ଅପରାଧ

ମାଲଗୋଦାମ ଅଞ୍ଚଳରେ ବ୍ୟବସାୟୀଙ୍କୁ ଖଣ୍ଡା ଚୋଟ ଘଟଣା: ହତ୍ୟା ଉଦ୍ୟମ ମାମଲା ରୁଜୁ କଲା ପୋଲିସ

ମାଲଗୋଦାମ ଅଞ୍ଚଳରେ ବ୍ୟବସାୟୀଙ୍କୁ ଖଣ୍ଡା ଚୋଟ ଘଟଣା: ହତ୍ୟା ଉଦ୍ୟମ ମାମଲା ରୁଜୁ କଲା ପୋଲିସ

କଟକ ଅଫିସ, ୧୭।୩- ମାଲଗୋଦାମ ଅଞ୍ଚଳରେ ଶନିବାର ବିଳମ୍ବିତ ରାତିରେ ଚିନି ବ୍ୟବସାୟୀ ଦାମୋଦର ଭଇଂଶଙ୍କାଙ୍କୁ କେତେଜଣ ଦୃର୍ବୃତ୍ତ ଖଣ୍ଡାରେ ଆକ୍ରମଣ କରିଥିଲେ। ରବିବାର ଦାମୋଦରଙ୍କ ପୁତୁରା ତନୁଜ ଏନେି ମାଲଗୋଦାମ ଥାନାରେ ଲିଖିତ ଅଭିଯୋଗ କରିଛନ୍ତି। ପୋଲିସ ଆଇପିସି ଦଫା ୩୦୭, ୩୨୪ରେ ଏକ ମାମଲା(୫୯/୧୯) ରୁଜୁ କରି ତଦନ୍ତ ଆରମ୍ଭ କରିଛି।

ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର, ସ୍ତ୍ରୀ ଆଣିଲେ ହତ୍ୟା ଅଭିଯୋଗ

ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର, ସ୍ତ୍ରୀ ଆଣିଲେ ହତ୍ୟା ଅଭିଯୋଗ

ସାକ୍ଷୀଗୋପାଳ,୧୭।୩(ଡି.ଏନ୍‌.ଏ.)- ପୁରୀ ଜିଲା ସତ୍ୟବାଦୀ ଥାନା ଅନ୍ତର୍ଗତ ବାସୁକେରା ଗ୍ରାମର ବନ୍ତେଶ୍ବର ମହାଦେବଙ୍କ ପୋଖରୀରୁ ସେହି ଗ୍ରାମର ସତ୍ୟପ୍ରିୟ ପ୍ରଧାନ (୪୭)ଙ୍କ ମୃତଦେହ ରବିବାର ମଧ୍ୟାହ୍ନରେ ଉଦ୍ଧାର କରାଯାଇଛି। 

ସିରିଜ ଲୁଟ୍‌ ଘଟଣାରେ ପୋଲିସ ହାତ ଖାଲି: ଭୟରେ ମର୍ନିଂ ଓ୍ବାକ୍‌ ଯାଉନାହାନ୍ତି ଲୋକେ, ୩ ଅଭିଯୁକ୍ତ ଚିହ୍ନଟ, ପୁରୁଣା ଅପରାଧୀ ସମ୍ପୃକ୍ତ

ସିରିଜ ଲୁଟ୍‌ ଘଟଣାରେ ପୋଲିସ ହାତ ଖାଲି: ଭୟରେ ମର୍ନିଂ ଓ୍ବାକ୍‌ ଯାଉନାହାନ୍ତି ଲୋକେ, ୩ ଅଭିଯୁକ୍ତ ଚିହ୍ନଟ, ପୁରୁଣା ଅପରାଧୀ ସମ୍ପୃକ୍ତ

