ବାଣିଜ୍ୟ

 ଅଡିଟରଙ୍କୁ ଉତ୍ତର ମାଗିଲା ସିଭିସି

ଅଡିଟରଙ୍କୁ ଉତ୍ତର ମାଗିଲା ସିଭିସି

ନୂଆଦିଲ୍ଲୀ, ୮-୪ ପଞ୍ଜାବ ନାଶନାଲ ବ୍ୟାଙ୍କ(ପିନ୍‌ବି) ଏବଂ ହୀରାଗହଣା ଡିଜାଇନର ନୀରବ ମୋଦିଙ୍କ ମଧ୍ୟରେ ହୋଇଥିବା ସମସ୍ତ ଆର୍ଥିକ କାରବାରର ବିସ୍ତ୍ରୃତ ରିପୋର୍ଟ ମାଗିଛି କେନ୍ଦ୍ରୀୟ ସତର୍କତା ଆୟୋଗ(ସିଭିସି)। ପିଏନ୍‌ବିର ଷ୍ଟାଚୁଟାରି ଅଡିଟରମାନଙ୍କୁ ଏହି ତଥ୍ୟ ମଗାଯାଇଛି ବୋଲି ସିଭିସି ରବିବାର ପ୍ରକାଶ କରିଛି। ସିଭିସିର କହିବା ଅନୁସାରେ କେବଳ ଋଣ ଦିଆନିଆ ପ୍ରକ୍ରିୟା ସମ୍ପର୍କିତ ତଥ୍ୟ ନୁହେଁ ବରଂ ଏହାର ସତ୍ୟତାକୁ ମଧ୍ୟ ଯାଞ୍ଚ କରାଯିବ। ଏ ସମ୍ପର୍କରେ କେନ୍ଦ୍ରୀୟ ସତର୍କତା ଆୟୁକ୍ତ କେ.ଭି. ଚୌଧୁରୀ ରୋକ୍‌ଠୋକ୍‌ ଶୁଣାଇ ଦେଇଛନ୍ତି ଯେ, ପିଏନ୍‌ବିରେ ଏକାଧିକ ଷ୍ଟାଚୁଟାରି ଅଡିଟର ବ୍ୟାଙ୍କର ଅଡିଟ ପ୍ରକ୍ରିୟାରେ ଜଡିତ ଅଛନ୍ତି। ଜଣକ ପରେ ଜଣେ ସମସ୍ତଙ୍କୁ ଡକାଯିବ ଏବଂ ବିଭିନ୍ନ ପ୍ରଶ୍ନ କରାଯିବ। ଅଡିଟରମାନଙ୍କୁ ନିର୍ଦ୍ଦିଷ୍ଟ ସମୟ ପ୍ରଦାନ କରାଯାଇଛି। ଏହି ସମୟ ମଧ୍ୟରେ ସେମାନେ କାରବାର ସମ୍ପର୍କିତ ବିସ୍ତୃତ ତଥ୍ୟ ଦାଖଲ କରିବେ ଏବଂ ସିଭିସି ଯାହା ପ୍ରଶ୍ନ ପଚାରିବ ସେ ସବୁର ଉତ୍ତର ଦେବେ। ସେହିପରି ମୁଖ୍ୟ ସତର୍କତା ଅଧିକାରୀ(ସିଭିଓ)ଙ୍କୁ ମଧ୍ୟ ଏହି ଜାଲିଆତି ସମ୍ପର୍କିତ ବିସ୍ତୃତ ରିପୋର୍ଟ ମଗାଯାଇଛି ବୋଲି ଚୌଧୁରୀ ସ୍ପଷ୍ଟ କରିଛନ୍ତି। ଏବେ ସୁଦ୍ଧା ଆଂଶିକ ରିପୋର୍ଟ ଆସିଥିବା ବେଳେ ବିସ୍ତୃତ ରିପୋର୍ଟକୁ ଅପେକ୍ଷା କରାଯାଥିବା ସେ କହିଛନ୍ତି।

ସିସିଆଇ ପାଖରେ ହାଜର ହୋଇ ପାରନ୍ତି ଆମାଜନ ଇଣ୍ଡିଆ, ଫ୍ଲିପ୍‌କାର୍ଟ

ସିସିଆଇ ପାଖରେ ହାଜର ହୋଇ ପାରନ୍ତି ଆମାଜନ ଇଣ୍ଡିଆ, ଫ୍ଲିପ୍‌କାର୍ଟ

ନୂଆଦିଲ୍ଲୀ, ୮-୪ ଦେଶର ପ୍ରମୁଖ ଇ-କମର୍ସ ପ୍ଲାଟ୍‌ଫର୍ମ ଫ୍ଲିପ୍‌କାର୍ଟକୁ ଆମେରିକା ଭିତ୍ତିକ କମ୍ପାନୀ ଆମାଜନ କ୍ରୟ କରିବ ନା ମଲ୍ଟିନ୍ୟାଶନାଲ୍‌ ରିଟେଲ୍‌ କର୍ପୋରେଶନ ଓ୍ବାଲମାର୍ଟ କ୍ରୟ କରିବ ତାହା ଏଯାଏ ସ୍ପଷ୍ଟ ହୋଇନାହିଁ। ଜାତୀୟ ଗଣମାଧ୍ୟମରେ ଏହାକୁ ନେଇ ଭିନ୍ନ ଭିନ୍ନ ଖବର ପ୍ରକାଶ ପାଉଥିବା ବେଳେ ରବିବାର ଆଉ ଏକ ନୂଆ ଖବର ସାମ୍ନାକୁ ଆସିଛି। ଏଥିରେ କୁହାଯାଇଛି, ଯଦି ଆମାଜନ ଫ୍ଲିପ୍‌କାର୍ଟକୁ କ୍ରୟ କରେ ତେବେ ଭାରତରେ ଅନ୍‌ଲାଇନ ମାର୍କେଟିଂ କ୍ଷେତ୍ରରେ ଆଉ ପ୍ରତିଯୋଗିତା ରହିବ ନାହିଁ।

ନିଜ କମ୍ପାନୀକୁ ଦେବାଳିଆ ଘୋଷଣା କରିବାକୁ ନୀରବଙ୍କ ଆବେଦନ:ନିଜ ପକ୍ଷରଖିବ ପିଏନ୍‌ବି

ନିଜ କମ୍ପାନୀକୁ ଦେବାଳିଆ ଘୋଷଣା କରିବାକୁ ନୀରବଙ୍କ ଆବେଦନ:ନିଜ ପକ୍ଷରଖିବ ପିଏନ୍‌ବି

ନୂଆଦିଲ୍ଲୀ,୮-୪(ପି.ଟି.) ନୀରବ ମୋଦିଙ୍କ ଆମେରିକାସ୍ଥିତ କମ୍ପାନୀ ଫାୟାରଷ୍ଟାର ଡାଏମଣ୍ଡ ନିଜକୁ ଦେବାଳିଆ ଘୋଷିତ କରିବା ପାଇଁ ନ୍ୟୁୟର୍କ କୋର୍ଟରେ ଆବେଦନ କରିଛି। ଏ ସମ୍ପର୍କିତ ବିଚାରରେ ଭାଗନେବା ପାଇଁ ପଞ୍ଜାବ ନ୍ୟାଶନାଲ୍‌ ବ୍ୟାଙ୍କ(ପିଏନ୍‌ବି) ଜଣେ ଆଇନଜୀବୀଙ୍କୁ ନିୟୋଜିତ କରିଥିଲେ ମଧ୍ୟ ତାଙ୍କ ନାମ ପ୍ରକାଶ କରିନାହିଁ। ପିଏନ୍‌ବିର କହିବା ଅନୁସାରେ, ଆମ କମ୍ପାନୀରୁ ନୀରବ ମୋଦି ପାଖାପାଖି ୧୪ ହଜାର କୋଟି ଟଙ୍କା ଠକି ନେଇଛି।

ଭିଡିଓକନ ଋଣମାମଲା:ସିବିଆଇ ଜାଲରେ ଆଉ ଏକ ନୂଆ ଚେହେରା

ଭିଡିଓକନ ଋଣମାମଲା:ସିବିଆଇ ଜାଲରେ ଆଉ ଏକ ନୂଆ ଚେହେରା

ନୂଆଦିଲ୍ଲୀ,୮-୪(ପି.ଟି.) କ୍ଷତିରେ ଚାଲିଥିବା ଭିଡିଓକନ ଗ୍ରୁପ୍‌କୁ ଆଇସିଆଇସିଆଇ ବ୍ୟାଙ୍କ ଦେଇଥିବା ୩୨୫୦ କୋଟି ଟଙ୍କାର ଋଣ ମାମଲାରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ରବିବାର ଆଉଜଣଙ୍କୁ ଜେରା କରିଛି। ଏହି ବ୍ୟକ୍ତିଜଣକ ହେଉଛନ୍ତି ମହେଶ ଚନ୍ଦ୍ର ପୁଙ୍ଗ୍ଲିଆ। ଭିଡିଓକନକୁ ଋଣ ଦେବା ମାମଲାରେ ପୁଙ୍ଗ୍ଲିଆ ମାତ୍ରାଧିକ ଜଡିତ ଅଛନ୍ତି ବୋଲି ସିବିଆଇ ସନ୍ଦେହ କରୁଛି।

 କ୍ଷତି ଭରଣା କରିବାକୁ  ପିଏନ୍‌ବି ସକ୍ଷମ ହେବ :ଏମ୍‌ଡି

କ୍ଷତି ଭରଣା କରିବାକୁ ପିଏନ୍‌ବି ସକ୍ଷମ ହେବ :ଏମ୍‌ଡି

ନୂଆଦିଲ୍ଲୀ,୮-୪(ପି.ଟି.) ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ୧୩,୦୦୦ କୋଟି ଟଙ୍କାର ଋଣ ଘୋଟାଲା ପରେ ବ୍ୟାଙ୍କକୁ ବିଭିନ୍ନ ମହଲରୁ ସମାଲୋଚନା କରାଯାଇଛି। ବ୍ୟାଙ୍କ ସାମ୍ନାରେ ଥିବା ବିପଦ ଟଳିଯାଇଛି ବୋଲି ବ୍ୟାଙ୍କର ପରିଚାଳନା ନିର୍ଦ୍ଦେଶକ ତଥା ସିଇଓ ସୁନୀଲ ମେହେଟ୍ଟା କହିଛନ୍ତି। ଋଣ ଘୋଟାଲାରେ ସହିଥିବା କ୍ଷତିକୁ ଭରଣା କରିବାକୁ ବ୍ୟାଙ୍କ ଶୀଘ୍ର ସକ୍ଷମ ହେବ ବୋଲି ସେ କହିଛନ୍ତି। ବ୍ୟାଙ୍କର କେତେକ ଅସାଧୁ କର୍ମଚାରୀଙ୍କ ସହ ମିଳିତ ହୋଇ ନୀରବ ମୋଦି ଏବଂ ତାଙ୍କ ସମ୍ପର୍କୀୟ ମାମୁ ଏହିଭଳି ଭାବେ ବଡଧରଣର ଘୋଟାଲା କରିବାକୁ ସକ୍ଷମ ହୋଇଥିଲେ। ମାତ୍ର ଏହିଭଳି ସମସ୍ୟାର ସମାଧାନ କରିବାକୁ ବ୍ୟାଙ୍କ ବିଭିନ୍ନ ପ୍ରକାର ପଦକ୍ଷେପ ନେଉଛି ବୋଲି ଗଣମାଧ୍ୟମକୁ ଏକ ସାକ୍ଷାତକାରରେ ମେହେଟ୍ଟା ଏହା କହିଛନ୍ତି।

