ବାଣିଜ୍ୟ
ବଜାରକୁ ଆସିଲା ହୋଣ୍ଡା କାର୍ସ୍ ଇଣ୍ଡିଆର ସ୍ବତନ୍ତ୍ର ଏଡିସନ୍
ଭୁବନେଶ୍ୱର,୧୪।୧-ଭାରତର ଅଗ୍ରଣୀ ପାସେଞ୍ଜର କାର୍ ନିର୍ମାତା ହୋଣ୍ଡା କାର୍ସ୍ ଇଣ୍ଡିଆ ପକ୍ଷରୁ ଏହାର ୩ଟି ନୁଆ ମଡେଲ୍ ହୋଣ୍ଡା ସିଟି, ହୋଣ୍ଡା ଆମେଜ୍ ଏବଂ ହୋଣ୍ଡା ଡବ୍ଲ୍ୟୁଆର୍-ଭିର ସ୍ବତନ୍ତ୍ର ସଂସ୍କରଣର ଉନ୍ମୋଚନ କରିଛି।
ଓଡିଶାରେ ମାନ୍ୟବର ମୋହେର ପ୍ରଥମ ଶୋ’ରୁମ୍
ଭୁବନେଶ୍ୱର, ୧୩-୧(ବ୍ୟୁରୋ) ‘ମାନ୍ୟବର ମୋହେ’। ବିବାହ ପୋଷାକ କ୍ଷେତ୍ରରେ ଦେଶର ଏକ ପ୍ରମୁଖ ବ୍ରାଣ୍ଡ୍ ଭାବେ ପରିଚିତ। ଶନିବାର ଭୁବନେଶ୍ୱର ଜନପଥ ନିକଟରେ ଏହାର ପ୍ରଥମ ଏକ୍ସକ୍ଲୁସିଭ୍ ଶୋ’ରୁମ୍ ଆନୁଷ୍ଠାନିକ ଭାବେ ଉଦ୍ଘାଟନ ହୋଇଛି। ଖ୍ୟାତନାମା ବଲିଉଡ୍ ଅଭିନେତ୍ରୀ କରିସ୍ମା କପୁର ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରିଛନ୍ତି। ଏହି ଅବସରରେ ସେ କହିଛନ୍ତି, ଓଡିଶାକୁ ଦ୍ୱିତୀୟ ଥର ପାଇଁ ଆସି ଏଭଳି ଏକ ଶୋ’ରୁମ୍ ଉଦ୍ଘାଟନ କରିବାରେ ମୁଁ ବେଶ୍ ଉତ୍ସାହିତ।
ପୁଣି ଆରମ୍ଭ ହେଲା କଏନ୍ ତିଆରି
ନୂଆଦିଲ୍ଲୀ,୧୩-୧ କିଛିଦିନ ତଳେ ଦେଶର ମୁଦ୍ରା ତିଆରି ସଂସ୍ଥା ସିକ୍ୟୁରିଟି ପ୍ରିଣ୍ଟିଙ୍ଗ୍ ଆଣ୍ଡ୍ ମିଣ୍ଟିଙ୍ଗ୍ କର୍ପୋରେଶନ ଅଫ୍ ଇଣ୍ଡିଆ ଲିମିଟେଡ୍ (ଏସ୍ପିଏମ୍ସିଆଇଏଲ୍) ସାମୟିକ ଭାବେ ମୁଦ୍ରା ତିଆରି ପ୍ରକ୍ରିୟା ବନ୍ଦ କରିବା ପାଇଁ ନିର୍ଦ୍ଦେଶନାମା ଜାରି କରିଥିଲା। ଫଳରେ ଏହି କମ୍ପାନୀ ଅଧୀନରେ ବମ୍ବେ, କଲିକତା, ହାଇଦ୍ରାବାଦ ଓ ନୋଏଡାଠାରେ ଥିବା ୪ଟି କଏନ୍ ମୁଦ୍ରଣ ୟୁନିଟ୍ରେ କାର୍ଯ୍ୟ ପ୍ରଭାବିତ ହୋଇଥିଲା। ଅନ୍ୟ ପକ୍ଷରେ ଏହା ବିରୋଧରେ ମିଣ୍ଟ୍ରେ କାର୍ଯ୍ୟରତ କର୍ମଚାରୀଙ୍କ ପକ୍ଷରୁ ପ୍ରତିବାଦ କରାଯାଇଛି। କଲିକତା ସ୍ଥିତ ମିଣ୍ଟ୍ କର୍ମଚାରୀ ସଂଘର ଉପ-ସଭାପତି ବିଜନ ଦେ କହିଛନ୍ତି, ଆମେ ପୁଣି ଥରେ କାର୍ଯ୍ୟ ଆରମ୍ଭ କରିଛୁ।
ଇତିହାସର ଶ୍ରେଷ୍ଠ ୧୦ ଧନୀଙ୍କ ମଧ୍ୟରେ ଆକବର
ନୂଆଦିଲ୍ଲୀ,୧୨-୧-ଗତ ୧୦ ତାରିଖରେ ବ୍ଲୁମ୍ବର୍ଗ ଏହାର ବିଲିୟନେୟାର୍ ତାଲିକା ପ୍ରକାଶ କରିଛି। ଏଥିରେ ବିଶ୍ୱର ଶ୍ରେଷ୍ଠ ଧନୀ ବ୍ୟକ୍ତିମାନଙ୍କୁ ସେମାନଙ୍କ ନେଟ୍ ସମ୍ପତ୍ତି ଅନୁସାରେ ସ୍ଥାନିତ କରାଯାଇଛି। ୪୧.୨ ବିଲିୟନ ଡଲାର ନେଟ୍ ସମ୍ପତ୍ତି ସହ ଏହି ତାଲିକାରେ ଭାରତର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀ ୨୦ ତମ ସ୍ଥାନରେ ରହିଛନ୍ତି।
୧୭ ମାସର ସର୍ବୋଚ୍ଚ ସ୍ତରରେ ଶିଳ୍ପ ଅଭିବୃଦ୍ଧି
ନୂଆଦିଲ୍ଲୀ,୧୨-୧(ପି.ଟି.)-ଉତ୍ପାଦନ ଏବଂ ପୁଞ୍ଜି ଉତ୍ପାଦ କ୍ଷେତ୍ରର ଉନ୍ନତ ପ୍ରଦର୍ଶନ ଯୋଗୁ ଗତ ନଭେମ୍ବରରେ ଦେଶର ଶିଳ୍ପ ଅଭିବୃଦ୍ଧି ୮.୪%କୁ ବୃଦ୍ଧି ପାଇଛି। ୧୭ ମାସର ଏହା ସର୍ବୋଚ୍ଚ ସ୍ତର। କେନ୍ଦ୍ରୀୟ ପରିସଂଖ୍ୟାନ କାର୍ଯ୍ୟାଳୟ(ସିଏସ୍ଓ) ପ୍ରଦତ୍ତ ତଥ୍ୟରୁ ଏହା ଜଣାଯାଇଛି।
ସୁନା ଆମଦାନୀ ଶୁଳ୍କ ୪%କୁ କମାଇବାକୁ ଦାବି
ସୁନା ଉପରେ ଆମଦାନୀ ଶୁଳ୍କ ବର୍ତ୍ତମାନ ୧୦% ଥିବାବେଳେ ଆସନ୍ତା ବଜେଟରେ ଏହାକୁ ୪%କୁ ଖସାଇବାକୁ ରତ୍ନପଥର ଏବଂ ଗହଣା ଶିଳ୍ପ ପକ୍ଷରୁ ଦାବି ଉପସ୍ଥାପନ କରାଯାଇଛି।