ଭୁବନେଶ୍ୱର,୧୭ା୩(ବ୍ୟୁରୋ)- ଶୁକ୍ରବାର ଭୋର୍‌ ଚନ୍ଦ୍ରଶେଖରପୁର ଓ ନନ୍ଦନକାନନ ଥାନାଞ୍ଚଳରେ ସିରିଜ ଲୁଟ୍‌ ହୋଇଥିଲା। ଦୁଇଟି ବାଇକ୍‌ରେ ୫ଜଣ ଲୁଟେରା ରଘୁନାଥପୁର, ବିଡିଏ କଲୋନୀ ଓ ଶୈଳଶ୍ରୀବିହାରରେ ୫ ଲୁଟ୍‌ କରିବା ସହ ସେମାନଙ୍କ ଆକ୍ରମଣରେ ୪ଜଣ ଆହତ ହୋଇଥିଲେ। ତେବେ ଶୈଳଶ୍ରୀବିହାର ଫେଜ୍‌-୭ରେ ଲୁଟେରାମାନେ ଆତଙ୍କ ଖେଳାଇଥିଲେ।

୩ ଆନ୍ତଃରାଜ୍ୟ ଚୋରା କଇଁଛ ବେପାରୀ ଗିରଫ, ସାକ୍ଷୀଗୋପାଳରୁ କିଣି କଲିକତାରେ ବିକୁଥିଲେ

୩ ଆନ୍ତଃରାଜ୍ୟ ଚୋରା କଇଁଛ ବେପାରୀ ଗିରଫ, ସାକ୍ଷୀଗୋପାଳରୁ କିଣି କଲିକତାରେ ବିକୁଥିଲେ

ବାଲେଶ୍ୱର ଅଫିସ, ୧୭।୩-ବାଲେଶ୍ୱର ରେଳବାଇ ପୋଲିସ ଶନିବାର ରାତି ୨ଟା ବେଳେ ପୁରୀ-ସାନ୍ତରାଗାଚ୍ଛି ପାସେଞ୍ଜର ଟ୍ରେନ୍‌ରୁ ରୂପ୍‌ସା ନିକଟରେ ୪୫ଟି କଇଁଛ ଜବତ କରିଛି। ଏହି କାରବାରରେ ସମ୍ପୃକ୍ତ ୩ ଚୋରା ବେପାରୀଙ୍କୁ ଗିରଫ କରାଯାଇଛି। ରବିବାର ପୂର୍ବାହ୍ନରେ ସେମାନଙ୍କୁ ବନବିଭାଗ ଅଧିକାରୀଙ୍କ ହସ୍ତାନ୍ତର କରାଯାଇଥିଲା।

ସ୍ବାମୀଙ୍କ ଲାଠିମାଡ଼ରେ ସ୍ତ୍ରୀ ମୃତ

ସ୍ବାମୀଙ୍କ ଲାଠିମାଡ଼ରେ ସ୍ତ୍ରୀ ମୃତ

ସୁନ୍ଦରଗଡ଼,୧୭।୩(ଡି.ଏନ୍‌.ଏ): ସୁନ୍ଦରଗଡ଼ ସଦର ଥାନା ଅନ୍ତର୍ଗତ ବାରଗାଡ଼ ଗ୍ରାମରେ ଘରୋଇ କଳିକୁ କେନ୍ଦ୍ର କରି ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କୁ ଲାଠିରେ ପିଟିପିଟି ହତ୍ୟା କରିଛନ୍ତି। ମୃତା ମହିଳା ଜଣକ ହେଲେ ମାରତାଲିନ ସାମାଦ। 

ବୋଲେରୋ, ବାଇକ୍‌ ସହ    ୨୭୦ ଲିଟର ମଦ ଜବତ: ଜଣେ ଗିରଫ

ବୋଲେରୋ, ବାଇକ୍‌ ସହ ୨୭୦ ଲିଟର ମଦ ଜବତ: ଜଣେ ଗିରଫ

କାମାକ୍ଷାନଗର,୧୭।୩(ଡି.ଏନ୍‌.ଏ): ଢେଙ୍କାନାଳ ଜିଲା କାମାକ୍ଷାନଗର ଓ ପର୍ଜଙ୍ଗ ଅବକାରୀ ସ୍କ୍ବାଡ୍‌ ମିଳିତ ଭାବେ ଚଢ଼ାଉ କରି ରବିବାର ବୋଲେରୋ, ବାଇକ୍‌ ସହ    ୨୭୦ ଲିଟର ମଦ ଜବତ କରି ଜଣଙ୍କୁ ଗିରଫ କରିଛିି। ସେ ହେଲେ କାମାକ୍ଷାନଗର ମଢିସାହିର ସୁରେଶ ବେହେରା। 

କନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ବିଭାଗର ଚଢାଉ  କାର୍‌ ସହ ୨୦ଲକ୍ଷ ଟଙ୍କାର ବ୍ରାଉନସୁଗାର ଜବତ

କନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ବିଭାଗର ଚଢାଉ କାର୍‌ ସହ ୨୦ଲକ୍ଷ ଟଙ୍କାର ବ୍ରାଉନସୁଗାର ଜବତ

କଟକ ଅଫିସ,୧୭।୩: ଖୋର୍ଦ୍ଧାରୁ ପାରାଦୀକୁ ଚାଲାଣବେଳେ କଟକ ଲିଙ୍କରୋଡ୍‌ ଛକରୁ କେନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ବିଭାଗ ଏକ କାର୍‌ ସହ ୨୨୨ ଗ୍ରାମ ବ୍ରାଉନସୁଗାର ଜବତ କରିଛି। ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୨୦ଲକ୍ଷ ଟଙ୍କାରୁ ଊର୍ଦ୍ଧ୍ୱ ହେବ।

ଦୋଳାରେ ବୁହାହେଲେ ଗର୍ଭବତୀ, ରାସ୍ତାରେ ପ୍ରସବ

ଦୋଳାରେ ବୁହାହେଲେ ଗର୍ଭବତୀ, ରାସ୍ତାରେ ପ୍ରସବ

ପାତ୍ରପୁର,୧୬ା୩(ଡି.ଏନ୍‌.ଏ.)- ଗଞ୍ଜାମ ଜିଲା ପାତ୍ରପୁର ବ୍ଲକର ଦୁର୍ଗମ ପଞ୍ଚାୟତ ଆଙ୍କୁଲିରେ ପୁଣି ଜନନୀ ଯନ୍ତ୍ରଣା ଦେଖିବାକୁ ମିଳିଛି। ପାହାଡ ଉପରେ ଥିବା ଆଙ୍କୁଲି ପଞ୍ଚାୟତ ଫୁଲସାହି ଗ୍ରାମର ଜଣେ ଗର୍ଭବତୀଙ୍କୁ ପ୍ରସବ ପାଇଁ ପାତ୍ରପୁର ମେଡିକାଲକୁ ଦୋଳାରେ ଆଣୁଥିବାବେଳେ ଅଧାବାଟରେ ପ୍ରସବ ହୋଇଛି। ପରେ ମା’ ଶିଶୁ ପୁତ୍ରଙ୍କୁ ସେଠାରୁ ଗଁାକୁ ଫେରାଇ ନିଆଯାଇଥିବା ଜଣାପଡିଛି।

କୋମ୍ବିଂ ବେଳେ ମାଓବାଦୀ ସାମଗ୍ରୀ ଠାବ

କୋମ୍ବିଂ ବେଳେ ମାଓବାଦୀ ସାମଗ୍ରୀ ଠାବ

କୋଟଗଡ,୧୬।୩(ଡି.ଏନ୍‌.ଏ.)- କନ୍ଧମାଳ ଜିଲାରେ କୋମ୍ବିଂ ଅପରେଶନକୁ ଜୋରଦାର କରାଯାଇଛି। ଶନିବାର କୋଟଗଡ ବ୍ଲକ ସୁବର୍ଣ୍ଣଗିରି ରଢ଼ା ଓ ପାରିଗଡ ଜଙ୍ଗଲ ପାହାଡରେ ଯବାନମାନେ ଏକ ମାଓବାଦୀ କ୍ୟାମ୍ପ ଠାବ କରିଛନ୍ତି। ସେଠାରେ କେହି ନ ଥିବାବେଳେ ବହୁ ମାଓବାଦୀ ସାମଗ୍ରୀ ଜବତ କରାଯାଇଛି। ସେଥିମଧ୍ୟରେ ବିସ୍ଫୋରକ, ଟର୍ଚ୍ଚ, ମେଡିସିନ, ତାର, ଟିଫିନ ବୋମା ଆଦି ରହିଛି। ପାରିପାର୍ଶ୍ୱିକ ପରିସ୍ଥିତିକୁ ଲକ୍ଷ୍ୟକଲେ କୋମ୍ବିଂ ଅପରେଶନର ସୁରାକ ପାଇ ମାଓବାଦୀମାନେ ଛତ୍ରଭଙ୍ଗ ଦେଇଥିବା ଅନୁମାନ କରାଯାଉଛି। ସୂଚନାଯୋଗ୍ୟ, ଗତ ୧୩ ତାରିଖରେ ତୁମୁଡିବନ୍ଧ ଅଞ୍ଚଳର ଲିଙ୍ଗରମାହା ଜଙ୍ଗଲରେ କୋମ୍ବିଂ ଅପରେଶନବେଳେ ଯବାନ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଏଥିରେ ଜଣେ ମହିଳା ମାଓବାଦୀଙ୍କ ମୃତ୍ୟୁ ହୋଇଥିବାବେଳେ ଘଟଣାସ୍ଥଳରୁ ୪ ବନ୍ଧୁକ ସମେତ ଔଷଧ ଏବଂ ବହୁ ମାଓବାଦୀ ସାମଗ୍ରୀ ଜବତ ହୋଇଥିଲା।

