍‌ସିବି ମେଡିକାଲରେ ଚିକିତ୍ସିତ ହେଉଥିବା ପୂର୍ବତନ ମନ୍ତ୍ରୀ ତଥା ଭାଜପା ନେତା ଜୟନାରାୟଣ ମିଶ୍ର ଉଚ୍ଚତର ଚିକିତ୍ସା ପାଇଁ ଦିଲ୍ଲୀ ଏମ୍‌ସ ଯାଇଛନ୍ତି। ଶନିବାର ସକାଳେ ତାଙ୍କୁ ରାଜଧାନୀ ଏକ୍ସପ୍ରେସ ଯୋଗେ ଦିଲ୍ଲୀ ନିଆଯାଇଛି। ତେବେ ଏହାକୁ ନେଇ ଜୟନାରାୟଣ ଅସନ୍ତୋଷ ପ୍ରକାଶ କରିଛନ୍ତି। ଯଦି ଦିଲ୍ଲୀ ପଠାଇବାର ଥିଲା ତେବେ ସିଧାସଳଖ ବୁର୍ଲାରୁ ନ ପଠାଇ ଭାୟା ଏସ୍‌ସିବି ଦେଇ ପଠାଇବା ଘଟଣାକୁ ନେଇ ସେ ପ୍ରଶ୍ନ କରିଛନ୍ତି। ସୂଚନାଥାଉକି, ଜୟନାରାୟଣ ଉଚ୍ଚ ରକ୍ତଚାପ, ମଧୁମେୟ ଓ କିଡ୍‌ନୀ ଜନିତ ରୋଗରେ ଆକ୍ରାନ୍ତ ଅଛନ୍ତି। ଗତ ଫେବୃୟାରୀ ମାସରେ ବରଗଡ଼ ଜିଲା ବନାବିରାଠାରେ ଘଟିଥିବା ଗୁଳିକାଣ୍ଡ ଘଟଣାରେ ଜୟନାରାୟଣଙ୍କୁ ପୋଲିସ ଗିରଫ କରିଥିଲା। ଜେଲ୍‌ରେ ଥିବା ସମୟରେ ସେ ଅସୁସ୍ଥ ହୋଇପଡ଼ିଥିଲେ। ଚିକିତ୍ସା ନିମନ୍ତେ ତାଙ୍କୁ ଜେଲ୍‌ରୁ ବୁର୍ଲା ମେଡିକାଲ ସ୍ଥାନାନ୍ତର କରାଯାଇଥିଲା। ଏପ୍ରିଲ ୨୪ରେ ତାଙ୍କୁ ଏସ୍‌ସିବି ମେଡିକାଲକୁ ସ୍ଥାନାନ୍ତର କରାଯାଇଥିଲା। ଏସ୍‌ସିବି ନେଫ୍ରୋଲୋଜି ବିଭାଗରେ ତାଙ୍କର ଚିକିତ୍ସା କରାଯାଉଥିଲା। ନେଫ୍ରୋଲୋଜି ବିଭାଗର ମୁଖ୍ୟ ପ୍ରଫେସର ଡା. ଶଶିଭୂଷଣ ରାଉତଙ୍କ ନେତୃତ୍ୱରେ ଗଠିତ ଏକ ୫ଜଣିଆ ଡାକ୍ତରୀ ଟିମ୍‌ ତାଙ୍କର ଚିକିତ୍ସା କରୁଥିଲା। ତେବେ ଉଚ୍ଚତର ଚିକିତ୍ସା ଆବଶ୍ୟକ ପଡିବାରୁ ତାଙ୍କୁ ଗତ ସପ୍ତାହରେ ଏମ୍‌ସକୁ ରେଫର କରାଯାଇଥିଲା। ମାତ୍ର ସେ ଶନିବାର ଏସ୍‌ସିବି ଛାଡିଛନ୍ତି।