୧୦୬୩ କୋଟିର ଏନ୍‌ପିଏ ସମ୍ପତ୍ତି ବିକିବେ ଏସ୍‌ବିଆଇ, ପିଏନ୍‌ବି

୧୦୬୩ କୋଟିର ଏନ୍‌ପିଏ ସମ୍ପତ୍ତି ବିକିବେ ଏସ୍‌ବିଆଇ, ପିଏନ୍‌ବି

ନୂଆଦିଲ୍ଲୀ, ୮-୪(ପି.ଟି) ରାଷ୍ଟ୍ରାୟତ୍ତ ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ(ଏସ୍‌ବିଆଇ) ଏବଂ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ୧୦୬୩ କୋଟି ଟଙ୍କାର ଅନାଦାୟ ପରିସମ୍ପତ୍ତି(ଏନ୍‌ପିଏ) ବିକ୍ରି କରିବେ। ଏହା ମଧ୍ୟରେ ୧୫ଟି ଏନ୍‌ପିଏ ସମ୍ପତ୍ତି ରହିଛି। ଏଥିଲାଗି ଉଭୟ ବ୍ୟାଙ୍କ ଚଳିତ ମାସ ୨୦ରେ ଇ-ନିଲାମ ପ୍ରକ୍ରିୟା ସମ୍ପାଦନ କରିବେ। ଏହା ମଧ୍ୟରେ ଏସ୍‌ବିଆଇର ୧୨ ଆକାଉଣ୍ଟ ରହିଥିବା ବେଳେ ଏହାର ପରିମାଣ ପ୍ରାୟ ୮୪୮.୫୪ କୋଟି ଟଙ୍କା ହେବ। ଏହି ସମ୍ପତ୍ତିଗୁଡିକର ନିଲାମ ଲାଗି ଆସେଟ୍‌ ରିକନଷ୍ଟ୍ରକଶନ କମ୍ପାନୀ(ଏଆରସି)/ ବ୍ୟାଙ୍କ/ ଅଣ ବ୍ୟାଙ୍କିଂ ବିତ୍ତ ପ୍ରତିଷ୍ଠାନ(ଏନ୍‌ବିଏଫ୍‌ସି) ତଥା ବିତ୍ତ ପ୍ରତିଷ୍ଠାନକୁ ନିଲାମଧାରାରେ ସାମିଲ କରାଯିବ ବୋଲି ଏସବିଆଇର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି।

ବ୍ୟାଙ୍କ ଘରୋଇକରଣ ବିପକ୍ଷରେ ନୋବେଲ ବିଜେତା ୟୁନୁସ୍‌

ବ୍ୟାଙ୍କ ଘରୋଇକରଣ ବିପକ୍ଷରେ ନୋବେଲ ବିଜେତା ୟୁନୁସ୍‌

ନୂଆଦିଲ୍ଲୀ,୮-୪(ପି.ଟି.) ଘରୋଇ ବଜାରରେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ସ୍ଥିତି ବର୍ତ୍ତମାନ ଶୋଚନୀୟ ହୋଇପଡିଥିବା ବେଳେ ଏହାର ଘରୋଇକରଣ ନେଇ ବିଶେଷଜ୍ଞମାନେ ମତ ଦେଉଛନ୍ତି। ମାତ୍ର ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ଘରୋଇକରଣ ସପକ୍ଷରେ ନୋବେଲ ବିଜେତା ମହମ୍ମଦ ୟୁନୁସ୍‌ ମତ ଦେଇନାହାନ୍ତି। ଇଣ୍ଡୋ ଫ୍ରେଞ୍ଚ ଚାମ୍ବର ଅଫ୍‌ କମର୍ସ ଆଣ୍ଡ ଇଣ୍ଡଷ୍ଟ୍ରି (ଆଇଏଫ୍‌ସିସିଆଇ)ର ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ୟୁନୁସ ଏହା କହିଛନ୍ତି। ବିଭିନ୍ନ ଦେଶରେ ଘରୋଇ ବ୍ୟାଙ୍କଗୁଡିକ ବିଶେଷ ଭାବେ ସଫଳତା ଲାଭ କରୁ ନ ଥିବା ଯୋଗୁ ରାଷ୍ଟ୍ରାୟତ୍ତ ବ୍ୟାଙ୍କ ଘରୋଇ କରଣ ସପକ୍ଷରେ ୟୁନୁସ ମତ ରଖିନାହାନ୍ତି।