ସାରଙ୍ଗଗଡ଼, ବଣ୍ଡଗୁଡ଼ାରେ କାଳବୈଶାଖୀ

ସାରଙ୍ଗଗଡ଼, ବଣ୍ଡଗୁଡ଼ାରେ କାଳବୈଶାଖୀ

କ.ନୂଆଗଁ।,୧୬।୩: କନ୍ଧମାଳ ଜିଲା କ.ନୂଆଗଁା ବ୍ଲକର ସାରଙ୍ଗଗଡ଼ ଓ ବଣ୍ଡଗୁଡ଼ା ପଞ୍ଚାୟତରେ ଶନିବାର ସନ୍ଧ୍ୟାରେ କାଳବୈଶାଖୀ ପ୍ରଭାବରେ ପ୍ରବଳ ବର୍ଷାପବନ ସହ କୁଆପଥର ବୃଷ୍ଟି ହୋଇଛି। ୨ଘଣ୍ଟା ଧରି କୁଆପଥର ବୃଷ୍ଟି ଯୋଗୁ ଅଞ୍ଚଳରେ ବ୍ୟାପକ ପରିବା ଫସଲ ନଷ୍ଟ ହୋଇଛି। ରାତି ହୋଇଯାଇଥିବାରୁ କ୍ଷୟକ୍ଷତି ନେଇ ଠିକ୍‌ ସୂଚନା ମିଳି ନାହିଁ।

ବଡ଼ଗାଁର ବିଭିନ୍ନ ଦୋକାନରୁ ଚୋରି

ବଡ଼ଗାଁର ବିଭିନ୍ନ ଦୋକାନରୁ ଚୋରି

ବଡ଼ଗାଁ, ୧୬।୩ (ଡି.ଏନ.ଏ): ବଡ଼ଗାଁ ନିକଟ ସରବତୀ ଦେବୀ ବାଳିକା ଊଚ୍ଚ ବିଦ୍ୟାଳୟ ସମ୍ମୁଖ ମାର୍କେଟ କମ୍ପ୍ଲେକ୍ସର ବିଭିନ୍ନ ଦୋକାନରୁ ଚୋରି ହୋଇଛି। 

କକାପୁଅ ଭାଇଙ୍କୁ ହତ୍ୟା ମାମଲା: ଅଭିଯୁକ୍ତଙ୍କୁ  ଆଜୀବନ କାରାଦଣ୍ଡାଦେଶ

କକାପୁଅ ଭାଇଙ୍କୁ ହତ୍ୟା ମାମଲା: ଅଭିଯୁକ୍ତଙ୍କୁ ଆଜୀବନ କାରାଦଣ୍ଡାଦେଶ

ଚମ୍ପୁଆ, ୧୬ା୩ (ଡି.ଏନ.ଏ.): କେନ୍ଦୁଝର ଜିଲା ଚମ୍ପୁଆ ଅତିରିକ୍ତ ଜିଲା ଦୌରାଜଜ୍‌ ଦଳଗୋବିନ୍ଦ ବାରିକ ଏକ ହତ୍ୟା ମାମଲାର ବିଚାର କରି  ଅଭିଯୁକ୍ତ ମଙ୍ଗଲ ମୁଣ୍ଡାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି।