ରାଜ୍ୟରେ ଆରମ୍ଭ ହେଲା ପୋଲିସ ଡାସ୍‌ବୋର୍ଡ ବ୍ୟବସ୍ଥା:ସୁଇଚ୍‌ ଟିପିଲେ ଜଣାପଡ଼ିବ ଥାନା ହାଲଚାଲ

କଟକ ଅଫିସ,୬।୫- ଅପରାଧୀ ଚିହ୍ନଟକରଣ ଓ ଅପରାଧ ନିୟନ୍ତ୍ରଣ ପ୍ରକ୍ରିୟାକୁ ଅଧିକ ମଜଭୁତ କରିଛି ଓଡ଼ିଶା ପୋଲିସ। ଶନିବାର ରାଜ୍ୟରେ ଆରମ୍ଭ ହୋଇଛି ପୋଲିସ ଡାସ୍‌ବୋର୍ଡ ବ୍ୟବସ୍ଥା। ବରିଷ୍ଠ ପୋଲିସ ଅଧିକାରୀମାନେ ନିଜ କାର୍ଯ୍ୟାଳୟରେ ବସି କମ୍ପ୍ୟୁଟର ସୁଇଚ୍‌ ଟିପିବା ମାତ୍ରେ ଥାନା ସ୍ତରର ଟିକିନିଖି ଖବର ବୁଝି ପାରିବେ। କେଉଁ ଥାନାଞ୍ଚଳରେ କ’ଣ ଅପରାଧ ଘଟୁଛି, ଅପରାଧର ପୃଷ୍ଠଭୂମି ଓ ତଦନ୍ତର ଅଗ୍ରଗତି ସହିତ ଧର୍ତ୍ତବ୍ୟ ଅପରାଧଗୁଡ଼ିକର ସବିଶେଷ ତଥ୍ୟ ମଧ୍ୟ ନିଜ ଅଫିସରେ ବସି ତଦାରଖ କରିପାରିବେ। ଏଥିପାଇଁ ଏସ୍‌ପି ଓ ଡିଆଇଜିମାନଙ୍କୁ ଡିସିଡି (ଡେଲି କ୍ରାଇମ ଡିଜେଷ୍ଟ) ଫର୍ମାଟ ଦିଆଯିବ। ଏହି ବ୍ୟବସ୍ଥା ଦ୍ୱାରା ମାମଲାଗୁଡ଼ିକର ଠିକ ପରିଚାଳନା ସହିତ ଅଭିଯୋଗକାରୀଙ୍କୁ ଉଚିତ୍‌ ନ୍ୟାୟ ପ୍ରଦାନରେ ସହଯୋଗ କରିବ ବୋଲି ଡିଜିପି ଆର୍‌.ପି ଶର୍ମା କହିଛନ୍ତି।

ପ୍ରାଥମିକ ତଦନ୍ତ ରିପୋର୍ଟ ଚାପି ରଖିଛି ବିଭାଗ

ପ୍ରାଥମିକ ତଦନ୍ତ ରିପୋର୍ଟ ଚାପି ରଖିଛି ବିଭାଗ

ଜଟଣୀ,୫।୫(ଡି.ଏନ.ଏ)- ଖୋର୍ଦ୍ଧା ଜିଲାର ଜଟଣୀଠାରେ ନିର୍ମାଣ ହେଉଛି ଏକ ଫ୍ଲାଏ ଓଭରବ୍ରିଜ୍‌। ରାଜ୍ୟ ସରକାରଙ୍କ ଦ୍ୱାରା କଳାତାଲିକାଭୁକ୍ତ ଠିକାସଂସ୍ଥା ପଣ୍ଡା ଇନ୍‌ଫ୍ରା ପ୍ରୋଜେକ୍ଟ ଏହି ବ୍ରିଜ୍‌ର ନିର୍ମାଣ କାର୍ଯ୍ୟ କରୁଛି। ତିନି ବର୍ଷ ବିତିବାକୁ ଯାଉଥିଲେ ମଧ୍ୟ ଅଦ୍ୟାବଧି ଏହାର ୩୦ ପ୍ରତିଶତ କାର୍ଯ୍ୟ ଶେଷ ହୋଇନାହିଁ। କାର୍ଯ୍ୟ ନିମ୍ନମାନର ହେଉଛି ଏବଂ ଚୁକ୍ତି ମୁତାବକ ପାଇଲିଂ ହେଉ ନାହିଁ ବୋଲି ଅଭିଯୋଗ ଉଠିବା ପରେ ଭିଜିଲାନ୍ସକୁ ଏହାର ତଦନ୍ତ ଦାୟିତ୍ୱ ଦିଆଯାଇଥିଲା।