ରିଟେଲ ମୁଦ୍ରାସ୍ଫୀତି ୫.୨୧%କୁ ବୃଦ୍ଧି
ନୂଆଦିଲ୍ଲୀ,୧୨-୧(ପି.ଟି.)-ଖାଦ୍ୟ ସାମଗ୍ରୀ, ଅଣ୍ଡା ଏବଂ ପନିପରିବା ଦର ମହଙ୍ଗା ହେବା ଫଳରେ ଗତ ଡିସେମ୍ବରରେ ଦେଶର ରିଟେଲ ମୁଦ୍ରାସ୍ଫୀତି ଆର୍ବିଆଇର କମ୍ଫର୍ଟ ସ୍ତର ଅତିକ୍ରମ କରିଛି।
କୃଷି ଗବେଷଣା ବ୍ୟୟବରାଦ ୧୫% ବଢ଼ିପାରେ
ଫେବୃୟାରୀ ୧ ତାରିଖରେ ଉପସ୍ଥାପନ ହେବାକୁ ଥିବା ବଜେଟରେ ଅର୍ଥମନ୍ତ୍ରୀ ଅରୁଣ ଜେଟ୍ଲୀ କୃଷି ଗବେଷଣା ପାଇଁ ବ୍ୟୟବରାଦରେ ୧୫% ବୃଦ୍ଧି ଘଟାଇପାରନ୍ତି। ୨୦୧୮-୧୯ ଆର୍ଥିକବର୍ଷ ପାଇଁ ଏହି କ୍ଷେତ୍ର ନିମନ୍ତେ ପାଖାପାଖି ୮,୦୦୦ କୋଟି ଟଙ୍କାର ବ୍ୟୟବରାଦ ହୋଇପାରେ ବୋଲି ସୂତ୍ରରୁ ଜଣାଯାଇଛି।
ଇଣ୍ଡିଆନ୍ ବ୍ୟାଙ୍କ୍ର ୧୦୦ ତମ ଶାଖା ଉଦ୍ଘାଟିତ
ଭୁବନେଶ୍ୱର,୧୨-୧-ଇଣ୍ଡିଆନ୍ ବ୍ୟାଙ୍କ ପକ୍ଷରୁ ଖଣ୍ଡଗିରିଠାରେ ରାଜ୍ୟର ୧୦୦ ତମ ଶାଖା ସହିତ ଏଟିଏମ୍ ଉଦ୍ଘାଟିତ ହୋଇଯାଇଛି।
ଓଜିବିର ନୂତନ ଏଟିଏମ୍ ସେବା
ଭୁବନେଶ୍ୱର,୧୨-୧-ଓଡ଼ିଶା ଗ୍ରାମ୍ୟ ବ୍ୟାଙ୍କ(ଓଜିବି) ବାରିପଦା ଶାଖାର ଏଟିଏମ୍ ଏଠାକାର ବଡବଜାରଠାରେ ଓ ସାନକେରୋକ ଶାଖାର ଏଟିଏମ୍ ସାନକେରୋକଠାରେ ବ୍ୟାଙ୍କର ଅଧ୍ୟକ୍ଷ ବୃନ୍ଦାବନ ନାୟକଙ୍କ ଦ୍ୱାରା ଉଦ୍ଘାଟିତ ହୋଇଯାଇଛି।
ପିଏନ୍ବିର ମୋଟ ବ୍ୟବସାୟ ୧୧ ଲକ୍ଷ କୋଟି ଟପିଲା