୧୦ ହଜାର ଲିଟର ପୋଚ ନଷ୍ଟ

୧୦ ହଜାର ଲିଟର ପୋଚ ନଷ୍ଟ

ବେଗୁନିଆପଡା,୧୬।୩(ଡି.ଏନ୍‌.ଏ.)- ଆଗକୁ ସାଧାରଣ ର୍ନିବାଚନ ଥିବାବେଳେ ବେଗୁନିଆପଡା ପୋଲିସ ପକ୍ଷରୁ ମଦ ଧରପଗଡ ଅଭିଯାନ ଜୋରଦାର କରାଯାଇଛି। କୌଣସି ସୂତ୍ରରୁ ଖବର ପାଇ ଶନିବାର ବେଗୁନିଆପଡା ଫାଣ୍ଡି ଅଞ୍ଚଳର ଚନ୍ଦନପୁର ନିକଟସ୍ଥ ଏକ ଜଙ୍ଗଲରେ ଦେଶୀମଦ ପ୍ରସ୍ତୁତି ପାଇଁ ଥିବା ୧୦ହଜାର ଲିଟର ପୋଚ ନଷ୍ଟ କରିଛି। ଏଥିସହ ମଦ ପ୍ରସ୍ତୁତି ସରଞ୍ଜାମ ମଧ୍ୟ ନଷ୍ଟ ହୋଇଛି। କୋଦଳା ଫାଣ୍ଡି ଅଧିକାରୀ ଦୀପ୍ତି ରଞ୍ଜନ ବେହେରାଙ୍କ ନେତୃତ୍ୱରେ ପୋଲିସ ଟିମ ଏହି ଚଢାଉ କରିଥିଲା। ମାତ୍ର ଏନେଇ କାହାରିକୁ ଗିରଫ କରାଯାଇ ନ ଥିବା ପୋଲିସ ସୂଚନା ଦେଇଛି।

ଗଛରୁ ପଡି ମହିଳାଙ୍କ ମୃତ୍ୟୁ

ଗଛରୁ ପଡି ମହିଳାଙ୍କ ମୃତ୍ୟୁ

ବେଗୁନିଆପଡା,୧୬।୩(ଡି.ଏନ୍‌.ଏ.)- ବେଗୁନିଆପଡା ବ୍ଲକ ବଡଖଇରଖମା ପଞ୍ଚାୟତ ଗୁଞ୍ଜବଳା ଗ୍ରାମର ଜଣେ ମହିଳା କଇଁଆ ଗଛରୁ ପଡି ମୃତ୍ୟୁବରଣ କରିଛନ୍ତି। ସେ ହେଲେ ମିନି ରାଉତ (୪୫)। ଶନିବାର ଅପରାହ୍ନରେ ନିଜ ଜମିରେ ଥିବା କଇଁଆଗଛକୁ ଚଢିଥିବାବେଳେ ଗୋଡ ଖସିଯିବାରୁ ଖସିପଡିଥିଲେ। ତାଙ୍କୁ ତୁରନ୍ତ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ଡାକ୍ତର ମିନିଙ୍କୁ ମୃତ ଘୋଷଣା କରିଥିଲେ।

ଭୁବନ ଅଞ୍ଚଳରୁ ବେଆଇନ ବାଲି ବୋଝେଇ ଟ୍ରାକ୍ଟର ଜବତ, ଡ୍ରାଇଭର ଫେରାର

ଭୁବନ ଅଞ୍ଚଳରୁ ବେଆଇନ ବାଲି ବୋଝେଇ ଟ୍ରାକ୍ଟର ଜବତ, ଡ୍ରାଇଭର ଫେରାର

ଭୁବନ, ୧୬।୩(ଡି.ଏନ୍‌.ଏ.): ଢେଙ୍କାନାଳ ଜିଲା ଭୁବନ ତହସିଲଦାର ଶକ୍ତିକାନ୍ତ ରାୟ ଶନିବାର ସକାଳେ ନୂଆ ଭୁବନ ଅଞ୍ଚଳରୁ ଏକ ବେଆଇନ ବାଲି ବୋଝେଇ ଟ୍ରାକ୍ଟର ଜବତ କରିଛନ୍ତି । 