ତଦନ୍ତକାରୀ ଅଧିକାରୀ, ପିପିଙ୍କ ମଧ୍ୟରେ ସମନ୍ବୟ ରହିବା ଜରୁରୀ

ତଦନ୍ତକାରୀ ଅଧିକାରୀ, ପିପିଙ୍କ ମଧ୍ୟରେ ସମନ୍ବୟ ରହିବା ଜରୁରୀ

କଟକ ଅଫିସ, ୫।୫- ରାଜ୍ୟରେ ଏବେ ନୂଆ ତରିକାରେ ଅପରାଧୀମାନେ ଅପରାଧ ଘଟାଉଛନ୍ତି। ଏହା ଓଡ଼ିଶା ପୋଲିସ ପାଇଁ ଚ୍ୟାଲେଞ୍ଜ ହୋଇଛି। ମାମଲା ରୁଜୁଠାରୁ ଦଣ୍ଡବିଧାନ ପର୍ଯ୍ୟନ୍ତ ପ୍ରତିଟି କ୍ଷେତ୍ରରେ ଆମକୁ ସେତିକି ଗୁରୁତ୍ୱ ଦେବାକୁ ପଡିବ। ବିଶେଷକରି ଏ କ୍ଷେତ୍ରରେ ତଦନ୍ତକାରୀ ଅଫିସର ଓ ପବ୍ଲିକ ପ୍ରସିକ୍ୟୁଟର (ପିପି)ଙ୍କ ପ୍ରମୁଖ ଭୂମିକା ରହିଛି।

ପହିରେ ଫାଟ, ଅଖ କାଠ ଦୁର୍ବଳ

ପହିରେ ଫାଟ, ଅଖ କାଠ ଦୁର୍ବଳ

ପୁରୀ ଅଫିସ,୫।୫: ରଥ ନିର୍ମାଣ ଚାଲିଥିବାବେଳେ ଶନିବାର ବଡ଼ଧରଣର ତ୍ରୁଟି ଧରିଛି ଯାଞ୍ଚ କମିଟି। ଦେବ ଦଳନ ରଥର ଏକ ପହି ଫାଟିଥିଲା। ତାଳଧ୍ୱଜ ରଥର ଅଖ କାଠ ଦୁର୍ବଳ ଥିଲା। ସେହିପରି ନନ୍ଦିଘୋଷର ପହି ଦୁର୍ବଳ ରହିଥିବାବେଳେ ରଥ ଅଖ କାଠ ପୋଲା ଥିବା ନିର୍ମାଣ ବେଳେ ଜଣାପଡ଼ିଥିଲା।

ଥାନା ଆଗରୁ ୬ ଲକ୍ଷ ଲୁଟ୍‌: ସିସିଟିଭିରେ ୨ ଅଭିଯୁକ୍ତଙ୍କ କାରନାମା କଏଦ୍‌

ଥାନା ଆଗରୁ ୬ ଲକ୍ଷ ଲୁଟ୍‌: ସିସିଟିଭିରେ ୨ ଅଭିଯୁକ୍ତଙ୍କ କାରନାମା କଏଦ୍‌

କଟକ ଅଫିସ,୫।୫- କଟକରେ ଶନିବାର ଅପରାହ୍ନରେ ଏକ ବଡଧରଣର ଲୁଟ୍‌ ହୋଇଛି। ମଧୁପାଟଣା ଥାନା ଆଗରୁ ୨ଜଣ ଦୁର୍ବୃତ୍ତ ଏକ ପଲସର ବାଇକ୍‌ରେ ଆସି ଜଣେ ମହିଳାଙ୍କଠାରୁ ୬ଲକ୍ଷ ଟଙ୍କା ଝାମ୍ପି ନେଇଛନ୍ତି।