ସମ୍ପ୍ରସାରଣ ହେବ ୭ ବିମାନ ବନ୍ଦର

ସମ୍ପ୍ରସାରଣ ହେବ ୭ ବିମାନ ବନ୍ଦର

ହାଇଦ୍ରାବାଦ,୮-୪((ପି.ଟି) ଘରୋଇ ବଜାରର ୭ ପ୍ରମୁଖ ବିମାନ ବନ୍ଦରର ସମ୍ପ୍ରସାରଣ ହେବ। ସମ୍ପ୍ରସାରଣ ସଂକ୍ରାନ୍ତ ବିଭିନ୍ନ ଆନୁସଙ୍ଗିକ କାର୍ଯ୍ୟ ଶେଷ କରିବାକୁ ଭାରତୀୟ ବିମାନ ବନ୍ଦର କର୍ତ୍ତୃପକ୍ଷ(ଏଏଆଇ) ପ୍ରସ୍ତୁତି ଆରମ୍ଭ କରିଛି। ଏହି କାର୍ଯ୍ୟକୁ ରୂପରେଖ ପ୍ରଦାନ କରିବା ଲାଗି ଏଏଆଇ ପରିବେଶ, ଜଙ୍ଗଲ ତଥା ପାଣିପାଗ ପରିବର୍ତ୍ତନ ମନ୍ତ୍ରଣାଳୟକୁ ଠାରୁ ଅନୁମତି ଲୋଡିଛି। ସମ୍ପ୍ରସାରଣ ହେବାକୁ ଥିବା ବିମାନ ବନ୍ଦରଗୁଡିକ ମଧ୍ୟରେ ପୁଣେ, ଗୁଆହାଟି ଏବଂ ତିରୁପତି ଭଳି ବନ୍ଦରଗୁଡିକ ରହିଛନ୍ତି। ସମ୍ପ୍ରସାରଣ ଲାଗି ପ୍ରାୟ ୩,୦୦୦ କୋଟି ଟଙ୍କା ଖର୍ଚ୍ଚ ହେବ ବୋଲି ଏକ୍ସପର୍ଟ ଆପ୍ରାଇଜାଲ କମିଟି (ଇଏସି)ସୂଚନା ଦେଇଛି। ଏହି ପ୍ରସଙ୍ଗ ଉପରେ ଜାନୁୟାରୀ ଏବଂ ମାର୍ଚ୍ଚରେ ଇଏସିର ବୈଠକ ଅନୁଷ୍ଠିତ ହୋଇଛି।

ପାରାଦୀପ ବନ୍ଦରରେ ୧୦୨ ନିୟୁତ ଟନ୍‌ ମାଲ ପରିଚାଳନା

ପାରାଦୀପ ବନ୍ଦରରେ ୧୦୨ ନିୟୁତ ଟନ୍‌ ମାଲ ପରିଚାଳନା

ନୂଆଦିଲ୍ଲୀ,୮-୪(ପି.ଟି) ୨୦୧୭-୧୮ ଆର୍ଥତ୍କ ବର୍ଷ ଶେଷ ସୁଦ୍ଧା ପାରାଦୀପ ବନ୍ଦର ୧୦୨.୦୧ ନିୟୁତ ଟନ୍‌ ମାଲ ପରିଚାଳନା କରିଛି। ମାଲ ପରିଚାଳନାରେ କାଣ୍ଡଲା ବନ୍ଦରର ଟ୍ରାଫିକ ସର୍ବୋଚ୍ଚ ରହିଛି। ଏଠାରେ ୧୧୦.୦୯ ନିୟୁତ ଟନ ମାଲ ପରିଚାଳନା ହୋଇଛି। ଚାହିଦା ବୃଦ୍ଧି ଯୋଗୁ ଦେଶର ୧୨ ପ୍ରମୁଖ ବନ୍ଦରଗୁଡିକର ପଣ୍ୟ ପରିଚାଳନାରେ ୪.୭୭% ବୃଦ୍ଧି ଘଟିଛି। ୨୦୧୭-୧୮ ଆର୍ଥତ୍କ ବର୍ଷ ଶେଷ ସୁଦ୍ଧା ପ୍ରମୁଖ ବନ୍ଦରଗୁଡିକ ୬୭୯.୩୫ ନିୟୁତ ଟନ ପଣ୍ୟ ପରିଚାଳନା କରିବାକୁ ସକ୍ଷମ ହୋଇଛନ୍ତି ବୋଲି ଭାରତୀୟ ବନ୍ଦର ସଂଘ(ଆଇପିଏ) ଦେଇଥିବା ସୂଚନାରୁ ଏହା ଜଣାଯାଇଛି।