ଏଟିଏମ୍‌ରୁ ଟଙ୍କା ଚୋରି ଉଦ୍ୟମ କରି ବିଫଳ ହେଲେ ଦୁର୍ବୃତ୍ତ

ଏଟିଏମ୍‌ରୁ ଟଙ୍କା ଚୋରି ଉଦ୍ୟମ କରି ବିଫଳ ହେଲେ ଦୁର୍ବୃତ୍ତ

କେନ୍ଦୁଝର, ୧୬।୩(ସ୍ବ.ପ୍ର.): କେନ୍ଦୁଝର ଟାଉନ ବନିଆପାଟସ୍ଥିତ ଷ୍ଟେଟ୍‌ବ୍ୟାଙ୍କ ଅଫ ଇଣ୍ଡିଆ ଏଟିଏମ୍‌ରୁ ଶନିବାର ରାତିରେ ଦୁର୍ବୃତ୍ତମାନେ ଚୋରି ଉଦ୍ୟମକରି ବିଫଳ ହୋଇଛନ୍ତି।

ସାଇକେଲରେ ଟଙ୍କା ବ୍ୟାଗ ଟାଙ୍ଗି ଦୋକାନକୁ ଯିବା ସମୟରେ ୮୫ ହଜାର ଚୋରିକଲେ ଦୁର୍ବୃତ୍ତ

ସାଇକେଲରେ ଟଙ୍କା ବ୍ୟାଗ ଟାଙ୍ଗି ଦୋକାନକୁ ଯିବା ସମୟରେ ୮୫ ହଜାର ଚୋରିକଲେ ଦୁର୍ବୃତ୍ତ

ପଟ୍ଟାମୁଣ୍ତାଇ,୧୬।୩(ସ୍ବ.ପ୍ର.): କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ବ୍ଲକ ମହାବୀର ବଜାରରୁ ଶନିବାର ଜଣେ ଅବସରପ୍ରାପ୍ତ ଶିକ୍ଷକଙ୍କ ୮୫ ହଜାର ଟଙ୍କା ଚୋରି ହୋଇଛି। 

ରାଜଧାନୀରେ ଥମୁନି ଚୋରା ନିଶା କାରବାର: ସାଲିଆ ସାହି ବସ୍ତିରୁ ୫ଲକ୍ଷ ଟଙ୍କାର ରନ୍ଧା ମଦ ଜବତ, ୫ ଗିରଫ

ରାଜଧାନୀରେ ଥମୁନି ଚୋରା ନିଶା କାରବାର: ସାଲିଆ ସାହି ବସ୍ତିରୁ ୫ଲକ୍ଷ ଟଙ୍କାର ରନ୍ଧା ମଦ ଜବତ, ୫ ଗିରଫ

କଟକରୋଡ,୧୬।୩(ଡି.ଏନ୍‌.ଏ.): ରାଜଧାନୀରେ ଚୋରା ନିଶା କାରବାର ବଢ଼ିବାରେ ଲାଗିଛି। ଅବକାରୀ ବିଭାଗ ପକ୍ଷରୁ ଅନେକ ଥର ଚଢ଼ାଉ କରାଯାଉଥିଲେ ସୁଦ୍ଧା ଏହା ଥମିବାର ନାଁ ନେଉନାହିଁ।

ରାଜଧାନୀରେ ଲୁଟେରାଙ୍କ ଆତଙ୍କ: ମର୍ଣ୍ଣିଂ ଓ୍ବାକ୍‌ରେ ଯାଉଥିବା ଲୋକଙ୍କୁ ଟାର୍ଗେଟ; ୫ ସ୍ଥାନରୁ ଲୁଟ୍‌; ଦିନରେ ବୁଲିଲା ଖଣ୍ଡା, ଭୁଜାଲି

ରାଜଧାନୀରେ ଲୁଟେରାଙ୍କ ଆତଙ୍କ: ମର୍ଣ୍ଣିଂ ଓ୍ବାକ୍‌ରେ ଯାଉଥିବା ଲୋକଙ୍କୁ ଟାର୍ଗେଟ; ୫ ସ୍ଥାନରୁ ଲୁଟ୍‌; ଦିନରେ ବୁଲିଲା ଖଣ୍ଡା, ଭୁଜାଲି