ଯୁବ, ମହିଳାଙ୍କ ଆତ୍ମନିର୍ଭରଶୀଳ ପାଇଁ ସଂକଳ୍ପ

ଯୁବ, ମହିଳାଙ୍କ ଆତ୍ମନିର୍ଭରଶୀଳ ପାଇଁ ସଂକଳ୍ପ

ସାକ୍ଷୀଗୋପାଳ,୫।୫(ଡି.ଏନ୍‌.ଏ.): କେନ୍ଦ୍ର ସରକାରଙ୍କ କୁଶଳୀ ଭାରତ, କୁଶଳ ଭାରତ କାର୍ଯ୍ୟକ୍ରମରେ ସତ୍ୟବାଦୀ ଅଞ୍ଚଳର ଯୁବ ଓ ମହିଳାମାନଙ୍କୁ ଆତ୍ମନିର୍ଭରଶୀଳ କରିିବାକୁ ସ୍ଥାନୀୟ ଶେଖ ଆଲ୍ଲାଉଦିନ୍‌ ଟ୍ରଷ୍ଟ ପକ୍ଷରୁ ସଂକଳ୍ପ ନିଆଯାଇଛି। ଶନିବାର ଅହମ୍ମଦପୁର ଗ୍ରାମରେ ଟ୍ରଷ୍ଟ କାର୍ଯ୍ୟାଳୟ ଠାରେ ଅନୁଷ୍ଠିତ ସାଧାରଣ ସଭାରେ ଟ୍ରଷ୍ଟର ଅଧ୍ୟକ୍ଷ ଶେଖ ଅବଦୁଲ ସମିମ ଏହା କହିଛନ୍ତି।

ବାଲିଅନ୍ତା ଚନ୍ଦନଯାତ୍ରା ଆରମ୍ଭ: କୁଶଭଦ୍ରା ନଦୀରେ ଚାପ ଖେଳିଲେ ରାଧାମାଧବ

ବାଲିଅନ୍ତା ଚନ୍ଦନଯାତ୍ରା ଆରମ୍ଭ: କୁଶଭଦ୍ରା ନଦୀରେ ଚାପ ଖେଳିଲେ ରାଧାମାଧବ

ବାଲିଅନ୍ତ, ୫।୫(ଡି.ଏନ୍‌.ଏ.): ରାଜଧାନୀ ଉପକଣ୍ଠ ବାଲିଅନ୍ତା ଅଞ୍ଚଳର ପ୍ରସିଦ୍ଧ ଚନ୍ଦନଯାତ୍ରା ଶୁକ୍ରବାରଠାରୁ ଆରମ୍ଭ ହୋଇଛି। ଏହା ୫ ଦିନ ଧରି ଚାଲିବ। ଚନ୍ଦନ ଯାତ୍ରାର ପ୍ରଥମ ଦିନରେ ହଂସପାଳ ଗ୍ରାମର ଠାକୁର ରାଧାମାଧବଙ୍କ ଚଳନ୍ତି ପ୍ରତିମାକୁ ସୁସଜ୍ଜିତ ଦୋଳ ବିମାନରେ ବାଲିଅନ୍ତା ହାଟସ୍ଥିତ ମେଳଣ ପଡ଼ିଆକୁ ଅଣାଯାଇଥିଲା।

ରାଜ୍ୟସଭା ଏମ୍‌ପି ଅଚ୍ୟୁତ ସାମନ୍ତଙ୍କ ମିଥ୍ୟା ସତ୍ୟପାଠ ମାମଲା: ତ୍ୱରିତ ନିଷ୍ପତ୍ତି ନେବାକୁ ନିର୍ଦ୍ଦେଶ

ରାଜ୍ୟସଭା ଏମ୍‌ପି ଅଚ୍ୟୁତ ସାମନ୍ତଙ୍କ ମିଥ୍ୟା ସତ୍ୟପାଠ ମାମଲା: ତ୍ୱରିତ ନିଷ୍ପତ୍ତି ନେବାକୁ ନିର୍ଦ୍ଦେଶ

କଟକ ଅଫିସ, ୫।୫: ରାଜ୍ୟସଭା ଏମ୍‌ପି ଅଚ୍ୟୁତ ସାମନ୍ତଙ୍କ ସଭ୍ୟପଦ ରଦ୍ଦ ନିମନ୍ତେ ନିବେଦନ ଉପରେ ଆଗତ ମାମଲାର ଶନିବାର ହାଇକୋର୍ଟରେ ଶୁଣାଣି ହୋଇଛି। ଏହି ମାମଲାର ତ୍ୱରିତ ନିଷ୍ପତ୍ତି ନେବାକୁ ଭାରତୀୟ ନିର୍ବାଚନ କମିଶନ(ଇସି)ଙ୍କୁ ହାଇକୋଟ ନିର୍ଦ୍ଦେଶ ଦେଇଛନ୍ତି। ସାମାଜିକ କର୍ମୀ ସୁବାସ ଚନ୍ଦ୍ର ମହାପାତ୍ରଙ୍କ ପକ୍ଷରୁ ହାଇକୋର୍ଟରେ ଏହି ମାମଲା ରୁଜୁ ହୋଇଥିଲା।