ନୀରବ, ଚୋକ୍‌ସୀଙ୍କ ବିରୋଧରେ ଜାମିନ ବିହୀନ ପରଓ୍ବାନା

ନୀରବ, ଚୋକ୍‌ସୀଙ୍କ ବିରୋଧରେ ଜାମିନ ବିହୀନ ପରଓ୍ବାନା

ନୂଆଦିଲ୍ଲୀ,୮-୪(ପି.ଟି) ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ୧୩,୦୦୦ କୋଟି ଟଙ୍କାର ଋଣ ଘୋଟାଲା ମାମଲାରେ ମୁଖ୍ୟ ଅଭିଯୁକ୍ତ ଥିବା ନୀରବ ମୋଦି ଏବଂ ମେହୁଲ ଚୋକସୀଙ୍କ ବିରୋଧରେ ଜାମିନ୍‌ ବୀହିନ ପରଓ୍ବାନା(ଏନ୍‌ବିଡ୍ଲ୍ୟୁ) ଜାରି ହୋଇଛି। ବମ୍ବେର ସିବିଆଇ ନ୍ୟାୟାଳୟ ଏହି ଏନ୍‌ବିଡବ୍ଲ୍ୟୁ ଜାରି କରିଛନ୍ତି। ନୀରବ ମୋଦି ଏବଂ ତାଙ୍କ ସମ୍ପର୍କୀୟ ମାମଁୁ ମେହୁଲ ଚୋକସୀ ପିଏନ୍‌ବିର କେତେକ ଅସାଧୁ କର୍ମଚାରୀଙ୍କ ସହ ମିଳିତ ହୋଇ ବେଆଇନ୍‌ ଲେଟର ଅଫ୍‌ ଅଣ୍ଡରଟେକିଂ (ଏଲ୍‌ଓୟୁ) ଯୋଗେ ଏହି ଭଳି ବଡ ଧରଣର ବ୍ୟାଙ୍କ ଘୋଟାଲା ଭିଆଇବାକୁ ସକ୍ଷମ ହୋଇଥିଲେ। ଏତେ ବଡ ଧରଣର ଘୋଟାଲାରେ ସମ୍ପୃକ୍ତ ଥାଇ ମଧ୍ୟ ସେମାନେ ବିଦେଶକୁ ପଳାୟନ କରିବାକୁ ସକ୍ଷମ ହୋଇଛନ୍ତି। ପିଏନ୍‌ବିର ବମ୍ବେ ଶାଖାରୁ ବେଆଇନ୍‌ ଏଲଓୟୁ ୨୦୧୧ଠାରୁ ନୀରବ ଏବଂ ଚୋକସୀଙ୍କ ପ୍ରମୋଟା ଫାର୍ମକୁ ମଞ୍ଜୁର କରାଯାଉଥିଲେ ମଧ୍ୟ ବ୍ୟାଙ୍କର ଅଡିଟ ବ୍ୟବସ୍ଥା ତଥା ରିଜର୍ଭ ବ୍ୟାଙ୍କ ମଧ୍ୟ ଏହା ସମ୍ପର୍କରେ ଜାଣିବା ଲାଗି ସକ୍ଷମ ହୋଇ ପାରି ନ ଥିଲା।

ବିଏସ୍‌ଏନ୍‌ଏଲ୍‌ ପକ୍ଷରୁ ନୂଆ ଆଇପିଏଲ୍‌ ପ୍ଲାନ: ୨୪୮ଟଙ୍କାରେ ଦୈନିକ ମିଳିବ ୩ଜିବି ଡାଟା

ବିଏସ୍‌ଏନ୍‌ଏଲ୍‌ ପକ୍ଷରୁ ନୂଆ ଆଇପିଏଲ୍‌ ପ୍ଲାନ: ୨୪୮ଟଙ୍କାରେ ଦୈନିକ ମିଳିବ ୩ଜିବି ଡାଟା

ନୂଆଦିଲ୍ଲୀ,୮।୪: ପ୍ରମୁଖ ଟେଲିକମ୍‌ କମ୍ପାନୀ ଭାରତ ସଞ୍ଚାର ନିଗମ ଲିମିଟେଡ୍‌(ବିଏସ୍‌ଏନ୍‌ଏଲ୍‌) ପକ୍ଷରୁ ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ୍‌)କୁ ଧ୍ୟାନରେ ରଖି ନୂଆ ଟାରିଫ ପ୍ଲାନ ଘୋଷଣା କରାଯାଇଛି। ଏହି ପ୍ଲାନଟିର ମୂଲ୍ୟ ୨୪୮ ଟଙ୍କା ରହିଛି।

ପୂର୍ବତଟ ରେଳପଥର ସର୍ବୋତ୍ତମ ରେକର୍ଡ: ୨୦୧୭-୧୮ରେ ୧୮୨.୭୫ ନିୟୁତ ଟନ ମାଲ ପରିବହନ

ପୂର୍ବତଟ ରେଳପଥର ସର୍ବୋତ୍ତମ ରେକର୍ଡ: ୨୦୧୭-୧୮ରେ ୧୮୨.୭୫ ନିୟୁତ ଟନ ମାଲ ପରିବହନ

ଭୁବନେଶ୍ୱର, ୮।୪ : ୨୦୧୬-୧୭ ଆର୍ଥିକବର୍ଷରେ ପୂର୍ବତଟ ରେଳପଥ ୧୭୭.୪୩ ନିୟୁତ ଟନ ମାଲ ପରିବହନ କରିଥିଲା ବେଳେ ୨୦୧୭-୧୮ ଆର୍ଥିକବର୍ଷରେ ଏହା ୧୮୨.୭୫ ନିୟୁତ ଟନକୁ ବୃଦ୍ଧି ପାଇଛି। ଭାରତୀୟ ରେଳର ମୋଟ ମାଲ ପରିବହନର ଏହା ୧୫.୭୦% ହୋଇଥିବା ବେଳେ ଏହା ସର୍ବୋତ୍ତମ ରେକର୍ଡ ବୋଲି ପୂର୍ବତଟ ରେଳପଥ ପ୍ରକାଶ କରିଛି।