ଭୁବନେଶ୍ୱର,୧୬।୩ (ବ୍ୟୁରୋ)- କମିଶନରେଟ ପୋଲିସକୁ ଆଉ ଡରୁ ନାହାନ୍ତି ଅପରାଧୀ। ରାଜଧାନୀରେ ସକ୍ରିୟ ହୋଇଉଠିଛନ୍ତି ଏକାଧିକ ଲୁଟେରା ଗ୍ୟାଙ୍ଗ୍‌। ଶୁକ୍ରବାର ଚନ୍ଦ୍ରଶେଖରପୁର ଓ ନନ୍ଦନକାନନ ଥାନାଞ୍ଚଳରେ ଗ୍ୟାଙ୍ଗ୍‌ ସଦସ୍ୟମାନେ ଅଧଘଣ୍ଟା ଧରି ଆତଙ୍କ ଖେଳାଇଛନ୍ତି। ଖଣ୍ଡା, ଭୁଜାଲିରେ ହାଣିବା ସହ ବନ୍ଧୁକ ଦେଖାଇ ୫ ସ୍ଥାନରୁ ଲୁଟ୍‌ କରିଛନ୍ତି।

ରାଜଧାନୀରୁ ଅପହରଣ, ହିମାଞ୍ଚଳ ପ୍ରଦେଶରେ ବିକ୍ରି ଉଦ୍ୟମ; ଖସି ଆସିଲେ ନାବାଳିକା, ୮ ମାସ ଧରି ବଳାତ୍କାର କରିଛନ୍ତି ଅଭିଯୁକ୍ତ

ରାଜଧାନୀରୁ ଅପହରଣ, ହିମାଞ୍ଚଳ ପ୍ରଦେଶରେ ବିକ୍ରି ଉଦ୍ୟମ; ଖସି ଆସିଲେ ନାବାଳିକା, ୮ ମାସ ଧରି ବଳାତ୍କାର କରିଛନ୍ତି ଅଭିଯୁକ୍ତ

ଭୁବନେଶ୍ୱର,୧୬।୩ (ବ୍ୟୁରୋ)- ନୟାପଲ୍ଲୀ ଥାନା ଅନ୍ତର୍ଗତ ସାଲିଆସାହିର ଜଣେ ନାବାଳିକାଙ୍କୁ ଜଣେ ଯୁବକ ଅପହରଣ କରି ନେବାପରେ ହିମାଚଳ ପ୍ରଦେଶରେ ୮ମାସ ଧରି ବଳାତ୍କାର  କରିଛନ୍ତି। ପରେ ତାଙ୍କୁ ବିକ୍ରି କରିଦେବାକୁ ଯୋଜନା ହେଉଥିବା ଜାଣିବା ପରେ ନାବାଳିକା ଜଣକ କୌଶଳକ୍ରମେ ସେଠାରୁ ଖସି ଆସିଛନ୍ତି। 

ଧରାପଡ଼ିଲା ଗୁଡ୍‌ ନ୍ୟୁଜ୍‌ ଇଣ୍ଡିଆର ଚାଲବାଜି: ସିଲ୍‌ ସତ୍ତ୍ୱେ ଅନ୍ୟ ଏକ ଘରେ ଚାଲିଥିଲା ଶେଲ୍‌ଟର ହୋମ୍‌; ୪୨ ପିଲା ଉଦ୍ଧାର

ଧରାପଡ଼ିଲା ଗୁଡ୍‌ ନ୍ୟୁଜ୍‌ ଇଣ୍ଡିଆର ଚାଲବାଜି: ସିଲ୍‌ ସତ୍ତ୍ୱେ ଅନ୍ୟ ଏକ ଘରେ ଚାଲିଥିଲା ଶେଲ୍‌ଟର ହୋମ୍‌; ୪୨ ପିଲା ଉଦ୍ଧାର