ଟ୍ରେନରେ ଆସୁଥିବା ଯୁବତୀଙ୍କଠାରୁ ସୁନା ଗହଣା ଲୁଟ ଘଟଣା: ଜଣେ ଗିରଫ, ୧୦ ଭରି ସୁନା ଜବତ

ଟ୍ରେନରେ ଆସୁଥିବା ଯୁବତୀଙ୍କଠାରୁ ସୁନା ଗହଣା ଲୁଟ ଘଟଣା: ଜଣେ ଗିରଫ, ୧୦ ଭରି ସୁନା ଜବତ

ଭୁବନେଶ୍ୱର, ୫।୫(ବ୍ୟୁରୋ): ବିବାହ ପାଇଁ ବିଶାଖାପାଟଣାରୁ ଭୁବନେଶ୍ୱର ଆସୁଥିବା ଦିବ୍ୟା ରେଡ୍ଡୀ ନାମକ ଯୁବତୀଙ୍କଠାରୁ ୩ଜଣ ଲୁଟେରା ଗତ ୪ତାରିଖରେ ସୁନା ଗହଣା ଲୁଟି ନେଇଥିଲେ। ଏ ନେଇ ଯୁବତୀ ଭୁବନେଶ୍ୱର ରେଲଓ୍ବେ ଥାନାରେ ଅଭିଯୋଗ କରିବା ପରେ ପୋଲିସ ଶନିବାର ଜଣେ ଲୁଟେରାକୁ ଗିରଫ କରିବାରେ ସକ୍ଷମ ହୋଇଛି।

ବେଆଇନ ପଥର ଖଣି ଉପରେ ଚଢାଉ

ବେଆଇନ ପଥର ଖଣି ଉପରେ ଚଢାଉ

ଖୋର୍ଦ୍ଧା ଅଫିସ, ୫।୫: ଖୋର୍ଦ୍ଧା ତହସିଲର କାଇପଦରସ୍ଥିତ ଜଗନ୍ନାଥ ମହାପ୍ରଭୁଙ୍କର ଟାଙ୍ଗିନି ପାହାଡ ଉପରେ ଶନିବାର ଚଢାଉ କରାଯାଇ ୪ଟି ମାଲ ବୋଝେଇ ଟ୍ରକ ଜବତ କରାଯାଇଛି।

ବମିଖାଲ ଓଭରବ୍ରିଜ ନିର୍ମାଣରେ ଯେଉଁ ନେତାଙ୍କ ଟଙ୍କା ଲାଗିଛି, ତାଙ୍କୁ ଖୋଜାଯାଉ: ଦାମ

ବମିଖାଲ ଓଭରବ୍ରିଜ ନିର୍ମାଣରେ ଯେଉଁ ନେତାଙ୍କ ଟଙ୍କା ଲାଗିଛି, ତାଙ୍କୁ ଖୋଜାଯାଉ: ଦାମ

ଭୁବନେଶ୍ୱର, ୫।୫(ବ୍ୟୁରୋ): ପଣ୍ଡା ଇନଫ୍ରା ବମିଖାଲ ଓ ଜଟଣୀରେ ଓଭରବ୍ରିଜ ର୍ନିମାଣ କରୁଛି। ସେଥିରେ ଶାସକ ଦଳ ନେତାଙ୍କ ଟଙ୍କା ଲାଗିଛି ବୋଲି ଲୋକେ କହୁଛନ୍ତି। ଯେଉଁ ନେତାଙ୍କ ଟଙ୍କା ଲାଗିଛି ତାଙ୍କୁ ଖୋଜାଯାଉ ବୋଲି ବରିଷ୍ଠ ବିଜେଡି ନେତା ଦାମୋଦର ରାଉତ କହିଛନ୍ତି।