ଭୁବନେଶ୍ୱର,୧୨-୧-ରାଷ୍ଟ୍ରାୟତ୍ତ ପଞ୍ଜାବ ନ୍ୟାଶନାଲ୍ ବ୍ୟାଙ୍କ(ପିଏନ୍ବି)ର ମୋଟ ବ୍ୟବସାୟ ୧୧ ଲକ୍ଷ କୋଟି ଟଙ୍କାକୁ ଅତିକ୍ରମ କରିଛି। ଗ୍ରାହକ ସେବା ଏବଂ ଜନସାଧାରଣଙ୍କ ନିରନ୍ତର ବିଶ୍ୱାସଭାଜନ ହୋଇ ରାଷ୍ଟ୍ର ସେବାରେ ବ୍ୟାଙ୍କ ନିଜକୁ ସମ୍ପୂର୍ଣ୍ଣ ନିୟୋଜିତ କରିଛି।
ବଜାରରେ ଲାମ୍ବୋରଗିନିର ‘ୟୁରୁସ୍’ ସୁପର ସ୍ପୋଟର୍ସ ୟୁଟିଲିଟି ଭେଇକିଲ୍
ମୁମ୍ବାଇ,୧୨।୧ ଇଟାଲି ଭିତ୍ତିକ ପ୍ରମୁଖ ସୁପର୍ ସ୍ପୋଟର୍ସ କାର୍ ନିର୍ମାଣକାରୀ କମ୍ପାନି ଲାମ୍ବୋର୍ଗିନି ଗୁରୁବାର ନିଜର ପ୍ରଥମ ସୁପର ସ୍ପୋଟର୍ସ ୟୁଟିଲିଟି ଭେଇକିଲ୍(ଏସ୍ୟୁଭି) ‘ୟୁରୁସ୍’ର ବଜାର ପ୍ରବେଶ କରାଇଛି । ଏହି ମଡେଲଟିର ବଜାର ଦର ୩ କୋଟି ଟଙ୍କା ରହିଛି । ଉକ୍ତ ମଡେଲ୍ର ବଜାର ପ୍ରବେଶ ସହ ରାଜସ୍ବକୁ ୨.୫-୩ ଗୁଣା ବୃଦ୍ଧି କରିବାର ଯୋଜନା ରହିଥିବା ଲାମ୍ବୋର୍ଗିନି ସୂଚନା ଦେଇଛି ।
ସାମ୍ସଙ୍ଗ୍ର ଗାଲାକ୍ସି ଏ୮ ପ୍ଲସ୍
ନୂଆଦିଲ୍ଲୀ,୧୨-୧ ଦେଶର ପ୍ରମୁଖ ସ୍ମାର୍ଟଫୋନ୍ ବ୍ରାଣ୍ଡ୍ ସାମସଙ୍ଗ୍ ଇଣ୍ଡିଆ ଏହାର ଗାଲାକ୍ସି ଏ୮ ପ୍ଲସ୍ ସ୍ମାର୍ଟଫୋନ୍କୁ ବଜାର ପ୍ରବେଶ କରାଇଛି। ଏହା କମ୍ପାନୀର ପ୍ରଥମ ଡୁଆଲ୍ ଫ୍ରଣ୍ଟ କ୍ୟାମେରା ଆଧାରିତ ଫୋନ୍ ହୋଇଥିବା ବେଳେ ଏଥିରେ ୬ଜିବି ରାମ୍, ୬୪ ଜିବି ଇଣ୍ଟରନାଲ୍ ମେମୋରି ରହିଛି। ଏହା ୨୫୬ ଜିବି ପର୍ଯ୍ୟନ୍ତ ଏକ୍ସପାଣ୍ଡ୍ କରି ହେବ ବୋଲି କମ୍ପାନୀ ପକ୍ଷରୁ ପ୍ରକାଶ।
ଫ୍ରିଡମ୍ର ଜାର୍କାର୍ ଅଫର ବିଜେତାଙ୍କ ନାମ ଘୋଷଣା