ଘରୋଇ ବ୍ୟାଙ୍କରେ ଉତ୍ତରାଧିକାରୀ ସଙ୍କଟ

ଘରୋଇ ବ୍ୟାଙ୍କରେ ଉତ୍ତରାଧିକାରୀ ସଙ୍କଟ

ନୂଆଦିଲ୍ଲୀ,୭-୪ ବିଭିନ୍ନ ବାଦବିବାଦ ମଧ୍ୟରେ ଏବେ ଘରୋଇ ବ୍ୟାଙ୍କଗୁଡିକ ଆଗରେ ପ୍ରଶ୍ନସଂଖ୍ୟା ବଢ଼ିଚାଲିଛି। ବଡ ବଡ ଋଣ ଖିଲାପୀ ମାମଲା ଶିଳ୍ପକୁ ସମସ୍ୟା ଘେରକୁ ଆଣିଦେଇଛି। ଏକଦା ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ତୁଳନାରେ ଉନ୍ନତ ପ୍ରଦର୍ଶନ କରି ଆସୁଥିବା ଘରୋଇ ବ୍ୟାଙ୍କଗୁଡିକର ସ୍ଥିତି ବର୍ତ୍ତମାନ ଯାହା ଅଛି ଏଗୁଡିକର ମଙ୍ଗ ସମ୍ଭାଳିବା ପାଇଁ ଦକ୍ଷ ଉତ୍ତରାଧିକାରୀ ଖୋଜିବା ମ୍ୟାନେଜ୍‌ମେଣ୍ଟ ପାଇଁ ବଡ ସମସ୍ୟା ପାଲଟିବ। ଏହି ପଦରେ ଅବସ୍ଥାପିତ ହେବା ପାଇଁ ସେଭଳି ଜଣେ ଦୃଢ଼ ବ୍ୟକ୍ତିତ୍ୱଙ୍କ ଆବଶ୍ୟକତା ରହିଛି। ଆଗାମୀ ବର୍ଷେ ଦୁଇ ବର୍ଷ ମଧ୍ୟରେ ପ୍ରମୁଖ ବ୍ୟାଙ୍କଗୁଡିକରେ ସିଇଓ ପଦ ଫାଙ୍କା ହେବାକୁ ଯାଉଛି। ଏଭଳି କ୍ଷେତ୍ରରେ ଉକ୍ତ ବ୍ୟାଙ୍କଗୁଡିକର ମଙ୍ଗୁଆଳ କାହାକୁ କରାଯିବ ତାହା ଚୟନ କରିବା ଶିଳ୍ପ ପାଇଁ ମୁଣ୍ଡବ୍ୟଥାର କାରଣ ପାଲଟିଛି।

 ସିଇଓ ଚନ୍ଦା କୋଚ୍ଚରଙ୍କ ବିରୋଧରେ ଲୁକ୍‌ ଆଉଟ୍‌ ସର୍କୁଲାର ଜାରି

ସିଇଓ ଚନ୍ଦା କୋଚ୍ଚରଙ୍କ ବିରୋଧରେ ଲୁକ୍‌ ଆଉଟ୍‌ ସର୍କୁଲାର ଜାରି

ନୂଆଦିଲ୍ଲୀ,୭-୪ ଦେଶର ସମସ୍ତ ବିମାନବନ୍ଦରରେ ଆଇସିଆଇସିଆଇ ବ୍ୟାଙ୍କ ସିଇଓ ଚନ୍ଦା କୋଚ୍ଚର, ତାଙ୍କ ସ୍ବାମୀ ଦୀପକ କୋଚ୍ଚର ଏବଂ ଭିଡିଓକନ ଗ୍ରୁପ୍‌ର ଅଧ୍ୟକ୍ଷ ବେଣୁଗୋପାଳ ଧୂତଙ୍କ ବିରୋଧରେ ଲୁକ୍‌ ଆଉଟ୍‌ ସର୍କୁଲାର(ଏଲ୍‌ଓସି) ଜାରି ହୋଇଛି। ଅର୍ଥାତ୍‌ ସରକାରୀ କର୍ତ୍ତୃପକ୍ଷଙ୍କ ବିନା ଅନୁମତିରେ ଏମାନେ ଦେଶ ଛାଡ଼ି ଯାଇପାରିବେ ନାହିଁ। କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ)ର ନିର୍ଦ୍ଦେଶକ୍ରମେ ଏହି ଏଲ୍‌ଓସି ଜାରି ହୋଇଛି।

ଆରମ୍ଭ ହେଲା ବ୍ରାଣ୍ଡେଡ୍‌ ଗାର୍ମେଣ୍ଟ ମେଳା

ଆରମ୍ଭ ହେଲା ବ୍ରାଣ୍ଡେଡ୍‌ ଗାର୍ମେଣ୍ଟ ମେଳା

ଭୁବନେଶ୍ୱର, ୭-୪ ସ୍ଥାନୀୟ ହୋଟେଲ ନ୍ୟୁମାରିୟନରେ ଆରମ୍ଭ ହୋଇଛି ଇଣ୍ଟରନାଶନାଲ୍‌ ବ୍ରାଣ୍ଡେଡ୍‌ ଗାର୍ମେଣ୍ଟ ସେଲ୍‌ ମେଳା। ଗ୍ରୀଷ୍ମ ଋତୁ ତଥା ବିବାହ ସମୟକୁ ଦୃଷ୍ଟିରେ ରଖି ଏହି ମେଳା ଆୟୋଜନ କରାଯାଇଛି।

 ଭିଡିଓକନ ସହିତ କାରବାର କରୁଥିଲେ ରାଜୀବ କୋଚ୍ଚର

ଭିଡିଓକନ ସହିତ କାରବାର କରୁଥିଲେ ରାଜୀବ କୋଚ୍ଚର

କ୍ରମାଗତ ଦୁଇଦିନ ଧରି ରାଜୀବ କୋଚ୍ଚରଙ୍କୁ ସିବିଆଇ ପଚରାଉଚରା ଚଳାଇଛି। ଭିଡିଓକନ କମ୍ପାନୀ ସହିତ ତାଙ୍କର କିଛି ବର୍ଷ ପୂର୍ବରୁ ବ୍ୟବସାୟିକ କାରବାର ଚାଲିଥିଲା ବୋଲି ସେ ରାଜି ହୋଇଛନ୍ତି।