୭ରେ ଭଉଁରି ଯାତ୍ରା: ୨ ରଥର ପହି, ଅଖ ଦୁର୍ବଳ

୭ରେ ଭଉଁରି ଯାତ୍ରା: ୨ ରଥର ପହି, ଅଖ ଦୁର୍ବଳ

ପୁରୀ ଅଫିସ, ୫।୫: ଆଗାମୀ ୭ ତାରିଖରେ ଭଉଁରି ଯାତ୍ରା। ଏହି ଦିନ ମହାପ୍ରଭୁଙ୍କ ନାହାକା ଚକ, ଅଖ ଡେରା ହେବାର ବିଦ୍ଧି ରହିଛି। ଶ୍ରୀନଅର ସମ୍ମୁଖ ରଥ ଖଳାରେ ରଥ ନିର୍ମାଣ କାର୍ଯ୍ୟ ଆଗେଇ ଚାଲିଛି। ଶନିବାର ପୂର୍ବାହ୍ନରେ ରଥ ନିର୍ମାଣ କମିଟି ରଥ ନିର୍ମାଣ କାର୍ଯ୍ୟର ଅନୁଧ୍ୟାନ ଓ ତଦାରଖ କରିଛି।

ପୁରୀରେ ପଲିଥିନ୍‌ ଚଢାଉ

ପୁରୀରେ ପଲିଥିନ୍‌ ଚଢାଉ

ପୁରୀ ଅଫିସ, ୫।୫: ପୁରୀ ସହରରେ ପଲିଥିନ୍‌ ବ୍ୟବହାରକୁ ନିଷିଦ୍ଧ କରାଯାଇଛି। କିନ୍ତୁ ବିଭିନ୍ନ ଦୋକାନରେ ବେଆଇନ ଭାବେ ପଲିଥିନ୍‌ ବିକ୍ରି ହେଉଛି। ଶନିବାର ପୌର ସଂସ୍ଥା ପକ୍ଷରୁ ପୁରୀ ସହର ବଡ଼ ଦାଣ୍ଡରେ ରହିଥିବା ବିଭିନ୍ନ ଦୋକାନବଜାର ଏବଂ ଉଠା ଦୋକାନଗୁଡିକ ଉପରେ ଚଢାଉ କରାଯାଇ ବ୍ୟାପକ ପଲିଥିନ୍‌ ଜବତ ହୋଇଛି।

କାଳବୈଶାଖୀ ବର୍ଷାରେ ପାଚିଲା ଧାନ ଗଜା, ଜିଲାପାଳଙ୍କ ଦ୍ୱାରସ୍ଥ ହେଲେ ଚାଷୀ

କାଳବୈଶାଖୀ ବର୍ଷାରେ ପାଚିଲା ଧାନ ଗଜା, ଜିଲାପାଳଙ୍କ ଦ୍ୱାରସ୍ଥ ହେଲେ ଚାଷୀ

ପୁରୀ ଅଫିସ, ୫।୫: ଗତ କିଛିଦିନ ଧରି ଲାଗି ରହିଥିବା କାଳବୈଶାଖୀ ବର୍ଷା ଯୋଗୁ ପୁରୀ ଜିଲାରେ ରବି ଧାନ ଫସଲ ବ୍ୟାପକ କ୍ଷତିଗ୍ରସ୍ତ ହୋଇଛି। ଜିଲାର ବ୍ରହ୍ମଗିରି, କଣାସ, କାକଟପୁର, ଅସ୍ତରଙ୍ଗ ଆଦି ଅଞ୍ଚଳରେ ରବି ଧାନ ବିଶେଷଭାବେ କ୍ଷତିଗ୍ରସ୍ତ ହୋଇଛି। ପୁରୀ ସଦର ବ୍ଲକ ଅନ୍ତର୍ଗତ ହନ୍ତୁକ ପଞ୍ଚାୟତରେ ଚାଷୀଙ୍କର ୧୨ଶହ ହେକ୍ଟର ପାଚିଲା ଧାନ ବର୍ଷା ପାଣିରେ ଗଜା ହୋଇଯାଇଥିବା ସେମାନେ ଅଭିଯୋଗ କରିଛନ୍ତି।