ବାଙ୍ଗାଲୋର,୧୨-୧ ଫ୍ରିଡମ୍ ରିଫାଇନ୍ଡ୍ ସନ୍ଫ୍ଲାଓ୍ବାର୍ ଅଏଲ୍ ଗୁରୁବାର ଏହାର ‘ଫ୍ରିଡମ୍ ଜାର୍କାର୍ ଅଫର’ ଦ୍ୱିତୀୟ ମାସର ବିଜେତାଙ୍କ ନାମ ଘୋଷଣା କରିଛି। ଏଥିରେ ୧୦୦ ଜଣ ଭାଗ୍ୟଶାଳୀ ବିଜେତାଙ୍କୁ ୫ ଗ୍ରାମ୍ ଲେଖାଏଁ ସୁନାମୁଦ୍ରା ପ୍ରଦାନ କରାଯିବ। ଗ୍ରାହକମାନଙ୍କୁ ଆକୃଷ୍ଟ କରିବା ପାଇଁ କମ୍ପାନୀ ପକ୍ଷରୁ ଏହି ଅଫର ୨୦୧୭ ନଭେମ୍ବରରୁ ଆରମ୍ଭ ହୋଇଥିବା ବେଳେ ଚଳିତ ମାସ ଶେଷ ପର୍ଯ୍ୟନ୍ତ ଚାଲିବ।
ସାଧାରଣତନ୍ତ୍ର ଦିବସ ପ୍ୟାରେଡ୍ରେ ଭାଗ ନେବେ ଏଲ୍ପିୟୁ ଛାତ୍ରୀ ଅମ୍ବିକା ମିଶ୍ର
ଜଲନ୍ଧର, ୧୨-୧ ନୂଆଦିଲ୍ଲୀ ସ୍ଥିତ ଇଣ୍ଡିଆ ଗେଟ୍ଠାରେ ଜାନୁୟାରୀ ୨୬ (ସାଧାରଣତନ୍ତ୍ର ଦିବସ ) ଅବସରରେ ଅନୁଷ୍ଠିତ ହେବାକୁ ଥିବା ପ୍ୟାରେଡ୍ରେ ଲଭ୍ଲି ପ୍ରଫେସନାଲ୍ ୟୁନିଭର୍ସିଟିର ଛାତ୍ରୀ ଅମ୍ବିକା ମିଶ୍ର ଅଂଶଗ୍ରହଣ କରିବେ। ରାଷ୍ଟ୍ରପତି, ପ୍ରଧାନମନ୍ତ୍ରୀଙ୍କ ସମେତ ଜାତୀୟ ତଥା ଅନ୍ତର୍ଜାତୀୟସ୍ତରର ବିଶିଷ୍ଟ ବ୍ୟକ୍ତି ସମବେତ ଅଭିବାଦନ ଗ୍ରହଣ କରିବାକୁ ଥିବା ବେଳେ ଅମ୍ବିକା ପରେଡ୍ରେ ଅଂଶଗ୍ରହଣ କରିବେ ବୋଲି ଅନୁଷ୍ଠାନ ପକ୍ଷରୁ କୁହାଯାଇଛି।
ଏପ୍ରିଲ୍ ୨ ଯାଏଁ ମାଲ୍ୟାଙ୍କୁ ବେଲ୍
ଲଣ୍ଡନ, ୧୨-୧ ପଳାତକ ଘୋଷିତ ମଦ ବ୍ୟବସାୟୀ ବିଜୟ ମାଲ୍ୟାଙ୍କ ବେଲ୍ ଅବଧିକୁ ଲଣ୍ଡନ୍ର ଓ୍ବେଷ୍ଟମିନିଷ୍ଟର ମାଜିଷ୍ଟ୍ରେଟ୍ କୋର୍ଟ ଏପ୍ରିଲ୍ ୨ ପର୍ଯ୍ୟନ୍ତ ବୃଦ୍ଧି କରିଛନ୍ତି। ମାଲ୍ୟାଙ୍କୁ ଭାରତ ଫେରାଇ ଆଣିବା ପାଇଁ ସରକାରଙ୍କ ପକ୍ଷରୁ ପ୍ରଦାନ କରାଯାଇଥିବା ତଥ୍ୟ ଆଧାରରେ କୌଣସି ନିର୍ଯାସ ବାହାରି ନାହିଁ।