୩୬ ଦିନରେ ବୟନିକା କର୍ମଚାରୀ ସଂଘର ଆନ୍ଦୋଳନ

୩୬ ଦିନରେ ବୟନିକା କର୍ମଚାରୀ ସଂଘର ଆନ୍ଦୋଳନ

ଭୁବନେଶ୍ୱର, ୭-୪ ସାତ ଦଫା ଦାବିପୂରଣ ପାଇଁ ବୟନିକା କର୍ମଚାରୀ ସଂଘ ଚଳାଇଥିବା ଆନ୍ଦୋଳନ ଶନିବାର ୩୬ ଦିନରେ ପହଞ୍ଚିଛି। ଏହାକୁ ଆହୁରି ତୀବ୍ର କରିବା ପାଇଁ ଆନ୍ଦୋଳନକାରୀମାନେ କଳାବ୍ୟାଜ ପରିଧାନ କରି ବୟନିକା ଭବନ ପରିସରରେ ବିକ୍ଷୋଭ ପ୍ରଦର୍ଶନ କରୁଛନ୍ତି।

ନୋକିଆର ତିନି ନୂଆ ସ୍ମାର୍ଟଫୋନ୍‌ ବଜାରରେ

ନୋକିଆର ତିନି ନୂଆ ସ୍ମାର୍ଟଫୋନ୍‌ ବଜାରରେ

ନୂଆଦିଲ୍ଲୀ,୭-୪ ପ୍ରମୁଖ ଫୋନ୍‌ ନିର୍ମାତା ନୋକିଆ ଭାରତରେ ଏହାର ୩ଟି ସ୍ମାର୍ଟଫୋନ୍‌କୁ ବଜାର ପ୍ରବେଶ କରାଇଛି। ଏଗୁଡିକ ହେଲା ନୋକିଆ ୮ ସାରୋକୋ, ନୋକିଆ ୭ ପ୍ଲସ୍‌ ଏବଂ ନ୍ୟୁ ନୋକିଆ ୬। ନୋକିଆ ୮ ସାରୋକୋର ମୂଲ୍ୟ ୪୯,୯୯୯ ଟଙ୍କା ହୋଇଥିବା ବେଳେ ୭ ପ୍ଲସ୍‌ର ମୂଲ୍ୟ ୨୫,୯୯୯ ଟଙ୍କା ଏବଂ ନ୍ୟୁ ନୋକିଆ ୬ର ମୂଲ୍ୟ ୧୬,୯୦୦ ଟଙ୍କା ରହିଛି। ଏଥି ସହିତ ଭାରତରେ ନୋକିଆର ଅପରେଟିଂ ସଂସ୍ଥା ଏଚ୍‌ଏମ୍‌ଡି ଗ୍ଲୋବାଲ ଏକ ଅନ୍‌ଲାଇନ ନୋକିଆ ଫୋନ୍‌ସ ଶପ୍‌ ମଧ୍ୟ ଆରମ୍ଭ କରିଛି।

ରାଜନଙ୍କୁ ପ୍ରଶ୍ନ କରିବ ସିବିଆଇ

ରାଜନଙ୍କୁ ପ୍ରଶ୍ନ କରିବ ସିବିଆଇ

ନୂଆଦିଲ୍ଲୀ, ୭-୪ ଅଡୁଆରେ ଭାରତୀୟ ରିଜର୍ଭ ବ୍ୟାଙ୍କର ପୂର୍ବତନ ଗଭର୍ନର ରଘୁରାମ ରାଜନ। ୮୦:୨୦ ସୁନା ଆମଦାନୀ ସ୍କିମ୍‌କୁ ନେଇ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ତାଙ୍କୁ ପ୍ରଶ୍ନ କରିପାରେ। ଏ ସମ୍ପର୍କରେ ରାଜନଙ୍କୁ କେଉଁ କେଉଁ ପ୍ରଶ୍ନ ପଚରାଯିବ ତାହାର ଏକ ଲିଖିତ ନକଲ ସିବିଆଇ ପ୍ରସ୍ତୁତ କରୁଛି। ଏହି ପ୍ରଶ୍ନ ରାଜନଙ୍କ ପାଖକୁ ଖୁବ୍‌ଶୀଘ୍ର ପଠାଯିବ ବୋଲି ଏକ ନିର୍ଦ୍ଦିଷ୍ଟ ଗଣମାଧ୍ୟମ ପ୍ରକାଶ କରିଛି।

ଏଏସ୍‌ବିଏମ୍‌ ପକ୍ଷରୁ ସମାବର୍ତ୍ତନ ଉତ୍ସବ

ଏଏସ୍‌ବିଏମ୍‌ ପକ୍ଷରୁ ସମାବର୍ତ୍ତନ ଉତ୍ସବ

ଭୁବନେଶ୍ୱର,୭।୪- ପ୍ରମୁଖ ବି-ସ୍କୁଲ୍‌ ଏସିଆନ୍‌ ସ୍କୁଲ୍‌ ଅଫ୍‌ ବିଜ୍‌ନେସ୍‌ ମ୍ୟାନେଜ୍‌ମେଣ୍ଟ(ଏଏସ୍‌ବିଏମ୍‌) ପକ୍ଷରୁ ୧୧ତମ ସମାବର୍ତ୍ତନ ଉତ୍ସବ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ଭାରତୀୟ ବିମାନ ବନ୍ଦର କର୍ତ୍ତୃପକ୍ଷ ଅଧ୍ୟକ୍ଷ ଡ. ଗୁରୁ ପ୍ରସାଦ ମହାପାତ୍ର ମୁଖ୍ୟ ଅତିଥି ଏବଂ ଆଇଏଫ୍‌ସିଆଇର ପରିଚାଳନା ନିର୍ଦ୍ଦେଶକ ତଥା ସିଇଓ ଶଙ୍କର ରାଓ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।