ବମିଖାଲ ଓଭରବ୍ରିଜ୍‌ ଦୁର୍ଘଟଣା: ରାଜ୍ୟ ସରକାରଙ୍କୁ ଟାର୍ଗେଟ୍‌ କଲେ ଧର୍ମେନ୍ଦ୍ର ପ୍ରଧାନ

ବମିଖାଲ ଓଭରବ୍ରିଜ୍‌ ଦୁର୍ଘଟଣା: ରାଜ୍ୟ ସରକାରଙ୍କୁ ଟାର୍ଗେଟ୍‌ କଲେ ଧର୍ମେନ୍ଦ୍ର ପ୍ରଧାନ

ଭୁବନେଶ୍ୱର, ୫।୫(ବ୍ୟୁରୋ): କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶନିବାର ବମିଖାଲ ଓଭରବ୍ରିଜ୍‌ ଘଟଣାସ୍ଥଳ ବୁଲି ଦେଖିଛନ୍ତି। ଦୁର୍ଘଟଣା ସମ୍ପର୍କରେ ସ୍ଥାନୀୟ ଲୋକଙ୍କୁ ପଚାରି ବୁଝିବା ସହ ଏହା ଏକ ଦୁଃଖଦ ଘଟଣା ବୋଲି ସେ କହିଛନ୍ତି। ଏପରି ଅଘଟଣ ନେଇ ସେ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି।

୨୭ ଶ୍ରେଷ୍ଠ ତଦନ୍ତକାରୀ ଅଫିସରଙ୍କୁ ସମ୍ମାନିତ

୨୭ ଶ୍ରେଷ୍ଠ ତଦନ୍ତକାରୀ ଅଫିସରଙ୍କୁ ସମ୍ମାନିତ

କଟକ ଅଫିସ, ୫।୫: କ୍ରାଇମବ୍ରାଞ୍ଚର ସମ୍ମିଳନୀ କକ୍ଷରେ ଶନିବାର ଶ୍ରେଷ୍ଠ ତଦନ୍ତକାରୀ ଅଫିସର ଓ (ପବ୍ଲିକ ପ୍ରସିକ୍ୟୁଟର) ପିପିମାନଙ୍କୁ ସମ୍ମାନିତ କରାଯାଇଛି। ପୋଲିସ ଡିଜି ଆର୍‌. ପି. ଶର୍ମା ଉପସ୍ଥିତ ରହି ଏହି ସମ୍ମାନ ପ୍ରଦାନ କରିଛନ୍ତି। ଥାନାରେ ରୁଜୁ ହେଉଥିବା ମାମଲାକୁ ଠିକ୍‌ ଭାବେ ତଦନ୍ତ କରିଥିବା ୨୭ ଶ୍ରେଷ୍ଠ ତଦନ୍ତକାରୀ ଅଫିସରଙ୍କୁ ସମ୍ମାନିତ କରାଯାଇଛି।

ଲାଞ୍ଚନେଇ ଭିଏଲ୍‌ଡବ୍ଲ୍ୟୁ ଗିରଫ

ଲାଞ୍ଚନେଇ ଭିଏଲ୍‌ଡବ୍ଲ୍ୟୁ ଗିରଫ

ସାକ୍ଷୀଗୋପାଳ, ୫।୫ (ଡି.ଏନ୍‌.ଏ.): ସତ୍ୟବାଦୀ ବ୍ଲକ କର୍ଯ୍ୟାଳୟରେ ଶନିବାର ସକାଳେ ଜଣେ ହିତାଧିକାରୀଙ୍କ ଠାରୁ ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଅଳଗୁମ ଭିଏଲ୍‌ଡବ୍ଲ୍ୟୁ ଭିଜିଲାନ୍ସ ହାତରେ ଧରା ପଡ଼ିଛନ୍ତି।

ଦନ୍ତା ଆକ୍ରମଣରେ ଚାଷୀ ମୃତ

ଦନ୍ତା ଆକ୍ରମଣରେ ଚାଷୀ ମୃତ

ତିଗିରିଆ,୫।୫(ଡି.ଏନ୍‌.ଏ.): କଟକ ଜିଲା ତିଗିରିଆ ଥାନା ଅନ୍ତର୍ଗତ ବଡନାଉପୁଟ ଗ୍ରାମପଞ୍ଚାୟତ ଶାଳିଜଙ୍ଗା ଗ୍ରାମର ଚାଷୀ ଶ୍ୟାମ ମହାନ୍ତି(୪୫)ଙ୍କର ଶନିବାର ହାତୀ ଆକ୍ରମଣରେ ମୃତ୍ୟୁ ଘଟିଛି।