ଓଡ଼ିଶା ଜନ୍ମିତ ଅଜିତ୍ ଜୈନ୍ ହୋଇପାରନ୍ତି ଓ୍ବାରେନ୍ ବଫେଙ୍କ ଉତ୍ତରାଧିକାରୀ
ନୂଆଦିଲ୍ଲୀ,୧୧-୧ ଆମେରିକାଭିତ୍ତିକ ବହୁରାଷ୍ଟ୍ରୀୟ କମ୍ପାନୀ ବର୍କଶାୟାର୍ ହାଥାଓ୍ବେର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ) ପଦରେ ଓଡ଼ିଶା ଜନ୍ମିତ ଅଜିତ୍ ଜୈନ ଅବସ୍ଥାପିତ ହୋଇପାରନ୍ତି। ଏହା ହେଲେ ସେ ହେବେ ବର୍ତ୍ତମାନର ସିଇଓ ଓ୍ବାରେନ୍ ବଫେଙ୍କ ଉତ୍ତରାଧିକାରୀ। ସୂଚନା ଅନୁଯାୟୀ, ବର୍କଶାୟାର୍ ହାଥାଓ୍ବେ ବୁଧବାର ଜୈନ୍ଙ୍କ ସହିତ କମ୍ପାନୀର ଆଉ ଜଣେ ଅଧିକାରୀ ଗ୍ରେଗରୀ ଏବଲ୍ଙ୍କୁ ପଦୋନ୍ନତି ଦେଇଛି। ଉଭୟଙ୍କୁ କମ୍ପାନୀର ବୋର୍ଡରେ ଅବସ୍ଥାପିତ କରାଯାଇଛି। ଏବେ ଏହି ଦୁଇ ଜଣ ଓ୍ବାରେନ୍ ବଫେଙ୍କ ଉତ୍ତରାଧୀକାର ହାସଲ କରିବାର ଅତ୍ୟନ୍ତ ନିକଟତ୍ତର ହୋଇଛନ୍ତି।
ଜିଏସ୍ଟି ଯୋଗୁ ଫିକା ହେବ ବଜେଟ୍
ଚଳିତ ବର୍ଷ ଜୁଲାଇ ପହିଲାରେ ଲାଗୁ ହୋଇଥିବା ଏକକ ପରୋକ୍ଷ ଟିକସ ବ୍ୟବସ୍ଥା ସାମଗ୍ରୀ ଓ ସେବା ଟିକସ(ଜିଏସ୍ଟି) ଦେଶର ଅର୍ଥ ବ୍ୟବସ୍ଥାରେ ବଡ ପରିବର୍ତ୍ତନ ଆଣିଛି। ଜିଏସ୍ଟି ଯୋଗୁ ଏଥରର ବଜେଟକୁ ନେଇ ଲୋକଙ୍କ ମଧ୍ୟରେ ଥିବା ଉତ୍କଣ୍ଠା ଫିକା ପଡିଯାଇଛି। ବର୍ତ୍ତମାନ ସାମଗ୍ରୀ ତଥା ସେବାକୁ ନେଇ ଜିଏସ୍ଟି ପରିଷଦ ଟିକସ ହାର ନିର୍ଦ୍ଧାରଣ କରୁଛି। ବଜେଟ୍ରେ ପରୋକ୍ଷ ଟିକସ ନେଇ କୌଣସି ନିଷ୍ପତ୍ତି ଆସିବ ନାହିଁ।
ଡବ୍ଲ୍ୟୁଇଏଫ୍ ସମିଟ୍ରେ ପୁରସ୍କୃତ ହେବେ ଶାହରୁଖ