କଟକ ଅଫିସ/ ଚୌଦ୍ୱାର, ୧୬।୩(ଡି.ଏନ୍‌.ଏ.) - ଯୌନ କେଳେଙ୍କାରୀ ଘଟଣାକୁ ନେଇ ଚର୍ଚ୍ଚାରେ ରହିଥିବା ଗୁଡ୍‌ ନ୍ୟୁଜ୍‌ ଇଣ୍ଡିଆ ଶେଲ୍‌ଟର ହୋମ୍‌ର ଆଉ ଏକ ଚାଲ୍‌ବାଜି ଧରାପଡିଛି। ଚୌଦ୍ୱାରଠାରେ ଥିବା ସଂସ୍ଥାର ଏକ ଶାଖା ସିଲ୍‌ ସତ୍ତ୍ୱେ ଅନ୍ୟ ଏକ ଘରେ ଶେଲ୍‌ଟର ହୋମ୍‌ ଚାଲିଛି। ଶୁକ୍ରବାର ଜିଲା ଶିଶୁ ମଙ୍ଗଳ କମିଟି ଓ ଜିଲା ଶିଶୁ ସୁରକ୍ଷା ୟୁନିଟ୍‌ ସେଠାରେ ଚଢ଼ାଉ କରି  ୪୨ଜଣଙ୍କୁ ଉଦ୍ଧାର କରିଛି। 

୪ କଲରାପତରିଆ ବାଘ ଚମଡ଼ା ଜବତ, ୭ ଶିକାରୀ ଗିରଫ

ଭୁବନେଶ୍ୱର,୧୬।୩(ବ୍ୟୁରୋ)- କ୍ରାଇମବ୍ରାଞ୍ଚର ସ୍ପେଶାଲ ଟ୍ୟାକ୍ସ ଫୋର୍ସ(ଏସ୍‌ଟିଏଫ୍‌) ସମ୍ବଲପୁରର କୁଚିଣ୍ଡାଠାରେ ଚଢ଼ାଉ କରି ୪ କଲରାପତରିଆ ବାଘ ଚମଡ଼ା ଜବତ କରିଛି। ଏହାସହ ଏଥିରେ ସମ୍ପୃକ୍ତ ଥିବା ୭ଜଣ ଶିକାରୀଙ୍କୁ ଗିରଫ କରାଯାଇଛି। ଶନିବାର ସେମାନଙ୍କୁ କୋର୍ଟଚାଲାଣ କରାଯିବ।

ଦମ୍ପତିଙ୍କୁ ଆକ୍ରମଣ ମାମଲା: ଅଭିଯୁକ୍ତଙ୍କୁ ଜେଲ

ଦମ୍ପତିଙ୍କୁ ଆକ୍ରମଣ ମାମଲା: ଅଭିଯୁକ୍ତଙ୍କୁ ଜେଲ

ଛତ୍ରପୁର,୧୫।୩(ଡି.ଏନ.ଏ.)-ଛତ୍ରପୁର ଥାନା ବଡମାଧପୁର ଗାଁରେ ଦମ୍ପତିଙ୍କୁ ଆକ୍ରମଣ ଓ ତାଙ୍କ ଘରେ ପଶି ଭଙ୍ଗାରୁଜା କରିବା ମାମଲାର ମୁଖ୍ୟ ଅଭିଯୁକ୍ତ ୬ ମାସ କାରାଦଣ୍ଡରେ ଦଣ୍ଡିତ ହୋଇଛନ୍ତି। ଛତ୍ରପୁର ଥାନା ବଡମାଧପୁର ଗାଁର ଏନ୍‌. କ୍ରିଷ୍ଣା ରେଡ୍ଡୀ। ଛତ୍ରପୁର ସବ୍‌ଡିଭିଜନାଲ ବିଚାର ବିଭାଗୀୟ ମାଜିଷ୍ଟ୍ରେଟ ଜୟ ପ୍ରକାଶ ନାୟକ ଦଣ୍ଡାଦେଶ ଶୁଣାଇଛନ୍ତି।

ପାଣି ପମ୍ପ ଚୋରି ଅଭିଯୋଗରେ ୩ ଗିରଫ

ପାଣି ପମ୍ପ ଚୋରି ଅଭିଯୋଗରେ ୩ ଗିରଫ

ବଇଣ୍ଡା,୧୫।୩(ଡି.ଏନ.ଏ)- କିଶୋରନଗର ଥାନାର ବିଭିନ୍ନ ଗ୍ରାମରେ ଖୋଲାକୂଅ ଗୁଡ଼ିକରେ ଲାଗିଥିବା  ପାଣି  ପମ୍ପ ଚୋରିର ଏକ ର଼୍ୟାକେଟକୁ  ଶୁକ୍ରବାର କିଶୋରନଗର ପୋଲିସ ଧରିଛି।