ପୂର୍ତ୍ତ ତାଲିକାରେ କଳା ସଂସ୍ଥା

ପୂର୍ତ୍ତ ତାଲିକାରେ କଳା ସଂସ୍ଥା

ଭୁବନେଶ୍ୱର,୪।୫(ବ୍ୟୁରୋ): ବମିଖାଲ ଫ୍ଳାଏ ଓଭର ବ୍ରିଜର ଆପ୍ରୋଚ ରୋଡ ପାଇଁ ନିର୍ମାଣ ହେଉଥିବା ରିଟେନିଂ ଓ୍ବାଲ ଲୁହାରଡ ଭୁଶୁଡି ଗୁରୁବାର ଜଣେ ଶ୍ରମିକଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ୨୦୧୭ ସେପ୍ଟେମ୍ବର ୧୦ ତାରିଖରେ ଏହି ବ୍ରିଜର ସେଣ୍ଟ୍ରିଂ ଭୁଷୁଡି ପଡି ଝାରପଡା ଅଞ୍ଚଳର ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଥିଲା। ମାତ୍ର ୮ ମାସ ବ୍ୟବଧାନରେ ଉକ୍ତ ଓଭର ବ୍ରିଜରେ ପୁଣି ଏକ ଦୁର୍ଘଟଣା ଘଟିଥିଲେ ମଧ୍ୟ ଠିକା ସଂସ୍ଥା ପଣ୍ଡା ଇନଫ୍ରା ପ୍ରୋଜେକ୍ଟ ଏବେ ସରକାରଙ୍କ ଛତ୍ରଛାୟା ତଳେ ରହି କଳାକାରନାମା ଜାରି ରଖିଛି ।

ଝାରସୁଗୁଡା ବିମାନବନ୍ଦର ପାଇଲା ଡିଜିସିଏ ଲାଇସେନ୍ସ

ଝାରସୁଗୁଡା ବିମାନବନ୍ଦର ପାଇଲା ଡିଜିସିଏ ଲାଇସେନ୍ସ

ଝାରସୁଗୁଡା ଅଫିସ,୪।୫: ଝାରସୁଗୁଡା ଜିଲାବାସୀଙ୍କ ପାଇଁ ଖୁସିର ଖବର । ଓଡ଼ିଶାର ଦ୍ୱିତୀୟ ବିମାନବନ୍ଦର ଭାବେ ଝାରସୁଗୁଡା ବିମାନବନ୍ଦର ଶୁକ୍ରବାର ଲାଇସେନ୍ସ ପାଇଛି । ଡାଇରେକ୍ଟର ଜେନେରାଲ ଅଫ ସିଭିଲ ଏଭିଏସନ (ଡିଜିସିଏ) ତରଫରୁ ଝାରସୁଗୁଡା ବିମାନବନ୍ଦରକୁ ଏହି ଲାଇସେନ୍ସ ପ୍ରଦାନ କରାଯାଇଛ ।

ଖଣ୍ଡାରେ ହାଣି ଯୁବକଙ୍କୁ ହତ୍ୟା

ଖଣ୍ଡାରେ ହାଣି ଯୁବକଙ୍କୁ ହତ୍ୟା

ସୋରଡା,୪।୫(ଡି.ଏନ୍‌.ଏ.):ଗଞ୍ଜାମ ଜିଲା ବଡଗଡ ଥାନା ଠାରୁ ପ୍ରାୟ ୧୦୦ ମିଟର ଦୂର ତିନିଛକ ଠାରେ ଶୁକ୍ରବାର ଅପରାହ୍ନ ପ୍ରାୟ ସାଢେ ଗୋଟାଏରେ ଏକ ଜଘନ୍ୟ ହତ୍ୟାକାଣ୍ଡ ଘଟିଯାଇଛି। ହତ୍ୟାର ଶିକାର ହୋଇଛନ୍ତି ବଡଗଡ ଥାନା ଗାଙ୍ଗପୁର ଗ୍ରାମର ସନିଆ ବିଷୋୟୀ। କେତେଜଣ ଦୁର୍ବୃତ୍ତ ତାଙ୍କୁ ଖଣ୍ଡା ଓ ଭୁଜାଲିରେ ଆକ୍ରମଣ କରି ହତ୍ୟା କରିଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚତ୍ ତଦନ୍ତ ଜାରି ରଖିଛି।