ନୂଆଦିଲ୍ଲୀ/ଜେନେଭା,୧୧-୧(ପି.ଟି.) ଚଳିତ ମାସର ଶେଷ ଭାଗରେ ଡାଭୋସ୍ଠାରେ ହେବାକୁ ଥିବା ବିଶ୍ୱ ଅର୍ଥନୈତିକ ଫୋରମ୍(ଡବ୍ଲ୍ୟୁଇଏଫ୍)ର ବାର୍ଷିକ ବୈଠକରେ ବଲିଉଡ୍ ଅଭିନେତା ଶାହାରୁଖ ଖାନ୍ କ୍ରିଷ୍ଟାଲ୍ ଆଓ୍ବାର୍ଡ ପାଇବେ। ତାଙ୍କ ସହିତ ହଲିଉଡ୍ ଅଭିନେତା କେଟ୍ ବ୍ଲାନ୍ଚେଟ୍ ଏବଂ ପ୍ରଶିଦ୍ଧ ସଙ୍ଗୀତଜ୍ଞ ସାର୍ ଏଲ୍ଟନ୍ ଜନ୍ ମଧ୍ୟ ଏହି ପୁରସ୍କାର ପାଇବେ।
ଦେଶରେ ୨୦% ଶିକ୍ଷିତ ଯୁବକ ବେକାର
ନୂଆଦିଲ୍ଲୀ,୧୧-୧ ଦେଶରେ ପ୍ରାୟ ୨୦% ଶିକ୍ଷିତ ଯୁବକ ବେକାର ଅଛନ୍ତି। ଏହାକୁ ଧ୍ୟାନରେ ରଖି ସରକାର ଆସନ୍ତା ବଜେଟ୍ରେ ନିଯୁକ୍ତି ଅଭିବୃଦ୍ଧି ଲାଗି ପଦକ୍ଷେପ ନେବା ଦରକାର ବୋଲି ଦେଶର ପ୍ରମୁଖ ଅର୍ଥନୀତିଜ୍ଞମାନେ ପ୍ରକାଶ କରିଛନ୍ତି। ବଜେଟ୍କୁ ଆଉ ପାଖାପାଖି ୩ ସପ୍ତାହ ରହିଛି। ବର୍ତ୍ତମାନର ସରକାରଙ୍କ ଏହା ଶେଷ ପୂର୍ଣ୍ଣାଙ୍ଗ ବଜେଟ୍ ହେବ। ତେଣୁ ଏଥିରେ ନିଯୁକ୍ତି ସୃଷ୍ଟି ପାଇଁ ସକ୍ରିୟ ପଦକ୍ଷେପ ଘୋଷଣା ଆଶା ରଖାଯାଇଛି।
୩,୫୦୦ କୋଟି ଟଙ୍କାର ବେନାମୀ ସମ୍ପତ୍ତି ଜବତ
ନୂଆଦିଲ୍ଲୀ,୧୧-୧ ୯୦୦ ବେନାମୀ ସମ୍ପତ୍ତି ଜବତ କରାଯାଇଥିବା ଆୟକର ବିଭାଗ ଗୁରୁବାର ସୂଚନା ଦେଇଛି। ଜବତ ହୋଇଥିବା ଏହି ସମ୍ପତ୍ତି ମଧ୍ୟରେ ଫ୍ଲାଟ, ଦୋକାନ, ଜୁଏଲେରୀ ଏବଂ ଯାନ ରହିଛି। ଏଗୁଡିକର ମୋଟ ମୂଲ୍ୟ ୩,୫୦୦ କୋଟି ଟଙ୍କା ହେବ ବୋଲି ଜଣା ଯାଇଛି।
କ୍ରିପ୍ଟୋ କରେନ୍ସି ସଂକ୍ରାନ୍ତ ରିପୋର୍ଟ ଦେଲା କମିଟି