 କେୟାର ହସ୍ପିଟାଲରେ ସ୍ପେଶିଆଲାଇଜ୍‌ଡ ନ୍ୟୁରୋ କ୍ଲିନିକ୍‌

କେୟାର ହସ୍ପିଟାଲରେ ସ୍ପେଶିଆଲାଇଜ୍‌ଡ ନ୍ୟୁରୋ କ୍ଲିନିକ୍‌

ଭୁବନେଶ୍ୱର,୭।୪(ବ୍ୟୁରୋ) ସ୍ଥାନୀୟ ଚନ୍ଦ୍ରଶେଖରପୁର ସ୍ଥିତ କେୟାର ସୁପର ସ୍ପେଶାଲିଟି ହସ୍ପିଟାଲରେ ବିଶ୍ୱ ସ୍ବାସ୍ଥ୍ୟ ଦିବସ ପାଳିତ ହୋଇ ଯାଇଛି। ଏହି ଅବସରରେ ହସ୍ପିଟାଲ ପରିସରରେ ଏକ ସ୍ପେଶିଆଲାଇଜ୍‌ଡ ନ୍ୟୁରୋ (ସ୍ନାୟୁ) କ୍ଲିନିକ୍‌ର ଶୁଭାରମ୍ଭ ହୋଇଛି। ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରୀ ପ୍ରତାପ ଜେନା ଏବଂ ମେଡିକାଲ ଡାଇରେକ୍ଟର ତଥା ସ୍ନାୟୁ ରୋଗ ବିଶେଷଜ୍ଞ ଡ. ମହେନ୍ଦ୍ର ପ୍ରସାଦ ତ୍ରିପାଠୀଙ୍କ ଉପସ୍ଥିତିରେ ଏହି କ୍ଲିନିକର ଉଦ୍‌ଘାଟନ ହୋଇଥିଲା।

ମଣ୍ଟେ କାର୍ଲୋ ପକ୍ଷରୁ ସ୍ପ୍ରିଙ୍ଗ୍‌ ସମର୍‌ କଲେକ୍ସନ୍‌

ମଣ୍ଟେ କାର୍ଲୋ ପକ୍ଷରୁ ସ୍ପ୍ରିଙ୍ଗ୍‌ ସମର୍‌ କଲେକ୍ସନ୍‌

ପୋଷାକ ବ୍ରାଣ୍ଡ୍‌ ମଣ୍ଟେ କାର୍ଲୋ ପକ୍ଷରୁ ଚଳିତବର୍ଷ ପାଇଁ ସ୍ପ୍ରିଙ୍ଗ୍‌ ସମର୍‌ କଲେକ୍ସନ୍‌ ୨୦୧୮ର ବଜାର ପ୍ରବେଶ କରାଯାଇଛି ା ଏଥିରେ ଗ୍ରାହକମାନେ ଅନ୍ତର୍ଜାତୀୟ ଫ୍ୟାଶନ୍‌ ଟ୍ରେଣ୍ଡ୍‌ର ପୋଷାକ ପାଇପାରିବେ। ଆକର୍ଷଣୀୟ ରଙ୍ଗ, ଡିଜାଇନ ଏବଂ ଅତ୍ୟନ୍ତ ନିପୁଣ ପିସ୍‌ ଏଥିରେ ରହିଛି।

ସାପ୍ତାହିକ ସମୀକ୍ଷା:ସେନ୍‌ସେକ୍ସରେ ୬୫୮ ପଏଣ୍ଟ ବୃଦ୍ଧି

ସାପ୍ତାହିକ ସମୀକ୍ଷା:ସେନ୍‌ସେକ୍ସରେ ୬୫୮ ପଏଣ୍ଟ ବୃଦ୍ଧି

ବମ୍ବେ,୭-୪ କ୍ରମାଗତ ଦ୍ୱିତୀୟ ସପ୍ତାହ ପାଇଁ ସେନ୍‌ସେକ୍ସରେ ବୃଦ୍ଧି ଘଟିଛି। ଏଇ ସପ୍ତାହରେ ବମ୍ବେ ଷ୍ଟକ୍‌ ଏକ୍ସଚେଞ୍ଜ୍‌ ସେନ୍‌ସେକ୍ସରେ ୬୫୮.୨୯ ପଏଣ୍ଟ ବୃଦ୍ଧି ଘଟିଛି। ଫଳରେ ଏହା ୩୩,୬୨୬.୯୭ ପଏଣ୍ଟରେ ବନ୍ଦ ହୋଇଛି। ଅନ୍ୟପକ୍ଷରେ, ନ୍ୟାଶ୍‌ନାଲ୍‌ ଷ୍ଟକ୍‌ ଏକ୍ସଚେଞ୍ଜ୍‌ ନିଫ୍‌ଟି ୧୦,୩୦୦ ପଏଣ୍ଟ୍‌ ସ୍ତରକୁ ପୁଣି ଥରେ ଫେରିଛି।

ଆଧାର ଲିଙ୍କ୍‌ ନାଁରେ ଆକାଉଣ୍ଟରୁ ୭୫ ହଜାର ଗାଏବ୍‌

ଆଧାର ଲିଙ୍କ୍‌ ନାଁରେ ଆକାଉଣ୍ଟରୁ ୭୫ ହଜାର ଗାଏବ୍‌

ଠାଣେ, ୭।୪: ସରକାର ବିଭିନ୍ନ ଯୋଜନା ପାଇଁ ଆଧାରକୁ ବାଧ୍ୟତାମୂଳକ କରିଥିବା ବେଳେ ଏହାକୁ ନେଇ ସାଧାରଣ ଲୋକେ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି। ଆଧାର ସଂଯୋଗ କରାଇଦେବା ନାଁରେ ମହାରାଷ୍ଟ୍ରର ଠାଣେସ୍ଥିତ ଜଣେ ବ୍ୟକ୍ତି ଠକାମିର ଶିକାର ହୋଇଛନ୍ତି।