ନୂଆଦିଲ୍ଲୀ,୧୧-୧ ବିଟ୍ କଏନ୍ ଭଳି ଭର୍ଚୁଆଲ କରେନ୍ସିର ବିଭିନ୍ନ ଦିଗକୁ ତର୍ଜମା କରିବା ଲାଗି ସରକାର ଗତ ବର୍ଷ ଗଠନ କରିଥିବା କମିଟି ଏହାର ରିପୋର୍ଟ ପ୍ରଦାନ କରିଛି। କମିଟି ଭର୍ଚୁଆଲ କରେନ୍ସିର ଥିବା ବିଭିନ୍ନ ଦିଗକୁ ପର୍ଯ୍ୟାଲୋଚନା କରିବା ସହ ଘରୋଇ ବଜାରରେ ନିଜସ୍ବ କ୍ରିପ୍ଟୋକରେନ୍ସି ଶୁଭାରମ୍ଭକୁ ମଧ୍ୟ ବିଚାର କରୁଛି।
ଜିଏସଟି ଟିକସଦାତାଙ୍କ ସଂଖ୍ୟା ୧ କୋଟି ଛୁଇଁବ
ନୂଆଦିଲ୍ଲୀ,୧୧-୧ ସାମଗ୍ରୀ ଓ ସେବା ଟିକସ(ଜିଏସ୍ଟି) ପ୍ରଦାନ କରୁଥିବା ଟିକସଦାତାଙ୍କ ସଂଖ୍ୟା ୧ କୋଟି ଛୁଇଁବ। ଜୁଲାଇରେ ଜିଏସ୍ଟି ଲାଗୁ ହେବା ପରଠାରୁ ଟିକସଦାତାଙ୍କ ସଂଖ୍ୟାରେ ବର୍ତ୍ତମାନ ସୁଦ୍ଧା ୨୫% ବୃଦ୍ଧି ଘଟିଛି। ଆଗାମୀ କିଛି ଦିନରେ ଟିକସଦାତାଙ୍କ ସଂଖ୍ୟା ୧ କୋଟି ଛୁଇଁବ ବୋଲି ଜଣେ ବରିଷ୍ଠ ସରକାରୀ ଅଧିକାରୀ ସୂଚନା ଦେଇଛନ୍ତି।
ପତଞ୍ଜଳି ସହ ମିଳିତ ହୋଇପାରେ ଫ୍ରାନ୍ସର ଲକଜ୍ୟୁରୀ ମେଜର ଏଲ୍ଭିଏମ୍ଏଚ୍
ନୂଆଦିଲ୍ଲୀ,୧୧-୧ ଫ୍ରାନ୍ସର ପ୍ରମୁଖ ଲକଜ୍ୟୁରୀ ଗ୍ରୁପ୍ ଏଲଭିଏମଏଚ୍ ବାବା ରାମଦେବଙ୍କ ପତଞ୍ଜଳି ଆୟୁର୍ବେଦ ସହ ମିଳିତ ହୋଇପାରେ। ପତଞ୍ଜଳି ସହ ମିଳିତ ହୋଇ କାର୍ଯ୍ୟ କରିବାକୁ ଆଗ୍ରହୀ ଥିବା ଏଲ କ୍ୟାଟରଟନ ଏସିଆର ପରିଚାଳନା ପାର୍ଟନର ରବି ଥାକରନ୍ କହିଛନ୍ତି। ପତଞ୍ଜଳୀର ମଡେଲ ବହୁ ଦେଶୀୟ କମ୍ପାନୀର ମଡେଲ କିମ୍ବା ବିଦେଶୀ ପୁଞ୍ଜି ସହ କାର୍ଯ୍ୟ କରୁ ନାହିଁ। ଯଦି କୌଣସି ସୁଯୋଗ ମିଳେ ତେବେ ପତଞ୍ଜଳୀ ସହ ମିଳିତ ହୋଇ କାର୍ଯ୍ୟ କରିବୁ ବୋଲି ଥାକରନ୍ କହିଛନ୍ତି।